ബേ​ക്ക​ൽ: ഒ​രു​കാ​ല​ത്ത് ജി​ല്ല​യി​ലെ പ്ര​ധാ​ന ചെ​റു​കി​ട വ്യ​വ​സാ​യ​ങ്ങ​ളി​ലൊ​ന്നാ​യി​രു​ന്നു ഐ​സ് പ്ലാ​ന്‍റു​ക​ൾ. ജി​ല്ല​യു​ടെ തീ​ര​ദേ​ശ​ത്ത് ത​ല​പ്പാ​ടി മു​ത​ൽ ചെ​റു​വ​ത്തൂ​ർ വ​രെ 14 ഐ​സ് പ്ലാ​ന്‍റു​ക​ൾ പ്ര​വ​ർ​ത്തി​ക്കു​ന്നു​ണ്ട്. മു​ൻ​കാ​ല​ങ്ങ​ളി​ൽ ട്രോ​ളിം​ഗ് നി​രോ​ധ​ന​കാ​ലം ക​ഴി​ഞ്ഞ് മ​ത്സ്യ​ബ​ന്ധ​ന​ത്തി​ന്‍റെ സീ​സ​ൺ തു​ട​ങ്ങി​യാ​ൽ ഐ​സ് പ്ലാ​ന്‍റു​ക​ളി​ൽ തി​ര​ക്കൊ​ഴി​ഞ്ഞ നേ​ര​മി​ല്ലാ​യി​രു​ന്നു. ബോ​ട്ടു​കാ​ർ മു​ത​ൽ ചെ​റു​കി​ട വ​ല​ക്കാ​ർ വ​രെ ഐ​സ് ക​ട്ട​ക​ൾ​ക്കാ​യി കാ​ത്തി​രി​പ്പാ​യി​രു​ന്നു. ക​ണ്ണൂ​രി​ലേ​ക്കും മം​ഗ​ളൂ​രു​വി​ലേ​ക്കു​മെ​ല്ലാം ജി​ല്ല​യി​ൽ നി​ന്നു​ള്ള ഐ​സ് ക​ട്ട​ക​ൾ എ​ത്തി​യി​രു​ന്നു.

കാ​ലം മാ​റി​യ​പ്പോ​ൾ ഐ​സ് ക​ട്ട​ക​ളു​ടെ നി​ർ​മാ​ണ​ച്ചെ​ല​വ് കു​ത്ത​നെ കൂ​ടി. മീ​ൻ ല​ഭ്യ​ത കു​റ​ഞ്ഞ​തോ​ടെ പ​ഴ​യ​പോ​ലെ ഐ​സ് ക​ട്ട​ക​ൾ ആ​ർ​ക്കും ആ​വ​ശ്യ​മി​ല്ലാ​താ​യി. പ​ക്ഷേ അ​ല്പ​നേ​രം വൈ​ദ്യു​തി നി​ല​ച്ചാ​ൽ​പോ​ലും ഐ​സ് ക​ട്ട​ക​ൾ ഉ​രു​കി​ത്തു​ട​ങ്ങു​മെ​ന്ന​തി​നാ​ൽ പ്ലാ​ന്‍റി​ലെ യ​ന്ത്ര​ങ്ങ​ൾ 24 മ​ണി​ക്കൂ​റും പ്ര​വ​ർ​ത്തി​പ്പി​ക്ക​ണം. ഇ​തോ​ടെ ഉ​യ​ർ​ന്ന നി​ർ​മാ​ണ​ച്ചെ​ല​വും വൈ​ദ്യു​തി ചാ​ർ​ജും കു​റ​ഞ്ഞ വ​രു​മാ​ന​വും മൂ​ലം ജി​ല്ല​യി​ലെ ഐ​സ് പ്ലാ​ന്‍റു​ക​ളി​ൽ പ​ല​തും അ​ട​ച്ചു​പൂ​ട്ട​ലി​ന്‍റെ വ​ക്കി​ലാ​യി. മു​ൻ​കാ​ല​ങ്ങ​ളി​ൽ പ്ര​തി​ദി​നം നാ​നൂ​റി​ലേ​റെ ഐ​സ് ക​ട്ട​ക​ൾ വി​റ്റി​രു​ന്ന സ്ഥാ​ന​ത്ത് ഇ​പ്പോ​ൾ 40 ക​ട്ട​ക​ൾ വി​റ്റു​തീ​ർ​ന്നാ​ൽ​പോ​ലും സ​മാ​ധാ​ന​മെ​ന്ന നി​ല​യാ​യെ​ന്ന് പ്ലാ​ന്‍റ് ഉ​ട​മ​ക​ൾ പ​റ​യു​ന്നു.

ഉ​പ്പും അ​മോ​ണി​യ​യു​മാ​ണ് ഐ​സ് നി​ർ​മാ​ണ​ത്തി​നു​ള്ള പ്ര​ധാ​ന അ​സം​സ്കൃ​ത വ​സ്തു​ക്ക​ൾ. ര​ണ്ടി​നും വി​ല​കൂ​ടി. 40 കി​ലോ ഉ​ള്ള ഒ​രു ചാ​ക്ക് ക​ല്ലു​പ്പി​ന് ഇ​പ്പോ​ൾ 300 രൂ​പ വ​രെ​യാ​യി. ര​ണ്ടു​മാ​സ​ത്തേ​ക്കാ​വ​ശ്യ​മാ​യ അ​മോ​ണി​യം ഗ്യാ​സ് സി​ലി​ൻ​ഡ​റി​ന് നേ​ര​ത്തേ 3500 രൂ​പ​യാ​യി​രു​ന്ന​ത് ഇ​പ്പോ​ൾ 10,500 രൂ​പ​യാ​ണ്. അ​സം​സ്കൃ​ത​വ​സ്തു​ക്ക​ൾ ഉ​പ്പും അ​മോ​ണി​യ​യു​മാ​യ​തു​കൊ​ണ്ട് പ്ലാ​ന്‍റി​ലെ യ​ന്ത്ര​ഭാ​ഗ​ങ്ങ​ൾ ചു​രു​ങ്ങി​യ കാ​ല​ത്തി​നു​ള്ളി​ൽ തു​രു​മ്പു​പി​ടി​ച്ച് കേ​ടാ​വും. അ​വ​യു​ടെ അ​റ്റ​കു​റ്റ​പ​ണി​ക​ൾ​ക്കും ന​ല്ല തു​ക ചെ​ല​വാ​കും. 24 മ​ണി​ക്കൂ​റും പ്ര​വ​ർ​ത്തി​ക്കേ​ണ്ട​തു​കൊ​ണ്ട് വൈ​ദ്യു​തി ബി​ല്ല് മാ​സം ഒ​ന്ന​ര​ല​ക്ഷ​ത്തി​ന് മു​ക​ളി​ൽ വ​രും. തൊ​ഴി​ലാ​ളി​ക​ളു​ടെ കൂ​ലി കൂ​ടി​യാ​കു​മ്പോ​ൾ പി​ടി​ച്ചു​നി​ൽ​ക്കാ​ൻ പാ​ടു​പെ​ടു​ക​യാ​ണെ​ന്ന് പ്ലാ​ന്‍റ് ഉ​ട​മ​ക​ൾ പ​റ​യു​ന്നു.

മീ​ൻ ല​ഭ്യ​ത കു​റ​ഞ്ഞ​തി​നൊ​പ്പം വ​ൻ​കി​ട ബോ​ട്ടു​കാ​ർ​ക്ക് സ്വ​ന്ത​മാ​യി​ത്ത​ന്നെ ഫ്രീ​സ​ർ പോ​ലു​ള്ള സം​വി​ധാ​ന​ങ്ങ​ൾ വ​ന്ന​തും ഐ​സ് പ്ലാ​ന്‍റു​ക​ളു​ടെ വ​രു​മാ​ന​ത്തെ ബാ​ധി​ച്ചി​ട്ടു​ണ്ട്. ഉ​ത്സ​വ​ങ്ങ​ളും മ​റ്റ് ആ​ഘോ​ഷ​പ​രി​പാ​ടി​ക​ളും ന​ട​ക്കു​ന്ന സ്ഥ​ല​ങ്ങ​ളി​ലേ​ക്ക് ആ​വ​ശ്യ​മാ​യ വി​ധ​ത്തി​ൽ ശു​ദ്ധ​മാ​യ വെ​ള്ള​ത്തി​ലു​ണ്ടാ​ക്കു​ന്ന ഐ​സ് ക​ട്ട​ക​ൾ ഉ​ണ്ടാ​ക്കി വി​ല്പ​ന ന​ട​ത്തി​യാ​ണ് പ​ല​രും പി​ടി​ച്ചു​നി​ൽ​ക്കു​ന്ന​ത്.