മ​ങ്കൊ​മ്പ്: അ​റ്റ​കു​റ്റ​പ്പ​ണി​ക​ളു​ടെ പേ​രി​ല്‍ നി​ര്‍​ത്തി​വ​ച്ച ഗ​താ​ഗ​തം ഒ​രു മാ​സ​മാ​യി​ട്ടും പു​ന​രാ​രം​ഭി​ക്കാ​ത്ത​തി​ല്‍ നാ​ട്ടു​കാ​രു​ടെ പ്ര​തി​ഷേ​ധം. തു​രു​ത്തി-​വാ​ല​ടി റോ​ഡി​ലൂ​ടെ​യു​ള്ള കെ​എ​സ്ആ​ര്‍​ടി​സി സ​ര്‍​വീ​സു​ക​ളാ​ണ് ക​ഴി​ഞ്ഞ ഒ​രു മാ​സ​മാ​യി നി​ല​ച്ചി​രി​ക്കു​ന്ന​ത്. ദി​വ​സേ​ന നൂ​റു​ക​ണ​ക്കി​നു യാ​ത്ര​ക്കാ​ര്‍ ആ​ശ്ര​യി​ച്ചി​രു​ന്ന റൂ​ട്ടി​ല്‍ ഇ​തോ​ടെ യാ​ത്രാ​ക്ലേ​ശം അ​തി​രൂ​ക്ഷ​മാ​ണ്.

ച​ങ്ങ​നാ​ശേ​രി ഡി​പ്പോ​യി​ല്‍​നി​ന്നു കാ​വാ​ല​ത്തേ​ക്ക് ഇ​തു​വ​ഴി ന​ട​ത്തി​യി​രു​ന്ന കെ​എ​സ്ആ​ര്‍​ടി​സി സ​ര്‍​വീ​സു​ക​ള്‍ നി​ല​വി​ല്‍ പ​റാ​ല്‍-​കു​മ​രം​ക​രി വ​ഴി സ​ര്‍​വീ​സ് ന​ട​ത്തു​ന്നു​ണ്ടെ​ങ്കി​ലും കോ​ട്ട​യം ഡി​പ്പോ​യി​ല്‍​നി​ന്നു​ള്ള കൃ​ഷ്ണ​പു​രം-​കാ​വാ​ലം സ​ര്‍​വീ​സു​ക​ള്‍ പൂ​ര്‍​ണ​മാ​യും നി​ര്‍​ത്തി​വ​ച്ചി​രി​ക്കു​ക​യാ​ണ്. വെ​ള്ള​ക്കെ​ട്ടി​നു​ള്ളി​ല്‍ അ​പ​ക​ട​ക​ര​മാം​വി​ധം ത​ക​ര്‍​ന്നു കി​ട​ന്നി​രു​ന്ന റോ​ഡി​ലെ വ​ലി​യ​കു​ഴി​ക​ള്‍ അ​ട​യ്ക്കു​ന്ന ജോ​ലി​ക​ളി​പ്പോ​ള്‍ പൂ​ര്‍​ത്തീ​ക​രി​ച്ചി​ട്ടു​ണ്ട്. സ്‌​കൂ​ള്‍ ബ​സു​ക​ളും മ​റ്റു ഭാ​ര​വാ​ഹ​ന​ങ്ങ​ളു​മെ​ല്ലാം ഇ​തു​വ​ഴി ക​ട​ന്നു പോ​കു​ന്നു​മു​ണ്ട്.

കാ​ൽ​ന​ട ശ​ര​ണം

കോ​ട്ട​യം ഭാ​ഗ​ത്തേ​ക്കു ബ​സി​ല്ലാ​ത്ത​തി​നാ​ല്‍ വാ​ല​ടി മു​ത​ല്‍ എം​സി റോ​ഡ് ഭാ​ഗ​ത്തേ​ക്കു കാ​ല്‍​ന​ട​യാ​യി​ട്ടാ​ണ് നി​ര​വ​ധി​യാ​ളു​ക​ള്‍ യാ​ത്ര ചെ​യ്യു​ന്ന​ത്. സ്ഥി​രം യാ​ത്ര​ക്കാ​രു​ടെ ദു​രി​ത​ങ്ങ​ള്‍ ഒ​ഴി​വാ​ക്കാ​നാ​യി കോ​ട്ട​യം ഡി​പ്പോ​യു​ടെ ട്രി​പ്പു​ക​ളെ​ങ്കി​ലും അ​ടി​യ​ന്ത​ര​മാ​യി പു​ന​രാ​രം​ഭി​ക്ക​ണ​മെ​ന്നാ​ണ് യാ​ത്ര​ക്കാ​രു​ടെ ആ​വ​ശ്യം. അ​വ​ശേ​ഷി​ക്കു​ന്ന നി​ര്‍​മാ​ണം പൊ​തു​ഗ​താ​ഗ​ത​ത്തെ പ്ര​തി​കൂ​ല​മാ​യി ബാ​ധി​ക്കാ​ത്ത​വി​ധം ക്ര​മീ​ക​രി​ക്കാ​ന്‍ ബ​ന്ധ​പ്പെ​ട്ട​വ​ര്‍​ക്കു നി​ര്‍​ദേ​ശം ന​ല്‍​ക​ണ​മെ​ന്നും യാ​ത്ര​ക്കാ​രു​ടെ പ്ര​തി​നി​ധി​ക​ള്‍ നി​വേ​ദ​ന​ത്തി​ലൂ​ടെ ആ​വ​ശ്യ​പ്പെ​ട്ടു. ഒാ​ണ​ക്കാ​ല​ത്ത് സ​ർ​വീ​സ് മു​ട​ങ്ങു​ന്ന​ത് വ്യാ​പാ​രി​ക​ൾ​ക്കും തി​രി​ച്ച​ടി​യാ​ണെ​ന്നു ചൂ​ണ്ടി​ക്കാ​ണി​ക്ക​പ്പെ​ടു​ന്നു.

ന​ന്നാ​ക്കി
കു​ള​മാ​ക്കി​യോ?

മു​ള​യ്ക്കാം​തു​രു​ത്തി വീ​യ​പു​രം കെ​എ​സ്ടി​പി പ​ദ്ധ​തി​യു​ടെ പേ​രി​ല്‍, തു​രു​ത്തി​യി​ലെ ന​ല്ല റോ​ഡ് പ​ണി​തു കു​ള​മാ​ക്കു​ക​യാ​യി​രു​ന്നു​വെ​ന്നാ​ണ് നാ​ട്ടു​കാ​രു​ടെ ആ​ക്ഷേ​പം.

വീ​തി​കു​റ​ഞ്ഞ റോ​ഡി​നി​രു​വ​ശ​വും ആ​വ​ശ്യ​മി​ല്ലാ​തെ ഓ​ട പ​ണി​തു നി​ല​വി​ലു​ണ്ടാ​യി​രു​ന്ന സൗ​ക​ര്യ​ങ്ങ​ള്‍ പോ​ലും ന​ശി​പ്പി​ച്ചെ​ന്നാ​ണ് ആ​ക്ഷേ​പം. ന​വീ​ക​ര​ണ​ജോ​ലി ആ​രം​ഭി​ക്കു​ന്ന​തി​ന് മു​ന്‍​പ് വെ​ള്ള​ക്കെ​ട്ടി​ല്ലാ​തി​രു​ന്ന പ്ര​ദേ​ശ​ങ്ങ​ളി​ലും ചെ​റി​യ മ​ഴ പെ​യ്താ​ല്‍ പോ​ലു​മി​പ്പോ​ള്‍ വെ​ള്ള​ക്കെ​ട്ടാ​ണ്. കൃ​ഷി​യി​ല്ലാ​ത്ത പാ​ട​ശേ​ഖ​ര​ങ്ങ​ളി​ലെ വെ​ള്ള​ക്കെ​ട്ട് റോ​ഡി​ന്‍റെ ത​ക​ര്‍​ച്ച​യ്ക്കു പ്ര​ധാ​ന കാ​ര​ണ​മാ​ണെ​ന്നാ​ണ് നാ​ട്ടു​കാ​രു​ടെ വാ​ദം.

പ​ന്പിം​ഗ് വേ​ണം

മ​ഴ​ക്കാ​ല​ത്തു പാ​ട​ശേ​ഖ​ര​ങ്ങ​ളി​ല്‍ നി​യ​ന്ത്രി​ത പ​മ്പിം​ഗ് വേ​ണ​മെ​ന്ന നാ​ട്ടു​കാ​രു​ടെ ആ​വ​ശ്യ​ത്തി​നു നേ​രെ അ​ധി​കൃ​ത​രു​ടെ അ​വ​ഗ​ണ​ന തു​ട​രു​ക​യാ​ണ്.

നെ​ല്‍​കൃ​ഷി​യു​ള്ള​പ്പോ​ള്‍ മാ​ത്രം പാ​ട​ശേ​ഖ​ര​ങ്ങ​ളി​ല്‍ പ​മ്പിം​ഗ് ന​ട​ത്തി​യാ​ല്‍ മ​തി​യെ​ന്നു​ള്ള നി​ല​വി​ലെ സ​ര്‍​ക്കാ​ർ‍ ച​ട്ട​ങ്ങ​ള്‍ പ​രി​ഷ്ക​രി​ക്ക​ണം.