പെ​രി​യ: ശാ​സ്ത്ര​സാ​ങ്കേ​തി​ക പ​ഠ​ന​പ​ദ്ധ​തി​ക​ള്‍ മാ​തൃ​ഭാ​ഷ​യി​ല്‍ ത​യാ​റാ​ക്ക​ണ​മെ​ന്ന് കേ​ന്ദ്ര സ​ര്‍​വ​ക​ലാ​ശാ​ല​യി​ലെ ശി​ല്പ​ശാ​ല​യി​ല്‍ ആ​വ​ശ്യം. ഇ​തി​ല്‍ ഗ​വേ​ഷ​ക​രു​ടെ​യും ഭാ​ഷാ​ശാ​സ്ത്ര പ​ണ്ഡി​ത​രു​ടെ​യും അ​ധ്യാ​പ​ക​രു​ടെ​യും പ​ങ്കാ​ളി​ത്തം ഉ​റ​പ്പു​വ​രു​ത്ത​ണം. സ​ര്‍​വ​ക​ലാ​ശാ​ല​യി​ലെ ഭാ​ഷാ ശാ​സ്ത്ര വി​ഭാ​ഗ​വും കേ​ന്ദ്ര വി​ദ്യാ​ഭ്യാ​സ മ​ന്ത്രാ​ല​യ​ത്തി​ന് കീ​ഴി​ലു​ള്ള ഭാ​ര​തീ​യ ഭാ​ഷാ സ​മി​തി​യും സം​യു​ക്ത​മാ​യി സം​ഘ​ടി​പ്പി​ക്കു​ന്ന ഭാ​ര​തീ​യ ഭാ​ഷ​ക​ളി​ലെ ഏ​കീ​കൃ​ത ശാ​സ്ത്ര സാ​ങ്കേ​തി​ക പ​ദാ​വ​ലി എ​ന്ന വി​ഷ​യ​ത്തി​ലു​ള്ള ശി​ല്പ​ശാ​ല​യി​ലാ​ണ് ആ​വ​ശ്യ​മു​യ​ര്‍​ന്ന​ത്.

ദേ​ശീ​യ വി​ദ്യാ​ഭ്യാ​സ മേ​ല്‍​നോ​ട്ട സ​മി​തി അം​ഗം എ. ​വി​നോ​ദ് ശി​ല്പ​ശാ​ല ഉ​ദ്ഘാ​ട​നം ചെ​യ്തു. വി​ദ്യാ​ഭ്യാ​സം ഭാ​ര​തീ​യ ഭാ​ഷ​ക​ളി​ലൂ​ടെ സാ​ധ്യ​മാ​ണെ​ന്നും ഈ ​മാ​റ്റ​ത്തി​ലേ​ക്കു​ള്ള ത​യാ​റെ​ടു​പ്പ് ദേ​ശീ​യ ത​ല​ത്തി​ല്‍ ആ​രം​ഭി​ച്ച​താ​യും അ​ദ്ദേ​ഹം ചൂ​ണ്ടി​ക്കാ​ട്ടി. ഉ​ന്ന​ത വി​ദ്യാ​ഭ്യാ​സ രം​ഗ​ത്തെ പാ​ഠ​പു​സ്ത​ക​ങ്ങ​ളും പ്ര​വേ​ശ​ന പ​രീ​ക്ഷ​ക​ളും എ​ല്ലാ ഭാ​ഷ​ക​ളി​ലും ഇ​പ്പോ​ള്‍ ല​ഭ്യ​മാ​കു​ന്നു​ണ്ട്. ഭാ​ഷാ വി​ക​സ​നം മു​ന്‍ കാ​ല​ങ്ങ​ളി​ല്‍ സാ​ഹി​ത്യ​മേ​ഖ​ല​യി​ല്‍ മാ​ത്ര​മാ​യി പ​രി​മി​ത​പ്പെ​ട്ടു.

മ​റ്റു ഭാ​ഷ​ക​ളി​ല്‍ നി​ന്നും വാ​ക്കു​ക​ള്‍ സ്വീ​ക​രി​ച്ച് മ​ല​യാ​ള ഭാ​ഷ വ​ള​ര്‍​ന്ന​പ്പോ​ഴും ശാ​സ്ത്ര സാ​ങ്കേ​തി​ക വി​ഷ​യ​ങ്ങ​ളി​ല്‍ ഇ​തു​ണ്ടാ​യി​ല്ല. -അ​ദ്ദേ​ഹം വി​ശ​ദീ​ക​രി​ച്ചു.

സം​സ്‌​കൃ​ത പ്ര​ഫ​സ​റും ദേ​ശീ​യ സം​സ്‌​കൃ​ത സ​മി​തി അം​ഗ​വു​മാ​യ ഡോ. ​എം.​വി.​ന​ടേ​ശ​ന്‍, സാ​മൂ​ഹ്യ ശാ​സ്ത്ര​ജ്ഞ​ന്‍ പ്ര​ഫ. രാ​ഘ​വ​ന്‍ പ​യ്യ​നാ​ട്, ര​ജി​സ്ട്രാ​ര്‍ ഡോ. ​ആ​ര്‍. ജ​യ​പ്ര​കാ​ശ്, ഡീ​ന്‍ അ​ക്കാ​ദ​മി​ക് പ്ര​ഫ. ജോ​സ​ഫ് കോ​യി​പ്പ​ള്ളി, അ​സോ​സി​യേ​റ്റ് പ്ര​ഫ​സ​ര്‍ ഡോ.​പി. ശ്രീ​കു​മാ​ര്‍, വി​ദ്യാ​ര്‍​ഥി​നി സ​ഞ്ജ​ന രാ​ജ​ന്‍ എ​ന്നി​വ​ര്‍ സം​സാ​രി​ച്ചു. പ്ര​ഫ.​സി.​എ.​ജോ​സു​കു​ട്ടി, ഡോ. ​കെ.​രാ​ജേ​ഷ് എ​ന്നി​വ​ര്‍ സെ​ഷ​നു​ക​ള്‍​ക്ക് നേ​തൃ​ത്വം ന​ല്‍​കി. ശി​ല്പ​ശാ​ല ഇ​ന്നു സ​മാ​പി​ക്കും.