കൂ​ട്ടി​ക്ക​ൽ: കൂ​ട്ടി​ക്ക​ൽ പ​ഞ്ചാ​യ​ത്തി​ലെ വ​ല്യേ​ന്ത​ക്കാ​വ് അ​മ്പ​ലം ഭാ​ഗ​ത്ത് വ​ന്യ​മൃ​ഗ​ത്തി​ന്‍റെ കാ​ൽ​പ്പാ​ട്. പു​ലി​യു​ടേ​താ​ണെ​ന്ന് സം​ശ​യം. വ​ല്യേ​ന്ത​കാ​വ് അ​മ്പ​ല​ത്തി​ന്‍റെ മു​ക​ൾ​ഭാ​ഗ​ത്തു​ള്ള പാ​ല​ത്തി​ന്‍റെ സ​മീ​പ​മാ​ണ് പു​ലി​യു​ടെ സ​മാ​ന​മാ​യ കാ​ൽ​പ്പാ​ട് ക​ണ്ടെ​ത്തി​യ​ത്. നാ​ട്ടു​കാ​ർ അ​റി​യി​ച്ച​തി​നെ​ത്തു​ട​ർ​ന്നു വ​നം ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. പ്ര​ദേ​ശ​വാ​സി​ക​ൾ ജാ​ഗ്ര​ത പാ​ലി​ക്ക​ണ​മെ​ന്നു വാ​നം വ​കു​പ്പ് മു​ന്ന​റി​യി​പ്പ് ന​ൽ​കി. അ​ടു​ത്ത ദി​വ​സം​ത​ന്നെ ഇ​വി​ടെ കാ​മ​റ സ്ഥാ​പി​ക്കാ​നും തീ​രു​മാ​നി​ച്ചു.

ഏ​താ​നും മാ​സ​ങ്ങ​ൾ​ക്കു മു​മ്പ് കൂ​ട്ടി​ക്ക​ൽ പ​ഞ്ചാ​യ​ത്തി​ലെ മ്ലാ​ക്ക​ര ഭാ​ഗ​ത്തു പു​ലി​യെ ച​ത്ത നി​ല​യി​ൽ ക​ണ്ടെ​ത്തി​യി​രു​ന്നു. വാ​ഗ​മ​ൺ മ​ല​നി​ര​ക​ളു​ടെ താ​ഴ്ഭാ​ഗ​ത്തു​ള്ള ഈ ​പ്ര​ദേ​ശ​ത്ത് മു​ന്പും പു​ലി​യു​ടെ സാ​ന്നി​ധ്യം സ്ഥി​രീ​ക​രി​ച്ചി​ട്ടു​ണ്ട്. ഇ​തോ​ടെ പ്ര​ദേ​ശ​വാ​സി​ക​ൾ ക​ടു​ത്ത ഭീ​തി​യി​ലാ​ണ്.

പ​ട്ടാ​ളം​കു​ന്നി​ൽ കാ​ട്ടാ​ന

കോ​രു​ത്തോ​ട് പ​ഞ്ചാ​യ​ത്തി​ലെ പ​ട്ടാ​ളം​കു​ന്ന് ഭാ​ഗ​ത്തും വ​ന്യ​മൃ​ഗ​ശ​ല്യം രൂ​ക്ഷ​മാ​ണ്. ക​ഴി​ഞ്ഞ ദി​വ​സം രാ​ത്രി​യി​ലെ​ത്തി​യ കാ​ട്ടാ​ന​ക്കൂ​ട്ടം മേ​ഖ​ല​യി​ലെ ക​ർ​ഷ​ക​രു​ടെ കൃ​ഷി വ്യാ​പ​ക​മാ​യി ന​ശി​പ്പി​ച്ചു.

റ​ബ​ർ, വാ​ഴ, ക​പ്പ അ​ട​ക്ക​മു​ള്ള കൃ​ഷി​ക​ളാ​ണ് കാ​ട്ടാ​ന​ക്കൂ​ട്ടം ത​ക​ർ​ത്ത​ത്. കോ​രു​ത്തോ​ട് പ​ഞ്ചാ​യ​ത്തി​ന്‍റെ പ​ട്ടാ​ളം​കു​ന്ന്, കൊ​മ്പു​കു​ത്തി, ച​ണ്ണ​പ്ലാ​വ് തു​ട​ങ്ങി​യ പ്ര​ദേ​ശ​ങ്ങ​ളി​ൽ ക​ഴി​ഞ്ഞ മൂ​ന്നു മാ​സ​മാ​യി കാ​ട്ടാ​ന​ശ​ല്യം അ​തി​രൂ​ക്ഷ​മാ​ണ്. വ​നാ​തി​ർ​ത്തി മേ​ഖ​ല​യി​ൽ സു​ര​ക്ഷാ​സം​വി​ധാ​നം ഒ​രു​ക്കു​മെ​ന്ന് അ​ധി​കാ​രി​ക​ൾ പ്ര​ഖ്യാ​പി​ക്കു​ന്നു​ണ്ടെ​ങ്കി​ലും വ​ന്യ​മൃ​ഗ​ശ​ല്യ​ത്തി​നു​മാ​ത്രം യാ​തൊ​രു പ​രി​ഹാ​ര​വു​മി​ല്ല.