കു​ഴ​ൽ​മ​ന്ദം: കെ- ​സ്‌​മാ​ർ​ട്ട്, ടേ​ക്ക് എ ​ബ്രേ​ക്ക് പ​ദ്ധ​തി​ക​ൾ ജ​ന​ജീ​വി​ത​ത്തി​ൽ വ​ലി​യ മാ​റ്റ​ങ്ങ​ളു​ണ്ടാ​ക്കി​യെ​ന്നു മ​ന്ത്രി എം.​ബി. രാ​ജേ​ഷ്. കു​ത്ത​നൂ​ർ ഗ്രാ​മ​പ​ഞ്ചാ​യ​ത്തി​ന്‍റെ​യും കു​ടും​ബ​ശ്രീയുടെയും കെ​ട്ടി​ട​ പൂ​ർ​ത്തീ​ക​ര​ണ ഉ​ദ്ഘാ​ട​നം നി​ർ​വ​ഹി​ച്ചു പ്ര​സം​ഗി​ക്കു​ക​യാ​യി​രു​ന്നു അ​ദ്ദേ​ഹം.

ടേ​ക്ക് എ ​ബ്രേ​ക്ക് പ​ദ്ധ​തി​യി​ലൂ​ടെ സം​സ്ഥാ​ന​ത്തു​ട​നീ​ളം നാ​ലാ​യി​ര​ത്തോ​ളം പൊ​തു​ശൗ​ചാ​ല​യ​ങ്ങ​ൾ നി​ർ​മി​ക്കാ​ൻ സാ​ധി​ച്ചു. എ​ല്ലാ പ​ഞ്ചാ​യ​ത്തു​ക​ളി​ലും ശൗ​ചാ​ല​യ സൗ​ക​ര്യം ഉ​റ​പ്പാ​ക്കു​മെ​ന്നും മ​ന്ത്രി അ​റി​യി​ച്ചു.

ഗ്രാ​മ​പ​ഞ്ചാ​യ​ത്ത്, മു​നി​സി​പ്പാ​ലി​റ്റി, കോ​ർ​പ്പ​റേ​ഷ​ൻ എ​ന്നി​വി​ട​ങ്ങ​ളി​ൽ നി​ന്ന് ല​ഭി​ക്കു​ന്ന സേ​വ​ന​ങ്ങ​ൾ കെ- ​സ്‌​മാ​ർ​ട്ട് ആ​പ്ലി​ക്കേ​ഷ​ൻ വ​ഴി ലോ​ക​ത്തെ​വി​ടെ നി​ന്നും ല​ഭ്യ​മാ​കും.

നേ​രി​ട്ട് ഓ​ഫീ​സു​ക​ളി​ൽ പോ​കാ​തെ വീ​ഡി​യോ കോ​ൾ​വ​ഴി വി​വാ​ഹ ര​ജി​സ്ട്രേ​ഷ​ൻ ഉ​ൾ​പ്പെ​ടെ​യു​ള്ള സേ​വ​ന​ങ്ങ​ൾ ചെ​യ്യാ​ൻ ക​ഴി​യു​ന്ന ഇ​ന്ത്യ​യി​ലെ ഏ​ക സം​സ്ഥാ​നം കേ​ര​ള​മാ​ണ്.

കെ- ​സ്‌​മാ​ർ​ട്ട് രാ​ജ്യ​ത്തു​ട​നീ​ളം ന​ട​പ്പാ​ക്കു​ന്ന​തി​നാ​യി ഇ​ന്ത്യാ ഗ​വ​ൺ​മെ​ന്‍റ് ഇ​ൻ​ഫ​ർ​മേ​ഷ​ൻ കേ​ര​ള​മി​ഷ​നെ സ​മീ​പി​ച്ചി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

കു​ത്ത​നൂ​ർ ശ്രീ ​ചി​ത്തി​ര ഓ​ഡി​റ്റോ​റി​യ​ത്തി​ൽ ന​ട​ന്ന ച​ട​ങ്ങി​ൽ പി.​പി. സു​മോ​ദ് എം​എ​ൽ​എ അ​ധ്യ​ക്ഷ​നാ​യി. മു​ൻ മ​ന്ത്രി എ.​കെ. ബാ​ല​ൻ വി​ശി​ഷ്ടാ​തി​ഥി​യാ​യി​രു​ന്നു. ജി​ല്ലാ പ​ഞ്ചാ​യ​ത്ത് അം​ഗം അ​ഭി​ലാ​ഷ്, കു​ഴ​ൽ​മ​ന്ദം ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ടി.​കെ. ദേ​വ​ദാ​സ്, കു​ത്ത​നൂ​ർ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് പി.​ടി. സ​ഹ​ദേ​വ​ൻ എ​ന്നി​വ​ർ പ്ര​സം​ഗി​ച്ചു.