ADVERTISEMENT

ADVERTISEMENT

പൈസക്കരി ഫൊറോനയിൽ പുതിയ പള്ളിക്ക് തറക്കല്ലിട്ടു

പൈസക്കരി: ദേവമാതാ ഫൊറോനയിൽ പുതുതായി നിർമിക്കുന്ന പള്ളിയുടെ തറക്കല്ലിടൽ കർമം പൈസക്കരിയിൽ നടന്നു.

ഇന്നലെ രാവിലെ 9.45 ന് താത്കാലിക പള്ളിയിൽ ആഘോഷമായ വിശുദ്ധ കുർബാനയ്ക്ക് തലശേരി അതിരൂപത വികാരി ജനറാളും പൈസക്കരി ഫൊറോന മുൻ വികാരിയുമായ മോൺ. സെബാസ്റ്റ്യൻ പാലാക്കുഴി, അതിരൂപത ജുഡീഷ്യൽ വികാരി റവ. ഡോ. ജോസ് വെട്ടിയ്ക്കൽ, പൈസക്കരി ഫൊറോന വികാരി ഫാ. നോബിൾ ഓണംകുളം എന്നിവർ കാർമികത്വം വഹിച്ചു.

തുടർന്ന് 10.45 ന് തലശേരി അതിരൂപത ആർച്ച് ബിഷപ്പ് മാർ ജോസഫ് പാംപ്ലാനി തറക്കല്ല് ആശീർവദിച്ച് ശിലാസ്ഥാപനം നിർവഹിച്ചു.

ADVERTISEMENT

കുഴിയിൽ വീണ് വാഹനങ്ങൾ അപകടത്തിലായിട്ടും തിരിഞ്ഞുനോക്കാതെ അധികൃതർ

ഇരിട്ടി: പൊട്ടിപ്പൊളിഞ്ഞ് ദുരിത പാതയായി മാറിയ നേരംപോക്ക് - എടക്കാനം റോഡിൽ അപകടങ്ങൾ പെരുകുന്നു. ഇരിട്ടി ടൗണിനോട് ചേർന്ന റോഡിന്‍റെ ശോചനീയാവസ്ഥ അറിഞ്ഞിട്ടും അധികൃതർക്ക് നേരംപോക്ക് പോലെയാണ്. എങ്ങും കുഴികൾ നിറഞ്ഞ റോഡ് ഇരുചക്ര വാഹന യാത്രക്കാർക്കും കാൽ നടയാത്രക്കാർക്കും പേടി സ്വപ്‌നമായി മാറുകയാണ്. ഇരു ചക്രവാഹനങ്ങളാണ് റോഡിലെ കുഴിയിൽ വീണ് ഏറെയും അപകടത്തിൽ പെടുന്നത്. കഴിഞ്ഞ ദിവസം ഉച്ചയോടെ ഇരിട്ടി ടൗണിൽ നിന്നും സാധനങ്ങൾ വാങ്ങി വീട്ടിലേക്ക് മടങ്ങിയ കീഴൂർ സ്വദേശി റിട്ട. പോലീസ് എസ്‌ഐ പി.വി. ലക്ഷ്മണന്‍റെ സ്കൂട്ടർ നേരംപോക്ക് വയൽ തുടങ്ങുന്ന ഭാഗത്തെ വലിയ കുഴിയിൽ വീണു. നിയന്ത്രണം വിട്ട സ്‌കൂട്ടറിൽ നിന്ന് ലക്ഷ്മണൻ റോഡിലേക്ക് തെറിച്ചു വീഴുകയും ചെയ്തു. വീഴ്ചയിൽ കാൽമുട്ട് റോഡിൽ ഇടിച്ച് മുട്ടിനു പരിക്കേറ്റു. കഴിഞ്ഞ ദിവസങ്ങളിലും ഇതേറോഡിൽ കൊടുവേലി തോടിന്‍റെ കലുങ്കിന് സമീപം ഇരുചക്ര വാഹനങ്ങൾ കുഴിയിൽ വീണ് അപകടമുണ്ടായിരുന്നു. ചാവശേരി സ്വദേശിയും പെരുമണ്ണ് സ്വദേശിയുമാണ് അപകടത്തിൽപ്പെട്ടത്. ചാവശേരി സ്വദേശി പരിക്കേൽക്കാതെ രക്ഷപ്പെട്ടെങ്കിലും ബൈക്കിന് കേടുപറ്റി. ഇത്തരം അപകടങ്ങൾ നിത്യവും സംഭവിക്കുകയാണ്.വർഷങ്ങളായി അറ്റകുറ്റപ്പണികൾ നടത്താതെ വന്നതോടെ റോഡിൽ വലിയ കുഴികൾ രൂപപ്പെട്ടിട്ടുണ്ട്. മഴയിൽ വെളളം നിറയുന്നതോടെ വലിയ കുഴിയേത്, ചെറിയ കുഴിയേതെന്ന് തിരിച്ചറിയാൻ പറ്റാത്ത അവസ്ഥയിലാണ്. കാൽനടയാത്രപോലും ദുഷ്‌കരമായ റോഡിൽ ഓട്ടോകൾ പലതും ഓട്ടം പോകുന്നില്ല. ഒരു വർഷമായി റോഡ് ടാറിംഗ് നടത്തുമെന്ന് പറയുന്നു. കരാർ നൽകുകയും മെറ്റൽ അടക്കമുള്ള സാധനങ്ങൾ ഇറക്കി വയ്ക്കുകയും ചെയ്തു. എന്നാൽ തുടർച്ചയായി പെയ്യുന്ന മഴയാണ് ടാറിംഗിന് തടസമാകുന്നത്. ഇതിനിടയിൽ തകർന്ന റോഡിന്‍റെ അരികിലൂടെ ടെലിഫോൺ കേബിളിടുന്നതിനായി കുഴികളെടുക്കുകയും കുടിവെള്ള വിതരണ പൈപ്പിടാനായി ചാലുകീറുകയും ചെയ്തത് ദുരിതം ഇരട്ടിപ്പിച്ചിരിക്കയാണ്.

ഇരിട്ടി പഴയപാലം അടച്ചതോടെ പുതിയ പാലത്തിൽ ഗതാഗതകുരുക്ക് രൂക്ഷം

ഇരിട്ടി: ഇരിട്ടി പഴയ പാലത്തിൽ കെഎസ്ആർടിസി ബസ് ഇടിച്ചു കയറിയുണ്ടായ അപകടത്തെ തുടർന്ന് പഴയപാലം അടച്ചതോടെ പുതിയ പാലം ഗതാഗതകുരുക്കിൽ വീർപ്പുമുട്ടുന്നു. അപകടത്തെ തുടർന്ന് പഴയ പാലത്തിന്‍റെ സ്പാനിൽ വിള്ളൽ കണ്ടതോടെയാണ് പൊതുമരാമത്ത് വകുപ്പ് പഴയപാലം പൂർണണായും അടച്ച് ഗതാഗതം നിരോധിച്ചത്. പുതിയപാലത്തിൽ സ്ഥാപിച്ച സിഗ്നൽ സംവിധാനം ഒരു വർഷത്തോളമായി തകരാറിലായിട്ടും അറ്റകുറ്റപണി നടത്താൻ ബന്ധപ്പെട്ടവർ തയറായിട്ടുമില്ല. പുതിയപാലത്തിലെ ഗതാഗതകുരുക്ക് ഇരിട്ടി നഗരത്തിലേക്കു വരെ നീളുകയാണ്. പഴയ പാലം അടച്ചതോടെ സിഗ്നൽ സംവിധാനത്തിന്‍റെ പ്രാധാന്യം വർധിച്ചിട്ടുണ്ട്. ഇരിട്ടി ടൗണിൽ നിന്നു ഇരിക്കൂർ, ഉളിക്കൽ ഭാഗങ്ങളിലേക്കുള്ള ബസുകൾ ഉൾപ്പെടെ പഴയപാലത്തെ വൺവെ സംവിധാനമായാണ് ഉപയോഗപ്പെടുത്തിയത്. അതുകൊണ്ട് നഗരത്തിൽ എത്രവലിയ വാഹനത്തിരക്ക് അനുഭവപ്പെട്ടാലും പുതിയ പാലം കവലലെ ഇത് ബാധിക്കാറില്ലായിരുന്നു. എന്നാലിപ്പോൾ സ്ഥിതി മാറി. ഇരിട്ടി ടൗണിൽ നിന്നും പാലത്തിലേക്ക് പ്രവേശിക്കുന്ന ഭാഗത്താണ് വലിയ തിരക്ക് അനുഭവപ്പെടുന്നത്. പാലത്തിന്‍റെ പായം പഞ്ചായത്തിന്‍റെ ഭാഗത്തുവെച്ചാണ് ഇരിക്കൂർ, ഉളിക്കൽ ഭാഗങ്ങളിലേക്കുള്ള വാഹനങ്ങളും കൂട്ടുപുഴ, മാടത്തിൽ, എടൂർ ഭാഗങ്ങളിലേക്കുള്ള വാഹനങ്ങളും തിരിഞ്ഞുപോകേണ്ടത്. ഇതേ ഭാഗത്തുകൂടിയാണ് ഉളിക്കൽ ഭാഗത്തുനിന്നും മാടത്തിൽ ഭാഗത്തുനിന്നും ഇരിട്ടി ഭാഗത്തേക്ക് വരുന്ന വാഹനങ്ങൾ പാലത്തിലേക്ക് കയറേണ്ടതും. ചെറുതും വലുതുമായ എല്ലാ വാഹനങ്ങളും ഇരിക്കൂർ, ഉളിക്കൽ ഭാഗങ്ങളിലേക്ക് പോകുന്നതിനും ഇതേ വഴിയാണ് ഉപയോഗപ്പെടുത്തുന്നത്. ഇത് ഗതാഗതകുരുക്കിനൊപ്പം അപകടങ്ങൾക്കും വഴി വെക്കുന്നുണ്ട്. രാവിലെയും വൈകുന്നേരങ്ങളിലുമാണ് ഗതാഗതകുരുക്ക് രൂക്ഷമാകുന്നത്. ഈ സമയങ്ങളിൽ ഗതാഗത നിയന്ത്രണത്തിന് ട്രാഫിക് പോലീസിനെയോ ഹോം ഗാർഡിനെയോ നിയോഗിച്ചാൽ ഒരു പരിധിവരെ കുരുക്ക് ഒഴിവാക്കാമെങ്കിലും പോലീസ് ഇതുവരെ ഇതിനു തയാറായിട്ടില്ല. ബസിടിച്ച് കേടുപാട് സംഭവിച്ച പഴയ പാലത്തിന്‍റെ ഭാഗം അറ്റകുറ്റപണി നടത്തുന്നത് വരെ അടച്ചിടാനാണ് പൊതുമരാമത്ത് വകുപ്പിന്‍റെ തീരുമാനം. അറ്റകുറ്റപണ നടത്തുന്നതിന് കാലതാമസം ഉണ്ടാവുകയാണെങ്കിൽ ഇരുചക്രവാനഹങ്ങളെയും ഓട്ടോ റിക്ഷകളെയും പാലത്തിലൂടെ കടത്തിവിടണമെന്ന ആവശ്യവും ഉയർന്നിട്ടുണ്ട്.

അയ്യൻകുന്ന് ജനകീയ ആരോഗ്യ കേന്ദ്രം; പുതിയ കെട്ടിടം ഉദ്ഘാടനം ചെയ്തു

ഇരിട്ടി: അയ്യൻകുന്ന് പഞ്ചായത്തിലെ അങ്ങാടിക്കടവിൽ ജനകീയ ആരോഗ്യ കേന്ദ്രത്തിന്‍റെ പുതിയ കെട്ടിടം സണ്ണി ജോസഫ് എംഎൽഎ ഉദ്ഘാടനം ചെയ്തു. ആയുഷ്മാൻ ആരോഗ്യ മന്ദിർ പദ്ധതി പ്രകാരം 55 ലക്ഷം രൂപ കേന്ദ്ര ഫണ്ട് (സിഎഫ്സി) ഉപയോഗിച്ചാണ് കെട്ടിടത്തിന്‍റെ നിർമാണം. ആധുനിക സൗകര്യങ്ങളോടെ 1650 ചതുരശ്ര അടി കെട്ടിടമാണ് നിർമിച്ചത്. ഗ്രാമപഞ്ചായത്ത് പ്രസിഡന്‍റ് കുര്യാച്ചൻ പൈമ്പള്ളികുന്നേൽ അധ്യക്ഷത വഹിച്ചു. ഇരിട്ടി ബ്ലോക്ക് പഞ്ചായത്ത് പ്രസിഡന്‍റ് കെ. വേലായുധൻ മുഖ്യാഥിതിയായിരുന്നു. പഞ്ചായത്ത് വൈസ് പ്രസിഡന്‍റ് ബീന റോജസ്, മെഡിക്കൽ ഓഫീസർ പ്രിയ സദാനന്ദൻ, പഞ്ചായത്ത് സ്റ്റാൻഡിംഗ് കമ്മിറ്റി ചെയർമാന്മാരായ ഐസക് ജോസഫ്, സീമ സനോജ്, സിന്ധു ബെന്നി, ബ്ലോക്ക് പഞ്ചായത്ത് അംഗം ജോളി ജോയിക്കുട്ടി, വിവിധ രാഷ്ട്രീയ പാർട്ടി പ്രതിനിധികളായ ജെയിൻസ് ടി. മാത്യു, ബിജോയി പ്ലാത്തോട്ടം, ബാബു കാരക്കാട്ട്, ഇഗ്‌നേഷ്യസ്, ബാബു നടയത്ത്, അബ്ദുൾ സലാം, ഒ.ജെ. ജോർജ്, ഡോ.എം.എസ്. ജയകൃഷ്ണൻ എന്നിവർ പ്രസംഗിച്ചു.

കാട്ടാന; പരിശോധനയ്ക്ക് ജീവനക്കാർ എത്തിയത് മൂന്നാം ദിവസം

ഇരിട്ടി : കൂട്ടുപുഴ പേരട്ട മേഖലയിൽ കാട്ടാന ഇറങ്ങി ഭീഷണിയിലായ മേഖലയിൽ വനം വകുപ്പ് ജീവനക്കാർ പരിശോധനക്ക് എത്തിയത് മൂന്നാം ദിവസം. ശ്രീകണ്ഠപുരം റേഞ്ചിന് വാഹനം ഇല്ലാത്തതാണ് കാരണമെന്നു പറയുന്നു. ശ്രീകണ്ഠപുരം സെക്ഷനിലെ വാഹനം ആറളം ഫാമിൽ ആർആർടിക്ക് നൽകിയതോടെയാണ് കൂട്ടുപുഴയിൽ വാഹനം ഇല്ലാതായത്. തളിപ്പറമ്പ് റേഞ്ചർ അനൂപ് കൃഷ്ണന്‍റെ ഒപ്പമാണ് ശ്രീകണ്ഠപുരം സെക്ഷൻ ഓഫീസർ ഉൾപ്പെടെയുള്ള സംഘം ഇന്നലെ പരിശോധന നടത്തിയത്. പയ്യാവൂർ പഞ്ചായത്തിലെ പാടാംകവലയിലുള്ള ഓഫീസിൽ നിന്ന് വാഹനം ഇല്ലാതെ ഉളിക്കൽ പഞ്ചായത്തിന്‍റെ അതിർത്തിയായ പേരട്ടയിൽ എത്തുക പ്രയോഗികമായി വളരെ ബുദ്ധിമുട്ടാണ്. മുന്പും വാഹനം ഇല്ലാതെ ബുദ്ധിമുട്ടിയ സെക്ഷൻ ഓഫീസിന്‍റെ ദുരിതാവസ്ഥ മാധ്യമങ്ങൾ വാർത്ത ആക്കിയതോടെയാണ് പുതിയ വാഹനം ലഭിച്ചത്. രാത്രിയിലും, അടിയന്തര സാഹചര്യത്തിലും ദൂരെ സ്ഥലങ്ങളിൽ എത്തിച്ചേരാൻ സേനക്ക് കഴിയാറില്ല.

പടിയൂരിൽ വോട്ട് തള്ളൽ വ്യാപകമെന്ന് യുഡിഎഫ്

പടിയൂർ : പടിയൂർ പഞ്ചായത്തിൽ അകാരണമായി വോട്ട് തള്ളൽ വ്യാപകമെന്ന് യുഡിഎഫ്. ബ്ലാത്തൂർ, ചോലക്കരി വാർഡുകളിലെ യുഡിഎഫിന്‍റെ വോട്ടുകൾ വ്യാപകമായി തള്ളാൻ അപേക്ഷ നൽകിയത് അതാത് വാർഡുകളിലെ മെംബർമാരായ പഞ്ചായത്ത് വൈസ് പ്രസിഡന്‍റ്, സ്റ്റാൻഡിംഗ് കമ്മിറ്റി ചെയർമാൻ എന്നിവരുടെ പേരിലാണെന്ന് യുഡിഎഫ് നേതാക്കൾ പറയുന്നു. മണ്ണേരി, ഊരത്തൂർ, ആലത്തുപറമ്പ്, വാർഡുകളിലെ യുഡിഎഫ് വോട്ടുകൾ സിപിഎം നേതാക്കളുടെ പേരിൽ നാട്ടിൽ ഉള്ളവരുടേതും മറ്റ് സ്ഥലങ്ങളിൽ ജോലിക്ക് പോകുന്നവരുടെയും വോട്ടുകൾ നാട്ടിൽ താമസമില്ല എന്ന കാരണം കാണിച്ചാണ് തള്ളാൻ അപേക്ഷ നൽകിയത്. ഇന്ത്യയിലെ മറ്റു സംസ്ഥാനങ്ങളിൽ പൗരന്‍റെ വോട്ടവകാശത്തെ കവർന്നെടുക്കുന്ന ആർഎസ്എസിന്‍റെ അജണ്ട നടപ്പാക്കുന്ന പഞ്ചായത്ത് വൈസ് പ്രസിഡന്‍റും സ്റ്റാൻഡിംഗ് കമ്മിറ്റി ചെയർമാനും അവരവരുടെ സ്ഥാനം മറന്നുള്ള പ്രവവൃത്തിയാണ് ചെയ്യുന്നതെന്ന് യുഡിഎഫ് ആരോപിച്ചു. ജനനം മുതൽ ബ്ലാത്തൂർ ഒന്നാം വാർഡിൽ താമസക്കാരിയായ കണ്ണാവിൽ മാധവി, ചിറ്റാരിയിലെ വീട്ടിൽ താമസിക്കുന്ന 77 വയസുകാരിയുടെ വോട്ട് പോലും തള്ളുന്നതിതായി ജനാധിപത്യ മര്യാദകൾ മറന്നു. വ്യാപകമായി കള്ള വോട്ടുകൾ ചേർക്കുന്നതിനെതിരെയും എതിർക്കുന്നവരെ വോട്ടർ പട്ടികയിൽ നിന്ന് അനധികൃതമായി നീക്കം ചെയ്യുന്നതിനെതിരെയും സമര പരിപാടികൾ ആരംഭിക്കുമെന്ന് കോൺഗ്രസ്‌ കല്യാട് മണ്ഡലം പ്രസിഡന്‍റ് പി. അയ്യൂബ്, കെപിസിസി മെംബർ മുഹമ്മദ് ബ്ലാത്തൂർ എന്നിവർ അറിയിച്ചു.

വെൽനസ് സെന്‍റർ പ്രവർത്തനം ആരംഭിച്ചു

മട്ടന്നൂർ: ഇരിട്ടി നഗരസഭ നഗര ജനകീയ ആരോഗ്യ കേന്ദ്രമായ വെൽനസ് സെന്‍റർ പത്തൊൻമ്പതാം മൈൽ പറമ്പിൽ പ്രവർത്തനം ആരംഭിച്ചു. നഗരസഭയിൽ രണ്ടാമത്തെ വെൽനസ് സെന്‍ററാണ് പ്രവർത്തനം തുടങ്ങിയത്. മെച്ചപ്പെട്ട ചികിത്സ നൽകുകയെന്ന ലക്ഷ്യത്തോടെയാണ് നഗരസഭയിൽ വെൽനസ് സെന്‍റർ തുടങ്ങിയത്. കണ്ണൂർ സിറ്റി പോലീസ് കമ്മീഷണർ പി. നിധിൻരാജ് ഐപിഎസ് ഉദ്ഘാടനം ചെയ്തു. ഇരിട്ടി നഗരസഭ ചെയർപേഴ്സ‌ൺ കെ. ശ്രീലത അധ്യക്ഷത വഹിച്ചു. കണ്ണൂർ ഡിപിഎം ഡോ. പി.കെ. അനിൽകുമാർ മുഖ്യാതിഥിയായിരുന്നു. ഡോ.സി.പി. ബിജോയ്, വൈസ് ചെയർമാൻ പി.പി. ഉസ്മ‌ാൻ, നഗരസഭ സെക്രട്ടറി കെ. അൻഷിദ്, സ്റ്റാൻഡിംഗ് കമ്മിറ്റി ചെയർമാൻമാരായ കെ. സോയ, പി.കെ. ബൾക്കീസ്, ടി.കെ. ഫസീല, കെ. സുരേഷ്, കൗൺസിലർ സാജിത ചൂര്യോട്, എം.പി. മനോജ്. എൻ.വി. രവീന്ദ്രൻ, കെ.വി. രാമചന്ദ്രൻ, സി.വി.എം. വിജയൻ, കെ.വി. മമ്മു, സി.പി. ശശീന്ദ്രൻ, കെ. മുഹമ്മദലി. പി.കെ. ഉനൈസ്, ഷക്കീബ് കേളോത്ത്, ഡോ.സി. രാജേഷ് എന്നിവർ പ്രസംഗിച്ചു. ആദ്യഘട്ടത്തിൽ പുന്നാട് ടൗണിലാണ് വെൽനസ് സെന്‍റർ തുറന്നത്. തുടർന്നാണ് പത്തൊമ്പതാം മൈൽ പറമ്പ് റോഡിൽ രണ്ടാമത്തെ വെൽനസ് സെന്‍ററും പ്രവർത്തനം ആരംഭിച്ചത്. ഈ ഭാഗങ്ങളിലുള്ളവർ മട്ടന്നൂർ, ഇരിട്ടി ഗവ. ആശുപത്രികളെയാണ് ആശ്രയിക്കുന്നത്. ഉച്ചമുതൽ വൈകുന്നേരം ആറുവരെ ഡോക്ടരുടെ സേവനം അടക്കം വെൽനസ് സെന്‍ററിലുണ്ടാകും.

വ്യാപാര സ്ഥാപനങ്ങളിൽ അഗ്നിരക്ഷാസേനയുടെ പരിശോധന; 50 സ്ഥാപനങ്ങൾക്ക് നോട്ടീസ് നൽകി

കണ്ണൂർ: കണ്ണൂർ നഗരപരിധിയിലെ വ്യാപാര സ്ഥാപനങ്ങളിൽ അഗ്നിരക്ഷാ സേന നടത്തിയ പരിശോധനയിൽ മിക്കയിടങ്ങളിലും അഗ്നിരക്ഷാ സംവിധാനങ്ങളില്ലെന്ന് കണ്ടെത്തി. അഗ്നിരക്ഷാ സംവിധാനങ്ങൾ, സുരക്ഷാ ക്രമീകരണങ്ങൾ എന്നിവ ഒരുക്കാത്ത 50 സ്ഥാപനങ്ങൾക്ക് സംവിധാനം ഒരുക്കുന്നതുമായി ബന്ധപ്പെട്ട് നോട്ടീസ് നൽകി. കണ്ണൂർ ഫയർ സ്റ്റേഷൻ ഓഫീസർ ടി.വി. പവിത്രന്‍റെ നേതൃത്വത്തിലായിരുന്നു പരിശോധന. തീപിടിത്ത പ്രതിരോധ സംവിധാനങ്ങൾ പേരിനു പോലും ഒരുക്കാത്ത തരത്തിൽ നിരവധി സ്ഥാപനങ്ങളാണ് കണ്ടെത്തിയത്. നിശ്ചിത ദിവസങ്ങൾക്കുള്ളിൽ സംവിധാനം ഒരുക്കണമെന്ന് ചൂണ്ടിക്കാട്ടിയാണ് നോട്ടീസ് നൽകിയിരിക്കുന്നു. ഇന്നലെ മുതലാണ് നഗരപരിധിയിലെ സ്ഥാപനങ്ങളിൽ പരിശോധന ആരംഭിച്ചത്. വരും ദിവസങ്ങളിലും തുടരും. പരിശോധനക സംഘത്തിൽ ഫയർആൻഡ് റസ്ക്യു ഓഫീസർമാരായ ഷിജോ, മിഥുൻ എന്നിവരുമുണ്ടായിരുന്നു. തളിപ്പറന്പിലെ ഷോപ്പിംഗ് കോംപ്ലക്സിലുണ്ടായ തീപിടിത്തത്തിന്‍റെ പശ്ചാത്തലത്തിലാണ് പരിശോധന നടത്തുന്നത്.

ശബരിമല സ്വർണക്കവർച്ച: ‍യുഡിഎഫ് ജനകീയ സദസുകൾ നടത്തും

കണ്ണൂർ: ശബരിമലയിലെ സ്വർണക്കൊള്ളക്കുത്തരവാദിയായ ദേവസ്വം മന്ത്രി രാജിവെക്കുക, തിരുവിതാകംകൂർ ദേവസ്വം ബോർഡ് ചെയർമാനെ പുറത്താക്കുക, ശബരിമല സ്വർണപ്പാളി മോഷണം ഹൈക്കോടതിയുടെ നേരിട്ടുള്ള നിരീക്ഷണത്തിൽ സിബിഐ അന്വേഷിക്കുക എന്നീ ആവശ്യങ്ങളുന്നയിച്ച് യുഡിഎഫ് നിയോജക മണ്ഡലങ്ങളുടെ നേതൃത്വത്തിൽ ജനകീയ സദസുകൾ നടത്തും. 29 മുതൽ 31 വരെയുള്ള തീയതികളിൽ ജനകീയ സദസുകൾ നടത്താൻ യുഡിഎഫ് ജില്ലാ കമ്മിറ്റി തീരുമാനിച്ചു. കേരള ഹൈക്കോടതി വിധിയുടെ അടിസ്ഥാനത്തിൽ ശബരിമലയിലെ സ്വർണ്ണപ്പാളി കടത്തി വിറ്റതിന് ദേവസ്വം മന്ത്രിയും ബോർഡ് ചെയർമാനും ഉത്തരവാദിയാണെന്ന് പകൽ വെളിച്ചം പോലെ വ്യക്തമാണെന്ന് യോഗം അഭിപ്രായപ്പെട്ടു. ചെയർമാൻ പി.ടി. മാത്യു അധ്യക്ഷത വഹിച്ചു. തദ്ദേശസ്വയംഭരണ തെരഞ്ഞെടുപ്പ് സീറ്റ് വിഭജനം പഞ്ചായത്ത്, മുനിസിപ്പൽതലങ്ങളിൽ 27ന് മുന്പ് പൂർത്തിയാക്കാൻ കീഴ്ഘടകങ്ങൾക്ക് യോഗം നിർദേശം നൽകി. കൺവീനർ അബ്ദുൽ കരീം ചേലേരി, ഡിസിസി പ്രസിഡന്‍റ് മാർട്ടിൻ ജോർജ്, സിഎംപി സംസ്ഥാന സെക്രട്ടറി സി.എ. അജീർ, എ.ഡി. മുസ്തഫ, മഹമൂദ് കടവത്തൂർ, കെ. പ്രമോദ് ,കെ.എ. ലത്തീഫ്, സി. ജോൺസൺ, പി. തോമസ് തോമസ് വക്കത്താനം,റോജസ് സെബാസ്റ്റ്യൻ, ജോസ് വേലിക്കകത്ത്, അൻസാരി തില്ലങ്കേരി, സുരേഷ് ബാബു എളയവൂർ, കെ.എ. ഫിലിപ്പ് എന്നിവർ പ്രസംഗിച്ചു.

ഹാൻഡ് ബോളിൽ പയ്യന്നൂർ സബ്‌ ജില്ല എല്ലാ വിഭാഗത്തിലും ചാമ്പ്യൻമാർ

ചെറുപുഴ: വയക്കരയിൽ നടന്ന കണ്ണൂർ റവന്യൂ ജില്ലാ സ്കൂൾ ഹാൻഡ്ബോൾ ചാമ്പ്യൻഷിപ്പിൽ എല്ലാ വിഭാഗത്തിലും പയ്യന്നൂർ സബ്‌ ജില്ല ജേതാക്കളായി. ചാമ്പ്യൻഷിപ്പിൽ സബ് ജൂണിയർ ആൺകുട്ടികൾ - പെൺകുട്ടികൾ, ജൂണിയർ ആൺകുട്ടികൾ - പെൺകുട്ടികൾ, സീനിയർ ആൺകുട്ടികൾ - പെൺകുട്ടികൾ തുടങ്ങി എല്ലാ വിഭാഗത്തിലും പയ്യന്നൂർ സബ് ജില്ല ഒന്നാം സ്ഥാനം കരസ്ഥമാക്കി. സബ്ജില്ലയ്ക്കുവേണ്ടി മത്സരിച്ച എല്ലാ വിഭാഗത്തിലെയും കുട്ടികൾ വയക്കര ഗവ. ഹയർ സെക്കഡറി സ്കൂളിൽ നിന്നുള്ളവരാണ്. ഹാൻഡ്ബോൾ ഗ്രാമമെന്നറിയപ്പെടുന്ന വയക്കരയിൽ നിന്നും നൂറുകണക്കിന് ഹാൻഡ് ബോൾ താരങ്ങളാണ് ഉയർന്നു വന്നിട്ടുള്ളത്.

ജില്ലാ സ്‌പോര്‍ട്‌സ് കൗണ്‍സില്‍ ഭാരവാഹികൾ ചുമതലയേറ്റു

കണ്ണൂർ: ജില്ലാ സ്‌പോര്‍ട്‌സ് കൗണ്‍സിലിന്‍റെ 2025 - 30 വര്‍ഷത്തേക്കുള്ള എക്‌സിക്യൂട്ടീവ് അംഗങ്ങളായി പി.വി. സിറാജുദ്ദീന്‍, കണിച്ചാര്‍ പഞ്ചായത്ത് പ്രസിഡന്‍റ് ആന്‍റണി സെബാസ്റ്റ്യന്‍, പി. നാരായണന്‍ കുട്ടി, പി.സി. ആസിഫ്, ദേശീയ പവര്‍ ലിഫ്റ്റിംഗ് താരം സൗപര്‍ണിക രമേശ് എന്നിവരെ തെരഞ്ഞെടുത്തു. പുതിയതായി ചുമതലയേറ്റ സ്‌പോര്‍ട്‌സ് കൗണ്‍സില്‍ ജില്ലാ പ്രസിഡന്‍റ് പി.എം. അഖില്‍ ഉൾപ്പെടെയുള്ള ഭാരവാഹികള്‍ക്ക് മുന്‍ ഭാരവാഹികളുടെ നേതൃത്വത്തില്‍ നൽകിയ സ്വീകരണം ഡോ.വി. ശിവദാസന്‍ എംപി ഉദ്ഘാടനം ചെയ്തു. ജില്ലാപഞ്ചായത്ത് പ്രസിഡന്‍റ് കെ.കെ. രത്‌നകുമാരി, മട്ടന്നൂര്‍ നഗരസഭാ ചെയര്‍മാന്‍ എന്‍. ഷാജിത്ത്, യുവജനക്ഷേമ ബോര്‍ഡ് വൈസ് ചെയര്‍മാന്‍ വി.കെ. സനോജ്, മുന്‍ സ്‌പോര്‍ട്‌സ് കൗണ്‍സില്‍ പ്രസിഡന്‍റുമാരായ ഷാഹിന്‍ പള്ളിക്കണ്ടി, കെ.കെ. പവിത്രന്‍ എന്നിവര്‍ പങ്കെടുത്തു. സ്‌പോര്‍ട്‌സ് കൗണ്‍സില്‍ മുന്‍ സെക്രട്ടറി ഡോ. പി.കെ. ജഗന്നാഥന്‍ അധ്യക്ഷനായി.

ശബരിമല സ്വർണക്കവർച്ച: ‍യുഡിഎഫ് ജനകീയ സദസുകൾ നടത്തും

കണ്ണൂർ: ശബരിമലയിലെ സ്വർണക്കൊള്ളക്കുത്തരവാദിയായ ദേവസ്വം മന്ത്രി രാജിവെക്കുക, തിരുവിതാകംകൂർ ദേവസ്വം ബോർഡ് ചെയർമാനെ പുറത്താക്കുക, ശബരിമല സ്വർണപ്പാളി മോഷണം ഹൈക്കോടതിയുടെ നേരിട്ടുള്ള നിരീക്ഷണത്തിൽ സിബിഐ അന്വേഷിക്കുക എന്നീ ആവശ്യങ്ങളുന്നയിച്ച് യുഡിഎഫ് നിയോജക മണ്ഡലങ്ങളുടെ നേതൃത്വത്തിൽ ജനകീയ സദസുകൾ നടത്തും. 29 മുതൽ 31 വരെയുള്ള തീയതികളിൽ ജനകീയ സദസുകൾ നടത്താൻ യുഡിഎഫ് ജില്ലാ കമ്മിറ്റി തീരുമാനിച്ചു. കേരള ഹൈക്കോടതി വിധിയുടെ അടിസ്ഥാനത്തിൽ ശബരിമലയിലെ സ്വർണ്ണപ്പാളി കടത്തി വിറ്റതിന് ദേവസ്വം മന്ത്രിയും ബോർഡ് ചെയർമാനും ഉത്തരവാദിയാണെന്ന് പകൽ വെളിച്ചം പോലെ വ്യക്തമാണെന്ന് യോഗം അഭിപ്രായപ്പെട്ടു. ചെയർമാൻ പി.ടി. മാത്യു അധ്യക്ഷത വഹിച്ചു. തദ്ദേശസ്വയംഭരണ തെരഞ്ഞെടുപ്പ് സീറ്റ് വിഭജനം പഞ്ചായത്ത്, മുനിസിപ്പൽതലങ്ങളിൽ 27ന് മുന്പ് പൂർത്തിയാക്കാൻ കീഴ്ഘടകങ്ങൾക്ക് യോഗം നിർദേശം നൽകി. കൺവീനർ അബ്ദുൽ കരീം ചേലേരി, ഡിസിസി പ്രസിഡന്‍റ് മാർട്ടിൻ ജോർജ്, സിഎംപി സംസ്ഥാന സെക്രട്ടറി സി.എ. അജീർ, എ.ഡി. മുസ്തഫ, മഹമൂദ് കടവത്തൂർ, കെ. പ്രമോദ് ,കെ.എ. ലത്തീഫ്, സി. ജോൺസൺ, പി. തോമസ് തോമസ് വക്കത്താനം,റോജസ് സെബാസ്റ്റ്യൻ, ജോസ് വേലിക്കകത്ത്, അൻസാരി തില്ലങ്കേരി, സുരേഷ് ബാബു എളയവൂർ, കെ.എ. ഫിലിപ്പ് എന്നിവർ പ്രസംഗിച്ചു.

മെഡൽ ജേതാക്കളെ കോൺഗ്രസ് ആദരിച്ചു

കരുവഞ്ചാൽ: കരുവഞ്ചാൽ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ മെഡൽ ജേതാക്കളെ ആദരിച്ചു. അണ്ടർ 15, ജില്ലാതല അണ്ടർ 19, അണ്ടർ 23 എന്നീ വിഭാഗത്തിൽ കെസിഎ ഇൻട്രസ്റ്റ് വനിതാ ക്രിക്കറ്റിൽ കഴിഞ്ഞ മൂന്നു വർഷങ്ങളിലായി മികച്ച ബാറ്ററായും ഫാസ്റ്റ് ബൗളറായും ഓൾ റൗണ്ട് പ്രകടനം കാഴ്ചവയ്ക്കുകയും തിരുവനന്തപുരത്ത് നടക്കുന്ന സംസ്ഥാന സ്കൂൾ കായികമേളയിൽ പങ്കെടുക്കാൻ തെരഞ്ഞെടുക്കപ്പെടുകയും ചെയ്ത അയോണ ബിജി, സബ്ജില്ലാ സ്പോർട്സ് സ്കൂൾ കായികമേളയിൽ ഹൈജംപ് ജൂണിയർ, ട്രിപ്പിൾ ജംപ് ജൂണിയർ എന്നീ ഇനത്തിൽ സ്വർണ മെഡൽ നേടിയ ജോസ് വി. ജോസഫ്, കേരള സ്കൂൾ സംസ്ഥാന വെയിറ്റ് ലിഫ്റ്റിംഗ് ചാമ്പ്യൻഷിപ്പിൽ തുടർച്ചയായ രണ്ടാം തവണ ഗോൾഡ് മെഡൽ നേടിയ ജെയിംസ് മനോജ്, 67 മത് കേരള സ്കൂൾ വെയിറ്റ് ലിഫ്റ്റിംഗ് ചാമ്പ്യൻഷിപ്പിൽ സീനിയർ ബോയ്സ് 88 കിലോഗ്രാം വിഭാഗം മത്സരത്തിൽ വെള്ളി മെഡൽ നേടിയ ജോസ് പി. ചാൾസ് എന്നിവരെയാണ് ആദരിച്ചത്. കെപിസിസി ജനറൽ സെക്രട്ടറി സോണി സെബാസ്റ്റ്യൻ വിജയികൾക്ക് മൊമെന്‍റോ നൽകി. മണ്ഡലം കോൺഗ്രസ് കമ്മിറ്റി പ്രസിഡന്‍റ് ടോമി കുമ്പിടിയാമാക്കൽ അധ്യക്ഷത വഹിച്ചു. ദേവസ്യ പാലപ്പുറം, ബിജു ഓരത്തേൽ, പ്രിൻസ് പയ്യമ്പള്ളി, ബാബു വൈക്കത്ത്, മാത്യു വാഴയിൽ, മനോജ് കുറ്റിക്കാട്ട്, ജോർജുകുട്ടി കുഴിവേലിൽ, ഷാജു പരവൻപറമ്പിൽ എന്നിവർ പ്രസംഗിച്ചു.

തളിപ്പറമ്പ് നോർത്ത് ഉപജില്ലാ പ്രവർത്തി പരിചയമേള

മണക്കടവ്: തളിപ്പറമ്പ് നോർത്ത് ഉപജില്ലാ പ്രവർത്തി പരിചയമേളയ്ക്ക് തുടക്കമായി. മണക്കടവ് ശ്രീപുരം ഗവൺമെന്‍റ് ഹയർ സെക്കൻഡറി സ്കൂളിൽ ബ്ലോക്ക്‌ പഞ്ചായത്ത്‌ പ്രസിഡന്‍റ് പി. പ്രേമലത ഉദ്ഘാടനം ചെയ്തു. ഉദയഗിരി പഞ്ചായത്ത്‌ പ്രസിഡന്‍റ് കെ.എസ്. ചന്ദ്രശേഖരൻ അധ്യക്ഷത വഹിച്ചു. പഞ്ചായത്ത്‌ വൈസ് പ്രസിഡന്‍റ് ബിന്ദു ഷാജു, ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ കെ.ടി. സുരേഷ് കുമാർ, ബ്ലോക്ക്‌ പഞ്ചായത്തംഗം സരിത ജോസ്, പിടിഎ പ്രസിഡന്‍റ് ടി. എസ്. സന്തോഷ്‌, എസ്എംസി ചെയർമാൻ കെ.ആർ. രതീഷ്, എഇഒ കെ. മനോജ്‌, എൻ.കെ. ഷബിത പ്രിൻസിപ്പൽ എൻ. ഷൈല ബീവി എന്നിവർ പ്രസംഗിച്ചു. തളിപ്പറമ്പ് നോർത്ത് അസോസിയേഷൻ സെക്രട്ടറിയായിരുന്ന മല്ലികയുടെ സ്മരണാർത്ഥം ഏർപ്പെടുത്തിയ പ്രവർത്തി പരിചയ മേള റണ്ണേഴ്സ് അപ്പ്‌ ട്രോഫി ഉപജില്ലാ വിദ്യാഭ്യാസ ഓഫീസർ കെ. മനോജ്‌ മുഖ്യ അധ്യാപകൻ പി.പി. അബ്ദുൽ സലാമിന് കൈമാറി.

അങ്കണവാടിയിൽനിന്ന് കുട്ടിയെ കടത്തികൊണ്ടുപോകാന്‍ ശ്രമിച്ച പിതാവിനെ നാട്ടുകാര്‍ പിടികൂടി

പരിയാരം: അങ്കണ‍വാടി ജീവനക്കാരെ മര്‍ദിച്ച് കുട്ടിയെ കടത്തികൊണ്ടുപോകാന്‍ ശ്രമിച്ച പിതാവിനെ നാട്ടുകാര്‍ പിടികൂടി പോലീസിലേല്‍പ്പിച്ചു. സംഭവത്തില്‍ അങ്കണവാടി ഹെല്‍പ്പര്‍ കണാരംവയല്‍ കരക്കില്‍ വീട്ടില്‍ കെ.പ്രമീളക്ക് (57)പരിക്കേറ്റു. ഇവരെ കൈകൊണ്ട് മര്‍ദിക്കുകയും കൈമുട്ടുകൊണ്ട് ഇടിച്ചുവീഴ്ത്തിയുമാണ് കുട്ടിയെ കടത്തിക്കൊണ്ടുപോയത്. കണ്ണംകൈയിലെ നിയാസിന്‍റെ പേരില്‍ പോലീസ് കേസെടുത്തു. കണാരംവയലിലെ അങ്കണവാടിയില്‍ ചൊവ്വാഴ്ച ഉച്ചയ്ക്കായിരുന്നു സംഭവം. നിയാസും ഭാര്യയും വേര്‍പിരിഞ്ഞു താമസിക്കുകയാണ്. കുട്ടിയെ അങ്കണവാടിയില്‍ ചേര്‍ക്കുമ്പോള്‍തന്നെ പിതാവ് വന്നാല്‍ കൊടുക്കരുതെന്ന് നിർദേശമുണ്ടായിരുന്നു. ഉച്ചഭക്ഷണം കഴിഞ്ഞ് ഒന്നോടെ കുട്ടികളെ ഉറങ്ങാനായി കിടത്തിയിരുന്നു. പ്രമീള ക്ലീനിംഗ് ജോലികള്‍ ചെയ്തുകൊണ്ടിരിക്കെ ഗ്രില്‍സ് തുറക്കുന്ന ശബ്ദം കേട്ട് നോക്കിയപ്പോഴാണ് അകത്തുകടന്ന നിയാസ് കുട്ടിയെ എടുത്ത് പറത്തേക്ക് കടക്കാന്‍ ശ്രമിക്കുന്നത് കണ്ടത്. ഇരുവരും ചേര്‍ന്ന് ഇയാളെ തടഞ്ഞപ്പോള്‍ തങ്കമണിയെ തള്ളിയിട്ട പ്രതി പ്രമീളയെ മര്‍ദിച്ച് കുട്ടിയുമായി കാറില്‍ രക്ഷപ്പെടുകയായിരുന്നു. ഈ സമയം അങ്കണവാടിയില്‍ ഉണ്ടായിരുന്ന മറ്റ് കുട്ടികള്‍ പേടിച്ച് കരഞ്ഞ് ബഹളംവയ്ക്കുകയും ചെയ്തു. അവിടെ ഉണ്ടായിരുന്ന കാറില്‍ നിയാസ് കുട്ടിയുമായി രക്ഷപ്പെട്ടു. നിയാസിന്‍റെ കാറിന് പിന്നാലെ പ്രമീളയും തങ്കമണിയും കരഞ്ഞുകൊണ്ട് ഓടുന്നത് ശ്രദ്ധയില്‍പെട്ട സമീപത്തെ കടയില്‍ ഉണ്ടായിരുന്നവര്‍ കാര്‍ തടഞ്ഞുനിര്‍ത്തി നിയാസിനെ പുറത്തിറക്കുകയും കുട്ടിയെ അങ്കണവാടി ജീവനക്കാരെ ഏല്‍പ്പിക്കുകയുമായിരുന്നു. നാട്ടുകാര്‍ അറിയിച്ചതനുസരിച്ച് എത്തിയ പോലീസ് നിയാസിനെ കസ്റ്റഡിയിലെടുത്തു.

ഒഴിവാക്കപ്പെട്ട 1031 പേരില്‍ അര്‍ഹതപ്പെട്ടവര്‍ക്ക് സഹായം നല്‍കുമെന്ന് സര്‍ക്കാര്‍

കാസര്‍ഗോഡ്: എന്‍ഡോസള്‍ഫാന്‍ ദുരിതബാധിതരെ കണ്ടെത്തുന്നതിനായി 2017 ല്‍ നടത്തിയ ആദ്യഘട്ട മെഡിക്കല്‍ പരിശോധനയുടെയും ഫില്‍ഡ് തല പരിശോധനയുടെയും അടിസ്ഥാനത്തില്‍ പ്രാഥമിക ലിസ്റ്റില്‍ ഉള്‍പ്പെട്ടതും പിന്നീട് അന്തിമ ലിസ്റ്റില്‍ നിന്ന് ഒഴിവാക്കപ്പെട്ടതുമായ 1031 പേരില്‍ അര്‍ഹതപ്പെട്ടവര്‍ക്ക് ധനസഹായം നല്‍കാന്‍ മന്ത്രിസഭായോഗം അനുമതി നല്‍കി. യോഗ്യതയുള്ളവരെ കണ്ടെത്താന്‍ ജില്ലാ കളക്ടര്‍ കെ.ഇമ്പശേഖറിനെ ചുമതലപ്പെടുത്തി. ഒഴിവാക്കപ്പെട്ട എന്‍ഡോസള്‍ഫാന്‍ ഇരകളുടെ കുടുംബങ്ങള്‍ ജില്ലാ കളക്ടറുടെ ചേംബറിന് പുറത്ത് കുത്തിയിരിപ്പ് സമരം നടത്തി ഒരാഴ്ച കഴിഞ്ഞപ്പോഴാണ് സര്‍ക്കാര്‍ തീരുമാനം വന്നിട്ടുള്ളത്. എന്‍ഡോസള്‍ഫാന്‍ ബാധിതരായ 1,031 പേരെ കാസര്‍ഗോഡ് വികസന പാക്കേജില്‍ ഉള്‍പ്പെടുത്താനും അവര്‍ക്ക് സഹായം നല്‍കാനും നടപടികള്‍ സ്വീകരിച്ചു എന്ന് മുഖ്യമന്ത്രി 2024 ജൂലൈ 10നു നിയമസഭയില്‍ പറഞ്ഞതിന് ഒരു വര്‍ഷത്തിലേറെയായപ്പോഴാണ് ഈ മന്ത്രിസഭാ തീരുമാനം വരുന്നത്. 2017 ല്‍ പ്രത്യേക മെഡിക്കല്‍ ക്യാമ്പുകളില്‍ 1,905 പേരെ എന്‍ഡോസള്‍ഫാന്‍ ദുരിതബാധിതരായി കണ്ടെത്തിയിരുന്നു. എന്നാല്‍ പിന്നീട് കളക്ടറേറ്റ് 287 രോഗികളെ മാത്രമേ എന്‍ഡോസള്‍ഫാന്‍ ബാധിതരായി അംഗീകരിച്ചുള്ളൂ. ഈ പട്ടികയില്‍ ഉള്‍പ്പെട്ടവര്‍ക്ക് മാത്രമാണ് സംസ്ഥാന സര്‍ക്കാരിന്റെ നഷ്ടപരിഹാരവും സൗജന്യ ചികിത്സയും മരുന്നുകളും ലഭിച്ചത്. ഏകദേശം 85 ശതമാനം രോഗികളെ ഒഴിവാക്കിയത് ജില്ലയിലുടനീളം വ്യാപകമായ പ്രതിഷേധങ്ങള്‍ക്ക് കാരണമായി. 2018ല്‍ ഒ76 പേരുകള്‍ കൂട്ടിച്ചേര്‍ത്തു. എന്നിട്ടും പ്രതിഷേധം കെട്ടടങ്ങിയില്ല. 2019ല്‍ സെക്രട്ടേറിയറ്റിന് മുന്നില്‍ ദുരിതബാധിതരും കുടുംബാംഗങ്ങളും സമരം ചെയ്തപ്പോള്‍ ദയാബായിയെപ്പോലുള്ള ആക്ടിവിസ്റ്റുകളും പങ്കുചേരുകയും എല്ലാ ദുരിതബാധിതരെയും ലിസ്റ്റില്‍ ഉള്‍പ്പെടുത്തണമെന്ന് ആവശ്യപ്പെടുകയും ചെയ്തു. നിരന്തര പ്രക്ഷോഭത്തിന് ശേഷം, സര്‍ക്കാര്‍ വഴങ്ങി. 511 പ്രായപൂര്‍ത്തിയാകാത്തവരെ ഔദ്യോഗിക പട്ടികയില്‍ ഉള്‍പ്പെടുത്തി സൗജന്യ ചികിത്സ അനുവദിച്ചു. ബാക്കിയുള്ള 1,031 പേരും അവരുടെ കുടുംബങ്ങളും കാഞ്ഞങ്ങാട് മിനി സിവില്‍ സ്റ്റേഷന് മുന്നില്‍ അനിശ്ചിതകാല സമരം നടത്തി. നാല് മാസത്തിനിടെ പലതവണ മുഖ്യമന്ത്രിയെയും മുതിര്‍ന്ന ഉദ്യോഗസ്ഥരെയും കണ്ടു.ഈ പശ്ചാത്തലത്തിലാണ് കഴിഞ്ഞ വര്‍ഷം മുഖ്യമന്ത്രി നിയമസഭയില്‍ പ്രഖ്യാപനം നടത്തിയത്. സര്‍ക്കാരില്‍ നിന്ന് ഔദ്യോഗിക അറിയിപ്പ് ലഭിച്ച ശം ഔദ്യോഗിക പത്രക്കുറിപ്പിന് മറുപടി നല്‍കുമെന്ന് ജില്ലാ കളക്ടര്‍ പറഞ്ഞു. 1,031 പേര്‍ക്കും സര്‍ക്കാര്‍ സഹായം നല്‍കുമോ അതോ അര്‍ഹരായവരെ തീരുമാനിക്കാന്‍ വീണ്ടും ഒരു സ്‌ക്രീനിംഗ് നടത്തുമോ എന്നു വ്യക്തമല്ല.

ദേശീയ സെപക്‌താക്രോ: യദുകൃഷ്ണയും ശ്രേയയും കേരളത്തെ നയിക്കും

തൃക്കരിപ്പൂർ: ഗോവയിൽ നടക്കുന്ന ദേശീയ സീനിയർ സെപക്താക്രോ ചാമ്പ്യൻഷിപ്പിനുള്ള കേരള ടീമിനെ യദുകൃഷ്ണയും (തിരുവനന്തപുരം) കെ.ശ്രേയയും (കാസർഗോഡ് ) നയിക്കും. ആദിൽ അമീർ, നിധിൻ വി.നായർ (തൃശൂർ), പി.ഷക്കീർ (കാസർഗോഡ്), ജി.എ. അക്ഷയ് (തിരുവനന്തപുരം), എസ്. ആദിത്യൻ (എറണാകുളം), ബേസിൽ കെ. ബാബു, യു. അതുൽ കൃഷ്ണ (പാലക്കാട്) എന്നിവരാണ് മറ്റു പുരുഷ ടീം അംഗങ്ങൾ. എസ്.പൂജ, കെ.കെ. നന്ദു, എസ്. പുണ്യ (പാലക്കാട്), അന്ന മരിയ ബാബു, ഐശ്വര്യ ജോയ്, അലോണ ജോയ് (തൃശൂർ), ഇഷിത ബിജു (കോഴിക്കോട്) എന്നിവരാണ് മറ്റ് വനിത ടീം അംഗങ്ങൾ.

വീട്ടുതടങ്കൽ വിവാദം: യുവാവിന്‍റെ വിവാഹശ്രമം മകളുടെ സ്വത്തു തട്ടിയെടുക്കാനെന്ന് മാതാപിതാക്കൾ

കാസര്‍ഗോഡ്: വീട്ടുതടങ്കലിലാണെന്ന ഉദുമയിലെ സിപിഎം നേതാവിന്‍റെ മകൾ ടി.വി.സംഗീതയുടെ (35) വെളിപ്പെടുത്തലില്‍ വിശദീകരണവുമായി കുടുംബം രംഗത്തെത്തി. അപകട ഇന്‍ഷുറന്‍സ് തുകയായി കിട്ടാനുള്ള ഒന്നരക്കോടിയോളം രൂപയും മകളുടെ പേരിലുള്ള മറ്റു സ്വത്തുക്കളും തട്ടിയെടുക്കാന്‍ വേണ്ടിയാണ് ചികിത്സിച്ച വൈദ്യനായ നീലേശ്വരം കോട്ടപ്പുറം സ്വദേശി റാഷിദ് (36) മകളെ വിവാഹം കഴിക്കാന്‍ ശ്രമിക്കുന്നതെന്ന് ഉദുമയിലെ പ്രാദേശിക സിപിഎം നേതാവ് പി.വി.ഭാസ്‌കരന്‍ പത്രസമ്മേളനത്തില്‍ ആരോപിച്ചു. ഇതരമതസ്ഥനായതുകൊണ്ടല്ല, ഭാര്യയും രണ്ടു മക്കളുമുള്ള അയാളുടെ സ്വഭാവദൂഷ്യം കൊണ്ടാണ് വിവാഹത്തെ എതിര്‍ത്തത്. തനിക്കും കുട്ടികള്‍ക്കും ചെലവിനു തരുന്നില്ലെന്നും തന്നെ ഉപദ്രവിക്കാറുണ്ടെന്നും ലഹരിമരുന്ന് ഉപയോഗിക്കുന്ന ആളാണെന്നും കാട്ടി റാഷിദിന്‍റെ ഭാര്യ ചന്തേര പോലീസിന് പരാതി നല്‍കിയിട്ടുണ്ട്. അത്തരമൊരാളുടെ കൂടെ അരയ്ക്കുതാഴെ ചലനശേഷിയില്ലാത്ത മകളെ എങ്ങനെ അയക്കും ? മകളുടെ ചികിത്സയ്ക്കായി ഇതുവരെ 50 ലക്ഷത്തോളം രൂപ ചെലവഴിച്ചു. അവളെ പരിചരിക്കാന്‍ ഹോംനഴ്‌സിനെയും ഏര്‍പ്പാടാക്കിയിട്ടുണ്ട്. അവള്‍ എഴുന്നേറ്റ് നടക്കാന്‍ വീട് വിറ്റിട്ടായാലും അമേരിക്കയില്‍ വരെ കൊണ്ടുപോയി ചികിത്സിക്കാനും തയാറാണ്. പണം തട്ടിയെടുക്കുക എന്ന ലക്ഷ്യവുമായാണ് റാഷിദ് സുഹൃത്ത് അര്‍ജുന്‍ മുഖേന ഹേബിയസ് കോര്‍പസ് ഹര്‍ജി നല്‍കിയതെന്നും ഭാസ്‌കരന്‍ പറഞ്ഞു. അമ്മ ടി.വി.രോഹിണി, സഹോദരന്‍ പി.വി.സുബിത്, ഇളയച്ഛന്‍ പി.വി.ഗംഗാധരന്‍ എന്നിവരും പത്രസമ്മേളനത്തില്‍ സംബന്ധിച്ചു. കഴിഞ്ഞദിവസം വീഡിയോ സന്ദേശത്തിലൂടെയാണ് സംഗീത കുടുംബാംഗങ്ങള്‍ക്ക് എതിരെ ഗുരുതര ആരോ പണങ്ങളുമായി രംഗത്തെത്തിയത്. മറ്റൊരു മതത്തില്‍പ്പെട്ടയാളെ വിവാഹം കഴിക്കാന്‍ അനുവദിക്കുന്നില്ലെന്നും തന്‍റെ പണം തട്ടിയെടുക്കാന്‍ പിതാവും സഹോദരനും ശ്രമിക്കുകയാണെന്നും താൻ വീട്ടു തടങ്കിലിലാണെന്നുമായിരുന്നു സംഗീതയുടെ ആരോപണം. ജില്ലാ പോലീസ് മേധാവിക്കു നല്‍കിയ പരാതിയുടെ പകര്‍പ്പും പുറത്തുവിട്ടിരുന്നു. വിവാഹമോചിതയായ സംഗീത 13 വയസുള്ള മകനൊപ്പമാണ് കുടുംബവീട്ടില്‍ കഴിയുന്നത്. അപകടം 2023ല്‍ ഏതാനും വര്‍ഷങ്ങള്‍ക്കുമുമ്പാണ് വിവാഹമോചിതയായ സംഗീത മകനൊപ്പം സ്വന്തം വീട്ടില്‍ താമസം ആരംഭിക്കുന്നത്. സിവില്‍ കോണ്‍ട്രാക്ടറായ പിതാവ് ഭാസ്‌കരന്‍ മകള്‍ക്ക് ചട്ടഞ്ചാലിലെ പിഡബ്ല്യുഡി കോണ്‍ട്രാക്ടേഴ്‌സ് സൊസൈറ്റിയില്‍ ജോലി തരപ്പെടുത്തിനല്‍കി. സംഗീതയ്ക്ക് പിന്നീട് സെക്രട്ടറിയായി പ്രമോഷനും ലഭിച്ചു. അതിനിടെ 2023 സെപ്റ്റംബർ 23ന് ജോലിക്കുപോവുകയായിരുന്ന സംഗീത സഞ്ചരിച്ച സ്‌കൂട്ടറിന് പിന്നില്‍ ഐസ്‌ക്രീം വാന്‍ ഇടിച്ചാണ് അപകടമുണ്ടാകുന്നത്. ഇടിയുടെ ആഘാതത്തില്‍ തെറിച്ചുപോയ സ്‌കൂട്ടര്‍ ഇടിച്ച കാല്‍നടയാത്രക്കാരിയുടെ കാല്‍ ഒടിഞ്ഞു. നട്ടെല്ലിനു ഗുരുതരമായി പരിക്കേറ്റ് മംഗളൂരുവിലെ ആശുപത്രിയില്‍ ചികിത്സയിലായിരുന്ന സംഗീതയ്ക്ക് അരയ്ക്കുതാഴെ ചലനശേഷി നഷ്ടപ്പെടുകയായിരുന്നു. പലയിടത്തും കൊണ്ടുപോയി ചികിത്സിച്ചെങ്കിലും പ്രയോജനമുണ്ടായില്ല. അപ്പോഴാണ് റാഷിദ് എന്ന മര്‍മാണിവൈദ്യന്‍ രംഗപ്രവേശനം ചെയ്യുന്നത്. ഭാസ്‌കരന്‍റെ വീട്ടില്‍ തന്നെ താമസിച്ച് ഇയാള്‍ ചികിത്സ നടത്തി. ആ സമയത്താണ് ഇരുവരും തമ്മില്‍ അടുക്കുന്നത്. റാഷിദിനെതിരെ നിരവധി പരാതികള്‍ മുമ്പ് ഗള്‍ഫില്‍ ഡ്രൈവറായിരുന്ന റാഷിദ് ഒരു വര്‍ഷം മുമ്പാണ് പ്രവാസജീവിതം പൂര്‍ണമായും അവസാനിപ്പിച്ച് നാട്ടിലെത്തുന്നത്. ഇതിനിടെ ഇയാള്‍ എപ്പോഴാണ് നാട്ടുവൈദ്യം പഠിച്ചതെന്ന് ആര്‍ക്കും അറിയില്ല. ഇയാളുടെ ഭാര്യവീട് തൃക്കരിപ്പൂരിലാണ്. തനിക്കും കുട്ടികള്‍ക്കും എട്ടുമാസമായി റാഷിദ് ചെലവിനു തരുന്നില്ലെന്ന് ഭാര്യ മിസ്രിയ ചന്തേര പോലീസില്‍ പരാതി നല്‍കിയിട്ടുണ്ട്. മിസ്രിയയുടെ സ്വര്‍ണാഭരണങ്ങള്‍ വില്‍ക്കുകയും അവരുടെ പേരില്‍ ലോണെടുക്കുകയും ചെയ്തിട്ടുണ്ട്. പണം ആവശ്യപ്പെട്ട് മര്‍ദ്ദിക്കുകയും ചെയ്യുമായിരുന്നു. എംഡിഎംഎ ഉള്‍പ്പെടെയുള്ള രാസലഹരി ഉപയോഗിക്കുന്ന ആളാണ് റാഷിദെന്നും പരാതിയില്‍ പറയുന്നുണ്ട്. കേക്ക് ഉണ്ടാക്കി വിറ്റാണ് ഈ കുടുംബം ഇപ്പോള്‍ കഴിയുന്നത്. അതും ഒരു സ്ഥിരവരുമാനമല്ലെന്ന് മിസ്രിയ പറയുന്നു.

അജ്ഞാത ജീവി വളർത്തുനായയെ ‌കടിച്ചുകൊന്നു

മാലൂർ: വളർത്തുനായയെ അജ്ഞാതജീവി കടിച്ചുകൊന്നു. വെള്ളർവള്ളി വേരുമടക്കിയിലാണ് അജ്ഞാത ജീവി വളർത്തുപട്ടിയെ കൊന്നുതിന്നത്. പാറടിയിൽ ജോസിന്‍റെ വളർത്തുനായയുടെ ജഡമാണ് ഇന്നലെ പുലർച്ചയോടെ സമീപത്തെ പറമ്പിൽ കണ്ടത്. സമീപത്തായി വന്യജീവിയുടെ കാൽപ്പാടുകളുമുണ്ട്. രാവിലെ നായയെ കാണാത്തതിനാൽ വീട്ടുകാർ തെരച്ചിൽ നടത്തുന്നതിനിടെയാണ് പകുതി ഭക്ഷിച്ച നായയുടെ ജഡം കണ്ടെത്തിയത്. വിവരം അറിഞ്ഞു മാലൂർ പോലീസും വനംവകുപ്പ് ഉദ്യോഗസ്ഥരും സ്ഥലത്തെത്തി പരിശോധന നടത്തി.

എംഡിഎംഎയുമായി യുവാവ് അറസ്റ്റിൽ

പഴയങ്ങാടി: എംഡിഎംഎയുമായി യുവാവിനെ പോലീസ് അറസ്റ്റ് ചെയ്തു. കെ കണ്ണപുരം സ്വദേശി അൻഷാദിനെയാണ് (38) കണ്ണപുരം ഇൻസ്പെക്ടർ കെ. ഷാജുവിന്‍റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ഇയാളിൽ നിന്നും 6.99 ഗ്രാം എംഡിഎംഎ പിടിച്ചെടുത്തു. രഹസ്യ വിവരത്തെ തുടർന്ന് സിറ്റി പോലീസ് കമ്മീഷണർ പി. നിധിൻരാജിന്‍റെ നിർദേശാനുസരണം കണ്ണൂർ എസിപി പ്രദീപൻ കണ്ണിപ്പൊയിലിന്‍റെ മേൽനോട്ടത്തിൽ പോലീസ് പ്രതിയെ കഴിഞ്ഞ കുറച്ചു ദിവസങ്ങളായി നിരീക്ഷിച്ചു വരികയായിരുന്നു. ഇന്നലെ പുലർച്ചെ പോലീസ് സംഘം വീട്ടിൽ നടത്തിയ പരിശോധനയിലാണ് മയക്കുമരുന്ന് സഹിതം പ്രതി പിടിയിലാകുന്നത്. അന്വേഷണ സംഘത്തിൽ എസ്ഐ അതുൽ രാജ്, എഎസ്ഐ മുഹ്ത്താർ, എസ്‌സിപിഒ മഹേഷ്, സിപിഒമാരായ വിജേഷ്, അനൂപ്, നിഖിത, സിറ്റി പോലീസ് കമ്മീഷണറുടെ ഡാൻസാഫ് ടീം അംഗങ്ങളായ ബിനു, പ്രബീഷ് എന്നിവരുമുണ്ടായിരുന്നു. പ്രതിയെ കോടതി റിമാൻഡ് ചെയ്തു.

മധ്യവയസ്കയുടെ മരണം കൊലപാതകം; മലപ്പുറം സ്വദേശി അറസ്റ്റിൽ

കണ്ണൂർ: കണ്ണൂർ പാറക്കണ്ടിയിൽ മധ്യവയസ്കയെ കടവരാന്തയിൽ മരിച്ച നിലയിൽ കണ്ടെത്തിയ സംഭവം കൊലപാതകം.തോട്ടട സമാജ് വാദി കോളനിയിലെ ഷെൽവിയുടെ (50) മരണവുമായി ബന്ധപ്പെട്ടാണ് മലപ്പുറം സ്വദേശി ശശിയെ (52) കണ്ണൂർ ടൗൺ സ്റ്റേഷൻ ഇൻസ്പെക്ടർ ശ്രീജിത് കൊടേരിയും സംഘവും അറസ്റ്റു ചെയ്തു. സംഭവത്തിനു ശേഷം ഒളിവിൽ പോകാൻ ശ്രമിക്കുന്നതിനിടെയാണ് പ്രതി പോലീസ് പിടിയിലായത്. ചൊവ്വാഴ്ച രാവിലെയാണ് പാറക്കണ്ടി ബീവറേജ് ഔട്ട്‌ലെറ്റിന് സമീപത്തെ കടവരാന്തയിൽ ഷെൽവിയെ മരിച്ച നിലയിൽ കണ്ടെത്തിയത്. പോസ്റ്റ് മോർട്ടം റിപ്പോർട്ടിൽ കൊലപാതകമെന്ന സൂചനയെ തുടർന്ന് നടത്തിയ അന്വേഷണത്തിലാണ് പ്രതി പിടിയിലായത്. സെൽവിയുടെ മരണകാരണം കല്ലുകൊണ്ടോ മദ്യകുപ്പികെണ്ടോ തലയ്ക്കേറ്റ ആഴത്തിലുള്ള ക്ഷതമാണെന്ന് കണ്ടെത്തിയിരുന്നു. കഴിഞ്ഞ കുറെക്കാലമായി കണ്ണൂരിൽ തങ്ങിയിരുന്ന ശശിക്ക് ഷെൽവിയുമായി അടുത്ത സൗഹൃദമുണ്ടായിരുന്നു. മദ്യപിച്ചതിനു ശേഷം ഇവർ തമ്മിലുണ്ടായ സാമ്പത്തിക തർക്കമാണ് കൊലപാതകത്തിലെത്തിയതെന്ന് സംശയിക്കുന്നതായി പോലീസ് അറിയിച്ചു. പ്രതിയെ വിശദമായി ചോദ്യം ചെയ്തതിനു ശേഷം കണ്ണൂർ കോടതിയിൽ ഹാജരാക്കി റിമാൻഡ് ചെയ്തു. കൂടാതെ, പോലീസ് നടത്തിയ അന്വേഷണത്തിൽ കൊലപാതകത്തിന്‍റെ തലേദിവസം ഷെൽവിയോടൊപ്പം ശശിയെ കണ്ടവരുണ്ടായിരുന്നു. ഇവർ നൽകിയ സാക്ഷിമൊഴികളാണ് അന്വേഷണം പ്രതിയിലേക്കെത്തിയത്.

മാഹി ബസിലിക്ക തിരുനാൾ സമാപിച്ചു

മാഹി: സെന്‍റ് തെരേസാ ബസലിക്കയിലെ വിശുദ്ധ അമ്മത്രേസ്യ പുണ്യവതിയുടെ 18 ദിവസം നീണ്ടു നിന്ന തിരുനാളിന് കൊടിയിറങ്ങി. ഇന്നലെ ഉച്ചകഴിഞ്ഞ് രണ്ടോടെ ബസിലിക്ക റെക്ടർ ഫാ. സെബാസ്റ്റ്യൻ കാരക്കാട്ട് കൊടിയിറക്കി. തുടർന്ന് ബസിലിക്കയിൽ പൊതുവണക്കത്തിനായി പ്രതിഷ്ഠിച്ചിരുന്ന അമ്മ ത്രേസ്യയുടെ തിരുസ്വരൂപം റെക്ടർ ഫാ. സെബാസ്റ്റ്യൻ കാരക്കാട്ടിന്‍റെ നേതൃത്വത്തിൽ അൾത്താരയിലെ രഹസ്യ അറയിലേക്ക് മാറ്റിയതോടെയാണ് ഈ വർഷത്തെ തിരുനാളിന് സമാപനമായത്. സമാപന ദിവസമായ ഇന്നലെ കണ്ണൂർ രൂപത സഹായ മെത്രാൻ ഡോ. ഡെന്നിസ് കുറപ്പശേരിയുടെ കാർമികത്വത്തിൽ ദിവ്യബലി അർപ്പിച്ചു. രാവിലെ നടന്ന ദിവ്യബലിക്ക് ഫാ. ബിബിൻ ബെനറ്റ് കാർമികത്വം വഹിച്ചു. കഴിഞ്ഞ അഞ്ചിന് രാവിലെയാണ് തിരുനാളിന് കൊടിയേറിയത്. പ്രധാന തിരുനാൾ ദിനങ്ങളിൽ വിശുദ്ധയുടെ തിരുസ്വരൂപം വഹിച്ചുള്ള നഗര പ്രദക്ഷിണം, ഭക്തരുടെ നേർച്ചയായ ശയന പ്രദക്ഷിണം എന്നിവയിൽ നാനാജാതി മതസ്ഥരായ ആയിരങ്ങളാണ് പങ്കെടുത്തത്. തിരുനാൾ സമാപന ദിവസമായ ഇന്നലെ മഴയെ പോലും അവഗണിച്ച് നിരവധി പേരാണ് ബസിലിക്കയിൽ എത്തിയത്.

ആറളത്ത് കാട്ടാനക്കലി തുടരുന്നു; തെങ്ങുകളും മഞ്ഞളും നശിപ്പിച്ചു

ഇരിട്ടി: ആറളം പുനരധിവാസ മേഖലയിലെ കാട്ടാനകളുടെ വിളയാട്ടം തുടരുന്നു. ബ്ലോക്ക് പതിനൊന്നിലെ സുശീലയുടെ പുരയിടത്തിലെ തെങ്ങും തൊട്ടടുത്ത ആൾത്താമസമില്ലാത്ത പ്ലോട്ടിലുമായുള്ള തെങ്ങുകളും കാട്ടാനകൾ നശിപ്പിച്ചു. ബ്ലോക്ക് ഏഴ്/രണ്ട് വയനാട് മേഖലയിൽ നടത്തിവന്ന മഞ്ഞൾ കൃഷിയും ആനക്കൂട്ടം പൂർണമായും നശിപ്പിച്ചു. 163ാം നന്പർ പ്ലോട്ടിലെ ലീല ചെറിയ മാധവന്‍റെ 40 സെന്‍റ് സ്ഥലത്തെ മഞ്ഞൾ കൃഷിയാണ് നശിപ്പിച്ചത്. മഞ്ഞളിന്‍റെ ഗന്ധം കാരണം സാധാരണ ആനകൾ കൃഷിയിടത്തിൽ ഇറങ്ങാറില്ലെന്നത് കർഷകർക്ക് ആശ്വാസം പകർന്നിരുന്നു. ചൊവ്വാഴ്ച രാത്രിയാണ് ബ്ലോക്ക് പതിനൊന്നിലും ബ്ലോക്ക് ഏഴ്‍്/ രണ്ടിലും കാട്ടാനകളെത്തി നാശം വിതച്ചത്. കഴിഞ്ഞ ആഴ്ച കുരങ്ങുകളും മഞ്ഞൾ കൃഷി പറിച്ചു നശിപ്പിച്ചിരുന്നു.

അഗ്നിവീറായ ധർമശാല സ്വദേശി ഗോവയിൽ ബൈക്കപകടത്തിൽ മരിച്ചു

പഴയങ്ങാടി: ഇന്ത്യൻ നേവിയിൽ അഗ്നിവീറായി സേവനമനുഷ്ഠിക്കുന്ന യുവാവ് ഗോവയിൽ ബൈക്ക് അപകടത്തിൽ മരിച്ചു. മാങ്ങാട് ധർമശാല സ്വദേശി വിഷ്ണു ജയപ്രകാശ് (22) ആണ് മരിച്ചത്. സംസ്കാരം ഇന്ന് 11 ന് കുറുമാത്തൂർ തറവാട് വീട്ടുവളപ്പിൽ നടക്കും. മാങ്ങാട് കെഎസ്ഇബി സബ് സ്റ്റേഷന് സമീപമുള്ള ഭവനത്തിൽ രാവിലെ ഏഴ് മുതൽ ഒന്പതു വരെ പൊതുദർശനത്തിന് വയ്ക്കും. റിട്ട. സുബേദാർ മേജർ ടി.വി. ജയപ്രകാശൻ-പി.പി. ലീന (എച്ച്എസ്എസ്ടി മൊറാഴ ഹയർ സെക്കൻഡറി സ്കൂൾ) ദന്പതികളുടെ മകനാണ്. ഏകസഹോദരൻ: കാർത്തിക് ജയപ്രകാശ് (പ്ലസ് വൺ വിദ്യാർഥി, കേന്ദ്രീയ വിദ്യാലയം, കെൽട്രോൺ നഗർ).

ട്രെയിൻ തട്ടി പരിക്കേറ്റ മധ്യവയസ്കൻ മരിച്ചു

കണ്ണൂർ: ട്രെയിൻ തട്ടി പരിക്കേറ്റു ചികിത്സയിലായിരുന്ന മധ്യവയസ്കൻ മരിച്ചു. കൊളച്ചേരി കയരോളങ്ങര ശിവദാസനാണ് (52) കോഴിക്കോട് മെഡിക്കൽ കോളജ് ആശുപത്രിയിൽ മരിച്ചത്. തിങ്കളാഴ്ച പുലർച്ചെയാണ് കണ്ണൂർ പാറക്കണ്ടിക്കു സമീപത്ത് നിർമാണ തൊഴിലാളിയായ ശിവദാസനെ ട്രെയിൻ തട്ടിയത്. സാരമായ പരിക്കുകളോടെ ജില്ലാ ആശുപത്രിയിലും തുടർന്ന് കോഴിക്കോട് മെഡിക്കൽ കോളജിലേക്കും മാറ്റിയിരുന്നു. ഭാര്യ: പ്രീജ. മക്കൾ: ആതിര, അഞ്ജു. മരുമക്കൾ: വിപിൻ (പെരുമാച്ചേരി), മിഥുൻ (കൊളച്ചേരി). സഹോദരങ്ങൾ: സരോജിനി, ദേവി, പങ്കജം, പദ്മിനി, പരേതയായ കുഞ്ഞിപ്പാറു.

പേരട്ടയിൽ കാട്ടാന വീട്ടുമുറ്റത്ത്

ഇരിട്ടി: കേരള -കർണാടക അതിർത്തി ഗ്രാമമായ പേരട്ടയിൽ കാട്ടാനയിറങ്ങി ഭീതി വിതച്ചു. ഇന്നലെ പുലർച്ചെ എത്തിയ കാട്ടാന പേരട്ട സെന്‍റ് ആന്‍റണീസ് പള്ളിക്ക് സമീപമുള്ള കരിനാട്ട് ജോസ്, കുഞ്ഞുകൃഷ്ണൻ തെക്കനാട്ട്, ഐസക് കൊതുമ്പുചിറ, സജി കരിനാട്ട്, ജോർജ് തൊണ്ടുങ്ങൽ എന്നിവരുടെ കൃഷികൾ നശിപ്പിക്കുകയും വീട്ടുമുറ്റം വരെ എത്തുകയും ചെയ്തു. പുലർച്ചെ ഒന്നോടെയാണ് കാട്ടാന ജനവാസ മേഖലയിൽ ഇറങ്ങിയത്. കർണാടക ബ്രഹ്മഗിരി വന്യജീവി സങ്കേതത്തിൽനിന്ന് ഇറങ്ങുന്ന കാട്ടാനകളാണ് മേഖലയിൽ ഭീതി വിതയ്ക്കുന്നത്. ആന എത്തിയതിന് സമീപത്താണ് സ്കൂളുകളും ആരാധനാലയങ്ങളും സ്ഥിതി ചെയ്യുന്നത്. കഴിഞ്ഞദിവസം കൂട്ടുപുഴ പാലത്തിൽ എത്തിയ കൊമ്പൻ തന്നെയാണ് ജനവാസ മേഖലയിലെ വീടുകൾക്ക് സമീപം എത്തിയതെന്നാണ് നാട്ടുകാർ പറയുന്നത്. റോഡ് മുറിച്ചുകടന്നാണ് ആന വീടിന്‍റെ മുറ്റത്ത് എത്തിയത്. രാത്രി വൈകിയതുകൊണ്ട് മാത്രമാണ് ഇതുവഴി വാഹങ്ങൾ ഒന്നും വരാതിരുന്നത്. വീടിന്‍റെ പോർച്ചിൽ നിർത്തിയിട്ടിരുന്ന കാറുകൾക്ക് സമീപം എത്തിയ ആന പിന്തിരിഞ്ഞു പോകുകയായിരുന്നു. കേരളത്തോട് ചേർന്ന കർണാടക ബ്രഹ്മഗിരി വനമേഖലയിൽ ഒമ്പതോളം ആനകൾ ഉണ്ടെന്നാണ് കർണാടക വനം വകുപ്പ് പറയുന്നത്. കർണാടക - കേരള അതിർത്തിയിൽ 400 മീറ്റർ ഭാഗമാണ് സോളാർ തൂക്കുവേലി സ്ഥാപിക്കാനുള്ളത്. ഇതുവഴിയാണ് ആനകൾ ജനവാസ മേഖലയിൽ പ്രവേശിക്കുന്നതെന്നാണ് പ്രദേശവാസികൾ പറയുന്നത്. സോളാർ വേലി ഉണ്ടെങ്കിലും ഭൂരിഭാഗവും പ്രവർത്തനക്ഷമമല്ലാത്തതും ആനകളുടെ വരവ് വർധിക്കുന്നതിന് കാരണമാകുന്നു. രാത്രിയിൽ വീണ്ടും കാട്ടാന കൂട്ടുപുഴ, പേരട്ട, കല്ലൻതോട് ഭാഗങ്ങളിൽ ഇന്നലെ രാത്രിയിലും കാട്ടാനയിറങ്ങിയതായി പ്രദേശവാസികൾ. രാത്രി എട്ടരയോടെ കാട്ടാനയിറങ്ങിയതായാണ് പ്രദേശവാസികൾ പറയുന്നത്. ആന ഇറങ്ങിയതോടെ സമൂഹ മാധ്യമങ്ങളിലൂടെ ജനങ്ങൾ വിവരം കൈമാറി ജാഗ്രത പാലിക്കാൻ നിർദേശം നൽകുകയുമായിരുന്നു. രാത്രിയിലും കാട്ടാനയിറങ്ങിയത് പ്രദേശത്തെ ജനങ്ങളെ കടുത്ത ഭീതിയിലാക്കിയിട്ടുണ്ട്. പ്രതിരോധം പാളി വനം വകുപ്പ് കൃഷിഭൂമിയിൽ നാശം വിതയ്ക്കുന്ന കാട്ടാനകളെ നിയന്ത്രിക്കുന്നതിന് വനംവകുപ്പിന് കഴിയുന്നില്ല. സ്ഥലം സന്ദർശിക്കാൻ എത്തേണ്ട വനംവകുപ്പ് അധികൃതർക്ക് കൃത്യമായ വാഹനം ഇല്ലെന്നാണ് ലഭിക്കുന്ന വിവരം. വാർഡ് മെംബർ ബിജു വെങ്ങലപള്ളിയുടെ നേതൃത്വത്തിൽ ജനകീയ സമിതി ചേർന്ന് കാടുകയറി പ്രവർത്തിക്കാതെ കിടക്കുന്ന തൂക്കുവേലി നേരേയാക്കാനുള്ള പ്രവർത്തനം ആരംഭിച്ചുകഴിഞ്ഞു. കഴിഞ്ഞ ദിവസം തൊണ്ടുങ്ങൽ എലിസബത്ത്, കരിനാട്ട് ഷീബ, ഷെഫീക്ക് തുടങ്ങിയവരുടെ കൃഷികൾ ആന നശിപ്പിച്ചിരുന്നു. ആറളം പുനരധിവാസ മേഖലയിലും ആനക്കൂട്ടം ഇരിട്ടി: കലിയടങ്ങാതെ ആറളം പുനരധിവാസ മേഖലയിലെ ആദിവാസികളുടെ അതിജീവനമാർഗം ചവിട്ടി മെതിക്കുകയാണ് ആനക്കൂട്ടം. തിങ്കളാഴ്ച രാത്രി ബ്ലോക്ക് 11 ൽ കൈതകൊല്ലിയിൽ സുമ ചന്ദ്രന്‍റെ പറമ്പിലെ തെങ്ങുകളാണ് കാട്ടാന നശിപ്പിച്ചത്.

ബ്ലോക്ക് 10 ൽ കഴിഞ്ഞ ദിവസം വെള്ളം ശേഖരിക്കാൻ പോയ ഭാര്യയെയും ഭർത്താവിനെയും കാട്ടാന ഓടിച്ചിരുന്നു. ഇതിന് പിന്നാലെയാണ് ബ്ലോക്ക് 11 വീണ്ടും കാട്ടാനയുടെ പരാക്രമം. ജീവനും സ്വത്തിനും സുരക്ഷിതത്വമില്ലാതെ ആദിവാസികൾ പോരാടുകയാണ്.

ബസും സ്കൂട്ടറും കൂട്ടിയിടിച്ച് രണ്ടുപേർക്ക് പരിക്ക്

കണ്ണൂർ: നാറാത്ത് ആലിൻകീഴിൽ ബസും സ്കൂട്ടറും കൂട്ടിയിടിച്ച് സ്കൂട്ടർ യാത്രികരായ രണ്ടുപേർക്ക് പരിക്ക്. തിങ്കളാഴ്ച വൈകുന്നേരം 6.15 നാണ് അപകടം. കണ്ണൂരിൽനിന്ന് മയ്യിലേക്ക് വരുന്ന സ്വകാര്യബസും ആലിൻകീഴ് ചേരിക്കൽ റോഡിൽനിന്ന് പ്രധാനറോഡിലേക്ക് വന്ന സ്കൂട്ടറുമാണ് അപകടത്തിൽപ്പെട്ടത്. സ്കൂട്ടർ യാത്രിക വാരം സ്വദേശിനി നുസൈബ (28), മകൾ നൈസ (4) എന്നിവർക്കാണ് പരിക്കേറ്റത്. യുവതിയും മൂന്ന് മക്കളുമാണ് സ് കൂട്ടറിലുണ്ടായിരുന്നത്. യുവതിയെ കണ്ണൂരിലെ സ്വകാര്യആശുപത്രിയിൽ പ്രവേശിപ്പിച്ചു.

എയർ ഇന്ത്യ എക്‌സ്പ്രസിന്‍റെ വെട്ടിക്കുറച്ച സർവീസുകൾ പുനരാരംഭിച്ചില്ല

മട്ടന്നൂർ: കണ്ണൂർ രാജ്യാന്തര വിമാനത്താവളത്തിൽ നിന്ന് വെട്ടിക്കുറച്ച സർവീസുകൾ പുനരാരംഭിക്കാൻ നടപടിയായില്ല. ശൈത്യകാല ഷെഡ്യൂളിലാണ് എയർ ഇന്ത്യ എക്‌സ്പ്രസ് സർവീസുകൾ വെട്ടിക്കുറച്ചത്. കേരളത്തിൽ നിന്ന് ഗൾഫ് രാജ്യങ്ങളിലേക്കുള്ള സർവീസുകൾ വെട്ടിക്കുറച്ചതിനെ തുടർന്ന് മുഖ്യമന്ത്രി ഉൾപ്പടെ ഇടപെട്ട് നടത്തിയ ചർച്ചയിൽ സർവീസുകൾ പുനരാരംഭിക്കുമെന്ന് വിമാനക്കമ്പനി പ്രതിനിധികൾ അറിയിച്ചിരുന്നു. എന്നാൽ, തിരുവനന്തപുരത്ത് നിന്നുള്ള രണ്ട് സർവീസുകൾ മാത്രമാണ് പുനഃസ്ഥാപിച്ചത്. സർവീസ് ക്രമീകരണത്തിന്‍റെ ഭാഗമായാണ് കുറവ് വരുത്തിയതെന്നും വരുന്ന ഷെഡ്യൂളുകളിൽ സർവീസുകൾ വീണ്ടും തുടങ്ങുമെന്നുമാണ് എയർ ഇന്ത്യ എക്‌സ്പ്രസ് അധികൃതർ പറയുന്നത്. ഇക്കാര്യത്തിൽ കിയാൽ അധികൃതർ വിമാനക്കമ്പനിയുമായി ചർച്ച നടത്തുന്നുണ്ട്. കണ്ണൂരിൽ നിന്ന് പ്രതിമാസം 168 അന്താരാഷ്‌ട്ര സർവീസുകളുടെ കുറവാണ് ശൈത്യകാല ഷെഡ്യൂൾ പ്രസിദ്ധീകരിച്ചപ്പോഴുള്ളത്. ബഹ്‌റൈൻ, കുവൈത്ത്, ദമാം, ജിദ്ദ എന്നീ സെക്ടറുകളിലേക്ക് കണ്ണൂരിൽ നിന്ന് എയർ ഇന്ത്യ എക്‌സപ്രസിന്‍റെ നേരിട്ടുള്ള സർവീസുകളുണ്ടാകില്ല. ദുബായ്, ഷാർജ, റാസൽഖൈമ, മസ്‌ക്കറ്റ് എന്നിവിടങ്ങളിലേക്കുള്ള സർവീസുകളും കുറച്ചിട്ടുണ്ട്. അബുദാബിയിലേക്കുള്ള സർവീസുകൾ ആഴ്ചയിൽ 10 ൽ നിന്ന് ഏഴായും ദുബായിലേക്ക് എട്ടിൽ നിന്ന് ഏഴായും കുറച്ചു. ഷാർജയിലേക്ക് 12ൽ നിന്ന് ഏഴായും മസ്‌കറ്റിലേക്ക് ഏഴിൽ നിന്ന് നാലായും കുറച്ചിട്ടുണ്ട്. റാസൽഖൈമയിലേക്ക് പ്രതിവാരം മൂന്നു സർവീസുള്ളത് രണ്ടാക്കി. ആഴ്ചയിൽ 42 സർവീസുകളുടെ കുറവാണ് ഉണ്ടാകുക. അതേ സമയം ആഭ്യന്തര സെക്ടറിൽ ബംഗളൂരുവിലേക്ക് എയർ ഇന്ത്യ എക്‌സ്പ്രസ് ആഴ്ചയിൽ നാലു സർവീസുള്ളത് പ്രതിദിനമാക്കി ഉയർത്തി. തിരുവനന്തപുരത്തേക്ക് രണ്ടു സർവീസുള്ളത് അഞ്ചാക്കി വർധിപ്പിച്ചിട്ടുണ്ട്. ഇൻഡിഗോ മുംബൈ, ഡൽഹി എന്നിവിടങ്ങളിലേക്ക് പ്രതിദിന സർവീസ് നടത്തും. അന്താരാഷ്ട്ര സർവീസുകളും മാറ്റമില്ലാതെ തുടരുന്നുണ്ട്. വിമാന സർവീസ് പുനരാരംഭിക്കാനുള്ള ചർച്ച അടുത്ത ദിവസം വീണ്ടും നടക്കുമെന്നാണ് വിവരം. സർക്കാരും വിമാനകമ്പനി അധികൃതരുമാണ് ചർച്ച നടക്കുക. എയർ ഇന്ത്യ എക്‌സ്പ്രസ് സർവീസ് കുറച്ചതോടെ കണ്ണൂർ വിമാനത്താവളത്തിനെയാണ് ഏറ്റവുമധികം ബാധിക്കുന്നത്. വിമാനത്താവളം പ്രവർത്തനം ആരംഭിച്ച് ഏഴു വർഷം പിന്നിട്ടിട്ടും എയർ ഇന്ത്യ എക്‌സ്പ്രസും ഇൻഡിഗോയും മാത്രമാണ് കണ്ണൂരിൽ നിന്ന് സർവീസ് നടത്തുന്നത്. സർവീസുകൾ വൻതോതിൽ കുറയുന്നത് യാത്രക്കാരുടെ എണ്ണത്തെയും കിയാലിന്‍റെ വരുമാനത്തെയും ബാധിക്കും. രണ്ടു വർഷം മുമ്പ് ഗോഫസ്റ്റ് സർവീസ് അവസാനിപ്പിച്ചപ്പോൾ ഉണ്ടായതിന് സമാനമായ പ്രതിസന്ധിയാണിത്. കഴിഞ്ഞ ജൂലൈ, ഓഗസ്റ്റ് മാസങ്ങളിൽ കണ്ണൂർ വിമാനത്താവളത്തിൽ നിന്നുള്ള യാത്രക്കാരുടെ എണ്ണം ഒരു ലക്ഷം പിന്നിട്ടിരുന്നു. വരുമാനത്തിലും ക്രമമായ വർധന വരുത്തിക്കൊണ്ടുവരുമ്പോഴാണ് ഈ തിരിച്ചടി.

ഉളിയിൽ പാലത്തിലെ ബിഎസ്എൻഎൽ കേബിൾ കോപ്പർ മോഷണം പോയി

മട്ടന്നൂർ: ഉളിയിൽ പാലത്തിൽ ബിഎസ്എൻഎൽ സ്ഥാപിച്ച കേബിൾ പൈപ്പുകൾ മുറിച്ച് കോപ്പർ കവർന്നു. കഴിഞ്ഞ ദിവസമാണ് സംഭവം. പഴയ പാലത്തിന് മുകളിലാണ് ഇരുമ്പ് കവചത്തോടു കൂടിയ പൈപ്പ് മുറിച്ചുമാറ്റി അതിനകത്തെ വൻ വിലവരുന്ന കേബിൾ കോപ്പർ മോഷ്ടിച്ചത്. നാട്ടുകാർ വിവരമറിയിച്ചതനുസരിച്ച് മട്ടന്നൂർ ജൂണിയർ ടെലികോം ഓഫീസർ സ്ഥലത്തെത്തി.1,75,000 രൂപയുടെ നഷ്ടം കണക്കാക്കുന്നതായി മട്ടന്നൂർ പോലീസിൽ നൽകിയ പരാതിയിൽ പറയുന്നു. മാസങ്ങൾ മുമ്പ് ഈ ഭാഗത്തെ സോളാർ ലൈറ്റുകളുടെ ബാറ്ററിയുൾപ്പടെ മോഷണം പോയിരുന്നു. ബാറ്ററികളും കേബിൾ കോപ്പറുകളും മോഷ്ടിക്കുന്ന ഗൂഢസംഘം തന്നെ മേഖലയിൽ പ്രവർത്തിക്കുന്നതായാണ് നാട്ടുകാരുടെ പരാതി.

കോടതിയിൽ മൊബൈൽ ഷൂട്ടിംഗ്: സിപിഎം വനിതാ നേതാവിന് തടവും 1,000 രൂപ പിഴ‌യും

തളിപ്പറമ്പ്: കോടതി നടപടികൾ മൊബൈൽ ഫോണിൽ പകർത്തിയതിന് സിപിഎം ഏരിയാ കമ്മിറ്റിയംഗമായ വനിതാ നേതാവിനെ കോടതി പിരിയുംവരെ തടവിനും ആയിരം രൂപ പിഴയ്ക്കും ശിക്ഷിച്ചു. പയ്യന്നൂർ മുനിസിപ്പാലിറ്റി മുൻ വൈസ് ചെയർപേഴ്സണും സിപിഎം പയ്യന്നൂർ ഏരിയ കമ്മിറ്റിയംഗവുമായ വെള്ളൂർ സ്വദേശിനി കെ.പി. ജ്യോതിയെയാണ് തളിപ്പറന്പ് അഡീഷണൽ സെഷൻസ് ജഡ്ജി കെ.എൻ. പ്രശാന്ത് ഇന്നലെ ശിക്ഷിച്ചത്. പയ്യന്നൂരിലെ ധനരാജ് വധക്കേസിന്‍റെ രണ്ടാംഘട്ട വിചാരണ ഇന്നലെ തളിപ്പറന്പ് അഡീഷണൽ സെഷൻസ് കോടതിയിൽ നടന്നുവരവേ ഉച്ചയക്ക് 12 ഓടെ ജ്യോതി കോടതി നടപടികൾ മൊബൈലിൽ ചിത്രീകരിക്കുകയായിരുന്നു. കൊല്ലപ്പെട്ട ധനരാജിന്‍റെ ഭാര്യ സജിനിയെയായിരുന്നു വിചാരണ ചെയ്തിരുന്നത്. സ്‌പെഷല്‍ പ്രോസിക്യൂട്ടറും ഹൈക്കോടതി അഭിഭാഷകനുമായ സി.കെ. ശ്രീധരന്‍റെ വാദത്തിനുശേഷം പ്രതികളായ 19 പേരെ തിരിച്ചറിയാനായി പ്രതികള്‍ നില്‍ക്കുന്ന ഭാഗത്തേക്ക് സജിനി നടന്നുപോകുന്നതാണ് കോടതിയുടെ പുറത്തെ ഇടനാഴിയില്‍നിന്നുകൊണ്ട് ജ്യോതി മൊബൈലില്‍ പകര്‍ത്തിയത്. ഇതു ശ്രദ്ധയില്‍പെട്ട ജഡ്ജി പ്രശാന്ത് ഡ്യൂട്ടിയിലുണ്ടായിരുന്ന പോലീസുകാരനോട് ഇവരുടെ മൊബൈല്‍ കസ്റ്റഡിലെടുക്കാന്‍ ഉത്തരവിട്ടു. മൊബൈല്‍ പരിശോധിച്ച് കോടതി നടപടികള്‍ ചിത്രീകരിച്ചതായി ബോധ്യപ്പെട്ടതോടെ ജഡ്ജി തളിപ്പറമ്പ് ഡിവൈഎസ്പി കെ.ഇ. പ്രേമചന്ദ്രനെ കോടതിയിലേക്കു വിളിച്ചുവരുത്തി. ജ്യോതിയെ പോലീസ് കസ്റ്റഡിയില്‍ സൂക്ഷിക്കാനും എഫ്ഐആര്‍ രജിസ്റ്റര്‍ ചെയ്യാനും നിർദേശിച്ചു. ഉച്ചകഴിഞ്ഞ് 2.20 ന് ഉച്ചഭക്ഷണത്തിനു പിരിഞ്ഞ കോടതി മൂന്നരയ്ക്കു വീണ്ടും ചേര്‍ന്നപ്പോള്‍ ജഡ്ജി ഇവരുടെ പെരുമാറ്റത്തിലെ ഗൗരവകുറ്റം ചൂണ്ടിക്കാണിച്ച് 1000 രൂപ പിഴ ചുമത്തുകയും കോടതി പിരിയുംവരെ തടവു വിധിക്കുകയുമായിരുന്നു. പിഴയടയ്ക്കാൻ ഇപ്പോൾ കൈയിൽ പണമില്ലെന്ന് ജ്യോതി കോടതിയെ അറിയിച്ചു. എങ്കിൽ ഒരു മാസത്തെ തടവാണു വിധിക്കേണ്ടതെന്നായിരുന്നു രൂക്ഷവിമർശനത്തോടെ കോടതി മറുപടി നൽകിയത്. ഇതോടെ തന്‍റെ അറിവില്ലായ്മ കൊണ്ടാണ് അങ്ങനെ പറഞ്ഞതെന്നും കോടതി മാപ്പാക്കണമെന്നും ജ്യോതി അപേക്ഷിച്ചു. മാപ്പ് വെറുതെ പറഞ്ഞാല്‍ പേരെന്നും രേഖാമൂലം നല്‍കണമെന്നും കോടതി ഉത്തരവിട്ടു. തുടര്‍ന്ന് രേഖാമൂലം മാപ്പപേക്ഷ നല്‍കുകയും 1,000 രൂപ പിഴയടയ്ക്കുകയും വൈകുന്നേരം അഞ്ചിനു കോടതി പിരിയുന്നതുവരെ കോടതിയിൽ തടവ് അനുഭവിക്കുകയുമായിരുന്നു.

"ദീപിക കളർ ഇന്ത്യ' സമ്മാനദാനവും ഡിസിഎൽ പ്രവർത്തന ഉദ്ഘാടനവും

കണ്ണൂർ: ദീപിക കളർ ഇന്ത്യ കണ്ണൂർ ജില്ലാതല ചിത്രരചനാ മത്സര വിജയികൾക്കുള്ള സമ്മാനദാനവും ദീപിക ബാലസഖ്യം (ഡിസിഎൽ) കണ്ണൂർ പ്രവിശ്യാതല പ്രവർത്തനോദ്ഘാടനവും നടന്നു. പയ്യാമ്പലം ഉർസുലൈൻ സീനിയർ സെക്കഡറി സ്കൂളിൽ നടന്ന പരിപാടി കണ്ണൂർ ജില്ലാ ചൈൽഡ് വെൽഫെയർ പോലീസ് ഓഫീസർ കെ. കെ. ഷഹീഷ് ഉദ്ഘാടനം ചെയ്തു. ഡിസിഎൽ ദേശീയ അധ്യക്ഷൻ ഫാ. റോയി കണ്ണംചിറ സിഎംഐ (കൊച്ചേട്ടൻ ) അധ്യക്ഷത വഹിച്ചു. ചടങ്ങിൽ ചൈൽഡ് ആൻഡ് പോലീസ് കോ-ഓർഡിനേറ്റർ സുനോജ് കുമാർ, ഉർസുലൈൻ സ്കൂൾ പ്രിൻസിപ്പൽ സിസ്റ്റർ അർച്ചന യുഎംഐ, ഡിസിഎൽ കണ്ണൂർ പ്രവിശ്യ രക്ഷാധികാരി റവ. ഡോ. റെജി സ്കറിയ സിഎസ്ടി എന്നിവർ പ്രസംഗിച്ചു. ദീപിക അസിസ്റ്റന്‍റ് റസിഡന്‍റ് മാനേജർ ഫാ. വിപിൻ വെമ്മേനിക്കട്ടയിൽ സ്വാഗതവും ദീപിക അസിസ്റ്റന്‍റ് ജനറൽ മാനേജർ ജോർജ് തയ്യിൽ നന്ദിയും പറഞ്ഞു.

കാറിൽ കടത്തിയ എംഡിഎംഎയുമായി യുവാവ് പിടിയിൽ

കൂത്തുപറമ്പ്: മട്ടന്നൂര്‍ എടയന്നൂരില്‍ കാറില്‍ കടത്തുകയായിരുന്ന 8.5 ഗ്രാം എംഡിഎംഎയുമായി യുവാവ് പിടിയില്‍. ഇരിട്ടി ഉളിക്കല്‍ നുച്യാട് സ്വദേശി എ.കെ. ഫവാസിനെ(25) യാണ് പിണറായി റേഞ്ച് എക്‌സൈസ് ഇന്‍സ്‌പെക്ടര്‍ കെ.എസ്. കണ്ണനും സംഘവും പിടികൂടിയത്. കമ്മീഷണര്‍ സ്‌ക്വാഡ് അംഗം കെ. ബിനീഷിന് ലഭിച്ച രഹസ്യ വിവരത്തിന്‍റെ അടിസ്ഥാനത്തില്‍ രണ്ടാഴ്ചക്കാലമായി സ്‌ക്വാഡിന്‍റെ നിരീക്ഷണത്തിലായിരുന്നു ഫവാസ്. ബംഗളൂരുവിൽ നിന്നും കണ്ണൂര്‍ ടൗണിലേക്ക് കടത്തുകയായിരുന്ന എംഡിഎംഎയാണ് പിടികൂടിയത്. ലഹരി കടത്താന്‍ ഉപയോഗിച്ച വാഗൺആർ കാറും എക്‌സൈസ് കസ്റ്റഡിയിലെടുത്തു.

എല്ലാ ആരോഗ്യ കേന്ദ്രങ്ങളിലും നിർണയ ലാബ് ആരംഭിക്കും: മന്ത്രി വീണാ ജോർജ്

മലപ്പട്ടം: കുടുംബാരോഗ്യ കേന്ദ്രങ്ങൾ ഉൾപ്പെടെ സംസ്ഥാനത്തെ എല്ലാ ആശുപത്രികളിലും വിവിധ ലാബ് പരിശോധനകൾ ലഭ്യമാക്കുന്ന നിർണയ ലാബ് ആരംഭിക്കുമെന്ന് മന്ത്രി വീണാ ജോർജ് . മലപ്പട്ടം കുടുംബാരോഗ്യകേന്ദ്രത്തിന്‍റെ പുതിയ കെട്ടിടം ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി. പ്രാഥമികാരോഗ്യ, കുടുംബാരോഗ്യ കേന്ദ്രങ്ങളിലെ ലാബുകളിൽ സംവിധാനമില്ലാത്ത പരിശോധനകൾക്ക് സാമ്പിളുകൾ ജില്ലാ ലാബുകളിലേക്ക് അയച്ച് പരിശോധനാഫലം ബന്ധപ്പെട്ടവരുടെ മൊബൈൽ നമ്പറിൽ ലഭ്യമാക്കും വിധമാണ് നിർണയ സംവിധാനം സജ്ജമാക്കിയിരിക്കുന്നതെന്നും മന്ത്രി പറഞ്ഞു. ഇരിക്കൂർ ബ്ലോക്ക് പഞ്ചായത്ത് പ്രസിഡന്‍റ് റോബർട്ട് ജോർജ്, മലപ്പട്ടം പഞ്ചായത്ത് പ്രസിഡന്‍റ് കെ.പി. രമണി, ജില്ലാ മെഡിക്കൽ ഓഫീസർ എം. പീയുഷ്, എൻഎച്ച്എം ജില്ലാ പ്രോഗ്രാം ഓഫീസർ പി.കെ. അനിൽകുമാർ, ആർദ്രം ജില്ലാ നോഡൽ ഓഫീസർ സി.പി. ബിജോയ്, പഞ്ചായത്ത് വൈസ് പ്രസിഡന്‍റ് ഇ..ചന്ദ്രൻ, ജനപ്രതിനിധികൾ, രാഷ്‌ട്രീയപാർട്ടി പ്രതിനിധികൾ എന്നിവർ പങ്കെടുത്തു.

സ്വർണവുമായി മുങ്ങിയ ബംഗാൾ സ്വദേശിക്കെതിരേ കേസെടുത്തു

കണ്ണൂര്‍: സ്വര്‍ണാഭരണങ്ങള്‍ നിര്‍മിച്ചുനല്‍കാനായി കൈമാറിയ 160 ഗ്രാം സ്വര്‍ണവുമായി പശ്ചിമബംഗാള്‍ സ്വദേശി മുങ്ങി. വില്ലുസ്മാന്‍പൂര്‍ പോലീസ് പരിധിയില്‍ താമസക്കാരനായ ജാക്കില്‍ അലി ഡഫേദാറാണ് പശ്ചിംബംഗാളിലെ സൗത്ത് 24 പര്‍ഗാന ജില്ലയിലെ ഗോപാല്‍ഗഞ്ച് സ്വദേശിയായ ഗിയാസുദ്ദീന്‍ ഷേക്കിന്‍റെ സ്വര്‍ണവുമായി മുങ്ങിയത്. പള്ളിക്കുന്ന് ചാലാട് മുള്ളന്‍കണ്ടിപാലത്ത് പ്രവര്‍ത്തിക്കുന്ന ആര്‍. ജി ഗോര്‍ഡ് വര്‍ക്‌സ് എന്ന സ്ഥാപനത്തിന്‍റെ മാനേജരായ ഷേക്കിനോട് ആഭരണം നിര്‍മിച്ചു തരാമെന്ന് പറഞ്ഞാണ് 19 ന് സ്വര്‍ണം കൈപ്പറ്റിയത്. കണ്ണൂര്‍ ടൗണ്‍പോലീസ് കേസെടുത്തു അന്വേഷണമാരംഭിച്ചിട്ടുണ്ട്.

ഡയാലിസിസ് രോഗികളുടെ കൈത്താങ്ങിനായി റാപ് മ്യൂസിക് ഷോ നവംബർ ഒമ്പതിന് കണ്ണൂരിൽ

ചെമ്പേരി: മലയോര മേഖലയിലെ ഡയാലിസിസ് രോഗികൾക്ക് ആശ്രയമേകി കഴിഞ്ഞ ഏഴ് വർഷക്കാലമായി ചെമ്പേരിയിൽ പ്രവർത്തിച്ചുവരുന്ന ഡയാലിസിസ് സെന്‍ററിന്‍റെ വിപുലീകരണത്തിനായുള്ള ധനശേഖരണാർത്ഥം യംഗ് മൈൻഡ്സ് ഇന്‍റർനാഷണൽ (വൈഎംഐ) ചെമ്പേരി ടൗൺക്ലബിന്‍റെ ആഭിമുഖ്യത്തിൽ റാപ് സംഗീത മേള സംഘടിപ്പിക്കുന്നു. നവംബർ ഒന്പതിന് വൈകുന്നേരം ആറിന് കണ്ണൂർ കളക്ടറേറ്റ് മൈതാനിയിലാണ് 'സോൾ ഫുൾ ബീറ്റ്സ് 2025' എന്ന പേരിൽ സംഗീത മേള സംഘടിപ്പിക്കുന്നത്. പ്രശസ്ത റാപ് മ്യൂസിക് താരങ്ങളായ വേടൻ, എംസി കൂപ്പർ, വിമൽ സ്റ്റിക്ക് എന്നിവരടങ്ങിയ ഗായകരാണ് പരിപാടി അവതരിപ്പിക്കുകയെന്ന് സംഘാടക സമിതി ഭാരവാഹികൾ പത്രസമ്മേളനത്തിൽ അറിയിച്ചു. മലയോര സിരാകേന്ദ്രമായ ചെമ്പേരിയിൽ ഏഴ് വർഷം മുമ്പ് ആരംഭിച്ച ഡയാലിസിസ് സെന്‍ററിൽ സാധാരണക്കാരിൽ നിന്ന് നാമമാത്രമായ തുക ഈടാക്കിയും നിർധനരായ വൃക്ക രോഗികൾക്ക് സൗജന്യമായുമാണ് ചികിത്സ നൽകുന്നത്. കഴിഞ്ഞ ഏഴ് വർഷങ്ങൾക്കിടയിൽ 15,000 സൗജന്യ ഡയാലിസിസുകളാണ് ഈ സെന്‍ററിൽ നടത്തിയത്. 15000 ആളുകൾക്ക് സംഗീതവിരുന്ന് ആസ്വദിക്കാൻ കഴിയുന്ന രീതിയിൽ കേരളത്തിൽ വളരെ അപൂർവമായി ഒരുക്കുന്ന അതിനൂതന സംവിധാനങ്ങളോടെയുള്ള സൗണ്ട് സിസ്റ്റം, ലൈറ്റ് ഷോ ഉൾപ്പെടെയുള്ള ക്രമീകരണങ്ങളോടെ പരിപാടിയുടെ നടത്തിപ്പ് ചുമതല ബിആർജെ അസോസിയേറ്റ്സ് എന്ന ഇവന്‍റ് മാനേജ്മെന്‍റ് ടീമിനാണ്. പ്രവേശന ടിക്കറ്റുകൾ ഓൺലൈൻ ആപ്പുകൾ മുഖേനയും ലഭ്യമായിരിക്കുമെന്ന് സംഘാടകർ അറിയിച്ചു. ചെമ്പേരി വൈഎംഐ ക്ലബ് പ്രസിഡന്‍റ് സാജു മണ്ഡപത്തിൽ, സംഘാടക സമിതി ജനറൽ കൺവീനർ ഫാ.ജോമോൻ ചെമ്പകശേരി, ജോയിന്‍റ് കൺവീനർമാരായ ബിജു പേണ്ടാനത്ത്, ജോമി ചാലിൽ, വിവിധ കമ്മിറ്റി കൺവീനർമാരായ രഞ്ജൻ മാത്യു, മാത്തുക്കുട്ടി ഉറുമ്പിൽ, പ്രകാശ് ജോൺ, ഷിനോ ചേന്നാട്ട്, അനീഷ് തോണക്കര, ജിൽസൺ വെളിയത്ത്, ജെറിൻ ജോസ്, റോയി തുറുവേലിൽ എന്നിവർ പത്രസമ്മേളനത്തിൽ പങ്കെടുത്തു.

തലശേരി ജോസ്ഗിരി ആശുപത്രിയിൽ രക്തദാന ക്യാമ്പ് ന‌ടത്തി

തലശേരി: 66 ാമത് പോലീസ് അനുസ്മരണ ദിനത്തിന്‍റെ ഭാഗമായി തലശേരി പോലീസ് സബ് ഡിവിഷനും ജോസ്ഗിരി ആശുപത്രിയും ചേർന്ന് രക്തദാന ക്യാമ്പ് ന‌ടത്തി. ജോസ്ഗിരി ആശുപത്രിയിൽ നടന്ന ക്യാമ്പ് തലശേരി ടൗൺ പോലീസ് സബ് ഇൻസ്പെക്ടർ ഷമീൽ ഉദ്ഘാടനം ചെയ്തു. ടൗൺ എസ്ഐ കെ. അശ്വതി, എഎസ്ഐ ജയകൃഷ്ണൻ, അഡ്മിനിസ്ട്രേറ്റർ ഡോ. സിസ്റ്റർ അഞ്ജലി അറക്കൽ, ലാബ് ഇൻ ചാർജ് സിസ്റ്റർ അനേറ്റ്, ബ്ലഡ് ബാങ്ക് ടെക്നീഷ്യ സിസ്റ്റർ ലിനോ, നഴ്സിംഗ് സൂപ്രണ്ട് സിസ്റ്റർ സ്റ്റെല്ല എന്നിവർ പ്രസംഗിച്ചു. തലശേരി സബ്ഡിവിഷനിൽ ഉൾപ്പെട്ട പോലീസുകാരാണ് രക്തദാനം നടത്തിയത്.

ജില്ലയില്‍ ഡിജിറ്റല്‍ സര്‍വേ ആദ്യം പൂര്‍ത്തിയാക്കി കണ്ണൂര്‍-2 വില്ലേജ്

കണ്ണൂർ: ഡിജിറ്റല്‍ സര്‍വേ നടപടികള്‍ പൂര്‍ത്തിയാക്കിയ ജില്ലയിലെ ആദ്യത്തെ വില്ലേജായ കണ്ണൂര്‍-2 വില്ലേജ് പുതിയ ഭൂമിരേഖകള്‍ റവന്യുവകുപ്പിനു കൈമാറി. കളക്ടറേറ്റ് കോണ്‍ഫറന്‍സ് ഹാളില്‍ നടന്ന പരിപാടി ജില്ലാ കളക്ടർ അരുണ്‍ കെ. വിജയന്‍ ഉദ്ഘാടനം ചെയ്തു. ജില്ലയില്‍ ഇതിനോടകം മൂന്ന് ഘട്ടങ്ങളിലായി 50 വില്ലേജുകളിലാണ് സർവേ ജോലികള്‍ ആരംഭിച്ചത്. അവയില്‍ 30 വില്ലേജുകള്‍ പ്രാഥമിക സര്‍വേ ജോലികള്‍ പൂര്‍ത്തിയാക്കി സര്‍വേ അതിരടയാള നിയമം 9(2) പ്രകാരം പൊതുജനങ്ങള്‍ക്ക് പരിശോധിക്കുന്നതിനായി പ്രദര്‍ശിപ്പിച്ചിട്ടുണ്ട്. ഘട്ടം ഘട്ടമായി വരും ദിവസങ്ങളില്‍ ഈ വില്ലേജുകള്‍ റവന്യു വകുപ്പിന് കൈമാറും. അതോടെ നികുതി പിരിവ് ഉള്‍പ്പെടെയുള്ള ഭൂമി സംബന്ധമായ എല്ലാ സേവനങ്ങളും പുതിയ റിക്കാര്‍ഡുകളുടെ അടിസ്ഥാനത്തിലായിരിക്കും ലഭ്യമാവുക. ജനങ്ങള്‍ക്കു ഭൂമി കൈമാറ്റം, ഭൂമി തരംതിരിക്കല്‍, കരം അടക്കല്‍ ഉള്‍പ്പെടെയുള്ള സേവനങ്ങള്‍ 'എന്‍റെ ഭൂമി' പോര്‍ട്ടലില്‍ ലഭിക്കും. ഇവിടുത്തെ ഭൂ ഉടമകള്‍ക്ക് 'എന്‍റെ ഭൂമി' പോര്‍ട്ടലില്‍ മൊബൈല്‍ നമ്പര്‍ വഴി രജിസ്റ്റര്‍ ചെയ്ത് ഭൂവിവരങ്ങള്‍ പരിശോധിക്കാം. സർവേ പൂര്‍ത്തീകരണത്തിന് നേതൃത്വം നല്‍കിയ പയ്യന്നൂര്‍ ഡിജിറ്റല്‍ സര്‍വേ സൂപ്രണ്ട് സിജി തോമസിനെയും കണ്ണൂര്‍ അസിസ്റ്റന്‍റ് ഡയറക്ടര്‍ ഓഫീസ് ടെക്നിക്കല്‍ അസിസ്റ്റന്‍റ് കെ.എം പീതാംബരനെയും ജില്ലാ കളക്ടര്‍ അനുമോദിച്ചു. അസിസ്റ്റന്‍റ് കളക്ടർ എഹ്തെദാ മുഫസിര്‍, ഡെപ്യൂട്ടി കളക്ടര്‍ (എല്‍ ആര്‍) ലതാദേവി, ടെക്നിക്കല്‍ അസിസ്റ്റന്‍റ് കെ.എം പീതാംബരന്‍, ഹെഡ് ഡ്രാഫ്റ്റ്മാന്‍ വി.ആര്‍ സുധീര്‍ കുമാര്‍ എന്നിവര്‍ പങ്കെടുത്തു.

വീരമൃത്യു വരിച്ചവരെ അനുസ്മരിച്ച് പോലീസിന്‍റെ റൺ ഫോർ ദ ബ്രേവ്

കണ്ണൂർ: രാജ്യത്തിനും ജനങ്ങൾക്കും വേണ്ടി വീരമൃത്യു വരിച്ചവരെ അനുസ്മരിച്ച് 66-ആമത് പോലീസ് കമ്മെമറേഷൻ ദിനാചാരണത്തിന്‍റെ ഭാഗമായി കണ്ണൂർ സിറ്റി പോലീസ് റൺ ഫോർ ദ ബ്രേവ് എന്ന പേരിൽ 6.6 കിലോമീറ്റർ ഓട്ടം സംഘടിപ്പിച്ചു. രാവിലെ ആറിന് കണ്ണൂർ പോലീസ് പരേഡ് ഗ്രൗണ്ടിൽ കണ്ണൂർ റേഞ്ച് ഡിഐജി ജി.എച്ച്. യതീഷ് ചന്ദ്ര ഫ്ലാഗ് ഓഫ് ചെയ്തു. സിറ്റി പോലീസ് കമ്മീഷണർ നിധിൻരാജ്, അഡീഷണൽ സൂപ്രണ്ട് ഓഫ് പോലീസ് സജേഷ് വാഴളാപ്പിൽ, എഎസ്പി പി.ബി.കിരൺ, എസിപിമാരായ എ.വി.ജോൺ, പ്രദീപൻ കണ്ണിപൊയിൽ, കെ.വി.പ്രമോദൻ,പി. രാജേഷ്, എം.ടിജേക്കബ് എന്നിവർ പങ്കെടുത്തു. റണ്ണിൽ പോലീസ് ഉദ്യോഗസ്ഥർ, റിട്ട പോലീസ് ഉദ്യോഗസ്ഥർ, മാധ്യമപ്രവർത്തകർ, കായികതാരങ്ങൾ, അധ്യാപകർ, വിദ്യാർഥികൾ, പൊതുജനങ്ങൾ എന്നിവർ പങ്കെടുത്തു. പുതിയ ബസ് സ്റ്റാൻഡ്, പ്രഭാത് ജംഗ്ഷൻ, ഗസ്റ്റ് ഹൗസ്, പയ്യാന്പലം, എസ്.എൻ.പാർക്ക്, മുനീശ്വരൻ കോവിൽ, പഴയ ബസ് സ്റ്റാൻഡ്, കാൽടെക്സ് വഴി റൺ പോലീസ് പരേഡ് ഗ്രൗണ്ടിൽ സമാപിച്ചു. പുരുഷ വിഭാഗത്തിൽ ഇരിങ്ങാലക്കുട ക്രൈസ്റ്റ് കോളജിലെ അതുൽ ഒന്നാം സ്ഥാനം നേടി. ഇരിട്ടി സ്വദേശി ആദർശ് ഗോപി, പാലാ സെന്‍റ് തോമസ് കോളജ് വിദ്യാർഥി മനോജ് എന്നിവർ യഥാക്രമം രണ്ടും മൂന്നും സ്ഥാനങ്ങൾ നേടി. വനിതാ വിഭാഗത്തിൽ മലബാർ സ്പോർട് അക്കാഡമിയിലെ ശ്രീനന്ദ ജേതാവായി. ജിവിഎച്ച്എസ്എസ് സ്പോർട്സ് കണ്ണൂരിലെ ഷിഫാ മോൾ, പി. വിശ്രുത എന്നിവർ യഥാക്രമം രണ്ടും മൂന്നും സ്ഥാനങ്ങൾ നേടി. ജേതാക്കൾക്ക് ഡിഐജി യതീഷ് ചന്ദ്ര കാഷ് പ്രൈസ് സമ്മാനിച്ചു. 100 ഹാഫ് മാരത്താൺ നൂറു ദിവസം കൊണ്ട് പൂർത്തിയാക്കിയ റിട്ട. എസ്ഐ മരിയ ജോസിനെ ഉപഹാരം നൽകി ആദരിച്ചു. റണ്ണിൽ പങ്കെടുത്ത എല്ലാവർക്കും ‌ടീ ഷർട്ടും ഫിനിഷ് ചെയ്ത എല്ലാവർക്കും മെഡലുകളും നൽകി.

നിരോധിത പുകയില ഉത്പന്നങ്ങൾ പിടികൂടി

ഇരിട്ടി: പായം പഞ്ചായത്തിൽ ആരോഗ്യവകുപ്പിന്‍റെയും എക്സൈസിന്‍റെയും സംയുക്ത പരിശോധനയിൽ കടത്തുംകടവിലെ അസൈൻ സ്റ്റോറിൽ നിന്ന് നിരോധിത പുകയില ഉത്പന്നങ്ങൾ പിടികൂടി. സ്ഥാപനം അടച്ചുപൂട്ടി ഉടമയിൽ നിന്ന് പിഴ ഈടാക്കി. ഹെൽത്ത് ഇൻസ്പെക്ടർ ബിനോജ് സി. കുട്ടിയാനി, സിജു കേളോത്ത്, സന്ദീപ് സുധാകരൻ. എക്സൈസ് അസിസ്റ്റന്‍റ് ഇൻസ്പെക്ടർ ഉമ്മർ, ഷൈബി കുര്യൻ, നെൽസൺ ടി. തോമസ്, പി.ജി. അഖിൽ‌, പി.വി. അഭിജിത്ത് എന്നിവർ പരിശോധനയ്ക്ക് നേതൃത്വം നൽകി. പെരുവംപറമ്പിൽ മാനദണ്ഡങ്ങൾ പാലിക്കാതെ പ്രവർത്തിക്കുന്ന ബാബൂസ് കുലുക്കി സർബത്ത് കടയും അടച്ചുപൂട്ടി.

ആസ്റ്റര്‍ മിംസിൽ ഹാഫ് ബര്‍ത്ത് ഡേ ആഘോഷം സംഘടിപ്പിച്ചു

കണ്ണൂര്‍: ആറുമാസം പ്രായമായ കുഞ്ഞുങ്ങളുടെ ഹാഫ് ബര്‍ത്ത് ഡേ ആഘോഷവുമായി കണ്ണൂര്‍ ആസ്റ്റര്‍ മിംസ് ആശുപത്രി. കണ്ണൂര്‍ ആസ്റ്റര്‍ മിംസിനോടൊപ്പം ഇന്ത്യന്‍ അസോസിയേഷന്‍ ഓഫ് പീഡിയാട്രിക്‌സ്, നിയോനാറ്റോളജി ഫെഡറേഷന്‍ എന്നിവരും സംയുക്തമായാണ് പരിപാടി സംഘടിപ്പിച്ചത്. നവജാത ശിശുക്കളുടെ ജീവിതത്തിലെ ഏറ്റവും നിര്‍ണണായക മായ വഴിത്തിരിവാണ് ആറാമത്തെ മാസം. ഭക്ഷണരീതിയില്‍ ഉള്‍പ്പെടെ ക്രമാനുഗതമായ മാറ്റങ്ങള്‍ വരുത്തേണ്ടതും ആരോഗ്യകാര്യങ്ങളില്‍ സവിശേഷമായ ശ്രദ്ധപതിപ്പിക്കേണ്ടതുമായ കാലയളവ് എന്ന നിലയിലാണ് ആറ്മാസം പ്രായമായ കുഞ്ഞുങ്ങളുടെ ഹാഫ് ബര്‍ത്ത് ഡേ എന്ന സംഗമത്തിന് വേദിയൊരുക്കിയത്. ആറ് മാസത്തിന് ശേഷം കുട്ടികള്‍ക്ക് ആവശ്യമായ പോഷകാഹാര ക്രമീകരണം ഏത് രീതിയില്‍ നടത്തണം, ശരിയായ ആഹാരക്രമങ്ങള്‍ എന്തൊക്കെയാണ് എന്നിവയുമായി ബന്ധപ്പെട്ട ബോധവ ത്കരണ ക്ലാസുകള്‍ക്ക് പുറമെ ഡോക്ടര്‍മാരുടെ നേതൃത്വത്തില്‍ കുഞ്ഞുങ്ങളുടെ ശാരീരിക വളര്‍ച്ചയും ബുദ്ധിവികാസവും വിലയിരുത്തുന്നതിനായുള്ള പരിശോധനകളും, മാതാപിതാക്കളുടെ സംശയങ്ങളും ആശങ്കകളും പങ്കുവയ്ക്കുവാനുള്ള ചര്‍ച്ച സദസും ഇതിന്‍റെ ഭാഗമായി സംഘടിപ്പിച്ചു. പരിപാടി ഡോ. ജുബൈരിയത്ത് ഉദ്ഘാടനം ചെയ്തു. കണ്ണൂര്‍ ആസ്റ്റര്‍ മിംസിലെ പീഡിയാട്രിക്‌സ്, നിയോനറ്റോളജി വിഭാഗം മേധാവി ഡോ. നന്ദകുമാർ. ഡോ. വീണ കുമാരി, ഡോ. അമൃത, നീയോനറ്റൊളജി വിഭാഗം ഡോ. ശ്രീകാന്ത് സി നായനാര്‍ , ഡോ. ഗോകുല്‍ദാസ് പീഡിയാട്രിക്ക് ന്യൂറോളജി വിഭാഗം ഡോ. കാർത്തിക, പീഡിയാട്രിക് ഓർത്തോപടിക് വിഭാഗത്തിവലെ ഡോ. ഷഫീഖ് എന്നിവര്‍ നേതൃത്വം നല്കി.

അത്യാഹിത വിഭാഗം, ഓപ്പറേഷൻ തിയേറ്റർ കോംപ്ലക്‌സ് പ്രവൃത്തി ഉദ്ഘാടനം ചെയ്തു

തളിപ്പറന്പ്: അത്യാഹിത വിഭാഗം, ഓപ്പറേഷൻ തിയേറ്റർ കോംപ്ലക്‌സ് എന്നിവ പൂർത്തിയാകുന്ന തിലൂടെ തളിപ്പറമ്പ് താലൂക്ക് ഹെഡ് ക്വാട്ടേഴ്സ് ആശുപത്രിയിൽ വലിയ വികസന പദ്ധതിക്ക് തുടക്കമാകുമെന്ന് ആരോഗ്യ മന്ത്രി വീണ ജോർജ്. തളിപ്പറമ്പ് താലൂക്ക് ആശുപത്രിയുടെ അത്യാഹിത വിഭാഗം, ഓപ്പറേഷൻ തിയേറ്റർ കോംപ്ലക്‌സ് എന്നിവയുടെ കെട്ടിട നിർമാണോദ്ഘാടനം നിർവഹിച്ച് പ്രസംഗികയായിരുന്നു മന്ത്രി. ഡയാലിസിസ് രോഗികളുടെ ആവശ്യം കണക്കിലെടുത്ത് എംഎൽഎയുടെ ഇടപെടൽ പ്രകാരം ആശുപത്രിയിലേക്ക് ഭാരത് പെട്രോളിയം കോർപറേഷൻ ലിമിറ്റഡ് മുഖേന പത്ത് ഡയാലിസിസ് മെഷീനുകൾ കൂടി അനുവദിക്കും. ഇതുവഴി സ്വകാര്യ ആശുപത്രികളിലെ ഭീമമായ ചികിത്സാ ചെലവിൽ നിന്ന് സാധാരണക്കാർക്ക് ആശ്വാസം ലഭിക്കുമെന്നും മന്ത്രി പറഞ്ഞു. ആരോഗ്യവകുപ്പിന്‍റെ അഞ്ചു വർഷത്തെ പ്രവർത്തനങ്ങളുടെ വികസന രേഖ എം.വി. ഗോവിന്ദൻ എംഎൽഎയ്ക്ക് നല്കി മന്ത്രി പ്രകാശനം ചെയ്തു. ഐഎസ്ഒ സർട്ടിഫിക്കേഷൻ ലഭിച്ച തളിപ്പറമ്പ് നഗരസഭ കുടുംബശ്രീ, കുറുമാത്തൂർ പഞ്ചായത്ത് കുടുംബശ്രീ തുടങ്ങിയവരെ മന്ത്രി ആദരിച്ചു. എൻഎച്ച്എം വാർഷിക പദ്ധതിയിൽ ഉൾപ്പെടുത്തി ആധുനിക സൗകര്യങ്ങളുള്ള അത്യാഹിത വിഭാഗത്തിനായി 4.94 കോടി രൂപയും ഓപ്പറേഷൻ തിയേറ്റർ കോംപ്ലക്‌സിനായി കിഫ്ബി മുഖേന 19.53 കോടി രൂപയുമാണ് അനുവദിച്ചത്. ജനറൽ സർജറി, ഇഎൻടി, ഓർത്തോ വിഭാഗങ്ങൾക്കായുള്ള പ്രത്യേക ഓപ്പറേഷൻ തിയേറ്റർ, സർജറി രോഗികൾക്കായുള്ള വാർഡ്, എച്ച്ഡിയു സൗകര്യം, എക്‌സ്‌റേ, അൾട്രാ സൗണ്ട്, സിടി സ്‌കാനിംഗ് തുടങ്ങിയ റേഡിയോളജി സൗകര്യങ്ങളും ഇതിൽ ഉൾപ്പെടും. ആശുപത്രി പരിസരത്ത് നടന്ന പരിപാടിയിൽ എം.വി. ഗോവിന്ദൻ എംഎൽഎ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്‍റ് കെ.കെ. രത്‌നകുമാരി, തളിപ്പറമ്പ് നഗരസഭ ചെയർപേഴ്‌സൺ മുർഷിദ കൊങ്ങായി, ആന്തൂർ നഗരസഭ ചെയർമാൻ പി. മുകുന്ദൻ, തളിപ്പറമ്പ് നഗരസഭ വൈസ് ചെയർമാൻ കല്ലിങ്കീൽ പദ്മനാഭൻ, തളിപ്പറമ്പ് നഗരസഭ സ്ഥിരം സമിതി അംഗങ്ങളായ നബീസ ബീവി, എം.കെ ഷബിത, പി.പി. മുഹമ്മദ് നിസാർ, നഗരസഭ സെക്രട്ടറി കെ.പി. സുബൈർ, വിവിധ രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുത്തു.

മഴ: ചെറുപുഴ മേഖലയിൽ കനത്ത നാശനഷ്ടം

ചെറുപുഴ: കഴിഞ്ഞ ദിവസമുണ്ടായ കനത്ത മഴയിൽ ചെറുപുഴ മേഖലയിൽ പലയിടത്തും മണ്ണിടിച്ചിലും കനത്ത നാശനഷ്ടവും. തിരുമേനി-കോക്കടവ് തീരദേശ റോഡിൽ മണ്ണിടിഞ്ഞ് കൂറ്റൻ കരിങ്കല്ല് റോഡിലേയ്ക്ക് വീണു. റോഡിൽ ആളുകളോ വാഹനങ്ങളോ ഇല്ലാതിരുന്നതിനാലാണ് വൻ ദുരന്തം ഒഴിവായത്. കല്ല് വീണതിനെ തുടർന്ന് ഇരുചക്രവാഹനത്തിന് പോലും കടന്നു പോകാൻ കഴിയാത്ത വിധം ഗതാഗതം തടസപ്പെട്ടു. ചട്ടിവയൽ - ചൂരപ്പടവ് റോഡിലും കല്ലും മണ്ണും വീണ് ഗതാഗതം തടസപ്പെട്ടു. കക്കോട് - കിഴക്കേക്കര റോഡ്, തിരുമേനി - കോറാളി റോഡ് എന്നിവിടങ്ങളിലും മണ്ണിടിച്ചിലുണ്ടായി. പ്രാപ്പൊയിലിലെ പൂങ്കാവനം ജയേഷ്, പ്രാപ്പൊയിൽ ഈസ്റ്റിലെ പറമ്പിൽ ഏബ്രഹാം, ഇടക്കര ജോണി എന്നിവരുടെ വീടുകളുടെ മതിൽ തകർന്നു. ഏബ്രഹാമിന്‍റെ മതിൽ തൊട്ടടുത്ത താമസക്കാരനായ ഇടക്കര ജോണിയുടെ വീട്ടുമുറ്റത്തേക്കാണ് ഇടിഞ്ഞു വീണത്. ജോണിയുടെ വിടിന്‍റെ മുറ്റവും ഇടിഞ്ഞു.കണിയാംപറമ്പിൽ ജോസഫിന്‍റെയും വീടിന്‍റെ മുറ്റം ഇടിഞ്ഞ നിലയിലാണ്. ചൂരപ്പഴ മോളിയുടെ വീടിന്‍റെ രണ്ടു വശങ്ങളിലും മണ്ണിടിച്ചിൽ ഉണ്ടായി. നിരവധി പേരുടെ കൈയാലകളും തകർന്നു. മണ്ണിടിച്ചിലിനൊപപ്പം കൃഷിയിടങ്ങളിൽ വെള്ളം കുത്തിയൊലിച്ചതിനെ തുടർന്നും വ്യാപക നഷ്ടം സംഭവിച്ചിട്ടുണ്ട്. മണ്ണിടിച്ചിലിനൊപ്പം പലയിടത്തും വാട്ടർ ടാങ്കുകളും പൈപ്പുകളും തകർന്നിട്ടുമുണ്ട്. തിരുമേനി തോടിന് കുറുകെ മുളപ്രയിലെ തടയണയുടെ പാർശ്വഭിത്തിയും തകർന്നു. മണ്ണിടിച്ചിലിൽ നിലം പതിച്ച കൂറ്റൻ പനയുൾപ്പടെയുള്ള മരങ്ങൾ തടയണയിൽ തങ്ങി നിൽക്കുകയാണ്. ശക്തമായ മിന്നൽ വീട്ടിൽ പതിച്ചതിനെ തുടർന്ന് രണ്ടു പേർക്ക് പരിക്കേൽക്കുകയും വീട്ടുപകരണങ്ങൾ നശിക്കുകയും ചെയ്തു. കക്കോട്ടോ തോറ്റിയാട്ടിൽ ടി. മോഹനന്‍റെ വീടിനാണ് മിന്നലേറ്റത്. മോഹനന്‍റെ അമ്മ മാധവി, പുഷപ്വല്ല എന്നിവർക്കാണ് പരിക്കേറ്റത്. വീട്ടിലെ വയറിംഗ് പൂർണമായും കത്തി നശിച്ച നിലയിലാണ്. നാശനഷ്ടമുണ്ടായ പ്രദേശങ്ങൾ പഞ്ചായത്ത് പ്രസിഡന്‍റ് കെ.എഫ്. അലക്സാണ്ടറുടെ നേതൃത്വത്തിൽ പഞ്ചായത്തംഗങ്ങൾ സ്ഥലം സന്ദർശിച്ചു.

ആലക്കോട് -മോറാനി പാലം; ശിലാസ്ഥാപനം നടത്തി

ആലക്കോട്: ജില്ലാ പഞ്ചായത്തും ആലക്കോട് പഞ്ചായത്തും സംയുക്ത പദ്ധതിയായി നടപ്പിലാക്കുന്ന ആലക്കോട്- മോറാനി പാലത്തിന്‍റെ ശിലാസ്ഥാപന കർമം ജില്ലാ പഞ്ചായത്ത് പ്രസിഡന്‍റ് കെ.കെ. രത്‌നകുമാരി നിർവഹിച്ചു. ആലക്കോട് പഞ്ചായത്ത് പ്രസിഡന്‍റ് ജോജി കന്നിക്കാട്ട് അ ധ്യക്ഷത വഹിച്ചു. ജില്ലാ പഞ്ചായത്തംഗം തോമസ് വെക്കത്താനം മുഖ്യപ്രഭാഷണം നടത്തി. ആലക്കോട് പഞ്ചായത്ത് വൈസ് പ്രസിഡന്‍റ് പി.സി. ആയിഷ, വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ജോൺസൺ താരാമംഗലം, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം.എ. ഖലീൽ റഹ്മാൻ, മെംബർമാരായ മാത്യു പുതിയേടം, പി.ആർ. നിഷ, സാലി വാണിശേരി, കെ.പി. സാബു, രാഷ്‌ട്രീയ പാർട്ടി പ്രതിനിധികളായ ബാബു പള്ളിപ്പുറം, കെ. സാജൻ, കെ. ജോസഫ്, വി.ജി. സോമൻ, ഡെന്നീസ് വാഴപ്പള്ളി, ബിജു പുതുക്കള്ളി, സി.ജി. ഗോപൻ, കൃഷണൻ കൂലേരി, എ.ഇ. ലിജി എന്നിവർ പ്രസംഗിച്ചു. ജില്ലാ പഞ്ചായത്ത് 37.5 ലക്ഷം രൂപയും ആലക്കോട് പഞ്ചായത്ത് 40 ലക്ഷം രൂപയും പദ്ധതിക്ക് വകയിരുത്തി. മൊത്തം 77.5 ലക്ഷം രൂപയുടെ പ്രവൃത്തിക്കാണ് അനുമതി നൽകിയിട്ടുള്ളത്.

പയ്യാവൂർ-കുന്നത്തൂർ-കാഞ്ഞിരക്കൊല്ലി റോഡ് വികസനം കടലാസിൽ ഒതുങ്ങി

പയ്യാവൂർ: പയ്യാവൂർ-കുന്നത്തൂർ-കാഞ്ഞിരക്കൊല്ലി റോഡ് വികസന പദ്ധതി പതിറ്റാണ്ട് പിന്നിട്ടിട്ടും ഫയലിൽ ഉറങ്ങുന്നു. 12 വർഷങ്ങൾക്കു മുന്പ് യുഡിഎഫ് സർക്കാരിന്‍റെ കാലത്ത് റോഡ് വികസന പദ്ധതിയുമായി ബന്ധപ്പെട്ട് ചില നടപടികൾ ആരംഭിച്ചെങ്കിലും മുന്നോട്ടി പോയില്ല. വീതിയില്ലാത്ത കാടുകയറിയ അരിക് ഇടിഞ്ഞ റോഡിലൂടെയുള്ള ദുരിതയാത്രക്ക് ഇനിയെങ്കിലും പരിഹാരം വേണമെന്നാണ് നാട്ടുകാരുടെ ആവശ്യം. മലയോര മേഖലയിലെ പഴക്കം ചെന്ന റോഡുകളിൽ ഒന്നാണിത്. തകർന്നു കിടക്കുന്ന റോഡിന്‍റെ അറ്റകുറ്റപണിയും ചുകപ്പ് നാടയിൽ കുടുങ്ങിക്കിടക്കുകയാണ്. വിനോദ സഞ്ചാര കേന്ദ്രങ്ങളായ അളകാപുരി വെള്ളച്ചാട്ടം, ശശിപ്പാറ എന്നിവിടങ്ങളിലേക്ക് എത്തുന്ന സഞ്ചാരികൾ ആശ്രയിക്കുന്ന പ്രധാന പാതയായിട്ടും റോഡ് നവീകരിക്കാൻ ബന്ധപ്പെട്ടവർ തയാറാകുന്നില്ല. മുത്തപ്പന്‍റെ ആരൂഢസ്ഥാനമായ കുന്നത്തൂർപ്പാടി, മീനപ്പൊങ്കാല മഹോത്സവം നടക്കുന്ന ചാമക്കാൽ ഭഗവതി ക്ഷേത്രം, പാടാൻക വല മദർതെരേസ തീർഥാടന ദേവാലയം എന്നിവിടങ്ങളിലേക്ക് എളുപ്പം എത്തിച്ചേരാവുന്ന വഴിയും നിരവധി ഉന്നതികളിലെ താമസക്കാർ ആശ്രയിക്കുന്ന റോഡും കൂടിയാണിത്. കെഎസ്ആർടിസി ഉൾപ്പെടെ അഞ്ചു ബസുകൾ ഇതുവഴി സർവീസ് നടത്തുന്നുണ്ട്. മരുതുംചാൽ, ചാമക്കാൽ മുത്താറിക്കുളം, കുന്നത്തൂർ എന്നിവിടങ്ങളിലെല്ലാം റോഡ് തകർന്ന് കിടക്കുകയാണ്. കുന്നത്തൂർപാടിയിലെ കയറ്റമാണ് റോഡിനെ അപകടാവസ്ഥയിലാക്കുന്ന പ്രധാന ഭാഗം. കഴിഞ്ഞ വർഷം ഉത്സവത്തിന് ബസ് നിയന്ത്രണം വിട്ട് മറിഞ്ഞിരുന്നു. അന്ന് ഭാഗ്യത്തിനാണ് യാത്രക്കാർ പരിക്കേൽക്കാതെ രക്ഷപ്പെട്ടത്. ചെറുവാഹനങ്ങൾ അപകടത്തിൽ പ്പെടുന്നതും പതിവാണ്. ഡിസംബർ 17 മുതൽ ഒരുമാസം നീളുന്ന ഈ വർഷത്തെ കുന്നത്തൂർപ്പാടി മുത്തപ്പൻ ദേവസ്ഥാനം മഹോത്സവവും ആരംഭിക്കും.

തദ്ദേശ തെരഞ്ഞെടുപ്പ്: കോർപറേഷൻ, ജില്ലാ പഞ്ചായത്ത് സംവരണ വാർഡുകൾ നറുക്കെടുത്തു

കണ്ണൂർ: തദ്ദേശ സ്വയംഭരണ തെരഞ്ഞെടുപ്പിനു മുന്നോടിയായി കണ്ണൂർ മുനിസിപ്പൽ കോർപറേഷന്‍റെ സംവരണ വാർഡുകളുടെ നറുക്കെടുപ്പ് നടത്തി. കോഴിക്കോട് ടൗൺഹാളിലായിരുന്നു നറുക്കെടുപ്പ്. 56 വാർഡുകളുള്ള കോർപറേഷനിൽ 26 എണ്ണം വനിതാ സംവരണമാണ്. പട്ടികജാതി വനിതാ സംവരണമായി രണ്ട് വാർഡുകളും പട്ടികജാതി സംവരണമായി ഒരു വാർഡുമാണ് നറുക്കെടുപ്പിലൂടെ നിശ്ചയിച്ചത്. വനിത സംവരണ വാർഡുകൾ, വാർഡ് നന്പർ, പേര് എന്നീ ക്രമത്തിൽ. ഒന്ന് പള്ളിയാംമൂല, നാല് പളളിക്കുന്ന്, എട്ട് കൊറ്റാളി, ഒന്പത് അത്താഴക്കുന്ന്, 17 ചേലോറ, 18 മാച്ചേരി, 21 എളയാവൂർ നോർത്ത്, 23 മുണ്ടയാട്, 27 മേലെചൊവ്വ, 28 താഴെചൊവ്വ, 29 കീഴ്ത്തളളി, 31 ആറ്റടപ്പ, 32 ചാല, 35 ആലിങ്കീൽ, 36 കിഴുന്ന, 37 തോട്ടട, 39 കാഞ്ഞിര, 41 പടന്ന, 43 നീർച്ചാൽ, 44 അറയ്ക്കൽ, 47 സൗത്ത് ബസാർ, 48 ടെമ്പിൾ, 49 തായത്തെരു, 52 കാനത്തൂർ, 53 പയ്യാമ്പലം, 55 ചാലാട്. പട്ടികജാതി വനിതാ സംവരണം: 16 വലിയന്നൂർ, 22 എളയാവൂർ സൗത്ത്. പട്ടികജാതി സംവരണം: 11 തുളിച്ചേരി. ജില്ലാ പഞ്ചായത്ത് വനിതാ സംവരണ വാർഡുകൾ: ഒന്ന് കരിവെള്ളൂർ, രണ്ട് മാതമംഗലം, അഞ്ച് പടിയൂർ, ആറ് പേരാവൂർ, എട്ട് കോളയാട്, പത്ത് പാട്യം, 11 പന്ന്യന്നൂർ, 12 കതിരൂർ, 13 പിണറായി, 15 അഞ്ചരക്കണ്ടി, 16 കൂടാളി, 22 ചെറുകുന്ന്, 25 കുഞ്ഞിമംഗലം. പട്ടികജാതി സംവരണം: 20 കല്യാശേരി. പട്ടികവർഗ സംവരണം: 17 മയ്യിൽ. കളക്ടറേറ്റ് കോൺഫറൻസ് ഹാളിൽ നടന്ന നറുക്കെടുപ്പിൽ തദ്ദേശ സ്വയംഭരണ വകുപ്പ് ജോയിന്‍റ് ഡയറക്ടർ ടി.ജെ അരുൺ, ഇലക്ഷൻ ഡെപ്യൂട്ടി കളക്ടർ കെ.കെ ബിനി, തദ്ദേശസ്ഥാപന വകുപ്പ് ഉദ്യോഗസ്ഥർ, രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുത്തു.

തളിപ്പറമ്പിൽ അന്താരാഷ്‌ട്ര സ്റ്റേഡിയം നിർമിക്കും: മന്ത്രി

തളിപ്പറന്പ്: തളിപ്പറമ്പ് കില ആസ്ഥാനമാക്കി മുപ്പതിനായിരം പേരെ ഉൾക്കൊള്ളാവുന്ന, 52 കോടി രൂപയുടെ അന്താരാഷ്ട്ര നിലവാരത്തിലുള്ള ഫുട്ബോൾ സ്റ്റേഡിയം നിർമിക്കുമെന്ന് മന്ത്രി വി. അബ്ദുറഹിമാൻ. നിർമാണ പ്രവൃത്തി ഡിസംബറിൽ ആരംഭിക്കുമെന്നും മന്ത്രി അറിയിച്ചു കല്യാശേരി കെ.പി.ആർ ഗോപാലൻ സ്മാരക ഗവ. ഹയർ സെക്കൻഡറി സ്‌കൂൾ കായിക അടിസ്ഥാന സൗകര്യ വികസന പദ്ധതിയുടെ ഭാഗമായി നിർമാണം പൂർത്തികരിച്ച ഫുട്ബോൾ ടർഫ്, സ്കൂൾ ഗ്രൗണ്ട്, ജിംനേഷ്യം കോർട്ട് എന്നിവയുടെ ഉദ്ഘാടനം നിർവഹിച്ച് പ്രസംഗിക്കുകയായിരുന്നു മന്ത്രി. എം വിജിൻ എംഎൽഎ അധ്യക്ഷത വഹിച്ചു. ജില്ലാ പഞ്ചായത്ത്‌ പ്രസിഡന്‍റ് കെ.കെ. രത്നകുമാരി, ജില്ലാ പഞ്ചായത്ത്‌ അംഗം പി.പി ദിവ്യ, കല്യാശേരി ബ്ലോക്ക്‌ പഞ്ചായത്ത് പ്രസിഡന്‍റ് പി.പി ഷാജിർ, പഞ്ചായത്ത് പ്രസിഡന്‍റ് ടി.ടി ബാലകൃഷ്ണൻ,ജനപ്രതിനിധികൾ, ഉദ്യോഗസ്ഥർ, രാഷ്‌ട്രീയപാർട്ടി പ്രതിനിധികൾ എന്നിവർ പങ്കെടുത്തു.

സ്വീകരണവും അനുമോദന റാലിയും നടത്തി

ചെറുപുഴ: റവന്യൂ ജില്ലാ സ്‌കൂൾ കായികമേളയിൽ ഓവറോൾ ചാമ്പ്യൻഷിപ്പ് കരസ്ഥമാക്കിയ പ്രാപ്പൊയിൽ ഗവ. ഹയർ സെക്കൻഡറി സ്‌കൂൾ കായികതാരങ്ങൾക്കും കായികാധ്യാപകനും പരിശീലകനുമായ സുനീഷ് ജോർജിനും ചെറുപുഴ ടൗണിൽ സ്വീകരണം നൽകി. ജനപ്രതിനിധികൾ, പിടിഎ, മദർ പിടിഎ, സ്‌കൂൾ മാനേജ്മെന്‍റ് കമ്മിറ്റി, മുൻ കായികതാരങ്ങൾ എന്നിവരുടെ നേതൃത്വത്തിലായിരുന്നു സ്വീകരണം.ചെറുപുഴ ഗ്രാമപഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം. ബാലകൃഷ്‌ണൻ അനുമോദന സമ്മേളനം ഉദ്ഘാടനം ചെയ്തു. പിടിഎ പ്രസിഡന്‍റ് കെ.സി. ലക്ഷമണൻ അധ്യക്ഷത വഹിച്ചു. സ്‌കൂൾ പ്രിൻസിപ്പൽ കെ.വി. സജി, എസ്എംസി ചെയർമാൻ കെ.എസ്. ദിലീഷ് കുമാർ, പിടിഎ വൈസ് പ്രസിഡന്‍റ് അലിയാർ കുട്ടി, മദർ പിടിഎ പ്രസിഡന്‍റ് ലീന അഭിലാഷ്, ഹെഡ്മാസ്റ്റർ കെ.വി. രാജൻ, കായികാധ്യാപകൻ സുനീഷ് ജോർജ്, സ്റ്റാഫ് സെക്രട്ടറി ജോമേഷ് ജോൺ എന്നിവർ പ്രസംഗിച്ചു.

തളിപ്പറമ്പ് നോർത്ത് ഉപജില്ല സാമൂഹ്യ-ശാസ്ത്രമേള സമാപിച്ചു

തളിപ്പറമ്പ്: തളിപ്പറമ്പ് നോർത്ത് ഉപജില്ല സാമൂഹ്യശാസ്ത്രമേള ജിഎച്ച്എസ് കുറ്റ്യേരിയിൽ നടന്നു. എൽപി വിഭാഗത്തിൽ സിഎച്ച്എം എൽപിഎസ്, നടുവിൽ എൽപിഎസ് എന്നിവർ ചാമ്പ്യൻമാരായി. ഇരിങ്ങൽ യുപിഎസ്, ജിഎച്ച്എസ് കുറ്റ്യേരി എന്നിവർ യഥാക്രമം രണ്ടും മൂന്നും സ്ഥാനം നേടി. യുപി വിഭാഗത്തിൽ പട്ടുവം യു പിയാണ് ചാന്പ്യൻ. കരിപ്പാൽ എസ് വിയുപി രണ്ടാം സ്ഥാനം നേടി. പുലിക്കുരുമ്പ എസ്ജെയുപി , നടുവിൽ എച്ച്എസ്എസ് എന്നിവർ മൂന്നാം സ്ഥാനം പങ്കിട്ടു. ഹൈസ്കൂൾ വിഭാഗത്തിൽ ടാഗോർ വിദ്യാനികേതൻ ചാമ്പ്യൻമാരായി. സീതി സാഹിബ് എച്ച്എസ് എസ്, മൂത്തേടത്ത് എച്ച്എസ്എസ് എന്നിവർ രണ്ടും മൂന്നും സ്ഥാനം നേടി. ഹയർ സെക്കൻൻഡറി വിഭാഗത്തിൽ ടാഗോർ വിദ്യാനികേതനാണ് ചാന്പ്യൻമാർ. സർസയ്യിദ് ഹയർ സെക്കൻഡറി, സെന്‍റ് ജോസഫ്സ് എച്ച്എസ്എസ് വായാട്ടുപറന്പ് എന്നിവർ രണ്ടും മൂന്നും സ്ഥാനങ്ങൾക്കർഹരായി. വിവിധ മത്സരയിനങ്ങളിലായി അഞ്ഞൂറോളം കുട്ടികൾ മത്സരത്തിൽ പങ്കെടുത്തു. സമാപന സമ്മേളനത്തിന്‍റെ ഉദ്ഘാടനവും സമ്മാനദാനവും പരിയാരം പഞ്ചായത്ത് പ്രസിഡന്‍റ് ടി. ഷീബ നിർവഹിച്ചു. സ്റ്റാൻഡിംഗ് കമ്മിറ്റി ചെയർപേഴ്സൺ ടി.പി രജനി അധ്യക്ഷത വഹിച്ചു. എഇഒ കെ മനോജ്, മുഖ്യാധ്യാപകൻ കെ.വി ഷാജി, സോഷ്യൽ സയൻസ് ക്ലബ് സെക്രട്ടറി കെ.ഫാറൂഖ്, എം. ചന്ദ്രൻ, പ്രഭാകരൻ, എൻ.വി.ശിവദാസൻ, ടി.സ്വപ്ന, അരുണ, പി.സോന, എൻ.പി.പ്രീജ എന്നിവർ പ്രസംഗിച്ചു.

ഹരിതകർമസേന ത്രിതല പഞ്ചായത്ത് ജനപ്രതിനിധികളെ ആദരിച്ചു

ചപ്പാരപ്പടവ്: ചപ്പാരപ്പടവ് ഗ്രാമപഞ്ചായത്ത് ഹരിതകർമസേനയുടെ ആഭിമുഖ്യത്തിൽ ത്രിതല പഞ്ചായത്ത് ജനപ്രതിനിധികളെ ആദരിച്ചു. ജില്ലാ പഞ്ചായത്ത് മെംബർ തോമസ് വക്കത്താനം ഉദ്ഘാടനം ചെയ്തു. ഹരിതകർമസേന കൺസോർഷ്യം ചെയർമാൻ ജെസി ജോസഫ് അധ്യക്ഷത വഹിച്ചു. പഞ്ചായത്ത് പ്രസിഡന്‍റ് സുനിജ ബാലകൃഷ്ണൻ, വൈസ് പ്രസിഡന്‍റ് പി.കെ അബ്ദുറഹ്മാൻ, എം. മൈമൂനത്ത്, തങ്കമ്മ സണ്ണി, ഫസീല ഷംസീർ, പി.കെ. ഉനൈസ്, ഷീജ കൈപ്രത്ത്, കെ.വി. രാഘവൻ, സെക്രട്ടറി സി.കെ. ശ്രീകുമാർ, അസിസ്റ്റന്‍റ് സെക്രട്ടറി ജി. അജയകുമാർ, ഹരിത കേരളം മിഷൻ ആർപി വി. സഹദേവൻ, ജാൻസി ജോർജ് എന്നിവർ പ്രസംഗിച്ചു.

തദ്ദേശ തെരഞ്ഞെടുപ്പ്: കോർപറേഷൻ, ജില്ലാ പഞ്ചായത്ത് സംവരണ വാർഡുകൾ നറുക്കെടുത്തു

കണ്ണൂർ: തദ്ദേശ സ്വയംഭരണ തെരഞ്ഞെടുപ്പിനു മുന്നോടിയായി കണ്ണൂർ മുനിസിപ്പൽ കോർപറേഷന്‍റെ സംവരണ വാർഡുകളുടെ നറുക്കെടുപ്പ് നടത്തി. കോഴിക്കോട് ടൗൺഹാളിലായിരുന്നു നറുക്കെടുപ്പ്. 56 വാർഡുകളുള്ള കോർപറേഷനിൽ 26 എണ്ണം വനിതാ സംവരണമാണ്. പട്ടികജാതി വനിതാ സംവരണമായി രണ്ട് വാർഡുകളും പട്ടികജാതി സംവരണമായി ഒരു വാർഡുമാണ് നറുക്കെടുപ്പിലൂടെ നിശ്ചയിച്ചത്. വനിത സംവരണ വാർഡുകൾ, വാർഡ് നന്പർ, പേര് എന്നീ ക്രമത്തിൽ. ഒന്ന് പള്ളിയാംമൂല, നാല് പളളിക്കുന്ന്, എട്ട് കൊറ്റാളി, ഒന്പത് അത്താഴക്കുന്ന്, 17 ചേലോറ, 18 മാച്ചേരി, 21 എളയാവൂർ നോർത്ത്, 23 മുണ്ടയാട്, 27 മേലെചൊവ്വ, 28 താഴെചൊവ്വ, 29 കീഴ്ത്തളളി, 31 ആറ്റടപ്പ, 32 ചാല, 35 ആലിങ്കീൽ, 36 കിഴുന്ന, 37 തോട്ടട, 39 കാഞ്ഞിര, 41 പടന്ന, 43 നീർച്ചാൽ, 44 അറയ്ക്കൽ, 47 സൗത്ത് ബസാർ, 48 ടെമ്പിൾ, 49 തായത്തെരു, 52 കാനത്തൂർ, 53 പയ്യാമ്പലം, 55 ചാലാട്. പട്ടികജാതി വനിതാ സംവരണം: 16 വലിയന്നൂർ, 22 എളയാവൂർ സൗത്ത്. പട്ടികജാതി സംവരണം: 11 തുളിച്ചേരി. ജില്ലാ പഞ്ചായത്ത് വനിതാ സംവരണ വാർഡുകൾ: ഒന്ന് കരിവെള്ളൂർ, രണ്ട് മാതമംഗലം, അഞ്ച് പടിയൂർ, ആറ് പേരാവൂർ, എട്ട് കോളയാട്, പത്ത് പാട്യം, 11 പന്ന്യന്നൂർ, 12 കതിരൂർ, 13 പിണറായി, 15 അഞ്ചരക്കണ്ടി, 16 കൂടാളി, 22 ചെറുകുന്ന്, 25 കുഞ്ഞിമംഗലം. പട്ടികജാതി സംവരണം: 20 കല്യാശേരി. പട്ടികവർഗ സംവരണം: 17 മയ്യിൽ. കളക്ടറേറ്റ് കോൺഫറൻസ് ഹാളിൽ നടന്ന നറുക്കെടുപ്പിൽ തദ്ദേശ സ്വയംഭരണ വകുപ്പ് ജോയിന്‍റ് ഡയറക്ടർ ടി.ജെ അരുൺ, ഇലക്ഷൻ ഡെപ്യൂട്ടി കളക്ടർ കെ.കെ ബിനി, തദ്ദേശസ്ഥാപന വകുപ്പ് ഉദ്യോഗസ്ഥർ, രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുത്തു.

ഇരിട്ടി നഗരസഭ വികസന സദസ് നടത്തി

ഇരിട്ടി: ഇരിട്ടി നഗരസഭ വികസന സദസ് സ്പീക്കർ എ.എൻ. ഷംസീർ ഉദ്ഘാടനം ചെയ്തു. നാടിന്‍റെ വികസനത്തിൽ പൊതുജനങ്ങളുടെ പങ്കാളിത്തം ഉറപ്പാക്കുകയാണ് വികസന സദസിലൂടെ ലക്ഷ്യമാക്കുന്നതെന്ന് സ്പീക്കർ പറഞ്ഞു. മുനിസിപ്പൽ ചെയർപേഴ്‌സൺ കെ ശ്രീലത അധ്യക്ഷത വഹിച്ചു. റിസോഴ്‌സ് പേഴ്‌സൺ ടി.വി സുഭാഷ് സംസ്ഥാനതല വികസന റിപ്പോർട്ടും നഗരസഭ സെക്രട്ടറി കെ. അൻഷിദ് നഗരസഭാ വികസന റിപ്പോർട്ടും അവതരിപ്പിച്ചു. നഗരസഭയുടെ പ്രോഗ്രസ് റിപ്പോർട്ട്, ജനകീയ വികസന പത്രിക എന്നിവയുടെ പ്രകാശനവും നഗരസഭ നടപ്പാക്കിയ ഇന്‍റലിജന്ഡസ് പ്രോപ്പർട്ടി മാനേജ്‌മെന്‍റ് സിസ്റ്റത്തിന്‍റെ ലോഞ്ചിംഗും സ്പീക്കർ നിർവഹിച്ചു. ഹരിതകർമ സേന, സംസ്ഥാന അവാർഡ് നേടിയ കൂൺകൃഷി സംരംഭകൻ രാഹുൽ ഗോവിന്ദൻ എന്നിവരെ ആദരിച്ചു. വികസന സദസിന്‍റെ ഭാഗമായി നടന്ന ചർച്ചയിൽ നഗരസഭാ റോഡിന്‍റെ വശങ്ങളിൽ ഓട നിർമിക്കുക, നഗരസഭയുടെ തനതുവരുമാനം വർധിപ്പിക്കാനുള്ള പദ്ധതികൾ ആവിഷ്‌കരിക്കുക, ബഡ്‌സ് സ്‌കൂൾ സ്ഥാപിക്കുക, നഗരസഭയുടെ വിവിധ പദ്ധതികൾക്കായി സ്വന്തം സ്ഥലം കണ്ടെത്തുക തുടങ്ങിയ നിർദേശങ്ങൾ ഉയർന്നു. മുനിസിപ്പൽ വൈസ് ചെയർപേഴ്സൺ പി.പി ഉസ്മാൻ, സ്റ്റാൻഡിംഗ് കമ്മിറ്റി ചെയർപേഴ്സൺമാരായ കെ.സോയ, ടി.കെ.ഫസീല, കെ.സുരേഷ്, കൗൺസിലർ യു.കെ ഫാത്തിമ, ആസൂത്രണ സമിതി ഉപാധ്യക്ഷൻ കെ.ആർ അശോകൻ, സൂപ്രണ്ട് പി.വി. നിഷ എന്നിവർ പ്രസംഗിച്ചു.‌

മലബാർ കാൻസർ സെന്‍റർ ആരോഗ്യ ഭൂപടത്തിൽ കൈമുദ്ര പതിപ്പിച്ചു: മന്ത്രി

തലശേരി: രാജ്യത്തിന്‍റെ ആരോഗ്യഭൂപടത്തിൽ കൈമുദ്ര പതിപ്പിച്ച സ്ഥാപനമാണ് മലബാർ കാൻസർ സെന്‍ററെന്ന് മന്ത്രി വീണാ ജോർജ്. എരഞ്ഞോളി ഗ്രാമപഞ്ചായത്ത് കുടുംബാരോഗ്യ കേന്ദ്രത്തിന്‍റെ കെട്ടിടോദ്ഘാടനം നിർവഹിച്ചു പ്രസംഗിക്കുകയായിരുന്നു അവർ. രാജ്യത്തുതന്നെ അപൂർവമായിട്ടാണ് സർക്കാർ സംവിധാനത്തിൽ കാർ ടി സെൽ ചികിത്സ ലഭ്യമാക്കുന്നത്. കാർ ടി സെൽ തെറാപ്പിയിൽ അഭിമാനകരമായ നേട്ടം കൈവരിച്ച് രാജ്യത്തെ ഏറ്റവും മികച്ച കാൻസർ ചികിത്സാകേന്ദ്രമായി മലബാർ കാൻസർ സെന്‍റർ മാറിയിരിക്കുകയാണെന്നും മന്ത്രി പറഞ്ഞു. സ്പീക്കർ എ.എൻ ഷംസീർ അധ്യക്ഷത വഹിച്ചു.

പെൻഷൻ പരിഷകരണ നടപടികൾ ഉടൻ ആരംഭിക്കണം: കെഎസ്എസ്പിഎ

പേരാവൂർ: 2024 ജൂലൈ ഒന്നിന് പ്രാബല്യത്തിൽ വരേണ്ട ശമ്പള പെൻഷൻ പരിഷ്കരണത്തിനുള്ള നടപടികൾ ഉടൻ ആരംഭിക്കുക, ഓപ്ഷൻ സൗകര്യത്തോടെ മെഡിസെപ്പ് പദ്ധതി കുറ്റമറ്റ രീതിയിൽ നടപ്പിലാക്കുക, ക്ഷാമാശ്വാസം മുൻകാല പ്രാബല്യത്തോടെ നടപ്പിലാക്കുക തുടങ്ങിയ ആവശ്യങ്ങൾ കെഎസ്എസ്പിഎ പേരാവൂർ മണ്ഡലം സമ്മേളനം ആവശ്യപ്പെട്ടു. തൊണ്ടിയിൽ സീന ഓഡിറ്റോ റിയത്തിൽ നടന്ന മണ്ഡലം സമ്മേളനം കെപിസിസി ജനറൽ സെക്രട്ടറി ചന്ദ്രൻ തില്ലങ്കേരി ഉദ്ഘാടനം ചെയ്തു. പേരാവൂർ മണ്ഡലം പ്രഡിഡന്‍റ് ടി.ജെ. എൽസമ്മ അധ്യക്ഷത വഹിച്ചു. മിസ് കേരള സുവർണ ബെന്നിക്കുള്ള ഉപഹാരം ചന്ദ്രൻ തില്ലങ്കേരി നല്കി. ഉന്നത വിജയികൾക്ക് ഉപഹാര വിതരണം നടത്തി. സംസ്ഥാന വൈസ് പ്രസിഡന്‍റ് പി.സി. വർഗീസ് മുഖ്യപ്രഭാഷണം നടത്തി. എം.ജി. ജോസഫ്. പി. സുഖദേവൻ, മോഹനൻ, പി.എം. മോഹനൻ, എൻ. നാരായണൻ, സി.വി. കുഞ്ഞ നന്ദൻ, നാരായണൻ കോയിറ്റി, പി.വി. അന്നമ്മ, വി.ടി. അന്നമ്മ, ഒ. മാത്യു എന്നിവർ പ്രസംഗിച്ചു. പുതിയ ഭാരവാഹികളായി പി.എൻ. മോഹനൻ -പ്രസിഡന്‍റ്, വി.ഡി. ജോസഫ്, വി.ടി. അന്നമ്മ -വൈസ് പ്രസിഡന്‍റുമാർ, എ.വി. ചിത്ര ലേഖ, വി.അനിൽ കുമാർ, പി.ഒ. മറിയം - ജോയിന്‍റ് സെക്രട്ടറിമാർ, പി.കെ. സന്തോഷ്‌ -ട്രഷറർ എന്നിവരേയും 56 അംഗ നിയോജക മണ്ഡലം മെംബർമാരേയും സമ്മേളനം തെരഞ്ഞെടുത്തു.

പാറക്കണ്ടിയിൽ മധ്യവയസ്ക മരിച്ച നിലയിൽ

കണ്ണൂർ: കണ്ണൂർ പാറക്കണ്ടിയിൽ സ്ത്രീയെ ദുരൂഹസാഹചര്യത്തിൽ മരിച്ച നിലയിൽ കണ്ടെത്തി. തോട്ടട സമാജ് വാദി കോളനിയിലെ ശെൽവിയാണ് (50) മരിച്ചത്. ബീവറേജ് ഔട്ട്‌ലെറ്റിന് സമീപത്തെ കടവരാന്തയിലാണ് ഇന്നലെ രാവിലെ മൃതദേഹം കണ്ടെത്തിയത്. സംഭവം കണ്ടവർ സ്ത്രീ ബോധമില്ലാതെ കിടക്കുന്നതായുള്ള വിവരം പോലീസിൽ അറിയിക്കുകയായിരുന്നു. 108 ആംബുലൻസ് സ്ഥലത്തെത്തിയെങ്കിലും തിരിച്ചുപോവുകയായിരുന്നു. സംഭവമറിഞ്ഞ് ബന്ധുക്കൾ ഉൾപ്പെടെയുള്ളവർ സ്ഥലത്തെത്തി. ടൗൺ എസ്ഐ വി.വി. ദീപ്തിയുടെ നേതൃത്വത്തിൽ പോലീസ് സംഘം സ്ഥലത്തെത്തി പരിശോധന നടത്തി. സമീപത്തെ സിസി ടിവി ദൃശ്യങ്ങൾ പോലീസ് പരിശോധിച്ചുവരികയാണ്. സനോജ്, സജിത എന്നിവരാണ് മരിച്ച ശെൽവിയുടെ മക്കൾ.

കുടം എടുക്കുന്നതിനിടയിൽ കിണറ്റിൽ വീണുമരിച്ചു

പയ്യന്നൂർ: കിണറ്റിൽ വീണ കുടം എടുക്കുന്നതിനിടെ മധ്യവയസ്കൻ കിണറ്റിൽ വീണു മരിച്ചു. രാമന്തളി ക്ഷീര വ്യവസായ സഹകരണ സംഘത്തിലെ പാൽ വിതരണക്കാരൻ വില്ലേജ് ഓഫീസിന് സമീപത്തെ കൊയിത്തട്ട മീത്തലെ വീട്ടിൽ രവീന്ദ്രനാണ് (64) മരിച്ചത്. പയ്യന്നൂർ പോലീസ് ഇൻക്വസ്റ്റ് നടത്തിയ മൃതദേഹം കണ്ണൂർ ഗവ. മെഡിക്കൽ കോളജിൽ പോസ്റ്റ്മോർട്ടം നടത്തി. ഇന്നലെ രാവിലെ പത്തേമുക്കാലോടെയാണ് സംഭവം. അയൽവാസിയായ തമ്പാന്‍റെ വീട്ടിലെ 17 കോൽ ആഴമുള്ള കിണറിൽ വീണ കുടം എടുക്കാൻ ഇറങ്ങുമ്പോൾ അബദ്ധത്തിൽ കിണറ്റിൽ വീഴുകയായിരുന്നു. പയ്യന്നൂരിൽ നിന്നെത്തിയ ഫയർ സ്റ്റേഷൻ ഓഫീസർ സി.പി. രാജേഷിന്‍റെ നേതൃത്വത്തിലുള്ള ഫയർഫോഴ്സ് സംഘം വെള്ളത്തിനടിയിൽനിന്നും മുങ്ങിയെടുത്ത ഇയാളെ കരയ്ക്ക് എത്തിക്കുമ്പോഴേക്കും മരിച്ചിരുന്നു. ഭാര്യ: കെ.വി. ജാനകി. മക്കൾ: സത്യജിത്ത്, ദീപിക (ഇരുവരും യുഎഇ). മരുമകൻ: ബിജു (യുഎഇ). സഹോദരങ്ങൾ: ലക്ഷ്മണൻ, ബാലാമണി, രമേശൻ. സംസ്കാരം ഇന്നു 10 ന് രാമന്തളി സമുദായ ശ്മശാനത്തിൽ നടക്കും.

തീ കൊളുത്തി വയോധിക മരിച്ചു

പയ്യന്നൂർ: സ്വയം തീ കൊളുത്തിയ വയോധിക മരിച്ചു. മാത്തിൽ വടവന്തൂരിലെ വേലിയാട്ട് തമ്പായി (79) ആണ് മരിച്ചത്. ഇന്നലെ രാവിലെ എട്ടരയോടെയായിരുന്നു സംഭവം. വീടിനകത്തുനിന്ന് തീ കൊളുത്തിയതിലൂടെ പൊള്ളലേറ്റ നിലയിൽ കണ്ടെത്തിയ ഇവരെ ബന്ധുക്കൾ കണ്ണൂർ ഗവ. മെഡിക്കൽ കോളജിലെത്തിച്ചപ്പോഴേക്കും മരിച്ചിരുന്നു. ഭർത്താവ്: പരേതനായ മാണിയാടൻ കണ്ണൻ. മക്കൾ: കമലാക്ഷൻ, പരേതനായ സുരേഷ്, ശൈലജ. മരുമക്കൾ: ചിത്ര, ശ്യാമള, പരേതനായ സുരേന്ദ്രൻ.

കോട്ടൂർ സിഎസ്ടി ആശ്രമ കൺവൻഷൻ സമാപിച്ചു

ശ്രീകണ്ഠപുരം: വിശുദ്ധ കൊച്ചുത്രേസ്യയുടെ വിശുദ്ധ പദവിയുടെ നൂറാം വാർഷികത്തോടനുബന്ധിച്ച് ഫാ. മാത്യു വയലാമണ്ണിൽ സിഎസ്ടി നയിച്ച കോട്ടൂർ സിഎസ്ടി ആശ്രമ കൺവൻഷൻ സമാപിച്ചു. ദൈവത്തിനു വേണ്ടി സമയം ചെലവഴിക്കാത്തവർ ജീവിതം നഷ്ടപ്പെടുത്തുന്നു എന്ന വിശുദ്ധ കൊച്ചുത്രേസ്യായുടെ അദ്ധ്യാത്മിക പ്രബോധനത്തിലൂന്നി തലശേരി ആർച്ച്ബിഷപ് മാർ ജോസഫ് പാംപ്ലാനി അനുഗ്രഹ പ്രഭാഷണം നടത്തി. മലബാറിന്‍റെ മലയോര മേഖലയിൽ നിന്നും അനേകായിരങ്ങൾ കൺവൻഷനിൽ പങ്കെടുത്തു. ചെറുപുഷ്പ സഭ സെന്‍റ് തോമസ് പ്രൊവിൻസ് അസിസ്റ്റന്‍റ് പ്രൊവിൻഷൽ ഫാ. ജിനോ പെരിഞ്ചേരി, കൗൺസിലർ ഫാ. ജോഷി വാളിപ്ലാക്കൽ, കോട്ടൂർ സെന്‍റ് തോമസ് ആശ്രമ സുപ്പീരിയർ ഫാ. ജോൺ കൊച്ചുപുരയ്ക്കൽ, ബൈബിൾ കൺവൻഷൻ കോ-ഓർഡിനേറ്റർ സെക്രട്ടറി ഫാ. ജോഫിൻ കുരുവമാക്കൽ എന്നിവർ ബൈബിൾ കൺവൻഷന് നേതൃത്വം നൽകി.

കാർത്തികപുരം പച്ചത്തുരുത്തിന് അനുമോദനപത്രം ലഭിച്ചു

കാർത്തികപുരം: ഉദയഗിരി പഞ്ചായത്തിലെ കാർത്തികപുരം പച്ചത്തുരുത്തിന് അനുമോദനപത്രം ലഭിച്ചു. എം.വി. ഗോവിന്ദൻ എംഎൽഎയിൽ നിന്നും അനുമോദന പത്രം പഞ്ചായത്ത് പ്രസിഡന്‍റ് കെ.എസ്. ചന്ദ്രശേഖരൻ, വൈസ് പ്രസിഡന്‍റ് ബിന്ദു ഷാജു എന്നിവർ ഏറ്റുവാങ്ങി. തളിപ്പറമ്പ് ബ്ലോക്ക് പഞ്ചായത്ത് പ്രസിഡന്‍റ് സി.എം. കൃഷ്ണൻ അധ്യക്ഷത വഹിച്ചു. നവകേരള കർമപദ്ധതി സംസ്ഥാന അസിസ്റ്റന്‍റ് കോ-ഓർഡിനേറ്റർ ടി.പി. സുധാകരൻ, പഞ്ചായത്ത് പ്രസിഡ‌ന്‍റുമാർ, വൈസ് പ്രസിഡന്‍റുമാർ, മെംബർമാർ, സെക്രട്ടറിമാർ തുടങ്ങിയവർ പങ്കെടുത്തു. ഹരിത കേരളം മിഷൻ ആവിഷ്കരിച്ച പച്ചത്തുരുത്ത് പദ്ധതിയിൽ 2025 ലെ സംസ്ഥാന പുരസ്‌കാര നിർണയത്തിൽ പങ്കാളിയായി പച്ചത്തുരുത്ത് നിർമിക്കുകയും പരിസ്ഥിതി പുനഃസ്ഥാപന പ്രവർത്തനങ്ങൾ മാതൃകാപരമായി നടത്തുകയും ചെയ്തതിനാണ് അനുമോദന പത്രം ലഭിച്ചത്.

ചപ്പാരപ്പടവ് -കുപ്പം പുഴ സംരക്ഷണം രണ്ടാം ഘട്ടം ഉടൻ

ചപ്പാരപ്പടവ്: മങ്കര പബ്ലിക് ലൈബ്രറിയിൽ ചേർന്ന പരിസ്ഥിതി പ്രവർത്തകരുടെ കൂട്ടായ്മ ചപ്പാര പ്പടവ്-കുപ്പം പുഴയുടെ സംരക്ഷണത്തിന് രണ്ടാംഘട്ട പ്രവർത്തനങ്ങൾക്ക് തുടക്കം കുറിക്കാൻ തീരുമാനിച്ചു.1999 ആരംഭിച്ച പുഴ സംരക്ഷണ പ്രവർത്തനങ്ങൾ 26 വർഷം പൂർത്തിയാകുന്ന സന്ദർഭത്തിലാണ് പുതിയ തീരുമാനം. രണ്ടാംഘട്ട പ്രവർത്തനം പഞ്ചായത്ത് തലത്തിൽ നടപ്പിലാക്കാൻ വേണ്ട കരട് നിർദേശങ്ങൾ തയാറാ ക്കി ഡിസംബറിൽ ചുമതല ഏല്ക്കുന്ന പഞ്ചായത്ത് ഭരണസമിതിക്ക് നല്കാനാണ് തീരുമാനം. പുതിയ ഭരണസമിതി നിലവിൽ വന്നാൽ ഉടൻതന്നെ പഞ്ചായത്ത് തല പരിസ്ഥിതി കൂട്ടായ്മ സംഘടിപ്പിക്കാ നും യോഗം നിർദേശിച്ചു. പഞ്ചായത്ത് പ്രസിഡന്‍റ് സുനിജ ബാലകൃഷ്ണൻ ചെയർപേഴ്സണായും ലൈബ്രറി പ്രസിഡന്‍റ് ടി.ജെ. ആഗസ്തി കൺവീനറുമായി 21 അംഗ കമ്മിറ്റിയെ യോഗം കരട് നിർദേശങ്ങൾ സമർപ്പിക്കാൻ തെരഞ്ഞെടുത്തു. പരിസ്ഥിതി കൂട്ടായ്മ ഗ്രാമപഞ്ചായത്ത് പ്രസിഡന്‍റ് സുനിജ ബാലകൃഷ്ണൻ ഉദ്ഘാടനം ചെയ്തു. വാർഡ് മെംബർ പി.പി. വിനീത അധ്യക്ഷത വഹിച്ചു. ഡോ.പി.പി. ബാലൻ മുഖ്യപ്രഭാഷണം നടത്തി. കായക്കൂൽ മമ്മു, ടി. പ്രഭാകരൻ, സി.കെ. പുരുഷോത്തമൻ, ഡി.പി. ജോസ്, ലൂക്കോസ് പറത്താനം എന്നിവർ പ്രസംഗിച്ചു.

മലയോര മേഖലകളിൽ എൽഡിഎഫ്‌ കൂടുതൽ കരുത്താർജിക്കും: കേരള കോൺഗ്രസ്-എം

ചെമ്പേരി: തദ്ദേശ തെരഞ്ഞെടുപ്പോടെ മലയോര മേഖലയിൽ ഇടത് പക്ഷം കൂടുതൽ ശക്തി പ്രാപിക്കുമെന്ന് കേരള കോൺഗ്രസ്-എം. ഇതിനായി പാർട്ടി പ്രവർത്തകർ ശക്തമായി രംഗത്തിറങ്ങണമെന്നും കേരള കോൺഗ്രസ്-എം രാഷ്ട്രീയകാര്യ സമിതിയംഗം ജോസ് ചെമ്പേരി ആവശ്യപ്പെട്ടു. ചെമ്പേരി റോട്ടറി ഹാളിൽ ചേർന്ന കേരളാ കോൺഗ്രസ്-എം എരുവേശി മണ്ഡലം നേതൃയോഗത്തിൽ പ്രസംഗിക്കുകയായിരുന്നു അദ്ദേഹം. കേരളത്തിലെ മലയോര മേഖലകളിലെ പ്രധാന വിഷയങ്ങളായ വന്യമൃഗസംരക്ഷണ നിയമത്തിൽ കൊണ്ടുവന്ന ഭേദഗതി, ഭൂ പതിവ് ചട്ടങ്ങളിൽ വരുത്തിയ മാറ്റം, ഏക കിടപ്പാട സംരക്ഷണ നിയമം, റീസർവേ പ്രകാരം അധികഭൂമിയുള്ളത് ഉടമസ്ഥന് പതിച്ച് നൽകുന്നതിനുള്ള തീരുമാനം, തുടങ്ങിയവ വർഷങ്ങളായി നിലനിന്ന മലയോര ജനതയുടെ മുഖ്യആവശ്യങ്ങളായി പരിഗണിക്കാനും പരിഹരിക്കാനും തയാറായ സർക്കാർ തീരുമാനം ഏറെ പ്രതീക്ഷ നൽകുന്നതാണെന്ന് യോഗം വിലയിരുത്തി. ഇടതുപക്ഷത്തിനോടൊപ്പം നിന്ന് ജനകീയ വിഷയങ്ങൾ പരിഹരിക്കാനുള്ള കേരള കോൺഗ്രസ്-എം നേതൃത്വത്തിന്‍റെ പരിശ്രമങ്ങൾ മലയോര മേഖലയിൽ ഇടതുപക്ഷത്തെ കൂടുതൽ ശക്തിപ്പെടുത്തുവാൻ സഹായകരമാകുമെന്നും യോഗം ചൂണ്ടിക്കാട്ടി. ഏരുവേശി മണ്ഡലം പ്രസിഡന്‍റ് ടോമി ആനിക്കൂട്ടം അധ്യക്ഷത വഹിച്ചു. കണ്ണൂർ ജില്ലാ പ്രസിഡന്‍റ് ജോയി കൊന്നയ്ക്കൽ മുഖ്യപ്രഭാഷണം നടത്തി. ജില്ലാ സെക്രട്ടറിമാരായ സി.ജെ. ജോൺ, ബിനു ഇലവുങ്കൽ, നിയോജക മണ്ഡലം പ്രസിഡന്‍റ് ബിജു പുതുക്കള്ളിൽ, സിബി പന്തപ്പാട്ട്, രാജു ചെരിയൻകാല, ജോയി മുക്കുഴി, ഷോണി അറയ്ക്കൽ, ജോസ് കരിക്കാട്ടുകണ്ണിയിൽ, ജോസഫ് പൂതക്കാട്ടിൽ, സണ്ണി മുക്കുഴി, തുളസീധരൻ നായർ എന്നിവർ പ്രസംഗിച്ചു.

പച്ചത്തുരുത്തുകൾ ഒരുക്കൽ സാമൂഹിക മത്സരമാകണം: എം.വി. ഗോവിന്ദൻ

തളിപ്പറന്പ്: കേരളമെന്ന വലിയൊരു പച്ചത്തുരുത്തിനെ കാത്തു സൂക്ഷിക്കാനുള്ള മത്സരമാണ് പ്രദേശങ്ങളും ജില്ലകളും ചെറിയ ചെറിയ പച്ചത്തുരുത്തുകൾ ഒരുക്കി നടത്തേണ്ടതെന്നും അങ്ങിനെയൊരു മത്സരത്തിലൂടെയേ ദൈവത്തിന്‍റെ സ്വന്തം നാട് എന്ന ഖ്യാതി നിലനിർത്താൻ കഴിയൂ എന്നും എം.വി. ഗോവിന്ദൻ എംഎൽഎ. പച്ചത്തുരുത്ത് സംസ്ഥാനതല നോമിനേഷൻ നേടിയ തദ്ദേശ ഭരണ സ്ഥാപനങ്ങൾ, പച്ചത്തുരുത്തുകൾ ഒരുക്കാൻ കൂടെ നിന്ന വ്യക്തികൾ എന്നിവർക്ക് ഹരിത കേരളം മിഷൻ തളിപ്പറമ്പ് ബ്ലോക്ക് പഞ്ചായത്ത് ഹാളിൽ നൽകിയ ആദരവ് - അനുമോദന പരിപാടി ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. തളിപ്പറമ്പ് ബ്ലോക്ക് പഞ്ചായത്ത് പ്രസിഡന്‍റ് സി.എം. കൃഷ്ണൻ അധ്യക്ഷത വഹിച്ചു. സംസ്ഥാന തല പച്ചത്തുരുത്ത് പുരസ്കാര നോമിനേഷൻ ലഭിച്ച 37 പച്ചത്തുരുത്തുകൾക്ക് ചടങ്ങിൽ അനുമോദന പത്രം സമ്മാനിച്ചു. ഒരു തൈ നടാം - ഒരു കോടി തൈകൾ എന്ന കാന്പയിനിൽ ഏറ്റവും കുടുതൽ വൃക്ഷ തൈകൾ ശേഖരിച്ച് നട്ടുപിടിപ്പിച്ച കുടുംബശ്രീ സിഡിഎസുകൾക്കുള്ള പുരസ്കാരങ്ങൾമുൻ എംപി പി.കെ. ശ്രീമതി സമ്മാനിച്ചു. 32 കുടുംബശ്രീ സിഡിഎസുകൾക്കാണ് പുരസ്കാരം നൽകിയത്. 937357 വൃക്ഷ തൈകൾ നട്ട് സംസ്ഥാനത്ത് ഒന്നാം സ്ഥാനം നേടിയ ജില്ല ലക്ഷ്യം നേടിയതായുള്ള പ്രഖ്യാപനം നവകേരളം കർമ്മ പദ്ധതി രണ്ട് സംസ്ഥാന അസി. കോ-ഓർഡിനേറ്റർ ടി.പി. സുധാകരൻ നിർവഹിച്ചു. ഹരിത കേരള മിഷൻ ജില്ലാ കോ-ഓർഡിനേറ്റർ ഇ.കെ. സോമശേഖരൻ, കുടുംബശ്രീ ജില്ലാ മിഷൻ കോ-ഓർഡിനേറ്റർ എം.പി. ജയൻ, വി.സി. ബാലകൃഷ്ണൻ, സ്നേഹ, ബ്ലോക്ക് കോ-ഓർഡിനേറ്റർ വി. സഹദേവൻ എന്നിവർ പ്രസംഗിച്ചു.

ഇടിമിന്നലേറ്റ് വീടിന് കനത്തനാശം

പയ്യാവൂർ: മഴയില്ലാതിരുന്ന സമയത്തുണ്ടായ ശക്തമായ ഇടിമിന്നലേറ്റ് വീടിനും വൈദ്യുതോപകരണങ്ങൾക്കും കനത്ത നാശം. പയ്യാവൂർ ഇരൂടിലെ റിട്ട. അധ്യാപകൻ കാക്കനാട്ട് ജോണിന്‍റെ വീടിന് കഴിഞ്ഞ ശനിയാഴ്ച വൈകുന്നേരം നാലരയോടെയാണ് അപ്രതീക്ഷിതമായി ഇടിമിന്നലേറ്റത്. വീടിനുള്ളിൽ തനിച്ചായിരുന്ന ജോൺ പരിക്കൊന്നുമേൽക്കാതെ രക്ഷപ്പെട്ടു. വീടിന്‍റെ പുറത്തെ ഭിത്തിയിലെ വൈദ്യുതി മീറ്റർ ദൂരത്തേക്ക് തെറിച്ചുപോയി. മീറ്റർ ബോർഡ് കത്തിക്കരിഞ്ഞ് ഭിത്തിയിലെ പ്ലാസ്റ്ററിംഗടക്കം അടർന്നുവീണു. വീടിനുള്ളിലെ വയറിംഗിന് തീപിടിച്ച് സ്വിച്ച് ബോർഡുകൾ പൊട്ടിത്തെറിച്ചു. ഇടിമിന്നലിന്‍റെ ആഘാതത്തിൽ മുറ്റത്തെ ഇന്‍റർലോക്ക് കട്ടകളും ഇളകിത്തെറിച്ചു. സമീപ വീടുകളിലെ ടിവി, ഫാൻ തുടങ്ങിയവയ്ക്കും നാശമുണ്ടായിട്ടുണ്ട്.

പയറ്റ്ചാൽ വളവിൽ അപകടം ഒഴിവാക്കാൻ നടപടി വേണം

ചെമ്പേരി: ശ്രീകണ്ഠപുരം- ചേപ്പറമ്പ്-ചെമ്പേരി റോഡിലുള്ള പയറ്റ്ചാൽ ഇറക്കത്തിലെ വളവിൽ വാഹനങ്ങൾക്ക് നേരിടേണ്ടിവരുന്ന അപകടാവസ്ഥ ഒഴിവാക്കാൻ സത്വര നടപടി വേണമെന്ന് പ്രദേശവാസികൾ ആവശ്യപ്പെടുന്നു. ഇവിടെ നിരവധി അപകടങ്ങളാണ് ഇതിനകം സംഭവിച്ചിട്ടുള്ളത്. അടുത്ത കാലത്തായി കണ്ടെയ്നർ ലോറിയടക്കമുള്ള വലിയ പാഴ്സൽ വാഹനങ്ങൾ അപകടത്തിൽപ്പെടുന്നത് പതിവായിട്ടുണ്ട്. മലയോര മേഖലയിൽ പ്രവർത്തിക്കുന്ന മൊത്തവ്യാപാര ഗോഡൗണുകളിലേക്ക് സാധനങ്ങളുമായി വരുന്ന അന്യസംസ്ഥാന വാഹനങ്ങളാണ് കൂടുതലായും ഇവിടെ അപകടത്തിൽപ്പെടുന്നത്. കുത്തനെ ഇറക്കവും വളവുമുള്ള ഈ റോഡിൽ മുൻപരിചയമില്ലാതെ എത്തുന്നവർ അപകടത്തിനിരയാകാൻ സാധ്യതയേറെയാണ്. ഇവിടെ റോഡരികിൽ താഴ്ചയുള്ളയിടങ്ങളിൽ സംരക്ഷണ വേലികളും വാഹന ഡ്രൈവർമാരുടെ ശ്രദ്ധയാകർഷിക്കുന്ന രീതിയിലുള്ള കർശന സുരക്ഷാ മുന്നറിയിപ്പ് ബോർഡുകളും സ്ഥാപിച്ചാൽ അപകടങ്ങൾ നിയന്ത്രിക്കാൻ സാധിക്കുമെന്ന് നാട്ടുകാർ പറയുന്നു.

കോടതികളിലെ ഒഴിഞ്ഞുകിടക്കുന്ന തസ്തികകളിൽ നിയമനം നടത്തണം: ജുഡീഷൽ സ്റ്റാഫ്‌ ഓർഗനൈസേഷൻ

തലശേരി: കോടതികളിലെ താൽകാലിക നിയമനങ്ങൾ നിർത്തലാക്കി ഒഴിഞ്ഞുകിടക്കുന്ന തസ്തികകളിൽ നിയമനം നടത്തണമെന്ന് കേരള സിവിൽ ജുഡീഷൽ സ്റ്റാഫ്‌ ഓർഗനൈസേഷൻ (കെസിജെഎസ്ഒ) ജില്ലാ സമ്മേളനം ആവശ്യപ്പെട്ടു. കോടതികൾ കടലാസ് രഹിത സംവിധാനത്തിലേക്ക് മാറുന്നതിന്‍റെ ഭാഗമായുള്ള അടിസ്ഥാന സൗകര്യങ്ങൾ പൂർണ രൂപത്തിലേക്കാക്കുക, അടിസ്ഥാന സൗകര്യങ്ങൾ വർധിപ്പിക്കുക, ഒ ആൻഡ് എം റിപ്പോർട്ട്‌ പ്രകാരം പുതിയ തസ്തികകൾ അനുവദിക്കുക, അഡ്വാൻസ് ഇൻക്രിമെന്‍റിനെതിരേ സർക്കാർ ഹൈകോടതിയിൽ നൽകിയ അപ്പീൽ പിൻവലിക്കുക, വനിതാ ജീവനക്കാരുടെ പ്രശ്നങ്ങൾ പരിഹരിക്കുക തുടങ്ങിയ ആവശ്യങ്ങളും സമ്മേളനം ഉന്നയിച്ചു. തലശേരി ജില്ലാ കോടതി കോംപ്ലക്സിൽ അഡീഷനൽ ജില്ലാ ജഡ്ജി ഫിലിപ്പ് തോമസ് ഉദ്‌ഘടനം ചെയ്തു. അഡീഷനൽ ഡിസ്ട്രിക്ട് ജഡ്ജി ടിറ്റി ജോർജ് മുഖ്യാതിഥിയായി. ജില്ലാ പ്രസിഡന്‍റ് പി.പി. മനോഹരൻ അധ്യക്ഷത വഹിച്ചു. സംസ്ഥാന വൈസ് പ്രസിഡന്‍റ് സണ്ണി ജോസഫ് മുഖ്യപ്രഭാഷണം നടത്തി. കെ. വിശ്വൻ, കെ.എം. ബാലകൃഷ്ണൻ, ജില്ലാ കോടതി ശിരസ്തദാർ വി. മനോജ്‌ കുമാർ, രജിത്കുമാർ, ഷിനോബ് കുമാർ, വി. പ്രജിത്ത്, ഉദയകുമാർ തുടങ്ങിയവർ പ്രസംഗിച്ചു. ജില്ലാ സെക്രട്ടറി കെ.വി. കമറുദ്ദീൻ സ്വാഗതവും ജില്ല ട്രഷറർ എം. സന്തോഷ്‌ കുമാർ നന്ദിയും പറഞ്ഞു. ഉന്നത വിജയം നേടിയ ജീവനക്കാരുടെ മക്കൾക്കുള്ള എക്സലൻസ് അവാർഡ് വിതരണം ചെയ്തു. ദേശീയ സിവിൽ കായിക മേളയിൽ പങ്കെടുത്ത ജീവനക്കാരെയും വിരമിച്ച ജീവനക്കാരെയും ആദരിച്ചു. ഭാരവാഹികളായി പി. ഷിനോബ് കുമാർ -പ്രസിഡന്‍റ്, കെ.വി. കമറുദ്ദീൻ -സെക്രട്ടറി, എം. സന്തോഷ്‌ കുമാർ -ട്രഷറർ എന്നിവരെ തെരഞ്ഞെടുത്തു.

പൂർവ വിദ്യാർഥി സംഗമം നടത്തി

ഇരിട്ടി: എടത്തൊട്ടി ഡി പോൾ കോളജ് 1983 -85 കാലഘട്ടത്തിലെ പ്രീഡിഗ്രി മൂന്നാം ബാച്ച് പൂർവ വിദ്യാർഥി സംഗമം കായികതാരം കെ.എം. ഗ്രീഷ്മ ഉദ്ഘാടനം ചെയ്തു. വിദേശത്തു നിന്നും സ്വദേശത്തു നിന്നുമായി എഴുപതോളം വിദ്യാർഥികൾ സംഗമത്തിൽ പങ്കെടുത്തു. പൂർവ വിദ്യാർഥി ജോൺസൺ അധ്യക്ഷത വഹിച്ചു.1981 കാലഘട്ടത്തിൽ ഡിപോൾ കോളേജ് ആരംഭിക്കുകയും പിന്നീട് അമേരിക്കയിലും ഓസ്‌സ്ട്രേലിയയിലും ജോലി നോക്കിയിരുന്ന അന്നത്തെ പ്രിൻസിപ്പൽ ഡോ. ഫാ. സെബാസ്റ്റ്യൻ മാപ്പിളപ്പറമ്പിൽ, മലയാളം അധ്യാപിക ഡോ. സിസ്റ്റർ ആൻസി, ചരിത്ര അധ്യാപിക ശൈലജ, കൊമേഴ്‌സ് അധ്യപകൻ പി.ജെ. ജോസഫ്, വിനോദൻ, സെലസ്റ്റിൻ ജോൺ, സോമസുന്ദരം തുടങ്ങിയവർ പ്രസംഗിച്ചു. ഗുരുനാഥന്മാരെ പൊന്നാടയണിയിച്ച് ആദരിച്ചു. പ്രിൻസിപ്പലായ റവ.ഡോ പീറ്റർ ഊരോത്തിന് കോളജിനുള്ള ഉപഹാരം കൈമാറി.

കാൻസർ പരിശോധന ക്യാന്പും ബോധവത്കരണവും നടത്തി

കണ്ണൂർ: ലോക സ്തനാർബുദ മാസാചരണത്തിന്‍റെ ഭാഗമായി കണ്ണൂർ മലബാർ കാൻസർ കെയർ സൊസൈറ്റി നടത്തുന്ന ഒരു മാസം നീണ്ടുനിൽക്കുന്ന തീവ്ര സ്തനാർബുദ ബോധവത്കരണ പരിപാടിയുടെ ഭാഗമായി അലവിൽ ലയൺ ക്ലബ്ബിന്‍റെ സഹകരണത്തോടെ കാൻസർ പരിശോധന ക്യാമ്പും ബോധവത്കരണ ക്ലാസും നടത്തി. എംസിസിഎസ് മാനേജിംഗ് കമ്മിറ്റി അംഗം സിദ്ധാർഥർ വണ്ണാരത്ത് ഉദ്ഘാടനം ചെയ്തു. അലവിൽ ലയൺസ് ക്ലബ് പ്രസിഡന്‍റ് എം.കെ. സുരേഷ്ബാബു അധ്യക്ഷത വഹിച്ചു. ഡോ. ഹർഷ ഗംഗാധരൻ, ഡോ. നീലാഞ്ജന ആർ. നാഥ് എന്നിവർ ക്യാന്പിന് നേതൃത്വം നൽകി.സോൺ ചെയർപേഴ്സൺ നിത്യ റിച്ചു വിഷയാവതരണം നടത്തി. എസ്ബിഐ റിട്ട. ഓഫീസേഴ്സ് അസോസിയേഷന്‍ പ്രസിഡന്‍റ് കെ. ചന്ദ്രഭാനു, സെക്രട്ടറി കെ. മുരളീധരൻ, എ.വി. സുരേഷ് ബാബു കെ. വിശ്വനാഥൻ, ലയൺസ് ക്ലബ്ബ് സെക്രട്ടറി രാജലക്ഷ്മി എന്നിവർ പ്രസംഗിച്ചു. ഇന്ന് അത്താഴക്കുന്ന് അംബേദ്കർ സാംസ്കാരിക നിലയത്തിന്‍റെ സഹകരണത്തോടെ ബോധവത്കരണ ക്ലാസ് നടത്തും. ഉച്ച കഴിഞ്ഞ് 2.30 മുതൽ 3.30 വരെ ആകാശവാണി കണ്ണൂർ എഫ്എം നിലയത്തിലൂടെ കാൻസറിനെ ആധാരമാക്കിയുള്ള ഫോൺ ഇൻ ക്വിസ് പരിപാടിയും സംഘടിപ്പിക്കും.

ആറളം ഫാം കോൺഗ്രസ്‌ കമ്മിറ്റി പദയാത്ര നടത്തി

ഇരിട്ടി: ആറളം ഫാം പുനരുധിവാസ മേഖലയിലെ ആന മതിൽ നിർമാണം വൈകിക്കുന്ന സർക്കാർ നടപടിക്കും, പുനരധിവാസ പ്രക്രിയ അട്ടിമറിക്കാൻ ശ്രമിക്കുന്ന ഭരണ കൂട ഭീകരതയ്ക്കും, പുനരധിവാസ മേഖലയിലെ വികസന മുരടിപ്പിനും, ഗ്രാമ പഞ്ചായത്ത് ഫാമിനോട് കാണിക്കുന്ന അവഗണനയ്ക്കും എതിരേ ആറളം ഫാം കോൺഗ്രസ് കമ്മിറ്റിയുടെ നേതൃത്വത്തിൽ പദയാത്ര നടത്തി. ഫാം ബ്ലോക്ക് 13 ആര്‍ആർടി ഓഫീസിന് സമീപത്തുനിന്ന് ആരംഭിച്ച പദയാത്ര കെപിസിസി ജനറൽ സെക്രട്ടറി ചന്ദ്രൻ തില്ലങ്കേരി ജാഥാ ലീഡർ ഡിസിസി സെക്രട്ടറി കെ. വേലായുധന് കൈമാറി ഉദ്ഘാടനം ചെയ്തു. കെ.എം. സോമൻ അധ്യക്ഷത വഹിച്ചു. നേതാക്കളായ വി.ടി. തോമസ്, സാജു യോമസ്, ജിമ്മി അന്തിനാട്ട്, ജോഷി പാലമറ്റം, വി. ശോഭ, ഷിജി നടുപറമ്പിൽ, അമൽ മാത്യു തുടങ്ങിവർ പ്രസംഗിച്ചു. വളയൻചാലിൽ നടന്ന സമാപന സമ്മേളനം കെപിസിസി മെംബർ ലിസി ജോസഫ് ഉദ്ഘാടനം നിർവഹിച്ചു.

വിളമന സെന്‍റ് ജൂഡ് പള്ളി തിരുനാളിന് തുടക്കമായി

ഇരിട്ടി: വിളമന സെന്‍റ് ജൂഡ് പള്ളിയിൽ 19 മുതൽ 28 വരെ നീളുന്ന തിരുനാളിന് വികാരി ഫാ. ജോസഫ് കൊളുത്താപ്പള്ളി കൊടിയേറ്റി. തിരുനാൾ ദിവസങ്ങളിൽ വൈകുന്നേരം 5.30 നും ഞായറാഴ്ചകളിൽ രാവിലെ എട്ടിനും വൈകുന്നേരം നാലിനും നടക്കുന്ന ജപമാലയ്ക്കും തിരുക്കർമങ്ങൾക്കും ഫാ. ഡൊമിനിക് മുരിയംകാലായിൽ, ഫാ. തോമസ് ചെരുവിൽ, ഫാ. മാത്യു പോത്തനാമല, ഫാ. ജോർജ് പുഞ്ചത്തറപ്പേൽ, ഫാ. ജോസഫ് കുളത്തറ, ഫാ. ഏലിയാസ് എടൂക്കുന്നേൽ, ഫാ. വർഗീസ് മണ്ണാപറമ്പിൽ, മോൺ. ഡോ. ജോസഫ് കാക്കരമറ്റത്തിൽ എന്നിവർ കാർമികത്വം വഹിക്കും. പ്രധാന തിരുനാൾ ദിനമായ 28 ന് വൈകുന്നേരം നടക്കുന്ന തിരുകർമങ്ങൾക്ക് റവ. ഡോ. ജോസ് വെട്ടിക്കൽ കാർമികത്വം വഹിക്കും.

കൂട്ടുപുഴ കല്ലന്തോട്ടിൽ കാട്ടാന കൃഷി നശിപ്പിച്ചു

ഇരിട്ടി: പേരട്ടയിലും പരിസരത്തും കാട്ടാന ഇറങ്ങി കൃഷി നശിപ്പിച്ചു. പേരട്ട സെന്‍റ് ആന്‍റണീസ് പള്ളിയുടെ സമീപത്ത് തൊണ്ടുങ്ങൽ എലിസബത്ത്, കരിനാട്ട് ഷിബ, ഷെഫീഖ് തുടങ്ങിയവരുടെ കൃഷിയിടത്തിലാണ് കാട്ടാന ഇറങ്ങിയത്. ഇന്നലെ പുലർച്ചയോടെയാണ് കാട്ടാന കൃഷിയിടത്തിൽ ഇറങ്ങി വിളകൾ നശിപ്പിച്ചത്. പുലർച്ചെ നാലിന് ജോലിസ്ഥലത്തേക്ക് പോകുവാൻ ഇറങ്ങിയ ഹോട്ടൽ ജീവനക്കാരനായ ഷെഫീഖ് ശബ്ദം കേട്ട് ശ്രദ്ധിച്ചപ്പോഴാണ് വീടിനു സമീപത്ത് കാട്ടാനയെ കണ്ടത്. കൃഷിയിടത്തിലെ വാഴയും മറ്റ് കൃഷികൾക്കും നാശം വരുത്തിയ ശേഷം ആന തിരികെ പോയി. കർണാടക ബ്രഹ്മഗിരി വന്യജീവി സങ്കേതത്തിൽ നിന്നും ഇറങ്ങിയ ആനയാണ് കേരളത്തിലെ കൃഷിയിടത്തിൽ എത്തി കൃഷികൾ നശിപ്പിച്ചത്. ഒരാഴ്ച മുന്പാണ് വന്യജീവി സങ്കേതത്തിൽ നിന്നും ഇറങ്ങിയ ആന അന്തർ സംസ്ഥാന പാതയിൽ കൂട്ടുപുഴ പാലത്തിന് മുകളിൽ നിലയുറപ്പിച്ച സംഭവം ഉണ്ടായത്. മേഖലയിൽ സോളാർ തൂക്കുവേലി ഉണ്ടെങ്കിലും ഇത് തകർത്താണ് ആന ജനവാസ മേഖലയിൽ ഇറങ്ങുന്നത്.

ശബരിമലയെ വിവാദമാക്കാൻ സംഘപരിവാർ ശ്രമിക്കുന്നു: പിണറായി വിജയൻ

കണ്ണൂർ: ശബരിമലയെ വലിയൊരു വിവാദമാക്കാൻ സംഘപരിവാർ ശ്രമിക്കുകയാണെന്ന് മുഖ്യമന്ത്രി പിണറായി വിജയൻ. സിപിഎം കണ്ണൂർ ജില്ലാ കമ്മിറ്റി ഓഫീസായ അഴീക്കോടൻ മന്ദിരത്തിന്‍റെ തളാപ്പിൽ പുതുതായി നിർമിച്ച കെട്ടിടത്തിന്‍റെ ഉദ്ഘാടനം നിർവഹിച്ച് ടൗൺ സ്ക്വയറിൽ പ്രസംഗിക്കുകയായിരുന്നു അദ്ദേഹം. നമ്മൾ കാണുന്ന ശബരിമലയിൽ അയ്യപ്പനൊപ്പം വാവരുണ്ട്. ഇതു സംഘപരിപാറിന് ഇഷ്ടം അല്ല. വാവരെ കൊള്ളാത്ത ഒരാളായി ഇവർ ചിത്രീകരിക്കുന്നു. വാവരല്ല മറ്റൊരു പേരാണ് അയ്യപ്പന്‍റെ കൂടെയുള്ളതെന്ന് ഇവർ പറയുന്നു. സംഘപരിപാർ തങ്ങളുടെ സങ്കുചിത ചിന്തകൾ അടിച്ചേൽപ്പിക്കുന്നു. ബിജെപിക്ക് നല്കുന്ന ഓരോ വോട്ടും കേരളത്തിന്‍റെ തനിമയെ നഷ്‌ടപ്പെടുത്തുമെന്നും പിണറായി വിജയൻ പറഞ്ഞു. അടുത്തിടെ, കേരളത്തിലെത്തിയ അമിത്ഷാ പറയുകയുണ്ടായി. വരാനിരിക്കുന്ന തദേശതെരഞ്ഞെടുപ്പിൽ ഞങ്ങൾ 25 ശതമാനം വോട്ട് നേടുമെന്നും നിയമസഭാ തെരഞ്ഞെടുപ്പിൽ ഭൂരിപക്ഷം ലഭിക്കുമെന്നും. എന്നാൽ, കേരളീയ സമൂഹം ശ്രദ്ധിക്കണം. ആർഎസ്എസ് തത്വം നടപ്പിലാക്കിയാൽ കേരളം ഇങ്ങനെ നിലനിൽക്കില്ല. ആർഎസ്എസിന് ആധിപത്യം ഇല്ലാത്തതിനാൽ കേരളത്തിൽ ഇഷ്‌ടമുള്ള ഭക്ഷണം കഴിക്കാം, ഇഷ്‌ടമുള്ള ആരാധനാലയങ്ങളിൽ പോകാം. ആർഎസ്എസ് കടന്നുവന്നാൽ ഓണത്തിന് നമ്മൾക്ക് മഹാബലിയെ നഷ്‌ടമാകും. അവിടെ വാമനൻ കടന്നുവരും. മനുഷ്യരുള്ള പാർട്ടിയാണ് കമ്മ്യൂണിസ്റ്റ് പാർട്ടി. മനുഷ്യർക്ക് തെറ്റു പറ്റാം. തെറ്റ് പറ്റുന്നവർക്കെതിരേ കൃത്യമായ നിലപാട് പാർട്ടി സ്വീകരിക്കും. ഇതൊക്കെയാണ് കമ്മ്യൂണിസ്റ്റ് പാർട്ടിയെ മറ്റുള്ള പാർട്ടികളിൽനിന്ന് വ്യത്യസ്തനാക്കുന്നത്. കേരളത്തിൽ ഏറ്റവും അധികം വേട്ടയാടപ്പെട്ട പാർട്ടിയാണ് കമ്മ്യൂണിസ്റ്റ് പാർട്ടി. ആദ്യം കോൺഗ്രസായിരുന്നു ആക്രമിച്ചത്. അടുത്തഘട്ടത്തിൽ ആർഎസ്എസ് രംഗത്ത് വന്നു. കമ്മ്യൂണിസ്റ്റ് പ്രസ്ഥാനത്തെ തകർക്കുകയായിരുന്നു ഇവരുടെ ലക്ഷ്യം. ഇതിനായി ഇവർ പരസ്പരം സഹായിക്കും. അടുത്തിടെ, കോൺഗ്രസ് നേതാവ് ആർഎസ്എസ് ശാഖക്ക് കാവൽ നിന്ന കാര്യം അഭിമാനത്തോടെ പറയുന്നത് നമ്മൾ കേട്ടതാണ്. ആർഎസ്എസിന്‍റെയും കോൺഗ്രസിന്‍റെയും ആക്രമണങ്ങളെ നേരിടാൻ സിപിഎമ്മിന് കഴിഞ്ഞു. ഇതിനിടയിൽ, ധീരരായ ഒരുപാട് സഖാക്കളെ നഷ്‌ടമായി. എല്ലാവിധ എതിർപ്പുകളും നേരിട്ട് മുന്നോട്ട് പോകാൻ കമ്മ്യൂണിസ്റ്റ് പ്രസ്ഥാനത്തിന് കഴിഞ്ഞിട്ടുണ്ടെന്നും പിണറായി വിജയൻ പറഞ്ഞു. സംസ്ഥാന സെക്രട്ടറി എം.വി. ഗോവിന്ദൻ എംഎൽഎ അധ്യക്ഷത വഹിച്ചു. സിപിഎം കേന്ദ്രകമ്മിറ്റി അംഗങ്ങളായ പി.കെ. ശ്രീമതി, ഇ.പി. ജയരാജൻ, കെ.കെ. ശൈലജ എംഎൽഎ, സംസ്ഥാന സെക്രട്ടേറിയറ്റംഗം എം.വി. ജയരാജൻ, നേതാക്കളായ പി. ജയരാജൻ, പി. ശശി, കഥാകൃത്ത് ടി. പദ്മനാഭൻ, കണ്ണൂർ ബിഷപ് ഡോ. അലക്സ് വടക്കുംതല, സിപിഎം കണ്ണൂർ ജില്ലാ സെക്രട്ടറി കെ.കെ. രാഗേഷ് എന്നിവർ പങ്കെടുത്തു.

ബിന്ദു ജ്വല്ലറിയുടെ പുതിയ ഷോറൂം മംഗളൂരുവില്‍ പ്രവര്‍ത്തനമാരംഭിച്ചു

മംഗളൂരു: ബിന്ദു ജ്വല്ലറിയുടെ പുതിയ ഷോറൂം മംഗളൂരുവിലെ ബെണ്ടൂരിൽ പ്രവർത്തനമാരംഭിച്ചു. സിനിമാതാരം സ്‌നേഹ പ്രസന്ന ഉദ്ഘാടനം നിര്‍വഹിച്ചു. ചടങ്ങിൽ ദക്ഷിണ കന്നഡ എംപി ക്യാപ്റ്റന്‍ ബ്രിജേഷ് ചൗട്ട, മംഗളൂരു സിറ്റി സൗത്ത് എംഎല്‍എ ഡി.വേദവ്യാസ് കാമത്ത്, മംഗളൂരു നോര്‍ത്ത് എംഎല്‍എ ഡോ. ഭരത് ഷെട്ടി, കർണാടക സ്റ്റേറ്റ് അല്ലൈഡ് ആന്‍ഡ് ഹെല്‍ത്ത്‌കെയര്‍ കൗണ്‍സില്‍ ചെയര്‍മാന്‍ ഡോ. യു.ടി. ഇഫ്തികാര്‍ ഫരീദ്, സെന്‍റ് അലോഷ്യസ് ഡീംഡ് ടു ബി യൂണിവേഴ്‌സിറ്റി വൈസ് ചാന്‍സലര്‍ റവ. ഡോ. പ്രവീണ്‍ മാര്‍ട്ടിസ് എസ്‌ജെ, മംഗളൂരു രാമകൃഷ്ണ മഠത്തിലെ സ്വാമി യുഗേഷാനന്ദജി, കെസിസിഐ പ്രസിഡന്‍റ് മിഥുന്‍ എം.റായ്, പി.ബി. അഹമ്മദ് മുദസറര്‍ (കെസിസിഐ, മംഗളൂരു) എന്നിവർ വിശിഷ്ടാതിഥികളായിരുന്നു. ബിന്ദു ജ്വല്ലറി ആവിഷ്‌കരിക്കുന്ന "മൈ ബ്ലൂ ഡയമണ്ട്', "സ്വര്‍ണ ബിന്ദു സിഎസ്ആര്‍' എന്നിവയുടെ ലോഗോ പ്രകാശനവും ഉദ്ഘാടന ചടങ്ങില്‍ നിര്‍വഹിച്ചു. ബിന്ദു ജ്വല്ലറിയുടെ സാമൂഹിക പ്രതിബദ്ധതയുടെയും ഉപഭോക്താക്കളോടുള്ള അചഞ്ചലമായ കടപ്പാടിന്‍റെയും അടയാളങ്ങളാണ് ഈ പദ്ധതികളെന്ന് മാനേജ്മെന്‍റ് അറിയിച്ചു. യശശരീരനായ കെ.വി കുഞ്ഞിക്കണ്ണനാണ് സംശുദ്ധമായ ആഭരണങ്ങള്‍ ഉപഭോക്താക്ക് ലഭ്യമാക്കുക എന്ന ലക്ഷ്യവുമായി 1982ല്‍ ബിന്ദു ജ്വല്ലറിക്ക് തുടക്കമിട്ടത്. ഇന്ന് കേരളത്തിലും കർണാടകയിലും അറിയപ്പെടുന്ന ജൂവല്ലറി ബ്രാന്‍ഡാക്കി ബിന്ദു ജ്വല്ലറിയെ അദ്ദേഹത്തിന്‍റെ മക്കളായ കെ.വി. അഭിലാഷ്, ഡോ. കെ.വി അജിതേഷ് എന്നിവർ വളർത്തിയെടുത്തിട്ടുണ്ട്. മംഗളൂരിലെ ഉപഭോക്താക്കള്‍ക്കായി എല്ലാ മുഹൂര്‍ത്തങ്ങള്‍ക്കും അനുയോജ്യമായ ആഭരണങ്ങള്‍, ഏറ്റവും മികച്ച ഡിസൈനില്‍ അവതരിപ്പിക്കാനാണ് ബിന്ദു ജ്വല്ലറി ലക്ഷ്യമിടുന്നതെന്ന് മാനേജിംഗ് ഡയറക്ടര്‍ അഭിലാഷ് അറിയിച്ചു.

വൃക്ക നൽകാമെന്നു പറഞ്ഞ് തട്ടിപ്പ്; ആറു ലക്ഷം തട്ടിയെടുത്തു

ഇരിട്ടി: വൃക്ക നൽകാമെന്നു വൃക്കരോഗിയേയും ചികിത്സാസഹായ നിധിക്കായി രൂപീകരിച്ച കമ്മിറ്റിയേയും പറഞ്ഞു വിശ്വസിപ്പിച്ച് ആറു ലക്ഷം തട്ടിയെടുത്തതായി പരാതി. പട്ടാനൂർ സ്വദേശി ഷാനിഫിന് (30) വൃക്ക നൽകാമെന്ന് പറഞ്ഞു വിശ്വസിപ്പിച്ചാണ് ആറു ലക്ഷം തട്ടിയെടുത്തത്. വീർപ്പാട് സ്വദേശി നൗഫൽ എന്ന സത്താർ, കൂട്ടു പ്രതികളായ നിബിൻ എന്ന അപ്പു , ഗഫൂർ എന്നിവർക്കെതിരേയാണ് ഷാനിഫ് ആറളം പോലീസിൽ പരാതി നൽകിയത്. 2024 ഡിസംബർ മുതൽ ഒക്ടോബർ വരെയുള്ള കാലയളവിലായിരുന്നു തട്ടിപ്പ്. ഡോണറെ നൽകാമെന്ന് പറഞ്ഞു വിശ്വസിപ്പിച്ച ഇവർ മൂന്നു ലക്ഷം പണമായും ബാക്കി മൂന്നു ലക്ഷം ബാങ്കുവഴിയുമാണ് കൈപ്പറ്റിയത്. കൂട്ടുപ്രതി നിബിനെ ഡോണറായി പരിചയപ്പെടുത്തിയായിരുന്നു തട്ടിപ്പ്. തട്ടിപ്പ് ആസൂത്രണം ചെയ്ത മുഖ്യപ്രതി നൗഫൽ ഒളിവിലാണ്. കേസ് രജിസ്റ്റർ ചെയ്ത ആറളം എസ്ഐ കെ. ഷുഹൈബിന്‍റെ നേതൃത്വത്തിൽ അന്വേഷണം ആരംഭിച്ചു. തട്ടിയത് നാട്ടുകാർ പിരിച്ചെടുത്ത പണം ചാരിറ്റി സംഘടനകളിലൂടെ നന്മമരമായി ചമഞ്ഞ് പല സ്ഥലങ്ങളിലും നൗഫൽ തട്ടിപ്പ് നടത്തിയതായി പോലീസ് പറയുന്നു. വൃക്ക തകാരാറിലായ ഷാനിഫിന് ആദ്യം നടത്തിയ ശസ്ത്രക്രിയ പരാജയപ്പെട്ടിരുന്നു. ഉമ്മയുടെ വൃക്ക ആയിരുന്നു ആദ്യ ശസ്ത്രക്രിയയിലൂടെ മാറ്റിവച്ചത്. വീണ്ടും അസുഖം കൊണ്ടുവലഞ്ഞതോടെ നാട്ടുകാർ ചേർന്ന് ചികിത്സാ സഹായ നിധി രൂപീകരിച്ച് പണം പിരിച്ചുനൽകുകയായിരുന്നു. ചികിത്സാ സഹായ കമ്മിറ്റിയുമായും ബന്ധപ്പെട്ട് കമ്മിറ്റി ഭാരവാഹികളിൽനിന്ന് മൂന്നു ലക്ഷം കൈപ്പറ്റുകയായിരുന്നു. സമാഹരിച്ച പണം നഷ്ടപ്പെട്ടതോടെ ഷാനിഫ് ഒരു വർഷത്തോളമായി അസുഖത്താൽ വലയുകയാണ്.

എടൂർ ഓവറോൾ ചാന്പ്യൻ

തലശേരി: ചെറുപുഷ്പ മിഷൻ ലീഗ് തലശേരി അതിരൂപതയുടെ ആഭിമുഖ്യത്തിൽ ചെമ്പേരി നിർമല ഹയർസെക്കൻഡറി സ്കൂളിൽ നടത്തിയ മിഷൻ കലോത്സവത്തിൽ എടൂർ മേഖല ഓവറോൾ ചാന്പ്യന്മാരായി. പേരാവൂർ, പൈസക്കരി മേഖലകൾ യഥാക്രമം രണ്ടും മൂന്നും സ്ഥാനങ്ങൾ നേടി. കലോത്സവം അതിരൂപത പ്രീസ്റ്റ് ഹോം ഡയറക്ടർ ഫാ. തോമസ് ആമക്കാട്ട് ഉദ്ഘാടനം ചെയ്തു. അതിരൂപത പ്രസിഡന്‍റ് ഷിജോ സ്രായിൽ അധ്യക്ഷത വഹിച്ചു. ഡയറക്ടർ ഫാ. ജിതിൻ വയലുങ്കൽ സ്വാഗതവും സെക്രട്ടറി ബിജു കൊച്ചുപൂവക്കോട്ട് നന്ദിയും പറഞ്ഞു. പ്രസംഗം, സംഗീതം, ബൈബിൾ വായന, മിഷൻ ക്വിസ് എന്നീ ഇനങ്ങളിൽ സബ്ജൂണിയർ, ജൂണിയർ, സീനിയർ, സൂപ്പർ സീനിയർ, എൽഡേഴ്സ് എന്നീ വിഭാഗങ്ങളിലായി പത്തു വേദികളിലായി ആയിരത്തോളം മിഷൻ പ്രതിഭകളാണ് മത്സരത്തിൽ മാറ്റുരച്ചത്. സമാപന സമ്മേളനത്തിൽ അതിരൂപത വികാരി ജനറാൾ മോൺ. മാത്യു ഇളംതുരുത്തിപടവിൽ വിജയികൾക്ക് ട്രോഫികളും സമ്മാനങ്ങളും സർട്ടിഫിക്കറ്റുകളും വിതരണം ചെയ്തു. അതിരൂപത വൈസ് ഡയറക്ടർ സിസ്റ്റർ ട്രീസാ എഫ്സിസി, അതിരൂപത എക്സിക്യൂട്ടീവ് അംഗങ്ങൾ എന്നിവർ നേതൃത്വം നൽകി.

ബാഡ്മിന്‍റൺ, വോളിബോൾ മത്സരങ്ങൾ നടത്തി

ചെമ്പേരി: തലശേരി അതിരൂപത വൈദിക കൂട്ടായ്മയുടെ കായികമേള "സൗഹൃദോത്സവം' സമാപിച്ചു. ഇരിട്ടി, ചെമ്പേരി, ചെറുപുഴ, കാസർഗോഡ് എന്നിങ്ങനെ നാല് റീജണുകളിൽ നിന്നുള്ള വൈദികർ പങ്കെടുത്തു. ചെന്പേരി വിമൽജ്യോതി എൻജിനിയറിംഗ് കോളജിൽ സംഘടിപ്പിച്ച സൗഹൃദോത്സവത്തിന്‍റെ രണ്ടാം ഘട്ടമായി ഇന്നലെ വോളിബോൾ, ബാഡ്മിന്‍റൺ മത്സരങ്ങളാണ് നടന്നത്. ബാഡ്മിന്‍റൺ സീനിയർ വിഭാഗത്തിൽ ഫാ. ബിജു ചേന്നോത്ത്-ഫാ. ആന്‍റണി മഞ്ഞളാംകുന്നേൽ എന്നിവർ അടങ്ങിയ ചെമ്പേരി റീജൺ ടീം ജേതാക്കളായി.ഫാ. മാത്യു ശാസ്താംപടവിൽ- ഫാ. തോമസ് തടത്തിൽ എന്നിവർ അടങ്ങിയ ഇരിട്ടി റീജണിനാണ് രണ്ടാം സ്ഥാനം. ജൂണിയർ വിഭാഗത്തിൽ ഫാ. അമൽ പഞ്ഞിക്കുന്നേൽ- ഫാ. സുനീഷ് പുതുക്കുളങ്ങര എന്നിവരടങ്ങുന്ന കാസർഗോഡ് റീജൺ ഒന്നാം സ്ഥാനം നേടി. ഫാ. ഷിന്‍റോ പുലിയുറുമ്പിൽ- ഫാ. വർഗീസ് വെട്ടിയാനിക്കൽ എന്നിവരടങ്ങുന്ന ചെമ്പേരി റീജണിനാണ് രണ്ടാം സ്ഥാനം. ബാഡ്മിന്‍റൺ സീനിയർ വിഭാഗത്തിൽ ഫാ. ബിജു ചേന്നോത്തും ജൂണിയർ വിഭാഗത്തിൽ ഫാ. ഷിന്‍റോ പുലിയുറുമ്പിലും ബെസ്റ്റ് പ്ലേയർ പുരസ്‌കാരങ്ങൾക്കർഹരായി.വോളിബോൾ മത്സരത്തിൽ ചെറുപുഴ- കാസർഗോഡ് റിജണുകളാണ് ചാന്പ്യൻമാർ. മികച്ച പ്രകടനം കാഴ്‌ചവച്ച ഫാ. ജസ്റ്റിൻ വട്ടക്കുന്നേൽ ഒഎഫ്‌എം പ്ലേയർ ഓഫ് ദി ടൂർണമെന്‍റായി തെരഞ്ഞെടുക്കപ്പെട്ടു. ആർച്ച് ബിഷപ് മാർ ജോസഫ് പാംപ്ലാനി വിജയികൾക്ക് ട്രോഫികൾ സമ്മാനിച്ചു. കായിക മത്സരങ്ങൾ വൈദികർക്കിടയിലെ സൗഹൃദം വർധിപ്പിക്കാനും ആരോഗ്യം നിലനിർത്താനും സഹായിക്കുമെന്ന് സമ്മാനദാനം നിർവഹിച്ചുകൊണ്ട് ആർച്ച് ബിഷപ് പറഞ്ഞു. വികാരി ജനറാൾമാരായ മോൺ. സെബാസ്റ്റ്യൻ പാലാക്കുഴി , മോൺ. മാത്യു ഇളംതുരുത്തിപ്പടവിൽ എന്നിവർ പ്രസംഗിച്ചു. വികാരി ജനറാൾമാരായ മോൺ. ആന്‍റണി മുതുകുന്നേൽ, മോൺ. സെബാസ്റ്റ്യൻ പാലാക്കുഴി, മോൺ. മാത്യു ഇളംതുരുത്തിപടവിൽ എന്നിവരടങ്ങിയ അതിരൂപത ടീമാണ് മത്സരങ്ങളുടെ സംഘാടനം നിർവഹിച്ചത്. ഫാ. ജോജി കാക്കരമറ്റത്തിൽ, ഫാ. ബിജു മുട്ടത്തുകുന്നേൽ, ഫാ. സുബിൻ റാത്തപ്പള്ളി, ഫാ. ജിൻസ് പ്ലാവുനിൽക്കുംപറമ്പിൽ, ഫാ.അഖിൽ മുക്കുഴി, ഫാ. ആൽബിൻ തെങ്ങുംപള്ളി എന്നിവർ അടങ്ങിയ സംഘാടക സമിതി നേതൃത്വം നൽകി. രണ്ടു ഘട്ടങ്ങളായി നടന്ന സൗഹൃദോത്സവത്തിൽ നൂറുകണക്കിന് വൈദികർ പങ്കെടുത്തു. വിമൽ ജ്യോതി എൻജിനിയറിംഗ് കോളജ്, സാൻജോസ് അക്കാഡമി, രാഷ്‌‌ട്ര ദീപിക ലിമിറ്റഡ് എന്നിവരാണ് വിജയികൾക്കുള്ള സമ്മാനങ്ങൾ സ്പോൺസർ ചെയ്തത്.

"ദീപിക കളർ ഇന്ത്യ' സമ്മാനദാനവും ഡിസിഎൽ പ്രവർത്തന ഉദ്ഘാടനവും ഇന്ന്

കണ്ണൂർ: ദീപിക കളർ ഇന്ത്യ കണ്ണൂർ ജില്ലാതല ചിത്രരചനാ മത്സര വിജയികൾക്കുള്ള സമ്മാനദാനവും ഡിസിഎൽ കണ്ണൂർ പ്രവിശ്യാതല പ്രവർത്തനോദ്ഘാടനവും ഇന്നു നടക്കും. രാവിലെ 11 ന് പയ്യാന്പലം ഉർസുലൈൻ സീനിയർ സെക്കൻഡറി സ്കൂളിലാണ് പരിപാടി. അസിസ്റ്റന്‍റ് കമ്മീഷണർ ഓഫ് പോലീസ് പ്രദീപൻ കണ്ണിപ്പൊയിൽ ഉദ്ഘാടനംചെയ്യും. ഡിസിഎൽ ദേശീയ അധ്യക്ഷന്‍ (കൊച്ചേട്ടൻ) ഫാ. റോയ് കണ്ണംചിറ സിഎംഐ അധ്യക്ഷത വഹിക്കും. ഉർസുലൈൻ സ്കൂൾ പ്രിൻസിപ്പൽ സിസ്റ്റർ അർച്ചന യുഎംഐ, ശ്രീകണ്ഠപുരം മേരിഗിരി സീനിയർ സെക്കൻഡറി സ്കൂൾ പ്രിൻസിപ്പൽ ബ്രദർ റെജി സ്കറിയ എന്നിവർ പ്രസംഗിക്കും. ദീപിക കണ്ണൂർ അസിസ്റ്റന്‍റ് റസിഡന്‍റ് മാനേജർ ഫാ. വിപിൻ വെമ്മേനിക്കട്ടയിൽ സ്വാഗതവും അസിസ്റ്റന്‍റ് ജനറൽ മാനേജർ ജോർജ് തയ്യിൽ നന്ദിയും പറയും.

കനത്തമഴയിൽ ചെറുപുഴ മേഖലയിൽ വൻ നാശനഷ്ടം

ചെറുപുഴ: കനത്ത മഴയിൽ ചെറുപുഴ മേഖലയിൽ വൻ നാശനഷ്ടം. രയറോം-എയ്യൻകല്ല് റോഡിൽ നിന്ന് മലവെള്ളം കുത്തിയൊഴുകി എതിർവശത്തുള്ള പറമ്പിൽ ആന്‍റണിയുടെ വീടിന്‍റെ മതിൽ ഇടിഞ്ഞു. വീടിനുള്ളിൽ അരമീറ്ററോളം വെള്ളം കയറി. വീട്ടുപകരണങ്ങൾ നശിച്ചു. സമീപത്ത് വാടകയ്ക്ക് താമസിക്കുന്ന പുതിയപുരയിൽ അജീഷിന്‍റെ വീടിനകത്തും വെള്ളം കയറി. തിരുമേനിയിലെ ഓരത്താനിയിൽ ബാബുവിന്‍റെ വീടിന് പിന്നിലെ മൺതിട്ടയിടിഞ്ഞു. ഓടിക്കൂടിയ നാട്ടുകാർ ചേർന്ന് മരങ്ങൾ മുറിച്ചു മാറ്റി. സമീപത്തെ പന്തലാനിക്കൽ സെബാസ്റ്റ്യന്‍റെ വീടിന് പിന്നിലെ മൺതിട്ടയിടിഞ്ഞ് ശുചിമുറിയുടെ മുകളിൽ വീണു. പ്രാപ്പോയിൽ ഈസ്റ്റിലെ കണിയാംപറമ്പിൽ ജോസഫിന്‍റെ മുറ്റം ഇടിഞ്ഞു. തിരുമേനി തോട് കരകവിഞ്ഞ് മുളപ്ര പാലത്തിന് മുകളിൽ വെള്ളം കയറി. മലമുകളിൽ നിന്നും മണ്ണും കല്ലും ഒഴുകിയെത്തി റോഡുകളിൽ അടിഞ്ഞു കൂടി. ഇത് വാഹനയാത്രയ്ക്ക് ബുദ്ധിമുട്ടുണ്ടാക്കി.

ബൈക്ക് അപകടത്തിൽ യുവാവ് മരിച്ചു; സുഹൃത്തിന് ഗുരുതര പരിക്ക്

തളിപ്പറമ്പ്: ഓട്ടോ ബൈക്കിലിടിച്ച് യുവാവ് മരിച്ചു. സുഹൃത്തിന് ഗുരുതരമായി പരിക്കേറ്റു. കുപ്പം മദീനനഗറിലെ കുട്ടുക്കന്‍ പാറപ്പുറത്ത് കെ.എം. ഷമില്‍ മുഹമ്മദ് (19) ആണ് മരിച്ചത്. സുഹൃത്ത് സയ്യിദ്‌നഗറിലെ ഫസലിനെ ഗുരുതരമായി പരിക്കേറ്റ നിലയില്‍ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം രാത്രി 11.45 ഓടെ തളിപ്പറമ്പ്-ആലക്കോട് റോഡില്‍ അണ്ടിക്കളം കയറ്റത്തില്‍ ബുള്ളറ്റിൽ സഞ്ചരിക്കുകയായിരുന്ന ഇവരെ ഓട്ടോ ഇടിച്ചുവീഴ്ത്തുകയായിരുന്നു. ഓട്ടോ പോലീസ് കസ്റ്റഡിയിലെടുത്തു. കുപ്പത്തെ കെ.എം. അബൂബക്കര്‍ സിദ്ദിഖ്-ഞാറ്റുവയല്‍ സ്വദേശിനി മുംതാസ് ദന്പതികളുടെ മകനാണ് മരിച്ച ഷമിൽ മുഹമ്മദ്. സഹോദരന്‍: ഷെജില്‍ മുഹമ്മദ്.

വീട്ടമ്മ കിണറ്റിൽ മരിച്ചനിലയിൽ

കൂത്തുപറമ്പ്: വീട്ടമ്മയെ വീട്ടുകിണറ്റിൽ മരിച്ച നിലയിൽ കണ്ടെത്തി. വട്ടോളി കോയ്യാറ്റിലെ കേടിച്ചാലിൽ അറിഞ്ഞി സുലോചന (59) യാണ് മരിച്ചത്. സുലോചന വീട്ടിൽ തനിച്ചാണ് താമസം. ഇന്നലെ രാവിലെ സുലോചനയെ കാണാത്തതിനാൽ നാട്ടുകാർ നടത്തിയ തെരച്ചിലിലാണ് കിണറ്റിൽ മരിച്ചനിലയിൽ കണ്ടത്തിയത്. കൂത്തുപറമ്പ് അഗ്നിരക്ഷാ സേനയെത്തി മൃതദേഹം പുറത്തെടുത്തു. പരേതരായ എറക്കോടൻ കൊട്ടന്‍റെയും അറിഞ്ഞി കല്ലുവിന്‍റെയും മകളാണ്. ഭർത്താവ്: പരേതനായ ശശി കടമ്പത്തിൽ. മക്കൾ: അശ്വതി, അജിത്ത് (ഗൾഫ്), പരേതനായ അഖിൽ. മരുമകൻ: രമീഷ്. സഹോദരങ്ങൾ: ദേവകി (തൊടീക്കളം), പരേതനായ മുകുന്ദൻ. സംസ്കാരം ഇന്ന് ഉച്ചയ്ക്ക് 12ന് വലിയവെളിച്ചം ശാന്തിവനത്തിൽ.

മരം മുറിക്കുന്നതിനിടെ വീണുമരിച്ചു

മാലോം: മരം മുറിക്കുന്നതിനിടെ താഴെവീണ് തൊഴിലാളി മരിച്ചു. നാട്ടക്കല്ലിലെ പുലിക്കോടൻ വിജയൻ (55) ആണ് മരിച്ചത്. ഇന്നലെ ഉച്ചയ്ക്ക് 1.40ഓടെ നാട്ടക്കല്ലിലെ ഒരു വീടിനു മുകളിലേക്ക് ചാഞ്ഞ മരം മുറിക്കുന്നതിനിടെയാണ് അപകടമുണ്ടായത്. ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: ലക്ഷ്മി. മക്കൾ: വിജില, വിജയശ്രീ, വിശാഖ്. സഹോദരങ്ങൾ: കുമാരൻ, ബാലൻ, തമ്പാൻ.

പയ്യാവൂർ മാംഗല്യത്തിന് തുടക്കമായി; ആദ്യതാലികെട്ട് പാനൂരിൽ

പയ്യാവൂർ: ഒരു നാട്ടിലെ ഒരുപാട് പേരുടെ കാത്തിരിപ്പിന് വിരാമമിട്ട് പയ്യാവൂർ മാംഗല്യത്തിന് തുടക്കമായി. ആദ്യതാലികെട്ട് പാനൂരിലാണ് നടന്നത്. പാനൂർ സ്വദേശി ഷാജിയും പയ്യന്നൂർ സ്വദേശി ബിന്ദുവും തമ്മിലുള്ള വിവാഹം ഇന്നലെ പാനൂർ ശ്രീനാരായണഗുരു മന്ദിരത്തിൽ നടന്നു. വധുവിന്‍റെ ബന്ധുവിന്‍റെ മരണത്തെത്തുടർന്നാണ് വിവാഹം പാനൂരിലേക്ക് മാറ്റിയതെന്ന് പയ്യാവൂർ പഞ്ചായത്ത് വൈസ് പ്രസിഡന്‍റ് പ്രീത സുരേഷ് പറഞ്ഞു. വിവാഹ ചടങ്ങിൽ പയ്യാവൂർ പഞ്ചായത്ത് പ്രസിഡന്‍റ് സാജുസേവ്യർ, വൈസ് പ്രസിഡന്‍റ് പ്രീത സുരേഷ്, മെംബർമാരായ പ്രഭാവതി മോഹനൻ, രജനി സുന്ദരൻ, സിഡിഎസ് അംഗങ്ങളായ ബിന്ദു ശിവദാസൻ, ബിന്ദുരാജൻ, ജില്ലാ സിംഗിൾ വുമൺ അസോസിയേഷൻ ഭാരവാഹി പി.വി. ശോഭന തുടങ്ങി നിരവധി പേർ പങ്കെടുത്തു. പയ്യാവൂർ പഞ്ചായത്തിലേക്ക് വിവാഹം കഴിക്കാൻ അപേക്ഷകളുടെ കുത്തൊഴുക്കാണ് ഇപ്പോഴും. "പയ്യാവൂർ മാംഗല്യം" പദ്ധതി പഞ്ചായത്ത് പ്രഖ്യാപിച്ചതോടെയാണ് ആയിരക്കണക്കിന് അപേക്ഷകൾ എത്താൻ തുടങ്ങിയത്. ഇതുവരെ ലഭിച്ച നാലായിരത്തോളം അപേക്ഷകരിൽ 90 ശതമാനവും പുരുഷന്മാരാണെന്നതാണ് പഞ്ചായത്തിനെ കുഴപ്പിക്കുന്നത്. കുടുംബശ്രീ അംഗങ്ങൾ പഞ്ചായത്തിലേക്കെത്തുന്ന ഓരോ അപേക്ഷകളും വിവിധ മത, സമുദായങ്ങൾക്കനുസരിച്ച് തരംതിരിക്കുകയാണ്. അതിൽ അനുയോജ്യരായവരെ കൂട്ടിയിണക്കാൻ ശ്രമിക്കുകയാണ് പഞ്ചായത്ത്. അപേക്ഷകളിലെ അസന്തുലിതാവസ്ഥ പരിഹരിയ്ക്കാൻ വിവിധ പഞ്ചായത്തുകളുമായി സഹകരിക്കാനാണ് പയ്യാവൂർ പഞ്ചായത്തിന്‍റെ നീക്കം. പയ്യാവൂർ ഗ്രാമപഞ്ചായത്തിന്‍റെ നേതൃത്വത്തിൽ ജില്ലാ സിംഗിൾ വുമൺ അസോസിയേഷനുമായി ചേർന്നാണ് പയ്യാവൂർ മാംഗല്യം' എന്ന പേരിൽ പദ്ധതി ആവിഷ്കരിച്ചത്. അവിവാഹിതരും പുനർ വിവാഹിതരും ഉൾപ്പെടെ ജാതി ഭേദമന്യേ സ്ത്രീ പുരുഷന്മാർക്ക് വിവാഹിതരാകാനുളള അവസരമാണ് പദ്ധതിയിലൂടെ ഒരുക്കുന്നത്.

രാജ്യാന്തര ചലച്ചിത്രമേളയ്ക്ക് കൊടിയിറങ്ങി

കണ്ണൂർ: ചലച്ചിത്രമേളകളുടെ ഭൂപടത്തിൽ തലശേരിയെ അടയാളപ്പെടുത്തി രാജ്യാന്തര ചലച്ചിത്രമേളയ്ക്ക് തിരശീല വീണു. കഴിഞ്ഞ നാലു ദിവസങ്ങളായി ലോകസിനിമയുടെ മായാദൃശ്യങ്ങൾ മനസിൽ പതിപ്പിച്ച് കേരള സംസ്ഥാന ചലച്ചിത്ര അക്കാദമി സംഘടിപ്പിച്ച പ്രഥമ തലശേരി രാജ്യാന്തര ചലച്ചിത്രമേളയുടെ സമാപനസമ്മേളനം മന്ത്രി ഒ.ആർ. കേളു ഉദ്ഘാടനം ചെയ്തു. നമ്മുടെ നാടിനെ ഇന്നത്തെ കേരളമായി മാറ്റിയെടുക്കാൻ സാധിച്ചതിൽ ചലച്ചിത്രം വലിയ പങ്ക് വഹിച്ചിട്ടുണ്ടെന്നും അതിനെ ശക്തിയോടെ പരിപോഷിപ്പിക്കേണ്ടതുണ്ടെന്നും മന്ത്രി പറഞ്ഞു. ദേശീയ അവാർഡ് ജേതാവ് നടൻ വിജയരാഘവനെ നിയമസഭാ സ്പീക്കർ എ.എൻ. ഷംസീർ ആദരിച്ചു. ചലച്ചിത്ര അക്കാദമി ചെയർപേഴ്സൺ പ്രേംകുമാർ, സെക്രട്ടറി സി. അജോയ് എന്നിവർക്കുള്ള സംഘാടക സമിതിയുടെ സ്നേഹോപഹാരവും സ്പീക്കർ നൽകി. തലശേരിയുടെ അഭിമാനമായ സംഗീത സംവിധായകൻ കെ.രാഘവൻ മാസ്റ്ററുടെ 12-ാം ചരമവാർഷികദിനത്തിൽ പ്രണാമമർപ്പിച്ച് സമാപനസമ്മേളന വേദിയിൽ ചലച്ചിത്ര അക്കാദമി സെക്രട്ടറി സി. അജോയ് അനുസ്മരണപ്രമേയം അവതരിപ്പിച്ചു. കഴിഞ്ഞ വർഷം ലോകത്ത് നിർമിക്കപ്പെട്ട ഏറ്റവും മികച്ച 55 ദൃശ്യവിസ്‌മയങ്ങൾ തലശേരി ലിബർട്ടി തീയേറ്റർ സമുച്ചയത്തിൽ മറ്റൊരു ലോകം തന്നെ തീർക്കുകയായിരുന്നു. ലിബർട്ടി തീയേറ്റർ സമുച്ചയത്തിലെ ലിറ്റിൽ പാരഡൈസിൽ നടന്ന ഉദ്ഘാടന ചടങ്ങിൽ തലശേരി നഗരസഭ ചെയർപേഴ്സൺ കെ.എം. ജമുനാറാണി അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്‍റുമാരായ പി.പി. സനിൽ, എം.കെ. സെയ്‌തു, സി.കെ. രമ്യ, നിർമാതാവ് ലിബർട്ടി ബഷീർ, ബീനിഷ് കോടിയേരി, ടി.എം. ദിനേശൻ തുടങ്ങിയവർ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]