ചെ​ങ്ങ​ന്നൂ​ര്‍: മാ​ര്‍​ത്തോ​മ്മ സ​ഭ ചെ​ങ്ങ​ന്നൂ​ര്‍ - മാ​വേ​ലി​ക്ക​ര ഭ​ദ്രാ​സ​ന​ത്തി​ന് 2025-26 വ​ര്‍​ഷ​ത്തേ​ക്ക് 11,51,14,886 വ​ര​വും 7,51,81,500 ചെ​ല​വും ഉ​ള്ള ബ​ജ​റ്റ് ഭ​ദ്രാ​സ​ന ട്ര​ഷ​റര്‍​ ജോ​ജി ചെ​റി​യാ​ന്‍ അ​വ​ത​രി​പ്പി​ച്ചു.

ഭ​ദ്രാ​സ​ന അ​ധ്യ​ക്ഷ​ന്‍ ഡോ. ​യു​യാ​ക്കിം മാ​ര്‍ കൂ​റി​ലോ​സ് സ​ഫ്ര​ഗ​ന്‍ മെ​ത്രാ​പ്പോ​ലീ​ത്ത​യു​ടെ അ​ധ്യ​ക്ഷ​ത​യി​ല്‍ ചേ​ര്‍​ന്ന ഭ​ദ്രാ​സ​ന അ​സം​ബ്ലി യോ​ഗ​ത്തി​ല്‍ ഭ​ദ്രാ​സ​ന സെ​ക്ര​ട്ട​റി റ​വ. തോ​മ​സ് സ​ഖ​റി​യ 2024-25 വ​ര്‍​ഷ​ത്തെ വാ​ര്‍​ഷി​ക റി​പ്പോ​ര്‍​ട്ടും ക​ണ​ക്കും ബാ​ല​ന്‍​സ് ഷീ​റ്റും അ​വ​ത​രി​പ്പി​ച്ചു.

കു​ഴി​ക്കാ​ല​യി​ൽ ‌ആ​രം​ഭി​ക്കു​ന്ന മാ​ന​സി​ക വെ​ല്ലു​വി​ളി നേ​രി​ടു​ന്ന സ്ത്രീ​ക​ളു​ടെ പു​ന​രി​ധി​വാ​സ കേ​ന്ദ്ര​ത്തി​ന് ഒ​രു കോ​ടി​യും പു​ത്ത​ന്‍​കാ​വ് അ​സ​ന്‍​ഷ​ന്‍ പാ​ലി​യേ​റ്റീ​വ് ഹോമിന് അ​മ്പ​തു ല​ക്ഷ​വും ക​ല്ലി​ന്മേ​ല്‍ ആ​രം​ഭി​ക്കു​ന്ന ഭി​ന്ന​ശേ​ഷി​ക്കാ​രു​ടെ പു​ന​ര​ധി​വാ​സ​പ​ദ്ധ​തി​ക്ക് അ​മ്പ​തു ല​ക്ഷ​വും സൗ​ജ​ന്യ ഡ​യാ​ലി​സി​സ് പ​ദ്ധ​തി​ക്ക് ഇ​രു​പ​തു ല​ക്ഷ​വും

ഇ​ല​ക്ട്രോ​ണി​ക് മാ​ധ്യ​മ ല​ഹ​രിനി​ർ​മാ​ർ​ജ​ന പ​ദ്ധ​തി​യാ​യി പെ​ണ്ണു​ക്ക​ര​യി​ല്‍ പു​തു​താ​യി ആ​രം​ഭി​ച്ച ശ്ലോ​മോ കേ​ന്ദ്ര​ത്തി​ന് 25 ല​ക്ഷ​വും ആ​റാ​ട്ടു​പു​ഴ ത​രം​ഗം മി​ഷ​ന്‍ ആ​ക്‌ഷ​ന്‍ സെ​ന്‍റ​റി​ന് 20 ല​ക്ഷ​വും ഹ​രി​പ്പാ​ട് കാ​വ​ല്‍, തു​മ്പ​മ​ണ്‍ ശ്ര​യ​സ്, കി​ട​ങ്ങ​ന്നൂ​ര്‍ ന​വ​ദ​ര്‍​ശ​ന്‍ എ​ന്ന പ​ദ്ധ​തി​ക്ക് അ​ഞ്ചു ല​ക്ഷം രൂ​പാ വീ​ത​വും വ​ക​യി​രു​ത്തി.

ജോ​സ് തോ​മ​സ്, റ​വ. ഡോ. ​ജോ​ണ്‍ ജോ​ര്‍​ജ്, ഡോ. ​വ​ര്‍​ഗീ​സ് ഉ​മ്മ​ന്‍, കെ. ​കെ. ജോ​ര്‍​ജ്, പ്ര​ഫ. ഷി​നു കോ​ശി, റ​വ. റ​നി കെ. ​ഏ​ബ്ര​ഹാം എ​ന്നി​വ​ര്‍ അ​വ​ത​രി​പ്പി​ച്ചു. റ​വ. ഈ​പ്പ​ന്‍ മാ​ത്യു ധ്യാ​ന പ്ര​സം​ഗം ന​ട​ത്തി.