ക​രു​വാ​ര​കു​ണ്ട്: ക​രു​വാ​ര​കു​ണ്ട് ഗ്രാ​മ​പ​ഞ്ചാ​യ​ത്ത് പ​രി​ധി​യി​ൽ തെ​രു​വു​നാ​യ്ക്ക​ളു​ടെ ആ​ക്ര​മ​ണം വ​ർ​ധി​ച്ച​തി​നെ തു​ട​ർ​ന്ന് നാ​യ്ക്ക​ൾ​ക്കു​ള്ള കു​ത്തി​വ​യ്പ് തു​ട​ങ്ങി.

പ​ഞ്ചാ​യ​ത്ത് മോ​ണി​റ്റ​റിം​ഗ് ക​മ്മി​റ്റി യോ​ഗ​ത്തി​ലാ​ണ് പ​ഞ്ചാ​യ​ത്തി​ലെ മു​ഴു​വ​ൻ തെ​രു​വു​നാ​യ്ക്ക​ൾ​ക്കും അ​ടി​യ​ന്ത​ര​മാ​യി വാ​ക്സി​നേ​ഷ​നും വ​ള​ർ​ത്തു​നാ​യ്ക്ക​ൾ​ക്ക് ലൈ​സ​ൻ​സും നി​ർ​ബ​ന്ധ​മാ​ക്കാ​ൻ തീ​രു​മാ​ന​മാ​യ​ത്. ഇ​തി​ന്‍റെ ഭാ​ഗ​മാ​യാ​ണ് വാ​ക്സി​നേ​ഷ​ൻ ന​ൽ​കു​ന്ന​തെ​ന്ന് പ്ര​സി​ഡ​ന്‍റ് വി.​എ​സ്. പൊ​ന്ന​മ്മ പ​റ​ഞ്ഞു. പി​ടി​കൂ​ടി​യ 113 നാ​യ്ക്ക​ൾ​ക്കും വാ​ക്സി​ൻ ന​ൽ​കി.

ഒ​രു നാ​യ്ക്ക് ഒ​രു മി​ല്ലി​ലി​റ്റ​ർ വീ​ത​മാ​ണ് വാ​ക്സി​ൻ ന​ൽ​കു​ക. ഒ​രു വ​ർ​ഷ​മാ​ണ് വാ​ക്സി​ന്‍റെ കാ​ലാ​വ​ധി. അ​തേ​സ​മ​യം ഡോ​ഗ് ക്യാ​ച്ച​ർ​മാ​ർ, വെ​റ്റ​റി​ന​റി സ​ർ​ജ​ൻ, വാ​ക്സി​ൻ എ​ന്നി​വ ഉ​ണ്ടെ​ങ്കി​ലും താ​ൽ​ക്കാ​ലി​ക ഷെ​ൽ​ട്ട​റി​നു​ള്ള സ്ഥ​ല​പ​രി​മി​തി​യാ​ണ് നി​ല​വി​ലെ വെ​ല്ലു​വി​ളി. വാ​ക്സി​നേ​ഷ​നാ​യി പി​ടി​ച്ചു​കൊ​ണ്ടു​വ​രു​ന്ന നാ​യ്ക്ക​ളു​ടെ കു​ര പൊ​തു​ജ​ന​ങ്ങ​ൾ​ക്ക് ശ​ല്യ​മാ​കാ​തി​രി​ക്കാ​ൻ സു​ര​ക്ഷി​ത സ്ഥ​ലം ക​ണ്ടെ​ത്താ​നു​ള്ള ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ട്.

ഇ​തി​ന് ഉ​ചി​ത​മാ​യ സ്ഥ​ലം ക​ണ്ടെ​ത്തു​ന്ന​തോ​ടെ ദി​നം​പ്ര​തി പ​ര​മാ​വ​ധി തെ​രു​വു​നാ​യ്ക്ക​ൾ​ക്ക് വാ​ക്സി​ൻ ന​ൽ​കാ​ൻ സാ​ധി​ക്കും. തെ​രു​വു​നാ​യ്ക്ക​ളു​ടെ വ​ർ​ധ​ന നി​യ​മാ​നു​സൃ​തം നി​യ​ന്ത്ര​ണ വി​ധേ​യ​മാ​ക്ക​ണ​മെ​ന്ന ആ​വ​ശ്യ​വും ഉ​യ​രു​ന്നു​ണ്ട്.

സ​ർ​ക്കാ​ർ​ത​ല​ത്തി​ൽ നി​ന്നു​ള്ള നി​ർ​ദേ​ശ​ത്തെ തു​ട​ർ​ന്ന് എ​ബി​സി പ്രോ​ഗ്രാ​മി​നും വാ​ക്സി​നേ​ഷ​നു​മാ​യി തു​ക പ​ഞ്ചാ​യ​ത്ത് വ​ക​യി​രു​ത്തി​യി​ട്ടു​ണ്ട്. ഇ​തി​ൽ വാ​ക്സി​നേ​ഷ​നു മാ​ത്രം 1.4 ല​ക്ഷം രൂ​പ​യാ​ണ് വ​ക​യി​രു​ത്തി​യി​രി​ക്കു​ന്ന​ത്. പ​ഞ്ചാ​യ​ത്ത് പ​രി​ധി​യി​ൽ 300 ല​ധി​കം തെ​രു​വു​നാ​യ്ക്ക​ൾ ഉ​ണ്ടെ​ന്നാ​ണ് പ്രാ​ഥ​മി​ക ക​ണ​ക്ക്.