ഓ​ർ​മ​ക​ളു​ടെ സു​ഗ​സം ചാ​ർ​ത്തി​യ നി​റ​വാ​ണ് ഓ​ണ​വും ഓ​ണ​ത്തെ​ക്കു​റി​ച്ചു​ള്ള എ​ന്‍റെ ബാ​ല്യ​കാ​ല​സ്മ​ര​ണ​ക​ളും. ഗ്രാ​മ​വും വീ​ടും ആ​ഘോ​ഷ​ങ്ങ​ളും ഓ​ർ​മ​യി​ൽ മ​ഴ​വി​ല്ല​ഴ​കാ​യ് വി​രി​ഞ്ഞു നി​ൽ​ക്കു​ന്നു.

നാ​ട​ക സം​ഗീ​ത​രം​ഗ​ത്ത് വ്യ​ക്തി​മു​ദ്ര പ​തി​പ്പി​ച്ച ആ​ല​പ്പി ഋ​ഷി​കേ​ശ് ഇ​പ്പോ​ൾ അ​യ​ർ​ല​ൻ​ഡി​ലാ​ണ്. എ​ന്തൊ​രു ചേ​ലാ​യി​രു​ന്നു ആ​ക്കാ​ലം. സ​ഹോ​ദ​രി ആ​ശ​യും കൂ​ട്ടു​കാ​രി​ക​ളും ചേ​ർ​ന്ന് ത​റ​വാ​ടി​ൻ്റെ മു​റ്റ​ത്തൊ​രു​ക്കു​ന്ന പൂ​ക്ക​ള​ങ്ങ​ളി​ൽ ഞാ​നും പ​ങ്കു​ചേ​രു​മാ​യി​രു​ന്നു.

ഞൊ​ങ്ങ​ണം പു​ല്ലു​കൊ​ണ്ട് മാ​വേ​ലി കെ​ട്ടി "മാ​വേ​ലി നാ​ടു​വാ​ണീ​ടും​കാ​ലം മാ​നു​ഷ്യ​രെ​ല്ലാ​രു​മൊ​ന്നു പോ​ലെ "എ​ന്ന് കൂ​ട്ടം ചേ​ർ​ന്നു പാ​ടി ഓ​രോ വീ​ട്ടു​മു​റ്റ​ത്തു ചെ​ല്ലു​ന്ന​തും ഉ​പ്പേ​രി​യും ശ​ർ​ക്ക​ര പു​ര​ട്ടി​യു​മൊ​ക്കെ​ത്തി​ന്നു​ന്ന​തും...ഹാ...ഓ​ണം ഒ​രു​ത്സ​വം ത​ന്നെ​യാ​യി​രു​ന്നു.

രാ​ത്രി​യാ​യാ​ൽ അ​യ​ൽ​പ​ക്ക​ക്കാ​രെ​ല്ലാം ഒ​ത്തു​കൂ​ടി കൈ​കൊ​ട്ടി​ക്ക​ളി, കോ​ൽ​ക്ക​ളി, കു​ട​മൂ​ത്ത്, കു​മ്മി​യ​ടി​യൊ​ക്കെ ന​ട​ത്തി​യി​രു​ന്നു. അ​വി​ടെ കേ​ൾ​ക്കു​ന്ന ഈ​ണ​വും താ​ള​വും ചേ​ർ​ന്ന പാ​ട്ടും ചു​വ​ടു​വ​യ്പ്പു​മൊ​ക്കെ എ​ന്നി​ലെ സം​ഗീ​ത​ത്തെ രൂ​പ​പ്പെ​ടു​ത്താ​ൻ കാ​ര​ണ​മാ​യി. അ​ന്നൊ​ക്കെ ഓ​ണ​മാ​യാ​ൽ ക്ല​ബ്ബു​ക​ളി​ൽ നാ​ട്ടി​ലെ ക​ലാ​കാ​ര​ന്മാ​രു​ടെ നാ​ട​കം ഉ​ണ്ടാ​കും.

അ​തി​ന്‍റെ പി​ന്ന​ണി​യി​ൽ പ്ര​വ​ർ​ത്തി​ച്ച് സം​ഗീ​തം കൈ​കാ​ര്യം ചെ​യ്ത​തി​നാ​ൽ പി​ന്നീ​ട് ആ​യി​ര​ത്ത​ഞ്ഞൂ​റോ​ളം നാ​ട​ക​ങ്ങ​ൾ​ക്കു സം​ഗീ​ത സം​വി​ധാ​യ​ക​നാ​വാ​ൻ ഭാ​ഗ്യ​മു​ണ്ടാ​യി. ക​ലാ​കാ​ര​ന്മാ​രെ സം​ബ​ന്ധി​ച്ച് ആ​ഘോ​ഷ ദി​വ​സ​ങ്ങ​ൾ മ​റ്റു​ള്ള​വ​രെ സ​ന്തോ​ഷി​പ്പി​ക്കാ​ൻ വേ​ണ്ടി​യു​ള്ള​താ​ണ്. പു​ത്ത​ൻ പ്ര​തീ​ക്ഷ​ക​ളു​ടെ ന​ല്ല സ്വ​പ്ന​ങ്ങ​ളും ചി​ന്ത​ക​ളു​മാ​യി ന​മു​ക്ക് ഓ​ണ​ത്തെ വ​ര​വേ​ൽ​ക്കാം.

ആ​ല​പ്പി ഋ​ഷി​കേ​ശ് (സം​ഗീ​ത സം​വി​ധാ​യ​ക​ൻ)