കാ​ഞ്ഞ​ങ്ങാ​ട്: പാ​ളി​പ്പോ​യ സൗ​രോ​ർ​ജ വി​ള​ക്ക് പ​രീ​ക്ഷ​ണ​ത്തി​നു​ശേ​ഷം കാ​ഞ്ഞ​ങ്ങാ​ട് ന​ഗ​ര​പാ​ത​യി​ലെ ഡി​വൈ​ഡ​റു​ക​ളി​ൽ പു​തി​യ വി​ള​ക്കു​കാ​ലു​ക​ൾ ഉ​യ​രു​ന്നു. ജി​ല്ലാ ടൂ​റി​സം പ്ര​മോ​ഷ​ൻ കൗ​ൺ​സി​ലി​നു (ഡി​ടി​പി​സി) കീ​ഴി​ൽ ന​ട​പ്പാ​ക്കു​ന്ന ന​ഗ​ര​സൗ​ന്ദ​ര്യ​വ​ത്ക​ര​ണ പ​ദ്ധ​തി​യു​ടെ ഭാ​ഗ​മാ​യാ​ണ് പു​തി​യ തെ​രു​വു​വി​ള​ക്കു​ക​ൾ സ്ഥാ​പി​ക്കു​ന്ന​ത്. സൗ​രോ​ർ​ജ വി​ള​ക്കു​ക​ൾ​ക്ക് പ​ക​രം വൈ​ദ്യു​ത വി​ള​ക്കു​ക​ളാ​ണ് ഇ​ത്ത​വ​ണ സ്ഥാ​പി​ക്കു​ന്ന​ത്.

ഒ​ന്ന​ര​വ​ർ​ഷം മു​മ്പാ​ണ് കാ​ഞ്ഞ​ങ്ങാ​ട് ന​ഗ​ര സൗ​ന്ദ​ര്യ​വ​ത്ക​ര​ണ​ത്തി​നും തെ​രു​വു​വി​ള​ക്കു​ക​ൾ സ്ഥാ​പി​ക്കു​ന്ന​തി​നു​മാ​യി ഡി​ടി​പി​സി പ​ദ്ധ​തി ത​യാ​റാ​ക്കി ടെ​ൻ​ഡ​ർ വി​ളി​ച്ച് ക​രാ​ർ ന​ൽ​കി​യ​ത്. അ​കാ​ല​ത്തി​ൽ ക​ണ്ണ​ട​ച്ച സൗ​രോ​ർ​ജ​വി​ള​ക്കു​ക​ളു​ടെ പേ​രി​ൽ പൊ​തു​മ​രാ​മ​ത്ത് വ​കു​പ്പും ന​ഗ​ര​സ​ഭ​യും പ​ര​സ്പ​രം പ​ഴി​ചാ​രു​ന്ന​തി​നി​ടെ ജി​ല്ലാ ഭ​ര​ണ​കൂ​ടം ഇ​ട​പെ​ട്ടാ​ണ് പ​ദ്ധ​തി ഡി​ടി​പി​സി​യെ ഏ​ൽ​പ്പി​ച്ച​ത്.

ക​രാ​ർ ഏ​റ്റെ​ടു​ത്ത​വ​ർ ന​ഗ​ര​മ​ധ്യ​ത്തി​ലെ ഡി​വൈ​ഡ​റു​ക​ളി​ൽ നി​ന്ന് തു​രു​മ്പി​ച്ച വി​ള​ക്കു​കാ​ലു​ക​ളും സൗ​രോ​ർ​ജ പാ​ന​ലു​ക​ളും അ​നു​ബ​ന്ധ ഉ​പ​ക​ര​ണ​ങ്ങ​ളും നീ​ക്കി​യെ​ങ്കി​ലും പു​തി​യ​വ സ്ഥാ​പി​ക്കു​ന്ന​ത് നീ​ണ്ടു​പോ​യി. ഇ​തോ​ടെ ഡി​ടി​പി​സി അ​ധി​കൃ​ത​ർ ക​രാ​റു​കാ​ര​നെ നീ​ക്കാ​ൻ തീ​രു​മാ​ന​മെ​ടു​ത്തെ​ങ്കി​ലും ക​രാ​റു​കാ​ര​ൻ കോ​ട​തി​യെ സ​മീ​പി​ച്ച് വീ​ണ്ടും അ​നു​മ​തി നേ​ടി​യെ​ടു​ക്കു​ക​യാ​യി​രു​ന്നു. ഇ​തി​നു ശേ​ഷ​മാ​ണ് ഇ​പ്പോ​ൾ വീ​ണ്ടും പ​ണി തു​ട​ങ്ങി​യ​ത്.

ആ​റു​വ​ർ​ഷം മു​മ്പ് കെ​എ​സ്ടി​പി റോ​ഡ് ന​വീ​ക​ര​ണ​ത്തി​ന്‍റെ ഭാ​ഗ​മാ​യാ​ണ് ല​ക്ഷ​ങ്ങ​ൾ മു​ട​ക്കി റോ​ഡി​ലെ ഡി​വൈ​ഡ​റു​ക​ളി​ൽ സൗ​രോ​ർ​ജ​വി​ള​ക്കു​ക​ൾ സ്ഥാ​പി​ച്ച​ത്. എ​ന്നാ​ൽ, പ​ര​മാ​വ​ധി ആ​റു​മാ​സ​ത്തി​ന​കം സൗ​രോ​ർ​ജ വി​ള​ക്കു​ക​ളെ​ല്ലാം ക​ണ്ണ​ട​ക്കു​ക​യാ​യി​രു​ന്നു. കാ​ഞ്ഞ​ങ്ങാ​ട്-​കാ​സ​ർ​ഗോ​ഡ് സം​സ്ഥാ​ന​പാ​ത​യി​ലു​ട​നീ​ളം സ്ഥാ​പി​ച്ച സൗ​രോ​ർ​ജ വി​ള​ക്കു​ക​ൾ​ക്കും ഇ​തു​ത​ന്നെ​യാ​യി​രു​ന്നു ഗ​തി.

വി​ള​ക്കു​ക​ളോ​രോ​ന്നാ​യി ത​ക​രാ​റി​ലാ​കു​മ്പോ​ഴേ​ക്കും ഇ​വ​യു​ടെ പ​രി​പാ​ല​ന ചു​മ​ത​ല പൊ​തു​മ​രാ​മ​ത്ത് വ​കു​പ്പി​നെ ഏ​ൽ​പ്പി​ച്ച് കെ​എ​സ്ടി​പി അ​ധി​കൃ​ത​ർ ത​ടി​ത​പ്പി​യി​രു​ന്നു. എ​ട്ടു​ല​ക്ഷ​ത്തോ​ളം രൂ​പ ചെ​ല​വി​ൽ ന​ഗ​ര​മ​ധ്യ​ത്തി​ലെ ഡി​വൈ​ഡ​റു​ക​ളി​ൽ നി​ർ​മി​ച്ച പു​ൽ​ത്ത​കി​ടി​യും പൂ​ച്ചെ​ടി​ക​ളും ചു​രു​ങ്ങി​യ നാ​ളു​ക​ൾ​ക്കു​ള്ളി​ൽ പ​രി​ച​ര​ണ​മി​ല്ലാ​തെ ക​രി​ഞ്ഞു​ണ​ങ്ങി. ഇ​വ​യു​ടെ പ​രി​പാ​ല​ന ചു​മ​ത​ല ന​ഗ​ര​സ​ഭ​യ്ക്കാ​യി​രു​ന്നു.

സൗ​രോ​ർ​ജ വി​ള​ക്കു​ക​ൾ​ക്കാ​യി നേ​ര​ത്തേ വി​ള​ക്കു​കാ​ലു​ക​ൾ സ്ഥാ​പി​ച്ചി​രു​ന്ന അ​തേ അ​ടി​ത്ത​റ​ക​ളി​ൽ ത​ന്നെ​യാ​ണ് പു​തി​യ വി​ള​ക്കു​കാ​ലു​ക​ളും സ്ഥാ​പി​ക്കു​ന്ന​ത്. സൗ​രോ​ർ​ജ വി​ള​ക്കു​ക​ൾ പ്ര​കാ​ശി​ക്കാ​താ​യ​തോ​ടെ രാ​ത്രി​യി​ൽ ക​ട​ക​ളി​ലെ വെ​ളി​ച്ച​മ​ണ​ഞ്ഞാ​ൽ ന​ഗ​രം ഇ​രു​ട്ടി​ലാ​കു​ന്ന സ്ഥി​തി​യാ​യി​രു​ന്നു. ഇ​പ്പോ​ൾ സ്ഥാ​പി​ക്കു​ന്ന വി​ള​ക്കു​ക​ളെ​ങ്കി​ലും മു​ട​ക്കു​ന്ന പ​ണ​ത്തി​നൊ​ത്ത കാ​ലം പ്ര​കാ​ശി​ച്ചാ​ൽ മ​തി​യാ​യി​രു​ന്നു​വെ​ന്ന പ്രാ​ർ​ഥ​ന​യാ​ണ് നാ​ട്ടു​കാ​ർ​ക്കു​ള്ള​ത്.