ADVERTISEMENT

ADVERTISEMENT

ദീപിക നമ്മുടെഭാഷാ പദ്ധതി സംസ്ഥാനതല ഉദ്ഘാടനം ഇന്നു തലശേരിയിൽ

തലശേരി: ദീപിക നമ്മുടെഭാഷാ പദ്ധതിയുടെ സംസ്ഥാനതല ഉദ്ഘാടനം നിയമസഭാ സ്പീക്കർ എ.എന്‍. ഷംസീര്‍ ഇന്ന് നിർവഹിക്കും. ഇന്നു രാവിലെ 9.30 ന് തലശേരി സാന്‍ജോസ് മെട്രോപൊളിറ്റന്‍ സ്‌കൂള്‍ ഓഡിറ്റോറിയത്തിൽ നടക്കുന്ന പരിപാടിയിൽ തലശേരി ആർച്ച്ബിഷപ് മാർ ജോസഫ് പാംപ്ലാനി അധ്യക്ഷത വഹിക്കും.

രാഷ്‌ട്രദീപിക ലിമിറ്റഡ് മാനേജിംഗ് ഡ‍യറക്‌ടർ മോൺ. മൈക്കിൾ വെട്ടിക്കാട്ട് ആമുഖപ്രസംഗം നടത്തും. രാഷ്‌ട്രദീപിക ലിമിറ്റഡ് ഡയറക്‌ടർ‌ ബെന്നി വാഴപ്പിള്ളില്‍, സാന്‍ജോസ് മെട്രോപൊളിറ്റൻ സ്‌കൂള്‍ പ്രിൻസിപ്പൽ സിസ്റ്റര്‍ മോളി ജോസഫ്, ദീപിക കണ്ണൂർ റസിഡന്‍റ് മാനേജർ ഫാ. ജോബിന്‍ വലിയപറമ്പില്‍, അസി. റസിഡന്‍റ് മാനേജര്‍ ഫാ. വിപിന്‍ വെമ്മേനിക്കട്ടയില്‍, ദീപിക സീനിയര്‍ സര്‍ക്കുലേഷന്‍ മാനേജര്‍ ജോര്‍ജ് തയ്യില്‍ എന്നിവർ പ്രസംഗിക്കും. ദീപിക സർക്കുലേഷൻ ജനറൽ മാനേജർ ഫാ. ജിനോ പുന്നമറ്റത്തില്‍ സ്വാഗതവും സാന്‍ജോസ് മെട്രോപൊളിറ്റന്‍ സ്‌കൂള്‍ വൈസ് പ്രൻസിപ്പൽ ഫാ. മാത്യു മുക്കുഴി നന്ദിയും പറയും.

ADVERTISEMENT

പുസ്തകം പ്രകാശനം ചെയ്തു

തലശേരി: മാധ്യമ പ്രവർത്തകൻ നവാസ് മേത്തറിന്‍റെ കൈരളി ബുക്സ് പ്രസിദ്ധീകരിക്കുന്ന"ആ താലിമാല തേടി ആരും വന്നില്ല' എന്ന പുസ്തകം പ്രകാശനം ചെയ്തു. തലശേരി പേൾ വ്യൂ ഹോട്ടൽ ഓഡിറ്റോറിയത്തിൽ നടന്ന പരിപാടിയിൽ സ്പീക്കർ എ.എൻ. ഷംസീർ തലശേരി ആർച്ച്ബിഷപ് മാർ ജോസഫ് പാംപ്ലാനിക്ക് പുസ്തകം നൽകി പ്രകാശനം നിർവഹിച്ചു. തലശേരി മുനിസിപ്പൽ ചെയർപേഴ്സൺ ജമുനാ റാണി അധ്യക്ഷത വഹിച്ചു. ഷാർജ ആസ്ഥാനമായി പ്രവർത്തിക്കുന്ന ഡെക്കാൻ ഇംപ്രിന്‍റ് പ്രസിദ്ധീകരിക്കുന്ന പുസ്തകത്തിന്‍റെ ഇംഗ്ലീഷ് പതിപ്പ് "അൺക്ലെയിംഡ് മംഗൽ സൂത്ര'യുടെ കവർ പ്രകാശനം രാഷ്‌‌ട്രദീപിക മാനേജിംഗ് ഡയറക്ടർ മോൺ. മൈക്കിൾ വെട്ടിക്കാട്ട് നിർവഹിച്ചു. നവാസ് മേത്തർ ആമുഖ പ്രഭാഷണം നടത്തി. ബിജെപി മുൻ സംസ്ഥാന പ്രസിഡന്‍റ് സി.കെ. പദ്മനാഭൻ മുഖ്യപ്രഭാഷണം നടത്തി. കൈരളി ബുക്സ് മാനേജിംഗ് ഡയറക്ടർ ഒ. അശോക് കുമാർ പുസ്തക പരിചയം നടത്തി. സംഘാടക സമിതി ജനറൽ കൺവീനർ പ്രിൻസ് ഏബ്രഹാം സ്വാഗതവും കൺവീനർ അനീഷ് പാതിരിയാട് നന്ദിയും പറഞ്ഞു. രമേശ് പറമ്പത്ത് എംഎൽഎ, നിയമ പരിഷ്കരണ കമ്മീഷൻ അംഗവും മുൻ ജില്ലാ ജഡ്ജിയുമായ ടി.ഇന്ദിര, രാഷ്‌‌ട്രദീപിക ഡയറക്ടറും ഇന്തോനേഷ്യ മലയാളി സമാജം പ്രസിഡന്‍റുമായ ബെന്നി മാത്യു വാഴപ്പള്ളി, ബാംഗ്ലൂർ നാഷണൽ ബ്രോഡ് കാസ്റ്റിംഗ് കൺസൾട്ടന്‍റ് എം. ശിവപ്രസാദ്, കെഎസ്എ ഇന്‍റർനാഷണൽ ട്രെയ്നർ ഡോ. പോൾ തോമസ്, എഴുത്തുകാരി റഫ്‌സാന ഖാദ, സിപിഎം നേതാവും മുൻ ആഭ്യന്തരമന്ത്രിയുമായിരുന്ന കോടിയേരി ബാലകൃഷ്ണന്‍റെ പത്നി വിനോദിനി തുടങ്ങിയവർ പങ്കെടുത്തു.

ഓണക്കനി-നിറപൊലിമ പദ്ധതിയുടെ പഞ്ചായത്ത്തല ഉദ്ഘാടനം

ഉളിക്കൽ: കുടുംബശ്രീ മിഷന്‍റെ നേതൃത്വത്തിൽ ഓണത്തിന് ആവശ്യമായ വിഷരഹിത പച്ചക്കറികളുടെയും പൂവിന്‍റെയും ഉത്പാദനം ലക്ഷ്യമിട്ട് കുടുംബശ്രീ ഉളിക്കൽ സിഡിഎസിന്‍റെ നേതൃത്വത്തിൽ നടത്തുന്ന ഓണക്കനി-നിറപൊലിമ പദ്ധതിയുടെ പഞ്ചായത്ത്തല ഉദ്ഘാടനം ഉളിക്കൽ പഞ്ചായത്ത് പ്രസിഡന്‍റ് പി.സി. ഷാജി നിർവഹിച്ചു. തേർമല വാർഡിലെ ഹരിശ്രീ ജെഎൽജി ഗ്രൂപ്പിന്‍റെ നേതൃത്വത്തിൽ രണ്ടര ഏക്കർ കൃഷിയിടത്താണ് പദ്ധതി നടപ്പാക്കുന്നത്. തേർമല വാർഡ് മെംബർ രാമകൃഷ്ണൻ കോയാടൻ അധ്യക്ഷത വഹിച്ചു. സിഡിഎസ് ചെയർപേഴ്സൺ വി.ജി. ശശി, പഞ്ചായത്ത് അംഗം ജോളി ഫിലിപ്പോസ്, ജെഎൽജി ഗ്രൂപ്പ് കൺവീനർ ഗിരിജ നാരായണൻ, സിഡിഎസ് അംഗം ഷീബ സിജു തുടങ്ങിയവർ പങ്കെടുത്തു.

ആറളത്ത് കാട്ടാന ഷെഡും തൊഴുത്തും തകർത്തു

ഇരിട്ടി: ആറളത്ത് തിങ്കളാഴ്ച രാത്രി രണ്ട് വ്യത്യസ്ത സംഭവങ്ങളിൽ ഒരു വീടിന്‍റെ അടുക്കള ഷെഡും മറ്റൊരു വീട്ടിലെ തൊഴുത്തും കാട്ടാന തകർത്തു. കുട്ടികടക്കം വീട്ടുകാർ തലനാരിഴയ്ക്കാണ് രക്ഷപ്പെട്ടത് വ്യാപകമായി കൃഷിയും നശിപ്പിച്ചിട്ടുണ്ട്. ബ്ലോക്ക് 10 ൽ സരോജിനിയുടെ വീടിന്‍റെ അടുക്കള ഷെഡാണ് കാട്ടാന തകർത്തത്. രാത്രി പന്ത്രണ്ടോടെയായിരുന്നു സംഭവം. സരോജിനിയുടെ മകൾ സന്ധ്യയും കുട്ടികളും ആനക്ക് മുന്നിൽ നിന്ന് ഭാഗ്യം കൊണ്ടാണ് രക്ഷപെട്ടത്. കുട്ടികളെ മൂത്രം ഒഴിപ്പിക്കാനായി വീടിന് വെളിയിൽ എത്തിയപ്പോൾ പുറത്തുണ്ടായിരുന്ന കാട്ടാന ഇവർക്ക് നേരെ പാഞ്ഞടുക്കുകയായിരുന്നു. സന്ധ്യയ്ക്കും കുട്ടികൾക്കും വീടിനകത്തേക്ക് ഓടിക്കയറാനായതിനാലാണ് ജീവൻ തിരിച്ചു കിട്ടിയത്. ബ്ലോക്ക് 11 ലെ സജി കൈമയുടെ വീടിനു സമീപത്തെ തൊഴുത്താണ് കാട്ടാന തകർത്തത്.പറമ്പിലെ വാഴയും മറ്റ് വിളകളും നശിപ്പിച്ചു. വീടിനു സമീപത്തെ പ്ലാവിൽ നിന്ന് ചക്കകൾ പറിച്ചെടുത്ത് തിന്നശേഷമാണ് കാട്ടാന മടങ്ങിയത്. സജിയുടെ അയൽവാസിയുടെ കൃഷിയും നശിപ്പിച്ചിട്ടുണ്ട്.മൂന്ന് മാസത്തിനുള്ളിൽ പുനരധിവാസ മേഖലയിൽ പതിനാറിലേറെ ഷെഡുകളാണ് ആനകൾ തകർത്തത്. വാളത്തോടും ആനയിറങ്ങി ആറളം വാളത്തോട് നിർമലഗിരി മേഖലയിലും തിങ്കളാഴ്ച രാത്രി കാട്ടാനയിറങ്ങി വീടിനോട് ചേർന്ന വിറകുപര തകർത്തു. ഐക്കര വടക്കേതിൽ പ്രസന്നന്‍റെ വിറക് പുരയാണ് തകർത്തത്. പെരുവാമല ജോയി , ജീരകശേരി സണ്ണി , ജീരകശേരി ജോസുകുഞ്ഞ് എന്നിവരുടെ തെങ്ങ്, കവുങ്ങ്, വാഴ തുടങ്ങിയ കാർഷിക വിളകളും നശിപ്പിച്ചു.

ഉളിക്കലിൽ പാലങ്ങൾ വെള്ളത്തിനടിയിലായി; മണിക്കടവ് ഒറ്റപ്പെട്ടു

ഉളിക്കൽ: ഉളിക്കൽ പഞ്ചായത്തിൽ കനത്ത മഴയെ തുടർന്ന് വയത്തൂർ പുഴ കരകവിഞ്ഞ് ഒഴുകുകയാണ്. പുഴയിലെ ജലനിരപ്പ് ഉയർന്നതോടെ താഴ്ന്ന പ്രദേശങ്ങളിൽ വെള്ളം കയറി. കുടക് വനമേഖല ഉൾപ്പെടെ പ്രദേശത്ത് ശക്തമായ മഴ തുടരുകയാണ്. മലവെള്ള പാച്ചിലിൽ ഉളിക്കൽ പഞ്ചായത്തിലെ വട്ട്യാംതോട്, മണിക്കടവ്, വയത്തൂർ ചപ്പാത്ത് പാലങ്ങൾ വെള്ളത്തിനടിയിലായി.മണിക്കടവ്, വയത്തൂർ പാലങ്ങളിൽ ഇന്നലേയും വെള്ളം കയറിയിരുന്നു. ഇതോടെ ഇതുവഴിയുള്ള ഗതാഗതം തടപെട്ടു. പാലങ്ങൾ എല്ലാം വെള്ളത്തിൽ മൂങ്ങിയതോടെ മണിക്കടവ് മേഖല ഏതാണ്ട് ഒറ്റപ്പെട്ട നിലയിലാണ്. പ്രദേശത്തുകാർക്ക് കിലോമീറ്ററുകൾ ചുറ്റി സഞ്ചരിക്കേണ്ട അവസ്ഥയാണ്. മഴയിൽ പ്രധാന റോഡുകളിലും പഞ്ചായത്ത് റോഡുകളിലും വലിയ വെള്ളക്കെട്ടുകൾ രൂപപെടുന്നത് യാത്രക്കാർക്ക് ഭീഷണിയാണ്.

കനത്ത മഴ: മണ്ണിടിച്ചിലും വെള്ളക്കെട്ടും വ്യാപകം

കണ്ണൂർ: ജില്ലയില്‍ തുടര്‍ച്ചയായി പെയ്യുന്ന മഴയില്‍ മണ്ണിടിച്ചിലും വെള്ളക്കെട്ടും വ്യാപകമായി. കൂവേരി വില്ലേജില്‍ ചപ്പാരപ്പടവ് ടൗണ്‍, പന്നിയൂര്‍ വില്ലേജില്‍ പന്നിയൂര്‍ പൂമംഗലം കൂളി കുണ്ട്, പൂമംഗലം മാഴൂര്‍ റോഡ്, തളിപ്പറമ്പ് വില്ലേജില്‍ തൃച്ചംബരം ഭാഗത്തുള്ള റോഡ്, കാക്കാത്തോട് ബസ് സ്റ്റാൻഡ്, കുറുമാത്തൂര്‍ വില്ലേജില്‍ കുറുമാത്തൂര്‍ കാണിച്ചമല്‍ എന്നിവിടങ്ങളാണ് കനത്തമഴയില്‍ വെള്ളക്കെട്ടിലായത്. പരിയാരം ദേശീയപാതയില്‍ വെള്ളക്കെട്ടായതോടെ സമീപത്തെ വി.വി. കരുണാകരന്‍റെ വീട്ടില്‍ വെള്ളം കയറി. കുറുമാത്തൂര്‍ കാണിച്ചമലില്‍ വെള്ളക്കെട്ട് ഉണ്ടായതോടെ നാല് കുടുംബങ്ങള്‍ ബന്ധുവീടുകളിലേക്ക് മാറി. പരിയാരം ഇരിങ്ങള്‍ നിവാസി കെ.പി. മിഥുന്‍റെ വീടിനോട് ചേര്‍ന്നുള്ള മതില്‍ ഇടിഞ്ഞു വീടിന്‍റെ പോര്‍ച്ച് തകര്‍ന്നു. ആളപായമില്ല. എടക്കാട് വില്ലേജ് കണ്ണൂര്‍ കരാര്‍ ദേശം കുറുവ പാലത്തിനു സമീപം കോട്ടമ്മല്‍ കുന്ന് കനത്ത മഴയില്‍ ഇടിഞ്ഞുവീണു. അപകട സാധ്യതയുള്ളതിനാല്‍ സമീപത്തെ മൂന്ന് കുടുംബങ്ങളോടും ബന്ധു വീടുകളിലേക്ക് മാറി താമസിക്കുവാന്‍ സ്ഥലം സന്ദര്‍ശിച്ച ഡപ്യൂട്ടി തഹസില്‍ദാര്‍ പ്രമോദ് പുല്ലാഞ്ഞിക്കാട് നിര്‍ദേശം നല്‍കി. ചെക്കിക്കടവ് പാലത്തിനു സമീപം വലിയവളപ്പില്‍ ഷാജിയുടെ വീടിനു സമീപം വീണ്ടും കരയിടിച്ചില്‍ ഉണ്ടായതോടെ കുടുംബത്തോട് മാറി താമസിക്കുന്നതിനു റവന്യു അധികൃതര്‍ നിര്‍ദേശം നല്‍കി. മട്ടന്നൂർ: വെളിയമ്പ്ര കൊട്ടാരം പെരിയത്തിൽ റോഡിൽ മരം കടപുഴകി വീണ് ഗതാഗതം തടസപ്പെട്ടു. ഇന്നലെ വൈകുന്നേരം അഞ്ചോടെയായിരുന്നു സംഭവം. റോഡരികിലെ മരം വൈദ്യുത ലൈനിൽ വീഴുകയായിരുന്നു. വിവരമറിഞ്ഞെത്തിയ കെഎസ്ഇബി ജീവനക്കാരും നാട്ടുകാരും ചേർന്നു മരം മുറിച്ചുനീക്കി ഗതാഗതം പുനഃസ്ഥാപിച്ചു. പയ്യന്നൂരില്‍ 30 വീട്ടുകാരെ മാറ്റിപ്പാര്‍പ്പിച്ചു പയ്യന്നൂര്‍: ശക്തമായ മഴയില്‍ വെള്ളം കയറിയ കാപ്പാട്, കാനായി, തോട്ടം കടവ്, പരവന്തട്ട, മുത്തത്തി പ്രദേശത്തെ വീടുകളില്‍ നിന്നും ആള്‍ക്കാരെ ബന്ധുവീടുകളിലേക്കും സിപിഎം ഓഫീസിലേക്കും മാറ്റിപ്പാര്‍പ്പിച്ചു. സന്നദ്ധസംഘടനകളുടെയും നാട്ടുകാരുടെയും സഹായത്തോടെ പരവന്തട്ട-കാപ്പാട് പ്രദേശത്തെ 15 വീടുകളിലെയും വെള്ളം കയറിയ മറ്റ് സ്ഥലങ്ങളിലെ 15 വീടുകളിലുള്ളവരേയുമാണ് മാറ്റിയത്. മഴ ശക്തമായി തുടരുകയാ ണെങ്കില്‍ ഇവിടങ്ങളിൽ കഴിയുന്നവരേയും മാറ്റിപ്പാര്‍പ്പിക്കാനാവശ്യമായ സൗകര്യങ്ങള്‍ ഒരുക്കുമെന്നും അതിനാവശ്യമായ ക്രമീകരണങ്ങള്‍ മുത്തത്തി സ്‌കൂളിലും വേങ്ങയില്‍, കാനായി സ്‌കൂളുകളിലും ഒരുക്കിയിട്ടുണ്ടെന്ന് ചെയര്‍പേഴ്‌സണ്‍ കെ.വി. ലളിത അറിയിച്ചു. പരവന്തട്ട കാപ്പാട് പ്രദേശത്തെ വീടുകളിലെ കന്നുകാലികളെ പരവന്തട്ട ക്ഷേത്ര മൈതാനിയിലെക്ക് മാറ്റി. അപകടകരമായ രീതിയില്‍ ജലനിരപ്പ് ഉയര്‍ന്നതിനെ തുടര്‍ന്ന് സംസ്ഥാന ജലസേചന വകുപ്പും കേന്ദ്ര ജല കമ്മീഷനും പെരുമ്പ പുഴയിലും കവ്വായി പുഴയിലും യെല്ലോ അലര്‍ട്ട് പ്രഖ്യാപിച്ചു. ഈ പുഴകളുടെ തീരത്തുള്ളവര്‍ ജാഗ്രത പാലിക്കണമെന്നും യാതൊരു കാരണവശാലും പുഴകളില്‍ ഇറങ്ങാനോ പുഴ മുറിച്ച് കടക്കാനോ പാടില്ലെന്നും നിര്‍ദേശമുണ്ട്.

മഴയും വെള്ളക്കെട്ടും: സ്കൂളുകൾക്ക് പ്രാദേശിക അവധി

കണ്ണൂർ: ജില്ലയിൽ കനത്ത മഴ കാരണവും വെള്ളക്കെട്ട് മൂലവും കുട്ടികളുടെ സുരക്ഷ മുൻനിർത്തി അസി. എഡ്യൂക്കേഷണൽ ഓഫീസർമാർമാർ ചൊവ്വാഴ്ച 50 ലേറെ സ്‌കൂളുകൾക്ക് പ്രാദേശിക അവധി നൽകി. ചില സ്കൂളുകൾക്ക് രാവിലെയും ചിലതിന് ഉച്ചയ്ക്ക് ശേഷവുമാണ് പ്രാദേശിക അവധി നൽകിയത്. കണ്ണൂർ സൗത്ത് ഉപജില്ല: മുഴപ്പിലങ്ങാട് സൗത്ത് യുപി സ്കൂൾ. തലശേരി നോർത്ത് ഉപജില്ല: എരഞ്ഞോളി നോർത്ത് എൽപി സ്കൂൾ, കതിരൂർ മുസ്‌ലിം എൽപി സ്കൂൾ, കതിരൂർ ഈസ്റ്റ് എൽ പി സ്കൂൾ. പയ്യന്നൂർ ഉപജില്ല: പിബികെഎൽപി സ്കൂൾ കുണിയൻ, പാട്ടിയമ്മ ഏൽപി സ്കൂൾ, ഏറ്റു കുടുക്ക യുപി. സ്കൂൾ, ജിയുപി സ്കൂൾ പാലക്കോട്, ചന്തൻ മെമ്മോറിയൽ എഎൽപി സ്കൂൾ വെള്ളൂർ, മുക്കോത്തടം എൽപി സ്കൂൾ കോറോം, ജിഎൽപി സ്കൂൾ വെള്ളൂർ, ജിഎൽപി സ്കൂൾ പയ്യന്നൂർ, കുന്നരു എയുപി സ്കൂൾ, കാങ്കോൽ എഎൽപി സ്കൂൾ, ജിഎം യുപി സ്കൂൾ രാമന്തളി, എരമം സൗത്ത് എൽപി സ്കൂൾ, കണ്ടോത്ത് എഎൽപി സ്കൂൾ, വടശേരി എഎൽപി സ്കൂൾ, ചിദംബരനാഥ് യുപി സ്കൂൾ രാമന്തളി, ജിഎൽപി സ്കൂൾ പെരിന്തട്ട സൗത്ത്, പുത്തൂർ എഎൽപി സ്കൂൾ, രാമന്തളി പഞ്ചായത്ത് ഗവ. എൽപി സ്കൂൾ, ബഡ്‌സ് സ്പെഷൽ സ്കൂൾ പുത്തൂർ, ജിയുപിഎസ് കൂക്കാനം, ജിഎംയുപി സ്കൂൾ പെരുമ്പ, ജിഎൽപി സ്കൂൾ പടന്ന, കരിവെള്ളൂർ നോർത്ത് എയുപി സ്കൂൾ, കരിവെള്ളൂർ സെൻട്രൽ എഎൽപി സ്കൂൾ, മാന്യഗുരു യുപി സ്കൂൾ, എവിഎസ്ജിഎച്ച്എസ്എസ് കരിവെള്ളൂർ, ജിഎംഎൽപി സ്കൂൾ പാലക്കോട്, എകെഎസ്എസ് പയ്യന്നൂർ. പാനൂർ ഉപജില്ല: ജിഎൽപി സ്കൂൾ നരിക്കോട്ട് മല, കൊളവല്ലൂർ ഈസ്റ്റ് എൽപി സ്കൂൾ കണ്ണൂർ നോർത്ത് ഉപജില്ല: മുണ്ടയാട് എൽപി സ്കൂൾ, കാഞ്ഞിരോട് എഎൽപി സ്കൂൾ തലശേരി ജില്ല: ഇരിട്ടി ലിറ്റിൽ ഫ്ലവർ ഇഎംഎച്ച്എസ്.

ബാരാപോൾ പദ്ധതി കനാലിനോട് ചേർന്ന റോഡിന്‍റെ സംരക്ഷണ ഭിത്തി തകർന്നു

ഇരിട്ടി: രണ്ടു ദിവസമായി പെയ്യുന്ന കനത്ത മഴയിൽബാരാപോൾ ചെറുകിട ജലവൈദ്യുത പദ്ധതിയുടെ കനാലിനോട് ചേർന്നുള്ള റോഡിന്‍റെ സംരക്ഷണ ഭിത്തി തകർന്നു. ഇലവുങ്കൽ പടിക്ക് സമീപം കനാലിനോട് ചേർന്നുള്ള റോഡിന്‍റെ സംരക്ഷണ ഭിത്തിയാണ് ഇടിഞ്ഞു വീണത്. കനാൽ നിർമാണ സമയത്ത് റോഡിന്‍റെ സുരക്ഷയ്ക്കായി നിർമിച്ചതായിരുന്നു. സുരക്ഷാ ഭിത്തി തകർന്നത് നിലവിൽകനാലിനെ ബാധിക്കില്ലെങ്കിലും മണ്ണിടിച്ചിൽ ഉണ്ടായാൽ അത് കനാലിന്‍റെ സുരക്ഷയ്ക്കും ഭീഷണിയാകും. സംരക്ഷണ ഭിത്തി തകർന്നതിന്‍റെ താഴെ ഭാഗത്തായി പത്തു കുടുംബങ്ങൾ താമസിക്കുന്നുണ്ട്. മണ്ണിടിച്ചിൽ ഉണ്ടായാൽ ഇവിടുത്തെ താമസക്കാരെയും ബാധിക്കും. ബാരാപോൾ എക്‌സിക്യൂട്ടീവ് എൻജിനിയർ പി.എസ്. യദുലാലിന്‍റെ നേതൃത്വത്തിലുള്ള സംഘം സ്ഥലത്തെത്തി പരിശോധന നടത്തി. നിലവിൽ ആശങ്കപ്പെടേണ്ട സാഹചര്യമില്ലെന്നും റോഡിന്‍റെ സംരക്ഷണ ഭിത്തി പുനർനിർമിക്കണമെന്ന് കാണിച്ച് ബന്ധപ്പെട്ടവർക്ക് നിർദേശം നൽകിയിട്ടുണ്ടെന്നും പി.എസ്. യദുലാൽ പറഞ്ഞു. അയ്യൻകുന്ന് പഞ്ചായത്ത് പ്രസിഡന്‍റ് കുര്യാച്ചൻ പൈമ്പള്ളിക്കുന്നേൽ, സ്റ്റാൻഡിംഗ് കമ്മിറ്റി അംഗങ്ങളായ ഐസക്ക് ജോസഫ്, സീമ സനോജ്, സിന്ധു ബെന്നി, അംഗങ്ങളായ ബിജോയി പ്ലാത്തോട്ടം, സജി മച്ചിത്താനി എന്നിവർ പ്രദേശം സന്ദർശിച്ച് അപകടാവസ്ഥ വിലയിരുത്തി. ജലവൈദ്യുത പദ്ധതിയുടെ മൂന്ന് ജനറേറ്ററുകളും പ്രവർത്തിക്കുന്നതിനാൽ കനാൽ വഴിയുള്ള നീരൊഴുക്ക് ശക്തമാണ്. സംരക്ഷണ ഭിത്തി ഇടിഞ്ഞ റോഡിലിലൂടെയുള്ള ഗതാഗതം നിരോധിക്കാൻ പഞ്ചായത്ത് പ്രസിഡന്‍റ് കെഎസ്ഇബി അധികൃതർക്ക് നിർദേശം നൽകി.

വിജയോത്സവം സംഘടിപ്പിച്ചു

പെരുമ്പടവ്: പെരുമ്പടവ് ബിവിജെഎം ഹയർ സെക്കൻഡറി സ്കൂളിൽ കഴിഞ്ഞ അധ്യയന വർഷം എസ്എസ്എൽസി വിജയിച്ച മുഴുവൻ കുട്ടികളെയും ആദരിക്കുന്ന ചടങ്ങ് വിജയോത്സവം സംഘടിപ്പിച്ചു. വിദ്യാരംഗം കലാസാഹിത്യവേദിയുടെ ഉദ്ഘാടനവും നടത്തി. ചപ്പാരപ്പടവ് പഞ്ചായത്ത് പ്രസിഡന്‍റ് സുനിജ ബാലകൃഷ്ണൻ പരിപാടി ഉദ്ഘാടനം ചെയ്തു. സ്കൂൾ മാനേജർ ഫാ. ജോർജ് തൈക്കുന്നുംപുറം അധ്യക്ഷത വഹിച്ചു. മുഖ്യാധ്യാപകൻ ജോസി മാത്യു, പ്രിൻസിപ്പൽ ഇ.പി. ജോസുക്കുട്ടി, കരിപ്പാൽ സ്കൂൾ മുഖ്യാധ്യാപിക പി.പി. ബിന്ദു, സെന്‍റ് ജോസഫ് സ്കൂൾ പ്രിൻസിപ്പൽ സിസ്റ്റർ ബിൻസി റാഫേൽ, പിടിഎ പ്രസിഡന്‍റ് ഷാബു ആന്‍റണി, മദർ പിടിഎ പ്രസിഡന്‍റ് എം.പി. ജ്യോതിലക്ഷ്മി, അധ്യാപകനായ ജിയോ തോമസ്, വിദ്യാർഥി പ്രതിനിധി സ്വാതിക എസ്. നമ്പ്യാർ, സിസ്റ്റർ മേരിക്കുട്ടി അഗസ്റ്റിൻ എന്നിവർ പ്രസംഗിച്ചു.

മാർ കുര്യാക്കോസ് കുന്നശേരി അനുസ്മരണം നടത്തി

പയ്യാവൂർ: മടമ്പം പികെഎം കോളജ് ഓഫ് എഡ്യൂക്കേഷൻ സ്ഥാപക രക്ഷാധികാരിയും കോട്ടയം അതിരൂപതയുടെ പ്രഥമ മെത്രാപ്പോലീത്തയുമായിരുന്ന മാർ കുര്യാക്കോസ് കുന്നശേരിയുടെ എട്ടാം ചരമ വാർഷികത്തോടനുബന്ധിച്ച് മാർ കുന്നശേരി അനുസ്മരണവും എൻഡോവ്മെന്‍റ് വിതരണവും നടത്തി. കോളജ് ഓഡിറ്റോറിയത്തിൽ വൈസ് പ്രിൻസിപ്പൽ ഡോ. പ്രശാന്ത് മാത്യു അധ്യക്ഷത വഹിച്ചു. സ്റ്റാഫ് അസോസിയേഷൻ സെക്രട്ടറി ജോബി മാത്യു ആമുഖ പ്രഭാഷണവും പയ്യാവൂർ സെന്‍റ് സെബാസ്റ്റ്യൻസ് ഇടവക വികാരി ഫാ.ബേബി കട്ടിയാങ്കൽ കുന്നശേരി അനുസ്മരണ പ്രഭാഷണവും നടത്തി. സ്റ്റാഫ്‌ അസോസിയേഷൻ ഏർപ്പെടുത്തിയ മാർ കുന്നശേരി എൻഡോവ്മെന്‍റ് വിതരണവും ഫാ.ബേബി കട്ടിയാങ്കൽ നിർവഹിച്ചു. മാത്തമാറ്റിക്സ് വിഭാഗം മേധാവി ഡോ.ഷോളി ജോസഫ്, ലൈബ്രേറിയൻ ദീപാ ജോൺ, യൂണിയൻ ചെയർപേഴ്സൺ അമിൻ മാത്യു എന്നിവർ പ്രസംഗിച്ചു.

നായനാർ മലയിലെ ക്വാറി വേസ്റ്റ് താഴേക്കൊഴുകി; ജനങ്ങൾ ആശങ്കയിൽ

ചെമ്പന്തൊട്ടി: കഴിഞ്ഞ മൂന്നു ദിവസങ്ങളായി പെയ്യുന്ന ശക്തമായ മഴയിൽ ചെമ്പന്തൊട്ടി നായനാർ മലയിലെ മൂളിയാൻ ക്വാറിയിൽ നിന്ന് ഉരുൾപൊട്ടലിന് സമാനമായ രീതിയിൽ മലവെള്ളത്തിനൊപ്പം കല്ലും മണ്ണും താഴേക്കൊഴുകുന്നതു മൂലം കൊക്കായി നിവാസികൾ ആശങ്കയിലായി. കഴിഞ്ഞ ദിവസം ക്വാറിയിൽ ചില പണികൾ നടത്തിയതാണ് ഈ ദുരവസ്ഥയ്ക്ക് കാരണം. മാസങ്ങളായി പ്രവർത്തനരഹിതമായിരുന്ന ക്വാറിയിൽ ഉറച്ചു കിടന്ന കല്ലും മണ്ണും ഇളക്കിയതു മൂലമാണ് ഇപ്പോൾ ക്വാറി അവശിഷ്ടങ്ങളും മലിന ജലവും താഴേക്കൊഴുകി അടിവാരത്തിലുള്ള കൃഷിയിടങ്ങളിൽ നാശം സംഭവിച്ചതും കുടിവെള്ളം ഉപയോഗശൂന്യമായതും. ജിയോളജി വകുപ്പിന്‍റെ സ്റ്റോപ്പ് മെമ്മോ അവഗണിച്ച് നിയമവിരുദ്ധമായി ക്വാറിയിൽ നടത്തിയ പണികൾക്കെതിരേ ജനകീയ കമ്മിറ്റി യോഗം ചേരുകയും ക്വാറിയിലേക്ക് മാർച്ച് നടത്താൻ തീരുമാനിക്കുകയും ചെയ്തിട്ടുണ്ട്. ശ്രീകണ്ഠപുരം നഗരസഭ കൗൺസിലർ കെ.ജെ. ചാക്കോ കൊന്നയ്ക്കൽ നൽകിയ പരാതിയെ തുടർന്ന് നഗരസഭാധ്യക്ഷയും സെക്രട്ടറിയും ക്വാറി സന്ദർശിച്ചിരുന്നു. ക്വാറി മാലിന്യം താഴെക്കൊഴുകുന്നത് തടയാൻ അടിയന്തര നടപടി വേണമെന്നും ക്വാറിയുടെ പ്രവർത്തനം സ്ഥിരമായി നിരോധിക്കണമെന്നുമാണ് പ്രദേശവാസികളുടെ ആവശ്യം.

വണ്ണായിക്കടവ് വലിയ പാലം അതിജീവിക്കുമോ ഇൗ മഴക്കാലം

പൈസക്കരി: പതിവായി വെള്ളം കയറി അപകടാവസ്ഥയിലായ പയ്യാവൂർ പഞ്ചായത്തിലെ വണ്ണായി ക്കടവ് പാലം ഇനിയൊരു പ്രളയത്തെ അതിജീവിക്കുമോയെന്ന ആശങ്കയിലാണ് പ്രദേശവാസികൾ. എല്ലാ വർഷവും വെള്ളത്തിനടിയിലാകുന്ന ഈ പാലത്തിന്‍റെ കൈവരികൾ ഉൾപ്പെടെ തകർന്ന നിലയിലാണ്. അപകടാവസ്ഥയിലായി വർഷങ്ങൾ കഴിഞ്ഞിട്ടും അറ്റകുറ്റപ്പണി നടത്താൻപോലും അധികൃതർ തയാറായിട്ടില്ല. പുഴയെടുക്കുന്നതിന് മുന്പ് പുതിയ വലിയ പാലംവേണമെന്ന ആവശ്യവുമായി ജനകീയ പ്രക്ഷോഭ ത്തിനൊരുങ്ങുകയാണ് നാട്ടുകാർ. ഇതിന് മുന്നോടിയായി അടുത്ത മാസം ജനകീയ കമ്മിറ്റി വിളിച്ചു ചേർക്കാനും തീരുമാനിച്ചു. 1982ലാണ് വണ്ണായിക്കടവിൽ പാലം നിർമിച്ചത്. വണ്ണായിക്കടവ്, പൈസക്കരി, കുന്നത്തൂർ തുടങ്ങിയ സ്ഥലങ്ങളിൽ നിന്നും ചെമ്പേരി, നെല്ലിക്കുറ്റി, ആലക്കോട്, കുടിയാൻമല തുടങ്ങിയ പ്രദേശങ്ങളി ലേക്ക് പോകാനുള്ള എളുപ്പവഴിയാണിത്. ബസുകൾ ഒഴികെയുളള ചെറിയ വാഹനങ്ങൾ ഇതുവഴി രാത്രി കടന്നുപോവുന്നത് നിയന്ത്രിച്ചിട്ടുണ്ട്. ഉയരം കുറഞ്ഞ പാലമാണ് ഇവിടെയുള്ളത്. ഈ പാലത്തിൽ ചെറിയ മഴയിൽ പോലും വെള്ളം കയറുന്നതും കൈവരികൾ തകരുന്നതും പതിവാണ്. ഇനി പുതിയ പാലം മാത്രമാണ് നാട്ടുകാരുടെ പ്രതീക്ഷ. കഴിഞ്ഞ വർഷങ്ങളിലുണ്ടായ പ്രളയത്തിന് ശേഷം പാലത്തിന്‍റെ തൂണുകളുടെ കോൺക്രീറ്റും ഇളകിയ അവസ്ഥയിലാണ്.

കനത്ത മഴ: മണ്ണിടിച്ചിലും വെള്ളക്കെട്ടും വ്യാപകം

കണ്ണൂർ: ജില്ലയില്‍ തുടര്‍ച്ചയായി പെയ്യുന്ന മഴയില്‍ മണ്ണിടിച്ചിലും വെള്ളക്കെട്ടും വ്യാപകമായി. കൂവേരി വില്ലേജില്‍ ചപ്പാരപ്പടവ് ടൗണ്‍, പന്നിയൂര്‍ വില്ലേജില്‍ പന്നിയൂര്‍ പൂമംഗലം കൂളികുണ്ട്, പൂമംഗലം മാഴൂര്‍ റോഡ്, തളിപ്പറമ്പ് വില്ലേജില്‍ തൃച്ചംബരം ഭാഗത്തുള്ള റോഡ്, കാക്കാത്തോട് ബസ് സ്റ്റാൻഡ്, കുറുമാത്തൂര്‍ വില്ലേജില്‍ കുറുമാത്തൂര്‍ കാണിച്ചമല്‍ എന്നിവിടങ്ങളാണ് കനത്തമഴയില്‍ വെള്ളക്കെട്ടിലായത്. പരിയാരം ദേശീയപാതയില്‍ വെള്ളക്കെട്ടായതോടെ സമീപത്തെ വി.വി. കരുണാകരന്‍റെ വീട്ടില്‍ വെള്ളം കയറി. കുറുമാത്തൂര്‍ കാണിച്ചമലില്‍ വെള്ളക്കെട്ട് ഉണ്ടായതോടെ നാല് കുടുംബങ്ങള്‍ ബന്ധുവീടുകളിലേക്ക് മാറി. പരിയാരം ഇരിങ്ങള്‍ നിവാസി കെ.പി. മിഥുന്‍റെ വീടിനോട് ചേര്‍ന്നുള്ള മതില്‍ ഇടിഞ്ഞു വീടിന്‍റെ പോര്‍ച്ച് തകര്‍ന്നു. ആളപായമില്ല. പന്നിയൂര്‍ പൂമംഗലം കൂളിക്കുണ്ടില്‍ പി.പി. ലക്ഷമണന്‍, സത്യന്‍ ഉപ്പേരി, രാധ, സുമേഷ്, കൃഷ്ണന്‍ എന്നിവരുടെ വീടുകളില്‍ വെള്ളം കയറി. കുടുംബങ്ങള്‍ ബന്ധുവീടുകളിലേക്ക് മാറണമെന്ന് അധികൃതര്‍ നിര്‍ദേശം നല്‍കി. പൂമംഗലം- മഴൂര്‍ റോഡില്‍ വെള്ളം കയറിയതോടെ ഗതാഗതം പ്രതിസന്ധിയിലായി. ‌ പട്ടുവം വില്ലേജില്‍ മുതുകുടയില്‍ മഠത്തില്‍ അബ്ദുള്‍ സലാം, കയ്യം കാനാമഠത്തില്‍ പ്രകാശന്‍ എന്നിവരുടെ വീടുകള്‍ മണ്ണിടിഞ്ഞ് അപകടാവസ്ഥയിലായി. കുടുംബങ്ങളോട് മാറി താമസിക്കുവാന്‍ സ്ഥലം സന്ദര്‍ശിച്ച വില്ലേജ് അധികൃതര്‍ നിര്‍ദേശിച്ചു. തളിപ്പറമ്പ് മുയ്യം റോഡില്‍ ഭ്രാന്തന്‍ കുന്നില്‍ മതില്‍ തകര്‍ന്ന് ബൈക്ക് യാത്രികന്‍ കൂനം സ്വദേശി പി.പി സുനേഷിന് പരിക്കേറ്റു. സുനേഷിനെ തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചു. ഉദയഗിരി മണക്കടവ് ടൗണില്‍ മണ്ണിടിഞ്ഞത് ശ്രീപുരം ഗവ. ഹയര്‍ സെക്കന്ററി സ്‌കൂളിന് ഭീഷണിയായി. ശക്തമായ മഴയില്‍ ആലക്കോട് ദേവകിയുടെ മുറ്റം ഇടിഞ്ഞുതാഴ്ന്നു വീട് അപകടാവസ്ഥയിലായി. താമസക്കാരായ ദേവകിയും മകള്‍ അമ്പിളിയും മകന്‍റെ വീട്ടിലേക്ക് മാറി താമസിക്കാന്‍ സ്ഥലം സന്ദര്‍ശിച്ച റവന്യൂ അധികൃതര്‍ നിര്‍ദേശം നല്‍കി. ചെക്കിക്കടവ് പാലത്തിനു സമീപം വലിയവളപ്പില്‍ ഷാജിയുടെ വീടിനു സമീപം വീണ്ടും കരയിടിച്ചില്‍ ഉണ്ടായതോടെ കുടുംബത്തോട് മാറി താമസിക്കുന്നതിനു റവന്യു അധികൃതര്‍ നിര്‍ദേശം നല്‍കി. മടമ്പം: കനത്തമഴയിൽ മടമ്പം പുഴയടക്കം കരകവിഞ്ഞ് താഴ്ന്ന പ്രദേശങ്ങളിൽ വെള്ളംകയറി. വളപട്ടണം പുഴയുടെ ഭാഗമായ ചെങ്ങളായി, കൊയ്യം, പെരുമ്പാറക്കടവ് ഭാഗങ്ങളിൽ പുഴ കരകവിഞ്ഞ് വയലുകൾ വെള്ളത്തിലായി. പുഴ കരകവിഞ്ഞ് പൊടിക്കളം മേരിഗിരി സീനിയർ സെക്കൻഡറി സ്കൂൾ മൈതാനിയിലും വെള്ളം കയറി. പൊടിക്കളം മടമ്പം റോഡും വെള്ളത്തിലാണ്. കൈതപ്രം ഭാഗത്തും ജലനിരപ്പ് ഉയർന്നു. കോട്ടൂർപുഴയിൽ വെള്ളം നിറഞ്ഞതു കാരണം മത്സ്യമാർക്കറ്റ് പരിസരത്ത് വെള്ളം കയറുമോ എന്ന ആശങ്കയുണ്ട്. മടമ്പം റെഗുലേറ്റർ കം ബ്രിഡ്ജിന്‍റെ ഭാഗത്ത് ജലനിരപ്പ് ഉയർന്നതോടെ മേരിലാൻഡ് ഹൈസ്കൂൾ മൈതാനത്ത് വെള്ളപ്പൊക്ക ഭീഷണിയുണ്ട്. മടമ്പം മുതൽ അലക്സ് നഗർ വരെ പലയിടത്തും വെള്ളക്കെട്ട് രൂക്ഷമാണ്. ഇടയ്ക്കിടെ ജാഗ്രതാ നിർദേശം നൽകി വരുന്നതായി നഗരസഭാകൗൺസിലർ മീനാ സജി അറിയിച്ചു. കാഞ്ഞിലേരി, അലക്സ് നഗർ, തുമ്പേനി, തേർളായി, തവറൂൽ, മുങ്ങം, ചെങ്ങളായി, അടിച്ചേരി ഭാഗങ്ങളിലും വെള്ളപ്പൊക്ക ഭീഷണി നിലനിൽക്കുന്നു. കേരള കർണാടക അതിർത്തി വനത്തിൽ കനത്ത മഴ പെയ്യുന്നുണ്ട്. ഇവിടെ മഴ പെയ്താലാണ് സാധാരണയായി പുഴകളിൽ വെള്ളം ഉയരുന്നത്. ഉരുൾപൊട്ടൽ പതിവായ വനമേഖലയാണിത്. ചെങ്ങളായി പഞ്ചായത്തിലെ തേർളായി ദ്വീപിൽ നൂറിലേറെ കുടുംബങ്ങളുണ്ട്. കഴിഞ്ഞ പ്രളയകാല ത്ത് വെള്ളം കയറി മുങ്ങിയ ദ്വീപാണിത്. പയ്യാവൂർ പഞ്ചായത്തിലെ വിവിധ ഭാഗങ്ങളിൽ വെമ്പുവ പുഴയടക്കം നിറഞ്ഞുകിടക്കുകയാണ്. ഏരുവേശി, ചന്ദനക്കാംപാറ, വണ്ണായികടവ്, വഞ്ചിയം, പുഴകളിൽ വെള്ളം ഉയർന്നതോടെ ആശങ്കയിലാണ് പ്രദേശവാസികൾ. പാറക്കടവ്, കണ്ടകശേരി ഭാഗത്തെല്ലാം വെള്ളം ഉയർന്നിട്ടുണ്ട്. പൂപ്പറമ്പ് പാലത്തിനടയിൽ ശക്തമായ നീരൊഴുക്കുണ്ട്. മലയോരത്തെ തോടുകളെല്ലാം നിറഞ്ഞൊഴുകുകയാണ്. പെരുമ്പടവ്: വളപട്ടണം പുഴയിലെ ജലനിരപ്പ് കുത്തനെ ഉയർന്നതിനെ തുടർന്ന് ചപ്പാരപ്പടവ് ടൗണിൽ വെള്ളം കയറി. ഗതാഗതം തടസപ്പെട്ടു. വ്യാപാരസ്ഥാപനങ്ങളിൽ വെള്ളം കയറിയതിനെ തുടർന്ന് സാധനങ്ങൾ നശിച്ചു. മിക്ക വ്യാപാരികളും സാധനങ്ങൾ സുരക്ഷിത സ്ഥാനങ്ങളിലേക്ക് മാറ്റി. മാതമംഗലം ടൗണിലും വ്യാപാരസ്ഥാപനങ്ങളിലും വെള്ളം കയറി. വാഹനഗതാഗതവും തടസപ്പെട്ടു. മാതമംഗലത്ത് ടൗണിൽ വെള്ളം കയറിയത് സന്ദർശിക്കാൻ എത്തിയ തഹസില്‍ദാറും എംഎൽഎയും വ്യാപാരികളെ സന്ദർശിക്കാൻ തയാറാകഞ്ഞതിൽ വ്യാപാരികൾക്കിടയിൽ കനത്ത പ്രതിഷേധമുണ്ട്. പലയിടത്തും കൃഷിയിടങ്ങളിൽ വെള്ളം കയറിയ നിലയിലാണ്. ദിവസങ്ങൾക്കു മുമ്പ് വച്ച പുതിയ തൈകൾ ഒഴുകി പോയിട്ടുണ്ട്. കൃഷി നാശം സംഭവിച്ച കർഷകർക്ക് അടിയന്തരസഹായം ലഭ്യമാക്കണമെന്ന ആവശ്യം ശക്തമാണ്. തളിപ്പറമ്പ്: തളിപ്പറമ്പ് മുയ്യം റോഡിൽ ഭ്രാന്തൻ കുന്നിൽ മതിൽ തകർന്ന് റോഡിലേക്കു വീണ് ബൈക്ക് യാത്രക്കാരന് പരിക്കേറ്റു. കൂനം സ്വദേശി പി.പി. സുനേഷിനാണ് പരിക്കേറ്റത്. ഇന്നലെ രാവിലെ പത്തോടെയാണ് അപകടം. പരിക്കേറ്റ സുനേഷിനെ തളിപ്പറന്പ് സഹകരണ ആശുപത്രിയിൽ പ്രവേശിപ്പിച്ചു. ചെറുപുഴ: കനത്ത മഴയിൽ വീടിന്‍റെ സരക്ഷണ ഭിത്തിയിടിഞ്ഞതിനെ തുടർന്ന് തോടിനോട് ചേർന്ന വീട് അപകടാവസ്ഥയിലായി. പക്കഞ്ഞിക്കാട്ടെ ചിങ്ങംതോട്ടത്തിൽ മാർഷൽ ജോസിന്‍റെ വീടാണ് അപകടാവസ്ഥയിലായത്. തിങ്കളാഴ്ച രാത്രിയുണ്ടായ കനത്ത മഴയിൽ വീടിനോട് ചേർന്ന് മുറ്റത്തിന്‍റെ കെട്ടിടിഞ്ഞ് വീഴുകയായിരുന്നു. ബാക്കിഭാഗം വിള്ളൽ സംഭവിച്ച് ഏത് സമയവും തകർന്നേക്കാമെന്ന അവസ്ഥയിലാണ് പക്കഞ്ഞിക്കാട്ട് തോടിനോട് ചേർന്നാണ് വീട്. തോട്ടില ശക്തമായ ഒഴുക്കിൽ മണ്ണിടിച്ചിൽ ഉണ്ടായാൽ മുറ്റമുൾപ്പെടെ ഇടിഞ്ഞു വീഴുകയും വീടിന്‍റെ നിലനിൽപിനെ ബാധിക്കുകയും ചെയ്യും. ചെമ്പന്തൊട്ടി: ചെമ്പന്തൊട്ടി -നടുവിൽ റോഡിലെ കൊക്കായിപാലം താത്കാലിക അപ്രോച്ച് റോഡും ഒലിച്ചുപോയി. ഇന്നലെ ഉച്ചവരെ ബസുകളടക്കം കടന്നുപോയതിന് ശേഷം വലിയ ലോറി കയറിയപ്പോഴാണ് റോഡിന്‍റെ അടിഭാഗത്ത് സ്ഥാപിച്ച പൈപ്പുകൾ പൊട്ടിയതും, തുടർന്നുണ്ടായ ശക്തമായ കുത്തൊഴുക്കിൽ റോഡ് ഒലിച്ചുപോയതെന്നാണ് നാട്ടുകാർ പറയുന്നത്. ശരിയായ രീതിയിൽ റോഡ് പണിയാത്തതാണ് റോഡ് തകർച്ചയ്ക്ക് കാരണമെന്ന ആക്ഷേപവും ഉയരുന്നുണ്ട്. ഇതോടെ ചെമ്പന്തൊട്ടി ടൗൺ പെരുമഴയിൽ വീണ്ടും ഒറ്റപ്പെട്ടു. മറ്റ് റോഡുകൾ വഴി ചുറ്റിക്കറങ്ങിയാണ് വാഹനങ്ങൾ ലക്ഷ്യത്തിലെത്തുന്നത്. സ്കൂൾ തുറന്നതോടെ രണ്ടു പാലങ്ങളുടെ അപ്രോച്ച് റോഡുകൾ തകർന്നതും ഗതാഗത സ്തംഭനവും വിദ്യാർഥികൾക്കടക്കം വലിയ ദുരിതമായിട്ടുണ്ട്. കുപ്പം സിഎച്ച് നഗറിൽ വീണ്ടും ചെളിവെള്ളം കയറി തളിപ്പറമ്പ്: കപ്പണത്തട്ട് മേഖലയിൽ നിന്ന് കുപ്പം സി.എച്ച് നഗറിലേക്ക് വീണ്ടും വെള്ളവും ചെളിയും കുത്തിയൊഴുകി എത്തി. അബ്‌ദുൾ ഹാജി, നാസർ, ആമിന തുടങ്ങിയവരുടെ വീടുകളിലേക്ക് ചെളിവെള്ളം കയറി. കഴിഞ്ഞ മഴക്കാലത്തും ഇപ്രാവശ്യത്തെ കാലവർഷാരംഭത്തിലും ഇവരുടെ വീടുകളിലേക്ക് നിരവധി തവണ വെള്ളം കയറിയിരുന്നു. കപ്പണത്തട്ടിലെ നിർമാണ പ്രവൃത്തി കാരണം അവിടെ നിന്ന് വരുന്ന ചെളിവെള്ളം ജെസിബി ഉപയോഗിച്ച് വഴിതിരിച്ചു വിട്ടിരുന്നുവെങ്കിലും തിങ്കളാഴ്ച രാത്രി മുതൽ മഴയിൽ വീണ്ടും ശക്തിയായി ചെളിവെള്ളം കുത്തിയൊലിച്ച് സി.എച്ച് നഗറിലെത്തുകയായിരുന്നു. കഴിഞ്ഞ മാസം അവസാനവാരം ശാശ്വത പരിഹാരമുണ്ടാക്കണമെന്ന് ആവശ്യപ്പെട്ട് സ്ത്രീകളും കുട്ടികളും ഉൾപ്പെടെയുള്ളവർ ദേശീയപാതയിൽ വാഹനങ്ങൾ തടഞ്ഞ് കൊണ്ടുള്ള ഉപരോധ പ്രതിഷേധം അരങ്ങേറിയിരുന്നു. തുടർന്ന് ആർഡിഒ നേതൃത്വം നൽകിയ ചർച്ചയിൽ മേയ് 27 നുള്ളിൽ ചെളിവെള്ളം ഒഴുകിയെത്തുന്നതിന് ശാശ്വത പരിഹാരം കണ്ടെത്തുമെന്നും ചെളിയും വെള്ളവും കയറി നാശനഷ്‌ടം സംഭവിച്ച വീടിനും മറ്റുള്ളവയ്ക്കും നിർമാണ കമ്പനിയുമായി ബന്ധപ്പെട്ട് വെളളം കയറി നശിച്ചു പോയ രേഖകൾക്കും സർട്ടിഫിക്കറ്റുകൾക്കും പകരം പുതിയത് അനുവദിക്കുവാനുള്ള നടപടി സ്വീകരിക്കുമെന്നും പ്രതിഷേധക്കാർക്ക് ഉറപ്പു നൽകിയിരുന്നു.

കണിക്കുന്നിൽ മണ്ണിടിച്ചിൽ ഭീഷണിയിലായ ‌വീടിന് പകരം കരാർ കന്പനി പുതിയത് നിർമിച്ചുനല്കും

തളിപ്പറമ്പ്: രൂക്ഷമായ മണ്ണിടിച്ചിൽ കാരണം തുടർന്ന്‌ തകർന്നു വീഴാറായ തളിപ്പറമ്പ് കണികുന്നിലെ വള്ളിയോട്ട് ശ്രീധരനും കുടുംബത്തിനും ദേശീയപാത നിർമാണ കരറുകാരായ മേഘ കൺസ്ട്രക്‌ ഷൻസ് പുതിയ വീടുവച്ച്‌ നൽകും. നിലവിൽ ശ്രീധരന്‍റെ വീടിരുന്ന സ്ഥലത്ത്‌ തന്നെ ബലപ്പെടുത്തി മണ്ണിട്ടുയർത്തിയാണ്‌ വീട്‌ നിർമിക്കുക. ശ്രീധരനുണ്ടായിരുന്ന പതിനഞ്ചിൽ അഞ്ചുസെന്‍റ് ദേശീയപാത ബൈപാസിനായി ഏറ്റെടുത്തിരുന്നു. ബാക്കിയുള്ള പത്ത് സെന്‍റ് സ്ഥലമാണ് ഇപ്പോൾ ഇടിഞ്ഞുവീണ് തീരാറായത്. ഈ സ്ഥലത്തോട് ചേർന്ന് കോൺക്രീറ്റ് മതിൽ നിർമിക്കും. ബൈപാസിന്‍റെ ഇരുവശത്തും കോൺക്രീറ്റ് ചുമർ നിർമിച്ച് ബലപ്പെടുത്തി മണ്ണിട്ട് നികത്തുന്നതോടെ പ്രശ്‌നം അവസാനിക്കുമെന്നും കമ്പനി ഉറപ്പുപറയുന്നു. വീട് നിർമിക്കാൻ ശ്രീധരന് മറ്റൊരു സ്ഥലമില്ലാത്തതിനാൽ ഇവിടെ തന്നെ മണ്ണിട്ടുയർത്തിയ സ്ഥലത്ത്‌ വീട് നിർമിക്കാമെന്നാണ് മേഘ കമ്പനി നൽകിയ വാഗ്‌ദാനം. അതോടൊപ്പം ഉപജീവനമാർഗമായി പട്ടുവം റോഡിന്‌ അഭിമുഖമായി വലിയ കടമുറിയും നിർമിച്ചു നൽകും. നിലിലുള്ള വീടിന്‍റെ വിസ്‌തീർണം എത്രയാണോ അതിനേക്കാൾ പത്ത് ശതമാനം കൂടുതൽ തറവിസ്‌തീർണമുള്ള വീടാകും നിർമിച്ചു നൽകുകയെന്ന്‌ മേഘയുടെ പ്രതിനിധി അബ്ദുൽ നിസാർ പറഞ്ഞു. മഴക്കാലം കഴിഞ്ഞാലുടൻ വീടിന്‍റെ പണി തുടങ്ങും. വീടും കടയും നൽകാമെന്ന് കമ്പനി ഉറപ്പു പറഞ്ഞതായും നിർമാണ കരാർ പിന്നീട്‌ തയാറാക്കുമെന്നും ശ്രീധരന്‍റെ മകൻ പ്രമോദ്‌ പറഞ്ഞു.

മഴയും വെള്ളക്കെട്ടും: സ്കൂളുകൾക്ക് പ്രാദേശിക അവധി

കണ്ണൂർ: ജില്ലയിൽ കനത്ത മഴ കാരണവും വെള്ളക്കെട്ട് മൂലവും കുട്ടികളുടെ സുരക്ഷ മുൻനിർത്തി അസി. എഡ്യൂക്കേഷണൽ ഓഫീസർമാർമാർ ചൊവ്വാഴ്ച 50 ലേറെ സ്‌കൂളുകൾക്ക് പ്രാദേശിക അവധി നൽകി. ചില സ്കൂളുകൾക്ക് രാവിലെയും ചിലതിന് ഉച്ചയ്ക്ക് ശേഷവുമാണ് പ്രാദേശിക അവധി നൽകിയത്. തളിപ്പറമ്പ സൗത്ത് ഉപജില്ല: വടക്കാഞ്ചേരി ഗവ. എൽപി സ്കൂൾ. പാപ്പിനിശേരി ഉപജില്ല: അഴീക്കൽ കിഫായത്തുൽ ഇസ്ലാം എംഎൽപി സ്കൂൾ, താജുൽ ഉലും സ്കൂൾ. ഇരിക്കൂർ ഉപജില്ല: പട്ടുവം വാണിവിലാസം എഎൽപി സ്കൂൾ തളിപ്പറമ്പ നോർത്ത് ഉപജില്ല: പട്ടുവം ജിഎൽപി സ്കൂൾ സ്കൂൾ തളിപ്പറമ്പ ഉപജില്ല: ഗവ ബോയ്‌സ് ഹയർ സെക്കൻഡറി സ്കൂൾ, മെക്ക ഇംഗ്ലീഷ് മീഡിയം പഴയങ്ങാടി, ഗവ വെൽഫയർ ഹയർ സെക്കൻഡറി സ്കൂൾ ചെറുകുന്ന്, ഗവ ഹൈസ്കൂൾ കുറ്റേരി, എസ്എസ്ജി എച്ച്എസ്എസ് പയ്യന്നൂർ, ജിഎച്ച്എസ്എസ് മാതമംഗലം, നജാത് എച്ച്എസ് മാട്ടൂൽ.

ബാത്ത്റൂം ഫിറ്റിംഗ്സിന്‍റെ പണവുമായി മുങ്ങിയ ഗുഡ്സ് ഓട്ടോ ഡ്രൈവർ അറസ്റ്റിൽ

കണ്ണൂർ: വ്യാപാര സ്ഥാപനത്തിൽ നിന്നും ഇടപാടുകാരന് സാധനങ്ങൾ എത്തിച്ചുനൽകിയ ശേഷം പണവുമായി മുങ്ങിയ താത്കാലിക ജീവനക്കാരനായ ഗുഡ്സ് ഓട്ടോ ഡ്രൈവർ അറസ്റ്റിൽ. തിലാന്നൂർ സ്വദേശി സി. ഷംസീറിനെയാണ് (48) ടൗൺ സിഐ ശ്രീജിത്ത് കൊടേരിയുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. കാൾടെക്സിലെ എബിസി എംപോറിയത്തിൽ നിന്നും ഇടപാടുകാരന് സാധനങ്ങൾ എത്തിച്ച് നല്കിയ ശേഷം പണവുമായി മുങ്ങി ആർഭാട ജീവിതം നയിക്കുന്നതിനിടെയാണ് തിങ്കളാഴ്ച രാത്രി പർശിനിക്കടവിൽനിന്നു പ്രതി പിടിയിലാകുന്നത്. ഈ മാസം അഞ്ചിന് ഉച്ചയ്ക്ക് ഒന്നോടെയാണ് പരാതിക്കാസ്പദമായ സംഭവം. സ്ഥാപനത്തിന്‍റെ ബിസിനസ് ഡവലപ്പ്മെന്‍റ് ഓഫീസർ താവം പള്ളിക്കര പുതുവക്കലിലെ കെ.പി. സയ്യിദ് മുഹമ്മദാലിയുടെ പരാതിയിലാണ് ടൗൺ പോലീസ് കേസെടുത്തത്. സംഭവ ദിവസം പ്രതി കെഎൽ 59 എസ് 4915 നമ്പർ ഗുഡ്സിൽ ഇടപാടുകാരനായി കൊണ്ടുപോയ 2,22,650രൂപയുടെ ബാത്റൂം ഫിറ്റിംഗ് സാധനങ്ങൾ ഇടപാടുകാരനെ ഏൽപ്പിച്ച് പണം കൈപ്പറ്റിയ ശേഷം സ്ഥാപനത്തിൽ അടയ്ക്കാതെ വഞ്ചിക്കുകയായിരുന്നു.

വിരമിക്കുന്ന ദിവസം എസ്‌ഐയെ അപമാനിച്ചു; പയ്യന്നൂരിലെ എസ്‌ഐ മനോജ്കുമാറിന് സസ്‌പെന്‍ഷന്‍

പയ്യന്നൂര്‍: എസ്‌ഐയെ വിരമിക്കുന്ന ദിവസം സാമൂഹിക മാധ്യമത്തിലൂടെ അപമാനിച്ച സംഭവത്തില്‍ പയ്യന്നൂരിലെ ഗ്രേഡ് എസ്‌ഐ മനോജ്കുമാറിന് സസ്‌പെന്‍ഷന്‍. രണ്ടു മാസത്തിനകം അന്വേഷണ റിപ്പോര്‍ട്ട് സമര്‍പ്പിക്കാനാണ് കണ്ണൂര്‍ റൂറല്‍ അഡിഷണല്‍ എസ്പിയോട് ഡിജിപി നിര്‍ദേശിച്ചിരിക്കുന്നത്. മനോജ്കുമാര്‍ പയ്യന്നൂര്‍ പോലീസ് സ്റ്റേഷനില്‍ ജോലിചെയ്തു വരവെ കഴിഞ്ഞ ഏപ്രില്‍ 30 ന് രാത്രി ഇദ്ദേഹത്തിന്‍റെ 8075184524 എന്ന വാട്സ് ആപ് നമ്പറില്‍ വിരമിക്കുന്ന എസ്‌ഐ എന്‍. പി. കൃഷ്ണന്‍റെ യൂണിഫോ മിലുള്ള ഫോട്ടോ സ്റ്റാറ്റസാക്കി അതിന് താഴെ അദ്ദേഹത്തെ അവഹേളിക്കുകയും അപമാനിക്കുന്ന വിധത്തിലും സന്ദേശം പ്രചരിപ്പിച്ചതായി സസ്‌പെന്‍ഷന്‍ ഉത്തരവില്‍ പറയുന്നു. "ലഭ്യമായ ജീവിത സൗകര്യങ്ങളില്‍ മറ്റു ജീവനുകള്‍ക്ക് പ്രസക്തി കൊടുക്കാതെ ജോലിയില്‍ പ്രതികാരം മാത്രം കണക്കാക്കി തീര്‍പ്പാക്കുന്ന വ്യക്തികളോട് ഒന്നു മാത്രമേ പറയാനുള്ളൂ. നാളെ നീ എന്ന വ്യക്തിയും പടിയിറങ്ങും അതാണ് കാലത്തിന്‍റെ നീതി. കാലം അതു ഭംഗിയായി നടപ്പിലാക്കും...'എന്നായിരുന്നു എസ്‌ഐ മനോജ്കുമാര്‍ കുറിച്ചിട്ടത്. മുപ്പത് വര്‍ഷത്തിലേറെക്കാലം പോലീസില്‍ സേവനം ചെയ്ത എസ്‌ഐ കൃഷ്ണന്‍ സര്‍വീസില്‍നി ന്നു വിരമിക്കുന്ന ദിവസമായിരുന്നു ഈ കുറിപ്പിട്ടത്. ഈ കുറിപ്പ് എസ്‌ഐ കൃഷ്ണന് മാനസിക പ്രയാസമുണ്ടാക്കിയതിനെ തുടര്‍ന്ന് അദ്ദേഹം പരാതി നല്‍കിയിരുന്നു.

കൊട്ടിയൂരിൽ ഭക്തിനിറവിൽ ഇളനീർവയ്പ്; ഇന്ന് ഇളനീരാട്ടം

കൊട്ടിയൂര്‍: കൊട്ടിയൂർ പെരുമാളുടെ തിരുനടയില്‍ പാരമ്പര്യ അവകാശികളായ തണ്ടയാന്മാര്‍ ഇളനീര്‍ വയ്പു നടത്തി. ഇന്നാണ് ഇളനീരാട്ടം. ഇന്നലെ രാത്രി അക്കരെ കൊട്ടിയൂരില്‍ സമര്‍പ്പിച്ച ഇളനീരുകള്‍ ഇന്നു രാവിലെ മുതല്‍ കാര്യത്ത് കൈക്കോളനും സംഘവും ചേര്‍ന്നു മുഖം ചെത്തി മണിത്തറയില്‍ കൂട്ടും. അഷ്ടമി ആരാധനാ ദിനമായ ഇന്ന് ഉച്ചശീവേലിക്കു ശേഷം വാളറയ്ക്കു മുന്നില്‍ നടത്തുന്ന പുജയ്ക്ക് പന്തീരടി കാമ്പ്രം സ്ഥാനികനാണു കാര്‍മികത്വം വഹിക്കുക. തെയ്യംപാടിയുടെ വീണ വായനയ്ക്കൊപ്പമാണ് പൂജ. കര്‍മങ്ങള്‍ക്കു പ്രധാന സ്ഥാനികരും ഊരാളന്മാരും മാത്രമായിരിക്കും സാക്ഷ്യം വഹിക്കുക. പൂജാ സമയത്ത് പ്രദക്ഷിണ വഴിയായ തിരുവഞ്ചിറയില്‍ ആരും ഇറങ്ങാന്‍ പാടില്ല. രാത്രിയിലാണ് ഇളനീരാട്ടം. ഇന്നലെ രാത്രി പന്തീരടി പൂജ പൂര്‍ത്തീകരിച്ച ശേഷം ഇളനീര്‍വയ്പ് ചടങ്ങുകള്‍ നടത്തി. വീരഭദ്ര വേഷം ധരിച്ച അഞ്ഞൂറ്റാന്‍ തിരുവഞ്ചിറയുടെ കിഴക്കെനടയില്‍ ഒറ്റക്കാലില്‍നിന്ന് ഭക്തരെ അനുഗ്ര ഹിച്ചു. വ്രതമെടുത്ത് കഞ്ഞിപ്പുരകളില്‍ താമസിച്ചുവന്ന വ്രതക്കാര്‍ ഇന്നലെ സന്ധ്യവരെ കൊട്ടിയൂരി ലേക്ക് ഇളനീരുകള്‍ എഴുന്നള്ളിച്ചെത്തി. മന്ദംചേരിയിലെ ബാവലി പുഴയില്‍ മുക്കിച്ചെന നടത്തിയ ശേഷം ഇളനീര്‍ വയ്പിനു മുഹൂര്‍ത്തം കാത്തിരുന്നു. ഇളനീര്‍ വയ്പിനുള്ള രാശി വിളിച്ചതോടെ ഇവര്‍ ഓരോ സംഘമായി ബാവലി പുഴയിലിറങ്ങി കാവടക്കം മുങ്ങി നിവര്‍ന്നാണ് ഇളനീര്‍വയ്പിന് അക്കരെ പ്രവേശിച്ചത്. തട്ടും പോളയും വച്ച സ്ഥാനത്തു മൂന്നു വലംവച്ച് കാവ് സമര്‍പ്പിച്ചു. തുടര്‍ന്ന് ഭണ്ഡാരം പെരുക്കിയശേഷം വീരഭദ്രനെ വണങ്ങി സംഘം മടങ്ങി.

കണ്ണൂർ ടൗൺ സ്റ്റേഷനിൽ വിജിലൻസ് റെയ്ഡ്

കണ്ണൂർ: ടൗൺ പോലീസ് സ്റ്റേഷനിൽ വിജിലൻസ് പരിശോധന. കണ്ണൂർ വിജിലൻസ് ഡിവൈഎസ്പി സുരേഷ് ബാബുവിന്‍റെ നേതൃത്വത്തിലുള്ള സംഘമാണ് പരിശോധന നടത്തിയത്. ഒരു മണിക്കൂറോളം നീണ്ട പരിശോധയിൽ ഒന്നും ലഭിച്ചില്ലെന്നാണ് വിവരം. ടൗൺ എസ്എച്ച്ഒ ശ്രീജിത്ത് കൊടേരി തന്‍റെ ജന്മദിനത്തിൽ ഒരു സുഹൃത്തിൽനിന്ന് സമ്മാനം സ്വീകരിച്ചതിനെതിരെ പി.സി. ജിബിൻ എന്നയാൾ മുഖ്യമന്ത്രി, ഡിജിപി, വിജിലൻസ് ഡയറക്ടർ എന്നിവർക്ക് പരാതി നൽകിയിരുന്നു. പോലീസുദ്യോഗസ്ഥൻ ഇത്തരത്തിൽ സമ്മാനം സ്വീകരിക്കുന്നത് ചട്ടവിരുദ്ധമാണെന്നും സമ്മാനം നൽകിയ വ്യക്തിയുമായുള്ള ബന്ധം അന്വേഷിക്കണമെന്നുമായിരുന്നു പരാതിയിൽ ആവശ്യപ്പെട്ടിരുന്നത്. ഇതിന്‍റെ അടിസ്ഥാനത്തിലാണ് വിജിലൻസ് സംഘം പരിശോധന നടത്തിയത്. സ്പെഷൽ ബ്രാഞ്ച് എസിപിയുടെ നേതൃത്വത്തിലും അന്വേഷണം നടക്കുന്നുണ്ട്.

തെരുവുനായയുടെ പരാക്രമം; നഗരം പരിഭ്രാന്തിയിൽ

കണ്ണൂർ: പട്ടാപ്പകൽ തെരുവുനായയുടെ പരാക്രമം കണ്ണൂർ നഗര ത്തെ പരിഭ്രാന്തിയിലാക്കി. കടിയേറ്റ 56 പേർ കണ്ണൂർ ജില്ലാ ആശുപത്രിയിൽ ചികിത്സ തേടി. നീർക്കടവ് സ്വദേശിയായ പ്ലസ് വൺ വിദ്യാർഥി അവനീത് (16), ഫോർട്ട് റോഡ് ഇന്ത്യൻ കോഫീ ഹൗസ് ജീവനക്കാരൻ കൂത്തുപറമ്പിലെ സിബിൻ (32), മുഴപ്പിലങ്ങാട് സ്വദേശി അബ്ദുൾ നാസർ(63), കൂത്തുപറന്പ് സ്വദേശികളായ മനോഹരൻ (66), കോട്ടായി സഹദേവൻ (61), പി. അയൂബ് (54), തളിപ്പറമ്പ് സ്വദേശികളായ ഗണേഷ് കുമാർ( 55 ), പി.വി. ധനേഷ്കുമാർ (50), എം.ഐ. അഞ്ജന (26), കാങ്കോലിലെ വിജിത്ത് ( 33), വാരം സ്വദേശി സുഷിൽ (30), തമിഴ്നാട് ചിന്നസേലം സ്വദേശി ഭാഗ്യരാജ്(35), മുണ്ടേരിയിലെ റാഷിദ (22) ,അഞ്ചരക്കണ്ടിയിലെ റജിൽ (19), എസ്ബിഐ ജീവനക്കാരൻ രജീഷ് (39), എറണാകുളം സ്വദേശി രവികുമാർ (40), കണ്ണപുരത്തെ ശ്രീലക്ഷ്മി (22), കുറുവ വട്ടക്കുളത്തെ അജയകുമാർ (60), കീഴറയിലെ ഹമീദ് (70), രാമന്തളിയിലെ പവിത്രൻ (71), കടമ്പൂരിലെ അശോകൻ (60), നായാട്ടുപാറയിലെ സീന (52), പുതിയതെരുവിലെ വിജിന (37), കൊട്ടിയൂരിലെ സാജു വാത്യാട്ട് (65), കാഞ്ഞങ്ങാട്ടെ നന്ദന (21 ), മണിക്കടവിലെ ജിനോ (46), കക്കാട് സ്വദേശിനി വി. ഫാത്തിമ റിയ (18), മൂന്നുനിരത്ത് സ്വദേശികളായ കെ.എം.സിബിൻ (32), പി.ജസീല (35), കുറ്റ്യാടിയിലെ വി.പി. രജീഷ് (39), വടകരയിലെ തേജ രാജീവൻ (20), പാലക്കാട്ടെ ജിഷ്ണു നാഗൻ (25), ഏച്ചൂരെ എം. ആരോൺ ഷാജി (16), മാട്ടൂലിലെ എം.വി.കെ.കരീം (65), കണ്ണൂർ സിറ്റിയിലെ കെ.സമീൽ (38), കോളയാട്ടെ ജിബിൻ കുമാർ (26), വേങ്ങാട്ടെ മുഹമ്മദ് (20), മാച്ചേരിയിലെ ആയിഷ (30), ഷഫീഖ് (43), ബർണശേരിയിലെ മണി (65), പയ്യാവൂരിലെ അനൂപ് (33) തുടങ്ങിയവർക്കാണ് കടിയേറ്റത്. അക്രമകാരികളായ നായ്ക്കളെ കൊല്ലാനുള്ള അധികാരം തദ്ദേശ സ്ഥാപനങ്ങൾക്ക് നല്കണം: മേയർ കണ്ണൂർ: പുതിയ ബസ് സ്റ്റാൻഡ് പരിസരത്തു നിന്നും തെരുവ് നായയുടെ ആക്രമണത്തിൽ പരിക്കേറ്റ് ജില്ലാ ആശുപത്രിയിൽ ചികിത്സയിൽ കഴിയുന്നവരെ മേയറും സംഘവും സന്ദർശിച്ചു. ജനങ്ങളുടെ ജീവന് വില കൽപ്പിക്കാത്ത സർക്കാരിന്‍റെ നയമാണ് ഇത്തരം സാഹചര്യങ്ങൾ ഉണ്ടാക്കുന്നതെന്നും അക്രമകാരികളായ നായകളെ കൊല്ലാനുള്ള അധികാരം തദ്ദേശസ്ഥാപനങ്ങൾക്ക് നൽകണമെന്നും മേയർ പറഞ്ഞു. കോർപറേഷന് ചെയ്യാൻ കഴിയുന്ന കാര്യങ്ങൾ ചെയ്തിട്ടുണ്ട്. എബിസി പദ്ധതിക്കായി തുക കൈമാറുകയും ആയത് പ്രകാരം വന്ധ്യംകരണവും വാക്സിനേഷൻ പ്രവൃത്തികളും തുടർന്ന് വരികയും ചെയ്യുന്നുണ്ട്. അക്രമ കാരിയായ നായയെ പിടികൂടി നിരീക്ഷണത്തിൽ വയ്ക്കുന്നതിനുള്ള സജ്ജീകരണവും കോർപറേഷൻ ഏർപ്പെടുത്തിയിട്ടുണ്ടെന്ന് മേയർ പറഞ്ഞു. ഡെപ്യൂട്ടി മേയർ പി. ഇന്ദിര, സ്റ്റാൻഡിംഗ് കമ്മിറ്റി ചെയർമാൻ സിയാദ് തങ്ങൾ കൗൺസിലർ മാരായ കെ.പി അബ്ദുൾ റസാഖ്, പി.വി. ജയസൂര്യൻ, കെ.പി. സാബിറ എന്നിവരും മേയർക്കൊപ്പം ഉണ്ടായിരുന്നു.

എടക്കോത്ത് അഞ്ചു പശുക്കൾ ഷോക്കേറ്റ് ചത്തു

പെരുമ്പടവ്: എടക്കോം കണാരംവയലിൽ അഞ്ചു പശുക്കൾ ഷോക്കേറ്റ് ചത്തു. എടക്കോം പാൽ സൊസൈറ്റി ഡയറക്ടർ ചെറുവക്കോടൻ ശ്യാമളയുടെ പശുക്കളാണ് ചത്തത്. ഇതിൽ രണ്ടെണ്ണം ജേഴ്സി ഇനത്തിലും മൂന്നെണ്ണം എച്ച്എഫ് ഇനത്തിൽപ്പെട്ടതുമാണ്. ഇന്നലെ പുലർച്ചെ 3.45ന് പശു തൊഴുത്തിലേക്ക് കറവക്കായി ശ്യാമള എത്തിയപ്പോഴാണ് പശുക്കളെ ചത്ത നിലയിൽ കാണുന്നത്. ലൈറ്റുകൾ കത്താത്തിനെ തുടർന്ന് പിൻ മാറ്റിക്കുത്തിയപ്പോൾ ശ്യാമളയ്ക്ക് ചെറിയതോതിൽ ഷോക്കേറ്റു. വെളിച്ചം തെളിഞ്ഞപ്പോൾ പശുക്കളെ തൊഴുത്തിൽ കിടക്കുന്ന നിലയിൽ കാണുകയും ചെയ്തു. ശ്യാമള ഇവയെ പേരു ചൊല്ലി വിളിച്ചെങ്കിലും എഴുന്നേൽക്കാത്തതിനെ തുടർന്ന് ഭർത്താവ് ദാമോദരനെ വിളിച്ചു. ഇരുവരും ചേർന്ന് പശുക്കളെ എഴുന്നേൽപ്പിക്കാൻ നോക്കിയപ്പോഴാണ് ഇരുവർക്കും ക്ഷോക്കേൽക്കുന്നതും പശുക്കൾ ചത്തതായി മനസിലാകുന്നതും. അഞ്ചു പശുക്കളിൽ നിന്നായി പ്രതിദിനം 55 ലിറ്റർ പാൽ ലഭിക്കുന്നതായിരുന്നു. പശുക്കളുടെ കിടാങ്ങളെ തൊഴുത്തിന് പുറത്ത് കെട്ടിയിരുന്നതിനാൽ അവയ്ക്ക് ഷോക്കേറ്റില്ല. പശുത്തൊഴുത്ത് വീട്ടിൽനിന്നും കുറച്ച് ദൂരത്താണ്. മേൽക്കൂര ഇരുമ്പ് പൈപ്പും ഷീറ്റും ഉപയോഗിച്ച് ഇട്ടതാണ്. ഇതിൽ എങ്ങനെയോ വൈദ്യുതി സർക്യൂട്ട് ബ്രേക്ക് ആയതാകാം പശുക്കളുടെ മരണത്തിന് കാരണമെന്നാണ് സൂചന. ഇന്നലെ രാവിലെ ഒന്പതോടെ പാടിച്ചാൽ മൃഗാശുപത്രിയിലെ സർജൻ ഡോ. അർജുൻ, പെരുമ്പടവ് മൃഗാശുപത്രിയിലെ ഡോ. റോഷിൻ, കടന്നപ്പള്ളിയിലെ ഡോ. നിധിൻ എന്നിവർ സ്ഥലത്തെത്തുകയും പോസ്റ്റുമോർട്ടം നടത്തുകയും ചെയ്തു. ഇന്നലെ ഉച്ചകഴിഞ്ഞു മൂന്നോടെ നാട്ടുകാരുടെ ശ്രമഫലമായാണ് അഞ്ചു പശുക്കളെയും കുഴിച്ചുമൂടി യത്. പശുക്കളിൽ നിന്നുള്ള വരുമാനമായിരുന്നു ഈ കുടുംബത്തിന്‍റെ ഏക ആശ്രയം. കെഎസ്ഇബി അധികൃതരും സ്ഥലത്തെത്തി അന്വേഷണം നടത്തി.

മാർ സെബാസ്റ്റ്യൻ വള്ളോപ്പിള്ളി ഭവനപദ്ധതി: അഞ്ചു വീടുകൾ കൈമാറി

ചിറ്റാരിക്കാൽ: ഇല്ലാത്തവനെ സഹായിക്കുമ്പോൾ നമ്മൾ ക്രിസ്തുവിനെ തന്നെയാണ് സഹായിക്കുന്നതെന്ന് തലശേരി ആർച്ച്ബിഷപ് മാർ ജോസഫ് പാംപ്ലാനി. തലശേരി അതിരൂപത പ്ലാറ്റിനം ജൂബിലി ആഘോഷങ്ങുടെ ഭാഗമായി മാർ സെബാസ്റ്റ്യൻ വള്ളോപ്പിള്ളി ആയിരം ഭവനനിർമാണ പദ്ധതിയോടു ചേർന്ന്‌ തലശേരി അതിരൂപത സോഷ്യൽ സർവീസ് സൊസൈറ്റി, ബയോ മൗണ്ടൻ ഫാർമേഴ്സ് പ്രൊഡ്യൂസർ കമ്പനി എന്നിവയുടെ നേതൃത്വത്തിൽ ഗോക്കടവിൽ പണി തീർത്ത അഞ്ചു വീടുകളുടെ ആശീർവാദവും താക്കോൽദാനവും നിർവ്വഹിച്ച് പ്രസംഗിക്കുകയായിരുന്നു അദ്ദേഹം. സുവിശേഷം അക്ഷരാർത്ഥത്തിൽ പ്രയോഗികതലത്തിൽ എത്തിക്കുന്നു എന്നതിന്‍റെ നേർക്കാഴ്ചയാണ് ഈ ചടങ്ങ്. നല്ല മനസുകളിൽ നിന്നുണ്ടാകുന്ന സുന്ദരമായ ആശയങ്ങളോടൊപ്പം സുമനസുകളുടെ കൂടിച്ചേരലുകുടിയാകുമ്പോഴാണ് ഇത്തരം പദ്ധതികൾ പുർണ്ണമാകുന്നതെന്നും അദ്ദേഹം പറഞ്ഞു. പഞ്ചായത്ത് പ്രസിഡന്‍റ് ജോസഫ് മുത്തോലി അധ്യക്ഷതവഹിച്ചു. തോമാപുരം ഫൊറോന വികാരി റവ.ഡോ. മാണി മേൽവെട്ടം, എകെസിസി ഗ്ലോബൽ ഡയറക്ടർ റവ.ഡോ. ഫിലിപ്പ് കവിയിൽ, ബയോ മൗണ്ടൻ ഫാർമേഴ്സ് പ്രൊഡ്യൂസർ കമ്പനി മാനേജിക് ഡയറക്ടർ ബെന്നി നിരപ്പേൽ, കരുവഞ്ചാൽ സെന്‍റ് ജോസഫ് ഹോസ്പിറ്റൽ ഡയറക്ടർ ഫാ.സാബു പുതുശേരിൽ, എകെസിസി അതിരൂപത പ്രസിഡന്‍റ് ഫിലിപ്പ് വെളിയത്ത്, ഷിജിത്ത് കുഴിവേലിൽ എന്നിവർ പ്രസംഗിച്ചു. ഭവന നിർമ്മാണത്തിനായി സഹായിച്ച സ്ഥാപനങ്ങളെയും വ്യക്തികളെ ഉപഹാരങ്ങൾ നൽകി ആദരിച്ചു. സാജൻ മലേപ്പറമ്പിൽ സൗജ്യമായി നൽകിയ ഒരേക്കർ സ്ഥലത്ത് പണിയുന്ന 9 വീടുകളിൽ പണി പൂർത്തിയായ അഞ്ചു വീടുകളാണ് ഇന്നലെ കൈമാറിയത്. 10 സെന്‍റ് വീതം സ്ഥലത്താണ് ഓരോ വീടുകളും നിർമിച്ചിട്ടുള്ളത്.

ഇരിട്ടിയിൽ സിഗ്നൽ ലൈറ്റുകൾ കണ്ണടച്ചു: ദുരിതത്തിലായി യാത്രക്കാർ

ഇരിട്ടി: ഇരിട്ടിയിലേക്ക് പ്രവേശിക്കുന്ന രണ്ട് പ്രധാന കവാടങ്ങളിലും ട്രാഫിക് സിഗ്നൽ ലൈറ്റുകൾ പ്രവർത്തിക്കാതായതോടെ ഗതാഗത കുരുക്ക് രൂക്ഷം. വാഹനങ്ങൾ മണിക്കൂറുകളോളമാണ് ഇവിടെ കുടുങ്ങി കിടക്കുന്നത്. ഇരിട്ടി ടൗണിൽ പുതിയ പാലം, പയഞ്ചേരി മുക്ക് എന്നിവിടങ്ങളിലെ സിഗ്നൽ ലൈറ്റുകളാണ് പ്രവർത്തിക്കാതായത്. തലശേരി വളവുപാറ റോഡ് നവീകരിച്ചപ്പോഴാണ് രണ്ടിടത്തും സിഗ്നൽ ലൈറ്റുകൾ സ്ഥാപിച്ചത്. ഇരിട്ടി പുതിയ പാലത്തിനു സമീപത്തെ സിഗ്നലുകൾ സ്ഥാപിച്ച അന്നുമുതൽ കൃത്യമായി പ്രവർത്തിച്ചിരുന്നില്ലെന്ന ആക്ഷേപം ഉയരുന്നുണ്ട്. പ്രവർത്തനം നിലയ്ക്കുന്പോൾ കെൽട്രോണിൽ നിന്നുള്ള ടെക്നീഷ്യൻ എത്തി നേരെയാക്കുമെങ്കിലും ദിവസങ്ങൾക്കുള്ളിൽ ഇത് വീണ്ടും നിശ്ചലമാകുന്ന സ്ഥിതിയാണ്. പുതിയ പാലത്തിൽ നിലവിൽ ഒരുവർഷത്തോളമായി സിഗ്നൽ ലൈറ്റുകൾ മിഴിയടച്ചിരിക്കുകയാണ്. ആറുമാസം മുന്പ് പ്രവർത്തന രഹിതമായ പയഞ്ചേരിയിലുള്ള ലൈറ്റുകൾ ഒരുതവണ നേരെയാക്കിയെങ്കിലും വീണ്ടും പ്രവർത്ത രഹിതമായി. കൊട്ടിയൂർ ഉത്സവം ആരംഭിച്ചതോടെ പയഞ്ചേരിമുക്കിലെ ഗതാഗത കുരുക്ക് ശമനമില്ലാതെ തുടരുകയാണ്. കുട്ടുപുഴ-കീഴ്പള്ളി റൂട്ടിൽ നിന്നും ഉളിക്കൽ- തളിപ്പറമ്പ് റൂട്ടിൽ നിന്നും ഇരിട്ടി നഗരത്തിലേക്കും ഇതേ റൂട്ടുകളിലേക്ക് തിരികെയും പോകേണ്ട വാഹനങ്ങൾ ഒരേ സമയം പുതിയ പാലം സിഗ്നലിൽ എത്തുമ്പോൾ ഗതാഗത കുരുക്കിൽപ്പെടുന്നത് നിത്യസംഭവമായിരിക്കുകയാണ്. പുതിയ പാലം സിഗ്നൽ എന്ന് നന്നാക്കുമെന്ന യാത്രക്കാരുടെ ചോദ്യത്തിന് അത് ഏറെ കുറെ ഉപേക്ഷിച്ചമട്ടാണെന്നാണ് അധികൃതരുടെ മറുപടി. അതേ സമയം പഴ ബസ് സ്റ്റാൻഡിൽ നിന്ന് പുതിയ ബസ് സ്റ്റാൻഡിലേക്ക് പ്രവേശിക്കുന്ന ജംഗ്ഷനിൽ സിഗ്നൽ ലൈറ്റുകൾ സ്ഥാപിക്കാത്തത് അന്തർസംസ്ഥാന പാതയിൽ ഗതാഗതകുരുക്കിന് കാരണമാകുന്നുണ്ട്.

അയ്യൻകുന്നിൽ കാട്ടാനക്കൂട്ടം വ്യാപകമായി കൃഷി നശിപ്പിച്ചു

ഇരിട്ടി: അയ്യൻകുന്ന് പാറയ്ക്കാമലയിലെ ജനവാസമേഖലയിൽ ഇറങ്ങിയ കാട്ടാനക്കൂട്ടം വ്യാപകമായി കൃഷി നശിപ്പിച്ചു. ദേവസ്യ ചാമക്കാലായിൽ, ബിജു ചാമക്കാലായിൽ, തോമസ് മച്ചേരിക്കാലയിൽ, ജോണി ആലഞ്ചേരി, സാബു ആലഞ്ചേരി തുടങ്ങിയ കർഷകരുടെ വാഴ, തെങ്ങ്, കമുക്, കശുമാവ് എന്നിവയാണ് നശിപ്പിച്ചത്. വനപാലക സംഘമെത്തിയാണ് ആനക്കൂട്ടത്തെ വനത്തിലേക്ക് തുരത്തിയത്. കഴിഞ്ഞ രാത്രി കൊട്ടിയൂർ വനമേഖലയിൽ നിന്നെത്തിയ ആനകളാണ് നാശം ഉണ്ടാക്കിയതെന്നാണ് പ്രദേശവാസികൾ പറയുന്നത്. മേഖലയിൽ ഇരുപതിലധികം കുടുംബങ്ങൾ താമസിക്കുന്നുണ്ട്. കനത്ത മഴയായതിനാൽ സംഭവം ആരുടേയും ശ്രദ്ധയില്‌പെട്ടിരുന്നില്ല. തിങ്കാളാഴ്ച്ച പുലർച്ചെയോടെയാണ് സംഭവം വീട്ടുകാർ അറിയുന്നത്. ബാരാപോൾ പുഴ കടന്നാണ് ഇവിടത്തേയ്ക്ക് ആനകൾ എത്തുന്നത്. ആനക്കൂട്ടം നശിപ്പിച്ച കൃഷിയിടം പഞ്ചായത്ത് പ്രസിഡന്‍റ് കുര്യാച്ചൻ പൈമ്പള്ളിക്കുന്നേലിന്‍റെ നേതൃത്വത്തിൽ അംഗങ്ങളായ ബിജോയി പ്ലാത്തോട്ടം, സീമാ സനോജ്, ഐസക് ജോസഫ്, സജി മച്ചിത്താനി, സെലീന ബിനോയി, സക്കീർ ഹുസൈൻ എന്നിവർ സ്ഥലം സന്ദർശിച്ചു ജനവാസ മേഖലയിലുള്ള കാട്ടാനകളെ ഉടൻ വനത്തിലേക്ക് തുരത്തണമെന്ന് ജനപ്രതിനിധികൾ ആവശ്യപ്പെട്ടു. ഇക്കാര്യത്തിന് വനപാലകർക്കൊപ്പം നാട്ടുകാരുടെ സഹായവും ജനപ്രതിനിധികൾ വാഗ്ദാനം ചെയ്തു. വനം ആർആർടിയുടെ നേതൃത്വത്തിൽ മേഖലയിൽ പരിശോധന ശക്തമാക്കി. ഇരിട്ടി സെക്ഷൻ ഫോറസ്റ്റർ സുനിൽകുമാറിന്‍റെ നേതൃത്വത്തിലുള്ള വനപാലക സംഘവും സ്ഥലത്തെത്തി ആനയുടെ സഞ്ചാര പാത പരിശോധിച്ചു.

മഴ തുടരുന്നു; നാശവും

കണ്ണൂർ: ശക്തമായ മഴയിൽ ജില്ലയിൽ വ്യാപക നാശനഷ്ടടം. മലയോര മേഖലയിലടക്കം പല സ്ഥലങ്ങളിലും മരം വീണ് വീടുകൾ ഭാഗികമായി തകർന്നു. മതിലിടിഞ്ഞ് വീണ് വീടുകൾക്ക് കേടുപാടുകൾ പറ്റി. മരം വീണ് ഗതാഗതം സ്തംഭിക്കുകയും വൈദ്യുതി ബന്ധം നിലയ്ക്കുകയും ചെയ്തു. വിവിധ സ്ഥലങ്ങളിൽ വെള്ളം കയറിയതിനെ തുടർന്ന് പുഴയോരത്ത് താമസിക്കുന്നവരെ മാറ്റി താമസിപ്പിച്ചു. പന്നിയൂരിൽ കൂവങ്കുന്നില്‍ പുഞ്ചയില്‍ ജെയിംസിന്‍റെ വീടിനു മുകളില്‍ തെങ്ങ് വീണ് കുടുംബത്തിലെ നാലുപേര്‍ക്ക് പരിക്കേറ്റു. ഇന്നലെ രാവിലെ ഒന്പതോടെയായിരുന്നു അപകടം. പരിക്കേറ്റ നാലുപേരേയും തളിപ്പറന്പ് സഹകരണാശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ലന്ന് പന്നിയൂര്‍ വില്ലേജ് ഓഫീസര്‍ ബിനില്‍ ആന്‍റണി അറിയിച്ചു. കൊളേച്ചരി സ്വദേശിനി സരോജിനി കോക്കമണിയുടെ വീടിന് മുകളിലേക്ക് മതിലിടിഞ്ഞ് വീണ് വീടിന് വിള്ളൽ സംഭവിച്ചു. ചേലേരി സി.വി ആരിഫയുടെ വീടിന്‍റെ മതില്‍ തകര്‍ന്ന് തൊട്ട് അടുത്തുള്ള സാജിദിന്‍റെ പണി പൂര്‍ത്തിയാകാത്ത വീടിനും അബ്ദുള്‍ മജീദിന്‍റെ വീടിനും നാശനഷ്ടം പറ്റി. രണ്ടു വീട്ടുകാരോടും മാറി താമസിക്കാന്‍ തളിപ്പറമ്പ് തഹസില്‍ദാര്‍ പി. സജീവന്‍ നിര്‍ദേശം നല്‍കി. മയ്യില്‍ വില്ലേജ് വള്ളിയോട്ട് സി.വി സദാനന്ദനന്‍റെ വീടിന് മതില്‍ ഇടിഞ്ഞു വീണ് ഭാഗിക നഷ്ടം സംഭവിച്ചു. നഗരത്തിലെ വിവിധ ഭാഗങ്ങളിൽ വെള്ളക്കെട്ട് രൂക്ഷമായി.പഴയ ബസ് സ്റ്റാൻഡ്ഓവർ ബ്രിഡ്ജ്, റെയിൽവേ സ്റ്റേഷൻ പരിസരം, മുനീശ്വരൻ കോവിൽ പരിസരം, കണ്ണൂർ യൂണിവേഴ്സിറ്റിക്ക് സമീപം തുടങ്ങി പല സ്ഥലങ്ങളിലും രൂക്ഷമായ വെള്ളക്കെട്ടാണ് രൂപപ്പെട്ടത്. പയ്യന്നൂർ: പയ്യന്നൂർ നഗരസഭയിലും കരിവെള്ളൂർ - പെരളം, രാമന്തളി പഞ്ചായത്തകളിലും വിവിധ പ്രദേശങ്ങളിൽ വീടുകളിൽ വെള്ളം കയറി. ഇതേ തുടർന്ന് ഇവർ ബന്ധുവീടുകളിലേക്ക് താമസം മാറിയിട്ടുണ്ട്. തായിനേരി കാരയിലെ എം. ശോഭയുടെ വീടിന്‍റെ ഒരുഭാഗം കനത്ത മഴയിൽ തകർന്നു. രാമന്തളി സർവീസ് സഹകരണ ബാങ്കിനും സമീപത്തെ ശാന്തയുടെ വീടിനു മുകളിൽ മരം വീണ് വീട് ഭാഗികമായി തകർന്നു. കാനായി മീങ്കുഴി ഡാം കരകവിഞ്ഞു. ഡാമിനു മുകളിൽ വെള്ളം കയറിയതിനാൽ ഇതുവഴിയുള്ള ഗതാഗതം തടസപ്പെട്ടു. കാനായി, മണിയറ, ചന്തപ്പുര, തോട്ടംകടവ്, പരവന്തട്ട, കവ്വായി, വെള്ളൂർ, തായിനേരി, അന്നൂർ, കണ്ടോത്ത് പങ്ങടം തുടങ്ങി വിവിധ പ്രദേശങ്ങളിൽ വീടുകൾക്കു ചുറ്റും വെള്ളമുയർന്നിട്ടുണ്ട്. ആളുകളെ മാറ്റി പാർപ്പിക്കേണ്ടി വന്നാൽ അതിനുള്ള ഒരുക്കങ്ങൾ നടത്തിയി ട്ടുണ്ടെന്ന് പ്രദേശങ്ങൾ സന്ദർശിച്ച ശേഷം നഗരസഭ ചെയർമാൻ കെ.വി. ലളിത പറഞ്ഞു. രാമന്തളി പഞ്ചായത്തിൽ ശക്തമായ മഴയിലും കാറ്റിലും മരങ്ങൾ പൊട്ടി വീണും മറ്റും വൈദ്യുതി കമ്പികളും തൂണുകളും മറ്റും തകർന്നിട്ടുണ്ട്. പലയിടത്തും വൈദ്യുതി ബന്ധം പുനസ്ഥാപിക്കുന്ന തിനായി കെഎസ്ഇബി ജീവനക്കാർ ശ്രമം തുടരുകയാണ്.

പയ്യന്നൂർ സെൻട്രൽ ബസാർ ജംഗ്ഷൻ വികസനം: ഭൂമി ഏറ്റെടുക്കാൻ നടപടി

പയ്യന്നൂർ: സെൻട്രൽ ബസാർ ജംഗ്ഷൻ വികസനവുമായി ബന്ധപ്പെട്ട് ഭൂമി ഏറ്റെടുക്കൽ നടപടികൾക്ക് തുടക്കമായി. ആദ്യഘട്ടമായി കേരള റോഡ് ഫണ്ട് ബോർഡ് (കെആർഎഫ്ബി) തയാറാക്കിയ അലൈൻമെന്‍റ് പ്രകാരമുള്ള ഏറ്റെടുക്കേണ്ട ഭൂമി കണ്ടെത്തുന്നതിനായുള്ള കല്ലിടൽ പ്രവൃത്തി ആരംഭിച്ചു. രണ്ട് ദിവസത്തിനകം ഇത് പൂർത്തിയാക്കും. കല്ലിടൽ പൂർത്തിയാക്കിയ ശേഷം ഏറ്റെടുക്കേണ്ട ഭൂമിയുടെ ഡ്രോയിംഗ് തയാറാക്കി റവന്യൂ വിഭാഗത്തിന് കൈമാറും. തുടർന്ന് സമയബന്ധിതമായി നടപടികൾ സ്വീകരിക്കും. ആദ്യം തയാറാക്കിയ അലൈൻമെന്‍റിൽ നിന്നും ഏറ്റെടുക്കേണ്ട സ്ഥലത്തിന്‍റെ അളവ് കുറച്ചാണ് പുതിയ അലൈൻമെന്‍റ് തയാറാക്കിയത്. ടി.ഐ. മധുസൂദനൻ എംഎൽഎ കല്ലിടുന്ന പ്രദേശം സന്ദർശിച്ചു.

അർബുദ ബോധവത്കരണ ക്ലാസ് നടത്തി

കേളകം: ലോക പുകയില വിരുദ്ധ ദിനാചരണത്തോടനുബന്ധിച്ച് ഭാരതീയ വ്യാപാരി വ്യവസായി സംഘം കേളകം യൂണിറ്റിന്‍റെ ആഭിമുഖ്യത്തിൽ തലശേരി മലബാർ കാൻസർ സെന്‍റർ -പോസ്റ്റ് ഗ്രാജു‌വേറ്റ് ഓങ്കോളജി സയൻസ് ആൻഡ് റിസേർച്ചിന്‍റെ സഹകരണത്തോടെ അർബുദ ബോധവത്കരണ ക്ലാസ് നടത്തി. കാൻസറിനെതിരേ ബോധവത്കരണ പരിപാടിയും എസ്എസ്എൽസി, പ്ലസ്ടു പരീക്ഷകളിൽ ബിവിവിഎസ് മെംബർമാരുടെ മക്കളിൽ ഉന്നത വിജയം നേടിയവരെ ആദരിക്കലുമാണ് നടത്തിയത്. കേളകം ബിവിവിഎസ് ഓഫീസിൽ ശാലേം പള്ളി വികാരി ഫാ. എ.കെ. എൽദോ ഉൽഘാടനം ചെയ്തു. ബിവിവിഎസ് യൂണിറ്റ് പ്രസിഡന്‍റ് രവീന്ദ്രൻ നായർ അധ്യക്ഷത വഹിച്ചു. ഡോ. എ.പി. നീതു, ഡോ. ഫിൻസ് എം. ഫിലിപ്പ് എന്നിവർ ക്ലാസെടുത്തു. ബിവിവിഎസ് കേളകം യൂണിറ്റ് സെക്രട്ടറി എം.സി. സിബിച്ചൻ, വൈസ് പ്രസിഡന്‍റ് ഷാജി പാമ്പാടി, അലക്സ് പാമ്പാടി, ജില്ലാ വൈസ് പ്രസിഡന്‍റ് ടിന്‍റോ ലാവണ്യ, താലൂക്ക് പ്രസിഡന്‍റ് ബാലകൃഷ്ണൻ, ബിജെപി മണ്ഡലം പ്രസിഡന്‍റ് സന്തോഷ് സ്റ്റീഫൻ, മനോജ് ക്ലാസിക് തുടങ്ങിയവർ പ്രസംഗിച്ചു.

കേരളത്തിലെ മുഴുവൻ വീടുകളിലും ശുദ്ധീകരിച്ച കുടിവെളളമെത്തിക്കും: റോഷി അഗസ്റ്റിൻ

തലശേരി: കേരളത്തിലെ മുഴുവൻ വീടുകളിലും ശുദ്ധീകരിച്ച കുടിവെളളമെത്തിക്കുകയാണ് സർക്കാർ ലക്ഷ്യമിടുന്നതെന്ന് മന്ത്രി റോഷി അഗസ്റ്റിൻ. തലശേരി മണ്ഡലം ആദ്യഘട്ടത്തിൽ തന്നെ ഏറെ മുന്നേറിയെന്നും അദ്ദേഹം പറഞ്ഞു. തലശേരി നഗരസഭ 26-ാം വാർഡിലെ നവീകരിച്ച കാരാൽതെരു ശ്രീമഹാഗണപതി ക്ഷേത്രക്കുളത്തിന്‍റെ ഉദ്ഘാടനം നിർവഹിച്ചു പ്രസംഗിക്കുകയായിരുന്നു മന്ത്രി. ഇന്ന് കേരളത്തിൽ 44 ലക്ഷം കുടുംബങ്ങളിൽ കുടിവെള്ളമെത്തിക്കാൻ സാധിച്ചുവെന്നും മന്ത്രി റോഷി അഗസ്റ്റിൻ പറഞ്ഞു. നിയമസഭാ സ്പീക്കർ എ.എൻ. ഷംസീർ അധ്യക്ഷത വഹിച്ചു. സബ് കളക്ടർ കാർത്തിക് പാണിഗ്രാഹി, നഗരസഭാ ചെയർപേഴ്‌സൺ കെ.എം. ജമുനാറാണി എന്നിവർ മുഖ്യാതിഥികളായിരുന്നു. 65 ലക്ഷം രൂപയുടെ ഭരണാനുമതിയാണ് കുളം നവീകരണത്തിനായി ജലസേചന വിഭവ വകുപ്പ് അനുവദിച്ചത്. ഒന്പത് ലക്ഷം ലിറ്റര്‍ ജലം സംഭരിച്ചു വയക്കാവുന്ന രീതിയാലാണ് കുളം നിര്‍മിച്ചത്. 52.61 ലക്ഷം രൂപയാണ് ഇതുവരെയുള്ള നിര്‍മാണ ചെലവ്. സംഭരിക്കുന്ന ജലം കൃഷി ആവശ്യങ്ങള്‍ക്കും പൊതുജനാവശ്യങ്ങള്‍ക്കും ഉപയോഗിക്കാന്‍ കഴിയും. ചടങ്ങിൽ വെച്ച് നീറ്റ് പരീക്ഷയിൽ മികച്ച വിജയം നേടിയ അശ്വന്ത് ബാബുവിനെ സ്പീക്കർ ഉപഹാരം നൽകി ആദരിച്ചു. കുടിവെള്ള പദ്ധതി നിർമാണം വേഗത്തിലാക്കണം കണ്ണൂർ: തലശേരി മണ്ഡലത്തിലെ കുടിവെള്ള പദ്ധതികൾ സമയബന്ധിതമായി പൂർത്തിയാക്കാൻ മന്ത്രി റോഷി അഗസ്‌റ്റിൻ നിർദേശിച്ചു. നഗരസഭ ഹാളിൽ മണ്ഡലത്തിലെ കുടിവെള്ള പദ്ധതികളുടെ അവലോകന യോഗത്തിൽ സംസാരിക്കുകയായിരുന്നു മന്ത്രി. മഴക്കാലമായാലും പ്രവൃത്തി തുടരാൻ ഉദ്യോഗസ്ഥർ ഇടപെടണം. പ്ലാന്‍റ് നിർമാണവും ടാങ്ക്‌ പ്രവൃത്തിയുമെല്ലാം മഴക്കാലത്തും നടത്തണം. പൈപ്പിടാൻ കുഴിയെടുത്ത റോഡുകൾ പൂർവസ്ഥിതിയിലാക്കാൻ കാലതാമസമുണ്ടാവരുതെന്നും മന്ത്രിപറഞ്ഞു. കുടിവെള്ള പദ്ധതി നിർമാണ പ്രവൃത്തിക്ക്‌ വേഗം പോരെന്നും ഉദ്യോഗസ്ഥർ ഇടപെട്ട്‌ നിർമാണ പ്രവൃത്തി വേഗത്തിലാക്കണമെന്നും നിയമസഭ സ്‌പീക്കർ എ.എൻ. ഷംസീർ പറഞ്ഞു. തലശേരി നഗരസഭയിലെയും വിവിധ പഞ്ചായത്തുകളിലെയും ജലജീവൻ മിഷൻ, അമൃത്‌ പദ്ധതികളുടെ പ്രവർത്തന പുരോഗതി സൂപ്രണ്ടിംഗ് എൻജിനിയർ കെ. സുദീപ്‌ വിശദീകരിച്ചു.

കൊട്ടിയൂർ ഗതാഗതക്കുരുക്കിൽപ്പെട്ട് കുഞ്ഞു മരിച്ചത് സർക്കാർ സ്പോൺസേർഡ് കൊലപാതകം: യൂത്ത് കോൺഗ്രസ്

കേളകം: കൊട്ടിയൂരിൽ ഗതാഗതക്കുരുക്കിൽ ആബുലൻസ് കുടുങ്ങി ആശുപത്രിയിൽ എത്തിക്കാനാ വാതെ കുഞ്ഞു മരിച്ചത് സർക്കാർ വരുത്തിവച്ച മരണമാണെന്ന് യൂത്ത് കോൺഗ്രസ് പേരാവൂർ നിയോജക മണ്ഡലം കമ്മിറ്റി പ്രസ്താവനയിൽ അറിയിച്ചു. വൈശാഖ മഹോത്സവ കാലത്ത് ഇന്ത്യ യുടെ വിവിധ ഭാഗങ്ങളിൽ നിന്ന് ലക്ഷക്കണക്കിന് ഭക്തജനങ്ങൾ ഒഴുകിയെത്തുന്ന കൊട്ടിയൂരിൽ മതിയായ ഗതാഗത സംവിധാന ഏർപ്പെടുത്തുന്നതിൽ അധികാരികൾ പൂർണ പരാജയമാണെന്നും യൂത്ത് കോൺഗ്രസ് കുറ്റപ്പെടുത്തി. കൊട്ടിയൂരിലെ ഗതാഗത തടസം ഒഴിവാക്കാൻ വൺവേ സംവിധാനം പ്രാവർത്തികമാക്കുക, ബസുകൾ പോലെ വലിയ വാഹനങ്ങള തിരക്ക് അനുസരിച്ച് നെടുംപോയിൽ, പേരാവൂർ, കേളകം എന്നിവിടങ്ങ ളിൽ പാർക്ക് ചെയ്യിച്ച് കൊട്ടിയൂരിലേക്ക് ഷട്ടിൽ കെഎസ്ആർടിസി സർവീസ് ഏർപ്പെടുത്തുക എന്നീ നിർദേശങ്ങൾ യൂത്ത് കോൺഗ്രസ് ജില്ല കളക്ടർക്ക് സമർപ്പിച്ചു. കൂടാതെ പേരാവൂർ മുതൽ കൊട്ടിയൂർ വരെ ശക്തമായ ഗതാഗത തിരക്ക് ഉണ്ടാകും എന്നറിഞ്ഞിട്ടും ജലജീവൻ പദ്ധതിക്ക് വേണ്ടിയും മറ്റും റോഡിന്‍റെ അരികിൽ കുഴികൾ കുഴിച്ചതും പൊതുമരാമത്ത് വകുപ്പിന്‍റെ പരാജയമാണെന്ന് നേതാക്കൾ ആരോപിച്ചു. മണ്ഡലം പ്രസിഡന്‍റ് നിധിൻ നടുവനാട്, നേതാക്കളായ വിപിൻ ജോസഫ് , ജിബിൻ ജെയ്സൺ, അബ്ദുൾ റഷീദ്, നിവിൽ മാനുവൽ എന്നിവർ അറിയിച്ചു.

സർവീസിൽനിന്ന് വിരമിച്ചവർക്ക് ആദരവ്

തേർത്തല്ലി: മേരിഗിരി ഹൈസ്‌കൂളിലെ 1983-84 എസ്എസ്എൽസി ബാച്ചായ ‘ദോസ്തന-84 വിവിധ സർവീസിൽ നിന്ന് വിരമിച്ച അംഗങ്ങളെ ആദരിച്ചു. സെന്‍റ് തോമസ് ഹൈസ്കൂൾ മുഖ്യധ്യാപിക മിനിമോൾ പി. സിറിയക്, കണ്ണൂർ സബ് ഇൻസ്പെക്ടർ സെബാസ്റ്റ്യൻ ജോസഫ്, തളിപ്പറന്പ് റവന്യു ഡിവിഷൻ ക്ലർക്കായിരുന്ന സി.ജെ. മാനുവൽ, കാഞ്ഞങ്ങാട് സബ് രജിസ്ട്രാർ കെ.ജെ. തോമസ്, തയ്യന്നൂർ ഗവ. ഹൈസ്കൂളഅ് അധ്യാപിക സുജ ജോർജ്, കണിയഞ്ചാൽ ഗവ. ഹൈസ്കൂൾ അധ്യാപകൻ ജോമോൻ ജോസ്,എൽഎസ്ജിഡി ഡപ്യൂട്ടി ഡയറക്ടർ ഷാജി ജോസഫ് എന്നിവരെയാണ് ആദരിച്ചത്. പ്രസിഡന്‍റ് സിബി പന്തപ്പാട്ട് അധ്യക്ഷത വഹിച്ചു. തോമസ് ചാവനാലിൽ, കെ. എം.ഷാജു, ജോയി ജോസഫ്, ഷീന ജേക്കബ്, അനിത രാജൻ, മാർട്ടിൻ തോമസ്, ആൽബർട്ട് തടത്തിൽ, എൻ.ടി. സാജു, വി.പി.പ്രകാശൻ, രാജു കടക്കുഴി, ജയിംസുകുട്ടി വടക്കേമുറി, കെ.ജെ.ബിനിൽ, സാലി ജോൺ,വി.എസ്.ജിജിമോൾ എന്നിവർ പ്രസംഗിച്ചു.

ചെറുപുഴയിൽ പുകയില വിമുക്ത സ്കൂൾ പദ്ധതി

ചെറുപുഴ: ചെറുപുഴയിലെ വിവിധ കേന്ദ്രങ്ങൾ ലഹരി ഹോട്സ്പോട്ടായി പോലീസും എക്‌സൈസും കണ്ടെത്തിയ സാഹചര്യത്തിൽ വിദ്യാലയങ്ങൾ കേന്ദ്രീകരിച്ചു ലഹരി വിരുദ്ധ പ്രവർത്തനങ്ങൾ ശക്തമാക്കാൻ ചെറുപുഴയിൽ ചേർന്ന പഞ്ചായത്ത്‌, ആരോഗ്യം, പോലീസ്, എക്സൈസ്‌, സ്കൂൾ, കോളജ് അധികൃതരുടെ യോഗത്തിൽ തീരുമാനിച്ചു. വിദ്യാഭ്യാസ സ്ഥാപനങ്ങളുടെ100 മീറ്റർ ചുറ്റളവിൽ പുകയില ഉത്പന്നങ്ങൾ വില്പന നടത്തുക,18 വയസിൽ താഴെയുള്ള കുട്ടികൾക്കു പുകയില ഉത്പന്നങ്ങൾ വില്പന നടതുന്നവർ എന്നിവർക്കെ തിരേ കർശന നടപടി സ്വീകരിക്കാൻ യോഗം തീരുമാനിച്ചു. സ്കൂൾ പരിസരത്തെ കടകളിൽ പോലീസ്, എക്സൈസ്, ആരോഗ്യവകുപ്പ് തല സംയുക്ത പരിശോധന നടത്തും. വിദ്യാഭ്യാസ സ്ഥാപനത്തിന് അകത്തു പുകയില ഉത്പന്നങ്ങൾ ഉപയോഗികുന്നവരെ കണ്ടെത്താനും അധ്യാപകരടങ്ങുന്ന നിരീക്ഷകരുണ്ടാകും. 31 ന് മുൻപായി എല്ലാ വിദ്യാലയങ്ങളും പുകയില വിമുക്തമാക്കാൻ യോഗം തീരുമാനിച്ചു. പഞ്ചായത്ത്‌ പ്രസിഡന്‍റ് കെ.എഫ്. അലക്സാണ്ടർ ഉദ്ഘാടനം ചെയ്തു. വൈസ് പ്രസിഡന്‍റ് റെജി പുളിക്കൽ അധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാൻ‌ഡിംഗ് കമ്മിറ്റി ചെയർമാൻ എം. ബാലകൃഷ്ണൻ, ചെറുപുഴ പോലീസ് സ്റ്റേഷൻ എസ്‌ഐ പ്രമോദ് കുമാർ, എക്സൈസ് പ്രിവന്‍റീവ് ഓഫീസർ വി.കെ. വിനോദ്, ഹെൽത്ത് ഇൻസ്‌പെക്ടർ വി. മുഹമ്മദ്‌ ഷെരീഫ്,ജൂണിയർ സൂപ്രണ്ട് അനിൽ കുമാർ കരിച്ചേരി എന്നിവർ പ്രസംഗിച്ചു.

കോൺഫറൻസ് ഹാൾ ഉദ്ഘാടനം ചെയ്തു

കുടിയാന്മല: കേരള വ്യാപാരി വ്യവസായി ഏകോപന സമിതി കുടിയാന്മല യൂണിറ്റിന്‍റെ വാർഷിക സമ്മേളനവും നവീകരണം പൂർത്തിയാക്കിയ കോൺഫറൻസ് ഹാളിന്‍റെ ഉദ്ഘാടനവും കുടിയാന്മല വ്യാപാര ഭവനിൽ നടന്നു. കെവിവിഇഎസ് സംസ്ഥാന ജനറൽ സെക്രട്ടറി ദേവസ്യ മേച്ചേരി ഉദ്ഘാടനം ചെയ്തു. കുടിയാന്മല യൂണിറ്റ് പ്രസിഡന്‍റ് പി.ഡി. ബെന്നി അധ്യക്ഷത വഹിച്ചു. ചടങ്ങിൽ എസ്എസ്എൽസി പരീക്ഷയിൽ സമ്പൂർണ വിജയം നേടിയ കുടിയാന്മല മേരി ക്വീൻസ് ഹൈസ്കൂളിനെയും എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർഥികളെയും അനുമോദിച്ചു. തലശേരി അതിരൂപതയുടെ മാർ വള്ളോപ്പിള്ളി എക്സലൻസ് അവാർഡ്‌ ജേതാവായ കുടിയാന്മല ഫാത്തിമ യുപി സ്കൂൾ മുഖ്യാധ്യാപിക ഇ.ജെ. ലൈലയെ ഉപഹാരം നൽകി ആദരിച്ചു. യൂണിറ്റ് ജനറൽ സെക്രട്ടറി പി.പി. ഷിബു ആമുഖ പ്രഭാഷണം നടത്തി. കുടിയാന്മല ഫാത്തിമ മാതാ പള്ളി വികാരി ഫാ. പോൾ വള്ളോപ്പിള്ളി, കെവിവിഇഎസ് ശ്രീകണ്ഠപുരം മേഖല പ്രസിഡന്‍റ് ജോർജ് തോണിയ്ക്കൽ എന്നിവർ വിശിഷ്ടാതിഥികളായിരുന്നു. ഏരുവേശി പഞ്ചായത്ത് സ്ഥിരം സമിതി അധ്യക്ഷ ഷൈല ജോയി, മേരി ക്വീൻസ് ഹൈസ്കൂൾ മുഖ്യാധ്യാപകൻ സുനിൽ ജോസഫ്, ഇ.ജെ. ലൈല, ഷാബി ഈപ്പൻ, ബെന്നി മീമ്പുഴ, തോമസ് മാമ്പുഴ, യൂണിറ്റ് ട്രഷറർ ഗണേഷ് ബാബു എന്നിവർ പ്രസംഗിച്ചു.

കോലുവള്ളിയിൽ പൊതുസ്ഥലത്ത് മാലിന്യം തള്ളിയ ആളെ കണ്ടെത്തി പിഴയീടാക്കി

ചെറുപുഴ: കഴിഞ്ഞ ദിവസം കോലുവള്ളിയിൽ പൊതുസ്ഥലത്ത് മാലിന്യം തള്ളിയ ആളെ കണ്ടെത്തി എൻഫോഴ്‌സ്മെന്‍റ് സ്‌ക്വാഡ് 15000 രൂപ പിഴയീടാക്കി. കടുമേനി സ്വദേശി അസീം അബ്ദുള്ളയാണ് മാലിന്യം തള്ളിയതിന് പിഴ അടച്ചത്. കഴിഞ്ഞ ദിവസം രാത്രിയിലാണ് കാര്യങ്കോട് പുഴയിൽ കോലുവള്ളി കമ്പിപ്പാലത്തിനടിയിൽ ചാക്കിലും പ്ലാസ്റ്റിക് കൂടിലുംകെട്ടി മാലിന്യം തള്ളിയത്. പ്രദേശത്ത് കടുത്ത ദുർഗന്ധം അനുഭവപ്പെട്ടതിനെ തുടർന്ന്‌ നടത്തിയ തിരച്ചലിലാണ് മാലിന്യം കണ്ടെത്തിയത്. പത്ത് ചാക്കിലേറെ മാലിന്യം ആരോഗ്യവകുപ്പ് ഉദ്യോഗസ്ഥരും ഹരിതകർമ സേനാംഗങ്ങളും ചേർന്ന് പുഴയിൽ നിന്ന് കരയിൽ എത്തിച്ചു. കനത്ത മഴയിൽ കുറെ ചാക്കുകൾ ഒഴുകി പോയതായും സംശയി ക്കുന്നു. താഴ്ചയുള്ള ഭാഗത്തു തളളിയ ചാക്കുകൾ വടം കെട്ടി പുഴയിലിറങ്ങിയാണ് കരയ്ക്കെത്തിച്ചത്. ചിക്കന്‍റെ അവശിഷ്ടങ്ങൾക്ക് പുറമെ ഐസ്ക്രീം പായ്ക്കറ്റ്, പ്ലാസ്റ്റിക് കുപ്പികൾ, പച്ചക്കറിയുടെ അവശിഷ്ടങ്ങൾ, ഭക്ഷണം കഴിച്ച പ്ലേയിറ്റുകൾ തുടങ്ങിവയാണ് ചാക്കിൽ നിറച്ച് പുഴയിൽ തള്ളിയത്. മാലിന്യത്തിൽ നിന്നു ലഭിച്ച ബിൽ, ഐസ് ക്രീം പാക്കറ്റുകൾ എന്നിവ പരിശോധിച്ചാണ് ചെറുപുഴ ഗ്രാമ പഞ്ചായത്തിന്‍റേയും പുളിങ്ങോം കുടുംബാരോഗ്യ കേന്ദ്രത്തിന്‍റേയും നേതൃത്വത്തിലുള്ള എൻഫോഴ്‌സ്മെന്‍റ് സ്‌ക്വാഡ് ആളെ കണ്ടെത്തിയത്. പഞ്ചായത്തംഗം ജോയ്സി ഷാജി, അസിസ്റ്റന്‍റ് സെക്രട്ടറി ഇ.ബി. രമദേവി, ജൂണിയർ സൂപ്രണ്ട് അനിൽകുമാർ കരിച്ചേരി, ഹെൽത്ത് ഇൻസ്‌പെക്ടർ വി. മുഹമ്മദ് ഷെരീഫ്, ആരോഗ്യ പ്രവർത്തകൻ ജോബിൻ, വിഇഒ പ്രജീഷ് എന്നിവർ നേതൃത്വം നൽകി.

ചെറുപുഴ കമ്പിപ്പാലത്തിൽ പ്രവേശനം നിരോധിച്ചു

ചെറുപുഴ: പോലീസിന്‍റെയും പഞ്ചായത്തിന്‍റെയും നേതൃത്വത്തിൽ ചെറുപുഴ കമ്പിപ്പാലത്തിൽ പ്രവേശനം നിരോധിച്ചു. പാലത്തിന്‍റെ ഇരുവശത്തും ഗതാഗതം നിരോധിച്ചു കൊണ്ടുള്ള അറിയിപ്പ് സ്ഥാപിച്ചു. പലകകളും കന്പികളും ദ്രവിച്ച് അപകടാസ്ഥയിലാണ് പാലം. ഇത് മാറ്റാനായി പഞ്ചായത്ത് നാല് ലക്ഷം രൂപയുടെ ടെൻഡർ ക്ഷണിച്ചിട്ടുണ്ട്. നാളെയാണ് ടെൻഡർ തുറക്കുന്നത്. പഞ്ചായത്ത് പ്രസിഡന്‍റ് കെ.എഫ്. അലക്സാണ്ടർ, ജനപ്രതിനിധികളായ എം.ബാലകൃഷ്ണൻ, കെ.ഡി. പ്രവീൺ, മാത്യു കാരിത്താങ്കൽ, ദുരന്തനിവാരണ സേനാംഗങ്ങളായ നിധീഷ് പ്രാപ്പൊയിൽ, എം.പി. രഞ്ജിത്ത് എന്നിവർ നേതൃത്വം നൽകി.

ജൽജീവൻ മിഷൻ ; പണി വേഗത്തിൽ പൂർത്തീകരിക്കും: മന്ത്രി റോഷി അഗസ്റ്റിൻ

കണ്ണൂർ: ജൽജീവൻ മിഷൻ പണി വേഗത്തിൽ പൂർത്തീകരിക്കുമെന്നും പദ്ധതിക്കായി പൈപ്പിടാൻ കീറിയ റോഡുകളുടെ പണി പരമാവധി വേഗത്തിലാക്കുമെന്നും മന്ത്രി റോഷി അഗസ്റ്റിൻ. കണ്ണൂർ പി.ടി. ചാക്കോ സ്മാരക മന്ദിരത്തിൽ നടന്ന കേരള കോൺഗ്രസ്‌ -എം ജില്ലാ നേതൃ സംഗമം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. രണ്ടാം പിണറായി സർക്കാർ അധികാരത്തിൽ വരുമ്പോൾ 17 ലക്ഷം കുടുംബങ്ങളിലായിരുന്നു ശുദ്ധ ജല വിതരണം ഉണ്ടായിരുന്നതെങ്കിൽ ഇപ്പോൾ അത് 42 ലക്ഷം കുടുംബങ്ങളിലേക്ക് എത്തിക്കുവാൻ കഴിഞ്ഞു. അടുത്ത മാർച്ച്‌ അവസാനത്തോടെ കേരളത്തിലെ 70 ലക്ഷം കുടുംബങ്ങളിൽ ശുദ്ധ ജലം വിതരണം ചെയ്യുവാനുള്ള തീവ്ര ശ്രമത്തിലാണ് സർക്കാർ എന്നും മന്ത്രി പറഞ്ഞു. ജില്ലാ പ്രസിഡന്‍റ് ജോയി കൊന്നക്കൽ അധ്യക്ഷത വഹിച്ചു. ജോയിസ് പുത്തൻപുര, മാത്യു കുന്ന പ്പള്ളി, സജി കുറ്റിയാനിമറ്റം, ജോസ് ചെമ്പേരി, കെ.ടി. സുരേഷ് കുമാർ, തോമസ് മാലത്ത്, വി.വി. സേവി, പി.എസ്. ജോസഫ്, മാത്യു പുളിക്കക്കുന്നേൽ, സി.ജെ. ജോൺ, മാത്യു കാരിത്താങ്കൽ, ബിനു ഇലവുങ്കൽഎന്നിവർ പ്രസംഗിച്ചു.

മഴ തുടരുന്നു; നാശവും

കണ്ണൂർ: ശക്തമായ മഴയിൽ ജില്ലയിൽ വ്യാപക നാശനഷ്ടടം. മലയോര മേഖലയിലടക്കം പല സ്ഥലങ്ങളിലും മരം വീണ് വീടുകൾ ഭാഗികമായി തകർന്നു. മതിലിടിഞ്ഞ് വീണ് വീടുകൾക്ക് കേടുപാടുകൾ പറ്റി. മരം വീണ് ഗതാഗതം സ്തംഭിക്കുകയും വൈദ്യുതി ബന്ധം നിലയ്ക്കുകയും ചെയ്തു. വിവിധ സ്ഥലങ്ങളിൽ വെള്ളം കയറിയതിനെ തുടർന്ന് പുഴയോരത്ത് താമസിക്കുന്നവരെ മാറ്റി താമസിപ്പിച്ചു. പന്നിയൂരിൽ കൂവങ്കുന്നില്‍ പുഞ്ചയില്‍ ജെയിംസിന്‍റെ വീടിനു മുകളില്‍ തെങ്ങ് വീണ് കുടുംബത്തിലെ നാലുപേര്‍ക്ക് പരിക്കേറ്റു. ഇന്നലെ രാവിലെ ഒന്പതോടെയായിരുന്നു അപകടം. പരിക്കേറ്റ നാലുപേരേയും തളിപ്പറന്പ് സഹകരണാശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ലന്ന് പന്നിയൂര്‍ വില്ലേജ് ഓഫീസര്‍ ബിനില്‍ ആന്‍റണി അറിയിച്ചു. കൊളേച്ചരി സ്വദേശിനി സരോജിനി കോക്കമണിയുടെ വീടിന് മുകളിലേക്ക് മതിലിടിഞ്ഞ് വീണ് വീടിന് വിള്ളൽ സംഭവിച്ചു. ചേലേരി സി.വി ആരിഫയുടെ വീടിന്‍റെ മതില്‍ തകര്‍ന്ന് തൊട്ട് അടുത്തുള്ള സാജിദിന്‍റെ പണി പൂര്‍ത്തിയാകാത്ത വീടിനും അബ്ദുള്‍ മജീദിന്‍റെ വീടിനും നാശനഷ്ടം പറ്റി. രണ്ടു വീട്ടുകാരോടും മാറി താമസിക്കാന്‍ തളിപ്പറമ്പ് തഹസില്‍ദാര്‍ പി. സജീവന്‍ നിര്‍ദേശം നല്‍കി. മയ്യില്‍ വില്ലേജ് വള്ളിയോട്ട് സി.വി സദാനന്ദനന്‍റെ വീടിന് മതില്‍ ഇടിഞ്ഞു വീണ് ഭാഗിക നഷ്ടം സംഭവിച്ചു. നഗരത്തിലെ വിവിധ ഭാഗങ്ങളിൽ വെള്ളക്കെട്ട് രൂക്ഷമായി.പഴയ ബസ് സ്റ്റാൻഡ്ഓവർ ബ്രിഡ്ജ്, റെയിൽവേ സ്റ്റേഷൻ പരിസരം, മുനീശ്വരൻ കോവിൽ പരിസരം, കണ്ണൂർ യൂണിവേഴ്സിറ്റിക്ക് സമീപം തുടങ്ങി പല സ്ഥലങ്ങളിലും രൂക്ഷമായ വെള്ളക്കെട്ടാണ് രൂപപ്പെട്ടത്. പയ്യന്നൂർ: പയ്യന്നൂർ നഗരസഭയിലും കരിവെള്ളൂർ - പെരളം, രാമന്തളി പഞ്ചായത്തകളിലും വിവിധ പ്രദേശങ്ങളിൽ വീടുകളിൽ വെള്ളം കയറി. ഇതേ തുടർന്ന് ഇവർ ബന്ധുവീടുകളിലേക്ക് താമസം മാറിയിട്ടുണ്ട്. തായിനേരി കാരയിലെ എം. ശോഭയുടെ വീടിന്‍റെ ഒരുഭാഗം കനത്ത മഴയിൽ തകർന്നു. രാമന്തളി സർവീസ് സഹകരണ ബാങ്കിനും സമീപത്തെ ശാന്തയുടെ വീടിനു മുകളിൽ മരം വീണ് വീട് ഭാഗികമായി തകർന്നു. കാനായി മീങ്കുഴി ഡാം കരകവിഞ്ഞു. ഡാമിനു മുകളിൽ വെള്ളം കയറിയതിനാൽ ഇതുവഴിയുള്ള ഗതാഗതം തടസപ്പെട്ടു. കാനായി, മണിയറ, ചന്തപ്പുര, തോട്ടംകടവ്, പരവന്തട്ട, കവ്വായി, വെള്ളൂർ, തായിനേരി, അന്നൂർ, കണ്ടോത്ത് പങ്ങടം തുടങ്ങി വിവിധ പ്രദേശങ്ങളിൽ വീടുകൾക്കു ചുറ്റും വെള്ളമുയർന്നിട്ടുണ്ട്. ആളുകളെ മാറ്റി പാർപ്പിക്കേണ്ടി വന്നാൽ അതിനുള്ള ഒരുക്കങ്ങൾ നടത്തിയി ട്ടുണ്ടെന്ന് പ്രദേശങ്ങൾ സന്ദർശിച്ച ശേഷം നഗരസഭ ചെയർമാൻ കെ.വി. ലളിത പറഞ്ഞു. രാമന്തളി പഞ്ചായത്തിൽ ശക്തമായ മഴയിലും കാറ്റിലും മരങ്ങൾ പൊട്ടി വീണും മറ്റും വൈദ്യുതി കമ്പികളും തൂണുകളും മറ്റും തകർന്നിട്ടുണ്ട്. പലയിടത്തും വൈദ്യുതി ബന്ധം പുനസ്ഥാപിക്കുന്ന തിനായി കെഎസ്ഇബി ജീവനക്കാർ ശ്രമം തുടരുകയാണ്. സ്കൂൾ മതിൽക്കെട്ടിടിഞ്ഞു മണക്കടവ്: കനത്ത മഴയെ തുടർന്ന് മണക്കടവ് ശ്രീപുരം ഗവ: ഹയർ സെക്കൻഡറി സ്കൂളിന്‍റെ അൻപതടി ഉയരത്തിലുള്ള മതിൽക്കെട്ടിന്‍റെ അടിഭാഗം ഇടിഞ്ഞു വീണു. ഇന്നലെ ഉച്ചയ്ക്ക് കനത്ത മഴയിലായിരുന്നു സംഭവം. മണക്കടവ് ടൗണിൽ പച്ചക്കറിക്കട നടത്തുന്ന മനോജിന്‍റെ കടയുടെ പിറകുവശത്തോട് ചേർന്നാണ് മൺതിട്ട ഇടിഞ്ഞു വീണത്. കൂടുതൽ മണ്ണിടിച്ചിൽ ഉണ്ടായാൽ ടൗണിലെ കടകൾക്കും സ്കൂൾ കെട്ടിടത്തിനും, ടോയ്‌ലെറ്റ് സമുച്ചയത്തിനും കേടുപാടുകൾ സംഭവിക്കാം. മരങ്ങളുടെ വേരിറങ്ങിയതും അപകടഭീതി ഉണ്ടാക്കുന്നുണ്ട്. അധികൃതർ ജാഗ്രതയോടെ ഇടപെടണമെന്നാണ് നാട്ടുകാരുടെ ആവശ്യം. മണക്കടവ് ശ്രീപുരം ഗവ. ഹയർ സെക്കൻഡറി സ്‌കൂൾ മതിലിനോട് ചേർന്നു മണ്ണിടിഞ്ഞ് അപകട ഭീഷണി നിലനിൽക്കുന്ന സാഹചര്യത്തിൽ അടിയന്തര നടപടികൾ സ്വീകരിക്കണമെന്ന് ഉദയഗിരി പഞ്ചായത്ത് പ്രസിഡന്‍റ് കെ.എസ്. ചന്ദ്രശേഖരൻ ജില്ലാ കളക്ടറോടും ജില്ലാ പഞ്ചായത്ത് പ്രസിഡന്‍റി നോടും ആവശ്യപ്പെട്ടു

കനത്ത കാറ്റിൽ തെങ്ങ് വീണ് വീട് തകർന്നു; നാലുപേർക്കു പരിക്ക്, ഒരാൾക്ക് ഗുരുതരം

പൂവം: കനത്ത മഴയിലും കാറ്റിലും പൂവം ചെറുകര കൂവൻകുന്നിൽ തെങ്ങ് വീണ് വീട് തകർന്നു. നാലുപേർക്ക് പരിക്കേറ്റു. ഇന്നലെ രാവിലെ ഒന്പതോടെയായിരുന്നു സംഭവം. പുഞ്ചയിൽ ജെയ്സന്‍റെ വീടിനു മുകളിലേക്കാണ് തെങ്ങു വീണത്. മേൽക്കൂര പൂർണമായും തകർന്ന. വീട്ടിൽ ഉണ്ടായിരുന്ന ജയ്സൺ (49), ഭാര്യ സെലീന (45), പിതാവ് തോമസ് (90), മകൻ സാനു (9) എന്നിവർക്ക് ഓട് വീണ് തലയ്ക്കും കൈയ്ക്കും പരിക്ക് പറ്റി. ഇവരെ തളിപ്പറമ്പ് സഹകരണ ആശുപത്രിയിൽ പ്രവേശിപ്പിച്ചു. ഇതിൽ സെലീന ഗുരുതര പരിക്കുകളോടെ ചികിത്സയിൽ തുടരുകയാണ്. മറ്റുള്ളവരെ പ്രഥമ ചികിത്സയ്ക്ക് ശേഷം വിട്ടയച്ചു.

ദേശീയപാതയുടെ സംരക്ഷണഭിത്തി ഇടിഞ്ഞുവീണു

കാസര്‍ഗോഡ്: ദേശീയപാതയുടെ സംരക്ഷണഭിത്തി തകര്‍ന്ന് മണ്ണിടിഞ്ഞു റോഡിലേക്ക് വീണു. ഇതേത്തുടര്‍ന്ന് ചെര്‍ക്കള -ബേവിഞ്ച ഭാഗത്തുള്ള ദേശീയപാതയില്‍ വാഹന ഗതാഗതം താത്കാലികമായി നിരോധിച്ചു. ഇന്നലെ ഉച്ചയ്ക്കു 12ഓടെ തെക്കില്‍ ബേവിഞ്ച സ്റ്റാര്‍ നഗറിലാണ് സംഭവം. ഈ സമയത്ത് ഒരു സ്വകാര്യബസ് കടന്നുപോയിരുന്നു. തലനാരിഴയ്ക്കാണ് യാത്രക്കാര്‍ രക്ഷപ്പെട്ടത്. കുന്നിടിച്ച് സിമന്‍റ് പൂശിയ ഭാഗമാണ് തകര്‍ന്ന് റോഡിലേക്ക് വീണത്. മണ്ണിടിയുന്ന കുന്നിന് മുകളില്‍ നാലു വീടുകളും സ്ഥിതി ചെയ്യുന്നുണ്ട്. ഇവര്‍ ഭീതിയോടെയാണ് അവിടെ കഴിയുന്നത്. ഈ പ്രദേശത്ത് നിരവധി ചെറിയ മണ്ണിടിച്ചിലുകള്‍ ഇതിനകം റിപ്പോര്‍ട്ട് ചെയ്തിട്ടുണ്ട്. സംഭവം അറിഞ്ഞെത്തിയ ജില്ലാ കളക്ടര്‍ കെ. ഇമ്പശേഖറിനു നേരെ നാട്ടുകാർ പ്രതിഷേധിച്ചു. എന്നാല്‍ മഴ മാറിയാല്‍ മാത്രമേ മണ്ണ് നീക്കം ചെയ്യാന്‍ സാധിക്കുകയുള്ളൂവെന്ന് കളക്ടര്‍ അറിയിച്ചു. നേരത്തെതന്നെ ഇവിടെ മണ്ണ് നീക്കരുതെന്നു നിര്‍മാണ കമ്പനിയായ മേഘയോട് ജിയോളോജി വകുപ്പ് ആവശ്യപ്പെട്ടിരുന്നതായും എന്നാല്‍ കമ്പനി വീണ്ടും മണ്ണ് എടുത്തതായും നാട്ടുകാര്‍ ആരോപിച്ചു. മണ്ണിടിഞ്ഞ സ്ഥലത്തുകൂടി ആംബുലന്‍സ്, അടിയന്തര സേവന വാഹനങ്ങള്‍ എന്നിവ മാത്രം നിയന്ത്രിതമായി കടന്നുപോകാന്‍ അനുവദിക്കും. സുരക്ഷിതമാണെന്ന് സ്ഥിരീകരിച്ചശേഷം ഗതാഗതം പുനഃസ്ഥാപിക്കുമെന്ന് ദുരന്ത നിവാരണ അഥോറിറ്റി അറിയിച്ചു.

കോളിത്തട്ട് ബാങ്കിൽ ഇനി മൂന്നംഗ അഡ്മിനിസ്‌ട്രേറ്റീവ് കമ്മിറ്റി

ഇരിട്ടി: ഭരണസമിതി പിരിച്ചുവിട്ട് അഡ്മിനിസ്ട്രേറ്റർ ഭരണം ഏർപ്പെടുത്തിയിരുന്ന കോളിത്തട്ട് സർവീസ് സഹകരണ ബാങ്കിൽ മൂന്നംഗ അഡ്മിനിസ്‌ട്രേറ്റീവ് കമ്മിറ്റി നിലവിൽ വന്നു. അഡ്മിനിസ്ട്രേറ്ററുടെ കാലാവധി കഴിഞ്ഞതോടെയാണ് ബാങ്കിൽ അംഗങ്ങളായ മൂന്നുപേർ അടങ്ങുന്ന അഡ്മിനിസ്‌ട്രേറ്റീവ് കമ്മിറ്റി നിലവിൽ വന്നത്. ബാങ്കിലെ എ ക്ലാസ് അംഗങ്ങളായ ഷാജൻ പാലയാടാൻ, ജോൺ മനന്താനത്ത്, മാത്യു ഇഞ്ചിക്കാലയിൽ എന്നിവരെയാണ് അഡ്മിനിസ്‌ട്രേറ്റീവ് കമ്മിറ്റി അംഗങ്ങളായി നിയമിച്ച് കണ്ണൂർ ജില്ലാ സഹകരണ ജോയിന്‍റ് രജിസ്ട്രാർ ഉത്തരവിറക്കിയത്. സിപിഎം നിയന്ത്രണത്തിലായിരുന്ന ബാങ്കിൽ സഹകരണ വകുപ്പിന്‍റെ അന്വേഷണത്തിൽ15 കോടിയിലധികം രൂപയുടെ അഴിമതി കണ്ടെത്തിയതിനെ തുടർന്നാണ് ഭരണസമിതി പിരിച്ചുവിട്ട് അഡ്മിനിസ്ട്രേറ്റിവ് ഭരണം ഏർപ്പെടുത്തിയത്. അഡ്മിനിസ്ട്രേറ്ററുടെ കാലത്ത് പുതിയ ഭരണസമിതിയെ തെരഞ്ഞെടുക്കാൻ ശ്രമിച്ചെങ്കിലും നിർദിഷ്ട തീയതിക്കുള്ളിൽ ആരും നാമനിർദേശ പത്രിക സമർപ്പിക്കാതെ വന്നതോടെ അഡ്മിനിസ്ട്രേറ്റർക്ക് മൂന്നു മാസം കൂടി നീട്ടുകയായിരുന്നു. ഇതിനിടയിലാണ് ബാങ്കിന്‍റെ എ ക്ലാസ് അംഗങ്ങളായ മൂന്നു പേർ അഡ്മിനിസ്‌ട്രേറ്റീവ് കമ്മിറ്റിയിൽ അംഗങ്ങളാകാൻ താത്പര്യം അറിയിച്ച് അഡ്മിനിസ്ട്രേറ്റർക്ക് കത്തുനൽകിയത്. ഇതിന്‍റെ അടിസ്ഥാനത്തിലാണ് മൂന്നംഗ അഡ്മിനിസ്‌ട്രേറ്റീവ് കമ്മിറ്റിയെ നിയമിച്ചത്. ആറുമാസമാണ് കമ്മിറ്റിയുടെ കാലാവധി. കാലാവധിക്കുള്ളിൽ തെരഞ്ഞെടുപ്പ് നടത്തി ഭരണം കൈമാറണമെന്നാണ് ഉത്തരവ് . അഡ്മിനിസ്ട്രേറ്ററുടെ മേൽനോട്ടത്തിലായിക്കും കമ്മിറ്റിയുടെ പ്രവർത്തനം. ഇതുവരെ 70 ലക്ഷത്തോളം രൂപ മാത്രമാണ് നിക്ഷേപകർക്ക് മടക്കി നല്കിയത്.

പരിയാരം ദേശീയപാതയിൽ അപകടക്കുഴിയിലെ വെള്ളക്കെട്ടിലേക്ക് കാർ മറിഞ്ഞു

പരിയാരം: പരിയാരത്ത് ദേശീയപാതയിൽ അപകടക്കുഴിയിലെ വെള്ളക്കെട്ടിലേക്ക് കാർ മറിഞ്ഞു. ഓണപ്പറമ്പ് സ്വദേശി മുജീബിന്‍റെ കാറാണ് മറിഞ്ഞത്. ഇന്നലെ വൈകുന്നേരം നാലോടെയായിരുന്നു അപകടം. കോരൻപീടിക പ്രധാന ബസ് സ്റ്റോപ്പ് ജംഗ്ഷനിൽ ദേശീയ ാത നിർമാണത്തിനായി അഞ്ചു മീറ്റർ താഴ്ചയിൽ റോഡ് കുഴിച്ചത് നികത്താത്തതിനാൽ മഴ പെയ്ത് വെള്ളം നിറഞ്ഞ് കിടക്കുകയായിരുന്നു. ഈ കുഴിയിലേക്കാണ് കാർ പിന്നോട്ട് എടുക്കുമ്പോൾ മറിഞ്ഞത്. കുഴിയിലേക്ക് കാർ മറിയുമ്പോൾ തന്നെ ഡ്രൈവർ പുറത്തേക്ക് ചാടി രക്ഷപ്പെട്ടു. കുഴിയിൽ വീണ കാർ മുഴുവനായും മുങ്ങി. തുടർന്ന് ക്രെയിൻ ഉപയോഗിച്ചാണ് കാർ കുഴിയിലെ വെള്ളക്കെട്ടിൽ നിന്ന് പുറത്തെടുത്തത്. അടിപ്പാലത്തിനായി കുഴിയെടുത്തിട്ട് മൂന്ന് മാസമായെങ്കിലും മറ്റ് നിർമാണങ്ങൾ ആരംഭിക്കാത്തതിനാലും, ക്രാഷ് ബാരിയറോ, ഡിവൈഡറോ സ്ഥാപിക്കാത്തത് രാപ്പകൽ ഭേദമന്യേ ഇടതടവില്ലാതെ ചെറുതും വലുതുമായ വാഹനങ്ങൾ കടന്നു പോകുന്ന ദേശീയ പാതയിൽ വൻ അപകട ഭീഷണിയാണ് സൃഷ്ടിക്കുന്നത്. ദേശീയപാത അധികൃതർ ഇടപെട്ട് എത്രയും പെട്ടെന്ന് ഈ അപകടാവസ്ഥയ്ക്ക് പരിഹാരം കാണണ മെന്ന് പരിയാരം പഞ്ചായത്ത് അംഗങ്ങളായ അബ്ദുൾ ഷുക്കൂർ, പി.വി. സജീവൻ എന്നിവർ ആവശ്യപ്പെട്ടു.

കർണാടക വനംവകുപ്പിലെ ഡ്രൈവറുടെ മരണത്തിൽ ദുരൂഹതയെന്ന് ഭാര്യ, ഉദ്യോഗസ്ഥർക്കെതിരേ കേസ്

ഇരിട്ടി: കർണാടക വനംവകുപ്പിൽ കരാർ അടിസ്ഥാനത്തിൽ ഡ്രൈവറായിരുന്ന ഗോപാലിന്‍റെ മരണത്തിൽ ദുരൂഹതയുണ്ടെന്ന് കാണിച്ച് ഭാര്യയും ബന്ധുക്കളും പോലീസിൽ പരാതി നൽകി. ഗോപാലിന്‍റെ ഭാര്യ ചിത്ര നൽകിയ പരാതിയിൽ വനംവകുപ്പ് സോണൽ ഫോറസ്റ്റ് ഓഫീസർ രാജശേഖർ, ഡിആർഎഫ് വേണുഗോപാൽ, വനംവകുപ്പ് ജീവനക്കാരൻ ശിവു അഭി, കരാറുകാരൻ പ്രകാശ് എന്നിവർക്കെതിരെ കുട്ട പോലീസ് കേസെടുത്തു. 25 വർഷമായി കല്ലഹല്ല ഫോറസ്റ്റ് ഡിവിഷനിൽ കരാർ അടിസ്ഥാനത്തിൽ ജോലി ചെയ്തുവന്ന ഗോപാൽ മേയ് 22ന് വനംവകുപ്പ് ജീവനക്കാർക്കൊപ്പം ഡ്യൂട്ടിയിലായിരിക്കെ വാഹനാപകടത്തിൽ പരിക്കേറ്റതിൽ ദുരൂഹതയുണ്ടെന്നാണ് ബന്ധുക്കളുടെ പരാതി. ഗുരുതരമായി പരിക്കേറ്റ ഗോപാലിനെ കൂടെയുള്ളവർ മൈസൂരുവിലെ ആശുപത്രിയിലെത്തിച്ചെങ്കിലും കൃത്യമായ ചികിത്സ ലഭ്യമാക്കാതെ അടുത്ത നാഗാവൂർ ഹാദിയിലുള്ള വീട്ടിലെത്തിക്കുകയായിരുന്നു. 26ന് ഗോപാലിനെ ഭാര്യ ആശുപത്രിയിലെത്തിച്ച് ചികിത്സ നൽകിയെങ്കിലും ഇക്കഴിഞ്ഞ 12ന് മരിച്ചു. ഗോപാലിന് സംഭവിച്ച അപകടത്തെക്കുറിച്ച് വകുപ്പധികൃതരെ അറിയിച്ചിട്ടും ജീവൻ രക്ഷിക്കാനുള്ള നടപടികൾ ഒന്നും ഉണ്ടായില്ലെന്ന് ഭാര്യ ചിത്ര നൽകിയ പരാതിയിൽ പറയുന്നു. അപകടത്തെക്കുറിച്ച് പോലീസിലും വീട്ടിലും അറിയിക്കാതിരുന്നതിൽ ദുരൂഹതയുണ്ടെന്നാണ് പരാതിയിൽ പറയുന്നത്.

ചെറുപുഷ്പ മിഷൻലീഗ് കോട്ടയം അതിരൂപത കണ്ണൂർ റീജണൽ പ്രവർത്തനവർഷ ഉദ്ഘാടനം

മടന്പം: കോട്ടയം അതിരൂപത ചെറുപുഷ്പ മിഷൻലീഗ് കണ്ണൂർ റീജണൽ പ്രവർത്തന വർഷ ഉദ്ഘാടനം മടന്പം ലൂർദ്മാതാ ഫൊറോന പള്ളിയിൽ വിപുലമായ പരിപാടികളോടെ നടന്നു. സംസ്ഥാന പ്രസിഡന്‍റ് രഞ്ജിത്ത് മുതുപ്ലാക്കൽ ഉദ്ഘാടനം ചെയ്തു. റീജണൽ പ്രസിഡന്‍റ് ബിനീത് വിൽസൻ അടിയായിപ്പള്ളിയിൽ അധ്യക്ഷത വഹിച്ചു. റീജണൽ ഡയറക്ടർ ഫാ. സിബിൻ കൂട്ടക്കല്ലുങ്കൽ ആമുഖ സന്ദേശവും മടന്പം ഫൊറോന ഡയറക്ടർ ഫാ. ബിബിൻ അഞ്ചന്പിൽ അനുഗ്രഹപ്രഭാഷണവും നടത്തി. 2024-25 വർഷത്തെ പ്രവർത്തനവർഷ റിപ്പോർട്ട് റീജണൽ സെക്രട്ടറി അലക്സ് ജോസ് അവതരിപ്പിച്ചു. കഴിഞ്ഞ വർഷം റീജണൽ പ്രവർത്തനങ്ങൾക്ക് നേതൃത്വം നൽകിയ സിസ്റ്റർ തെരേസയെ ചടങ്ങിൽ ആദരിച്ചു. മടന്പം ഫൊറോന വികാരി ഫാ. സജി മെത്താനത്ത്, മടന്പം യൂണിറ്റ് പ്രസിഡന്‍റ് എബെൽ സജി, ചെറുപുഷ്പ മിഷൻലീഗ് കണ്ണൂർ റീജണൽ വൈസ് ഡയറക്ടർ സിസ്റ്റർ ക്രിസ്റ്റീന എന്നിവർ പ്രസംഗിച്ചു. 2023-24 പ്രവർത്തന വർഷത്തെ മികച്ച ശാഖയായ മടന്പം യൂണിറ്റിനും മികച്ച മേഖലയായി തെരഞ്ഞെടുക്കപ്പെട്ട രാജപുരത്തിനും പുരസ്കാരങ്ങൾ നൽകി. പരിപാടിക്ക് റീജണൽ ഓർഗനൈസർ സോനു ജോസഫ് ചെട്ടിക്കത്തോട്ടത്തിൽ, വൈസ് പ്രസിഡന്‍റ് ജസീക്ക ജോസ് കൊളക്കോറ്റിൽ എന്നിവർ നേതൃത്വം നൽകി. കുട്ടികളുടെ കലാപരിപാടികളും നടന്നു.

പ്ലസ് വൺ ക്ലാസുകൾ നാളെ തുടങ്ങും; കണ്ണൂർ, കാസർഗോഡ് ജില്ലകളിൽ 14,648 പേർക്ക് സീറ്റില്ല

അനുമോൾ ജോയ് കണ്ണൂര്‍: പ്ലസ് വണ്‍ മൂന്നാംഘട്ട അലോട്ട്‌മെന്‍റ് പൂര്‍ത്തിയായപ്പോള്‍ കണ്ണൂർ, കാസർഗോഡ് ജില്ലകളിൽ സീറ്റ് ലഭിക്കാതെ പുറത്തായത് 14,648 വിദ്യാര്‍ഥികള്‍. കണ്ണൂരിൽ 9947 പേർക്കും കാസർഗോഡ് 4,701 പേർക്കുമാണ് സീറ്റ് ലഭിക്കാത്തത്. ഏകജാലകം വഴി കണ്ണൂരിൽ 37988 ഉം കാസർഗോഡ് 20088 വിദ്യാർഥികളുമാണ് പ്ലസ് വണ്ണിന് അപേക്ഷിച്ചത്. കണ്ണൂരിൽ ആകെ 28698 മെറിറ്റ് സീറ്റുകളാണുള്ളത്. കാസർഗോഡ് 16031. നിലവില്‍ മൂന്നാംഘട്ട അലോട്ട്‌മെന്‍റ് ഉള്‍പ്പെടെ പൂര്‍ത്തിയായപ്പോള്‍ ഇനി ബാക്കിയുള്ളത് കണ്ണൂരിൽ 657 ഉം കാസർഗോഡ് 644 സീറ്റുകളുമാണ്. സപ്ലിമെന്‍ററി അലോട്ട്മെന്‍റ് വരുന്പോൾ 1301 വിദ്യാർഥികൾക്ക് സീറ്റ് ഉറപ്പിക്കാൻ സാധിക്കുമെങ്കിലും 13,347 വിദ്യാർഥികൾക്ക് പ്ലസ് വണ്ണിന് സീറ്റ് എന്നത് പ്രതിസന്ധിയാകും. സ്‌പോര്‍ട്‌സ് ക്വാട്ടയില്‍ കണ്ണൂരിൽ 683 സീറ്റുകളുള്ളതിൽ അപേക്ഷിച്ച 377 പേര്‍ക്ക് സീറ്റ് ലഭിച്ചിട്ടുണ്ട്. 306 സീറ്റുകള്‍ ബാക്കിയാണ്. കാസർഗോഡ് 356 സീറ്റുള്ളതിൽ അപേക്ഷിച്ച 197 പേർക്ക് സീറ്റ് ലഭിച്ചു. ഇനി 159 സീറ്റാണ് ബാക്കിയുള്ളത്. വിഎച്ച്എസ്ഇ, പോളിടെക്നിക് എന്നീ വിഭാഗത്തില്‍ ജില്ലയില്‍ ആവശ്യത്തിന് സീറ്റുകളുണ്ട്. സീറ്റ് ലഭിക്കാതെ വരുന്പോൾ കൂടുതല്‍ വിദ്യാര്‍ഥികള്‍ ഈ വിഭാഗത്തില്‍ അപേക്ഷിക്കുമെന്നാണ് കരുതുന്നത്. ഇന്നു വൈകുന്നേരം അഞ്ചുവരെയാണ് പ്ലസ് വണ്‍ പ്രവേശന സമയം. നാളെ മുതല്‍ ക്ലാസുകള്‍ ആരംഭിക്കും. മൂന്നാംഘട്ട അലോട്ട്‌മെന്‍റിന് ശേഷം മിച്ചമുള്ള സീറ്റുകളുടെ വിവരങ്ങള്‍ ഹയര്‍ സെക്കന്‍ഡറി വകുപ്പിന്‍റെപോര്‍ട്ടലില്‍ പ്രസിദ്ധീകരിക്കും. 28 മുതലാണ് സപ്ലിമെന്‍ററി അലോട്ട്‌മെന്‍റ് തുടങ്ങുന്നത്. മൂന്ന് ഘട്ടത്തില്‍ അപേക്ഷിച്ചിട്ടും അലോട്ട്‌മെന്‍റ് ലഭിക്കാത്തവര്‍ സീറ്റൊഴിവ് പരിശോധിച്ച് പുതിയ ഓപ്ഷനുകള്‍ കൂട്ടിചേര്‍ത്ത് അപേക്ഷ പുതുക്കണം.

കണ്ണൂർ ജില്ലാ ആശുപത്രിയിൽ ഓപ്പറേഷൻ തിയേറ്ററിൽ ചോർച്ച: എട്ട് ശസ്ത്രക്രിയകൾ മാറ്റിവച്ചു

കണ്ണൂര്‍: കനത്ത മഴയില്‍ കണ്ണൂര്‍ ജില്ലാ ആശുപത്രിയിലെ ഓപ്പറേഷന്‍ തിയേറ്ററില്‍ ചോര്‍ച്ചയുണ്ടായതിനെ തുടര്‍ന്ന് ശസ്ത്രക്രിയകള്‍ മുടങ്ങി. ഇന്നലെ രാവിലെ നടത്താനിരുന്ന കണ്ണിന്‍റെ ശസ്ത്രക്രിയകളാണ് മുടങ്ങിയത്. രോഗികളെ നിര്‍ബന്ധിതമായി ഡിസ്ചാര്‍ജ് ചെയ്യിപ്പിച്ചതോടെ രോഗികളുടെ കൂട്ടിരിപ്പുകാർ പ്രതിഷേധിച്ചു. എട്ടുപേര്‍ക്കായിരുന്നു ഇന്നലെ തിമിര ശസ്ത്രക്രിയ നിശ്ചയിച്ചത്. ഈ എട്ടുരോഗികളുടെയും ശസ്ത്രക്രിയ മറ്റൊരു ദിവസത്തേക്ക് മാറ്റിവച്ചു. ഇന്നലെ രാവിലെയാണ് ഓപ്പറേഷന്‍ തിയേറ്ററിലെ ചോര്‍ച്ച ആശുപത്രി അധികൃതരുടെ ശ്രദ്ധയില്‍പ്പെട്ടത്. രോഗികളുടെ സുരക്ഷ കണക്കിലെടുത്താണ് ശസ്ത്രക്രിയകൾ മാറ്റിയത്. പെട്ടെന്ന് ശസ്ത്രക്രിയ മാറ്റിവച്ചുവെന്നും ഡിസ്ചാര്‍ജ് വാങ്ങണമെന്നും ആശുപത്രി അധികൃതര്‍ അറിയിച്ചതോടെ രോഗികളുടെ ബന്ധുക്കള്‍ ആശുപത്രിയില്‍ പ്രതിഷേധിച്ചു. ശസ്ത്രക്രിയ നേരത്തെ നിശ്ചയിച്ചതിനാല്‍ ഞായറാഴ്ച തന്നെ രോഗികളും കൂട്ടിരിക്കാന്‍ ബന്ധുക്കളും ആശുപത്രിയിലെത്തിയിരുന്നു. ഇന്നലെ രാവിലെ ഓപ്പറേഷന് മുന്നോടിയായി മരുന്നുകള്‍ നല്‍കുകയും ചെയ്തു. പ്രതിഷേധത്തെത്തുടര്‍ന്ന് എഐസിസി വക്താവ് ഷമാ മുഹമ്മദിന്‍റെ നേതൃത്വത്തില്‍ കോണ്‍ഗ്രസ് പ്രവര്‍ത്തകരെത്തി ആശുപത്രി സൂപ്രണ്ടുമായി സംസാരിച്ചു. രോഗികളുടെ സുരക്ഷ കണക്കിലെടുത്താണ് ശസ്ത്രക്രിയ മാറ്റിയതെന്നും ഓപ്പറേഷന്‍ തിയേറ്ററുടെ ചോര്‍ച്ച പരിഹരിച്ച് അണുവിമുക്തമാക്കി വെള്ളിയാഴ്ചക്കുള്ളില്‍ ശസ്ത്രക്രിയ പുനരാരംഭിക്കുമെന്നും സൂപ്രണ്ട് പറഞ്ഞു. ഇതേത്തുടര്‍ന്നാണ് പ്രതിഷേധം അവസാനിപ്പിച്ചത്.

തമിഴ്‌നാട് സ്വദേശി ലോഡജില്‍ മരിച്ച നിലയില്‍

പയ്യന്നൂര്‍: തമിഴ്‌നാട് സ്വദേശിയെ പയ്യന്നൂരിലെ ലോഡ്ജില്‍ മരിച്ച നിലയില്‍ കണ്ടെത്തി. തമിഴ്‌നാട് തേനി കാളിയമ്മന്‍ കോവില്‍ സ്ട്രീറ്റിലെ ദേവദാസ് ശ്രീനിവാസനാണ് (50) മരിച്ചത്. പയ്യന്നൂര്‍ റെയില്‍വേ സ്റ്റേഷന് സമീപത്തെ ലോഡ്ജില്‍ കഴിഞ്ഞ വെള്ളിയാഴ്ച പുലര്‍ച്ചെ രണ്ടിനായിരുന്നു മുറിയെടുത്തത്. ഞായറാഴ്ച രാത്രി ഏഴരയോടെയാണ് കിടക്കയിൽ മരിച്ച നിലയിൽ കണ്ടെത്തിയത്. വായില്‍നിന്ന് നുരയും പതയും വന്ന നിലയിലായിരുന്നു മൃതദേഹം. മൃതദേഹം കണ്ണൂര്‍ ഗവ. മെഡിക്കല്‍ കോളേജ് മോര്‍ച്ചറിയിലേക്കു മാറ്റി.

മുലപ്പാൽ തൊണ്ടയിൽ കുരുങ്ങി പിഞ്ചുകുഞ്ഞ് മരിച്ചു

മട്ടന്നൂർ: മുലപ്പാൽ തൊണ്ടയിൽ കുരുങ്ങി രണ്ടുമാസം പ്രായ മുള്ള കുഞ്ഞ് മരിച്ചു. കരേറ്റ ചോതാരയിലെ ബൈത്തുസഫയിൽ സഫീർ അമാനി-കെ.ആർ. ഫാത്തിബി ദന്പതികളുടെ മകൻ മുഹമ്മദ് ഷിബിലി ആണ് മരിച്ചത്. മുലപ്പാൽ നൽകവേ ശ്വാസതടസം നേരിട്ടതിനെ തുടർന്ന് കൂത്തുപറമ്പിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സഹോദരങ്ങൾ: ആയിഷ ബത്തൂൽ, മുഹമ്മദ്‌, അഹീദ് ഫഹീം (മൂന്നുപേരും നീർവേലി യുപി സ്കൂൾ വിദ്യാർഥികൾ).

കുളത്തിൽ നീന്തുന്നതിനിടെ യുവാവ് മുങ്ങിമരിച്ചു

കണ്ണൂർ: സഹോദരനും സുഹൃത്തുകൾക്കുമൊപ്പം കുളത്തിൽ നീന്തുന്നതിനിടെ യുവാവ് മുങ്ങിമരിച്ചു. മാട്ടൂൽ സെൻട്രൽ ആറ്തെങ്ങ് കടവ് സ്വദേശിയായ കെ.കെ.ടി. ഇസ്മയിലാണ് (21) മരിച്ചത്. ഇന്നലെ രാവിലെ അഴീക്കോട് ആനിവയൽ കുളത്തിൽ ഒരു കരയിൽനിന്നും നീന്തി മറുഭാഗത്ത് എത്തി തിരികെ നീന്തുന്നതിനിടെ ഇസ്മയിൽ മുങ്ങിപ്പോവുകയായിരുന്നുവെന്ന് സുഹൃത്തുക്കൾ പറയുന്നു. ഉടൻ സുഹൃത്തുക്കളും പ്രദേശവാസികളും തെരച്ചിൽ നടത്തിയെങ്കിലും ഇസ്മയിലിനെ കണ്ടെത്താനായില്ല. തുടർന്ന്, വളപട്ടണം പോലീസും കണ്ണൂരിൽ നിന്നുള്ള ഫയർഫോഴ്സും തെരച്ചിൽ നടത്തിയെങ്കിലും കണ്ടെത്തിയില്ല. ഉച്ചയോടെ തലശേരിയിൽ നിന്നും ഫയർഫോഴ്സിന്‍റെ സ്കൂബ ഡൈവിംഗ് സംഘം നടത്തിയ തെരച്ചിലിലാണ് മൃതദേഹം കണ്ടെത്തിയത്. ഷമീൽ-ഷാലിമ ദന്പതികളുടെ മകനാണ് മരിച്ച ഇസ്മയിൽ. സഹോദരങ്ങൾ: ഇബ്രാഹിം, ഹാജറ, മറിയം, അബ്ദുറഹ്മാൻ,അബ്ദുള്ള. ഇസ്മയിലിന്‍റെ സംസ്കാരം ഇന്ന് ഉച്ചയക്ക് 12ന് മാട്ടൂൽ സെൻട്രൽ ജുമാഅത്ത് പള്ളി കബർസ്ഥാനിൽ നടക്കും.

ഗതാഗതകുരുക്കിൽപ്പെട്ട് ആംബുലൻസ്എത്താൻ വൈകി; രോഗിയായ കുട്ടി മരിച്ചു

പാല്‍ച്ചുരം: അസുഖ ബാധിതനായ ആദിവാസി ബാലനെ ആശുപത്രിയിലേക്ക് കൊണ്ടുപോകാനായി വിളിച്ച ആംബലുൻസ് ഗതാഗതക്കുരുക്കിൽ കുടുങ്ങിയതിനെത്തുടർന്ന് കൃത്യസമയത്ത് ആശുപത്രിയിലെത്തിക്കാനാകാതെ കുട്ടി മരിച്ചു. അന്പായത്തോട് താഴെ പാൽച്ചുരം ഉന്നതിയിലെ പ്രജോഷ്-ബിന്ദു ദന്പതികളുടെ മൂന്നു വയസുകാരനായ മകൻ പ്രജുൽ ആണ് മരിച്ചത്. ശനിയാഴ്ച ഉച്ചയ്ക്ക് 12 ഓടെയായിരുന്നു സംഭവം. ജന്മനാ തലച്ചോർ സംബന്ധമായ രോഗമുള്ള പ്രജുലിനെ ആശുപത്രിയിലെത്തിക്കാൻ വിളിച്ച ആംബുലൻസ് മലയോര ഹൈവേയിലെ ഗതാഗതകുരുക്കിൽപ്പെട്ട് കുടുങ്ങി മുക്കാൽ മണിക്കൂറോളം കഴിഞ്ഞാണ് പാൽച്ചുരത്ത് എത്തിയത്. ഉടൻ കുട്ടിയെ മാനന്തവാടിയിലെ ആശുപത്രിയിലെത്തിച്ചെങ്കിലും ഇതിനകം മരിച്ചിരുന്നു.

തലശേരിയിൽ റോഡുകൾ വെള്ളത്തിനിടയിൽ: വ്യാപാര സ്ഥാപനങ്ങളിൽ വെള്ളം കയറി

തലശേരി: ഇന്നലെ രാവിലെ മുതൽ തുടർച്ചയായി പെയ്ത കനത്ത മഴയിൽ നഗരത്തിലെ തിരക്കേറിയ റോഡുകളെല്ലാം വെള്ളം കയറി. നാരങ്ങാപ്പുറം ബ്രദേഴ്സ് ലൈൻ, പുതിയ ബസ് സ്റ്റാൻഡ് പരിസരം, ജൂബിലി റോഡ്, എംഎം റോഡ്, ഗുഡ്സ് ഷെഡ് റോഡിലെ റെയിൽവേ സ്റ്റേഷൻ പരിസരം, കുയ്യാലി, ജൂബിലി റോഡ്, മഞ്ഞോടി കണ്ണിച്ചിറ പുതിയ റോഡ്, ടിസി മുക്ക്, മഞ്ഞോടി, താഴെ വയൽ പ്രദേശങ്ങളിലാണ് വെള്ളം കയറിയത്. ഗതാഗതക്കുരുക്കും അനുഭവപ്പെട്ടു. താഴ്ന്ന പ്രദേശങ്ങളിലെല്ലാം വെള്ളം കയറിയിട്ടുണ്ട്. റെയിൽവേ സ്റ്റേഷനിലെ ഒന്നാം പ്ലാറ്റ് ഫോമിലേക്കുളള വഴിയിലെ വെളളക്കെട്ട് യാത്രക്കാർക്ക് ദുരിതമാകുകയാണ്. നാരങ്ങാപ്പുറത്ത് ഉണ്ടാകുന്ന വെള്ളക്കെട്ട് വ്യാപാര സ്ഥാപനങ്ങൾക്ക് കനത്ത നഷ്ടമാണ് സൃഷ്ടിക്കുന്നത്. ബ്രദേഴ്സ് ലൈൻ മുതൽ പുതിയ ബസ് സ്റ്റാൻഡ് ലാവണ്യ കോംപ്ലക്സ് വരെയുള്ള വ്യാപാര സ്ഥാപനങ്ങളിൽ വെള്ളം കയറുന്നത് പതിവാണ്. ബസ് സ്റ്റാൻഡിലെത്തുന്ന യാത്രക്കാരും കടുത്ത പ്രയാസമാണ് മഴക്കാലങ്ങളിൽ അനുഭവിക്കുന്നത്. ചിറക്കര എസ്എസ് റോഡ്, മഞ്ഞോടി, കുട്ടിമാക്കൂൽ റോഡ്, പുല്ലമ്പിൽ റോഡ്, കുയ്യാലി, ഇല്ലത്തുതാഴെ, കൊളശേരി, വയലളം, കണ്ണിച്ചിറ റോഡ്, ടെമ്പിൾഗേറ്റ് റോഡ്, ജഗന്നാഥ ക്ഷേത്രം റോഡ്, കണിയേരി വയൽ റോഡ്, ദത്തത്രയ മഠം റോഡ്, കൊമ്മൽ വയൽ റോഡ്, താഴെവയൽ റോഡ്, വാടിക്കൽ റോഡ് എന്നീ പ്രദേശങ്ങളിലും മഴ കനക്കുമ്പോൾ വെള്ളക്കെട്ട് രൂക്ഷമാണ്.

എകെസിസി കുന്നോത്ത് യൂണിറ്റിന്‍റെ നേതൃത്വത്തിൽ

ഇരിട്ടി: എകെസിസി കുന്നോത്ത് യൂണിറ്റിന്‍റെ നേതൃത്വത്തിൽ ഇടവകയിൽ നിന്നും എസ്എസ്എൽ സി, പ്ലസ്ടു പരീക്ഷകളിൽ ഉന്നത വിജയം നേടിയ വിദ്യാർഥികളെ ആദരിച്ചു. കുന്നോത്ത് സെന്‍റ് തോമസ് പാരിഷ് ഹാളിൽ നടന്ന അനുമോദന യോഗം ഫൊറോനാ വികാരി ഫാ. സെബാസ്റ്റ്യൻ മുക്കിലിക്കാട്ടിൽ ഉദ്ഘാടനം ചെയ്ത് വിജയികൾക്ക് പുരസ്കാരങ്ങൾ സമ്മാനിച്ചു. എകെസിസി യൂണിറ്റ് പ്രസിഡന്‍റ് എൻ.വി. ജോസഫ് അധ്യക്ഷത വഹിച്ചു. ഗ്ലോബൽ സമിതി അംഗം ബെന്നി പുതിയാമ്പുറം, ഇടവക കോ-ഓർഡിനേറ്റർ സെബാസ്റ്റ്യൻ കക്കാട്ടിൽ, തങ്കച്ചൻ തുരുത്തിമറ്റത്തിൽ, ജീന കെ. മാത്യു, രഞ്ജന തോമസ്, മിനി മംഗലത്തിൽ, സോളി പുതിയാമ്പുറം എന്നിവർ പ്രസംഗിച്ചു.

പണയത്തട്ടിപ്പ് തടയാൻ ശക്തമായ നിയമ നിർമാണം വേണം: എകെപിബിഎ

ഇരിട്ടി: ബാങ്കുകളിൽ മുക്കുപണ്ടം പണയം വച്ച് തട്ടിപ്പ് നടത്തുന്നവർക്കെതിരെ ശക്തമായ നിയമനടപടികളും ശിക്ഷകളും നടപ്പാക്കണമെന്ന് ഓൾ കേരള പ്രൈവറ്റ് ബാങ്കേഴ്സ് അസോസിയേഷൻ (എകെപിബിഎ) 22-ാമത് ജില്ലാ സമ്മേളനം ആവശ്യപ്പെട്ടു. ഇരിട്ടി ഫൽക്കൺപ്ലാസ ഓഡിറ്റോറിയത്തിൽ നടന്ന സമ്മേളനവും കുടുംബ സംഗമവും നഗരസഭാ പേഴ്‌സൺ കെ. ശ്രീലത ഉദ്ഘാടനം ചെയ്തു. അസോസിയേഷൻ ജില്ലാ പ്രസിഡന്‍റ് സെബാസ്റ്റ്യൻ ഫ്രാൻസിസ് അധ്യക്ഷത വഹിച്ചു. സംസ്ഥാന പ്രസിഡന്‍റ് പി.എ. ജോസ് മുഖ്യ ഭാഷണം നടത്തി. ജില്ലാ സെക്രട്ടറി സുരേഷ് ബാബു. ജനറൽ സെക്രട്ടറി കെ.കെ. ഗോപു, ട്രഷറർ ജയചന്ദ്രൻ മറ്റപ്പള്ളി, പ്രജിത്ത്, വിജോയ് വർഗീസ്, സെബാസ്റ്റ്യൻ തോമസ് എന്നിവർ പ്രസംഗിച്ചു.

നവീകരിച്ച ഗ്രൗണ്ട് നാടിനു സമർപ്പിച്ചു

ഇരിട്ടി: കുന്നോത്ത് സെന്‍റ് ജോസഫ്സ് ഹയർ സെക്കൻഡറി സ്കൂളിൽ നവീകരിച്ച ഗ്രൗണ്ടിന്‍റെ ഉദ്ഘാടനവും സെവൻസ് ഫുട്ബോൾ ടൂർണമെന്‍റും സംഘടിപ്പിച്ചു. ഇരിട്ടി ബ്ലോക്ക് പഞ്ചായത്ത് പ്രസിഡന്‍റ് കെ. വേലായുധൻ ഉദ്ഘാടനം ചെയ്തു. പിടിഎ പ്രസിഡന്‍റ് ജോബി ജോസഫ് അധ്യക്ഷത വഹിച്ചു. ഇരിട്ടി സിഐ എ. കുട്ടികൃഷ്ണൻ മുഖ്യാതിഥിയായിരുന്നു. ഇരിട്ടി സബ്ജില്ലാ സെവൻസ് ഫുട്ബോൾ ചാമ്പ്യൻഷിപ്പിൽ ഇരിട്ടി ഹയർ സെക്കൻഡറി സ്കൂൾ ചാമ്പ്യന്മാരായി. സെന്‍റ് തോമസ് ഹയർ സെക്കൻഡറി സ്കൂൾ കിളിയന്തറ റണ്ണറപ്പായി. സെന്‍റ് സെബാസ്റ്റ്യൻസ് എച്ച്എസ്എസ് വെളിമാനം മൂന്നാം സ്ഥാനം കരസ്ഥമാക്കി. വിജയികൾക്ക് കാഷ് അവാർഡും ട്രോഫിയും ഇരട്ടി സിഐ എ. കുട്ടികൃഷ്ണൻ വിതരണം ചെയ്തു. പഞ്ചായത്ത് അംഗങ്ങളായ മുജീബ് കുഞ്ഞിക്കണ്ടി, ഷൈജൻ ജേക്കബ്, പ്രിൻസിപ്പൽ പി.കെ. ബാബു, യുപി സ്കൂൾ മുഖ്യാധ്യാപകൻ ബിജു കുറുമുട്ടം, ഹൈസ്കൂൾ മുഖ്യാധ്യാപകൻ എം.ജെ. ജോർജ് എന്നിവർ പ്രസംഗിച്ചു.

ദേശീയ കളരിപ്പയറ്റ് ചാന്പ്യൻഷിപ്പിൽ ഉളിക്കൽ സ്വദേശിക്ക് വെള്ളി മെഡൽ

ഉളിക്കൽ: തിരുവനന്തപുരത്ത് നടന്ന 27-ാ മത് നാഷണൽ കളരിപ്പയറ്റ് ചാന്പ്യൻഷിപ്പിൽ സീനിയർ വിഭാഗം ആൺകുട്ടികളുടെ ഹൈ കിക്ക് വിഭാഗത്തിൽ ഉളിക്കൽ സ്വദേശിക്ക് വെള്ളിമെഡൽ. ഉളിക്കൽ ചക്രവ്യൂഹം കളരി അക്കാദമിയിലെ അദ്വൈതാണ് സംസ്ഥാനത്തിന് വേണ്ടി വെള്ളി നേടിയത്. ഉളിക്കൽ കൊക്കാട് തെനശേരി സുരേഷ്-ശ്രീകല ദന്പതികളുടെ മകനാണ്. 18 സംസ്ഥാനങ്ങളിൽ നിന്നുള്ള ഇരുനൂറോളം പേരാണ് ചാമ്പ്യൻഷിപ്പിൽ മത്സരിച്ചത്. കഴിഞ്ഞ 12 വർഷമായി ചക്രവ്യൂഹം കളരി അക്കാദമിയിലെ രതീഷ് ഗുരുക്കളുടെ കീഴിലാണ് അദ്വൈത് പരിശീലനം നടത്തിവരുന്നത്. വടക്കൻ സമ്പ്രദായത്തിലെ കോൽത്താരി, അങ്കത്താരി, നെയ്ത്താരി, വെറുംകൈ, എന്നീ സമ്പ്രദായത്തിലാണ് പരിശീലനം നേടുന്നത്.

സാന്‍റാ മോണിക്ക വിദേശ വിദ്യാഭ്യാസ പ്രവേശനോത്സവം നാളെ കാഞ്ഞങ്ങാട്ടും 18ന് ഇരിട്ടിയിലും

കണ്ണൂർ: സാന്‍റാ മോണിക്ക എബ്രോഡ് സംഘടിപ്പിക്കുന്ന വിദേശ വിദ്യാഭ്യാസ പ്രവേശനോത്സവം നാളെ കാഞ്ഞങ്ങാട് അലാമിപ്പള്ളി രാജ് റസിഡൻസിയിലും 18ന് ഇരിട്ടി ഗ്രാൻഡ് റിവർ സൈഡ് കൺവൻഷൻ സെന്‍ററിലും നടക്കും. രാവിലെ പത്തു മുതൽ വൈകുന്നേരം അഞ്ചുവരെയാണ് വിദേശ വിദ്യാഭ്യാസ പ്രവേശനോത്സവം. വിദേശ വിദ്യാഭ്യാസ പ്രവേശനോത്സവത്തിലൂടെ വിദ്യാർഥികൾക്ക് ലോകത്തിലെ മുൻനിര വിദേശ സർവകലാശാലകൾ, കോളജുകൾ എന്നിവിടങ്ങളിൽ സ്പോട്ട് അഡ്മിഷൻ നേടാനാകുമെന്നും പ്രവേശനോത്സവം മികച്ച വിദേശ സര്‍വകലാശാലകളുടെയും കോളജുകളുടെയും സംഗമമായിരിക്കുമെന്നും സാന്‍റാ മോണിക്ക മാനേജിംഗ് ഡയറക്ടർ ഡെന്നി തോമസ് വട്ടക്കുന്നേൽ പറഞ്ഞു. ഓസ്ട്രേലിയ, ഫ്രാൻസ്, ജര്‍മനി, യുകെ, യുഎസ്എ, കാനഡ, ഉൾപ്പടെയുള്ള രാജ്യങ്ങളില്‍നിന്നുള്ള പ്രതിനിധികളുമായി വിദ്യാർഥികൾക്കും രക്ഷിതാക്കൾക്കും നേരിട്ട് സംവദിക്കാനും അവസരമുണ്ടാകും. പ്ലസ്ടു, ഡിഗ്രി, മാസ്റ്റേഴ്സ് കഴിഞ്ഞവർക്ക് 30,000 ല്‍പരം കോഴ്സുകളില്‍നിന്ന് അനുയോജ്യമായത് തെരഞ്ഞെടുക്കാനുള്ള അവസരവും ഒരുക്കിയിട്ടുണ്ട്. വിദേശ വിദ്യാഭ്യാസ പ്രവേശനോത്സവത്തിൽ പങ്കെടുക്കുന്ന വിദ്യാർഥികൾക്ക് ഒരു മില്യനിലേറെ സ്കോളർഷിപ്പുകളും ഒരു ലക്ഷം വരെ മൂല്യമുള്ള റിഡീമബിള്‍ കൂപ്പണുകളും നേടാനാകും. പങ്കെടുക്കുന്ന വിദ്യാർഥികൾക്ക് നിബന്ധനകൾക്കു വിധേയമായി IELTS, PTE, TOEFL, GRE, OET, ജർമൻ ഭാഷ, സ്പോക്കൺ ഇംഗ്ലീഷ്, ഫ്രഞ്ച്, ലാംഗ്വേജ് സെർട്ട് (language cert ) സ്പാനിഷ് ക്ലാസുകൾക്ക് ഫീസ് ഇനത്തിൽ 30 ശതമാനം കിഴിവും ലഭിക്കും. പ്രമുഖ ബാങ്കുകളുടെ വിദ്യാഭ്യാസ വായ്പാ കൗണ്ടറുകളും വിദ്യാഭ്യാസവിദഗ്ധർ നയിക്കുന്ന വിദേശ വിദ്യാഭ്യാസ സെമിനാറുകളും പ്രവേശനോത്സവത്തിൽ ഉണ്ടായിരിക്കും. പ്രവേശനം സൗജന്യമാണ്. പങ്കെടുക്കുന്നവർ www.santamonicaedu.inഎന്ന വെബ്സൈറ്റിൽ മുൻകൂട്ടി രജിസ്റ്റർ ചെയ്താൽ ഇ -മെയിൽ വഴി ലഭിക്കുന്ന എൻട്രി പാസ് ഉപയോഗിച്ച് പ്രവേശനം നേടാം. സ്പോട്ട് രജിസ്ട്രേഷൻ സൗകര്യവുമുണ്ട്. ഫോൺ: 0484 4150999, 9645222999.

മലയോരത്തെ വിനോദസഞ്ചാര കേന്ദ്രങ്ങളിലേക്ക് ജീപ്പ് ഡ്രൈവർമാരുടെ തീവെട്ടിക്കൊള്ള

നടുവിൽ: മലയോരത്തെ പ്രധാന വിനോദസഞ്ചാര കേന്ദ്രങ്ങളായ പാലക്കയംതട്ട്, ഏഴരക്കുണ്ട്, പൈതൽമല എന്നിവിടങ്ങളിലേക്കു സർവീസ് നടത്തുന്ന ജീപ്പ് ഡ്രൈവർമാർ അമിത വാടക ഈടാക്കുന്നതായി പരാതി. പാലക്കയംതട്ടും ഏഴരക്കുണ്ടും കാണാൻ വന്ന കാഞ്ഞങ്ങാട് സ്വദേശികളിൽനിന്ന് അമിത വാടക ഈടാക്കിയതിനെതിരേ തളിപ്പറമ്പ് ജോയിന്‍റ് ആർടിഒയ്ക്കും കുടിയാന്മല പോലീസ് സ്റ്റേഷനിലും പരാതി നൽകി. കാഞ്ഞങ്ങാട് അരയി പാലക്കൽ സ്വദേശി എസ്. ജഗദീഷാണ് പരാതി നൽകിയത്. പാലക്കയത്തേക്കുള്ള യാത്രയിൽ കൈതളം എന്ന സ്ഥലത്തുനിന്നും ഏഴരക്കുണ്ടിലേക്കും തിരിച്ചു പാലക്കയത്തേക്കും ഓടിയതിന് ഒരു ജീപ്പിനു 3000 രൂപ വാടക വാങ്ങിയതായി പരാതിയിൽ പറയുന്നു. കഴിഞ്ഞ ദിവസം ഇവിടെ എത്തിയ 20 പേരുള്ള സംഘത്തിൽ കുട്ടികളും സ്ത്രീകളും ആയിരുന്നു ഭൂരിപക്ഷവും. എല്ലാവർക്കും കൂടി യാത്ര ചെയ്യാൻ മൂന്നു ജീപ്പ് ഏർപ്പാടാക്കേണ്ടി വന്നു. കൈതളം വഴി പാലക്കയത്തേക്ക് പോവുകയായിരുന്ന തങ്ങളുടെ ട്രാവലർ തടഞ്ഞുനിർത്തി മുകളിലേക്ക് ഓഫ് റോഡ് ആണെന്നും വാഹനം പോകില്ലെന്നും നുണ പറയുകയായിരുന്നുവെന്നും പരാതിയിൽ പറയുന്നു. മൂന്നു സ്ഥലങ്ങൾ കാണിച്ചു തരാമെന്നും 27.5 കിലോമീറ്റർ ദൂരം ഓടാൻ ഉണ്ടെന്നും ഒരു ജീപ്പിനു 3000 രൂപ വാടകയാകും എന്ന് പറഞ്ഞു. 12 കിലോമീറ്റർ ദൂരം വരുന്ന യാത്രയയ്ക്കാണ് അമിതവാടക വാങ്ങിയത്. മൂന്ന് സ്ഥലത്ത് പോകാം എന്ന് പറഞ്ഞ് രണ്ടു സ്ഥലത്തല്ലേ പോയുള്ളൂ എന്ന് ചോദിച്ചതിന് അപമര്യാദയായി പെരുമാറിയെന്നും തങ്ങൾക്ക് മാനനഷ്ടം ഉണ്ടാക്കിയെന്നതിനാൽ നഷ്ടപരിഹാരം ലഭിക്കണമെന്നും പരാതിയിൽ ആവശ്യപ്പെട്ടു. പാലക്കയം തട്ട് വിനോദസഞ്ചാര കേന്ദ്രമായി മാറിയതു മുതൽ ടാക്സി ഡ്രൈവർമാരുടെ പെരുമാറ്റത്തെക്കുറിച്ചും അമിത വാടകയെക്കുറിച്ചും നിരവധി പരാതിയാണ് ഉയർന്നുവന്നിരിക്കുന്നത്. കൈതളം വഴി വരുന്നവരാണ് കൂടുതലും തട്ടിപ്പിന് ഇരയാകുന്നത്. നിലവിൽ മിനി ബസ് ഉൾപ്പെടെയുള്ള വാഹനങ്ങൾ പാലക്കയം തട്ടിന്‍റെ മുകളിലെത്തുമെങ്കിലും വാഹനങ്ങൾ പോകാൻ ബുദ്ധിമുട്ടാണെന്ന് തെറ്റിദ്ധരിപ്പിച്ച് മുകളിൽ ആൾക്കാരെ കൊണ്ടുപോവുകയും അമിതമായ വാടക ഈടാക്കുന്നുണ്ടെന്നും നിരവധി പരാതികൾ മുമ്പ് തന്നെ ഉണ്ടായിരുന്നു. സൗകര്യമുണ്ടങ്കിലും ചില ഉൾപ്രദേശങ്ങളിലൂടെ ഓഫ് റോഡ് ആയി സഞ്ചരിച്ച് ആളുകളെ തെറ്റിദ്ധരിപ്പിക്കുകയാണ് ചെയ്യുന്നത്. ദിവസവും നൂറുക്കണക്കിന് സഞ്ചാരികൾ എത്തിയിരുന്ന പാലക്കയംതട്ടിൽ ഇപ്പോൾ വളരെ കുറഞ്ഞ എണ്ണം സഞ്ചാരികൾ മാത്രമാണ് എത്തുന്നത്.

ചെറുപുഴയിൽ മൺസൂൺ റാഫ്റ്റിംഗ്

ചെറുപുഴ: കേരളത്തിലെ തന്നെ ഏറ്റവും മനോഹരവും സുരക്ഷിതവുമായ മൺസൂൺ റാഫ്റ്റിംഗ് ചെറുപുഴ കാര്യങ്കോട് പുഴയിൽ ആരംഭിച്ചു. ചെറുപുഴ പഞ്ചായത്തിലെ കോഴിച്ചാൽ മുതൽ വയലായി വരെ 12 കിലോമീറ്റർ ദൂരത്തിലാണ് കാര്യങ്കോട് പുഴയുടെ കുത്തൊഴുക്കിൽ സാഹസിക വിനോദമായ റാഫ്റ്റിംഗ് നടക്കുന്നത്. മൺസൂൺ ആരംഭിക്കുന്ന ജനുവരി മാസം മുതൽ മഴക്കാലം തീരുന്നതുവരെ റാഫ്റ്റിംഗ് ഉണ്ടായിരിക്കും. ചെറുപുഴ റിവർ റാഫ്റ്റിംഗ് എന്ന പേരിലുള്ള ഈ സാഹസിക വിനോദത്തിന്‍റെ ചുക്കാൻ പിടിക്കുന്നത് പുളിങ്ങോം സ്വദേശികളായ കെ.ജെ. തോമസും അനൂപ് വാകത്താനവുമാണ്. ഹെൽമറ്റ്, സേഫ്റ്റി ജാക്കറ്റ്, ഗൈഡുകൾ തുടങ്ങി എല്ലാവിധ സുരക്ഷാ സംവിധാനങ്ങളോടും കൂടിയുള്ള യാത്ര ഒരനുഭവം തന്നെയാണ്. അഞ്ച് റാഫ്റ്റുകളാണുള്ളത്. ഒന്നിൽ ആറ് പേർക്ക് യാത്ര ചെയ്യാം. ഒരു ഗൈഡും ഉണ്ടാകും. ഋഷികേശിൽ നിന്നുമുള്ള റാഫ്റ്റിംഗ് എക്സ്പേർട്സാണ് ഗൈഡുകൾ. കാര്യങ്കോടുപുഴയുടെ കുത്തൊഴുക്കിൽ പാഞ്ഞും തട്ടിയും മുട്ടിയും താഴ്ചകളിൽ ആഞ്ഞുപതിച്ചും സാഹസിക വിനോദത്തെ പ്രണയിക്കുന്നവർക്ക് ചെറുപുഴ കാര്യങ്കോട് പുഴയിലെ റാഫ്റ്റിംഗിനെത്താതിരിക്കാൻ കഴിയില്ല.

വെള്ളിച്ചിലങ്കയണിഞ്ഞ് മൺസൂൺ മലയോരം

ദീപിക ലേഖകർ കണ്ണൂർ: മഴക്കാലം തുടങ്ങിയതോടെ മലയോരത്ത് മൺസൂൺ ടൂറിസവും സജീവമായി. ചെറുതും വലുതുമായ മലയോരപ്രദേശങ്ങളിലെ വെള്ളച്ചാട്ടങ്ങൾ കാണാനും ആസ്വദിക്കാനും സഞ്ചാരികളുടെ ഒഴുക്ക് തുടരുകയാണ്. പുഴയോരങ്ങളും തോടുകളും കേന്ദ്രീകരിച്ച് വാട്ടർ റാഫ്റ്റിംഗ് അടക്കമുള്ള സാഹസിക വിനോദങ്ങളും സജീവമാണ്. കോടമഞ്ഞുകൾ പുതച്ച പ്രകൃതി രമണീയമായ മലയോരത്തെ കാഴ്ചകൾ കാണാൻ ദിനംപ്രതി നൂറുകണക്കിന് സഞ്ചാരികളാണ് മലയോരത്തേക്ക് ഒഴുകിയെത്തുന്നത്. ടൂറിസം വകുപ്പിന്‍റെ ശ്രദ്ധ ഒന്നുപതിഞ്ഞാൽ സർക്കാരിന് പ്രധാനപ്പെട്ട വരുമാനമാർഗമായി മലയോരപ്രദേശങ്ങളിലെ മൺസൂൺ കാഴ്ചകളെ മാറ്റാം. പ്രധാനപ്പെട്ട മൺസൂൺ ടൂറിസം കേന്ദ്രങ്ങളിലൂടെ ദീപിക സഞ്ചരിച്ചപ്പോൾ. അഴകായി അളകാപുരി കാഞ്ഞിരക്കൊല്ലി: കണ്ണൂർ ജില്ലയുടെ പ്രധാന ടൂറിസം സ്പോട്ടുകളിൽ ഒന്നാണ് കാഞ്ഞിരക്കൊല്ലിയിലെ അളകാപുരി വെള്ളച്ചാട്ടവും ശശിപ്പാറയും. കുടകും കാഞ്ഞിരക്കൊല്ലിയും രണ്ടു സംസ്ഥാനങ്ങളുടെ ഭാഗമാണെങ്കിലും കുടകിൽ ജനിച്ച് കേരളത്തിലേക്ക് ഒഴുകുന്ന പുഴ 200 അടി താഴ്ചയിലേക്ക് കുതിച്ചുചാടുന്നു. പച്ചപ്പുകൾക്ക് നടുവിലൂടെ പളുങ്കുമണികൾ ചിതറി താഴേക്ക് പതിക്കുന്ന പുഴയുടെ കാഴ്ച അതീവ മനോഹരം. കണ്ണൂരിൽനിന്നു പയ്യാവൂർ - പാടാംകവല വഴിയും ഇരിട്ടി- മണിക്കടവ് വഴിയും കാഞ്ഞിരക്കൊല്ലിയിൽ എത്താം. കാഞ്ഞിരക്കൊല്ലിയിൽനിന്നും മീശക്കവലയിൽനിന്നും നടന്നുവേണം ഇവിടെ എത്താൻ. വെള്ളച്ചാട്ടം കാണുന്നതിനൊപ്പം സഞ്ചാരികൾക്ക് കുളിക്കാനും അളകാപുരിയിൽ പറ്റും. പാൽപ്പോലെ പാൽച്ചുരം കൊട്ടിയൂർ: കൊട്ടിയൂർ പാൽച്ചുരം കാണണമെങ്കി ൽ സാഹസിക യാത്രതന്നെ വേണ്ടിവരും. കൂറ്റൻ പാറകൾക്കിടയിലൂടെ ആർത്തലച്ച് ഒഴുകുന്ന ചെകുത്താൻ തോടിനെ ഏറ്റവും കൂടുതൽ മനോഹരിയാക്കുന്നത് ഈ വെള്ളച്ചാട്ടമാണ്. പാൽച്ചുരം റോഡിന് അല്പം മാറി കാട്ടിനുള്ളിലാണ് ഈ വെള്ളച്ചാട്ടം. പല ദിവസങ്ങളിലും കോടമഞ്ഞിനിടയിലൂടെയാണ് ഇവിടെ എത്താനാകുക. ചുരം പാതകളും കൊക്കകളും താണ്ടി കാൽനടയായി അരകിലോമീറ്ററോളം സഞ്ചരിച്ചാൽ വെള്ളച്ചാട്ടമായി. വെള്ളം ചാടിയെത്തുന്നിടത്ത് ചെറിയൊരു കുളംപോലെ രൂപപ്പെട്ടിട്ടുണ്ട്. അതിൽ നീന്തിക്കുളിക്കാം. വി നോദസഞ്ചാര വകുപ്പ് ഒന്ന് കണ്ണുതുറന്നാൽ ഇവിടം സഞ്ചാരികളുടെ മൺസൂൺ താവള മാകുമെന്നുറപ്പ്. പൊൻപുഴ തോട്ടിലെ മീന്തുള്ളി വെള്ളച്ചാട്ടം ചെറുപുഴ: ചെറുപുഴ പഞ്ചായത്തിലെ മീന്തുള്ളി വെള്ളച്ചാട്ടം അതിമനോഹരമായ കാഴ്ചയാണ്. ധാരാളം സഞ്ചാരികളാണ് മീന്തുള്ളി വെള്ളച്ചാട്ടം കാണാനെത്തുന്നത്. താബോർ മലനിരകളിൽനിന്നും ഉൽഭവിച്ച് കാര്യങ്കോട് പുഴയിൽ ചേരുന്ന പൊൻപുഴ തോട്ടിലാണ് ഈ ഇത് സ്ഥിതി ചെയ്യുന്നത്. ചെറുപുഴ ടൗണിൽ നിന്നും 12 കിലോമീറ്റർ സഞ്ചരിച്ചാൽ ഇവിടെയെത്താം. ജൂൺ മുതലാണ് ഇവിടെയും സഞ്ചാരികളെത്തുന്നത്. വെള്ളച്ചാട്ടത്തിൽ ഇറങ്ങുന്നതിനും കളിക്കുന്നതിനുമൊക്കെ സൗകര്യമുണ്ട്. ദൃശ്യഭംഗിയിൽ ഏഴരക്കുണ്ട് ചെമ്പേരി: നടുവിൽ, ഏരുവേശി പഞ്ചായത്തുകളുടെ അതിർത്തിയിൽ കുടിയാന്മലക്കും പൊട്ടംപ്ലാവിനുമിടയിലെ ചാത്തമലക്ക് സമീപമാണ് മലയോര മേഖലയുടെ ദൃശ്യഭംഗിയിൽ ഏറെ വിസ്മയം പകരുന്ന ഏഴരക്കുണ്ട് വെള്ളച്ചാട്ടം. കുത്തനെയുള്ള മലഞ്ചെരിവിലെ പാറക്കെട്ടിലൂടെ ഒഴുകിയിറങ്ങുന്ന പുഴയിലെ വിവിധ തട്ടുകളിലായി വെള്ളം താഴേക്ക് പതിക്കുന്നതാണ് ഈ വെള്ളച്ചാട്ടത്തെ മഴക്കാലങ്ങളിൽ കൂടുതൽ നയന മനോഹരമാക്കുന്നത്. മഴക്കാലത്തെ മലവെള്ളപ്പാച്ചിലിൽ പുഴയിലെ പാറത്തട്ടുകളിൽ ഏഴിടങ്ങളിലായി കാലങ്ങൾക്ക് മുമ്പ് താനേ രൂപം കൊണ്ട വലിയ കുഴികളിലും ഒരു ചെറിയ കുഴിയിലും വേനൽക്കാലത്തും വെള്ളം നിറഞ്ഞുനിൽക്കുന്നതിനാലാണ് ഏഴരക്കുണ്ട് എന്ന പേരു ലഭിക്കാൻ കാരണമായത്. ഏതാനും വർഷങ്ങൾക്ക് മുമ്പ് കണ്ണൂർ ഡിടിപിസി ഏറ്റെടുത്ത് തൂക്കുപാലങ്ങൾ ഉൾപ്പെടെയുള്ള നടപ്പാതകളും സുരക്ഷാവേലികളും നിരീക്ഷണയിടങ്ങളും സ്ഥാപിച്ച ശേഷമാണ് പ്രവേശന ഫീസ് ഏർപ്പെടുത്തി സഞ്ചാരികളെ സ്വീകരിച്ച് തുടങ്ങിയത്. പുഴയിലിറങ്ങി നീന്തിക്കുളിക്കാൻ താത്പര്യമുള്ളവർക്ക് സുരക്ഷയ്ക്കായി ലൈഫ് ജാക്കറ്റുകൾ സൗജന്യമാണ്. സഞ്ചാരികളുടെ മനം കവർന്ന് പറവൂർ കാരക്കുണ്ട് വെള്ളച്ചാട്ടം പരിയാരം: കാലവർഷം സജീവമായതോടെ പറവൂർ കാരക്കുണ്ട് വെള്ളച്ചാട്ടത്തിലേക്ക് സഞ്ചാരികളുടെ ഒഴുക്ക്. ചുരുക്കം ചില വർഷം കൊണ്ട് വിനോദസഞ്ചാരികളെ അത്രയേറെ ആകർഷിച്ച കണ്ണൂരിലെ അപൂർവം മഴക്കാല വെള്ളച്ചാട്ടങ്ങളിൽ ഒന്നാണ് കടന്നപ്പള്ളി-പാണപ്പുഴ പഞ്ചായത്തിലെ പറവൂർ കാരക്കുണ്ട് വെള്ളച്ചാട്ടം. ഇടവപ്പാതി തുടങ്ങിയാൽ കാരക്കുണ്ടിൽ സഞ്ചാരികൾ ഒഴിഞ്ഞ നേരമില്ല. വെള്ളച്ചാട്ടം കണ്ടാസ്വദിക്കാൻ മാത്രമല്ല റീൽസ് എടുക്കാനും കല്യാണ ഷൂട്ടിനും എത്തുന്നവര്‍ ഏറെ. കണ്ണൂരിൽനിന്ന് കാരക്കുണ്ടിലേക്ക് 35 കിലോമീറ്റർ ആണ് ദൂരം. പയ്യന്നൂരിൽ നിന്ന് 20 ഉം തളിപ്പറമ്പിൽ നിന്ന് 13 കിലോമീറ്ററും ദൂരമുണ്ട്. മാതമംഗലത്തു നിന്നും അഞ്ചുകിലോമീറ്ററും ഉണ്ട്. പ്രകൃതിയോട് ചേർന്ന് നിൽക്കുന്നതും ശബ്‌ദ കോലാഹലങ്ങൾ ഇല്ലാത്തതും സഞ്ചാരികളെ കാരക്കുണ്ടിലേക്ക് ആകർഷിക്കുന്നു.മഴക്കാല വെള്ളച്ചാട്ടമായതിനാൽ വെള്ളം ഒഴുകിയെത്തുന്നത് ചെറു കൈത്തോടുകളിലേക്ക് ആണ്. അതുകൊണ്ടുതന്നെ കുട്ടികൾക്ക് പോലും ഇവിടെ യഥേഷ്‌ടം നീന്തിത്തുടിക്കാം. അതിമനോഹരി സൂചിമുഖി അയ്യൻകുന്ന്: മൺസൂൺ ടൂറിസത്തിന്‍റെ അനന്ത സാധ്യതയാണ് അധികമാരും കടന്നുചെല്ലാത്ത സൂചിമുഖിയെന്ന അതിമനോഹര വെള്ളച്ചാട്ടം. അയ്യൻകുന്ന് പഞ്ചായത്തിലെ മലയോര അതിർത്തി ഗ്രാമമായ വാളത്തോട് ടൗണിൽനിന്നും നടന്നെത്താവുന്ന ദൂരം മാത്രമേയുള്ളൂ ഇവിടേക്ക്. കേരളത്തിന്‍റെ പശ്ചിമഘട്ട മലനിരകളിൽനിന്നും ആരംഭിക്കുന്ന വെമ്പുഴയുടെ ആരംഭംകൂടിയാണ് സൂചിമുഖി വെള്ളച്ചാട്ടം. കരിങ്കല്ലുകൾക്ക് നടുവിലോടെ രണ്ടു തട്ടുകളയി ചിതറി ഒഴുകി താഴേക്ക് പതിക്കുന്ന വെള്ളച്ചാട്ടം സന്ദർശകരെ ആകർഷിക്കും എന്നതിൽ യാതൊരു സംശയവും ഇല്ല. ഇവിടെ സന്ദർശകർക്ക് ആവശ്യമായ അടിസ്ഥാന സൗകര്യങ്ങൾ കൂടി ഒരുക്കേണ്ടതുണ്ട്. പ്രാദേശിക ഭരണകൂടം മാത്രം ശ്രമിച്ചാൽ ഇത്തരം ടൂറിസം പദ്ധതികൾ പൂർണമായും വിജയത്തിൽ എത്തിക്കുക സാധ്യമല്ല. സംസ്ഥാന സർക്കാരിന്‍റെ ഇടപെൽ ഉണ്ടയാൽ മാത്രമേ ഇത്തരം മൺസൂൺ ടൂറിസം വിജയത്തിൽ എത്തുകയുള്ളൂ. ഇരിട്ടിയിൽ നിന്നും എടൂർ-കരിക്കോട്ടക്കരി -എടപ്പുഴ വഴിവേണം വാളത്തോടിൽ എത്തിച്ചേരാൻ. രണ്ടു കുന്നുകൾക്കിടയിലെ ഹരിതീർഥക്കര വെള്ളച്ചാട്ടം ചെറുപുഴ: മഴക്കാലം തുടങ്ങിയതോടെ സഞ്ചാരികളുടെ ഇഷ്‌ടകേന്ദ്രമായി മാറിയിരിക്കുകയാണ് ഹരിതീർഥക്കര വെള്ളച്ചാട്ടം. കാങ്കോൽ-ആലപ്പടമ്പ് പഞ്ചായത്തിലാണ് ഈ വെള്ളച്ചാട്ടം സ്ഥിതി ചെയ്യുന്നത്. ജൂൺ മാസം മുതൽ സെപ്റ്റംബർ വരെയാണ് ഹരിതീർഥക്കര സജീവമാകാറുള്ളത്. രണ്ട് കുന്നുകൾക്കിടയിൽ സ്ഥിതിചെയ്യുന്ന ഈ വെള്ളച്ചാട്ടം ഏതാനും വർഷമേ ആയിട്ടുള്ളൂ വിനോദസഞ്ചാരികളുടെ ഇഷ്ടകേന്ദ്രമായി മാറാൻ തുടങ്ങിയിട്ട്. 25 അടിയോളം ഉയരമുള്ള വെള്ളച്ചാട്ടം രണ്ട് തട്ടുകളായാണ് താഴെ പതിക്കുന്നത്. പയ്യന്നൂർ ചെറുപുഴ റൂട്ടിൽ ചൂരലിനു സമീപത്താണ് ഹരിതീർഥക്കര. ചൂരലിൽ ബസിറങ്ങിയ ശേഷം ഒരു കിലോമീറ്റർ സഞ്ചരിച്ചാൽ ഇവിടെ എത്താം. മുന്നോട്ടുള്ള വഴികളിൽ വ്യത്യസ്തമായ പല കാഴ്ചകളും ഒളിഞ്ഞിരിപ്പുണ്ട്. സ്വകാര്യ വാഹനങ്ങളിൽ പോകുന്നവർക്ക് റോഡിന് ഇരുവശത്തുമായി വാഹനങ്ങൾ പാർക്ക് ചെയ്യാവുന്നതാണ്. റോഡിൽനിന്ന് നോക്കുമ്പോൾ തന്നെ കണ്ണിനു കുളിർമ നൽകുന്ന കാഴ്ചയാണ് ഹരിതീർഥക്കര നൽകുന്നത്. പടവുകളിലിറങ്ങി താഴോട്ടു പോകുംതോറും വെള്ളച്ചാട്ടത്തിനു സൗന്ദര്യം കൂടി കൂടി വരും. കുടുംബത്തോടൊപ്പവും സുഹൃത്തുക്കളോടൊപ്പവും നീന്തിക്കളിക്കാനും വെള്ളച്ചാട്ടത്തിൽ കുളിക്കാനും സുരക്ഷിതമായ സൗകര്യമാണ് ഇവിടെ ഉള്ളത്. പയ്യന്നൂരിൽ നിന്നും 18 കിലോമീറ്റർ സഞ്ചരിച്ചാൽ ഇവിടെ എത്താം. കാഴ്ചകളുടെ നിറവസന്തമൊരുക്കി കാപ്പിമല വെള്ളച്ചാട്ടം ആലക്കോട്: വൈതൽമലയുടെയും ആർത്തലച്ച് ഒഴുകുന്ന ജലധാരയായ കാപ്പിമല വെള്ളച്ചാട്ടത്തിന്‍റെ നിറക്കാഴ്‌ചകൾ തേടിയാണ് സഞ്ചാരികൾ ഏറെയും എത്തുന്നത്. കണ്ണൂർ ജില്ലയിലെ ഏറ്റവും ഉയരം കൂടിയ പശ്ചിമഘട്ട മലനിരയിൽ കേരള-കർണാടക അതിർത്തികളിലായാണ് വൈതൽമല സ്ഥിതി ചെയ്യുന്നത്. സമുദ്ര നിരപ്പിൽനിന്ന് 4500 അടി ഉയരം. മഴക്കാലമായതോടെ വൈതൽമലയുടേയും അതിന്‍റെ താഴ്വാരത്തുള്ള കാപ്പിമല വെള്ളച്ചാട്ടത്തിന്‍റെയും കാഴ്ചകൾ സഞ്ചാരികളുടെ മനം കവരുന്നതാണ്. ആലക്കോട്- ഒറ്റത്തെ- കാപ്പിമല വഴിയാണ് സഞ്ചാരികൾ കാപ്പിമല വെള്ളച്ചാട്ടം കാണാൻ എത്തുന്നത്. വൈതൽമലയടിവാരത്ത് ഏകദേശം അരക്കിലോമീറ്റർ ഉയരത്തിൽനിന്ന് പാറക്കെട്ടുകളെ തഴുകി താഴേക്ക് പാൽനുരതൂകി ഒഴുകിയെത്തുന്ന ജലപ്രവാഹമാണിത്. പുഴയുടെ ഉത്ഭവസ്ഥാനം കൂടിയാണ് വൈതൽക്കുണ്ട് പ്രദേശം. വെള്ളച്ചാട്ടത്തിൽ കുളിക്കാനും കാഴ്‌ചകൾ നുകരാനുമായി മഴക്കാലമായതോടെ കാപ്പിമലയിലേക്ക് സഞ്ചാരികളുടെ പ്രവാഹമാണ്. വിസ്മയംതീർത്ത് മുരിക്കിങ്കരി ശാന്തിഗിരി: കാടിന്‍റെ വന്യതയിൽ ഒളിപ്പിച്ചുവച്ച വിസ്മയച്ചെപ്പ് പോലെയാണ് അടയ്ക്കാത്തോട് - ശാന്തിഗിരി റോഡിലെ മുരിക്കിങ്കരി വെള്ളച്ചാട്ടം. പാലുകാച്ചി ഇക്കോ ടൂറിസം പദ്ധതിയുടെ ഭാഗമായി അടിസ്ഥാന സൗകര്യങ്ങൾ ഒരുക്കി ശാന്തിഗിരി മേഖലയിലേക്ക് സഞ്ചാരികളെ ആകർഷിക്കാനുള്ള പദ്ധതികളുടെ ഭാഗമായി ഈ വെള്ളച്ചാട്ടം സന്ദർശിക്കാൻ വരുന്നവർ നിരവധി പേരാണ്. അടയ്ക്കാത്തോട്ടിൽനിന്ന് നാരങ്ങാത്തട്ട് വഴി ഒന്നര കിലോമീറ്ററോളം സഞ്ചരിച്ചാൽ ഇവിടെയെത്താം.നൂറ് അടിയിലേറെ ഉയരത്തിലെ തട്ടുകളായുള്ള പാറയിൽ തട്ടിത്തെറിച്ച് പരന്ന പാറയിൽ തട്ടി അവിടെ നിന്ന് താഴ്വാരത്തേക്ക് ഒഴുകുന്ന വെള്ളച്ചാട്ടമായി പാറയുടെ ചുവരുകളിലൂടെ ഊർന്നിറങ്ങുന്ന ജലപാതം വിനോദ സഞ്ചാരികളെ ആകർഷിക്കുന്നതാണ്. ചേട്ടായിപ്പാറ വെള്ളച്ചാട്ടവും അച്ചൻ ഒളിച്ച പാറയും അയ്യൻകുന്ന്: അയ്യൻകുന്ന് പഞ്ചായത്തിലെ തന്നെ മൺസൂൺ ടൂറിസത്തിന്‍റെ മുഴുവൻ സാധ്യതയും ഉപയോഗപ്പെടുത്താവുന്ന വെള്ളച്ചാട്ടമാണ് കളിത്തട്ടുംപാറയിലെ ചേട്ടായിപ്പാറ വെള്ളച്ചാട്ടം. സഹ്യന്‍റെ മാറിൽനിന്നും പിറവിയെടുക്കുന്ന അരുവികൾ ഒന്നിച്ചുചേർന്ന് ആർത്തുല്ലസിച്ച് പാറക്കെട്ടുകളിൽ തട്ടി ചിതറി മൂന്ന് തട്ടുകളായി താഴേക്ക് പതിക്കുന്ന കാഴ്ചയുടെ ഭംഗി വാക്കുകൾകൊണ്ട് വിവരിക്കാനാകില്ല. 500 മീറ്റർ അധികം ദൂരത്തിൽ മൂന്നു തട്ടുകളായി പതഞ്ഞൊഴുകയുന്ന വെള്ളച്ചാട്ടം ഒരു ട്രക്കിംഗ് അനുഭവം കൂടിയാണ്. സ്വകാര്യ വ്യക്തികളുടെ സ്ഥലത്തെ ഒറ്റയടി പാതയിലൂടെ നടന്നു വേണം ഇവിടെ എത്താൻ. ഇതിനോട് ചേർന്ന അച്ചനൊളിച്ച പാറയും സന്ദർശകരുടെ മനം കവരും എന്നതിൽ യാതൊരു സംശയവും ഇല്ല. യാത്രാ സൗകര്യവും സന്ദർശകരുടെ സുരക്ഷയുമാണ് ഇവിടെ നേരിടുന്ന വലിയ വെല്ലുവിളി പ്രദേശവാസികളുടെ സഹായം ഉണ്ടെങ്കിൽ മാത്രമേ ഇവിടെ സുരക്ഷിതമായി എത്തിച്ചേരാൻ കഴിയുകയുള്ളൂ . ഇരിട്ടിയിൽ നിന്നും അങ്ങാടിക്കടവ് - വാണിയപ്പാറ - രണ്ടാംകടവ് വഴിവേണം കളിത്തട്ടുംപാറയിൽ എത്താൻ. മുന്നറിയിപ്പുകൾ അവഗണിക്കരുത് മലയോരത്തെ വെള്ളച്ചാട്ടകേന്ദ്രങ്ങൾ സന്ദർശിക്കുന്നവർ വിനോദസഞ്ചാര വകുപ്പും തദ്ദേശസ്ഥാപനങ്ങളും വനംവകുപ്പും പോലീസും സ്ഥാപിച്ച മുന്നറിയിപ്പ് ബോർഡുകളിലെ നിർദേശങ്ങൾ പാലിക്കണം. ഡിടിപിസിയുടെ നിയന്ത്രണത്തിലുള്ള വെള്ളച്ചാട്ടങ്ങളിൽ സുരക്ഷ ഒരുക്കിയിട്ടുണ്ട്. ലൈഫ് ജാക്കറ്റുകൾ ഉൾപ്പെടെയുള്ള സുരക്ഷാ സംവിധാനങ്ങളും ലഭ്യമാണ്. പാറക്കെട്ടുകളിൽ വഴുക്കൽ ഉള്ളതിനാൽ അതീവ ശ്രദ്ധയോടെ വേണം വെള്ളച്ചാട്ടത്തിൽ ഇറങ്ങാൻ. കനത്ത മഴയുള്ളപ്പോൾ വെള്ളച്ചാട്ടം സന്ദർശിക്കാൻ പാടില്ലെന്നാണു നിർദേശം. അതിശക്തമായ ജലപ്രവാഹവും വഴുക്കലുള്ള പാറകളുമാണ് അപകടങ്ങൾ സൃഷ്‌ടിക്കുന്നത്. അതിനാൽ, ജാഗ്രതയോടെ വേണം ഇത്തരം വെള്ളച്ചാട്ടങ്ങൾ സന്ദർശിക്കാൻ. പ്രദേശവാസികളുടെ നിർദേശങ്ങളും അവഗണിക്കരുത്.

അടിപതറുന്ന ആനയടിപ്പാലം ഈ മഴക്കാലം അതിജീവിക്കുമോ...?

ചന്ദനക്കാംപാറ: തകർച്ചയുടെ അവസാനഘട്ടത്തിലെത്തി പയ്യാവൂർ പഞ്ചായത്തിലെ ആനയടിപ്പാലം. പയ്യാവൂർ പഞ്ചായത്തിലെ രണ്ടു വാർഡുകളിൽ ഉൾപ്പെടുന്ന ജനവാസ കേന്ദ്രങ്ങളിലുള്ളവർ പുറംലോകവുമായി ബന്ധപ്പെടാനാശ്രയിക്കുന്ന പ്രധാന റോഡിലെ പാലമാണ് ഏത് സമയവും തകർന്നു വീണേക്കാമെന് അവസ്ഥയിലെത്തി നിൽക്കുന്നത്. ചന്ദനക്കാംപാറ മാന്തോടിൽ നിന്ന് ആനയടി വഴി ഏറ്റുപാറയിലേക്കുള്ള റോഡിൽ പതിറ്റാണ്ടുകൾക്ക് മുമ്പ് നിർമിച്ച പാലത്തിന് ഏതാനും വർഷങ്ങൾക്ക് മുമ്പ്തന്നെ കാര്യമായ ബലക്ഷയം സംഭവിച്ചിരുന്നു. കർണാടക വനത്തിലെ ഉരുൾപൊട്ടലിനെ തുടർന്ന് പുഴയിലുണ്ടായ വെളളപ്പൊക്കത്തിലും കുത്തൊഴുക്കിലും പാലത്തിന്‍റെ മധ്യഭാഗത്തെ തൂണിന് തകരാർ സംഭവിക്കുകയും മുകളിലെ സ്ലാബിൽ വിള്ളൽ വീഴുകയും ചെയ്തിരുന്നു. ഇതേ തുടർന്ന് പാലത്തിലൂടെയുള്ള ഭാരവാഹനങ്ങളുടെ ഗതാഗതം നിരോധിച്ചിരിക്കുകയാണ്. ഓരോ മഴക്കാലം കഴിയുമ്പോഴും പാലത്തിന്‍റെ മധ്യഭാഗത്തെ തൂണിന്‍റെ അടിഭാഗം ബലക്ഷയം നേരിട്ടു കൊണ്ടിരിക്കുകയാണ്. ഇപ്പോൾ തൂൺ തകർന്നിളകി ചെരിഞ്ഞ നിലയിലായിട്ടുണ്ട്. ഇനിയുമൊരു ഉരുൾപൊട്ടലോ ശക്തമായ വെള്ളപ്പാച്ചിലോ ഉണ്ടായാൽ പാലം തകർന്നു വീണേക്കും. അപകടാവസ്ഥയിലായ പാലത്തിന് പകരം പുതിയ പാലം നിർമിക്കണമെന്ന് കാണിച്ച് പലതവണ നിവേദനം നൽകിയിട്ടും നടപടികൾ ഉണ്ടായില്ലെന്ന് പ്രദേശവാസികൾ പറയുന്നു. ദുരന്തം സംഭവിച്ചാൽ മാത്രമേ നടപടിയുണ്ടാകൂ എന്ന നിലപാട് സർക്കാരും ബന്ധപ്പെട്ട ഉദ്യോഗസ്ഥരും തിരുത്തണമെന്നും നാട്ടുകാർ ആവശ്യപ്പെട്ടു.

നാശം വിതച്ച് കനത്ത മഴ: തോടുകളും പുഴകളും കരകവിഞ്ഞു

ചപ്പാത്തുകളിൽ വെള്ളം കയറി ഉളിക്കൽ: വയത്തൂർ പുഴയിലെ ജലനിരപ്പ് ഉയർന്നതോടെ വയത്തൂർ, മണിക്കടവ് ചപ്പാത്തുകളിൽ വെള്ളം കയറി. ഇതോടെ ഇതുവഴിയുള്ള ഗതാഗതം മറ്റ് വഴിയിലൂടെ തിരിച്ചുവിട്ടു. മഴക്കാലം ആരംഭിച്ചാൽ ശക്തമായ നീരൊഴുക്കുള്ള പുഴയിൽ രണ്ട് ചപ്പാത്ത് പാലങ്ങളിലും വെള്ളം കയറുക പതിവാണ്. ഇത്തവണ ഇത് രണ്ടാം തവണയാണ് പാലത്തിൽ വെള്ളം കയറുന്നത്. മഴ ശക്തിയായി തുടർന്നാൽ വട്ട്യാന്തോട് പാലത്തിലും വെള്ളം കയറാനുള്ള സാധ്യതയുണ്ട്. പാലങ്ങൾമുങ്ങി ചെറുപുഴ: കനത്ത മഴയിൽ ചെറുപുഴ മേഖലയിലെ പുഴകളും തോടുകളും കരകവിഞ്ഞു. വെള്ളം കയറി ഒഴുകിയതിനെ തുടർന്ന് അപകടാവസ്ഥയിലായ മുളപ്ര പാലത്തിലൂടെയുള്ള ഗതാഗതം നിരോധിച്ചു. പോലീസെത്തി റോഡ് അടച്ചു. കനത്ത മഴയിലും വെള്ളപ്പാച്ചിലിലും പാലത്തിന്‍റെ സംരക്ഷണഭിത്തി ഇടിഞ്ഞത് അപകടത്തിന് വഴിവയ്ക്കുന്നരീതിയിലായിരുന്നു. ഇതോടെ പാറോത്തുംനീർ ഭാഗത്തേയ്ക്കുള്ള ഗതാഗതം തടസപ്പെട്ടു. കാര്യങ്കോടുപുഴയിൽ അപകടകരമായ രീതിയിൽ ജലനിരപ്പുയർന്നു. താഴ്ന്ന പ്രദേശങ്ങൾ പലതും വെള്ളത്തിലായി. ശ്രീകണ്ഠപുരം: മൂന്നുദിവസമായി നിർത്താതെ പെയ്യുന്ന മഴയിൽ ഇരിക്കൂർ, വഞ്ചിയം,വെമ്പുവ പുഴയുടെ തീരത്തുള്ള താഴ്ന്ന പ്രദേശങ്ങൾ വെള്ളത്തിലായി. മലയോരത്ത് ഉരുൾപൊട്ടൽ ഭീഷണിയുമുണ്ട്. ചെമ്പന്തൊട്ടി പാലത്തിനരികിലും വെള്ളം കയറിയിട്ടുണ്ട്. അപ്രോച്ച് റോഡ് വഴിയുള്ള ഗതാഗതം അപകടമായതിനാൽ റോഡ് അടച്ചു. ചെമ്പന്തൊട്ടി പള്ളം പാലം റോഡിലെ അപ്രോച്ച് റോഡിലെ ഓവുചാൽ പുഴയിലെ കുത്തൊഴുകിൽ മരക്കൊമ്പുകളും മറ്റും വന്ന് അടഞ്ഞത് ജെസിബി ഉപയോഗിച്ചാണ് മാറ്റിയത്. ചന്ദനക്കാംപാറ ടൗണിൽ മാവുംതോട് പാലത്തിൽ ഇന്നലെ രാത്രിയോടെ നേരിയ തോതിൽ വെള്ളം കയറി. ശ്രീകണ്ഠപുരം, ചെങ്ങളായി പുഴ കരകവിഞ്ഞൊഴുകുകയാണ്‌ ശ്രീകണ്ഠപുരം മാർക്കറ്റ്, ചെങ്ങളായി ടൗൺ, പരിപ്പായി വയൽ, ഓടത്തുപാലം, പഴയങ്ങാടി, പൈസക്കരി, ഏരുവേശി എന്നിവിടങ്ങളിൽ പുഴ കരകവിഞ്ഞ് വെള്ളം വയലുകളിലേക്ക് വ്യാപിച്ചു. കർണാടക വനത്തിൽ ഉരുൾ പൊട്ടിയതായി സംശയമുണ്ട്. ശ്രീകണ്ഠപുരം, ചെമ്പന്തൊട്ടി, നടുവിൽ വഴിയുള്ള ഗതാഗതവും ഭാഗികമായി മുടങ്ങി. മടമ്പം പുഴയിലെ ജലനിരപ്പും ഉയർന്ന് വയലും താഴ്ന്ന റോഡും വെള്ളത്തിനിടയിലായി. പയ്യാവൂർ, ഏരുവേശി, ഇരിക്കൂർ, പടിയൂർ പഞ്ചായത്തുകളിലെ ഉരുൾപൊട്ടൽ മേഖലകളിൽ ജാഗ്രത പാലിക്കാൻ അധികൃതർ നിർദേശിച്ചിട്ടുണ്ട്. ചന്ദനക്കാംപാറ: പയ്യാവൂർ-ഏരുവേശി പഞ്ചായത്തുകളെ ബന്ധിപ്പിക്കുന്ന വണ്ണായിക്കടവ് പാലം മൂന്നാം തവണയും വെള്ളത്തിനടിയിലായി. പതിവായി വെള്ളം കയറാറുന്ന ഇവിടെ ഏതാനും വർഷം മുന്പ് ജില്ലാ പഞ്ചായത്ത് എട്ടുലക്ഷം രൂപ ചെലവിൽ കൈവരികൾ സ്ഥാപിച്ചിരുന്നു. രണ്ടുവർഷം മുന്പുണ്ടായ മലവെള്ളപാച്ചിലിൽ ഇത് തകർന്നു. പാലം വെള്ളത്തിനിടയിലായതിനെ തുടർന്ന് ഇതുവഴിയുള്ള ഗതാഗതം നിരോധിച്ചു. മഴയിലും കാറ്റിലും വ്യാപക നാശനഷ്‌ടം കാർത്തികപുരം: രണ്ടുദിവസമായി തുടരുന്ന കാറ്റിലും മഴയിലും ഉദയഗിരി പഞ്ചായത്തിൽ വ്യാപക നാശം. കോളിയിൽ മൂര്യത്ത് സതീശന്‍റെ വീടിന്‍റെ മുറ്റം ഇടിഞ്ഞ് വീട് അപകട ഭീഷണിയിലായി. തോണ്ടിക്കുഴിയിൽ മരം ഒടിഞ്ഞു വീണ് വൈദ്യുത തൂൺ തകർന്നു. പുതുശേരി ലളിതയുടെ നിരവധി കവുങ്ങുകൾ കാറ്റിൽ ഒടിഞ്ഞുവീണു. പൂവംചാലിൽ റബർ ഒടിഞ്ഞ് തളിപ്പറമ്പ്-കൂർഗ് ടിസിബി റോഡിൽ ഗതാഗതം തടസപ്പെട്ടു. ചുള്ളിപ്പള്ളയിലും മുട്ടത്താംവയലിലും മരങ്ങൾ ഒടിഞ്ഞു വീണ് നിരവധി വൈദ്യുത തൂണുകൾ തകർന്നു. മതിലിടിഞ്ഞ് വീടിന് നാശം മയ്യിൽ: മയ്യിലില്‍ കനത്ത മഴയില്‍ മതില്‍ തകർന്നു വീണ് വീട് ഭാഗികമായി തകർന്നു. ചെറുപഴശി വള്ളിയോട്ടെ സി.വി. സദാനന്ദന്‍റെ വീടിനാണ് കേടുപാടു സംഭവിച്ചത്. ഇന്നലെ രാവിലെ ഒമ്പതോടെ വീടിനു പിൻ ഭാഗത്ത് അടുത്തിടെ നിർമിച്ച മതിലിന്‍റെ കോൺക്രീറ്റ് ബെൽറ്റും ചെങ്കല്ലുകളും തകർന്നു വീഴുകയായിരുന്നു. അടുക്കളയുടെ ചുമർ, ജനൽ എന്നിവയാണ് തകർന്നത്.

അഡൂർക്കടവ്-മലപ്പട്ടം പാലം പ്രവൃത്തി പുരോഗമിക്കുന്നു

ചെങ്ങളായി: ഇടക്കാലത്ത് നിർമാണ സാമഗ്രികൾ എത്താതിരുന്നതിനെ തുടർന്ന് പ്രവൃത്തി നിലച്ച അഡൂർക്കടവ്-മലപ്പട്ടം പാലം പണി ദ്രുതഗതിയിൽ മുന്നേറുന്നു മലപ്പട്ടം-ചെങ്ങളായി പഞ്ചായത്തുകളെ ബന്ധിപ്പിക്കുന്നതിനായി 12.15 കോടി ചെലവിലാണ് പാലം പണിയുന്നത്. ഊരാളുങ്കൽ ലേബർ സൊസൈറ്റിക്കാണ് നിർമാണ ചുമതല. കാലവർഷം എത്തിയെങ്കിലും ഇപ്പോൾ ചെങ്ങളായി ഭാഗത്തും അഡൂർ ഭാഗത്തും പണി നടന്നു വരികയാണ്. പുഴയിൽ 105 മീറ്റർ നീളത്തിൽ മൂന്നു സ്പാനുകളായിട്ടാണ് പാലം നിർമിക്കുന്നത്. അഡൂർ ഭാഗത്ത് 350 മീറ്റർ നീളത്തിൽ പാർശ്വറോഡും ചെങ്ങളായി ഭാഗത്ത് 62 മീറ്റർ നീളത്തിൽ ലാൻഡ് സ്പാനും 10 മീറ്റർ പാർശ്വറോഡും ഉണ്ടായിരിക്കും. ചെങ്ങളായി ഭാഗത്ത് 62 മീറ്റർ നീളത്തിൽ ലാൻഡ് സ്പാനുകളുടെ പണിയാണ് നടന്നുകൊണ്ടിരുന്നത്. ചെങ്ങളായി പുഴയിലെ തൂക്കുപാലം വഴിയാണ് നാട്ടുകാർ ഇരുഭാഗത്തക്കും ഇപ്പോൾ യാത്ര ചെയ്യുന്നത്. പാലം യാഥാർഥ്യമാകുന്നതോടെ ചെങ്ങളായി, മലപ്പട്ടം പഞ്ചായത്തുകളിലെ വികസ പ്രവർത്തനങ്ങൾക്കും വേഗതയേറും.

മഞ്ചക്കുഴി ബൈപാസ് നിർമാണ മേഖലയിൽ വീണ്ടും മണ്ണിടിച്ചിൽ; ഗതാഗതം നിരോധിച്ചു

തളിപ്പറമ്പ്: കനത്ത മഴയെ തുടർന്ന് ബൈപാസ് നിർമാണം നടക്കുന്ന മഞ്ചക്കുഴി ഭാഗത്ത് വീണ്ടും മണ്ണിടിച്ചിൽ. ഇതേ തുടർന്ന പട്ടുവം റോഡിൽ ചിറവക്ക്-പുളിന്പറന്പ് വഴിയുള്ള ഗതാഗതം പൂർണമായും നിരോധിച്ചു. ബൈപാസ് നിർമാണം നടക്കുന്നതിനടുത്ത് നിർമിച്ച താത്കാലികപാതയുടെ ഒരു ഭാഗത്തെ മണ്ണാണ് ഇടിയുന്നത്. കഴിഞ്ഞ മേയിലുണ്ടായ മഴയിലും ഇവിടെ രൂക്ഷമായ തോതിൽ മണ്ണിടിച്ചിലുണ്ടായിരുന്നു. ഇതേ തുടർന്ന് ഗതാഗത ക്രമീകരണം ഏർപ്പെടുത്തി. മണ്ണിടിയുന്നതിന്‍റെ എതിർവശത്ത് വീതി കൂട്ടി സുരക്ഷയൊരുക്കി റോഡ് നിർമിക്കുകയായിരുന്നു. ഇക്കഴിഞ്ഞ നാലു മുതലാണ് ഇതിലൂടെ പൂർണതോതിൽ വാഹനങ്ങൾ കടത്തിവിട്ടു തുടങ്ങിയത്. നേരത്തെ മണ്ണിടിച്ചിൽ ഉണ്ടായ അതേ സ്ഥലത്താണ് ഇന്നലെ വൈകുന്നേരം വീണ്ടും മണ്ണിടിഞ്ഞു വീണത്. ഇതോടെ തളിപ്പറന്പ് തഹസിൽദാർ പോലീസിനോട് ഇതുവഴിയുള്ള ഗതാഗതം നിരോധിക്കാൻ നിർദേശം നൽകുകയായിരുന്നു.

ഉളിക്കൽ ടൗണിൽ കെട്ടിടം നിലംപതിച്ചു; ഒഴിവായത് വൻ ദുരന്തം

ഉളിക്കൽ: കനത്ത മഴയിൽ ഉളിക്കൽ ടൗണിൽ ബസ് സ്റ്റാൻഡിന് സമീപം മലയോര ഹൈവേയിൽ കാലപ്പഴക്കം ചെന്ന കെട്ടിടം തകർന്നുവീണു. ഇന്നലെ ഉച്ചയോടെയായിരുന്നു സംഭവം. കെട്ടിടത്തിൽ പ്രവർത്തിച്ചിരുന്ന പലചരക്ക് സ്ഥാപനം മാസങ്ങൾക്ക് മുന്പ് കച്ചവടം ഒഴിവായതുകൊണ്ട് വലിയ ദുരന്തം ഒഴിവായി.സംഭവത്തേത്തുടർന്ന് മലയോര ഹൈവേയിൽ ഗതാഗതം തടസപ്പെട്ടു. ഉളിക്കൽ സ്വദേശിയുടെതാണ് കെട്ടിടം. ഉളിക്കല്ലിലെ ആദ്യകാല കെട്ടിടങ്ങളിൽ ഒന്നാണിത്. കെട്ടിടത്തിന്‍റെ പകുതി ഭാഗമാണ് തകർന്നുവീണത്. മഴ തുടരുന്നതുകൊണ്ട് കെട്ടിടത്തിന്‍റെ ബാക്കി ഭാഗം ഏതുനിമിഷവും നിലം പൊത്താവുന്ന സാഹചര്യമാണ്. ഉളിക്കൽ പോലീസും ഇരിട്ടിയിൽ നിന്നും എത്തിയ ഫയർഫോഴ്സും സംഭവസ്ഥലത്തെത്തി പരിശോധന നടത്തി. പഞ്ചായത്ത് പ്രസിഡന്‍റ് പി.സി. ഷാജിയുടെ നേതൃത്വത്തിൽ പഞ്ചായത്തധികൃതർ നാട്ടുകാരുടെ സഹായത്തോടെ ജെസിബി ഉപയോഗിച്ച് കെട്ടിടം പൊളിച്ചുമാറ്റി.

സ്കൂളുകളിൽ വിജയോത്സവം നടത്തി

ചപ്പാരപ്പടവ്: ഈ വർഷത്തെ പ്ലസ് ടു പരീക്ഷയിൽ 99 ശതമാനം വിജയത്തോടെ ജില്ലയിൽ ഒന്നാം സ്ഥാനം നേടിയ ചപ്പാരപ്പടവ് ഹയർ സെക്കൻഡറി സ്കൂൾ വിജയാഘോഷം നടത്തി. ഉന്നതവിജയം നേടിയ വിദ്യാർഥികൾക്ക് ഉപഹാരവും മുഴുവൻ വിദ്യാർഥികൾക്ക് മെഡലും നൽകി. ചപ്പാരപ്പടവ് പഞ്ചായത്ത് പ്രസിഡന്‍റ് സുനിജാ ബാലകൃഷ്ണൻ ഉദ്ഘാടനം ചെയ്തു. കോഴിക്കോട് മെഡിക്കൽ കോളജ് സൂപ്രണ്ട് ഡോ. എം.പി. ശ്രീജയൻ മുഖ്യാതിഥിയായിരുന്നു. പിടിഎ പ്രസിഡന്‍റ് സെബാസ്റ്റ്യൻ എളൂക്കുന്നേൽ അധ്യക്ഷത വഹിച്ചു. ബ്ലോക്ക് പഞ്ചായത്ത്‌ മെംബർ ഉനൈസ് എരുവാട്ടി, പഞ്ചായത്ത് അംഗങ്ങളായ പി. നസീറ, കെ.വി. രാഘവൻ എന്നിവർ പ്രസംഗിച്ചു. സ്കൂൾ പ്രിൻസിപ്പൽ എം. പി. അഹമ്മദ്‌ സ്വാഗതവും പി.കെ. ലതീഷ് നന്ദിയും പറഞ്ഞു. പുലിക്കുരുമ്പ: എസ്എസ്എൽസി പരീക്ഷയിൽ സമ്പൂർണ വിജയം നേടിയ പുലിക്കുരുമ്പ സെന്‍റ് ജോസഫ്സ് ഹൈസ്കൂളിൽ വിജയോത്സവവും വിവിധ ക്ലബുകളും സ്കൂൾ മാനേജർ ഫാ. തോമസ് പൈമ്പള്ളിൽ ഉദ്ഘാടനം ചെയ്തു. സ്കൂൾ മുഖ്യാധ്യാപകൻ റോയ് ഏബ്രഹാം അധ്യക്ഷത വഹിച്ചു. അധ്യാപക പ്രതിനിധി ഗിരീഷ് അലോഷ്യസ് ആമുഖ പ്രഭാഷണം നടത്തി. റിൻസി ജോസഫ്, ജോസഫ് ആര്യങ്കാലായിൽ, സീന സാബു, കെ.കെ. ഷൈനി, സുനിൽ കെ. പീറ്റർ, അജിത്ത് മനോജ്, കെയ്റ്റ് തെരേസ, ഡയാന മാത്യു, സുനിൽ ജോർജ് എന്നിവർ പ്രസംഗിച്ചു. പരീക്ഷയിൽ വിജയികളായ മുഴുവൻ വിദ്യാർഥികളെയും മെഡൽ നൽകി അനുമോദിച്ചു. എല്ലാ വിഷയങ്ങൾക്കും എ പ്ലസ് കരസ്ഥമാക്കിയവർക്ക് കാഷ് അവാർഡും മെമന്‍റോയും നൽകി. വിദ്യാർഥികളുടെ വിവിധ കലാപരിപാടികളും അരങ്ങേറി. നടുവിൽ: നടുവിൽ ഹയർ സെക്കൻഡറി സ്കൂളിൽനിന്ന് 2025ൽ എസ്എസ്എൽസി, ഹയർസെക്കൻഡറി പരീക്ഷകളിൽ ഉന്നത വിജയം നേടിയ വിദ്യാർഥികളെയും ഒന്നാം വർഷ ഹയർ സെക്കൻഡറി പരീക്ഷയിൽ മുഴുവൻ മാർക്കും കരസ്ഥമാക്കിയ വിദ്യാർഥികളെയും യുഎസ്എസ്, എൻഎംഎംഎസ് സ്കോളർഷിപ്പ് വിജയികളെയും മെമന്‍റോയും എൻഡോവ്മെന്‍റും നൽകി പിടിഎയുടെയും സ്റ്റാഫിന്‍റെയും നേതൃത്വത്തിൽ ആദരിച്ചു. ജില്ലാ പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം.വി. ശ്രീജിനി ഉദ്ഘാടനം ചെയ്തു. സ്കൂൾ പ്രിൻസിപ്പൽ സിന്ധു നാരായൺ മഠത്തിൽ, മുഖ്യാധ്യാപകൻ കെ.കെ. ലതീഷ്, ബ്ലോക്ക് പഞ്ചായത്ത് മെംബർ എം.പി. വഹീദ, വാർഡ് മെംബർമാരായ ധന്യമോൾ, ഷീബ ജയരാജൻ, പിടിഎ പ്രസിഡന്‍റ് പി.പി. മുകുന്ദൻ, മാനേജർ പ്രതിനിധി കെ.കെ. ഉണ്ണിക്കൃഷ്ണൻ, എംപിടിഎ പ്രസിഡന്‍റ് സിന്ധു രാജു, അധ്യാപകരായ കെ. രഞ്ജിനി, കെ. മനേഷ് തുടങ്ങിയവർ പ്രസംഗിച്ചു.

കനത്ത മഴയിൽ ഉളിക്കൽ ടൗണിലെ കെട്ടിടം നിലംപതിച്ചു; ഒഴിവായത് വൻ ദുരന്തം

ഉളിക്കൽ: കനത്ത മഴയിൽ ഉളിക്കൽ ടൗണിൽ ബസ് സ്റ്റാൻഡിന് സമീപം മലയോര ഹൈവേയിൽ കാലപ്പഴക്കം ചെന്ന കെട്ടിടം തകർന്നുവീണു. ഇന്നലെ ഉച്ചയോടെയായിരുന്നു സംഭവം. കെട്ടിടത്തിൽ പ്രവർത്തിച്ചിരുന്ന പലചരക്ക് സ്ഥാപനം മാസങ്ങൾക്ക് മുന്പ് കച്ചവടം ഒഴിവായതുകൊണ്ട് വലിയ ദുരന്തം ഒഴിവായി.സംഭവത്തേത്തുടർന്ന് മലയോര ഹൈവേയിൽ ഗതാഗതം തടസപ്പെട്ടു. ഉളിക്കൽ സ്വദേശിയുടെതാണ് കെട്ടിടം. ഉളിക്കല്ലിലെ ആദ്യകാല കെട്ടിടങ്ങളിൽ ഒന്നാണിത്. കെട്ടിടത്തിന്‍റെ പകുതി ഭാഗമാണ് തകർന്നുവീണത്. മഴ തുടരുന്നതുകൊണ്ട് കെട്ടിടത്തിന്‍റെ ബാക്കി ഭാഗം ഏതുനിമിഷവും നിലം പൊത്താവുന്ന സാഹചര്യമാണ്. ഉളിക്കൽ പോലീസും ഇരിട്ടിയിൽ നിന്നും എത്തിയ ഫയർഫോഴ്സും സംഭവസ്ഥലത്തെത്തി പരിശോധന നടത്തി. പഞ്ചായത്ത് പ്രസിഡന്‍റ് പി.സി. ഷാജിയുടെ നേതൃത്വത്തിൽ പഞ്ചായത്തധികൃതർ നാട്ടുകാരുടെ സഹായത്തോടെ ജെസിബി ഉപയോഗിച്ച് കെട്ടിടം പൊളിച്ചുമാറ്റി.

കോളാരി സർവീസ് സഹ. ബാങ്കിന്‍റെ നേതൃത്വത്തിൽ ഉന്നത വിജയികൾക്ക് അനുമോദനം

മട്ടന്നൂർ: കോളാരി സർവീസ് സഹകരണ ബാങ്ക് ഉന്നത വിജയം നേടിയ വിദ്യാർഥികളെ അനുമോദിച്ചു. നഗരസഭാ ചെയർമാൻ എൻ. ഷാജിത്ത് ഉദ്ഘാടനം ചെയ്തു. ബാങ്ക് പരിധിയിലെ മെംബർമാരുടെ മക്കളിൽ നിന്നും ഈ വർഷം എസ്എസ്എൽസി, പ്ലസ്ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർഥികളെയാണ് അനുമോദിച്ചത്. ബാങ്ക് പ്രസിഡന്‍റ് കെ. ഭാസ്കരൻ അധ്യക്ഷത വഹിച്ചു. വൈസ് പ്രസിഡന്‍റ് ജി. ശ്രീജിത്ത്‌, കെ. നാരായണൻ, വി.വി. മനോഹരൻ, വി.കെ. ഷാജി, സി. സിന്ധു, പി. സിന്ധു, ആവണി ഉല്ലാസ്, മട്ടന്നൂർ സുരേന്ദ്രൻ, സെക്രട്ടറി സി.എച്ച്. അജയൻ, അസി. സെക്രട്ടറി ടി.പി. രമേശൻ എന്നിവർ പ്രസംഗിച്ചു.

കൂറ്റൻ മരം കടപുഴകി റോഡ് തകർച്ചാഭീഷണിയിൽ

ഇരിട്ടി: മഴയിൽ ഇരിട്ടി-എടക്കാനും റോഡിൽ വള്ള്യാട് കൂറ്റൻ മരം കടപുഴകി വീണു. മരം വീണതിനെ തുടർന്ന റോഡ് തകർച്ചാ ഭീഷണിയിലായി. കടപുഴകി വീണ മരത്തിന്‍റെ റോഡിനടിയിലേക്ക് പടർന്ന വേരുകൾ വലിഞ്ഞ് പൊട്ടിയതോടെ സ്ഥലത്തെ മണ്ണ് ഇളകിയ നിലയിലാണ്. ഇരിട്ടി അഗ്നിരക്ഷാ സേനയും നാട്ടുകാരും ചേർന്ന് മരം മുറിച്ചുമാറ്റിയാണ് ഇതുവഴിയുള്ള ഗതാഗതം പുനഃസ്ഥാപിച്ചത്. ഇരിട്ടി-എടക്കാനം റൂട്ടിൽ എതു നിമിഷവും നിലംപൊത്താറായി നിൽക്കുന്ന കൂറ്റൻ പാഴ്മരങ്ങൾ ഭീഷണി ഉയർത്തുന്നുണ്ട്. കൂടാതെ നിരവധി മരങ്ങളുടെ ശാഖകളും വാഹനങ്ങൾക്ക് ഭീഷണിയായ നിലയിലാണ്. മഴയിൽ എടൂർ-മണത്തണ മലയോര ഹൈവേയിൽ മണ്ണിടിച്ചിലും ഉണ്ടായി. ആറളം നമ്പ്യാർ മുക്കിൽ ഇന്നലെ വൈകുന്നേരത്തോടെയാണ് മണ്ണിടിഞ്ഞ് റോഡിലേക്ക് വീണത്. മഴ തുടർന്നാൽ മണ്ണിടിച്ചിൽ ഭീഷണിയും നിലനിൽക്കുന്നുണ്ട്.

പ്രതിരോധം പാളുന്നു; തെങ്ങിനും കമുകിനും മഞ്ഞളിപ്പ് രോഗം പടരുന്നു

പെരുമ്പടവ്: കൃഷിയിടങ്ങളിൽ മഞ്ഞളിപ്പ് രോഗം പടർന്നുപിടിക്കുന്നത് നാളികേര-കമുക് കർഷകരെ കണ്ണീരിലാഴ്ത്തുന്നു. വ്യാപകമായ രീതിയിലാണ് തെങ്ങിൻ തോട്ടങ്ങളിലും കമുകിൻ തോട്ടങ്ങളിലും മഞ്ഞളിപ്പ് രോഗം പടർന്നുപിടിക്കുന്നത്, കായ്ഫലമുള്ള നിരവധി തെങ്ങുകളും കമുകുകളും രോഗബാധയെത്തുടർന്ന് ഉണങ്ങി നശിക്കുകയും ഉത്പാദനം ഗണ്യമായി ഇടിയുകയും ചെയ്തു. ‌ ഏപ്രിൽ-മേയ് മാസങ്ങളിലെ തുടർച്ചയായ മഴ മഞ്ഞളിപ്പ് രോഗത്തിന്‍റെ വ്യാപ്തി വർധിപ്പിച്ചു. മഞ്ഞളിപ്പിനും കൂമ്പുചീയലിനും പുറമെ ഇലകരിച്ചിൽ, ഫംഗസ് രോഗങ്ങൾ എന്നിവയും കൃഷിയിടങ്ങളിൽ പടരുന്നുണ്ട്. നാളികേരത്തിന്‍റെയും അടയ്ക്കയുടെയും ഉത്പാദനത്തെ പ്രതികൂലമായി ബാധിച്ചിരിക്കുകയാണ്. പകുതി മൂപ്പുപോലും ആകാത്ത അടയ്ക്കകൾ പൊഴിയുകയാണ്. സമീപകാലത്ത് തേങ്ങയ്ക്ക് ഉയർന്ന വില ലഭിക്കുന്നുണ്ടെങ്കിലും ഉത്പാദനത്തിലുണ്ടായ കനത്ത ഇടിവ് കാരണം ഗുണം കർഷകർക്ക് ലഭിക്കുന്നില്ല. കമുക് കർഷകരും ഇതേ അവസ്ഥയിലാണ്. ഇതോടൊപ്പം അടയ്ക്കയുടെ ഇറക്കുമതി നടക്കുന്നതായും വ്യാപാരികൾ പറയുന്ന. ഒരാഴ്ച മുമ്പ് വരെ 470 രൂപ വിലയുണ്ടായിരുന്ന അടയ്ക്ക വില 410 ൽ എത്തിയിരിക്കുകയാണ്. വിലയിലെ ഏറ്റക്കുറച്ചിലുകൾ അടയ്ക്ക വ്യാപാരം നടത്താൻ തന്നെ വ്യാപാരികൾ മടിക്കുകയാണ്. പല ചെറുകിട വ്യാപാരികൾക്കും ലക്ഷങ്ങളുടെ നഷ്ടം കഴിഞ്ഞ ആഴ്ചയിൽ ഉണ്ടായിട്ടുണ്ട്. കവുങ്ങിലെയും ഓലകളും വിളകളും ഉണങ്ങി കരിയുന്ന വിധത്തിലും രോഗം വ്യാപിച്ചുകൊണ്ടിരിക്കുകയാണ്. ഓല കരിച്ചിലിന് പിന്നാലെ മരങ്ങളും ഉണങ്ങി നശിക്കുകയാണ്. രോഗബാധ തടയാൻ കുമ്മായം, മഗ്‌നീഷ്യം തുടങ്ങിയവ കൃഷിയിടത്തിൽ പ്രയോഗിക്കുകയും കൃഷിവകുപ്പ് നിർദേശപ്രകാരം മരുന്ന് തളിക്കുകയും ചെയ്യുന്നുണ്ടെങ്കിലും രോഗബാധ നിയന്ത്രണവിധേയമല്ലെന്ന് കർഷകർ സാക്ഷ്യപ്പെടുത്തുന്നു. കൃഷിവകുപ്പിന്‍റെ നേതൃത്വത്തിൽ ശാസ്ത്രീയ പ്രതിരോധ നടപടികൾ സ്വീകരിക്കണമെന്നും കൃഷിനാശം സംഭവിച്ചുകൊണ്ടിരിക്കുന്ന കർഷകർക്ക് നഷ്ടപരിഹാരം നൽകണമെന്നുമുള്ള ആവശ്യം ശക്തമാണ്.

വിശ്വാസജീവിതം നിലനിർത്താൻ വിശുദ്ധ കുർബാനയെ സ്നേഹിക്കുന്നവരാകണം: മാർ ജോസഫ് പാംപ്ലാനി

തലശേരി: വിശ്വാസപരിശീലനത്തിലൂടെയാണ് വിശുദ്ധ കുർബാനയെ സ്നേഹിക്കുന്ന ഒരു തലമുറയെ വളർത്തിയെടുക്കാനാകൂ എന്നതിനാൽ വിശ്വാസ ജീവിതം വിശുദ്ധ കുർബാനയെ സ്നേഹിച്ചു കൊണ്ടാകണമെന്ന് തലശേരി ആർച്ച്ബിഷപ് മാർ ജോസഫ് പാംപ്ലാനി. തലശേരി സാൻജോസ് മെട്രോപൊളിറ്റൻ സ്കൂൾ ഓഡിറ്റോറിയത്തിൽ നടന്ന അതിരൂപത മതബോധന മുഖ്യാധ്യാപകരുടെ കോൺഫറൻസും 2025-26 വിശ്വാസപരിശീലന പ്രവർത്തന വർഷത്തിന്‍റെ ഉദ്ഘാടനവും നിർവഹിച്ചു പ്രസംഗിക്കുകയായിരുന്നു ആർച്ച്ബിഷപ്. വിശുദ്ധ കുർബാനയിൽ സത്യമായും വ്യക്തമായും ഈശോയാണെന്ന ബോധ്യം കുട്ടികൾക്ക് നൽകണം. ക്രിസ്തീയ ജീവിതശൈലി സ്വന്തമാക്കുന്ന മക്കളായി ജീവിക്കാൻ അവരെ പഠിപ്പിക്കണമെന്നും ആർച്ച്ബിഷപ് പറഞ്ഞു. തലശേരി അതിരൂപത വികാരി ജനറാൾ മോൺ. ആന്‍റണി മുതുകുന്നേൽ അധ്യക്ഷത വഹിച്ചു. വിശ്വാസ പരിശീലനമേഖലയിൽ 50 വർഷങ്ങളും 25 വർഷങ്ങളും പൂർത്തിയാക്കിയവരെയും വിരമിച്ച മുഖ്യാധ്യാപകരെയും വിശ്വാസ പരിശീലകരെയും 12 വർഷം മുടങ്ങാതെ വന്ന ആറ് അധ്യാപകരെയും 24 കുട്ടികളെയും ആദരിച്ചു. അതിരൂപത തലത്തിൽ വിശ്വാസപരിശീലകർക്ക് നടത്തിയ പരീക്ഷയിൽ സമ്മാനർഹരായവർക്കും നാല്, ഏഴ്, 10, 12 ക്ലാസുകളിൽ സ്കോളർഷിപ്പ് നേടിയവർ, സീറോ മലബാർ സഭാതലത്തിൽ നടത്തിയ പ്രതിഭാസംഗമത്തിലെ വിജയികൾ എന്നിവർക്കുള്ള അവാർഡുകളും വിതരണം ചെയ്തു. കണ്ണൂർ കാസർഗോഡ് ജില്ലകളിലെ അഞ്ഞൂറോളം വിശ്വാസപരിശീലകർ പങ്കെടുത്തു. അതിരൂപത ചാൻസലർ റവ. ഡോ. ജോസഫ് മുട്ടത്തുകുന്നേൽ, റവ. ഡോ. ഫിലിപ്പ് കവിയിൽ, ജോൺസൺ പൊട്ടക്കൽ, ജോസ് നിരപ്പേൽ, ജോൺസൺ കിഴക്കെചെത്തിപ്പുഴ, ലില്ലി കരുമാനപ്പിള്ളിൽ,സണ്ണി പാറയിൽ, എലിസബത്ത് കണിയാറകത്ത് എന്നിവർ പ്രസംഗിച്ചു. വിശ്വാസപരിശീലന ഡയറക്ടർ റവ. ഡോ. ആന്‍റണി കിടാരത്തിൽ സ്വാഗതവും ബാബു പതിപ്പിള്ളിൽ നന്ദിയും പറഞ്ഞു.

ജിബിൻ ബാബു ആമക്കാട്ടിന് യൂറോപ്യൻ യൂണിയന്‍റെ 50 ലക്ഷത്തിന്‍റെ സ്കോളർഷിപ്പ്

കണ്ണൂർ: യൂറോപ്യൻ യൂണിയന്‍റെ 50 ലക്ഷത്തിന്‍റെ ഇറാസ്മസ് മുൻഡസ് മാസ്റ്റേഴ്സ് സ്കോളർഷിപ്പ് നേടി കണ്ണൂർ സ്വദേശിയായ എൻജിനിയറിംഗ് ബിരുദധാരി. കണ്ണൂർ പൊടിക്കുണ്ട് ആമക്കാട്ട് വീട്ടിൽ പരേതനായ പാലാവയൽ സ്വദേശിയും മർച്ചന്‍റ് നേവി ഉദ്യോഗസ്ഥനുമായിരുന്ന ബാബു തോമസിന്‍റെയും കോഴിക്കോട് കല്ലാനോട് സ്വദേശിയും കണ്ണൂർ യൂണിവേഴ്സിറ്റി ഫിസിക്കൽ എഡ്യുക്കേഷൻ ഡിപ്പാർട്ട്മെന്‍റ് ലൈബ്രേറിയൻ കാനാട്ട് ജെമി തോമസിന്‍റെയും മകൻ ജിബിൻ ബാബു ആമക്കാട്ടിനാണ് സ് കോളർഷിപ്പ് ലഭിച്ചത്. മാസ്റ്റേഴ്സ് ഇൻ ഇന്‍റലിജൻസ് ആൻഡ് നാനോ സിസ്റ്റംസ് എൻജിനിയറിംഗ് പഠനത്തിനാണ് സ്കോളർഷിപ്പ്. രണ്ടു വർഷമാണ് കോഴ്സ് കാലാവധി. ജിബിൻ സെപ്റ്റംബറിൽ യൂറോപ്പിലേക്ക് തിരിക്കും. കണ്ണൂർ എൻജിനിയറിംഗ് കോളജിൽ നിന്ന് ഇക്കഴിഞ്ഞ മേയിൽ ഇലക്‌ട്രോണിക്സ് ആൻഡ് കമ്യൂണിക്കേഷൻ വിത്ത് മൈനർ ഡിഗ്രി ഇൻ കംപ്യൂട്ടർ സയൻസിൽ ബിടെക് ഓണേഴ്സ് പാസായതിനു പിന്നാലെയാണ് സ്കോളർഷിപ്പ്. ആദ്യ സെമസ്റ്റർ ഗ്രീസിലും രണ്ടാം സെമസ്റ്റർ ജർമനിയിലുമാണ്. ഗ്രീസ്, ജർമനി ഫ്രാൻസ്, പോർച്ചുഗൽ, ലിത്വാനിയ എന്നീ രാജ്യങ്ങളിലാണ് മൂന്നും നാലും സെമസ്റ്റർ. ഇതിൽ ഏത് രാജ്യത്ത് മൂന്നും നാലും സെമസ്റ്റർ പഠിക്കണമെന്ന് വിദ്യാർഥിക്ക് തെരഞ്ഞെടുക്കാം. കണ്ണൂർ ഗവ. എൻജിനിയറിംഗ് കോളജ് ബാസ്കറ്റ്ബോൾ ടീം ക്യാപ്റ്റനായിരുന്നു. എഫ് സോൺ ചാന്പ്യൻഷിപ്പ് നേടിയ ടീമിനെ നയിച്ചതും ജിബിനായിരുന്നു. കണ്ണൂർ ഗവ. എൻജിനിയറിംഗ് കോളജ് സ്റ്റുഡന്‍റ് പ്ലേസ്മെന്‍റ് കോ-ഓർഡിനേറ്ററുമായിരുന്നു. പത്താം ക്ലാസ് വരെ കണ്ണൂർ സെന്‍റ് മൈക്കിൾസിലും പ്ലസ് ടു പഠനം പാല ബ്രില്യൻസിലും മാന്നാനം കുര്യാക്കോസ് ഏലിയാസ് സ്കൂളിലുമായിരുന്നു. രണ്ടു വർഷം മുന്പ് ജ്യേഷ്ഠൻ ജീവൻ ബാബുവിന് ന്യൂക്ലിയർ ഫിസിക്സ് പഠനത്തിനുള്ള 45 ലക്ഷത്തിന്‍റെ ഇതേ സ്കോളർഷിപ്പ് ലഭിച്ചിരുന്നു. ജീവൻ യൂറോപ്പിൽ ഉപരിപഠനത്തിന്‍റെ അവസാനഘട്ടത്തിലാണ്.

ട്യൂഷൻ സെന്‍റർ പീഡനക്കേസ്: കുറ്റപത്രം ഉടൻ

ഇരിട്ടി: പതിനഞ്ചുകാരിയായ വിദ്യാർഥിയെ പീഡിപ്പിച്ചെന്ന കേസിൽ അറസ്റ്റിലായ ട്യൂഷൻ സെന്‍റർ നടത്തിപ്പുകാരനായ അധ്യാപകനെതിരെയുള്ള കുറ്റപത്രം പോലീസ് ഉടൻ കോടതിയിൽ സമർപ്പിക്കും. കേസിൽ അറസ്റ്റിലായ അധ്യാപകൻ കോഴിക്കോട് കുറ്റ്യാടി നരിപ്പറ്റയിലെ രഞ്ജിത്ത് റിമാൻഡിലാണ്. ഇരിട്ടി ഇൻസ്പെക്ടർ എ. കുട്ടിക്കൃഷ്ണന്‍റെ നേതൃത്വത്തിലുള്ള പ്രത്യേക അന്വേഷണ സംഘമാണ് കേസ് അന്വേഷിക്കുന്നത്. ‌ഇതിനിടെ കല്ലുമുട്ടിയിൽ ട്യൂഷൻ സെന്‍റർ തുടങ്ങാനെന്ന് പരസ്യം നൽകി വിദ്യാർഥികളെയും രക്ഷിതാക്കളെയും വിശ്വസിപ്പിച്ച് പണം വാങ്ങി വഞ്ചിച്ചതായുള്ള പരാതിയും പോലീസിന് ലഭിച്ചിട്ടുണ്ട്. ഇതു സംബന്ധിച്ച് രഹസ്യാന്വേഷണ വിഭാഗവും അന്വേഷണം തുടങ്ങിയിട്ടുണ്ട്.

ഇലക്‌ട്രിക് കടയിലെ മോഷണം: കൊയ്യം സ്വദേശി അറസ്റ്റിൽ

കണ്ണൂർ: പഴയ ബസ് സ്റ്റാൻഡിലെ ഇലക്‌ട്രിക്കൽ ഷോപ്പിൽ കയറി മൊബൈൽ ഫോണുകളും വയറിംഗ് കേബിളുകളും മോഷ്ടിച്ച പ്രതി അറസ്റ്റിൽ. കൊയ്യം സ്വദേശി സുനിൽ ജോസഫിനെയാണ് (28) കണ്ണൂർ ടൗൺ പോലീസ് അറസ്റ്റ് ചെയ്തത്. ഇക്കഴിഞ്ഞ ഒന്നിന് അർധരാത്രിയാണ് സംഭവം. പഴയബസ് സ്റ്റാൻഡിലുള്ള സഫിയ ബിൽഡിംഗ് മാർട്ടിലായിരുന്നു മോഷണം. കടയുടെ എമർജൻസി എക്സിറ്റ് വഴിയാണ് കള്ളൻ അകത്ത് കയറിയത്. 12000 രൂപ വില വരുന്ന രണ്ട് മൊബൈൽ ഫോണുകളും 4000 രൂപ വിലവരുന്ന മൂന്ന് ബോക്സ് വയറിംഗ് കേബിളുകളുമാണ് കള്ളൻ കവർന്നത്. കടയുടമയായ സൈഫു ഷാഫിയുടെ പരാതിയിൽ പോലീസ് കേസെടുത്ത് അന്വേഷണം നടത്തി വരവെയാണ് പ്രതി പിടിയിലായത്. വെള്ളിയാഴ്ച പുലർച്ചെ കണ്ണൂർ നഗരത്തിൽ നിന്ന് സംശയാസ്പദമായി കണ്ട സാഹചര്യത്തിൽ കണ്ടപ്പോൾ പോലീസ് ചോദ്യം ചെയ്തപ്പോഴാണ് മോഷണ കേസ് പ്രതിയാണെന്ന് പോലീസിന് മനസിലായത്. മറ്റൊരു മോഷണം ആസൂത്രണം ചെയ്യുന്നതിനിടെയാണ് പ്രതി പിടിയിലായത്. പിടിയിലായ പ്രതിക്ക് മയക്കുമരുന്ന് വില്പന സംഘവുമായി ബന്ധമുണ്ടെന്ന് പോലീസിന് സൂചന ലഭിച്ചിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

തെറ്റായ വിവരങ്ങള്‍ നല്‍കി; ആര്‍ടിഒയ്ക്കെതിരേ വിവരാവകാശ കമ്മിഷണർക്ക് പരാതി

കണ്ണൂര്‍: വിവരാവകാശ നിയമം 2005 പ്രകാരം ആര്‍ടി ഓഫിസില്‍ നല്‍കിയ അപേക്ഷയ്ക്ക് തെറ്റായതും പരസ്പര വിരുദ്ധവുമായ മറുപടി നല്‍കിയെന്ന് ആരോപിച്ച് വിവരാവകാശ ഓഫീസര്‍ക്കും അപ്പില്‍ അധികാരിയായ ആര്‍ടിഒയ്ക്കുമെതിരേ സ്വതന്ത്ര ഓട്ടോറിക്ഷ തൊഴിലാളി യൂണിയന്‍ സെക്രട്ടറി എന്‍. ലക്ഷ്മണന്‍ വിവരാവകാശ കമ്മിഷണർക്ക് പരാതി നല്‍കി. ആര്‍ടിഒ ബോര്‍ഡിന്‍റെ തീരുമാനമില്ലാതെയും അപേക്ഷ ക്ഷണിക്കാതെയും 2017ന് ശേഷം ഓട്ടോറിക്ഷകള്‍ക്ക് ടൗണ്‍ പെര്‍മിറ്റ് നല്‍കിയിട്ടുണ്ടോ എന്നായിരുന്നു വിവരാവകാശ അപേക്ഷ. അതിന് അല്ല എന്ന് ആര്‍ടിഒ മറുപടി നല്‍കി. എന്നാല്‍, 2017ന് ശേഷം നിരവധി ഓട്ടോറിക്ഷകള്‍ക്ക് ടൗണ്‍ പെര്‍മിറ്റ് നല്‍കിയിട്ടുണ്ടെന്നതിന് നിരവധി തെളിവുകളുണ്ടെന്നും ഇത് ഹാജരാക്കാന്‍ തയാറാണെന്നും ലക്ഷ്മണന്‍ പ്രസ്താവനയില്‍ വ്യക്തമാക്കി. ഇതു സംബന്ധിച്ചുള്ള ഉത്തരവുകളുടെയും രേഖകളുടെയും പകര്‍പ്പ് നല്‍കണമെന്ന് ആവശ്യപ്പെട്ടപ്പോള്‍ ഫയലുകളും വിവരങ്ങളും ലഭ്യമല്ലെന്ന മറുപടിയാണ് കണ്ണൂര്‍ ആര്‍ടിഒ നല്‍കിയത്. മൊത്തം എത്ര ഓട്ടോറിക്ഷകള്‍ക്ക് ഇതുവരെ ടൗണ്‍ പെര്‍മിറ്റ് നല്‍കിയിട്ടുണ്ടെന്ന മറ്റൊരു ചോദ്യത്തിന് 2686 എണ്ണം എന്നാണ് വിവരാവകാശ ഓഫിസര്‍ നല്‍കിയ മറുപടി. ‌ എന്നാല്‍ കഴിഞ്ഞവര്‍ഷം സെപ്റ്റംബര്‍ 30ന് ആര്‍ടിഒ നല്‍കിയ മറുപടിയില്‍ 2851 കൊടുത്തതായി കാണുന്നു എന്നാണ് രേഖപ്പെടുത്തിയത്. ഒരേ ചോദ്യത്തിന് പരസ്പര വിരുദ്ധമായ മറുപടിയാണ് നല്‍കിയതെന്നും ലക്ഷ്മണന്‍ പറഞ്ഞു.

കണ്ണൂർ-ദമാം ഇൻഡിഗോ സർവീസ് തുടങ്ങി

മട്ടന്നൂർ: കണ്ണൂർ രാജ്യാന്തര വിമാനത്താവളത്തിൽ നിന്ന് ദമാമിലേക്ക് ഇൻഡിഗോയുടെ സർവീസ് തുടങ്ങി. ഞായർ, തിങ്കൾ, ബുധൻ, വെള്ളി ദിവസങ്ങളിലാണ് സർവീസുകൾ. കണ്ണൂരിൽ നിന്ന് പുലർച്ചെ 12.25ന് പുറപ്പെട്ട് 2.40ന് ദമാമിലെത്തും. തിരികെ 3.40ന് പുറപ്പെട്ട് രാവിലെ 10.30ന് കണ്ണൂരിൽ എത്തുന്ന വിധത്തിലാണ് സർവീസ്. കണ്ണൂരിൽ നിന്നുള്ള ഇൻഡിഗോയുടെ അഞ്ചാമത്തെ അന്താരാഷ്‌ട്ര റൂട്ടാണ് ദമാമിലേക്കുള്ളത്. അഹമ്മദാബാദ് വിമാനദുരന്തത്തിന്‍റെ പശ്ചാത്തലത്തിൽ ചടങ്ങുകൾ ഒന്നുമില്ലാതെയാണ് ദമാം സർവീസ് ആരംഭിച്ചത്. ദോഹ, അബുദാബി, മസ്‌ക്കറ്റ്, ഫുജൈറ എന്നിവിടങ്ങളിലേക്കും ഇൻഡിഗോ സർവീസ് നടത്തുന്നുണ്ട്. കണ്ണൂർ-ചെന്നൈ സെക്ടറിൽ ഇൻഡിഗോയുടെ രണ്ടാമത്തെ സർവീസും തുടങ്ങി. ഞായർ, തിങ്കൾ, ബുധൻ, വെള്ളി ദിവസങ്ങളിലാണ് കണ്ണൂരിൽ നിന്നുള്ള പുതിയ സർവീസ്. ഉച്ചയ്ക്ക് 12.30ന് കണ്ണൂരിൽ നിന്ന് പുറപ്പെട്ട് 1.50ന് ചെന്നൈയിലെത്തും. തിരിച്ച് രാത്രി 9.30ന് ചെന്നൈയിൽ നിന്ന് പുറപ്പെട്ട്.10.40ന് കണ്ണൂരിലെത്തും. കണ്ണൂരിൽ നിന്ന് ഡൽഹി, മുംബൈ, ചെന്നൈ, ബംഗളൂരു, ഹൈദരാബാദ്, കൊച്ചി, തിരുവനന്തപുരം എന്നിവിടങ്ങളിലേക്കും ഇൻഡിഗോ സർവീസ് നടത്തുന്നുണ്ട്.

ലോറി മറിഞ്ഞ് ബസ് കാത്തിരിപ്പ് കേന്ദ്രവും കടകളും തകർന്നു

തലശേരി: ദേശീയപാതയിൽ വീനസ് ജംഗ്ഷനിൽ നിയന്ത്രണം വിട്ട ചരക്ക് ലോറി മറിഞ്ഞ് കടകളും ബസ് കാത്തിരിപ്പ് കേന്ദ്രവും തകർന്നു. ഒരാൾക്ക് പരിക്കേറ്റു. ഇന്നലെ പുലർച്ചെ രണ്ടിനാണ് സംഭവം. പയ്യന്നൂരിൽ നിന്ന് വിറകിന് ആവശ്യമായ മരവും കയറ്റി തമിഴ്നാട്ടിലേക്ക് പോകുകയായിരുന്ന ലോറിയാണ് അപകടത്തിൽപ്പെട്ടത്. അപകടത്തിൽ ലോറി ക്ലീനർ രാമന്തളി സ്വദേശി പ്രശോഭിന് പരിക്കേറ്റു. വീനസ് ജംഗ്ഷനിൽ എത്തിയപ്പോൾ നിയന്ത്രണം നഷ്ടമായ ലോറി ബസ് കാത്തിരിപ്പ് കേന്ദ്രവും വൈദ്യുത തൂണും തകർത്ത് സമീപത്തെ കടകൾക്ക് മുന്നിലായി മറിയുകയായിരുന്നു. ഒരുകട പൂർണമായും തകർന്നു. രണ്ടു കടകൾക്ക് കേടുപാടുകൾ സംഭവിച്ചു. അപകടത്തിൽ പരിക്കേറ്റ ലോറി ക്ലീനർ പ്രശോഭിനെ ആദ്യം തലശേരി സഹകരണ ആശുപത്രിയിലും പിന്നീട് മംഗലാപുരത്തെ സ്വകാര്യ ആശുപത്രിയിലേക്കും മാറ്റി. ഡ്രൈവർ ശിഹാബ് പരിക്കേൽക്കാതെ രക്ഷപ്പെട്ടു.

തകർന്ന ഡിവൈഡറിന്‍റെ അവശിഷ്ടങ്ങൾ മാറ്റിയില്ല; ഇരിട്ടി പാലം സിഗ്നലിൽ അപകട ഭീഷണി

ഇരിട്ടി: ഒരാഴ്ച മുന്പ് അജ്ഞാത വാഹനം കയറി തകർന്ന ഇരിട്ടി പാലം സിഗ്നലിലെ ഡിവൈഡറിന്‍റെ റോഡിലേക്ക് ചിതറിവീണ അവശിഷ്ടങ്ങൾ നീക്കാൻ ഒരു നടപടിയും സ്വീകരിക്കാതെ അധികൃതർ. ഇരിട്ടി പൊതുമരാമത്ത് ഓഫീസിൽ നിന്നും 500 മീറ്റർ ദൂരത്തിലാണ് റോഡിൽ അപകടാവസ്ഥയിൽ കോൺക്രീറ്റ് പാളികൾ വീണുകിടക്കുന്നത്. മഴ ശക്തമായി തുടരുന്ന സഹചര്യത്തിൽ തിരക്കേറിയ സിഗ്നലിൽ വാഹനങ്ങൾ അപകടത്തിൽപ്പെടാനുള്ള സാധ്യത വളരെ കൂടുതലാണ്. ഇരുചക്ര വാഹനങ്ങൾ ഉൾപ്പെടെ ചെറിയ വാഹനങ്ങൾക്കാണ് ഇവ കൂടുതൽ ഭീഷണിയുയർത്തുന്നത്. വർഷങ്ങളായി പ്രവർത്തനരഹിതമായ സിഗ്നലിൽ വാഹനങ്ങൾ പരസ്പരം കടന്നുപോകാൻ മത്സരിക്കുമ്പോൾ അപകട സാധ്യത വളരെ കൂടുതലാണ്. അധികൃതർ അടിയന്തിരമായി കോൺക്രീറ്റ് പാളികൾ ഇവിടെ നിന്നും നീക്കംചെയ്യണമെന്നാണ് യാത്രക്കരുടെയും ഡ്രൈവർമാരുടെയും ആവശ്യം.

ഭക്തജനത്തിരക്കിൽ കൊട്ടിയൂരിൽ രാത്രിയോളം ഗതാഗതകുരുക്ക്

കൊട്ടിയൂർ: വൈശാഖോത്സവത്തോടനുബന്ധിച്ച് കൊട്ടിയൂരിൽ ഭക്തജനങ്ങളുടെ വൻ തിരക്കിനെ തുടർന്ന് ഗതാഗതക്കുരുക്കും. ഇന്നലെ രാവിലെ അഞ്ചോടെ ആരംഭിച്ച ഗാതഗാതകുരുക്ക് രാത്രി വൈകുവോളം നീണ്ടു. വയനാട്ടിലെ ബോയ്സ് ടൗൺ മുതൽ കേളകം വരെയുള്ള പതിനഞ്ച് കിലോമീറ്ററോളം വാഹനങ്ങളുടെ നിരയായിരുന്നു. കുടിവെള്ള വിതരണത്തിനുള്ള പൈപ്പിടാൻ റോഡരിക് കുഴിച്ചത് കാരണം ഇരുവശങ്ങളിൽ നിന്നും വരുന്ന വാഹനങ്ങൾക്ക് കടന്നുപോകാൻ കഴിയാത്തതാണ് പ്രധാനമായും ഗതാഗതകുരുക്കിനിടയാക്കിയത്. നടപ്പാത ഇല്ലാത്തതിനാൽ കാൽനടയും സാധ്യമല്ല. റോഡരികിലെ കാട് വെട്ടിത്തെളിക്കാതിരുന്നതും ഗതാഗതത്തിന് തടസം സൃഷ്ടിക്കുന്നുണ്ട്.

കണ്ടെയ്നർ മരക്കൊന്പ് പൊട്ടി; മേലെചൊവ്വ- മട്ടന്നൂർ റൂട്ടിൽ ഗതാഗതം തടസപ്പെട്ടു

കണ്ണൂർ: കണ്ടെയ്നർ ലോറി മരച്ചില്ലയിൽ ഇടിച്ചതിനെ തുടർന്ന് പേരാലിന്‍റെ വൻ ശിഖരം റോഡിലേക്ക് പതിച്ച് ഒരുമണിക്കൂറോളം ഗതാഗതം തടസപ്പെട്ടു. ഇന്നലെ ഉച്ചകഴിഞ്ഞ് 2.45 ഓടെ മേലെചൊവ്വ-മട്ടന്നൂർ റോഡിൽ അശോക കന്പനിക്കടുത്ത പെട്രോൾ പന്പിനു സമീപമായിരുന്നു അപകടം. സംഭവമറിഞ്ഞ് കണ്ണൂരിൽനിന്ന് അഗ്നിരക്ഷാസേനയിലെ സീനിയർ ഫയർ ആൻഡ് റസ്ക്യൂ ഓഫീസർ സി. സുകുമാരന്‍റെ നേതൃത്വത്തിലുള്ള സംഘം ശിഖരങ്ങളുടെ ഭാഗങ്ങൾ മുറിച്ചുനീക്കിയതിനുശേഷമാണ് ഗതാഗതം പുനസ്ഥാപിച്ചത്. ഇതേ റൂട്ടിൽ മേലെചൊവ്വ പ്രത്യാശഭവനു സമീപം ഇന്നലെ രാവിലെ 10.30 ഓടെ മരത്തിന്‍റെ കൊന്പ് ഒടിഞ്ഞ് അപകടകരമായ വിധം തൂങ്ങിക്കിടന്നതിനെ തുടർന്ന് ഗതാഗതം തടസപ്പെട്ടിരുന്നു. അഗ്നിരക്ഷാസേനയെത്തി കൊന്പ് നീക്കം ചെയ്ത് അപകടാവസ്ഥ ഒഴിവാക്കിയതിനുശേഷമാണ് ഗതാഗതം പുനസ്ഥാപിച്ചത്.

കാലാങ്കിയിൽ വഴിയോര വിശ്രമകേന്ദ്രം തുറന്നു

ഉളിക്കൽ: ഉളിക്കൽ പഞ്ചായത്തിലെ കാലങ്കി ടൂറിസം മേഖലയിൽ പുതുതായി നിർമിച്ച വഴിയോര വിശ്രമ കേന്ദ്രം സജീവ് ജോസഫ് എംഎൽഎ നാടിന് സമർപ്പിച്ചു. പഞ്ചായത്ത് വാർഷിക പദ്ധതിയിൽ ഉൾപ്പെടുത്തി 29 ലക്ഷം രൂപ ചെലവിലാണ് വഴിയോര വിശ്രമകേന്ദ്രം നിർമിച്ചത്. കർണാടക വനത്തോട് ചേർന്ന് കിടക്കുന്ന കാലാങ്കി ടൂറിസം മേഖലയിലെത്തുന്ന സഞ്ചാരികളുടെ അടിസ്ഥാന ആവശ്യങ്ങൾക്കുള്ള സൗകര്യമെന്ന പ്രീമിയം നിലവാരത്തിലുള്ളതാണ് വിശ്രമകേന്ദ്രം. സ്ത്രീകൾക്കും പുരുഷന്മാർക്കും ഭിന്നശേഷിക്കാർക്കും പ്രത്യേക ശുചിമുറി സംവിധാനങ്ങൾ, വിശ്രമ മുറി, ഫീഡിംഗ് ഏരിയ, കഫറ്റീരിയ, ചാരു ബെഞ്ചുകൾ, ഊഞ്ഞാൽ തുടങ്ങിയ സൗകര്യങ്ങൾ ഒരുക്കിയിട്ടുണ്ട്. പഞ്ചായത്ത് പ്രസിഡന്‍റ് പി.സി. ഷാജി അധ്യക്ഷത വഹിച്ചു. നവകേരളം കർമപദ്ധതി ജില്ലാ കോ-ഓർഡിനേറ്റർ ഇ.കെ. സോമശേഖരൻ മുഖ്യാതിഥിയായിരുന്നു. പഞ്ചായത്ത് വൈസ് പ്രസിഡന്‍റ് സമീറപള്ളിപ്പാത്ത്, സ്റ്റാൻഡിംഗ് കമ്മിറ്റി ചെയർമാൻമാരായ ഒ.വി.ഷാജു, അഷറഫ് പാലശേരി, ചെയർപേഴ്സൺ ഇന്ദിര പുരുഷോത്തമൻ, വാർഡ് മെംബർ ജോളി ഫിലിപ്പോസ്, സെക്രട്ടറി ഇൻ ചാർജ് പി. മനോജൻ, അസി. എൻജിനിയർ നീതു ഗംഗാധരൻ എന്നിവർ പ്രസംഗിച്ചു.

കൊട്ടിയൂരിൽ ഉത്സവത്തിനെത്തിയ കുട്ടി ഒഴുക്കിൽപ്പെട്ടു

കൊട്ടിയൂർ: കൊട്ടിയൂരിൽ ഉത്സവത്തിനെത്തിയ കുട്ടി ഒഴുക്കിൽപ്പെട്ടു. അപകടത്തിൽപ്പെട്ട കുട്ടിയെ യുവാക്കൾ രക്ഷപ്പെടുത്തി. ഇന്നലെ ഉച്ചയ്ക്ക് 12 ഓടെയായിരുന്നു സംഭവം. ബാവലിപ്പുഴയിൽ അച്ഛനോടൊപ്പം കുളിക്കുന്നതിനിടെയാണു പെൺകുട്ടി ഒഴുക്കിൽപ്പെട്ടത്. കുട്ടിയുടെ നിലവിളി കേട്ട് വാഹന പാർക്കിംഗ് ഡ്യൂട്ടിയിലുണ്ടായിരുന്ന പിലാത്തറ സ്വദേശികളായ യുവാക്കളാണു കുട്ടിയെ രക്ഷപ്പെടുത്തിയത്.

നന്മയെ ഉൾക്കൊള്ളാൻ വിദ്യാഭ്യാസത്തിലൂടെ സാധിക്കണം: രാജ്മോഹൻ ഉണ്ണിത്താൻ

ചെമ്പന്തൊട്ടി: കേവലമായ അറിവുനേടലിനപ്പുറം നന്മയും മാനുഷികതയും ഉൾക്കൊള്ളാൻ വിദ്യാഭ്യാസത്തിലൂടെ സാധിക്കണമെന്ന് രാജ്മോഹൻഉണ്ണിത്താൻ എംപി. ഇരിക്കൂർ നിയോജക മണ്ഡലം സമഗ്രവിദ്യാഭ്യാസ പദ്ധതിയായ ദിശാദർശൻ മെറിറ്റ് അവാർഡ് വിതരണം ചെമ്പന്തൊട്ടി ചെറുപുഷ്പം യുപി സ്കൂളിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കഠിനാധ്വാനത്തിലൂടെയും ആത്മസമർപ്പണത്തിലൂടെയും സാമൂഹ്യബന്ധങ്ങളിലൂടെയും മാത്രമേ വിദ്യാർഥികൾക്ക് ഉയരങ്ങൾ കീഴടക്കാൻ സാധിക്കൂ. ആർട്ടിഫിഷ്യൽ ഇന്‍റലിജൻസ് അരങ്ങുവാഴുന്ന വാർത്തമാനകാലത്ത് മാനവികതയും മനുഷ്യത്വവും കൈവിടാതെ സൂക്ഷിക്കാൻ വിദ്യാർഥികൾക്ക് സാധിക്കണമെന്നും രാജ്മോഹൻ ഉണ്ണിത്താൻ എംപി പറഞ്ഞു. സജീവ് ജോസഫ് എംഎൽഎ അധ്യക്ഷത വഹിച്ചു. മജിഷ്യൻ സാമ്രാട്ട് മുഖ്യാതിഥിയായിരുന്നു. എസ്എസ്എൽസി, പ്ലസ് ടു വിഭാഗങ്ങളിൽ എല്ലാ വിഷയങ്ങൾക്കും എ പ്ലസ് നേടിയ 1200 കുട്ടികളെയാണ് ദിശാദർശൻ മെറിറ്റ് അവാർഡ് നൽകി ആദരിച്ചത്. എസ്എസ്എൽസി, പ്ലസ് ടു പരീക്ഷകളിൽ നൂറു ശതമാനം നേടിയ 40 വിദ്യാലയങ്ങൾക്കുള്ള ദിശാദർശൻ എക്സലൻസ് പുരസ്കാരങ്ങൾ മജീഷ്യൻ സാമ്രാട്ട് വിതരണം ചെയ്തു. സംസ്ഥാന ദേശീയ തലങ്ങളിൽ മികവ് തെളിയിച്ചവർക്കുള്ള സ്പെഷൽ എച്ചീവ്മെന്‍റ് അവാർഡ് സമർപ്പണവും നടന്നു. ദിശാദർശൻ കോ-ഓർഡിനേറ്റർ ഡോ. കെ.പി. ഗോപിനാഥൻ, ശ്രീകണ്ഠപുരം മുനിസിപ്പൽ ചെയർപേഴ്സൺ കെ.വി. ഫിലോമിന, പഞ്ചായത്ത് പ്രസിഡന്‍റുമാരായ ബേബി ഓടമ്പള്ളി, മിനി ഷൈബി, ബ്ലോക്ക് പഞ്ചായത്തംഗങ്ങളായ കൊയ്യം ജനാർദനൻ, യാസിറ, ജോഷി കണ്ടത്തിൽ, നഗരസഭാ കൗൺസിലർ എം.വി. ഷീന, സ്കൂൾ മാനേജർ ഫാ. ആന്‍റണി മഞ്ഞളാംകുന്നേൽ, ഇരിക്കൂർ എഇഒ കെ. വാസന്തി, തളിപ്പറമ്പ് നോർത്ത് എഇഒ കെ. മനോജ്, ഇരിക്കൂർ ബിപിസി എം.കെ. ഉണ്ണിക്കൃഷ്ണൻ, ചെമ്പന്തൊട്ടി ഹൈസ്കൂൾ മുഖ്യാധ്യാപിക റിൻസി ജോസഫ്, ചെറുപുഷ്പം യുപി സ്കൂൾ മുഖ്യാധ്യാപിക ലവ്‌ലി. എം. പോൾ, ദിശാദർശൻ മെംബർ സി.വി. ഫൈസൽ എന്നിവർ പ്രസംഗിച്ചു.

ഇമ്മാനുവല്‍ സില്‍ക്‌സ് ഷോറൂമുകളില്‍ മെഗാ ആടി സെയില്‍

കണ്ണൂർ: കേരളത്തിലെ പ്രമുഖ ടെക്സ്റ്റയില്‍ ഗ്രൂപ്പായ ഇമ്മാനുവല്‍ സില്‍ക്‌സിന്‍റെ ഷോറൂമുകളില്‍ മെഗാ ആടി സെയിലിന് തുടക്കമായി. മെഗാ ഓഫറുകളും വലിയ ഡിസ്‌കൗണ്ടുകളുമാണ് ഒരുക്കിയിരിക്കുന്നത്. 25 മുതല്‍ 75 വരെ ശതമാനം വിലക്കുറവാണ് ഒരുക്കുന്നത്. പുരുഷന്മാര്‍ക്കും സ്ത്രീകള്‍ക്കും കുട്ടികള്‍ക്കുമുള്ള വസ്ത്രങ്ങള്‍ ആടി സെയിലിലുണ്ട്. ബൈ വണ്‍ ഗെറ്റ് വണ്‍ ഓഫര്‍, കോംബോ ഓഫറുകള്‍, സിംഗിള്‍ വാല്യു ഓഫര്‍ എന്നിവ ആടി സെയിലിന്‍റെ പ്രത്യേകതയാണ്. മൂന്ന് ക്രാപ്പ് ടോപ്പുകള്‍ 399 രൂപ, ഗേള്‍സ് ആൻഡ് ബോയ്‌സ് ടീ ഷര്‍ട്ട് മൂന്നെണ്ണം 299 രൂപ, ജെന്‍റ്സ് ടീ ഷര്‍ട്ട് മൂന്നെണ്ണം 299 രൂപ, ബ്ലാങ്കറ്റ് മൂന്നെണ്ണം 299 രൂപ, ഫാമിലി ബെഡ്ഷീറ്റും പില്ലോ കവറും മൂന്നെണ്ണം 499 രൂപ എന്നിങ്ങനെയുള്ള കോംബോ ഓഫറുകള്‍ ഉപഭോക്താക്കളെ കാത്തിരിക്കുന്നു. ലേഡീസ് വിഭാഗത്തില്‍ കുര്‍ത്തീസ് 199 രൂപ, ചുരിദാര്‍ 399 രൂപ, ചുരിദാര്‍ സെറ്റ് 299 രൂപ, മിഡി 99 രൂപ, നൈറ്റ് ഡ്രസ് 299 രൂപ, നൈറ്റി 149 രൂപ തുടങ്ങി നിരവധി ഓഫറുകള്‍ ലഭ്യമാണ്. സാരി വിഭാഗത്തില്‍ ഷിഫോണ്‍, കോട്ടണ്‍ സാരികള്‍ 199 രൂപ, ഫാന്‍സി സാരി 299 രൂപ, ആര്‍ട്ട് സില്‍ക്ക് സാരി 399 രൂപ, സോഫ്‌റ് സില്‍ക്ക് സാരി 699 രൂപ എന്നിങ്ങനെ ലഭ്യമാണ്. പുരുഷന്മാര്‍ക്കായി കാഷ്വല്‍ ഷര്‍ട്ട് 199 രൂപ, ഡബിള്‍ മുണ്ട് 199 രൂപ, കാവി ലുങ്കി 99 രൂപ, ഫൈവ് സ്ലീവ് ടീഷര്‍ട്ട് 129 രൂപ എന്നിവയും ലഭ്യമാണ്. കിഡ്‌സ് വിഭാഗത്തില്‍ ബോയ്‌സ് ടീഷര്‍ട്ട് 99 രൂപ, ഗേള്‍സ് കോട്‌സെറ്റ് 199 രൂപ, ബോയ്‌സ് ട്രാക്ക് പാന്‍റ് 99 രൂപ തുടങ്ങിയ നിരവധി ഓഫറുകള്‍ ലഭ്യമാണ്. ഇതിനുപുറമെ ധാരാളം മറ്റു ഓഫറുകളും ലഭ്യമാണ്. കുറഞ്ഞ വിലക്ക് കൂടുതല്‍ വസ്ത്രങ്ങള്‍ വാങ്ങാനുള്ള ഈ അവസരം പരമാവധി പ്രയോജനപ്പെടുത്തണമെന്ന് മാനേജ്‌മെന്‍റ് അഭ്യര്‍ഥിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]