മു​ട്ടം: മ​ല​ങ്ക​ര ടൂ​റി​സം ഹ​ബ്ബി​ന്‍റെ ജ​ന​റ​ൽ കൗ​ണ്‍​സി​ൽ യോ​ഗം ചേ​രാ​ൻ അ​ധി​കൃ​ത​ർ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് മു​ട്ടം ടൂ​റി​സം ക​ൾ​ച്ച​റ​ൽ സൊ​സൈ​റ്റി യോ​ഗം ആ​വ​ശ്യ​പ്പെ​ട്ടു.

2024 ഡി​സം​ബ​ർ 10നാ​ണ് അ​വ​സാ​ന​മാ​യി ജ​ന​റ​ൽ കൗ​ണ്‍​സി​ൽ യോ​ഗം ചേ​ർ​ന്ന​ത്. എ​ട്ടു മാ​സ​ങ്ങ​ൾ ക​ഴി​ഞ്ഞി​ട്ടും പി​ന്നീ​ട് യോ​ഗം ചേ​രാ​ൻ അ​ധി​കൃ​ത​ർ താ​ല്പ​ര്യ​പ്പെ​ടു​ന്നി​ല്ല. ഇ​തേ തു​ട​ർ​ന്ന് മ​ല​ങ്ക​ര ടൂ​റി​സം ഹ​ബ്ബി​ലെ വി​ക​സ​ന പ്ര​വ​ർ​ത്തി​ക​ൾ സ്തം​ഭ​നാ​വ​സ്ഥ​യി​ലാ​ണ്.

സ്വ​കാ​ര്യ പ​ങ്കാ​ളി​ത്തം പ​ദ്ധ​തി പ്ര​കാ​രം ഇ​വി​ടെ സം​രം​ഭ​ങ്ങ​ൾ ആ​രം​ഭി​ക്കാ​ൻ ക​ഴി​ഞ്ഞ പ്രാ​വ​ശ്യം ചേ​ർ​ന്ന ജ​ന​റ​ൽ കൗ​ണ്‍​സി​ൽ യോ​ഗ​ത്തി​ൽ തീ​രു​മാ​നി​ച്ചി​രു​ന്നു. ഇ​തേ തു​ട​ർ​ന്ന് ഡി​ടി​പി​സി അ​പേ​ക്ഷ ക്ഷ​ണി​ക്കു​ക​യും നി​ര​വ​ധി അ​പേ​ക്ഷ​ക​ൾ ല​ഭി​ക്കു​ക​യും ചെ​യ്തി​രു​ന്നു.​മു​ൻ ക​ള​ക്ട​ർ വി.​വി​ഗ്നേ​ശ്വ​രി അ​പേ​ക്ഷ​ക​ൾ ന​ൽ​കി​യ​വ​രു​മാ​യി ച​ർ​ച്ച​ക​ൾ ന​ട​ത്തു​ക​യും ചെ​യ്തി​രു​ന്നു. എ​ന്നാ​ൽ, അ​പേ​ക്ഷ​ക​ൾ ന​ൽ​കി​യി​ട്ട് മാ​സ​ങ്ങ​ൾ ക​ഴി​ഞ്ഞി​ട്ടും പു​തി​യ ക​ള​ക്ട​ർ ചാ​ർ​ജ് ഏ​റ്റെ​ടു​ത്തി​ട്ടും അ​പേ​ക്ഷ​ക​ളി​ൽ തീ​രു​മാ​നം ആ​കു​ന്നി​ല്ല.

അ​പേ​ക്ഷ​ക​ൾ ന​ൽ​കി​യ​വ​ർ ഡി​ടി​പി​സി​യു​ടേ​യും ക​ള​ക്ട​റു​ടേ​യും ഓ​ഫീ​സു​ക​ളി​ൽ നി​ര​ന്ത​രം ബ​ന്ധ​പ്പെ​ടു​ന്നു​ണ്ടെ​ങ്കി​ലും കൃ​ത്യ​മാ​യ മ​റു​പ​ടി ന​ൽ​കാ​തെ ഓ​ഫി​സ് ജീ​വ​ന​ക്കാ​രും കൈ​മ​ല​ർ​ത്തു​ക​യാ​ണെ​ന്ന് പ​റ​യു​ന്നു.

എം​എ​ൽ​എ, ജി​ല്ലാ ക​ള​ക്ട​ർ എ​ന്നി​വ​രു​ടെ നേ​തൃ​ത്തി​ലാ​ണ് ജ​ന​റ​ൽ കൗ​ണ്‍​സി​ൽ യോ​ഗം ചേ​രു​ന്ന​ത്. മു​ട​ങ്ങി കി​ട​ക്കു​ന്ന ജ​ന​റ​ൽ കൗ​ണ്‍​സി​ൽ യോ​ഗം ഉ​ട​ൻ ചേ​ര​ണ​മെ​ന്നും അ​പേ​ക്ഷ​ക​ളി​ൽ തീ​രു​മാ​ന​മെ​ടു​ക്ക​ണ​മെ​ന്നും ടൂ​റി​സം ക​ൾ​ച്ച​റ​ൽ ക​മ്മി​റ്റി ആ​വ​ശ്യ​പ്പെ​ട്ടു.