പാ​ലാ: മാ​ലി​ന്യ​ക്കൂ​ന ക​ണ്ട് മ​ന​സ് മ​ടു​ത്ത് ഡോ​ക്ട​റും സ്വീ​പ്പ​റും തൂ​ന്പ​യെ​ടു​ത്ത​പ്പോ​ൾ വി​രി​ഞ്ഞ​ത് പു​ൽ​ത്ത​കി​ടി. പാ​ലാ കെ.​എം. മാ​ണി സ്മാ​ര​ക ജ​ന​റ​ല്‍ ആ​ശു​പ​ത്രി​യു​ടെ പേ​വാ​ര്‍​ഡി​നോ​ടു ചേ​ര്‍​ന്നു​ള്ള സ്ഥ​ല​മാ​ണ് ആ​ശു​പ​ത്രി​യി​ലെ ഫി​സി​ഷ്യ​നാ​യ ഡോ. ​പി.​എം. ഷാ​നു​വും പാ​ര്‍​ട്ട്ടൈം സ്വീ​പ്പ​റാ​യ ഹ​രി​കു​മാ​ര്‍ മ​റ്റ​ക്ക​ര​യും ചേ​ര്‍​ന്ന് ആ​രെ​യും ആ​ക​ർ​ഷി​ക്കു​ന്ന പു​ൽ​മേ​ടാ​ക്കി​യത്.

പേ​വാ​ര്‍​ഡി​നോ​ടു ചേ​ര്‍​ന്നു കാ​രു​ണ്യ ഫാ​ര്‍​മ​സി​യി​ലേ​ക്കു​ള്ള ക​യ​റ്റം ക​യ​റു​ന്ന​തി​ന്‍റെ ര​ണ്ടു വ​ശ​വും കാ​ട്ടു​പ​ള്ള​ക​ളും പു​ൽ​ച്ചെ​ടി​ക​ളും മാ​ലി​ന്യ​ക്കെ​ട്ടു​ക​ളു​മാ​യി വൃ​ത്തി​ഹീ​ന​മാ​യി​രുന്നു.

ആ​ളു​ക​ൾ കൂ​ടു​ത​ലാ​യി ഇ​വി​ടേ​ക്ക് മാ​ലി​ന്യ​മെ​റി​യാ​ൻ തു​ട​ങ്ങി​യ​തോ​ടെ കാ​ടും പ​ട​ലും നീ​ക്കി ഇ​വി​ടം ഉ​ദ്യാ​ന​മാ​ക്കി മാ​റ്റി​യാ​ലെ​ന്തെ​ന്നു ഡോ. ​ഷാ​നു​വും ഹ​രി​കു​മാ​റും ചി​ന്തി​ച്ചു. ഇ​ക്കാ​ര്യം ആ​ശു​പ​ത്രി സൂ​പ്ര​ണ്ട് ഡോ. ​അ​ഭി​ലാ​ഷി​നെ അ​റി​യി​ച്ച​പ്പോ​ള്‍ ഇ​ദ്ദേ​ഹ​ത്തി​നും നൂ​റു​വ​ട്ടം സ​മ്മ​തം.

ഒ​പ്പം ചേ​ർ​ന്ന​പ്പോ​ൾ

തൊ​ട്ട​ടു​ത്ത ഞാ​യ​റാ​ഴ്ച തൂ​മ്പ​യും കൊ​ട്ട​യു​മൊ​ക്കെ​യാ​യി ഡോ. ​പി.​എം. ഷാ​നും സ്വീ​പ്പ​ര്‍ ഹ​രി​കു​മാ​ര്‍ മ​റ്റ​ക്ക​ര​യും തൊ​ടി​യി​ലി​റ​ങ്ങി. മാ​ലി​ന്യം നീ​ക്കു​ക എ​ന്ന​തു​ത​ന്നെ വ​ലി​യ പ​ണി​യാ​യി​രു​ന്നു. ഞാ​യ​റാ​ഴ്ച​ക​ളി​ലും അ​വ​ധി ദി​വ​സ​ങ്ങ​ളി​ലു​മാ​യാ​ണ് ഇ​തു ചെ​യ്ത​ത്. ആ​ദ്യ​ഘ​ട്ടം പൂ​ര്‍​ത്തി​യാ​ക്കി​യ​പ്പോ​ള്‍​ത്ത​ന്നെ ഡോ. ​അ​രു​ണ്‍, ഡോ. ​രേ​ഷ്മ, ന​ഴ്സിം​ഗ് സൂ​പ്ര​ണ്ട് വി.​എം. ഷെ​റീ​ഫ എ​ന്നി​വ​രു​ടെ നേ​തൃ​ത്വ​ത്തി​ല്‍ സ​ഹ​ജീ​വ​ന​ക്കാ​രും പി​ന്തു​ണ​യു​മാ​യെ​ത്തി.

ഇ​പ്പോ​ൾ ഫോ​ട്ടോ​ഷൂ​ട്ടും

ചെ​ടി​ക​ളും മ​ര​ങ്ങ​ളും മ​റ്റും വെ​ട്ടി​നീ​ക്കി മ​ണ്ണ് കി​ള​ച്ചു ക​ല്ലു​ക​ളും മ​റ്റും നീ​ക്കി വൃ​ത്തി​യാ​ക്കി​യെ​ടു​ത്തു.ക​ഴി​ഞ്ഞ ജൂ​ലൈ മാ​സ​ത്തോ​ടെ പ​ച്ച​പ്പു​ല്ല് പ​ട​ര്‍​ത്തി ഇ​തി​പ്പോ​ള്‍ പ​ച്ച​പ്പ​ര​വ​താ​നി പോ​ലെ നി​റ​ഞ്ഞു മ​നോ​ഹ​ര​മാ​യി. ആ​ശു​പ​ത്രി​യി​ലെ പ്ര​ധാ​ന പ്ര​വേ​ശ​ന ക​വാ​ട​ത്തി​ന് അ​ടു​ത്താ​യ​തി​നാ​ല്‍ ത​ട്ടു​ത​ട്ടാ​യു​ള്ള ഈ ​പു​ല്‍​മേ​ടി​ല്‍ ഇ​പ്പോ​ള്‍ ഫോ​ട്ടോ​ഷൂ​ട്ടി​നും മ​റ്റു​മാ​യി പ​ല​രും എ​ത്തു​ന്നു​ണ്ട്. പച്ച​പ്പു​ല്‍ ഗാ​ര്‍​ഡ​ന്‍റെ​യും ഗാ​ര്‍​ഡ​ന്‍ ക്ല​ബ്ബി​ന്‍റെ​യും ഉ​ദ്ഘാ​ട​നം ക​ഴി​ഞ്ഞ സ്വാ​ത​ന്ത്ര്യ​ദി​ന​ത്തി​ല്‍ ആശു​പ​ത്രി സൂ​പ്ര​ണ്ട് ഡോ. ​ടി. അ​ഭി​ലാ​ഷ് നി​ര്‍​വ​ഹി​ച്ചു.