പത്തു കിലോമീറ്റർ കാൽനടയായി രത്‌നഗിരി ഇടവക; അനുഗ്രഹം ചൊരിഞ്ഞ് കുറവിലങ്ങാട് മുത്തിയമ്മ

കുറവിലങ്ങാട്: പത്ത് കിലോമീറ്റർ കാൽനടയായി കുറവിലങ്ങാട് മുത്തിയമ്മയ്ക്കരികിൽ കാൽനടയായി അവരൊന്നാകെയെത്തി. എട്ടുനോമ്പാചരണത്തിന്‍റെ ആറാംദിനത്തിലാണ് 10 കിലോമീറ്റർ നടന്ന് രത്‌നഗിരി ഇടവക കുറവിലങ്ങാട് മുത്തിയമ്മ തീർഥാടനം നടത്തിയത്. അഞ്ഞൂറോളം പേർ തീർഥാടനത്തിൽ പങ്കെടുത്തു.

രത്‌നഗിരി സെന്‍റ് തോമസ് ഇടവകാംഗങ്ങളുടേതായിരുന്നു ഇന്നലത്തെ ആദ്യത്തെ തീർഥാടനം. കൊടികളും ബലൂണുകളുമായി വർണാഭമായാണ് രത്‌നഗിരി ഇടവക റാലി നടത്തിയത്. അസി. വികാരി ഫാ. മാത്യു കണിയാംപടി വിശുദ്ധ കുർബാനയർപ്പിച്ച് സന്ദേശം നൽകി.

ADVERTISEMENT

അധ്യാപകര്‍ സമൂഹത്തെ വെളിച്ചത്തിലേക്കു നയിക്കുന്നവര്‍: ജോബ് മൈക്കിൾ എംഎല്‍എ

മാമ്മൂട്: അധ്യാപകര്‍ ലോകത്തിനു വെളിച്ചം പകരുന്നവരാണെന്ന് ജോബ് മൈക്കിള്‍ എംഎല്‍എ. സാംസ്‌കാരവേദി-എം കോട്ടയം ജില്ലാ കമ്മിറ്റിയുടെ നേതൃത്വത്തില്‍ മാമ്മൂട്ടില്‍ ചേര്‍ന്ന അധ്യാപകദിന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. മുതിര്‍ന്ന അധ്യാപക ദമ്പതികളായ ആന്‍റണി ജോസഫ്-ഏലീശ്വാ എന്നിവരെ പൊന്നാട അണിയിച്ച് ആദരിച്ചു. സംസ്‌കാര വേദി ജില്ലാ പ്രസിഡന്‍റ് ബിജോയ് പാലാക്കുന്നേല്‍ അധ്യക്ഷത വഹിച്ചു. പാര്‍ട്ടി നിയോജക മണ്ഡലം പ്രസിഡന്‍റ് ലാലിച്ചന്‍ കുന്നിപ്പറമ്പില്‍, ചാക്കോച്ചന്‍ മെതിക്കളം, ഷാജി കോലേട്ട്, ഡോ. സുമ സിറിയക്, അലക്‌സാണ്ടര്‍ പ്രാക്കുഴി എന്നിവര്‍ പ്രസംഗിച്ചു.

ജൽജീവൻ പദ്ധതിയുടെ ടാങ്ക് നിർമാണ സാമഗ്രികൾ മോഷ്ടിച്ച പ്രതികൾ അറസ്റ്റിൽ

തൃക്കൊടിത്താനം: പഞ്ചായത്തിൽ ജൽജീവൻ പദ്ധതിയുടെ ഭാഗമായി അമര ഭാഗത്തെ ടാങ്ക് നിർമാണത്തിനായി സൂക്ഷിച്ചിരുന്ന സാമഗ്രികൾ മോഷ്ടിച്ചു വിൽപന നടത്തിയ കേസിൽ പ്രതികൾ തൃക്കൊടിത്താനം പോലീസിന്‍റെ പിടിയിലായി. തൃക്കൊടിത്താനം അമര താഴത്തുമുറിയിൽ ശ്രീജിത്ത് സുന്ദരൻ, അമര ഭാഗത്ത് മംഗലം പ്രകാശ്, അമര ഭാഗത്ത് മംഗലം രതീഷ് എന്നിവരെയാണ് ജില്ലാ പോലീസ് മേധാവി ഷാഹുൽ ഹമീദിനു ലഭിച്ച രഹസ്യവിവരത്തിന്‍റെ അടിസ്ഥാനത്തിൽ ചങ്ങനാശേരി ഡിവൈഎസ്പി കെ. പി. തോംസണിന്‍റെ നിർദേശപ്രകാരം തൃക്കൊടിത്താനം എസ്എച്ച്ഒ എം.ജെ. അരുണിന്‍റെ നേതൃത്വത്തിൽ സബ് ഇൻസ്പെക്ടർ ജിജി ലൂക്കോസ്, ഗിരീഷ് കുമാർ സിവിൽ പോലീസ് ഓഫീസർമാരായ മണികണ്ഠൻ, ബിജു എന്നിവരടങ്ങുന്ന പോലീസ് സംഘം പിടികൂടിയത്. മദ്യപിക്കാൻ പണം കണ്ടെത്താനായാണ് അൻപതിനായിരത്തോളം രൂപയുടെ ടാങ്ക് നിർമാണ സാമഗ്രികൾ പ്രതികൾ മോഷ്‌ടിച്ചത്. പ്രതികളെ കോടതിയിൽ ഹാജരാക്കി.

വിലക്കയറ്റത്തിനെതിരേ കേരള കോണ്‍ഗ്രസ് ധര്‍ണ

ചങ്ങനാശേരി: വിലക്കയറ്റത്തിനെതിരേ കേരള കോണ്‍ഗ്രസ് വാഴപ്പള്ളി മണ്ഡലം കമ്മിറ്റി കുരിശുമ്മൂട്ടില്‍ നടത്തിയ ധര്‍ണ ഉന്നതാധികാര സമിതി അംഗം വി.ജെ. ലാലി. ഉദ്ഘാടനം ചെയ്തു. മണ്ഡലം പ്രസിഡന്‍റ് ബിനു മൂലയില്‍ അധ്യക്ഷത വഹിച്ചു. നിയോജക മണ്ഡലം പ്രസിഡന്‍റ് മാത്തുക്കുട്ടി പ്ലാത്താനം മുഖ്യപ്രസംഗം നടത്തി. പഞ്ചായത്ത് പ്രസിഡന്‍റ് മിനി വിജയകുമാര്‍, ചെറിയാന്‍ ചാക്കോ, ജോര്‍ജ്കുട്ടി മാപ്പിളശേരി, കുര്യന്‍ തൂമ്പുങ്കല്‍, സച്ചിന്‍ സാജന്‍ ഫ്രാന്‍സിസ്, ജോസഫ് ചെമ്പകശേരി, ലിസി പവ്വക്കര, ബാബു മൂയ്യപ്പള്ളി, അച്ചാമ്മ മാത്യു, റോസമ്മ ജെയിംസ് എന്നിവര്‍ പ്രസംഗിച്ചു.

നൂറുമേനി വചനപഠനം ആത്മീയതയുടെ ആഘോഷം: മാര്‍ തോമസ് തറയില്‍

തീംസോംഗ് പ്രകാശനം ചെയ്തു ചങ്ങനാശേരി: നൂറുമേനി വചനപഠനം ആത്മീയതയുടെ ആഘോഷമാണെന്ന് ആര്‍ച്ച്ബിഷപ് മാര്‍ തോമസ് തറയില്‍. അതിരൂപത ബൈബിള്‍ അപ്പൊസ്തലേറ്റ്, കുടുംബ കൂട്ടായ്മ എന്നിവയുടെ സംയുക്താഭിമുഖ്യത്തില്‍ 12,13 തീയതികളില്‍ എസ്ബി കോളജ് കാവുകാട്ട് ഹാളില്‍ നടക്കുന്ന നൂറു മേനി മഹാസംഗമം തീം സോംഗിന്‍റെ സിഡി വികാരിജനറാള്‍ മോണ്‍. ആന്‍റണി ഏത്തയ്ക്കാട്ടിനു നല്‍കി നിര്‍വഹിക്കുകയായിരുന്നു ആര്‍ച്ച്ബിഷപ്. തീം സോംഗിന്‍റെ രചനയും സംഗീതവും നിര്‍വഹിച്ച സിനിമ നിര്‍മാതാവ് കൂടിയായ ലിസി ഫെര്‍ണാണ്ടസ് മുഖ്യാതിഥിയായിരുന്നു. ആര്‍ച്ച്ബിഷപ്‌സ് ഹൗസില്‍ നടന്ന ചടങ്ങില്‍ ബൈബിള്‍ അപ്പൊസ്തലേറ്റ് ഡയറക്ടര്‍ ഫാ. ജോര്‍ജ് മാന്തുരുത്തില്‍ ആമുഖപ്രഭാഷണം നടത്തി. ഡോ. റൂബിള്‍ രാജ്, ഫാ. ജോജിന്‍ ഇലഞ്ഞിക്കല്‍, ഡോ. ജോബിന്‍ എസ്. കൊട്ടാരം, പ്രഫ. ജോസഫ് ടിറ്റോ, സിസ്റ്റര്‍ ചെറുപുഷ്പം, ടോമി കൈതക്കളം, മറിയം ജോര്‍ജ്, ജിനി ആന്‍റണി എന്നിവര്‍ പ്രസംഗിച്ചു. വിവിധ ഘട്ടങ്ങളിലായി ഒരു ലക്ഷത്തോളം ആളുകള്‍ പങ്കെടുത്ത നൂറുമേനി സീസണ്‍ നാലില്‍നിന്നു തെരഞ്ഞെടുക്കപ്പെട്ട അയ്യായിരത്തോളം പേരാണ് മഹാസംഗമത്തിലും സമ്മാനദാനച്ചടങ്ങിലും പങ്കെടുക്കുന്നത്. സണ്ണി ഇടിമണ്ണിക്കലാണ് പരിപാടിയുടെ ചെയര്‍മാന്‍. തീം സോംഗ് ഓണ്‍ലൈന്‍ മത്സരം നൂറുമേനി തീം സോംഗ് ഓണ്‍ലൈന്‍ മത്സരവും ഇതോടാനുബന്ധിച്ചു സംഘടിപ്പിക്കും. 12ന് വൈകുന്നേരം നാലുവരെ നൂറുമേനി ഇന്‍സ്റ്റഗ്രാമില്‍ അപ്‌ലോഡ് ചെയ്യുന്നതില്‍നിന്ന് ഏറ്റവും കൂടുതല്‍ ലൈക്ക് കിട്ടുന്ന 10 പേര്‍ക്ക് പ്രത്യേക സമ്മാനം ലഭിക്കും. തീം വീഡിയോ പഠിച്ച് ഏതെങ്കിലും ഭാഗം കുടുംബമായാണ് പാടേണ്ടത്. ആര്‍ക്കും മത്സരത്തില്‍ പങ്കെടുക്കാം. കൂടുതല്‍ വിവരങ്ങള്‍ക്ക് 8590349400 എന്ന നമ്പറില്‍ ബന്ധപ്പെടാം.

തിരുവോണനാളിൽ തീരാദുഃഖമായി മടുക്കംമൂട് അപകടം

ഷാജിയുടെ വേര്‍പാട് മക്കൊള്ളില്‍ കുടുംബത്തിനു തീരാവേദനയായി ചങ്ങനാശേരി: മടുക്കംമൂട്ടില്‍ കാറും സ്‌കൂട്ടറും കൂട്ടിയിടിച്ച് സ്‌കൂട്ടര്‍ യാത്രികന്‍ മരിച്ച സംഭവം തിരുവോണ നാളിനെ സങ്കടദിനമാക്കി. സ്‌കൂട്ടറില്‍ സഞ്ചരിച്ചിരുന്ന കൂത്രപ്പള്ളി തെങ്ങോലിപ്പടി മക്കൊള്ളില്‍ ഷാജി തോമസ് (58) ആണ് കാറിനടിയില്‍പ്പെട്ട് ദാരുണമായി മരണപ്പെട്ടത്. അപകടത്തില്‍പ്പെട്ട കാറിനടിയില്‍ കുടുങ്ങിയ ഷാജിയെ സ്‌കൂട്ടറുമായി നൂറുമീറ്ററോളം റോഡിലൂടെ വലിച്ചിഴച്ചുകൊണ്ടുപോയാണ് കാര്‍ നിന്നത്. കാറിനടിയില്‍ കുടുങ്ങിയ ഷാജിയുടെ ദേഹമാസകലം ഗുരുതരമായി പരിക്കേറ്റു രക്തം വാര്‍ന്നൊഴുകി. ഓടിക്കൂടിയവര്‍ ഷാജിയെ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ചങ്ങനാശേരി പോലീസും ഫയര്‍ഫോഴ്‌സും എത്തിയാണ് വാഹനങ്ങള്‍ നീക്കിയത്. ഭാര്യ സോഫിയുടെ മാതാവ് ഏതാനും ദിവസംമുമ്പ് മരണപ്പെട്ടിരുന്നു. ഭാര്യ സോഫിയും മക്കളായ അല്‍ക്കയും അഖിലയും സോഫിയുടെ ഇത്തിത്താനത്തുള്ള വീട്ടിലായിരുന്നു. ഇവരെ കൂട്ടിക്കൊണ്ടുവന്ന് ഓണം ആഘോഷിക്കാനായി പോകുമ്പോഴാണ് ഷാജിയെ ദുരന്തം കവര്‍ന്നത്. ഷാജിയുടെ വേര്‍പാട് കുടുംബത്തിനു തീരാവേദനയായി. ഇന്നു രാവിലെ ഒമ്പതിന് മൃതദേഹം കൂത്രപ്പള്ളി തെങ്ങോലിയിലുള്ള മൃതദേഹം വീട്ടില്‍ എത്തിക്കും. സംസ്‌കാരം ഇന്ന് ഉച്ചകഴിഞ്ഞ് 2.30ന് കൂത്രപ്പള്ളി സെന്‍റ് മേരീസ് പള്ളിയില്‍.

വിഷ്ണുവിന് ഓണസമ്മാനം; വീട് നിർമിക്കാൻ ഭൂമി നൽകി ജന്‍റിൽമാൻ ചിറ്റ്സ്

വൈക്കം: രോഗബാധിതനായി ശസ്ത്രക്രിയയ്ക്ക് വിധേയനായ നിർധന കുടുബാംഗമായ ഉദയനാപുരം ഓണത്തൊടിയിൽ വിഷ്ണുവിനും കുടുംബത്തിനും സുരക്ഷിത ഭവനമൊരുക്കാൻ നാലു സെന്‍റ് സ്ഥലം നൽകി ജന്‍റിൽമാൻ ചിറ്റ്സ് മാനേജിംഗ് ഡയറക്ടർ ബാബുകേശവൻ. ജന്‍റിൽമാൻ ചിറ്റ്സ് സ്ഥലം സൗജന്യമായി നൽകിയതിനു പിന്നാലെ വീട് നിർമിച്ചു നൽകാൻ മന്ത്രി വി.എൻ.വാസവൻ സഹായവാഗ്ദാനവുമായെത്തി. കാലിലെ ഞരമ്പിലെ രക്തഓട്ടം നിലച്ച് ഗുരുതരാവസ്ഥയിലായ വിഷ്ണുവിനെ പൊതുപ്രവർത്തകനായ പി.എം. പ്രെറ്റിയുടെ നേതൃത്വത്തിൽ നാട്ടുകാരുടെ സഹായത്തോടെയാണ് ചികിൽസ ലഭ്യമാക്കി ജീവിതത്തിലേക്ക് തിരിച്ചുകൊണ്ടുവന്നത്. വീൽചെയറിൽ ഒറ്റമുറി വീട്ടിൽ വിഷ്ണുവിനൊപ്പം അമ്മയും സഹോദരിയുമുണ്ട്. കുടുംബത്തിന്‍റെ ദുരവസ്ഥ ബോധ്യപ്പെട്ട് പി.എം. പ്രെറ്റി ഇക്കാര്യം മന്ത്രി വാസവന്‍റെ ശ്രദ്ധയിൽപ്പെടുത്തി. മന്ത്രിയുടെ ആവശ്യപ്രകാരം ബാബുകേശവൻ എട്ടു ലക്ഷം രൂപ വിനിയോഗിച്ച് സ്ഥലം വാങ്ങി നൽകി. സർക്കാരിന്‍റെ ‘മനസോടിത്തിരി മണ്ണ്’ പദ്ധതിയുടെ ഭാഗമായാണ് വിഷ്ണുവിന് ഭൂമി നൽകിയത്. ബാബു കേശവന്‍റെ വീട്ടിൽ നടന്ന യോഗത്തിൽ മന്ത്രി വി.എൻ. വാസവൻ ഭൂമിയുടെ ആധാരം കൈമാറി. സ്വന്തം പേരിൽ സ്ഥലമില്ലെന്ന കാരണത്താൽ ലൈഫ് ഭവന പദ്ധതിയിൽ ഉൾപ്പെടാതെപോയ വിഷ്ണുവിന് ഇനി സ്വന്തം സ്ഥലത്ത് ലൈഫ് പദ്ധതിയിൽ വീട് ഒരുക്കും. അമ്മയും സഹോദരിയും ഉൾപ്പെടുന്ന കുടുംബത്തിന്‍റെ ഏക അത്താണിയാണ് വിഷ്ണു. വീട് നിർമിച്ചു നൽകുന്നതടക്കമുളള സഹായങ്ങൾ നൽകാൻ നാടൊന്നാകെ വിഷ്ണുവിനൊപ്പമുണ്ട്.

കുടവെച്ചൂർ പള്ളിയിൽ പരിശുദ്ധ കന്യകമറിയത്തിന്‍റെ പിറവിത്തിരുനാൾ നാളെ

വെച്ചൂർ: കുടവെച്ചൂർ സെന്‍റ് മേരീസ് പള്ളിയിൽ പരിശുദ്ധ കന്യകമറിയത്തിന്‍റെ പിറവി ത്തിരുനാൾ നാളെ ആഘോഷിക്കും. ഇന്നു രാവിലെ 5.30 മുതൽ 9.30വരെ തുടർച്ചയായി വിശുദ്ധ കുർബാന. ഉച്ചകഴിഞ്ഞ് മൂന്നിന് വിശുദ്ധ കുർബാന: ഫാ. എഡ്വിൻ വട്ടക്കുഴിയിൽ, 4.30ന് പ്രദക്ഷിണം. തിരുനാൾ ദിനമായ നാളെ രാവിലെ അഞ്ചിന് വിശുദ്ധ കുർബാന: ഫാ.പോൾ ആത്തപ്പിള്ളി.ആറിന് വിശുദ്ധകുർബാന: ഫാ. ആന്‍റണികളത്തിൽ, ഏഴിന് വിശുദ്ധ കുർബാന: ഫാ. സെബാസ്റ്റ്യൻ മാണിക്കത്താൻ, എട്ടിന് വിശുദ്ധ കുർബാന: ഫാ.ജോർജ് തേലക്കാട്ട്, ഒൻപതിന് വിശുദ്ധ കുർബാന: ഫാ.ജോസ് വല്ലയിൽ,10ന് തിരുനാൾ കുർബാന: ഫാ. വിപിൻ കുരിശുതറ മുഖ്യകാർമികത്വം വഹിക്കും. ഫാ. സച്ചിൻ മാമ്പുഴക്കൽ , ഫാ. ജോസഫ് മേച്ചേരി എന്നിവർ സഹകാർമികരാകും. ഉച്ചകഴിഞ്ഞ് രണ്ടിന് വിശുദ്ധ കുർബാന: ഫാ. ജോസഫ് മാക്കോതക്കാട്ട്, മൂന്നിന് വിശുദ്ധ കുർബാന: ഫാ.ജിത്ത് പള്ളിപ്പാട്ട്, തുടർന്ന് തിരുനാൾ പ്രദക്ഷിണം. തുടർന്ന് വിശുദ്ധ കുർബാന: ഫാ.സുരേഷ് മൽപ്പാൻ. ഒൻപതിന് മരിച്ചവരുടെ ഓർമദിനം. രാവിലെ ആറിനും 9.30നും വിശുദ്ധ കുർബാന: ഫാ.സനീഷ് കാഞ്ഞിരക്കാട്ടുകരി, വൈകുന്നേരം അഞ്ചിന് വിശുദ്ധ കുർബാന: ഫാ. ജിനു പള്ളിപ്പാട്ട്.15ന് എട്ടാമിടം തിരുനാളോടെ ആഘോഷങ്ങൾക്ക് സമാപനമാകും. വൈക്കം, കോട്ടയം, ആലപ്പുഴ, ചേർത്തല എന്നിവിടങ്ങളിൽനിന്ന് എത്തുന്ന തീർഥാടകർക്കായി പ്രത്യേക യാത്രാസൗകര്യങ്ങൾ ഒരുക്കിയിട്ടുണ്ട്. തിരുനാൾ പരിപാടികൾക്ക് വികാരി ഫാ. പോൾ ആത്തപ്പിള്ളി, സഹവികാരി ഫാ. ആന്‍റണി കളത്തിൽ, കൈക്കാരൻ വക്കച്ചൻ മണ്ണത്താലിൽ, എബ്രഹാം റോജിഭവൻ, വൈസ് ചെയർമാൻ സേവ്യർ മീനപ്പള്ളി, പ്രസുദേന്തി ജോബ് അനുഗ്രഹ,ജനറൽ സെക്രട്ടറി ബിജു മിത്രംപള്ളി , പാരീഷ് കൗൺസിൽ സെക്രട്ടറി റോബിൻ മണ്ണത്താലിൽ തുടങ്ങിയവർ നേതൃത്വം നൽകും.

നിയന്ത്രണംവിട്ട വാന്‍ കാറിലിടിച്ച് നാലു പേര്‍ക്ക് പരിക്ക്

കടുത്തുരുത്തി: നിയന്ത്രണംവിട്ട മിനി വാന്‍ എതിരേ വന്ന കാറിലിടിച്ച് അപകടം. അപകടത്തില്‍ കാര്‍ യാത്രക്കാരായ മൂന്നുപേര്‍ക്കും വാനിലെ യാത്രക്കാരനായ ഒരാള്‍ക്കും പരിക്കേറ്റു. പരിക്കേറ്റവരെ ഏറ്റുമാനൂരിലെ ആശുപത്രിയിലും കോട്ടയം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു. ഇന്നലെ വൈകുന്നേരം 4.30ന് കല്ലറ-നീണ്ടൂര്‍ റോഡില്‍ മുടക്കാലി പാലത്തിനു സമീപം വാഴക്കാലാ ജംഗ്ഷനിലാണ് അപകടം. കല്ലറയില്‍നിന്ന് കോട്ടയം ഭാഗത്തേക്ക് പോവുകയായിരുന്ന കാറിലേക്ക് എതിര്‍ദിശയില്‍നിന്നു വന്ന മധ്യപ്രദേശ് സ്വദേശികള്‍ സഞ്ചരിച്ചിരുന്ന വാന്‍ ഇടിക്കുകയായിരുന്നു. വാനിലെ ഡ്രൈവിംഗ് സീറ്റില്‍ രണ്ടുപേരാണ് ഉണ്ടായിരുന്നതെന്നും ഇതിലൊരാള്‍ അപകടം നടന്നയുടനെ ഇറങ്ങിയോടിയതായും ദൃക്സാക്ഷികൾ പറയുന്നു. ഒരു മാസമായി കല്ലറയില്‍ താമസിച്ചു സോപ്പ് വില്‍പന നടത്തുന്നവര്‍ സഞ്ചരിച്ച വാനാണ് അപകടത്തിനിടയാക്കിയത്. ഇടിയുടെ ആഘാതത്തില്‍ വാന്‍ എതിര്‍ദിശയിലേക്ക് തിരിഞ്ഞാണു നിന്നത്. കാര്‍ ഓടയിലേക്ക് വീണു. ഇരുവാഹനങ്ങളുടെയും മുന്‍വശം പൂര്‍ണമായും തകര്‍ന്നു. ഓടിക്കൂടിയ നാട്ടുകാരാണ് പരിക്കേറ്റവരെ ആശുപത്രിയിലെത്തിച്ചത്. ഒരു മണിക്കൂറോളം കല്ലറ-നീണ്ടൂര്‍ റോഡില്‍ വാഹന ഗതാഗതം തടസപ്പട്ടു. കടുത്തുരുത്തി പോലീസ് സ്ഥലത്തെത്തി മേല്‍നടപടി സ്വീകരിച്ചു.

കാർ മറ്റൊരു കാറിനു പിന്നിൽ ഇടിച്ചുകയറി അപകടം

കോട്ടയം: അമിത വേഗതയി ലെത്തിയ കാർ മറ്റൊരു കാറിന്‍റെ പിന്നിൽ ഇടിച്ചുകയറി അപകടം. ഇന്നലെ രാത്രി 10.50ന് സിഎംഎസ് കോളജ് റോഡിൽ ദീപിക ഓഫീസിനു മുന്നിലായിരുന്നു അപകടം. വെസ്റ്റ് പോലീസ് സ്ഥലത്തെത്തി. അപകടമുണ്ടാക്കിയ കാറിന്‍റെ ഡ്രൈവർ മദ്യപിച്ചെന്ന സംശയത്തെത്തുടർന്ന് ഇയാളെ വൈദ്യപരിശോധനയ്ക്ക് വിധേയനാക്കി.

മലയാളികൾക്കൊപ്പം ഓണം ആഘോഷിച്ച് രാജ്യാന്തര ഉത്തരവാദിത്വ ടൂറിസം സംഘം

കോട്ടയം: ഓണക്കളികള്‍ കളിച്ചും സദ്യയുണ്ടും ഓണാഘോഷത്തെ അടുത്തറിഞ്ഞ് വിദേശ പ്രതിനിധി സംഘം. ഓണത്തെ രാജ്യാന്തര ടൂറിസം മാര്‍ക്കറ്റില്‍ അവതരിപ്പിക്കുന്നതിന്‍റെ ഭാഗമായി ഉത്തരവാദിത്വ ടൂറിസം മിഷന്‍ സംഘടിപ്പിച്ച കള്‍ച്ചറല്‍ എക്‌സ്‌ചേഞ്ച് പ്രോഗ്രാമിനായി എത്തിയവരാണ് കോട്ടയം ജില്ലയിലെ വിവിധ സ്ഥലങ്ങള്‍ സന്ദര്‍ശിച്ച് ഓണാഘോഷം നേരിട്ടറിഞ്ഞത്. യുകെ, ഫ്രാന്‍സ്, വിയറ്റ്‌നാം, ഇന്തോനേഷ്യ, തായ്‌ലന്‍ഡ്, ശ്രീലങ്ക, നേപ്പാള്‍, ദക്ഷിണ കൊറിയ രാജ്യങ്ങളില്‍നിന്ന് ഇന്ത്യയുടെ വിവിധഭാഗങ്ങളില്‍നിന്നുള്ള റെസ്‌പോണ്‍സിബിള്‍ ടൂറിസം ലീഡേഴ്‌സ്, ടൂര്‍ ഓപ്പറേറ്റര്‍മാര്‍, അക്കാദമിഷന്‍സ് എന്നിവരാണ് സംഘത്തിലുണ്ടായിരുന്നത്. ഉദയനാപുരം, മറവന്തുരുത്ത്, അയ്മനം, കുമരകം പഞ്ചായത്തുകള്‍ സംഘം സന്ദര്‍ശിച്ചു.

കാർഷികസമൃദ്ധിയിൽ നിറഞ്ഞ് മരങ്ങാട്ടുപിള്ളി

കുറവിലങ്ങാട്: മരങ്ങാട്ടുപിള്ളിയുടെ കാർഷിക മേഖലയ്ക്ക് കരുത്തേകാനായി ലക്ഷ്യമിടുന്ന കാർഷികോത്സവത്തിനുള്ള ഒരുക്കങ്ങൾ പൂർത്തിയായതായി മരങ്ങാട്ടുപിള്ളി പഞ്ചായത്ത് പ്രസിഡന്‍റ് ബെൽജി ഇമ്മാനുവൽ, വൈസ് പ്രസിഡന്‍റ് ഉഷ രാജു, അംഗങ്ങളായ സലിമോൾ ബെന്നി, സാബു അഗസ്റ്റിൻ എന്നിവർ വാർത്താസമ്മേളനത്തിൽ അറിയിച്ചു. നാളെ മുതൽ 11 വരെയാണ് മരങ്ങാട്ടുപിള്ളി കാർഷികോത്സവം. വിവിധ വകുപ്പുകളുടെയും സ്ഥാപനങ്ങളുടെയും സഹകരണത്തോടെയാണ് മരങ്ങാട്ടുപിള്ളി സെന്‍റ് ഫ്രാൻസിസ് അസീസി പാരിഷ് ഹാളിൽ ആഘോഷങ്ങൾ ഒരുക്കിയിട്ടുള്ളതെന്ന് കൃഷി ഓഫീസർ മനു കൃഷ്ണൻ, റോബിൻ കല്ലോലിൽ എന്നിവർ പറഞ്ഞു. വിളംബര റാലി, കർഷക അവാർഡ് വിതരണം, ജില്ലാതല കാർഷിക ക്വിസ്, കർഷക സെമിനാർ, വിള മത്സരവും പ്രദർശനവും, വിദ്യാർഥികൾക്കും കർഷകർക്കുമുള്ള ക്വിസ് മത്സരങ്ങൾ, കലാപരിപാടികൾ, വൈവിധ്യമാർന്ന പ്രദർശന വിപണനമേള, പുരാവസ്തു പ്രദർശനം തുടങ്ങിയവ സംഘടിപ്പിക്കും. ചേറ്റിലോട്ടം, ഞാറുനടീൽ, കുടവയർ എന്നിങ്ങനെ വേറിട്ട മത്സര ഇനങ്ങളും ഒരുക്കിയിട്ടുണ്ട്. മുതിർന്ന കർഷകസംഗമം, കിടാരി, നാടൻ പശു മത്സരം, സാംസ്‌കാരിക ഘോഷയാത്ര, അടുക്കളത്തോട്ട മത്സരം, സൗജന്യ പച്ചക്കറി വിതരണം, വിവിധ കലാ-കായിക മത്സരങ്ങൾ, സൗഹൃദ വടംവലി എന്നിങ്ങനെയുള്ള മത്സരങ്ങൾക്കൊപ്പമുള്ള സമ്മേളനങ്ങളിൽ ജോസ് കെ. മാണി എംപി, ഫ്രാൻസിസ് ജോർജ് എംപി, മോൻസ് ജോസഫ് എംഎൽഎ, ജില്ലാ കളക്ടർ ചേതൻകുമാർ മീണ, കോട്ടയം ജില്ലാ പോലീസ് മേധാവി ഷാഹുൽ ഹമീദ്, ചലച്ചിത്രനടൻ അനൂപ് ചന്ദ്രൻ തുടങ്ങിയവർ പങ്കെടുക്കുമെന്നും പഞ്ചായത്ത് പ്രസിഡന്‍റ് ബെൽജി ഇമ്മാനുവൽ പറഞ്ഞു.

കെ. റെയില്‍ വിരുദ്ധ സമരപ്പന്തലില്‍ ഓണാഘോഷവും സത്യഗ്രഹസമരവും

മാടപ്പള്ളി: കെ. റെയില്‍ വിരുദ്ധ ജനകീയ സമിതി ജില്ലാ കമ്മിറ്റിയുടെ നേതൃത്വത്തിലുള്ള മാടപ്പള്ളിയിലെ സമരപ്പന്തലില്‍ തിരുവോണ ദിനത്തില്‍ ഓണാഘോഷവും 1233-ാം ദിവസത്തെ സത്യഗ്രഹസമരവും ഒരുമിച്ചു നടത്തി. സില്‍വര്‍ ലൈന്‍ വിരുദ്ധ ജനകീയ സമരത്തെ സര്‍ക്കാര്‍ ചവട്ടിത്താഴ്ത്താന്‍ ശ്രമിക്കുന്തോറും മഹാബലിയെപ്പോലെ സമരം ഉയര്‍ത്തുവരുമെന്ന് സമരം ഉദ്ഘാടനം ചെയ്തുകൊണ്ട് സമിതി രക്ഷാധികാരി വി.ജെ. ലാലി പറഞ്ഞു. സമാഗതമാകുന്ന തെരഞ്ഞെടുപ്പുകളില്‍ സര്‍ക്കാരിനെതിരേ വിധിയെഴുത്തുണ്ടാകുമെന്നും അദ്ദേഹം കൂട്ടിച്ചേര്‍ത്തു. ജില്ലാ ചെയര്‍മാന്‍ ബാബു കുട്ടന്‍ചിറയുടെ അധ്യക്ഷതയില്‍ മിനി കെ. ഫിലിപ്പ് ഓണസന്ദേശം നല്‍കി. സേവ്യര്‍ ജേക്കബ്, എ.ജി. അജയകുമാര്‍, റോയ് മുക്കാടന്‍, കൃഷ്ണന്‍ നായര്‍, തങ്കച്ചന്‍ ഇലവുമ്മൂട്ടില്‍, സോജന്‍ ജോസഫ്, എ.ടി. വര്‍ഗീസ്, റെജി പറമ്പത്ത്, സാജന്‍ കൊരണ്ടിത്തറ എന്നിവര്‍ പ്രസംഗിച്ചു. പായസവും മധുര പലഹാരങ്ങളും വിതരണംചെയ്തു.

പൂവത്തോട് പള്ളി കൂദാശ ഇന്ന്

പൂവത്തോട്: പുനര്‍ നിര്‍മിച്ച പൂവത്തോട് സെന്‍റ് തോമസ് പള്ളിയുടെ കൂദാശ ഇന്ന് ഉച്ചകഴിഞ്ഞ് രണ്ടിന് നടക്കും. മാര്‍ ജോസഫ് കല്ലറങ്ങാട്ട് കൂദാശാകര്‍മം നിര്‍വഹിക്കും. മാര്‍ ജോസഫ് പള്ളിക്കാപറമ്പില്‍, മാര്‍ ജേക്കബ് അങ്ങാടിയാത്ത് തുടങ്ങിയവര്‍ പങ്കെടുക്കും. 1887ലാണ് ഇവിടെ വിശുദ്ധ തോമാശ്ലീഹായുടെ നാമത്തില്‍ കുരിശുപള്ളി സ്ഥാപിതമായത്. 1909 ജൂലൈ 19ന് ഇടവകയായി ഉയര്‍ത്തി. ഇപ്പോള്‍ ഇടവകയില്‍ 320 കുടുംബങ്ങളുണ്ട്. 2023 ജൂലൈ മൂന്നിന് മാര്‍ ജോസഫ് കല്ലറങ്ങാട്ട് പുതിയ പള്ളിയുടെ ശിലാസ്ഥാപനം നിര്‍വഹിച്ചു. രണ്ടു വര്‍ഷം കൊണ്ടാണ് പള്ളിപണി പൂര്‍ത്തീകരിച്ചത്.

അയർക്കുന്നം പള്ളിയിൽ മേരി നാമധാരികളുടെ സംഗമം

അയര്‍ക്കുന്നം: സെന്‍റ് സെബാസ്റ്റ്യന്‍സ് പള്ളിയില്‍ മാതാവിന്‍റെ ജനനത്തിരുനാളിനോടനുബന്ധിച്ച് മാതൃ-പിതൃവേദി സംഘടനകളുടെ ആഭിമുഖ്യത്തില്‍ മേരി നാമധാരികളുടെ സംഗമം നടത്തി. വികാരി ഫാ. ആന്‍റണി കിഴക്കേവീട്ടില്‍ സന്ദേശം നല്‍കി. സഹ വികാരി ഫാ. ടോജോ പുളിക്കപ്പടവില്‍ പ്രാര്‍ഥനകള്‍ക്ക് നേതൃത്വം നല്‍കി. മാതൃ-പിതൃവേദി ഭാരവാഹികളായ ബിനി ടോമി, ജെസി പള്ളിത്താഴെ, സാലിമ്മ ആന്‍റണി, മറിയാമ്മ മാര്‍ട്ടിന്‍ എന്നിവര്‍ നേതൃത്വം നല്‍കി.

പുണ്യശ്ലോകന്‍ കുട്ടന്‍തറപ്പേല്‍ യൗസേപ്പച്ചന്‍റെ ശ്രാദ്ധം ഇന്ന്

കടപ്ലാമറ്റം: സെന്‍റ് മേരീസ് ഫൊറോന പള്ളിയില്‍ പുണ്യശ്ലോകന്‍ കുട്ടന്‍തറപ്പേല്‍ യൗസേപ്പച്ചന്‍റെ 68-ാം ചരമവാര്‍ഷികവും ശ്രാദ്ധവും ഇന്നു നടത്തും. ചരമവാര്‍ഷികത്തിനൊരുക്കമായി ഓഗസ്റ്റ് 30ന് ആരംഭിച്ച് ഒന്‍പതു ദിവസം വിശുദ്ധ കുര്‍ബാനയും നാമകരണ പ്രാര്‍ഥനയും ഒപ്പീസും ഉണ്ടായിരുന്നു. ചരമവാര്‍ഷിക ദിനമായ ഇന്നു രാവിലെ പത്തിനു വിശുദ്ധ കുര്‍ബാനയും സന്ദേശവും നാമകരണ പ്രാര്‍ഥനയും ഒപ്പീസും ശ്രാദ്ധ വെഞ്ചരിപ്പും കല്യാണ്‍ ആര്‍ച്ച്ബിഷപ് മാര്‍ സെബാസ്റ്റ്യന്‍ വാണിയപ്പുരയ്ക്കലിന്‍റെ കാര്‍മികത്വത്തില്‍ നടത്തും. ശ്രാദ്ധത്തിനുള്ള ക്രമീകരണങ്ങൾ പൂർത്തിയായതായി വികാരി ഫാ. ജോസഫ് മുളഞ്ഞനാല്‍ പറഞ്ഞു.

മണര്‍കാട് പള്ളി പെരുന്നാൾ: പന്തിരുനാഴി ഘോഷയാത്ര ഇന്ന്

മണര്‍കാട്: മണര്‍കാട് സെന്‍റ് മേരീസ് കത്തീഡ്രലിലെ എട്ടുനോമ്പ് പെരുന്നാളിനേടനുബന്ധിച്ചുള്ള പന്തിരുനാഴി ഘോഷയാത്ര ഇന്ന് നടതുറക്കല്‍ ശുശ്രൂഷയ്ക്കുശേഷം നടക്കുന്ന പ്രധാന ചടങ്ങാണ് പന്തിരുനാഴി ഘോഷയാത്ര. പാച്ചോര്‍ കമ്മിറ്റി കണ്‍വീനറുടെ കൈയില്‍ നെയ്യ് നിറച്ച വിളഞ്ഞ തേങ്ങാമുറിയിലെ തിരിയില്‍ പള്ളിയിലെ തൂക്കുവിളക്കില്‍നിന്നു വൈദികന്‍ തീപകരും. ഇന്ന് ഉച്ചയ്ക്ക് 12ന് പള്ളിമേടയിലെ പ്രാര്‍ഥനകള്‍ക്കുശേഷം പന്തിരുനാഴി കൈകളിലേന്തി വാദ്യമേളങ്ങളുടെ അകമ്പടിയോടെ പുറപ്പെടും. ഘോഷയാത്രയ്ക്കിടെ ആവേശത്തില്‍ പന്തിരുനാഴി ഉയരങ്ങളിലേക്ക് എറിഞ്ഞുപിടിക്കുന്നത് പന്തിരുനാഴി ഘോഷയാത്രയിലെ കൗതുക കാഴ്ചയാണ്. പള്ളിക്കു ചുറ്റും മൂന്നു പ്രാവശ്യം വലംവച്ച ശേഷം കറിനേര്‍ച്ച തയാറാക്കുന്ന സെന്‍റ് മേരീസ് ഇംഗ്ലീഷ് മീഡിയം സ്‌കൂളില്‍ എത്തും. പന്തിരുനാഴി വയ്ക്കുന്ന വലിയ അടുപ്പില്‍ പുരോഹിതന്‍ തീ പകര്‍ന്നാല്‍ ചെമ്പുകളൊക്കെ മറ്റടുപ്പുകളില്‍ തയാറാക്കും. ഇന്ന് രാത്രി 12നുശേഷം കറിനേര്‍ച്ച വിതരണം ആരംഭിക്കും. മണര്‍കാട്പള്ളിയിൽ ഇന്ന് കരോട്ടെ പള്ളിയില്‍ രാവിലെ ആറിന് വിശുദ്ധ കുര്‍ബാന. കത്തീഡ്രലില്‍ രാവിലെ 7.30ന് പ്രഭാത പ്രാര്‍ഥന. 8.30ന് വിശുദ്ധ മൂന്നിന്മേല്‍ കുര്‍ബാന - ശ്രേഷ്ഠ കാതോലിക്കാ ബസേലിയോസ് ജോസഫ് ബാവായുടെ മുഖ്യകാര്‍മികത്വത്തില്‍. 11.30ന് ഉച്ചനമസ്‌കാരത്തെത്തുടര്‍ന്ന് ശ്രേഷ്ഠ കാതോലിക്കാ ബാവായുടെ സാന്നിധ്യത്തില്‍ നടതുറക്കല്‍ ശുശ്രൂഷ. ഉച്ചയ്ക്ക് 12ന് കറിനേര്‍ച്ചയ്ക്കുള്ള പന്തിരുനാഴി ഘോഷയാത്ര. വൈകുന്നേരം അഞ്ചിന് സന്ധ്യാപ്രാര്‍ഥന. രാത്രി 7.30ന് കരോട്ടെ പള്ളി ചുറ്റിയുള്ള പ്രദക്ഷിണം. ഒന്‍പതിന് ആകാശവിസ്മയം. 10ന് പരിചമുട്ടുകളി, മാര്‍ഗംകളി, പുലര്‍ച്ചെ 12നുശേഷം കറിനേര്‍ച്ച വിതരണം.

ലോഗോ പ്രകാശനംചെയ്തു

കോട്ടയം: കോട്ടയം താഴത്തങ്ങാടി മത്സര വള്ളംകളിയുടെ ലോഗോ പ്രകാശനം ജില്ലാ കളക്്ടര്‍ ചേതന്‍കുമാര്‍ മീണ നിര്‍വഹിച്ചു. ചടങ്ങില്‍ ക്ലബ് പ്രസിഡന്‍റ് സാജന്‍. പി. ജേക്കബ്, സെക്രട്ടറി കെ. ജി. കുര്യച്ചന്‍, ചീഫ് കോ-ഓര്‍ഡിനേറ്റേഴ്‌സ് കെ. ജെ. ജേക്കബ്, പ്രഫ. കെ. സി. ജോര്‍ജ്, കോ - ഓര്‍ഡിനേറ്റേഴ്സ് ലിയോ മാത്യു, സുനില്‍ ഏബ്രഹാം, ട്രഷറര്‍ രാജേഷ് കുമാര്‍, ഷെറിന്‍ ജോണ്‍ എന്നിവര്‍ പങ്കെടുത്തു. വള്ളംകളിയുടെ തീയതി സിബിഎല്‍ സമിതിയുടെ അറിയിപ്പിനെത്തുടര്‍ന്ന് പ്രഖ്യാപിക്കുമെന്ന് കോട്ടയം വെസ്റ്റ് ക്ലബ്ബ് ഭാരവാഹികള്‍ അറിയിച്ചു.

സഹകരണ അംഗസമാശ്വാസ പദ്ധതി ജില്ലാതല സഹായവിതരണം നാളെ

കോട്ടയം: സഹകരണ അംഗസമാശ്വാസ പദ്ധതി ജില്ലാതല സഹായവിതരണം ഉദ്ഘാടനം നാളെ നടക്കും. ഉച്ചകഴിഞ്ഞ് രണ്ടിന് കോട്ടയം സാഹിത്യപ്രവര്‍ത്തക സഹകരണ സംഘം ഹാളില്‍ മന്ത്രി വി.എന്‍. വാസവന്‍ ഉദ്ഘാടനം നിര്‍വഹിക്കും. സംസ്ഥാന സഹകരണ യൂണിയന്‍ ഡയറക്ടര്‍ കെ. എം. രാധാകൃഷ്ണന്‍ അധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്‍റ് ഹേമലത പ്രേംസാഗര്‍ മുഖ്യപ്രഭാഷണം നടത്തും. പ്രാഥമിക സഹകരണ സംഘങ്ങളില്‍ ഗുരുതര രോഗങ്ങള്‍ ബാധിച്ചവരും ശയ്യാവലംബരുമായ അംഗങ്ങള്‍ക്ക് ആശ്വാസമായി അന്‍പതിനായിരം രൂപ വരെ സഹായമായി സഹകരണ വകുപ്പ് അനുവദിക്കുന്ന പദ്ധതിയാണ് അംഗ സമാശ്വാസ പദ്ധതി. ജില്ലയിലെ 43 പ്രാഥമിക സഹകരണസംഘങ്ങളിലുളള 162 അംഗങ്ങള്‍ക്കായി അനുവദിച്ച 36.60 ലക്ഷം രൂപയാണ് വിതരണം ചെയ്യുന്നത്. പ്രവര്‍ത്തനത്തില്‍ മികവ് പുലര്‍ത്തിയ സഹകരണ സംഘങ്ങളെ ചടങ്ങില്‍ മന്ത്രി ആദരിക്കും.

മരിയൻ പ്രത്യക്ഷീകരണങ്ങളുടെ ദൃശ്യവിരുന്ന് ഇന്ന്

കുറവിലങ്ങാട്: മരിയൻ പ്രത്യക്ഷീകരണങ്ങളെ കൺനിറയെ കാണാൻ ഇന്ന് അവസരം. എസ്എംവൈഎം കുറവിലങ്ങാട് യൂണിറ്റാണ് വേറിട്ട കാഴ്ചകളുടെ അനുഭവം നൽകുന്നത്. ഇന്ന് രാത്രി ഏഴിനാണ് കുറവിലങ്ങാട് പ്രത്യക്ഷീകരണങ്ങളുടെ കാഴ്ചാനുഭവം. കുട്ടികൾക്ക് കല്ല് അപ്പമാക്കി നൽകിയത്, കൈവിരൽകൊണ്ട് തെളിനീർ തെളിച്ചുനൽകിയത്, കൽക്കുരിശ് ഉയർത്തിനാട്ടിയത്, രോഗശയ്യയിലായിരുന്നയാളെ സുഖപ്പെടുത്തിയത്, കാട്ടിൽ അകപ്പെട്ട വൈദികന് വഴികാട്ടിയായത്, ദേവാലയ അഭിവൃദ്ധിക്ക് നിർദേശം നൽകി പലകുറി നടത്തിയ ഇടപെടലുകൾ എന്നിങ്ങനെ വ്യത്യസ്ത കാലങ്ങളിൽ കുറവിലങ്ങാട് മാതാവിന്‍റെ പ്രത്യക്ഷീകരണങ്ങൾ നടന്നിട്ടുള്ളതായാണ് വിശ്വാസം. ഇവയിൽ ചില പ്രത്യക്ഷീകരണങ്ങൾ സംബന്ധിച്ച് ജൊർനാദയെന്ന യാത്രാവിവരണ ഗ്രന്ഥങ്ങളിലടക്കം പരാമർശവുമുണ്ട്. ഈ ചരിത്രരേഖകൾ പഠിച്ചും പരിശോധിച്ചുമാണ് എസ്എംവൈഎം നേതൃത്വം സംഗീതദൃശ്യാവിഷ്‌കാരമൊരുക്കുന്നത്.

കുമരകം മത്സര വള്ളംകളി ഇന്ന്

കുമരകം: ശ്രീനാരായണ ഗുരു ഒരു നൂറ്റാണ്ടിനു മുമ്പ് കുമരകം സന്ദർശിച്ചതിന്‍റെ ഓർമ പുതുക്കുന്നതിനായി കുമരകം കോട്ടത്തോട്ടിൽ ശ്രീനാരായണ ജയന്തി പബ്ലിക് ബോട്ട് റേസ് ക്ലബ് വിവിധ മേഖലകളുടെ സഹകരണത്തോടെ സംഘടിപ്പിക്കുന്ന 122 -ാമത് ശ്രീനാരായണ ജയന്തി കുമരകം മത്സരവള്ളംകളി ഇന്നു കോട്ടത്തോട്ടിൽ നടക്കും. ഉച്ചകഴിഞ്ഞ് രണ്ടിന് ക്ഷേത്രക്കടവിൽനിന്നു ജലഘോഷയാത്ര ആരംഭിക്കും. തുടർന്ന് 2.30ന് മന്ത്രി വി.എൻ.വാസവൻ വള്ളംകളി ഉദ്ഘാടനം ചെയ്യും. തുരുത്തിത്തറ, പി. ജി. കർണ്ണൻ, മൂന്നുതൈയ്ക്കൻ, മൂഴി,കോടിമത,ശ്രീഗുരുവായൂരപ്പൻ, സെന്‍റ് ജോസഫ്, ശ്രീമുത്തപ്പൻ തുടങ്ങി 15ൽ പരം കളിവള്ളങ്ങൾ മത്സരത്തിൽ പങ്കെടുക്കും. ക്ലബ് പ്രസിഡന്‍റ് വി. പി. അശോകന്‍റെ അധ്യക്ഷതയിൽ ചേരുന്ന സമ്മേളനത്തിൽ അച്ചായൻസ് ഗോൾഡ് മാനേജിംഗ് ഡയറക്ടർ ടോണി വർക്കിച്ചൻ, ബാലനടി കാശ്മീര സുധീഷ് എന്നിവരെ ആദരിക്കും. കെ. ഫ്രാൻസിസ് ജോർജ് എംപി, തീരുവഞ്ചൂർ രാധാകൃഷ്ണൻ എംഎൽഎ, ജില്ലാ പഞ്ചായത്ത് പ്രസിഡന്‍റ് ഹേമലത പ്രേംസാഗർ, ജില്ലാ പഞ്ചായത്തംഗം കെ.വി. ബിന്ദു, കെ. സുരേഷ്കുറുപ്പ്, കുമരകം പഞ്ചായത്ത് പ്രസിഡന്‍റ് ധന്യാ സാബു, വി.എസ്. മനുലാൽ, ആർഷാ ബൈജു, കവിതാ ലാലു, മേഘലാ ജോസഫ്, എ. കെ. ജയപ്രകാശ്, ഫാ. അഭിലാഷ് ഏബ്രഹാം, ഫാ. സിറിയക് വലിയപറമ്പിൽ, വി.ബി. ബിനു, ജി. ഗോപകുമാർ, തുടങ്ങിയവർ പ്രസംഗിക്കും.

കവണാറ്റിൻകര ടൂറിസം ജലമേള : ശ്രീനാരായണ ട്രോഫി പി.ജി. കർണന്

കവണാറ്റിൻകര: കവണാറിൽ ഇന്നലെ നടന്ന 37-മത് ടൂറിസം ജലമേളയിൽ പി.ജി. കർണൻ ശ്രീനാരായണ എവർ റോളിംഗ് ട്രോഫി നേടി. മഴമാറി ഇളം വെയിലുള്ള അന്തരീക്ഷത്തിൽ അരങ്ങേറിയ മത്സരങ്ങൾ കാണാൻ നൂറു കണക്കിന് വള്ളംകളി ആരാധകൾ കവണാറിന്‍റെ ഇരുകരകളിലും എത്തിയിരുന്നെങ്കിലും ആവേശകരമായ മത്സരങ്ങൾ കാഴ്ചവയ്ക്കാൻ കളിവള്ളങ്ങൾക്കായില്ല. പലവിധ ആരോപണങ്ങൾ ഉന്നയിച്ച് ഫൈനലിൽ ചില ഒന്നാംതരം വള്ളങ്ങൾ മത്സരിക്കാതിരുന്നത് കാണികളെ നിരാശരാക്കി. ഒന്നാം തരം ഇരുട്ടുകുത്തി വിഭാഗത്തിലെ ജേതാവിനാണ് ശ്രീനാരായണ ട്രോഫി. അർജുൻ സാരഥി ക്യാപ്റ്റനായ കുമരകം യുവശക്തി ബോട്ട് ക്ലാബ്ബാണ് പി.ജി. കർണ്ണനിൽ തുഴഞ്ഞത്. രണ്ടാം തരം ഇരുട്ടുകുത്തി വിഭാഗം ഫൈനലിൽ എബിസി ആറുപറയുടെ ശ്രീഗുരുവായൂരപ്പനെ പരാജയപ്പെടുത്തി കുമരകം പിബിസിയുടെ ശ്രീ മുത്തപ്പൻ ഫൈനലിൽ വിജയിച്ചു. ഇരുട്ടുകുത്തി സി ഗ്രേഡിൽ പുലിക്കുട്ടിശേരി ബോട്ട് ക്ലബ്ബിന്‍റെ കാശി പരിപ്പിൽ നിന്നെത്തിയ ചീറ്റയെ പരാജയപ്പെടുത്തി. ഒന്നാം തരം ചുരുളൻ വിഭാഗത്തിൽ വേലങ്ങാടനും കോടിമതയും മൂഴിയും ഹീറ്റ്സ് മത്സരങ്ങളിൽ പങ്കെടുത്തെങ്കിലും കോടിമതയുമായി ഫൈനൽ തുഴയേണ്ട ആലപ്പുഴ ബിബിസി കുമരംകരിയുടെ വേലങ്ങാടൻ വള്ളം മത്സരിച്ചില്ല. ഒരാൾ തുഴഞ്ഞ കൊച്ചു വള്ളങ്ങളുടെ മത്സരത്തിൽ സലി പുതിയാട്ടിൽ തുഴഞ്ഞ കിരൺ വിജയിച്ചു. രണ്ടിന് വിരിപ്പുകാല ശ്രീ ശക്തീശ്വരം ക്ഷേത്രക്കടവിൽ നിന്നാരംഭിച്ച ജലഘോഷയാത്ര മത്സരവേദിയിലെത്തിയതോടെ നടന്ന സമ്മേളനം മന്ത്രി വി.എൻ. വാസവൻ ഉദ്ഘാടനം ചെയ്തു. ക്ലബ് പ്രസിഡന്‍റ് എം.കെ. പൊന്നപ്പൻ അധ്യക്ഷത വഹിച്ചു. ബാബു ഉഷസ്, ജില്ലാ പഞ്ചായത്തംഗം കെ.വി. ബിന്ദു, മനോജ് കരീമഠം തുടങ്ങിയവർ പ്രസംഗിച്ചു. ബിഇഎംഎൽ മിനിസ്ട്രി ഓഫ് ഡിഫൻസ് ഡയറക്ടർ ഡോ. എം.ബി. നടേശനെ യോഗത്തിൽ മന്ത്രി ആദരിച്ചു. ക്ലബ് വൈസ് പ്രസിഡന്‍റ് അശോകൻ കരീമഠത്തിന്‍റെ അധ്യക്ഷതയിൽ മത്സരാനന്തരം നടത്തിയ യോഗത്തിൽ കുമരകം എസ്എച്ച്ഒ കെ. ഷിജി സമ്മാനദാനം നിർവഹിച്ചു. പി.വി. സാന്‍റപ്പൻ, എ.എസ്. മോഹൻദാസ് തുടങ്ങിയവർ പ്രസംഗിച്ചു.

നെടുമണ്ണിയില്‍ പേ ഇളകി പശു ചത്തു

കോട്ടയം: പേവിഷബാധയുള്ള തെരുവുനായകളും കുറുനരികളും മനുഷ്യര്‍ക്കു മാത്രമല്ല ജന്തുജാലങ്ങള്‍ക്കും ഭീഷണിയായി. നെടുങ്കുന്നം നെടുമണ്ണിയില്‍ കഴിഞ്ഞ ദിവസം പേയിളകി പശു ചത്തു. തോട്ടത്തില്‍ തീറ്റ തിന്നാന്‍ കെട്ടിയിട്ട പശുവിനെ പേബാധയുള്ള കുറുനരി കടിച്ചതാണെന്ന് സംശയിക്കുന്നു. കഴിഞ്ഞ ദിവസം തീറ്റയെടുക്കാതെ വന്നപ്പോള്‍ പശുവിനെ മൃഗഡോക്ടര്‍ പരിശോധിച്ച് മരുന്നു കൊടുത്തെങ്കിലും സ്ഥിതി വഷളായി വായില്‍നിന്നും മൂക്കില്‍നിന്നും നുരയും പതയും വന്നപ്പോഴാണ് പേബാധ തിരിച്ചറിഞ്ഞത്. മരത്തില്‍ ബന്ധിച്ച പശു അക്രമാസക്തയായി മരം കുത്തിമറിക്കാനും അടുത്തു വന്ന കാക്കകളെവരെ ആക്രമിക്കാനും ശ്രമിച്ചു. വൈകാതെ നിലംപൊത്തി ചത്തു. ഇതേ കര്‍ഷകന് പതിനൊന്നു പശുക്കള്‍കൂടി തൊഴുത്തിലുണ്ട്. പാടങ്ങളിലും തോട്ടങ്ങളിലും മറ്റും മേയാന്‍ വിടുന്ന പോത്തുകളെ കുറുനരി ആക്രമിക്കുന്നത് പതിവാണ്. ജില്ലയില്‍ ഇതോടകം അന്‍പതോളം ആടുകളും പശുക്കളും പോത്തുകളും പേയിളകി ചത്തിട്ടുണ്ട്. ആടുമാടുകള്‍ പേയിളകി ചത്താല്‍ യാതൊരു നഷ്ടപരിഹാരവും ലഭിക്കാറില്ല. പേബാധയുണ്ടെന്ന വിവരം അറിയാതെ പശുക്കളെ കുളിപ്പിക്കുന്നതും കറവ നടത്തുന്നതും സുരക്ഷിതമല്ല. ഇവയുടെ വായ തുറന്ന് മരുന്ന് നല്‍കുന്നതും അപകരമാണ്. പശുക്കളും പോത്തുകളും പേയിളകി ചത്താല്‍ ഇവയുമായ സമ്പര്‍ക്കം പുലര്‍ത്തിയവരൊക്കെ പ്രതിരോധ കുത്തിവയ്‌പെടുക്കണം. തൊഴുത്തില്‍ വേറെയുള്ള പശുക്കളെയും നിരീക്ഷിക്കണം. തൊഴുത്തില്‍ കയറുമ്പോഴും പശുക്കളെ പരിചരിക്കുമ്പോഴും കൈയുറയും കാലുറയും ധരിക്കുന്നത് സുരക്ഷിതമാണ്. പശുക്കള്‍ക്ക് പേബാധ വ്യാപകമാണെന്ന സാഹചര്യത്തിലും മൃഗസംരക്ഷണവകുപ്പ് ഇക്കാര്യത്തില്‍ ജാഗ്രതാ നിര്‍ദേശങ്ങള്‍ പുറത്തിറക്കിയില്ല. രോഗമുള്ളതോ രോഗസാധ്യതയുള്ളതോ ആയ ആടുമാടുകളെ അറവുകാര്‍ക്ക് കൈമാറരുത്. പേവിഷ വൈറസ് ഉമിനീരിലൂടെയാണ് ശരീരത്തില്‍ പ്രവേശിക്കുക. അതിനാല്‍ മാസം കൈകാര്യം ചെയ്യുമ്പോള്‍ ആശങ്കപ്പെടേണ്ടതില്ല. ആട്, പശു, എരുമ എന്നിവയുടെ പാല്‍ തിളപ്പിക്കാതെ കുടിക്കരുത്. നാല്‍പതു ഡിഗ്രി ചൂടിൽ പേ വൈറസ് നശിച്ചുപോകും. അതിനാല്‍ നൂറു ഡിഗ്രി ചൂടില്‍ വേവിക്കുന്ന പാലും മാംസവും പേബാധയുണ്ടാക്കില്ല. ജഡം കുഴിച്ചുമൂടുമ്പോള്‍ ജാഗ്രത വേണം പേയിളകി ആടുമാടുകള്‍ ചത്ത് ജഡം കുഴിച്ചുമൂടുമ്പോള്‍ ജാഗ്രത വേണം. തോട്ടങ്ങള്‍ക്കുള്ളിലോ റോഡ് സൗകര്യമില്ലാത്ത സ്ഥലത്തോ ചത്താല്‍ അവിടെ ആഴത്തില്‍ കുഴിയെത്ത് മറവു ചെയ്യണം. കൈയുറയും കാലുറയും മാസ്‌കും ധരിക്കണം. ശരീരത്തില്‍ മുറിവുകളുണ്ടെങ്കില്‍ അവ നന്നായി പൊതിഞ്ഞു സുരക്ഷിതമാക്കി വേണം ജഡം നീക്കംചെയ്യാന്‍. മാടുകളുടെ കൈകാലുകളില്‍ ബലമുള്ള കയര്‍ കെട്ടി ഒന്നിലേറെപേര്‍ ചേര്‍ന്നു വലിച്ചുനീക്കുന്നതാണ് നല്ലത്. ജഡം കൈകള്‍കൊണ്ട് നേരിട്ട് എടുത്തോ വലിച്ചോ മാറ്റുന്നത് സുരക്ഷിതമല്ല. ഇവയുടെ നുരയും പതയും കണ്ണിലോ മൂക്കിലോ തെറിക്കാന്‍ പാടില്ല. വഴി സൗകര്യമുണ്ടെങ്കില്‍ ജെസിബി എത്തിച്ച് തള്ളിനീക്കി ആഴത്തില്‍ കുഴിയെടുത്ത് മറവു ചെയ്യണം. ഇവയെ മറവുചെയ്യാന്‍ നാലായിരം രൂപയുടെ വരെ ചെലവാണ് കര്‍ഷകര്‍ക്കുണ്ടാകുന്നത്.

ആയിരങ്ങള്‍ക്ക് വിശ്വാസപുണ്യം പകര്‍ന്ന് ഭക്തിസാന്ദ്രമായി മണര്‍കാട് റാസ

കോട്ടയം: മണര്‍കാട് സെന്‍റ് മേരീസ് യാക്കോബായ സുറിയാനി കത്തീഡ്രലില്‍ മാതാവിന്‍റെ പിറവിക്കൊരുക്കമായുള്ള എട്ടുനോമ്പ് പെരുന്നാളിനോടനുബന്ധിച്ച് ഇന്നലെ നടന്ന ഭക്തിസാന്ദ്രമായ റാസയില്‍ അനേകായിരം വിശ്വാസികള്‍ പങ്കുചേര്‍ന്നു. പരിശുദ്ധ കന്യകാമറിയം ഉണ്ണിയേശുവിനെ വഹിക്കുന്ന ചിത്രം പതിച്ച കൊടിയുടെയും വിശുദ്ധ ഗീവര്‍ഗീസ് സഹദായുടെ ഛായാചിത്രമുള്ള കൊടിയുടെയും പിന്നില്‍ വര്‍ണമാരി വിരിയിച്ച ആയിരമായിരം മുത്തുക്കുടകളും വെണ്‍പ്രഭ ചൊരിയുന്ന വെള്ളി, സ്വര്‍ണക്കുരിശുകളും വാദ്യമേളങ്ങളും അകടമ്പടിയായി പ്രാര്‍ഥനാ ഗീതങ്ങളും ഒന്നുചേര്‍ന്ന റാസ മണര്‍കാടിനെ ഭക്തിസാന്ദ്രമാക്കി. ആഘോഷവും ആത്മീയതയും സംഗമിച്ച മൂന്നര കിലോമീറ്റര്‍ പ്രദക്ഷിണത്തില്‍ നാനാജാതി മതസ്ഥരായ മരിയഭക്തര്‍ പങ്കുചേര്‍ന്നു. എട്ടു നോമ്പിന്‍റെ ആറാംനാള്‍ മണര്‍കാട് കത്തീഡ്രലിലെ മധ്യാഹ്നപ്രാര്‍ഥനയ്ക്കുശേഷം പ്രാര്‍ഥനാനിര്‍ഭരമായ അന്തരീക്ഷത്തിലാണ് മാതാവിനോട് അപേക്ഷകളും സ്തുതിപ്പുകളും കീര്‍ത്തനങ്ങളുമായി വിശ്വാസികള്‍ അണിനിരന്നത്. പതിനായിരങ്ങള്‍ സംഗമിച്ച ഈ വിശ്വാസ പ്രഘോഷണ യാത്ര ഏഷ്യയിലെതന്നെ ഏറ്റവും വലിയ പ്രദക്ഷിണമാണ്. ഇന്നലെ രണ്ടിനു വലിയപള്ളിയില്‍ നടന്ന പ്രത്യേക പ്രാര്‍ഥനയ്ക്കുശേഷം കല്‍ക്കുരിശ്, കണിയാംകുന്ന് കുരിശിന്‍തൊട്ടി എന്നിവിടങ്ങളിലെ ധൂപപ്രാര്‍ഥനയ്ക്കുശേഷമാണ് റാസ മണര്‍കാട് കവലയിലെത്തിയത്. കല്‍ക്കുരിശ്, കണിയാംകുന്ന്, മണര്‍കാട് കവല, കരോട്ടെപള്ളി ചുറ്റി വൈകുന്നേരം അഞ്ചിനു റാസ തിരികെ പള്ളിയില്‍ തിരികെയെത്തി. നിലവിളക്കുകളും കുരുത്തോല അലങ്കാരങ്ങളും മുത്തുക്കുടകളും കൊടിതോരണങ്ങളുമായി മണര്‍കാട് ഗ്രാമം നോമ്പിന്‍റെ ചൈതന്യത്തില്‍ റാസയെ വരവേറ്റു. മാതാവിന്‍റെയും ഉണ്ണിയേശുവിന്‍റെയും ഛായാചിത്രം പൊതുദര്‍ശനത്തിന് തുറക്കുന്ന പ്രസിദ്ധമായ നടതുറക്കല്‍ ഇന്നു രാവിലെ 11.30നാണ്. ശ്രേഷ്ഠ ബസേലിയോസ് ജോസഫ് കാതോലിക്കാ ബാവയുടെ കാര്‍മികത്വത്തിലാണു നടതുറക്കല്‍ ശുശ്രൂഷ. മാതാവിന്‍റെ പിറവിത്തിരുനാള്‍ ചടങ്ങുകള്‍ നാളെ ഉച്ചകഴിഞ്ഞ് രണ്ടിന് കരോട്ടെപ്പള്ളി ചുറ്റിയുള്ള പ്രദക്ഷിണത്തിനു ശേഷം നേര്‍ച്ചവിളമ്പോടെ സമാപിക്കും. 14നു സ്ലീവാ പെരുന്നാളില്‍ വൈകുന്നേരം അഞ്ചിന് സന്ധ്യാനമസ്‌കാരത്തെ തുടര്‍ന്നാണു നട അടയ്ക്കല്‍.

തദ്ദേശ തെരഞ്ഞെടുപ്പ്: വിജ്ഞാപനം ഒക്ടോബറില്‍

കോട്ടയം: തദ്ദേശ സ്വയംഭരണ തെരഞ്ഞെടുപ്പ് വിജ്ഞാപനം ഒക്ടോബര്‍ ആദ്യവാരമുണ്ടായേക്കും. നവംബര്‍ അവസാനവാരമോ ഡിസംബര്‍ ആദ്യമോ തെരഞ്ഞെടുപ്പ് നടക്കും. മൂന്നു മുന്നണികളും ഒരുമിച്ച് യോഗം ചേര്‍ന്നിട്ടില്ലെങ്കിലും ജില്ലയില്‍ വേരോട്ടമുള്ള എല്ലാ പാര്‍ട്ടികളും തനിച്ച് കണ്‍വന്‍ഷനുകളും കമ്മിറ്റികളും തുടങ്ങിയിട്ടുണ്ട്. ശക്തീകരണത്തിന്‍റെ ഭാഗമായി വാര്‍ഡുകളില്‍ ഭവനസന്ദര്‍ശനത്തിനാണ് പാര്‍ട്ടികളുടെയും മുന്നണികളുടെയും നീക്കം. ചെറുപ്പക്കാരെ അണിനിരത്താൻ എൽഡിഎഫ്; ജനകീയ വിഷയങ്ങളുയർത്തി യുഡിഎഫ് സ്ഥാനാര്‍ഥികളാകാന്‍ താത്പര്യമുള്ളവരും പാര്‍ട്ടി കണ്ടെത്തിയവരും സജീവമായി മുന്നോട്ടിറങ്ങിത്തുടങ്ങി. തുടര്‍ച്ചയായി മത്സരിക്കുന്നവരെ ഒഴിവാക്കി ചെറുപ്പക്കാരെ അണിനിരത്താനുള്ള തീരുമാനത്തിലാണ് സിപിഎമ്മും സിപിഐയും. ഭരണവിരുദ്ധ വികാരം, റബര്‍-നെല്‍കര്‍ഷക പ്രശ്‌നങ്ങള്‍, വന്യമൃഗഭീഷണി തുടങ്ങിയ വിഷയങ്ങള്‍ അനുകൂല ഘടകമാക്കാനാണ് യുഡിഎഫ് നീക്കം. ക്രൈസ്തവ പീഡനം ബിജെപിക്കു തിരിച്ചടിയാവുമോ? ഓരോ വാര്‍ഡിലെയും സാമുദായിക കണക്കെടുപ്പിലൂടെ വിജയസാധ്യതയുള്ള സ്ഥാനാര്‍ഥിയെ കണ്ടെത്തുകയാണ് ബിജെപിയും ബിഡിജെഎസും. ക്രൈസ്തവമുന്‍തൂക്ക പ്രദേശങ്ങളില്‍ ക്രൈസ്തവ സ്ഥാനാര്‍ഥികളെ നിറുത്തി ജില്ലയില്‍ പത്ത് ഗ്രാമപഞ്ചായത്തുകളില്‍ ഭരണം പിടിക്കാനായിരുന്നു ബിജെപി നീക്കം. എന്നാല്‍ ഛത്തീസ്ഗഡില്‍ ക്രിസ്ത്യന്‍ മിഷനറിമാര്‍ നേരിട്ട അക്രമങ്ങളും അറസ്റ്റും ബിജെപിയുടെ കണക്കുകൂട്ടലുകള്‍ക്ക് മങ്ങലേല്‍പ്പിച്ചു. കന്യാസ്ത്രീകളെ മോചിപ്പിക്കാന്‍ എംപിമാര്‍ മുന്നോട്ടിറങ്ങിയത് നേട്ടമാകുമെന്ന് യുഡിഎഫ് കണക്കുകൂട്ടുന്നു. എസ്എന്‍ഡിപി ശാഖായോഗങ്ങള്‍ സജീവമാക്കി ഈഴവമുന്നോക്ക വാര്‍ഡുകളില്‍ സ്ഥാനാര്‍ഥികളെ ബിഡിജെഎസ് കണ്ടെത്തിക്കഴിഞ്ഞു. സിപിഎമ്മിന് ഈഴവ സമുദായത്തിലുണ്ടായിരുന്ന ആധിപത്യം നിഷ്‌ക്രിയമാക്കാന്‍ ശാഖകള്‍ക്ക് സാധിക്കുമെന്നും കഴിഞ്ഞ ലോക്സഭാ തെരഞ്ഞെടുപ്പില്‍ ഇതിന്‍റെ പ്രതിഫലനം ഉണ്ടായെന്നുമാണ് സമീപദിവസങ്ങളിലെ യോഗങ്ങളില്‍ വിലയിരുത്തപ്പെട്ടത്. കുമരകം ഉള്‍പ്പെടെ വിവിധ പഞ്ചായത്തുകളില്‍ തുഷാര്‍ വെള്ളാപ്പള്ളിക്ക് വന്‍തോതില്‍ സിപിഎം വോട്ടുകള്‍ ചോര്‍ന്നുവെന്ന് കണക്കുകള്‍ നിരത്തി റിപ്പോര്‍ട്ട് അവതരണവുമുണ്ടായി. ജില്ലാ പഞ്ചായത്തില്‍ ഉള്‍പ്പെടെ നിലവിലെ ഭരണസമിതിയുടെ നിഷ്‌ക്രിയത്വമായിരുന്നുവെന്നും പകുതിയോളം അംഗങ്ങളും പരാജയമായിരുന്നുവെന്നുമാണ് സിപിഎം ജില്ലാതല വിലയിരുത്തല്‍. അതിനാല്‍ ഇമേജു കുറവുള് ഒരാളെയും വീണ്ടും മത്സരിപ്പിക്കരുതെന്ന് സിപിഎം ഘടകകക്ഷികള്‍ക്കും നിര്‍ദേശം നല്‍കും. മൂന്നു തവണ മത്സരിച്ചവരെ ഒഴിവാക്കണമെന്നാണ് നിര്‍ദേശിക്കുന്നത്.

ജെയ്‌നമ്മ കൊലക്കേസ്: പ്രതി സെബാസ്റ്റ്യനെ വിയ്യൂര്‍ ജയിലിലേക്ക് മാറ്റി

കോട്ടയം: അതിരമ്പുഴ കോട്ടമുറി കാക്കനാട്ടുകാലായില്‍ ജെയ്‌നമ്മ (55)യുടെ കൊലപാതക കേസില്‍ റിമാന്‍ഡില്‍ കഴിയുന്ന ചേര്‍ത്തല പള്ളിപ്പുറം ചൊങ്ങുതറ സെബാസ്റ്റ്യ(67)നെ കോട്ടയം ജില്ലാ ജയിലില്‍നിന്ന് വിയ്യൂര്‍ സെന്‍ട്രല്‍ ജയിലിലേക്ക് മാറ്റി. സെബാസ്റ്റ്യന് പ്രമേഹം ഉള്‍പ്പെടെ ആരോഗ്യപ്രശ്‌നങ്ങള്‍ ഉള്ളതിനാലും ചേര്‍ത്തലയില്‍ ഇയാളുടെ വീട്ടുവളപ്പില്‍നിന്ന് കണ്ടെടുത്ത സ്ത്രീയുടെ ശരീരഭാഗങ്ങളുടെ ഡിഎന്‍എ ഫലം വൈകുന്നതിനാലുമാണ് വിയ്യൂരിലേക്ക് മാറ്റിയത്. കോട്ടയം ജില്ലാ ജയിലില്‍ ആഴ്ചയിലൊരിക്കല്‍ മാത്രമാണ് ഡോക്ടറുടെ സേവനമുള്ളത്. വിയ്യൂരില്‍ സ്ഥിരം ഡോക്ടറും ജയിലില്‍ ചികിത്സാ സൗകര്യവുമുണ്ട്. ജെയ്‌നമ്മ കൊലക്കേസില്‍ നിര്‍ണായകമായ ഡിഎന്‍എ ഫലം വരുമ്പോള്‍ സെബാസ്റ്റിയനെ വിയ്യൂര്‍ ജയിലില്‍നിന്ന് ക്രൈം ബ്രാഞ്ച് കോട്ടയത്തേക്ക് കൊണ്ടുവരും. കഴിഞ്ഞ ഡിസംബര്‍ 23നാണ് ജെയ്‌നമ്മയെ കാണാതായത്. സെബാസ്റ്റ്യനുമായി മുന്‍പരിചയമുണ്ടായിരുന്ന ജെയ്‌നമ്മ ചേര്‍ത്തലയില്‍ സെബാസ്റ്റ്യന്‍റെ വീട്ടിലെത്തുകയോ വിളിച്ചുവരുത്തുകയോ ചെയ്തുവെന്നും അന്നു വൈകുന്നേരത്തോടെ കൊലപ്പെടുത്തിയെന്നുമാണ് സാഹചര്യത്തെളിവുകള്‍. ജെയ്‌നമ്മയെ കഴുത്തു ഞെരിച്ച് കൊലചെയ്ത് ശരീരം കഷ്ണങ്ങളാക്കി കത്തിച്ചതായാണ് സൂചനകള്‍. ഒന്നിലേറെ തവണ പലപ്പോഴായി അസ്ഥിഭാഗങ്ങള്‍ ചാമ്പലാക്കിയ സാഹചര്യത്തിലാണ് ഡിഎന്‍എ പരിശോധന വൈകുന്നതെന്ന് പോലീസ് പറഞ്ഞു. ജെയ്‌നമ്മയ്ക്കു സമാനമായി സെബാസ്റ്റ്യനുമായി അടുപ്പവും സാമ്പത്തിക ഇടപാടുകളുമുണ്ടായിരുന്ന ചേര്‍ത്തല സ്വദേശികളായ ബിന്ദു, ഐഷ, സിന്ധു എന്നിവരുടെ തിരോധാനത്തിലും കാലങ്ങളായി ദുരൂഹത തുടരുകയാണ്.

തെക്കുംകൂര്‍ രാജകുടുംബത്തിൽ ഓണസദ്യയുണ്ട് കര്‍ദിനാള്‍ മാര്‍ ആലഞ്ചേരി

കോട്ടയം: ഓണാഘോഷത്തിന്‍റെ ഭാഗമായി കോട്ടയം നട്ടാശേരിയിലുള്ള തെക്കുംകൂര്‍ രാജകുടുംബത്തില്‍ കര്‍ദിനാള്‍ മാര്‍ ജോര്‍ജ് ആലഞ്ചേരി എത്തി. കുടുംബാംഗങ്ങള്‍ക്കൊപ്പം അദ്ദേഹം ഓണസദ്യ കഴിക്കുകയും ചെയ്തു. തെക്കുംകൂര്‍ രാജകുടുംബത്തിലെ രാജസ്ഥാനീയനായ പ്രഫ. തെക്കുംകൂര്‍ സോമവര്‍മരാജയുടെ നേതൃത്വത്തില്‍ കര്‍ദിനാളിനെ പൊന്നാടയണിയിച്ച് സ്വീകരിച്ചു. സോമവര്‍മരാജയെ കര്‍ദിനാള്‍ മാര്‍ ജോര്‍ജ് ആലഞ്ചേരി പൊന്നാടയും തലപ്പാവും അണിയിച്ചു. ഓണക്കാഴ്ചയായി ഏത്തക്കുലയും വട്ടി നിറയെ പച്ചക്കറികളും കര്‍ദിനാള്‍ സമ്മാനിച്ചു. സോമരാജവര്‍മയും കര്‍ദിനാളിനു ഓണസമ്മാനങ്ങൾ നല്‍കി. നാട്ടില്‍ മതസൗഹാര്‍ദം വളര്‍ത്തുന്നതില്‍ തെക്കുംകൂര്‍ രാജാക്കന്മാര്‍ കാട്ടിയ പ്രത്യേക താത്പര്യത്തെയും പുരാതന ക്രൈസ്തവ ദേവാലയങ്ങള്‍ക്കു തെക്കുംകൂര്‍ രാജാക്കന്മാര്‍ നല്‍കിയ സംഭാവനകളെയും മാര്‍ ആലഞ്ചേരി അനുസ്മരിച്ചു. മധ്യകാല കേരളത്തില്‍ 650 വര്‍ഷത്തോളം ഭരണം നടത്തിയ പ്രബല നാട്ടുരാജ്യമായിരുന്നു തെക്കുംകൂര്‍. ഇപ്പോഴത്തെ തിരുവല്ല, ചങ്ങനാശേരി, കോട്ടയം, കാഞ്ഞിരപ്പള്ളി, മീനച്ചില്‍ താലൂക്കുകളുടെ ഏറെ ഭാഗങ്ങളും കോട്ടയം ജില്ലയുടെ കിഴക്കന്‍ പ്രദേശങ്ങളും ചേര്‍ന്നതായിരുന്നു തെക്കുംകൂര്‍ രാജ്യം.

70 ലക്ഷം പാഴാക്കി എരുമേലിയിലെ ശ്മശാനം

എരുമേലി: എഴുപതു ലക്ഷം രൂപ ചെലവിട്ടു നിർമിച്ച് ഉദ്ഘാടനവും കഴിഞ്ഞ് അഞ്ചു വർഷങ്ങളായിട്ടും നാളിതുവരെ പ്രവർത്തിപ്പിക്കാൻ കഴിയാത്ത എരുമേലി പഞ്ചായത്തിന്‍റെ എൽപിജി ക്രിമറ്റോറിയം. നേർച്ചപ്പാറ വാർഡിലെ കമുകിൻകുഴി ഭാഗത്ത് പഞ്ചായത്ത്‌ വക ഒന്നര ഏക്കർ സ്ഥലത്ത് ആധുനിക അറവുശാല, മാലിന്യ ശേഖരണ സംസ്കരണ യൂണിറ്റ് എന്നിവയോട് ചേർന്നാണ് ഗ്യാസ് സിലിണ്ടറുകൾ ഉപയോഗിച്ച് പ്രവർത്തിപ്പിക്കാവുന്ന ശ്മശാനം നിർമിച്ചത്. 2020ലാണ് നിർമാണം പൂർത്തിയായത്. ധനകാര്യ കമ്മീഷൻ ഗ്രാന്‍റ് 50 ലക്ഷവും തനത് ഫണ്ട് 20 ലക്ഷവും ഉൾപ്പെടെ 70 ലക്ഷമായിരുന്നു ഫണ്ട്. 2020 ഒക്ടോബർ 15നായിരുന്നു ഉദ്ഘാടനം. ട്രയൽ റൺ നടത്തി പ്രവർത്തനസജ്ജമാണെന്ന് പരിശോധിക്കാതെയാണ് ഉദ്ഘാടനം നടത്തിയത്. സർക്കാർ അക്രഡിറ്റഡ് ഏജൻസി കോസ്റ്റ് ഫോർഡാണ് നിർമാണം നടത്തിയത്. ചൂള നിർമിച്ചത് ജ്വാല എന്ന ഏജൻസിയായിരുന്നു. നിർമാണം നടത്തിയ ഏജൻസി ക്രിമറ്റോറിയം പ്രവർത്തിപ്പിക്കാതെയാണ് ഫണ്ട് കൈപ്പറ്റിയത്. ഉദ്ഘാടനം കഴിഞ്ഞ് ഇപ്പോൾ അഞ്ച് വർഷമാവുകയാണ്. ഇതുവരെയും പ്രവർത്തിപ്പിക്കാൻ സാധിച്ചിട്ടില്ല. ഗുരുതരമായ ക്രമക്കേടും വീഴ്ചയും മൂലമാണ് പ്രവർത്തനം ആരംഭിക്കാൻ കഴിയാത്തതെന്ന് ഓഡിറ്റ്‌ വിഭാഗം കണ്ടെത്തിയിരുന്നു. ക്രിമറ്റോറിയം പ്രവർത്തിപ്പിക്കുന്നത് സംബന്ധിച്ച് കഴിഞ്ഞ ദിവസം പഞ്ചായത്ത്‌ കമ്മിറ്റി ചർച്ച ചെയ്‌തെങ്കിലും തീരുമാനമായില്ല. നിർമാണത്തിൽ സംഭവിച്ച സാങ്കേതിക പിഴവ് മൂലമാണ് ക്രിമറ്റോറിയം പ്രവർത്തിപ്പിക്കാൻ കഴിയാത്തതെന്നും പരിഹാര മാർഗങ്ങൾ തേടണമെന്നും കമ്മിറ്റി വിലയിരുത്തി. അതേസമയം, സാങ്കേതിക പിഴവുകൾ പരിഹരിച്ചു പ്രവർത്തനസജ്ജമാക്കാൻ ഇനിയും ഫണ്ട് ചെലവിടേണ്ടി വരും. ഗ്യാസ് ഉപയോഗിച്ച് ക്രിമറ്റോറിയത്തിലെ ചൂള പ്രവർത്തിപ്പിക്കുമ്പോൾ കെട്ടിടവും പരിസരവും പുക നിറയുകയാണ്. പുക കടത്തി വിടാൻ ഉയരമേറിയ കുഴൽ ഉണ്ടെങ്കിലും കെട്ടിടത്തിനുള്ളിലാണ് പുക നിറയുന്നത്. ആറ് ഗ്യാസ് സിലിണ്ടർ ഉപയോഗിച്ച് മൃതദേഹം ദഹിപ്പിക്കുന്നതിനാണ് ഇവിടെ ഫർണസ്‌ സംവിധാനമുള്ളത്. ഫർണസിന് ഒരു വർഷവും ഉപകരണങ്ങൾക്ക് രണ്ട് വർഷവും വാറന്‍റി കാലാവധിയുണ്ടായിരുന്നത് കഴിഞ്ഞതിനാൽ ഇനി ഇവ പ്രവർത്തിപ്പിക്കാൻ പഞ്ചായത്ത്‌ സ്വന്തം ഫണ്ട് ചെലവിടണം. ദഹിപ്പിക്കൽ പ്രക്രിയയ്ക്ക് ആവശ്യമായ ഇലക്‌ട്രിക്കൽ ഫർണസുകൾ ഉൾപ്പെടെയുള്ള സാങ്കേതിക സൗകര്യങ്ങളാണ് സ്ഥാപിച്ചിട്ടുള്ളത്. ചാരം ശേഖരണ സൗകര്യമുള്ള ഒരു ക്രിമേഷൻ ചേന്പർ, ക്രിമേഷൻ ഫർണസ്, ഓട്ടോമാറ്റിക് എൽപിജി ഗ്യാസ് ബർണർ സിസ്റ്റം, ഗ്യാസ് ബർണറുകൾ പ്രവർത്തിപ്പിക്കുന്നതിനുള്ള കൺട്രോൾ പാനൽ ബോർഡ്, മൃതദേഹങ്ങൾ ദഹിപ്പിക്കുന്നതിന് ആവശ്യമായ എൽപിജി ഗ്യാസ് പൈപ്പ് ലൈൻ ക്രമീകരണം എന്നിവയുണ്ട്. മൃതദേഹം ചൂളയിൽ വച്ചുകഴിഞ്ഞാൽ ഗ്യാസ് ബർണറുകളുടെ സംവിധാനത്തിലേക്ക് എൽപിജി വാതകം തുറക്കും, ഇൻകമിംഗ് എൽപിജി വാതകം കത്തിക്കാൻ ഓട്ടോമാറ്റിക് ഗ്യാസ് ബർണറുകളെ കൺട്രോൾ പാനൽ പ്രാപ്തമാക്കും, 60-90 മിനിറ്റിനുള്ളിൽ മൃതദേഹം ദഹിപ്പിക്കപ്പെടുമെന്നാണ് നിർമാണം നടത്തിയ ഏജൻസി അവകാശപ്പെട്ടത്. ശ്മശാനം പ്രവർത്തിപ്പിച്ച് ബോധ്യപ്പെടുത്തേണ്ട ഉത്തരവാദിത്വം കരാർ വ്യവസ്ഥയിൽ ഇല്ലെന്നാണ് ഏജൻസി അധികൃതർ പറയുന്നത്.

റോഡിലേക്ക് ചാഞ്ഞുനിൽക്കുന്ന മരുതിമരം അപകടഭീഷണിയാകുന്നു

പൊൻകുന്നം: പത്താശാരി റോഡിലേക്ക് ചാഞ്ഞുനിൽക്കുന്ന മരുതിമരം അപകടഭീഷണി ഉയർത്തുന്നു. പൊൻകുന്നം കെഎസ്ഇബി ഓഫീസിന് സമീപമുള്ള മരം വൈദ്യുതലൈനിലേക്ക് വീഴാനുള്ള സാധ്യതയേറെയാണെന്നു നാട്ടുകാർ പറയുന്നു. കാറ്റു വീശിയാൽ നിലംപതിക്കുന്ന വിധത്തിലാണ് മരം ചാഞ്ഞു നിൽക്കുന്നത്. പ്രദേശത്തെ മറ്റു വൻ മരങ്ങളും ചില്ലകളും വെട്ടിമാറ്റിയെങ്കിലും ഈ മരം മാത്രം മുറിച്ചു മാറ്റാതെ കയർ കൊണ്ട് വലിച്ചുകെട്ടിയിരിക്കുകയാണ്. വാഹനങ്ങളും കാൽനട യാത്രക്കാരും ഭീതിയോടെയാണ് മരത്തിനടിയിലൂടെ കടന്നു പോകുന്നത്. ചിറക്കടവ് പഞ്ചായത്തിലും അധികാരികളെയും ബോധ്യപ്പെടുത്തിയിട്ടും പ്രയോജനമുണ്ടായില്ലെന്നും മരം മുറിച്ചുമാറ്റാൻ നടപടി സ്വീകരിക്കണമെന്നും നട്ടുകാർ ആവശ്യപ്പെട്ടു.

മെഴുകുതിരികൊണ്ട് അത്തപ്പൂക്കളമൊരുക്കി ജോസഫ് പൊട്ടംകുളം

കാഞ്ഞിരപ്പള്ളി: ഓണത്തിന് മെഴുകുതിരികൊണ്ട് അത്തപ്പൂക്കളം ഒരുക്കി വ്യത്യസ്തനാകുകയാണ് പാറത്തോട് പൊട്ടംകുളം ജോസഫ് ജോർജ്. പൂക്കളുടെ രൂപത്തിലുള്ള 876 ചെറിയ മെഴുകുതിരികളാണ് അത്തപ്പൂ ഇടാൻ ഉപയോഗിച്ചത്. നാലു ദിവസം കൊണ്ടാണ് അത്തപ്പൂക്കളം പൂർത്തിയായത്. സ്വയം നിർമിച്ച പല വലുപ്പത്തിലും നിറങ്ങളിലുമുള്ള മെഴുകുതിരികളാണ് പൂക്കളത്തിനായി ഉപയോഗിച്ചത്. ഇത് കാണാൻ നിരവധി പേരാണ് എത്തുന്നത്. മുന്പും വ്യത്യസ്തമായ രീതിയിൽ ക്രിസ്മസ് ട്രീയും പുൽക്കൂടുമൊക്കെ നിർമിച്ച് ശ്രദ്ധേയനായിട്ടുണ്ട് ജോസഫ്. യുവ പരിസ്ഥിതി പ്രവർത്തകനുള്ള അവാർഡും ഇദ്ദേഹം കരസ്ഥമാക്കിയിട്ടുണ്ട്.

ഭക്തിസാന്ദ്രമായി ജപമാല പ്രദക്ഷിണം

കാഞ്ഞിരപ്പള്ളി: സീറോ മലബാർ മേജർ ആർക്കി എപ്പിസ്കോപ്പൽ തീർഥാടന കേന്ദ്രമായ കാഞ്ഞിരപ്പള്ളി പഴയപള്ളിയിൽ നടന്ന ജപമാല പ്രദക്ഷിണം ഭക്തിസാന്ദ്രമായി. എട്ടുനോമ്പാചരണത്തിനും പരിശുദ്ധ മാതാവിന്‍റെ പിറവിത്തിരുനാളിനും ഒരുക്കമായി എല്ലാ ദിവസവും വൈകുന്നേരം 6.15നാണ് ജപമാല പ്രദക്ഷിണം നടക്കുന്നത്. ജപമാലയും കത്തിച്ച തിരികളും കൈകളിലേന്തി നിരവധി വിശ്വാസികളാണ് ജപമാല പ്രദക്ഷിണത്തിൽ പങ്കെടുക്കുന്നത്. കത്തീഡ്രൽ വികാരിയും ആർച്ച് പ്രീസ്റ്റുമായ റവ.ഡോ. കുര്യൻ താമരശേരി, അസിസ്റ്റന്‍റ് വികാരിമാരായ ഫാ. ജോസഫ് ആലപ്പാട്ടുകുന്നേൽ, ഫാ. തോമസ് മുളങ്ങാശേരി, പഴയപള്ളി റെക്ടർ ഫാ. തോമസ് നല്ലൂർകാലായിപറമ്പിൽ എന്നിവർ നേതൃത്വം നൽകി. പഴയപള്ളിയിൽ ഇന്ന് രാവിലെ അഞ്ചിന് വിശുദ്ധ കുർബാന, 6.30ന് വിശുദ്ധ കുർബാന - റവ.ഡോ. ജോസഫ് വെള്ളമറ്റം, 8.15ന് വിശുദ്ധ കുർബാന - ഫാ. തോമസ് വാളന്മനാൽ, 10ന് വിശുദ്ധ കുർബാന - ഫാ. ബിനോ ജോസഫ് കിഴുകണ്ടയിൽ, 12ന് വിശുദ്ധ കുർബാന - ഫാ. മാത്യു പാലക്കുടി, രണ്ടിന് വിശുദ്ധ കുർബാന - ഫാ. ടോണി കുതിരമറ്റം വിസി, വൈകുന്നേരം 4.30ന് വിശുദ്ധ കുർബാന - മാർ മാത്യു അറയ്ക്കൽ, ആറിന് ദിവ്യകാരുണ്യപ്രദക്ഷിണം, രാത്രി ഏഴിന് വിശുദ്ധ കുർബാന.

പ്രേഷിതപ്രവർത്തനം ഈശോയിലേക്ക് നയിക്കുന്നതാകണം: റവ.ഡോ. ജോസഫ് വെള്ളമറ്റം

ഉപ്പുതറ: പ്രേഷിതപ്രവർത്തനം ഈശോയിലേക്ക് നയിക്കുന്നതാകണമെന്ന് രൂപത പ്രോട്ടോ സിഞ്ചെല്ലൂസ് റവ.ഡോ. ജോസഫ് വെള്ളമറ്റം. ഉപ്പുതറയിൽ നടത്തിയ കാഞ്ഞിരപ്പള്ളി രൂപത വിശ്വാസജീവിതപരിശീലനത്തിന്‍റെ ഭാഗമായി ഹൈറേഞ്ച് മേഖലാ മരിയൻ തീർഥാടനത്തിൽ സന്ദേശം നൽകുകയായിരുന്നു അദ്ദേഹം. പരിശുദ്ധ അമ്മ ജീവിതം കൊണ്ടും പ്രവൃത്തി കൊണ്ടും എല്ലാവരെയും ഈശോയിലേക്ക് ആനയിച്ചു. എല്ലാ കാര്യങ്ങളിലും ദൈവഹിതം ദർശിച്ച പരിശുദ്ധ അമ്മയുടെ മാതൃക അനുകരണാർഹമാണെന്നും റവ.ഡോ. ജോസഫ് വെള്ളമറ്റം കൂട്ടിച്ചേർത്തു. ഹൈറേഞ്ച് മേഖലയിൽ വിശ്വാസപരിശീലനത്തിൽ ഏർപ്പെട്ടിരിക്കുന്ന ഒമ്പതാം ക്ലാസ് വിദ്യാർഥികൾക്കായി ഒരുക്കിയ തീർഥാടനം രാവിലെ 9.30ന് യൂദാതദേവൂസ് കപ്പേളയിൽനിന്ന് ഉപ്പുതറ ഫൊറോന വികാരി ഫാ. ഡൊമിനിക് കാഞ്ഞിരത്തിനാൽ ഫ്ലാഗ് ഓഫ് ചെയ്തു. തുടർന്ന് ജപമാല പ്രാർഥനയോടുകൂടി മരിയൻ റാലി ഉപ്പുതറ സെന്‍റ് മേരീസ് പള്ളിയിലേക്ക് നടത്തി. മരിയൻ തീർഥാടനത്തിന് രൂപത വിശ്വാസജീവിത പരിശീലനകേന്ദ്രം ഡയറക്ടർ ഫാ. തോമസ് വാളന്മനാൽ, മിഷൻ ലീഗ് അസിസ്റ്റന്‍റ് ഡയറക്ടർ ഫാ. ബോബി വേലിക്കകത്ത്‌, രൂപത എക്സിക്യൂട്ടീവ് അംഗങ്ങൾ എന്നിവർ നേതൃത്വം നൽകി.

യുവതയൊന്നാകെ മുത്തിയമ്മയ്ക്കരികിൽ

കുറവിലങ്ങാട്: പാലാ രൂപതയുടെ രണ്ട് യുവജനപ്രസ്ഥാനങ്ങൾ സംഘടിതരായി മുത്തിയമ്മ തീർഥാടകരായെത്തി. എസ്എംവൈഎം, ജീസസ് യൂത്ത് സംഘടനകളാണ് മുത്തിയമ്മയ്ക്കരികിലേക്ക് നൂറുകണക്കായ അംഗങ്ങളുമായി എത്തിയത്. പകലോമറ്റം തറവാട് പള്ളിയിൽനിന്നാണ് എസ്എംവൈഎം ജപമാല റാലി ആരംഭിച്ചത്. രൂപത ഡയറക്ടർ ഫാ. മാണി കൊഴുപ്പൻകുറ്റി, മേഖലാ ഡയറക്ടർ ഫാ. ജോസഫ് ചൂരയ്ക്കൽ, രൂപത പ്രസിഡന്‍റ് അൻവിൻ സോണി ഓടച്ചുവട്ടിൽ, സെക്രട്ടറി റോബിൻ ടി. ജോസ് താന്നിമല, ബിയോ, എബിൻ തോമസ്, ഫൊറോന പ്രസിഡന്‍റ് ജോർജ് കുര്യൻ, റിറ്റോ സാബു, യൂണിറ്റ് പ്രസിഡന്‍റ് സെബാസ്റ്റ്യൻ തോമസ് എന്നിവർ നേതൃത്വം നൽകി. ജീസസ് യൂത്ത് പാലാ സോണിന്‍റെയും കുറവിലങ്ങാട് ഫാമിലി സ്ട്രീമിന്‍റെയും നേതൃത്വത്തിലായിരുന്നു തീർഥാടനം. സോൺ ഡയറക്ടർ ഫാ. മാത്യു എണ്ണയ്ക്കാപ്പള്ളിൽ, ഫാ. ജയിംസ് ആണ്ടാശേരിൽ, ഫാ. ലിബിൻ പാലയ്ക്കത്തടത്തിൽ, രൂപത ഭാരവാഹികൾ എന്നിവർ നേതൃത്വം നൽകി. വിശുദ്ധ കുർബാനയർപ്പിച്ച് നേർച്ചക്കഞ്ഞിയിലും പങ്കുചേർന്നാണ് തീർത്ഥാടകർ മടങ്ങിയത്. തീർഥാടകരെ ആർച്ച്പ്രീസ്റ്റ് റവ.ഡോ. തോമസ് മേനാച്ചേരി, സീനിയർ അസി. വികാരി ഫാ. ജോസഫ് മണിയഞ്ചിറ, അസി. വികാരിമാരായ ഫാ. പോൾ കുന്നുംപുറത്ത്, ഫാ. ആന്‍റണി വാഴക്കാലിയിൽ, ഫാ. ജോസഫ് ചൂരയ്ക്കൽ, ഫാ. തോമസ് താന്നിമലയിൽ, കൈക്കാരന്മാർ, പള്ളിയോഗാംഗങ്ങൾ എന്നിവർ ചേർന്ന് സ്വീകരിച്ചു. മുത്തിയമ്മയുടെ തിരുസ്വരൂപം തീർഥാടക സംഘങ്ങൾക്ക് സമ്മാനിച്ചു. പത്ത് കി‌ലോമീറ്റർ കാൽനടയായി രത്‌നഗിരി ഇടവക കുറവിലങ്ങാട്: പത്ത് കിലോമീറ്റർ കാൽനടയായി രത്നഗിരി സെന്‍റ് തോമസ് ഇടവകാംഗങ്ങൾ മുത്തിയമ്മയ്ക്കരികിലെത്തി. അഞ്ഞൂറോളം പേർ തീർഥാടനത്തിൽ പങ്കെടുത്തു. ‌ചെമ്മഞ്ഞ കൊടികളും ബലൂണുകളുമായി വർണാഭമായാണ് രത്‌നഗിരി ഇടവക റാലി നടത്തിയത്. അസി. വികാരി ഫാ. മാത്യു കണിയാംപടി വിശുദ്ധ കുർബാന അർപ്പിച്ച് സന്ദേശം നൽകി. പ്രാർഥനകൾ സ്വർഗത്തെ ലക്ഷ്യംവച്ചുള്ളതാകണം: റവ.ഡോ. ജോസഫ് കുറ്റിയാങ്കൽ കുറവിലങ്ങാട്: പ്രാർഥനകൾ ഭൗതിക ആവശ്യങ്ങൾക്കു മാത്രമാകാതെ സ്വർഗത്തെ ലക്ഷ്യംവച്ചുള്ളതാകണമെന്ന് പാലാ രൂപത ചാൻസലർ റവ.ഡോ. ജോസഫ് കുറ്റിയാങ്കൽ. കുറവിലങ്ങാട് മേജർ ആർക്കി എപ്പിസ്‌കോപ്പൽ മർത്ത്മറിയം അർക്കദിയാക്കോൻ തീർഥാടന കേന്ദ്രത്തിൽ എട്ടുനോമ്പിന്‍റെ ആറാം ദിനത്തിൽ വിശുദ്ധ കുർബാന അർപ്പിച്ച് സന്ദേശം നൽകുകയായിരുന്നു റവ.ഡോ. ജോസഫ് കുറ്റിയാങ്കൽ.

പൂവത്തോട് പള്ളി കൂദാശ ഇന്ന്

പൂവത്തോട്: പുനര്‍നിര്‍മിച്ച പൂവത്തോട് സെന്‍റ് തോമസ് പള്ളിയുടെ കൂദാശ ഇന്ന് ഉച്ചകഴിഞ്ഞ് രണ്ടിന് നടക്കും. മാര്‍ ജോസഫ് കല്ലറങ്ങാട്ട് കൂദാശാകര്‍മം നിര്‍വഹിക്കും. മാര്‍ ജോസഫ് പള്ളിക്കാപറമ്പില്‍, മാര്‍ ജേക്കബ് അങ്ങാടിയത്ത് തുടങ്ങിയവര്‍ പങ്കെടുക്കും. 1887ലാണ് ഇവിടെ വിശുദ്ധ തോമാശ്ലീഹായുടെ നാമത്തില്‍ കുരിശുപള്ളി സ്ഥാപിതമായത്. 1909 ജൂലൈ 19ന് ഇടവകയായി ഉയര്‍ത്തി. ഇപ്പോള്‍ ഇടവകയില്‍ 320 കുടുംബങ്ങളുണ്ട്. 2023 ജൂലൈ മൂന്നിന് മാര്‍ ജോസഫ് കല്ലറങ്ങാട്ട് പുതിയ പള്ളിയുടെ ശിലാസ്ഥാപനം നിര്‍വഹിച്ചു. രണ്ടു വര്‍ഷം കൊണ്ടാണ് പള്ളിപണി പൂര്‍ത്തീകരിച്ചത്. വികാരി ഫാ. ജേക്കബ് പുതിയാപറമ്പില്‍, കൈക്കാരന്മാരായ ജോസ് ജോസഫ് ഞായര്‍കുളം, കെ.സി. മാത്യു കുറ്റിയാനിക്കല്‍, പ്രസാദ് ദേവസ്യ പേരേക്കാട്ട്, പി.ജെ. സെബാസ്റ്റ്യന്‍ പെരുവാച്ചിറ, ജോജോ ജോസഫ് കാക്കാനിയില്‍ തുടങ്ങിയവരുടെ നേതൃത്വത്തിലാണ് പള്ളിപണി പൂര്‍ത്തീകരിച്ചത്. ഇടവകയിലെ മുന്‍ വികാരിമാരും രാഷ്‌ട്രീയ, സാമൂഹിക, സാമുദായിക രംഗത്തെ പ്രഗത്ഭരും ചടങ്ങില്‍ പങ്കെടുക്കും.

കരൂർ-കൊടൂക്കുന്ന് റോഡിൽ ക്രാഷ് ബാരിയര്‍ നിര്‍മാണം ആരംഭിച്ചു

കരൂര്‍: ജില്ലാ പഞ്ചായത്ത് പദ്ധതിയില്‍ ഉള്‍പ്പെടുത്തി ജില്ലാ പഞ്ചായത്തംഗം രാജേഷ് വാളിപ്ലാക്കല്‍ അനുവദിച്ച ഫണ്ട് ഉപയോഗിച്ച് കരൂര്‍ പഞ്ചായത്തിലെ കരൂര്‍ വാര്‍ഡില്‍ കൊടൂര്‍ക്കുന്ന് റോഡില്‍ നിര്‍മിക്കുന്ന ക്രാഷ് ബാരിയര്‍ നിര്‍മാണം ആരംഭിച്ചു. റോഡിന്‍റെ വീതിക്കുറവുമൂലം അപകടങ്ങള്‍ ഒഴിവാക്കുന്നതിനാണ് നിര്‍മാണ പ്രവര്‍ത്തനം നടത്തുന്നത്. ജില്ലാ പഞ്ചായത്ത് മെംബര്‍ രാജേഷ് വാളിപ്ലാക്കല്‍ നിര്‍മാണോദ്ഘാടനം നിര്‍വഹിച്ചു. പഞ്ചായത്ത് മെംബര്‍ അഖില അനില്‍കുമാര്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് മെംബര്‍ ലിസമ്മ ബോസ്, ഫ്രാന്‍സിസ് മൈലാടൂര്‍, ശാന്ത ജോണി, ശാരദ കൃഷ്ണന്‍, എ.ജി. രാധ തുടങ്ങിയവര്‍ പ്രസംഗിച്ചു.

മാളിക കുടിവെള്ള പദ്ധതി യാഥാർഥ്യമായി

ചേന്നാട്: പൂഞ്ഞാർ പഞ്ചായത്ത് മാളിക നെടുന്താനം വാർഡിൽ ഉൾപ്പെടുന്ന 233 കുടുംബങ്ങൾക്കു കുടിവെള്ളം ലഭ്യമാക്കി മാളിക കുടിവെള്ള പദ്ധതി യാഥാർഥ്യമായി. ജില്ലാ പഞ്ചായത്ത് ഫണ്ട് 45 ലക്ഷം രൂപയും ബ്ലോക്ക് പഞ്ചായത്ത് ഫണ്ട് 10 ലക്ഷം രൂപയും പഞ്ചായത്ത് ഫണ്ട് 18.95 ലക്ഷം രൂപയും വിനിയോഗിച്ചാണ് പദ്ധതി പൂർത്തീകരിച്ചത്. കുടിവെള്ള പദ്ധതിയുടെ ഉദ്ഘാടനം ജില്ലാ പഞ്ചായത്ത് മെംബർ ഷോൺ ജോർജ് നിർവഹിച്ചു. പഞ്ചായത്ത് പ്രസിഡന്‍റ് ഗീതാ നോബിൾ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് മറിയാമ്മ ഫെർണാണ്ടസ് മുഖ്യപ്രഭാഷണം നടത്തി. ബ്ലോക്ക് മെംബർ മിനി സാവിയോ, വാർഡ് മെംബർ ഓൾവിൻ കെ. തോമസ്, തോമസ് ജോസ്, സുശീലാ മോഹൻ, ലിസമ്മ സണ്ണി, ഉഷാകുമാരി, അനുമോൾ, ഷാന്‍റി തോമസ്, ബിജു സെബാസ്റ്റ്യൻ, ഓമന ഗോപാലൻ, ജോസ് ഒട്ടലാങ്കൽ എന്നിവർ പ്രസംഗിച്ചു.

അശീതി സ്മരണിക ഉദ്ഘാടനം

രാമപുരം: കര്‍മഗിരി, അമ്പലപ്പുഴ സെമിനാരികളില്‍ മുപ്പത് വര്‍ഷം സെമിനാരി പ്രഫസറും പത്തു വര്‍ഷം രാമപുരം സെന്‍റ് അഗസ്റ്റിന്‍സ് ഫെറോന പള്ളി വികാരിയുമായിരുന്ന റവ. ഡോ. ജോര്‍ജ് ഞാറക്കുന്നേലിന്‍റെ 80-ാം ജന്മദിനത്തോടനുബന്ധിച്ച് തയാറാക്കിയ അശീതി സ്മരണിക - ശ്രേഷ്ഠഗുരുവും രാജശില്പിയും - ഉദ്ഘാടനം ചെയ്തു. രാമപുരം പള്ളി പാരിഷ് ഹാളില്‍ മാര്‍ ജോസഫ് കല്ലറങ്ങാട്ട് ഉദ്ഘാടനം നിര്‍വഹിച്ചു. പാലാ രൂപത വികാരി ജനറാള്‍ മോൺ. ജോസഫ് മലേപ്പറമ്പില്‍ അധ്യക്ഷത വഹിച്ചു. വികാരി ജനറാള്‍ മോൺ. ജോസഫ് കണിയോടിക്കല്‍, ഫൊറോന വികാരി ഫാ. ബെര്‍ക്കുമാന്‍സ് കുന്നുംപുറം, എംജി യൂണിവേഴ്സിറ്റി മുന്‍ വൈസ് ചാന്‍സലര്‍ ഡോ. സിറിയക് തോമസ്, കൊച്ചുറാണി രാജു മാവുങ്കല്‍, ഫാ. ജോണി എടക്കര, അഡ്വ. റോയി ചാക്കോ പുതേത്ത്, എന്‍.എ. ജോണ്‍ ഞാറക്കുന്നേല്‍, ഡോ. കെ.കെ. ജോസ്, ഡോ. ഫെഡ് മാത്യു, ഡോ. ബ്രിന്‍സി മാത്യു പുതിയിടത്തുചാലില്‍ എന്നിവര്‍ പ്രസംഗിച്ചു.

പുണ്യശ്ലോകന്‍ കുട്ടന്‍തറപ്പേല്‍ യൗസേപ്പച്ചന്‍റെ ശ്രാദ്ധം ഇന്ന്

കടപ്ലാമറ്റം: സെന്‍റ് മേരീസ് ഫൊറോന പള്ളിയില്‍ പുണ്യശ്ലോകന്‍ കുട്ടന്‍തറപ്പേല്‍ യൗസേപ്പച്ചന്‍റെ 68-ാം ചരമവാര്‍ഷികവും ശ്രാദ്ധവും ഇന്നു നടത്തും. ചരമവാര്‍ഷികത്തിനൊരുക്കമായി ഓഗസ്റ്റ് 30ന് ആരംഭിച്ച് ഒന്‍പതു ദിവസം വിശുദ്ധ കുര്‍ബാനയും നാമകരണ പ്രാര്‍ഥനയും ഒപ്പീസും ഉണ്ടായിരുന്നു. ചരമവാര്‍ഷിക ദിനമായ ഇന്നു രാവിലെ പത്തിനു വിശുദ്ധ കുര്‍ബാനയും സന്ദേശവും നാമകരണ പ്രാര്‍ഥനയും ഒപ്പീസും ശ്രാദ്ധ വെഞ്ചരിപ്പും കല്യാണ്‍ ആര്‍ച്ച്ബിഷപ് മാര്‍ സെബാസ്റ്റ്യന്‍ വാണിയപ്പുരയ്ക്കലിന്‍റെ കാര്‍മികത്വത്തില്‍ നടത്തും. ശ്രാദ്ധത്തിനുള്ള ക്രമീകരണങ്ങൾ പൂർത്തിയായതായി വികാരി ഫാ. ജോസഫ് മുളഞ്ഞനാല്‍ പറഞ്ഞു.

മരിയൻ പ്രത്യക്ഷീകരണങ്ങളുടെ ദൃശ്യവിരുന്ന് തയാർ

കുറവിലങ്ങാട്: കേട്ടറിഞ്ഞ മരിയൻ പ്രത്യക്ഷീകരണങ്ങളെ കൺനിറയെ കാണാൻ ഇന്ന് അവസരം. എസ്എംവൈഎം കുറവിലങ്ങാട് യൂണിറ്റാണ് വേറിട്ട കാഴ്ചകളുടെ അനുഭവം നൽകുന്നത്. ഇന്ന് രാത്രി ഏഴിനാണ് കുറവിലങ്ങാട് പ്രത്യക്ഷീകരണങ്ങളുടെ കാഴ്ചാനുഭവം. സംഗീതദൃശ്യാവിഷ്‌കാരമാണെന്നത് കണ്ണിനൊപ്പം കാതിനും കൂടുതൽ ഇമ്പമേകും. ലോകചരിത്രത്തിൽ ആദ്യത്തേതും ആവർത്തിച്ചുള്ളതുമായ പ്രത്യക്ഷീകരണങ്ങളാൽ സമ്പന്നമാണ് കുറവിലങ്ങാട്. കുട്ടികൾക്ക് കല്ല് അപ്പമാക്കി നൽകിയത്, കൈവിരൽകൊണ്ട് തെളിനീർ തെളിച്ചുനൽകിയത്, കൽക്കുരിശ് ഉയർത്തിനാട്ടിയത്, രോഗശയ്യയിലായിരുന്നയാളെ സുഖപ്പെടുത്തിയത്, കാട്ടിൽ അകപ്പെട്ട വൈദികന് വഴികാട്ടിയായത്, ദേവാലയ അഭിവൃദ്ധിക്ക് നിർദേശം നൽകി പലകുറി നടത്തിയ ഇടപെടലുകൾ എന്നിങ്ങനെ വ്യത്യസ്ത കാലങ്ങളിൽ കുറവിലങ്ങാട് മാതാവിന്‍റെ പ്രത്യക്ഷീകരണങ്ങൾ നടന്നിട്ടുള്ളതായാണ് വിശ്വാസം. ഇവയിൽ ചില പ്രത്യക്ഷീകരണങ്ങൾ സംബന്ധിച്ച് ജൊർനാദയെന്ന യാത്രാവിവരണ ഗ്രന്ഥങ്ങളിലടക്കം പരാമർശവുമുണ്ട്. ഈ ചരിത്രരേഖകൾ പഠിച്ചും പരിശോധിച്ചുമാണ് എസ്എംവൈഎം നേതൃത്വം സംഗീതദൃശ്യാവിഷ്‌കാരമൊരുക്കുന്നത്.

കാർഷിക സമൃദ്ധിയിൽ നിറഞ്ഞ് മരങ്ങാട്ടുപിള്ളി

കുറവിലങ്ങാട്: മരങ്ങാട്ടുപിള്ളിയുടെ കാർഷിക മേഖലയ്ക്ക് കരുത്തേകാനായി ലക്ഷ്യമിടുന്ന കാർഷികോത്സവത്തിനുള്ള ഒരുക്കങ്ങൾ പൂർത്തിയായതായി മരങ്ങാട്ടുപിള്ളി പഞ്ചായത്ത് പ്രസിഡന്‍റ് ബെൽജി ഇമ്മാനുവൽ, വൈസ് പ്രസിഡന്‍റ് ഉഷ രാജു, അംഗങ്ങളായ സലിമോൾ ബെന്നി, സാബു അഗസ്റ്റിൻ എന്നിവർ വാർത്താസമ്മേളനത്തിൽ അറിയിച്ചു. നാളെ മുതൽ 11 വരെയാണ് മരങ്ങാട്ടുപിള്ളി കാർഷികോത്സവം. വിവിധ വകുപ്പുകളുടെയും സ്ഥാപനങ്ങളുടെയും സഹകരണത്തോടെയാണ് മരങ്ങാട്ടുപിള്ളി സെന്‍റ് ഫ്രാൻസിസ് അസീസി പാരിഷ് ഹാളിൽ ആഘോഷങ്ങൾ ഒരുക്കിയിട്ടുള്ളതെന്ന് കൃഷി ഓഫീസർ മനു കൃഷ്ണൻ, റോബിൻ കല്ലോലിൽ എന്നിവർ പറഞ്ഞു. വിളംബര റാലി, കർഷക അവാർഡ് വിതരണം, ജില്ലാതല കാർഷിക ക്വിസ്, കർഷക സെമിനാർ, വിള മത്സരവും പ്രദർശനവും, വിദ്യാർഥികൾക്കും കർഷകർക്കുമുള്ള ക്വിസ് മത്സരങ്ങൾ, കലാപരിപാടികൾ, വൈവിധ്യമാർന്ന പ്രദർശന വിപണനമേള, പുരാവസ്തു പ്രദർശനം തുടങ്ങിയവ സംഘടിപ്പിക്കും. ചേറ്റിലോട്ടം, ഞാറുനടീൽ, കുടവയർ എന്നിങ്ങനെ വേറിട്ട മത്സര ഇനങ്ങളും ഒരുക്കിയിട്ടുണ്ട്. മുതിർന്ന കർഷകസംഗമം, കിടാരി, നാടൻ പശു മത്സരം, സാംസ്‌കാരിക ഘോഷയാത്ര, അടുക്കളത്തോട്ട മത്സരം, സൗജന്യ പച്ചക്കറി വിതരണം, വിവിധ കലാ-കായിക മത്സരങ്ങൾ, സൗഹൃദ വടംവലി എന്നിങ്ങനെയുള്ള മത്സരങ്ങൾക്കൊപ്പമുള്ള സമ്മേളനങ്ങളിൽ ജോസ് കെ. മാണി എംപി, ഫ്രാൻസിസ് ജോർജ് എംപി, മോൻസ് ജോസഫ് എംഎൽഎ, ജില്ലാ കളക്ടർ ചേതൻകുമാർ മീണ, കോട്ടയം ജില്ലാ പോലീസ് മേധാവി ഷാഹുൽ ഹമീദ്, ചലച്ചിത്രനടൻ അനൂപ് ചന്ദ്രൻ തുടങ്ങിയവർ പങ്കെടുക്കുമെന്നും പഞ്ചായത്ത് പ്രസിഡന്‍റ് ബെൽജി ഇമ്മാനുവൽ പറഞ്ഞു.

മുണ്ടക്കയം- വാഗമൺ റോഡ്: ടെൻഡർ ഉറപ്പിച്ചു

മുണ്ടക്കയം: മുണ്ടക്കയത്തുനിന്ന് ആരംഭിച്ച് കൂട്ടിക്കൽ - ഏന്തയാർ - ഇളങ്കാട് - വല്യേന്ത വരെ നിലവിലുള്ള സംസ്ഥാനപാതയുടെ തുടർച്ചയായി വാഗമണ്ണിലേക്ക് എത്തുന്ന ഏഴു കിലോമീറ്ററോളം റോഡിന് ടെൻഡറായി. സംസ്ഥാന പൊതുമരാമത്ത് വകുപ്പ് മുഖേന 17 കോടി രൂപ അനുവദിച്ചത് റോഡ് നിർമാണത്തിന് ടെൻഡർ ക്ഷണിച്ച് കരാർ ഉറപ്പിച്ചതായി സെബാസ്റ്റ്യൻ കുളത്തുങ്കൽ എംഎൽഎ അറിയിച്ചു. നിർമാണോദ്ഘാടനം പൊതുമരാമത്തുമന്ത്രി പി.എ. മുഹമ്മദ് റിയാസ് നിർവഹിക്കും. രാജി മാത്യു പാംപ്ലാനിയിൽ ആൻഡ് കമ്പനിയാണ് കോൺട്രാക്ട് ഏറ്റെടുത്തിരിക്കുന്നത്.

ഒരു ചക്കയ്ക്ക് 3600 രൂപ! അതും രണ്ടുകിലോയ്ക്ക്

കുറവിലങ്ങാട്: ഒരു ചക്കയ്ക്ക് 3600 രൂപ. വെറും രണ്ടുകിലോയോളം തൂക്കം വരുന്ന ചക്കയ്ക്കാണ് ഈ ഡിമാൻഡ്. മേജർ ആർക്കി എപ്പിസ്‌കോപ്പൽ മർത്ത്മറിയം അർക്കദിയാക്കോൻ തീർഥാടനകേന്ദ്രത്തിൽ എട്ടുനോമ്പാചരണത്തോടനുബന്ധിച്ച് നടത്തിയ കർഷകദിനത്തിൽ സമർപ്പിച്ച ചക്കയാണ് 3600 രൂപയ്ക്ക് ലേലത്തിൽ വാങ്ങിയത്. കർഷകദിനാചരണത്തിന്‍റെ ഭാഗമായി പള്ളിയുടെ കൃഷിയിടത്തിൽനിന്ന് സമർപ്പിച്ച ചക്കയാണ് 3600 രൂപയ്ക്ക് ലേലംകൊണ്ടത്. ആർച്ചുപ്രീസ്റ്റും സഹവൈദികരും പള്ളിയുടെ കൃഷിയിടത്തിൽനിന്നുള്ള കാർഷികവിഭവങ്ങൾ സമർപ്പിച്ചിരുന്നു. രാമപുരം സ്വദേശിയായ സാബു 2500 രൂപയ്ക്ക് ചക്ക വാങ്ങി വീണ്ടും പള്ളിയിൽ സമർപ്പിച്ചു. രണ്ടാമത് നടത്തിയ ലേലത്തിൽ ചങ്ങനാശേരി അതിരൂപതയിലെ കട്ടച്ചിറ സ്വദേശി 1100 രൂപയ്ക്ക് ലേലത്തിൽ ചക്ക വാങ്ങിയതോടെയാണ് ഒരു ചക്കയുടെ വില 3600 രൂപയിലെത്തിയത്. കർഷകദിനത്തിൽ കാർഷിക വിഭവങ്ങളായും പണമായും ലഭിച്ച മുഴുവൻ തുകയും ഇടവകയുടെ കാരുണ്യപ്രവർത്തനങ്ങൾക്കായി വിനിയോഗിക്കുമെന്ന് ആർച്ച്പ്രീസ്റ്റ് റവ.ഡോ. തോമസ് മേനാച്ചേരി അറിയിച്ചു.

നെല്ലിന് 100 കോടി; ഒരാള്‍ക്കും പണം കിട്ടിയില്ല

കോട്ടയം: 334.85 കോടി രൂപ നെല്ല് കുടിശികയിലേക്ക് 100 കോടി കൂടി സര്‍ക്കാര്‍ അനുവദിച്ചെങ്കിലും ഓണത്തിന് മുമ്പ് ഒരാള്‍ക്കും പണം കിട്ടിയില്ല. കണ്‍സോര്‍ഷ്യത്തില്‍പ്പെട്ട ബാങ്കുകള്‍ തുടരെ നാലു ദിവസം അവധിയിലായതോടെ തിങ്കളാഴ്ച മാത്രമേ പണം കൊടുത്തുതുടങ്ങൂ. ശേഷിക്കുന്ന 234 കോടി എന്നു നല്‍കുമെന്നതില്‍ യാതൊരു ധാരണയുമില്ല. ഏപ്രില്‍ പകുതിവരെ നെല്ല് വിറ്റവര്‍ക്കു മാത്രമാണ് തുക പൂര്‍ണമായി നല്‍കിയിട്ടുള്ളത്. വില ലഭിക്കാതെ വന്നതോടെ രണ്ടാം കൃഷി വേണ്ടെന്നുവച്ച കര്‍ഷകര്‍ ഏറെപ്പേരാണ്. പുഞ്ച കൃഷിയില്‍ സപ്ലൈകോ സംസ്ഥാനത്ത് രണ്ടു ലക്ഷത്തില്‍പരം കര്‍ഷകരില്‍നിന്നും 5.80 ലക്ഷം ടണ്‍ നെല്ലാണ് സംഭരിച്ചത്. ആകെ കൊടുക്കാനുണ്ടായത് 1645 കോടി രൂപയാണ്. ഇതില്‍ 1310 കോടി മാത്രമേ കര്‍ഷകര്‍ക്ക് നല്‍കാനായുള്ളൂ.

ബൈക്ക് അപകടത്തിൽ മരിച്ചു

തലപ്പാടി: ബൈക്ക് അപകടത്തില്‍ മധ്യവയസ്‌കന് ദാരുണാന്ത്യം. എറണാകുളം മുളന്തുരുത്തി സ്വദേശി അറക്കല്‍ എ. എക്‌സ്. സനീഷ് (45) ആണ് മരിച്ചത്. മണര്‍കാടുള്ള സ്വകാര്യ ബേക്കറിയിലെ സെക്യൂരിറ്റി ജീവനക്കാരനാണ്. ജോലി കഴിഞ്ഞ് ക്വാര്‍ട്ടേഴ്സിലേക്കു മടങ്ങുന്നതിനിടെയാണ് അപകടം. നിയന്ത്രണം നഷ്ടപ്പെട്ട ബൈക്ക് മതിലില്‍ ഇടിക്കുകയായിരുന്നു. തുടര്‍ന്ന് മണര്‍കാട്ടെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംസ്‌കാരം നടത്തി. ഭാര്യ: ഡിറ്റ, മകന്‍: ക്രിസ്റ്റി.

ചതയദിനാഘോഷം

പൊൻകുന്നം: എസ്എൻഡിപി യോഗം 1044-ാം നമ്പർ ശാഖയിൽ ശ്രീനാരായണ ഗുരുദേവ ജയന്തി ആഘോഷം ഇന്നു നടക്കും. രാവിലെ ആറിന് ഗണപതിഹോമം, ഏഴിന് വിശേഷാൽ പൂജകൾ, എട്ടിന് പതാക ഉയർത്തൽ, ഒന്പതിന് ചതയദിന പ്രാർഥന,11ന് ജയന്തിഘോഷയാത്ര ശാഖാങ്കണത്തിൽനിന്ന് ആരംഭിക്കും, ഉച്ചയ്ക്ക് 12.30ന് ചതയദിനസദ്യ, ഒന്നിന് ഭക്തിഗാനസുധ, തുടർന്ന് അവാർഡ് വിതരണം, സമ്മാനദാനം, വൈകുന്നേരം 6.30ന് ദീപാരാധാന. ഇളമ്പള്ളി: എസ്എൻഡിപി യോഗം 4840-ാം നമ്പർ ഇളമ്പള്ളി ശാഖാ ഗുരുദേവ ക്ഷേത്രത്തിൽ ശ്രീനാരായണഗുരുദേവ ജയന്തി ആഘോഷം ഇന്നു നടക്കും. രാവിലെ ആറിന് വിശേഷാൽ പൂജകൾ, എട്ടിന് സമൂഹപ്രാർഥന, ഒന്പതിന് പതാക ഉയർത്തൽ, 10ന് ജയന്തി മഹാഘോഷയാത്ര, 12ന് പ്രസാദവിതരണം. വാഴൂർ: എസ്എൻഡിപി 281-ാം നമ്പർ ശാഖയിൽ ഇന്ന് ചതയദിനാഘോഷം നടക്കും. രാവിലെ ഏഴിന് ശാഖാ പ്രസിഡന്‍റ് വി.വി. സോമരാജ് പതാക ഉയർത്തും. ഒന്പതിന് സമൂഹപ്രാർഥന, 11.30ന് ചതയദിന സമ്മേളനം വാർഡംഗം നിഷാ രാജേഷ് ഉദ്ഘാടനം ചെയ്യും. വി. അരുൺകുമാർ സന്ദേശം നൽകും. 12.15ന് ചതയദിനപൂജ, 12.30ന് മഹാപ്രസാദമൂട്ട്, ഒന്നിന് ഭക്തിഗാനമേള, വൈകുന്നേരം നാലിന് ചതയദിന ഘോഷയാത്ര. ബ്ലോക്ക് പഞ്ചായത്ത് പ്രസിഡന്‍റ് മുകേഷ് കെ. മണി ഉദ്ഘാടനം ചെയ്യും.

ശ്രീകൃഷ്ണജയന്തി ആഘോഷം

മുക്കൂട്ടുതറ: തുരുവമ്പാടി ശ്രീകൃഷ്ണസ്വാമി ക്ഷേത്രത്തിൽ ബാലഗോകുലത്തിന്‍റെയും സമീപ ഗോകുലങ്ങളുടെയും ആഭിമുഖ്യത്തിൽ 14ന് ശ്രീകൃഷ്ണജയന്തി ആഘോഷിക്കും. 10നു രാവിലെ എട്ടുമുതൽ വിവിധ കേന്ദ്രങ്ങളിൽ പതാകദിനം. 11നു രാവിലെ 10ന് ഗോപൂജ, വൃക്ഷപൂജ, തിരുവമ്പാടി ക്ഷേത്രമുറ്റത്ത് ഗോപാലകനെ ആദരിക്കൽ എന്നിവ നടക്കും. 13ന് എരുമേലി താലൂക്ക് ശ്രീകൃഷ്ണ ജയന്തി ആറാമത് ചിത്രരചനാ മത്സരം രാവിലെ ഒന്പതു മുതൽ ഉച്ചയ്ക്ക് 12 വരെ തിരുവമ്പാടി ശ്രീകൃഷ്ണസ്വാമി ക്ഷേത്രം ഓഡിറ്റോറിയത്തിൽ നടക്കും. 14ന് ഉച്ചകഴിഞ്ഞ് മൂന്നിന് എരുത്വാപ്പുഴ, പാണപിലാവ്, മുട്ടപ്പള്ളി ദേവീക്ഷേത്രം, എലിവാലിക്കര, ഇടകടത്തി, പനക്കവയൽ, കൊല്ലമുള, ഓലക്കുളം, വെൺകുറിഞ്ഞി എന്നിവിടങ്ങളിൽനിന്നു ശോഭായാത്ര പുറപ്പെടും. വൈകുന്നേരം അഞ്ചിന് മുക്കൂട്ടുതറ ടൗൺ, കാണിക്കമണ്ഡപത്തിന് സമീപം സംഗമിക്കുന്ന ശോഭാ യാത്രകൾക്ക് ക്ഷേത്രം ഭാരവാഹികൾ സ്വീകരണം നൽകും. 5.45ന് പ്രസാദ വിതരണം, 6.45ന് ദീപാരാധന, രാത്രി ഏഴിന് ഭജന, 11ന് അവതാരപൂജ, 12ന് അവതാര ദർശനം എന്നിവയോടുകൂടി ചടങ്ങുകൾ സമാപിക്കും.

ജപമാല റാലി ഇന്ന്

പൊടിമറ്റം: സെന്‍റ് മേരീസ് പള്ളിയില്‍ എട്ടുനോമ്പാചരണത്തിന്‍റെയും പരിശുദ്ധ കന്യകമറിയത്തിന്‍റെ പിറവിത്തിരുനാളിന്‍റെയും ഭാഗമായുള്ള ജപമാല റാലി ഇന്നു നടക്കുമെന്ന് വികാരി മാർട്ടിൻ വെള്ളിയാംകുളം, അസിസ്റ്റന്‍റ് വികാരി ഫാ. സിൽവാനോസ് വടക്കേമംഗലം എന്നിവർ അറിയിച്ചു. വൈകുന്നേരം നാലിന് പൊടിമറ്റം-ആനക്കല്ല് റോഡിന് സമീപം പുതിയതായി നിര്‍മിച്ച് വെഞ്ചരിച്ച കുരിശടിയില്‍നിന്ന് സെന്‍റ് മേരീസ് പള്ളിയിലേക്ക് കെകെ റോഡ് വഴിയാണ് ജപമാല പ്രദക്ഷിണം. തുടർന്ന് അഞ്ചിന് ഫാ. തോമസ് കോഴിമലയുടെ മുഖ്യ കാർമികത്വത്തിൽ വിശുദ്ധ കുർബാനയും വചനപ്രഘോഷണവും നടത്തും. മാതൃവേദിയുടെ നേതൃത്വത്തില്‍ നടത്തപ്പെടുന്ന തിരുനാള്‍ ആഘോഷങ്ങള്‍ക്ക് കൈക്കാരന്മാരായ സാജു തോമസ് പടന്നമാക്കൽ, രാജു മാത്യു വെട്ടിക്കൽ, ജയിംസ് പ്ലാപ്പള്ളി, മാതൃവേദി അനിമേറ്റര്‍ സിസ്റ്റര്‍ ഡെയ്‌സ് മരിയ സിഎംസി, പ്രസിഡന്‍റ് ബിന്ദു ജോസഫ് മുല്ലൂരാകത്ത്, സെക്രട്ടറി റിന്‍റു റോജി കരിപ്പാപ്പറമ്പില്‍ എന്നിവര്‍ നേതൃത്വം നല്‍കും.

കാഞ്ഞിരപ്പള്ളി രൂപത പാസ്റ്ററല്‍ കൗണ്‍സില്‍ സമ്മേളനം

കാഞ്ഞിരപ്പള്ളി: കാഞ്ഞിരപ്പള്ളി രൂപതയുടെ പന്ത്രണ്ടാം പാസ്റ്ററൽ കൗൺസിലിന്‍റെ എട്ടാമത് സമ്മേളനം 13ന് രാവിലെ 10ന് പാസ്റ്ററൽ സെന്‍റർ ഓഡിറ്റോറിയത്തിൽ നടക്കും. രൂപതാധ്യക്ഷൻ മാർ ജോസ് പുളിക്കൽ ഉദ്ഘാടനം നിർവഹിക്കും. സമ്മേളനത്തിൽ ‘സമുദായ ശക്തീകരണം ആധുനിക കാലഘട്ടത്തിൽ’ എന്ന വിഷയത്തെക്കുറിച്ച് ചർച്ച ചെയ്യും. ഫാ. ജസ്റ്റിൻ മതിയത്ത് വിഷയം അവതരിപ്പിക്കും. പ്രോട്ടോ സിഞ്ചെല്ലൂസ് റവ.ഡോ. ജോസഫ് വെള്ളമറ്റം, വികാരി ജനറാൾമാരായ ഫാ. ബോബി അലക്സ് മണ്ണംപ്ലാക്കല്‍, റവ.ഡോ. സെബാസ്റ്റ്യൻ കൊല്ലംകുന്നേൽ, ചാൻസലർ റവ.ഡോ. മാത്യു ശൗര്യാംകുഴി, പ്രൊക്യൂറേറ്റർ ഫാ. ഫിലിപ്പ് തടത്തിൽ, പാസ്റ്ററൽ കൗൺസിൽ സെക്രട്ടറി ഡോ. ജൂബി മാത്യു എന്നിവർ നേതൃത്വം നൽകും.

കുറിച്ചി പഞ്ചായത്തില്‍ സമ്പൂര്‍ണ കേരവികസന പദ്ധതി നവീകരണ ജോലിക്ക് തുടക്കം

14 ലക്ഷത്തിന്‍റെ പദ്ധതി ചങ്ങനാശേരി: കുറിച്ചി പഞ്ചായത്തിന്‍റെ സമ്പൂര്‍ണ കേര വികസന പദ്ധതിയുടെ അടിയന്തരമായ നവീകരണ ജോലികള്‍ ആരംഭിച്ചു. ജോബ് മൈക്കിള്‍ എംഎല്‍എ ഉദ്ഘാടനം ചെയ്തു. കുറിച്ചി പഞ്ചായത്തിന്‍റെ പടിഞ്ഞാറന്‍ പ്രദേശത്ത് പതിറ്റാണ്ടുകളായി നേരിട്ടുകൊണ്ടിരുന്ന ജലക്ഷാമത്തിന് പരിഹാരമായി 1993ല്‍ തുടങ്ങിയ പദ്ധതിയാണിത്. ജോബ് മൈക്കിള്‍ എംഎല്‍എയുടെ ഇടപെടല്‍ മൂലം ലഭിച്ച 14 ലക്ഷം രൂപ ഉപയോഗിച്ചാണ് നവീകരണ പ്രവര്‍ത്തനങ്ങള്‍ നടക്കുന്നത്. കുറിച്ചി പഞ്ചായത്ത് പ്രസിഡന്‍റ് സുജാത സുശീലന്‍ അധ്യക്ഷത വഹിച്ചു. പള്ളം ബ്ലോക്ക് പഞ്ചായത്ത് പ്രസിഡന്‍റ് ടോമിച്ചന്‍ ജോസഫ്, ജില്ലാ പഞ്ചായത്ത് മെംബര്‍ പി.കെ. വൈശാഖ്, പള്ളം ബ്ലോക്ക് പഞ്ചായത്ത് മെംബര്‍ ഷീലമ്മ തോമസ്, സുമ എബി, കെ.എന്‍. മഞ്ജു, ബിജു പുഴികുന്നേല്‍, ആര്‍. രാജഗോപാല്‍ എന്നിവര്‍ പ്രസംഗിച്ചു.

1500 വിശുദ്ധരുടെ തിരുശേഷിപ്പ് വണക്കം

അടിച്ചിറ: പരിത്രാണ ധ്യാനകേന്ദ്രത്തില്‍ വാഴ്ത്തപ്പെട്ട കാര്‍ലോ അക്യുറ്റസ് ഫൗണ്ടേഷന്‍റെ നേതൃത്വത്തില്‍ നാളെയും ശനിയാഴ്ചയുമായി 1500 വിശുദ്ധരുടെ തിരുശേഷിപ്പ് വണക്കവും 40 മണിക്കൂര്‍ അഖണ്ഡ ദിവ്യകാരുണ്യ ആരാധനയും നടക്കും. നാളെ രാവിലെ 9.30ന് ഫാ. സെബാസ്റ്റ്യന്‍ തുണ്ടത്തിക്കുന്നേല്‍ വിസി വിശുദ്ധ കുര്‍ബാനയ്ക്കും തിരുശേഷിപ്പ് പ്രതിഷ്ഠയ്ക്കും കാർമികത്വം വഹിക്കും.

മണര്‍കാട് കത്തീഡ്രലിലെ റാസ: നാളെ ഗതാഗതനിയന്ത്രണം

മണർകാട്: മണര്‍കാട് കത്തീഡ്രലിലെ റാസയോടനുബന്ധിച്ച് നാളെ രാവിലെ 10.30 മുതല്‍ പോലീസ് ഏര്‍പ്പെടുത്തിയിരിക്കുന്ന ഗതാഗതനിയന്ത്രണം എന്‍എച്ച് 183ല്‍ പാമ്പാടി ഭാഗത്തുനിന്നു കോട്ടയം ഭാഗത്തേക്ക് പോകുന്ന വാഹനങ്ങള്‍ എരുമപ്പെട്ടി ജംഗ്ഷനില്‍നിന്ന് ഇടത്തേക്ക് തിരിഞ്ഞ് കാട്ടില്‍പടി, കാഞ്ഞിരത്തുംമൂട്, പൂമറ്റം വഴി മന്ദിരം ഭാഗത്തെത്തി കഞ്ഞിക്കുഴി വഴി കോട്ടയത്തേക്കു പോകാം. കോട്ടയം ഭാഗത്തുനിന്നു പാമ്പാടി ഭാഗത്തേക്ക് പോകുന്ന വാഹനങ്ങള്‍ക്ക് എന്‍എച്ച് 183ല്‍ റോഡിലൂടെ പോകാം.അയര്‍ക്കുന്നം ഭാഗത്തുനിന്നു കോട്ടയം ഭാഗത്തേക്കു പോകുന്ന വാഹനങ്ങള്‍ മാലം പാലം ഭാഗത്തുനിന്നു തിരിഞ്ഞ് ടവര്‍ ജംഗ്ഷന്‍ വഴി അങ്ങാടിവയലില്‍ എത്തിയശേഷം വലത്തേക്ക് തിരിഞ്ഞ് എരുമപ്പെട്ടി വഴി കോട്ടയത്തിനു പോകാം. അയര്‍ക്കുന്നം ഭാഗത്തുനിന്നു കോട്ടയം ഭാഗത്തേക്ക് പോകുന്ന ബസുകള്‍ മാലം പാലം ജംഗ്ഷനില്‍നിന്നു നേരെ കാവുംപടി വഴി മണര്‍കാട് പള്ളിക്ക് സമീപത്തുള്ള ബസ്‌സ്റ്റാന്‍ഡില്‍ വന്ന് ആളെ ഇറക്കിയശേഷം വീണ്ടും മാലം പാലം ഭാഗത്തെത്തി വലത്തേക്ക് തിരിഞ്ഞ് ടവര്‍ ജംഗ്ഷന്‍ വഴി അങ്ങാടി വയല്‍ ജംഗ്ഷനിലെത്തി എരുമപ്പെട്ടി വഴി കോട്ടയത്തിനു പോകാം പുതുപ്പള്ളി റോഡ് ജംഗ്ഷനില്‍ തിരക്ക് കുറവാകുന്ന മുറയ്ക്കു പുതുപ്പള്ളി റോഡ് ജംഗ്ഷനില്‍ എത്തി ഇടത്തേക്ക് തിരിഞ്ഞു തലപ്പാടി വഴി മാധവന്‍പടി എത്തി കോട്ടയത്തേക്ക് ബസുകള്‍ പോകാം. തിരുവഞ്ചൂര്‍ ഭാഗത്തുനിന്നു കോട്ടയം പുതുപ്പള്ളി ഭാഗത്തേക്ക് പോകേണ്ട വാഹനങ്ങള്‍ തിരുവഞ്ചൂര്‍ കുരിശുപള്ളി ജംഗ്ഷനില്‍നിന്നു വലത്തേക്കു തിരിഞ്ഞ് മോസ്‌കോ ജംഗ്ഷനില്‍ എത്തി ഇടത്തേക്ക് തിരിഞ്ഞ് മില്‍മ വടവാതൂര്‍, കളത്തിപ്പടി വഴി പുതുപ്പള്ളിക്ക് പോകാം. ഏറ്റുമാനൂര്‍ ഭാഗത്തുനിന്നു പുതുപ്പള്ളി ഭാഗത്തേക്ക് പോകേണ്ട വാഹനങ്ങള്‍ തിരുവഞ്ചൂര്‍ ജംഗ്ഷനില്‍നിന്നു ഇടത്തോട്ട് തിരിഞ്ഞ് അയര്‍ക്കുന്നത്തെത്തി മാലം, അങ്ങാടിവയല്‍, എരുമപ്പെട്ടി, കാട്ടില്‍ പടി, കാഞ്ഞിരത്തിന്‍ മൂട് ജംഗ്ഷന്‍ വഴി പുതപ്പള്ളിക്ക് പോകാം. പുതുപ്പള്ളി ഭാഗത്തുനിന്നു തിരുവഞ്ചൂര്‍ ഭാഗത്തേക്ക് പോകേണ്ട വാഹനങ്ങള്‍ തലപ്പാടി ജംഗ്ഷനിലെത്തി ഇടത്തേക്ക് തിരിഞ്ഞ് മാധവന്‍ പടിയിലെത്തി വടവാതൂര്‍ മില്‍മ ജംഗ്ഷനില്‍നിന്നു വലത്തേക്ക് തിരിഞ്ഞു മോസ്‌കോ ജംഗ്ഷന്‍ വഴി തിരുവഞ്ചൂര്‍ കുരിശുപള്ളി ജംഗ്ഷനില്‍ എത്തി ഇടത്തേക്കു തിരിഞ്ഞു പോകാം. പുതുപ്പളളി ഭാഗത്തുനിന്നു മണര്‍കാട് പള്ളിയിലേക്ക് വരുന്ന വാഹനങ്ങള്‍ തലപ്പാടി ജംഗ്ഷനില്‍നിന്നു തിരിഞ്ഞ് മാധവന്‍ പടിയില്‍ എത്തിയശേഷം എന്‍എച്ച് 183 വഴി പഴയ കെകെ റോഡ് എത്തി കിഴക്കേടത്ത് പടി, കാവുംപടി വഴി പള്ളിയിലേക്ക് പോകാം. പാമ്പാടി ഭാഗത്തുനിന്നു മണര്‍കാട് പള്ളി ഭാഗത്തേക്ക് വരുന്ന വാഹനങ്ങള്‍ക്ക് കുറ്റിയക്കുന്നിലെത്തി കിഴക്കേടത്ത് പടി, കാവുംപടി വഴി പള്ളിയിലേക്ക് പോകാം. മണര്‍കാട് പള്ളിയിൽ ഇന്ന് കരോട്ടെ പള്ളിയില്‍ രാവിലെ ആറിന് വിശുദ്ധ കുര്‍ബാന. കത്തീഡ്രലില്‍ രാവിലെ 7.30ന് പ്രഭാത പ്രാര്‍ഥന. 8.30ന് വിശുദ്ധ മൂന്നിന്മേല്‍ കുര്‍ബാന: പൗരസ്ത്യ സുവിശേഷം സമാജം മെത്രാപ്പോലീത്ത മര്‍ക്കോസ് മാര്‍ ക്രിസോസ്റ്റമോസിന്‍റെ മുഖ്യകാര്‍മികത്വത്തില്‍. രാവിലെ 11ന് പ്രസംഗം: മര്‍ക്കോസ് മാര്‍ ക്രിസോസ്റ്റമോസ്. ഉച്ചയ്ക്ക് 12ന് മധ്യാഹ്ന പ്രാര്‍ഥന. ഉച്ചകഴിഞ്ഞ് 2.30ന് പ്രസംഗം: കുറിയാക്കോസ് കോര്‍എപ്പിസ്‌കോപ്പാ മണലേല്‍ച്ചിറ. വൈകുന്നേരം അഞ്ചിന് സന്ധ്യാപ്രാര്‍ഥന. ആറിന് ധ്യാനശുശ്രൂഷ: എംഎസ്ഒടി സെമിനാരി ഗോസ്പല്‍ ടീമിന്‍റെ ആഭിമുഖ്യത്തില്‍. ഏഴിന് ധ്യാനപ്രസംഗം - ഡോ. കുറിയാക്കോസ് മാര്‍ തെയോഫിലോസ്.

കെസിവൈഎം കേരള നവീകരണ യാത്രയ്ക്കു സ്വീകരണം

ചങ്ങനാശേരി: കേരള കത്തോലിക്ക യുവജനപ്രസ്ഥാനത്തിന്‍റെ (കെസിവൈഎം) നേതൃത്വത്തില്‍ കാസര്‍ഗോഡ് വെള്ളരിക്കുണ്ടില്‍നിന്നാരംഭിച്ച കേരള നവീകരണ യാത്രയ്ക്ക് ചങ്ങനാശേരി അതിരൂപത യുവദീപ്തി-എസ്എംവൈഎമ്മിന്‍റെ ആഭിമുഖ്യത്തില്‍ പെരുന്നയില്‍ സ്വീകരണം നല്‍കി. കേരളത്തിലെ യുവജനങ്ങള്‍ നേരിടുന്ന വിവിധ പ്രശ്‌നങ്ങള്‍ വിശകലനം ചെയ്തുകൊണ്ടാണ് നവീകരണ യാത്ര നടത്തപ്പെടുന്നത്. അതിരൂപത ഡെപ്യൂട്ടി പ്രസിഡന്‍റ് എലിസബത്ത് വര്‍ഗീസിന്‍റെ അധ്യക്ഷതയില്‍ ചേര്‍ന്ന സമ്മേളനം അതിരൂപത വികാരി ജനറാള്‍ മോൺ. ആന്‍റണി എത്തയ്ക്കാട്ട് ഉദ്ഘാടനം ചെയ്തു. സംസ്ഥാന പ്രസിഡന്‍റ് എബിന്‍ കണിവയലില്‍ മുഖ്യപ്രഭാഷണം നടത്തി. സംസ്ഥാന ഡയറക്ടര്‍ ഫാ. ഡിറ്റോ കൂള, ഫാ. സാവിയോ മാനാട്ട്, ഷിജോ മാത്യു, ജോബിന്‍ ജോസ്, അലക്‌സ് മഞ്ഞുമ്മല്‍, ജോയല്‍ ജോണ്‍ റോയി, ലാലിച്ചന്‍ മറ്റത്തില്‍ എന്നിവര്‍ പ്രസംഗിച്ചു. ലിൻഡാ ജോഷി, അമല ജോസഫ്, ജോര്‍ജ് സെബാസ്റ്റ്യന്‍, ആന്‍റണി ജോസഫ്, സഞ്ജയ് സതീഷ് എന്നിവര്‍ പരിപാടികൾക്ക് നേതൃത്വം നൽകി.

പോലീസ് പെന്‍ഷനേഴ്‌സ് വെല്‍ഫെയര്‍ അസോ. ഓണാഘോഷം

കറുകച്ചാല്‍: കേരള സ്റ്റേറ്റ് പോലീസ് പെന്‍ഷനേഴ്‌സ് വെല്‍ഫെയര്‍ അസോസിയേഷന്‍ കറുകച്ചാല്‍ മേഖലയുടെ നേതൃത്വത്തില്‍ ഓണാഘോഷ പരിപാടിയും സംഘടന അംഗങ്ങള്‍ക്കുള്ള ചികിത്സാനുകൂല്യ സഹായ പദ്ധതിയുടെ ഐഡി കാര്‍ഡ് വിതരണവും ജില്ലാ ആസ്ഥാനമന്ദിര നിര്‍മാണത്തിനോടനുബന്ധിച്ചുള്ള ഫണ്ടു ശേഖരണവും കറുകച്ചാല്‍ വ്യാപാരഭവനില്‍ സംഘടിപ്പിച്ചു. ഓണാഘോഷ പരിപാടി കറുകച്ചാല്‍ മേഖല പ്രസിഡന്‍റ് എം.എസ്. ഷിബു അധ്യക്ഷത വഹിച്ചു. ഓണാഘോഷ പരിപാടികള്‍ സംസ്ഥാന സെക്രട്ടറി ആര്‍. രവികുമാര്‍ ഉദ്ഘാടനം ചെയ്തു. ചികിത്സ സഹായ പദ്ധതിയോടനുബന്ധിച്ചുള്ള ഐഡി കാര്‍ഡ് വിതരണം സംഘടനാ ജില്ലാ പ്രസിഡന്‍റ് പി.ഡി. രാധാകൃഷ്ണപിള്ള നിര്‍വഹിച്ചു. ജില്ലാ ആസ്ഥാന കെട്ടിട ഫണ്ടിന്‍റെ ആദ്യ ഗഡു കറുകച്ചാല്‍ മേഖല ജോയിന്‍റ് സെക്രട്ടറി എന്‍.ജെ. തങ്കച്ചനില്‍നിന്നും ജില്ലാ സെക്രട്ടറി കെ.ജെ. മോന്‍സിമോന്‍ ഏറ്റുവാങ്ങി. മേഖല സെക്രട്ടറി ജിജി ജോണ്‍, ജില്ലാ ഭാരവാഹി എം.എം. മാത്യു, മേഖല വൈസ് പ്രസിഡന്‍റ് വി. വാസുഭദ്രന്‍, എം.ബി. കോളിന്‍സ് എന്നിവര്‍ പ്രസംഗിച്ചു.

ഇന്ന് തിരുവോണം; ഉത്രാടപ്പാച്ചിലിൽ നാടും നഗരവും ഒന്നുപോലെ...

ചങ്ങനാശേരി: കാണം വിറ്റും ഓണം ഉണ്ണാനുള്ള തത്രപ്പാടിൽ ഉത്രാട ദിനം നാടും നഗരവും തിരക്കിലായി. മാവേലി മന്നനെ വരവേൽക്കുന്ന ചിങ്ങമാസത്തിലെ തിരുവോണം ഇന്ന്. ഓണക്കോടി വാങ്ങാൻ ജൗളിക്കടകളിൽ കുടുംബസമേതമാണ് ആളുകളെത്തിയത്. ഓണസദ്യക്കുള്ള വിഭവങ്ങൾ വാങ്ങാനെത്തിയവരുടെ തിരക്ക് പച്ചക്കറി, പല വ്യഞ്ജന കടകളിലും അനുഭവപ്പെട്ടു. തേങ്ങയുടെയും വെളിച്ചെണ്ണയുടെയും വിലപ്പെരുപ്പം ഓണാഘോഷത്തെ സാരമായി ബാധിച്ചു. മഴ മാറിത്തെളിഞ്ഞ ഇന്നലത്തെ കാലാവസ്ഥ വ്യാപാര മേഖലയ്ക്ക് ഉണർവ് പകർന്നു. സർക്കാരിന്‍റെ നേതൃത്വത്തിലുള്ള ഓണ വിപണികൾ സാധാരണക്കാരന് ആശ്വാസമായി. വിവിധ സംഘടനകളുടെ നേതൃത്വത്തിൽ ഒരാഴ്ചക്കാലമായി നടന്നുവരുന്ന ഓണാഘോഷങ്ങളും മാവേലിക്കുള്ള വരവേല്പായി.

കൊലപാതകം: സൂചനകൾ നൽകുന്നവർക്ക് പാരിതോഷികം

മൂന്നാർ: മൂന്നാർ സ്വദേശിയായ സെക്യൂരിറ്റി ജീവനക്കാരൻ കൊല്ലപ്പെട്ട സംഭവത്തെക്കുറിച്ച് രഹസ്യവിവരങ്ങൾ കൈമാറുന്നവർക്ക് അന്വേഷണസംഘം പാരിതോഷികം. 25,000 രൂപയാണ് പാരിതോഷികമായി പ്രഖ്യാപിച്ചിട്ടുള്ളത്. മൂന്നാർ ഡിവൈഎസ്പി നേതൃത്വം നൽകുന്ന അന്വേഷണസംഘമാണ് ഈ വിവരം അറിയിച്ചിട്ടുള്ളത്. വിവരങ്ങൾ മൂന്നാർ ഡിവൈഎസ്പിയുടെ 9497990060 എന്ന നന്പരിലേക്കോ ദേവികുളം സ്റ്റേഷൻ ഓഫീസർ 9497947169, മൂന്നാർ സബ് ഇൻസ്പെക്ടർ 9497975363 എന്നീ നന്പറുകളിലോ ബന്ധപ്പെടാം. വിവരങ്ങൾ നൽകുന്നവരുടെ വിവിരങ്ങൾ രഹസ്യമായി സൂക്ഷിക്കുമെന്ന് സംഘം അറിയിച്ചു. കഴിഞ്ഞ 18നാണ് ചൊക്കനാട് എസ്റേറ്റ് ഫാക്ടറിയിലെ സെക്യൂരിറ്റി ജീവനക്കാരനായ രാജപാണ്ടി ക്വാർട്ടേഴ്സിനുള്ളിൽ കൊല്ലപ്പെട്ട നിലയിൽ കണ്ടെത്തിയത്.

യുവജനങ്ങള്‍ക്കായി പ്രിവിലേജ് കാര്‍ഡ്

പാലാ: എസ്എംവൈഎം കെസിവൈഎം പാലാ രൂപത, പാലാ മാര്‍ സ്ലീവാ മെഡിസിറ്റിയുടെ സഹകരണത്തോടെ, പാലാ രൂപത യുവജനപ്രസ്ഥാനത്തില്‍ സജീവമായി പ്രവര്‍ത്തിക്കുന്ന യുവജനങ്ങള്‍ക്കായി യൂത്ത് പ്രിവിലേജ് കാര്‍ഡ് പുറത്തിറക്കി. പ്രിവിലേജ് കാര്‍ഡ് ബിഷപ് മാര്‍ ജോസഫ് കല്ലറങ്ങാട്ട് എസ്എംവൈഎം പാലാ രൂപതാ പ്രസിഡന്‍റ് അന്‍വിന്‍ സോണി ഓടച്ചുവട്ടിലിനു നല്‍കി ഉദ്ഘാടനം ചെയ്തു. രൂപതയുടെ പ്ലാറ്റിനം ജൂബിലിയോടനുബന്ധിച്ച് തുടക്കമിടുന്ന പ്രിവിലേജ് കാര്‍ഡുവഴി മെഡിസിറ്റിയിലെ സേവനങ്ങള്‍ക്ക് നിശ്ചിത ശതമാനം ഇളവുകള്‍ രൂപതയിലെ എണ്ണൂറോളം യുവജനങ്ങള്‍ക്ക് ലഭിക്കും. മാര്‍ സ്ലീവാ മെഡിസിറ്റി ഡയറക്ടര്‍ ഫാ. ഗര്‍വാസീസ് ആനിത്തോട്ടത്തില്‍, എസ്എംവൈഎം പാലാ രൂപതാ ഡയറക്ടര്‍ ഫാ. മാണി കൊഴുപ്പന്‍കുറ്റി, ജനറല്‍ സെക്രട്ടറി റോബിന്‍ ടി. ജോസ് താന്നിമല, ഓഫീസ് സെക്രട്ടറി ഡോണ്‍ ജോസഫ് സോണി എന്നിവര്‍ പ്രസംഗിച്ചു.

പൂകൃഷിയിൽ നൂറുമേനി വിളവുമായി കണ്ണങ്കേരിൽ രാജു

തലയോലപ്പറമ്പ്: പച്ചക്കറി കൃഷിയിൽ മികവ് തെളിയിച്ച കുലശേഖരമംഗലം കണ്ണങ്കേരിൽ രാജുവിന് പൂ കൃഷിയിലും നൂറുമേനി വിളവ്. വർഷങ്ങളായി പച്ചക്കറി കൃഷിയിൽ തുടച്ചയായി വിജയം കൊയ്യുന്ന രാജു പൂകൃഷിയിൽനിന്നു വരുമാനം ലഭിച്ചതോടെ പച്ചക്കറിക്കൊപ്പം ഏതാനും വർഷമായി പൂകൃഷിയും ചെയ്തു വരുന്നു. വിവിധയിനം ബന്ദിയും വാടാമല്ലിയും പൂത്തുലഞ്ഞു നിൽക്കുന്ന രാജുവിന്‍റഅ്രഎ പൂന്തോട്ടത്തിലേക്ക് ദൂരെസ്ഥലങ്ങളിൽ നിന്നും ആളുകൾ പൂക്കൾ വാങ്ങാൻ എത്തുന്നു. കാർഷികമേഖലയിലെ നേട്ടം കണക്കിലെടുത്ത് മറവൻതുരുത്ത് പഞ്ചായത്ത് കണ്ണങ്കേരി രാജുവിനെആദരിച്ചിരുന്നു.

കളഞ്ഞുകിട്ടിയ പണമടങ്ങിയ ബാഗ് ഉടമയ്ക്ക് നല്‍കി ഓട്ടോറിക്ഷാ ഡ്രൈവര്‍

പെരുവ: വഴിയില്‍ കിടന്നു കിട്ടിയ പണമടങ്ങിയ ബാഗ് ഉടമസ്ഥയ്ക്ക് തിരികെ നല്‍കി ഓട്ടോറിക്ഷാ ഡ്രൈവര്‍. പെരുവ കിഴക്കേ സ്റ്റാന്‍ഡിലെ ഓട്ടോ ഡ്രൈവര്‍ മണ്ണൂക്കുന്ന് ഓമറ്റത്തില്‍ എം.കെ. മനോഹരനാണ് 55,000 രൂപയും മൊബൈല്‍ ഫോണും രേഖകളുമടങ്ങിയ ബാഗ് വഴിയില്‍ കിടന്ന് ലഭിച്ചത്. 15 വര്‍ഷമായി പെരുവ സ്റ്റാന്‍ഡിലെ ഓട്ടോഡ്രൈവറാണ് മനോഹരന്‍. ബുധനാഴ്ച രാത്രി 7.30 ഓടെ വെള്ളൂര്‍ക്ക് ഓട്ടം പോയി പെരുവയിലേക്ക് മടങ്ങിവരുമ്പോഴാണ് വെള്ളൂര്‍ ഇഎസ്ഐ ആശുപത്രിക്കു സമീപം റോഡരികില്‍ കിടന്ന ബാഗ് ശ്രദ്ധയില്‍പ്പെട്ടത്. മനോഹരന്‍ ബാഗുമായി വെള്ളൂര്‍ പോലീസ് സ്റ്റേഷനില്‍ എത്തി. മൊബൈല്‍ തുറക്കാന്‍ പാസ്‌വേര്‍ഡ് അറിയില്ലാത്തതിനാല്‍ ആളെ കണ്ടെത്താന്‍ ബുദ്ധിമുട്ടായി. ഫോണിലേക്കു വന്ന കോള്‍ പോലീസ് അറ്റന്‍ഡ് ചെയ്ത് ആളെ മനസിലാക്കി. വെള്ളൂര്‍ പഞ്ചായത്തിലെ സിഡിഎസ് അക്കൗണ്ടന്‍റ് അവര്‍മ വാഴക്കാലക്കുഴിയില്‍ ഷിജി ഷാജിയുടേതായിരുന്നു ബാഗ്. ഷിജിയുടെ ശമ്പളവും ബോണസുമായി കിട്ടിയ 23,000 രൂപയും സിഡിഎസ് അംഗങ്ങള്‍ക്ക് വിതരണം ചെയ്യാനുള്ള പ്രത്യേക പാക്കറ്റുകളിലാക്കിയ ഓണറേറിയവും ഉള്‍പ്പെടെയുള്ള തുകയാണ് ബാഗിലുണ്ടായിരുന്നത്. വെള്ളൂര്‍ പോലീസ് സ്റ്റേഷനില്‍ എത്തിയ ഷിജിക്ക് എസ്ഐ സി.എന്‍. ഹര്‍ഷകുമാറിന്‍റെ സാന്നിധ്യത്തില്‍ ബാഗ് കൈമാറി.

മുത്തിയമ്മയെ തോളിലേറ്റി സാരഥികൾ

കുറവിലങ്ങാട്: വാഹനവെഞ്ചരിപ്പ് ദിനത്തിൽ മുത്തിയമ്മയ്ക്കരുകിലെത്തിച്ചത് ആയിരക്കണക്കിന് വാഹനങ്ങൾ. മുത്തിയമ്മയ്ക്കരുകിലെത്തിച്ച് വാഹനങ്ങൾ ആശീർവദിക്കുന്നതോടെ സുരക്ഷിതയാത്ര ഉറപ്പാണെന്ന് സാക്ഷ്യങ്ങൾ ഏറെയാണ്. ആശീർവദിച്ചശേഷം എല്ലാ വാഹനങ്ങൾക്കും മുത്തിയമ്മയുടെ ചിത്രമുള്ള സ്റ്റിക്കർ സമ്മാനിച്ചു. സ്റ്റിക്കർ മുത്തിയമ്മ സ്റ്റാളിൽ ലഭ്യമാക്കിയിട്ടുണ്ട്. ദേശത്തിരുനാളിൽ ടൗണിലെ വിവിധ ടാക്‌സി സ്റ്റാൻഡുകളിൽ കഴുന്ന് എത്തിച്ച് പരസ്യമായി പ്രതിഷ്ഠിച്ച് വിശുദ്ധന്‍റെ മധ്യസ്ഥത തേടുന്നതും നാടിന്‍റെ പതിവാണ്. വാഹനവെഞ്ചരിപ്പിന് പിന്നാലെ നടന്ന തിരുക്കർമങ്ങളിലും സാരഥിമാരുടെ സാന്നിധ്യം സജീവമായിരുന്നു. ജപമാല പ്രദക്ഷിണത്തിൽ മുത്തിയമ്മയുടെ തിരുസ്വരൂപം സംവഹിച്ചതും ടൗണിലെ സാരഥിമാരായിരുന്നു. സാരഥിമാർ കൂട്ടത്തോടെയെത്തി തിരുസ്വരൂപം സംവഹിക്കുന്നത് ഇതാദ്യമായാണ്.

പാലം പുതുക്കി നിര്‍മിക്കാന്‍ അനുമതി

കടുത്തുരുത്തി: ആയാംകുടി-എഴുമാന്തുരുത്ത് റോഡില്‍ മലപ്പുറം പള്ളിക്കും എഴുമാന്തുരുത്ത് ജംഗ്ഷനും ഇടയില്‍ തോടിനു കുറുകേയുള്ള ഇടുങ്ങിയ പാലം പുതുക്കി നിര്‍മിക്കാന്‍ അനുമതിയായി. മുട്ടുചിറ-വാലാച്ചിറ റെയില്‍വേ ഗേറ്റ്-ആയാംകുടി എഴുമാന്തുരുത്ത്-വടയാര്‍-വെള്ളൂര്‍-മുളക്കുളം റോഡിന്‍റെ വികസന പ്രവര്‍ത്തനങ്ങള്‍ പൂര്‍ത്തീകരിക്കുന്നതിന് 95 കോടി രൂപയുടെ പുതുക്കിയ പദ്ധതിക്ക് സംസ്ഥാന സര്‍ക്കാര്‍ അനുമതി നല്‍കിയിട്ടുണ്ട്. റോഡ് നിര്‍മാണ പദ്ധതിക്കൊപ്പമാണ് മാളിയേക്കല്‍ പാലം നിര്‍മാണവും ഉള്‍പ്പെടുത്തിയിരിക്കുന്നതെന്ന് മോന്‍സ് ജോസഫ് എംഎല്‍എ അറിയിച്ചു. റോഡ് നിര്‍മാണത്തിന് കരാര്‍ ഏറ്റെടുത്ത കമ്പനി പ്രവൃത്തി ഉപേക്ഷിച്ചതു മൂലം നിര്‍മാണ പ്രവര്‍ത്തനങ്ങള്‍ മുടങ്ങിയിരിക്കുകയായിരുന്നു. മാത്താംകരിയില്‍നിന്ന് എഴുമാന്തുരുത്തിലേക്കെത്തുന്ന തോടിനു കുറുകെയുള്ള മാളിയേക്കല്‍ പാലം പുനര്‍നിര്‍മിക്കുന്നതോടെ നീരൊഴുക്ക് വര്‍ധിക്കും. എഴുമാംകായലിലൂടെയും കരിയാറിലൂടെയും അപ്പര്‍ കുട്ടനാട് പ്രദേശങ്ങളിലൂടെ ഉയര്‍ന്നുവരുന്ന വെള്ളം സുഗമമായി ഒഴുകിപോകുന്നതിനൊപ്പം പോളയും പായലും ഇല്ലാതാകാനും സഹായകരമാകും. ടൂറിസത്തിനും കാര്‍ഷിക മേഖലയ്ക്കും ഗുണകരമാകുമെന്നും നാട്ടുകാര്‍ പറയുന്നു.

കളിമണ്ണിൽ ഓണത്തപ്പനെ മെനഞ്ഞ് ഓമനക്കുട്ടൻ

വൈക്കം: ഓണാഘോഷത്തിന്‍റെ രൂപവും ഭാവവും മാറിയിട്ടും ഓണപ്പൂക്കളത്തിനു ഗരിമ പകരാൻ പാരമ്പര്യത്തിന്‍റെ തനിമ പിന്തുടരുന്നവർക്കായി കളിമണ്ണിൽ ഓണത്തപ്പനെ മെനഞ്ഞ് തോട്ടകം ചിറയ്ക്കൽതാഴെ ഓമനക്കുട്ടൻ. പരമ്പരാഗതമായി മൺപാത്ര നിർമാണത്തിലേർപ്പെട്ടിരുന്ന മാതാപിതാക്കൾ മരണ മടഞ്ഞതോടെ ഓമനക്കുട്ടൻ ഓണത്തപ്പനും മൺചെരാതുകളും ഉണ്ടാക്കുകയായിരുന്നു. രണ്ടു മാസം മുന്പുതന്നെ കളിമണ്ണിൽ ഓണത്തപ്പനെയും തൃക്കാക്കരപ്പനെയും മെനഞ്ഞ് വില്പനയ്ക്ക് തയാറാക്കി. 30, 40, 50 രൂപ നിരക്കിലാണ് ഓണത്തപ്പനെ ഓമനക്കുട്ടൻ വിൽക്കുന്നത്. ഭാര്യ സതിക്കു പുറമേ കുടുംബത്തിലെ ഇളംമുറക്കാരനായ അക്ഷയും ഇക്കുറി ഓണത്തപ്പനെ ഉണ്ടാക്കുന്നതിന് സഹായിയായി വന്നതോടെ പാരമ്പര്യം കാക്കാൻ കുടുംബത്തിലൊരാൾ മുന്നോട്ടുവന്നതിന്‍റെ സന്തോഷത്തിലാണ് ഓമനക്കുട്ടൻ. വൈക്കം മഹാദേവ ക്ഷേത്രത്തിന്‍റെ പടിഞ്ഞാറേ നടയിൽ പതിവായി ഓണത്തപ്പൻ വില്പന നടത്തുന്നിടത്തുതന്നെ ഇക്കുറിയും ഓമനക്കുട്ടനുണ്ട്.

നീലംപേരൂരിൽ പടയണിദിനങ്ങൾ

പൂരം പടയണി 21ന് ചങ്ങനാശേരി: നീലംപേരൂര്‍ ഗ്രാമത്തിന് പൂരം പടയണി ഒരുക്കത്തിന്‍റെ താളമാര്‍ന്ന ദിനങ്ങള്‍. ഓണപ്പിറ്റേന്ന് അവിട്ടം നാളില്‍ രാത്രി 10ന് ചൂട്ടു വെളിച്ചത്തില്‍ പടയണി ഒരുക്കങ്ങള്‍ക്ക് തുടക്കമാകും. നീലംപേരൂര്‍ പള്ളിഭഗവതി ക്ഷേത്രത്തിലെ പൂരം പടയണി നാളെ ആരംഭിച്ച് 21ന് സമാപിക്കും. ഒരു ദേശത്തിന്‍റെ ഐശ്വര്യത്തിനായി ഗ്രാമമൊന്നാകെ നടത്തുന്ന അനുഷ്ഠാനമാണിത്. ഇത്തവണ പൂരം പടയണിക്ക് രണ്ട് വല്യന്നങ്ങള്‍ എഴുന്നള്ളും. ഒമ്പതേകാല്‍ കോലുള്ള വല്യന്നവും ഏഴേകാല്‍ കോലിന്‍റെ മറ്റൊരു വല്യന്നവുമാണ് എഴുന്നള്ളിക്കുന്നത്. പൂര്‍ണമായും ആഞ്ഞിലിത്തടിയിലാണ് ചട്ടക്കൂട് നിര്‍മിക്കുന്നത്. 2010നുശേഷം ആദ്യമായാണ് രണ്ടു വല്യന്നങ്ങള്‍ പടയണിയില്‍ എത്തുന്നത്. അഞ്ചേകാല്‍ കോല്‍ വലിപ്പമുള്ള ചെറിയ അമ്പത് അന്നങ്ങളും പടയണിയില്‍ അണിനിരക്കും. കൂടാതെ വിശ്വാസികള്‍ വഴിപാടായി സമര്‍പ്പിക്കുന്ന നിരവധി ചെറിയ അന്നങ്ങളും പടയണിയില്‍ ഉണ്ടാകും. നാളെ രാത്രി 10ന് പടയണിക്ക് തുടക്കംകുറിച്ച് ചൂട്ടുവയ്ക്കും. തുടര്‍ന്നുള്ള മൂന്നു ദിവസങ്ങളില്‍ ചൂട്ടു പടയണിയാണ് പടയണികളത്തില്‍ എത്തുന്നത്. 10ന് രാത്രി 10ന് പൂമരം, 11ന് രാത്രി 10ന് തട്ടുകുട, 12ന് രാത്രി 10ന് പാറാവളയം, 13ന് രാത്രി 10ന് കുടനിര്‍ത്ത്. കുടം പൂജകളിയും തോത്താ കളിയും പൂക്കുടകളുടെ എഴുന്നള്ളത്തും നടക്കും. 14ന് രാത്രി 10ന് പ്ലാവിലക്കോലങ്ങള്‍ക്ക് തുടക്കമാവും. ആദ്യം താപസക്കോലം എത്തും. 15ന് രാത്രി 10ന് ഐരാവതം, 16ന് ഹനുമാന്‍, 17ന് പ്ലാവില നിര്‍ത്ത്. തുടര്‍ന്ന് കുടുംപൂജകളിയും തോത്താ കളിയും പ്ലാവില കോലങ്ങളുടെ എഴുന്നള്ളത്തിനൊപ്പം ഭീമസേനനും പടയണി കളത്തിലെത്തും. 18നു രാത്രി 10ന് പിണ്ടിയും കുരുത്തോലയും ആരംഭിക്കും. തുടർന്ന് കൊടിക്കൂറ എഴുന്നള്ളിക്കും. 19നു രാത്രി കാവല്‍ പിശാച് എത്തും. വല്യന്നങ്ങളുടെ ചിറമ്പുകുത്ത് 20 മുതല്‍ 20നു രാവിലെ വല്യന്നങ്ങളെ അണിയിച്ചൊരുക്കുന്നതിനായുള്ള ചിറമ്പുകുത്ത് രാവിലെ ഒമ്പതിന് ക്ഷേത്ര പരിസരത്ത് ആരംഭിക്കും. രാത്രി 11ന് കുടം പൂജകളി തോത്താകളി, വേലകളി, വേലയന്നങ്ങളുടെയും അമ്പലക്കോട്ടയുടെയും എഴുന്നള്ളത്ത്. 21ന് രാവിലെ പടയണിക്കളത്തില്‍ വല്യന്നങ്ങളുടെ നിറപണികള്‍ ആരംഭിക്കും. രാത്രി എട്ടിന് പുത്തനന്നങ്ങളുടെ തേങ്ങാമുറിക്കല്‍, രാത്രി 10ന് കുടംപൂജകളി, 10.30ന് സര്‍വ പ്രായശ്ചിത്തം. ക്ഷേത്രം മേല്‍ശാന്തി ശങ്കരന്‍ നമ്പൂതിരി കാര്‍മികത്വം വഹിക്കും. ക്ഷേത്രം പ്രസിഡന്‍റ് പി.കെ. മനോജ് കുമാര്‍ അനുഞ്ജ വാങ്ങും. ഇതിനുശേഷം തോത്താകളി. രാത്രി 11ന് പുത്തനന്നങ്ങളുടെ തിരുനട സമര്‍പ്പണവും വല്യന്നങ്ങളുടെ ചെറിയ അന്നങ്ങളുടെയും എഴുന്നള്ളത്തും. ഭക്തര്‍ വഴിപാടായി സമര്‍പ്പിക്കുന്ന ചെറിയ അന്നങ്ങള്‍, കോലങ്ങള്‍, പൊയ്യാന, സിഹം എന്നിവയുടെ എഴുന്നള്ളത്തും നടക്കും.

കൃഷിമന്ത്രിയുടെ പ്രഖ്യാപനം നടപ്പായില്ല; കര്‍ഷകര്‍ കഞ്ഞിവച്ച് പ്രതിഷേധിച്ചു

കുറിച്ചി: നെല്ലുവില സര്‍ക്കാര്‍ നൽകാത്തതില്‍ പ്രതിഷേധിച്ച് നെല്‍കര്‍ഷക സംരക്ഷണ സമിതിയുടെയും പാടശേഖരങ്ങളുടെയും നേതൃത്വത്തില്‍ കുറിച്ചി മന്ദിരം കവലയില്‍ ഉത്രാടനാളില്‍ കഞ്ഞിവയ്ക്കലും കുമ്പിളില്‍ കഞ്ഞികുടിക്കലും നടത്തി. കേരള കോണ്‍ഗ്രസ് ഉന്നതാധികാര സമിതി അംഗം വി.ജെ. ലാലി ഉദ്ഘാടനം ചെയ്തു. കക്കുഴി പാടശേഖരസമിതി കണ്‍വീനര്‍ ഷമ്മി വിനോദിന്‍റെ അധ്യക്ഷത വഹിച്ചു. നെല്‍കര്‍ഷക സംരക്ഷണ സമിതി പ്രസിഡന്‍റ് റജീന അഷ്റഫ് മുഖ്യപ്രസംഗം നടത്തി. ജിക്കു കുര്യാക്കോസ്, സോണിച്ചന്‍ പുളിങ്കുന്ന്, പി.ആര്‍. സതീശന്‍, കെ.ബി. മോഹനന്‍, സന്തോഷ് പറമ്പിശേരി, ആര്‍. രാജഗോപാല്‍, എന്‍.കെ. ബിജു, ഡോ. വിനു, മാത്യൂസ് കോട്ടയം, അഭിഷേക് ബിജു, ഷിബു എഴെപുഞ്ചയില്‍ തുടങ്ങിയവര്‍ പ്രസംഗിച്ചു.

ഒത്തൊരുമയിൽ ഒരുങ്ങി അകലക്കുന്നം പഞ്ചായത്ത് ഓഫീസിലെ ഓണസദ്യ

അകലക്കുന്നം: എല്ലാ ഗ്രാമപഞ്ചായത്തുകളും ഓണമാഘോഷിച്ചപ്പോള്‍ വേറിട്ട രീതിയില്‍ ഓണമാഘോഷിച്ച്‌ അകലക്കുന്നം പഞ്ചായത്ത്‌. ഇത്തവണത്തെ ഓണസദ്യ സ്വന്തം കൈകൊണ്ട്‌ ഉണ്ടാക്കിയാലോ എന്ന ആശയം വന്നു. പഞ്ചയത്ത്‌ വൈസ്‌ പ്രസിഡന്‍റ് മാത്തുക്കുട്ടി ഞായര്‍കുളമാണ് ഈ ആശയം മുന്നോട്ടു വച്ചത്. പഞ്ചായത്ത്‌ കമ്മിറ്റിയില്‍ അവതരിപ്പിച്ചപ്പോള്‍ എല്ലാവർക്കും സന്തോഷം. രാഷ്‌ട്രീയ വേർതിരിവില്ലാതെ പഞ്ചായത്തംഗങ്ങ ൾ ഒത്തുചേര്‍ന്ന്‌ ഓണസദ്യ ഉണ്ടാക്കാന്‍ തീരുമാനിച്ചു. മെംബര്‍മാരും പഞ്ചായത്ത്‌ കെട്ടിടത്തിലെ കൃഷിഭവൻ ഉദ്യോഗസ്ഥരുമുള്‍പ്പെടെ നൂറിലേറെ പേര്‍ സദ്യ കഴിച്ച ശേഷം പഞ്ചായത്ത്‌ പ്രസിഡന്‍റ് സിന്ധു അനില്‍കുമാറിനും മറ്റ്‌ മെംബര്‍മാര്‍ക്കും നന്ദി അറിയിച്ചു.

ദൈവമാതാവിന്‍റെ ജീവിതം ഉള്‍ക്കൊള്ളാന്‍ സാധിക്കണം: ഐസക് മാര്‍ ഒസ്താത്തിയോസ്

മണര്‍കാട്: എട്ടുനോമ്പ് ആചരണത്തിലൂടെ പരിശുദ്ധ ദൈവമാതാവിന്‍റെ ജീവിത മഹത്വത്തെ ഉള്‍ക്കൊണ്ടു ജീവിക്കാന്‍ വിശ്വാസികള്‍ക്ക് സാധിക്കണമെന്ന് മൈലാപ്പൂര്‍, ബാംഗ്ലൂര്‍, യുകെ ഭദ്രാസനാധിപന്‍ ഐസക് മാര്‍ ഒസ്താത്തിയോസ്. കന്യകമറിയത്തെ ദൈവം കൂടുതല്‍ സ്‌നേഹിക്കാന്‍ കാരണം അവളുടെ വിശുദ്ധിയാണ്. അതുകൊണ്ട് പെരുന്നാളിന്‍റെ ദിവസങ്ങളില്‍ ജീവിതത്തില്‍ വിശുദ്ധിയുടെ അനുഭവത്തിലൂടെ കടന്നുപോകാന്‍ സാധ്യമാകണം. അനുസരണം നഷ്ടപ്പെടുന്ന ഈ കാലത്ത് മാതാവിനെപോലെ ദൈവത്തെ അനുസരിച്ച് പ്രാര്‍ഥനയോടെ ജീവിക്കാന്‍ വിശ്വാസികള്‍ക്ക് സാധിക്കണമെന്നും അദ്ദേഹം പറഞ്ഞു. മണര്‍കാട് സെന്‍റ് മേരീസ് യാക്കോബായ സുറിയാനി കത്തീഡ്രലിലെ എട്ടുനോമ്പ് പെരുന്നാളിന്‍റെ നാലാം ദിനം കത്തീഡ്രലില്‍ വിശുദ്ധ മൂന്നിന്മേല്‍ കുര്‍ബാനയ്ക്കു ശേഷം വചനസന്ദേശം നല്‍കുകയായിരുന്നു അദ്ദേഹം. ഫാ. അഭിലാഷ് ഏബ്രഹാം വലിയവീട്ടില്‍ ധ്യാനപ്രസംഗം നടത്തി. മണര്‍കാട് പള്ളിയിൽ ഇന്ന് കരോട്ടെ പള്ളിയില്‍ രാവിലെ ആറിന് വിശുദ്ധ കുര്‍ബാന. കത്തീഡ്രലില്‍ രാവിലെ 7.30ന് പ്രഭാത പ്രാര്‍ഥന. 8.30ന് വിശുദ്ധ മൂന്നിന്മേല്‍ കുര്‍ബാന: പൗരസ്ത്യ സുവിശേഷം സമാജം മെത്രാപ്പോലീത്ത മര്‍ക്കോസ് മാര്‍ ക്രിസോസ്റ്റമോസിന്‍റെ മുഖ്യകാര്‍മികത്വത്തില്‍. രാവിലെ 11ന് പ്രസംഗം: മര്‍ക്കോസ് മാര്‍ ക്രിസോസ്റ്റമോസ്. ഉച്ചയ്ക്ക് 12ന് മധ്യാഹ്ന പ്രാര്‍ഥന. ഉച്ചകഴിഞ്ഞ് 2.30ന് പ്രസംഗം: കുറിയാക്കോസ് കോര്‍എപ്പിസ്‌കോപ്പാ മണലേല്‍ച്ചിറ. വൈകുന്നേരം അഞ്ചിന് സന്ധ്യാപ്രാര്‍ഥന. ആറിന് ധ്യാനശുശ്രൂഷ: എംഎസ്ഒടി സെമിനാരി ഗോസ്പല്‍ ടീമിന്‍റെ ആഭിമുഖ്യത്തില്‍. ഏഴിന് ധ്യാനപ്രസംഗം - ഡോ. കുറിയാക്കോസ് മാര്‍ തെയോഫിലോസ്. മണര്‍കാട് പള്ളിയിൽ നാളെ കരോട്ടെ പള്ളിയില്‍ രാവിലെ ആറിന് വിശുദ്ധ കുര്‍ബാന. കത്തീഡ്രലില്‍ രാവിലെ 7.30ന് പ്രഭാത പ്രാര്‍ഥന. 8.30ന് വിശുദ്ധ അഞ്ചിന്മേല്‍ കുര്‍ബാന: യൂറോപ്പ് ഭദ്രാസനാധിപനും എംഎസ്ഒടി സെമിനാരി റെസിഡന്‍റ് മെത്രാപ്പോലീത്തയുമായ കുറിയാക്കോസ് മാര്‍ തെയോഫിലോസിന്‍റെ മുഖ്യകാര്‍മികത്വത്തില്‍. 11.30ന് മധ്യാഹ്ന പ്രാര്‍ഥന. 12ന് റാസയ്ക്കുള്ള മുത്തുക്കുട വിതരണം. ഉച്ചകഴിഞ്ഞ് രണ്ടിന് കുരിശുപള്ളികളിലേക്കുള്ള ഭക്തിനിര്‍ഭരവും വര്‍ണാഭവുമായ റാസ. വൈകുന്നേരം അഞ്ചിന് സന്ധ്യാപ്രാര്‍ഥന.

കവണാറ്റിൻകര ജലമേള നാളെ

കുമരകം: കായൽ ടൂറിസത്തിന് അന്താരാഷ്‌ട്ര പ്രശസ്‌തി നേടിയിട്ടുള്ള കുമരകത്തെ കവണാറ്റിൻകര ടൂറിസം ജലമേള വിരിപ്പുകാല ശ്രീനാരായണ ബോട്ട് ക്ലബ്ബിന്‍റെ ആഭിമുഖ്യത്തിൽ നാളെ മൂന്നിന് കവണാറ്റിൽ നടത്തും. 20 കളിവള്ളങ്ങൾ മത്സരത്തിൽ മാറ്റുരയ്ക്കും. ഉച്ചകഴിഞ്ഞ് രണ്ടിന് ശ്രീശക്തീശ്വരം ക്ഷേത്രക്കടവിൽ നിന്നാരംഭിക്കുന്ന ജലഘോഷയാത്ര മത്സരവേദിയിൽ എത്തിച്ചേരുമ്പോൾ മന്ത്രി വി.എൻ. വാസവൻ സമ്മേളനം ഉദ്ഘാടനം ചെയ്യും. മുഖ്യാതിഥി ബിഇഎംഎൽ ഡയറക്‌ടർ ഡോ. എം.വി. നടേശനെ മന്ത്രി ആദരിക്കും. ഫ്രാൻസിസ് ജോർജ് എംപി വള്ളംകളി ഉദ്ഘാടനം ചെയ്യും.

വീട് നഷ്ടപ്പെട്ട കുടുംബത്തിന് ഓണസമ്മാനമായി പുതിയ വീട്

ചങ്ങനാശേരി: തീപിടിത്തത്തില്‍ വീടും സാധനങ്ങളും പൂര്‍ണമായി നഷ്ടപ്പെട്ട നീണ്ടൂരിലെ കുടുംബത്തിന് ഓണസമ്മാനമായി പുതിയ വീട് നിർമിച്ചു നല്‍കി. സര്‍ഗക്ഷേത്ര സീനിയര്‍ സിറ്റിസണ്‍സ് ഫോറവും ഡോ. ജോര്‍ജ് പടനിലം ഫൗണ്ടേഷന്‍ ട്രസ്റ്റും റീബില്‍ഡ് പ്രോജക്റ്റ് പദ്ധതിയിലൂടെ പുനര്‍നിര്‍മിച്ച ഭവനത്തിന്‍റെ താക്കോല്‍ദാനം മന്ത്രി വി.എന്‍. വാസവന്‍ നിര്‍വഹിച്ചു. തീപിടിത്തത്തില്‍ വീടും സാധനസാമഗ്രികളും പൂര്‍ണമായി കത്തിനശിച്ച തങ്കമ്മ പ്രകാശന്‍റെയും കുടുംബത്തിന്‍റെയും ദുരിതമറിഞ്ഞാണ് സര്‍ഗക്ഷേത്ര സീനിയര്‍ സിറ്റിസണ്‍സ് ഫോറം, ഡോ. ജോര്‍ജ് പടനിലം ഫൗണ്ടേഷന്‍ ട്രസ്റ്റ്, എസ്ബി കോളജ് എന്‍എസ്എസ് യൂണിറ്റ്, ചെത്തിപ്പുഴ ക്രിസ്തു ജ്യോതി കോളജ്, കൈപ്പുഴ സര്‍വീസ് സഹകരണ ബാങ്ക്, നീണ്ടൂര്‍ സഹകരണ ബാങ്ക്, സര്‍ഗക്ഷേത്ര 89.6 എഫ്എം എന്നിവയുടെയെല്ലാം സഹകരണത്തോടെ പദ്ധതി നടപ്പാക്കിയത്. എംജി യൂണിവേഴ്‌സിറ്റി എന്‍എസ്എസ് പ്രോഗ്രാം കോ-ഓര്‍ഡിനേറ്റര്‍ ഡോ. ഇ.എന്‍. ശിവദാസന്‍, സിന്‍ഡിക്കേറ്റംഗം പ്രഫ. ബിജു തോമസ്, നീണ്ടൂര്‍ പഞ്ചായത്ത് പ്രസിഡന്‍റ് വി.കെ. പ്രദീപ് എന്നിവർ മുഖ്യാതിഥികളായിരുന്നു. ഫാ. ജയിംസ് മുല്ലശേരി, ഡോ. ജോര്‍ജ് പടനിലം എന്നിവര്‍ ചേര്‍ന്ന് കുടുംബത്തി എന്നിവര്‍ പ്രസംഗിച്ചു. സര്‍ഗക്ഷേത്ര 89.6 എഫ്.എം. മാനേജിംഗ് ഡയറക്ടര്‍ ഫാ.അലക്‌സ് പ്രായിക്കളം, സ്റ്റേഷന്‍ ഡയറക്ടര്‍ ഫാ. സിജോ ചേന്നിനാടന്‍, സര്‍ഗക്ഷേത്ര സെക്രട്ടറി വര്‍ഗീസ് ആന്‍റണി എന്നിവര്‍ പ്രസംഗിച്ചു.

നാളെ ഗതാഗതനിയന്ത്രണം

മണർകാട്: മണര്‍കാട് കത്തീഡ്രലിലെ റാസയോടനുബന്ധിച്ച് നാളെ രാവിലെ 10.30 മുതല്‍ പോലീസ് ഏര്‍പ്പെടുത്തിയിരിക്കുന്ന ഗതാഗതനിയന്ത്രണം എന്‍എച്ച് 183ല്‍ പാമ്പാടി ഭാഗത്തുനിന്നും കോട്ടയം ഭാഗത്തേക്ക് പോകുന്ന വാഹനങ്ങള്‍ എരുമപ്പെട്ടി ജംഗ്ഷനില്‍നിന്നും ഇടത്തേക്ക് തിരിഞ്ഞ് കാട്ടില്‍പടി, കാഞ്ഞിരത്തുംമൂട്, പൂമറ്റം വഴി മന്ദിരം ഭാഗത്തെത്തിയശേഷം കഞ്ഞിക്കുഴി വഴി കോട്ടയത്തേക്കു പോകാം. കോട്ടയം ഭാഗത്തുനിന്നും പാമ്പാടി ഭാഗത്തേക്ക് പോകുന്ന വാഹനങ്ങള്‍ക്ക് എന്‍എച്ച് 183ല്‍ റോഡിലൂടെ പോകാം. അയര്‍ക്കുന്നം ഭാഗത്തുനിന്നു കോട്ടയം ഭാഗത്തേക്കു പോകുന്ന വാഹനങ്ങള്‍ മാലം പാലം ഭാഗത്തുനിന്നു തിരിഞ്ഞ് ടവര്‍ ജംഗ്ഷന്‍ വഴി അങ്ങാടിവയലില്‍ എത്തിയശേഷം വലത്തേക്കു തിരിഞ്ഞ് എരുമപ്പെട്ടി വഴി കോട്ടയത്തിനു പോകാം. ബസുകള്‍ മാലം പാലം ജംഗ്ഷനില്‍നിന്നു നേരേ കാവുംപടി വഴി മണര്‍കാട് പള്ളിക്ക് സമീപത്തുള്ള ബസ്‌സ്റ്റാന്‍ഡില്‍ വന്ന് ആളെ ഇറക്കിയശേഷം വീണ്ടും മാലം പാലം ഭാഗത്തെത്തി വലത്തേക്ക് തിരിഞ്ഞ് ടവര്‍ ജംഗ്ഷന്‍ വഴി അങ്ങാടി വയല്‍ ജംഗ്ഷനിലെത്തി എരുമപ്പെട്ടി വഴി കോട്ടയത്തിനു പോകാം പുതുപ്പള്ളി റോഡ് ജംഗ്ഷനില്‍ തിരക്ക് കുറയുന്ന മുറയ്ക്കു പുതുപ്പള്ളി റോഡ് ജംഗ്ഷനില്‍ എത്തി ഇടത്തേക്ക് തിരിഞ്ഞു തലപ്പാടി വഴി മാധവന്‍പടി എത്തി കോട്ടയത്തേക്ക് ബസുകള്‍ക്ക് പോകാം. തിരുവഞ്ചൂര്‍ ഭാഗത്തുനിന്നു കോട്ടയം പുതുപ്പള്ളി ഭാഗത്തേക്ക് പോകേണ്ട വാഹനങ്ങള്‍ തിരുവഞ്ചൂര്‍ കുരിശുപള്ളി ജംഗ്ഷനില്‍നിന്നു വലത്തേക്കു തിരിഞ്ഞ് മോസ്‌കോ ജംഗ്ഷനില്‍ എത്തി ഇടത്തേക്ക് തിരിഞ്ഞ് മില്‍മ വടവാതൂര്‍, കളത്തിപ്പടി വഴി പുതുപ്പള്ളിക്ക് പോകാം. ഏറ്റുമാനൂര്‍ ഭാഗത്തുനിന്നു പുതുപ്പള്ളി ഭാഗത്തേക്ക് പോകേണ്ട വാഹനങ്ങള്‍ തിരുവഞ്ചൂര്‍ ജംഗ്ഷനില്‍നിന്ന് ഇടത്തോട്ട് തിരിഞ്ഞ് അയര്‍ക്കുന്നത്തെത്തി മാലം, അങ്ങാടിവയല്‍, എരുമപ്പെട്ടി, കാട്ടില്‍ പടി, കാഞ്ഞിരത്തിന്‍ മൂട് ജംഗ്ഷന്‍ വഴി പുതപ്പള്ളിക്ക് പോകാം. പുതുപ്പള്ളി ഭാഗത്തുനിന്നു തിരുവഞ്ചൂര്‍ ഭാഗത്തേക്ക് പോകേണ്ട വാഹനങ്ങള്‍ തലപ്പാടി ജംഗ്ഷനിലെത്തി ഇടത്തേക്ക് തിരിഞ്ഞ് മാധവന്‍ പടിയിലെത്തി വടവാതൂര്‍ മില്‍മ ജംഗ്ഷനില്‍നിന്നും വലത്തേക്ക് തിരിഞ്ഞു മോസ്‌കോ ജംഗ്ഷന്‍ വഴി തിരുവഞ്ചൂര്‍ കുരിശുപള്ളി ജംഗ്ഷനില്‍ എത്തി ഇടത്തേക്കു തിരിഞ്ഞു പോകാം. പുതുപ്പളളി ഭാഗത്തുനിന്നു മണര്‍കാട് പള്ളിയിലക്ക് വരുന്ന വാഹനങ്ങള്‍ തലപ്പാടി ജംഗ്ഷനില്‍നിന്നും തിരിഞ്ഞ് മാധവന്‍ പടിയില്‍ എത്തിയശേഷം എന്‍എച്ച് 183 വഴി പഴയ കെകെ റോഡ് എത്തി കിഴക്കേടത്ത് പടി കാവുംപടി വഴി പള്ളിയിലേക്ക് പോകാം. പാമ്പാടി ഭാഗത്തുനിന്നും മണര്‍കാട് പള്ളി ഭാഗത്തേക്ക് വരുന്ന വാഹനങ്ങള്‍ കുറ്റിയക്കുന്നിലെത്തി കിഴക്കേടത്ത് പടി, കാവുംപടി വഴി പള്ളിയിലേക്കു പോകാം.

മണര്‍കാട് ആശുപത്രിയിൽ ഡയാലിസിസ് സെന്‍ററും ജീറിയാട്രിക് ബ്ലോക്കും ഉദ്ഘാടനം ചെയ്തു

മണര്‍കാട്: മണര്‍കാട് സെന്‍റ് മേരീസ് യാക്കോബായ സുറിയാനി കത്തീഡ്രലിലെ എട്ടുനോമ്പ് പെരുന്നാളിനോട് അനുബന്ധിച്ചുള്ള പൊതുസമ്മേളനവും സെന്‍റ് മേരീസ് ഹോസ്പിറ്റലിലെ ഡയാലിസിസ് സെന്‍ററിന്‍റെ പുതിയ കെട്ടിടത്തിന്‍റെ ഉദ്ഘാടനവും മന്ത്രി വി.എന്‍. വാസവന്‍ നിർവഹിച്ചു. സുന്നഹദോസ് സെക്രട്ടറിയും കോട്ടയം ഭദ്രാസനാധിപനുമായ ഡോ. തോമസ് മാര്‍ തീമോത്തിയോസ് അധ്യക്ഷത വഹിച്ച യോഗത്തില്‍ കത്തീഡ്രല്‍ സെക്രട്ടറി പി.എ. ചെറിയാന്‍ പാണാപറമ്പില്‍ റിപ്പോര്‍ട്ട് അവതരിപ്പിച്ചു. കാഞ്ഞിരപ്പള്ളി ബിഷപ് മാര്‍ ജോസ് പുളിക്കല്‍ അനുഗ്രഹ പ്രഭാഷണം നടത്തി. കത്തീഡ്രല്‍ സഹവികാരി ജെ. മാത്യു മണവത്ത് കോര്‍എപ്പിസ്‌കോപ്പായെ ഡോ. കുറിയാക്കോസ് മാര്‍ തെയോഫിലോസ് ഉപഹാരം നല്‍കി ആദരിച്ചു. സെന്‍റ് മേരീസ് ഹോസ്പിറ്റലിലെ ജീറിയാട്രിക് ഡിപ്പാര്‍ട്ട്മെന്‍റിന്‍റെ പുതിയ ബ്ലോക്കിന്‍റെ ഉദ്ഘാടനം ഫ്രാന്‍സിസ് ജോര്‍ജ് എംപിയും സെന്‍റ് മേരീസ് സണ്‍ഡേ സ്‌കൂളുകളുടെ സ്മാര്‍ട് ക്ലാസ് ഉദ്ഘാടനം ചാണ്ടി ഉമ്മന്‍ എംഎല്‍എയും നിര്‍വഹിച്ചു.

ചാമ്പ്യൻസ് ബോട്ട് ലീഗ് അനിശ്ചിതത്വത്തിൽ

പങ്കെടുക്കാൻ കഴിയുന്ന വള്ളങ്ങളുടെ കാര്യത്തിലും മത്സരങ്ങളുടെ എണ്ണത്തിലും അവ്യക്തത കുമരകം: ഈ വർഷത്തെ ചാമ്പ്യൻസ് ബോട്ട് ലീഗ് എന്നു തുടങ്ങുമെന്നും ഏതൊക്കെ ചുണ്ടൻ വള്ളങ്ങൾക്കാണ് പങ്കെടുക്കാൻ കഴിയുകയെന്നതിലും എത്ര സിബിഎൽ മത്സരങ്ങളാണ് നടത്തുക എന്നതിലും അവ്യക്തത തുടരുന്നു. നെഹ്റു ട്രാേഫി ഉദ്ഘാടന സമ്മേളനത്തിൽ സിബിഎൽ ആലപ്പുഴയിൽനിന്നു തുടങ്ങുമെന്നു മന്ത്രി പി.എ. മുഹമ്മദ് റിയാസ് പറഞ്ഞിരുന്നു. സെപ്റ്റംബർ മൂന്നാം ആഴ്ചയോടെ വടക്കൻ കേരളത്തിലെ ചെറുവള്ളങ്ങളുടെ മത്സരത്തോടെ സി ബിഎൽ ആരംഭിക്കാനും നീക്കം നടന്നിരുന്നു. മുൻവർഷങ്ങളിൽ നെഹ്റു ട്രോഫിയിൽ ആദ്യ ഒമ്പതു സ്ഥാനങ്ങളിൽ എത്തുന്ന ചുണ്ടനുകളായിരുന്നു മത്സരിച്ചിരുന്നത്. ഇത്തവണ എത്ര ചുണ്ടൻ വള്ളങ്ങളെ മത്സരിപ്പിക്കുമെന്ന അറിയിപ്പുണ്ടായിട്ടില്ല. നെഹ്റു ട്രോഫിയിൽ ഒന്നാം സ്ഥാനം മാത്രമാണു പ്രഖ്യാപിച്ചിട്ടുള്ളത്. രണ്ടു മുതൽ നാലു വരെയുള്ള സ്ഥാനക്കാർ ആരൊക്കെയാണെന്നത് തർക്കം മൂലം പ്രഖ്യാപിച്ചിട്ടില്ല. ലൂസേഴ്സ‌് ഫൈനലിൽ യുബിസിയുടെ തലവടി ചുണ്ടൻ പങ്കെടുത്തിരുന്നുമില്ല. ഒരു ചുണ്ടനിൽ 25 ശതമാനത്തിലധികം അന്യസംസ്ഥാന തുഴച്ചിൽ താരങ്ങളുണ്ടായിരുന്നു എന്നതാണ് പ്രധാന ആരോപണം.നെഹ്റു ട്രോഫിയുടെ പൂർണ ഫലപ്രഖ്യാപനം എന്നുണ്ടാകുമെന്നതിൽപോലും വ്യക്തതയില്ല. മൂന്നു മാസം വരെ നിയമപരമായി സാവകാശമുണ്ടെന്നാണ് വിശദീകരണം. പ്രശ്ന‌ പരിഹാരം നീളുന്നതു സിബിഎലും വൈകിക്കുമെന്നാണ് ക്ലബ്ബുകൾ പറയുന്നത്. 11 മത്സരങ്ങളായിരുന്നു സിബിഎലിൽ ഉണ്ടായിരുന്നത്. എന്നാൽ, പ്രകൃതി ദുരന്തത്തെത്തുടർന്ന് കഴിഞ്ഞവർഷം ആറു മത്സരങ്ങളാണ് നടത്തിയത്. ഇക്കുറി എത്ര മത്സരങ്ങൾ ഉണ്ടാകുമെമെന്നോ ഏതു സ്ഥലങ്ങളിലായിരിക്കുമെന്നോ ഒരു നിശ്ചയവുമില്ല. സിബിഎൽ യോഗ്യതയുള്ള ചുണ്ടൻ തുഴയുന്ന ക്ലബ്ബുകളുടെ ക്യാമ്പ് മാത്രമേ തുടരേണ്ടതുള്ളൂ. മത്സരങ്ങൾ ഇല്ലാത്ത വള്ളങ്ങൾ കരയിൽ കയറ്റുകയും ചെയ്യേണ്ടതുണ്ട്. സിബിഎലിന്‍റെ അവ്യക്തത ഉടൻ പരിഹരിക്കണമെന്നാണ് ക്ലബ്ബുകളുടെ ആവശ്യം.

വിജയരാഘവന് അവാര്‍ഡുകളുടെ പൂക്കാലം, ആദരവുകളുടെ പെരുമഴക്കാലം

ജോമി കുര്യാക്കോസ് നാല്‍പ്പതുകാരനായും എണ്‍പതുകാരനായും അനായാസം ഭാവവിസ്മയങ്ങള്‍ കാഴ്ചവയ്ക്കുന്ന കോട്ടയം അയ്മനംകാരുടെ കുട്ടന്‍ എന്ന വിജയരാഘവന് ഈ ഓണം സ്‌പെഷലാണ്. ഇരുത്തം വന്ന അഭിനയ ചാരുതയില്‍ ദേശീയ, സംസ്ഥാന അവാര്‍ഡുകള്‍ സ്വന്തമാക്കിയ വിജയരാഘവന് അഭിനന്ദന പ്രവാഹം തുടരുകയാണ്. തൊടിയിലെ പൂക്കള്‍ പറിച്ചും വേലിയിലെ കായകള്‍ പറിച്ചും വീട്ടങ്കണത്തിലെ വിശ്വകേരള നാടകക്കളരിയില്‍ അച്ഛന്‍ എന്‍.എന്‍. പിള്ളയെന്ന നടനകുലപതിക്കൊപ്പം അത്തംമുതല്‍ തിരുവോണംവരെ പൂക്കളമിട്ടിരുന്ന ബാല്യം മനസില്‍ ഊഞ്ഞാലാടുന്നുണ്ട്. അച്ഛന്‍, അപ്പച്ചി, പ്രതിഭാധനരായ നടീനടന്‍മാര്‍ എന്നിവരൊക്കെ ആടിപ്പാടിയ അടിപൊളി ഓണങ്ങള്‍. പൊന്നോണവിശേഷങ്ങള്‍ ദീപികയോട് വിജയരാഘവന്‍ പങ്കുവയ്ക്കുന്നു. അച്ഛന്‍ എന്ന വലിയ തണല്‍ എന്‍.എന്‍. പിള്ളയെന്ന കൂറ്റൻ ആല്‍മരത്തണലിലാണ് ഞാന്‍ വളര്‍ന്നത്. അച്ഛനും അപ്പച്ചിയും വേദികളില്‍നിന്നു വേദികളിലേക്ക് ഓടുന്ന കാലമാണ്. എത്ര തിരക്കുണ്ടെങ്കിലും അച്ഛനൊപ്പം ഓണം ആഘോഷിക്കുന്നതില്‍ വിട്ടുവീഴ്ചയുണ്ടായിട്ടില്ല. എന്നാല്‍ സിനിമയിലെത്തിയതോടെ പലപ്പോഴും ഷൂട്ടിംഗ് സെറ്റുകളിലായി ഓണം. ഷൂട്ടിംഗ് ഇല്ലെങ്കില്‍ കുടുംബത്തോടൊപ്പം കഴിയാനാണ് ആഗ്രഹം. ആ വേളയില്‍ അയ്മനം ഡയനീഷ്യയില്‍ വിജയരാഘവന്‍ വീട്ടുകാരുടെയും നാട്ടുകാരുടെയും കുട്ടനായി മാറും. 1969ല്‍ എന്‍.എന്‍. പിള്ള നിര്‍മിച്ച വീടാണ് ഡയനീഷ്യ. എന്‍.എന്‍. പിള്ളയുടെയുടെയും നടി ചിന്നമ്മയുടെയും മകനായി 1951 ഡിസംബര്‍ 20നു മലേഷ്യയിലെ ക്വലാലംപൂരിലാണ് വിജയരാഘവന്‍ ജനിച്ചത്. എന്‍.എന്‍. പിള്ളയ്ക്ക് അക്കാലത്ത് അവിടെയായിരുന്നു ജോലി. നാട്ടിലെത്തി നാടകത്തെ പ്രണയിച്ച എന്‍.എന്‍. പിള്ളയുടെ വിശ്വകേരള കലാസമിതിയിലൂടെയാണ് ഞാനും അഭിനയത്തിലേക്ക് ചുവടുവച്ചത്. എനിക്ക് ഏറ്റവും അടുപ്പമുള്ള കൂട്ടുകാരനായിരുന്നു അച്ഛന്‍. വീട്ടിലെ സിനിമാ ചര്‍ച്ചകളില്‍ ഭാര്യമുതല്‍ കൊച്ചുമക്കള്‍വരെ അഭിപ്രായം പറയും. അതില്‍ വിമര്‍ശനം കാണും, അഭിനന്ദനവും കാണും. അഭിനയം ജീവനും ജീവിതവും 1962 മുതല്‍ 1987 വരെ കുടുംബമൊന്നാകെ നാടകത്തില്‍ സജീവമായിരുന്നു. സിനിമയിലെ അച്ഛനെയല്ല നാടകത്തില്‍ കാണാനാകുക. നാടകം അതിന്‍റെ യഥാര്‍ഥ അവസ്ഥയിലൂടെ കടന്നുവരുന്നതാണ്. തിന്മകളെയും തെറ്റുകളെയും അച്ഛന്‍ നിശിതമായി വിമര്‍ശിച്ചിരുന്നു. നാടകമെന്ന കലാരൂപത്തിന് ആത്മസമര്‍പ്പണം കൂടുതല്‍ വേണം. അമ്മയുടെ വിയോഗശേഷം അന്നുതന്നെ നാടകത്തില്‍ അഭിനയിക്കേണ്ട സാഹചര്യം അച്ഛനുണ്ടായി. നാടകത്തില്‍ കര്‍ക്കശക്കാരനായിരുന്നെങ്കിലും കുടുംബത്തില്‍ അദ്ദേഹം അങ്ങനെയായിരുന്നില്ല. നേതാജിയുടെ ഇന്ത്യന്‍ നാഷണല്‍ ആര്‍മിയില്‍ ഫീല്‍ഡ് ഓഫീസറായിരുന്നു മുന്‍പ് അച്ഛന്‍. അക്കാലത്ത് അച്ഛനെ പോലീസ് പിടിച്ചുകൊണ്ടുപോയിട്ടുണ്ട്. തിരിച്ചെത്തിയ അച്ഛന്‍ നാടകത്തില്‍ സജീവമായി. സിനിമയുടെ തിരക്കിലും നാടകം കൈവിടാന്‍ അച്ഛനൊരുക്കമായിരുന്നില്ല. എനിക്ക് സിനിമയില്‍ ഏതു റോള്‍ ചെയ്യേണ്ടിവന്നാലും അച്ഛന്‍ പകര്‍ന്ന ആത്മബലം കരുത്തായി മാറും. ഞാന്‍ അഭിനയിക്കാനായി മാത്രം ജനിച്ചതാണ്. മറ്റൊരു ജോലിയും ചെയ്യാനാകുമെന്നു തോന്നുന്നില്ല. പ്രേക്ഷകരുടെ ആദരവും അംഗീകാരവും നഷ്ടപ്പെടാതിരുന്നാല്‍ മതി. അന്‍പത് വര്‍ഷം പ്രേക്ഷകരുടെ ആദരം നേടാനായത് ആ കരുത്തിലാണ്. നാടകത്തില്‍ ബാലതാരമായിട്ടായിരുന്നു അരങ്ങേറ്റം. സിനിമയിലേക്കുള്ള ചുവട് നാടകവേദിയില്‍ അപ്പച്ചി അഥവാ എന്‍.എന്‍. പിള്ളയുടെ സഹോദരി കെ.ജി. ഓമനയുടെ അഭിനയം എന്നെ വിസ്മയിപ്പിച്ചിട്ടുണ്ട്. നൊടിയിടെയാണ് കഥാപാത്രത്തിലേക്കുള്ള അപ്പച്ചിയുടെ മാറ്റം. അന്നൊന്നും എന്‍റെ വിദൂര സ്വപ്‌നത്തില്‍പ്പോലും സിനിമയില്ല. എന്‍.എന്‍. പിള്ളയുടെ കാപാലിക എന്ന നാടകം ക്രോസ്ബെല്‍റ്റ് മണി സിനിമയാക്കിയപ്പോള്‍ ഞാന്‍ അഭിനയിച്ചേ പറ്റൂവെന്നായി. 1973 ല്‍ ആദ്യമായി സിനിമയില്‍ അഭിനയിച്ചു. സിനിമാ ഷൂട്ടിംഗ് കാണുന്നതും അന്നാണ്. അതില്‍ പോര്‍ട്ടര്‍ കുഞ്ഞാലിയെ അവതരിപ്പിച്ചുകൊണ്ട് 22-ാം വയസില്‍ അഭ്രപാളിയില്‍ അരങ്ങേറ്റം കുറിച്ചു. പിന്നീട് പൂക്കാലം വരെയുള്ള വേഷങ്ങളോരോന്നും കലയ്ക്കായുള്ള സമര്‍പ്പണമാണ്. 1982ല്‍ എസ്. കൊന്നനാട്ട് സംവിധാനം ചെയ്ത സുറുമയിട്ട കണ്ണുകളില്‍ നായകനായി. ന്യൂഡല്‍ഹി എന്ന സിനിമയിലായിരുന്നു ശ്രദ്ധേയവേഷം. അരനൂറ്റാണ്ടിനിടെ സിനിമയിലുണ്ടായ മാറ്റങ്ങളെല്ലാം അടുത്തുകണ്ടു. അഭിനയത്തില്‍ കാര്യമായ മാറ്റമുണ്ടായിട്ടില്ല. എന്നാല്‍ സാങ്കേതിക പരീക്ഷണങ്ങളാണു പ്രധാനം. കാമറ ആംഗിള്‍, സൗണ്ട് എഡിറ്റിംഗ് എന്നിവയില്‍ ഒരുപാട് പരീക്ഷണങ്ങള്‍ നടക്കുന്നു. ഇതെല്ലാം സിനിമയുടെ വളര്‍ച്ചയ്ക്ക് ഗുണകരമാണ്. അഭിനയമാണ് രാഷ്‌ട്രീയം രാഷ്‌ട്രീയം എനിക്കു വഴങ്ങില്ല. അഭിനയമാണ് എന്‍റെ രാഷ്‌ട്രീയം. രാഷ്‌ട്രീയം പറഞ്ഞ് ജനങ്ങളെ പ്രബുദ്ധരാക്കേണ്ടത് എന്‍റെ ജോലിയല്ല. അതല്ലെങ്കില്‍ മുഴുവന്‍ സമയം രാഷ്‌ട്രീയക്കാരനാകണം. അതെനിക്കു പറ്റില്ല. സിനിമാക്കാര്‍ രാഷ്‌ട്രീയം പറയുന്നതിനോടും താത്പര്യമില്ല. വിജയരാഘവനെ ആദരിക്കാനെത്തിയ തിരുവഞ്ചൂര്‍ രാധാകൃഷ്ണന്‍ എംഎല്‍എ, കോട്ടയം നഗരസഭ ചെയര്‍പേഴ്സണ്‍ ബിന്‍സി സെബാസ്റ്റ്യന്‍, രാഷ്‌ട്രദീപിക ലിമിറ്റഡ് മാനേജിംഗ് ഡയറക്ടര്‍ ഫാ. മൈക്കിള്‍ വെട്ടിക്കാട്ട്, കാരിത്താസ് ആശുപത്രി ഡയറക്ടര്‍ റവ.ഡോ. ബിനു കുന്നത്ത്, മാന്നാനം കെ.ഇ. സ്‌കൂള്‍ പ്രിന്‍സിപ്പല്‍ റവ.ഡോ. ജയിംസ് മുല്ലശേരി, ദര്‍ശന സാംസ്‌കാരിക കേന്ദ്രം ഡയറക്ടര്‍ ഫാ. എമില്‍ പുള്ളിക്കാട്ടില്‍, ദീപിക പിആര്‍ഒ മാത്യു കൊല്ലമലക്കരോട്ട് എന്നിവര്‍ക്കൊപ്പമിരുന്നാണ് വിജയരാഘവന്‍ ഓണസ്മരണകള്‍ അയവിറക്കിയത്.

ഉത്രാടക്കിഴി കൈമാറി

കോട്ടയം: ഉത്രാടദിനത്തില്‍ കോട്ടയം വയസ്‌കര രാജ്ഭവന്‍ കോവിലകത്ത് എത്തി മന്ത്രി വി.എന്‍. വാസവന്‍ ഉത്രാടക്കിഴി കൈമാറി. വയസ്‌കര കോവിലകത്തെ എന്‍.കെ. സൗമ്യവതി തമ്പുരാട്ടിക്കാണ് 1001 രൂപ അടങ്ങിയ ഉത്രാടക്കിഴി കൈമാറിയത്. കൊച്ചി രാജാവ് രാജകുടുംബാംഗങ്ങളായ സ്ത്രീകള്‍ക്ക് ഓണത്തോടനുബന്ധിച്ചു നല്‍കിയിരുന്ന സമ്മാനമായിരുന്നു ഉത്രാടക്കിഴി. കൊച്ചി രാജവംശത്തിന്‍റെ പിന്മുറക്കാരിയെന്ന നിലയിലാണ് വയസ്‌കര കോവിലകത്തെ രാജരാജവര്‍മയുടെ ഭാര്യ സൗമ്യവതിക്ക് കിഴി കൈമാറിയത്. തൃശൂര്‍ കളക്ടറേറ്റില്‍ നിന്നനുവദിക്കുന്ന തുക ബന്ധപ്പെട്ട തഹസില്‍ദാര്‍മാര്‍ക്ക് കൈമാറുകയാണു ചെയ്യുന്നത്. തിരുവഞ്ചൂര്‍ രാധാകൃഷ്ണന്‍ എംഎല്‍എ, ജില്ലാ കളക്ടര്‍ ചേതന്‍കുമാര്‍ മീണ, കോട്ടയം തഹസില്‍ദാര്‍ എസ്.എന്‍. അനില്‍കുമാര്‍, കോട്ടയം വില്ലേജ് ഓഫീസര്‍ ജെബോയി മാത്യു എന്നിവരും സന്നിഹിതരായിരുന്നു.

മണര്‍കാട് കത്തീഡ്രലില്‍ റാസ നാളെ; നടതുറക്കല്‍ മറ്റന്നാള്‍

മണര്‍കാട്: സെന്‍റ് മേരീസ് യാക്കോബായ സുറിയാനി കത്തീഡ്രലില്‍ എട്ടുനോമ്പ് പെരുന്നാളിനോടനുബന്ധിച്ചു കുരിശുപള്ളികളിലേക്കുള്ള ഭക്തിനിര്‍ഭരവും വര്‍ണാഭവുമായ റാസ നാളെ നടക്കും. ഏഷ്യയിലെ ഏറ്റവും വലിയ ആധ്യാത്മിക ഘോഷയാത്രയായ മണര്‍കാട് കത്തീഡ്രലിലെ റാസയില്‍ പതിനായിരക്കണക്കിനു മുത്തുക്കുടകളും നൂറുകണക്കിനു പൊന്‍-വെള്ളിക്കുരിശുകളും കൊടികളും വെട്ടുക്കുടകളുമായി വിശ്വാസിസഹസ്രങ്ങള്‍ അണിചേരും. ഉച്ചനമസ്‌കാരത്തെ തുടര്‍ന്ന് മുത്തുക്കുടകള്‍ വിതരണം ആരംഭിക്കും. ഉച്ചകഴിഞ്ഞ് രണ്ടിന് അംശവസ്ത്രധാരികളായ വൈദികര്‍ പ്രാര്‍ഥനകള്‍ക്കുശേഷം പള്ളിയില്‍നിന്ന് ഇറങ്ങി കല്‍ക്കുരിശിലെ ധൂപപ്രാര്‍ഥനയ്ക്കുശേഷം റാസയില്‍ അണിചേരും. കണിയാംകുന്ന്, മണര്‍കാട് കവല എന്നിവിടങ്ങളിലെ കുരിശിന്‍തൊട്ടികളും കരോട്ടെ പള്ളിയും ചുറ്റി മൂന്നര കിലോമീറ്ററിലേറെ സഞ്ചരിച്ചാണു തിരികെ വലിയപള്ളിയിലെത്തുക. ഏഴിന് രാവിലെ 11.30ന് മധ്യാഹ്ന പ്രാര്‍ഥനയെത്തുടര്‍ന്ന് ശ്രേഷ്ഠ കാതോലിക്കാ ബസേലിയോസ് ജോസഫ് ബാവായുടെ മുഖ്യകാര്‍മിത്വത്തില്‍ നടതുറക്കല്‍ ശുശ്രൂഷ നടക്കും. കത്തീഡ്രലിന്‍റെ പ്രധാന മദ്ബഹയിലെ ത്രോണോസില്‍ സ്ഥാപിച്ചിരിക്കുന്ന വിശുദ്ധ ദൈവമാതാവിന്‍റെയും ഉണ്ണിയേശുവിന്‍റെയും ഛായാചിത്രം പൊതുദര്‍ശനത്തിനായി വര്‍ഷത്തില്‍ ഒരിക്കല്‍ മാത്രം തുറക്കുന്ന ചടങ്ങാണു നടതുറക്കല്‍ ശുശ്രൂഷ. തുടര്‍ന്ന് കറിനേര്‍ച്ചയ്ക്കുള്ള പന്തിരുനാഴി ഘോഷയാത്ര. വൈകുന്നേരം 7.30ന് കരോട്ടെ പള്ളി ചുറ്റിയുള്ള പ്രദക്ഷിണം. 8.45ന് ആകാശവിസ്മയം. 10ന് പരിചമുട്ടുകളി, മാര്‍ഗംകളി. രാത്രി 12ന് കറിനേര്‍ച്ച വിതരണം.

ഗതാഗതം നിയന്ത്രിച്ചു താരമായത് ചന്പക്കര സ്വദേശി സുരേഷ്

കറുകച്ചാല്‍: ഒാണത്തിരക്കിൽ ആകെ കുരുങ്ങിയ കറുകച്ചാൽ ടൗണിൽ പോലീസ് എത്താതിരുന്നതോടെ ഗതാഗതം നിയന്ത്രിച്ചു വാർത്തകളിൽ നിറഞ്ഞ അജ്ഞാത യുവാവ് ചന്പക്കര സ്വദേശി സുരേഷ് ആണെന്നു തിരിച്ചറിഞ്ഞു. കഴിഞ്ഞ ദിവസമാണ് കറുകച്ചാൽ ടൗൺ വൻ ഗതാഗതക്കുരുക്കിൽ വലഞ്ഞത്. വ്യാപാരികളും നാട്ടുകാരും പോലീസിനെ അറിയിച്ചെങ്കിലും ആരും എത്തിയില്ല. ഇതോടെ വഴിയാത്രക്കാരനായി കടന്നുപോയ സുരേഷ് ഗതാഗത നിയന്ത്രണം ഏറ്റെടുക്കുകയായിരുന്നു. കറുകച്ചാല്‍ സെന്‍ട്രല്‍ ജംഗ്ഷനിലാണ് ഗതാഗതക്കുരുക്ക് രൂക്ഷം. ഷര്‍ട്ടും കൈലിയും ധരിച്ച് മണിക്കൂറുകളോളം ഗതാഗതം നിയന്ത്രിച്ച അദ്ദേഹത്തിന്‍റെ വീഡിയോ സോഷ്യല്‍ മീഡിയയിൽ വൈറലാണ്. സുരേഷിന്‍റെ മാതൃകാപരമായ പ്രവൃത്തിയില്‍ നാട്ടുകാര്‍ അഭിനന്ദിക്കുകയും നോട്ടുമാല ചാര്‍ത്തുകയും ചെയ്തിരുന്നു. മൂന്നു റോഡുകള്‍ വന്നു സംഗമിക്കുന്ന കറുകച്ചാല്‍ ടൗണില്‍ത്തന്നെയാണ് പോലീസ് സ്റ്റേഷനും. പോലീസ് സ്റ്റേഷനില്‍ ഓണാഘോഷമായിരുന്നെന്നും അതാണ് പോലീസുകാർ ഗതാഗതപ്രശ്നം കണ്ടില്ലെന്നു നടിച്ചതെന്നുമാണ് നാട്ടുകാരുടെ ആരോപണം.

ഇന്ന് പൊന്നോണം; പൂക്കളമിടാം അണിഞ്ഞൊരുങ്ങാം സദ്യയുണ്ണാം

കോട്ടയം: ഇന്ന് ഏവര്‍ക്കും പൊന്നിന്‍ ചിങ്ങമാസത്തിലെ തിരുവോണം. ഓണപ്പുടവയിട്ടും ഊഞ്ഞാലാടിയും അത്തപ്പൂക്കളമിട്ടും നാടും നഗരവും മാവേലിത്തമ്പുരാനെ സ്മരിച്ച് പൊന്നോണത്തെ വരവേല്‍ക്കും. വീട്ടുകാരൊന്നാകെ സ്‌നേഹക്കൂട്ടായ്മയില്‍ പൊന്നോണസദ്യ ഒരുക്കും. തുമ്പപ്പൂച്ചോറും പത്തിരുപതുകൂട്ടം രുചിക്കറികളും പഴവും പായസവും തൂശനിലയില്‍ വിളമ്പിയുണ്ണുന്നതിന്‍റെ കേരളത്തനിമ ഒന്നു വേറെയാണ്. നാട്ടിലും വീട്ടിലും പൂക്കള്‍ കുറഞ്ഞതോടെ കടകമ്പോളങ്ങളില്‍നിന്ന് ബന്തിയും ജമന്തിയും വാടാമുല്ലയും വാങ്ങിവേണം മനോഹരമായ പൂക്കളമൊരുക്കാന്‍. കുളിച്ചൊരുങ്ങി കസവ് നെയ്ത മുണ്ടും സാരിയും അണിയുമ്പോഴാണ് ഓണപ്രഭയുടെ പ്രതീതിയുണ്ടാകുക. അടുക്കളവട്ടത്തില്‍ ചിരിവര്‍ത്തമാനങ്ങളുമായിരുന്നാണ് അരിഞ്ഞും അരച്ചും പെറുക്കിയും ഓണസദ്യ ഒരുക്കുക. പ്രായഭേദമന്യേ ഒരുമിച്ചിരുന്നുള്ള ഓണസദ്യ ഒരുമയുടെയും സ്‌നേഹത്തിന്‍റെയും രുചിഭേദമാണ്. ഉപ്പേരിയും ശര്‍ക്കരവരട്ടിയും പപ്പടവും പായസവും തിരുവോണത്തിന്‍റെ കേരളരുചിയാണ്. സപ്ലൈകോയ്ക്കും കുടുംബശ്രീക്കും നേട്ടം കോട്ടയം: സപ്ലൈകോ ഓണം ഫെയറില്‍ വന്‍വില്‍പന. തിരുനക്കര ജില്ലാതല ഫെയറില്‍ കഴിഞ്ഞ മാസം 26 മുതല്‍ ഇന്നലെ വരെ 25 ലക്ഷം രൂപയുടെ വ്യാപാരം നടന്നു. ഗിഫ്റ്റ് വൗച്ചറുകള്‍ക്കും സ്‌പെഷല്‍ കിറ്റുകള്‍ക്കും ആവശ്യക്കാരേറെയായിരുന്നു. കുടുംബശ്രീ ആദ്യമായി ആവിഷ്‌കരിച്ച ഓണസദ്യക്ക് ജില്ലാതലത്തില്‍ മൂവായിരം ഓര്‍ഡറുകള്‍ ലഭിച്ചു. ഇന്നലെ വൈകുന്നേരം ബുക്കിംഗ് സമാപിച്ചു. കുടുംബശ്രീയുടെ അടുക്കളക്കിറ്റിനും ആവശ്യക്കാരേറെയുണ്ടായിരുന്നു. അയ്യായിരം കിറ്റുകളാണ് വിതരണം ചെയ്തത്. പെരുന്നയിലെ ഓണം ഫെയറിലും വന്‍തിരക്കുണ്ടായി.

യുവജനങ്ങള്‍ക്കായി പ്രിവിലേജ് കാര്‍ഡ്

പാലാ: എസ്എംവൈഎം കെസിവൈഎം പാലാ രൂപത, പാലാ മാര്‍ സ്ലീവാ മെഡിസിറ്റിയുടെ സഹകരണത്തോടെ, പാലാ രൂപത യുവജനപ്രസ്ഥാനത്തില്‍ സജീവമായി പ്രവര്‍ത്തിക്കുന്ന യുവജനങ്ങള്‍ക്കായി യൂത്ത് പ്രിവിലേജ് കാര്‍ഡ് പുറത്തിറക്കി. പ്രിവിലേജ് കാര്‍ഡ് ബിഷപ് മാര്‍ ജോസഫ് കല്ലറങ്ങാട്ട് എസ്എംവൈഎം പാലാ രൂപതാ പ്രസിഡന്‍റ് അന്‍വിന്‍ സോണി ഓടച്ചുവട്ടിലിനു നല്‍കി ഉദ്ഘാടനം ചെയ്തു. രൂപതയുടെ പ്ലാറ്റിനം ജൂബിലിയോടനുബന്ധിച്ച് തുടക്കമിടുന്ന പ്രിവിലേജ് കാര്‍ഡുവഴി മെഡിസിറ്റിയിലെ സേവനങ്ങള്‍ക്ക് നിശ്ചിത ശതമാനം ഇളവുകള്‍ രൂപതയിലെ എണ്ണൂറോളം യുവജനങ്ങള്‍ക്ക് ലഭിക്കും. മാര്‍ സ്ലീവാ മെഡിസിറ്റി ഡയറക്ടര്‍ ഫാ. ഗര്‍വാസീസ് ആനിത്തോട്ടത്തില്‍, എസ്എംവൈഎം പാലാ രൂപതാ ഡയറക്ടര്‍ ഫാ. മാണി കൊഴുപ്പന്‍കുറ്റി, ജനറല്‍ സെക്രട്ടറി റോബിന്‍ ടി. ജോസ് താന്നിമല, ഓഫീസ് സെക്രട്ടറി ഡോണ്‍ ജോസഫ് സോണി എന്നിവര്‍ പ്രസംഗിച്ചു.

വെള്ളികുളത്തേക്കു വരൂ, വള്ളത്തിലിരുന്ന് മീൻപിടിക്കാം

മലയോരത്തെ വഞ്ചിയാത്ര കൗതുകമാകുന്നു വെള്ളികുളം: വെള്ളികുളത്തെ പള്ളിക്കുളത്തിൽ വള്ളം ഇറങ്ങിയപ്പോൾ മലയോര ജനതയ്ക്ക് കൗതുകവും പുതുമയും. സ്വപ്നത്തിൽ പോലും വള്ളമെത്തുമെന്നു വിചാരിക്കാത്ത ഒരു നാട്ടിൽ പള്ളിയോടു ചേർന്നുള്ള കുളത്തിൽ വള്ളം ഇറക്കിയത് നാടിന് വലിയ ആഹ്ലാദമായി. പള്ളിക്കുളത്തിലെ വള്ളം കാണാനും വള്ളത്തിൽ കയറാനും നിരവധി പേർ ആദ്യ ദിവസം തന്നെയെത്തി. കുട്ടികൾക്ക് ആവേശം വള്ളവും വള്ളത്തിലുള്ള യാത്രയും പലപ്പോഴും ചിത്രങ്ങളിലും വീഡിയോകളിലും കണ്ടിട്ടുള്ളവർക്ക് മലനാട്ടിലും കണ്ടപ്പോൾ ആവേശം. വള്ളം കണ്ടിട്ടില്ലാത്ത കുട്ടികൾക്കായിരുന്നു ഏറ്റവും സന്തോഷം. ഇടവക വികാരി ഫാ. സ്കറിയ വേകത്താനം വള്ളം വെഞ്ചിരിച്ച് ഇടവകാംഗങ്ങളുടെ സാന്നിധ്യത്തിൽ നീറ്റിലിറക്കി. ലൈഫ് ജാക്കറ്റ് ധരിച്ച് വള്ളത്തിൽ കയറിയുള്ള വികാരിയച്ചന്‍റെ കന്നിയാത്ര കരയ്ക്കു നിന്നവർ കൈയടിച്ചു പ്രോത്സാഹിപ്പിച്ചു. വള്ളത്തിലിരിക്കുന്പോൾ അല്പം ആശങ്കയും പേടിയുമുണ്ടായിരുന്നെന്ന അച്ചന്‍റെ കമന്‍റ് ചിരി പടർത്തി. പള്ളിയോടു ചേർന്നുള്ള കുളത്തിൽ ഇക്കഴിഞ്ഞ നാലു വർഷങ്ങളായി മീൻ വളർത്തലുണ്ട്. നല്ല വിസ്തൃതിയുള്ള കുളത്തിൽ എന്തുകൊണ്ട് വള്ളം ഇറക്കിക്കൂടാ എന്ന് അച്ചനു തോന്നിയ ആശയമാണ് ഇപ്പോൾ സഫലമായിരിക്കുന്നത്. ടൂറിസം പദ്ധതികൾ ആറു മാസം മുമ്പാണ് വെള്ളികുളം പള്ളിയിൽ അച്ചൻ വികാരിയായി ചുമതലയേറ്റത്. വാഗമൺ ടൂറിസവുമായി ബന്ധപ്പെടുത്തി നവീന ആശയങ്ങൾ പ്രദേശത്തു നടപ്പാക്കാനാണ് തീരുമാനം. കുട്ടവഞ്ചിയും പെഡൽ ബോട്ട് സൗകര്യവും ഏർപ്പെടുത്തി ടൂറിസ്റ്റുകളെ ആകർഷിക്കാനും പദ്ധതിയുണ്ട്. വള്ളത്തിലിരുന്നു ചൂണ്ടയിട്ട് മീൻ പിടിക്കാനുള്ള സൗകര്യവും ഏർപ്പെടുത്തും. കുളത്തിൽ ഇപ്പോൾ മൂവായിരത്തിലധികം ഗിഫ്റ്റി, തിലോപ്പിയ മത്സ്യങ്ങളുണ്ട്. ആറു മാസം കൂടുമ്പോൾ വിളവെടുപ്പ് നടത്തും. വള്ളയാത്രയ്ക്ക് 50 രൂപ ഫീസ് ഏർപ്പെടുത്തിയിട്ടുണ്ട്. ഒാണാഘോഷത്തിന്‍റെ ഭാഗമായി വള്ളയാത്ര സൗകര്യമുണ്ട്. ഫോൺ: 9446121275, 8606820593.

അമ്മയ്ക്കരുകിലേക്ക് കാളികാവിൽനിന്ന് അവരെത്തി, നാളെ 10 കിലോമീറ്റർ പദയാത്രയായി രത്‌നഗിരി ഇടവക

കുറവിലങ്ങാട്: നൂറുകണക്കായ ഇടവകാംഗങ്ങളെ അണിചേർത്ത് മുത്തിയമ്മയ്ക്കരുകിലെത്തി കാളികാവ് സെന്‍റ് സെബാസ്റ്റ്യൻസ് ഇടവക. മേജർ ആർക്കിഎപ്പിസ്‌കോപ്പൽ മർത്ത്മറിയം അർക്കദിയാക്കോൻ തീർഥാടന പള്ളിയിലെ എട്ടുനോമ്പാചരണത്തോടനുബന്ധിച്ചാണ് കാളികാവ് ഇടവക മുത്തിയമ്മ തീർഥാടനം നടത്തിയത്. മുത്തുക്കുടകളും കൊടിതോരണങ്ങളുമായി ഇടവകയുടെ സംഘശക്തി വെളിവാക്കിയാണ് തീർഥാടകർ എത്തിയത്. മുത്തിയമ്മയ്ക്കരുകിലെത്തിയ തീർഥാടകരെ ആർച്ച്പ്രീസ്റ്റ് റവ. ഡോ. തോമസ് മേനാച്ചേരി, സീനിയർ അസി. വികാരി ഫാ. ജോസഫ് മണിയഞ്ചിറ, അസി. വികാരിമാർ, കൈക്കാരന്മാർ, പള്ളിയോഗാംഗങ്ങൾ എന്നിവർ ചേർന്ന് സ്വീകരിച്ചു. മുത്തിയമ്മയുടെ തിരുസ്വരൂപം ഉപഹാരമായി നൽകി. വികാരി ഫാ. ജോസഫ് പാണ്ടിയാമാക്കൽ വിശുദ്ധ കുർബാനയർപ്പിച്ച് സന്ദേശം നൽകി. എട്ടുനോമ്പിന്‍റെ ആറാം ദിനത്തിൽ 10 കിലോമീറ്റർ കാൽനടയായി രത്‌നഗിരി ഇടവകാംഗങ്ങൾ മുത്തിയമ്മയ്ക്കരുകിലെത്തും. രത്‌നഗിരി സെന്‍റ് തോമസ് ഇടവകയിലെ നൂറുകണക്കായ ഇടവകാംഗങ്ങൾ രാവിലെ എട്ടിന് പദയാത്ര ആരംഭിക്കും. കുറവിലങ്ങാട് തീർഥാടന കേന്ദ്രത്തിലെത്തി അസി. വികാരി ഫാ. മാത്യു കണിയാംപടി വിശുദ്ധ കുർബാനയർപ്പിക്കും. നാളെ രാവിലെ പകലോമറ്റം തറവാട് പള്ളിയിൽനിന്ന് എസ്എംവൈഎം പാലാ രൂപതാ കമ്മിറ്റിയുടെ നേതൃത്വത്തിൽ പദയാത്ര നടത്തും. രൂപതാ ഡയറക്ടർ ഫാ. മാണി കൊഴുപ്പൻകുറ്റിയും രൂപതാ ഭാരവാഹികളും നേതൃത്വം നൽകും. നാളെ മൂന്നിന് ജീസസ് യൂത്ത് പാലാ സോൺ, കുറവിലങ്ങാട് ഫാമിലി സ്ട്രീം എന്നിവയുടെ നേതൃത്വത്തിൽ പുണ്യശ്ലോകൻ പനങ്കുഴയ്ക്കൽ വല്യച്ചൻ സ്മാരക പാർക്കിൽനിന്ന് ജപമാലറാലി നടത്തും. 3.15ന് രൂപതാ ഡയറക്ടർ ഫാ. മാത്യു എണ്ണയ്ക്കാപ്പള്ളിൽ വിശുദ്ധ കുർബാനയർപ്പിച്ച് സന്ദേശം നൽകും. ഇന്ന് 2.30ന് ഡിസിഎംഎസ് പാലാ രൂപതാ കമ്മിറ്റിയുടെ നേതൃത്വത്തിൽ മുത്തിയമ്മ തീർഥാടകരെത്തും.

വചനാധിഷ്ഠിത ആത്മീയത കാലഘട്ടത്തിന്‍റെ ആവശ്യം: റവ. ഡോ. ജോസ് കാക്കല്ലിൽ

കുറവിലങ്ങാട്: വചനാധിഷ്ഠിത ആത്മീയത കാലഘട്ടത്തിന്‍റെ ആവശ്യമാണെന്ന് പാലാ സെന്‍റ് തോമസ് കത്തീഡ്രൽ വികാരി റവ. ഡോ. ജോസ് കാക്കല്ലിൽ പറഞ്ഞു. കുറവിലങ്ങാട് മേജർ ആർക്കിഎപ്പിസ്‌കോപ്പൽ മർത്ത്മറിയം അർക്കദിയാക്കോൻ തീർഥാടന കേന്ദ്രത്തിൽ എട്ടുനോമ്പാചരണത്തിന്‍റെ നാലാം ദിനത്തിൽ വിശുദ്ധ കുർബാനയർപ്പിച്ച് സന്ദേശം നൽകുകയായിരുന്നു റവ. ഡോ. ജോസ് കാക്കല്ലിൽ. ദൈവമാതാവിനെപ്പോലെ വചനത്തെ ഹൃദയത്തിൽ സ്വീകരിക്കാൻ കഴിയണം. ഇത് പുതിയ ആത്മീയതയിലേക്കുള്ള ജനനം സമ്മാനിക്കും. വെല്ലുവിളികളെ വചനത്തിന്‍റെ വെളിച്ചത്തിൽ നോക്കിക്കണ്ട ദൈവമാതാവിനെ അനുകരിക്കണം. ഭൗതികസുഖങ്ങൾക്കുവേണ്ടിയുള്ള പരക്കംപാച്ചിലിലാണ് ലോകം. തിരക്കിന്‍റെ ലോകമാണ് കാണുന്നത്. മാറിമറിയുന്ന അഭിപ്രായപ്രകടനങ്ങൾ വർധിച്ചുവരുമ്പോൾ നോമ്പാചരണം കൂടുതൽ ആത്മീയത സമ്മാനിക്കുമെന്നും റവ. ഡോ. ജോസ് കാക്കല്ലിൽ പറഞ്ഞു. ഇന്ന് അഞ്ചിന് വടവാതൂർ പൗരസ്ത്യവിദ്യാപീഠം പ്രസിഡന്‍റ് റവ. ഡോ. പോളി മണിയാട്ട് വിശുദ്ധ കുർബാനയർപ്പിച്ച് സന്ദേശം നൽകും.

കൊട്ടാരമറ്റം അല്ല ഇത് സാമൂഹ്യവിരുദ്ധമറ്റം

പാലാ: കൊട്ടാരമറ്റം ബസ് സ്റ്റാൻഡ് എന്നാണ് പേരെങ്കിലും ഇപ്പോൾ ഇവിടെ തന്പടിക്കുന്നതു ബസുകളേക്കാൾ കൂടുതൽ സാമൂഹ്യവിരുദ്ധർ. മദ്യപിച്ചു ലക്കു കെട്ടവർക്ക് ഉറങ്ങാനും തമ്മിൽത്തല്ലാനും ചീത്തവിളിക്കാനുമൊക്കെ എല്ലാ സൗകര്യവും ഒരുക്കിക്കൊടുത്തതുപോലെയാണ് ഇവിടത്തെ അന്തരീക്ഷം. പാലാ നഗരസഭയുടെ വ്യാപാരകേന്ദ്രങ്ങളിലൊന്നായ കൊട്ടാരമറ്റത്തെ ഷോപ്പിംഗ് കോംപ്ലക്സ് മദ്യപരുടെയും സാമൂഹ്യവിരുദ്ധരുടെയും അഴിഞ്ഞാട്ട കേന്ദ്രമായി മാറിയിട്ടും അധികൃതർ അനങ്ങിയിട്ടില്ല. മറിച്ചു വാടക ബസ് ടെര്‍മിനലിന്‍റെ മുന്‍വശത്ത് പുറത്തേക്കു ഷീറ്റ് ഘടിപ്പിച്ചതോടെ രണ്ടും മൂന്നും നിലകളുടെ കാഴ്ച നഷ്ടമായി. ഇതോടെ രണ്ടും മൂന്നും നിലകളില്‍ സ്ഥാപനങ്ങള്‍ തുടങ്ങാൻ വ്യാപാരികള്‍ വിമുഖത കാട്ടി. ഓഫീസുകള്‍, കോച്ചിംഗ് സ്ഥാപനങ്ങള്‍ തുടങ്ങിയ ഏതാനും സ്ഥാപനങ്ങള്‍ മാത്രമേ ഇപ്പോള്‍ ഈ നിലകളില്‍ പ്രവര്‍ത്തിക്കുന്നുള്ളൂ. ബാക്കി ചില മുറികള്‍ അന്യസംസ്ഥാന തൊഴിലാളികള്‍ താമസത്തിനു വാടകയ്ക്ക് എടുത്തിരിക്കുകയാണ്. നഗരസഭയില്‍നിന്നു വാടകയ്ക്കെടുത്ത ചിലർ അന്യസംസ്ഥാന തൊഴിലാളികള്‍ക്കു മറിച്ച് വാടകയ്ക്കു മുറികള്‍ നല്‍കിയതാണെന്നും ആക്ഷേപമുണ്ട്. ദുർഗന്ധപൂരിതം ആവശ്യത്തിനു ശുചിമുറികള്‍ ഒന്നുമില്ലാത്തതിനാല്‍ തിണ്ണയിലും ടെറസിലും ഷീറ്റിലുമൊക്കെ മലമൂത്ര വിസര്‍ജനം നടത്തുന്നതും പതിവാണ്. ദുർഗന്ധം കാരണം മുകള്‍ നിലയിലേക്കു കയറാൻ തന്നെ പ്രയാസമാണ്. പുറമേനിന്നു നോക്കിയാല്‍ കാഴ്ച കിട്ടാത്തതിനാല്‍ മദ്യപരുടെയും അഴിഞ്ഞാട്ടക്കാരുടെയും അനാശാസ്യക്കാരുടെയും ആസ്ഥാനം കൂടിയാണ് കൊട്ടാരമറ്റം ബസ് ടെര്‍മിനല്‍. ബസ് സ്റ്റാൻഡിനോടു ചേര്‍ന്നുള്ള കെട്ടിടമായതിനാല്‍ താഴത്തെ നിലയില്‍ പ്രവര്‍ത്തിക്കുന്ന സ്ഥാപനങ്ങളില്‍ എത്തുന്നവരും ബസില്‍ കയറാന്‍ എത്തുന്ന വിദ്യാര്‍ഥിനികള്‍ അടക്കമുള്ളവരും ഏറെ ദുരിതത്തിലാണ്. അനിഷ്ടകരമായ പല സംഭവങ്ങളും അരങ്ങേറിയിട്ടും അധികൃതർ കണ്ടില്ലെന്നു നടിക്കുന്നതിൽ കടുത്ത പ്രതിഷേധത്തിലാണ് യാത്രക്കാരും വ്യാപാരികളും.

നാടിന് അഭിമാനമായി ബീറ്റ് ഗ്രീൻസ് ഇഞ്ചിയാനി

മുണ്ടക്കയം: ഇഞ്ചിയാനി ഗ്രാമത്തിന്‍റെ സ്വന്തം ചെണ്ടമേള ട്രൂപ്പായ ബീറ്റ് ഗ്രീൻസിന്‍റെ അരങ്ങേറ്റം നടത്തി. മതസൗഹാർദത്തിന്‍റെയും സാഹോദര്യത്തിന്‍റെയും സന്ദേശം പകർന്നുനൽകുന്ന ബീറ്റ് ഗ്രീൻസ് ഇഞ്ചിയാനി ഹോളി ഫാമിലി ദേവാലയത്തിന്‍റെ കൂട്ടായ്മയുടെ ഭാഗമാണ്. ഇഞ്ചിയാനി പള്ളിയോടു ചേർന്നുള്ള യുവജനങ്ങളുടെ കൂട്ടായ്മയിൽ ഉരുത്തിരിഞ്ഞ പുതിയ ആശയമായിരുന്നു ചെണ്ടമേളം പരിശീലനം. പഠനം, കൃഷി, സാമൂഹിക പ്രവർത്തനങ്ങൾ തുടങ്ങിയവയിൽ ഒരുമയോടെ കൈകോർത്ത് നാട്ടിലെ നാനാജാതി മതസ്ഥരായ 11 കുട്ടികളാണ് ചെണ്ട പരിശീലനം നടത്തി അരങ്ങേറ്റം കുറിച്ചത്. പ്രശസ്ത കലാകാരൻ കലാനിലയം ഉണ്ണിയാശാന്‍റെ കീഴിൽ മാസങ്ങൾ നീണ്ട പരിശീലനമായിരുന്നു ഇവർക്ക് ലഭിച്ചത്. ബുധനാഴ്ച വൈകുന്നേരം അരങ്ങേറ്റത്തോടനുബന്ധിച്ച് നടന്ന സമ്മേളനം കാഞ്ഞിരപ്പള്ളി രൂപതാധ്യക്ഷൻ മാർ ജോസ് പുളിക്കൽ ഉദ്ഘാടനം ചെയ്തു. സെബാസ്റ്റ്യൻ കുളത്തുങ്കൽ എംഎൽഎ, ഇഞ്ചിയാനി ഹോളിഫാമിലി പള്ളി വികാരി ഫാ. ജോസഫ് കല്ലൂപ്പറമ്പത്ത്, മുണ്ടക്കയം പഞ്ചായത്ത് പ്രസിഡന്‍റ് രേഖാ ദാസ്, ജില്ലാ പഞ്ചായത്തംഗം പി.ആർ. അനുപമ, വൈസ് പ്രസിഡന്‍റ് ഷീലമ്മ ഡോമിനിക്, ഹൈസ്കൂൾ ഹെഡ്മിസ്ട്രസ് ഷാന്‍റിമോൾ, യുപി സ്കൂൾ ഹെഡ്മിസ്ട്രസ് ബിനോൾ കെ. മാത്യു എന്നിവർ പ്രസംഗിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]