രണ്ടുലക്ഷം രൂപയും ചെക്കുകളും പിടിച്ചെടുത്തു

പാ​റ​ശാ​ല: അ​മി​ത പ​ലി​ശയ്ക്കു ന​ല്‍​കി​യ പ​ണ​ത്തി​ന് ഈ​ടാ​യി യു​വാ​വി​നെ ഭീ​ഷ​ണി​പ്പെ​ടു​ത്തി വാ​ഹ​നം പി​ടി​ച്ചെ​ടു​ത്ത​യാ​ള്‍ അ​റ​സ്റ്റി​ല്‍. കൊ​റ്റാ​മം സ്വ​ദേ​ശി ഹ​ര​ന്‍ (30) ആ​ണ് പി​ടി​യി​ലാ​യ​ത്. ഹ​ര​നി​ല്‍നി​ന്നും പ​ണം ക​ടം വാ​ങ്ങി​യ മ​ര്യാ​പു​രം സ്വ​ദേ​ശി വി​ശാ​ഖ് വി​ജ​യ​ന്‍റെ പി​താ​വ് മു​ഖ്യ​മ​ന്ത്രി​ക്കു ന​ല്‍​കി​യ പ​രാ​തി​യെ തു​ട​ര്‍​ന്നാ​ണ് പാ​റ​ശാ​ല പോ​ലീ​സ് അ​ന്വേ​ഷ​ണം തു​ട​ങ്ങി​യ​ത്.

ഹ​ര​ന്‍റെ വീ​ട്ടി​ല്‍ ന​ട​ത്തി​യ പ​രി​ശോ​ധ​ന​യി​ല്‍ അ​മി​ത പ​ലി​ശ​യ്ക്കു ന​ല്‍​കി​യ പ​ണ​ത്തി​ന് ഈ​ടാ​യി വാ​ങ്ങി​യ നാലു കാ​റു​ക​ള്‍, ക​ണ​ക്കി​ല്‍പെ​ടാ​ത്ത രണ്ടുല​ക്ഷം രൂ​പ, ഏഴു വാ​ഹ​ന​ങ്ങ​ളു​ടെ ആ​ര്‍സി ​ബു​ക്ക്, പ​ല​രു​ടെ​യും പേ​രി​ല്‍ ഒ​പ്പി​ട്ടു വാ​ങ്ങി​യ ചെ​ക്ക് തു​ട​ങ്ങി​യ​വയും ക​ണ്ടെ​ത്തി. സം​ഭ​വ​ത്തെ​ക്കു​റി​ച്ച് പോ​ലീ​സ് പ​റ​യു​ന്ന​ത്:

ഒ​ന്ന​ര​വ​ര്‍​ഷം മു​ന്‍​പ് വി​ശാ​ഖ് 100 രൂ​പ​ക്ക് 10 രൂ​പ നി​ര​ക്കി​ല്‍ ഹ​ര​നി​ല്‍നി​ന്ന് ആ​റ​ര ല​ക്ഷം രൂ​പ പ​ലി​ശ​യ്ക്ക് വാ​ങ്ങി​യി​രു​ന്നു. പ​ല​ത​വ​ണ​യാ​യി 17 ല​ക്ഷം രൂ​പ തി​രി​ച്ചു ന​ല്‍​കി. പിന്നീട് വീ​ണ്ടും പ​ണം ന​ല്‍​കേ​ണ്ട​തു​ണ്ടെ​ന്നു ഭീ​ഷ​ണി​പ്പെ​ടു​ത്തി വി​ശാ​ഖി​ന്‍റെ കാ​ര്‍ ഈ​ടാ​യി ഹ​ര​ന്‍ പി​ടി​ച്ചെ​ടു​ത്തു.

വാ​ഹ​നം തിരിച്ചു പി ടിക്കാൻ വി​ശാ​ഖ് പ​ല​രി​ല്‍ നി​ന്നും പ​ണം ക​ടം വാ​ങ്ങി ന​ല്‍​കി​യെ​ങ്കി​ലും ഹരൻ കാ​ര്‍ തി​രി​ച്ചു ന​ല്‍​കി​യി​ല്ല. വാ​ഹ​നം വി​ട്ടു ന​ല്‍​കാ​ന്‍ വി​ശാ​ഖി​ന്‍റെ ബ​ന്ധു​ക്ക​ള്‍ ആ​വ​ശ്യ​പ്പെ​ട്ടുവെ​ങ്കി​ലും ഹരൻ വി​സ​മ്മ​തി​ച്ച​തി​നെ തു​ട​ര്‍​ന്നാ​ണ് ഇ​ക്ക​ഴി​ഞ്ഞ 19ന് ​വിശാഖിന്‍റെ പി​താ​വ് മു​ഖ്യ​മ​ന്ത്രി​ക്കു പ​രാ​തി ന​ല്‍​കി​യ​ത്. പാ​റശാ​ല ഉ​ദി​യ​ന്‍​കു​ള​ങ്ങ​ര പ്ര​ദേ​ശ​ങ്ങ​ള്‍ കേ​ന്ദ്ര​മാ​ക്കി വാ​ഹ​നം, ഭൂ​മി​യു​ടെ രേ​ഖ​ക​ള്‍, ആ​ര്‍സി ​ബു​ക്ക്, ചെ​ക്ക് എ​ന്നി​വ വാ​ങ്ങി അ​മി​ത പ​ലി​ശ​യ്ക്കു പ​ണം ന​ല്‍​കു​ന്ന ഒ​ട്ടേ​റെ പേ​ര്‍ പ്ര​വ​ര്‍​ത്തി​ക്കു​ന്ന​താ​യി പോ​ലീ​സി​നു വി​വ​രം ല​ഭി​ച്ചി​ട്ടു​ണ്ട്.

പ​ലി​ശ വൈ​കി​യാ​ല്‍ ഗു​ണ്ടാ സം​ഘ​ങ്ങ​ള്‍​ക്കൊ​പ്പം എ​ത്തു​ന്ന സം​ഘം വീ​ടു ക​യ​റി ഭീ​ഷ​ണി​പ്പെ​ടു​ത്തി സാ​ധു​ക്ക​ളി​ല്‍നി​ന്ന് പൈ​സ കൊ​ള്ള​യ​ടി​ക്കു​ന്ന രീ​തി​യാ​ണ് ഇ​വി​ടെ ന​ട​ന്നു വ​രു​ന്ന​ത്. ഇ​ന്ന​ലെ പാ​റ​ശാ​ല എ​സ്ഐയു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് അ​ന​ധി​കൃ​ത​മാ​യി സൂ​ക്ഷി​ച്ചി​രു​ന്ന വാ​ഹ​ന​ങ്ങ​ള്‍ ക​സ്റ്റ​ഡി​യി​ലെ​ടു​ത്തത്.