കീ​ഴാ​റൂ​ർ: മ​ല​യോ​ര ഗ്രാ​മ​ങ്ങ​ളു​ടെ കു​ടി​വെ​ള്ള പ്ര​ശ്ന​ത്തി​ന് ഒ​ടു​വി​ൽ പ​രി​ഹാ​ര​മാ​കു​ന്നു . ത​ദ്ദേ​ശീ​യ​രു​ടെ സ്വ​പ്ന പ​ദ്ധ​തി​യാ​യ കി​ഴ​ക്ക​ൻ മ​ല കു​ടി​വെ​ള്ള പ​ദ്ധ​തി ഉ​ട​ൻ ഉ​ദ്ഘാ​ട​നം ചെ​യ്യും. ആ​ര്യ​ൻ​കോ​ട് - പെ​രു​ങ്ക​ട​വി​ള പ​ഞ്ചാ​യ​ത്തു​ക​ളി​ലെ കു​ടി​വെ​ള്ള ക്ഷാ​മം പ​രി​ഹ​രി​ക്കു​ന്ന​തി​നാ​യി സം​സ്ഥാ​ന സ​ർ​ക്കാ​ർ കി​ഫ്ബി പ​ദ്ധ​തി​യി​ൽ ഉ​ൾ​പ്പെ​ടു​ത്തി 45 കോ​ടി രൂ​പ അ​ട​ങ്ക​ലി​ൽ അ​നു​വ​ദി​ച്ച കി​ഴ​ക്ക​ൻ​മ​ല കു​ടി​വെ​ള്ള പ​ദ്ധ​തി​യു​ടെ അ​വ​സാ​ന മി​നു​ക്കു പ​ണി​ക​ൾ ന​ട​ന്നു​വ​രി​ക​യാ​ണ്.

നെ​യ്യാ​റി​ലെ മൂ​ന്നാ​റ്റു​മു​ക്കി​ല്‍​നിന്നു വെ​ള്ളം പ​മ്പു​ചെ​യ്ത് ആ​ര്യ​ന്‍​കോ​ട് പ​ഞ്ചാ​യ​ത്തി​ലെ കി​ഴ​ക്ക​ന്‍​മ​ല​യി​ല്‍ ജ​ല​ശു​ദ്ധീ​ക​ര​ണ​ശാ​ല നി​ര്‍​മി​ച്ചു സം​ഭ​ര​ണി​ക​ള്‍ വ​ഴി ആ​ര്യ​ൻ​കോ​ട് പെ​രു​ങ്ക​ട​വി​ള പ​ഞ്ചാ​യ​ത്തു​ക​ളി​ലെ വി​വി​ധ​സ്ഥ​ല​ങ്ങ​ളി​ലേ​ക്ക് എ​ത്തി​ക്കു​ന്ന ത​ര​ത്തി​ലാ​ണ് പ​ദ്ധ​തി തയാറാ​ക്കി​യി​ട്ടു​ള്ള​ത്.

ശു​ദ്ധീ​ക​ര​ണ ശാ​ല​യും അ​നു​ബ​ന്ധ​ഘ​ട​ക​ങ്ങ​ളും , ഓ​വ​ർ​ഹെ​ഡ് ടാ​ങ്കു​ക​ൾ, ട്രാ​ന്‍​സ്മി​ഷ​ന്‍ മെ​യി​ൻ, ഡി​സ്ട്രി​ബ്യൂ​ഷ​ൻ ലൈ​നു​ക​ൾ, സ്ഥാ​പി​ക്കാ​നു​ള്ള പ്ര​വ​ര്‍​ത്ത​ന​ങ്ങ​ള്‍ എ​ന്നി​വ പൂ​ർ​ത്തി​യാ​ക്കി ക​ഴി​ഞ്ഞു. വൈ​കാ​തെ പ​ദ്ധ​തി ക​മ്മീ​ഷ​ൻ ചെ​യ്യാ​നു​ള്ള ത​യ്യാ​റെ​ടു​പ്പി​ലാ​ണ് അ​ധി​കൃ​ത​ർ. ഇ​തോ​ടെ കു​ടി​വെ​ള്ളം ഇ​നി വീ​ടു​ക​ളി​ൽ എ​ത്തും.