ആ​ലു​വ: പൊ​തു​ജ​ന​ങ്ങ​ളേ​യും വി​ദ്യാ​ർ​ഥി​ക​ളേ​യും വ​ല​ച്ച് ആ​ലു​വ റെ​യി​ൽ​വേ മേ​ൽ​പ്പാ​ലം അ​ഞ്ച് മാ​സ​മാ​യി അ​ട​ഞ്ഞു​ത​ന്നെ. ഒ​രു മാ​സം കൊ​ണ്ട് അ​റ്റ​കു​റ്റ​പ്പ​ണി ന​ട​ത്തി തു​റ​ന്ന് കൊ​ടു​ക്കു​മെ​ന്ന് റെ​യി​ൽ​വേ ഉ​റ​പ്പു ന​ൽ​കി​യ പ​ദ്ധ​തി​യാ​ണ് ഒ​ന്നും ന​ട​ത്താ​തെ ജ​ന​ങ്ങ​ളെ ക​ഷ്ട​പ്പെ​ടു​ത്തു​ന്ന​ത്.
മി​നി​സി​വി​ൽ സ്‌​റ്റേ​ഷ​ൻ, ബോ​യ്സ് ഹ​യ​ർ സെ​ക്കൻഡ​റി സ്കൂ​ൾ, ടെ​ക്നി​ക്ക​ൽ സ്കൂ​ൾ, നേ​ത്രാ​ശു​പ​ത്രി എ​ന്നി​വി​ട​ങ്ങ​ളി​ലേ​ക്ക് പോ​കേ​ണ്ട ആ​വ​ശ്യ​ക്കാ​രാ​ണ് ദു​രി​ത​ത്തി​ലാ​യി​രി​ക്കു​ന്ന​ത്.

കെഎ​സ്ആ​ർടിസി ബ​സ് സ്റ്റാ​ൻ​ഡി​ന് മു​ന്നി​ൽ നി​ന്ന് റെ​യി​ൽ​വേ സ്‌​റ്റേ​ഷ​ന് മു​ക​ളി​ലൂ​ടെ​യു​ള്ള ഈ ​മേ​ൽ​പ്പാ​ലം ക​ട​ന്നാ​ൽ ഈ ​സ്ഥാ​പ​ന​ങ്ങ​ളി​ലേ​ക്ക് എ​ത്താ​നാ​കും. ഇ​പ്പോ​ൾ 70 രൂ​പ വ​രെ ഓ​ട്ടോ​റി​ക്ഷ ചാ​ർ​ജ് ന​ൽ​കി​യാ​ണ് പ​ല​രും യാ​ത്ര ചെ​യ്യു​ന്ന​ത്.

ര​ണ്ട് കി​ലോ​മീ​റ്റ​ർ ചു​റ്റി വ​രാ​നു​ള്ള ബു​ദ്ധി​മു​ട്ട് കാ​ര​ണം വി​ദ്യാ​ർ​ഥി​ക​ൾ ആ​ലു​വ റെ​യി​ൽവേ ​സ്റ്റേ​ഷ​നി​ൽ റെ​യി​ൽ​വേ പാ​ളം മ​റി​ക​ട​ന്ന് വ​രു​ന്ന​താ​യി അ​ധ്യാ​പ​ക​ർ പ​റ​ഞ്ഞു. ക​ഴി​ഞ്ഞ ദി​വ​സം രാ​ത്രി റെ​യി​ൽ​വേ പാ​ള​ത്തി​ലൂ​ടെ ന​ട​ന്ന യു​വാ​വി​നെ ക​ത്തി കാ​ണി​ച്ച് പ​ണം ത​ട്ടി​യെ​ടുത്ത സംഭവ വുമുണ്ടായി.

മു​ന്ന​റി​യി​പ്പി​ല്ലാ​തെ അ​റ്റ​കു​റ്റ​പ്പ​ണി​ക്കാ​യി ക​ഴി​ഞ്ഞ ന​വം​ബ​റി​ലാ​ണ് ന​ട​പ്പാ​ലം റെ​യി​ൽ​വേ അ​ധി​കൃ​ത​ർ അ​ട​ച്ച​ത് ഫെ​ബ്രു​വ​രി 26 ലെ ​ശി​വ​രാ​ത്രി​ക്ക് മു​മ്പേ അ​റ്റ​കു​റ്റ​പ്പ​ണി തീ​രു​മെ​ന്ന് ക​രു​തി​യെ​ങ്കി​ലും പൂ​ർ​ത്തി​യാ​യി​ല്ല.

എ​ത്ര​യും വേ​ഗം അ​റ്റ​കു​റ്റ​പ​ണി​ക​ൾ പൂ​ർ​ത്തി​യാ​ക്കി ഫു​ട് ഓ​വ​ർ​ബ്രി​ഡ്‌​ജ് തു​റ​ന്നു ന​ൽ​ക​ണ​മെ​ന്ന് റെ​യി​ൽ​വേ​യോ​ട് ആ​ലു​വ താ​ലൂ​ക്ക് വി​ക​സ​ന സ​മി​തി​യും ആ​വ​ശ്യ​പ്പെ​ട്ട​താ​ണ്.