ന്യൂ​ഡ​ൽ​ഹി: 2008ലെ ​മും​ബൈ ഭീ​ക​രാ​ക്ര​മ​ണ​ത്തി​നു ശേ​ഷം ഇ​ന്ത്യ എ​ന്തു​കൊ​ണ്ട് പാ​ക്കി​സ്ഥാ​നെ ആ​ക്ര​മി​ച്ചി​ല്ലെ​ന്ന​തു വെ​ളി​പ്പെ​ടു​ത്തി മു​ൻ കേ​ന്ദ്ര ആ​ഭ്യ​ന്ത​ര​മ​ന്ത്രി​യും കോ​ണ്‍ഗ്ര​സി​ന്‍റെ മു​തി​ർ​ന്ന നേ​താ​വു​മാ​യ പി. ​ചി​ദം​ബ​രം.

യു​ദ്ധം ആ​രം​ഭി​ക്ക​രു​തെ​ന്ന് ആ​വ​ശ്യ​പ്പെ​ടാ​ൻ മു​ഴു​വ​ൻ ലോ​ക​വും ഇ​ന്ത്യ​യി​ലേ​ക്കെ​ത്തി എ​ന്നാ​ണ് ചി​ദം​ബ​രം ഒ​രു ടി​വി ചാ​ന​ലി​ൽ ന​ൽ​കി​യ അ​ഭി​മു​ഖ​ത്തി​ൽ പ​റ​ഞ്ഞ​ത്.

ഭീ​ക​രാ​ക്ര​മ​ണ​ത്തി​നു ശേ​ഷം താ​ൻ ആ​ഭ്യ​ന്ത​ര​മ​ന്ത്രി​യു​ടെ ചു​മ​ത​ല​യേ​റ്റെ​ടു​ത്തു ര​ണ്ടോ മൂ​ന്നോ ദി​വ​സ​ങ്ങ​ൾ​ക്കു ശേ​ഷം അ​ന്ന് അ​മേ​രി​ക്ക​ൻ സ്റ്റേ​റ്റ് സെ​ക്ര​ട്ട​റി​യാ​യി​രു​ന്ന കോ​ണ്ട​ലീ​സ റൈ​സ് എ​ന്നെ​യും പ്ര​ധാ​ന​മ​ന്ത്രി മ​ൻ​മോ​ഹ​ൻ സിം​ഗി​നെ​യും വ​ന്നു​ക​ണ്ടു​വെ​ന്നും ദ​യ​വാ​യി തി​രി​ച്ച​ടി​ക്ക​രു​തെ​ന്ന് അ​ഭ്യ​ർ​ഥി​ച്ചു​വെ​ന്നും ചി​ദം​ബ​രം വ്യ​ക്ത​മാ​ക്കി.


എ​ന്നാ​ൽ ഈ ​തീ​രു​മാ​നം സ​ർ​ക്കാ​രാ​ണ് എ​ടു​ക്കേ​ണ്ട​തെ​ന്ന് ഞാ​ൻ മ​റു​പ​ടി ന​ൽ​കി. ഒ​രു ഔ​ദ്യോ​ഗി​ക ര​ഹ​സ്യ​വും വെ​ളി​പ്പെ​ടു​ത്താ​തെ പ​റ​യു​ക​യാ​ണെ​ങ്കി​ൽ ന​മ്മ​ൾ എ​ന്തെ​ങ്കി​ലും തി​രി​ച്ച​ടി ന​ൽ​ക​ണ​മെ​ന്ന് എ​ന്‍റെ മ​ന​സി​ലു​ദി​ച്ചു​വെ​ന്നും ചി​ദം​ബ​രം വെ​ളി​പ്പെ​ടു​ത്തി.

ആ​ക്ര​മ​ണം ന​ട​ന്നു​കൊ​ണ്ടി​രി​ക്കു​ന്പോ​ൾ പോ​ലും പ്ര​ധാ​ന​മ​ന്ത്രി ഇ​ത് ച​ർ​ച്ച ചെ​യ്തി​രു​ന്നു. എ​ന്നാ​ൽ വി​ദേ​ശ​കാ​ര്യ​മ​ന്ത്രാ​ല​യ​ത്തി​ന്‍റെ​യും ഇ​ന്ത്യ​ൻ ഫോ​റി​ൻ സ​ർ​വീ​സി​ന്‍റെ​യും വ​ലി​യ സ്വാ​ധീ​ന​ത്താ​ൽ ഭൗ​തി​ക​മാ​യി പ്ര​തി​ക​രി​ക്ക​രു​തെ​ന്ന നി​ഗ​മ​ന​ത്തി​ലാ​ണ് എ​ത്തി​ച്ചേ​ർ​ന്ന​തെ​ന്ന് ചി​ദം​ബ​രം വ്യ​ക്ത​മാ​ക്കി.