മം​ഗ​ലം​ഡാം: കാ​ല​വ​ർ​ഷ​ത്തി​ൽ മം​ഗ​ലം​ഡാ​മി​ന്‍റെ ഷ​ട്ട​റു​ക​ൾ തു​റ​ന്ന് പു​ഴ​യി​ലേ​ക്ക് ഒ​ഴു​ക്കു​ന്ന​ത് ഒ​രു ഡാം ​നി​റ​യാ​നു​ള്ള​ത്ര വെ​ള്ളം. ഈ​വ​ർ​ഷം ജൂ​ൺ 16ന് ​ത​ന്നെ ഡാ​മി​ന്‍റെ മു​ഴു​വ​ൻ ഷ​ട്ട​റു​ക​ളും തു​റ​ന്നു.​ സെ​ക്ക​ൻ​ഡി​ൽ 30.2 മീ​റ്റ​ർ ക്യൂ​ബ് വെ​ള്ള​മാ​ണ് ഷ​ട്ട​റു​ക​ൾ തു​റ​ന്നദി​വ​സം വൃ​ഷ്ടി പ്ര​ദേ​ശ​ങ്ങ​ളി​ൽ നി​ന്നും റി​സ​ർ​വോ​യ​റി​ലേ​ക്ക് എ​ത്തി​യി​രു​ന്ന​ത്.

ജൂ​ണി​ൽ ഷ​ട്ട​റു​ക​ൾ തു​റ​ന്ന് പി​ന്നെ അ​ട​ക്കാ​നാ​യി​ട്ടി​ല്ല. അ​ത്ര​യും വെ​ള്ള​മാ​ണ് ഡാ​മി​ലേ​ക്ക് ഒ​ഴു​കി​യെ​ത്തു​ന്ന​ത്. ഇ​ത​നു​സ​രി​ച്ച് ഷ​ട്ട​റു​ക​ൾ ഉ​യ​ർ​ത്തി​യും താ​ഴ്ത്തി​യും ഡാ​മി​ലെ ജ​ല​നി​ര​പ്പ് ക്ര​മീ​ക​രി​ക്കു​ക​യാ​ണ്.​ ഒ​ന്നാം പ്ര​ള​യ​വ​ർ​ഷ​മെ​ന്ന് വി​ശേ​ഷി​പ്പി​ച്ച 2018 ൽ ​ജ​ല​നി​ര​പ്പ് പ​ര​മാ​വ​ധി​യി​ലെ​ത്തി ജൂ​ൺ 14ന് ​ഡാ​മി​ന്‍റെ ഷ​ട്ട​റു​ക​ൾ തു​റ​ന്നി​രു​ന്നു.

ക​ഴി​ഞ്ഞ കാ​ൽ​നൂ​റ്റാ​ണ്ട് കാ​ല​മാ​യി ഇ​താ​ണ് മം​ഗ​ലം​ഡാ​മി​ന്‍റെ സ്ഥി​തി. മി​ക്ക​വാ​റും വ​ർ​ഷ​ങ്ങ​ളി​ലും ജൂ​ലൈ ആ​ദ്യ​ത്തി​ലും പ​കു​തി​യോ​ടെ​യും ഷ​ട്ട​റു​ക​ൾ തു​റ​ക്കാ​റു​ണ്ട്. ഇ​ങ്ങ​നെ​യൊ​ക്കെ ജ​ല​സ​മൃ​ദ്ധി​യു​ണ്ടെ​ങ്കി​ലും ന​ല്ല വേ​ന​ലു​ണ്ടാ​യാ​ൽ മം​ഗ​ലം​ഡാം ക​ട്ട വി​ണ്ട് മ​ക​രകൊ​യ്ത്ത് ക​ഴി​ഞ്ഞ നെ​ൽ​പ്പാ​ടം പോ​ലെ​യാ​കും. മേ​യ് മാ​സം അ​വ​സാ​ന​ത്തി​ലും ജൂ​ൺ ആ​ദ്യ​ത്തി​ലു​മൊ​ക്കെ​യാ​യി ക​ന​ത്ത കു​റ​ച്ചു മ​ഴ ല​ഭി​ച്ചാ​ൽ മ​തി ഡാം ​നി​റ​യും. പി​ന്നെ മൂ​ന്നു​നാ​ലു മാ​സ​ങ്ങ​ൾ ഷ​ട്ട​റു​ക​ൾ തു​റ​ന്ന് വ​ക്ക​ണം. അ​ത​ല്ലാ​തെ മ​റ്റു വ​ഴി​ക​ളി​ല്ല.

1956 ൽ ​അ​ന്ന​ത്തെ മ​ദി​രാ​ശി സ​ർ​ക്കാ​ർ 106 ല​ക്ഷം രൂ​പ ചെ​ല​വ​ഴി​ച്ചാ​ണ് മം​ഗ​ലം​ഡാം നി​ർ​മി​ച്ച​ത്.​ഡാം നി​ർ​മി​ക്കു​മ്പോ​ൾ 48.85 ച​തു​ര​ശ്ര കി​ലോ​മീ​റ്റ​റാ​ണ് ഡാ​മി​ന്‍റെ കാ​ച്ച്മെ​ന്‍റ് ഏ​രി​യ.​ വൃ​ഷ്ടിപ്ര​ദേ​ശ​ത്ത് ഏ​റ്റ​വും കൂ​ടു​ത​ൽ മ​ഴ ല​ഭി​ക്കു​ന്ന ഡാ​മു​ക​ളി​ൽ ഒ​ന്നാ​യ മം​ഗ​ലം​ഡാ​മി​ൽ അ​ധി​ക​ജ​ലം സം​ഭ​രി​ക്കു​ന്ന​തി​ന് ന​ട​പ​ടി​ക​ളി​ല്ലാ​ത്ത​ത് വ​ലി​യ പോ​രാ​യ്മ​യാ​യി നി​ല നി​ൽ​ക്കു​ക​യാ​ണ്.

പാ​ഴാ​ക്കു​ന്ന വെ​ള്ളം പു​ഴ​യി​ൽ ത​ട​ഞ്ഞു നി​ർ​ത്താ​ൻ മൂ​ന്നോ നാ​ലോ കി​ലോ​മീ​റ്റ​ർ ഇ​ട​വി​ട്ട് ചെ​ക്ക്ഡാ​മു​ക​ൾ കെ​ട്ടി കു​റെ വെ​ള്ളം വേ​ന​ലി​ലേ​ക്കാ​യി സം​ഭ​രി​ക്കാ​ൻ ക​ഴി​യും. അ​തുവ​ഴി നാ​ട്ടി​ലെ കി​ണ​റു​ക​ളി​ലും മ​റ്റും വെ​ള്ള​മാ​കും. മ​ഴ​ക്കാ​ലം പി​ന്മാ​റു​ന്ന​തോ​ടെ പു​ഴ വ​ര​ളു​ന്ന സ്ഥി​തി​യാ​ണ് ഇ​പ്പോ​ഴു​ള്ള​ത്. വെ​ള്ള​മെ​ല്ലാം ഒ​ഴു​കി ന​ഷ്ട​പ്പെ​ടു​ന്നു. പീ​ച്ചി​യി​ലു​ള്ള കേ​ര​ള എ​ൻ​ജി​നീ​യ​റിം​ഗ് റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ടും (കെ​ഇ​ആ​ർ​ഐ), ദേ​ശീ​യ ഡാം ​പ​രി​ശോ​ധ​ന വി​ഭാ​ഗ​മാ​യ എ​ൻ​സി​ഇ​എ​സ്എ​സും ര​ണ്ട് ത​വ​ണ​യാ​യി ഡാ​മി​ൽ ന​ട​ത്തി​യി​ട്ടു​ള​ള പ​രി​ശോ​ധ​ന​യി​ൽ ഡാ​മി​ൽ 30 ശ​ത​മാ​ന​ത്തോ​ളം മ​ണ്ണും മ​ണ​ലും ചെ​ളി​യു​മാ​യി നി​റ​ഞ്ഞി​ട്ടു​ണ്ടെ​ന്നാ​ണ് ക​ണ്ടെ​ത്തി​യി​രു​ന്ന​ത്.

2015ൽ ​കെ​ഇ​ആ​ർ​ഐ മം​ഗ​ലം​ഡാ​മി​ൽ ന​ട​ത്തി​യ ഹൈ​ഡ്രോ​ഗ്രാ​ഫി സ​ർ​വേ റി​പ്പോ​ർ​ട്ട​നു​സ​രി​ച്ച് 60 വ​ർ​ഷം മു​മ്പ് ഡാം ​നി​ർ​മി​ക്കു​മ്പോ​ൾ 25 എം​എം ക്യൂ​ബ് ക​പ്പാ​സി​റ്റി ഉ​ണ്ടാ​യി​രു​ന്ന ഡാ​മി​ന് അ​ഞ്ച് എം​എം ക്യൂ​ബ് കു​റ​ഞ്ഞ് 20 എം​എം ക്യൂ​ബ് ക​പ്പാ​സി​റ്റി​യാ​യെ​ന്നാ​യി​രു​ന്നു റി​പ്പോ​ർ​ട്ട് . ചെ​റി​യ ഡാം ​എ​ന്ന നി​ല​യി​ൽ മ​ണ്ണി​ന്‍റെയും മ​ണ​ലി​ന്‍റെയും തോ​ത് ഡാ​മി​ൽ വ​ള​രെ കൂ​ടു​ത​ലാ​ണെ​ന്നും കാ​ല​വ​ർ​ഷ​ത്തി​ന്‍റെ തു​ട​ക്ക​ത്തി​ൽ ത​ന്നെ ഡാം ​നി​റ​ഞ്ഞു സ്പി​ല്‍​വെ ഷ​ട്ട​റു​ക​ൾ തു​റ​ക്കേ​ണ്ടി വ​രു​ന്ന​തും ഇ​തു​കൊ​ണ്ടാ​ണെ​ന്ന് ഇ​ൻ​സ്റ്റി​റ്റ്യൂ​ട്ട് ക​ണ്ടെ​ത്തി​യി​രു​ന്നു.

2015 നു ​ശേ​ഷം 2018 ലും 2019​ലും അ​തി​വ​ർ​ഷ​വും തു​ട​ർ​ന്നു​ള്ള പ്ര​ള​യ​വും ഉ​ണ്ടാ​യ​പ്പോ​ൾ ഡാ​മി​ന്‍റെ വൃ​ഷ്ടിപ്ര​ദേ​ശ​ങ്ങ​ളാ​യ മ​ല​ക​ളി​ലും വ്യാ​പ​ക​മാ​യി ഉ​രു​ൾ​പൊ​ട്ട​ലു​ക​ളു​ണ്ടാ​യി. അ​വി​ടെ​നി​ന്നെ​ല്ലാം മ​ണ്ണും മ​ണ​ലും പാ​റ​ക​ളും മ​ര​ങ്ങ​ളു​മെ​ല്ലാം ഡാ​മി​ൽ അ​ടി​ഞ്ഞു​കൂ​ടി. ഇ​ത് ഡാ​മി​ന്‍റെ സം​ഭ​ര​ണ​ശേ​ഷി 2015ലെ ​പ​രി​ശോ​ധ​നാ റി​പ്പോ​ർ​ട്ടി​നേ​ക്കാ​ൾ വീ​ണ്ടും കു​റ​ച്ചു. 77.88 മീ​റ്റ​റാ​ണ് ഡാ​മി​ന്‍റെ പ​ര​മാ​വ​ധി ജ​ല​സം​ഭ​ര​ണ ശേ​ഷി. ഇ​തി​ൽ 65 മീ​റ്റ​റാ​ണ് സ​മു​ദ്ര​നി​ര​പ്പ്. അ​ങ്ങ​നെ നോ​ക്കു​മ്പോ​ൾ 15 മീ​റ്റ​ർ പോ​ലും വെ​ള്ളം ഡാ​മി​ൽ ഇ​ല്ല. ഷ​ട്ട​ർ ഭാ​ഗ​ത്താ​ണ് ഡാമി​ൽ ഏ​റ്റ​വും ആ​ഴ​മു​ള്ള​ത്.

ഇ​വി​ടെ 16 മീ​റ്റ​ർ ആ​ഴ​മു​ണ്ട്. 2020 ഡി​സം​ബ​ർ 17നാ​ണ് ഡാ​മി​ൽ അ​ടി​ഞ്ഞു​കൂ​ടി​യി​ട്ടു​ള്ള മ​ണ്ണും മ​ണ​ലും നീ​ക്കം ചെ​യ്യു​ന്ന​തി​നു​ള്ള പ്ര​വൃ​ത്തി തു​ട​ങ്ങി​യ​ത്.​എ​ല്ലാം നി​ശ്ച​ല​മാ​യി​ട്ടി​പ്പോ​ൾ മൂ​ന്ന് വ​ർ​ഷം ക​ഴി​ഞ്ഞു.​ ഇ​നി റീ​ടെ​ൻ​ഡ​ർ വ​ച്ച് പു​നഃ​രാ​രം​ഭി​ക്കും എ​ന്നൊ​ക്കെ ഇ​ട​ക്കി​ടെ പ​റ​യു​ന്ന​ത​ല്ലാ​തെ ന​ട​പ​ടി​ക​ളി​ലേ​ക്ക് കാ​ര്യ​ങ്ങ​ളൊ​ന്നും നീ​ങ്ങു​ന്നി​ല്ല. ഇ​തു മൂ​ലം ഡാം ​ജ​ല​ഉ​റ​വി​ട​മാ​ക്കി ന​ട​പ്പാ​ക്കാ​ൻ ല​ക്ഷ്യംവ​ച്ച കു​ടി​വെ​ള്ള പ​ദ്ധ​തി​യും മു​ട​ങ്ങി കി​ട​ക്കു​ക​യാ​ണ്.