ADVERTISEMENT

ADVERTISEMENT

അപകടത്തിൽ പരിക്കേറ്റ യുവതി മരിച്ചു

ശ്രീകാര്യം: ആംബുലൻസ് സ്‌കൂട്ടറുമായി ഇടിച്ചുണ്ടായ അപകടത്തിൽ പരിക്കേറ്റ വീട്ടമ്മ മരിച്ചു.
നാലാഞ്ചിറ സ്റ്റപ്പ് ജംഗ്ഷനിൽ നിളാ ഹൗസിൽ ആശാ ഫിലോമിന (44) ആണ് മരിച്ചത്.

സംസ്കാരം മുട്ടട പരുത്തിപ്പാറ സെമിത്തേരിയിൽ. ചെക്കാലമുക്ക് എംഎസ് സ്റ്റീൽ കമ്പനിക്കു സമീപം ശനിയാഴ്ചയായിരുന്നു അപകടം. ഭർത്താവ്: രാജു കുര്യൻ. മക്കൾ: റിയ,റയാൻ.

ADVERTISEMENT

സ്കൂൾ കെട്ടിടം ഉദ്ഘാടനം ചെയ്തു

പേരൂര്‍ക്കട: കുഞ്ഞുങ്ങളുടെ പുഞ്ചിരിയാണ് നാടിന്‍റെ ഭാവിയെന്നു മന്ത്രി വി. ശിവന്‍കുട്ടി. ഒരു കോടി രൂപ ചെലവില്‍ ചാല തമിഴ് എല്‍പി സ്‌കൂളില്‍ പണികഴിപ്പിച്ച ബഹുനില മന്ദിരത്തിൻഫെയും വര്‍ണക്കൂടാരത്തിന്‍റെയും ഉദ്ഘാടനം നിര്‍വഹിക്കുകയായിരുന്നു അദ്ദേഹം. ആന്‍റണി രാജു എംഎല്‍എ അധ്യക്ഷത വഹിച്ചു. സ്‌കൂള്‍ ഓഡിറ്റോറിയത്തില്‍ നടന്ന ചടങ്ങില്‍ പ്രധാനാധ്യാപിക എല്‍. ജൂലിയറ്റ്, ചാല വാര്‍ഡ് കൗണ്‍സിലര്‍ സിമി ജ്യോതിഷ്, സംഘാടക സമിതി കണ്‍വീനര്‍ എന്‍. സുന്ദരം പിള്ള തുടങ്ങിയവര്‍ പങ്കെടുത്തു.

സ്വാഗതസംഘം രൂപീകരണ യോഗം

നെടുമങ്ങാട്: സാഹിത്യകാരൻ ആര്യനാട് സത്യന്‍റെ 50 ആണ്ടിലെ സാഹിത്യസപര്യയെ ആദരിക്കുന്നു. ആര്യനാട് സ്നേഹകുട്ടായ്മയുടെ നേതൃത്വത്തിൽ കാട്ടാക്കട ക്രിസ്റ്റ്യൻ കോളജ് "അക്ക " സൗഹൃദ കുട്ടായ്മയുടെയും, കേരളാ സ്റ്റേറ്റ് സർവീസ് പെൻഷനേഴ്സ് അസോസിയേഷന്‍റെയും സംയുക്താഭിമുഖ്യത്തിൽ സ്വാഗതസംഘം രൂപീകരിച്ചു. എ.കെ. വിജയൻ അദ്ധ്യക്ഷത വഹിച്ചു. ദേശീയ അധ്യാപക അവാർഡ് ജേതാവ് ഡി. സത്യജോസ് ഉദ്ഘാടനം ചെയ്തു. സ്വാഗതസംഘം ചെയർമാനായി കണ്ടമത്ത് ഭാസ്കരൻ നായരേയും, ജനറൽ കൺവീനറായി എ.കെ. വിജയനേയും ഫിനാൻസ് കമ്മിറ്റി കൺവീനർമാരായി അഡ്വ: രാധാകൃഷ്ണനെയും, സാലു ജസ്റ്റസിനേയും പ്രോഗ്രാം കമ്മിറ്റി കൺവീനറായി പെന്നെടുത്തകുഴി സത്യദാസിനെയും, കുറ്റിച്ചൽ രാജേഷിനേയും, മീഡിയ കമ്മിറ്റി കൺവീനർമാരായി ഡി. സജ്ജുവിനേയും, കെ. സുരേഷ് ബാബുവിനേയും അഡ്വ. മുരളിയേയും തെരഞ്ഞെടുത്തു. ഒക്ടോബർ 11നു വൈകുന്നേരം മൂന്നിന് ആര്യനാട് വി.കെ. ഓഡിറ്റോറിയത്തിൽ നടക്കുന്ന ആദരിക്കൽ ചടങ്ങിൽ കലാസാഹിത്യ സാംസ്കാരി രംഗത്തെ പ്രമുഖരും പങ്കെടുക്കും.

പ്ലാസ്റ്റിക് വിരുദ്ധ പ്രവര്‍ത്തനങ്ങള്‍ തുടങ്ങി

പേരൂര്‍ക്കട: പൂജപ്പുര ഉണ്ണി നഗര്‍ റസി. അസോസിയേഷന്‍റെ വനിതാ വേദിയുടെ ആഭിമുഖ്യത്തില്‍ പ്ലാസ്റ്റിക് വിരുദ്ധ പ്രവര്‍ത്തനങ്ങള്‍ക്കു തുടക്കമായി. അസോസിയേഷന്‍റെ ഓണാഘോഷത്തിന്‍റെ ഭാഗമായാണ് ഇതിനു തുടക്കമായത്. പ്ലാസ്റ്റിക് വിരുദ്ധ പരിസ്ഥിതി സംരക്ഷണ പ്രവര്‍ത്തനങ്ങള്‍ ക്ലീന്‍ കേരള കമ്പനി മുന്‍ എംഡി പി. കേശവന്‍ നായര്‍ ഉദ്ഘാടനം ചെയ്തു. അസോസിയേഷന്‍ പ്രസിഡന്‍റ് പി.എസ്. ലേഖ അധ്യക്ഷത വഹിച്ചു. തുണിസഞ്ചി വിതരണ ഉദ്ഘാടനം പി. കേശവന്‍ നായര്‍ നിർവഹിച്ചു. അസോസിയേഷന്‍ രക്ഷാധികാരി പി.എസ്. മോഹനചന്ദ്രന്‍, സുജ, മായ തുടങ്ങിയവര്‍ പങ്കെടുത്തു.

ഗാലാ ഫെസ്റ്റ് സംഘടിപ്പിച്ചു

തിരുവനന്തപുരം: ശ്രീകാര്യം ബെത്‌ലഹേം ഇംഗ്ലീഷ് മീഡിയം സ്കൂളിൽ ഗാലാ ഫെസ്റ്റ് 2K25 പിന്നണി ഗായിക പി.വി. പ്രീത ഉദ്ഘാടനം ചെയ്തു. പ്രധാനാധ്യാപിക സിസ്റ്റർ ഫിൽസി മാടമ്മാത്രറ എസ്എബിഎസ്, മദർ സിസി ജോസ് കുഴിപ്പള്ളി എസ്എബിഎസ്, സ്റ്റാഫ് സെക്രട്ടറി ആനി എൽ. രാജ്, ആർട്ട്സ് സെക്രട്ടറി സിന്ധു ശ്രീജി, ആർട്ട്സ് കോ-ഓർഡിനേറ്റർ ലക്ഷ്മി എന്നിവർ പങ്കെടുത്തു.

വെങ്ങാനൂരിൽ വീട് കുത്തിത്തുറന്ന് 16 പവന്‍റെ ആഭരണങ്ങളും ഒരുലക്ഷം രൂപയും കവർന്നു

വിഴിഞ്ഞം: വെങ്ങാനൂരിൽ വീടിന്‍റെ വാതിൽ കുത്തിതുറന്നു 16 പവൻ സ്വർണാഭരണങ്ങളും ഒരു ലക്ഷം രൂപയും കവർന്നു. വെങ്ങാനൂർ വെണ്ണിയൂർ നെല്ലിവിള മാവുവിള വിൻസന്‍റ് വില്ലയിൽ റിട്ട. ഫയർഫോഴ്സ് ഉദ്യോഗസ്ഥൻ ഗിൽബർട്ടിന്‍റെ വീട്ടിലാണ് ഇന്നലെ കവർച്ച നടന്നത്. കവർച്ച നടക്കുമ്പോൾ വീട്ടിൽ ആരുമുണ്ടായിരുന്നില്ല. ഗിൽബർട്ടിന്‍റെ സഹേദരിയുടെ പുത്രൻ ജോൺ റോസ് ഈയടുത്ത് മരണപ്പെട്ടിരുന്നു. ഇതിനുശേഷം എല്ലാ ദിവസവും രാത്രി പത്തോടെ ഗിൽബർട്ടും ഭാര്യയും തങ്ങളുടെ വീടുപൂട്ടി തൊടുത്തുള്ള സഹോദരിയുടെ വീട്ടിൽ പോയശേഷം പുലർച്ചെ അഞ്ചോടെ തിരിച്ചു മടങ്ങി വരുന്നതു പതിവായിരുന്നു. കഴിഞ്ഞ ദിവസവും രാത്രി പത്തോടെ സഹോദരിയുടെ വീട്ടിലെത്തിയ ഗിൽബർട്ട് പുലർച്ചെ മടങ്ങി എത്തിയപ്പോഴാണ് മോഷണം നടന്ന വിവിരമറിഞ്ഞത്. മുൻവശത്തെ വാതിലിൻന്‍റെ പൂട്ട് തകർത്ത നിലയിലായിരുന്നു. ഇതു വഴി അകത്തു കടന്ന മോഷ്ടാക്കൾ രണ്ടാം നിലയിലെ മുറിയിൽ അലമാരയിൽ സൂക്ഷിച്ചിരുന്ന സ്വർണവും ഒന്നാം നിലയിലെ മുറിയിൽ സൂക്ഷിച്ചിരുന്ന പണവുമാണ് കവർന്നത്. ഗിൽബർട്ടിന്‍റെ ഭാര്യയുടെയും മകളുടെയും മകന്‍റെയും മരുമകളുടെയും ആഭരണങ്ങളാണ് മോഷണം പോയത്. ഇരുനില വീടിന്‍റെ എല്ലാ മുറികളും തുറന്ന കവർച്ചക്കാർ സാധനങ്ങളെല്ലാം വാരിവലിച്ചിട്ട നിലയിലായിരുന്നു. അലമാരകളെല്ലാം തുറന്ന നിലയിലായിരുന്നതിനാൽ 90 പവൻ ആഭരണങ്ങളും നഷ്ടപ്പെട്ടന്നാണ് ആദ്യം കരുതിയത്. പിന്നീട് നടത്തിയ വിശദമായി പരിശോധനയിലാണ് 16 പവൻ സ്വർ ണം നഷ്ടപ്പെട്ടതായി സ്ഥിരീക രിച്ചത്. 13 ലക്ഷത്തോളം രൂപയുടെ ആഭരണങ്ങളും ഒരു ലക്ഷം രൂപയുമാണ് മോഷ്ടാക്കൾ കൊണ്ടുപോയതെന്ന് അധികൃതർ പറയുന്നു. വിവരമറിയിച്ചതിനെ തുടർന്നു സിറ്റി പോലീസ് ഡെപ്യൂട്ടി കമ്മീഷണർ നകുൽ ദേശ്മുഖ്, ഫോർട്ട് എസി ഷിബു, വിഴിഞ്ഞം എസ്എച്ച്ഒ പ്രകാശ് എന്നിവരുടെ നേതൃത്വത്തിൽ പോലീസും വിരലടയാള വിദഗ്ധരും സ്ഥലത്തെത്തി പരിശോധന നടത്തി തെളിവുകൾ ശേഖരിച്ചു.

റോഡിലെ കുഴിയില്‍ ബിജെപി വാഴനട്ട് പ്രതിഷേധിച്ചു

വെള്ളറട: മണത്തോട്ടം വാര്‍ഡില്‍പ്പെട്ട ചൂണ്ടിക്കല്‍ - കോട്ടയാംവിള റോഡ് തകര്‍ന്നതിൽ പ്രതിഷേധം ശക്തമാകുന്നു. ബിജെപി മണത്തോട്ടം വാര്‍ഡ് കമ്മിറ്റിയുടെ നേതൃത്വത്തില്‍ തകര്‍ന്ന റോഡിലെ കുഴിയില്‍ വാഴനട്ടു പ്രതിഷേധിച്ചു. വാര്‍ഡിലെ മറ്റു റോഡുകള്‍ ടാറിംഗ് നടത്തിയിട്ടും നിലവിലെ വാര്‍ഡ് മെമ്പര്‍ക്ക് വോട്ട് ലഭിക്കാത്ത പ്രദേശമെന്നു ചാപ്പകുത്തി വികസന പ്രവര്‍ത്തനങ്ങളില്‍ ഉള്‍പ്പെടുത്താതെ തഴഞ്ഞിരിക്കുന്നതായി ബിജെപി പ്രവര്‍ത്തകര്‍ ആരോപിച്ചു. റോഡുപണി അടിയന്തരമായി ആരംഭിച്ചില്ലെങ്കില്‍ മറ്റു പ്രതിഷേധ പരിപാടികള്‍ സംഘടിപ്പിക്കുമെന്നും ബിജെപി പ്രവര്‍ത്തകര്‍ മുന്നറിയിപ്പ് നല്‍കി. പ്രതിഷേധ പരിപാടിയില്‍ ബിജെപി വെള്ളറട മണ്ഡലം വൈസ് പ്രസിഡന്‍റ് പി. പത്മകുമാര്‍, മണ്ഡലം സെക്രട്ടറി സുമോദ്, വെള്ളറട ഏരിയ പ്രസിഡന്‍റ് സുരേഷ് കുമാര്‍, ജനറല്‍ സെക്രട്ടറി രതീഷ്, കിളിയൂര്‍ ഏരിയ ജനറല്‍ സെക്രട്ടറി ബിനുകുമാര്‍, 212 ബൂത്ത് പ്രസിഡന്‍റ് വിഷ്ണു മോഹന്‍, മണത്തോട്ടം വാര്‍ഡ് കമ്മിറ്റി അംഗങ്ങളായ വിഷ്ണു, മഹേഷ് തുടങ്ങിയവര്‍ പങ്കെടുത്തു.

വിതുര ഐസറിലെ ഹൗസ് കീപ്പിംഗ് തൊഴിലാളികൾ പണിമുടക്കി

വിതുര: വിതുര ഐസറിലെ ഹൗസ് കീപ്പിംഗ് തൊഴിലാളികൾ നടത്തിവന്ന റിലേ സത്യഗ്രഹ സമരം പണിമുടക്കിൽ അവസാനിച്ചു. വെട്ടികുറച്ച തൊഴിൽ ദിനങ്ങൾ പുനഃസ്ഥാപിക്കുക, കെട്ടിടങ്ങൾ വർധിക്കുന്നതിന് അനുസരിച്ച് തൊഴിലാളികളെ നിയമിക്കുക, തൊഴിലാളികളോടുള്ള സമീപനത്തിൽ മറ്റം വരുത്തുക, എന്നീ ആവശ്യങ്ങൾ ഉന്നയിച്ചായിരുന്നു സമരം. ഐസറിലെ എല്ലാ വിഭാഗം തൊഴിലാളികളും പണിമുടക്കിൽ പങ്കെടുത്തു. സിപിഎം വിതുര ഏരിയാ കമ്മിറ്റി അംഗം എ. സനിൽകുമാർ പണിമുടക്ക് സമരം ഉദ്ഘാടനം ചെയ്തു. കോൺഗ്രസ് മണ്ഡലം പ്രസിഡന്‍റ് ആനപ്പാറ വിഷ്ണു അധ്യക്ഷത വഹിച്ചു. ബിഎംഎസ് പാലോട് മേഖലാ പ്രസിഡന്‍റ് പ്രസേനൻ സ്വാഗതംപറഞ്ഞു.സെക്യൂരിറ്റി ആൻഡ് ഹൗസ് കീപ്പിംഗ് അസോസിയേഷൻ ജില്ലാ സെക്രട്ടറി കെ. സുകുമാർ, വെള്ളനാട് ബ്ലോക്ക് വൈസ്‌ പ്രസിഡന്‍റ് എസ്.എൽ. കൃഷ്ണകുമാരി, ബി.എൽ. മോഹനൻ തുടങ്ങിയവർ സംസാരിച്ചു. തൊഴിലാളി പ്രതിനിധികളുമായി പലതവണ ഐസർ ഡയറക്ടർ ചർച്ച നടത്തി. തൊഴിലാളികൾ ഉന്നയിച്ച കാര്യങ്ങൾക്കു പരിഹാരം കാണാതെ സമരത്തിൽനിന്നു പിൻമാറില്ലെന്നു തൊഴിലാളികളും പ്രതിനിധികളും ഉറച്ചു നിന്നു. ഒടുവിൽ തൊഴിലാളികൾ ഉന്നയിച്ച കാര്യങ്ങൾ നടപ്പിലാക്കാമെന്നു ചർച്ചയിൽ ധാരണയായി. തുടർന്നു തൊഴിലാളികൾ ആഹ്ലാദപ്രകടനം നടത്തി.

റോഡ് നവീകരണം: 2.64 കോടിയുടെ ഭരണാനുമതി

നെടുമങ്ങാട്: ഏണിക്കര പാലം മുതല്‍ തറട്ട ജംഗ്ഷന്‍ വഴി കാച്ചാണിയിലേയ്ക്ക് പോകുന്ന 1.61 കിലോ മീറ്റര്‍ റോ‍ഡ് ബി എം-ബിസി നിലവാരത്തില്‍ നവീകരിക്കുന്നതിനായി 2.64 കോടിയുടെ ഭരണാനുമതി ലഭിച്ചതായി മന്ത്രി ജി. ആര്‍. അനില്‍ അറിയിച്ചു. നാലു മീറ്ററിനുള്ളിൽ നിലവില്‍ വീതിയുള്ള ഈ റോഡിനെ 5.5 മീറ്റര്‍ വീതിയുള്ള റോഡാക്കി നവീകരിക്കും. ടെണ്ടര്‍ നടപടികള്‍ വേഗത്തില്‍ പൂര്‍ത്തികരിച്ച് പ്രവൃത്തി ആരംഭിക്കാനാണ് ഉദ്ദേശിക്കുന്നതെന്നു മന്ത്രി ജി.ആര്‍. അനില്‍ അറിയിച്ചു.

തൂങ്ങാംപാറ വിശുദ്ധ കൊച്ചുത്രേസ്യ പള്ളിയിൽ തിരുനാൾ

കാട്ടാക്കട: തൂങ്ങാംപാറ വിശുദ്ധ കൊച്ചുത്രേസ്യ പള്ളിയിൽ തിരുനാൾ ആഘോഷം തുടങ്ങി. തിരുനാളിന്‍റെ ഭാഗമായുള്ള ദീപശിഖാ പ്രയാണം മുതിയാവിള സെന്‍റ് ആൽബർട്‌സ് പള്ളിയിലെ ഫാ. അദേയോദാത്തൂസ് സ്മൃതിമണ്ഡപത്തിൽനിന്ന് നെയ്യാറ്റിൻകര രൂപതാവികാരി ജനറൽ മോൺ. ജി. ക്രിസ്തുദാസ് ഉദ്ഘാടനം ചെയ്തു. ഇടവക വികാരി ഫാ. ജറാൾഡ് മത്യാസ് തിരുനാളിന് കൊടിയുയർത്തി. തിരുനാൾ പ്രാരംഭ ദിവ്യബലിക്കു രൂപതാ വികാരി ജനറാൾ മോൺ. ജി. ക്രിസ്തുദാസ് മുഖ്യകാർമികനായി. രൂപതാ ലിറ്റിൽവെ സംഗമം, ദിവ്യബലി, തിരുസ്വരൂപപ്രദക്ഷിണം എന്നിവ നടക്കും. തിരുനാൾ സമാപനദിനമായ ഒക്ടോബർ രണ്ടിനു രാവിലെ 10-ന് സമാപന ദിവ്യബലിക്കു കാട്ടാക്കട റീജണൽ കോ-ഓർഡിനേറ്റർ മോൺ. വിൻസന്‍റ് കെ. പീറ്റർ മുഖ്യകാർമികനാകും.

മണ്ണന്തല മരുതൂരില്‍ കെഎസ്ആര്‍ടിസി ബസും ചരക്കുലോറിയും കൂട്ടിയിടിച്ചു

പേരൂര്‍ക്കട: മണ്ണന്തല മരുതൂരില്‍ കെഎസ്ആര്‍ടിസി ബസും ചരക്കുലോറിയും കൂട്ടിയിടിച്ചു 16 പേര്‍ക്കു പരിക്കേറ്റു. ഇവരെ തിരുവനന്തപുരം മെഡിക്കല്‍കോളജ് ആശുപത്രിയില്‍ പ്രവേശിപ്പിച്ചു. ബുധനാഴ്ച പുലര്‍ച്ചെ 5.45 നായിരുന്നു അപകടം. കാട്ടാക്കട ഡിപ്പോയില്‍നിന്ന് മരുതൂര്‍വഴി പത്തനംതിട്ട മൂഴിയാറിലേക്കു പോയ ബസും കര്‍ണാടകയില്‍നിന്നു ചരക്കുമായി തിരുവനന്തപുരത്തേക്ക് വരികയായിരുന്നു ലോറിയുമാണു ട്ടിയിടിച്ചത്. ലോറിയുടെ അമിതവേഗവും ചാറ്റല്‍മഴമൂലം റോഡിലുണ്ടായ വഴുലും വളവുമാണ് അപകടത്തിനു കാരണമെന്നു പോലീസ് പറഞ്ഞു. എതിര്‍ദിശയില്‍ വരികയായിരുന്നു വാഹനങ്ങള്‍ തമ്മിലുള്ള കൂട്ടിയിടിയില്‍ ഡ്രൈവര്‍ കാബിനുകള്‍ പൊട്ടിപ്പൊളിഞ്ഞു. ഇടിയുടെ ആഘാതത്തില്‍ ബസ് ഒരുമരത്തിലിടിച്ച് നില്‍ക്കുകയായിരുന്നു. ദൃക്‌സാക്ഷികളാണു വിവരം മണ്ണന്തല പോലീസിലും ഫയര്‍ഫോഴ്‌സിലും അറിയിച്ചത്. ഗ്രേഡ് സ്റ്റേഷന്‍ ഓഫീസര്‍ ജോര്‍ജ്, പോള്‍, സീനിയര്‍ ഫയര്‍ ആൻഡ് റസ്‌ക്യു ഓഫീസര്‍ എം. ഷാഫി, മണ്ണന്തല സിഐ കണ്ണന്‍, എസ്ഐ ആര്‍.എസ്. വിപിന്‍ എന്നിവര്‍ ഉള്‍പ്പെട്ട സംഘമാണ് വാഹനങ്ങളില്‍ കുടുങ്ങിക്കിടന്ന ഡ്രൈവര്‍മാരെ പുറത്തെടുത്ത് ആശുപത്രിയില്‍ എത്തിച്ചത്. ബസ്‌ ഡ്രൈവര്‍ ഷാജി (43), കണ്ടക്ടര്‍ വിഷ്ണു (37), ലോറി ഡ്രൈവര്‍ കര്‍ണാടക സ്വദേശി ഷാജഹാന്‍ (34) എന്നിവര്‍ക്ക് അപകടത്തില്‍ സാരമായി പരിക്കേറ്റു. ഡ്രൈവര്‍മാരുടെ വലതുകാലുകള്‍ കാബിനുള്ളില്‍ കുടുങ്ങി. ഇടിയുടെ ആഘാതത്തില്‍ ഇവരുടെ കൈകള്‍ക്കും പരിക്കേറ്റു. ബസിൽ 25-ഓളം യാത്രക്കാരാണ് ഉണ്ടായിരുന്നത്. ഇവരില്‍ ജിജുരാജ് (41), സോണ (27), മഹിമ (20), അശോക് കുമാര്‍ (41), മോഹനന്‍ (46), ജോണ്‍ മാത്യു (54), രാധാകൃഷ്ണന്‍ (55), സ്മിത (44), ബിജുകുമാര്‍ (50), റീന (50), സുരേഷ് (56), അശിന്‍ (28), വില്‍സന്‍ (62) എന്നിവര്‍ തിരുവനന്തപുരം മെഡിക്കല്‍കോളജ് ആശുപത്രിയില്‍ പ്രാഥമിക ചികിത്സ തേടി. മിക്ക യാത്രക്കാര്‍ക്കും അപകടത്തിന്‍റെ ആഘാതത്തില്‍ ഇടിവും ചതവും ഏല്‍ക്കുകയായിരുന്നു. അപകടത്തില്‍പ്പെട്ട വാഹനങ്ങള്‍ റിക്കവറി വാഹനങ്ങള്‍ ഉപയോഗിച്ചു നീക്കം ചെയ്തു. സംഭവത്തെ തുടര്‍ന്ന് എംസി റോഡില്‍ രണ്ടുമണിക്കൂറോളം വാഹനഗതാഗതം തടസപ്പെട്ടു. മണ്ണന്തല പോലീസ് കേസെടുത്തു.

പോലീസുകാരനെ ആക്രമിച്ച യുവാവിനെ അറസ്റ്റു ചെയ്തു

വിഴിഞ്ഞം: ഭർത്താവ് മർദിക്കുന്നതായി ഭാര്യ നൽകിയ പരാതി അന്വേഷിക്കാനെത്തിയ പോലീസുകാരനെ ആക്രമിച്ച കേസിൽ യു വാവ് അറസ്റ്റിൽ. പുല്ലുവിള ലിയോ തേർട്ടീന്ത് സ്കൂളിനു സമീപം ബ്ലെസി ഹൗസിൽ പ്രവീൺ (38) ആണ് അറസ്റ്റിലായത്. കാഞ്ഞിരംകുളം സ്റ്റേഷനിലെ സിപിഒ ശരത്തിനെയാണ് പ്രതി ആക്രമിച്ചത്. പരിക്കേറ്റ ശരത് ആശുപത്രിയിൽ ചികിത്സ തേടി. സ്ഥിരം മദ്യപാനിയായ പ്രവീൺ ഭാര്യയെ മർദിക്കുന്നതായ പരാതി ലഭിച്ചതിനെ തുടർന്ന് അന്വേഷിക്കാനെത്തിയ പോലീസിനെ കണ്ടയുടനെ പ്രകോപിതനായ പ്രതി ഇവിടെ എന്തിനു പോലീസ് വന്നുവെന്ന് ചോദിച്ചതായിരുന്നു ആക്രമണം നടത്തിയത്. ശരത്തിന്‍റെ വയറ്റിൽ ചവിട്ടുകയും മുഖത്ത് ഇടിച്ച് പരിക്കേൽപ്പിക്കുകയുമായിരുന്നുവെന്നും ഒപ്പമുണ്ടായിരുന്ന പോലീസുകാർ പ്രവീണിനെ ബലം പ്രയോഗിച്ച് കീഴ്പെടുത്തുകയായിരുന്നുവെന്നും പോലീസ് പറഞ്ഞു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

വിജിലൻസ് അവബോധവാരം: വാക്കത്തൺ സംഘടിപ്പിച്ചു

തിരുവനന്തപുരം: വിജിലൻസ് അവബോധ വാരത്തോടനുബന്ധിച്ച് യൂണിയൻ ബാങ്ക് ഓഫ് ഇന്ത്യ തിരുവനന്തപുരം റീജണൽ ഓഫീസ് വാക്കത്തൺ സംഘടിപ്പിച്ചു. മുംബൈയിലെ സെൻട്രൽ ഓഫീസിലെ യൂണിയൻ ബാങ്ക് ഓഫ് ഇന്ത്യയുടെ അഡീഷണൽ ചീഫ് വിജിലൻസ് ഓഫീസർ വിവേക് കുമാർ ഗുപ്ത വാക്കത്തൺ ഫ്ലാഗ് ഓഫ് ചെയ്തു. റീജണൽ ഹെഡ് വൈ. നരേഷ് കുമാർ, ഡെപ്യൂട്ടി റീജണൽ ഹെഡ്‌സ് ദീപക് ചാർലി, സോണി ജേക്കബ്, റീജണൽ വിജിലൻസ് ഇൻചാർജ് ആർ.എസ്. സെന്തിൽ കുമാർ എന്നിവരും 100 ലധികം സ്റ്റാഫ് അംഗങ്ങളും വാക്കത്തണിൽ പങ്കെടുത്തു.

നിയന്ത്രണംവിട്ട സ്കൂൾ ബസ് മതിലും ഇലക്ട്രിക് പോസ്റ്റും ഇടിച്ചു തകർത്തു

വിഴിഞ്ഞം: നിറയെ കുട്ടികളുമായി വന്ന സ്കൂൾ ബസ് നിയന്ത്രണം വിട്ട് ഇലക്ട്രിക് പോസ്റ്റും മതിലും ഇടിച്ച് തകർത്തു. മുൻവശം തകർന്ന ബസിനുള്ളിലേക്ക് മതിലിന്‍റെയും പോസ്റ്റിന്‍റെയും പാളികൾ തെറിച്ചു വീണു. ഒഴിവായത് വൻ ദുരന്തം. നിരവധി കുട്ടികൾക്ക് പരിക്കേറ്റു. സാരമായി പരിക്കേറ്റ 17 കുട്ടികളെ ജനറൽ ആശുപത്രിയിലും മെഡിക്കൽ കോളജ് ആശുപത്രി യിലും വിഴിഞ്ഞം സർക്കാർ ആശുപത്രിയിലും പ്രവേശിപ്പിച്ചു. കുട്ടികളുമായി വരുകയായിരുന്ന വെങ്ങാനൂരിലെ ഒരു സ്കൂൾ ബസാണ് അപകടത്തിൽപ്പെട്ടത്. വിഴിഞ്ഞം -പള്ളിച്ചൽ റോഡിൽകല്ലുവെട്ടാൻകുഴി പഴയ കെഎസ്ഇബി ഓഫീസിനു സമീപം ഇന്നലെ രാവിലെ 9.30 ഓടെ ആയിരുന്നു സംഭവം. മറ്റൊരു വാഹനത്തിന് സൈഡ് നൽകുന്നതിനിടയിൽ ആക്സിൽ ജാമായ ബസ് ഇടതു വശത്തേക്കു തിരിഞ്ഞ് ഇലക്ട്രിക് പോസ്റ്റും മതിലും ഇടിച്ചു തകർത്തശേഷം നിൽക്കുകയായിരുന്നുവെന്നു. സംഭവം നടന്നയുടൻ നാട്ടുകാരും സ്‌കൂൾ അധികൃതരും പോലീസുമെത്തി കുട്ടികളെ മറ്റ് വാഹനങ്ങളിൽ വിഴിഞ്ഞം ഗവണ്മന്‍റ് ആശുപത്രിയിൽ എത്തിച്ചു. 86 വിദ്യാർഥികളെ പരിശോധനയ്ക്കു വിധേയമാക്കിയതായി ആശുപത്രി അധികൃതർ അറിയിച്ചു. നിസാര പരിക്കുള്ളവരെ ചികിത്സയ്ക്കുശേഷം വിട്ടയച്ചു. 11 പേരെ ജനറൽ ആശു പത്രിയിലും ഒരു വിദ്യാർഥി യെ മെഡിക്കൽ കോളജ് ആ ശു പത്രിയിലും വിദഗ്ദ ചികിത്സക്കായി അയച്ചു. സ്ഥലം എംഎൽഎ എം.വിൻസന്‍റ്, സിപിഎം തിരുവന ന്തപുരം ജില്ലാ സെക്രട്ടേറിയറ്റ് അംഗം അഡ്വ. പി.എസ്. ഹരികുമാർ, സിപിഐ മണ്ഡല സെക്രട്ടറി സി.കെ. സിന്ധു രാജൻ, കോവളം എൽസി സെക്രട്ടറി മുട്ടയ്ക്കാട് വേണുഗോപാൽ എന്നിവർ വിഴിഞ്ഞം ഗവൺമെന്‍റ് ആശുപത്രിയിലെത്തി വിവരങ്ങൾ ആരാഞ്ഞു.

പാപ്പനംകോട്ട് ഇടറോഡിൽ മാലിന്യം തള്ളുന്നെന്നു പരാതി

നേമം: നഗരസഭയുടെ ഭാഗമായ പാപ്പനംകോട്, മേലാംങ്കോട് വാർഡുകളിലെ ഇടറോഡുകളിൽ മാലിന്യങ്ങൾ കൊണ്ടിടുന്നത് പതിവാകുന്നു. കഴിഞ്ഞ ഒരു മാസത്തിലേറെയായി മാസാംവശിഷ്ടങ്ങൾ, ചീഞ്ഞ ഭക്ഷണാവശിഷ്ടങ്ങൾ, മറ്റുമാലിന്യങ്ങൾ തുടങ്ങിയവയാണ് സ്ഥിരമായി ഇവിടെ തള്ളുന്നത്. കോണത്തുവിള, ഇഞ്ചിപ്പുല്ല് വിള, നരിപ്പിൽ റോഡ്, വിവേകാനന്ദ നഗർ, ചെമ്മണ്ണുവിള, തോപ്പുമുക്ക് തുടങ്ങിയ സ്ഥലങ്ങളിൽ മാലിന്യങ്ങൾ വലിച്ചെറിയുന്നതും പതിവാണ്. രാത്രിയിൽ ഇരുചക്രവാഹനങ്ങളിലും പുലർച്ചെ നടക്കുവാൻ പോകുന്നവരുമാണ് ഇത്തരം പ്രവൃത്തികൾ ചെയ്തുവരുന്നത്. മാലിന്യങ്ങൾ വലിച്ചെറിയുന്നതുമൂലം കാൽനട യാത്രകാർക്കും മറ്റും വലിയ ബുദ്ധിമുട്ടാണ് അനുഭവിക്കുന്നത്. ഭക്ഷണാവശിഷ്ടങ്ങൾ തെരുവു നായ്ക്കൾ റോഡിലൂടെ പലയിടത്തും വലിച്ചിഴച്ചു കൊണ്ടു നടക്കുന്നതു മൂലം റോഡിലാകെ മാലിന്യങ്ങളാണ്. മാലിന്യങ്ങൾ വലിച്ചെറിയുന്നവർക്കെതിരേനഗരസഭാധികൃതർ കർശന നടപടി സ്വീകരിക്കണമെന്നാവശ്യം ആവശ്യവും ശക്തമായിരിക്കുകയാണ്.

നെയ്യാറ്റിൻകര നഗരസഭയിലെ വികസനം വിലയിരുത്തി നീതി ആയോഗ് സംഘം

നെയ്യാറ്റിൻകര: കേന്ദ്ര സർക്കാരി ന്‍റെ സാന്പത്തിക സഹായത്തോടെ നടപ്പാക്കുന്ന വിവിധ പദ്ധതികളുടെ മോണിറ്ററിംഗ് കമ്മിറ്റിയായ "ദിശ' ജില്ലാതല കോ-ഓർഡിനേഷൻ കമ്മിറ്റിയുടെ പ്രവർത്തനങ്ങൾ വിലയിരുത്തുന്നതിനായി നീതി ആയോഗ് നിയോഗിച്ച സംഘം നെയ്യാറ്റിൻകര നഗരസഭ സന്ദർശിച്ചു. എൻഐഎൽഇആർഡി ഡയറക്ടർ എസ്.എൻ. മിശ്ര, ഡെപ്യൂട്ടി ഡയറക്ടർ ഡോ. ലളിത് ലാത്‌ല, റിസർച്ച് അസോസിയേറ്റ് കലങ്കാർ സച്ചിൻ എന്നിവരടങ്ങിയ സംഘത്തെ നഗരസഭാ ചെയർമാൻ പി.കെ. രാജമോഹനൻ സ്വീകരിച്ചു. നഗരസഭാ സെക്രട്ടറി ബി. സാനന്ദസിംഗ്, വിവിധ സെക്‌ഷനുകളിലെ ഉദ്യോഗസ്ഥർ, നഗരസഭാ കൗൺസിലർമാർ എന്നിവർ ചേർന്നു നഗരസഭയിൽ നടപ്പിലാക്കുന്ന വിവിധ പദ്ധതികളുടെ പുരോഗതി, നേട്ടങ്ങൾ, വെല്ലുവിളികൾ തുടങ്ങിയവ സംഘത്തിന് വിശദീകരിച്ചു. നഗരസഭയിൽ നടപ്പിലാക്കുന്ന അമൃത്, ഐസിഡിസി, എന്‍യുഎല്‍എം, ലൈഫ്, പിഎംഎഐ മുതലായവയടക്കം 67-ഓളം കേന്ദ്ര-സംസ്ഥാന സർക്കാര്‍ പദ്ധതികൾ സംഘം വിശദമായി വിലയിരുത്തി. വിവിധ പദ്ധതികൾ നടപ്പിലാക്കുന്നതിനിടെ നേരിടുന്ന സാങ്കേതിക, ഭരണപര, സാമ്പത്തിക വെല്ലുവിളികൾ, കേന്ദ്ര-സംസ്ഥാന സർക്കാരിന്‍റെ സഹകരണത്തോടെ പരിഹാര മാർഗങ്ങൾ, ജനങ്ങളുടെ ആവശ്യങ്ങൾ, പദ്ധതികളുടെ ദീർഘകാല ഫലപ്രാപ്തി എന്നിവ സംബന്ധിച്ച് സംഘം നഗരസഭാ പ്രതിനിധികളുമായി ചർച്ച നടത്തി. ബന്ധപ്പെട്ട ഉദ്യോഗസ്ഥരുമായി സംഘം സംവാദവും നടത്തി.

നവരാത്രി മണ്ഡപത്തിൽ നാളെ പാർവതീപുരത്തിന്‍റെ കച്ചേരി

എസ്. മഞ്ജുളാദേവി തിരുവനന്തപുരം: "ദേവിയുടെ അനുഗ്രഹം. എന്‍റെ എല്ലാ ഗുരുക്കന്മാരുടെയും അനുഗ്രഹം. മഹാസംഗീതജ്ഞന്മാർ കച്ചേരി നടത്തിയ നവരാത്രി മണ്ഡപത്തിൽ ദേവീകീർത്തനങ്ങൾ ആലപിക്കുവാൻ എനിക്കു ലഭിച്ച അവസരം ഞാൻ എന്‍റെ ജന്മസുകൃതമായിക്കാണുന്നു...' കർണാടക സംഗീതജ്ഞനും മുൻ സംഗീത അധ്യാപകനുമായ പാർവതീപുരം പദ്മനാഭ അയ്യർക്കിത് അവിശ്വസനീയമായ നിമിഷങ്ങൾ. നവരാത്രി സംഗീതോത്സവത്തിന്‍റെ നാലാം ഉത്സവദിവസമായ നാളെ മണ്ഡപത്തിൽ തോഡി രാഗത്തിലെ ഭാരതി മാമവ... എന്ന സ്വാതി തിരുനാൾ കൃതി മുഖ്യ ഇനമായി പാടി കൊണ്ടാണ് പാർവതീപുരത്തിന്‍റെ ആദ്യ നവരാത്രി സംഗീതോത്സവ പ്രവേശം. കർണാടക സംഗീതജ്ഞനും തിരുവിതാംകൂർ രാജകുടുംബാംഗവുമായ അശ്വതി തിരുനാൾ രാമവർമ നവരാത്രി സംഗീതോത്സവത്തിൽ കച്ചേരി അവതരിപ്പിക്കുവാൻ ക്ഷണിക്കുന്പോൾ അത് സ്വപ്നമാണോ എന്ന് സംശയിച്ചുപോയി പദ്മനാഭ അയ്യർ. പാർവതീപുരം പദ്മനാഭയ്യരുടെ വാക്കുകളിലേക്ക്... രാമവർമ എന്നെ ഫോണിൽ വിളിച്ച് നവരാത്രി മണ്ഡപത്തിൽ കച്ചേരി അവതരിപ്പിക്കണമെന്ന് പറഞ്ഞപ്പോൾ സത്യത്തിൽ അത്ഭുതപ്പെട്ടുപോയി. എന്നെ പോലുള്ള സംഗീതജ്ഞന്മാർക്ക് ഉള്ളിൽ ഒരു മോഹമായി പോലും കൊണ്ടുനടക്കാൻ കഴിയുന്ന ഒന്നല്ല നവരാത്രി മണ്ഡപത്തിലെ കച്ചേരി. അദ്ദേഹം എന്‍റെ സംഗീത ജീവിതത്തെ കുറിച്ച് സ്വയം മനസിലാക്കി വിളിച്ചതായിരിക്കും എന്നു കരുതുന്നു. മറ്റാരെങ്കിലും പറയുന്നത് അനുസരിച്ച് സംഗീതജ്ഞരെ നിശ്ചയിക്കുന്ന ആളല്ല രാമവർമ. ആരുടെ ശിപാർശയും കേൾക്കാറുമില്ല. അതുകൊണ്ടു തന്നെ ഈ ക്ഷണം അനുഗ്രഹമായി ഞാൻ കാണുന്നതും. അശ്വതി തിരുനാൾ രാമവർമയുടെ ഗുരുവായ വെച്ചൂർ ഹരിഹര സുബ്രഹ്മണ്യയ്യരുടെ കീഴിൽ ഞാൻ സംഗീതത്തിൽ ഉപരിപഠനം നടത്തിയിട്ടുണ്ട്... ആറ്റിങ്ങലിലെ പാർവതീപുരം ഗ്രാമത്തിൽ നിന്നും തിരുവനന്തപുരം നഗരത്തിലെ കോട്ടയ്ക്കകത്തെ നവരാത്രി സംഗീതോത്സവം കാണാനും ആസ്വദിക്കാനും ചെറുപ്പകാലം മുതൽക്കെ പദ്മനാഭ അയ്യരും ശിഷ്യരും എത്തിയിരുന്നു. അമ്മാവനും മുല്ലമൂട്ടിൽ ഭാഗവതരുമായ ഹരിഹര ഭാഗവതരുടെ കച്ചേരി പ്രധാന കച്ചേരിക്കു മുന്പ് നവരാത്രി മണ്ഡപത്തിൽ പതിവാണെന്നും പാർവതീപുരം ഓർമിച്ചെടുത്തു. പാലക്കാട് മണി അയ്യർ എന്ന മൃദംഗ മാന്ത്രികൻ എം.ഡി. രാമനാഥനും കെ.വി. നാരായണ സ്വാമിക്കും ആലത്തൂർ ബ്രദേഴ്സിനും മൃദംഗം വായിക്കുന്നത് പന്ത്രണ്ട് വർഷം തുടർച്ചയായി കേട്ടിട്ടുണ്ട്. ലാൽഗുഡി ജയറാമും ടി. എൻ. കൃഷ്ണനും ഉൾപ്പെടുന്ന വയലിൻ മഹാപ്രതിഭകളുടെ മാന്ത്രിക വാദനവും നിരവധി തവണ ആസ്വദിച്ചിട്ടുണ്ട്. 1992-ൽ ഗവണ്‍മെന്‍റ് മോഡൽ സ്കൂൾ അധ്യാപകനായി ചുമതലയേറ്റ ശേഷമാണ് തിരുവനന്തപുരം നഗരത്തിൽ താമസമാക്കുന്നത്. ഉന്നത ശീർഷർക്കൊപ്പം സംഗീതത്തിനായി ആത്മാർപ്പണം ചെയ്ത സാധാരണക്കാരായ സംഗീതജ്ഞരെയും പക്കമേള കലാകാരന്മാരെയും സംഗീതോത്സവത്തിന്‍റെ ഭാഗമാക്കുന്ന അശ്വതി തിരുനാൾ രാമവർമയുടെ നടപടി മാതൃകാപരമാണെന്നും പാർവതീപുരം പറയുന്നു. മൃദംഗവും വയലിനും മാത്രമായിരുന്നു മുൻകാലങ്ങളിൽ നവരാത്രി കച്ചേരികൾക്കു പക്കമായി ഉൾപ്പെടുത്തിയിരുന്നത്. ഘടം, ഗഞ്ചിറ, മുഖർശംഗ് എന്നീ ഉപപക്കമേളത്തെയും ഉൾപ്പെടുത്തുന്നതും അശ്വതി തിരുനാൾ തന്നെ. അതുവഴി ഈ ഉപപക്കമേളക്കാർക്കും വലിയൊരു വേദി ലഭിക്കുകയാണ്. നാലാം ഉത്സവദിനമായ നാളെ വൈകുന്നേരം നവരാത്രി മണ്ഡപത്തിൽ വൈകുന്നേരം ആറിനാണ് പാർവതീപുരം പദ്മനാഭ അയ്യരുടെ കച്ചേരി. വയലിനിൽ ആറ്റുകാൽ ബാലസുബ്രഹ്മണ്യവും മൃദംഗത്തിൽ പാലക്കാട് മഹേഷ് കുമാറും ഘടത്തിൽ ട്രിവാൻഡ്രം ആർ. രാജേഷും താളമേകും.

ലഹരിക്കെതിരേ നിര്‍ത്താതെ ഓടി റിക്കാർഡുനേടി രതീഷ് കുമാര്‍

വെള്ളറട: ലഹരിക്കെതിരെ ഒറ്റയാള്‍ പോരാട്ടം നടത്തി ഇന്ത്യ ബുക്ക് ഓഫ് റിക്കാർഡ് ഉള്‍പ്പെടെ നിരവധി പുരസ്കാരങ്ങൾ കരസ്ഥമാക്കിയിരിക്കുകയാണ് കുന്നത്തുകാല്‍ സ്വദേശി രതീഷ് കുമാര്‍. കാരോട് മുതല്‍ കഴക്കൂട്ടം വരെ 50 കിലോമീറ്റര്‍ നിര്‍ത്താതെ ഓടി കൊണ്ടായിരുന്നു നേട്ടം കൈവരിച്ചത്. യുവാക്കളിലും സമൂഹത്തിലും ഉയര്‍ന്നുവരുന്ന ലഹരി ഉപയോഗങ്ങള്‍ക്കെതിരെ ലഘുലേഖകളും, ബോധവത്കരണങ്ങളും ഉയര്‍ത്തിക്കൊണ്ടായിരുന്നു കുന്നത്തുകാല്‍ വൃന്ദാവനില്‍ രതീഷ് കുമാര്‍ എന്ന 38 കാരന്‍ നിര്‍ത്താതെ ഓടി റിക്കോര്‍ഡുകള്‍ കരസ്ഥമാക്കിയത്. ഇന്ത്യ ബുക്ക് ഓഫ് റിക്കാർഡ്സ്, ഏഷ്യന്‍ ബുക്ക് ഓഫ് വേള്‍ഡ് റിക്കാർഡ്സ്, വേള്‍ഡ് ബുക്ക് റിക്കാർഡ്സ് തുടങ്ങിയ ബഹുമതികളാണ് രതീഷിനെത്തേടിയെത്തിയിരിക്കുന്നത്. കഴിഞ്ഞ ഒന്നര പതിറ്റാണ്ട് കാലമായി പാറശാലയ്ക്ക് സമീപം ഉദിയന്‍കുളങ്ങരയില്‍ സൈനിക മേഖലയില്‍ യുവാക്കളെ പരിശീലിപ്പിക്കുന്ന സ്ഥാപനംനടത്തിവരികയാണ് രതീഷ്. ലഹരിവിരുദ്ധ കാമ്പയിനുകളുടെ ഭാഗമായി സ്‌കൂള്‍, കോളജ് തലങ്ങളില്‍ സെമിനാറുകളില്‍ പങ്കെടുക്കാന്‍ പോയപ്പോള്‍ ഉണ്ടായ പാഠങ്ങളും, അനുഭവങ്ങളും ഉള്‍ക്കൊണ്ടുകൊണ്ടാണ് ലഹരി വിരുദ്ധസന്ദേശം ഉയര്‍ത്തിക്കൊണ്ട് ഓടാന്‍ രതീഷ് തീരുമാനിച്ചത്. കാരോട് മുതല്‍ കഴക്കൂട്ടം വരെ ആറുമണിക്കൂര്‍ 45 മിനിറ്റ് നിര്‍ത്താതെ ഓടിക്കൊണ്ടാണ് സൈനിക പ്രേമി കൂടിയായ ഈ യുവാവ് റിക്കാർഡ് നേട്ടം കൈവരിച്ചത്. നെയ്യാറ്റിന്‍കര ഡിവൈഎസ്പി എസ്.ചന്ദ്രദാസ് ഫ്‌ലാഗ് ഓഫ് ചെയ്തുകൊണ്ട് 2025 ജൂണ്‍ ഒന്പതിനു പുലര്‍ച്ചെ നാലിനു കാരോടു നിന്ന് ആരംഭിച്ച ഓട്ടം രാവിലെ10 :45ന് കഴക്കൂട്ടത്ത് സമാപിക്കുകയായിരുന്നു. പോലീസ്, എക്‌സൈസ്, ഉദ്യോഗസ്ഥര്‍ക്ക് പുറമേ വിവിധ രാഷ്ട്രീയ, സാംസ്‌കാരിക മേഖലകളിലെ വ്യക്തിത്വങ്ങളും, യുവജന സംഘടന അംഗങ്ങളും ലഹരി വിരുദ്ധ സന്ദേവും , ലഘുലേഖകളും നല്‍കി അനുഗമിച്ചിരുന്നു. ഭാവിയില്‍ കാസര്‍കോട് മുതല്‍ പാറശാല വരെ ഇത്തരത്തിലുള്ള ലഹരിവിരുദ്ധ സന്ദേശയാത്ര സംഘടിപ്പിക്കാന്‍ ഒരുങ്ങുകയാണ് രതീഷ്‌കുമാര്‍. ഇതിനു പിന്തുണയായി ധനകാര്യ മേഖലയിലെ ഉദ്യോഗസ്ഥ കൂടിയായ രതീഷ് കുമാറിന്‍റെ ഭാര്യ വിഷ്ണുപ്രിയയും മകന്‍ ആഷിക്കും ഉള്‍പ്പെടെയുള്ള കുടുംബവും പിന്തുണയായുണ്ട്.

ഫ്രോസണ്‍ എലിഫന്‍റ് ട്രങ്ക്: ശസ്ത്രക്രിയ വിജയകരമാക്കി കിംസ്ഹെൽത്ത്

തിരുവനന്തപുരം: ശരീരത്തിലെ ഏറ്റവും വലിയ രക്തക്കുഴലായ അയോര്‍ട്ടയുടെ ഭിത്തിയില്‍ വിള്ളലുണ്ടാകുന്ന "അയോര്‍ട്ടിക് ഡിസെക്ഷന്‍’ എന്ന ഗുരുതര രോഗം ബാധിച്ച 49കാരനില്‍ അപൂര്‍വ "ഫ്രോസണ്‍ എലിഫന്‍റ് ട്രങ്ക്’ ശസ്ത്രക്രിയ വിജയകരമാക്കി കിംസ്ഹെല്‍ത്തിലെ മെഡിക്കല്‍ സംഘം. അയോര്‍ട്ടയിലുണ്ടായ വിള്ളലിനു കാന്‍പൂര്‍ സ്വദേശിയായ രോഗി ശസ്ത്രക്രിയയ്ക്ക് വിധേയനാവുകയും തുടര്‍ന്നു നടത്തിയ സിടി സ്കാന്‍ പരിശോധനയിൽ അയോര്‍ട്ടയുടെ മറ്റൊരു ഭാഗത്തു പുതിയ വിള്ളല്‍ ഉണ്ടായതായി കണ്ടെത്തുകയുമായിരുന്നു. തുടർന്ന് കാര്‍ഡിയോതൊറാസിക് സര്‍ജറി വിഭാഗം സീനിയര്‍ കണ്‍സള്‍ട്ടന്‍റ് ഡോ. ഷാജി പാലങ്ങാടന്‍റെ നേതൃത്വത്തിലുള്ള മെഡിക്കല്‍ സംഘം, സങ്കീര്‍ണ തൊറാസിക് അയോര്‍ട്ടിക് ഡിസെക്‌ഷനുകള്‍ക്കുള്ള നൂതന ചികിത്സയായ "ഫ്രോസണ്‍ എലിഫന്‍റ് ട്രങ്ക്’ ശസ്ത്രക്രിയ തിരഞ്ഞെടുക്കുകയായിരുന്നു. ശസ്ത്രക്രിയയ്ക്കു ശേഷം ഒരു ദിവസം വെന്‍റിലേറ്ററില്‍ കഴിഞ്ഞ രോഗിയെ പിന്നീട് റൂമിലേക്ക് മാറ്റി. കാര്‍ഡിയോതൊറാസിക് സര്‍ജറി വിഭാഗം കണ്‍സള്‍ട്ടന്‍റ് ഡോ. വിപിന്‍ ബി. നായര്‍, അസോസിയേറ്റ് കണ്‍സള്‍ട്ടന്‍റ് ഡോ. സൈന സൈനുദ്ദീന്‍, കാര്‍ഡിയോതൊറാസിക് അനസ്തേഷ്യ വിഭാഗം കണ്‍സള്‍ട്ടന്‍റുമാരായ ഡോ. എസ്. സുഭാഷ്, ഡോ. അനില്‍ രാധാകൃഷ്ണ പിള്ള എന്നിവരും എട്ടു മണിക്കൂര്‍ നീണ്ട ഈ ശസ്ത്രക്രിയയില്‍ പങ്കെടുത്തു.

വേളാവൂർ-മൺവിളമുകൾ റോഡ് സഞ്ചാരയോഗ്യമാക്കണമെന്ന് ആവശ്യം

വെഞ്ഞാറമൂട് : വേളാവൂർ ക്ഷേത്രം വഴി മൺവിളമുകൾ ഭാഗത്തേക്കുള്ള റോഡ് തകർന്നിട്ടു വർഷങ്ങളായി. റോഡിന്‍റെ വേളാവൂർ വാർഡ് ഉൾക്കൊള്ളുന്ന 600 മീറ്ററോളം വരുന്ന ഭാഗം കാൽനട യാത്രക്കാർക്കു പോലും സഞ്ചാരയോഗ്യമല്ലാത്ത അവസ്ഥയാണ്. ഇത് അടിയന്തരമായി നന്നാക്കണമെന്നും വേളാവൂർ സൗത്ത് റസിഡന്‍റസ് അസോസിയേഷൻ അധികൃതരോട് ആവശ്യപ്പെട്ടു. വാമനപുരം ബ്ലോക്ക് പഞ്ചായത്ത്, മാണിക്കൽ ഗ്രാമപഞ്ചായത്ത് എന്നിവിടങ്ങളിൽ പലതവണ ഇക്കാര്യം അറിയിച്ചെങ്കിലും ഫലമു ണ്ടായിട്ടില്ലെന്ന അസോസിയേഷൻ പ്രസിഡന്‍റ് എസ്.എസ്. ചന്ദ്രകുമാർ, സെക്രട്ടറി എസ്. ഹസീന എന്നിവർ പറഞ്ഞു. വേളാവൂർ- പ്ലാക്കീഴ് റോഡിനേയും കഴക്കൂട്ടം ബൈപാസ് റോഡിനേയും ബന്ധിപ്പിക്കുന്ന അതീവ പ്രാധാന്യമുള്ള ഈ റോഡിലൂടെ സ്കൂൾ ബസുകൾ ഉൾപ്പെടെ നിരവധി വാഹനങ്ങളാണ് ദിവസവും കടന്നു പോകുന്നത്. മെറ്റലുകൾ ഇളകിയും കുഴികൾ രൂപപ്പെട്ടും അപകടകരമായ നിലയിലാണ് ഈ റോഡ്. പണിക്ക് ടെണ്ടർ വിളിച്ചിട്ടും ഏറ്റെടുക്കാൻ കോൺട്രാക്ടർമാർ മുന്നോട്ടു വരുന്നില്ലെന്ന മുടന്തൻ ന്യായമാണ് അധികൃതർ പറയുന്നതെന്നും ഭാരവാഹികൾ പറഞ്ഞു.

നെടുമങ്ങാട് നഗരസഭ പാർക്കിംഗ് യാർഡിൽ നായ്ക്കളുടെ വന്ധ്യംകരണ യൂണിറ്റ് സ്ഥാപിക്കാനുള്ള ശ്രമം തടഞ്ഞു

നെടുമങ്ങാട്: നഗര മധ്യത്തിൽ തെരുവു നായ്ക്കളുടെ വന്ധ്യംകരണ യൂണിറ്റ് സ്ഥാപിക്കാനുള്ള ശ്രമം നാട്ടുകാർ തടഞ്ഞു. നഗരസഭയുടെ പാര്‍ക്കിംഗ് യാര്‍ഡിലാണ് വന്ധ്യംകരണ യൂണിറ്റ് സ്ഥാപിക്കാനായി എത്തിച്ചത്. നെടുമങ്ങാട് ജില്ലാ ആശുപത്രി കുട്ടികളുടെ വാര്‍ഡുകള്‍ക്കു പുറകിലും ഗേള്‍സ് ഹയര്‍സെക്കന്‍ഡറി സ്‌കൂളിനു സമീപത്തെ ജനവാസമേഖലയിലുമാണ് യൂണിറ്റ് സ്ഥാപിക്കാനായി ശ്രമിച്ചത്. സംഭവമറിഞ്ഞെത്തിയ സ്ത്രീകൾ ഉൾപ്പെടെയുള്ള നാട്ടുകാര്‍ പ്രതിഷേധവുമായി രംഗത്തെത്തി. നഗരസഭയിലെ 39 വാര്‍ഡുകളിലെ നായ്ക്കളെ പിടികൂടി ഈ യൂണിറ്റില്‍ എത്തിച്ചു വദ്ധ്യംകരണം നടത്തി നാലു ദിവസത്തോളം പാർപ്പിച്ചതിനു ശേഷം തിരികെ അതേ വാർഡുകളില്‍ കൊണ്ടുവിടുമെന്നാണ് അധികൃതര്‍ വിശദീകരിക്കുന്നത്. ഈ പദ്ധതി പൂര്‍ത്തിയാകാന്‍ ഏകദേശം ഒരു വര്‍ഷമെടുക്കുമെന്നും അതുവരെ 25-ൽ അധികം കുടുംബങ്ങളിൽ താമസിക്കുന്നവരുടെ സ്വൈര ജീവിതത്തിനു തടസമാകുമെന്നാണ് നാട്ടുകാര്‍ പറയുന്നത്. സ്വകാര്യ ബസുകള്‍ സര്‍വീസ് ആരംഭിക്കുന്നത് ഇവിടെ നിന്നാണ്. ദിവസേന നൂറുകണക്കിനു ജനങ്ങള്‍ പ്രഭാത നടത്തത്തിന് ആശ്രയിക്കുന്നതും പാര്‍ക്കിങ് യാർഡിനു സമീപത്തെ റോഡിനെയാണ്. യൂണിറ്റിനോടൊപ്പമെത്തിയ മൃഗസംരക്ഷണ വകുപ്പ് ഉദ്യോഗസ്ഥരുമായി ചര്‍ച്ചനടത്തി. നഗരസഭയുമായി ബന്ധപ്പെട്ടു മാത്രമേ തീരുമാനം നടപ്പിലാക്കുകയുള്ളുവെന്ന് ഉറപ്പു നല്‍കിയതായി നാട്ടുകാർ അറിയിച്ചു. അതാതു വാര്‍ഡുകളിൽ പിടിക്കുന്ന നായകളെ വന്ധ്യംകരിച്ച് ടാഗുകെട്ടി തിരികെ പിടിച്ച പ്രദേശങ്ങളില്‍ തന്നെ തിരികെ എത്തിക്കുന്ന പദ്ധതിയാണ് ഇതെന്നും മൂന്നുമാസത്തെ കാലാവധിക്കുള്ളില്‍ പൂര്‍ത്തീകരിക്കുമെന്നും വാഹന സൗകര്യമുള്ള ഇടങ്ങളില്‍ മാത്രമേ പദ്ധതിനടപ്പിലാക്കാന്‍ കഴിയൂവെന്നും ജനങ്ങള്‍ ആശങ്കപ്പെടേണ്ട കാര്യമില്ലെന്നും തെറ്റിധാരണയുടെ പുറത്താണ് ജനങ്ങള്‍ വാഹനം തടഞ്ഞതെന്നും നഗരസഭ സെക്രട്ടറി ആര്‍. കുമാര്‍ പറഞ്ഞു. പ്രദേശ വാസികള്‍ക്കായി ഈ പദ്ധതിയെക്കുറിച്ച് ബോധവത്കരണം നടത്തിയതിനുശേഷം മാത്രമേ പദ്ധതി നടപ്പാക്കുകയുള്ളു വെന്ന് അദ്ദേഹം പറഞ്ഞു.

ടിപ്പർ ലോറി ഇടിച്ച് ബൈക്ക് യാത്രികൻ മരിച്ചു

പോത്തൻകോട്: കൊഞ്ചിറ ചാത്തമ്പാട്ട് ടിപ്പർ ലോറി ഇടിച്ച് ബൈക്ക് യാത്രികൻ മരിച്ചു. ചിറ്റാറ്റുമുക്ക് പള്ളി നടയിൽ ആർഎൽ ഹൗസിൽ താമസിക്കുന്ന അബ്ദുൾ റഹീം (45) ആണ് മരിച്ചത്. കൂടെ സഞ്ചരിച്ചിരുന്ന ഭാര്യ നസീഹയ്ക്ക് ഗുരുതരമായി പരിക്കേറ്റു. ഇന്നലെ ഉച്ചകഴിഞ്ഞ് മൂന്നിന് പോത്തൻകോട് വെമ്പായം റോഡിലെ കൊഞ്ചിറ ചാത്തൻപാട് വച്ചായിരുന്നു അപകടം. ടിപ്പർ ബൈക്കിനെ ഓവർടേക്ക് ചെയ്യുന്നതിന് ആണ് അപകടം സംഭവിച്ചത്. പോത്തൻകോട് പോലീസ് കേസ്‌ എടുത്തു.

അജ്ഞാത മൃതദേഹം മോര്‍ച്ചറിയില്‍

പേരൂര്‍ക്കട: തിരുവനന്തപുരം ജനറല്‍ ആശുപത്രിയില്‍ ചികിത്സയിലിരിക്കെ മരണപ്പെട്ടയാളുടെ മൃതദേഹം മോര്‍ച്ചറിയില്‍. ബീസന്ത് റാവു 65 വയസ്സ് എന്നുമാത്രമാണ് ആശുപത്രിരേഖകളില്‍ ഉള്ളത്. കുറച്ചുനാള്‍ മുമ്പ് ഇദ്ദേഹം ഊളമ്പാറ മാനസികാരോഗ്യ കേന്ദ്രത്തില്‍ പ്രവേശിപ്പിക്കപ്പെട്ടിരുന്നു. അസുഖബാധിതനായതിനെത്തുടര്‍ന്ന് തിരുവനന്തപുരം ജനറല്‍ ആശുപത്രിയിലേക്കു മാറ്റുകയായിരുന്നു. ഇവിടെ ചികിത്സയിലിരിക്കെ 19ന് വൈകുന്നേരം 5.45നായിരുന്നു മരണം. വയോധികനെക്കുറിച്ച് എന്തെങ്കിലും വിവരം ലഭിക്കുന്നവര്‍ പേരൂര്‍ക്കട പോലീസ് സ്റ്റേഷനുമായി ബന്ധപ്പെടണം. ഫോണ്‍: 0471 2433243 (പേരൂര്‍ക്കട സ്റ്റേഷന്‍), 9497980011 (പേരൂര്‍ക്കട എസ്ഐ).

നിയമസഹായവേദി സംഘടിപ്പിച്ചു

തിരുവനന്തപുരം: കേരള സർവകലാശാല ഇവയുടെ ആഭിമുഖ്യത്തിൽ കേരള സർവകലാശാലയുടെ നിയമപഠന വകുപ്പ് വെങ്ങാനൂർ പഞ്ചായത്തിലെ ഡോ. അംബേദ്‌കർ ഗ്രാമം വാർഡിൽ നിയമ അവബോധ ക്ലാസ്, സ്‌കിറ്റുകൾ, നിയമ സഹായവേദി എന്നിവ സംഘടിപ്പിച്ചു. ജില്ലാ ലീഗൽ സർവീസ് മെമ്പർ സെക്രട്ടറി ഷംനാദ് എസ് ഉദ്ഘാടനം ചെയ്‌തു. ഡോ. ബി ആർ അംബേദ്‌കർ ചെയർ ഹോണററി ഡയറക്‌ടർ പ്രഫ. ഡോ. സിന്ധു തുളസീധരൻ അധ്യക്ഷത വഹിച്ചു. വെങ്ങാനൂർ പഞ്ചായത്ത് പ്രസിഡനന്‍റ് എ. വിജയ പ്രദീപൻ, ജില്ലാ പഞ്ചായത്ത് മെമ്പർ ഭഗത് റൂഫസ്, ഡോ. അംബേദ്‌കർ ഗ്രാമം വാർഡ് മെമ്പർ എസ്. പ്രമീള എന്നിവർ പങ്കെടുത്തു.

ആയുർവേദ ദിനാചരണം സംഘടിപ്പിച്ചു

തിരുവനന്തപുരം: സോമതീരം ആയുർവേദിക് ഹെൽത്ത് റിസോർട്ടിന്‍റെ ആഭിമുഖ്യത്തിൽ ദേശീയ ആയുർവേദ ദിനാചരണം സംഘടിപ്പിച്ചു. ജനറൽ മാനേജർ അജിത്ത് പ്രസാദ് അധ്യക്ഷത വഹിച്ചു. അഡ്വ. എം. വിൻസന്‍റ് എംഎൽഎ ഉദ്ഘാടനം നിർവഹിച്ചു. ആയുർവേദ കോളജ് മുൻ പ്രിൻസിപ്പലും വേദ ആയുർവേദ ഹോസ്പിറ്റൽ മാനേജിംഗ് ഡയറക്ടറുമായ ഡോ. എൻ. ബാബു വിജയാനന്ദൻ, ലക്ഷ്മിക്കുട്ടിയമ്മ, സോമതീരം ആയുർവേദ ഹെൽത്ത് ഗ്രൂപ്പ് ഡോക്ടർമാരായ ജോബിൻ ബാബു, ലാൽ, മോളിഅമ്മ ജോസഫ്, യോഗാചാര്യൻ ജെയിംസ് വർഗീസ് തുടങ്ങിയവർ പ്രസംഗിച്ചു. നൂറോളം വിദേശികൾ പങ്കെടുത്ത യോഗത്തിൽ ബേസിക് പ്രിൻസിപ്പൽസ് ഓഫ് ആയുർവേദ എന്ന വിഷയത്തിൽ സോമതീരം ഹെൽത്ത്‌ റിസർച്ച് അസിസ്റ്റന്‍റ് ഡോ. സംഗീതയുടെ നേതൃത്വത്തിൽ ഏകദിന സെമിനാറും സംഘടിപ്പിച്ചു.

ഗ്രാമവണ്ടി ഉദ്ഘാടനം ചെയ്തു

കാട്ടാക്കട: കാട്ടാക്കടയിലും ഗ്രാമവണ്ടി യാത്ര തുടങ്ങി. മണ്ഡലത്തിലെ ആദ്യ ഗ്രാമവണ്ടിയുടെ ഉദ്ഘാടനം ഐ.ബി. സതീഷ് എംഎൽഎ നിർവഹിച്ചു. മണ്ഡലത്തിലെ ഒന്നാം വാർഡായ പാമാംകോടുനിന്നും താന്നിവിള കുടുംബാരോഗ്യകേന്ദ്രത്തിലേക്കായിരുന്നു ആദ്യ സർവീസ്. ഉൾപ്രദേശങ്ങളിലേക്കും പൊതുഗതാഗതം ലഭ്യമാകാത്തതുമായ സ്ഥലങ്ങളിലേക്കും ചുരുങ്ങിയ ചെലവിൽ ജനങ്ങൾക്ക് പൊതുഗതാഗത സൗകര്യം ഒരുക്കുന്ന സർക്കാർ പദ്ധതിയാണിത്. പ്രദേശത്തെ യാത്രാദുരിതം പരിഹരിക്കാൻ പദ്ധതിക്കു കഴിയുമെന്നു ബന്ധപ്പെട്ടവർ ചൂണ്ടിക്കാട്ടി.

ദേശീയ ആയുർവേദ ദിനാചരണം

നെടുമങ്ങാട്: ആനാട് ഗവ.ആയുർവേദ ആശുപത്രിയും പഞ്ചായത്തും സംയക്തമായി 10-ാമത് ദേശീയ ആയുർവേദ ദിനാചരണം സംഘടിപ്പിച്ചു. എസ്എൻവി ഹയർ സെക്കൻഡറി സ്‌കൂളിലെ എൻഎസ്എസ് യൂണിറ്റ്, ഐസിഡിഎസ് ആനാട് സെക്ടർ, കുടുംബശ്രീ പ്രവർത്തകർ പങ്കെടുത്തു. പഞ്ചായത്ത് പ്രസിഡന്‍റ് എൻ.ശ്രീകല ഉദ്ഘാടനം നിർവഹിച്ചു. വൈസ് പ്രസിഡന്‍റ് പാണയം നിസാർ അധ്യക്ഷത വഹിച്ചു. ചീഫ് മെഡിക്കൽ ഓഫീസർ ഡോ. മിനി ഹബീബ്, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ വേങ്കവിള സജി, ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ലീലാമ്മ ടീച്ചർ, വികസന സ്റ്റാൻഡിംഗ് കമ്മിറ്റി ചെയർപേഴ്സൺ എസ്. ഷൈലജ, എച്ച്എംസി അംഗങ്ങളായ ഹരിദാസ്, വഞ്ചുവം ഷറഫ്, മുരളീധരൻ നായർ, കോ-ഓർഡിനേറ്റർ നിമ്മി ടീച്ചർ, മെഡിക്കൽ ഓഫീസർ ഡോ. ദീപ രാജ്, ഡോ. രോഹിത് ജോൺ, ഡോ. ജിഷ, ഡോ.അപർണ, ഡോ. പൂർണിമ, ഡോ. വിഷ്ണു മോഹൻ, ഹൗസ് സർജൻമാർ, സ്റ്റാഫ് നേഴ്‌സുമാരായ അജിത, ശ്രീദേവി എന്നിവർ നൽകി.

കോട്ടുകാല്‍ ഗവ. എല്‍പി സ്കൂളില്‍ പ്രവൃത്തി പരിചയമേള

നെയ്യാറ്റിന്‍കര: കോട്ടുകാല്‍ ഗവ. എല്‍പി സ്കൂളില്‍ നടന്ന പ്രവൃത്തിപരിചയമേള ശ്രദ്ധേയമായി. പേപ്പർ ക്രാഫ്റ്റില്‍ എസ്.എസ്. വിസ്മയയും ഇലക്ട്രിക് വയറിംഗില്‍ സാരംഗ് പി. വിവേകും ഒന്നാം സ്ഥാനത്തെത്തി. ഫാബ്രിക് പെയിന്‍റിംഗില്‍ എം.എ. നന്ദിത, മുത്തു കൊണ്ടുള്ള ഉത്പന്ന നിര്‍മാണത്തില്‍ ജെ.ആര്‍. ആദിദേവ്, വെജിറ്റബിൾ പ്രിന്‍റിംഗില്‍ എ.പി. അബിഷിക, നമ്പർ ചാർട്ടില്‍ ആര്‍. ഇവാനിയ ബാനർജി, സ്റ്റിൽ മോഡലില്‍ എ.എസ്. കാശിനാഥ് എന്നിവര്‍ ഒന്നാം നേടി. ജോമെട്രിക്കൽ ചാർട്ടില്‍ ജെ.എസ്. അഭിന, സിമ്പിൾ എക്സ് പെരിമെന്‍റില്‍ ആര്‍. ശിവാനി, കളക്‌ഷൻസില്‍ ആര്‍. ദേവാമൃത, സയൻസ് കളക്‌ഷനില്‍ എസ്.എം. ഋതുനന്ദ എന്നിവര്‍ക്കാണ് ഒന്നാം സ്ഥാനം.

പനമ്പിള്ളി സാംസ്കാരിക പഠനകേന്ദ്രം മധുവിനെ ആദരിച്ചു

തിരുവനന്തപുരം: തൊണ്ണൂറ്റിരണ്ടാം പിറന്നാൾ ആഘോഷിക്കുന്ന നടൻ മധുവിനെ പനമ്പിള്ളി പഠനകേന്ദ്രം ഭാരവാഹികൾ ആദരിച്ചു. പനമ്പിള്ളി സാംസ്കാരിക പഠനകേന്ദ്രത്തിന്‍റെ ചെയർമാനും മുൻ ഡെപ്യൂട്ടി സ്പീക്കറുമായ പാലോട് രവി പൊന്നാടയണിയിച്ചു. ചെമ്പഴന്തി അനിൽ, വി.ആർ. പ്രതാപൻ, എസ്. കൃഷ്ണകുമാർ, കെ.എം. അബ്ദുൽ സലാം, സുഭാഷ്, കുമാരപുരം രാജേഷ് എന്നിവർ പങ്കെടുത്തു.

നാഗേന്ദ്ര പുരസ്കാരം ഡോ. ബിജു ബാലകൃഷ്ണന്

നെയ്യാറ്റിൻകര: നടൂർക്കൊല്ല ശ്രീ സരസ്വതി ക്ഷേത്രം ട്രസ്റ്റിന്‍റെ ഈ വർഷത്തെ നാഗേന്ദ്ര പുരസ്കാരം കവിയും ഗുരുവായൂര്‍ ശ്രീകൃഷ്ണ കോളജിലെ അധ്യാപകനുമായ ഡോ. ബിജു ബാലകൃഷ്ണനു സമ്മാനിക്കും. വിദ്യാരംഭ ദിനത്തില്‍ രാവിലെ 10.30ന് നടക്കുന്ന ചടങ്ങില്‍ സി.കെ. ഹരീന്ദ്രന്‍ എംഎല്‍എ പുരസ്കാരം സമര്‍പ്പിക്കും. ട്രസ്റ്റിന്‍റെ 46-ാമത് വാർഷികാഘോഷവും നവരാത്രി മഹോത്സവവും ഇന്നു മുതൽ ഒക്ടോബർ രണ്ടു വരെ നടക്കുമെന്നും ഭാരവാഹികള്‍ അറിയിച്ചു. രണ്ടിനു രാവിലെ 7.30ന് വിദ്യാരംഭം. 8.30ന് പാല്‍ പൊങ്കാല എന്നിവയും നടക്കും.

വീട്ടമ്മയെയും മകളെയും ഇറക്കി വിട്ടതായി പരാതി

പാറശാല : നെടിയാംകോട് മണിവിള കട്ടറത്തല വീട്ടില്‍ രാജി (55)യെയും മകളെയും ഒരു കൂട്ടം അക്രമി സംഘം വീട്ടില്‍നിന്നും ബലമായി ഇറക്കി വിട്ടതായി പരാതി. രാജിയുടെ അമ്മയുടെയും അച്ഛന്‍റെയും വസ്തുവിലാണ് രാജിയും മകളും കുടിൽകെട്ടി താമസിക്കുന്നത്. പശു വളര്‍ത്തലാണ് ഇവരുടെ തൊഴില്‍. കഴിഞ്ഞ ദിവസം രാത്രി 12.45ന് റോബര്‍ട്ട് എന്നു പറയുന്ന ആളിന്‍റെ നേതൃത്വത്തില്‍ പത്തംഗ ഗുണ്ടാസംഘം രാജിയും മകളും താമസിച്ചിരുന്ന കുടിലിനെ വലിച്ചു പൊളിക്കുകയും അവരുടെ വളര്‍ത്തു മൃഗങ്ങളെ കയറുവെട്ടി വിടുകയുമായിരുന്നു. ഇവര്‍ തിരുവനന്തപുരം കന്‍റോൺമെന്‍റ് പോലീസിനെ വിവരം അറിയിച്ചു. ഇവിടെനിന്ന് അറിയിച്ചതനുഅനുസരിച്ച് പാറശാല പോലീസ് സംഘമെത്തി അക്രമികളെ കൊണ്ടു തന്നെ അഴിച്ചുവിട്ട പശുക്കളെ പിടിച്ചുകെട്ടി. കുടിൽ നശിപ്പിക്കപ്പെട്ടതിനാൽ റോഡു വക്കില്‍ കട്ടിലിട്ട് അതിലാണു രാജിയും മകളും കിടക്കുന്നത്. പശുക്കള്‍ക്ക് ആഹാരം കൊടുക്കാന്‍ പോലും കഴിയാത്ത സാഹചര്യമാണ്. രാജിയും മകളും പാറശാല പോലീസില്‍ പരാതി നല്‍കിയതനുസരിച്ച് അക്രമിക്കെതിരെ കേസെടുത്ത് അന്വേഷണം തുടങ്ങി.

എന്‍എസ്എസ് ദിനാഘോഷം ഇന്ന്

നെയ്യാറ്റിന്‍കര : രാഷ്ട്രപിതാവ് മഹാത്മാഗാന്ധിയുടെ ജന്മശതാബ്ദി വര്‍ഷത്തില്‍ രൂപംകൊണ്ട നാഷണല്‍ സര്‍വീസ് സ്കീമിന്‍റെ പിറന്നാള്‍ ഇന്ന്. യൂണിറ്റുകളുള്ള വിദ്യാലയങ്ങളില്‍ വൈവിധ്യമാര്‍ന്ന പരിപാടികള്‍ അരങ്ങേറും. വിദ്യാർഥികളിൽ സാമൂഹിക സേവനബോധം വളർത്തുക എന്ന ലക്ഷ്യത്തോടെ 1969-ൽ ആരംഭിച്ച കേന്ദ്ര സർക്കാർ പദ്ധതിയാണ് എന്‍എസ്എസ് എന്ന ചുരുക്കപ്പേരില്‍ അറിയപ്പെടുന്നത. പരിസ്ഥിതി സംരക്ഷണത്തിന്‍റെ ഭാഗമായി വൃക്ഷത്തൈകള്‍ നടീല്‍, ബോധവത്കരണ പരിപാടികള്‍ എന്നിവ മുതല്‍ രക്തദാനം, ഭവനനിര്‍മാണം വരെ വ്യത്യസ്തങ്ങളായ പദ്ധതികള്‍ സാമൂഹ്യ പ്രതിബദ്ധതയോടെ പല യൂണിറ്റുകളും നടപ്പിലാക്കിയിട്ടുണ്ട്. സംസ്ഥാന ഹയര്‍സെക്കന്‍ഡറി വിഭാഗം നാഷണല്‍ സര്‍വീസ് സ്കീമിന്‍റെ നേതൃത്വത്തില്‍ എന്‍എസ്എസ് ദിനമായ ഇന്ന് ജീവിതോത്സവം എന്ന പുതിയ പദ്ധതിക്കും തുടക്കം കുറിക്കും. ലഹരിമുക്ത കൗമാരം മുന്‍നിർത്തി രൂപകല്‍പ്പന ചെയ്ത 21ദിന ചലഞ്ചുകള്‍ ഉള്‍പ്പെടുന്നതാണ് ജീവിതോത്സവം പദ്ധതി. കൗമാരക്കാരായ ഹയർസെക്കൻഡറി വിദ്യാർഥികളുടെ സർഗശേഷിയും ഊർജവും അഭിലഷണീയമായ പുതുവഴികളിലൂടെ ചിട്ടയോടെ പ്രസരിപ്പിച്ച് ആധുനിക ജനാധിപത്യ സമൂഹങ്ങൾക്ക് അനുഗുണമാം വിധം അവരുടെ വ്യക്തിത്വം സ്ഫുടം ചെയ്തെടുക്കുകയാണ് പ്രധാന ലക്ഷ്യം. പദ്ധതിയുടെ സംസ്ഥാനതല ഉദ്ഘാടനം കോട്ടണ്‍ഹില്‍ ഗവ. ഹയര്‍സെക്കന്‍ഡറി സ്കൂളില്‍ ഇന്നു രാവിലെ 10.30ന് ചേരുന്ന ചടങ്ങില്‍ മന്ത്രി വി. ശിവന്‍കുട്ടി നിര്‍വഹിക്കും.

മൊബൈല്‍ഫോണും പണവും കവര്‍ന്ന രണ്ടംഗസംഘം പിടിയില്‍

പേരൂര്‍ക്കട: ബസ് കാത്തുനില്‍ക്കുകയായിരുന്ന വീട്ടമ്മയുടെ മൊബൈല്‍ഫോണും പണവും കവര്‍ന്ന രണ്ടംഗ സംഘത്തെ ഫോര്‍ട്ട് പോലീസ് പിടികൂടി. പള്ളിച്ചല്‍ പെരിങ്ങോട്ടുകോണം തുണ്ടുവിളാകത്തു വീട്ടില്‍ ഉദയകുമാര്‍ (38), വള്ളക്കടവ് പുത്തന്‍‌റോഡ് ജംഗ്ഷന്‍ പുതുവല്‍ പുത്തന്‍വീട്ടില്‍ ഹാജ (32) എന്നിവരാണ് പിടിയിലായത്. സെപ്തംബര്‍ 20നു വൈകുന്നേരം നാലോടെയായിരുന്നു കേസിനാസ്പദമായ സംഭവം. വീട്ടിലേക്കു പോകുന്നതിനായി കിഴക്കേക്കോട്ടയില്‍ ബസ് കാത്തുനിന്ന ആറ്റുകാല്‍ പുത്തന്‍കോട്ട സ്വദേശിനി അംബികാദേവി (53) യുടെ ബാഗില്‍നിന്നാണു പ്രതികള്‍ ഫോണും പണവും കവര്‍ന്നത്. മോഷണവിവരം അറിഞ്ഞ വീട്ടമ്മ ഫോര്‍ട്ട് സ്റ്റേഷനില്‍ പരാതി നല്‍കിയിരുന്നു. പോലീസ് സിസിടിവി ദൃശ്യങ്ങള്‍ കേന്ദ്രീകരിച്ചു നടത്തിയ അന്വേഷണത്തില്‍ പുത്തരിക്കണ്ടം ഭാഗത്തുനിന്നാണ് പ്രതികള്‍ പിടിയിലായത്. ഇവരില്‍ നിന്നു മോഷണമുതലുകള്‍ കണ്ടെത്തി. ഉദയകുമാറിനെതിരേ വിവിധ സ്റ്റേഷനുകളില്‍ ക്രിമിനല്‍ക്കേസുകളുണ്ട്. ഇയാള്‍ മോഷ്ടിച്ചുകൊണ്ടുവരുന്ന മൊബൈല്‍ ഫോണുകള്‍ വിറ്റു പണം നല്‍കിയിരുന്നത് ഹാജയാണ്. ഫോര്‍ട്ട് സിഐ വി.ആര്‍. ശിവകുമാറിന്‍റെ നേതൃത്വത്തില്‍ എസ്‌സിപിഒമാരായ അഖിലേഷ്, അരുണ്‍രാജ്, ലിപിന്‍, സഞ്ജയ്, ഷൈനോജ് ഉള്‍പ്പെട്ട സംഘമാണ് പ്രതികളെ പിടികൂടിയത്. ഇവരെ കോടതി റിമാന്‍ഡ് ചെയ്തു.

ആയുർവേദ ദിനാചരണം: വാക്കത്തണ്‍ സംഘടിപ്പിച്ചു

പേരൂര്‍ക്കട: ആയുര്‍വേദ ദിനത്തോടനുബന്ധിച്ചു തിരുവനന്തപുരം ആയുര്‍വേദ കോളജിന്‍റെ നേതൃത്വത്തില്‍ ആയുര്‍ വാക്കത്തണ്‍ സംഘടിപ്പിച്ചു. കനകക്കുന്ന് കൊട്ടാര പരിസരം മുതല്‍ ആയുര്‍വേദ കോളജുവരെ നടത്തിയ വാക്കത്തണ്‍ സംസ്ഥാന ആയുഷ് മിഷന്‍ ഡയറക്ടര്‍ ഡോ. ഡി. സജിത്ത് ബാബു ഫ്‌ളാഗ് ഓഫ് ചെയ്തു. ആയുര്‍വേദ ഫോര്‍ പീപ്പിള്‍ ആൻഡ് പ്ലാനറ്റ് എന്നതാണ് ഈവര്‍ഷത്തെ ആയുര്‍വേദ ദിനത്തിന്‍റെ മുദ്രാവാക്യം. ആയുര്‍വേദ കോളജിലെ വിദ്യാര്‍ഥികള്‍, അധ്യാപകര്‍ തുടങ്ങിയവര്‍ വാക്കത്തണില്‍ പങ്കെടുത്തു.

സലൂണ്‍ സ്പായിലെ ആക്രമണം; രണ്ടാംപ്രതി പിടിയില്‍

പേരൂര്‍ക്കട: സലൂണിലെ ആക്രമണവുമായി ബന്ധപ്പെട്ട് രണ്ടാംപ്രതിയെ വഞ്ചിയൂര്‍ പോലീസ് പിടികൂടി. വാഴിച്ചാല്‍ പന്ത കാളാട്ടുകാവ് റോഡരികത്തു വീട്ടില്‍ ഇ. അരുണ്‍ (24) ആണ് പിടിയിലായത്. ഓഗസ്റ്റ് 24ന് വൈകുന്നേരം ആറോടെ വഞ്ചിയൂര്‍ സ്റ്റേഷന്‍ പരിധിയില്‍ കുന്നുംപുറത്ത് പ്രവര്‍ത്തിക്കുന്ന മെറാക്കി യൂണിസെക്‌സ് സലൂണ്‍ സ്പായിലായിരുന്നു ആക്രമണവും പിടിച്ചുപറിയും. സ്ഥാപനത്തിലെത്തിയ രണ്ടംഗസംഘം കളക്‌ഷന്‍ ആവശ്യപ്പെട്ടു. ഇതു നിരസിച്ചതിനു സ്ഥാപന ഉടമയായ ശ്രീകാര്യം സ്വദേശി അനന്തുവിനെയും സഹപ്രവര്‍ത്തകരെയും പ്രതികള്‍ ആക്രമിച്ചു പരിക്കേല്‍പ്പിക്കുകയായിരുന്നു. കൈകള്‍കൊണ്ടു ശരീരത്തില്‍ ഇടിക്കുകയും മുടിയില്‍ പിടിച്ചു വലിക്കുകയും ചെയ്ത പ്രതികള്‍ ഉടമയുടെ കൈവശമുണ്ടായിരുന്ന രണ്ടു സ്മാര്‍ട്ട് ഫോണുകള്‍ കൈക്കലാക്കി. തുടർന്നു സ്ഥാപനത്തിലെ വനിതാ ജീവനക്കാരിയുടെ ബാഗില്‍ സൂക്ഷിച്ചിരുന്ന 2000 രൂപയും മോഷ്ടിച്ചു. കൂടാതെ തിരിച്ചറിയല്‍ രേഖയും മേശമേലുണ്ടായിരുന്ന മറ്റുരണ്ടു മൊബൈല്‍ഫോണുകളും കവര്‍ന്ന സംഘം ഇവിടെനിന്നു രക്ഷപ്പെട്ടു. സിസിടിവി ദൃശ്യങ്ങള്‍ കേന്ദ്രീകരിച്ചു നടത്തിയ അന്വേഷണത്തില്‍ ഒന്നാംപ്രതിയും അരുണിന്‍റെ അയല്‍വാസിയുമായ അനന്തു (26) നേരത്തെ പിടിയിലായിരുന്നു. വിശദമായ അന്വേഷണത്തിനൊടുവില്‍ ഒളിവില്‍ക്കഴിഞ്ഞുവന്ന അരുണിനെ ഡല്‍ഹിയില്‍നിന്നാണ് പിടികൂടിയത്. അന്വേഷണ സംഘത്തില്‍ ശംഖുംമുഖം എസി അനുരൂപിന്‍റെ നിർദേശപ്രകാരം വഞ്ചിയൂര്‍ സിഐ ഷാനിഫ്, എസ്ഐ അലക്‌സ്, എസ്‌സിപിഒ ബിനോയി, ജോസ് എന്നിവര്‍ ഉണ്ടായിരുന്നു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.

പോത്തൻകോട്ട് വിദ്യാർഥികൾ ഏറ്റുമുട്ടി; ഒരാൾക്ക് കുത്തേറ്റു

പോത്തൻകോട്: കെഎസ്ആർടിസി ബസ് സ്റ്റാൻഡിൽ വിദ്യാർഥികൾ തമ്മിലുണ്ടായ സംഘർഷം ഒരാൾക്ക് കുത്തേറ്റു. ഇന്നലെ രാവിലെ ഒന്പതോടെയാണു വിദ്യാർഥികൾ തമ്മിൽ സംഘർഷം ഉണ്ടായത്. ഇതേ തുടർന്നു പള്ളിപ്പുറത്തുള്ള 17-കാരനു കൈയിൽ കുത്തേറ്റു. കഴിഞ്ഞദിവസം വൈകുന്നേരം വിദ്യാർഥികൾ തമ്മിൽ സംഘർഷം നടന്നിരുന്നു. ഇതിൽപ്പെട്ട വിദ്യാർഥികളെ പോലീസ് പിടികൂടി രക്ഷിതാക്കൾക്കൊപ്പം വിട്ടയച്ചിരുന്നു. അതിനു പിന്നാലെയാണ് ഇന്നത്തെ വീണ്ടും സംഘർഷമുണ്ടായതെന്നാണ് പോലീസ് കരുതുന്നത്. സംഘർഷമുണ്ടായ വിവരം അറിഞ്ഞ് പോലീസ് എത്തുമ്പോഴേക്കും കുത്തേറ്റ വിദ്യാർഥി ബസിൽ കയറി സ്കൂളിൽ പോയിരുന്നു. പിന്നീട് പോത്തൻകോട് സ്റ്റേഷനിൽ മാതാപിതാക്കുളുമായെത്തിയ വിദ്യാർഥി പരാതിയില്ലെന്നും ബസിൽവച്ചു പരിക്കുപറ്റിയതാണെന്നു പോലീസിൽ മൊഴി നൽകുകയും ചെയ്തു. സംഭവത്തിൽ പോത്തൻകോട് പോലീസ് അന്വേഷണം ആരംഭിച്ചു. പോത്തൻകോട് ബസ് സ്റ്റാൻഡിൽ വിദ്യാർഥികൾ തമ്മിൽ സ്ഥിരമായി സംഘർഷം നടക്കാറുണ്ടെന്നാണ് നാട്ടുകാർ പറയുന്നത്. പോത്തൻകോട് ബസ് സ്റ്റാൻഡിൽ നിരവധി സിസി‌ടിവി കാമറകൾ ഉണ്ടെങ്കിലും കാമറ ഇല്ലാത്ത സ്ഥലത്തായിരുന്നു ആക്രമണം നടന്നത്. സ്റ്റാൻഡിൽ വിദ്യാർഥികൾ തമ്മിൽ തല്ലുന്നത് പതിവായതോടെയാണ് പോത്തൻകോട് പഞ്ചായത്ത്‌ സിസിടിവി കാമറകൾ സ്ഥാപിച്ചത്. പരാതി ഇല്ലെങ്കിലും അക്രമം നടത്തിയ കുട്ടിയെ നിയമത്തിനു മുന്നിൽ കൊണ്ടുവരണമെന്നു പഞ്ചായത്ത്‌ പ്രസിഡന്‍റ് ടി.ആർ. അനിൽകുമാർ പറയുന്നു.

ബുദ്ധ പ്രതിമയും വീടും തകർത്ത യുവാവ് പിടിയിൽ

വിളപ്പിൽശാല: ബുദ്ധ പ്രതിമയും വീടും അടിച്ചു തകർക്കുകയും സുരക്ഷ കാമറകൾ മോഷ്ട്ടിക്കുകയും ചെയ്ത പ്രതി പിടിയിൽ. വിളപ്പിൽശാല മൂങ്ങോട് മൂക്കംപാലമൂട്ടിൽ വീടിനു നേരെ ആക്രമണം കരിവിലാഞ്ചി ബിപിൻ ഭവനിൽ വിഷ്ണു എന്ന ബിപിൻ(25) ആണ് അറസ്റ്റിലായത്. ഇതേ വീട്ടിൽ മുൻപും മോഷണശ്രമം നടന്നതിന് ബിപിന്‍റെ പേരിൽ പോലീസിൽ പരാതി നൽകിയതിലുള്ള വിരോധ ത്തി ലാണു വീണ്ടും ആക്രമണം നടത്തിയത്. ഈ സംഭവത്തിൽ ബിപിനോടൊപ്പമുണ്ടായിരുന്ന വിളപ്പിൽശാല ചൊവ്വള്ളൂർ സ്വദേശിയായ ആൽബിൻ നേരത്തെ പിടിയിലായിരുന്നു.

വിഴിഞ്ഞത്ത് "അഞ്ഞൂറാ'നായി എംഎസ്‌സി വെറോണ

വിഴിഞ്ഞം: പ്രവർത്തനം തുടങ്ങി പത്ത് മാസത്തിനുള്ളിൽ അഞ്ഞൂറ് ചരക്ക് കപ്പലും ബർത്തിലടുത്ത് ചരിത്രം സൃഷ്ടിച്ചു വിഴിഞ്ഞം. 500-മനായി ഇന്നലെ പുലർച്ചെ എത്തിയ എംഎസ്‌സി വെറോണ ആണ് പുതിയ റിക്കാർഡ് സൃഷ്ട‌ിച്ച് ഇന്ത്യയുടെ വണ്ടർ പോർട്ട് എന്ന പേര് വിഴിഞ്ഞത്തിന് സമ്മാനിച്ചത്. 17.1 മീറ്റർ ഡ്രാഫ്റ്റ്‌ (കപ്പലിന്‍റെ അടിത്തട്ടിൽ നിന്ന് ജലനിരപ്പ് വരെയുള്ള ഉയരം) ഉള്ള കപ്പൽ ചൊവ്വാഴ്ച പുലർച്ചെ നാലോടെയാണു വിഴിഞ്ഞത്ത് സുഗമമായി ബെർത്ത് ചെയ്തത്. 17 മീറ്റർ ആയിരുന്നു ഇതിനു മുന്നേയുള്ള ഇന്ത്യൻ തുറമുഖങ്ങളിലെ ഡ്രാഫ്റ്റ് റിക്കാർഡ്. ഇതുവരെ വിഴിഞ്ഞം കൈകാര്യം ചെയ്ത 500 കപ്പലുകളിൽ 30 എണ്ണം അൾട്രാ ലാർജ് കണ്ടെയ്നർ വെസൽസ് ആണ്. ഇന്ത്യയിലെ തന്നെ സുപ്രധാന പതിമൂന്ന് തുറമുഖങ്ങളിൽ ഒന്നിലും ഇത്രയും വമ്പൻ കപ്പലുകൾ കൈകാര്യം ചെയ്തിട്ടില്ല. 18–20 മീറ്റർ സ്വാഭാവിക ആഴവും, കുറഞ്ഞ തീരത്തടിയുമുള്ള വിഴിഞ്ഞം രാജ്യത്തെ പ്രധാന ട്രാൻഷിപ്പ്മെന്‍റ് ഹബ് എന്ന നിലയിൽ അതിവേഗം ഉയർന്നുവരികയാണ്.

കല്ലിയൂർ പഞ്ചായത്തിൽ പെൺകരുത്തിന് കളരി പരിശീലനം

നേമം: കല്ലിയൂർ പഞ്ചായത്തിൽ പെൺകുട്ടികൾക്കുള്ള കളരി പരിശീലനം തുടങ്ങി. നേമം ഗവ. യുപി സ്കൂളിൽ പഞ്ചായത്ത് പ്രസിഡന്‍റ് എം. സോമശേഖരൻ നായർ ഉദ്ഘാടനം ചെയ്തു. വിദ്യാഭ്യാസ സ്ഥിരം സമിതി അധ്യക്ഷ എസ്. പ്രീതാറാണി അധ്യക്ഷയായി. 2025-26 വാർഷിക പദ്ധതിയിലുൾപ്പെടുത്തിയാണ് പഞ്ചായത്ത് പരിധിയിലെ എൽപി, യുപി വിഭാഗത്തിലെ ഇരുന്നൂറു കുട്ടികൾക്കു രണ്ടു ഘട്ടങ്ങളിലായി പരിശീലനം നൽകുന്നത്. സ്വയം പ്രതിരോധത്തിനു പെൺകുട്ടികളെ സജ്ജരാക്കുക, ആത്മവിശ്വാസം വർധിപ്പിക്കുക എന്നിവയാണ് ലക്ഷ്യങ്ങൾ. പരിശീലനം പൂർത്തിയായാൽ പൊതു അവതരണവും നടക്കും. യോഗത്തിൽ പഞ്ചായത്തംഗം കെ.കെ. ചന്തുകൃഷ്ണ, എസ്എംസി ഭാരവാഹികളായ മായ, രേഖ, കൺവീനർ എസ്.എസ് അനൂപ, ഹെഡ്മാസ്റ്റർ എ.എസ്. മൻസൂർ, എസ്. പ്രേംകുമാർ തുടങ്ങിയവർ പ്രസംഗിച്ചു.

ക്രിസ്തുജയന്തി ചാരിറ്റബിൾ സൊസൈറ്റി വീടു നിർമിച്ചു നൽകി

തിരുവനന്തപുരം: ക്രിസ്തുജയന്തി ചാരിറ്റബിൾ സൊസൈറ്റിയുടെ ആഭിമുഖ്യത്തിൽ വഴയിലയ്ക്കു സമീപം വേറ്റിനാട് നിർമിച്ചു നൽകിയ ഭവനത്തിന്‍റെ വെഞ്ചെരിപ്പുകർമം സൊസൈറ്റി പ്രസിഡന്‍റും ചങ്ങനാശേരി അതിരൂപത വികാരി ജനറാളും ലൂർദ് ഫൊറോന വികാരിയുമായ റവ. ഡോ. ജോണ്‍ തെക്കേക്കര നിർവഹിച്ചു. വട്ടിയൂർക്കാവ് എംഎസ്എഫ്എസ് പള്ളി വികാരി ഫാ. ബേബി ഇലഞ്ഞിമറ്റം, സൊസൈറ്റി വൈസ് പ്രസിഡന്‍റ് സിറിയക് ജോസഫ്, ടി.സി. പോൾ, സൊസൈറ്റി ഭാരവാഹികൾ എന്നിവർ പങ്കെടുത്തു. സൊസൈറ്റി സുവർണ ജൂബിലിയുടെ ഭാഗമായി ഭവനരഹിതർക്ക് അഞ്ചു വീടുകൾ നിർമിച്ചു നൽകുന്ന പദ്ധതിയുടെ ഭാഗമായിരുന്നു ഇത്.

പോലീസ് കോണ്‍സ്റ്റബിളിന്‍റെ ആത്മഹത്യ; കേസ് ക്രൈംബ്രാഞ്ചിന് കൈമാറി

പേരൂര്‍ക്കട: എസ്എപി ക്യാമ്പിലെ റിക്രൂട്ട് പോലീസ് കോണ്‍സ്റ്റബിളിനെ ഓഫീസിലെ ബാരക്കിനുള്ളില്‍ തൂങ്ങിമരിച്ച നിലയില്‍ കണ്ടെത്തിയ സംഭവത്തില്‍ തുടരന്വേഷണം ക്രൈം ബ്രാഞ്ചിന് കൈമാറി. ജില്ലാ ക്രൈംബ്രാഞ്ചിനാണ് അന്വേഷണച്ചുമതല. വിതുര തേപ്പാറ കരിപ്പാലം അരവിന്ദ് ഭവനില്‍ പരേതനായ അശോകന്‍-ചന്ദ്രിക ദമ്പതികളുടെ മകന്‍ ആനന്ദിനെ (24) വ്യാഴാഴ്ച രാവിലെയാണ് ബാരക്കിനുള്ളില്‍ തൂങ്ങിമരിച്ച നിലയില്‍ കണ്ടെത്തുന്നത്. ഉദ്യോഗസ്ഥരുടെ മാനസിക പീഡനം ഉണ്ടായിരുന്നുവെന്നും അന്വേഷണം വേണമെന്നും ബന്ധുക്കള്‍ ആവശ്യപ്പെട്ടിരുന്നു. പേരൂര്‍ക്കട പോലീസ് സംഭവത്തില്‍ കേസെടുത്തിരുന്നു. ഇതിനിടെയാണ് അന്വേഷണം ക്രൈംബ്രാഞ്ചിന് കൈമാറിക്കൊണ്ട് തീരുമാനമായിട്ടുള്ളത്

വിഴിഞ്ഞം മുഹിയുദീൻ പള്ളി ഉറൂസിനു കൊടിയേറി

വിഴിഞ്ഞം: വിഴിഞ്ഞം മുഹിയുദീൻ പള്ളി ഉറൂസിനു കൊടിയേറി. തെക്കുംഭാഗം മുസ്‌ലിം ജമാഅത്ത് പ്രസിഡന്‍റ് എം. മുഹമ്മദ് അബ്ദുൽ ഖാദർ പതാക ഉയർത്തിയതോടെയാണ് ഉറൂസിനു തുടക്കമായത്. വൈകുന്നേരം നാലരയോടെ നടന്ന ഘോഷയാത്രയിൽ നൂറുകണക്കിനു വിശ്വാസികൾ പങ്കെടുത്തു. ഘോഷയാത്ര ഹാർബർ റോഡ്, ടൗൺഷിപ്പ്, ആഴാകുളം, തിയേറ്റർ ജംഗ്ഷൻ, വിഴിഞ്ഞം ജംഗ്ഷൻ, ബീച്ച് റോഡ് വഴി മുഹിയുദീൻ പള്ളി ദർഗയിൽ സമാപിച്ചു. ജമാഅത്ത് ഭാരവാഹികൾ, മുൻ ഭാരവാഹികൾ, മദ്രസ മാനേജിംഗ് കമ്മിറ്റി ഭാരവാഹികൾ, മദ്രസ അധ്യാപകർ തുടങ്ങിയവർ ഘോഷയാത്രയ്ക്കു നേതൃത്വം നൽകി. കൊടിയേറ്റിനുശേഷം ചീഫ് ഇമാം സയ്യിദ് അബ്ദുൽ ഹക്കീം അൽ ബുഖാരി തങ്ങൾ സമൂഹ പ്രാർഥന നിർവഹിച്ചു. മണക്കാട് സെൻട്രൽ മസ്ജിദ് ചീഫ് ഇമാം മൗലവി നവാസ് മന്നാനി പനവൂർ മതപ്രഭാഷണം നടത്തി. ഒക്ടോബർ മൂന്നിന് പുലർച്ചെ മൗലിദ് പാരായണം, അന്നദാനം എന്നിവയോടുകൂടി ഉറൂസ് സമാപിക്കും.

മകന്‍റെ കൈയിൽനിന്നു വസ്തു വാങ്ങി : ഗൃഹനാഥനെ പുറത്താക്കാൻ വയോധിക ക്വട്ടേഷൻ നൽകി: ഏഴുപേർ പിടിയിൽ

വിഴിഞ്ഞം : മകന്‍റെ കൈയിൽ നിന്ന് വീടും വസ്തുവും വാങ്ങിയ ഗൃഹനാഥനെ വീട്ടിൽ നിന്നു പുറത്താക്കാൻ വയോധികയുടെ വക ക്വാട്ടേഷൻ. ഉത്തരേന്ത്യൻ അതിഥി തൊഴിലാളികളെയും കൂട്ടിയെത്തിയ സംഘം ഗുഹനാഥന്‍റെ കൈയും കാലും തല്ലിയൊടിച്ച് അവശനിലയിലാക്കി. സംഭവവുമായി ബന്ധപ്പെട്ട് വയോധിക ഉൾപ്പെടെ ഏഴു പേരെ വിഴിഞ്ഞം അറസ്റ്റ് ചെയ്തു. വിഴിഞ്ഞം ഉച്ചക്കട ആർ.സി. ഭവനിൽ ചന്ദ്രിക (67), ഇവരുടെ ക്വട്ടേഷൻ ഏറ്റെടുത്ത് കൃത്യം നടത്തിയ കോട്ടുകാൽ ഉച്ചക്കട സുനിൽ ഭവനിൽ സന്തോഷ് എന്ന സുനിൽകുമാർ (46), കാഞ്ഞിരംകുളം മല്ലൻ കുളം ചുണ്ടയിൽപേട്ട് കടയാറ പുത്തൻവീട്ടിൽ ഷൈജു എന്ന സുനിൽ (41), കാഞ്ഞിരംകുളം സിഎസ്ഐ പള്ളിക്ക് സമീപം പുളിനിന്നവീട്ടിൽ രാകേഷ് (29), ഉച്ചക്കട ഫോക്കസ് ട്യൂഷൻ സെന്‍ററിനു സമീപം എസ്.എസ്. നിവാസിൽ അനൂപ് (29), ഛാർഖണ്ഡ് സ്വദേശികളായ ഭഗത്കുമാർ (25), ശശികുമാർ (18) എന്നിവരാണ് പിടിയിലായത്. ഇവരുടെ ആക്രമണത്തിൽ ഗുരുതരമായി പരിക്കേറ്റ ഉച്ചക്കട പുലിവിള ആർ.സി. ഭവനിൽ വിശ്വാമിത്ര(61) നെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. തിങ്കളാഴ്ച പുലർച്ചെയോടെയാണ് ഗുണ്ടാ സംഘത്തിന്‍റെ മുഖംമൂടി ആക്രമണം നടന്നത്. പോലീസ് പറയുന്നതിങ്ങനെ; ചന്ദ്രികയുടെ ഭർത്താവ് ഇരുനില വീടും 33 സെന്‍റ് വസ്തുവും മകൻ ഷാനിന്‍റെ പേരിൽ എഴുതി നൽകിയിരുന്നു. എന്നാൽ ഷാനിന്‍റെ കൈയിൽനിന്നും വസ്തുവും വീടും മൂന്നു കോടിയോളം രൂപക്കു വിശ്വാമിത്രൻ വിലയ്ക്കു വാങ്ങിയത് ചന്ദ്രിക അറിഞ്ഞിരുന്നില്ല. വിശ്വാമിത്രനും കുടുംബവും ഈ വീട്ടിൽ താമസിക്കാൻ എത്തിയതോടെയാണ് ചന്ദ്രിക പ്രശ്നങ്ങളുമായി എത്തിയത്. ഒരു മുറി കൈയ്യേറിയ വയോധിക വിശ്വാമിത്രന്‍റെ പേരിലായ വീട്ടിൽ താമസവും ആരംഭിച്ചു. എന്നാൽ ചന്ദ്രികയെ ഒഴിപ്പിക്കണമെന്നും താമസിക്കാൻ പോലീസ് സംരക്ഷണം വേണമെന്നും ആവശ്യപ്പെട്ട് ഹൈക്കോടതിയിൽ കേസ് നൽകിയ വിശ്വാമിത്രൻ അനുകൂല വിധിയും നേടി. ഇതിനെതിരെ ഹൈക്കോടതിയിൽ നിയമപോരാട്ടത്തിനിറങ്ങിയ ചന്ദ്രിക, വിശ്വാമിത്രൻ നേടിയ അനുകൂല വിധിയെ ഇല്ലാതാക്കി. ഇതോടെ വിശ്വാമിത്രനെ പുറത്താക്കാനുള്ള തന്ത്രങ്ങൾ മെനഞ്ഞ ചന്ദ്രിക അയൽവാസിയായ സുനിൽ കുമാറിനെ കൂട്ടുപിടിച്ച ഒഴിപ്പിക്കാനുള്ള ഗൂഡാലോചനകളും നടത്തി. വിശ്വാമിത്രനെ തല്ലിയിറക്കുന്നതിന് ഒരു ലക്ഷം രൂപ പണമായും 25,000 രൂപ ഗൂഗിൽ പേ ആയും സുനിൽ കുമാറിനു നൽകുകയും ചെയ്തു. പയറ്റു വിളയിൽ മറ്റൊരു വീടുള്ളതിനാൽ വിശ്വാമിത്രന്‍റെ ഭാര്യ പകൽ സമയങ്ങളിൽ അങ്ങോട്ട് പോവുക പതിവായിരുന്നു. തിങ്കളാഴ്ച പുലർച്ചെ അഞ്ചര യോടെ വിശ്വാമിത്രന്‍റെ ഭാര്യ പുറത്ത് പോയ തക്കം നോക്കി ചന്ദ്രിക കൂട്ടാളികളെ വിളിച്ചുവരുത്തുകയും അക്രമം നടത്തുകയുമായിരുന്നു. അക്രമികളെ കണ്ട് ഓടിരക്ഷപ്പെടാതിരിക്കാൻ മുൻവശത്തെ വാതിൽ അകത്തുനിന്നു പൂട്ടിയ ചന്ദ്രിക ക്വട്ടേഷൻ സംഘത്തിനായി പുറകു വശത്തെ വാതിൽ തുറന്നിടുകയും ചെയ്തു. അവിടെയുണ്ടായിരുന്ന സിസിടിവി കാമറകൾ നശിപ്പിച്ച സംഘം വിശ്വാമിത്രൻ ഉറങ്ങിക്കിടന്ന മുറി ചവിട്ടിത്തുറന്ന് അകത്തുകയറിശേഷം ഇരുകൈകളും കാലും തല്ലിയൊടിക്കുകയും ചെയ്തു. അടിവയറ്റിൽ ചവിട്ടും മർദനവുമേറ്റ് അവശനായ വിശ്വാമിത്രനെ സ്വന്തം വാഹനത്തിൽ തള്ളിക്കയറ്റിയസംഘം ഒടിഞ്ഞ കൈയുമായി കാറ് ഓടിച്ച് പോകാൻ നിർബന്ധിച്ചു. ജീവൻ ഭയന്ന ഇയാൾ കാർ ഓടിച്ച് അര കിലോമീറ്റർ അപ്പുറം മകൻ താമസിക്കുന്ന പുന്ന വിളയിൽ എത്തി. ഇതിനിടയിൽ അബോധാവസ്ഥയിലായ വിശ്വാമിത്രൻ കാറിനുള്ളിൽ കിടന്നു. ബോധം തെളിഞ്ഞ ശേഷം ഇയാളുടെ വിളികേട്ട് മകൻ എത്തിയപ്പോഴാണ് മുഖംമൂടി ആക്രമണം പുറത്തറിഞ്ഞത്. തുടർന്ന് വീട്ടുകാർ നൽകിയ പരാതിയുടെ അടിസ്ഥാനത്തിൽ വിഴിഞ്ഞം സിഐ പ്രകാശിന്‍റെ നേതൃത്വത്തിൽ നടത്തിയ അന്വേഷണത്തിലാണ് ചന്ദ്രികയും കൂട്ടാളികളും അകത്തായത്. പ്രതികളെ കോടതിയിൽ ഹാജരാക്കി.

അസംഘടിത തൊഴിലാളികളുടെ ഇടയിൽ കെഎൽഎമ്മിന്‍റെ പ്രവർത്തനം ശ്ലാഘനീയം: യൂഹാനോൻ മാർ ക്രിസോസ്റ്റം

നെടുമങ്ങാട്: അസംഘടിത തൊഴിലാളികളുടെ ഇടയിൽ കേരള ലേബർ മൂവ്മെന്‍റ് നടത്തുന്ന പ്രവർത്തനങ്ങൾ ശ്ലാഘനീയമാണെന്ന് പത്തനംതിട്ട രൂപത മുൻ അധ്യക്ഷൻ യൂഹാനോൻ മാർ ക്രിസോസ്റ്റം. സഭയിലെയും സമൂഹത്തിലെയും പാവപ്പെട്ടവരെ കണ്ടെത്തി സർക്കാരിന്‍റെ വിവിധ ക്ഷേമപദ്ധതികളിലും സ്വയം തൊഴിൽ മേഖലകളിലും അവരെ കൈപിടിച്ചുയർത്തുന്നത് അഭിനന്ദനാർഹമാണ്. കേരളാ ലേബർ മൂവ്മെന്‍റിന്‍റെ സഹായത്തിലും കെടിഡബ്ല്യുഎഫും കെഎൽഎം നെടുമങ്ങാട് വൈദിക ജില്ലയും സംയുക്തമായി അഞ്ച് ഇടവകകളിലെ പാവപ്പെട്ട വനിതകൾക്ക് തയ്യൽ മെഷീൻ നൽകിക്കൊണ്ട് പരിപാടി ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വെള്ളൂർക്കോണം ലാസലേത്ത് മാതാ പള്ളി തിരുനാളിനോടനുബന്ധിച്ചു നടന്ന പൊതുസമ്മേളനത്തിൽ കെഎൽഎം നെടുമങ്ങാട് വൈദിക ജില്ലാ പ്രസിഡന്‍റ് ബിനു നെടുമങ്ങാട് അധ്യക്ഷത വഹിച്ചു. കെഎൽഎം സംസ്ഥാന വൈസ് പ്രസിഡന്‍റ് ഷൈൻ മുണ്ടേല, നെടുമങ്ങാട് വൈദിക ജില്ലാ ഡയറക്ടറും ഇടവക വികാരിയുമായ റവ. ഡോ. തോമസ് കുഴിനാപ്പുറത്ത്, ഇടവക ട്രസ്റ്റി അനിൽ വെള്ളൂർക്കോണം തുടങ്ങിയവർ പ്രസംഗിച്ചു. അഞ്ച് വനിതകൾക്ക് തയ്യൽ മെഷീൻ വിതരണം ചെയ്യുകയും ഇടവകയിലെ ആദ്യകുർബാന സ്വീകരിച്ച കുട്ടികൾക്ക് സർട്ടിഫിക്കറ്റ് നൽകി ആദരിക്കുകയും ചെയ്തു.

"മധു വസന്തം' ഒരുക്കി മലയാളം

തിരുവനന്തപുരം: ചലച്ചിത്രനടനും സംവിധായകനുമായ മധുവിന്‍റെ 92-ാം പിറന്നാൾ ആഘോഷം അക്ഷരാർഥത്തിൽ അതിമധുരമായി. ചലച്ചിത്ര ഗവേഷകനും എഴുത്തുകാരനുമായ വയലാർ വിനോദിന്‍റെ "മധുവസന്തം - മലയാള സിനിമയോടൊപ്പം മധു' എന്ന പുസ് തകം രാജസേനനിൽ നിന്നും ഏറ്റുവാങ്ങിയത് സാക്ഷാൽ മധു തന്നെ. തീക്കനൽ റിലീസായ ദിവസം സിനിമകാണാൻ എത്തുന്നവരെ സ്വീകരിക്കാൻ തീയറ്ററിനു മുന്നിൽനിന്ന സിനിമയുടെ സംവിധായകനും നായകനുമായ മധുസാറിനെ രാജസേനൻ ഓർമിച്ചു. മികച്ച നടൻ മാത്രമല്ല, തൊട്ടതെല്ലാം പൊന്നാക്കിയ മികച്ച മലയാള സംവിധായകൻ കൂടിയാണ് മധുസാർ എന്നും രാജസേനൻ പറഞ്ഞു. മധു വസന്തം എന്ന പുസ്തകത്തിൽ മധു സാർ അഭിനയിച്ച സിനിമകൾ, മികച്ച കഥാപാത്രങ്ങൾ, ഗാനങ്ങൾ തുടങ്ങിയവ ചേർത്തിട്ടുണ്ടെന്നു വലയാൽ വിനോദ് പറഞ്ഞു. തീക്കനൽ എന്ന സിനിമയിൽ യേശുദാസിനെ സംഗീത സംവിധായകനാക്കിയതിലൂടെ ആശ്ചര്യചൂഡാമണി.... തുടങ്ങിയ ഗാനങ്ങൾ മലയാളത്തിനു ലഭിച്ചു എന്ന കാര്യവും രാജസേനൻ പങ്കുവച്ചു. മലയാളത്തിൽ ഏറ്റവും കൂടുതൽ മനോഹര ഗാനങ്ങൾ പാടിയഭിനയിച്ച മധു സംവിധായകനായി പ്രവർത്തിക്കുന്പോൾ സംഗീത സംവിധാനത്തിൽ ഇടപെടാറുണ്ടായിരുന്നോ എന്ന ചോദ്യവും ഉണ്ടായി. സംഗീതത്തിനെ കുറിച്ച് ഒന്നും അറിയാത്തതു കൊണ്ടുതന്നെ ഇടപെടൽ നടത്തിയിട്ടിലെന്നു പതിവുള്ള നർമരസത്തിൽ മധു. താൻ സംവിധാനം ചെയ്ത സിനിമകളിൽ മധുസാറിനു യോജിച്ച റോൾ ഉണ്ടായിരുന്നെങ്കിലും മധുസാറിനെ പോലൊരു ഇതിഹാസത്തെ എങ്ങനെ അഭിനയിപ്പിക്കുമെന്ന ഭയം കൊണ്ടാണു ക്ഷണിക്കാതിരുന്നതെന്നും രാജസേനൻ പറഞ്ഞു. മധു പാടി അഭിനയിച്ച "മാണിക്യ വീണയുമായെൻ മനസിന്‍റെ താമരപ്പൂവിലുണർന്നവളെ....' എന്ന ഗാനം രാജസേനൻ പാടി. ഗായകൻ തേക്കടി രാജൻ മധു അനശ്വരമാക്കിയ മംഗളം നേരുന്നു ഞാൻ, ശ്യാമ സുന്ദര പുഷ്പമേ, ആശ്ചര്യചുഡാമണി, തുടങ്ങിയ ഗാനങ്ങൾ ആലപിച്ചപ്പോൾ കൈത്താളവുമായി മധു ഗാനാർച്ചന ആസ്വദിച്ചു. ആരാധകരും വിവിധ സംഘടനാപ്രതിനിധികളും പിറന്നാൾ സമ്മാനങ്ങളും പൊന്നാടയും നല്കി മധുവിനു ആശംസകൾ നേർന്നു.

പ്രശാന്ത് ബാലകൃഷ്ണൻ മോഡൽ സ്കൂളിൽ

തിരുവനന്തപുരം: ഗഗൻയാൻ ദൗത്യത്തിലേക്ക് തെരഞ്ഞെടുക്കപ്പെട്ട ബഹിരാകാശ സഞ്ചാരിയും ഇന്ത്യൻ വ്യോമസേനയിലെ ടെസ്റ്റ് പൈലറ്റുമായ പ്രശാന്ത് ബാലകൃഷ്ണൻ നായർ തൈക്കാട് ഗവ. മോഡൽ ബോയ്സ് ഹയർ സെക്കൻഡറി സ്കൂളിൽ സന്ദർശനം നടത്തുന്നു. ഇന്നു രാവിലെ 11:45 നാണ് അദ്ദേഹം സ്കൂളിലെത്തുന്നത്. "ഇൻസ്പയറിംഗ് ദ നെക്സ്റ്റ് ജനറേഷൻ ഓഫ് സ്പേസ് എക്സ്പ്ലോറേഴ്സ്’ എന്ന പേരിൽ വിദ്യാർഥികളുമായി സംവദിക്കുന്ന പരിപാടിയിലാണ് പ്രശാന്ത് നായർ പങ്കെടുക്കുക. ഗഗൻയാൻ ദൗത്യത്തെക്കുറിച്ചും, ബഹിരാകാശ ഗവേഷണ രംഗത്തെ പുതിയ സാധ്യതകളെക്കുറിച്ചും അദ്ദേഹം കുട്ടികളുമായി സംസാരിക്കും. മോഡൽ സ് കൂളിലെ സ്പേസ് ക്ലബാണ് പരിപാടി സംഘടിപ്പിക്കുന്നത്. പരിപാടിയിൽ ഗഗൻയാൻ പദ്ധതിയുടെ ഒന്നാമത്തെ ഡയറക്ടറും മോഡൽ സ്കൂൾ പൂർവവിദ്യാർഥിയുമായ ഡോ. ഉമാമഹേശ്വരനും പങ്കെടുക്കും.

കുടപ്പനക്കുന്ന് അമ്പഴംകോട് ഗുണ്ടാ ആക്രമണം : ക്രിമിനല്‍ക്കേസ് പ്രതിയെ വെട്ടിപ്പരിക്കേല്‍പ്പിച്ചു

പേരൂര്‍ക്കട: കുടപ്പനക്കുന്ന് അമ്പഴംകോടുണ്ടായ ഗുണ്ടാആക്രമണത്തില്‍ ക്രിമിനല്‍ക്കേസ് പ്രതിക്കു വെട്ടേറ്റു. മണ്ണന്തല സ്റ്റേഷനില്‍ ഗുണ്ടാലിസ്റ്റിലുള്ള പൊട്ടന്‍ രാജേഷ് എന്നറിയപ്പെടുന്ന രാജേഷിനാ (44) ആണ് വെട്ടേറ്റത്. സംഭവവുമായി ബന്ധപ്പെട്ട് ഏഴുപേരെ മണ്ണന്തല പോലീസ് മണിക്കൂറുകള്‍ക്കകം പിടികൂടി. കുടപ്പനക്കുന്ന് മുക്കോലയ്ക്കല്‍ മൈലമ്മൂട് വീട്ടില്‍ മോന്‍കുട്ടന്‍ എന്ന സൂര്യ (18), പരുത്തിക്കുഴി അമ്പലത്തറ വീട്ടില്‍ സൂര്യനാരായണന്‍ (19), മുക്കോലയ്ക്കല്‍ മൈലമ്മൂട് വീട്ടില്‍ കുരുവി എന്ന വിഷ്ണു (20), കുടപ്പനക്കുന്ന് ഇരപ്പുകുഴി എംഎന്‍ഡബ്ല്യുഎ 14-ല്‍ ശരത്ത് (19), വെങ്ങാനൂര്‍ സ്വദേശി ഉണ്ണിക്കുട്ടന്‍ (20), വട്ടിയൂര്‍ക്കാവ് വെള്ളൈക്കടവ് സ്വദേശികളായ രണ്ടു 17-വയസുകാര്‍ എന്നിവരാണ് പിടിയിലായത്. തിങ്കളാഴ്ച രാത്രി 10 മണിയോടുകൂടിയാണ് സംഭവങ്ങളുടെ തുടക്കം. മൂന്നു സ്‌കൂട്ടറുകളിലായി എത്തിയ ഏഴംഗസംഘമാണ് ആക്രമണം അഴിച്ചുവിട്ടത്. പേരൂര്‍ക്കടയില്‍നിന്നു കുടപ്പനക്കുന്ന് എംഎല്‍എ റോഡുവഴി ദേവീക്ഷേത്രത്തിനു സമീപത്തെത്തിയ സംഘം സമീപത്തെ കടയില്‍നിന്ന് ബീഡി ആവശ്യപ്പെട്ടു. ബാക്കി പണവും വാങ്ങി പോകുന്നതിനിടെ പഴത്തിന്‍റെ വില ചോദിച്ചു. പഴം പഴുത്തിട്ടില്ല എന്നു കടക്കാരന്‍ പറഞ്ഞതു സംഘത്തെ പ്രകോപിപ്പിക്കുകയും കൈവശം കരുതിയിരുന്ന വടിവാള്‍ ഉപയോഗിച്ച് ഇവര്‍ വയോധികനെ വെട്ടിപ്പരിക്കേല്‍പ്പിക്കുകയുമായിരുന്നു. കുടപ്പനക്കുന്നു ദേവീക്ഷേത്രത്തിനു സമീപം താമസിക്കുന്ന പൊന്നയ്യ (79) നാണു വെട്ടേറ്റത്. വടിവാള്‍ കൊണ്ട് ഇദ്ദേഹത്തിന്‍റെ കൈയിലും മുഖത്തുമാണ് വെട്ടിയത്. പൊന്നയ്യന്‍ ആശുപത്രിയില്‍ പ്രാഥമിക ചികിത്സ തേടി. സ്ഥലത്തുനിന്നു രക്ഷപ്പെട്ട സംഘം നേരേ അമ്പലംകോടുള്ള രാജേഷിന്‍റെ വീടിനു സമീപത്തെത്തി ബൈക്ക് റേസിംഗ് ആരംഭിച്ചു. ഇത് അരോചകമായതോടെ രാജേഷ് പുറത്തേക്കിറങ്ങിവന്നു ചോദ്യം ചെയ്തു. റേസിംഗ് അവസാനിപ്പിച്ചു മടങ്ങിയ സംഘം 11 മണിയോടുകൂടി തിരികെയെത്തിയശേഷം രാജേഷിന്‍റെ വീടിനുനേരേ നാടന്‍പടക്കം എറിഞ്ഞു. വടിവാള്‍കൊണ്ട് ഇയാളെ വെട്ടിപ്പരിക്കേല്‍പ്പിച്ചു. അരിശം മാറാത്ത പ്രതികള്‍ രാജേഷിന്‍റെ വാഹനങ്ങള്‍ അടിച്ചു തകര്‍ത്തു. തുടര്‍ന്ന് റോഡുവശത്ത് പാര്‍ക്ക് ചെയ്തിരുന്ന മൂന്ന് ഓട്ടോറിക്ഷകള്‍, രണ്ടു കാറുകള്‍, ഒരു ബൈക്ക് എന്നിവ വാള്‍ ഉപയോഗിച്ചു വെട്ടിനശിപ്പിച്ചു. കാറുകളുടെ ഗ്ലാസുകളെല്ലാം തകര്‍ന്നു. ഓട്ടോറിക്ഷകളുടെ പിന്‍ഭാഗങ്ങളും വെട്ടിനശിപ്പിച്ചിട്ടുണ്ട്. ബൈക്ക് തള്ളിയിട്ടശേഷം കേടുവരുത്തുകയും വെട്ടിനശിപ്പിക്കുകയും ചെയ്തു. മണ്ണന്തല സിഐ കണ്ണന്‍, എസ്ഐമാരായ ആര്‍.എസ്. വിപിന്‍, മിഥുന്‍, വൈശാഖ്, സിപിഒമാരായ ഷജീര്‍, പ്രദീപ്, വിനോദ്, മഹേഷ്, സൂരജ്, മുജീബ് എന്നിവര്‍ ഉള്‍പ്പെട്ട സംഘം മണിക്കൂറുകള്‍ക്കുള്ളില്‍ മണ്ണന്തല, തമ്പാനൂര്‍, കുടപ്പനക്കുന്ന്, പേരൂര്‍ക്കട ഭാഗങ്ങളില്‍ നിന്നു പ്രതികളെ കസ്റ്റഡിയിലെടുക്കുകയായിരുന്നു. അറസ്റ്റിലായ പ്രതികളെ കോടതിയില്‍ ഹാജരാക്കി.

മതിലിടിഞ്ഞുവീണ് ബംഗാള്‍ സ്വദേശി മരിച്ചു

മെഡിക്കല്‍കോളജ്: പുതിയ വീട് പണിയുന്ന സൈറ്റില്‍ മതിലിടിഞ്ഞുവീണ് ബംഗാള്‍ സ്വദേശി മരിച്ചു. വെസ്റ്റ് ബംഗാള്‍ സ്വദേശി സെയ്തുല്‍ റഹ്‌മാന്‍ (45) ആണ് മരിച്ചത്. ഇന്നലെ ഉച്ചയ്ക്ക് രണ്ടിന് പുലയനാര്‍ക്കോട്ട ജംഗ്ഷനിലായിരുന്നു സംഭവം. പഴയവീട് നീക്കം ചെയ്തശേഷം പുതിയ വീടിന്‍റെ പണി നടന്നുവരികയായിരുന്നു ഇവിടെ. പഴയ മതിലിനു സമീപം ജെസിബി ഉപയോഗിച്ചു മണ്ണെടുക്കുന്ന പണി പകുതിവഴിയില്‍ നിര്‍ത്തിയശേഷം ഉച്ചയ്ക്ക് സെയ്തുല്‍ റഹ്‌മാനും സഹപണിക്കാരനും വെസ്റ്റ് ബംഗാള്‍ സ്വദേശിയുമായ ടാര്‍സന്‍ അലിയും (35) ആഹാരം കഴിച്ചുകൊണ്ടിരിക്കുന്നതിനിടെ മതില്‍ തകര്‍ന്ന് ഇവരുടെ ശരീരത്തിലേക്കു വീഴുകയായിരുന്നു. ടാര്‍സന്‍ അലി നട്ടെല്ലിനു പരിക്കേറ്റ് തിരുവനന്തപുരം മെഡിക്കല്‍കോളജ് ആശുപത്രിയില്‍ ചികിത്സയിലാണ്. സെയ്തുല്‍ റഹ്‌മാന്‍റെ മൃതദേഹം മെഡിക്കല്‍കോളജ് മോര്‍ച്ചറിയില്‍ സൂക്ഷിച്ചിട്ടുണ്ട്. മെഡിക്കല്‍കോളജ് പോലീസ് കേസെടുത്തു.

നവരാത്രി വിഗ്രഹ ഘോഷയാത്രയ്ക്ക് തലസ്ഥാനത്ത് വരവേൽപ്

തിരുവനന്തപുരം: നവരാത്രി വിഗ്രഹ ഘോഷയാത്രയ്ക്ക് തലസ്ഥാനത്ത് ആഘോഷ വരവേൽപ്. പത്മനാഭപുരത്തു നിന്നും ആരംഭിച്ചു ദേശീയപാതയിലൂടെ മൂന്നു പകലും രണ്ടു രാത്രിയും നീണ്ട യാത്ര ഇന്നലെ സന്ധ്യയ്ക്കു കിഴക്കേക്കോട്ടയിലെത്തിച്ചേർന്നു. പദ്മനാഭപുരം തേവാരക്കെട്ട് സരസ്വതിദേവിയെ ആനപ്പുറത്തും ശുചീന്ദ്രം മുന്നൂറ്റി നങ്കയെ പല്ലക്കിലുമാണ് എഴുന്നള്ളിച്ചത്. സത്യവാഗീശ്വരീക്ഷേത്രത്തിൽ നിന്നു വെള്ളിക്കുതിരപ്പുറത്തു വേളിമല കുമാരസ്വാമിയെ എഴുന്നള്ളിച്ചു. യാത്ര കിഴക്കേകോട്ടയിൽ എത്തിയപ്പോൾ ശ്രീപദ്മനാഭസ്വാമി ക്ഷേത്രം സ്ഥാനി മൂലം തിരുനാൾ രാമവർമ വിഗ്രഹങ്ങളെ ആചാരപൂർവം വരവേറ്റു. ഘോഷയാത്രയ്ക്കൊപ്പം കൊണ്ടുവരുന്ന ഉടവാൾ അദ്ദേഹം ഏറ്റുവാങ്ങി. രാജകുടുംബാംഗങ്ങളായ അശ്വതി തിരുനാൾ രാമവർമ, അവിട്ടം തിരുനാൾ ആദിത്യവർമ, പൂയം തിരുനാൾ ഗൗരി പാർവതീഭായി, അശ്വതി തിരുനാൾ ഗൗരിലക്ഷ്മീഭായി തുടങ്ങിയവർ മാതൃദേവതയെയും കുമാരസ്വാമിയെയും മുൻ ഉദിത്തനങ്കയെയും കരുവേലപ്പുര മാളികയ് ക്ക് മുന്നിൽനിന്നു വണങ്ങി വരവേറ്റു. കിഴക്കേനടയിൽ രാജകീയമായ വരവേൽപാണ് ഘോഷയാത്രയ്ക്ക് നൽകിയത്. തുടർന്ന് പദ്മതീർഥക്കുളത്തിലെ ആറാട്ടിനുശേഷം സരസ്വതീദേവിയെ പകടശാലയിൽ പൂജയ്ക്കിരുത്തി. ചൊവ്വാഴ്ച രാവിലെ നവരാത്രി മണ്ഡപത്തിൽ പൂജ വയ്ക്കും. വേളിമല കുമാരസ്വാമിയെ വലിയശാല ദേവീക്ഷേത്രത്തിലേക്കും ശുചീന്ദ്രം മുന്നൂറ്റിനങ്കയെ ചെന്തിട്ട ദേവീക്ഷേത്രത്തിലേക്കും പൂജയ് ക്കായി കൊണ്ടുപോയി. വിജയദശമി ദിനത്തിൽ കുമാരസ്വാമിയുടെ പൂജപ്പുരയിലേക്കുള്ള പള്ളിവേട്ട യാത്രയും മൂന്നിനു നല്ലിരുപ്പും നടക്കും. നാലിന് കിള്ളിപ്പാലത്തു നിന്നും മടക്കയാത്ര ആരംഭിച്ച് ആറിനു വിഗ്രഹങ്ങൾ മാതൃക്ഷേത്രങ്ങളിലെത്തിച്ചേരും. നേരത്തെ പ്രാവച്ചന്പലത്ത് തിരുവനന്തപുരം തഹസില്‍ദാരുടെ നേതൃത്വത്തിൽ ആചാരപരമായ വരവേല്പ് നല്‍കി. തുടര്‍ന്ന് നേമം വില്ലേജാഫീസില്‍ ഇറക്കി പൂജയും ഉണ്ടായിരുന്നു.

കാട്ടാക്കട ഗായത്രി വധക്കേസ്: പ്രവീണിന് ജീവപര്യന്തം തടവ്

കാട്ടാക്കട: കാട്ടാക്കട ഗായത്രി വധക്കേസില്‍ പ്രതി പ്രവീണിനു ജീവപര്യന്തം തടവുശിക്ഷ വിധിച്ചു കോടതി. ഒരു ലക്ഷം രൂപ പിഴയും വിധിച്ചിട്ടുണ്ട്. തിരുവനന്തപുരം അഡീഷണല്‍ സെഷന്‍സ് കോടതിയാണ് ശിക്ഷ വിധിച്ചത്. 2022 മാര്‍ച്ച് അഞ്ചിനാണ് കാട്ടാക്കട വീരണകാവ് സ്വദേശി ഗായത്രി (25) യെ സുഹൃത്ത് കൊല്ലം പരവൂര്‍ സ്വദേശി പ്രവീണ്‍ കൊലപ്പെടുത്തിയത്. വിവാഹിതനും രണ്ടു കുട്ടികളുടെ പിതാവുമായ പ്രവീണ്‍ ഗായത്രിയുമായി പ്രണയത്തിലായിരുന്നു. 2021-ല്‍ വെട്ടുകാട് പള്ളിയില്‍വച്ച് ഇയാള്‍ ജ്വല്ലറി റിസപ്ഷനിസ്റ്റായ ഗായത്രിയെ വിവാഹം കഴിച്ചു. പ്രവീണിന്‍റെ ഭാര്യ ഈ വിവരമറിഞ്ഞു ജ്വല്ലറിയിലെത്തി ബഹളംവച്ചതിനെത്തുടര്‍ന്ന് ഗായത്രി റിസപ്ഷനിസ്റ്റ് ജോലി രാജിവെച്ചു. പിന്നീട് ഗായത്രിയെ ഒഴിവാക്കാന്‍ പ്രവീണ്‍ തീരുമാനിക്കുകയായിരുന്നു. തുടര്‍ന്ന് 2022 മാര്‍ച്ച് അ ഞ്ചിനു തമ്പാനൂര്‍ അരിസ്റ്റോ ജം ഗ്ഷനു സമീപമുള്ള ഹോട്ടലില്‍ മുറിയെടുത്ു ഗായത്രിയെ അവിടേക്ക് കൂട്ടിക്കൊണ്ടു വന്നു. വൈകുന്നേരം അഞ്ചു മണിയോടെ മുറിക്കുള്ളില്‍ വച്ച് ഗായത്രി ധരിച്ചിരുന്ന ചുരിദാറിന്‍റെ ഷാള്‍ കഴുത്തില്‍ ചുറ്റി വലിച്ചു ശ്വാസം മുട്ടിച്ച് കൊലപ്പെടുത്തിയെന്നാണ് കേസ്. ഗായത്രി ആത്മഹത്യ ചെയ്തതാണെന്നു വരുത്തി തീര്‍ക്കാനും പ്രതി ശ്രമിച്ചിരുന്നു. സംഭവ ദിവസം വിഷയം പറഞ്ഞ് തീര്‍ക്കാന്‍ എന്നുപറഞ്ഞ് ഗായത്രിയെ പ്രവീണ്‍ തമ്പാനൂരിലെ ഹോട്ടലിലേക്ക് വിളിച്ചു. കാട്ടാക്കടയില്‍ സ്‌കൂട്ടറില്‍ എത്തി പ്രവീണ്‍ തന്നെയാണ് ഗായത്രിയെ കൂട്ടിയത്. തുടര്‍ന്ന് തമ്പാനൂരിലെ ഹോട്ടലില്‍ എത്തിക്കുക യായിരുന്നു. കൊലപാതകത്തിനുശേഷം ബസില്‍ കയറി ഇയാള്‍ പറവൂരിലേക്ക് പോയി. രാത്രി 12.30ഓടെ ഹോട്ടലില്‍ വിളിച്ച് ഗായത്രി മരിച്ചുകിടക്കുന്ന വിവരം അറിയിച്ചു. രക്ഷപ്പെടാന്‍ കഴിയില്ലന്നു മനസിലാക്കിയതോടെ കീഴടങ്ങാന്‍ തീരുമാനിക്കുകയായി രുന്നു. ഇതിനിടെ പോലീസിന്‍റെ പിടിയിലാകുകയായിരുന്നു. ദൃക്സാക്ഷികള്‍ ഇല്ലാതിരുന്ന കേസില്‍ സാഹചര്യ തെളിവുകളുടെയും ശാസ്ത്രീയ തെളിവുകളുടെയും അടിസ്ഥാനത്തിലാണ് കുറ്റക്കാരനെന്നു കണ്ടെത്തിയത്. ഹോട്ടല്‍ മുറിയില്‍ നിന്നു ശേഖരിച്ച വിരലടയാളങ്ങള്‍ പ്രവീണിന്‍റെതു തന്നെയെന്നു കണ്ടെത്തിയിരുന്നു. ഗായത്രിയുടെ കഴുത്തിലെ മുറിവുകള്‍ ആത്മഹത്യ ചെയ്യുന്നതിനിടെ ഉണ്ടാകില്ലെന്ന് പോസ്റ്റ്മോര്‍ട്ടം നടത്തിയ ഡോക്ടർ മൊഴി നല്‍കിയിരുന്നു.

നടൻ മധുവിനു ഇന്ന് 92-ാം പിറന്നാൾ

തിരുവനന്തപുരം: യൂ മേയ്ഡ് യുവർ ഓണ്‍ ത്രോണ്‍ ആൻഡ് സാറ്റ് ഓണ്‍ ഇറ്റ് തിരുവനന്തപുരം മുൻ മേയർ ആർ. പരമേശ്വരൻ പിള്ള മകനു അയച്ച കത്തിലെ വരികളാണിത്. മകൻ ആരാണെന്നല്ലെ, മലയാളത്തിന്‍റെ മഹാനടൻ മധു തന്നെ. നീ ഒരു സിംഹാസനം സ്വയം തീർത്ത് അതിൽ ഇരുന്നു എന്ന അച്ഛന്‍റെ വാക്കുകൾക്കു അർഥ മേറെയുണ്ട്; അതിലേറെ ആഴവും! കൊടുമുടി പോലെ ഉയർന്ന് നില്ക്കുന്ന കഥാപാത്രങ്ങളെ മലയാള സിനിമ ലോകത്തിനു സമ്മാനിച്ച മധുവിനു ഇന്ന് 92-ാം പിറന്നാൾ. ജനലക്ഷങ്ങളുടെ ആരാധനയും, അംഗീകാരങ്ങളും പദ്മശ്രീ ഉൾപ്പെടെയുള്ള ദേശീയ പുരസ്കാരങ്ങളും നേടിക്കഴിഞ്ഞു. എങ്കിലും സൂര്യസൗന്ദര്യത്തിന്‍റെ കുങ്കുമം മായാത്ത ഈ സായന്തനത്തിലും അച്ഛൻ നല്കിയ അംഗീകാരത്തിനു വജ്രത്തിളക്കമുണ്ട്. കണ്ണമ്മൂലയിലെ ശിവഭവനിലിരുന്ന് മധു പറയുന്നു. നടനായി മാറിയപ്പോഴും ധാരാളം അംഗീകാരങ്ങൾ കിട്ടിയപ്പോഴും അച്ഛൻ ഒരഭിനന്ദന വാക്കുപോലും പറഞ്ഞിരുന്നില്ല. ചലച്ചിത്ര സംവിധായകനും നിർമാതാവുമായി മാറിയ കാലത്താണ് ഒരു കത്തിൽ ഇംഗ്ലീഷിൽ അച്ഛൻ ആദ്യമായി എഴുതി അയച്ചത്. "യു മേയ്ഡ് യുവർ ഓണ്‍ ത്രോണ്‍ ആൻഡ് സാറ്റ് ഓണിറ്റ്'എന്ന്... അച്ഛന്‍റെ ഈ നിറഞ്ഞ അഭിനന്ദനത്തിന്‍റെ ആഴം അളക്കണമെങ്കിൽ മൂത്തമകൻ മാധവൻകുട്ടി നാടകാഭിനയത്തിനു പോയപ്പോൾ നേരിട്ട എതിർപ്പിന്‍റെ കാഠിന്യം കൂടി അറിയണം. മകനെ എൻജിനീയറാക്കണമെന്നായിരുന്നു അച്ഛന്‍റെ ആഗ്രഹം. ഒളിച്ചും പാത്തും മാധവൻകുട്ടി നാടക പരിശീലനം നടത്തിയപ്പോഴും നാടകവും സിനിമയും കാണാൻ നടന്നപ്പോഴും അച്ഛൻ സർവശക്തിയുമെടുത്ത് ശാസിച്ചു. ഗുണദോഷിച്ചും ശകാരിച്ചും മകനെ നേർവഴിക്കു നടത്താൻ ആവുന്നതും ശ്രമിച്ചു. നാലു സഹോദരിമാരുടെ മൂത്ത ആളാണ് നീ. സഹോദരിമാർക്കു വിവാഹാലോചനകൾ വരുന്പോൾ സഹോദരന് രാജമാണിക്യം കന്പനിയിൽ ശ്രീകൃഷ്ണന്‍റെ വേഷം കെട്ടുന്ന പണിയാണെന്ന് എങ്ങനെ പറയും എന്ന ചോദ്യവും ഉണ്ടായി. ഒരു ജന്മനിയോഗം പോലെ അഭിനയം രക്തത്തിൽ അലിഞ്ഞു ചേർന്നുപോയ മകൻ മാധവൻകുട്ടിക്കു പക്ഷേ പിന്തിരിഞ്ഞ്ു നടക്കാൻ കഴിയുമായിരുന്നില്ല. എല്ലാ വിലക്കുകളെയും വൈകാരികമായ പിടിവലികളെയും ഉപദേശങ്ങളെയും മറികടന്ന് മാധവൻകുട്ടി മുന്നോട്ടു തന്നെ നടന്നു! നാഗർകോവിലിലെ സ്കോട്ട് ക്രിസ്ത്യൻ കോളജിലെ ലക്ചറർ ഉദ്യോഗം രാജിവച്ച് സ്കൂൾ ഓഫ് ഡ്രാമയിൽ നാടകം പഠിക്കാൻ ട്രെയിൻ കയറി. അിശ്ചിതമായ ആ വഴികളിലൂടെ ഒറ്റയ്ക്ക്, തികച്ചും ഒറ്റയ്ക്ക് നടക്കാൻ അന്നത്തെ ആ ചെറുപ്പക്കാരനെ പ്രേരിപ്പിച്ചത് അഭിനയത്തോടുള്ള അദമ്യമായ ആവേശമായിരുന്നു; ലഹരിയായിരുന്നു. പി. മാധവൻ നായരെ ലോകമറിയുന്ന മധുവാക്കി മാറ്റിയ രസതന്ത്രമായിരുന്നു അത്. നടനാവുന്നതിനെ ഏറ്റവുമധികം എതിർത്ത അച്ഛൻ തന്നെ ഒടുവിൽ മകൻ തീർത്ത സിംഹാസനത്തിനു മുന്നിൽ എത്തിയത് മറ്റൊരു നിയോഗം! എസ്. മഞ്ജുളാദേവി

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]