ആ​ലു​വ: കൊ​ച്ചി മെ​ട്രോ​യു​ടെ സ്ഥ​ലം കൈ​യേ​റി സി​ഐ​ടി​യു കൊ​ടി​കെ​ട്ടി സ്ഥാ​പി​ച്ച ലോ​ട്ട​റി ത​ട്ടു​ക​ൾ ഒ​ഴി​പ്പി​ക്കാ​നാ​കാ​തെ പോ​ലീ​സ് സ​ന്നാ​ഹ​ത്തി​ലെ​ത്തി​യ ദേ​ശീ​യ​പാ​താ അ​ഥോ​റി​റ്റി, ആ​ലു​വ ന​ഗ​ര​സ​ഭ ഉ​ദ്യോ​ഗ​സ്ഥ​ർ നി​രാ​ശ​രാ​യി മ​ട​ങ്ങി. സിപിഎം ​ലോ​ക്ക​ൽ സെ​ക്ര​ട്ട​റി ഉ​ൾ​പ്പെ​ടെ​യു​ള്ള​വ​രു​ടെ നേ​തൃ​ത്വ​ത്തി​ൽ ര​ണ്ട് മ​ണി​ക്കൂ​റോ​ളം ത​ർ​ക്ക​വും ബ​ഹ​ള​വും ന​ട​ന്നു.

സ്ഥ​ലം ന​ഗ​ര​സ​ഭ​യു​ടേ​തോ ദേ​ശീ​യ​പാ​ത അ​ഥോ​റി​റ്റി​യു​ടേ​തോ അ​ല്ലെ​ന്നും ഒ​ഴി​പ്പി​ക്കാ​ൻ ആ​ർ​ക്കും അ​ധി​കാ​ര​മി​ല്ലെ​ന്നു​മാ​ണ് ലോ​ട്ട​റി ക​ച്ച​വ​ട​ക്കാ​രു​ടെ നി​ല​പാ​ട്. ഇ​തി​നി​ട​യി​ൽ സി​ഐ​ടി​യു യൂ​ണി​യ​ൻ ഇ​ന്ന​ലെ കെ​ട്ടി​യ കൊ​ടി​ക​ൾ അ​ഴി​ച്ചു​മാ​റ്റി. ഇ​ന്ന​ലെ ആ​ലു​വ ന​ഗ​ര​സ​ഭ ആ​രോ​ഗ്യ​വി​ഭാ​ഗ​വും ദേ​ശീ​യപാ​താ അ​ഥോ​റി​റ്റി​യും സം​യു​ക്ത​മാ​യാ​ണ് കൈ​യേ​റ്റം ഒ​ഴി​പ്പി​ക്കാ​നെ​ത്തി​യ​ത്. പോ​ലീ​സ് സ​ഹാ​യ​വും തേ​ടി​യി​രു​ന്നു.

കൂ​ടു​ത​ൽ പോ​ലീ​സി​നെ നി​യോ​ഗി​ച്ച് സ്ഥ​ലം കൈ​യേ​റ്റം ഒ​ഴി​പ്പി​ക്ക​ണ​മെ​ന്നാ​ശ്യ​പ്പെ​ട്ട് ന​ഗ​ര​സ​ഭ സെ​ക്ര​ട്ട​റി ജി​ല്ലാ ക​ള​ക്ട​ർ​ക്ക് ക​ത്തു ന​ൽ​കി. പോ​ലീ​സ് നി​ഷ്ക്രീ​യ​മാ​യി​രു​ന്നു​വെ​ന്ന് ന​ഗ​ര​സ​ഭാ ചെ​യ​ർ​മാ​ൻ എം.​ഒ. ജോ​ൺ കു​റ്റ​പ്പെ​ടു​ത്തി. ജി​ല്ലാ പോ​ലീ​സ് മേ​ധാ​വി, ഡി​വൈ​എ​സ്പി എ​ന്നി​വ​രെ ന​ഗ​ര​സ​ഭ പ്ര​തി​ഷേ​ധം അ​റി​യി​ച്ച​താ​യും ചെ​യ​ർ​മാ​ൻ പ​റ​ഞ്ഞു.

മെ​ട്രോ നി​ർ​മാ​ണ​ത്തി​നാ​യി കെ​എം​ആ​ർ​എ​ൽ ഏ​റ്റെ​ടു​ത്ത ഭൂ​മി​യി​ൽ വെ​ള്ളി​യാ​ഴ്ച സ്ഥ​ലം കൈ​യേ​റി​യാ​ണ് എ​ട്ട് ലോ​ട്ട​റി ത​ട്ടു​ക​ൾ അ​ന​ധി​കൃ​ത​മാ​യി സ്ഥാ​പി​ച്ച​ത്. പി​ല്ല​ർ ന​മ്പ​ർ 22 ന് ​സ​മീ​പ​മു​ള്ള ഒ​രു കോ​ടി രൂ​പ വി​ല​വ​രു​ന്ന ഭൂ​മി​യാ​ണി​ത്.