എ​സ്. രാ​ജേ​ന്ദ്ര​കു​മാ​ർ

വി​ഴി​ഞ്ഞം: സ്വ​ന്തം രാ​ജ്യ​ത്തി​ന്‍റെ ക്ഷേ​മ​ത്തി​നും സേ​വ​ന​ത്തി​നും പ്ര​വ​ർ​ത്തി​ച്ച രാ​ജ്യ​സ്നേ​ഹി​ക​ളെ കു​ട്ടി​ക്കാ​ലം മു​ത​ൽ നെ​ഞ്ചോ​ട് ചേ​ർ​ത്തു പി​ടി​ച്ച് ന​ട​ന്നു. വ​ള​ർ​ന്ന​പ്പോ​ൾ രാ​ജ്യ​സ്നേ​ഹി​ക​ളാ​യ മ​ഹാ​ര​ഥ​ൻ​മാ​രെ സ്വ​ന്തം ശ​രീ​ര​ത്തി​ൽ ടാ​റ്റു​വാ​ക്കി. രാ​ജ്യ​സ്നേ​ഹം കൊ​ണ്ട് മ​ഹാ​ത്മാ​ഗാ​ന്ധി ഉ​ൾ​പ്പെ​ടെ​യു​ള്ള രാ​ഷ്ട്ര​നേ​താ​ക്ക​ളെ സ്വ​ന്തം നെ​ഞ്ചി​ലും വ​യ​റ്റി​ലും മു​തു​കി​ലും ചു​മ​ന്നു കൊ​ണ്ടു ന​ട​ക്കു​ക​യാ​ണ് വി​ഴി​ഞ്ഞം മു​ക്കോ​ല സ്വ​ദേ​ശി​യും മ​ത്സ്യ​ത്തൊ​ഴി​ലാ​ളി​യു​മാ​യ ജോ​ൺ എ​ന്ന 45കാ​ര​ൻ.

ക​ട​ൽ​പ്പ​ണി​യി​ൽ​നി​ന്ന് കി​ട്ടു​ന്ന​വ​രു​മാ​ന​ത്തി​ൽ നി​ന്ന് ഒ​രു ഭാ​ഗം സ്വ​രു​ക്കൂ​ട്ടി​വ​ച്ചു​ള്ള ജോ​ണി​ന്‍റെ ടാ​റ്റു കു​ത്ത​ൽ ആ​രം​ഭി​ച്ചി​ട്ടു മൂ​ന്നു​വ​ർ​ഷം പി​ന്നി​ടു​ന്നു. പ​ല​രു​ടെ​യും നി​രു​ത്സാ​ഹ​പ്പെ​ടു​ത്ത​ൽ വ​ക വ​യ്കാ​തെ നാ​ലു ദി​വ​സം മു​ൻ​പ് നെ​ഞ്ചി​ൽ ത്രി​വ​ർ​ണ​പ​താ​ക​യും പ​തി​പ്പി​ച്ചു. ഇ​തു​വ​രെ​യും ആ​രു​ടെ മു​ന്നി​ലും പ്ര​ദ​ർ​ശി​പ്പി​ച്ചി​ല്ലെ​ങ്കി​ലും ഇ​ന്ത്യ​ൻ സ്വാ​ത​ന്ത്ര്യ​ത്തി​ന്‍റെ 79-ാം വാ​ർ​ഷി​ക​മാ​യ ഇ​ന്നു ത​ന്‍റെ രാ​ജ്യ​സ്നേ​ഹം വെ​ളി​പ്പെ​ടു​ത്താ​നാ​ണ് തീ​രു​മാ​നം.

ഷ​ർ​ട്ടി​ടാ​തെ ത്രി​വ​ർ​ണ​പ​താ​ക​യു​മേ​ന്തി വി​ഴി​ഞ്ഞ​ത്തു​നി​ന്നു മു​ക്കോ​ല വ​രെ ന​ട​ക്കു​ക​യാ​ണ് ല​ക്ഷ്യ​മെ​ന്ന് ജോ​ൺ പ​റ​യു​ന്നു. ആ​റാം ക്ലാ​സു​വ​രെ​യു​ള്ള പ​ഠ​ന​ത്തി​നി​ട​യി​ൽ മ​ഹാ​ന്മാ​രെ​ക്കു​റി​ച്ചു മ​ന​സി​ൽ പ​തി​ഞ്ഞ അ​റി​വാ​ണ് ടാ​റ്റു​വി​ലൂ​ടെ പ്ര​ക​ട​മാ​ക്കി​യ​ത്. രാ​ഷ്ട്ര​പി​താ​വ് മ​ഹാ​ത്മാ​ഗാ​ന്ധി മു​ത​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​മൊ​ക്കെ ജോ​ണി​ന്‍റെ ശ​രീ​ര​ത്തി​ലു​ണ്ട്. മൂ​ന്നു​വ​ർ​ഷം മു​മ്പ് ഗാ​ന്ധി​ജി​യു​ടെ ചി​ത്ര​മാ​ണ് ആ​ദ്യ​മാ​യി ജോ​ൺ ഇ​ട​തു നെ​ഞ്ചി​ൽ ടാ​റ്റൂ​കു​ത്തി​യ​ത്.

പി​ന്നെ ജീ​വി​ത​ത്തി​ൽ സ്വാ​ധീ​നി​ച്ച​വ​രെ ഒ​പ്പം കൂ​ട്ടു​ക എ​ന്ന​താ​യി​രു​ന്നു ല​ക്ഷ്യം. തു​ട​ർ​ന്ന് ഡോ. ​ബി.​ആ​ർ. അം​ബേ​ദ്ക​റി​നെ വ​ല​ത്തെ കൈ​യി​ലും സു​ഭാ​ഷ് ച​ന്ദ്ര​ബോ​സി​നെ ഇ​ട​ത്തെ കൈ​യി​ലും ടാ​റ്റൂ ചെ​യ്തു. ത​മി​ഴ്‌​നാ​ട് സ്വ​ദേ​ശി​യാ​യ അ​ച്ഛ​ൻ പ​റ​ഞ്ഞ ക​ഥ​ക​ളി​ലു​ടെ സു​ബ്ര​ഹ്‌​മ​ണ്യ ഭാ​ര​തി​യെ​ക്കു​റി​ച്ചു കേ​ട്ടി​രു​ന്നു. അ​ങ്ങ​നെ നെ​ഞ്ചി​ൽ അ​ദ്ദേ​ഹ​ത്തെ​യും പ​തി​ച്ചു. പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​ന് ഓ​പ​റേ​ഷ​ൻ സി​ന്ദൂ​റി​ലൂ​ടെ മ​റു​പ​ടി ന​ൽ​കി​യ ഇ​ന്ത്യ​ൻ സേ​ന​യി​ലെ വ​നി​താ ഉ​ദ്യോ​ഗ​സ്ഥ​രാ​യ വ്യോ​മി​കാ​സിം​ഗ്, സോ​ഫി​യാ ഖു​റേ​ഷി എ​ന്നി​വ​രും ടാ​റ്റു​വാ​യി മു​തു​കി​ലേ​റ്റി.

അ​വ​സാ​നം വ​യ​റി​ൽ ഏ​റെ ഇ​ഷ്ട​പ്പെ​ടു​ന്ന ഇ​ന്ത്യ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ചി​ത്ര​വും ചേ​ർ​ത്തു​വെ​ച്ചു ജോ​ൺ. ഓ​രോ​രു​ത്ത​രു​ടെ​യും ചി​ത്ര​ത്തി​ന് താ​ഴെ പേ​രും ഇം​ഗ്ലീ​ഷി​ൽ ടാ​റ്റൂ ചെ​യ്തി​ട്ടു​ണ്ട്. ചി​ത്ര​ങ്ങ​ൾ പ​തി​ച്ച​തി​നെ​ക്കു​റി​ച്ചു ചോ​ദി​ച്ചാ​ൽ ജോ​ണി​ന്‍റെ മ​റു​പ​ടി 'ഇ​വ​രെ​ല്ലാം ന​ല്ല​വ​ർ' എ​ന്നാ​ണ്.

ഓ​രോ ദി​വ​സ​വും മീ​ൻ പി​ടി​ച്ച് കി​ട്ടു​ന്ന തു​ക​യി​ൽ മി​ച്ചം പി​ടി​ക്കു​ന്ന സ​മ്പാ​ദ്യ​മാ​ണ് ടാ​റ്റു ചെ​യ്യാ​ൻ ഉ​പ​യോ​ഗി​ക്കു​ന്ന​ത്. ഇ​തു​വ​രെ ആ​കെ ഒ​രു​ല​ക്ഷ​ത്തി​ൽ​പ്പ​രം രൂ​പ ടാ​റ്റൂ ചെ​യ്യാ​ൻ ചെ​ല​വാ​യി. എ​ന്നാ​ൽ ഈ ​ഹോ​ബി ക​ണ്ടു ക​ളി​യാ​ക്കി​യ​വ​രും​പ്രോ​ത്സാ​ഹി​പ്പി​ച്ച​വ​രു​മു​ണ്ടെ​ന്നു ജോ​ൺ പ​റ​യു​ന്നു. വി​ഴി​ഞ്ഞ​ത്തെ ടാ​റ്റു സെ​ന്‍റ​റി​ലാ​ണ് ചി​ത്ര​ങ്ങ​ൾ ടാ​റ്റു ചെ​യ്യു​ന്ന​ത്. ഇ​തി​നി​ട​യി​ൽ ര​ണ്ടു ത​വ​ണ ബോ​ധ​ക്ഷ​യം വ​ന്നു​വെ​ന്നു ജോ​ൺ പ​റ​യു​ന്നു.

വേ​ദ​ന കാ​ര​ണം അ​ബ്ദു​ൽ ക​ലാ​മി​ന്‍റെ ചി​ത്രം പൂ​ർ​ത്തി​യാ​ക്കാ​ൻ ഒ​രു​മാ​സ​മെ​ടു​ത്തെ​ങ്കി​ലും പി​ന്മാ​റി​യി​ല്ല. ഇ​ത്ര​യും ചി​ത്ര​ങ്ങ​ൾ ടാ​റ്റു ചെ​യ്തെ​ങ്കി ലും ​ശ​രീ​രം പ്ര​ദ​ർ​ശി​പ്പി​ക്കാ​റി​ല്ല. ഷ​ർ​ട്ടു ധ​രി​ച്ചു ന​ട​ക്കാ​റു​ള്ള ജോ​ണി​നോ​ട് ഇ​തേ​ക്കു​റി​ച്ചു ചോ​ദി​ച്ചാ​ൽ പ്ര​ദ​ർ​ശ​ന​ത്തി​ന് വേ​ണ്ടി​യ​ല്ല ഞാ​ൻ ഇ​വ​രെ ചു​മ​ക്കു​ന്ന​തെ​ന്നാ​യി​രി​ക്കും മ​റു​പ​ടി. എ​ന്നാ​ൽ നി​രു​ത്സാ​ഹ​പ്പെ​ടു​ത്തു​ന്ന​വ​ർ​ക്കു​ള്ള മ​റു​പ​ടി​യാ​യാ​ണ് ഇ​ന്ന​ത്തെ ശ​രീ​ര പ്ര​ദ​ർ​ശ​ന​മെ​ന്നും ജോ​ൺ പ​റ​യു​ന്നു.