പ​ത്ത​നം​തി​ട്ട: ഹൈ​ക്കോ​ട​തി നി​യോ​ഗി​ച്ച ദേ​വ​സ്വം ബോ​ര്‍ഡ് ഓ​ഡി​റ്റ് വി​ഭാ​ഗം ഇ​ന്ന് ശ​ബ​രി​മ​ല ക്ഷേ​ത്ര​ത്തി​ന്‍റെ സ്‌​ട്രോം​ഗ് റൂം ​തു​റ​ന്ന് പ​രി​ശോ​ധി​ക്കും. ഇ​തി​നാ​യി ജ​സ്റ്റീ​സ് കെ.​ടി. ശ​ങ്ക​ര​ന്‍ ഇ​ന്ന​ലെ രാ​ത്രി ശ​ബ​രി​മ​ല​യി​ലെ​ത്തി. കോ​ട​തി നി​ര്‍ദേ​ശ​പ്ര​കാ​രം അ​ദ്ദേ​ഹ​ത്തി​ന്‍റെ നേ​ത്യ​ത്വ​ത്തി​ലാ​കും പ​രി​ശോ​ധ​ന. വ​ഴി​പാ​ടാ​യി ല​ഭി​ച്ച സ്വ​ര്‍ണ​വും വെ​ള്ളി​യും സ്‌​ട്രോം​ഗ് റൂ​മി​ലേ​ക്ക് മാ​റ്റി​യ​തി​നു രേ​ഖ​ക​ളി​ല്ലെ​ന്ന് ക​ണ്ടെ​ത്തി​യ സാ​ഹ​ച​ര്യ​ത്തി​ലാ​ണ് പ​രി​ശോ​ധ​ന.

സ്‌​ട്രോം​ഗ് റൂം ​മ​ഹ്‌​സ​ര്‍ രേ​ഖ​ക​ള്‍ ഓ​ഡി​റ്റ് വി​ഭാ​ഗം പ​രി​ശോ​ധി​ക്കും.​ വ​ഴി​പാ​ടാ​യി കി​ട്ടു​ന്ന സ്വ​ര്‍ണ​ത്തി​ന്‍റെ​യും വെ​ള്ളി​യു​ടെ​യും ക​ണ​ക്കു​ക​ള്‍ ശ​ബ​രി​മ​ല ക്ഷേ​ത്ര​ത്തി​ന്‍റെ നാ​ലാം ന​മ്പ​ര്‍ ര​ജി​സ്റ്റ​റി​ല്‍ രേ​ഖ​പ്പെ​ടു​ത്ത​ണം. ക്ഷേ​ത്രം ആ​വ​ശ്യ​ത്തി​നാ​യി സ്വ​ര്‍ണ​വും വെ​ള്ളി​യും ഉ​പ​യോ​ഗി​ക്കു​ക​യോ, സ്‌​ട്രോം​ഗ് റൂ​മി​ലേ​ക്ക് മാ​റ്റു​ക​യോ ചെ​യ്താ​ലും ഇ​തേ ര​ജി​സ്റ്റ​റി​ല്‍ രേ​ഖ​പ്പെ​ടു​ത്ത​ണം. ശ​ബ​രി​മ​ല അ​സി​സ്റ്റ​ന്‍റ് എ​ക്‌​സി​ക്യൂ​ട്ടീ​വ് ഓ​ഫീ​സ​റു​ടെ സാ​ന്നി​ധ്യ​ത്തി​ലാ​യി​രി​ക്കും സ്‌​ട്രോം​ഗ് റൂ​മി​ന്‍റെ പ​രി​ശോ​ധ​ന ന​ട​ത്തു​ക.