മൂ​വാ​റ്റു​പു​ഴ: ക​ടു​ത്ത വേ​ന​ലും നോ​ന്പു​കാ​ല​വും ഒ​രു​മി​ച്ചെ​ത്തി​യ​തോ​ടെ സ​ജീ​വ​മാ​യി മൂ​വാ​റ്റു​പു​ഴ​യി​ലെ പ​ഴ​വി​പ​ണി. ദി​നം​പ്ര​തി വി​ല​യി​ൽ ഏ​റ്റ​ക്കു​റ​ച്ചി​ലു​ക​ൾ ഉ​ണ്ടാ​കു​ന്നു​ണ്ടെ​ങ്കി​ലും ത​ണ്ണി​മ​ത്ത​നും മാ​ന്പ​ഴ​വു​മെ​ല്ലാം വി​പ​ണി കൈ​യ​ട​ക്കി​ക​ഴി​ഞ്ഞു.

നോ​ന്പു​തു​റ​ക​ൾ​ക്ക് ഭൂ​രി​ഭാ​ഗം പേ​രും പ​ഴ​ങ്ങ​ൾ ഉ​പ​യോ​ഗി​ക്കു​ന്ന​തി​നാ​ൽ വി​പ​ണി​യി​ൽ തി​ര​ക്കേ​റെ​യാ​ണ്. വ്യാ​പ​ര​സ്ഥാ​പ​ന​ങ്ങ​ൾ​ക്കു​പു​റ​മേ വ​ഴി​യോ​ര​ങ്ങ​ളി​ലും വാ​ഹ​ന​ങ്ങ​ളി​ലു​മെ​ല്ലാം പ​ഴ​വ​ർ​ഗ​ങ്ങ​ളു​ടെ വി​ല്പ​ന ത​കൃ​തി​യാ​ണ്. വേ​ന​ൽ ക​ടു​ത്ത​തി​നാ​ൽ ത​ണ്ണി​മ​ത്ത​ൻ ത​ന്നെ​യാ​ണ് വി​പ​ണി​യി​ലെ പ്രി​യ​ങ്ക​ര​ൻ.​കൂ​ടാ​തെ ഓ​റ​ഞ്ച്, പൈ​നാ​പ്പി​ൾ, മാ​ന്പ​ഴം, മു​ന്തി​രി, ആ​പ്പി​ൾ എ​ന്നി​വ​യ്ക്കും ആ​വ​ശ്യ​ക്കാ​ർ ഏ​റെ​യാ​ണ്.

ചി​ല​തി​നൊ​ക്കെ വി​ല ചൂ​ടി​നൊ​പ്പം ഉ​യ​ർ​ന്നു​ണ്ട്. ത​ണ്ണി​മ​ത്ത​ൻ കി​ലോ 25 മു​ത​ൽ 50 രൂ​പ വ​രെ​യാ​ണ്. ആ​പ്പി​ളി​ന് വി​ല കി​ലോ​യ്ക്ക് 180 രൂ​പ​യി​ൽ തു​ട​ങ്ങു​ന്നു. മു​ന്തി​രി - 80, കു​രു​വി​ല്ലാ​ത്ത മു​ന്തി​രി -120 മു​ത​ൽ 140 വ​രെ എ​ന്നി​ങ്ങ​നെ​യാ​ണ്. ചെ​റു​നാ​ര​ങ്ങാ വി​ല​യും വ​ർ​ധി​ച്ച് 120ലെ​ത്തി. മാ​ന്പ​ഴ​ക്കാ​ലം ആ​രം​ഭി​ച്ച​തി​നാ​ൽ ത​ന്നെ വി​വി​ധ ത​രം മാ​ങ്ങ​ക​ൾ​ക്കും ആ​വ​ശ്യ​ക്കാ​ർ ഏ​റെ​യാ​ണ്.