തൃ​ശൂ​ര്‍: തേ​ക്കി​ന്‍​കാ​ട് മൈ​താ​ന​ിയി​ല്‍ പൂ​ത്ത അ​പൂ​ര്‍​വ​മാ​യ ശി​വ​കു​ണ്ഡ​ല​മ​രം കാ​ണാ​ന്‍ മ​രംന​ട്ട ഫാ.​ഡോ.​ ഫ്രാ​ന്‍​സി​സ് ആ​ല​പ്പാ​ട്ട് എത്തി. 2011 ജ​നു​വ​രി ഒ​ന്നി​നാ​ണ് തെ​ക്കേ​ഗോ​പു​ര​ന​ട​യു​ടെ ഇ​ട​തുവ​ശ​ത്ത് കൈ​ജീ​ലി​യ പി​ന്നേ​റ്റ എ​ന്ന ശാ​സ്ത്ര​നാ​മ​മു​ള്ള ശി​വ​കു​ണ്ഡ​ലം എ​ന്ന​ ഔ​ഷ​ധ​സ​സ്യം ആ​ല​പ്പാ​ട്ട​ച്ച​ന്‍ ന​ട്ട​ത്.

താ​ന്‍ന​ട്ട സ​സ്യം വ​ള​ര്‍​ന്നു​ മ​ര​മാ​യി പൂ​വി​ട്ട് ആ​ദ്യ​ഫ​ലം വ​ട​ക്കു​ന്നാ​ഥ​ന് സ​മ്മാ​നി​ക്കു​ന്ന​ത് കാ​ണാ​നാ​ണ് ആ​ല​പ്പാ​ട്ട​ച്ച​ന്‍ എ​ത്തി​യ​ത്. തൃ​ശൂ​ര്‍ സെന്‍റ് തോ​മ​സ് കോ​ള​ജി​ലെ പ​ഠ​ന​കാ​ല​ത്താ​ണ് ബോ​ട്ട​ണി വ​കു​പ്പു മേ​ധാ​വി പ്ര​ഫ.​പി.​ജെ.​ അ​ബ്ര​ഹാം ഈ ​ചെ​ടി​യെ പ​രി​ച​യ​പ്പെ​ടു​ത്തി​യ​തെ​ന്ന് ആ​ല​പ്പാ​ട്ട​ച്ച​ന്‍ ഓ​ര്‍​ത്തു.

അ​ന്നു​തൊ​ട്ട് ഈ ​സ​സ്യ​ത്തെ ശ്ര​ദ്ധി​ക്കാ​ന്‍ തു​ട​ങ്ങി. തേ​ക്കി​ന്‍​കാ​ട്ടി​ല്‍ അ​ന്ന് ഈ ​മ​ര​മു​ണ്ടാ​യി​രു​ന്നെ​ങ്കി​ലും കു​റ​ച്ചു​കാ​ല​ത്തി​നു ശേ​ഷം ഇ​ത് നി​ലം​പ​തി​ച്ചു. എ​ങ്കി​ലും പു​തു​നാ​മ്പു​ക​ള്‍ വ​ന്നി​രു​ന്നു. പ​ക്ഷേ വൃ​ക്ഷ​ച്ചു​വ​ട്ടി​ല്‍ ച​പ്പു​ച​വ​റു​ക​ള്‍ ക​ത്തി​ച്ച​പ്പോ​ള്‍ ഇ​ത് മൊ​ത്തം ക​രി​ഞ്ഞു​പോ​യി. അ​ന്നു​മു​ത​ല്‍ ഈ ​സ​സ്യം എ​വി​ടെ​യെ​ങ്കി​ലു​മു​ണ്ടോ എ​ന്ന അ​ന്വേ​ഷ​ണ​ത്തി​ലാ​യി​രു​ന്നു ഫാ.​ഫ്രാ​ന്‍​സി​സ് ആ​ല​പ്പാ​ട്ട്.

പീ​ച്ചി​യി​ലെ കേ​ര​ള ഫോ​റ​സ്റ്റ് റി​സ​ര്‍​ച്ച് ഇ​ന്‍​സ്റ്റി​റ്റ്യൂ​ട്ടി​ല്‍ അ​ന്വേ​ഷി​ച്ചി​രു​ന്നു. അ​വി​ട​ത്തെ ര​ണ്ടു ഡോ​ക്ട​ര്‍​മാ​ര്‍ ബം​ഗ​ളു​രു​വി​ല്‍ ഒ​രു സ​മ്മേ​ള​ന​ത്തി​ന് പോ​യ​പ്പോ​ള്‍ അ​വി​ടെ നി​ന്ന് ആ​ല​പ്പാ​ട്ട​ച്ച​ന് നാ​ല​ടി ഉ​യ​ര​മു​ള്ള ചെ​ടി കൊ​ണ്ടു​വ​ന്നു​കൊ​ടു​ത്തു. അ​ന്ന​ത്തെ കൊ​ച്ചി​ന്‍​ദേ​വ​സ്വം ബോ​ര്‍​ഡ് പ്ര​സി​ഡ​ന്‍റ് എം.​സി.​എ​സ്. മേ​നോ​ന്‍റെ സ​ഹ​ക​ര​ണ​ത്തോ​ടെ ചെ​ടി തെ​ക്കേ​ഗോപു​ര​ന​ട​യി​ല്‍ ന​ട്ട് വേ​ലി കെ​ട്ടി സം​ര​ക്ഷി​ച്ചു.

പൂ​ര​ക്കാ​ല​ത്ത് തെ​ക്കേ​ഗോ​പു​ര​ന​ട​യി​ല്‍ തി​ങ്ങി​നി​റ​യു​ന്ന പു​രു​ഷാ​രം ഈ ​ചെ​ടി ച​വി​ട്ട​മെ​തി​ക്കു​മെ​ന്നു​ള്ള​തി​നാ​ല്‍ ആ ​സ​മ​യ​ത്ത് മു​ള​കൊ​ണ്ട് സം​ര​ക്ഷ​ണ വേ​ലികെ​ട്ടി എ​ന്നെ ച​വി​ട്ടി​ക്കൊ​ല്ല​രു​തേ, ഞാ​ന്‍ കു​ഞ്ഞാ​ണ് ചേ​ട്ട​ന്‍മാരേ എ​ന്ന ബാ​ന​ര്‍ കെ​ട്ടി ചെ​ടി സം​ര​ക്ഷി​ച്ച ക​ഥ​യും ആ​ല​പ്പാ​ട്ട​ച്ച​നു പ​റ​യാ​നു​ണ്ട്.

ആ​ഫ്രി​ക്ക​യി​ലാ​ണ് ഈ ​വൃ​ക്ഷം കൂ​ടു​ത​ലാ​യി കാ​ണു​ന്ന​ത്. അ​ടി​മു​ടി ഔ​ഷ​ധ​ഗു​ണ​മു​ള്ള​താ​ണീ മ​രം. കാ​യ​യു​ടെ രൂ​പം ക​മ​ണ്ഡ​ലു​പോ​ലെ​യാ​യ​തി​നാ​ല്‍ അ​ല​ങ്കാ​ര​ത്തി​നാ​യും ഉ​പ​യോ​ഗി​ക്കാ​റു​ണ്ട്.ഫാ.​ഫ്രാ​ന്‍​സി​സ് ആ​ല​പ്പാ​ട്ടി​നൊ​പ്പം മ​രം പൂ​ത്ത​തു കാ​ണാ​നാ​യി എം.​സി.​എ​സ്. മേ​നോന്‍റെ മ​ക​നും പ്ര​വാ​സി വ്യ​വ​സാ​യി​യു​മാ​യ ഡോ.​ടി.​എ.​സു​ന്ദ​ര്‍​മേ​നോ​നു​മു​ണ്ടാ​യി​രു​ന്നു.

സ്വ​ന്തം ലേ​ഖ​ക​ന്‍