ചി​റ്റൂ​ർ: ന​ല്ലേ​പ്പി​ള്ളി​ൽ ഒ​ന്നാം​വി​ള കൊ​യ്ത്തി​നു തു​ട​ക്ക​മാ​യി. മൂ​പ്പുകു​റ​ഞ്ഞ വി​ത്തി​ന​മാ​യ ടി​പി​എ​സ് - 5 ഇ​നം നെ​ൽ​ച്ചെ​ടി​ക​ളാ​ണ് വി​ള​വെ​ടു​പ്പി​നു പാ​ക​മാ​യ​ത്. 120 ദി​വ​സം മൂ​പ്പു​ള്ള വി​ത്തി​നം ഞാ​റു​പാ​കി 25 ദി​വ​സ​ത്തി​നു​ള്ളി​ൽ പ​റി​ച്ചുന​ടീ​ൽ ക​ഴി​ഞ്ഞ​താ​ണ് കൊ​യ്ത്തി​നു പാ​ക​മാ​യ​ത്. മ​ഴ ഇ​ട​വി​ട്ടു​നി​ന്ന​തു കൊ​യ്ത്തി​നും നെ​ല്ല് ഉ​ണ​ക്കാ​നും അ​നു​ഗ്ര​ഹ​മാ​യി. മൂ​പ്പുകൂ​ടി​യ വി​ത്തി​ന​മാ​യ ഉ​മ, ഭ​ദ്ര തു​ട​ങ്ങി​യ വി​ത്തി​ന​ങ്ങ​ളേ​ക്കാ​ൾ ഒ​രു​മാ​സം മൂ​പ്പ് കു​റ​വാ​ണ് ടി​പി​എ​സ് 5 ന് ​മ​റ്റു​ള്ള വി​ത്തി​നെക്കാ​ൾ കൃ​ഷി​ച്ചെ​ല​വും കു​റ​വാ​ണ്. കൊ​യ്ത്തുക​ഴി​ഞ്ഞ പാ​ട​ങ്ങ​ളി​ൽ വെ​ള്ളം ഇ​റ​ക്കി ഉ​ഴു​തു​മ​റി​ച്ച് കൊ​ഴി​ഞ്ഞു​വീ​ണ നെ​ല്ല് മു​ള​ച്ച​തി​നുശേ​ഷം ഒ​ക്ടോ​ബ​ർ 10 - 12 നു​ള്ളി​ൽ ര​ണ്ടാം​വി​ള​യ്ക്കു ഞാ​റ്റ​ടി ത​യാ​റാ​ക്ക​ണം.

ക​ഴി​ഞ്ഞ ഒ​ന്നാം​വി​ള വി​ത്തി​റ​ക്ക​ൽമു​ത​ൽ പ്ര​തി​സ​ന്ധി​യി​ലാ​ണ് ക​ർ​ഷ​ക​ർ. മ​ഴ​മൂ​ലം ഞാ​റ്റ​ടി ന​ശി​ക്ക​ൽ, വീ​ണ്ടും ഞാ​റ്റ​ടി ത​യാറാ​ക്ക​ൽ, പ​ന്നി​ശ​ല്യം, ന​ടീ​ൽ ക​ഴി​ഞ്ഞ​തി​നുശേ​ഷം പ​ന്നി​ശ​ല്യം, ക​ള​ശ​ല്യം, ചാ​ഴി​ശ​ല്യം, ക​തി​രാ​യ ശേ​ഷ​വും പ​ന്നി​ശ​ല്യം, കീ​ട​രോ​ഗ​ബാ​ധ തു​ട​ങ്ങി​യ​വ​യെ പ്ര​തി​രോ​ധി​ച്ചാ​ണ് നെ​ൽ​ക​ർ​ഷ​ക​ർ വി​ള​യി​റ​ക്കു​ന്ന​ത്. രാ​സ​വ​ള​ത്തി​ന്‍റെ വി​ല​ക്ക​യ​റ്റ​വും പ്ര​തി​സ​ന്ധി​യി​ലാ​ക്കി​യെ​ന്ന് ന​ല്ലേ​പ്പി​ള്ളി​യി​ലെ നെ​ൽ​ക​ർ​ഷ​ക​നും ന​രി​ചി​റ പാ​ട​ശേ​ഖ​ര​സ​മി​തി സെ​ക്ര​ട്ട​റി​യു​മാ​യ വി. ​രാ​ജ​ൻ അ​റി​യി​ച്ചു.