കൊടു​ങ്ങ​ല്ലൂ​ർ: നാ​ഷ​ണ​ൽ ഹൈ​വേ അ​ഥോ​റി​റ്റി​യും ക​രാ​റു​കാ​ര​നും ചേ​ർ​ന്ന് വേ​ണ്ട​ത്ര മു​ന്നൊ​രു​ക്ക​ങ്ങ​ൾ ഇ​ല്ലാ​തെ ദേ​ശീ​യ പാ​ത​യി​ൽ ന​ട​ത്തി​വ​രു​ന്ന ന​വീ​ക​ര​ണ പ്ര​വൃ​ത്തി​ക​ളി​ൽ അ​പ​ക​ട​ങ്ങ​ളും മ​ര​ണ​ങ്ങ​ളും വ​ർധി​ക്കു​ന്നു.

മൂ​ന്ന​ര കി​ലോ​മീ​റ്റ​ർ ദൂ​ര​മു​ള്ള ബൈ​പാ​സ് റോ​ഡ് ക്രോ​സ് ചെ​യ്യു​ന്ന സ്ഥ​ല​ങ്ങ​ളി​ൽ ക​രാ​റു​കാ​ര​ൻ യാ​തൊ​രു സു​ര​ക്ഷ ക്ര​മീ​ക​ര​ണ​ങ്ങ​ളും ഏ​ർ​പ്പെ​ടു​ത്തി​യി​ട്ടി​ല്ല. വാ​ഹ​ന​ങ്ങ​ൾ ക്രോ​സ് ചെ​യ്യു​ന്ന സ്ഥ​ല​ങ്ങ​ളാ​കാ​ട്ടെ ക​ണ്ടും കു​ഴി​ക​ളും ന​ട​ന്നു പോ​കാ​ൻ പ​റ്റാ​ത്ത വി​ധം ചെ​ളി​യും നി​റ​ഞ്ഞ​താ​ണ്. ദി​ശാ​ബോ​ർ​ഡു​ക​ൾ സ്ഥാ​പി​ക്കാ​ത്ത​തും ആ​ശ​യ​ക്കു​ഴ​പ്പം ഉ​ണ്ടാ​കു​ന്നു.

ശ​നി​യാ​ഴ്ച ബൈ​പാ​സി​ലെ വെ​ള്ളം നി​റ​ഞ്ഞ കു​ഴി​യി​ൽ ബൈ​ക്ക് വീ​ണ് യു​വാ​വ് മ​രി​ച്ച​താ​ണ് ഒ​ടു​വി​ല​ത്തെ അ​പ​ക​ടം. കു​ഴി​ക്ക് സ​മീ​പം എ​ന്തെ​ങ്കി​ലും അ​പാ​യ സൂ​ച​ന ബോ​ർ​ഡ് സ്ഥാ​പി​ച്ചി​രു​ന്നു​വെ​ങ്കി​ൽ യു​വാ​വി​ൻന്‍റെ ജീ​വ​ൻ ന​ഷ്ട​പ്പെ​ടു​മാ​യി​രു​ന്നി​ല്ല. അ​ഴി​ക്കോ​ട് കു​രി​ശി​ങ്ക​ൽ ജോ​ർ​ജ് മ​ക​ൻ നി​ഖി​ൽ (24) ആ​ണ് മ​രി​ച്ച​ത്. എ​ന്നാ​ൽ സം​ഭ​വം ന​ട​ന്ന് അ​ടു​ത്തദി​വ​സം രാ​വി​ലെ ത​ന്നെ കു​ഴി​ക്ക് സ​മീ​പം റിബ്ബ​ൺ കെ​ട്ടി തി​രി​ച്ചി​ട്ടു​ണ്ട്.

ക​ഴി​ഞ്ഞ സെ​പ്റ്റം​ബ​ർ പ​ത്തി​ന് കോ​ട്ട​പ്പു​റം ബൈ​പാ​സി​ൽ ബൈ​ക്കി​ൽ ബ​സ് ഇ​ടി​ച്ച് വി​ദ്യാ​ർ​ത്ഥി​മ​രി​ച്ചി​രു​ന്നു. അ​ഞ്ച​ങ്ങാ​ടി കൊ​ണ്ടി​യാ​റ അ​ജി​ത​ൻ - ഷീ​ജ ദ​മ്പ​തി​ക​ളു​ടെ മ​ക​ൻ അ​ന​ജി​ൻ (19) എ​ന്ന വി​ദ്യാ​ർ​ഥി​യാ​ണ് അ​ന്ന് മ​രി​ച്ച​ത്.

ദേ​ശീ​യപാ​ത നി​ർ​മാ​ണ​ത്തി​നി​ടെ അ​ഞ്ച് മാ​സ​ത്തി​നി​ടെ​യാ​യി സ്കൂ​ട്ട​ർ യാ​ത്ര​ക്കാ​രാ​നാ​യ ഒ​രു റി​ട്ട. എ​സ്ഐ ഉ​ൾ​പ്പെ​ടെ മ​റ്റ് നാ​ല് ഇ​രു​ച​ക്ര വാ​ഹ​നയാ​ത്ര​ക്കാ​രും മ​രി​ച്ചി​ട്ടു​ണ്ട്. അ​ധി​കം പേ​രും റോ​ഡി​ൽ പ​ര​ന്ന് കി​ട​ക്കു​ന്ന ചെ​ളി​യി​ൽ തെ​ന്നി മ​റി​ഞ്ഞാ​ണ് മ​രി​ച്ചി​ട്ടു​ള്ള​ത്. നി​ര​വ​ധി പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​ട്ടു​ണ്ട്. ക​ഴി​ഞ്ഞ ദി​വ​സം ച​ന്ത​പ്പു​ര ഭാ​ഗ​ത്ത് റോ​ഡി​ൽ ചെ​ളി​യി​ൽ തെ​ന്നിവീ​ണ് നാ​ലുപേ​ർ​ക്ക് പ​രി​ക്കേ​റ്റി​രു​ന്നു.

ദു​രി​തം വി​ത​യ്ക്കു​ന്ന ഇ​ത്ത​രം കാ​ര്യ​ങ്ങ​ൾ ശ്ര​ദ്ധ​യി​ൽ​പ്പെ​ടു​ത്തു​മ്പോ​ൾ ക​രാ​ർ ക​മ്പ​നി അ​ധി​കൃ​ത​രും ഉ​ദ്യോ​ഗ​സ്ഥ​രും ധി​ക്കാ​ര​പ​ര​മാ​യ സ​മീ​പ​ന​മാ​ണ് സ്വീ​ക​രി​ക്കു​ന്ന​തെ​ന്നും നി​ഖി​ലി​ന്‍റെ മ​ര​ണ​ത്തി​ന് ഉ​ത്ത​ര​വാ​ദി​ക​ളാ​യ​വ​ർ​ക്കെ​തി​രെ ശ​ക്ത​മാ​യ നി​യ​മ​ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും സിപിഎം ​ഏ​രി​യാ​സെ​ക്ര​ട്ട​റി കെ.​ആ​ർ. ജൈ​ത്ര​ൻ ആ​വ​ശ്യ​പ്പെ​ട്ടു.