ഡോ. ​മാ​ത്യു ക​ല്ല​ടി​ക്കോ​ട്‌

ക​ല്ല​ടി​ക്കോ​ട്‌: ശാ​രീ​രി​ക​മാ​യ വൈ​ക​ല്യ​ത്തെ വി​വി​ധ കൃ​ഷി​പ്പ​ണി​ക​ൾ ചെ​യ്ത് മി​ക​വി​ന്‍റെ അ​ട​യാ​ള​മാ​ക്കി മാ​റ്റു​ന്ന ചെ​റു​പ്പ​ക്കാ​ര​നാ​ണ് ക​ല്ല​ടി​ക്കോ​ട് ചു​ങ്കം പ​രി​യ​പ്പാ​ട​ത്ത് വീ​ട്ടി​ൽ ജ​യ​പ്ര​കാ​ശ്. ഇ​ട​തു​കൈ​യു​ടെ ത​ള​ര്‍​ച്ച​യൊ​ന്നും കാ​ർ​ഷി​ക​വൃ​ത്തി​യി​ൽ ല​ക്ഷ്യം നേ​ടു​ന്ന​തി​ന് ഇ​ദ്ദേ​ഹ​ത്തി​നു ത​ട​സ​മേ​യ​ല്ല. പോ​ളി​യോ വ​രു​ത്തി​യ ശാ​രീ​രി​ക​പ്ര​യാ​സ​ത്തെ അ​തി​ജീ​വി​ച്ച​ത് കൃ​ഷി​യി​ൽ വി​ജ​യ​ഗാ​ഥ ര​ചി​ച്ചു​കൊ​ണ്ടാ​യി​രു​ന്നു.

അ​രി​കു​വ​ത്ക​രി​ക്ക​പ്പെ​ടു​ന്ന ഭി​ന്ന​ശേ​ഷി​ക്കാ​രു​ടെ ശക്തീ​ക​ര​ണ​ത്തി​നാ​യി സ്തു​ത്യ​ർ​ഹ​മാ​യ സേ​വ​നം ന​ട​ത്തി​വ​രു​ന്ന പു​ളി​ക്ക​ൽ എ​ബി​ലി​റ്റി ഫൗ​ണ്ടേ​ഷ​ന്‍റെ പ്ര​തി​ഭാ പു​ര​സ്കാ​രം ഉ​ൾ​പ്പെ​ടെ നി​ര​വ​ധി അം​ഗീ​കാ​ര​ങ്ങ​ൾ ജ​യ​പ്ര​കാ​ശി​നെ തേ​ടി​യെ​ത്തി. ക​രി​മ്പ കൃ​ഷി​ഭ​വ​ന്‍റെ മി​ക​ച്ച സ​മ്മി​ശ്രക​ർ​ഷ​ക​നു​ള്ള ആ​ദ​ര​വും നേ​ടി. ചെ​റു​പ്പ​ത്തി​ൽ ഇ​ട​തു​കൈ​ക്ക് പോ​ളി​യോ ബാ​ധി​ച്ച് ആ​രോ​ഗ്യ​പ്ര​ശ്ന​ങ്ങ​ൾ വ​ലി​യ തോ​തി​ൽ ഉ​ണ്ടാ​യി​രു​ന്നെ​ങ്കി​ലും പ​ഠ​ന​ത്തി​ലും ജ​യ​പ്ര​കാ​ശ് വി​ധി​യു​ടെ മു​ന്നി​ൽ തോ​ൽ​ക്കാ​ൻ ത​യ്യാ​റാ​യി​ല്ല. പ്രീ​ഡി​ഗ്രി വ​രെ പ​ഠ​നം പൂ​ർ​ത്തി​യാ​ക്കി. റ​ബ​ർ ടാ​പ്പിം​ഗ് ഉ​ൾ​പ്പ​ടെ എ​ല്ലാ ജോ​ലി​യും ഒ​റ്റ​യ്ക്കു ചെ​യ്യും. ഭിന്ന ശേഷിക്കാരുടെ സം​ഘ​ട​ന​യാ​യ ടി​ബി​എ​സ്കെയു​ടെ ജി​ല്ലാ സെ​ക്ര​ട്ട​റി​യാ​ണ്.

അ​ച്ഛ​നോ​ടൊ​പ്പം കൃ​ഷി​പ്പ​ണി​ക​ൾ ചെ​യ്താ​ണ് വ​ള​ർ​ന്ന​ത്. കാ​ർ​ഷി​ക​വൃ​ത്തി ഓ​രോ​രു​ത്ത​രു​ടെ​യും സാ​മൂ​ഹ്യ ഉ​ത്ത​ര​വാ​ദി​ത്വം കൂ​ടി​യാ​ണ്. കൃ​ഷി​യി​ല്ലാ​തെ മ​നു​ഷ്യ​ർ​ക്കു ജീ​വി​ക്കാ​ൻ ആ​വു​മോ? ആ​രോ​ഗ്യ​പൂ​ർ​ണ​മാ​യ ജീ​വി​ത​ത്തി​നും വി​ഷ​ര​ഹി​ത​മാ​യ ഭ​ക്ഷ​ണ​ത്തി​നും രോ​ഗ​പ്ര​തി​രോ​ധ​ശേ​ഷി മെ​ച്ച​പ്പെ​ടു​ത്തു​ന്ന​തി​നും ഓ​രോ കു​ടും​ബ​ത്തി​ലും കൃ​ഷി വ്യാ​പി​പ്പി​ക്ക​ണ​മെ​ന്നാ​ണ് ജ​യ​പ്ര​കാ​ശി​ന്‍റെ അ​ഭി​പ്രാ​യം.

പ​ഠി​പ്പു​ള്ള​വ​രും ഇ​ല്ലാ​ത്ത​വ​രും കൃ​ഷി​യി​ലേ​ക്ക് ഇ​റ​ങ്ങ​ട്ടെ എ​ന്നാ​ണ് ജ​യ​പ്ര​കാ​ശ് പ​റ​യു​ന്ന​ത്.