മ​റ​യൂ​ർ: ഓ​ണ​ത്തി​ന്‍റെ അ​ത്ത​പ്പൂ​ക്ക​ള​ത്തി​ന് നി​റ​വും മ​ണ​വും പ​ക​രാ​ൻ മ​റ​യൂ​ർ പ​ഞ്ചാ​യ​ത്തി​ലെ നാ​ലാം വാ​ർ​ഡി​ൽ ചെ​റു​വ​ള്ളി​ൽ വീ​ട്ടി​ൽ ഓ​റ​ഞ്ചും മ​ഞ്ഞ​യും നി​റ​ഞ്ഞ ചെ​ണ്ടു​മ​ല്ലി പൂ​ക്ക​ൾ വി​രി​ഞ്ഞു തു​ട​ങ്ങി. കു​ട്ടി​ക്ക​ർ​ഷ​ക​യാ​യ ജു​വാ​നി​റ്റ​യാ​ണ് ഈ ​വ​ർ​ണ്ണാ​ഭ​മാ​യ ചെ​ണ്ടു​മ​ല്ലി തോ​ട്ടം ഒ​രു​ക്കി​യി​രി​ക്കു​ന്ന​ത്.

വീ​ടി​ന്‍റെ മു​റ്റ​ത്ത് 200ല​ധി​കം ചെ​ണ്ടു​മ​ല്ലി തൈ​ക​ൾ പൂ​വി​ട്ട് ഓ​ണ​വി​പ​ണി​ക്കാ​യി ഒ​രു​ങ്ങു​ക​യാ​ണ്. സ​ഹാ​യ​ഗി​രി ജ​യ​മാ​താ പ​ബ്ലി​ക് സ്കൂ​ളി​ലെ ഒ​ൻ​പ​താം ക്ലാ​സ് വി​ദ്യാ​ർ​ഥി​നി ജു​വാ​നി​റ്റ​യാ​ണ് ഈ ​കൃ​ഷി​യു​ടെ മു​ൻ​നി​ര​യി​ൽ. സ​ഹോ​ദ​രി ജി​ൽ​നാ സ​ഹാ​യ​ത്തി​നു​മു​ണ്ട്. രാ​വി​ലെ​യും വൈ​കി​ട്ടും ഇ​വ​ർ ചെ​ടി​ക​ളു​ടെ പ​രി​ച​ര​ണ​ത്തി​നാ​യി സ​മ​യം ക​ണ്ടെ​ത്തു​ന്നു.

കൃ​ഷി​യി​ലെ തു​ട​ക്ക​വും വൈ​വി​ധ്യ​വും

കോ​വി​ഡ് കാ​ല​ത്താ​ണ് ജി​ൽ​ന​യും ജു​വാ​നി​റ്റ​യും കൃ​ഷി​യി​ലേ​ക്ക് ചു​വ​ടു​വെ​ച്ച​ത്. പ​ച്ച​ക്ക​റി​ക​ൾ, സൂ​ര്യ​കാ​ന്തി, ചോ​ളം എ​ന്നി​വ​യോ​ടെ തു​ട​ങ്ങി​യ കൃ​ഷി, ഇ​പ്പോ​ൾ വെ​ണ്ട, വ​ഴു​ത​ന, പ​ച്ച​മു​ള​ക്, ബീ​ൻ​സ്, വാ​ഴ, ചീ​ര തു​ട​ങ്ങി​യ ജൈ​വ വി​ള​ക​ളി​ലേ​ക്ക് വ്യാ​പി​ച്ചു. ഓ​ണ​വി​പ​ണി ല​ക്ഷ്യ​മാ​ക്കി ചെ​ണ്ടു​മ​ല്ലി കൃ​ഷി തു​ട​ങ്ങി​യ ഇ​വ​ർ, മ​റ്റ് സം​സ്ഥാ​ന​ങ്ങ​ളി​ൽ മാ​ത്രം ക​ണ്ടു​വ​ന്നി​രു​ന്ന പൂ​ക്ക​ളെ നാ​ട്ടി​ൽ വ​ള​ർ​ത്തി വി​ജ​യം കൊ​യ്യു​ക​യാ​ണ്.

പ്ര​ചോ​ദ​ന​വും പി​ന്തു​ണ​യും

ഇ​ട​മ​റ്റ​ത്തു​ള്ള പു​രു​ഷോ​ത്ത​മ​ന്‍റെ ന​ഴ്സ​റി​യി​ൽ നി​ന്നാ​ണ് ഒ​രു തൈ​ക്ക് 5 രൂ​പ നി​ര​ക്കി​ൽ ചെ​ണ്ടു​മ​ല്ലി തൈ​ക​ൾ വാ​ങ്ങി​യ​ത്. 45 ദി​വ​സം കൊ​ണ്ട് തൈ​ക​ൾ പൂ​വി​ട്ടു തു​ട​ങ്ങി. അ​ടു​ത്ത വ​ർ​ഷം കൂ​ടു​ത​ൽ സ്ഥ​ല​ത്ത് കൂ​ടു​ത​ൽ തൈ​ക​ൾ ന​ട്ട് വി​ള​വെ​ടു​ക്കാ​ൻ പ​ദ്ധ​തി​യു​ണ്ട​ന്ന് ജു​വാ​നി​റ്റ ആ​വേ​ശ​ത്തോ​ടെ പ​റ​യു​ന്നു.

മാ​തൃ​ക​യാ​കു​ന്ന കു​ട്ടി​ക്ക​ർ​ഷ​ക

മ​റ്റു​ള്ള​വ​ർ​ക്ക് പ്ര​ചോ​ദ​ന​മാ​കു​ന്ന വി​ജ​യ​ഗാ​ഥ​യാ​ണ് ഈ ​ഒ​ൻ​പ​താം ക്ലാ​സ് കാ​രി​യു​ടേ​ത്. മ​റ്റു സം​സ്ഥാ​ന​ങ്ങ​ളി​ൽ മാ​ത്രം കാ​ണു​ന്ന പൂ​ക്ക​ൾ ന​മ്മു​ടെ നാ​ട്ടി​ലും വ​ള​ർ​ത്താ​മോ എ​ന്ന് ചി​ന്തി​ക്കു​ന്ന​വ​ർ ഏ​റെ​യാ​ണ്. പ​ക്ഷേ, അ​ത് പ്രാ​വ​ർ​ത്തി​ക​മാ​ക്കു​ന്ന​വ​ർ കു​റ​ച്ചു മാ​ത്രം. ഈ ​കു​ട്ടി​ക്ക​ർ​ഷ​ക അ​തി​ന്‍റെ ഉ​ത്ത​മ ഉ​ദാ​ഹ​ര​ണ​മാ​ണ​ന്ന് ഇ​വ​ളു​ടെ അ​ധ്യാ​പ​ക​ർ അ​ഭി​മാ​ന​ത്തോ​ടെ പ​റ​യു​ന്നു.

മ​റ​യൂ​ർ പ​ത്ത​ടി​പ്പാ​ലം ചെ​റു​വ​ള്ളി​ൽ വീ​ട്ടി​ൽ ജി​തേ​ഷി​ന്‍റെ​യും മി​നി​യു​ടെ​യും മ​ക്ക​ളാ​യ ജി​ൽ​ന​യും ജു​വാ​നി​റ്റ​യും ഓ​ണ​ത്തി​ന് മാ​ത്ര​മ​ല്ല, കൃ​ഷി​യു​ടെ പു​തി​യ സാ​ധ്യ​ത​ക​ൾ തു​റ​ക്കു​ന്ന​തി​നും മാ​തൃ​ക​യാ​കു​ക​യാ​ണ്.