ADVERTISEMENT

ADVERTISEMENT

സെന്‍റ് ജോൺസിൽ ജമന്തിപ്പൂവ് വിളവെടുപ്പ്

തിരുവനന്തപുരം: നാലാഞ്ചിറ സെന്‍റ് ജോൺസ് മോഡൽ എച്ച്എസ്എസിൽ എൻഎസ്എസ് യൂണിറ്റിന്‍റെ നേതൃത്വത്തിൽ നടത്തിയ ജമന്തിപ്പൂവ് കൃഷിയുടെ വിളവെടുപ്പ് പ്രിൻസിപ്പൽ ഫാ. ജോസ് ചരുവിലും വൈസ് പ്രിൻസിപ്പൽ ആർ.സി.അജീഷ് കുമാറും ചേർന്ന് നിർവഹിച്ചു.

എൻഎസ്എസ് പ്രോഗ്രാം ഓഫീസർമാരായ ബിജൂ ജോൺ,വിമല ബേബി എന്നിവർ നേതൃത്വം നൽകി.

ADVERTISEMENT

തൊഴിൽ സംരക്ഷണ സംഗമം നടത്തി

കോവളം: എൻആർജിഇ വർക്കേഴ്സ് ഫെഡറേഷന്‍റെ എഐടിയുസി കോവളം മേഖലാ കമ്മിറ്റിയുടെ നേതൃത്വത്തിൽ കോവളം കെഎസ് റോഡിൽ മഹാത്മ അയ്യൻകാളി പ്രതിമയ്ക്ക് സമീപം തൊഴിലുറപ്പ് തൊഴിലാളികൾ തൊഴിൽ സംരക്ഷണ സംഗമം നടത്തി. തൊഴിലുറപ്പ് പദ്ധതിയ്ക്ക് ആവശ്യമായ തുക ബഡ്ജറ്റിൽ ഉൾപ്പെടുത്തണമെന്നും തൊഴിൽ ദിനങ്ങൾ 200 ആക്കണമെന്നും 700 രൂപ വേതനം ആക്കണമെന്നും ആവശ്യപ്പെട്ടായിരുന്നു സംഗമം നടത്തിയത്. എഐടിയുസി കോവളം മണ്ഡലം സെക്രട്ടറി കല്ലിയൂർ ശിവകുമാർ ഉദ്ഘാടനം ചെയ്തു. സിപിഐ കോവളം ലോക്കല്‌ കമ്മിറ്റി സെക്രട്ടറി മുട്ടയ്ക്കാട് വേണുഗോപാൽ അധ്യക്ഷത വഹിച്ചു. എൻആർജിഇ വെങ്ങാനൂർ പഞ്ചായത്ത് സെക്രട്ടറി ഷീലാ അജിത്ത് സ്വാഗതവും എഐടിയുസി മേഖലാ സെക്രട്ടറി ജെ.റോയി നന്ദിയും പറഞ്ഞു. നെല്ലിവിള വിജയൻ, കെ.വിക്രമൻ, ബിജു പാലപ്പൂര് ,എസ്.എൽ. ഷിബു, ചന്ദ്രൻ, എസ്.വിക്രമൻ, ശിശുപാലൻ, യശോധരൻ,ഷാജില, സി. ബിജു എന്നിവർ സംസാരിച്ചു.

മൈ ഭാരത് വാളണ്ടിയർമാർ ശംഖുമുഖം ബീച്ച് ശുചീകരിച്ചു

വലിയതുറ: സ്വച്ഛ്താ ഹി സേവ കാമ്പയിന്‍റെ ഭാഗമായി സംസ്ഥാനത്തെ 14 ജില്ലകളിലും മാഹി, ലക്ഷദ്വീപ് തീരപ്രദേശങ്ങളിലും വാളണ്ടിയർമാർ ശുചീകരണ പ്രവർത്തനങ്ങളും ബോധവത്കരണ പരിപാടികളും നടത്തി. കാമ്പയിന്‍റെ ഭാഗമായി തിരുവനന്തപുരം ശംഖുംമുഖം ബീച്ചിൽ നടന്ന ശുചീകരണം മേരാ യുവ ഭാരത് സ്റ്റേറ്റ് ഡയറക്ടർ എം.അനിൽ കുമാർ ഉദ്‌ഘാടനം ചെയ്തു. മഹാത്മാഗാന്ധിയുടെ ചിത്രത്തിൽ പുഷ്പാർച്ചന നടത്തിയ ശേഷം ബീച്ച് ശുചീകരണത്തിന് തുടക്കം കുറിച്ചു. വിവിധ യുവ ജന സന്നദ്ധ സംഘടനകളിലെയും കോളജുകളിലെയും യുവതി യുവാക്കൾ പരിപാടിയിൽ പങ്കെടുത്തു. മേരാ യുവ ഭാരത് ജില്ലാ യൂത്ത് ഓഫീസർ എൻ.സുഹാസ്, ക്യാപ്റ്റൻസ് സോഷ്യൽ ഫൗണ്ടേഷൻ ഫൗണ്ടർ അഫ്സൽ എന്നിവർ നേതൃത്വം നൽകി. സംസ്ഥാനത്തുടനീളം മേരാ യുവ ഭാരത്തിന്‍റെ ആഭിമുഖ്യത്തിൽ പൊതുസ്ഥലങ്ങൾ, ചരിത്രസ്മാരകങ്ങൾ, വിനോദസഞ്ചാരകേന്ദ്രങ്ങൾ, ജലാശയങ്ങൾ എന്നിവിടങ്ങളിൽ വിപുലമായ ശുചീകരണ പ്രവർത്തനങ്ങൾ സംഘടിപ്പിച്ചു.

കേരള വിദ്യാഭ്യാസ മാതൃക പൈതൃകവും നവോത്ഥാനവും തമ്മിൽ ബന്ധിപ്പിക്കുന്നത്: മന്ത്രി വി.ശിവൻകുട്ടി‌

നേമം: പൈതൃകവും നവോത്ഥാനവും തമ്മിൽ ബന്ധിപ്പിക്കുന്നതാണ് കേരളത്തിന്‍റെ വിദ്യാഭ്യാസ മാതൃകയെന്ന് പൊതുവിദ്യാഭ്യാസ മന്ത്രി വി.ശിവൻകുട്ടി. പുന്നമൂട് ഗവ.മോഡൽ ഹയർ സെക്കൻഡറി സ്കൂളിലേയും കോട്ടുകാൽ എൽപി സ്കൂളിലെയും വെങ്ങാനൂർ ഗവ. മോഡൽ എച്ച്എസ്എസിലെയും വർണക്കൂടാരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പൊതുവിദ്യാഭ്യാസ വകുപ്പും സമഗ്രശിക്ഷാ കേരളയും കൈകോർത്തു നടത്തുന്ന പദ്ധതികൾ പൊതുവിദ്യാഭ്യാസ രംഗത്തിന്‍റെ ഉയർച്ചയിലൂടെ നവകേരളത്തിന്റെ വഴി തെളിയിക്കുന്നുവെന്നും അദ്ദേഹം പറഞ്ഞു. കല്ലിയൂർ ഗ്രാമപഞ്ചായത്തിലെ പുന്നമൂട് ഗവ.മോഡൽ ഹയർസെക്കൻഡറി സ്കൂളിൽ പൊതുവിദ്യാഭ്യാസ വകുപ്പും എസ്എസ്കെയും സംയുക്തമായി തിരുവനന്തപുരം സൗത്ത് യുആർസിയുടെ നേതൃത്വത്തിൽ സ്റ്റാർസ് പദ്ധതിയിലുടെ 10 ലക്ഷം രൂപ വിനിയോഗിച്ചാണ് വർണ്ണക്കൂടാരം ഒരുക്കിയത്. മൂന്ന് വിദ്യാലയങ്ങളിൽ നടന്ന ഉദ്ഘാടന ചടങ്ങുകളിൽ എം.വിൻസന്‍റ് എംഎൽഎ അധ്യക്ഷത വഹിച്ചു. പുന്നമൂട് ഗവ.മോഡൽ ഹയർ സെക്കൻഡറി സ്കൂളിൽ നടന്ന പരിപാടിയിൽ കല്ലിയൂർ ഗ്രാമപഞ്ചായത്ത് പ്രസിഡന്‍റ് സോമശേഖരൻ, ജില്ലാ പഞ്ചായത്ത് അംഗം ഗത് റൂഫസ്, പ്രധാനാധ്യാപിക എസ്.എസ്.സിന്ധു തുടങ്ങിയവർ പങ്കെടുത്തു. വെങ്ങാനൂർ ഗവ. മോഡൽ എച്എസ്എസിലെ പരിപാടിയിൽ സ്കൂൾ പ്രിൻസിപ്പൽ ടി.എസ്.ബീന, വാർഡ് അംഗം മിനി വേണുഗോപാൽ, ത്രിതല പഞ്ചായത്ത് അംഗങ്ങൾ തുടങ്ങിയവർ പങ്കെടുത്തു. കോട്ടുകാൽ ഗവ. എൽപിഎസിൽ നടന്ന പരിപാടിയിൽ കോട്ടുകാൽ ഗ്രാമപഞ്ചായത്ത് പ്രസിഡന്‍റ് കെ.ചന്ദ്രലേഖ, പ്രധാനാധ്യാപിക എസ്.ദീപ, എസ്, ത്രിതല പഞ്ചായത്ത് അംഗങ്ങൾ തുടങ്ങിയവർ പങ്കെടുത്തു.

വിഴിഞ്ഞത്ത് കഞ്ചാവും ബ്രൗണ്‌ ഷുഗറുമായി അതിഥിത്തൊഴിലാളി പിടിയിൽ

വിഴിഞ്ഞം : കഞ്ചാവും ബ്രൗൺ ഷുഗറുമായി അതിഥിത്തൊഴിലാളി എക്സൈസിന്‌റെ പിടിയിൽ. 18.637 ഗ്രാം ബ്രൗൺഷുഗറും 22.14 ഗ്രാം കഞ്ചാവുമായി ബംഗാൾ സ്വദേശി രാകേഷ് മണ്ഡൽ(23) ആണ് ഇന്നലെ വിഴി ഞ്ഞം മുക്കോല ഭാഗത്തു നെയ്യാ റ്റിൻകര എക്സൈസിന്‍റെ പിടിയിലായത്. കണ്ടെടുത്ത ലഹരിക്ക് മാർക്കറ്റിൽ ഒന്നര ലക്ഷത്തോളം രൂപ വിലയുണ്ടന്ന് ഉദ്യോഗസ്ഥർ പറഞ്ഞു. അലുമിനിയം ഫോയിൽ പേപ്പറിൽ പൊതിഞ്ഞ് കുഴമ്പ് രൂപത്തിൽ ആണ് ബ്രൗൺ ഷുഗർ കണ്ടെടുത്തത്. എക്സൈസ് നെയ്യാറ്റിൻകര റേഞ്ച് ഇൻസ്പെക്ട‌റുടെ നേതൃത്വത്തിലാണ് പിടികൂടിയത്. പ്രതിയെ റിമാൻഡു ചെയ്തു.

വില്പനയ്ക്ക് കൊണ്ടുവന്ന കുപ്പി വെള്ളത്തില്‍ പുഴു

വെള്ളറട: ചായക്കടയിൽ വില്പനക്ക് കൊണ്ടു വന്ന കുപ്പിവെള്ളത്തിൽ പുഴു. കാരക്കോണം കണ്ടന്‍ച്ചിറയിൽ ആണ് ചായക്കടയില്‍ വില്പനക്ക് കൊണ്ടു വന്ന കുപ്പിവെള്ളത്തിൽ പുഴുവിനെ കണ്ടെത്തിയത്. ഒരു സെന്‍റി മീറ്റര്‍ വലിപ്പമുള്ള പുഴുവിനെയാണ് കണ്ടെത്തിയത്. സീല്‍ ചെയ്ത കുപ്പിക്കുള്ളില്‍ പുഴുവിനെ കണ്ടത് എല്ലാവരെയും അങ്കലാപ്പിലാക്കി. ഗ്രാമീണ മേഖലകളില്‍ പല കമ്പനികളുടെ പേരില്‍ കുപ്പിവെള്ളം യഥേഷ്ടം വില്പനയ്ക്കായി എത്തുന്നുണ്ട്. 20 രൂപ നിരക്കിലാണ് കുപ്പി വെള്ളം ഗുണഭോക്താക്കള്‍ക്ക് നല്‍കുന്നത്. വേനല്‍ ശക്തമായതോടെ പലരും കുപ്പിവെള്ളത്തെയാണ് ആശ്രയിക്കുന്നത്. പല സ്ഥലങ്ങളിലും അമീബിക് മസ്തിഷ്‌ക ജ്വരം റിപ്പോർട്ട് ചെയ്യുന്ന സാഹചര്യത്തിൽ ഗ്രാമീണ മേഖലയില്‍ കുപ്പിവെള്ളത്തില്‍ പുഴു കണ്ടത് പ്രദേശവാസികളെ അങ്കലപ്പിലാക്കിയിട്ടുണ്ട്.

വട്ടിയൂര്‍ക്കാവ് കാവല്ലൂര്‍ റോഡ് ഇരുചക്രവാഹന യാത്രികരുടെ പേടിസ്വപ്നം

പേരൂര്‍ക്കട: ഇരുചക്രവാഹനയാത്രികരുടെ പേടിസ്വപ്നമായി വട്ടിയൂര്‍ക്കാവ് കാവല്ലൂര്‍ റോഡ്. അറ്റകുറ്റപ്പണി ചെയ്ത റോഡ് ആണ് തകര്‍ന്നത്. റോഡിലെ കുഴി അധികൃതര്‍ കോണ്‍ക്രീറ്റ് ചെയ്തെങ്കിലും അതും ഇളകി. ഇപ്പോള്‍ റോഡിലെ കുഴിയെയും കോണ്‍ക്രീറ്റ് പാളിയെയും പേടിക്കണമെന്ന അവസ്ഥ. വട്ടിയൂര്‍ക്കാവ് മണ്ണറക്കോണത്തുനിന്ന് തോപ്പുമുക്കിലേക്കു പോകുന്നതിനുള്ള റോഡ് ഏകദേശം 300 മീറ്റര്‍ വരുന്നതാണ്. കാറുകളെക്കാള്‍ കൂടുതല്‍ ഇതുവഴി സഞ്ചരിക്കുന്നത് ഇരുചക്ര വാഹനങ്ങളും ഓട്ടോറിക്ഷകളുമാണ്. ഇളകിക്കിടന്ന കോണ്‍ക്രീറ്റ് പാളികളില്‍ തട്ടി നിരവധി പേരാണ് വീണു പരിക്കേറ്റിട്ടുള്ളത്.

നെയ്യാറ്റിന്‍കര വാസുദേവന്‍ സ്മാരക ആരാമം നാടിന് സമര്‍പ്പിച്ചു

നെയ്യാറ്റിന്‍കര : മതങ്ങളില്ലാത്ത ഇന്‍ഡ്യയും മനുഷ്യത്വമുള്ള സമൂഹവുമാണ് സ്വപ്നമെന്ന് പ്രശസ്ത ഗായകന്‍ പന്തളം ബാലന്‍. നെയ്യാറ്റിന്‍കര നഗരസഭ പരിധിയിലെ അത്താഴമംഗലത്ത് നെയ്യാറ്റിന്‍കര വാസുദേവന്‍ സ്മാരക ആരാമം ഉദ്ഘാടന ചടങ്ങില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ആരാമത്തിന്‍റെ ഉദ്ഘാടനം കെ. ആൻസലൻ എംഎല്‍എ നിർവഹിച്ചു, നഗരസഭ ചെയർമാൻ പി.കെ രാജമോഹനൻ അധ്യക്ഷനായി. സ്റ്റാന്‍ഡിംഗ് കമ്മിറ്റി ചെയര്‍മാന്മാരായ കെ.കെ ഷിബു, ജെ. ജോസ് ഫ്രാങ്ക്ളിൻ, ഡോ. എം.എ സാദത്ത്, എന്‍.കെ അനിതകുമാരി, ആര്‍. അജിത, കൗണ്‍സിലര്‍ ഷിബുരാജ് കൃഷ്ണ, വിവിധ രാഷ്ട്രീയ കക്ഷി നേതാക്കളായ ടി. ശ്രീകുമാർ, രാഘവൻനായർ, കൊടങ്ങാവിള വിജയകുമാർ, വിനോദ്, കെ.കെ ശ്രീകുമാർ, മുരളീധരൻനായർ, ശില്‍പ്പി മണികണ്ഠൻ മണലൂര്‍, ഗായകന്‍ ഡോ. വാഴമുട്ടം ചന്ദ്രബാബു, നഗരസഭ എഞ്ചിനീയര്‍ ദിവ്യ ആര്‍. നായർ എന്നിവർ സംബന്ധിച്ചു. കെ. ആന്‍സലന്‍ എംഎല്‍എ യുടെ പ്രാദേശിക വികസന ഫണ്ട് ഉപയോഗിച്ചാണ് സ്മാരകം നിര്‍മിച്ചത്. നെയ്യാറ്റിന്‍കര വാസുദേവന്‍റെ അര്‍ധകായ പ്രതിമയും ആരാമത്തിലുണ്ട്. കര്‍ണാടക സംഗീതലോകത്ത് മലയാളത്തിന്‍റെയാകെ അഭിമാനമായ നെയ്യാറ്റിന്‍കര വാസുദേവന്‍റെ ജന്മനാടായ അത്താഴമംഗലത്ത് തന്നെയാണ് സ്മാരകം യാഥാര്‍ഥ്യമായിരിക്കുന്നതെന്നത് തദ്ദേശീയരിലും ഏറെ സന്തോഷമുളവാക്കുന്നു.

വഴിയിലേക്ക് കരിങ്കല്‍ ഭിത്തി തകർന്നു വീണു

വെള്ളറട : പഞ്ചായത്തിലെ കക്കോട്ടുകോഴിയില്‍ നിന്നും മൈല കുന്നിലേക്ക് പോകുന്ന സഞ്ചാര പാതയിലേക്ക് കരിങ്കല്‍ ഭിത്തി തകര്‍ന്നുവീണതിനെത്തുടർന്ന് ഇതുവഴിയുള്ള യാത്ര തടസപ്പെട്ടു. വര്‍ഷങ്ങള്‍ക്കു മുമ്പ് 15 അടി ഉയരത്തിലാണ് കരിങ്കല്‍ ഭിത്തി നിര്‍മിച്ചത്. കഴിഞ്ഞ ദിവസങ്ങളില്‍ തിമിര്‍ത്തു പെയ്ത മഴയില്‍ കരിങ്കല്‍ ഭിത്തിയുടെ ഒരു ഭാഗം തകര്‍ന്നു പതിക്കുകയായിരുന്നു. തുടര്‍ന്ന് വഴിയാത്രക്കാര്‍ക്ക് സഞ്ചരിക്കുവാന്‍ കഴിയാത്ത സാഹചര്യമായി. പ്രദേശവാസികള്‍ വെള്ളറട പോലീസില്‍ പരാതി നല്‍കി. സുരക്ഷിതമായി യാത്ര ചെയ്യാനുള്ള വീതി ലഭിക്കത്തക്ക വിധത്തില്‍ തകര്‍ന്നു കിടക്കുന്ന കല്‍ ഭിത്തി മാറ്റി പുനസ്ഥാപിക്കണം എന്നുള്ളതാണ് നാട്ടുകാരുടെ ആവശ്യം. ശേഷിക്കുന്ന ഭാഗം ഏത് സമയവും വീഴുമെന്ന അവസ്ഥയിലാണ്. കല്‍ഭിത്തി തകര്‍ന്നു വീഴുന്ന സമയത്ത് പ്രദേശവാസികളും യാത്രക്കാരും ഇല്ലാതിരുന്നത് കാരണം വന്‍ അപകടം ഒഴിവായി.

നെടുമങ്ങാട് ജില്ലാ ആശുപത്രി സൂപ്രണ്ടിനെ ബിജെപി പ്രവർത്തകർ ഉപരോധിച്ചു

നെടുമങ്ങാട്: ജില്ലാ ആശുപത്രിയിൽ ഒപി മുറിയുടെ സീലിംഗ് അടർന്നുവീണ് രോഗിക്കൊപ്പം എത്തിയ ബന്ധുവിന് പരിക്കേറ്റ സംഭവത്തിൽ പ്രതിഷേധിച്ച് ബിജെപി പ്രവർത്തകർ ആശുപത്രി സൂപ്രണ്ടിനെ ഉപരോധിച്ചു. സാധാരണക്കാരുടെ ആശ്രയമായ ആശുപത്രിയിലെ ഭൂരിഭാഗം കെട്ടിടങ്ങളും തകർച്ചയുടെ വക്കിലാണെന്ന് പ്രവർത്തകർ പറഞ്ഞു.അരക്ഷിതാവസ്ഥയിലുള്ള കെട്ടിടങ്ങളിൽ നിന്ന് പരിശോധന ഉൾപ്പടെ എല്ലാ പ്രവർത്തനങ്ങളും അടിയന്തരമായി മാറ്റണമെന്ന് സമരക്കാർ ആവശ്യപ്പെട്ടു. ബിജെപി നെടുമങ്ങാട് മണ്ഡലം ജനറൽ സെക്രട്ടറി നെട്ടയിൽ സുനിലാൽ,കുറക്കോട് ബിനു,സജീനാ അജിത്,ബിന്ദു ശ്രീകുമാർ,എസ്.ബൈജു,സുമയ്യാ മനോജ്,കനകരാജ്,ശാലിനി, ശാലു,പ്രശാന്ത്,അനന്തൻ,വിമൽകുമാർ തുടങ്ങിയവർ നേതൃത്വം നൽകി.

കോണ്‍ഗ്രസ് ബ്ലോക്ക് സെക്രട്ടറിയുടെ വീടിനുനേരേ ആക്രമണം

പേരൂര്‍ക്കട: കോണ്‍ഗ്രസ് പട്ടം ബ്ലോക്ക് സെക്രട്ടറിയുടെ വീടിനുനേരേ ആക്രമണം. മുട്ടട ടി.കെ ദിവാകരന്‍ റോഡ് സദാനന്ദ ലെയിനില്‍ താമസിക്കുന്ന കുഞ്ഞുമോന്‍ എന്നുവിളിക്കുന്ന രാധാകൃഷ്ണന്‍റെ വീടിനുനേരേയാണ് കഴിഞ്ഞദിവസം രാത്രി ആക്രമണമുണ്ടായത്. സംഭവം നടക്കുമ്പോള്‍ രാധാകൃഷ്ണന്റെ ഭാര്യമാത്രമാണ് വീട്ടിലുണ്ടായിരുന്നത്. വീടിന്‍റെ ഷീറ്റ് അടിച്ചുപൊട്ടിക്കുകയും ജനാലയുടെ ഗ്ലാസുകള്‍ അടിച്ചുപൊട്ടിക്കാന്‍ ശ്രമിക്കുകയും ചെയ്തു. അസഭ്യവര്‍ഷവും നടത്തിയശേഷമാണ് സംഘം പിരിഞ്ഞത്. രാധാകൃഷ്ണന്‍ പേരൂര്‍ക്കട പോലീസില്‍ പരാതി നൽകി.

കുടിവെള്ള പൈപ്പ് പൊട്ടി ജലവിതരണം ഭാഗികമായി മുടങ്ങി

പേരൂര്‍ക്കട: വാൻറോസ് ജംഗ്ഷനില്‍ കുടിവെള്ള പൈപ്പ് പൊട്ടി ജലവിതരണം ഭാഗികമായി മുടങ്ങി. 315 എംഎം ഹൈ ഡെന്‍സിറ്റി പോളി എഥിലീന്‍ പൈപ്പാണ് ഇവിടെ പൊട്ടിയത്. രണ്ടുദിവസം മുമ്പ് പൈപ്പില്‍ ചോര്‍ച്ച കണ്ടെത്തിയിരുന്നു. ഇന്നലെ പുലര്‍ച്ചെ മുതല്‍ ശക്തമായി മുകളില്‍ കൂടി ജലം ഒഴുകുകയായിരുന്നു. ഏകദേശം 35 വര്‍ഷം കാലാവധി പറയുന്ന പൈപ്പ് 40 വര്‍ഷത്തോളം പൂര്‍ത്തീകരിച്ചു കഴിഞ്ഞു. പൈപ്പിന്‍റെ കാലപ്പഴക്കമാണ് പൊട്ടാന്‍ കാരണമായത്. മാസങ്ങള്‍ക്ക് മുമ്പ് ഇതേ സ്ഥലത്ത് രണ്ട് തവണ പൈപ്പ് പൊട്ടി ജലവിതരണം പൂര്‍ണമായി മുടങ്ങിയിരുന്നു. വെള്ളയമ്പലം ഒബ്‌സര്‍വേറ്ററില്‍ നിന്ന് സെക്രട്ടേറിയറ്റ് ഭാഗത്തേക്കും മറ്റു പ്രധാനപ്പെട്ട സ്ഥലങ്ങളിലേക്കും കുടിവെള്ളം എത്തിക്കുന്ന പൈപ്പാണ് ഇത്. അതുകൊണ്ടുതന്നെ തിരക്കുള്ള സമയങ്ങളിലും ഓഫീസുകള്‍ പ്രവര്‍ത്തിക്കുന്ന ദിവസങ്ങളിലും അറ്റകുറ്റപ്പണി ചെയ്യുന്നത് പ്രായോഗികമാകുകയില്ല. പൈപ്പിന്‍റെ അറ്റകുറ്റപ്പണി നാളെ ആരംഭിക്കുമെന്ന് വാട്ടര്‍ അഥോറിറ്റി പാളയം സെക്ഷന്‍ എഇ അറിയിച്ചു. രണ്ടു മീറ്ററോളം ആഴത്തിലാണ് പൈപ്പ് കടന്നുപോകുന്നത്. അതുകൊണ്ട് തന്നെ പൈപ്പിന്‍റെ അറ്റകുറ്റപ്പണി ശ്രമകരമാകും. വാഹനത്തിരക്ക് കുറയുന്ന ഞായറാഴ്ച അറ്റകുറ്റപ്പണി നടത്താന്‍ തീരുമാനിച്ചിരിക്കുന്നത് അതുകൊണ്ടാണ്. പൈപ്പിന്‍റെ പണി ആരംഭിക്കുന്നതോടുകൂടി ബേക്കറി ജംഗ്ഷന്‍, ലെനിന്‍ നഗര്‍, വാൻറോസ് ജംഗ്ഷന്‍, സ്റ്റാച്യു, സെക്രട്ടേറിയറ്റ്, പുളിമൂട്, നന്ദാവനം, പ്രസ് റോഡ് തുടങ്ങിയ നിരവധി സ്ഥലങ്ങളില്‍ കുടിവെള്ളം മുടങ്ങും. ജെസിബി ഉപയോഗിച്ച് റോഡ് കുഴിച്ചാല്‍ മാത്രമേ പൈപ്പിന്‍റെ അവസ്ഥ അറിയാന്‍ സാധിക്കുകയുള്ളൂ. പൈപ്പ് പൂര്‍ണമായി പൊട്ടിയിട്ടുണ്ടെങ്കില്‍ പുതിയ പൈപ്പ് വിളക്കിച്ചേര്‍ക്കേണ്ടതായി വരും.

വന്‍ ലഹരി കടത്തു സംഘം പിടിയിൽ

പിടിയിലായത് സ്ത്രീ ഉൾപ്പെടെയുള്ള നാലംഗ സംഘം തിരുവനന്തപുരം : വന്‍ ലഹരി കടത്തു സംഘം തിരുവനന്തപുരം റൂറല്‍ ഡാന്‍സാഫ് സംഘത്തിന്‍റ പിടിയിലായി. വിപണിയില്‍ പതിനഞ്ച് ലക്ഷത്തില്‍ അധികം വിലയുളള 308 ഗ്രാം എംഡിഎംഎ യുമായി വനിത ഉള്‍പ്പെട്ട നാലു പേരടങ്ങുന്ന സംഘമാണ് പിടിയിലായത്. പരിശോധനയില്‍ രണ്ട് തവണയായാണ് ഇവരില്‍ നിന്നും ലഹരി വസ്തുക്കള്‍ പിടികൂടിയത്. വനിതയുടെ ദേഹ പരിശോധനയില്‍ ആദ്യം 175 ഗ്രാം എം ഡി എം എ പിടികൂടിയിരുന്നു. സംശയം തോന്നി വീണ്ടും നടത്തിയ പരിശോധനയില്‍ ആണ് 133 ഗ്രാം എം ഡി എം എ കൂടി കണ്ടെടുത്തത്. കുറച്ചുകാലമായി ഇവര്‍ ഡാന്‍സാഫ് സംഘത്തിന്‍റ രഹസ്യ നിരീക്ഷണത്തിലായിരുന്നു. കൊല്ലം ചടയമംഗലം പോരേടം ഒലൂര്‍ക്കോണം ചരുവിള വീട്ടില്‍ ഷമി (32), കണിയാപുരം ചിറ്റാറ്റുമുക്ക് ജന്മിമുക്ക് ജന്മി മനസിലില്‍ മുഹമ്മദ് കല്‍ഫാന്‍ (24), ചിറ്റാറ്റ് മുക്ക് ചിറക്കല്‍ മണക്കാട്ട് വിളാകം വീട്ടില്‍ ആഷിക്ക് (20), ചിറ്റാറ്റ് മുക്ക് മണക്കാട്ട് വിളാകം അല്‍ അമീന്‍ (23) എന്നിവരെയാണ് പൊഴിയൂര്‍ ചെങ്കവിള വെച്ച് ഡാന്‍സാഫ് സംഘവും പൊഴിയൂര്‍ പോലീസും ചേര്‍ന്ന് പിടികൂടിയത്. ഇവര്‍ സഞ്ചരിച്ചിരുന്ന കാറും പോലീസ് പിടിച്ചെടുത്തു. ബംഗളൂരുവില്‍ നിന്നുമാണ് ഇവര്‍ എംഡിഎംഎ കടത്തികൊണ്ട് വന്നത്. തിരുവനന്തപുരം കൊല്ലം ജില്ലകളില്‍ വ്യാപകമായി മയക്കുമരുന്ന് വ്യാപാരം നടത്തി വരുന്ന സംഘമാണ് ഇപ്പോള്‍ വലയിലായത്. കഴിഞ്ഞ മാസം ആറ്റിങ്ങല്‍ ഡാന്‍സാഫ് സംഘം 530 ഗ്രാം എം ഡി എം യുമായി മൂന്ന് പേരെ പിടികൂടിയിരുന്നു. കാര്‍ വാടകയ്ക്ക് എടുത്ത് കുടുംബസമേതം വിനോദയാത്ര പോകുന്ന രീതിയിലാണ് ഇവര്‍ ലഹരി ഉത്പന്നങ്ങള്‍ കേരളത്തിലെത്തിച്ചിരുന്നത്. വാഹനത്തിന്‍റെ മുന്‍വശത്തിരിക്കുന്ന സ്ത്രീയുടെ ശരീരത്തില്‍ വസ്ത്രങ്ങള്‍ക്കിടയില്‍ ചെറുപൊതികളായി എംഡിഎംഎ സൂക്ഷിക്കുകയാണ് പതിവ്. കുടുംബസമേതമുള്ള യാത്രയെന്ന നിലയില്‍ മറ്റ് സംസ്ഥാനങ്ങളിലെ പരിശോധനകളില്‍ നിന്നും ഇവര്‍ രക്ഷപ്പെട്ടിരുന്നു. ബംഗളൂരുവില്‍ നിന്ന് ലഹരി വാങ്ങി വനിതയുടെ നേതൃത്വത്തിലുള്ള സംഘം യാത്രതിരിച്ചതായി ജില്ലാ പോലിസ് മേധാവി കെ.എസ്.സുദര്‍ശനന് ലഭിച്ച രഹസ്യ വിവരത്തെ തുടര്‍ന്ന് സംസ്ഥാന അതിര്‍ത്തിയിലുടനീളം പോലീസിന്‍റെ പ്രത്യേക നിരീക്ഷണം ഏര്‍പ്പെടുത്തിയിരുന്നു. പോലീസിനെ കണ്ടതോടെ ഇടറോഡിലേക്ക് വാഹനം ഓടിച്ച് കയറ്റി രക്ഷപ്പെടാന്‍ ശ്രമിച്ച ഇവരെ പിന്തുടര്‍ന്ന് ഡാന്‍സാഫ് സംഘം സാഹസികമായി പിടികൂടുകയായിരുന്നു. നര്‍ക്കോട്ടിക്ക് സെല്‍ ഡിവൈ എസ്പി കെ.പ്രദീപ്, നെയ്യാറ്റിന്‍കര ഡിവൈഎസ്പി എസ്.ചന്ദ്രദാസ്, പൊഴിയൂര്‍ പോലീസ് ഇന്‍സ്പെക്ടര്‍ എസ്.പി.സുജിത്ത് , ഡാന്‍സാഫ് സബ് ഇന്‍സ്പെക്ടര്‍മാരായ എഫ്. ഫയാസ്, രസല്‍ രാജ്, ബി. ദിലീപ്, പ്രേം കുമാര്‍, രാജീവന്‍, സംഘാംഗങ്ങൾ ആയ അനീഷ്, അരുണ്‍, റിയാസ്, പത്മകുമാര്‍, സുനില്‍രാജ്, ദിനോര്‍ വനിതാ പോലിസ് ഉദ്യോഗസ്ഥര്‍ ആയ സജിത, ആശ എന്നിവര്‍ അടങ്ങിയ സംഘമാണ് അറസ്റ്റ് നടപടികള്‍ക്ക് നേതൃത്വം നല്‍കിയത്.

അനുശോചിച്ചു

കോവളം: സിപിഎം വിഴിഞ്ഞം മുൻ ലോക്കൽ സെക്രട്ടറിയും മത്സ്യ അനുബന്ധ തൊഴിലാളി യൂണിയൻ, വ്യാപാരി വ്യവസായി സമിതി നേതാവുമായ വിഴിഞ്ഞം സ്റ്റാൻലിയുടെ നിര്യാണത്തിൽ അനുശോചന യോഗം സംഘടിപ്പിച്ചു. വിഴിഞ്ഞം ജംഗ്ഷനിൽ ചേർന്ന യോഗത്തിൽ സിപിഎം കോവളം ഏരിയാ സെക്രട്ടറി എസ്.അജിത്ത് അധ്യക്ഷനായി. കെ.ആൻസലൻ എംഎൽഎ, കേരള ഓട്ടോമൊബൈൽസ് ചെയർമാനും മത്സ്യ തൊഴിലാളി യൂണിയൻ അഖിലേന്ത്യാ നേതാവുമായ പുല്ലുവിള സ്റ്റാൻലി, സിപിഎം ജില്ലാ കമ്മിറ്റി അംഗം പി.രാജേന്ദ്രകുമാർ, ഡിവൈഎഫ്ഐ ജില്ലാ പ്രസിഡന്‍റ് വി.അനൂപ്, കോൺഗ്രസ് മണ്ഡലം പ്രസിഡന്‍റ് ബിജു, സിപിഐ നേതാവ് വെങ്ങാനൂർ ബ്രൈറ്റ്, വ്യാപാരി വ്യവസായി സമിതി നേതാവ് പാപ്പച്ചൻ, ആർജെഡി നേതാവ് തെന്നൂർക്കോണം ബാബു, കേരള കോൺഗ്രസ് ബി നേതാവ് വിജയമൂർത്തി, ജനതാദൾ എസ് നേതാവ് കോളിയൂർ സുരേഷ്, വ്യാപാരി വ്യവസായി ഏകോപന സമിതി നേതാവ് അബാസ്, സിഐടിയു ജില്ലാ ജോയിൻ്റ് സെക്രട്ടറി എ.ജെ.സുക്കാർണോ, മത്സ്യ തൊഴിലാളി യൂണിയൻ നേതാവ് അസുന്ത മോഹൻ, സിഐടിയു ഏരിയാ സെക്രട്ടറി കരിങ്കട രാജൻ, ബിജെപി നേതാവ് സഞ്ചുലാൽ, സിപിഎം ഏരിയാ കമ്മിറ്റി അംഗം ഉച്ചക്കട ചന്ദ്രൻ, മുക്കോല ലോക്കൽ സെക്രട്ടറി മുക്കോല സന്തോഷ് എന്നിവർ സംസാരിച്ചു. സിപിഎം വിഴിഞ്ഞം ലോക്കൽ സെക്രട്ടറി യു.സുധീർ അനുശോചന പ്രമേയം അവതരിപ്പിച്ചു.

ജീവനക്കാരോട് സർക്കാരിന് കാട്ടുനീതി : അഡ്വ. ജി. സുബോധൻ

നെയ്യാറ്റിന്‍കര : കഴിഞ്ഞ ഒൻപതര വർഷമായി ജീവനക്കാരോടും അധ്യാപകരോടും സർവീസ് പെൻഷൻകാരോടും സർക്കാർ സ്വീകരിച്ചിരിക്കുന്നത് കാട്ടുനീതിയാണെന്ന് കെപിസിസി ജനറൽ സെക്രട്ടറി അഡ്വ. ജി. സുബോധൻ ആരോപിച്ചു. നെയ്യാറ്റിന്‍കര മിനി സിവിൽ സ്റ്റേഷന് മുന്നിൽ കേരള ഗസറ്റഡ് ഓഫീസേഴ്സ് യൂണിയൻ (കെ ജിഒയു) നെയ്യാറ്റിൻകര ബ്രാഞ്ച് കമ്മിറ്റിയുടെ ഇന്നലെ നടന്ന ഏകദിന ഉപവാസ സമരം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ജില്ലാ പ്രസിഡന്‍റ് എ. നിസാമുദീൻ അധ്യക്ഷനായി. ബ്രാഞ്ച് പ്രസിഡന്‍റ് പി.എസ്. അനിൽകുമാർ, സംസ്ഥാന കമ്മിറ്റി അംഗം കെ. ബിജു എന്നിവർ ഉപവസിച്ചു. സമാപന സമ്മേളനം കെപിസിസി ജനറൽ സെക്രട്ടറി അഡ്വ. മര്യാപുരം ശ്രീകുമാർ ഉദ്ഘാടനം ചെയ്തു. അഡ്വ. എം. വിൻസെന്‍റ് എംഎൽഎ, എഐസിസി അംഗം നെയ്യാറ്റിൻകര സനൽ, നെയ്യാറ്റിൻകര നഗരസഭ പ്രതിപക്ഷ നേതാവ് ജെ. ജോസ് ഫ്രാങ്ക്‌ളിൻ, കെജിഒയു സംസ്ഥാന പ്രസിഡന്‍റ് കെ.സി. സുബ്രഹ്മണ്യൻ, ജനറൽ സെക്രട്ടറി ബി. ഗോപകുമാർ, ട്രഷറർ ഡോ. ആർ. രാജേഷ്, സെക്രട്ടറിമാരായ എസ്.നൗഷാദ്, ഡോ. ജി.പി. പദ്മകുമാർ, ജില്ലാ സെക്രട്ടറി എസ്. ഒ. ഷാജികുമാർ തിരുപുറം, ഡിസിസി ജനറൽ സെക്രട്ടറിമാരായ അഡ്വ. കെ. വിനോദ് സെൻ, ആർ. സുമകുമാരി എന്നിവര്‍ സംബന്ധിച്ചു.

എല്‍പി വിദ്യാർഥികൾ നെയ്യാറ്റിൻകര ഗവ. ആയുര്‍വേദ ആശുപത്രി സന്ദർശിച്ചു

നെയ്യാറ്റിന്‍കര : നെയ്യാറ്റിന്‍കര ഗവ. ടിടിഐ യിലെ എല്‍പി വിദ്യാർഥികൾ നെയ്യാറ്റിൻകര ഗവ. ആയുര്‍വേദ ആശുപത്രി സന്ദർശിച്ചു. ആശുപത്രിയുടെ സൗകര്യങ്ങള്‍ നേരില്‍ കാണാനും പ്രവര്‍ത്തനങ്ങള്‍ മനസിലാക്കാനും വേണ്ടിയാണ് വിദ്യാര്‍ഥികള്‍ ആശുപത്രിയിലെത്തിയത്. വിദ്യാര്‍ഥികളുടെ സംശയങ്ങള്‍ക്ക് ഉചിതമായ മറുപടികള്‍ ആശുപത്രി അധികൃതര്‍ ലളിതമായ ഭാഷയില്‍ വിശദീകരിച്ചു. ആശുപത്രിയില്‍ പരിരക്ഷിച്ചിട്ടുള്ള ഔഷധച്ചെടികളെക്കുറിച്ചും വിദ്യാര്‍ഥികള്‍ക്ക് ബോധവത്കരണം നല്‍കി. അധ്യാപകരും രക്ഷിതാക്കളും വിദ്യാര്‍ഥികളോടൊപ്പമുണ്ടായിരുന്നു.

ദേവാലയ തിരുനാളിന് ഇന്ന് ആരംഭം

വിഴിഞ്ഞം: മുല്ലൂർ സെന്‍റ് ഫ്രാൻസീസ് അസീസി മലങ്കര സുറിയാനി കത്തോലിക്കാ ദേവാലയ തിരുനാളിനും നവതി ആഘോഷ സമാപനത്തിനും ഇന്ന് ആരംഭം കുറിച്ച് 19 ന് സമാപിക്കും. ദിവസവും വൈകുന്നേരം അഞ്ചിന് ജപമാല പ്രാർത്ഥന സന്ധ്യാ നമസ്കാരം നൊവേന ,വിശുദ്ധ കുർബാന. നാളെ രാവിലെ 7.45 ന് പ്രഭാത നമസ്കാരം 8.15 അഭിവന്ദ്യ യുഹാനോൻ മാർ ക്രിസോസ്റ്റം തിരുമേനിക്ക് സ്വീകരണം. തുടർന്ന് വിശുദ്ധ കുർബാന. തിങ്കളാഴ്ച മുതൽ ബുധനാഴ്ച വരെ വൈകുന്നേരം വചനസന്ധ്യ. ഫാ. വിൽസൺ തട്ടാരു തുണ്ടിൽ, ഫാ. ആദർശ് കുമ്പളത്ത് , ഫാ. അലോഷ്യസ് തെക്കേടത്ത് എന്നിവർ നയിക്കും. 12 ന് രാവിലെ 8.15 ന് പാറശാല രൂപതാ മെത്രാൻ തോമസ് മാർ യൗസേബിയോസ് തിരുമേനിക്ക് സ്വീകരണവും വിശുദ്ധ കുർബാനയും. 19ന് രാവിലെ 8.15 ന് മോറാൻ മോർ ബസേലിയോസ് കർദ്ദിനാൾ ക്ലീമിസ് കാതോലിക്കാ ബാവായ്ക്ക് സ്വീകരണം. തുടർന്ന് ആഘോഷമായ വിശുദ്ധ കുർബാന, ആദ്യകുർബാന സ്വീകരണം.

ഏഴു ദിവത്തിനിടയിൽ അമ്മത്തൊട്ടിലിൽ ഉപേക്ഷിക്കപ്പെട്ടത് എട്ടു കുട്ടികൾ

തിരുവനന്തപുരം: സംസ്ഥാന ശിശുക്ഷേമ സമിതിയുടെ കീഴിലുള്ള അമ്മത്തൊട്ടിലുകളിൽ കഴിഞ്ഞ ഒരാഴ്ചയ്ക്കിടെ എത്തിയത് എട്ടു കുരുന്നുകൾ. വ്യാഴാഴ്ച രാത്രി പത്തരയോടെ തിരുവനന്തപുരത്തെ അമ്മത്തൊട്ടിലിൽ 11 ദിവസം പ്രായമുള്ള ആണ്‍കുഞ്ഞും ഇന്നലെ നാലരയ്ക്ക് കോഴിക്കോട് അമ്മത്തൊട്ടിലിൽ 20 ദിവസം പ്രായമുള്ള മറ്റൊരാണ്‍കുഞ്ഞിനെയുമാണ് ഒടുവിൽ ലഭിച്ചത്. അമ്മത്തൊട്ടിലിൽ എത്തിയ ഉടൻ തൈക്കാട് കുട്ടികളുടെ ആശുപത്രിയിലും കോഴിക്കോട് ബീച്ച് ആശുപത്രിയിലും എത്തിച്ച് കുഞ്ഞുങ്ങളെ പ്രാഥമിക പരിശോധനയ്ക്ക് വിധേയമാക്കി. മറ്റ് ആരോഗ്യ പ്രശ്നങ്ങൾ ഒന്നുമില്ലാത്തതിനാൽ പുരസ്ക്കാർ എന്നു പേരിട്ട കുട്ടിയെ തിരുവനന്തപുരത്തെ പരിചരണ കേന്ദ്രത്തിലും ഹോർത്തൂസ് എന്നു പേരിട്ട കുട്ടിയെ കോഴിക്കോട് ബീച്ച് ആശുപത്രിയിലും പരിചരണത്തിനായി പ്രവേശിപ്പിച്ചു. ഇവരുടെ ദത്തെടുക്കൽ നടപടിക്രമങ്ങൾ ആരംഭിക്കേണ്ടതിനാൽ അവകാശികൾ ആരെങ്കിലുമുണ്ടെങ്കിൽ അടിയന്തിരമായി ബന്ധപ്പെടണമെന്ന് സംസ്ഥാന ശിശുക്ഷേമ സമിതി ജനറൽ സെക്രട്ടറി ജി.എൽ. അരുണ്‍ ഗോപി പത്രകുറിപ്പിൽ അറിയിച്ചു.

തദ്ദേശസ്ഥാപനങ്ങളെ വെള്ളാനകളാക്കി: വി.മുരളീധരൻ

നെടുമങ്ങാട് : രാഷ്ട്രീയ താല്പര്യം മുൻനിർത്തി നരേന്ദ്രമോദി സർക്കാർ വിഭാവനം ചെയ്യുന്ന പദ്ധതികൾ തദ്ദേശതലത്തിൽ അട്ടിമറിക്കപ്പെടുകയാണെന്നും തദ്ദേശസ്ഥാപനങ്ങളെ സ്വന്തം കീശനിറയ്ക്കാനുള്ള വെള്ളാനകളായി കണക്കാക്കുന്ന ഇടത്-വലത് മുന്നണികൾ കേരളത്തിന്‍റെ ശാപമെന്നും മുൻ കേന്ദ്രസഹമന്ത്രി വി.മുരളീധരൻ. ബി.ജെ.പി ആനാട് പഞ്ചായത്ത് കമ്മിറ്റി സംഘടിപ്പിച്ച ജനരക്ഷായാത്രയുടെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സിപിഐ വിട്ട് ബിജെപിയിൽ ചേർന്ന ജെ.അരുൺബാബുവിന് യോഗത്തിൽ വി.മുരളീധരൻ അംഗത്വം നൽകി.വിവിധ പാർട്ടികളിൽ നിന്ന് ബിജെപിയിൽ ചേർന്ന പട്ടാളം വിജയകുമാർ,പ്രണവം പ്രകാശ്, അശോകൻ പണ്ടാരക്കോണം, എസ്.മുരളി എന്നിവരെ ഷാൾ അണിയിച്ച് സ്വീകരിച്ചു. ബി.ജെ.പി പാലോട് മണ്ഡലം വൈസ് പ്രസിഡന്‍റ് പ്രശാന്ത് ചെറുവേലിയുടെ അധ്യക്ഷതയിൽ ആനാട് മണ്ഡലം സെക്രട്ടറി അനീഷ്കൃഷ്ണ കല്ലിയോട് സ്വാഗതം പറഞ്ഞു.രാവിലെ ഉണ്ടപാറയിൽ നിന്നും ആരംഭിച്ച ജനരക്ഷായാത്ര ജാഥാ ക്യാപ്ടന്മാർക്ക് പതാക കൈമാറി ബിജെപി മേഖലാ പ്രസിഡന്‍റ് അഡ്വ.ഗോപകുമാർ ഉദ്ഘാടനം ചെയ്തു.

കലയുടെ നവ്യാനുഭവമേകി വനിതാ ജംഗ്ഷന്‍

നെയ്യാറ്റിന്‍കര : പൂതപ്പാട്ടുമായി നെയ്യാറ്റിന്‍കര ഗവ. ഗേള്‍സ് ഹയര്‍സെക്കന്‍ഡറി സ്കൂളിലെ വിദ്യാര്‍ഥിനികള്‍. നൃത്തവും പാട്ടുമായി പകല്‍വീട്ടിലെ അമ്മൂമ്മമാര്‍. കവിതാലാപനം മുതല്‍ കൈകൊട്ടിക്കളി വരെ നീളുന്ന പരിപാടികള്‍. നെയ്യാറ്റിന്‍കര നഗരസഭ സംഘടിപ്പിച്ച സന്ധ്യാരാഗം വനിതാ ജംഗ്ഷന്‍ ശ്രദ്ധേയമായി. നെയ്യാറ്റിന്‍കര നഗരസഭ സ്റ്റേഡിയത്തില്‍ പ്രത്യേകം തയാറാക്കിയ വേദിയിലാണ് പരിപാടികള്‍ അരങ്ങേറിയത്. സന്ധ്യാരാഗത്തിന്‍റെ ഉദ്ഘാടനം സംസ്ഥാന വികലാംഗ ക്ഷേമ കോർപ്പറേഷൻ ചെയർപേഴ്സൺ അഡ്വ. എം.വി ജയാഡാളി നിര്‍വഹിച്ചു. നഗരസഭ ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ എൻ.കെ. അനിതകുമാരി അധ്യക്ഷയായി. നഗരസഭ മുൻ ചെയർപേഴ്സൺ ഡബ്ല്യൂ.ആർ. ഹീബ, പൊതുമരാമത്ത് കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ആർ. അജിത, കുടുംബശ്രീ സിഡിഎസ് സെക്കൻഡ് ചെയർപേഴ്സൺ എ. മേരിസ്റ്റെല്ല, നഗരസഭ ഐസിഡിഎസ് സൂപ്പർവൈസർമാരായ എക്സ്. സ്റ്റെഫി, എൻ.ജി. ഷിനിമോൾ, അതിയന്നൂർ അഡീഷണൽ സിഡിപിഓ എം.ആർ. കൃഷ്ണ എന്നിവർ സംബന്ധിച്ചു.

മുൻ മന്ത്രി ആന്‍റണി രാജു കോടതിയിൽ ഹാജരായി

നെടുമങ്ങാട്: തൊണ്ടിമുതലിൽ കൃത്രിമം കാണിച്ചുവെന്ന കേസിൽ മുൻ മന്ത്രിയും എംഎൽഎയുമായ ആന്‍റണി രാജുവും ഒന്നാം പ്രതി ജോസും നെടുമങ്ങാട് കോടതിയിൽ ഹാജരായി. കേസിൽ രണ്ടാം പ്രതിയാണ് ആന്‍റണി രാജു. പ്രോസിക്യൂഷൻ നിരത്തിയ തെളിവുകൾ മജിസ്‌ട്രേട്ട് റൂബി ഇസ്മയിൽ ഇരുവരെയും വായിച്ചു കേൾപ്പിച്ചു. 1990-ൽ തിരുവനന്തപുരം വിമാനത്താവളത്തിൽ ലഹരി മരുന്നുമായി പിടിയിലായ വിദേശിയെ രക്ഷിക്കാൻ അഭിഭാഷകനായിരുന്ന ആന്‍റണി രാജു തൊണ്ടിമുതലിൽ കൃത്രിമം കാട്ടിയെന്നാണ് കേസ്.17 മുതൽ കേസിൽ വാദം തുടങ്ങും.

മോഹൻലാലിന് ആദരം: നഗരത്തിൽ ഗതാഗത നിയന്ത്രണം

തിരുവനന്തപുരം: കേരളാ സര്‍ക്കാര്‍ നടൻ മോഹന്‍ലാലിനെ ആദരിക്കുന്നതുമായി ബന്ധപ്പെട്ട് ഇന്ന് വൈകുന്നേരം 5ന് തിരുവനന്തപുരം സെന്‍ട്രല്‍ സ്റ്റേഡിയത്തില്‍ നടക്കുന്ന പ്രോഗ്രാമിനോടനുബന്ധിച്ച് നഗരത്തിൽ ഗതാഗത ക്രമീകരണങ്ങള്‍ ഏര്‍പ്പെടുത്തി. ഉച്ചയ്ക്ക് മൂന്ന് മുതല്‍ തിരുവനന്തപുരം നഗരത്തില്‍ ഗതാഗത നിയന്ത്രണങ്ങള്‍ ഏര്‍പ്പെടുത്തിയിട്ടുള്ളതാണ്. ജേക്കബ്സ് ജംഗ്ഷന്‍, ഊറ്റുകുഴി , ഗവണ്‍മെന്‍റ് പ്രസ് ജംഗ്ഷന്‍ എന്നീ സ്ഥലങ്ങളില്‍ നിന്നും സെന്‍ട്രല്‍ സ്റ്റേഡിയം ഭാഗത്തേയ്ക്ക് വാഹനഗതാഗതം അനുവദിക്കുന്നതല്ല. വിജെടി ഭാഗത്ത് നിന്ന് വരുന്ന വാഹനങ്ങൾ‍ സ്റ്റാച്ച്യു വഴി കന്‍റോണ്‍മെന്‍റ് ഗേറ്റ് എത്തി ആള്‍ക്കാരെ ഇറക്കിയശേഷം ജേകബ്സ് ജംഗ്ഷന്‍ വഴിയും, ആയുര്‍വേദ കോളജ് ഭാഗത്ത് നിന്നും വരുന്ന വാഹനങ്ങള്‍ പുളിമൂട് ഭാഗത്ത് ആള്‍ക്കാരെ ഇറക്കിയ ശേഷവും, ആര്‍ബി ഐ, ബേക്കറി ജംഗ്ഷന്‍, മോഡല്‍ സ്കൂള്‍ ജംഗ്ഷന്‍ എന്നീ ഭാഗങ്ങളി ല്‍ നിന്നുള്ള വാഹനങ്ങള്‍ ഹൗസിംഗ് ബോര്‍ഡ് ജംഗ്ഷന്‍ വഴി ഗവൺമെന്‍റ് പ്രസ് ജംഗ്ഷനില്‍ എത്തി ആള്‍ക്കാരെ ഇറക്കിയ ശേഷം പുളിമൂട് ജംഗ്ഷന്‍ വഴിയും പാര്‍ക്കിംഗ് സ്ഥലങ്ങളിലേക്ക് പോകേണ്ടതാണ്. പുളിമൂട് ഭാഗത്ത് നി ന്നും ഗവണ്‍മെന്‍റ് പ്രസ് ജംഗ്ഷന്‍ ഭാഗത്തേക്ക് വാഹന ഗതാഗതം അനുവദിക്കാത്തതും ഗവണ്‍മെന്‍റ് പ്രസ് ജംഗ്ഷന്‍ ഭാഗത്ത് നിന്നും പുളിമൂട് ഭാഗത്തേക്ക് വാഹനഗതാഗതം അനുവദിക്കുന്നതുമാണ്. വലിയ വാഹനങ്ങളില്‍ വരുന്നവര്‍ ആള്‍ക്കാരെ ഇറക്കിയ ശേഷം വാഹനങ്ങള്‍ ആറ്റുകാല്‍ ക്ഷേത്ര ഗ്രൗണ്ടില്‍ പാര്‍ക്ക് ചെയ്യേണ്ടതാണ്.

ഇലക്‌ട്രോണിക് വീല്‍ച്ചെയറുകള്‍ വിതരണം ചെയ്തു

പേരൂര്‍ക്കട: നഗരസഭ ഭിന്നശേഷിക്കാര്‍ക്കായി ഇലക്‌ട്രോണിക് വീല്‍ച്ചെയറുകള്‍ വിതരണം ചെയ്തു. 21 പേര്‍ക്കാണ് ഇതു സൗജന്യമായി നല്‍കിയത്. മേയര്‍ ആര്യ രാജേന്ദ്രന്‍ വീല്‍ച്ചെയറുകളുടെ വിതരണ ഉദ്ഘാടനം നിര്‍വഹിച്ചു. ഡപ്യൂട്ടി മേയര്‍ പി.കെ രാജു അധ്യക്ഷത വഹിച്ചു. ഓരോ വ്യക്തിയുടെയും സ്വന്തം ആവശ്യങ്ങള്‍ സ്വയം നിറവേറ്റാനുള്ള ശേഷിക്ക് മനുഷ്യജീവിതത്തില്‍ ഏറെ പ്രാധാന്യമുണ്ടെന്നും പരിമിതികളെ മറികടന്ന് ഭിന്നശേഷിക്കാരെ സ്വയം പര്യാപ്തരാക്കുകയെന്നതാണ് ലക്ഷ്യമെന്നും മേയര്‍ പറഞ്ഞു. യോഗത്തില്‍ സ്റ്റാൻഡിംഗ് കമ്മിറ്റി ചെയര്‍മാന്‍ ക്ലൈനസ് റൊസാരിയോ, ചെയര്‍പേഴ്‌സണ്‍മാരായ ആര്‍. സുരകുമാരി, സി.എസ്.സുജാദേവി തുടങ്ങിയവര്‍ പങ്കെടുത്തു.

ജവഹർ നഗർ വസ്തുതട്ടിപ്പ് കേസ് : അനില്‍ തമ്പിയെ പിടികൂടാന്‌ ഊർജിത ശ്രമവുമായി പോലീസ്

പേരൂര്‍ക്കട: ജവഹര്‍ നഗര്‍ വസ്തുതട്ടിപ്പ് കേസുമായി ബന്ധപ്പെട്ട് സൂത്രധാരന്‍ അനില്‍ തമ്പിയെ പിടികൂടാനുള്ള ഊർജിത ശ്രമവുമായി പോലീസ്. ഡിജിറ്റല്‍ സംവിധാനങ്ങൾ അനില്‍ തമ്പി പാടേ ഉപേക്ഷിച്ചതാണ് പോലീസിനെ കുഴക്കുന്നത്. എടിഎം കാര്‍ഡുകള്‍, ആധാര്‍ കാര്‍ഡ്, ഡ്രൈവിംഗ് ലൈസന്‍സ്, പാന്‍കാര്‍ഡ്, പാസ്‌പോര്‍ട്ട്, സ്മാര്‍ട്ട് ഫോണ്‍, കമ്പ്യൂട്ടര്‍, മെയില്‍ അക്കൗണ്ടുകള്‍, സോഷ്യല്‍ മീഡിയകള്‍ എന്നിവയൊന്നും ഇയാള്‍ കഴിഞ്ഞ മൂന്നുമാസമായി ഉപയോഗിക്കുന്നില്ല എന്നാണ് വിവരം. അനില്‍ തമ്പിയുടെ പാസ്‌പോര്‍ട്ട് പോലീസ് ബ്ലോക്ക് ചെയ്തിരിക്കുകയാണ്. അതിനാൽ അന്യ രാജ്യങ്ങളിലേക്ക് ഇയാള്‍ കടക്കാനുള്ള സാദ്ധ്യത വളരെ കുറവാണ്. നേപ്പാളിലേക്ക് റോഡുമാര്‍ഗമെത്തി പുതിയ പാസ്‌പോര്‍ട്ട് സംഘടിപ്പിച്ചാല്‍ മാത്രമേ മറ്റു രാജ്യങ്ങളിലേക്കു സഞ്ചരിക്കാനുള്ള വഴി തെളിയുകയുള്ളൂ. അനില്‍ തമ്പി അതിന് ശ്രമിക്കില്ല എന്നാണ് പോലീസ് കരുതുന്നത്. അനില്‍ തമ്പി ഏറ്റവുമൊടുവില്‍ വിളിച്ചിരിക്കുന്നത് വീട്ടിലേക്കാണെന്ന് കോള്‍ ലിസ്റ്റുകള്‍ പരിശോധിച്ചതില്‍ നിന്നു പോലീസിന് വ്യക്തമായിട്ടുണ്ട്. അതേസമയം ഇയാള്‍ ഒളിവില്‍പ്പോകുന്നതിന് മുമ്പുള്ള കോള്‍ വിവരങ്ങൾ മാത്രമാണ് പോലീസിന് ശേഖരിക്കാന്‍ സാധിച്ചത്. ഡല്‍ഹി, രാജസ്ഥാന്‍, ഉത്തര്‍പ്രദേശ്, കര്‍ണാടക എന്നിവിടങ്ങളില്‍ അനില്‍ തമ്പിക്ക് നിരവധി ബന്ധങ്ങളുണ്ട്. റിയല്‍ എസ്റ്റേറ്റ് ബിസിനസ്, വാട്ടര്‍ ട്രീറ്റ്‌മെന്‍റ് ് പ്ലാന്‍റ്, ഷെയര്‍ട്രേഡ് മാര്‍ക്കറ്റ് തുടങ്ങിയവിലൂടെ ഉണ്ടാക്കിയെടുത്ത ബന്ധങ്ങളും നിരവധിയാണ്. കഴിഞ്ഞ കുറേമാസത്തിനിടെ അനല്‍ തമ്പി ബാങ്ക് അക്കൗണ്ടുകള്‍ വഴി യാതൊരു ഇടപാടുകളും നടത്തിയിട്ടില്ല. ഉന്നതരില്‍ നിന്നുള്ള സാമ്പത്തിക സഹായം ഇയാള്‍ക്ക് ലഭിക്കുന്നുണ്ടെന്നാണ് പോലീസ് കരുതുന്നത്. ഹൈക്കോടതി ജാമ്യം നിഷേധിച്ചതോടെ അനില്‍ തമ്പിയെ എത്രയും വേഗം പിടികൂടാനുള്ള കിണഞ്ഞ പരിശ്രമത്തിലാണ് പോലീസെന്ന് മ്യൂസിയം സി.ഐ വിമല്‍ അറിയിച്ചു. നിലവിൽ അമേരിക്കയിൽ താമസിക്കുന്ന കവടിയാർ ജവഹർ നഗർ സ്വദേശിനിയുടെ 10 കോടിയോളം വിലവരുന്ന വീടും വസ്തുവും തട്ടിയെടുത്ത കേസിൽ ആണ് പോലീസ് അനിൽ തന്പിയെ തെരയുന്നത്.

ഭാരത് സഹോദയ ഇന്‍റർ സ്കൂൾ ഖോ ഖോ ചാമ്പ്യൻഷിപ്പ്

വെമ്പായം : ഭാരത് സഹോദയ ഇന്‍റർ സ്കൂൾ ഖോ ഖോ ചാമ്പ്യൻഷിപ്പ് മത്സരങ്ങൾ വട്ടപ്പാറ ലൂർദ്മൗണ്ട് പബ്ലിക് സ്കൂളിൽ നടന്നു. ഖോ ഖോ ലോകകപ്പ് വിന്നർ വി. നിഖിൽ മത്സരങ്ങൾ ഉദ്ഘാടനം ചെയ്തു. വിവിധ സ്കൂളുകളുടെ 49 ടീമുകളിൽ നിന്നായി ആയിരത്തോളം കായിക താരങ്ങൾ മത്സരങ്ങളിൽ പങ്കെടുത്തു. സമാപന സമ്മേളനത്തിൽ സീനിയർ, ജൂണിയർ, സബ് ജൂണിയർ വിഭാഗങ്ങളിൽ ചാമ്പ്യൻഷിപ്പ് നേടിയ ടീമുകൾക്ക് ട്രോഫികൾ വിതരണം ചെയ്തു. ഭാരത് സഹോദയ പ്രസിഡന്‍റ് എസ്. ഷിബു, ജനറൽ സെക്രട്ടറി എസ്. അരുൺ, സ്കൂൾ മാനേജർ ബ്രദർ പീറ്റർ വാഴേപറമ്പിൽ, സിബിഎസ്‌സി വിഭാഗം പ്രിൻസിപ്പൽ ഡോ. ഷാഫി തോംസൺ, ഹയർ സെക്കൻഡറി വിഭാഗം പ്രിൻസിപ്പൽ ഡോ. ജോസ് ഡി. സുജീവ്, പിടിഎ എക്സിക്യൂട്ടീവ് അംഗമായ ദിവ്യ എന്നിവർ പങ്കെടുത്തു.

ലിഫ്റ്റില്‍ കുടുങ്ങിയവരെ രക്ഷപ്പെടുത്തി

പേരൂര്‍ക്കട: ലിഫ്റ്റിനുള്ളില്‍ കുടുങ്ങിയ 10 പേരെ തിരുവനന്തപുരം ഫയര്‍‌സ്റ്റേഷനില്‍നിന്ന് ഉദ്യോഗസ്ഥരെത്തി രക്ഷപ്പെടുത്തി. പുളിമൂട് എം.ജി റോഡില്‍ രാജധാനി ബില്‍ഡിംഗ്‌സിലെ ലിഫ്റ്റില്‍ കുടുങ്ങിയവരെയാണ് രക്ഷിച്ചത്. ഇതേ ബില്‍ഡിംഗ്‌സില്‍ പുതുതായി ആരംഭിച്ച ഒരു സ്ഥാപനത്തിന്‍റെ ഉദ്ഘാടനച്ചടങ്ങില്‍ പങ്കെടുക്കാനെത്തിയവരായിരുന്നു പുരുഷന്മാരും സ്ത്രീകളും ഉള്‍പ്പെട്ടെ 10 പേര്‍. ഒമ്പതാം നിലയിലായിരുന്നു ഉദ്ഘാടനപരിപാടി. ചടങ്ങിനായി മുകളിലേക്കു പോകാന്‍ ലിഫ്റ്റില്‍ കയറിയ ഉടനെ സെല്ലാറിനും ഗ്രൗണ്ട് ഫ്‌ളോറിനുമിടയില്‍ ലിഫ്റ്റ് നിന്നുപോകുകയായിരുന്നു. അമിതമായി വൈദ്യുത പ്രവഹിച്ച് ഫ്യൂസ് ഉരുകിപ്പോയതാണ് ലിഫ്റ്റിന്‍റെ പ്രവര്‍ത്തനം നിലയ്ക്കാന്‍ കാരണം. തിരുവനന്തപുരം സ്റ്റേഷനില്‍നിന്ന് സീനിയര്‍ ഫയര്‍ ആൻഡ് റസ്‌ക്യു ഓഫീസര്‍ ശ്രീജിത്തിന്‍റെ നേതൃത്വത്തില്‍ ഫയര്‍ ആൻഡ് റസ്‌ക്യു ഓഫീസര്‍മാരായ സിജിന്‍, ഹരിലാല്‍, വിവേക്, സനിത്ത്, എഫ്ആര്‍ഒ ഡ്രൈവര്‍ സജി എന്നിവര്‍ ചേര്‍ന്ന് ലിഫ്റ്റിന്‍റെ ഡോറുകള്‍ പൊളിച്ചാണ് കുടുങ്ങിക്കിടന്നവരെ രക്ഷപ്പെടുത്തിയത്.

ജനാര്‍ദനപുരം ഹയര്‍ സെക്കൻഡറി സ്‌കൂളില്‍ സേവനവാരം ഉദ്ഘാടനം

വെള്ളറട: ഗാന്ധിജയന്തിയോടനുബന്ധിച്ച് ഒറ്റശേഖരമംഗലം ജനാര്‍ദനപുരം ഹയര്‍ സെക്കൻഡറി സ്‌കൂളില്‍ ഒരാഴ്ച നീണ്ടു നില്‍ക്കുന്ന ശുചീകരണ പ്രവര്‍ത്തനങ്ങളുടെ ഉദ്ഘാടനം ഗാന്ധിദര്‍ശന്‍ കാട്ടാക്കട സബ് ജില്ല കോ-ഓര്‍ഡിനേറ്റര്‍ മലയിന്‍കീഴ് ശശികുമാര്‍ നിർവഹിച്ചു. സ്‌കൂള്‍ ഹെഡ്മാസ്റ്റര്‍ എം. എസ്. ആദര്‍ശ് കുമാര്‍ അധ്യക്ഷത വഹിച്ചു. എന്‍. ഷീബ ജപമലര്‍, വട്ടപ്പാറ അനില്‍കുമാര്‍, അനികുമാര്‍, എസ്.എസ്. അഖിനേത്, ജെ. സീമ, അമ്പിളി എന്നിവർ സംസാരിച്ചു. ഗാന്ധിജിയുടെ ചിത്രത്തില്‍ എന്‍സിസി, എസ്പിസി, സ്കൗട്ട് ആൻഡ് ഗൈഡ്, റെഡ്‌ക്രോസ്, ലിറ്റില്‍ കൈറ്റ്‌സ്, നാച്ചുര്‍ ക്ലബ്,എക്കോ ക്ലബ് തുടങ്ങിയ വിവിധ ക്ലബുകളിലെ കുട്ടികള്‍ പുഷ്പാര്‍ച്ചന നടത്തി. വിവിധ കലാപരിപാടികളും മത്സരങ്ങളും സംഘടിപ്പിച്ചു.

ആത്മഹത്യാഭീഷണി മുഴക്കിയ അറുപതുകാരനെ ഫയര്‍ഫോഴ്‌സ് രക്ഷപ്പെടുത്തി

പേരൂര്‍ക്കട: കുളത്തിലിറങ്ങി ആത്മഹത്യാഭീഷണി മുഴക്കിയ ആളെ ഫയര്‍ഫോഴ്‌സ് എത്തി കരയ്ക്കു കയറ്റി. റാന്നി ലെയിന്‍ തുണ്ടുവിള വീട്ടില്‍ രാജേന്ദ്രന്‍ (60) ആത്മഹത്യചെയ്യുമെന്നു പറഞ്ഞ് വെള്ളത്തിലേക്ക് ഇറങ്ങിയത്. ബുധനാഴ്ച വൈകുന്നേരം നാലോടെ പേരൂര്‍ക്കട വഴയില റാന്നി ലെയിനിലെ റാന്നി കുളത്തിലിറങ്ങിയാണ് ഇയാള്‍ ഭീഷണി മുഴക്കിയത്. കുളത്തില്‍ പായലും അടിഭാഗത്ത് ചളിയും ഉണ്ടായിരുന്നതിനാല്‍ ഒരുമണിക്കൂറോളം വെള്ളത്തില്‍നിന്ന ഇയാള്‍ ഏറെക്കുറെ തളര്‍ച്ചയിലായിരുന്നു. സ്‌ക്യൂബ ഡൈവര്‍മാരായ രതീഷ്, പ്രദോഷ്, വിജിന്‍ എന്നിവര്‍ വെള്ളത്തിലിറങ്ങി രാജേന്ദ്രനെ അനുനയിപ്പിച്ച് കരയ്‌ക്കെത്തിക്കുകയായിരുന്നു. രാജേന്ദ്രനു മാനസികാസ്വാസ്ഥ്യമുണ്ടായിരുന്നുവെന്നും അതാണ് ആത്മഹത്യാഭീഷണി മുഴക്കാന്‍ കാരണമായതെന്നും പേരൂര്‍ക്കട പോലീസ് പറഞ്ഞു. രാജേന്ദ്രനെ പിന്നീട് ബന്ധുക്കള്‍ ചേര്‍ന്ന് ഊളമ്പാറ മാനസികാരോഗ്യ കേന്ദ്രത്തില്‍ പ്രവേശിപ്പിച്ചു.

അമ്മയെയും മകളെയും കൊലപ്പെടുത്താന്‍ ശ്രമിച്ച കേസിൽ 60കാരൻ അറസ്റ്റിൽ

പേരൂര്‍ക്കട: അമ്മയെയും മകളെയും വീട്ടിലിട്ടു വെട്ടിക്കൊലപ്പെടുത്താന്‍ ശ്രമിച്ചയാളെ കന്‍റോൺമെന്‍റ് പോലീസ് അറസ്റ്റുചെയ്തു. കുന്നുകുഴി വിവേകാനന്ദ നഗര്‍ ടിസി 27/325 എസ്ആര്‍എ 45-ല്‍ ജോണി (60) ആണ് അറസ്റ്റികുന്നുകുഴി എ.കെ.ജി സെന്‍റര്‍ വിവേകാനന്ദ നഗറിൽ താമസിക്കുന്ന സെറാഫിന്‍റെ മകള്‍ ഷെര്‍ളി (30) യുടെ പരാതിയിലാണ് അറസ്റ്റ്. സംഭവദിവസം സെറാഫിനും ഷെര്‍ളിയും വീട്ടിലിരിക്കുമ്പോള്‍ മീന്‍ വെട്ടുന്ന കത്തിയുമായി എത്തിയ ജോണി ഇരുവരെയും അസഭ്യം പറയുകയും മര്‍ദിക്കുകയുമായിരുന്നു. അതിനുശേഷം സെറാഫിനെ ആക്രമിക്കാനുള്ള ശ്രമവും ഷെര്‍ളി തടഞ്ഞു. ഇതിന്‍റെ വിരോധത്തില്‍ ജോണി കൈവശമിരുന്ന കത്തി ഉപയോഗിച്ച് ഷെര്‍ളിയുടെ തലയില്‍ വെട്ടി. വെട്ടുകൊണ്ട് നിലത്തുവീണ ഇവരെ വീണ്ടും അസഭ്യം പറയുകയും മർദിക്കുകയും ചെയ്തശേഷമാണ് ഇയാള്‍ തിരികെപ്പോയത്. ആക്രമണത്തിനിടെ സെറാഫിനും കത്തികൊണ്ടു മുറിവേറ്റു. ഇരുവരും തിരുവനന്തപുരം ജനറല്‍ ആശുപത്രിയില്‍ ചികിത്സ തേടി. സെറാഫിനുമായി പ്രതിക്ക് നേരത്തെയുണ്ടായിരുന്ന വ്യക്തിവിരോധമാണു ആക്രമണത്തിനു കാരണമായത്. കന്‍റോൺമെന്‍റ് സിഐ പ്രജീഷ് ശശി, എസ്ഐ എം. മധുമോഹന്‍ എന്നിവര്‍ ഉള്‍പ്പെട്ട സംഘമാണ് കേസന്വേഷണം പൂര്‍ത്തീകരിച്ചത്. അറസ്റ്റിലായ പ്രതിയെ കോടതിയില്‍ ഹാജരാക്കി.

നെടുമങ്ങാട് ജില്ലാ ആശുപത്രിയിൽ കോൺക്രീറ്റിൽനിന്നു പാളികൾ അടർന്നുവീണ് ഒരാൾക്ക് പരിക്ക്

നെടുമങ്ങാട്: ജില്ലാ ആശുപത്രിയുടെ കെട്ടിടത്തിന്‍റെ കോൺക്രീറ്റിൽനിന്ന് പാളികൾ വീണു രോഗിയുടെ ബന്ധുവിന് പരുക്കേറ്റു. നടുവേദനയ്ക്ക് ആശുപത്രിയിൽ ചികിത്സ തേടിയ ശാന്തിഗിരി ആനന്ദപുരം റിയാസ് മൻസിലിൽ ബി.ഫസിലുദീന് ഒപ്പം എത്തിയ ബന്ധു നൗഫിയ നൗഷാദി(21)നാണ് കൈയിൽ പരുക്കേറ്റത്. ഫസിലുദീനെ പിഎംആർ ഒപിയിൽ ഡോക്ടറെ കാണിക്കാൻ ഇരിക്കുന്നതിനിടെ ഇന്നലെ രാവിലെയായിരുന്നു സംഭവം. നൗഫിയയുടെ ഇടതു കൈയിൽ പാളികൾ അടർന്നു വീഴുകയായിരുന്നു. എക്സ്റേ എടുത്തു നടത്തിയ പരിശോധനയിൽ കൈയ്ക്കു മറ്റു പ്രശ്നങ്ങൾ ഇല്ലെങ്കിലും നൗഫിയയുടെ വേദന ഉണ്ട്. അപകടത്തിനു പിന്നാലെ പിഎംആർ ഒപി ഇവിടെനിന്ന് സ്കിൻ ഒപിയിലേക്ക് മാറ്റി.

അറിവിന്‍റെ ലോകത്തേക്ക്...

വിജയദശമി ദിനത്തിൽ അറിവിന്‍റെ ആദ്യാക്ഷരം കുറിച്ച് കുരുന്നുകൾ... നേമം: വിജയദശമി ദിനത്തിൽ ആയിരക്കണക്കിന് കുരുന്നുകൾ അറിവിന്‍റെ ആദ്യാക്ഷരം കുറിച്ചു. കരുമം പാപ്പനംകോട്, പുഴിക്കുന്ന്, വെള്ളായണി നേമം, തൃക്കണ്ണാപുരം, കല്ലിയുർ, വിഴവൂർ, പ്രാവച്ചമ്പലം, മൊട്ടമൂട്, നരുവാമൂട് തുടങ്ങിയ സ്ഥലങ്ങളിലെ ക്ഷേത്രങ്ങളിലും വിവിധ സാംസ്കാരി സംഘടനകളുടെ നേതൃത്വത്തിലും വിദ്യാരംഭ ചടങ്ങുകൾ നടന്നു. പ്രദേശത്തെ ക്ഷേത്രങ്ങളിലും വൻ തിരക്ക് അനുഭവപ്പെട്ടു. ആദ്യാക്ഷരം കുറിച്ച കുരുന്നുകൾ ഗുരുക്കന്മാർക്കു ദക്ഷിണ നൽകി പ്രസാദവും വാങ്ങിയാണ് മടങ്ങിയത്. വെള്ളായണി ദേവീക്ഷേത്രം, പാപ്പനംകോട് പട്ടാരത്ത് ചാമുണ്ഡി ദേവിക്ഷേത്രം, മടത്തിൽ ക്ഷേത്രം, തുമരിമുട്ടം മഹാവിഷ്ണക്ഷേത്രം, പൂഴിക്കുന്ന് തൃക്കണ്ണാപുരം ക്ഷേത്രം, നേമം മഹാഗണപതിക്ഷേത്രം എന്നിവിടങ്ങളിൽ വിദ്യാർഥികൾക്ക് ആദ്യാക്ഷരം കുറിച്ചു. ഇടഗ്രാമം അരകത്ത് ദേവിക്ഷേത്രത്തിൽ മേൽശാന്തി എ.എസ് കേശവൻ നന്പൂതിരി, പാപ്പനംകോട് അനന്തപുരി മോഡൽ സ്കൂളിൽ പ്രിൻസിപ്പൽ എസ്.കെ. ശ്രീന തുടങ്ങിയവർ ചടങ്ങുകൾക്ക് നേതൃത്വം നൽകി. വെള്ളായണി ദേവീ ക്ഷേത്രത്തിൽ രാവിലെ വിശേഷാൽ പൂജകൾ നടന്നു. ക്ഷേത്രം മേൽ ശാന്തി ചടങ്ങുകൾക്കു നേതൃത്വം ന ൽകി. ക്ഷേത്രം ഇളയവാത്തിയുടെ നേതൃത്വത്തിൽ വിദ്യാർഥികൾക്ക് ആദ്യാക്ഷരം കുറിച്ചു. പാറശാല: പാറശാല മുര്യങ്കര ഇലങ്കം ഭുവനേശ്വരി ദേവി ക്ഷേത്രം, പാറശാല ശ്രീ മഹാദേവര്‍ ക്ഷേത്രം, പരശുവയ്ക്കല്‍ പൊന്നംകുളം ദേവി ക്ഷേത്രം, ഉദിയന്‍കുളങ്ങര പലവകുളങ്ങര ശ്രീ മഹാദേവര്‍ ക്ഷേത്രം, പവതിയാന്‍വിള ശ്രീകൃഷ്ണ സ്വാമി ക്ഷേത്രം, അയ് ങ്കാമം ശ്രീകൃഷ്ണ സ്വാമി ക്ഷേത്രം എന്നിവിടങ്ങളില്‍ വിദ്യാരംഭം നടന്നു. മുര്യങ്കര ഇലങ്കം ഭുവനേശ്വരി ദേവിക്ഷേത്രത്തില്‍ മേല്‍ശാന്തി രമേശന്‍ പോറ്റിയു‌ടെ കാര്‍മികത്വത്തില്‍ വിദ്യാരംഭം കുറിച്ചു. പാലോട്: പച്ച നെടുംപറമ്പ് ശ്രീധർമശാസ്താ ക്ഷേത്രത്തിലെ വിദ്യാരംഭച്ചടങ്ങുകൾ വെമ്പായം വാദ്ധ്യാർമഠം ലക്ഷ്മീ നാരായണൻ പോറ്റിയുടെ നേതൃത്വത്തിൽ നടന്നു. ശ്രീസുബ്രഹ്മണ്യസ്വാമി ക്ഷേത്രത്തിലെ വിദ്യാരംഭച്ചടങ്ങുകൾക്ക് ക്ഷേത്രമേൽശാന്തി ചേന്നമന പ്രശാന്ത് കാർമ്മികത്വം വഹിച്ചു. നന്ദിയോട് വാഴപ്പാറ ശ്രീവനദുർഗ മഹാഗണപതി തമ്പുരാൻ ക്ഷേത്രത്തിലെ വിദ്യാരംഭച്ചടങ്ങുകൾ ക്ഷേത്രം തന്ത്രി നാരായണൻ രമേശൻ പോറ്റിയുടെ കാർമ്മികത്വത്തിലും ആലംപാറ ദേവീക്ഷേത്രത്തിൽ മേൽശാന്തി സുഭാഷ് ഭാർഗവൻ പോറ്റിയുടെ നേതൃത്വത്തിലും ചെല്ലഞ്ചി ഭഗവതി ക്ഷേത്രത്തിൽ മേൽശാന്തി രാമൻ പോറ്റിയുടെ നേതൃത്വത്തിലും വിദ്യാരംഭ ചടങ്ങുകൾ നടന്നു. വലിയ താന്നിമൂട് ശ്രീ ആയിരവില്ലി മഹാദേവർ ക്ഷേത്രത്തിൽ വൈക്കം ത്യാഗരാജൻ പോറ്റിയുടേയും ഡോ. എസ്. പ്രതാപന്‍റെയും നേതൃത്വത്തിൽ വിദ്യാരംംഭ ചടങ്ങുകൾ നടന്നു. കൂട്ടത്തികരിക്കകം ശ്രീ ദുർഗാഭഗവതി ക്ഷേത്രത്തിൽ ഡോ. പി.എൻ. ഷൈജുവിന്‍റെ നേതൃത്വത്തിലും നന്ദിയോട് പച്ച തേവരുകോണം സുബ്രഹ്മണ്യസ്വാമി ക്ഷേത്രത്തിൽ മേൽശാന്തി പേരില്ലം ഷിജുവിന്‍റെ നേതൃത്വത്തിലും കുഞ്ഞുങ്ങളെ എഴുത്തിനിരുത്തി. വെമ്പിൽ മണലയം ശിവക്ഷേത്രത്തിൽ ശശികുമാരൻ നായർ, രാധ എന്നിവരുടെ നേതൃത്വത്തിൽ വിദ്യാരംഭം നടന്നു. ചൂണ്ടാമല ശ്രീ ആയിരവില്ലി ക്ഷേത്രം, പെരിങ്ങമ്മല മഹാവിഷ്ണു ക്ഷേത്രം, പെരിങ്ങമ്മല കൊല്ലരുകോണം മേലാംകോട് ദേവീക്ഷേത്രം, ചെല്ലഞ്ചി ഭഗവതി ക്ഷേത്രം, പുലിയൂർ ശിവക്ഷേത്രം, പേരയം നീലിമല ക്ഷേത്രം കൂടാതെ വിവിധ ശ്രീനാരായണ ഗുരു മന്ദിരം എന്നിവിടങ്ങളിലും വിദ്യാരംഭച്ചടങ്ങുകൾ നടന്നു. വെള്ളറട: കുന്നത്തുകാല്‍ ശ്രീ ചിത്തിര തിരുനാള്‍ റസിഡന്‍ഷ്യല്‍ സെന്‍ട്രല്‍ സ്‌കൂളില്‍ വിജയദശമിയും, വിദ്യാരംഭവും സമുചിതമായി ആഘോഷിച്ചു. സ്‌കൂള്‍ പ്രിന്‍സിപ്പല്‍ എസ്. പുഷ്പവല്ലി കുരുന്നുകള്‍ക്ക് ആദ്യാക്ഷരം കുറിച്ചു. മണലൂര്‍ ജി.എസ്. അരുണും സംഘവും അവതരിപ്പിച്ച സംഗീത കച്ചേരി നടത്തി. തുടര്‍ന്നു വിദ്യാര്‍ഥികളുടെ സംഗീതാര്‍ച്ചനയും നടന്നു. ഇതിനോടനുബന്ധിച്ച് അടുത്ത അധ്യയന വര്‍ഷത്തേക്കുള്ള അഡ്മിഷനും ആരംഭിച്ചു.

ലോക പാലിയേറ്റീവ് കെയര്‍ ദിനം: വാക്കത്തണിന് ഇന്നു തുടക്കം

തിരുവനന്തപുരം: പതിനായിരക്കണക്കിന് യുവജനങ്ങളെ അണിനിരത്തിയുള്ള വാക്കത്തണുമായി പ്രമുഖ പാലിയേറ്റീവ് കെയര്‍ ശൃംഖലയായ ആല്‍ഫ പാലിയേറ്റീവ് കെയര്‍. ലോക പാലിയേറ്റീവ് കെയര്‍ ദിനാചരണത്തോടനുബന്ധിച്ച് ഒന്‍പതു ജില്ലകളിലായാണ് വാക്കത്തൺ‍ സംഘടിപ്പിക്കുന്നതെന്നു ആല്‍ഫ പാലിയേറ്റീവ് കെയര്‍ ചെയര്‍മാന്‍ കെ.എം. നൂര്‍ദീന്‍ പത്രസമ്മേളനത്തില്‍ അറിയിച്ചു. ഇന്നു രാവിലെ 9.30ന് കനകക്കുന്ന് കൊട്ടാരത്തിനു മുന്നില്‍നിന്നാണ് ആദ്യ വാക്കത്തൺ‍ ആരംഭിക്കുക. മന്ത്രി സജി ചെറിയാന്‍ വാക്കത്തണിന്‍റെ ഉദ്ഘാടനം നിര്‍വഹിക്കും. പത്രസമ്മേളനത്തില്‍ ആല്‍ഫ പാലിയേറ്റീവ് കെയര്‍ കമ്യൂണിറ്റി ഡയറക്ടര്‍ സുരേഷ് ശ്രീധരന്‍, പാലിയം ഇന്ത്യ എക്‌സിക്യുട്ടീവ് ഡയറക്ടര്‍ മനോജ് ജി.എസ് തുടങ്ങിയവര്‍ പങ്കെടുത്തു.

ഗാന്ധി ജയന്തി ദിനാഘോഷം

പൂവാർ: കാഞ്ഞിരംകുളം ബ്ലോക്ക്‌ കോൺഗ്രസ്‌ കമ്മിറ്റി സംഘടിപ്പിച്ച ഗാന്ധി ജയന്തി ആഘോഷം ബ്ലോക്ക്‌ പ്രസിഡന്‍റ് കരുംകുളം ജയകുമാർ ഉദ്ഘാടനം ചെയ്തു. പരണിയം ഫ്രാൻസിസ്, വിഴിഞ്ഞം ആംബ്രോസ്, ടി.കെ. അശോക കുമാർ, ജെ. ജോണി, സക്കീർ ഹുസൈൻ, സിദ്ധിക്ക് വിഴിഞ്ഞം, ബി. അനിൽകുമാർ, പാമ്പുകാല ജോസ്, വിഴിഞ്ഞം യേശുദാസ്, ടാൾ ബർട് മോറായിസ്, കാരുംകുളം ക്ലീറ്റസ്, രാജേന്ദ്രൻ പാമ്പുകാല, തോമസ് യേശുദാസ്, ആന്‍റണി, അഡ്വ. വെങ്കിദേഷ്, അഡ്വ. ആദർശ്, പ്രദീപ്‌ ശാന്തകുമാരൻ എന്നിവർ സംസാരിച്ചു. നെടുമങ്ങാട്: കോൺഗ്രസ് മൂഴി മണ്ഡലം കമ്മിറ്റിയുടെ നേതൃത്വത്തിൽ മണ്ഡലത്തിന്‍റെ വിവിധ ഭാഗങ്ങളിൽ ഗാന്ധിജയന്തി ആഘോഷം നടത്തി. മൂഴിയിൽ നടന്ന പുഷ്പാർച്ചനയിലും അനുസ്മരണത്തിനും മണ്ഡലം കോൺഗ്രസ് കമ്മിറ്റി പ്രസിഡന്‍റ് വേട്ടം പള്ളി സനൽ, ബ്ലോക്ക് കോൺഗ്രസ് കമ്മിറ്റി ഭാരവാഹികളായ കെ. ശേഖരൻ, കല്ലിയോട് ഭുവനേന്ദ്രൻ, വേങ്കവിള സുരേഷ്, മൂഴി സുനിൽ, ഷമി മൂഴി, ബിജു പന്നിയോട്ടുകോണം, പ്രദീപ് വേങ്കവിള തുടങ്ങിയവർ നേതൃത്വം നൽകി. പാറശാല: പാറശാല മണ്ഡലം കമ്മിറ്റിയുടെ നേതൃത്വത്തില്‍ പാറശാല ഗാന്ധി പാര്‍ക്കിലെ ഗാന്ധി പ്രതിമയില്‍ പുഷ്പാര്‍ച്ചനയും ജന്മദിന ആഘോഷവും നടത്തി. കെപിസിസി സെക്രട്ടറി അര്‍. വത്സലന്‍ ഉദ്ഘാടനം ചെയ്തു. മണ്ഡലം കോണ്‍ഗ്രസ് കമ്മിറ്റി പ്രസിഡന്‍റ് ജെ.കെ. ജസ്റ്റിന്‍ രാജ് അധ്യക്ഷനായിരുന്നു. ഡിസിസി ജനറല്‍ സെക്രട്ടറി പാറശാല സുധാകരന്‍, വേലപ്പന്‍ നായര്‍, വി.കെ. ജയറാം, വി. അരുണ്‍ വിന്‍സര്‍, രാജേന്ദ്രപ്രസാദ്, സുനില്‍കുമാര്‍, വിജയകുമാര്‍, രാമചന്ദ്രന്‍ തുടങ്ങിയവര്‍ പ്രസംഗിച്ചു. എൻസിപി പുഷ്പാർച്ചനയും സ്മൃതിസംഗമവും നടത്തി തിരുവനന്തപുരം: ഗാന്ധി ജയന്തി ദിനത്തിൽ എൻസിപി-എസ്പി സംസ്ഥാനതലത്തിൽ പുഷ്പാർച്ചനയും ഉപവാസവും സ്മൃതി സംഗമവും നടത്തി. തിരുവനന്തപുരത്തു ശ്രീകാര്യത്തു നടന്ന സംഗമം എൻസിപി-എസ് ദേശീയ സെക്രട്ടറി അഡ്വ. ആർ. സതീഷ് കുമാർ ഉദ്ഘാടനം ചെയ്തു. മതേതര ഇന്ത്യയെ സംരക്ഷിക്കുവാൻ വളർന്നു വരുന്ന യുവതലമുറ ഗാന്ധിമാർഗം സ്വീകരിച്ചു മുന്നോട്ട് വരണമെന്ന് അദ്ദേഹം പറഞ്ഞു. പാർട്ടി ബ്ലോക്ക് പ്രസിഡന്‍റ് ജി. സുപ്രദാസിന്‍റെ അധ്യക്ഷതയിൽ കൂടിയ സംഗമത്തിൽ സംസ്ഥാന സെക്രട്ടറി ഇടക്കുന്നിൽ മുരളി, ആലുവിള രാജേന്ദ്രൻ, ഗിരിജകുമാരി എന്നിവർ പ്രസംഗിച്ചു. അഡ്വ. ആർ. സതീഷ്കുമാർ പുഷ്പാർച്ചന നടത്തി. ജില്ലാ കമ്മിറ്റി അംഗങ്ങളായ അണിയൂർ സുരേന്ദ്രൻ, ജോയ്സണ്‍ ഡിസിൽവ, ബി. ചന്ദ്രൻ നായർ, ഭുവന സുധൻ, സുമി സപ്രദാസ് എന്നിവർ പങ്കെടുത്തു.

വയോജനങ്ങളുടെ കഴിവുകൾ വിനിയോഗിക്കപ്പെടണം: ഡോ. കായംകുളം യൂനുസ്

തിരുവനന്തപുരം: 800 കോടിക്കു മുകളിൽ വരുന്ന ലോക ജനസംഖ്യയിൽ നൂറു കോടിയോളം പേർ വയോജനങ്ങളാണ് എന്ന വസ്തുത പരിഗണിക്കുന്പോൾ, അവരുടെ കഴിവുകൾ തുടർന്നും ഉപയോഗിക്കുവാനുള്ള പദ്ധതികൾ ആവിഷ്കരിക്കേണ്ടിയിരിക്കുന്നു എന്ന് മുൻ ചീഫ് എൻജിനീയറും എഴുത്തു കാരനുമായ ഡോ. കായംകുളം യൂനുസ് അഭിപ്രായപ്പെട്ടു. പൂജപ്പുര പുര എൽഡേഴ്സ് ഫോറത്തിന്‍റെ ആഭിമുഖ്യത്തിൽ സംഘടിപ്പിച്ച അന്തർദേശീയ വയോജനദിന പരിപാടികൾ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. എസ്. വിശ്വംഭരൻ നായർ അധ്യക്ഷത വഹിച്ചു. ജി. രാധാകൃഷ്ണൻ, ജി. വിജയകുമാർ, പി.എസ്. മോഹനചന്ദ്രൻ, അഡ്വ. കെ. വിശ്വംഭരൻ, വി.എസ്. അനിൽ പ്രസാദ്, എസ്.വി. സുജ, അഡ്വ. കെ. രാജരാജൻ എന്നിവരും പ്രസംഗിച്ചു.

വീടിനുമുന്നിൽ നിർത്തിയിരുന്ന സ്കൂട്ടർ കത്തിനശിച്ചു

കാട്ടാക്കട: വീട്ടിൽ മുന്നിൽ നിർത്തിയിട്ടിരുന്ന സ്കൂട്ടർ കത്തിയമർന്നു. കാട്ടാക്കട പോലീസ് സ്റ്റേഷൻ പരിധിയിലെ അമ്പലത്തിൻകാല പാപ്പനം ശരത്തിന്‍റെ എടവിളാകത്ത് വീട്ടിൽ വ്യാഴാഴ്ച പുലർച്ചെയാണു സംഭവം. ബുധനാഴ്ച രാത്രി എട്ടുമണിയോടെ വീട്ടിലെത്തിയ ശരത് പതിവുപോലെ വാഹനം വീടിനു സമീപത്ത് നിർത്തിയശേഷം വീട്ടിലേക്ക് കയറി. തുടർന്ന് രാത്രി ഒരു മണിയോടെയാണ് വീടിന്‍റെ ജനൽചില്ല് വലിയ ശബ്ദത്തോടെ പൊട്ടിയതിനെത്തുടർന്നാണ് തീ കത്തുന്ന വിവരം വീട്ടുകാർ അറിയുന്നത്. പുറത്തേക്കിറങ്ങി നോക്കുമ്പോഴേക്കും വാഹനം കത്തിയമർന്നു. മൂന്നു ലിറ്ററോളം പെട്രോൾ നിറച്ചിരുന്നതു കാരണം പൊട്ടിത്തെറി പേടിച്ച് ശരത്തും വീട്ടുകാരും കത്തുന്ന വാഹനത്തിന് അടുത്തേക്ക് പോകാൻ ഭയപ്പെട്ടു. തുടർന്ന് ഇവർ പോലീസിൽ പരാതി നൽകി. പോലീസ് എത്തി പരിശോധന നടത്തി തുടർ നടപടികൾ ആരംഭിച്ചു. മൂന്നുമാസം മുൻപ് വാങ്ങിയ പുതിയ വാഹനമാണ് കത്തി അമർന്നത്. സംഭവത്തെ കുറിച്ച് കൂടുതൽ അന്വേഷണം നടത്തുമെന്ന് കാട്ടാക്കട പോലീസ് പറഞ്ഞു.

ഗാന്ധിജിയെ അനുസ്മരിച്ചു

തിരുവനന്തപുരം: ചരിത്രത്തെ വളച്ചൊടിക്കാനും മഹാത്മജിയെ തമസ്കരിക്കാനുമുള്ള മോദി സർക്കാരിന്‍റെ ശ്രമങ്ങളെ ചെറുത്തു തോല്പിക്കുമെന്ന് കെപിസിസി മുൻ പ്രസിഡന്‍റ് കെ.മുരളീധരൻ. കെപിസിസി ഗാന്ധിദർശൻ സമിതി കിഴക്കേക്കോട്ട ഗാന്ധി പാർക്കിൽ സംഘടിപ്പിച്ച "ഗാന്ധിപഥം"പരിപാടി ഉദ്ഘാടനം ചെയ്യുകയായിരുന്നു അദ്ദേഹം. ഗാന്ധി പ്രതിമയിൽ പുഷ്പാർച്ചന നടത്തിയശേഷം സംഘടിപ്പിച്ച അനുസ്മരണ യോഗത്തിൽ പ്രസിഡന്‍റ് വഞ്ചിയൂർ രാധാകൃഷ്ണൻ അധ്യക്ഷത വഹിച്ചു. സമിതി സംസ്ഥാന വർക്കിംഗ് പ്രസിഡന്‍റ് കമ്പറ നാരായണൻ പ്രതിജ്ഞ ചൊല്ലിക്കൊടുത്തു. ജനറൽ സെക്രട്ടറി പരശുവയ്ക്കൽ രാധാകൃഷ്ണൻ, ജില്ലാ സെക്രട്ടറി കോട്ടമുകൾ സുഭാഷ്, മണക്കാട് ചന്ദ്രൻകുട്ടി, കടകംപള്ളി ഹരിദാസ്, വിഴിഞ്ഞം ഹനീഫ, രവീന്ദ്രൻ നായർ, അഡ്വ. പി.റഹീം, അമൃത കൗർ, ജ്യോതിഷ് കുമാർ, പട്ടം മുരുകേശൻ, മസൂദ്, പാറ്റൂർ സുനിൽ എന്നിവർ പ്രസംഗിച്ചു.കാലടി വാസുദേവൻ നായർ, അബ്ദുൽസമദ്, പാടശ്ശേരി ഉണ്ണി, അരുൺകാലടി, കരകുളം ശുശീന്ദ്രൻ, ചാല സുലൈമാൻ, പട്ടം തുളസി, എസ്.ആർ. രവികുമാർ, ജി. ഹരികുമാർ, കുച്ചപ്പുറം തങ്കപ്പൻ, കെ. ഗോപാലകൃഷ്ണൻ നായർ, ചന്ദ്രശേഖരൻ നായർ, പി.എൻ. ഗോപാലകൃഷ്ണൻ, ഷാജി കുര്യൻ, പാളയം സുധി, ഗംഗാപ്രസാദ്, ഓമന അമ്മ, വേലായുധൻ പിള്ള, മഞ്ജുഷ, ഗോപകുമാർ ഉണ്ണിത്താൻ, ഗോപിനാഥൻ കൈതറത്തല, മുട്ടത്തറ മണികണ്ഠൻ, നൂഹുമാൻ, കാലടി സുരേഷ്, എം.ഇ. അനസ്, സജീവ്, ജയകുമാർ, വി. ഹരികുമാർ, കൃഷ്ണകുമാർ, ശ്രീവത്സൻ തമ്പി, നാരായണൻകുട്ടി, ദേവൻ നായർ, മെയ്തീൻ ഹാജി, വിനോദ് കൊഞ്ചിറവിള, പട്ടം അനിൽ, ജഹാംഗീർ, വെട്ടുകാട് ജോർജ്, ശിവകുമാർ കരിക്കകം തുടങ്ങിയവർ പങ്കെടുത്തു.

ഹരിശ്രീകുറിച്ച് കുരുന്നുകൾ

തിരുവനന്തപുരം : വിജയദശമിദിനത്തിൽ ആദ്യക്ഷരം കുറിച്ചു കുരുന്നുകൾ. ജില്ലയിലെ ക്ഷേത്രങ്ങളിലും സാംസ്കാരിക സ്ഥാപനങ്ങളിലും വിദ്യാരംഭത്തിനു വലിയ തിരക്ക് അനുഭവപ്പെട്ടു. ഇന്നലെ രാവിലെ പൂജയെടുപ്പിനു ശേഷമാണ് വിദ്യാരംഭ ചടങ്ങുകൾ തുടങ്ങിയത്. പൂജപ്പുര സരസ്വതീ മണ്ഡപത്തിൽ 1300 കുട്ടികൾ ആദ്യക്ഷരം കുറിച്ചു. ശ്രീപത്മനാഭസ്വാമി ക്ഷേത്രത്തിൽ വ്യാസ പ്രതിഷ്ഠയ്ക്കു മുന്നിലും കോട്ടയ്ക്കകം നവരാത്രി മണ്ഡപം, ആര്യശാല ഭഗവതിക്ഷേത്രം, ചെന്തിട്ട ഭഗവതീക്ഷേത്രം, ആറ്റുകാൽ ഭഗവതി ക്ഷേത്രം, കരിക്കകം ചാമുണ്ഡി ക്ഷേത്രം, നെയ്യാറ്റിൻകര ശ്രീകൃഷ്ണസ്വാമി ക്ഷേത്രം, വർക്കല ജനാർദനസ്വാമി ക്ഷേത്രം, പണിമൂല ദേവീക്ഷേത്രം, ശംഖുംമുഖം ദേവീക്ഷേത്രം, കഠിനംകുളം മഹാദേവക്ഷേത്രം, കൊഞ്ചിറവിള ഭഗവതീക്ഷേത്രം, ശിവഗിരി മഠം, അരുവിപ്പുറം മഠം, ചെന്പഴന്തി ശ്രീനാരായണ ഗുരുകുലം, ഭാരതീയ വിചാരകേന്ദ്രം, ഐരാണിമുട്ടം തുഞ്ചൻ സ്മാരകം, ശാന്തിഗിരി ആശ്രമം, രാജ്ഭവൻ, തോന്നയ്ക്കൽ ആശാൻ സ്മാരകം എന്നിവിടങ്ങളിലും പൂജവയ്പ്പും വിദ്യാരംഭവും നടന്നു. സംഗീത, നൃത്ത, ചിത്രകല അരങ്ങേറ്റവും വിവിധ കേന്ദ്രങ്ങളിൽ ഉണ്ടായിരുന്നു. ക്ഷേത്രങ്ങളിൽ മേൽശാന്തിമാരും ആചാര്യ·ാരും സംഗീതഞ്ജരും ചിത്രകാര·ാരും വിദ്യാരംഭത്തിനു നേതൃത്വം നൽകി. നെയ്യാറ്റിന്‍കര : താലൂക്കിലെ വിവിധ ക്ഷേത്രങ്ങളില്‍ നവരാത്രി ആഘോഷങ്ങളുടെ ഭാഗമായി ഇന്നലെ പൂജയെടുപ്പ് ചടങ്ങും വിദ്യാരംഭവും നടന്നു. മഹേശ്വരം ശ്രീ ശിവപാർവതി ക്ഷേത്രത്തിൽ ഇന്നലെ നടന്ന വിദ്യാരംഭ ചടങ്ങുകള്‍ക്ക് സ്വാമി മഹേശ്വരാനന്ദ സരസ്വതി നേതൃത്വം നല്‍കി. നെയ്യാറ്റിന്‍കര ശംഖൊലി മാടന്‍കോവില്‍, മാരായമുട്ടം ശ്രീനീലകേശി ക്ഷേത്രം, ഇറയംകോട് മഹാദേവര്‍ ക്ഷേത്രം, കുറ്റ്യാണിക്കാട് പൊഴിയല്ലൂര്‍ മഹാവിഷ്ണു ക്ഷേത്രം ചൂണ്ടിക്കല്‍ ശ്രീഭദ്രകാളി ദേവി ക്ഷേത്രം, ആയയിൽ കരിയിലക്കുളങ്ങര ശ്രീ ഭദ്രകാളി ക്ഷേത്രം മുതലായ പ്രമുഖ ക്ഷേത്രങ്ങളിലെല്ലാം നവരാത്രി മഹോത്സത്തോടനുബന്ധിച്ച് പൂജവയ്പും പൂജയെടുപ്പും വിദ്യാരംഭവും നടന്നു. പൗർണമിക്കാവിൽ വിഴിഞ്ഞം: വെങ്ങാനൂർ പൗർണമിക്കാവ് ശ്രീ ബാലാ ത്രിപുര സുന്ദരീ ദേവീ ക്ഷേത്രത്തിൽ പൗർണമി മഹോത്സവം ആരംഭിച്ചു. ഇന്നലെ വിജയദശമിയിൽ നൂറുകണക്കിനു കുരുന്നുകളെ എഴുത്തിനിരുത്തി. അക്ഷരദേവതമാരുടെ മുന്നിൽ ഇരുപതോളം വിദ്യാസമ്പന്നർ ആദ്യാക്ഷരം കുറിക്കാനിരുന്നു. ഡൽഹിയിൽ നിന്നെത്തിയ സ്വാമി മഹാമണ്ഡലേശ്വർ നാരായണാനന്ദ ഗിരി പുസ്തക പൂജ നടത്തി. പൗർണമി മഹോത്സവം പ്രമാണിച്ച് ഏഴുവരെ തുടർച്ചയായി നട തുറന്നിരിക്കും. നൃത്ത സംഗീത പരിപാടികൾ, ലളിതാ സഹസ്ര നാമ ജപം, ദേവീ മാഹാത്മ്യ പാരായണം, ആധ്യാത്മിക പ്രഭാഷണങ്ങൾ, ഭാഗവത ചൂഢാമണി പള്ളിക്കൽ സുനിലിന്‍റെ ദേവീ ഭാഗവത പാരായണം തുടങ്ങിയവ എല്ലാ ദിവസവും ഉണ്ടായിരിക്കും. ഇന്നു വൈകുന്നേരം അഞ്ചിനു കാവടി അഭിഷേകം, 6.30ന് കാപ്പുകെട്ട്. അഞ്ചിനു വൈകുന്നേരം അഞ്ചിനു കാവടി ഘോഷയാത്ര, വെങ്ങാനൂർ നെല്ലിവിള ക്ഷേത്രത്തിൽ നിന്ന് ആരംഭിച്ച് പൗർണ്ണമിക്കാവിൽ എത്തിച്ചേരും. ശേഷം അഗ്നിക്കാവടി. ഏഴിനു രാവിലെ പഞ്ചമുഖ ഗണപതി ഹോമം, നാഗർപൂജ. വൈകുന്നേരം ഏഴുമുതൽ വലിയ പൂപ്പട, പുഷ്പാഭിഷേകം, പൂമൂടൽ, തിളച്ച എണ്ണ നീരാട്ട്, മഞ്ഞപ്പാൽ നീരാട്ട്, മഹാഗുരുസി. പൗർണമി മഹോത്സവത്തിനു കെഎസ്ആർടിസി എല്ലാ ജില്ലയിൽനിന്നും ബഡ്ജറ്റ് ടൂറിസം സെൽ വഴി ബസ് സർവീസ് നടത്തുന്നുണ്ട്. പരിപാടികൾ പങ്കെടുക്കുന്നവർ 90378 50001 ബന്ധപ്പെടണമെന്ന് അറിയിച്ചു. ഡിജിറ്റൽ വിദ്യാരംഭം നെടുമങ്ങാട്: സൺ എഡ്യൂക്കേഷൻ 25 ഓളം ക്ഷേത്രങ്ങളിൽ ഡിജിറ്റൽ വിദ്യാരംഭം സംഘടിപ്പിച്ചു, ആദ്യാക്ഷരം എഴുതുന്ന നിരവധി കൊച്ചുകൂട്ടുകാർ ഡിജിറ്റൽ ഹരിശ്രീയും കുറിച്ചു. സൺ എഡ്യൂക്കേഷൻ എംഡി ഷമീർ എ. മുഹമ്മദ് ഉദ്ഘാടനം നിർവഹിച്ചു, റെജി സന്തോഷ്, ആസിഫ് ജാൻ, എം.എസ്. സുനിൽ, മിസി യാബ്, സൂര്യഗായത്രി, ഷിബിന രാജ്, നജ്ന ബീഗം, തുടങ്ങിയവർ നേതൃത്വം നൽകി.

കൂടുതൽ ബിഎംബിസി റോഡുകൾ നെടുമങ്ങാട്: പി.എ. മുഹമ്മദ് റിയാസ്

നെടുമങ്ങാട്: സംസ്ഥാനത്ത് ഏറ്റവും കൂടുതൽ റോഡുകൾ ബി എംബിസി നിലവാരത്തിൽ നിർമാണം പൂർത്തിയാക്കിയത് നെടുമങ്ങാട് നിയോജക മണ്ഡലത്തിലാണെന്നു മന്ത്രി പി.എ. മുഹമ്മദ് റിയാസ്. നെടുമങ്ങാട് നിയോജക മണ്ഡലത്തിലെ നവീകരിച്ച വേറ്റിനാട് - മത്തനാട് റോഡിന്‍റെ ഉദ്ഘാടനം നിർവഹിക്കുകയായിരുന്നു മന്ത്രി. നെടുമങ്ങാട്ട് ഇതുവരെ 41 റോഡുകളാണ് ഗുണമേന്മയുള്ള ബിഎംബിസി നിലവാരത്തിൽ നവീകരിച്ചത്. വേറ്റിനാട് - മത്തനാട് റോഡിന്‍റെ നവീകരണത്തിന് 7.33 കോടി രൂപ രണ്ടുഘട്ടമായാണ് അനുവദിച്ചതെന്നും മന്ത്രി വ്യക്തമാക്കി. മന്ത്രി ജി.ആർ. അനിൽ അധ്യക്ഷത വഹിച്ചു. ഈ സർക്കാർ അധികാരത്തിൽ എത്തുമ്പോൾ ഒരിക്കലും നടക്കില്ല എന്നു പറഞ്ഞ പല വികസനങ്ങളും നാലര വർഷംകൊണ്ടു പൂർത്തിയാക്കുവാൻ കഴിഞ്ഞു. ജനങ്ങളുടെ ആവശ്യങ്ങൾ മനസിലാക്കിയാണ് സർക്കാർ പ്രവർത്തിക്കുന്നതെന്നും വികസനത്തിന്‍റെ കാര്യത്തിൽ ഒരു വിട്ടുവീഴ്ചയ്ക്കും സർക്കാരില്ലെന്നും അദ്ദേഹം പറഞ്ഞു. 2023-24 ശബരിമല പദ്ധതിയിൽ ഉൾപെടുത്തി 7.33 കോടി രൂപ ചെലവഴിച്ചാണു നവീകരണം പൂർത്തിയാക്കിയത്. കോട്ടയം എംസി റോഡിനെയും തിരുവനന്തപുരം വെഞ്ഞാറമൂട് കെഎസ്ടിപി റോഡിനെയും ബന്ധിപ്പിക്കുന്ന പ്രധാന റോഡാണ് വേറ്റിനാട് - മത്തനാട് റോഡ്. നെടുമങ്ങാട് ബ്ലോക്ക് പഞ്ചായത്ത് പ്രസിഡന്‍റ് വി. അമ്പിളി, വെമ്പായം പഞ്ചായത്ത് പ്രസിഡന്‍റ് ബീനാ ജയൻ, വെമ്പായം പഞ്ചായത്ത് വൈസ് പ്രസിഡന്‍റ് ബിന്ദു ബാബുരാജ്, ത്രിതല പഞ്ചായത്ത് അംഗങ്ങൾ തുടങ്ങിയവർ പങ്കെടുത്തു.

രാജ്യത്ത് മാധ്യമപ്രവർത്തനം വെല്ലുവിളി നേരിടുന്നു: മുഖ്യമന്ത്രി

തിരുവനന്തപുരം: രാജ്യത്ത് മാധ്യമപ്രവർത്തനം വെല്ലുവിളിനേരിടുകയാണെന്നു മുഖ്യമന്ത്രി പിണറായി വിജയൻ. കേരള മീഡിയ അക്കാദമിയുടെ മാധ്യമോത്സവം ഉദ്ഘാടനം ചെയ്തു പ്രസംഗിക്കുകയായിരുന്നു മുഖ്യമന്ത്രി പിണറായി വിജ യൻ. തെറ്റായ ഭരണനയത്തെ വിമർശിച്ചാൽ രാജ്യദ്രോഹമാണെന്ന വ്യാഖ്യാനമാണ്. രാജ്യം അഭിമുഖീകരിക്കുന്ന കാതലായ പ്രശ്നങ്ങളിൽനിന്നും ജനശ്രദ്ധ തിരിച്ചുവിടാൻ വർഗീയ ധ്രുവീകരണത്തിന് കോപ്പുകൂട്ടുന്നു. ഭരണസംവിധാനത്തിനെതിരെ ഉയരുന്ന എതിർപ്പിന്‍റെയും വിമർശനങ്ങളുടെയും സ്വരങ്ങളെ കൈയൂക്കിന്‍റെ ഭാഷയിൽ കൈകാര്യം ചെയ്യുന്ന അവസ്ഥയാണെന്നും മുഖ്യമന്ത്രി പറഞ്ഞു. ചടങ്ങിൽ പലസ്തീനോടുള്ള കേരളത്തിന്‍റെ ഐക്യദാർഢ്യം പ്രകടിപ്പിച്ച് ഫെസ്റ്റിവലിലെ ഡെലിഗേറ്റുകൾ ഒപ്പിട്ട ഐക്യദാർഢ്യരേഖ മുഖ്യമന്ത്രി ഇന്ത്യയിലെ പലസ്തീൻ അംബാസഡർ അബ്ദുള്ള അബു ഷ്വേഷിന് കൈമാറി.

കാപ്പ ചുമത്തി നാടുകടത്തിയ പ്രതി അറസ്റ്റിൽ

വെഞ്ഞാറമൂട്: കാപ്പ ചുമത്തി നാടുകടത്തിയ പ്രതി അറസ്റ്റിൽ. വെഞ്ഞാറമൂട് പോലീസ് സ്റ്റേഷനിൽ റൗഡി ഹിസ്റ്ററി ഷീറ്റിൽ ഉൾപ്പെട്ട മുരൂർക്കോണം വരുൺ നിവാസിൽ തൈത എന്ന ബിജു(49)വാണ് അറസ്റ്റിലായത്. വെഞ്ഞാറമൂട് പോലീസ് സ്റ്റേഷനിലും വാമനപുരം എക്സൈസ് ഓഫീസിലുമായി ഒരു കൊലക്കേസ് ഉൾപ്പടെ ഒൻപത് കേസുകളിലെ പ്രതിയാണ് ഇയാൾ . 2012 ലെ കൊലപാതക കേസിലെ വിസ്താരവേളയിൽ 2025-ൽ സാക്ഷിയെ ഭീഷണിപ്പെടുത്തിയതിന് ഇയാൾക്കെതിരെ വെഞ്ഞാറമൂട് സ്റ്റേഷനിൽ കേസുണ്ട്. തുടർന്ന് തിരുവനന്തപുരം റെയിഞ്ച് ഡിഐജി അജിത ബീഗം 2007-ൽ കാപ്പാനിയമ പ്രകാരം ഇയാളെ നാടുകട ത്തിയിരുന്നു. എന്നാൽ ഉത്തരവ് നിലനിൽക്കെ വ്യവസ്ഥകൾ ലംഘിച്ച് മുരൂർക്കോണത്ത് എത്തിയതായി ആറ്റിങ്ങൽ ഡിവൈഎസ്പി മഞ്ജുലാലിന് ലഭിച്ച വിവരത്തെ തുടർന്ന് വെഞ്ഞാറമൂട് പോലീസ് ഇൻസ്പെക്ടർ ആസാദ് അബ്ദുൽകലാമിന്‍റെ നേതൃത്വത്തിലുള്ള പോലീസ് സംഘം ഇയാളെ പിടികൂടുകയായിരുന്നു. പ്രതിയെ നെടുമങ്ങാട് ജുഡീസൽ മജിസ്‌ട്രേറ്റ് കോടതി മുമ്പാകെ ഹാജരാക്കി റിമാൻഡ് ചെയ്തു.

ജിംനാസ്റ്റിക്‌സ്: തിരുവനന്തപുരം സെന്‍റ് ജോസഫ് സ്കൂൾ നാലാം തവണയും സംസ്ഥാന ചാമ്പ്യന്മാർ

തിരുവനന്തപുരം: 67- മത് സംസ്ഥാന സ്കൂൾ ഗെയിംസ് മത്സരങ്ങളുടെ ഗ്രൂപ്പ് വൺ മത്സരങ്ങളിൽ തിരുവനന്തപുരം സെന്‍റ് ജോസഫ് ഹയർ സെക്കൻഡറി സ്കൂൾ ജിംനാസ്റ്റിക്‌സ് ടീം തുടർച്ചയായി നാലാം വർഷവും സംസ്ഥാന ചാമ്പ്യന്മാരായി. സബ് ജൂണിയർ വിഭാഗത്തിൽ എട്ടാം സ്റ്റാൻഡേർഡ് വിദ്യാർഥികളായ ജി.ആർ. ഹരിഗോവിന്ദ് അഞ്ചു സ്വർണവും ഒരു വെള്ളിയും നേടി ഓവറോൾ ചാമ്പ്യനും ആർ.ജി. രോഹിത് ഒരു സ്വർണം, ഒരു വെള്ളി, രണ്ടു വെങ്കലം എന്നിവ നേടി രണ്ടാം ഓവറോൾ ചാമ്പ്യനുമായി. ഏഴാം ക്ലാസ് വിദ്യാർഥി സി. ഇഷാൻ രാജ് രണ്ടു വെള്ളിയും മൂന്നു വെങ്കലവും കരസ്ഥമാക്കി. ജൂണിയർ വിഭാഗത്തിൽ ശ്രീരാഗ് എസ് രാജേഷ് രണ്ടു സ്വർണം, മൂന്നു വെള്ളി, ഒരു വെങ്കലം എന്നിവ നേടി രണ്ടാം ഓവറോൾ ചാമ്പ്യനായി. ഒന്പതാം ക്ലാസ് വിദ്യാർഥികളായ ജെ. ശിവപാൽ, എസ്. ആദർശ്്, കെ.പി. റിയാൻ അലി എന്നിവരുടെയും എട്ടാം ക്ലാസ് വിദ്യാർഥി നിബിൻ സാമിന്‍റെയും പ്രകടനങ്ങൾ വിജയത്തിന് കരുനൽകി. സീനിയർ വിഭാഗത്തിൽ 12-ാം ക്ലാസിലെ മിൻഹാജ് എസ്. സാജ് അഞ്ചു സ്വർണവു, ഒരു വെള്ളിയും നേടി ഓവറോൾ ചാമ്പ്യനായപ്പോൾ പ്ലസ് വൺ വിദ്യാർഥി ബി.എസ്. ഡിബിൻ ഒരു വെള്ളിയും ഒരു വെങ്കലവും കരസ്ഥമാക്കി. സംസ്ഥാന മത്സരങ്ങളിൽ വിജയികളായവരെ സ്കൂൾ മാനേജർ ഫാ. ജെറോം അൽഫോൺസ്, സ്കൂൾ പ്രിൻസിപ്പൽ സുനിൽകുമാർ മൊറൈസ്, ഹെഡ്മാസ്റ്റർ ഷമ്മി ലോറൻസ്, ഫിസിക്കൽ എജുക്കേഷൻ അധ്യാപകരായ മനോജ് സേവ്യർ, ജോൺ ബോസ്കോ എന്നിവരുടെ നേതൃത്വത്തിൽ അഭിനന്ദിച്ചു.

നെയ്യാറ്റിന്‍കര നഗരസഭയിൽ "ശാന്തി ഇടം' സജ്ജമാകുന്നു

നെയ്യാറ്റിന്‍കര: നെയ്യാറ്റിന്‍കര നഗരസഭ നിവാസികളുടെ ഏറെ ക്കാലത്തെ ആവശ്യമായ പൊതുശ്മശാനം പ്രവര്‍ത്തന സജ്ജമാകുന്നു. നഗരസഭ പരിധിയിലെ മലഞ്ചാണി മലയിൽ ഉയരുന്ന "ശാന്തി ഇടം' എന്നു പേരായ വാതകശ്മശാനത്തിൽ ഒരേസമയം രണ്ടു മൃതദേഹങ്ങൾ സംസ്കരിക്കാനുള്ള സൗകര്യമുണ്ടാകും. 5,000 ചതുരശ്രയടി വിസ്തൃതിയിലെ കെട്ടിടത്തിന്‍റെ നിര്‍മാണ പ്രവര്‍ത്തനങ്ങള്‍ പൂർണമായും പൂര്‍ത്തീകരിച്ച് ഉടന്‍ തുറന്നുനല്‍കുമെന്ന് നഗരസഭ ചെയര്‍മാന്‍ പി. കെ. രാജമോഹനന്‍ അറിയിച്ചു. 2024 ഡിസംബർ 11-നാണ് നഗരസഭയിലെ പ്ലാവിള വാർഡിലെ മലഞ്ചാണിമലയിൽ നഗരസഭ വാങ്ങിയ ഒരേക്കറിലേറെ സ്ഥലത്ത് വാതകശ്മശാനത്തിന്‍റെ നിർമാണ പ്രവർത്തനങ്ങൾ ആരംഭിച്ചത്. 99 ലക്ഷം രൂപ നിർമാണപ്രവൃത്തികൾക്കായി ആദ്യം നീക്കിവച്ചു. പിന്നീട് ഈ തുക പര്യാപ്തമല്ലെന്നതിനാൽ ഇത്തവണത്തെ ബജറ്റിൽ 85 ലക്ഷം രൂപ അധികമായി അനുവദിച്ചു. മലഞ്ചാണി മലയുടെ ഭൂമിശാസ്ത്രം കണക്കിലെടുത്ത് മണ്ണിടിച്ചിൽ ഒഴിവാക്കിക്കൊണ്ടുള്ള നിർമാണ പ്രവർത്തനമാണ് നടത്തിയത്. തിരുവനന്തപുരം ആസ്ഥാനമായുള്ള ഹെർമിറ്റ് ഡിസൈൻ സ്റ്റുഡിയോ "ശാന്തി ഇടം' രൂപകല്പന ചെയ്തു. മലയെ മൂന്നു തട്ടുകളായി തിരിച്ചാണു നിർമാണം. "ശാന്തി ഇട'ത്തിന്‍റെ പ്രധാന കെട്ടിടം മുകളിലത്തെ തട്ടിലാണ്. നാലുകെട്ടിന്‍റെ രൂപത്തിലുള്ളതാണ് മേൽക്കൂര. രണ്ടും മൂന്നും തട്ടുകളിലായാണ് പാർക്കിംഗും പൂന്തോട്ടവും ഇരിപ്പിടങ്ങളും ഒരുക്കിയിരിക്കുന്നത്. കെട്ടിടനിർമാണം, വൈദ്യുതീകരണം, പ്ലംബിംഗ് എന്നിവയും പൂർത്തിയായി. ഒരേ സമയം രണ്ടു മൃതദേഹങ്ങളുടെ അന്ത്യകർമങ്ങൾ ചെയ്യാനുള്ള പ്രത്യേക ഹാളും ഒരുക്കിയിട്ടുണ്ട്. വാതക ചിതകളൊരുക്കുന്നതിനായി 56 ലക്ഷം രൂപയാണ് ചെലവിട്ടത്. ഇതിനായുള്ള യന്ത്രസാധനങ്ങളും വാതക പ്ലാന്‍റും ചെന്നൈയിൽനിന്നും എത്തിച്ചേർന്നു. ചുറ്റുമതിലിന്‍റെ യും പൂന്തോട്ടത്തിന്‍റെയും നിർമാണമാണു നിലവില്‍ പുരോഗമിക്കുന്നത്. മലഞ്ചാണിമലയുടെ ഒരുഭാഗത്തു നിന്നാല്‍ നെയ്യാറ്റിൻകര നഗരത്തിന്‍റെ ആകാശക്കാഴ്ച കാണാനാകും. ഇവിടെ വ്യൂ പോയിന്‍റ് നിർമിക്കാനും ഉദ്ദേശമുണ്ട്. പാർക്കിൽ നടപ്പാത നിർമിക്കും. പ്രഭാത, സായാഹ്ന നടത്തത്തിന് ഉപകരിക്കുന്ന തരത്തിലാണ് നടപ്പാത നിർമിക്കുന്നത്. ശ്മശാനത്തിലേക്കുള്ള റോഡു രണ്ടുഘട്ടമായി ടാര്‍ ചെയ്തു. എംഎൽഎ ഫണ്ട്, നഗരസഭാ ഫണ്ട് എന്നിവ ഉപയോഗിച്ചാണ് റോഡ് നവീകരിച്ചത്. ഇനി പെരുമ്പഴുതൂരിൽനിന്നു "ശാന്തി ഇട'ത്തിലേക്ക് എത്താനായി പുതിയ റോഡ് നിർമിക്കും. ഇതിനായി സ്ഥലമേറ്റെടുക്കാനുള്ള നടപടിയിലാണ് നഗരസഭ. ശ്മശാനത്തിലെ ഉപയോഗത്തിനാവശ്യമായ വെള്ളത്തിനായി കുഴൽക്കിണർ നിർമിച്ചു. ഈ കുഴൽക്കിണറിൽനിന്ന് മലഞ്ചാണി പ്രദേശത്തെ നാട്ടുകാർക്കായി ടാങ്ക് സ്ഥാപിച്ചു കുടിവെള്ള വിതരണം ചെയ്യുന്നതിനുള്ള നടപടിയും നഗരസഭ ആരംഭിച്ചുവെന്ന് ചെയർമാൻ പി.കെ. രാജമോഹനൻ അറിയിച്ചു.

നെയ്യാർ അരുവിക്കര കീഴാറൂർ നെട്ടണി റോഡ് നിർമാണം അവസാനഘട്ടത്തിൽ

മാറനല്ലൂർ: നെയ്യാർ അരുവിക്കര കീഴാറൂർ നെട്ടണി റോഡുപണി അവസാന ഘട്ടത്തിൽ. മലയോര മേഖലയിൽനിന്നു തലസ്ഥാനത്ത് എത്താൻ കഴിയുന്ന റോഡ് തകർന്നു കിടക്കുകയായിരുന്നു. ഡി.ആർ. സാങ്കേതിക വിദ്യ ഉപയോഗിച്ച് നവീകരിക്കുന്ന ടാറിംഗ് പുരോഗമിക്കുകയാണ്. ഫുൾ ഡെപ്ത് റിക്ലമേഷൻ (എഫ്ഡിആർ), ബൈ ആക്സിയല്‍ സിന്തറ്റിക്സ് ജിയോഗ്രിഡ്, കയർ ഭൂവസ്ത്രം എന്നിങ്ങനെ നൂതന സാങ്കേതിക വിദ്യകൾ ഉപയോഗപ്പെടുത്തി കാലാവസ്ഥയെ അതിജീവിക്കുന്ന റോഡാണിത്. കീഴാറൂർ നെട്ടണി അരുവിക്കര റോഡ് പുനരുദ്ധാരണം നൂതന സാങ്കേതികവിദ്യയായ എഫ്ഡിആർ, ഒപ്പം വെളുത്ത പെർമിയബിൾ ജിയോടെക് സ്റ്റൈൽ ഫാബ്രിക് ഉപയോഗിച്ചാണ് നടത്തുന്നത്. മഴയിൽനിന്നു റോഡിനെ സംരക്ഷിക്കുന്ന വലിയ ഷീറ്റുകളാണ് പെർമിയബിൾ ജിയോടെക്സ്റ്റൈൽ ഫാബ്രിക്. ഇവ മണ്ണൊലിപ്പ് തടയുകയും വെള്ളം ഒഴുകിപ്പോകാൻ സഹായിക്കുകയും ചെയ്യുന്നു. ഒരു റോഡിന് അടിയിലുള്ള മണ്ണു നിരന്തരം നനഞ്ഞിരിക്കുന്നതോ ചെളി നിറഞ്ഞതോ ആയ ഭൂപ്രകൃതിയിലാണെങ്കിൽ അതിന്‍റെ സ്വാഭാവിക ശക്തി വളരെ കുറവായിരിക്കും. ഇതു കാരണം ഇത്തരം സ്ഥലങ്ങളിലെ റോഡുകൾക്ക് പെട്ടെന്നു കേടുപാടുകൾ സംഭവിക്കുന്നു. ഇതിനു പരിഹാരമായി, അങ്ങനെയുള്ള സ്ഥലങ്ങളിൽ ജിയോ ടെക്‌സ്‌റ്റൈൽസ് കൂടുതൽ ഫലപ്രദമാണെന്നും കണ്ടെത്തിയിട്ടുണ്ട്. റെയിൽവേ, തീരദേശവുമായി ബന്ധപ്പെട്ട നിർമാണങ്ങൾ, ജലസ്രോതസുകളുമായി ബന്ധപ്പെട്ട നിർമാണങ്ങൾ എന്നിവയിൽ വ്യാപകമായി ഉപയോഗിക്കുന്ന ഈ സാങ്കേതികവിദ്യ ഫിൽട്ടറേഷൻ, മണ്ണൊലിപ്പ് നിയന്ത്രണം, മണ്ണ് ശക്തിപ്പെടുത്തൽ എന്നിവയ്ക്ക് കൂടുതൽ ഫലപ്രദമാണ്.

പ്രീപ്രൈമറി വിദ്യാഭ്യാസം അന്തരാഷ്ട്ര നിലവാരത്തിൽ ഉയർത്തും: വി.ശിവൻകുട്ടി

നേമം: പ്രീ പ്രൈമറി വിദ്യാഭ്യാസം അന്തരാഷ്ട്ര നിലവാരത്തിലേക്ക് ഉയർത്തുമെന്നു മന്ത്രി വി.ശിവൻകുട്ടി. നേമം നിയോജക മണ്ഡലത്തിലെ ആറാമട എൽപി സ്കൂളിലെ പുതിയ ബഹുനില മന്ദിരത്തിന്‍റെയും വർണക്കൂടാരത്തിന്‍റെയും ഉദ്ഘാടനം നിർവഹിച്ച് പ്രസം ഗിക്കുകയായിരുന്നു മന്ത്രി. പൊതുവിദ്യാഭ്യാസ വകുപ്പിന്‍റെ പദ്ധതി വിഹിതത്തിൽ നിന്നും ഒരുകോടി രൂപയും എംഎൽഎയുടെ ആസ്തി വികസന ഫണ്ടിൽനിന്നും 90 ലക്ഷം രൂപയും ചെലവഴിച്ചാണ് പുതിയ മന്ദിരം നിർമിച്ചത്. 6930 ചതുരശ്രയടി വിസ്തീർണത്തിൽ നിർമിച്ച കെട്ടിടത്തിൽ ഓരോ നിലകളിലായി മൂന്നു ക്ലാസ് മുറികൾ, ശുചി മുറികൾ, ഹെഡ്മിസ്ട്രസ് മുറി എന്നിങ്ങനെയാണ് ഉൾപ്പെടുത്തിയാണു നിർ മാണം നടത്തിയിരിക്കുന്നത്. സ്കൂൾ അങ്കണത്തിൽ നടന്ന പരിപാടിയിൽ എസ്എസ്കെ ഡിസ്ട്രിക്ട് പ്രോജക്ട് കോ-ഓർഡിനേറ്റർ നജീബ് അധ്യക്ഷത വഹിച്ചു. സ്കൂൾ ഹെഡ്മിസ്ട്രസ് മേരി പുഷ്പ.ആർ, പിഡബ്ല്യുഡി എക്സിക്യൂട്ടീവ് എൻജിനീയർ ബിജു, ജനപ്രതിനിധികൾ തുടങ്ങിയവർ പങ്കെടുത്തു.

കരിച്ചൽ കായൽ ശുചീകരിച്ച് ഇക്കോ ലവ് ഫൗണ്ടേഷൻ വിദ്യാർഥികൾ

പൂവാർ: ലോക നദി ദിനാചരണത്തോടനുബന്ധിച്ച് കോട്ടുകാൽ കരിച്ചൽ കായൽ വൃത്തിയാക്കി ഇക്കോ ലവ് ഫൗണ്ടേഷൻ. 150 ഓളം വിദ്യാർഥിളാണ് ശുചീകരണ യഞ്ജത്തിൽ പങ്കെടുത്തത്. കോസ്റ്റൽ സ്റ്റുഡന്‍റ്സ് കൾച്ചറൽ ഫോറം, ഗ്രീൻപീസ് ഇന്ത്യ, നിക്കി നെസ്റ്റ് ആയുർവേദ ഹോസ്പിറ്റൽ, കരുംകുളം പഞ്ചായത്ത്, ഗ്രീൻ വോംസ്‌, കോട്ടുകാൽ സ്കൂൾ എൻഎസ്എസ്, പുല്ലുവിള ലീയോ തേർടീന്ത്‌ സ്കൂൾ എൻഎസ്എസ് എന്നിവരുടെ സഹകരണത്തോടെ 250 കിലോയിൽ അധികം മാലിന്യമാണ് ശേഖരിച്ചത്. പ്ലാസ്റ്റിക് മാലിന്യങ്ങൾ തരംതിരിച്ച് ശാസ്ത്രീയമായി സംസ്കരിക്കുന്നതിനു കരുംകുളം പഞ്ചായത്ത് ഹരിതകർമസേനയ്ക്ക് കൈമാറി. ഇക്കോ ലവ് ഫൗണ്ടേഷൻ പ്രസിഡന്‍റ് തദയൂസ് ഉദ്ഘാടനം ചെയ്തു. കോസ്റ്റൽ സ്റ്റുഡന്‍റ്സ് കൾച്ചറൽ ഫോറം പ്രസിഡന്‍റും കരുംകുളം പഞ്ചായത്ത് മെമ്പറുമായ രതിൻ ആന്‍റണി, കോസ്റ്റൽ സ്റ്റുഡന്‍റ്സ് കൾച്ചറൽ ഫോറം കാഷ്യർ ജോബ്, ഗ്രീൻപീസ് വോളണ്ടീയർ അലീന എന്നിവർ സംസാരിച്ചു.

ലഹരി വിരുദ്ധ കാമ്പയിന്‍ സംഘടിപ്പിച്ചു

വെള്ളറട: ജനാര്‍ദനപുരം ഹയര്‍ സെക്കന്‍ഡറി സ്‌കൂളിലെ സ്‌കൗട്ട് ആന്‍ഡ് ഗൈഡ്‌സിലെ കുട്ടികളാണ് ലഹരി വിരുദ്ധ കാമ്പയിന്‍ സംഘടിപ്പിച്ചത്. ലഹരിക്കെതിരെയുള്ള പ്രതീകാത്മക കോലം കത്തിച്ചാണ് അവര്‍ ലഹരിക്കെതിരെയുള്ള കാമ്പയിന്‍ സംഘടിപ്പിച്ചത്. സ്‌കൂള്‍ ഹെഡ്മാസ്റ്റര്‍ എം.എസ്. ആദര്‍ശ് കുമാര്‍ ഉദ്ഘാടനം ചെയ്തു. കൂടാതെ സ്‌കൂള്‍ ഹെഡ്മാസ്റ്ററും സ്‌കൂള്‍ പ്രിന്‍സിപ്പാളും കുട്ടികള്‍ക്ക് ലഹരിക്കെതിരെ പ്രവര്‍ത്തിക്കാനുള്ള ബോധവത്കരണം നല്‍കി. കൂടാതെ ലഹരിക്കെതിരെയുള്ള സത്യപ്രതിജ്ഞ കുട്ടികള്‍ ഏറ്റുചൊല്ലി. കുട്ടികളോട് ലഹരിക്കെതിരെയുള്ള മാര്‍ഗനിര്‍ദേശം നല്‍കാനായി സ്‌കൂള്‍ സ്റ്റാഫ് സെക്രട്ടറി എസ്.എസ്. അഖിനേത്, സ്‌കൗട്ട് ആന്‍ഡ് ഗൈഡ്‌സ് സംഘടനയിലെ അധ്യാപകരുമായ രഞ്ജിത്ത്, പദ്‌മേഷ് അരവിന്ദ്, വിദ്യ ടീച്ചര്‍, ജ്യോതി ടീച്ചര്‍ എന്നിവരും ലഹരിക്കെതിരെയുള്ള ബോധവത്കരണം നടത്തി.

ദുര്‍ഗാഷ്ടമി ആഘോഷത്തിന്‍റെ ഭാഗമായി പൊതിച്ചോറ് നല്‍കി

വെള്ളറട: കോണ്‍ഗ്രസ് മാരായമുട്ടം മണ്ഡലം കമ്മിറ്റിയുടെ നേതൃത്വത്തില്‍ ദുര്‍ഗാഷ്ടമി ആഘോഷങ്ങളുടെ ഭാഗമായി നെയ്യാറ്റിന്‍കര ജനറല്‍ ആശുപത്രിയിലെ രോഗികള്‍ക്കും അവരുടെ കൂട്ടിരിപ്പുകാര്‍ക്കും പൊതിച്ചോറ് വിതരണം ചെയ്തു. കോണ്‍ഗ്രസ് മാരായമുട്ടം മണ്ഡലം കമ്മിറ്റിയുടെ കീഴില്‍ വരുന്ന തൃപ്പലവൂര്‍, അരുവിക്കര, തത്തിയൂര്‍, വടകര, ചുള്ളിയൂര്‍, മാരായമുട്ടം, അണമുഖം, അരുവിപുറം വാര്‍ഡുകളില്‍നിന്നുള്ള വീടുകളില്‍നിന്നും നേരിട്ടു പൊതിച്ചോറു ശേഖരിച്ച് നെയ്യാറ്റിന്‍കര ജനറല്‍ ആശുപത്രിയില്‍ എത്തിച്ചു രോഗികള്‍ക്കും അവരുടെ കുട്ടിരിപ്പുകാര്‍ക്കും നല്‍കി. പൊതിച്ചോറ് വിതരണം മാരായമുട്ടം മണ്ഡലം പ്രസിഡന്‍റ് ബിനില്‍ മണലുവിള പൊതിച്ചോറ് നല്‍കി ഉദ്ഘാടനം ചെയ്തു. മണ്ഡലം കമ്മറ്റി വൈസ് പ്രസിഡന്‍റ് ശ്രീരാഗം ശ്രീകുമാര്‍, തുളസീധരന്‍ ആശാരി, നെയ്യാറ്റിന്‍കര ജയചന്ദ്രന്‍ ചായ്‌ക്കോട്ടുകോണം കൗണ്‍സിലര്‍ സജു, വഴുതൂര്‍ ഷിനോജ്, എന്നിവര്‍ നേതൃത്വം നല്‍കി.

സ്കൂൾ കലോത്സവം സംഘടിപ്പിച്ചു

നെടുമങ്ങാട്: കരകുളം വിദ്യാധിരാജ എൽപിഎസിൽ സ്കൂൾ കലോത്സവം സംഘടിപ്പിച്ചു. ഹെഡ്മാസ്റ്റർ ജെ.പി. അനീഷ് അധ്യക്ഷനായിരുന്നു. പിടിഎ പ്രസിഡന്‍റ് അഭിലാഷ് ഉദ്ഘാടനം നിർവഹിച്ചു. സീനിയർ അസിസ്റ്റന്‍റ് ബി.ജി. സിനി ആശംസകൾ അർപ്പിച്ചു. ആർട്സ് ക്ലബ് കൺവീനർ എസ്.ആർ. ദിവ്യ സ്വാഗതവും എസ്.ആർ.ജി. കൺവീനർ അൽത്താഫ് നന്ദിയും പറഞ്ഞു. പിടിഎ വൈസ് പ്രസിഡന്‍റ് സതീശൻ, എം പിടിഎ പ്രസിഡന്‍റ് മോളി, പിടിഎ എക്സിക്യൂട്ടീവ് അംഗങ്ങൾ എന്നിവർ പങ്കെടുത്തു.

ക്ഷേത്രഗോപുരങ്ങൾ സമർപ്പിച്ചു

നെടുമങ്ങാട്: വെള്ളനാട് ഭഗവതി ക്ഷേത്രത്തിൽ നിർമിച്ച തെക്ക്, പടിഞ്ഞാറ് ഗോപുരങ്ങളുടെ സമർപ്പണം തിരുവിതാംകൂർ രാജകുടുംബാംഗം പൂയം തിരുനാൾ ഗൗരി പാർവതീ ബായി നിർവഹിച്ചു. ക്ഷേത്ര പ്രസിഡന്‍റ് വെള്ളനാട് ശ്രീകണ്ഠൻ, വൈസ് പ്രസിഡന്‍റ് ഡി. ബ്രഹ്മദേവൻ നായർ, സെക്രട്ടറി എം. സുകുമാരൻ നായർ, ജോയിന്‍റ് സെക്രട്ടറി ആർ. പത്മകുമാർ, ട്രഷറർ ടി. ശ്രീകുമാരൻ നായർ, കെ.ജി. രവീന്ദ്രൻ നായർ, ജനാർദനൻ നായർ എന്നിവർ സംസാരിച്ചു.

വയോജന ദിനാഘോഷം നടത്തി

പാറശാല: ലോക വയോജന ദിനത്തോടനുബന്ധിച്ച് കൊറ്റാമം സാഫല്യം വയോജന ഭിന്ന ശേഷി പരിപാലന കേന്ദ്രത്തില്‍ വയോജന ദിനാഘോഷവും സൗജന്യ മെഡിക്കല്‍ ക്യാമ്പും സംഘടിപ്പിച്ചു. കൊല്ലയില്‍ പഞ്ചായത്ത് വികസനകാര്യ സ്ഥിരംസമിതി അധ്യക്ഷന്‍ ജി. ബൈജു ഉദ്ഘാടനം നിര്‍വഹിച്ചു. കൊല്ലയില്‍ എഫ്എച്ച്സി മെഡിക്കല്‍ ഓഫീസര്‍ ഡോ. ശ്രീജിത്ത് അധ്യക്ഷത വഹിച്ചു. കൊല്ലയില്‍ എഫ്എച്ച്സി ഹെല്‍ത്ത് ഇന്‍സ്‌പെക്ടര്‍ തമ്പി സുരേഷ്, സാഫല്യം വയോജന ഭിന്ന ശേഷി പരിപാലന കേന്ദ്രം പ്രോജക്ട് മാനേജര്‍ സജിത് കുമാര്‍ തുടങ്ങിയവര്‍ പ്രസംഗിച്ചു. പരിപാടിയുടെ ഭാഗമായി തിരുവനന്തപുരം ജില്ലാ മാനസികാരോഗ്യ കേന്ദ്രം ബോധവത്കരണ ക്ലാസ് നടത്തി.

ഓർമ്മച്ചെപ്പ് ഓണാഘോഷം

നെടുമങ്ങാട് : അരുവിക്കര ഗവ. ഹൈസ്‌കൂൾ 1982 എസ്എസ്എൽസി ബാച്ച് കൂട്ടായ്മയായ ഓർമ്മച്ചെപ്പിന്‍റെ വാർഷിക പൊതുയോഗവും ഓണാഘോഷവും മൈലം സത്യാനന്ദൻ ഉദ്‌ഘാടനം ചെയ്തു. രമേശ് ചന്ദ്രൻ, ഉഷാകുമാരി, സുധാകരൻ, ജയകുമാരി,കെ.എസ്. മധു, സംറത്ത്, അജിത്കുമാർ, സിന്ധുഷാജഹാൻ, ഫാത്തിമറംല, ഗീതാകുമാരി, ഫിലോമിന എന്നിവർ പ്രസംഗിച്ചു. ഷാജഹാൻ റിപ്പോർട്ടും സീനത്ത് വരവുചെലവ് കണക്കും അവതരിപ്പിച്ചു. ഭാരവാഹികൾ: മൈലം സത്യാനന്ദൻ-പ്രസിഡന്‍റ്, ഉഷാകുമാരി-വൈസ് പ്രസിഡന്‍റ്, ഷാജഹാൻ -സെക്രട്ടറി, സീനത്ത് -ട്രഷറർ, ഫിലോമിന - ജോയിന്‍റ് സെക്രട്ടറി, രമേഷ് ചന്ദ്രൻ, അജിത്ത് കുമാർ, സിന്ധു കെ.ആർ, ഫാത്തിമ റംല, സംവൃത്ത്, സുധാകരൻ നായർ, കെ.എസ്. മധു, ഗീത കടമ്പനാട് -എക്സി. അംഗങ്ങൾ.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]