കോ​ട്ട​യം: ചേ​ര്‍​ത്ത​ല ചൊ​ങ്ങു​ത​റ സി.​എം. സെ​ബാ​സ്റ്റ്യ​ന്‍റെ വീ​ട്ടു​വ​ള​പ്പി​ല്‍ ക​ണ്ടെ​ത്തി​യ ക​ത്തി​ക്ക​രി​ഞ്ഞ ശ​രീ​രാ​വ​ശി​ഷ്ട​ങ്ങ​ളു​ടെ ഡി​എ​ന്‍​എ ഫ​ലം വൈ​കു​ന്ന​തി​നാ​ല്‍ അ​തി​ര​മ്പു​ഴ ജെ​യ്‌​ന​മ്മ കൊ​ല​ക്കേ​സ് അ​ന്വേ​ഷ​ണം ഇ​ഴ​യു​ന്നു. ക​രി​ഞ്ഞ അ​സ്ഥി​യി​ല്‍ ഡി​എ​ന്‍​എ ന​ട​ത്തു​ന്ന​തി​ലെ പ​രി​മി​തി​യാ​ണ് ഫ​ലം വൈ​കാ​ന്‍ കാ​ര​ണം.

സെ​ബാ​സ്റ്റ്യ​നു​മാ​യി അ​ടു​പ്പ​മു​ണ്ടാ​ക്കി​യി​രു​ന്ന ജെ​യ്‌​ന​മ്മ, ബി​ന്ദു പ​ത്മ​നാ​ഭ​ന്‍, ഐ​ഷ എ​ന്നീ മൂ​ന്നു​പേ​രെ​ക്കു​റി​ച്ചു വി​വ​ര​മി​ല്ലാ​ത്ത സാ​ഹ​ച​ര്യ​ത്തി​ല്‍ അ​വ​ശി​ഷ്ടം ആ​രു​ടേ​താ​ണെ​ന്ന് വ്യ​ക്ത​മാ​കാ​തെ അ​ന്വേ​ഷ​ണം മു​ന്നോ​ട്ടു​പോ​കി​ല്ല.

2006ല്‍ ​ചേ​ര്‍​ത്ത​ല​യി​ല്‍​നി​ന്നു കാ​ണാ​താ​യ ബി​ന്ദു പ​ത്മ​നാ​ഭ​ന് എ​ന്തു സം​ഭ​വി​ച്ചു​വെ​ന്ന് വ്യ​ക്ത​മ​ല്ല. ബി​ന്ദു​വി​നെ കൊ​ല​പ്പെ​ടു​ത്തി​യ​ശേ​ഷ​മാ​ണ് സെ​ബാ​സ്റ്റ്യ​ന്‍ വ്യാ​ജ​രേ​ഖ​ക​ളു​ണ്ടാ​ക്കി മൂ​ന്നു കോ​ടി രൂ​പ​യു​ടെ ആ​സ്തി കൈ​വ​ശ​പ്പെ​ടു​ത്തി​യ​തെ​ന്ന് പോ​ലീ​സ് ക​രു​തു​ന്നു. സ​മാ​ന രീ​തി​യി​ലാ​ണ് പ്ര​ദേ​ശ​വാ​സി​യാ​യ ഐ​ഷ​യെ​യും കാ​ണാ​താ​യ​ത്. ജെ​യ്‌​ന​മ്മ കൊ​ല്ല​പ്പെ​ട്ടു​വെ​ന്നും അ​വ​രു​ടെ 11 പ​വ​ന്‍ ആ​ഭ​ര​ണ​ങ്ങ​ളും മൊ​ബൈ​ല്‍ ഫോ​ണും സെ​ബാ​സ്റ്റ്യ​ന്‍ കൈ​വ​ശ​പ്പെ​ടു​ത്തി​യെ​ന്നും പോ​ലീ​സ് ക​രു​തു​ന്നു. എ​ന്നാ​ല്‍ ജെ​യ്‌​ന​മ്മ​യെ എ​ങ്ങ​നെ കൊ​ല​പ്പെ​ടു​ത്തി​യെ​ന്നും എ​വി​ടെ മ​റ​വു ചെ​യ്‌​തെ​ന്നും പ​റ​യാ​ന്‍ സെ​ബാ​സ്റ്റ്യ​ന്‍ ത​യാ​റാ​കു​ന്നി​ല്ല.

സെ​ബാ​സ്റ്റ്യ​ന്‍റെ വീ​ട്ടി​ല്‍ ക​ണ്ടെ​ത്തി​യ ര​ക്ത​ക്ക​റ ജെ​യ്ന​മ്മ​യു​ടേ​താ​ണെ​ന്ന് ഫോ​റ​ന്‍​സി​ക് പ​രി​ശോ​ധ​ന​യി​ല്‍ ക​ണ്ടെ​ത്തി​യി​രു​ന്നു.

ജെ​യ്ന​മ്മ​യു​ടെ ഫോ​ണ്‍ ലൊ​ക്കേ​ഷ​ന്‍ കേ​ന്ദ്രീ​ക​രി​ച്ചു ന​ട​ത്തി​യ അ​ന്വേ​ഷ​ണ​ത്തി​ലും ഇ​വ​ര്‍ ക​ഴി​ഞ്ഞ ഡി​സം​ബ​ര്‍ 23ന് ​അ​വ​സാ​ന​മാ​യി സെ​ബാ​സ്റ്റ്യ​നൊ​പ്പ​മാ​യി​രു​ന്ന​താ​യി വ്യ​ക്ത​മാ​യി​രു​ന്നു.
ഇ​തു ര​ണ്ടും കേ​സി​ല്‍ നി​ര്‍​ണാ​യ​ക​മാ​കും. ജെ​യ്ന​മ്മ​യു​ടെ സ്വ​ര്‍​ണം പ​ണ​യം വ​ച്ച​തും വാ​ച്ചി​ന്‍റെ​യും പ​ഴ്സി​ന്‍റെ​യും ഭാ​ഗ​ങ്ങ​ള്‍ ക​ണ്ടെ​ത്തി​യ​തും കേ​സി​ല്‍ പ്ര​ധാ​ന തെ​ളി​വാ​ണ്. ജെ​യ്‌​ന​മ്മ​യെ കു​ളി​മു​റി​യി​ല്‍ ത​ല​യ്ക്ക് അ​ടി​ച്ചു​വീ​ഴ്ത്തി മൃ​ത​ദേ​ഹം ക​ഷ്ണ​ങ്ങ​ളാ​ക്കി ചു​ട്ടെ​രി​ച്ച​താ​യാ​ണ് സൂ​ച​ന.

ബി​ന്ദു പ​ത്മ​നാ​ഭ​വ​ന്‍ ജീ​വി​ച്ചി​രി​പ്പു​ണ്ടോ, കൊ​ല്ല​പ്പെ​ട്ടെ​ങ്കി​ല്‍ സെ​ബാ​സ്റ്റ്യ​ന്‍റെ പ​ങ്ക് എ​ങ്ങ​നെ, മൃ​ത​ദേ​ഹം എ​ങ്ങ​നെ മ​റ​വു​ചെ​യ്തു തു​ട​ങ്ങി​യ​വ ക​ണ്ടെ​ത്ത​ണം. കു​ടും​ബ​വു​മാ​യി അ​ക​ല്‍​ച്ച​യി​ലാ​യി​രു​ന്ന ബി​ന്ദു പ​ത്മ​നാ​ഭ​നൊ​പ്പം കു​റെ​ക്കാ​ലം ഒ​രു​മി​ച്ചു താ​മ​സി​ച്ചു​വെ​ന്നും പി​ന്നീ​ട് സെ​ബാ​സ്റ്റ്യ​ന്‍ കൊ​ല​പ്പെ​ടു​ത്തി​യെ​ന്നു​മാ​ണ് ആ​ല​പ്പു​ഴ ജി​ല്ലാ ക്രൈം​ബ്രാ​ഞ്ച് ക​രു​തു​ന്ന​ത്. ബി​ന്ദു​വി​നെ കാ​ണാ​താ​യി 19 വ​ര്‍​ഷം പി​ന്നി​ട്ടി​രി​ക്കെ തെ​ളി​വു​ക​ള്‍ ക​ണ്ടെ​ത്തു​ക ദു​ഷ്‌​ക​ര​മാ​ണ്. മാ​ത്ര​വു​മ​ല്ല ബി​ന്ദു മ​രി​ച്ചു​വെ​ന്ന് ഉ​റ​പ്പാ​ക്കു​ക​യും വേ​ണം.

ജെ​യ്‌​ന​മ്മ കേ​സി​ല്‍ ജൂ​ലൈ 28ന് ​അ​റ​സ്റ്റു​ചെ​യ്ത് 29 മു​ത​ല്‍ റി​മാ​ന്‍​ഡി​ലാ​യ സെ​ബാ​സ്റ്റ്യ​നെ 15 ദി​വ​സം ക​സ്റ്റ​ഡി​യി​ല്‍ തെ​ളി​വെ​ടു​പ്പി​നു കി​ട്ടി​യ സാ​ഹ​ച​ര്യ​ത്തി​ല്‍ വീ​ണ്ടും ക​സ്റ്റ​ഡി​യി​ല്‍ കി​ട്ടാ​ന്‍ നി​യ​മ​ത​ട​സ​മു​ണ്ട്. അ​തി​നാ​ല്‍ ഡി​എ​ന്‍​എ ഫ​ലം എ​ത്തി​യ​ശേ​ഷം മ​റ്റു മാ​ര്‍​ഗ​ങ്ങ​ളി​ലൂ​ടെ ക​സ്റ്റ​ഡി​സാ​ധ്യ​ത തേ​ടാ​നാ​ണ് ക്രൈം​ബ്രാ​ഞ്ച് തീ​രു​മാ​നം.

ബി​ന്ദു പ​ത്മ​നാ​ഭ​നെ സെ​ബാ​സ്റ്റ്യ​നും സു​ഹൃ​ത്ത് ഫ്രാ​ങ്ക്‌​ളി​നും ചേ​ര്‍​ന്നു കൊ​ല​പ്പെ​ടു​ത്തി​യെ​ന്ന ക​ട​ക്ക​ര​പ്പ​ള്ളി സ്വ​ദേ​ശി​നി ശ​ശി​ക​ല അ​ടു​ത്ത​യി​ടെ ന​ട​ത്തി​യ വെ​ളി​പ്പെ​ടു​ത്ത​ലി​ല്‍ കാ​ര്യ​മാ​യ അ​ന്വേ​ഷ​ണം ന​ട​ന്നി​ട്ടി​ല്ല. ബി​ന്ദു​വി​നെ ഇ​രു​വ​രും ചേ​ര്‍​ന്ന് കൊ​ല​പ്പെ​ടു​ത്തി​യ​താ​യി പൊ​ന്ന​പ്പ​ന്‍ എ​ന്ന വ​സ്തു ബ്രോ​ക്ക​ര്‍ ശ​ശി​ക​ല​യു​മാ​യി ന​ട​ത്തി​യ ഫോ​ണ്‍ റി​ക്കാ​ര്‍​ഡിം​ഗ് നി​ര്‍​ണാ​യ​ക​മാ​ണ്. പൊ​ന്ന​പ്പ​നെ​യും ഫ്രാ​ങ്ക്‌​ളി​നെ​യും ക​ണ്ടെ​ത്തി ക്രൈം ​ബ്രാ​ഞ്ച് ചോ​ദ്യം ചെ​യ്തി​ട്ടി​ല്ല.

2017 സെ​പ്റ്റം​ബ​ര്‍ 17നാ​ണ് ബി​ന്ദു പ​ത്മ​നാ​ഭ​ന്‍റെ സ​ഹോ​ദ​ര​ന്‍ പ്ര​വീ​ണ്‍​കു​മാ​ര്‍ സ​ഹോ​ദ​രി​യു​ടെ തി​രോ​ധാ​ന​ത്തി​ല്‍ സെ​ബാ​സ്റ്റ്യ​ന് പ​ങ്കു​ള്ള​താ​യി ആ​രോ​പി​ച്ച് ആ​ഭ്യ​ന്ത​ര​വ​കു​പ്പി​ന് പ​രാ​തി ന​ല്‍​കി​യ​ത്. പ​രാ​തി ജി​ല്ലാ പോ​ലീ​സ് മേ​ധാ​വി വ​ഴി 2017 ഒ​ക്ടോ​ബ​ര്‍ ഒ​ന്‍​പ​തി​ന് കു​ത്തി​യ​തോ​ട് സ​ര്‍​ക്കി​ള്‍ ഓ​ഫീ​സി​ല്‍ എ​ത്തി​യെ​ങ്കി​ലും 70 ദി​വ​സ​ത്തി​നു​ശേ​ഷം ഡി​സം​ബ​ര്‍ 19നാ​ണ് എ​ഫ്‌​ഐ​ആ​ര്‍ ഇ​ട്ട​ത്.
ഈ ​സ​മ​യ​ത്തെ​ല്ലാം അ​ന്വേ​ഷ​ണ​ത്തി​ന് ഉ​ന്ന​ത ഉ​ദ്യോ​ഗ​സ്ഥ​ര്‍ മൂ​ക്കു​ക​യ​ര്‍ ഇ​ട്ടി​രു​ന്നു. ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​ര്‍ സെ​ബാ​സ്റ്റ്യ​നി​ല്‍​നി​ന്ന് വ​ന്‍​തു​ക കൈ​പ്പ​റ്റി​യ​താ​യും ആ​രോ​പ​ണം വ​ന്നി​രു​ന്നു. ചേ​ര്‍​ത്ത​ല സ്വ​ദേ​ശി​നി ഐ​ഷ എ​ന്ന ഹ​യ​റു​മ്മ​യെ കാ​ണാ​താ​യ കേ​സി​ല്‍ ചേ​ര്‍​ത്ത​ല പോ​ലീ​സ് പു​ന​ര​ന്വേ​ഷ​ണം ന​ട​ത്തു​ന്നു​ണ്ട്.