മദ്യപിച്ചു വാഹനമോടിച്ച 38 പേരുടെ ലൈസന്‍സ് റദ്ദാക്കി
1397017
Sunday, March 3, 2024 5:02 AM IST
കോട്ടയം: മദ്യപിച്ചു വാഹനമോടിച്ച 38 പേരുടെ ഡ്രൈവിംഗ് ലൈസന്‍സ് മോട്ടോര്‍ വാഹന വകുപ്പ് താത്കലികമായി റദ്ദ് ചെയ്തു. അപകടകരമായി വാഹനമോടിച്ച് അപകടമുണ്ടാക്കിയ ഒരാളുടെയും ട്രാഫിക് നിയമങ്ങള്‍ ലംഘിച്ചു വാഹനമോടിച്ച രണ്ടുപേരുടെയും ലൈസന്‍സ് റദ്ദാക്കി. സിഗരറ്റു വലിച്ചു ബസ് ഓടിച്ച കരിപ്പമറ്റം വീട്ടില്‍ വര്‍ഗീസ് ചാണ്ടിയുടെ ലൈസന്‍സ് താത്കാലികമായി റദ്ദാക്കിയും കോട്ടയം ആര്‍ടിഒ ആര്‍. രമണന്‍ ഉത്തരവിറക്കി.
വാഹന നിയമ ലംഘനം നടത്തുന്നവര്‍ക്കെതിരേ കര്‍ശന നടപടികള്‍ സ്വീകരിക്കുന്നതിന് ജില്ലയിലെ ജോയിന്‍റ് ആര്‍ടിഒമാര്‍ക്ക് നിര്‍ദ്ദേശം നല്‍കി. വ്യാപകമായി വാഹന പരിശോധന നടത്താന്‍ നിര്‍ദേശം നല്‍കിയതായും ആര്‍ടിഒ അറിയിച്ചു.