ADVERTISEMENT

ADVERTISEMENT

ചെന്പേരി വൈഎംസിഎയ്ക്ക് മികച്ച യൂണിറ്റിനുള്ള പുരസ്കാരം

ചെമ്പേരി: 2024-25 വർഷത്തെ കണ്ണൂർ റീജണൽ ഡിസ്ട്രിക്ടിലെ ഏറ്റവും മികച്ച വൈഎംസിഎ യൂണിറ്റിനുള്ള പുരസ്കാരമുൾപ്പടെ മൂന്ന് പുരസ്കാരങ്ങൾ. മികച്ച യൂണിറ്റിനുള്ള പുരസ്കാരം വൈഎംസിഎ നാഷണൽ പ്രസിഡന്‍റ് ഡോ. വിൻസെന്‍റ് സാമുവലിൽ നിന്ന് വൈഎംസിഎ ചെമ്പേരി യൂണിറ്റ് പ്രസിഡന്‍റ് ജോമി ജോസ് ചാലിലും യൂണിറ്റ് ഭാരവാഹികളും ചേർന്ന് ഏറ്റുവാങ്ങി.

ഏറ്റവും മികച്ച വനിതാ യൂണിറ്റിനുള്ള അവാർഡും ചെമ്പേരി യൂണിറ്റ് സ്വന്തമാക്കി. ഏറ്റവും മികച്ച യൂണിറ്റ് പ്രസിഡന്‍റിനുള്ള അവാർഡ് ചെമ്പേരി യൂണിറ്റ് പ്രസിഡന്‍റ് ജോമി ജോസ് ചാലിലിനും ലഭിച്ചു.

ADVERTISEMENT

ചുഴലി-ചെങ്ങളായി റോഡിൽ പനംങ്കുന്ന് കയറ്റത്തിൽ ഗർത്തം: ഗതാഗതത്തിന് നിയന്ത്രണം

ശ്രീകണ്ഠപുരം: ചുഴലി-ചെങ്ങളായി റോഡിൽ നിടുവാലൂർ ജംഗ്ഷന് സമീപം പനംങ്കുന്ന് കയറ്റത്തിൽ ഗർത്തം രൂപപ്പെട്ടു. ഇതേ തുടർന്ന് ഇതുവഴിയുള്ള ഗതാഗതം ഭാഗികമായി നിരോധിച്ചു. ഇന്നലെ വൈകുന്നേരം അഞ്ചോടെ വൈദ്യുതി വകുപ്പ് ജീവനക്കാരാണ് ജോലിക്കിടെ വിള്ളൽ കണ്ടത്. പരിശോധിച്ചപ്പോഴാണ് ടാറിംഗ് പാളി തകർന്നതിനെ തുടർന്ന് കുഴി കാണാനിടയായത്. വാർഡ് മെംബർ കെ.വി. ഗീത അറിയിച്ചതിനെ തുടർന്ന് ചെങ്ങളായി പഞ്ചായത്ത് പ്രസിഡന്‍റ് വി.പി.മോഹനനും മറ്റ് പഞ്ചായത്ത് അംഗങ്ങളും സ്ഥലത്തെത്തി. ശ്രീകണ്ഠപുരം പോലീസ് സ്ഥലത്തെ ത്തിയ ശേഷം ബന്ധപ്പെട്ടവരുമായി സംസാരിച്ചതിനെ തുടർന്നാണ് ഇതുവഴിയുള്ള ഗതാഗതം ഭാഗികമായി നിരോധിച്ചത്. ഗർത്തം പഞ്ചായത്ത് ഉദ്യോഗസ്ഥരെത്തി ഇന്ന് പരിശോധിക്കും. ഗുഹ ആണെന്ന സംശയം ബലപ്പെട്ടതിനെ തുടർന്ന് പുരാവസ്തു വകുപ്പും എത്തിയേക്കും. ഇതുവഴി വാഹനഗതാഗതം സാധ്യമല്ലെന്നും യാത്രക്കാർ മറ്റു റോഡുകൾ ഉപയോഗിക്കണമെന്നും സോഷ്യൽ മീഡിയ വഴിയും മറ്റും പഞ്ചായത്ത് മുന്നറിയിപ്പ് നൽകിയിട്ടുണ്ട്. ചുഴലിയിൽ നിന്നും കാവുമ്പായി, കരിവെളളൂർ, നിടുവാലൂർ, ചെങ്ങളായിയിലേക്കടക്കം സ്കൂൾ ബസുകൾ ഉൾപ്പെടെ നിരവധി വാഹനങ്ങൾ ഉപയോഗിക്കുന്ന ജില്ലാപഞ്ചായത്ത് റോഡാണിത്. ജംഗ്ഷനുകളിൽ മുന്നറിയിപ്പ് സൂചന നല്കിയിട്ടുണ്ട്.

പ്രതീക്ഷ നല്കി മോറാനി പാലം

ആലക്കോട്: വർഷങ്ങളുടെ കാത്തിരിപ്പിനൊടുവിൽ കൊട്ടാരംകടവ് പുഴയ്ക്ക് കുറുകെയുള്ള മോറാനി പാലം നിർമാണത്തിന്‍റെ എസ്റ്റിമേറ്റ് അംഗീകരിച്ചു. 77.50 ലക്ഷം രൂപയുടെ എസ്റ്റിമേറ്റാണ് തയാറാക്കിയത്. ഇതിൽ 40 ലക്ഷം ആലക്കോട് പഞ്ചായത്തും 37.50 ലക്ഷം രൂപ കണ്ണൂർ ജില്ലാ പഞ്ചായത്തും ചെലവഴിക്കും. ഇരു പഞ്ചായത്തുകളും സംയുക്തമായി നടപ്പാക്കുന്ന പദ്ധതിയുടെ എസ്റ്റിമേറ്റിനു അന്തിമ രൂപം നല്കുന്നതിന്‍റെ ഭാഗമായി സ്ഥലത്തെ ജനപ്രതിനിധികൾ, എൻജിനിയർമാർ, വിവിധ രാഷ്‌ട്രീയ നേതാക്കന്മാർ തുടങ്ങിയവർ പ്രദേശം സന്ദർശിച്ചു. ജില്ലാ പഞ്ചായത്തംഗം തോമസ് വക്കത്താനം, ഗ്രാമപഞ്ചായത്ത് അംഗങ്ങളായ കെ.പി. സാബു, സാലി, മാത്യു പുതിയടത്ത്, ജോൺസൺ താരാ മംഗലത്ത്, രാഷ്‌ട്രീയ നേതാക്കന്മാരായ ബാബു പള്ളിപ്പുറം, ജോൺസൺ ചിറവയൽ, മാത്യു ചിറവയൽ, ബിനോയി കിഴക്കത്താഴെ, ലാലിച്ചൻ കിഴക്കത്താഴെ തുടങ്ങിയവർ സംഘത്തിൽ ഉണ്ടായിരുന്നു. പാലത്തിന്‍റെ എസ്റ്റിമേറ്റ് അംഗീകരിക്കപ്പെട്ട സാഹചര്യത്തിൽ അധികം താമസിയാതെ പ്രവൃത്തി ആരംഭിക്കാനാകുമെന്ന് ജില്ലാ പഞ്ചായത്തംഗം തോമസ് വക്കത്താനം അറിയിച്ചു. നേരത്തെ മോറാനി പാലത്തിന്‍റെ ആവശ്യകതയെക്കുറിച്ച് കുറിച്ച് ദീപിക റിപ്പോർട്ട് ചെയ്തിരുന്നു.

കർഷകർക്ക് നഷ്ടപരിഹാരം ലഭ്യമാക്കണം: ജനാധിപത്യ കേരള കോൺഗ്രസ്

കണ്ണൂർ: കാലവർഷക്കെടുതിയിൽ ദുരിതമനുഭവിക്കുന്ന മലയോര കർഷകർക്ക് നഷ്ടപരിഹാരം ഉടൻ അനുവദിക്കണമെന്ന് ജനാധിപത്യ കേരള കോൺഗ്രസ് കണ്ണൂർ ജില്ലാ കമ്മിറ്റി ആവശ്യപ്പെട്ടു. കഴിഞ്ഞ ദിവസങ്ങളിൽ കാറ്റിലും മഴയിലും വീടുകൾക്കും കർഷകരുടെ വിളകൾക്കും കനത്ത നാശം നേരിട്ടിട്ടുണ്ട്. യോഗം സംസ്ഥാന ഡപ്യൂട്ടി ചെയർമാൻ എ.ജെ. ജോസഫ് ഉദ്ഘാടനം ചെയ്തു. ജില്ലാ പ്രസിഡന്‍റ് ജോജി ആനിത്തോട്ടം അധ്യക്ഷത വഹിച്ചു. ടോമിച്ചൻ നടുത്തൊട്ടിയിൽ, ജോസഫ് പരത്തനാൽ, ബാബു അണിയറ, ജോസ് മാത്യു, ബിജു പുളിക്കൽ, ജോസ് തെക്കേടത്ത്, സണ്ണി പരവരാകത്ത്, ജോർജ് കാരക്കാട്ട്, ജസ്റ്റിൻ വടക്കൻ എന്നിവർ പ്രസംഗിച്ചു.

യാത്രികരെ ദുരിതത്തിലാക്കി പയ്യന്നൂർ-കണ്ണൂർ റൂട്ടിൽ ബസ് ജീവനക്കാരുടെ മിന്നൽ പണിമുടക്ക്

തളിപ്പറമ്പ്: പയ്യന്നൂർ -കണ്ണൂർ റൂട്ടിലെ മിന്നൽ ബസ് സമരം യാത്രക്കാരെയും വിദ്യാർഥികളെയും ദുരിതത്തിലാക്കി. മണ്ണിടിച്ചിലിനെ തുടർന്ന് പ്രവൃത്തികൾക്കായി കുപ്പം റോഡിൽ ഗതാഗതം നിരോധിച്ചത് വൻ ദുരിതമാണെന്ന് ആരോപിച്ച് ഇന്നലെ രാവിലെ മുതലാണ് ബസ് ജീവനക്കാർ മിന്നൽ പണിമുടക്ക് തുടങ്ങിയത്. എന്നാൽ, മുന്നറിയിപ്പില്ലാതെ നടത്തിയ മിന്നൽ ബസ് സമരം വിദ്യാർഥികളടക്കമുള്ള യാത്രികരെ ഏറെ വലച്ചു. ഇതോടെ പലരും കെഎസ്ആർടിസിയെയും, ബസ് സമരത്തിൽ പങ്കെടുക്കാത്ത ചുരുക്കം ചില ബസുകളെയും ആശ്രയിക്കുകയായിരുന്നു. ഇന്നു തന്നെ കുപ്പം വഴിയുള്ള ഗതാഗതം പുനസ്ഥാപിക്കുമെന്ന അധികൃതരുടെ ഉറപ്പിൽ ബസ് ജീവനക്കാർ വൈകുന്നേരത്തോടെ സർവീസ് പുനരാരംഭിച്ചു. കുപ്പം ഗതാഗത തടസത്തെ തുടർന്ന് പയ്യന്നൂർ-കണ്ണൂർ റൂട്ടിൽ ബസുകൾ നിലവിൽ പരിയാരം-നെരുവമ്പ്രം-ഏഴോം വഴിയാണ് സർവീസ് നടത്തിയിരുന്നത്. ഇത് ഇന്ധനനഷ്ടവും അതു പോലെ തന്നെ സമയനഷ്ടം കാരണം കൃത്യസമയത്ത് ഓടാനും വിവിധ സ്ഥലങ്ങളിൽ എത്തിച്ചേരാനും കഴിയാത്ത സാഹചര്യമായി. ഭക്ഷണ സമയമോ, വിശ്രമമോ പോലും കിട്ടാത്ത സ്ഥിതിയാണെന്നാണ് ബസ് ജീവനക്കാർ പറയുന്നത്. ഇക്കാരണത്താലാണ് യാതൊരു സംഘടനയുടെയും ആഹ്വാനവും പിന്തുണയുമില്ലാതെ വാട്സ് ആപ് ആഹ്വാന പ്രകാരം ബസ് ജീവനക്കാർ മിന്നൽ ബസ് സമരം നടത്തിയത്.

കൃഷി സങ്കൽപ്പ് അഭിയാൻ കാമ്പയി‍ൻ സംഘടിപ്പിച്ചു

പെരുമ്പടവ്: കൃഷി വിജ്ഞാന കേന്ദ്രം, ആത്മ കണ്ണൂർ, കൃഷി ഭവൻ എരമം-കുറ്റൂർ എന്നിവയുടെ നേതൃത്ത്വത്തിൽ കുറ്റൂർ സാംസ്കാരിക നിലയത്തിൽ കൃഷി സങ്കൽപ്പ് അഭിയാൻ കാമ്പയി‍ൻ സംഘടിപ്പിച്ചു. പഞ്ചായത്ത് പ്രസിഡന്‍റ് ടി.ആർ. രാമചന്ദ്രൻ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്‍റ് ഷൈനി ബിജേഷ് അധ്യക്ഷത വഹിച്ചു. കേന്ദ്രാവിഷ്കൃത-സംസ്ഥാന കർഷക പദ്ധതികളെ പറ്റിയുള്ള വിശദീകരണം, വരുമാന വർധനവിന് ഉതകുന്ന പദ്ധതികൾ, സാമൂഹ്യ സുരക്ഷ ഭൗതീക സാഹചര്യം ഒരുക്കൽ തുടങ്ങിയ വിഷയങ്ങളെപ്പറ്റി ജി.കെ. ശിവരാമൻ (സൈന്‍റിസ്റ്റ് സിഐഎഫ്ടി എറണാകുളം), കെ.പി. മഞ്ജു (കെവികെ കണ്ണൂർ അസിസ്റ്റന്‍റ് പ്രഫസർ) തുടങ്ങിയവർ ക്ലാസെടുത്തു. കൃഷി ഓഫീസർ ടി. കൃഷ്ണ പ്രസാദ്, കൃഷി അസിസ്റ്റന്‍റ് ടി. തമ്പാൻ എന്നിവർ പ്രസംഗിച്ചു.

മുച്ചക്ര വാഹനം വിതരണം ചെയ്തു

ശ്രീകണ്ഠപുരം: നഗരസഭയുടെ 2024-25 വാർഷിക പദ്ധതിയിൽ ഉൾപ്പെടുത്തി ഭിന്നശേഷിക്കാർക്ക് നൽകുന്ന മുച്ചക്ര വാഹനത്തിന്‍റെ വിതരണോദ്ഘാടനം നടന്നു. നഗരസഭാധ്യക്ഷ കെ.വി. ഫിലോമിന നിർവഹിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ പി.പി. ചന്ദ്രാംഗദൻ അധ്യക്ഷത വഹിച്ചു. ഏഴുലക്ഷം രൂപയാണു പദ്ധതി വിഹിതം. ആറു ഗുണഭോക്താക്കളെയാണു തെരഞ്ഞെടുത്തത്. വൈസ് ചെയർമാൻ കെ. ശിവദാസൻ, നഗരസഭ സ്ഥിരം സമിതി അധ്യക്ഷന്മാരായ കെ.സി. ജോസഫ് കൊന്നയ്ക്കൽ, ജോസഫിന, വി.പി. നസീമ, കൗൺസിലർമാരായ ബാബുമാണി പെരുകിലാ മലയിൽ, നിഷിദറഹ്‌മാൻ, ഷംന ജയരാജ്, കെ.സി. അജിത, സിഡബ്ള്യുഎഫ്എം വി. സ്നേഹ, ഐസിഡിഎസ് സൂപ്പർവൈസർ പുഷ്പജ തുടങ്ങിയവർ പങ്കെടുത്തു.

വീട്ടിൽനിന്ന് നാടൻ തോക്ക് പിടികൂടി; ഒരാൾ അറസ്റ്റിൽ

പരിയാരം: കടന്നപ്പള്ളിയില്‍ വീട്ടിൽനിന്ന് നാടന്‍തോക്ക് പിടികൂടി. തിങ്കളാഴ്ച രാത്രി 11.30 ന് കടന്നപ്പള്ളി കള്ളക്കാംതോടിലെ സന്തോഷിന്‍റെ വീട്ടിൽ റെയ്ഡ് നടത്തിയാണ് പരിയാരം എസ്ഐ സി. സനീതും സംഘവും ലൈസന്‍സില്ലാത്ത സിംഗിള്‍ ബാരല്‍ തോക്ക് പിടിച്ചെടുത്തത്. നാട്ടുകാരുടെ സാന്നിധ്യത്തിൽ വീട് തുറന്ന് പോലീസ് അകത്തുകയറി പരിശോധിച്ചാണു തോക്ക് കണ്ടെടുത്തത്. നായാട്ടിന് ഉപയോഗിക്കുന്നതാണെന്ന് സംശയിക്കുന്നതായി പോലീസ് പറഞ്ഞു. പ്രതി സന്തോഷ് പോലീസിനെ കണ്ട് ഓടിരക്ഷപ്പെട്ടുവെങ്കിലും പിന്നീട് കടന്നപ്പള്ളിയിൽ നിന്ന് പോലീസ് പിടികൂടി. രഹസ്യവിവരം ലഭിച്ചതിന്‍റെ അടിസ്ഥാനത്തിലാണ് പോലീസ് വീട് റെയ്ഡ് നടത്തിയത്. എസ്ഐക്ക് പുറമെ ഗ്രേഡ് എസ്ഐ ഷാജിമോന്‍, ഗ്രേഡ് എഎസ്ഐ ചന്ദ്രന്‍, സിപിഒ മഹിത, പോലീസ് ഡ്രൈവര്‍ സിപിഒ രാജേഷ് എന്നിവരും സംഘത്തിലുണ്ടായിരുന്നു.

മാഹിയിൽ തകർന്ന റോഡിൽ മഴയത്ത് അറ്റകുറ്റപ്പണി: ഗതാഗതക്കുരുക്കിലായി ആംബുലൻസും

മാഹി: കോപ്പാലത്ത് പെട്രോൾ പമ്പുകൾക്ക്‌ മുൻവശം തകർന്ന റോഡിൽ അറ്റകുറ്റപ്പണി നടത്തിയത് ശക്തമായ മഴയിൽ. മുന്നറിയിപ്പില്ലാതെ നടത്തിയ റോഡ് പണിയെ തുടർന്ന് പ്രദേശത്ത് ഗതാഗത തടസവും ഉണ്ടായി. രോഗികളുമായെത്തിയ ആംബുലൻസുകളടക്കം വഴിയിൽ കുടുങ്ങി. ഒരു വശത്ത് കുഴിയടുക്കുന്നതിനാൽ ഇടുങ്ങിയ റോഡിൽ വാഹനങ്ങൾ അങ്ങോട്ടുമിങ്ങോട്ടും കടന്നു പോകാൻ കഴിയാതെ ദീർഘനേരം കുരുക്കിൽപ്പെട്ടു. ഒപ്പം മഴയും പെയ്തതോടെ പന്തക്കൽ പോലീസ് ഏറെ പ്രയാസപ്പെട്ടാണ് വാഹനങ്ങൾ കടത്തി വിട്ട് കുരുക്കഴിച്ചത്. ഈ സ്ഥലത്ത് മഴ പെയ്താൽ കുണ്ടും കുഴിയും രൂപപ്പെടുന്നത് നിത്യസംഭവമാണ്. മഴ തുടങ്ങുന്നതിന് മുന്നേ നാട്ടുകാർ അധികൃതരോട് കുഴിയടക്കാൻ ആവശ്യപ്പെട്ടിരുന്നു. എന്നാൽ, നടന്നില്ല. അന്പതിലധികം ബസുകൾ ദിനം പ്രതി കടന്നുപോകുന്ന തലശേരി-പാനൂർ റൂട്ടിലാണ് ഈ ദുരിതം.

ജില്ലാ ലൈബ്രറി കൗൺസിൽ പുസ്തകോത്സവം ആറു മുതൽ

കണ്ണൂർ: ജില്ലാ ലൈബ്രറി കൗൺസിൽ വികസന സമിതി സംഘടിപ്പിക്കുന്ന 19-ാമത് പുസ്തകോത്സവം ആറു മുതൽ ഒന്പത് വരെ കണ്ണൂർ കളക്‌ട്രേറ്റ് മൈതാനിയിൽ നടക്കും. ആറിന് ഉച്ചകഴിഞ്ഞ് മൂന്നിന് എഴുത്തുകാരൻ എം. മുകുന്ദൻ ഉദ്ഘാടനം ചെയ്യും. വി. ശിവദാൻ എംപി അധ്യക്ഷത വഹിക്കും. ആദ്യവില്പന മേയർ മുസ്‌ലിഹ് മഠത്തിൽ നിർവഹിക്കും. പുസ്തകോത്സവത്തിൽ കേരളത്തിലെ വലുതും ചെറുതുമായ 173 പ്രസാധകരുടെ 146 സ്റ്റാളുകളുണ്ടാകും. ഉദ്ഘാടന പരിപാടിക്ക് ശേഷം റീഡിംഗ് തീയറ്റർ അരങ്ങേറും. ഏഴ്, എട്ട് ദിവസങ്ങളിൽ രാവിലെ മുതൽ ഉച്ചവരെ എഴുത്തുകാർക്ക് വേദിയിൽ വച്ച് തങ്ങളുടെ പുസ്തകങ്ങൾ പ്രകാശനം ചെയ്യാനുള്ള സൗകര്യം ഒരുക്കിയിട്ടുണ്ട്. ഏഴിന് ഉച്ചകഴിഞ്ഞ് മൂന്നിന് സർഗാത്മക സ്വാതന്ത്ര്യം എന്ന വിഷയത്തിൽ സെമിനാർ നടക്കും. കെ.ഇ.എൻ. കുഞ്ഞഹമ്മദ് ഉദ്ഘാടനം ചെയ്യും. എട്ടിന് ഉച്ചകഴിഞ്ഞ് മൂന്നിന് നടക്കുന്ന ലൈബ്രേറിയൻസ് സംഗമം മുൻ മന്ത്രി പി.കെ. ശ്രീമതി ഉദ്ഘാടനം ചെയ്യും. ഒന്പതിന് രാവിലെ 10ന് നടക്കുന്ന സമാപന സമ്മേളനം മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്‍റ് കെ.കെ. രത്നകുമാരി അധ്യക്ഷത വഹിക്കും. എല്ലാ ദിവസവും രാവിലെ ഒന്പത് മുതൽ രാത്രി ഏഴുവരെയാണ് പുസ്തകോത്സവത്തിലെ സ്റ്റാളുകൾ പ്രവർത്തിക്കുക. പത്രസമ്മേളനത്തിൽ ലൈബ്രറി കൗൺസിൽ ജില്ലാ സെക്രട്ടറി പി.കെ. വിജയൻ, പ്രസിഡന്‍റ് മുകുന്ദൻ മഠത്തിൽ, ജോയിന്‍റ് സെക്രട്ടറി വി.കെ.പ്രകാശിനി, എക്സിക്യുട്ടീവ് അംഗം പി. ജനാർദനൻ, മീഡിയാ കമ്മിറ്റി കൺവീനർ കെ.ടി. ശശി എന്നിവർ പങ്കെടുത്തു.

യാത്രികരെ ദുരിതത്തിലാക്കി പയ്യന്നൂർ- കണ്ണൂർ റൂട്ടിൽ ബസ് ജീവനക്കാരുടെ മിന്നൽ പണിമുടക്ക്

തളിപ്പറമ്പ്: പയ്യന്നൂർ -കണ്ണൂർ റൂട്ടിലെ മിന്നൽ ബസ് സമരം യാത്രക്കാരെയും വിദ്യാർഥികളെയും ദുരിതത്തിലാക്കി. മണ്ണിടിച്ചിലിനെ തുടർന്ന് പ്രവൃത്തികൾക്കായി കുപ്പം റോഡിൽ ഗതാഗതം നിരോധിച്ചത് വൻ ദുരിതമാണെന്ന് ആരോപിച്ച് ഇന്നലെ രാവിലെ മുതലാണ് ബസ് ജീവനക്കാർ മിന്നൽ പണിമുടക്ക് തുടങ്ങിയത്. എന്നാൽ, മുന്നറിയിപ്പില്ലാതെ നടത്തിയ മിന്നൽ ബസ് സമരം വിദ്യാർഥികളടക്കമുള്ള യാത്രികരെ ഏറെ വലച്ചു. ഇതോടെ പലരും കെഎസ്ആർടിസിയെയും, ബസ് സമരത്തിൽ പങ്കെടുക്കാത്ത ചുരുക്കം ചില ബസുകളെയും ആശ്രയിക്കുകയായിരുന്നു. ഇന്നു തന്നെ കുപ്പം വഴിയുള്ള ഗതാഗതം പുനസ്ഥാപിക്കുമെന്ന അധികൃതരുടെ ഉറപ്പിൽ ബസ് ജീവനക്കാർ വൈകുന്നേരത്തോടെ സർവീസ് പുനരാരംഭിച്ചു. കുപ്പം ഗതാഗത തടസത്തെ തുടർന്ന് പയ്യന്നൂർ-കണ്ണൂർ റൂട്ടിൽ ബസുകൾ നിലവിൽ പരിയാരം-നെരുവമ്പ്രം-ഏഴോം വഴിയാണ് സർവീസ് നടത്തിയിരുന്നത്. ഇത് ഇന്ധനനഷ്ടവും അതു പോലെ തന്നെ സമയനഷ്ടം കാരണം കൃത്യസമയത്ത് ഓടാനും വിവിധ സ്ഥലങ്ങളിൽ എത്തിച്ചേരാനും കഴിയാത്ത സാഹചര്യമായി. ഭക്ഷണ സമയമോ, വിശ്രമമോ പോലും കിട്ടാത്ത സ്ഥിതിയാണെന്നാണ് ബസ് ജീവനക്കാർ പറയുന്നത്. ഇക്കാരണത്താലാണ് യാതൊരു സംഘടനയുടെയും ആഹ്വാനവും പിന്തുണയുമില്ലാതെ വാട്സ് ആപ് ആഹ്വാന പ്രകാരം ബസ് ജീവനക്കാർ മിന്നൽ ബസ് സമരം നടത്തിയത്.

മഴക്കാല രോഗങ്ങൾക്കെതിരേ പ്രതിരോധം തുടങ്ങി

ഇരിട്ടി: ഡെങ്കിപ്പനി, മഞ്ഞപ്പിത്തം തുടങ്ങിയ രോഗങ്ങളെ പ്രതിരോധിക്കാൻ വള്ളിത്തോട് കുടുംബാ രോഗ്യ കേന്ദ്രത്തിന്‍റെ നേതൃത്വത്തിൽ വിവിധ വാർഡുകൾ കേന്ദ്രീകരിച്ച് പ്രതിരോധ പ്രവർത്തനങ്ങൾ തുടങ്ങി. പെരുമ്പറമ്പ്, തന്തോട്, പുതുശേരി, കല്ലുമുട്ടി, മാടത്തിൽ, കുന്നോത്ത്, വിളമന, വള്ളിത്തോട്, പായം പ്രദേശങ്ങളിൽ ആരോഗ്യ വകുപ്പ് ഉദ്യോഗസ്ഥർ, ആശമാർ തുടങ്ങിയവരുടെ നേതൃത്വത്തിൽ ബഹുജന പങ്കാളിത്തത്തോടെയാണ് പ്രവർത്തനങ്ങൾ നടത്തിയത്. സ്കൂളുകൾ തുറന്ന സാഹചര്യത്തിൽ സ്കൂളുകളിലും ശുചിത്വപരിശോധനയും, കുടിവെള്ള പരിശോധയും നടത്തി. ഹെൽത്ത് ഇൻസ്‌പെക്ടർ ബിനോജ് സി. കുറ്റ്യാനി, സിജു കേളോത്ത്, അബ്ദുള്ള, ജിതിൻ, സന്ദീപ് എന്നിവർ നേതൃത്വം നല്കി. പനി ഉണ്ടെങ്കിൽ ഉടൻ ഡോക്ടറെ കാണാനും ആവശ്യമായ പരിശോധനകൾ നടത്തി യഥാസമയം ചികിത്സ സ്വീകരിക്കാനും മെഡിക്കൽ ഓഫീസർ ഡോ. നിറ്റു തോമസ് അറിയിച്ചു.

കൊട്ടിയൂർ തീർഥാടനം: ആരോഗ്യവകുപ്പ് മുന്നൊരുക്ക യോഗം ചേർന്നു

കണ്ണൂർ: കൊട്ടിയൂർ വൈശാഖ മഹോത്സവത്തിന് മുന്നോടിയായി തീർഥാടകരുടെയടക്കമുള്ള പൊതു ജനാരോഗ്യ സുരക്ഷ ഉറപ്പു വരുത്തുന്നതിനായുള്ള നടപടികൾ ആരോഗ്യ വകുപ്പ് ഊർജിതമാക്കി. ജില്ലാ മെഡിക്കൽ ഓഫീസിൽ ഡോ. പിയൂഷ് എം. നമ്പൂതിരിപ്പാടിന്‍റെ അധ്യക്ഷതയിൽ പ്രോഗ്രാം ഓഫീസർമാരുടെയും ഹെൽത്ത് ഇൻസ്പെക്ടർമാരുടേയും യോഗം ചേർന്നു. ഉത്സവ സ്ഥലത്തു സ്വീകരിക്കേണ്ട ആരോഗ്യ സുരക്ഷാ നടപടികൾ ചർച്ച ചെയ്തു. ഹെൽത്ത് ഇൻസ്പെക്ടർമാർക്കുള്ള പരിശീലനവും നടന്നു. നോഡൽ ഓഫീസർ ഡോ. കെ.സി. സച്ചിന്‍റെ നേതൃത്വത്തിലുള്ള സംഘം കൊട്ടിയൂർ ക്ഷേത്രം സന്ദർശിച്ചു. ദേവസ്വം എക്‌സിക്യൂട്ടീവ് ഓഫീസർ ഗോകുലുമായി ചർച്ച നടത്തിയ സംഘം ഡിഎംഒയ്ക്ക് റിപ്പോർട്ട് സമർപ്പിക്കും. സംഘത്തിൽ ടെക്‌നിക്കൽ അസിസ്റ്റന്‍റ് എം.ബി. മുരളി, ജില്ലാ എപ്പിഡെമോളജിസ്റ്റ് അഭിഷേക് എന്നിവരും ഉണ്ടായിരുന്നു. ഉത്സവ പ്രദേശത്ത് കൊതുക് ജന്യ രോഗങ്ങൾ നിയന്ത്രിക്കുന്നതിനായി ജില്ലാ വെക്‌ടർ ബോൺ ഡീസീസ് കൺട്രോൾ യൂണിറ്റിന്‍റെയും കൊട്ടിയൂർ പിഎച്ച്സിയുടെയും നേതൃത്വത്തിൽ ഫോഗിംഗ് നടത്തി. ഉത്സവ സ്ഥലത്ത് ആംബുലൻസ്, ലാബ് സൗകര്യങ്ങളോടെയുള്ള മെഡിക്കൽ സൗകര്യം ഒരുക്കും. യോഗത്തിൽ നോഡൽ ഓഫീസർ ഡോ. കെ.സി. സച്ചിൻ, ഡോ. ജി. അശ്വിൻ, ഡോ. അനീറ്റ കെ. ജോസി, ജില്ലാ വിബിഡി കൺട്രോൾ ഓഫീസർ ഡോ. കെ.കെ. ഷിനി, ജില്ലാ ഡപ്യൂട്ടി മാസ് മീഡിയ ഓഫീസർമാരായ എസ്.എസ്. ആർദ്ര, ടി. സുധീഷ്, ടെക്‌നിക്കൽ അസിസ്റ്റന്‍റ് ഇൻ ചാർജ് എം.ബി. മുരളി, സി.പി. സലിം, ജില്ലാ നഴ്‌സിംഗ് ഓഫീസർ ഇൻ ചാർജ് വി.വി. മാലതി, എംസിഎച്ച് ഓഫീസർ ഇൻ ചാർജ് ടി.ജി. പ്രീത, അഡ്മിനിട്രേറ്റീവ് അസിസ്റ്റന്‍റ് ശ്യാം സുന്ദരം ഉത്സവവുമായി ബന്ധപ്പെട്ട ചുമതലയുള്ള ഹെൽത്ത് ഇൻസ്പെക്ടർമാർ എന്നിവർ പങ്കെടുത്തു.

കരിക്കോട്ടക്കരി-പതിനെട്ട് ഏക്കർ റോഡിലെ അപകടക്കുഴികളിൽ പൊറുതിമുട്ടി ജനം

ഇരിട്ടി: കരിക്കോട്ടക്കരി ടൗണിൽ നിന്നും രാജീവ് ദശലക്ഷം കോളനി വഴി പതിനെട്ട് ഏക്കറിലേക്കുള്ള റോഡിലെ അപകടക്കുഴികൾ യാത്രക്കാർക്ക് ഭീഷണിയാകുന്നു. ജൽജീവൻ മിഷന്‍റെ പൈപ്പിടാനായി റോഡിന്‍റെ ഒരു വശത്ത് തീർത്ത കുഴികളാണ് കാലവർഷത്തിൽ മണ്ണൊഴുകിപോയി വാഹങ്ങളെയും കാൽനട യാത്രക്കാരെയും ഒരുപോലെ ബുദ്ധിമുട്ടിലാക്കുന്നത്. വാഹങ്ങൾ സൈഡ് കൊടുക്കുമ്പോൾ ടാറിൽ നിന്നും വെളിയിൽ ഇറക്കുന്ന വാഹനങ്ങൾ കുഴിയിൽ വീണ് അപകടം പതിവാകുകയാണ്. കഴിഞ്ഞ ദിവസം ഗ്യാസ് കയറ്റിവന്ന വാഹനം കുഴിയിൽ താഴ്ന്ന് പോയിരുന്നു. നിരവധി ഇരുചക്രവാഹനങ്ങളും അപകടത്തിൽപ്പെടുന്നുണ്ട്. കുഴിയിൽ വീണ് കാൽനടയാത്രക്കാർക്കും പരിക്ക് പറ്റിയിട്ടുണ്ട്. സ്കൂൾ തുറന്നതോടെ ഇതുവഴി സ്കൂളിലേക്ക് നടന്നെത്തുന്ന കുട്ടികൾ കുഴികളിൽ വീണ് അപകടത്തിൽപെ‌ടാനും സാധ്യതയേറെയാണ്. വാട്ടർ അതോറിറ്റി അധികൃതർ അടിയന്തരമായി വിഷയത്തിൽ ഇടപെട്ട് റോഡിലെ അപകടാവസ്ഥ ഒഴിവാക്കണമെന്നാണ് പ്രദേശവാസികളുടെ ആവശ്യം. റോഡിൽ നിന്നും മണ്ണും ചെളിവെള്ളവും താഴ്ന്ന പ്രദേശത്തെ വീടുകളിലേക്ക് ഒഴുകി എത്തുന്നതായും പരാതി ഉണ്ട്.

ഡയപ്പർ കാമ്പയിന് തുടക്കമായി

കണ്ണൂർ: സമഗ്ര ശിക്ഷാ കേരളം കണ്ണൂർ, ജൂണിയർ ചേംബർ ഇന്‍റർനാഷണൽ എന്നിവയുടെ സംയുക്താഭിമുഖ്യത്തിൽ നടത്തുന്ന ഡയപ്പർ കാമ്പയിനിന്‍റെ ജില്ലാതല ഉദ്ഘാടനം അസിസ്റ്റന്‍റ് കളക്ടർ എഹ്‌തെദ മുഫസിർ നിർവഹിച്ചു. ഗൃഹാധിഷ്ഠിത വിദ്യാഭ്യാസം നടത്തുന്ന ജില്ലയിലെ കുട്ടികൾക്ക് ആവശ്യമായ ഡയപ്പർ ശേഖരിക്കുന്നതിന്‍റെ ഭാഗമായാണ് കാമ്പയിൻ സംഘടിപ്പിക്കുന്നത്. കിടപ്പിലായ കുട്ടികൾക്ക് വീടുകളിലെത്തി വിദ്യാഭ്യാസം നൽകുക എന്നത് അവരുടെ ജീവിതത്തെ തൊട്ടറിയുന്നതിന് തുല്യമാണെന്ന് എഹ്‌തെദ മുഫസിർ പറഞ്ഞു. ആരുമറിയാതെ പോകുന്ന ആവശ്യങ്ങൾ കണ്ടറിഞ്ഞ് അതിനുവേണ്ടി പ്രവർത്തിക്കുന്നവരെ അവർ അഭിനന്ദിച്ചു. കിടപ്പു രോഗികളും ഭിന്നശേഷിക്കാരുമായ നിരവധി വിദ്യാർഥികളാണ് ഡയപ്പർ ഇല്ലാതെ ബുദ്ധിമുട്ടുകൾ അനുഭവിക്കുന്നത്. ദിവസേന ഉപയോഗിക്കുന്ന എട്ട് ഡയപ്പറുകൾക്ക് 4000 രൂപവരെ ചെലവുണ്ട്. സാമ്പത്തികമായി പിന്നാക്കം നിൽക്കുന്ന രക്ഷിതാക്കൾക്ക് ഇത്തരം ചെലവുകൾ ബുദ്ധിമുട്ടേറിയതാണ്. ഇത്തരമൊരു സാഹചര്യത്തിലാണ് ഹാൻഡ് ഓഫ് ഹോപ്പ് എന്ന പേരിൽ എസ്എസ്കെയുടെയും ജെസിഐയുടെയും നേതൃത്വത്തിൽ ഡയപ്പർ ശേഖരണം നടത്തുന്നതെന്ന് എസ്എസ്‌കെ ജില്ലാ പ്രോഗ്രാം ഓഫീസർ ഇ.സി. വിനോദ് പറഞ്ഞു. എസ്എസ്‌കെ ജില്ലാ പ്രോജക്ട് കോ-ഓർഡിനേറ്റർ പി.കെ. സബിത്ത്, വിദ്യാകിരണം കോ-ഓർഡിനേറ്റർ കെ.സി. സുധീർ, സ്‌പെഷൽ എഡ്യുക്കേറ്റർ എൻ.എസ്. ധന്യ, ജെസിഐ ജോയിന്‍റ് ഡയറക്ടർ ഡോ. മേഘ പോത്തൻ, ജില്ലാ ഇൻഫർമേഷൻ ഓഫീസർ പി.പി. വിനീഷ്, ജെസിഐ പ്രതിനിധികളായ സംഗീത അഭയ്, സവിത ഭാസ്‌കർ, മാജിത, സുറുമി, രശ്മി, റിനിഷ, മേഘ എന്നിവർ പ്രസംഗിച്ചു.

ആറളം ഫാം സ്കൂളിന് സമീപം കാട്ടാനക്കൂട്ടം

ഇരിട്ടി: ആറളം ഫാം സ്‌കൂളിന് സമീപത്തെ പൊന്തക്കാടുകളിൽ കാട്ടാനകളെത്തിയത് ഭീതിയും ആശങ്കയും പരത്തി. തിങ്കളാഴ്ച വൈകുന്നേരമാണ് 12 അംഗ സംഘത്തെ കാട്ടാനക്കൂട്ടത്തെ കണ്ടത്. ഇന്നലെ രാവിലെ നാല് ആനകൾ കൂടി സംഘത്തോടൊപ്പം ചേർന്നു. കാട്ടാനക്കൂട്ടം സ്കൂളിനടുത്ത് തന്പടിച്ചതോടെ വനപാലകർ എത്തി സുരക്ഷാ സംവിധാനം ഒരുക്കുകയായിരുന്നു. തുടർന്ന് വിവിധ സംഘങ്ങളായി വനപാലകർ പടക്കം പൊട്ടിച്ചും ശബ്ദമുണ്ടാക്കിയും ആനകളെ ഇവിടെ നിന്നും നീക്കുകയായിരുന്നു. മേഖലയിലെ താമസക്കാർക്ക് മുന്നറിയിപ്പു നൽകാതെ ആനക്കൂട്ടത്തെ വനത്തിലേക്ക് തുരത്താൻ ശ്രമിച്ചാലുള്ള അപകട സാധ്യത കണക്കിലെടുത്ത് തുരത്തൽ ശ്രമം ഉപേക്ഷിക്കുകയായിരുന്നു. ആനക്കൂട്ടത്തെ നിലവിൽ ഫാമിന്‍റെ അധീനതയിലുള്ള കൃഷിയിടങ്ങളോട് ചേർന്നുള്ള കാട്ടിലേക്കാണ് മാറ്റിയത്. ആറളം ഫാമിംഗ് കോർപറേഷന്‍റെ അധീനതയിലുള്ള സ്ഥലത്തോട് ചേർന്നുള്ള സ്കൂളിന് ചുറ്റുമതിൽ ഉണ്ടെങ്കിലും കാട്ടാനക്കൂട്ടം വലിയ ഭീതിയാണ് സൃഷ്ടിച്ചത്. പുനർകൃഷിയുടെ ഭാഗമായി ഫാം സ്‌കൂളിന് സമീപത്തെ റബറും കശുമാവും ഉൾപ്പെടുന്ന തോട്ടം മുറിച്ചുമാറ്റിസ്ഥലം കാട് മൂടിയ നിലയിലാണ്. ഇവിടെയാണ് കാട്ടാനക്കൂട്ടം തന്പടിച്ചത്. തിങ്കളാഴ്ച്ച പുരധിവാസ മേഖലയിലെ ഒന്പതാം ബ്ലോക്കിൽ വളയം ചാലിലെ രാജൻ-ബിന്ദു ദമ്പതികളുടെ വീടിന്‍റെ അടുക്കള ഷെഡ് കാട്ടാന തകർത്തിരുന്നു. ആനയുടെ പിടിയിൽ നിന്നും രാജനും മകനും തലനാരിഴയക്കായിരുന്നു രക്ഷപ്പെട്ടത്. രാജന്‍റെ വീട് ഇരിട്ടി ബ്ലോക്ക് പഞ്ചായത്ത് പ്രസിഡന്‍റ് കെ. വേലായുധൻ, ബ്ലോക്ക് പഞ്ചായത്ത് അംഗം കെ. ശോഭ എന്നിവർ സന്ദർശിച്ചു. കാട്ടിലേക്ക് തുരത്തിയ ആനകൾ ഫാമിൽ തിരിച്ചെത്തുന്നു പലപ്പോഴായി ആറളം ഫാം മേഖലയിൽ നിന്ന് കാട്ടിലേക്ക് തുരത്തിയ ആനകൾ തിരിച്ചു വരുന്നതാണ് ആറളം ഫാം മേഖലയിലുള്ളവർ നേരിടുന്ന പ്രധാന പ്രശ്നം. നിലവിൽ ഫാം മേഖലയിൽ 50 ലധികം കാട്ടാനകളുണ്ടെന്നാണ് താമസക്കാരും ഫാം തൊഴിലാളികളും പറയുന്നത്. വിവിധ ഘട്ടങ്ങളിലായി നേരത്തെ 50ൽ അധികം ആനകളെ കാട്ടിലേക്ക് തുരത്തിയെന്നാണ് വനംവകുപ്പിന്‍റെ റിപ്പോർട്ടിലുള്ളത്. ആനമതിൽ നിർമാണം പാതിവഴിയിൽ നിലച്ചതും വനാതിർത്തിയിലെ സൗരോജ തൂക്കുവേലി തകർന്നതുമെല്ലാമാണ് തുരത്തിയ ആനകൾ തിരിച്ചെത്താൻ കാരണം. സ്‌കൂൾ തുറന്ന സാഹചര്യവും കാലസ്ഥയിൽ ഉണ്ടായ മാറ്റവും കാരണം എല്ലാവിധ സുരക്ഷാ സംവിധാനവും ഒരുക്കിയാൽ മാത്രമെ നിലവിൽ ഫാമിലുള്ള കാട്ടാനകളെ വനത്തിലേക്ക തുരത്തനാകു. ജനവാസ മേഖലയിലും ഫാമിന്‍റെ കൃഷിയിടത്തിലുമായി ആനയ്ക്ക് ചക്ക ഉൾപ്പെടെ ഭക്ഷണ സാധങ്ങൾ ലഭിക്കുന്നതുമാണഅ ആനകൾ ഇവിടെ തന്നെ തന്പടിക്കാൻ കാരണം. കാട്ടാനകൾ കൃഷി നശിപ്പിച്ചത് മൂലം മാത്രമായി 91 കോടിയുടെ നഷ്ടപരിഹാരത്തുക ഫാമിന് ലഭിക്കാനുണ്ട്.

പരിസ്ഥിതി സംരക്ഷണത്തോടൊപ്പം സാധാരണക്കാരുടെ ക്ഷേമവും ഉറപ്പാക്കണം: മാധവ് ഗാഡ്ഗിൽ

കണ്ണൂർ: പരിസ്ഥിതി സംരക്ഷണത്തോടൊപ്പം സാധാരണക്കാരായ മനുഷ്യരുടെ ക്ഷേമവും ഉറപ്പു വരുത്തണമെന്ന് പ്രശസ്ത പരിസ്ഥിതി ശാസ്ത്രഞ്ജൻ ഡോ. മാധവ് ഗാഡ്ഗിൽ. കണ്ണൂർ യൂണിവേഴ്സിറ്റി പരിസ്ഥിതി പഠനവകുപ്പിന്‍റെ ആഭിമുഖ്യത്തിൽ സംഘടിപ്പിക്കുന്ന ത്രിദിന പരിസ്ഥിതിശാസ്ത്ര ദേശീയ സെമിനാർ ഓൺലൈനായി ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പ്രകൃതിയിലേക്കുള്ള മനുഷ്യന്‍റെ ഭീകരമായ കടന്നു കയറ്റം നി‍യന്ത്രിക്കപ്പെടണം. അല്ലാത്ത പക്ഷംപ്രത്യാഘാതം അതീവ ഭീകരമായിരിക്കും. പരിസ്ഥിതിയെ സംരക്ഷിച്ചില്ലെങ്കിൽ ഒരു ജീവജാലങ്ങൾക്കും നിലനിൽക്കാനാകില്ലെന്നും അദ്ദേഹം പറഞ്ഞു. സിൻഡിക്കേറ്റംഗം കെ.പി. അനീഷ് അധ്യക്ഷത വഹിച്ചു. പരിസ്ഥിതി പഠന വകുപ്പ് മേധാവി കെ. മനോജ്, ഡോ. ഖലീൽ ചൊവ്വ, ഡോ. കുര്യൻ പുന്ന്യൻ, പ്രഫ. സലോം, ഡോ. പ്രദീപൻ പെരിയാട്ട് എന്നിവർ വിഷയാവതരണം നടത്തി. വിവിധ സെഷനുകളിൽ ഇന്ത്യയിലെ പ്രമുഖ പരിസ്ഥിതി ശാസ്ത്രജ്ഞർ ഉൾപ്പടെയുള്ളവർ വിഷയാവതരണം നടത്തും. ക്ഷണിക്കപ്പെട്ട ഗവഷേകർ അവരുടെ കണ്ടെത്തലുകൾ അവതരിപ്പിക്കുകയും ചെയ്യും. സെമിനാർ നാളെ സമാപിക്കും.

ഒഡീഷയിൽ വൈദികർക്കു നേരെയുള്ള അക്രമം; കെഎൽസിഎ പ്രതിഷേധിച്ചു

കണ്ണൂർ: വൈദികർക്കു നേരെ ഒഡീഷയിൽ നടന്ന ആക്രമണത്തിൽ കെഎൽസിഎ കണ്ണൂർ രൂപത സമിതി പ്രതിഷേധിച്ചു. ഭരണഘടന ഉറപ്പുനൽകുന്ന മതസ്വാതന്ത്ര്യത്തിന്‍റെ മേലുള്ള കടന്നുകയറ്റമാണ് ഇന്ത്യയിൽ ഉടനീളം നടത്തുന്നത്. മതേതര മൂല്യങ്ങളെ ഉയർത്തിപ്പിടിക്കുന്ന ഭാരതത്തിൽ ഇത് ഒറ്റപ്പെട്ട സംഭവമല്ല. കുറെ നാളുകളായി ഇത്തരക്കാർക്ക് മൗനാനുവാദം നല്കുകയാണ് കേന്ദ്രസർക്കാർ ചെയ്യുന്നത്. മാസങ്ങൾക്ക് മുമ്പാണ് സമാനമായ സംഭവം മധ്യപ്രദേ ശിലും അരങ്ങേറിത്. ക്രൈസ്തവ മൂല്യങ്ങൾ എന്താണെന്ന് അറിയാത്തവരാണ് ഇത്തരത്തിലുള്ള കാടത്തരങ്ങൾ കാട്ടിക്കൂട്ടുന്നതെന്ന് കെഎൽസിഎ കണ്ണൂർ രൂപത സമിതി ചൂണ്ടിക്കാട്ടി. സ്നേഹം, ക്ഷമ, സമാധാനം എന്നീ മൂല്യങ്ങൾ ക്രൈസ്തവ സഭ ഉയർത്തിപ്പിടിക്കുന്നുവെന്ന് കരുതി വിശ്വാസം വ്രണപ്പെടുത്താൻ നോക്കിയാൽ കൈയും കെട്ടി നോക്കിയിരിക്കില്ലെന്നു കെഎൽസിഎ മുന്നറിയിപ്പു നല്കി. കെഎൽസിഎ സംസ്ഥാന ട്രഷറർ രതീഷ് ആന്‍റണി യോഗം ഉദ്ഘാടനം ചെയ്തു. കണ്ണൂർ രൂപത പ്രസിഡന്‍റ് ഗോഡ്സൺ ഡിക്രൂസ് അധ്യക്ഷത വഹിച്ചു. ഫാ. മാർട്ടിൻ രായപ്പൻ, ആന്‍റണി നൊറോണ, ജോൺ ബാബു കോളയാട്, ശ്രീജൻ ഫ്രാൻസിസ്, കെ.എച്ച്. ജോൺ, ക്രിസ്റ്റഫർ കല്ലറക്കൽ, ഫ്രാൻസിസ് ജെ. അലക്സ്, റിക്സൺ ജോസഫ്, ലെസ്ലി ഫെർണാണ്ടസ്, എലിസബത്ത് കുന്നോത്ത്, പ്രീത, റീജ സ്റ്റീഫൻ, ആന്‍റോ തലശേരി, ബർണാർഡ് താവം എന്നിവർ പ്രസംഗിച്ചു.

വാടക ക്വാർട്ടേഴ്സിൽ മയക്കുമരുന്നും ആയുധങ്ങളും; വീട്ടമ്മ അറസ്റ്റിൽ

കണ്ണൂർ: കാപ്പാ കേസ് പ്രതിയെ പിടികൂടാനെത്തിയ പോലീസ് സംഘം വാടക ക്വാർട്ടേഴ്സിൽ നിന്ന് എംഡിഎംഎയും വടിവാളും നഞ്ചക്കുമായി യുവതിയെ അറസ്റ്റ് ചെയ്തു. തയ്യിൽ സ്വദേശിനിയും ചാലാ‌ട് മണലിൽ താമസക്കാരിയുമായ സി.സീനത്തിനെയാണ്(48) ടൗൺ സിഐ ശ്രീജിത്ത് കൊടേരിയുടെ നേതൃത്വത്തിൽ എസ്ഐ ദീപ്തിയും സംഘവും അറസ്റ്റ് ചെയ്തത്. കണ്ണൂർ മണലിലുള്ള ഷഹദ് എന്നയാൾ താമസിക്കുന്ന വാടക കെട്ടിടത്തിൽ കാപ്പാ കേസിൽ പിടികിട്ടാപ്പുള്ളിയായ പട്ടറത്ത് റഹീമും കൂ‌ട്ടാളികളും താമസിക്കുന്നുണ്ടെന്ന രഹസ്യവിവരത്തിന്‍റെ അടിസ്ഥാനത്തിലായിരുന്നു പോലീസ് പരിശോധന. പോലീസിനെ കണ്ടപ്പോൾ ഷഹദിന്‍റെ ഉമ്മ സീനത്ത് പരുങ്ങുന്നത് കണ്ടതിനെ തുടർന്ന് ചോദ്യം ചെയ്യുകയും പരിശോധന നടത്തിയപ്പോൾ കൈയിൽ ഒളിപ്പിച്ച് പിടിച്ച 1.40 ഗ്രാം എംഡിഎംഎ പിടിച്ചെടുക്കുകയുമായിരുന്നു. തുടർന്ന് നടത്തിയ പരിശോധനയിലാണ് ഒരു മുറിയിലെ കട്ടിലിന്‍റെ അടിയിൽ നിന്ന് വടിവാളും നഞ്ചക്കും കണ്ടെടുത്തത്. ക്വാർട്ടേഴ്സിൽ പരിശോധന നടത്തി പോലീസ് ഇറങ്ങവെ സ്കൂട്ടറിൽ വന്ന സീനത്തിന്‍റെ മകളുടെ ഭർത്താവിൽ നിന്ന് കഞ്ചാവ് 3.45 ഗ്രാം കണ്ടെടുത്തു. ഭാര്യയെ അവിടെ ഇറക്കവെ പോലീസിനെ കണ്ടതോടെ രക്ഷപ്പെടാൻ ശ്രമിച്ച തയ്യിൽ സ്വദേശിയായ ഷാഹിദ് അഫ്നാസിനെയാണ്(25) പോലീസ് പിടികൂടിയത്. പ്രതികൾക്ക് നഗരത്തിലെ മയക്ക്മരുന്ന് ശ്യംഖലയുമായി ബന്ധമുള്ളതായി സംശയിക്കുന്നതായി പോലീസ് പറഞ്ഞു. എസ്ഐ അനുരൂപ്, ഉദ്യോഗസ്ഥരായ അഫ്സീർ, അഖിൽ വിനീത്, മിനി, സൗമ്യ, ഡാൻസാഫ് ടീമംഗങ്ങളായ സുജിത്ത്, പ്രവീഷ് , സിസിൽ , മഹേഷ് തുടങ്ങിയവർ പ്രതികളെ പിടികൂടിയ സംഘത്തിലുണ്ടായിരുന്നു.

കാതടപ്പിക്കുന്ന ശബ്ദവും തീയും; ബൈക്ക് സൈലൻസറുകൾ ഊരിയെടുത്ത് പോലീസ്

തൃക്കരിപ്പൂർ: കാതടപ്പിക്കുന്ന ശബ്ദത്തിൽ ബൈക്കോടിക്കുന്നവർക്കെതിരെ കർശന നടപടിയുമായി ചന്തേര പോലീസ്. വെടിപൊട്ടിക്കുന്ന ശബ്ദവും തീപാറുന്നതുമായ സൈലൻസറുകൾ പിടിപ്പിച്ച് റോഡിലിറങ്ങിയ ബൈക്കുകൾ കഴിഞ്ഞ രണ്ടാഴ്ചയ്ക്കുള്ളിൽ 20 എണ്ണമാണ് പിടികൂടിയത്. വാഹനങ്ങളിൽ വളരെ ചെറിയ രൂപമാറ്റം വരുത്തിയാൽ പോലും 5000 ത്തിന് മുകളിൽ പിഴ ചുമത്തുന്നതിന് നിയമമുള്ളത് ഉപയോഗപ്പെടുത്തി വരികയാണ് പോലീസ്. ഒന്നിൽ കൂടുതൽ രൂപമാറ്റങ്ങൾ വരുത്തിയവർക്ക് ഓരോന്നിനും 5000 രൂപ വീതം പിഴ ചുമത്തുന്നുണ്ട്. പൊതുറോഡിൽ ശബ്ദശല്യവും നാട്ടുകാർക്ക് അസ്വസ്ഥതയുമുണ്ടാക്കുന്ന ഇത്തരം പ്രവണത കൈക്കൊള്ളുന്നവർക്കെതിരെ കർശന നടപടിയാണ് സ്വീകരിക്കുന്നത്. സ്കൂളുകൾ തുറന്നതിന്‍റെ പശ്ചാത്തലത്തിൽ വിവിധ ടൗണുകൾ കേന്ദ്രീകരിച്ച് വാഹന പരിശോധന കർശനമാക്കാൻ പോലീസ് തീരുമാനിച്ചിരിക്കുകയാണ്. പ്രായപൂർത്തിയാകാത്തവർ വാഹനമോടിച്ചാലും ലൈസൻസില്ലാതെ കൗമാരക്കാരും യുവാക്കളും വാഹനമോടിച്ചാലും കാൽ ലക്ഷം രൂപ പിഴ ചുമത്തുന്നതിന് പുറമേ 25 വയസ് പൂർത്തിയാകാതെ പിന്നീട് ലൈസൻസ് ലഭിക്കുകയുമില്ല.

സ്കൂൾ ജീപ്പും കാറും കൂട്ടിയിടിച്ച് കുട്ടികൾ ഉൾപ്പെടെ 14 പേർക്ക് പരിക്ക്

പാണത്തൂർ: സ്കൂൾ ജീപ്പും കാറും കൂട്ടിയിടിച്ച് വിദ്യാർഥികൾ ഉൾപ്പെടെ 14 പേർക്ക് പരിക്ക്. ഇന്നലെ വൈകുന്നേരം നാലോടെ പാണത്തൂർ മൈലാട്ടിയിലാണ് അപകടം. പാണത്തൂർ ജിഡബ്ല്യുഎച്ച്എസിലെ വിദ്യാർഥികൾ സഞ്ചരിച്ച വിദ്യാവാഹിനി ജീപ്പും സ്വിഫ്റ്റ് കാറുമാണ് കൂട്ടിയിടിച്ചത്. ആദിവാസി ഊരുകളില്‍ നിന്ന് കുട്ടികളെ വാഹനമാര്‍ഗം സ്‌കൂളിലെത്തിക്കാനുള്ള സര്‍ക്കാര്‍ പദ്ധതിയാണ് വിദ്യാവാഹിനി. എട്ടു വിദ്യാർഥികൾക്കും കാർ യാത്രക്കാരായ ആറു പേർക്കും പരിക്കേറ്റു. വിദ്യാർഥികളായ ശിവകുമാർ (11), ഗീതു (11), അർജുൻ (6), അമൃത (12), ലയ (10), ആദിദേവ് (7), ആര്യ (15), ശിവന്യ (9) എന്നിവരെ പൂടംകല്ല് താലൂക്ക് ആശുപത്രിയിൽ പ്രവേശിപ്പിച്ചു. കാറിലുണ്ടായ കർണാടക പുത്തൂർ സ്വദേശികളായ ആറും പേർക്കും പരിക്കേറ്റു. ആരുടെയും പരുക്ക് ഗുരുതരമല്ല. വിനോദസഞ്ചാരകേന്ദ്രമായ റാണിപുരത്ത് എത്തി തിരിച്ചുപോകുന്ന സംഘമാണ് കാറിൽ ഉണ്ടായിരുന്നത്. കാറിന്‍റെ മുൻഭാഗം പൂർണമായും തകർന്നു. x

കണ്ണൂരിൽ തിരയിൽപ്പെട്ട യുവാക്കളിൽഒരാളുടെ മൃതദേഹം കണ്ടെത്തി

കണ്ണൂർ: അഴീക്കോട് മീൻകുന്ന് കള്ളക്കടപ്പുറത്ത് കഴിഞ്ഞ ദിവസം കുളിക്കുന്നതിനിടെ തിരയിൽപ്പെട്ട രണ്ടു യുവാക്കളിൽ ഒരാളെ മരിച്ചനിലയിൽ കണ്ടെത്തി. പട്ടാന്നൂർ കൊടോളിപ്രം സ്വദേശിയും ഹൈദരാബാദിൽ അധ്യാപകനുമായ പി.കെ.ഗണേശൻ നമ്പ്യാരെയാണ് (28) മരിച്ച നിലയിൽ കണ്ടെത്തിയത്. കണ്ണൂർ നീർക്കടവ് ഭാഗത്ത് കടലിൽ മത്സ്യത്തൊഴിലാളികളാണ് ഇന്നലെ ഉച്ചയക്ക് 12 ഓടെ മൃതദേഹം കണ്ടെത്തിയത്. ഇവർ വിവരമറിയിച്ചതിനെ തുടർന്ന് മറൈൻ എൻഫോഴ്സ്മെന്‍റ് മൃതദേഹം പയ്യാന്പലത്ത് എത്തിക്കുകയായിരുന്നു. മൃതദേഹം പോസ്റ്റുമോർട്ടത്തിനായി കണ്ണൂർ ജില്ലാ ആശുപത്രി മോർച്ചറിയിലേക്ക് മാറ്റി. സംസ്കാരം നാളെ ഉച്ചകഴിഞ്ഞ് രണ്ടിന് തറവാട് ശ്മശാനത്തിൽ നടക്കും. കൊടോളിപ്രം ആനന്ദാലയത്തിൽ പി.വി. ആനന്ദൻ-പി.കെ.നിഷ ദന്പതികളുടെ മകനാണ് ഗണേശന്‍ നന്പ്യാർ. സഹോദരി: അനില. ഗണേശൻ നന്പ്യാർക്കൊപ്പം കടലിൽ കാണാതായ സുഹൃത്തും എൻജിനിയറിംഗ് വിദ്യാർഥി വലിയന്നൂരിലെ വി. പ്രനേഷിനായുള്ള തെരച്ചിൽ തുടരുകയാണ്. തിങ്കളാഴ്ച വൈകുന്നേരം കടലിൽ കുളിക്കുന്നതിനിടെയാണ് ഇരുവരും തിരയിൽപ്പെട്ടത്.

വാഹനാപകടത്തിൽ പരിക്കേറ്റ വയോധിക മരിച്ചു

ചക്കരക്കൽ: വാഹനാപകടത്തിൽ പരിക്കേറ്റ് ചികിത്സയിലായിരുന്ന വയോധിക മരിച്ചു. വെള്ളച്ചാലിലെ കിഴക്കയിൽ നന്ദിനിയാണ് (68) മരിച്ചത്. കഴിഞ്ഞ ശനിയാഴ്ച കണ്ണൂർ താണയിൽ വച്ച് റോഡ് മുറിച്ചുകടക്കുമ്പോൾ ബസിടിച്ചാണ് അപകടം. ഗുരുതരമായി പരിക്കേറ്റതിനെതുടർന്ന് ചാലയിലെ സ്വകാര്യ ആശുപത്രിയിൽ ചികിത്സയിലായിരുന്നു. ദിനേശ് ബീഡി റിട്ട.ലേബലിംഗ് തൊഴിലാളിയായിരുന്നു. സഹോദരങ്ങൾ : നളിനി, പ്രേമൻ, അശോകൻ, രതി, ദിനേശൻ, പരേതയായ വിമല.

ക്ഷേത്രദർശനം കഴിഞ്ഞ് മടങ്ങവെ ഓട്ടോ മറിഞ്ഞ് ഡ്രൈവർ മരിച്ചു

കണ്ണൂർ: കുടുംബസമേതം ക്ഷേത്രദർശനം കഴിഞ്ഞ് മടങ്ങവെ ഓട്ടോറിക്ഷ നിയന്ത്രണം വിട്ട് മറിഞ്ഞ് ഡ്രൈവർ മരിച്ചു. തളിപ്പറമ്പ് നഗരത്തിലെ ഓട്ടോ ഡ്രൈവർ പാലകുളങ്ങര കൃഷ്ണകൃപ അപ്പാർട്ട്മെന്‍റിലെ താമസക്കാരനായ വി.ആർ. പ്രദീപ് കുമാറാണ് (54)മരിച്ചത്. ഭാര്യ പാർവതിക്ക് നിസാര പരിക്കേറ്റു. മകൻ അരുൺ പരിക്കേൽക്കാതെ രക്ഷപ്പെട്ടു. ഇന്നലെ രാവിലെ ആറരയോടെയായിരുന്നു അപകടം. തിരുവനന്തപുരത്തെ ക്ഷേത്രദർശനത്തിന് ശേഷം രാവിലെ കണ്ണൂർ റെയിൽവേ സ്റ്റേഷനിൽ എത്തി അവിടെ പാർക്ക് ചെയ്തിരുന്ന ഓട്ടോറിക്ഷയിൽ തളിപ്പറമ്പിലെ വീട്ടിലേക്ക് പോകവെ പള്ളിക്കുളം ഗണപതി മണ്ഡപത്തിന് സമീപമായിരുന്നു അപകടം. എതിരെ വന്ന ലോറിയെ വെട്ടിക്കാൻ ശ്രമിക്കവെ നിയന്ത്രണം വിട്ട് ഓട്ടോ ഡിവൈഡറിലിടിച്ച് മറിഞ്ഞ് പ്രദീപ് കുമാറിന്‍റെ ദേഹത്ത് വീഴുകയായിരുന്നു. പരിക്കേറ്റ് റോഡിൽ കിടക്കുകയായിരുന്ന അച്ഛനെ ആശുപത്രിയിലെത്തിക്കാൻ അതുവഴി വന്ന വാഹനങ്ങൾ ഒന്നും തയ്യാറായില്ലെന്ന് മകൻ അരുൺ പറഞ്ഞു. ഒടുവിൽ പോലീസ് വാഹനമെത്തി കണ്ണൂരിലെ സ്വകാര്യ ആശുപത്രിയിൽ എത്തിക്കുകയായിരുന്നു. തുടർന്ന് വിദഗ്ധ ചികിത്സക്കായി കിംസ് ശ്രീചന്ദ് ആശുപത്രിയിൽ എത്തിച്ചെങ്കിലും മരിച്ചു. അഖില മകളാണ്. സഹോദരങ്ങൾ: പ്രസന്ന, പ്രമോദ്, പ്രകാശ്, പ്രിയ.

യുവാവ് കിടപ്പുമുറിയിൽ മരിച്ചനിലയിൽ

ചെറുപുഴ: യുവാവിനെ കിടപ്പുമുറിയിൽ മരിച്ചനിലയിൽ കണ്ടെത്തി. ചെറുപുഴ പഞ്ചായത്തിലെ പ്രാപ്പൊയിൽ എയ്യൻകല്ലിലെ ഇല്ലംപറമ്പിൽ രാജേഷിനെ (40) ആണ് മരിച്ചനിലയിൽ കണ്ടെത്തിയത്. ഇന്നലെ രാവിലെ സമീപവാസിയാണ് രാജേഷിനെ കട്ടിലിൽ മരിച്ചുകിടക്കുന്ന നിലയിൽ കണ്ടത്. രാജേഷ് തനിച്ചാണു താമസിച്ചിരുന്നത്. ചെറുപുഴ പോലീസ് വീട്ടിലെത്തി മൃതദേഹം പരിശോധന നടത്തി. കണ്ണൂർ പരിയാരം ഗവ. മെഡിക്കൽ കോളജിൽ പോസ്റ്റ്മോർട്ടം നടത്തിയ മൃതദേഹം നാട്ടിലെത്തിച്ച് സംസ്കരിച്ചു. ഭാര്യ: റീന. മകൻ: അങ്കിത്.

കണ്ണൂർ യൂണിവേഴ്സിറ്റി പ്രൈവറ്റ് രജിസ്‌ട്രേഷൻ ക്ഷണിച്ചത് സ്വാഗതാർഹം: പിസിഎ

കണ്ണൂർ: വിദ്യാഭ്യാസ പരമായി പിന്നോക്കം നില്ക്കുന്ന മലബാർ മേഖലയിൽ പ്രൈവറ്റ് രജിസ്‌ട്രേഷൻ ക്ഷണിച്ചു കൊണ്ടുള്ള കണ്ണൂർ സർവകലാശാല സിൻഡിക്കറ്റ് തീരുമാനത്തെ പാരലൽ കോളജ് അസോസിയേഷൻ (പിസിഎ) ജില്ലാ സമ്മേളനം സ്വാഗതം ചെയ്തു. ഇത് കണ്ണൂർ കാസർഗോഡ്, വയനാട് ജില്ലകളിലെ സാധാരണക്കാരായ വിദ്യാർഥികൾക്ക് വളരെ പ്രയോജനം ചെയ്യുമെന്നും, സമയബന്ധി തമായി പരീക്ഷകൾ നടത്തി ഈ മേഖലയിലെ വിദ്യാർഥികളോട് കൂടുതൽ പരിഗണന കാണിക്കണ മെന്നും അസോസിയേഷൻ ആവശ്യപ്പെട്ടു. സ്റ്റുഡന്‍റ് ട്രാവൽ ഫെസിലിറ്റി കമ്മിറ്റി തീരുമാനപ്രകാരം വിദ്യാർഥികൾക്ക് ജൂൺ 15 വരെ പഴയ പാസിൽ യാത്ര ചെയ്യാനുള്ള നടപടികൾ അധികൃതരുടെ ഭാഗത്തു നിന്നും ഉണ്ടാകണം എന്നും യോഗം നിർദേശിച്ചു. കോളജ് ഓഫ് കൊമേഴ്സ് ഹാളിൽ നടന്ന സമ്മേളനം ജില്ലാ രക്ഷാധികാരി സി. അനിൽകുമാർ ഉദ്‌ഘാടനം ചെയ്തു. ജില്ലാ പ്രസിഡന്‍റ് കെ.എൻ. രാധാകൃഷ്ണൻ അധ്യക്ഷത വഹിച്ചു. ടി.കെ. രാജീവൻ, എൻ.വി. പ്രസാദ്, പി. ലക്ഷ്മണൻ, യു. നാരായണൻ, നവാസ് മുണ്ടേരി, രമേശ്, കെ.വി. മധുസൂധനൻ, ഷാഹിദ തുടങ്ങിയവർ പ്രസംഗിച്ചു.

താവം മേൽപ്പാലത്തിൽ കുഴികൾ; വാഹനയാത്ര അതീവ അപകടകരം

പഴയങ്ങാടി: പഴയങ്ങാടി-പാപ്പിനിശേരി കെഎസ്ടിപി റോഡിലെ താവം മേൽപ്പാലത്തിൽ രൂപപ്പെട്ട കുഴികൾ വാഹനയാത്രക്കാർക്ക് അപകടക്കെണിയാകുന്നു. മേൽപ്പാലത്തിന്‍റെ പഴയങ്ങാടി ഭാഗത്തും താവം ഭാഗത്തുമാണ് കുഴികൾ രൂപപ്പെട്ടത്. ടാറിംഗ് ഇളകി മേൽപ്പാലത്തിന്‍റെ കോൺക്രീറ്റിന്‍റെ മേൽ ഭാഗവും തകർന്ന് കന്പികൾ പുറത്ത് കാണാവുന്ന തരത്തിലുള്ള ആഴമുള്ള കുഴികളാണ് രൂപപ്പെട്ടിരിക്കുന്നത്. ഇരുചക്ര വാഹനങ്ങൾ കുഴിയിൽ വീണ് യാത്രക്കാർക്ക് പരിക്കേൽക്കുന്നത് പതിവാണ്. പാലത്തിൽ നേരത്തെ അടച്ചിരുന്ന കുഴികൾ പലതും വീണ്ടും പ്രത്യക്ഷപ്പെട്ടിട്ടുമുണ്ട്. പാലത്തിന് മുകളിലെ സോളാർ വിളക്കുകൾ കത്താത് രാത്രിയാത്രക്കാരെയും ദുരിതത്തിലാക്കുകയാണ്. പിലാത്തറ -പഴയങ്ങാടി-പാപ്പിനിശേരികെ എസ് ടി പി റോഡിന്‍റെ ഉപരിതലം മിനുക്കുന്നതുൾപ്പടെയുള്ള അറ്റകുറ്റപണികൾക്കായി പത്തുമാസം മുന്പ് 15 കോടി അനുവദിച്ചതായി പ്രഖ്യാപനമുണ്ടായിരുന്നു. എന്നാൽ ഫണ്ട് ലഭ്യമാക്കി നവീകരണ പ്രവൃത്തികൾ ഇനിയും ആരംഭിച്ചിട്ടില്ല.

പ്രവർത്തനം നിലച്ച സൗരോർജ തൂക്കുവേലി നന്നാക്കാൻ നടപടി വേണം

കാപ്പിമല: വന്യമൃഗശല്യം തടയാൻ ഒരു വർഷം മുമ്പ് ജില്ലാ പഞ്ചായത്തും ആലക്കോട് പഞ്ചായത്തും ചേർന്ന് ആലക്കോട് പഞ്ചായത്ത് പരിധിയിലെ മഞ്ഞപ്പുല്ല് മുതൽ വൈതൽകുണ്ട് വരെ സ്ഥാപിച്ച സൗരോർജ തൂക്കു വേലിയുടെ പ്രവർത്തനം നിലച്ചതായി പ്രാദേശിക വികസന സമിതി. യാതൊരു പരിചരണവും ഇല്ലാതെ ഈ വേലിയുടെ പ്രവർത്തനം നിലച്ചതോടെ കാട്ടാനകൾ വേലി കടന്ന് മഞ്ഞപ്പുല്ല് ജനവാസ മേഖലയിലെ കൃഷിയിടങ്ങളിലെത്തുന്നത് പതിവാണ്. കഴിഞ്ഞ വർഷം പുതിയ വേലി നിർമിക്കുന്നതിനുമുമ്പ് ഇവിടെ പഴയ രീതിയിലുള്ള സൗരോർജ വേലി നിലവിലുണ്ടായിരുന്നു. അതിന്‍റെ ഫെൻസിംഗ് കൺട്രോൾ സിസ്റ്റം പ്രദേശത്തെ ജനങ്ങൾക്ക് പരിശോധിക്കാവുന്ന രീതിയിൽ ജനവാസ മേലയിലെ വഴിയോരത്തായിരുന്നു സ്ഥാപിച്ചിരുന്നത്. അതിനാൽ നാട്ടുകാർ തന്നെ യഥാസമയങ്ങളിൽ പരിശോധിച്ച് വേലി പ്രവർത്തന ക്ഷമമാണോയെന്ന് ഉറപ്പു വരുത്തിയിരുന്നു. പുതുതായി നിർമിച്ച വേലിയുടെ കൺട്രോൾ സിസ്റ്റം വനത്തിനുള്ളിൽ ജനവാസമില്ലാത്ത സ്ഥലത്ത് സ്ഥാപിച്ചതിനാൽ വേലിയുടെ പ്രവർത്തനക്ഷമത പരിശോധിക്കുന്നതിന് പ്രദേശവാസികൾക്ക് സാധ്യമല്ലാത്ത അവസ്ഥയാണ് നിലവിലുള്ളത്. വനത്തിലേയ്ക്ക് കയറണമെങ്കിൽ രൊൾക്ക് 60 രൂപവീതം നൽകി വനം വകുപ്പിന്‍റെ പാസ് വാങ്ങണം. സിസ്റ്റം സ്ഥാപിച്ചിരിക്കുന്നിടത്ത് എത്തിച്ചേരാൻ കാടിനുള്ളിലൂടെ കിലോമീറ്ററുകൾ നടക്കുകയും വേണം. ഈ അസൗകര്യം ചൂണ്ടിക്കാട്ടി ജനങ്ങൾക്ക് പരിശോധിക്കാൻ സൗകര്യപ്രദമായ സ്ഥലത്ത് സിസ്റ്റം സ്ഥാപിക്കണമെന്ന് നിർമാണ ഘട്ടത്തിൽ ബന്ധപ്പെട്ട ഉദ്യോഗസ്ഥരോടും കരാറുകാരോടും വികസനസമിതി ഭാരവാഹികൾ ആവശ്യപ്പെട്ടിരുന്നെങ്കിലും അവരത് പരിഗണിക്കാതെ വനത്തിനുള്ളിൽ തന്നെ സ്ഥാപിയ്ക്കുകയാണുണ്ടായത്. ശ്രദ്ധിക്കാനാരുമില്ലാതെ വേലിയുടെ പ്രവർത്തനം നിലച്ചാൽ അറ്റകുറ്റപ്പണിക്കായി വീണ്ടും വൻതുക അനുവദിപ്പിച്ച് അഴിമതിനടത്താൻ കരാറുകാരും ഉദ്യോഗസ്ഥരും ചേർന്ന് നടത്തിയ ഗൂഢാലോചനയാണ് ഇപ്പോഴത്തെ അവസ്ഥയ്ക്ക് കാരണമെന്ന് വികസന സമിതി ആരോപിച്ചു.ത്രിതല പഞ്ചായത്തും വനം വകുപ്പും അടിയന്തര നടപടി സ്വീകരിച്ച് വേലി പ്രവർത്തനക്ഷമമാക്കണമെന്നും തുടർന്ന് വേലി സംരക്ഷിക്കാൻ സ്ഥിരം സംവിധാനൊരുക്കി ഈ പ്രദേശത്തെ ജനങ്ങളുടെ ജീവനും വസ്തുവകകൾക്കും സംരക്ഷണം ഉറപ്പാക്കണമെന്നും കാപ്പിമല, മഞ്ഞപ്പുല്ല്, പൈതൽമല വികസന സമിതി യോഗം ആവശ്യപ്പെട്ടു. സമിതി പ്രസിഡന്‍റ് റോയി ഈറ്റയ്ക്കൽ അധ്യക്ഷത വഹിച്ചു. സെക്രട്ടറി ക്രിസ്റ്റീൻ പുത്തൻപുര, ട്രഷറർ മൈക്കിൾ പൈകട, കമ്മിറ്റി അംഗങ്ങളായ ഷാജി വള്ളിയാംതടത്തിൽ, ജയിംസ് വിറകൊടിയനാൽ, ജോയി കവിയിൽ, ജോസ് ഈറപ്ലാക്കൽ, സെബാസ്റ്റ്യൻ മാന്നാത്ത്, ബേബി പെരുമ്പള്ളിക്കുന്നേൽ, റോജി ഈറ്റയ്ക്കൽ, വിനോയി വെട്ടുകാട്ടിൽ എന്നിവർ പ്രസംഗിച്ചു.

സ്നേഹവീടിന്‍റെ താക്കോൽദാനം നടത്തി

ആലക്കോട്: ആലക്കോട് എൻഎസ്എസ് കരയോഗം കുവൈത്ത് എൻഎസ്എസിന്‍റെ സഹ കരണത്തോടെ കരയോഗം അംഗത്തിന് പണിതുനല്കിയ സ്നേഹവീടിന്‍റെ താക്കോൽദാനം ജനറൽ സെക്രട്ടറി അനീഷ് പി. നായർ വട്ടക്കയത്തെ വിദ്യാ ചന്ദ്രന് കൈമാറി. തളിപ്പറമ്പ് താലൂക്ക് യൂണിയൻ പ്രസിഡന്‍റ് എം.എം. ഷജിത്ത് ഉദ്ഘാടനം ചെയ്തു. ആലക്കോട് എൻഎസ്എസ് കരയോഗം പ്രസിഡന്‍റ് ലാലു കുന്നപ്പള്ളി അധ്യക്ഷത വഹിച്ചു. കുവൈത്ത് എൻഎസ്എസ് വെൽഫയർ കമ്മിറ്റി കൺവീനർ എം.പി. പ്രബീഷ്, പി.വി. ചന്ദ്രബാബു, എം.ബി.ഓമന, സി.ഡി. ബാലചന്ദ്രൻ നായർ, ബി. അഭിലാഷ് എന്നിവർ പ്രസംഗിച്ചു.

പഠനോപകരണങ്ങൾ കൈമാറി

ചെമ്പേരി: ഏരുവേശി ഗവ. യുപി സ്കൂൾ പ്രവേശനോത്സവത്തോടനുബന്ധിച്ച് ചെമ്പേരി റോട്ടറി ക്ലബ്ലിന്‍റെ ആഭിമുഖ്യത്തിൻ വിദ്യാർഥികൾക്ക് പഠനോപകരണങ്ങൾ നൽകി. വാർഡ് മെംബർ പി.വി.കമലാക്ഷി പ്രവേശനോത്സവം ഉദ്ഘാടനം ചെയ്തു. എസ്എംസി ചെയർമാൻ കെ.പി.ദിലീപ് അധ്യക്ഷത വഹിച്ചു. സീനിയർ അധ്യാപിക ഇ.കെ.പ്രസീത അക്ഷരദീപം തെളിച്ചു. മദർ പിടിഎ പ്രസിഡന്‍റ് സൗമ്യ സജീവൻ നവാഗതരെ സ്വീകരിച്ചു. എസ്എംസി വൈസ് ചെയർമാൻ കെ.ശിവൻ പഠന കിറ്റുകളും ചെമ്പേരി റോട്ടറി ക്ലബ് പ്രസിഡന്‍റ് മാർട്ടിൻ കോട്ടയിൽ നവാഗതരായ വിദ്യാർത്ഥികൾക്ക് പഠനോപകരണങ്ങളും വിതരണം ചെയ്തു. റോട്ടറി ക്ലബ് സെക്രട്ടറി സിബി പുന്നക്കുഴിയിൽ, ജിജി കടുവാതൂക്കിൽ, ഷൈജു കുടിയിരിപ്പിൽ, ബോബിൻ അപ്പോളോ എന്നിവർ നേതൃത്വം നൽകി. ആലക്കോട്: ലയൺസ് ക്ലബ് ഓഫ് ആലക്കോട് പൈതൽവാലി 2025-26 വിദ്യാഭ്യാസ വർഷത്തിന്‍റെ പ്രവേശനോത്സവത്തോ‌ടനുബന്ധിച്ചു ഒറ്റതൈ, കാപ്പിമല, പൂവഞ്ചാൽ സ്കൂളുകൾക്ക് പഠനസാധനങ്ങൾ വിതരണം ചെയ്തു. ക്ലബ് പ്രസിഡന്‍റ് ബിന്നി മാത്യു കാപ്പിമല ഗവ. യു.പി സ്കൂൾ മുഖ്യധ്യാപിക പി.മായക്ക് പഠനസാധനങ്ങൾ കൈമാറി. ലയൺസ് ക്ലബ് സെക്രട്ടറി ബോബി ഉപ്പൂട്ടിൽ, ബിജു ചെരോലിക്കൽ, എം.പി. ബിജു, ബെൻസി സിജോ, വത്സല പ്രകാശ് എന്നിവർ പ്രസംഗിച്ചു.

ദേശീയപാതയുടെ തകര്‍ച്ച: ജനകീയ പഠന സംഘം പര്യടനം ആരംഭിച്ചു

പയ്യന്നൂര്‍: രാജ്യത്തിന്‍റെ പണം മഴയില്‍ ഒലിച്ചുപോകുന്നത് കണ്ടിട്ടും രാഷ്‌ട്രീയ പാർട്ടികൾ തുടരുന്ന മൗനം ചോദ്യം ചെയ്യപ്പെടേണണ്ടതാണെന്ന് പ്രമുഖ പരിസ്ഥിതി പ്രവര്‍ത്തകന്‍ ടി.പി.പദ്മനാഭന്‍. ജില്ലാ പരിസ്ഥിതി ഏകോപന സമിതിയുടെ നേതൃത്വത്തില്‍ ചെറുവത്തൂര്‍ കാര്യങ്കോട് മുതല്‍ കണ്ണൂര്‍ ചാല വരെയുള്ള ദേശീയപാതയിലെ പ്രശ്‌നബാധിത പ്രദേശങ്ങളില്‍ ജനകീയ പഠന സംഘം നടത്തുന്ന പര്യടനത്തിന്‍റെ ഉദ്ഘാടനം പയ്യന്നൂര്‍ കാപ്പാട് നിര്‍വഹിച്ച് പ്രസംഗിക്കുകയായിരുന്നു അദ്ദേഹം. ആവശ്യമായ പഠനം നടത്തി പരിഹാര നടപടികള്‍ സ്വീകരിക്കുന്നതിനൊപ്പം ദുരന്ത നിവാരണ പ്രവർത്തനമൊഴികെയുള്ള മറ്റു കാര്യങ്ങൾ നിർത്തിവയ്ക്കണം. ഇടനാടന്‍ ചെങ്കല്‍ കുന്നുകളും വയലുകളും നിര്‍ച്ചാലുകളും ഇടകലര്‍ന്ന കണ്ണൂര്‍ - കാസര്‍ഗോഡ് ജില്ലകളില്‍ പ്രദേശവാസികള്‍ കനത്ത ദുരന്തങ്ങള്‍ നേരിടുകയാണ്. ദേശീയപാതയിലെ പ്രശ്‌നബാധിത പ്രദേശങ്ങള്‍ സന്ദര്‍ശിച്ചും നാട്ടുകാരുമായി സംവദിച്ചും തല്‍സ്ഥിതി രേഖപ്പെടുത്തി റിപ്പോര്‍ട്ട് തയാറാക്കുകയെന്ന ലക്ഷ്യത്തോടെയാണ് പഠനയാത്ര നടത്തുന്നത്. എന്‍.സുബ്രഹ്മണ്യന്‍ അധ്യക്ഷത വഹിച്ചു. കെ.ഇ. കരുണാകരന്‍, സി. വിശാലാക്ഷന്‍, പി.പി. രാജന്‍, കെ.പി.ചന്ദ്രശേഖരന്‍, കെ.വി.രവീന്ദ്രന്‍ എന്നിവർ പ്രസംഗിച്ചു.

അതിദാരിദ്ര്യ മുക്ത ജില്ലയായി കണ്ണൂർ

കണ്ണൂർ: സംസ്ഥാനത്തെ ആദ്യ അതിദാരിദ്ര്യ മുക്ത ജില്ലയായി കണ്ണൂർ. മേയ് 22നാണ് ജില്ലാ ലക്ഷ്യം സാക്ഷാത്കരിച്ചത്. 2021 ഒാഗസ്റ്റിലാണ് അതിദാരിദ്ര്യ നിർമാർജന പദ്ധതി ആരംഭിച്ചത്. ഇതിന്‍റെ ആദ്യഘട്ടമായി ഭക്ഷണം, ആരോഗ്യം, സുരക്ഷിതമായ താമസ സ്ഥലം, അടിസ്ഥാന വരുമാനം എന്നിവയില്ലാത്ത അർഹരായ 3973 കുടുംബാംഗങ്ങളെ കണ്ടെത്തുകയും ആവശ്യാനുസരണം മൈക്രോപ്ലാൻ തയാറാക്കുകയും ചെയ്തു. പിന്നീട് 1078 പേർക്ക് ഭക്ഷണവും 2296 പേർക്ക് സാന്ത്വന പരിചരണവും ചികിത്സയും ലഭ്യമാക്കി. ഉപജീവനമാർഗം ആവശ്യമുളള 235 പേർക്ക് തദ്ദേശ സ്ഥാപനങ്ങൾ സൗകര്യമൊരുക്കുകയും കുടുംബശ്രീ മുഖേനെ തൊഴിൽ ലഭ്യമാക്കുകയും ചെയ്തു. 967 കുടുംബങ്ങൾക്ക് വീട്, ഒൻപത് ടോയ്‌ലറ്റുകൾ, 17 കുടുംബങ്ങൾക്ക് കുടിവെളളം, എട്ട് വീടുകളിൽ വൈദ്യുതീകരണം എന്നിവയും പദ്ധതിയുടെ ഭാഗമായി ചെയ്തു.

കളിചിരികളുമായി സ്‌കൂൾ പ്രവേശനോത്സവം

കണ്ണൂർ: വിദ്യാലയമുറ്റത്തു കളിചിരികളുടെ ആരവം. കണ്ണീരും പരിഭ്രമവും വഴിമാറി ബലൂണിന്‍റെ നിറക്കാഴ്ചകളിൽ അവർ ഒന്നുചേർന്ന് ഒന്നാം തരത്തിലേക്കുള്ള പ്രവേശനം ആഘോഷമാക്കി. ജില്ലാ സ്‌കൂൾ പ്രവേശനോത്സവം നടന്ന മീൻകുന്ന് അഴീക്കോട് ഗവ. ഹയർ സെക്കൻഡറി സ്‌കൂളിൽ കെ. വി. സുമേഷ് എംഎൽഎ ഉദ്ഘാടനം ചെയ്തു. ഒന്നാം ക്ലാസിൽ പ്രവേശനം നേടിയ കുട്ടികൾക്കുള്ള സമ്മാനവിതരണവും എംഎൽഎ നിർവഹിച്ചു. ജില്ലാപഞ്ചായത്ത് പ്രസിഡന്‍റ് അഡ്വ. കെ.കെ.രത്‌നകുമാരി അധ്യക്ഷത വഹിച്ചു. ജില്ലാ കളക്‌ടർ അരുൺ. കെ. വിജയൻ മുഖ്യാഥിതിയായി. ബാലതാരം എൻ.പി. പ്രയാൺ വിശിഷ്ടാതിഥിയായി. പൊതുവിദ്യാഭ്യാസ വകുപ്പ് ഉപഡയറക്ടർ ഷൈനി പ്രവേശനോത്സവ സന്ദേശം നൽകി. കണ്ണൂർ: ബഡ്സ് സ്കൂൾ പ്രവേശനോത്സവത്തിന്‍റെ ജില്ലാ തല ഉദ്ഘാടനം കണ്ണപുരം ബഡ്സ് സ്‌കൂളിൽ എം.വിജിൻ എംഎൽഎ നിർവഹിച്ചു. കണ്ണപുരം ഗ്രാമപഞ്ചായത്ത് പ്രസിഡന്‍റ് കെ.രതി അധ്യക്ഷത വഹിച്ചു. സംസ്ഥാനത്തുടനീളമുള്ള ബഡ്സ് സ്ഥാപനങ്ങൾ പുതിയ വർഷത്തെ പ്രവർത്തനങ്ങളിലേക്ക് കടക്കുന്നതിന്‍റെ ഭാഗമായാണ് ജില്ലാതല പ്രവേശനോത്സവം സംഘടിപ്പിച്ചത്. കോലോത്ത് വയൽ സ്വദേശി അശ്വന്ത് പുതുതായി പ്രവേശനം നേടി. മുഴുവൻ വിദ്യാർഥികൾക്കും ജില്ലാ കളക്ടർ അരുൺ കെ. വിജയൻ പഠനോപകരണങ്ങൾ വിതരണം ചെയ്തു. ജില്ലയിൽ 32 ബഡ്സ് സ്ഥാപനങ്ങളിലായി 1084 വിദ്യാർഥികളുണ്ട്.

പ്രവേശനോത്സവ ദിനത്തിൽ ബസിനായി വിദ്യാർഥികളുടെ സമരം

ഇരിട്ടി: യാത്രാ ദുരിതത്തിന് പരിഹാരം കാണണന്നാവശ്യപ്പെട്ട് കരിക്കോട്ടക്കരി സെന്‍റ് തോമസ് ഹൈസ്കൂൾ വിദ്യാർഥികൾ സ്കൂൾ പ്രവേശനോത്സവ ദിനത്തിൽ റോഡിൽ ഇറങ്ങി പ്രതിഷേധിച്ചു. വിദ്യാർഥികൾക്ക് ഒപ്പം പിടിഎയും ജനപ്രതിനിധികളും അധ്യാപകരും ചേർന്ന് റോഡിൽ ഇറങ്ങി പ്രതിഷേധത്തിൽ പങ്കാളികളായി. സ്കൂൾ സമയത്ത് ബസ് അനുവദിച്ചു തരണം എന്ന ആവശ്യവുമായാണ് കുട്ടികൾ റോഡിൽ ഇറങ്ങി പ്രതിഷേധിച്ചത്. എടപ്പുഴ, വാളത്തോട്, ഉരുപ്പുംകുറ്റി, ഈന്തുംകരി മേഖലയിൽ നിന്നും കരിക്കോട്ടക്കരി വഴി 20 ൽ അധികം ബസുകൾ സർവീസ് നടത്തിയിരുന്ന സ്ഥാനത്ത് കേവലം അഞ്ച് ബസുകൾ മാത്രമാണ് ഇപ്പോൾ സർവീസ് നടത്തുന്നത്. രാവിലെ എട്ടിനുശേഷം രണ്ട് മേഖലയിൽ നിന്നും കരിക്കോട്ടകരിക്ക് ബസ് ഇല്ലാത്തത് വിദ്യാർഥികളടക്കമുള്ള യാത്രക്കാരെ ദുരിതത്തിലാക്കുന്നത് ദീപിക രണ്ടുതവണ റിപ്പോർട്ട് ചെയ്തിരുന്നു. ഈ മേഖലയിൽ നിന്നും 200 ലധികം കുട്ടികളാണ് കരിക്കോട്ടക്കരി സ്കൂളിൽ പഠിക്കുന്നത്. അഞ്ചും ആറും കിലോമീറ്റർ ദൂരം സഞ്ചരിച്ചാണ് വിദ്യാർഥികൾ ഇവിടെ പഠനത്തിനായി എത്തുന്നത്. സ്കൂൾ സമയത്ത് രാവിലെയും വൈകുന്നേരവും ബസ് ഇല്ലാത്തത് സാധാരണ കൂലിത്തൊഴിലാളികളായ മാതാപിതാക്കളെ ദുരിതത്തിലാക്കിയിരിക്കുകയാണ്. ബസ് ഉടമകളുടെ മത്സരം കുറച്ചു മാസങ്ങളായി മേഖലയിൽ അതിരൂക്ഷമായ യാത്ര ക്ലേശം തുടരുകയാണ്. ലാഭത്തിൽ സർവീസ് നടത്താൻ കഴിയുന്ന റൂട്ടിൽ ബസ് ഉടമകൾ തമ്മിലുള്ള മത്സരത്തിന്‍റെ പേരിൽ നാലുപേർ ഹൈക്കോടതിയിൽനിന്നു സ്റ്റേ സമ്പാദിച്ചതോടെ റൂട്ടിൽ മറ്റ് പെർമിറ്റുകൾ ലഭിക്കാതെയായി. അതോടെയാണ് മേഖലയിൽ യാത്രാപ്രതിസന്ധി രൂക്ഷമായത്. സർവീസ് നടത്താൻ മറ്റ് ബസ് ഉടമകൾ തയാറാണെങ്കിലും കോടതി ഉത്തരവ് നിലനിൽക്കുന്നതുകൊണ്ട് താൽക്കാലിക പെർമിറ്റിൽ പോലും ബസുകൾക്ക് സർവീസ് നടത്താൻ കഴിയുന്നില്ല. സാമ്പത്തികമായി ഏറെ പിന്നാക്കം നിൽക്കുന്ന മേഖലയിലെ കുട്ടികൾക്ക് മറ്റ് യാത്രാ സംവിധാനങ്ങൾ ആശ്രയിക്കാൻ കഴിയാത്ത സാഹചര്യം കൂടിയാണ്. സ്റ്റേ സമ്പാദിച്ച ബസ് ഉടമകളുടെ ഒരു ബസും കരിക്കോട്ടക്കരി മേഖലയിലേക്ക് സർവീസ് നടത്തുന്നില്ലെന്നതാണ് മറ്റൊരു യാഥാർഥ്യം. നിലവിൽ ഉരുപ്പുംകുറ്റി - വാളത്തോട് പ്രദേശവാസികൾക്ക് കരിക്കോട്ടക്കരിവരെയെത്തി അത്യാവശ്യ കാര്യങ്ങൾ സാധിച്ച് ഓട്ടോറിക്ഷയിൽ മടങ്ങാൻ 240 രൂപ ചിലവാകും. വിദ്യാർഥികൾ നേരിടുന്ന പ്രശ്നത്തിൽ അധികൃതർ അടിയന്തരമായി ഇടപെടണമെന്നാണ് വിദ്യാർഥികളുടെ ആവശ്യം. കരിക്കോട്ടക്കരി ടൗണിൽ നടന്ന പ്രതിഷേധ പരിപാടി സ്കൂൾ മാനേജർ ഫാ. കുര്യാക്കോസ് കളരിക്കൽ ഉദ്ഘാടനം ചെയ്തു. പഞ്ചായത്തംഗങ്ങളായ ജോസഫ് വട്ടുകുളം, ഷൈനി വർഗീസ്, സിബി വാഴക്കാല, പിടിഎ പ്രസിഡന്‍റ് തോമസ് നടുത്തോട്ടത്തിൽ, എംപിടിഎ പ്രസിഡന്‍റ് സന്ധ്യ ആന്‍റോ, ഐപ്പ് നടുത്തോട്ടത്തിൽ എന്നിവർ പ്രസംഗിച്ചു. അധ്യാപകരായ ഷേർളി ജോസഫ്, എം.എം. വർഗീസ്, സന്തോഷ് മാത്യു, സൗമ്യ ഫിലിപ്പ്, സിസ്റ്റർ ബെറ്റ്സി, റോസമ്മ ജോർജ്, അൽഫോൻസ ജോസഫ്, സിമിലി ജോൺ, വിദ്യാർഥികൾ എന്നിവർ പങ്കെടുത്തു.

ആറളം പുനരധിവാസ മേഖലയിൽ വീണ്ടും കാട്ടാന; വീടിന്‍റെ അടുക്കള ഷെഡ് തകർത്തു

ഇരിട്ടി: ആറളം ഫാം പുനരധിവാസ മേഖലയിൽ വീണ്ടും കാട്ടാനയാക്രമണം. ബ്ലോക്ക് ഒൻപതിലെ ജനവാസ കേന്ദ്രത്തിലെത്തിയ കാട്ടാന വീടിന്‍റെ അടുക്കള ഷെഡ് തകർത്തു. ശബ്ദം കേട്ട് പുറത്തിറങ്ങിയ ഗൃഹനാഥനും മകനും കാട്ടാനയുടെ പിടിയിൽ നിന്നും തലനാരിഴയ്ക്കാണ് രക്ഷപ്പെട്ടത്.ഇന്നലെ പുലർച്ചെ 12.30 ഓടെയായിരുന്നു സംഭവം. ബ്ലോക്ക് ഒൻപതിൽ വളയംചാലിലെ രാജൻ- ബിന്ദു ദമ്പതികളുടെ വീടിന്‍റെ അടുക്കള ഷെഡാണ് കാട്ടാന തകർത്തത്. വീടിന്‍റെ പിറകിലെ പ്ലാവിൽനിന്നു ചക്ക വീഴുന്ന ശബ്ദം കേട്ട് ഫാമിലെ സെക്യൂരിറ്റി ജീവനക്കാരൻ കൂടിയായ രാജനും മകനും പുറത്തിറങ്ങി നോക്കിയപ്പോഴാണ് കാട്ടുകൊന്പനെ കണ്ടത്. കാട്ടാന ഇരുവർക്കും നേരെ പാഞ്ഞടുത്തെങ്കിലും ഇവർ അടുക്കള ഷെഡ് വഴി ഓടി വീട്ടിൽ കയറിയാണ് രക്ഷപ്പെട്ടത്. പിന്തുടർന്നെത്തിയ കാട്ടാന അടുക്കള ഷെഡ് തകർത്ത ശേഷം അവിടെ നിലയുറപ്പിച്ചു. രാജനും മകനും വീട്ടിൽനിന്ന് പുറത്തേക്ക് പടക്കമെറിഞ്ഞ് പൊട്ടിച്ചാണ് ആനയെ തുരത്തിയത്. അപ്പോഴേക്കും വിവരമറിഞ്ഞ് ആർആർടി സംഘവും സ്ഥലത്തെത്തി. വീട്ടിൽ രാജന്‍റെ പേരക്കുട്ടികളടക്കം മൂന്നു കുട്ടികൾ ഉൾപ്പടെ എട്ടു പേരാണുള്ളത്. അടുക്കളയിൽ ഉപയോഗിക്കുന്ന പാത്രങ്ങൾ ഉൾപ്പടെ എല്ലാം കാട്ടാന തകർത്തതായി ബിന്ദു പറഞ്ഞു. ‌ ‌നാലു മാസം, 11 വീടുകൾ ബ്ലോക്ക് 13 ൽ വെള്ളി- ലീല ദമ്പതികളെ കൊലപ്പെടുത്തിയ സംഭവത്തിനു ശേഷം കാട്ടാന ആക്രമിക്കുന്ന പതിനൊന്നാമത്തെ വീടാണ് രാജന്‍റേത്. പുനരധിവാസ മേഖലയിൽ 350 ചതുര അടി വിസ്തീർണ്ണമുള്ള ചെറിയ വീടുകളിൽ പോലും അംഗസംഖ്യ ഏറെയുള്ള കുടുംബങ്ങളാണ് താമസിക്കുന്നത്. അടുക്കള ഉൾപ്പടെ കിടപ്പുമുറികളായി ഉപയോഗിക്കേണ്ടി വരുന്നുണ്ട്. ഇത്തരം വീടുകളിൽ വീടിനോട് ഷീറ്റ് വലിച്ചു കെട്ടിയാണ് അടുക്കള ഒരുക്കിയിരിക്കുന്നത്. പുറത്തുള്ള അടുക്കളയിൽ ഏതു സമയവും കാട്ടാനയുൾപ്പടെയുള്ള വന്യജീവികളുടെ ആക്രമണം പ്രതീക്ഷിച്ചേക്കാമെന്നതിനാൽ കടുത്ത ഭീതിയിലാണ് ഇവിടെ ആളുകൾ കഴിയുന്നത്.

അനധികൃത മണ്ണെടുപ്പ്: ചാലിങ്കാലിൽ ദേശീയപാതയോരത്ത് രൂപപ്പെട്ടത് തടാകം

പെരിയ: ദേശീയപാത നിർമാണ പ്രവർത്തനങ്ങളുടെ മറവിൽ അനധികൃതമായി മണ്ണെടുത്ത് കടത്തിയതൂമൂലം ചാലിങ്കാലിൽ രൂപപ്പെട്ടത് മൂന്നേക്കറോളം വിസ്തൃതിയുള്ള തടാകം. വെള്ളിയാഴ്ച വൈകുന്നേരം മഴ മാറിയിട്ടും ദേശീയപാതയുടെ പടിഞ്ഞാറുവശത്തുള്ള തണ്ണോട്ട് റോഡിലേക്ക് ശക്തിയായി വെള്ളമൊഴുകിയിരുന്നു. സമീപത്തെ വീടുകൾക്കു ചുറ്റും വെള്ളമൊഴിയാതായതോടെ നാട്ടുകാർ പഞ്ചായത്ത് ഓഫീസിൽ പരാതിയുമായെത്തി. തുടർന്ന് പഞ്ചായത്ത് പ്രസിഡന്‍റ് സി.കെ.അരവിന്ദാക്ഷനും ഉദ്യോഗസ്ഥരും സ്ഥലത്തെത്തി നടത്തിയ പരിശോധനയിലാണ് ചാലിങ്കാലിൽ രൂപപ്പെട്ട കൃത്രിമ തടാകത്തിൽ നിന്നാണ് വെള്ളമൊഴുകുന്നതെന്ന് കണ്ടെത്തിയത്. ദേശീയപാതയോരത്ത് മണ്ണു കൂട്ടിയിട്ട് പുറത്തുനിന്നുള്ള കാഴ്ച മറച്ചാണ് പാതയിൽനിന്ന് 100 മീറ്ററോളം മാറിയുള്ള കുന്നിൻപ്രദേശത്തുനിന്ന് നിർബാധം മണ്ണെടുത്ത് കടത്തിയത്. തറനിരപ്പിനേക്കാൾ വളരെ ആഴത്തിലാണ് ഇവിടെ കുഴിച്ചത്. മഴ പെയ്ത് ഇവിടം മുഴുവൻ വെള്ളം നിറഞ്ഞപ്പോൾ മാത്രമാണ് ഇക്കാര്യം പുറത്തറിഞ്ഞത്. കരാർ കമ്പനിയുടെ തൊഴിലാളികൾ ഈ വെള്ളം അല്പാല്പമായി ഒഴുക്കിവിടാൻ ശ്രമിച്ചതാണ് മഴ തോർന്നിട്ടും വെള്ളമൊഴുക്ക് നിൽക്കാത്ത സാഹചര്യം സൃഷ്ടിച്ചത്. നിറഞ്ഞുനിൽക്കുന്ന വെള്ളത്തിന്‍റെ സമ്മർദം മൂലം ഇവിടം പൊട്ടിയൊഴുകിയാൽ സമീപപ്രദേശങ്ങളെയാകെ ബാധിക്കുന്ന ഉരുൾപൊട്ടലാകും ഫലമെന്ന് നാട്ടുകാർ‌ ചൂണ്ടിക്കാട്ടുന്നു. പഞ്ചായത്തധികൃതർ നടത്തിയ അന്വേഷണത്തിൽ റവന്യൂ, ജിയോളജി വകുപ്പുകളുടെ അനുമതിയില്ലാതെയാണ് ഇവിടെനിന്ന് ലക്ഷക്കണക്കിന് ലോഡ് മണ്ണെടുത്ത് കടത്തിയതെന്ന് കണ്ടെത്തി. ഇതുസംബന്ധിച്ച റിപ്പോർട്ടും ചിത്രങ്ങളും വീഡിയോ ദൃശ്യങ്ങളും പഞ്ചായത്ത് സെക്രട്ടറി ജില്ലാ കളക്ടർക്ക് കൈമാറിയിട്ടുണ്ട്. ഈ റിപ്പോർട്ടിന്‍റെ അടിസ്ഥാനത്തിൽ ചാലിങ്കാൽ പ്രദേശത്തെ ദേശീയപാതയുടെ എല്ലാ നിർമാണപ്രവർത്തനങ്ങളും തത്കാലം നിർത്തിവയ്ക്കാൻ കളക്ടർ ഉത്തരവ് നല്കി.

പിലിക്കോട് ദേശീയപാതയിൽ വിള്ളൽ, ഓട്ടയടയ്ക്കൽ

പിലിക്കോട്: നിർമാണം പുരോഗമിക്കുന്ന ദേശീയപാതയിലെ പിലിക്കോട് പുതിയ ടാറിംഗിൽ വിള്ളൽ. പിലിക്കോട് തോട്ടം ജംഗ്ഷനിലെ മേൽപ്പാലത്തിൽനിന്നു പടുവളം ഭാഗത്തേക്കുള്ള 150 മീറ്റർ നീളത്തിലാണ് ടാറിംഗ് ലെയറിൽ ഇന്നലെ പുലർച്ചെ വിള്ളൽ കണ്ടത്. തോട്ടം ജംഗ്ഷൻ മുതൽ മേൽപ്പാലവും അനുബന്ധ റോഡുകളും 10 മീറ്ററോളം ഉയരത്തിലാണ് നിർമിച്ചിട്ടുള്ളത്. ഇവിടെ ദേശീയപാത ഇതു വരെ തുറന്നിട്ടില്ല. സർവീസ് റോഡിലൂടെയാണ് രണ്ടു വശത്തേക്കും വാഹനങ്ങൾ കടത്തിവിടുന്നത്. ടാറിംഗിലെ അപാകത ചൂണ്ടിക്കാട്ടി നാട്ടുകാർ പുലർച്ചെ ചിത്രങ്ങൾ കമ്പനി അധികൃതർക്ക് അയച്ചതോടെ ദേശീയപാത കരാർ കമ്പനിയുടെ ജീവനക്കാരെത്തി ടാർ ഒഴിച്ചും കോൺക്രീറ്റ് മിക്സിട്ടും വിള്ളലടക്കാൻ ശ്രമം നടത്തുകയും ചെയ്തു. തോട്ടം ജംഗ്ഷൻ മുതൽ പടുവളം ഭാഗത്തേക്കും മട്ടലായി ഭാഗത്തേക്കും ഒരു കിലോമീറ്ററോളം നീളത്തിലാണ് മേൽപ്പാലവും അനുബന്ധ റോഡും നിർമിച്ചിട്ടുള്ളത്.നാട്ടുകാർ ദേശീയപാതാ വിഭാഗത്തിലും ജില്ലാ ഭരണകൂടത്തിലും കരാർ കമ്പനി അധികൃതരെയും പരാതി അറിയിച്ചിട്ടുണ്ട്.

സൗദിയിൽ വെടിയേറ്റ് മരണം: രണ്ടുപേര്‍ പിടിയിലെന്ന് സൂചന

റിയാദ്: സൗദി അറേബ്യയിലെ ബീഷയില്‍ കാസര്‍ഗോഡ് കുറ്റിക്കോല്‍ പടുപ്പ് ഏണിയാടി സ്വദേശി എ.എം. ബഷീര്‍ (41) വെടിയേറ്റു മരിച്ച സംഭവത്തില്‍ രണ്ടുപേര്‍ പിടിയിലായതായി സൂചന. കൗമാരക്കാരായ രണ്ടുപേരെ റിയാദില്‍ വെച്ച് പിടികൂടിയെന്നാണ് സൂചന. ഇതുബന്ധിച്ച് കൂടുതല്‍ വിവരങ്ങള്‍ അറിവായിട്ടില്ല. ടാക്‌സി ഡ്രൈവറായ ബഷീര്‍ ശനിയാഴ്ച രാത്രി 11.30ഓടെ സ്വന്തം കാര്‍ കഴുകുന്നതിനിടെ മറ്റൊരു വാഹനത്തിലെത്തിയ അക്രമിസംഘം വെടിയുതിര്‍ത്ത് കടന്നുകളയുകയായിരുന്നെന്നാണ് വിവരം. സംഭവസ്ഥലത്തുണ്ടായിരുന്നവര്‍ ബഷീറിനെ ആശുപത്രിയിലേക്ക് കൊണ്ടുപോയെങ്കിലും ആശുപത്രിയില്‍ എത്തുന്നതിനു മുന്പ് മരിച്ചു.

വൈശാഖ മഹോത്സവത്തിന്‍റെ വരവറിയിച്ച് കൊട്ടിയൂരിൽ നീരെഴുന്നള്ളത്ത്

കൊട്ടിയൂർ: വൈശാഖ മഹോത്സവത്തിന് മുന്നോടിയായി കൊട്ടിയൂരിൽ നീരെഴുന്നള്ളത്ത് നടന്നു. ജൂൺ എട്ടിന് നടക്കുന്ന നെയ്യാട്ടത്തോടെയാണ് അക്കരെ കൊട്ടിയൂരിൽ വൈശാഖ മഹോത്സവത്തിന് തുടക്കം കുറിക്കുക. തിരൂർകുന്നിൽനിന്ന് മണിയൻ ചെട്ടിയാന്‍റെ നേതൃത്വത്തിലുള്ള വിളക്കുതിരി സംഘം ഇക്കരെ കൊട്ടിയൂരിൽ എത്തിയതോടെയാണ് ഇന്നലെ ചടങ്ങിന് തുടക്കമായത്. ഒറ്റപ്പിലാൻ, കാടൻ, കൊല്ലൻ, ആചാരി, പുറങ്കലയൻ എന്നിവരുടെ നേതൃത്വത്തിൽ ഇക്കരെ ക്ഷേത്രനടയിലും അക്കരെ ക്ഷേത്രത്തിന്‍റെ കിഴക്കെ നടയായ മന്ദംചേരിയിലും തണ്ണീർകുടി ചടങ്ങ് നടത്തി. തുടർന്ന് പടിഞ്ഞീറ്റ നമ്പൂതിരിയുടെയും സമുദായിയുടെയും നേതൃത്വത്തിൽ പാരമ്പര്യ ഊരാളന്മാരും മറ്റ് അടിയന്തരക്കാരും ആചാരപ്രകാരം പ്രത്യേക വഴികളിലൂടെ മ ന്ദംചേരിയിൽ ഉരുളിക്കുളത്തിലെത്തി. അവിടെനിന്ന് ശേഖരിച്ച കൂവയിലകളോടെ ബാവലിപ്പുഴയിലെത്തി. കുറിച്യ സ്ഥാനികനായ ഒറ്റപ്പിലാന്‍റെ അനുമതിയോടെ അക്കരെ സന്നിധാനത്ത് പ്രവേശിച്ചു. കൂവ ഇലയിൽ ശേഖരിച്ച തെളിനീർ പടിഞ്ഞിറ്റ നമ്പൂതിരി മണിത്തറയിൽ അഭിഷേകം ചെയതു. തുടർന്ന് സംഘം പടിഞ്ഞാറെ നടവഴി സന്നിധാനത്തുനിന്നും മടങ്ങി. അർധരാത്രിയോടെ ഇക്കരെ കൊട്ടിയൂർ ക്ഷേത്രത്തിലെ ആയില്യാർ കാവിൽ പ്രത്യേക പൂജയും അപ്പട നിവേദ്യവും ന ടത്തി. ആറിനാണ് കലശപാത്രവും നെയ്യ് കിണ്ടികളുമായി വ്രതക്കാർ നിടുമ്പ്രം കുറ്റിപ്പുറം ശിവക്ഷേത്ര ത്തിൽ നിന്നും കൊട്ടിയൂരിലേക്ക് യാത്ര പുറപ്പെടുക. എട്ടിന് നെയ്യാട്ടം, ഒന്പതിന് ഭണ്ഡാരം എഴുന്നള്ളത്ത്, 15 ന് തിരുവോണം ആരാധന, ഇളനീർവയ്‌പ്, 18 ന് ഇളനീരാട്ടം, 20 ന് രേവതി ആരാധന, 24 ന് രോഹിണി ആരാധന, 26 ന് തിരുവാതിര ചതുശതം, 27 ന് പുണർതം ചതുശതം, 28 ന് ആയില്യം ചതുശതം. 30 ന് മകം കലം വരവും പൂജയും, ജൂലൈ മൂന്നിന് അത്തം ചതുശതം, വാളാട്ടം, കലശപൂജ എന്നിവയാണ് മറ്റ് പ്രധാന ഉത്സവ ദിന ചടങ്ങുകൾ. ജൂലൈ നാലിന് തൃക്കലശത്തോടെയാണ് വൈശാഖ മഹോത്സവം സമാപിക്കുക.

സാംക്രമിക രോഗങ്ങളെ നേരിടാൻ നൂതന ചികിത്സാ പദ്ധതികൾക്ക് തുടക്കമിടണം: ഐഡികോൺ സമ്മേളനം

കണ്ണൂർ: സൂക്ഷ്മാണുക്കളുടെ ജനിതക വ്യതിയാനം വരുത്തുന്ന പ്രവണതകൾ തിരിച്ചറിഞ്ഞുകൊണ്ട് പുതിയ ഗവേഷണങ്ങളും പഠനങ്ങളും വഴി സാംക്രമിക രോഗങ്ങളെ നേരിടാൻ വൈദ്യസമൂഹം കരുത്താർജിക്കണമെന്നന്ന് ഇന്ത്യൻ അക്കാദമി ഓഫ് പീഡിയാട്രിക്സ് (ഐഎ പി) ഇൻഫെക്ഷ്യസ് ഡിസീസ് ( ഐഡികോൺ) സംസ്ഥാന സമ്മേളനം അഭിപ്രായപ്പെട്ടു. ശക്തമായ ബോധവത്കരണം വഴി കേരളത്തിൽ ആന്‍റിബയോട്ടിക്കളുടെ ദുരുപയോഗം തടയാൻ സാധിക്കുന്നുണ്ടെന്ന് ഉദ്ഘാടനം ചെയ്തുകൊണ്ട് ഐഎപി സംസ്ഥാന പ്രസിഡന്‍റ് ഡോ. ഐ. റിയാസ് അഭിപ്രായപ്പെട്ടു. സാംക്രമിക രോഗങ്ങളെ ഫലപ്രദമായി പ്രതിരോധിക്കാനും ശാസ്ത്രീയമായി ചികിത്സിക്കാനും ശിശുരോഗ വിദഗ്ധരെ പരിശീലിപ്പിക്കുന്നതിനായാണ് ഐഡികോൺ സമ്മേളനം സംഘടിപ്പിച്ചത് . പ്രവീണ ഭാസ്കരൻ, ഡോ. കല്പന ജോർജ് , ഡോ. കെ.കെ.അബ്ദുൾ റൗഫ്, ഡോ. റെജിന ദിൽനാഥ്, ഡോ.കെ.കെ. ആദർശ്, പ്രഫ. ടി.എം. അനന്തകേശവൻ, ഡോ. ടി.പി. രാജേഷ്, ഡോ. കെ.വി. ഊർമ്മിള എന്നിവർ പ്രബന്ധങ്ങൾ അവതരിപ്പിച്ചു. സംഘാടക സമിതി ചെയർമാൻ ഡോ.അജിത് സുഭാഷ് അധ്യക്ഷത വഹിച്ചു. ഡോ.എം.കെ. നന്ദകുമാർ, ഡോ.കെ.സി. രാജീവൻ, ഡോ. ഒ. ജോസ്, ഡോ. എം.കെ. സന്തോഷ്, ഡോ പത്മനാഭ ഷേണായി പ്രസംഗിച്ചു. ഡോ. നിഹാസ് നഹ, ഡോ.സുഷമ പ്രഭു, ഡോ.പ്രശാന്ത് പവിത്രൻ, ഡോ.സലാഹുദ്ദീൻ, ഡോ. ജയഗോപാല്, ഡോ.മാഹിൻ, ഡോ.ടി.വി. പത്മനാഭൻ, ഡോ.രഞ്ജിത്ത് കുമാർ, ഡോ.ജിജേഷ്, ഡോ. ആര്യാദേവി, ഡോ. മൃദുല ശങ്കർ, ഡോ.അരുൺ അഭിലാഷ്, ഡോ.സുൽഫിക്കർ അലി, ഡോ.അജിത് മേനോൻ, ഡോ.പ്രശാന്ത് വിവിധ സെഷനുകൾക്ക് നേതൃത്വം നൽകി.

യുവതിക്ക് ആംബുലന്‍സില്‍ സുഖപ്രസവം

ചെറുവത്തൂര്‍: ആശുപത്രിയിലേക്കുള്ള യാത്രാമധ്യേ യുവതിക്ക് ആംബുലന്‍സില്‍ സുഖപ്രസവം. അമ്മയ്ക്കും കുഞ്ഞിനും രക്ഷകരായി കനിവ് 108 ആംബുലന്‍സ് ജീവനക്കാര്‍. ചെറുവത്തൂര്‍ മാവിലാകടപ്പുറം സ്വദേശിനിയായ 38 വയസുകാരിയാണ് ആംബുലന്‍സില്‍ പെണ്‍കുഞ്ഞിന് ജന്മം നല്‍കിയത്. ഞായറാഴ്ച പുലര്‍ച്ചെ ഒന്നരയോടെയാണ് സംഭവം. യുവതിക്ക് പ്രസവവേദന അനുഭവപ്പെട്ടതിന് തുടര്‍ന്ന് ബന്ധുക്കള്‍ കനിവ് 108 ആംബുലന്‍സിന്‍റെ സേവനം തേടി. കണ്‍ട്രോള്‍ റൂമില്‍നിന്ന് അത്യാഹിത സന്ദേശം ചെറുവത്തൂര്‍ സാമൂഹിക ആരോഗ്യ കേന്ദ്രത്തിലെ കനിവ് 108 ആംബുലന്‍സിന് കൈമാറി. ആംബുലന്‍സ് പൈലറ്റ് നവീന്‍ കുമാര്‍, എമര്‍ജന്‍സി മെഡിക്കല്‍ ടെക്‌നീഷ്യന്‍ പി.എസ്.റീനമോള്‍ എന്നിവര്‍ ഉടന്‍ സ്ഥലത്തെത്തി യുവതിയുമായി പയ്യന്നൂര്‍ ജില്ലാ ആശുപത്രിയിലേക്ക് തിരിച്ചു. ആംബുലന്‍സ് ഉദിനൂര്‍ ലെവല്‍ ക്രോസിന് സമീപം എത്തുമ്പോഴേക്കും യുവതിയുടെ ആരോഗ്യനില കൂടുതല്‍ വഷളാകുകയും തുടര്‍ന്ന് എമര്‍ജന്‍സി മെഡിക്കല്‍ ടെക്‌നീഷ്യന്‍ റീനമോള്‍ നടത്തിയ പരിശോധനയില്‍ പ്രസവം എടുക്കാതെ മുന്നോട്ട് പോകുന്നത് അമ്മയ്ക്കും കുഞ്ഞിനും സുരക്ഷിതമല്ല എന്നു മനസിലാക്കി ആംബുലന്‍സില്‍ തന്നെ ഇതിനുവേണ്ട സജ്ജീകരണങ്ങള്‍ ഒരുക്കി. പുലര്‍ച്ചെ 1.32നു റീന മോളുടെ പരിചരണത്തില്‍ യുവതി കുഞ്ഞിനു ജന്മം നല്‍കുകയായിരുന്നു. തുടര്‍ന്ന് റീനാമോള്‍ അമ്മയും കുഞ്ഞുമായുള്ള പൊക്കിള്‍കൊടി ബന്ധം വേര്‍പെടുത്തി ഇരുവര്‍ക്കും വേണ്ട പ്രഥമ ശുശ്രൂഷ നല്‍കി. ഉടന്‍ ഇരുവരെയും ആംബുലന്‍സ് പൈലറ്റ് നവീന്‍ കുമാര്‍ പയ്യന്നൂര്‍ ജില്ലാ ആശുപത്രിയില്‍ എത്തിച്ചു. അമ്മയും കുഞ്ഞും സുഖമായി ഇരിക്കുന്നതായി ബന്ധുക്കള്‍ പറഞ്ഞു.

വിളക്കന്നൂരിലേക്ക് ഭക്തജനപ്രവാഹം

വിളക്കന്നൂർ: വിളക്കന്നൂർ ദിവ്യകാരുണ്യ ആരാധനയുടെ തീർഥാടന കേന്ദ്രത്തിലേക്ക് ഇന്നലെയും ഭക്തജനങ്ങളുടെ ഒഴുക്ക്. ദിവ്യകാരുണ്യ അടയാളത്തിന്‍റെ ഔദ്യോഗിക പ്രഖ്യാപനം വത്തിക്കാൻ സ്ഥാനപതി നിർവഹിച്ചതിനുശേഷം വിളക്കന്നൂരിലെ ദിവ്യകാരുണ്യ അടയാളം കാണുന്നതിനാണ് ഭക്തജനങ്ങൾ ഇന്നലെ രാവിലെയും രാത്രിയിലും ഒഴുകിയെത്തിയത്. രണ്ടുമണിക്കൂർ ഇടവിട്ട് വിശുദ്ധ കുർബാനയും ഉണ്ടായിരുന്നു. വിശുദ്ധ കുർബാനയിലും നിരവധി ആളുകൾ പങ്കെടുത്തു. ഇന്നലെ ക്രിസ്തുരാജ പള്ളിയിലെത്തിയ ബത്തേരി രൂപത ബിഷപ് മാർ ജോസഫ് തോമസ് തിരുശേഷിപ്പ് വന്ദിച്ചു. ഇന്നു രാവിലെ 6.30ന് പാലക്കാട് രൂപത ബിഷപ് മാർ പീറ്റർ കൊച്ചുപുരയ്ക്കൽ ദിവ്യബലി അർപ്പിക്കും. വിദ്യാലയങ്ങളിൽ പ്രവേശനോത്സവത്തിൽ പങ്കെടുക്കുന്ന കുട്ടികൾക്കായി അനുഗ്രഹ പ്രാർഥന നടത്തും.

കാലവർഷം ആരംഭിച്ചിട്ടും ബാരാപോളിൽ ഉത്പാദനം ആരംഭിച്ചില്ല

ഇരിട്ടി: കാലവർഷം ആരംഭിച്ചിട്ടും ബാരാപോൾ ചെറുകിട ജലവൈദ്യുത പദ്ധതിയിൽ നിന്നു ഉത്പാ ദനം ആരംഭിക്കാത്തതിനാൽ പ്രതിദിനം പാഴാകുന്നത് 20 ലക്ഷം രൂപയുടെ വൈദ്യുതി. നിലയത്തിലേ ക്ക് വെള്ളം എത്തിക്കുന്ന കനാലിലെ ചോർച്ചയെ തുടർന്ന് പ്രദേശവാസികളുടെ എതിർപ്പ് ശക്തമായ തിനെ തുടർന്ന് കഴിഞ്ഞ ഡിസംബറിലാണ് ഉത്പാദനം നിർത്തിയത്. കാലവർഷത്തേയും ബാരാപോൾ പുഴയിലെ നീരൊഴുക്കിനേയും ആശ്രയിച്ചാണ് ബാരാപോളിന്‍റെ പ്രവർത്തനം. എല്ലാവർഷവും ഉത്പാദന ലക്ഷ്യത്തെക്കാൾ കൂടുതൽ വൈദ്യുതിയാണ് ഇവിടെ ഉത്പാദിപ്പിച്ചിരുന്നത്. വേനൽ കടുക്കുന്നതോടെ പുഴയിലെ നീരൊഴുക്ക് കുറയുകയും ഇവിടെ നിന്നുള്ള ഉത്പാദനം നിർത്തുകയുമാണ് പതിവ്. പിന്നീടുള്ള മാസം മൂന്നു ജനറേറ്ററുകളുടെ അറ്റകുറ്റ പണികൾ പൂർത്തിയാക്കി അടുത്ത സീസണിലേക്കുള്ള തയാറെടുപ്പുകൾ ആരംഭിക്കും. കേരള കർണാടക അതിർത്തിയിലൂടെ ഒഴുകുന്ന ബാരാപോൾ പുഴയിൽ നിന്നും വെള്ളം കനാൽ വഴി തിരിച്ചുവിട്ട് ഫോർവേ ടാങ്കിൽ എത്തിച്ച് അവിടെനിന്നും പൈപ്പു വഴി ജനറേറ്ററിൽ എത്തിച്ചാണ് വൈദ്യുതി ഉത്പാദിപ്പിക്കുന്നത്. വൈദ്യുതി ഉത്പാദിപ്പിച്ച ശേഷം വെള്ളം വീണ്ടും ബാരാപോൾ പുഴയിലേക്ക് തന്നെ ഒഴുക്കിവിടും. കനാലിലെ ചോർച്ച തിരിച്ചടി പദ്ധതിയുടെ തുടക്കം മുതൽ നേരിടുന്ന വലിയ വെല്ലുവിളി കനാലിലെ ചോർച്ചയാണ്. കനാലിന്‍റെ താഴെ ഭാഗത്തു താമസിക്കുന്ന കുടുംബങ്ങൾക്ക് ഇത് വലിയ ഭീഷണിയാണ്. വീടുകളിലും കിണറിലും എല്ലാം കനാലിലെ വെള്ളം എത്തും. ഇതേത്തുടർന്ന് ഇവിടെ താമസിക്കുന്നവർ പരാതിയും പ്രതിഷേധവുമായി രംഗത്തു വന്നതോടെ നിലയത്തിൽനിന്നുള്ള ഉത്പാദനം നിർത്തിവയ്ക്കേണ്ടി വന്നു. ചോർച്ചയെ തുടർന്ന് 2023 ജൂലൈയിൽ കുറ്റ്യാനിക്കൽ ബിനോയിയെയും കുടുംബത്തെയും മാറ്റി പാർപ്പിച്ചിരുന്നു. പിന്നീട് ചോർച്ചയെക്കുറിച്ചും മണ്ണിനെക്കുറിച്ചും പഠിക്കാൻ വിദഗ്ധ സമിതികൾ എത്തി പഠന റിപ്പോർട്ടുകൾ സമർപ്പിച്ചു. പഠന സംഘങ്ങൾക്കായി ഏകദേശം രണ്ടു കോടി രൂപയിലധികം ചെലവഴിച്ചെങ്കിലും ചോർച്ചയ്ക്ക് ശാശ്വത പരിഹാരം കണ്ടെത്താനായില്ല. ഒടുവിൽ സമീപവാസി റെന്നി പല്ലാട്ട് ചോർച്ച ഭീഷണി ചൂണ്ടിക്കാണിച്ച് മുഖ്യമന്ത്രിക്ക് പരാതി നല്കിയതോടെ ഇന്നലെ മുതൽ പ്രതിമാസം 40,000 രൂപ നല്കി റെന്നിയെയും മാറ്റി താമസിപ്പിച്ചുകഴിഞ്ഞു. സമാന ഭീഷണിയിലുള്ള മറ്റു രണ്ടു കുടുംബങ്ങളും ഇവിടെ ഉണ്ട്. ബിനോയിക്ക് നഷ്ടപരിഹാരമായി ഇതുവരെ 10,80,000 രൂപയാണ് ലഭിച്ചത്. റെന്നിയെ മാറ്റി താമസിപ്പിച്ചതോടെ നിലവിലെ സാഹചര്യത്തിൽ വെള്ളം കനാലിലൂടെ തിരിച്ചുവിട്ട് ഉത്പാദനം ആരംഭിക്കാൻ കഴിയും. കഴിഞ്ഞ 10 ദിവസത്തിനുള്ളിൽ ബോർഡിന് നഷ്ടമായതാകട്ടെ കോടികളും. സമിതി റിപ്പോർട്ട് വിദഗ്‌ധ സമിതിയുടെ പഠന റിപ്പോർട്ടിൽ മൂന്ന് പരിഹാര മാർഗങ്ങളാണ് നിർദേശിച്ചിരിക്കുന്നത്. (1) കനാലിൽ ചോർച്ച അനുഭവപ്പെടുന്ന 1.400 മീറ്റർ പുതുക്കിപ്പണിയുക (എസ്റ്റിമേറ്റ് 50 കോടി). (2) ജിയോ മെംബറസ് ലൈനിംഗ് (ലീക്ക് പ്രൂഫിംഗ്, എസ്റ്റിമേറ്റ് ആറു കോടി ), (3) താത്കാലിക ചോർച്ച അടയ്ക്കൽ (ജിപ്സം എസ്റ്റിമേറ്റ് 10-15 ലക്ഷം ). എന്നാൽ താത്കാലിക പ്രവൃത്തിക്കുള്ള നടപടികൾ പൂർത്തിയായി വരുമ്പോഴാണ് വേഗമെത്തിയ കാലവർഷം തിരിച്ചടിയായത്. കൂടാതെ ഭീഷണി നേരിടുന്ന നാലു കുടുംബങ്ങളുടെ വീടും സ്ഥലവും ഏറ്റെടുക്കാനുള്ള പ്രപ്പോസലും ബോർഡിന് സമർപ്പിച്ചിട്ടുണ്ടെന്നാണ് വിവരം. ഡിസംബറിൽ ഉത്പാദനം നിർത്തുമ്പോൾ നിലയത്തിൽനിന്നുള്ള രണ്ടാമത്തെ ഏറ്റവും ഉയർന്ന 43. 98 ദശലക്ഷം യൂണിറ്റായിരുന്നു വൈദ്യുതി ഉത്പാദനം. 36 ദശലക്ഷം യൂണിറ്റ് ഉത്പാദനം ലക്ഷ്യമിടുന്ന പദ്ധതി 49.83 യൂണിറ്റ് വൈദ്യുതി ഉത്പാദിപ്പിച്ച് റിക്കാർഡ് നേട്ടം കൈവരിച്ചിരുന്നു.

കൊണ്ടൂർ പുഴക്ക് കുറുകെ താത്കാലിക നടപ്പാലം

ഇരിട്ടി: മലയോര ഹൈവൈയിൽ ആനപ്പന്തിയിൽ പുതിയ പാലത്തിന്‍റെ നിർമാണത്തിന്‍റെ ഭാഗമായി നിർമിച്ച താത്കാലിക പാലം ഒലിച്ചു പോയതിനെ തുടർന്ന് താത്കാലിക നടപ്പാലം നിർമിച്ചു. പുഴയിൽ പൈപ്പുകളിട്ട് നിർമിച്ചിരുന്ന താത്കാലിക പാലം കനത്ത മഴയെ തുടർന്നുള്ള ഒഴുക്കിലായിരുന്നു തകർന്നത്. ഇന്ന് സ്കൂൾ തുറക്കുന്ന സാഹചര്യത്തിൽ വിദ്യാർഥികൾ ഉൾപ്പടെയുള്ളവരുടെ യാത്രാ ക്ലേശം പരിഹരിക്കുന്നതിന്‍റെ ഭാഗമായാണ് ഇപ്പോൾ താത്കാലിക നടപ്പാലം പണിതത്. പുഴക്ക് കുറുകെ തെങ്ങിൻ തടികൾ മുറിച്ചിട്ട് പട്ടിക അടിച്ച് ഒരാൾക്ക് നടന്നു പോകാവുന്ന തരത്തിലുള്ള പാലമാണ് നിർമിച്ചിരിക്കുന്നത്. താത്കാലിക നടപ്പാലം നിർമിച്ചതോടെ ആനപ്പന്തി ഗവ. എൽപി സ്കൂളിലെ വിദ്യാർഥികൾക്ക് കിലോമീറ്ററുകൾ സഞ്ചരിക്കാതെ മുതിർന്നവരുടെ സഹായത്തോടെ പാലം കടന്ന് സ്കൂളിലെത്താനാകും.

സമര പോരാളികള്‍ ഒത്തുചേര്‍ന്നു; സ്മരണകള്‍ പെയ്തിറങ്ങി

ഉളിക്കൽ: അതിരമ്പുഴയിൽ നടന്ന കുടുംബശ്രീ സംസ്ഥാന കലോത്സവത്തിൽ കലാമത്സരങ്ങളിൽ മികവ് തെളിയിച്ച് ഉളിക്കൽ സിഡിഎസ്. മത്സരിച്ച എല്ലാ ഇനങ്ങളിലും സമ്മാനം നേടി ഉളിക്കൽ പഞ്ചായത്ത് സിഡിഎസ് കണ്ണൂർ ജില്ലയുടെ സമ്മാന കുതിപ്പിൽ നിർണായക പങ്കുവഹിച്ചു. സീനിയർ വിഭാഗം സംഘനൃത്തം, സീനിയർ വിഭാഗം മാർഗംകളി, ജൂണിയർ വിഭാഗം മാർഗംകളി ഇനങ്ങളിൽ ഒന്നാം സ്ഥാനവും, ചവിട്ടു നാടകം, ഭരതനാട്യം എന്നീ ഇനങ്ങളിൽ രണ്ടാം സ്ഥാനവും, ലളിതഗാന മത്സരത്തിൽ മൂന്നാം സ്ഥാനവും ഉളിക്കൽ സിഡിഎസിലെ കലാകാരികൾ നേടി. 39 പോയിന്‍റുകൾ നേടി ഉളിക്കൽ സിഡിഎസ് സംസ്ഥാനത്ത് ഒന്നാമതെത്തി. കലോത്സവത്തിൽ കണ്ണൂർ ജില്ല ഒന്നാംസ്ഥാനം നേടുന്നതിൽ ഉളിക്കൽ സിഡിഎസിന്‍റെ 39 പോയിന്‍റുകൾ നിർണായക സ്ഥാനം വഹിച്ചു. കഠിനാധ്വാനത്തിലൂടെ മികച്ച വിജയം നേടിയ കലാകാരികളെയും അതിന് നേതൃത്വം നൽകിയ ഉളിക്കൽ സിഡിഎസിനെയും ഉളിക്കൽ പഞ്ചായത്ത് പ്രസിഡന്‍റ് പി.സി. ഷാജി അഭിനന്ദിച്ചു.

കാനായിയില്‍ ഒഴുകിപ്പോയ കാര്‍ മൂന്നാം ദിവസം കണ്ടെത്തി

പയ്യന്നൂര്‍: കഴിഞ്ഞ വെള്ളിയാഴ്ച കാനായി മുക്കൂട് പാലത്തിനു സമീപം ഒഴുക്കിൽപ്പെട്ട കാര്‍ കണ്ടെത്തി. 350 മീറ്റര്‍ അകലെ കണ്ടെത്തിയ കാര്‍ പയ്യന്നൂര്‍ അഗ്നിരക്ഷാ സേനയും പയ്യന്നൂരിലെ ഖലാസികളും നാട്ടുകാരും ചേര്‍ന്ന് ക്രെയിനിന്‍റെ സഹായത്തോടെ കരയില്‍ കയറ്റി. വെള്ളിയാഴ്ച രാത്രി ഒന്‍പതോടെ മുക്കൂട് പാലത്തിന് സമീപമായിരുന്നു അപകടം. ഒാട്ടത്തിനിടെ കാര്‍ വെള്ളത്തിൽമുങ്ങിയ റോഡിലെ ഒഴുക്കില്‍പ്പെടുകയായിരുന്നു. കാറിലുണ്ടായിരുന്ന തൃക്കരിപ്പൂര്‍ ഉടുമ്പുന്തല സ്വദേശികളായ ഹാരിസ്, ഹുസൈന്‍, മുഹമ്മദ് കുഞ്ഞി എന്നിവര്‍ കാറിന്‍റെ വാതിലുകള്‍ തുറന്ന് പുറത്തേക്ക് ചാടി. ശക്തമായ ഒഴുക്കുണ്ടായിരുന്ന വെള്ളത്തിലേക്ക് ചാടിയ ഇവരെ സമീപ വാസിയായ പി. തമ്പാന്‍റെ നേതൃത്വത്തിലുള്ള നാട്ടുകാര്‍ ഇവരെ രക്ഷിച്ച് സമീപത്തെ വീട്ടിലെത്തിക്കുകയായിരുന്നു. കാനായി തോട്ടംകടവില്‍ വിവാഹത്തിനെത്തിയ ഉടുമ്പുന്തല സ്വദേശികള്‍ രാത്രിയായതിനാല്‍ ഗൂഗിള്‍ മാപ്പ് നോക്കിയുള്ള മടക്കയാത്രയിലാണ് ഇവര്‍ സഞ്ചരിച്ചിരുന്ന കാര്‍ മലവെള്ളപ്പാച്ചിലില്‍ റോഡില്‍നിന്നും തെന്നിപ്പോയത്. കാറിന്‌വേണ്ടി ശനിയാഴ്ച തെരച്ചില്‍ നടത്തിയിട്ടും കണ്ടുകിട്ടിയിരുന്നില്ല. കാര്‍ യാത്രക്കാരുടെ രക്ഷകരിലൊരാളായ തമ്പാന്‍ തോണിയുമായി നടത്തിയ തെരച്ചിലിലാണ് ഇന്നലെ കാര്‍ കണ്ടെത്തിയത്. കാര്‍ അപകടത്തില്‍പ്പട്ടതിന്‍റെ സമീപത്തെ വലിയ തോട് 350 മീറ്റര്‍ അകലെയുള്ള പുഴയില്‍ ചേരുന്നിടത്ത് മരക്കൊമ്പില്‍ തടഞ്ഞുനില്‍ക്കുന്ന നിലയിലായിരുന്നു കാര്‍. നാലുമണിക്കൂര്‍ നേരത്തെ കഠിനാധ്വാനത്തിലൂടെയാണ് കാര്‍ കരയില്‍ കയറ്റിയത്.

പ്രതീക്ഷയിൽ ലഹരിമുക്തരുടെ കുടുംബ സംഗമം നടത്തി

തലശേരി: തലശേരി പ്രതീക്ഷ ലഹരി മുക്ത കേന്ദ്രത്തിൽ മദ്യപാനശീലത്തിൽ നിന്ന് വിമുക്തരായവരുടെയും കുടുംബങ്ങളുടെയും സംഗമം നടത്തി. നിർമലഗിരി കോളജ് റിട്ട. പ്രിൻസിപ്പൽ ഡോ. ജോസ്‌ലെറ്റ് മാത്യു ഉദ്ഘാടനം ചെയ്ത് ക്ലാസുകൾക്ക് നേതൃത്വം നൽകി. പ്രതീക്ഷ ഡയറക്ടർ ഫാ. ജയ്സൺ കോലക്കുന്ന് അധ്യക്ഷത വഹിച്ചു. സുബിൻ ലഹരി വിമുക്ത പ്രതിഞ്ജ ചൊല്ലിക്കൊടുത്തു. സ്റ്റാഫംഗം ബെന്നി പൊന്നാട്ട് സ്വാഗതവും കൗൺസിലർ രാഹുൽ നന്ദിയും പറഞ്ഞു. ആവശ്യമുള്ളവർക്ക് കൗൺസലിംഗ് സൗകര്യവും ഒരുക്കിയിരുന്നു. മദ്യ മുക്തരായ ആളുകൾ തങ്ങളുടെ അനുഭവങ്ങൾ പങ്കുവച്ചു. എല്ലാ മാസവും ആദ്യ ഞായറാഴ്ച ലഹരി വിമുക്തരുടെ കൂട്ടായ്മ നടക്കുമെന്നും അടുത്ത കൂട്ടായ്മ ജൂലൈ ആറിന് രാവിലെ 9. 30 മുതൽ ഉച്ചയ്ക്ക് ഒന്നു വരെ നടക്കുമെന്നും പ്രതീക്ഷ ഡയറക്ടർ ഫാ. ജയ്സൺ കോലക്കുന്നേൽ അറിയിച്ചു.

പേരട്ട-മട്ടിണി റോഡിൽ വെള്ളക്കെട്ട്; യാത്രക്കാർ ദുരിതത്തിൽ

ഇരിട്ടി: ജില്ലാ പഞ്ചായത്തിന്‍റെ അധീനതയിലുള്ള പേരട്ട-മട്ടിണി റോഡിൽ പുതുതായി നിർമിച്ച കലുങ്കിന്‍റെ ഉയരത്തിനൊപ്പം റോഡ് ഉയർത്താതെ വന്നതോടെ റോഡിൽ വെള്ളക്കെട്ട് രൂപപ്പെട്ടു. 50 മീറ്ററോളം ദൂരത്തിൽ റോഡിൽ വെള്ളക്കെട്ട് രൂപപ്പെട്ടതോടെ കാൽനട യാത്രക്കാർ ഉൾപ്പെടെ ദുരിതത്തിലായി. റോഡ് ഉയർത്തി ഓവുചാൽ നിർമിച്ചാൽ മാത്രമേ വെള്ളക്കെട്ടിന് പരിഹാരം കാണാൻ കഴിയുകയുള്ളൂ എന്നാണു പ്രദേശവാസികൾ പറയുന്നത്. പുതിയ കലുങ്കിന് ഉയരം കൂടുതൽ ഉള്ളതുകൊണ്ട് ഇതുവഴി കടന്നുപോകുന്ന ചെറിയ വാഹങ്ങളുടെ അടിഭാഗം തട്ടി കേടുപാടുകൾ സംഭവിക്കുന്നത് പതിവാകുകയാണ്. കരിങ്കൽ പൊടിയും മണ്ണും ഇട്ട് താത്കാലികമായി വെള്ളക്കെട്ട് ഒഴിവാക്കാൻ നാട്ടുകാർ നടത്തിയ ശ്രമവും പരാജയപ്പെട്ടതോടെ പഞ്ചായത്തംഗം ബിജു വെങ്ങലപ്പള്ളിയുടെ നേതൃത്വത്തിൽ ജെസിബി ഉപയോഗിച്ച് റോഡിന്‍റെ സൈഡിലെ മണ്ണ് മാറ്റിയാണു വെള്ളക്കെട്ട് താത്കാലികമായി ഒഴിവാക്കിയത്. ഈ വിഷയത്തിൽ ജില്ലാ പഞ്ചായത്ത് അടിയന്തര നടപടി സ്വീകരിക്കണമെന്നാണു നാട്ടുകാരുടെ ആവശ്യം.

സൗജന്യ നേത്ര പരിശോധനാ ക്യാമ്പ് സംഘടിപ്പിച്ചു

പയ്യന്നൂര്‍: പുഞ്ചക്കാട് ബെത്ലഹേം ധ്യാന കേന്ദ്രത്തില്‍ സൗജന്യ നേത്ര പരിശോധനാ ക്യാമ്പ് സംഘടിപ്പിച്ചു. കയ്‌റോസ് കാഞ്ഞങ്ങാട് ഫെഡറേഷനും പുഞ്ചക്കാട് വികസന സമിതിക്കു കീഴിലെ ജീസസ് കോള്‍പിംഗും തൃക്കരിപ്പൂര്‍ ത്രേസിയാമ്മാസ് ഗ്രാൻഡ് ഗാലക്‌സി കണ്ണാശുപത്രിയുടെ സഹകരണത്തോടെയാണു ക്യാമ്പ് സംഘടിപ്പിച്ചത്. പുഞ്ചക്കാട് സെന്‍റ് ജോസത്‌സ് ഇടവക വികാരി ഫാ. സന്തോഷ് വില്യം ഉദ്ഘാടനം ചെയ്തു. ജീസസ് കോള്‍പ്പിംഗ് പ്രസിഡന്‍റ് കെ.ജെ. റെനി അധ്യക്ഷത വഹിച്ചു. നേത്രരോഗ വിദഗ്ധ കെ.പി. ഫാത്തിമ, നാഷണല്‍ കോള്‍പ്പിംഗ് ബോര്‍ഡ് അംഗം മരിയ ഗോരെത്തി, കയ്‌റോസ് കോ-ഓഡിനേറ്റര്‍ ബിന്‍സി ഷാജു, ജോര്‍ജ് ജേക്കബ്, എം. ലോറന്‍സ്, അജിത്കുമാര്‍ എന്നിവര്‍ പ്രസംഗിച്ചു. നൂറോളം പേര്‍ ക്യാമ്പില്‍ പങ്കെടുത്ത് നേത്രപരിശോധന നടത്തി.

സൊസൈറ്റി കെട്ടിടോദ്ഘാടനം‌

പെരുമ്പടവ്: മാതമംഗലം റൂറൽ അഗ്രികൾച്ചറൽ ലേബർ വെൽഫയർ സർവീസ് കോ-ഓപ്പറേറ്റീവ് സൊസൈറ്റിയുടെ കെട്ടിടോദ്ഘാടനം കെ. സുധാകരൻ എംപി നിർവഹിച്ചു. സജീവ് ജോസഫ് എംഎൽഎ അധ്യക്ഷത വഹിച്ചു. സംഘം സെക്രട്ടറി ടി.പി. സിന്ധു റിപ്പോർട്ട് അവതരിപ്പിച്ചു. എരമം-കുറ്റൂർ പഞ്ചായത്ത് പ്രസിഡന്‍റ് ടി.ആർ. രാമചന്ദ്രൻ ഓഫീസ് കൗണ്ടർ ഉദ്ഘാടനം ചെയ്തു. സ്ട്രോംഗ് റൂം ചപ്പാരപ്പടവ് പഞ്ചായത്ത് പ്രസിഡന്‍റ് സുനിജ ബാലകൃഷ്ണൻ ഉദ്ഘാടനം ചെയ്തു. സേഫ് ലോക്കർ ഉദ്ഘാടനം എം.പി. ഉണ്ണികൃഷ്ണനും നിക്ഷേപ സ്വീകരണം എൻ.ജി. സുനിൽ പ്രകാശും നിർവഹിച്ചു. എ.ജെ. തോമസ്, മഹേഷ് കുന്നുമ്മൽ, കെ. സരിത, പി.വി. വിജയൻ, എൻ.കെ. സുജിത്ത്, ജംഷീർ ആലക്കാട്, എം. രാധാകൃഷ്ണൻ, കുട്ടിയച്ചൻ തുണ്ടിയിൽ, ടി.എം. സദാനന്ദൻ, എൻ.വി. ശ്രീനിവാസൻ, ടി.പി. മഹമൂദ് ഹാജി, സതീശൻ കാർത്തികപ്പള്ളി, അജിത്കുമാർ അനിക്കം, ജോസഫ് കട്ടത്തറ, രാമചന്ദ്രൻ പെരുവാമ്പ, വി. ശശി, രമേശൻ ഹരിത, എൻ.പി. രഞ്ജിത് കുമാർ എന്നിവർ പ്രസംഗിച്ചു.

സമര പോരാളികള്‍ ഒത്തുചേര്‍ന്നു; സ്മരണകള്‍ പെയ്തിറങ്ങി

രാമന്തളി: വായുവും ജലവും മലിനമാക്കപ്പെട്ട അവസ്ഥയില്‍ ജീവിതം ദുസഹമായപ്പോള്‍ സമര പോരാട്ടങ്ങളുമായി രംഗത്തിറങ്ങേണ്ടിവന്ന ജനതയുടെ വിജയാഘോഷത്തില്‍ സമര ഓര്‍മകള്‍ പെയ്തിറങ്ങി. നേവിയുടെ മാലിന്യപ്ലാന്‍റിലെ ചോര്‍ച്ചക്കെതിരെ 90 ദിവസം നീണ്ടുനിന്ന സമരങ്ങള്‍ അവസാനിപ്പിക്കുന്നതിനുള്ള ഒത്തുതീര്‍പ്പു വ്യവസ്ഥകള്‍ നിറവേറ്റപ്പെട്ടതിന്‍റെയും പതിനഞ്ചോളം കേസുകള്‍ കോടതി തള്ളിയതിന്‍റെയും പശ്ചാത്തലത്തിലാണു സമര ഭൂമിയില്‍ വിജയാഘോഷം സംഘടിപ്പിച്ചത്. 2017 ജനുവരിയില്‍ രാമന്തളി ജനവാസകേന്ദ്രത്തിലെ കിണറുകളിലെ വെള്ളത്തില്‍ മാലിന്യം കലരുന്നത് ശ്രദ്ധയില്‍ പെട്ടതോടെയാണ് നാട്ടുകാര്‍ സംഘടിച്ച് ജനാരോഗ്യസംരക്ഷണ സമിതി എന്ന പേരില്‍ കൂട്ടായ്മ രൂപീകരിച്ച് സമര രംഗത്ത് ഇറങ്ങിയത്. പ്രതിഷേധ മാര്‍ച്ച്, രാപ്പകല്‍ സത്യഗ്രഹ സമരം എന്നിയ്ക്കുശേഷം മലിനജലം നിറച്ച കുടവുമായി നാവിക അക്കാദമി കവാടത്തിലേക്കും കണ്ണൂര്‍ കളക്‌ടറുടെ വസതിയിലേക്കും മാര്‍ച്ച് നടത്തി. സമരം അവസാനിക്കുന്ന 2017 മേയ് 24 വരെ 90 ദിവസത്തോളം നാട്ടുകാര്‍ സമരമുഖത്തായിരുന്നു. പ്രതിഷധ സമരങ്ങളിലായി സ്ത്രീകളടക്കം നൂറിലധികം ആളുകളുടെ പേരിലാണു പോലീസ് കേസെടുത്തിരുന്നത്. സമരം അവസാനിച്ചിട്ടും സമരക്കാര്‍ക്കെതിരെയെടുത്ത കേസുകള്‍ അവസാനിക്കാന്‍ പിന്നെയും വര്‍ഷങ്ങളെടുത്തു. സമരം അവസാനിപ്പിക്കാന്‍ വികേന്ദ്രീകൃത മാലിന്യ പ്ലാന്‍റുകള്‍ സ്ഥാപിക്കുമെന്ന ഒത്തുതീര്‍പ്പുവ്യവസ്ഥയനുസരിച്ച് അഞ്ചാമത്തെയും ട്രീറ്റ്‌മെന്‍റ് പ്ലാന്‍റിന്‍റെ നിര്‍മാണം പൂര്‍ത്തീകരിച്ച് പ്രശ്‌നപരിഹാരമായതോടെയാണു സമരരംഗത്തുണ്ടായിരുന്നവര്‍ ഒത്തുചേര്‍ന്നത്. സമര പോരാട്ടങ്ങള്‍ നടന്ന നാവിക അക്കാദമിയിലെ പ്രധാന കവാടമായ പയ്യന്നൂര്‍ ഗേറ്റിനു സമീപമാണ് സമരക്കാർ ഒത്തുചേര്‍ന്ന് സമാരാനുഭവങ്ങള്‍ പങ്കുവയ്ക്കുകയും സമരവിജയം ആഘോഷിക്കുകയും ചെയ്തത്. സമരസമിതി ചെയര്‍മാന്‍ ആര്‍. കുഞ്ഞികൃഷ്ണന്‍ അധ്യക്ഷത വഹിച്ചു. കണ്‍വീനര്‍ കെ.പി. രാജേന്ദ്രകുമാര്‍, പി.പി. നാരായണി, ചന്ദ്രന്‍ കൊടക്കല്‍, സുനില്‍ രാമന്തളി, എ. ലീലാമണി, പി.കെ. നാരായണന്‍, കെ.പി. സുരേശന്‍, വിനോദ് കുമാര്‍ രാമന്തളി, കെ.പി. ഹരീഷ്കുമാര്‍, കെ.എം. അനില്‍ കുമാര്‍ എന്നിവര്‍ പ്രസംഗിച്ചു.

ബ്ലാക്ക് ബെൽറ്റ് വിതരണവും ലഹരി വിരുദ്ധ ബോധവത്കരണവും നടത്തി

പയ്യാവൂർ: കരാട്ടെ ബ്ലാക്ക് ബെൽറ്റ് വിതരണവും അവാർഡ് ദാനവും ലഹരി വിരുദ്ധ ബോധവത്കരണ ക്ലാസും നടത്തി. കുറുമാത്തൂർ പൊക്കുണ്ട് ഫാത്തിമ കോംപ്ലക്സിലെ കരാട്ടെ ട്രെയിനിംഗ് സെന്‍ററിൽ നടന്ന പരിപാടികണ്ണൂർ റൂറൽ എഎസ്ഐയും സിനിമാ നടനുമായ ബാബുരാജ് കണ്ണൂർ ഉദ്ഘാടനം ചെയ്തു. ജപ്പാൻ ഷോട്ടോകാൻ ഐജെകെഎഫ് സ്റ്റൈൽ ചീഫ് ഇൻസ്ട്രക്ടർ ഷിഹാൻ രാജു മാത്യു അധ്യക്ഷത വഹിച്ചു. സംസ്ഥാന ചാമ്പ്യൻഷിപ്പിൽ വിവിധ ഇനങ്ങളിൽ വിജയികളായ കുട്ടികൾക്ക് തോമസ് അയ്യങ്കാനാൽ സമ്മാനങ്ങൾ വിതരണം ചെയ്തു. ഏഴുവർഷങ്ങളിലെ പരിശീലനം പൂർത്തിയാക്കിയ പത്ത് കുട്ടികൾക്ക് ജാപ്പനീസ് സർട്ടിഫിക്കറ്റും ബ്ലാക്ക് ബെൽറ്റും ഷിഹാൻ രാജു മാത്യു കൈമാറി. നാഷണൽ മത്സരങ്ങളിൽ പങ്കെടുത്ത കുട്ടികളെ ലങ്കാടി ഫെഡറേഷൻ പ്രസിഡന്‍റ് ഫൽഗുനൻ മേലേടത്ത് അനുമോദിച്ചു. ലങ്കാടി ഫെഡറേഷൻ ഭാരവാഹികളായ ജിനേഷ് കാളിയാനിയിൽ, ഉണ്ണി നമ്പീശൻ, കരാട്ടേ ഇൻസ്ട്രക്ടർമാരായ കെ.വി. രാജേഷ്, കെ. സരിത എന്നിവർ പ്രസംഗിച്ചു.

കൊക്കായിയിൽ ബദൽപാലം നിർമിച്ചു; പള്ളത്തെ താത്കാലിക പാലം ഉടൻ തുറക്കും

ചെമ്പന്തൊട്ടി: നടുവിൽ റോഡിലെ കൊക്കായിലെ താത്കാലിക പാലം തകരാറിലായതിനെ തുടർന്ന് പൈപ്പുകൾ നിരത്തി മണ്ണിട്ട് നിർമിച്ച ബദൽപാലം ഗതാഗതത്തിനായി തുറുന്നു കൊടുത്തു. അതിനിടെ നിർമാണം നടക്കുന്ന ചെന്പന്തൊട്ടിയിലെ പള്ളം പാലത്തിന് സമീപത്തെ ഒലിച്ചുപോയ താത്കാലിക പാലം ഉടൻ പുനർനിർമിച്ച് തുറന്നു കൊടുക്കുമെന്ന് ബന്ധപ്പെട്ടവർ അറിയിച്ചു. 40 കോടിയോളം ചെലവിട്ട് വികസിപ്പിക്കുന്ന ശ്രീകണ്ഠപുരം- ചെമ്പൻതൊട്ടി-നടുവിൽ റോഡിലെ രണ്ടു പാലങ്ങളിൽ ഒന്നാണ് കൊക്കായിപാലം. കൊക്കായിയിൽ കുടുതൽ പൈപ്പുകൾ നിരത്തി വെള്ളത്തിന്‍റെ ഒഴുക്ക് സുഗമമാക്കാൻ പണിത താത്കാലിക പാലമായതുകൊണ്ട് ഭാരം കയറ്റിയ വാഹനങ്ങൾ കടന്നു പോകുന്നതിന് വിലക്ക് ഏർപ്പെടുത്തിയിട്ടുണ്ട്. ഇവിടെ കാൽനടയാത്രക്കാർക്ക് നടന്നു പോകാനുള്ള സംവിധാനവും ഒരുക്കിയിട്ടുണ്ട്.

വിദ്യാലയങ്ങൾ ഒരുങ്ങി

കണ്ണൂർ: കളിയും ചിരിയുമായി എത്തുന്ന കുരുന്നുകളെ വരവേൽക്കാൻ വിദ്യാലയങ്ങൾ ഒരുങ്ങി. സ്കൂൾ തുറക്കുന്നതിന് മുന്നോടിയായി സ്കൂൾ കെട്ടിടങ്ങളിൽ നവീകരണ പ്രവൃത്തി നടത്തി പെയിന്‍റിംഗ് ഉൾപ്പെടെ പൂർത്തിയാക്കിയിരുന്നു. സ്കൂൾ കെട്ടിടങ്ങളുടെ ഫിറ്റ്നസ് അധികൃതർ പരിശോധിക്കുകയും ചെയ്തിരുന്നു. സ്കൂളുകളിൽ ശുചിത്വവും സുരക്ഷയും ഉറപ്പാക്കാൻ പിടിഎയുടെ നേതൃത്വത്തിൽ നിരവധി കാര്യങ്ങൾ ചെയ്തിരുന്നു. സ്കൂൾ ബസുകളുടെ ഫിറ്റ്നസ് പരിശോധനയും ജില്ലയിൽ പൂർത്തിയായി കഴിഞ്ഞു. ലഹരി വ്യാപനം തടയുന്നതിന്‍റെ ഭാഗമായി പോലീസിന്‍റെയും എക്സൈസിന്‍റെയും നേതൃത്വത്തിൽ അധ്യാപകരുടെയും പിടിഎയുടെയും ജനപ്രതിനിധികളെയും ഉൾപ്പെടുത്തി അവലോകന യോഗങ്ങൾ ചേർന്നിരുന്നു. കണ്ണൂർ ജില്ലാ സ്കൂൾ പ്രവേശനോത്സവം ഇന്ന് രാവിലെ ഒന്പതിന് അഴീക്കോട് ജിഎച്ച്‌എസ്എസിൽ മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്യും. ജില്ലയിലെ സ്കൂളുകളിലെല്ലാം പ്രവേശനോത്സവം സംഘടിപ്പിച്ചിട്ടുണ്ട്. വിദ്യാലയങ്ങളിൽ ആന്‍റി നർക്കോട്ടിക് ക്ലബുകൾ സ്‌കൂൾ പരിസരത്തെ ലഹരി കച്ചവടത്തിന് അറുതിവരുത്താനും വിദ്യാർഥികൾക്കിടയിലെ ലഹരി ഉപയോഗം തടയാനും ലക്ഷ്യമിട്ട് എല്ലാ വിദ്യാലയങ്ങളിലും ആന്‍റി നർകോട്ടിക് ക്ലബുകൾ (എഎൻ സി) രൂപീകരിക്കും. എക്സൈസ് ഉദ്യോഗസ്ഥരുടെയും അധ്യാപക രുടെയും രക്ഷിതാക്കളുടെയും നേതൃത്വത്തിലാണ് ക്ലബ് രൂപീകരി ക്കുക. ഇവർക്ക് പ്രത്യേക പരിശീലനം നൽകും. ലഹരി ഉപയോഗിക്കുന്ന കുട്ടികളുടെ പെരുമാറ്റത്തിലെ മാറ്റമുൾപ്പെടെ മനസിലാക്കി തുടർനടപടി സ്വീകരിക്കാനുള്ള ചുമതലയും ഇവർക്ക് നൽകും. ഓരോ സ്‌കൂളി ലും ഓരോ ഉദ്യോഗസ്ഥർക്കായിരി ക്കും മേൽനോട്ടച്ചുമതല. പുതിയതായി നിയമനം ലഭിച്ച സിവിൽ എക്സൈസ് ഓഫീസർമാരെ ഇതിനായി നിയോഗിക്കും. കുട്ടികളിലെ ലഹരി ഉപയോഗം തടയാൻ എക്സൈസിന് "നേർവഴി' എന്ന പദ്ധതി നിലവിലുണ്ട്. രക്ഷിതാക്കൾക്കും അധ്യാപകർക്കും 9656178000 എന്ന നമ്പരിലോ 14405 എന്ന ടോൾ ഫ്രീ നമ്പറിലോ വിളിക്കാം. ലഹരി ഉപയോഗിക്കുന്ന കുട്ടികളെ കണ്ടെത്തിയാൽ രഹസ്യമായി കൗൺസിലിംഗും ചികിത്സയും നൽകും. കുട്ടികൾക്കെതിരേ കേസെടുക്കില്ല.

പറ്റിച്ചല്ലോ... സാറേ! മുളപ്ര പാലം എവിടെ...‍?

ചെറുപുഴ: ചെറുപുഴ പഞ്ചായത്തിലെ മുളപ്ര പാലം നിർമിക്കുന്നതിന് ഒരുകോടി അനുവദിച്ചിട്ട് ഒരു വർഷമായിട്ടും പാലം പണി തുടങ്ങാനായില്ല. 2023 ഫെബ്രുവരിയിൽ അവതരിപ്പിച്ച ബജറ്റിലാണ് പുതിയ പാലത്തിനായി ഒരുകോടി രൂപ അനുവദിച്ചത്. മുളപ്ര-പാറോത്തുംനീർ റൂട്ടിൽ തിരുമേനി തോടിന് കുറുകെയുള്ള ഈ പാലം വർഷങ്ങൾക്ക് മുന്പ് വെള്ളപ്പൊക്ക ദുരിതാശ്വാസഫണ്ട് ഉപയോഗിച്ചാണ് നിർമിച്ചത്. സാമ്പത്തിക പ്രയാസം കാരണം തൂണുകളില്ലാതെ പൈപ്പുകളിട്ട് അതിന് മുകളിൽ കോൺക്രീറ്റ് ചെയ്താണ് പാലം നിർമിച്ചിട്ടുള്ളത്. ഈ പാലം മാറ്റി പുതിയ പാലം പണിയുന്നതിനാണ് കഴിഞ്ഞ സംസ്ഥാന ബജറ്റിൽ ഒരുകോടി രൂപ അനുവദിച്ചത്. എന്നാൽ, അടുത്ത ബജറ്റായിട്ടും പാലത്തിന്‍റെ പണികൾ തുടങ്ങിയിട്ടില്ല. നിലവിലെ അവസ്ഥ മഴക്കാലത്ത് കരകവിഞ്ഞൊഴുകുന്ന തോടാണിത്. മഴക്കാലത്ത് പാലത്തിൽ കൂടി വെള്ളം കയറി ഒഴുകുന്നത് പതിവാണ്. ഇടുങ്ങിയതും ഉയരം കുറഞ്ഞതുമായ ഈ പാലത്തിന് കൈവരികളില്ല. വീതി കുറവായതിനാൽ രണ്ടു വാഹനങ്ങൾക്ക് ഒരേസമയം കടന്നു പോകാനാകില്ല. ഇതോടെ മുളപ്ര-പാറോത്തും നീർ റൂട്ടിൽ ഗതാഗതം മുടങ്ങും. മുളപ്ര അൽഫോൻസ പള്ളി, മുളപ്രശ്രീ ധർമശാസ്താ ക്ഷേത്രം, പാറോത്തുംനീർ വിഷ്ണുമൂർത്തി ക്ഷേത്രം എന്നിവിടങ്ങളിലേക്ക് ദിവസവും നിരവധി ഭക്തജനങ്ങളാണ് ഈ പാലം കടന്നുപോകുന്നത്. കൂടാതെ ഗവ. ഹയർ സെക്കൻഡറി സ്കൂൾ പ്രാപ്പൊയിൽ, ചെറുപുഴയിലെയും പരിസര പ്രദേശങ്ങളിലെയും മറ്റ് വിദ്യാലയങ്ങൾ എന്നിവിടങ്ങളിലേയ്ക്ക് നിരവധി വിദ്യാർഥികളും യാത്രക്കാരും ഇത് വഴിയാണ് ദിവസവും പാലം കടന്നു പോകുന്നത്. കുറുപ്പിന്‍റെ ഉറപ്പുകൾ ബജറ്റിൽ ഒരുകോടി അനുവദിച്ചതിന് പിന്നാലെ ഉദ്യോഗസ്ഥ പരിശോധനകൾ പലത് നടന്നു. കഴിഞ്ഞ ജൂലൈയിൽ സ്ഥല പരിശോധനയ്ക്ക് എത്തിയ ഉദ്യാഗസ്ഥർ ഉടൻ പണി ആരംഭിക്കുമെന്ന് ഉറപ്പ് നൽകിയിരുന്നു. 20 മീറ്റർ നീളത്തിലും 5.2 മീറ്റർ വീതിയിലും മൂന്ന് മീറ്ററോളം ഉയരത്തിലുമുള്ള പാലം നിർമിക്കുമെന്നാണ് ഉദ്യോഗസ്ഥർ അറിയിച്ചത്. വർഷം ഒന്നു കഴിഞ്ഞിട്ടും ടെൻഡർ നടപടി പൂർത്തിയാക്കി പണി തുടങ്ങാനായിട്ടില്ല. ഇനി മഴക്കാലം കഴിഞ്ഞ് ഡിസംബറോടെയേ പണികൾ നടത്താൻ കഴിയൂ.

ഓട്ടോ ടാക്സി പോത്തിനെ ഇടിച്ച് ഡ്രൈവറടക്കം രണ്ടുപേർക്കു പരിക്ക്

ഉളിയിൽ: റോഡിലുണ്ടായിരുന്ന പോത്തിനെ ഓട്ടോ ടാക്സി ഇടിച്ച് ഡ്രൈവറടക്കം രണ്ടുപേർക്കു പരിക്ക്. പരിക്കളം സ്വദേശി മനീഷ്, ജോസഫ് എന്നിവർക്കാണ് പരിക്കേറ്റത്. ഇവർ ഇരിട്ടിയിലെ സ്വകാര്യ ആശുപത്രിയിൽ ചികിത്സ തേടി. ഇന്നലെ പുലർച്ചെ ഉളിയിലായിരുന്നു സംഭവം. തലശേരിയിൽ നിന്നും പരിക്കളത്തേക്ക് പോകുകയായിരുന്ന ഓട്ടോ ടാക്സിയാണ് അപകടത്തിൽപ്പെട്ടത്. വാഹനത്തിന്‍റെ മുൻഭാഗവും തകർന്നു. കനത്ത മഴയിൽ സമീപത്തെ പറമ്പിൽ നിന്നുമാണ് പോത്ത് റോഡിലെത്തിയതെന്ന് പറയുന്നു.

വന്യമൃഗങ്ങളും വനപാലകരും ജനങ്ങളെ ഒരുപോലെ വേട്ടയാടുന്നു: കേരള കോൺ.-എം

ഇരിട്ടി: വന്യമൃഗങ്ങളും വനപാലകരും ഒരുപോലെ കർഷകരെ വേട്ടയാടുന്നത് അവസാനിപ്പിക്കണമെന്ന് കേരള കോൺഗ്രസ്-എം പേരാവൂർ നിയോജക കമ്മിറ്റി ആവശ്യപ്പെട്ടു. കട്ടവനെ കിട്ടിയില്ലെങ്കിൽ കിട്ടിയവനെ കള്ളനാക്കുന്ന നയമാണ് വനം വകുപ്പ് നടപ്പിലാക്കുന്നത്. ഇത് അവസാനിപ്പിച്ചില്ലെങ്കിൽ ശക്തമായ സമരങ്ങൾ ആരംഭിക്കുവാനും യോഗം തീരുമാനിച്ചു. ജില്ലാ പ്രസിഡന്‍റ് ജോയ് കൊന്നയ്ക്കൽ ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് വിപിൻ തോമസ് അധ്യക്ഷത വഹിച്ചു. സംസ്ഥാന ഹൈപ്പവർ കമ്മിറ്റി അംഗം മാത്യു കുന്നപ്പള്ളി, തോമസ് മാലത്ത്, സി.എം. ജോർജ്, മാത്യു പുളിക്കകുന്നേൽ, അൽഫോൻസ് കളപ്പുര, ജെയ്സൺ ജിരകശേരി, എ.കെ. രാജു, ബെന്നിച്ചൻ മഠത്തിനകം, ഡോ. ത്രേസ്യാമ്മ കൊങ്ങോല, കെ.കെ. വിനോദ്, ജോസ് മാപ്പിളപ്പറമ്പിൽ, വർഗീസ് ആനിത്തോട്ടം, ജോജി പുനമറ്റം, ഏബ്രഹാം വെട്ടിക്കൽ, ബാബു നടയത്ത്, ഏബ്രഹാം കല്ലൻമ്മാരി, ബ്രിട്ടോ ജോസ്, മാത്യു കൊച്ചുതറ, ഗർവാസിസ് കേളിമറ്റം, ജോർജ് വാളുവെട്ടിക്കൽ, സി.പി. ജോസ്, ജോസഫ് വള്ളിക്കാവുങ്കൽ, ജെസി മോൾ വാഴപ്പള്ളി, റെജി മേച്ചേരിക്കുന്നേൽ, കുഞ്ഞച്ചൻ വടശേരി എന്നിവർ പ്രസംഗിച്ചു.

സമൂഹ മാധ്യമങ്ങളിലൂടെ പ്രധാനമന്ത്രിയുടെ പേരിൽ പുതിയ തട്ടിപ്പ്

ഇരിട്ടി: സമൂഹ മാധ്യമങ്ങളിലൂടെ പ്രധാനമന്ത്രിയുടെ പേരിൽ പുതിയ തട്ടിപ്പുമായി സൈബർ തട്ടിപ്പുകാർ. പ്രധാനമന്ത്രിയുടെ ചിത്രവും ബിജെപിയുടെ തെരഞ്ഞെടുപ്പ് ചിഹ്നം താമരയിൽ ക്ലിക്ക് ചെയ്താൽ നിങ്ങളുടെ അകൗണ്ടിലേക്ക് 5000 രൂപ ലഭിക്കുമെന്നും കാണിച്ചാണ് തട്ടിപ്പുകാർ രംഗത്തു വന്നിരിക്കുന്നത്. താമരയിൽ വിരൽ അമർത്തിയാൽ ഉടൻ തന്നെ നിങ്ങൾ 5000 രൂപ വിജയിച്ചതായി മെസേജ് വരും. പിന്നീട് നിങ്ങളുടെ ഫോൺ നമ്പർ ആവശ്യപ്പെടും. ജനങ്ങളെ വിശ്വസത്തിൽ എടുക്കാൻ ആദ്യം നിങ്ങളുടെ ഫോൺ നമ്പറിലേക്ക് ഒരു വൺ ടൈം പാസ്‌വേഡ് വരും. പാസ്‌വേർഡ് അടിച്ച ഉടനെ അക്കൗണ്ടിൽ നിന്നും പണം നഷ്ടമാകും. ഇത്തരത്തിൽ നിരവധിപേരുടെ പണം നഷ്ടമായതായി സൈബർ പോലീസ് പറഞ്ഞു. കഴിഞ്ഞ ദിവസം മുതലാണ് സോഷ്യൽമീഡിയയിൽ പരസ്യം പ്രത്യക്ഷപ്പെട്ടത്. പിന്നീടത് സോഷ്യൽ മീഡിയ പ്ലാറ്റഫോമിൽ നിന്നും അപ്രത്യക്ഷമായി. ഇത്തരത്തിൽ മുൻ പ്രധാനമന്ത്രി വാജ്പേയിയുടെയും മുൻ പ്രസിഡന്‍റ് എ.പി.ജെ. അബ്ദുൾ കാലമിന്‍റെയും പേരിൽ സ്കോളർഷിപ്പികൾ നൽകുന്നു എന്നപേരിലും തട്ടിപ്പുകൾ നടക്കുന്നുണ്ട്.

ഭാരവാഹികൾ ചുമതലയേറ്റു

കേളകം: സാമൂഹിക ക്ഷേമ പ്രവർത്തനത്തിൽ ഊന്നിയ പുത്തൻ രാഷ്‌ട്രീയ പ്രവർത്തനത്തിന് മാതൃകയാണ് രാജീവ് ഫൗണ്ടേഷനെന്ന് കെപിസിസി അംഗം ലിസി ജോസഫ്. കേളകം കോൺഗ്രസ് ഭവനിൽ രാജീവ് ഫൗണ്ടേഷൻ മണ്ഡലം ഭാരവാഹികളുടെ സ്ഥാനാരോഹണ ചടങ്ങും ബ്ലീഡ് ഫോര്‍ ദി നേഷൻ രക്തദാന സന്നദ്ധ സേനാ രൂപീകരണവും ഉദ്ഘാടനം ചെയ്തു പ്രസംഗിക്കുകയായിരുന്നു അവർ. ഫൗണ്ടേഷൻ മണ്ഡലം ചെയർമാൻ പി.എ. സെബാസ്റ്റ്യൻ അധ്യക്ഷത വഹിച്ചു. സി.ജെ. മാത്യു, സന്തോഷ് ജോസഫ് മണ്ണാർകുളം, കെ.കെ. അംബുജാക്ഷൻ, വർഗീസ് ജോസഫ് നടപ്പുറം, അലക്സാണ്ടർ കുഴിമണ്ണിൽ, ജീമോൾ വെട്ടുവേലിൽ, വർഗീസ് കൂമ്പുക്കൽ, ജോർജ് ജോസഫ് കാക്കനാട്ട് എന്നിവർ പ്രസംഗിച്ചു.

മുടയരിഞ്ഞിയിൽ റോഡ് പുഴയിലേക്ക് ഇടിയുന്നു

ഇരിട്ടി: കാലവർഷം ശക്തമായതോടെ വള്ളിത്തോട് ചരൾ റോഡിന്‍റെ ഭാഗമായ മുടയരിഞ്ഞിയിൽ റോഡ് പുഴയിലേക്ക് ഇടിഞ്ഞ് റോഡ് അപകടത്തിലായിട്ടും അധികൃതരുടെ അവഗണന തുടരുന്നതായി പരാതി. കഴിഞ്ഞ മഴക്കാലത്തും ഇത സംഭവം നടന്നപ്പോൾ പഞ്ചായത്ത് പ്രസിഡന്‍റിന്‍റെ നേതൃത്വത്തിൽ പൊതുമരാമത്തിനെ അറിയിച്ചിരുന്നു. ബന്ധപ്പെട്ട ഉദ്യോഗസ്ഥർ സ്ഥലത്തെത്തി പരിശോധന നടത്തിയെങ്കിലും യാതൊരു നടപടിയും സ്വീകരിച്ചല്ല. ഈ മഴക്കാലത്തും റോഡ് ഇടിഞ്ഞു തുടങ്ങിയിരിക്കുകയാണ്. ഭാരം കയറ്റിയ വാഹനങ്ങൾ കടന്നുപോ കുന്ന വഴിയിൽ റോഡ് വീണ്ടും ഇടിയാനുള്ള സാധ്യതുണ്ടെന്നാണ് നാട്ടുകാർ പറയുന്നത്. റോഡിന് ശരിയായ രീതിയിൽ ഓവുചാൽ സംവിധാനം നിർമിക്കാത്തതാണ് നിലവിലെ സാഹചര്യത്തിന് കാരണം. നാട്ടുകാരുടെ ശ്രമദാനം റോഡ് ഇടിയുന്നതിൽ അധികൃതർ നടപടി സ്വീകരിക്കാത്തതിൽ പ്രതിഷേധിച്ച് ജനകീയ സമിതിയുടെ നേത്രത്തൽ ജെസിബി ഉപയോഗിച്ച് റോഡിന്‍റെ ഓവുചാലുകൾ വൃത്തിയാക്കി താത്കാലിക ഓവുചാലുകൾ നിർമിച്ച് മഴവെള്ളം ഒഴുക്കിവിടാനുള്ള നടപടികൾ സ്വീകരിച്ചു. അധികൃതർ അടിയന്തര നടപടി സ്വീകരിച്ചില്ലെങ്കിൽ ജനകീയ സമിതിയുടെ നേതൃത്വത്തിൽ സമര പരിപാടികൾ ആരംഭിക്കാനാണ് തീരുമാനം. പഞ്ചായത്ത് പ്രസിഡന്‍റ് കുര്യാച്ചൻ പൈമ്പള്ളിക്കുന്നേൽ, സ്റ്റാൻഡിംഗ് കമ്മി റ്റി ചെയർമാൻ ഐസക് ജോസഫ്, പഞ്ചായത്ത് അംഗങ്ങളായ ജോസ് എ വൺ, സജി മച്ചിത്താന്നി, സെലീന ബിനോയി തുടങ്ങിയവർ സ്ഥലം സന്ദർശിച്ചു. ശ്രമദാനത്തിന് ജനകീയ കമ്മിറ്റി അംഗങ്ങളായ മാത്യു പുലിക്കകുന്നേൽ, ജോസ് മാപ്പിളപ്പറമ്പിൽ, തോമസ് വട്ടമറ്റം, ഫിലിപ്പ് പുളിക്കക്കുന്നേൽ തുടങ്ങിയവർ പങ്കെടുത്തു.

സമൂഹ മാധ്യമങ്ങളിലൂടെ പ്രധാനമന്ത്രിയുടെ പേരിൽ പുതിയ തട്ടിപ്പ്

ഇരിട്ടി: സമൂഹ മാധ്യമങ്ങളിലൂടെ പ്രധാനമന്ത്രിയുടെ പേരിൽ പുതിയ തട്ടിപ്പുമായി സൈബർ തട്ടിപ്പുകാർ. പ്രധാനമന്ത്രിയുടെ ചിത്രവും ബിജെപിയുടെ തെരഞ്ഞെടുപ്പ് ചിഹ്നം താമരയിൽ ക്ലിക്ക് ചെയ്താൽ നിങ്ങളുടെ അകൗണ്ടിലേക്ക് 5000 രൂപ ലഭിക്കുമെന്നും കാണിച്ചാണ് തട്ടിപ്പുകാർ രംഗത്തു വന്നിരിക്കുന്നത്. താമരയിൽ വിരൽ അമർത്തിയാൽ ഉടൻ തന്നെ നിങ്ങൾ 5000 രൂപ വിജയിച്ചതായി മെസേജ് വരും. പിന്നീട് നിങ്ങളുടെ ഫോൺ നമ്പർ ആവശ്യപ്പെടും. ജനങ്ങളെ വിശ്വസത്തിൽ എടുക്കാൻ ആദ്യം നിങ്ങളുടെ ഫോൺ നമ്പറിലേക്ക് ഒരു വൺ ടൈം പാസ്‌വേഡ് വരും. പാസ്‌വേർഡ് അടിച്ച ഉടനെ അക്കൗണ്ടിൽ നിന്നും പണം നഷ്ടമാകും. ഇത്തരത്തിൽ നിരവധിപേരുടെ പണം നഷ്ടമായതായി സൈബർ പോലീസ് പറഞ്ഞു. കഴിഞ്ഞ ദിവസം മുതലാണ് സോഷ്യൽമീഡിയയിൽ പരസ്യം പ്രത്യക്ഷപ്പെട്ടത്. പിന്നീടത് സോഷ്യൽ മീഡിയ പ്ലാറ്റഫോമിൽ നിന്നും അപ്രത്യക്ഷമായി. ഇത്തരത്തിൽ മുൻ പ്രധാനമന്ത്രി വാജ്പേയിയുടെയും മുൻ പ്രസിഡന്‍റ് എ.പി.ജെ. അബ്ദുൾ കാലമിന്‍റെയും പേരിൽ സ്കോളർഷിപ്പികൾ നൽകുന്നു എന്നപേരിലും തട്ടിപ്പുകൾ നടക്കുന്നുണ്ട്.

റോഡ് പണി ഇഴഞ്ഞു നീങ്ങുന്നു: ദുരിതം മാറാതെ ഗ്രാമവാസികൾ

പെരുമ്പടവ്: ചപ്പാരപ്പടവ്-വിമലശേരി-എരുവാട്ടി-മേരിഗിരി-തേർത്തല്ലി റോഡ് ശാപമോക്ഷം കാത്ത് ഗ്രാമവാസികൾ. ഒരു പതിറ്റാണ്ടുകാലത്തെ മുറവിളിക്ക് ശേഷമാണ് റോഡ് മെക്കാഡം ടാറിംഗ് അനുവദിച്ചത്. എന്നാൽ, കോൺട്രാക്ടറുടെ അനാസ്ഥ കാരണം റോഡ് പണി ഇഴഞ്ഞു നീങ്ങുകയാണ്. പണിപൂർത്തീകരിക്കേണ്ട നാളുകൾ പിന്നിട്ടിട്ട് മാസങ്ങൾ കഴിഞ്ഞു. ഇപ്പോഴും ടാറിംഗ് പൂർത്തിയാക്കാൻ കഴിഞ്ഞിട്ടില്ല. നിലവിൽ യാത്രാ യോഗ്യമായ റോഡ് ഉണ്ടായിരുന്നെങ്കിലും അത് മെക്കാഡം ടാറിങ്ങിനായി കുത്തിപ്പൊളിച്ചതിനാൽ ഇപ്പോൾ യാത്ര ഏറെ ദുരിതത്തിലാണ്. വാഹനങ്ങൾ റോഡിൽ താഴ്ന്നു പോവുകയാണ്. കാൽനടയാത്രയ്ക്ക് പോലും കഴിയാത്ത വിധത്തിൽ റോഡ് തകർന്നിട്ടും കോൺട്രാക്ടർറും അധികൃതരും മൗനം നടിക്കുകയാണ്. അത്യാവശ്യത്തിന് ആസ്പത്രികളിൽ പോലും പോകാൻ സാധിക്കുന്നില്ല. നാളെ സ്കൂൾ തുറക്കുന്ന തോടുകൂടി സ്കൂൾ വിദ്യാർഥികൾ ഉൾപ്പെടെ ഏറെ ദുരിതം അനുഭവിക്കേണ്ടിവരും.

റോഡരികിലെ കുഴി ദുരിതവും നഷ്ടവും

പയ്യാവൂർ: ശ്രീകണ്ഠപുരം നഗരസഭ കഴിഞ്ഞ വർഷം നഗരസൗന്ദര്യവത്കരണത്തിനായി അഞ്ചു കോടി രൂപ ചെലവഴിച്ച് സംസ്ഥാന ഹൈവേ കടന്നുപോകുന്ന ടൗണിലെ റോഡിന്‍റെ ഇരുഭാഗങ്ങളും സ്ഥാപിച്ച ഇന്‍റർലോക്ക് ഇളക്കി മാറ്റിയത് അപകടത്തിന് വഴിവയ്ക്കുന്നു. കെഎസ്ഇബിയുടെ അണ്ടർലൈൻ കേബിൾ പണിയുടെ ഭാഗമായാണ് ഇത് പൊളിച്ചു മാറ്റിയത്. ഇതുവഴി ശ്രീകണ്ഠപുരം സബ് സ്റ്റേഷനിൽ നിന്ന് കോട്ടൂരേയ്ക്കുള്ള എർത്ത് കേബിൾ ഇടുകയാണി പ്പോൾ. അതി മനോഹരമായി സ്ഥാപിച്ച ഇന്‍റർ ലോക്കുകൾ ഇളക്കി മാറ്റി പത്തിലധികം സ്ഥലങ്ങളിൽ കുഴികളുണ്ടാക്കിയിരിക്കുകയാണ്. വികസനം നല്ലതാണെങ്കിലും അതിനുവണ്ടി ഇത്തരം നടപടികൾ പാടില്ലെന്നാണ് ജനങ്ങൾ പറയുന്നത്. പൊളിച്ചിട്ട ഭാഗം പൂർവ സ്ഥിതിയിലാക്കേണ്ടത് പൊതുമരാമത്ത് വകുപ്പിന്‍റെ ചുമതലയാണ്. ഇക്കാര്യത്തിൽ എത്രയും വേഗത്തിൽ പരിഹാരം ഉണ്ടാകണമെന്ന് ശ്രീകണ്ഠപുരം വൈസ്മെൻ ക്ലബ് ജനറൽ ബോഡി യോഗം അധികൃതരോട് ആവശ്യപ്പെട്ടു. പ്രസിഡന്‍റ് ജോൺസൺ തുടിയൻപ്ലാക്കൽ അധ്യക്ഷത വഹിച്ചു. മാത്യു വർഗീസ്, ജോർജ് പി.അഗസ്റ്റിൻ, റെജി കാര്യാങ്കൽ, വിപിൻ വിൻസെന്‍റ്, യു.കെ.ബാനു, എ.വി. മനീഷ് എന്നിവർ പ്രസംഗിച്ചു.

സ്കൂളുകളിൽ ആരോഗ്യ വകുപ്പിന്‍റെ പരിശോധന

ചെറുപുഴ: പുളിങ്ങോം കുടുംബാരോഗ്യ കേന്ദ്രത്തിന്‍റെ നേത്യത്വത്തിൽ ചെറുപുഴ പഞ്ചായത്തിലെ സ്കൂളുകളിൽ ആരോഗ്യ വകുപ്പ് ശുചിത്വ പരിശോധന നടത്തി. സ്കൂൾ തുറക്കുന്നതിനു മുന്നോടിയായി സ്കൂളുകൾ ആരോഗ്യ വകുപ്പ് നിഷ്കർഷിക്കുന്ന ശുചിത്വ നിർദേശങ്ങൾ പാലിക്കുന്നുണ്ടോ എന്നറിയാനാണ് ഹെൽത്ത് ഇൻസ്‌പെക്ടറുടെ നേതൃത്വത്തിൽ ആരോഗ്യ വകുപ്പ് സംഘം പരിശോധന നടത്തിയത്. സ്കൂളുകളിലെ ക്ലാസ് റൂം, പരിസരം, ടോയ്‌ലറ്റ്, അടുക്കള, സ്റ്റോർ റൂം എന്നിവ ശുചിയായി സൂക്ഷിക്കുന്നുണ്ടോ എന്നായിരുന്നു പരിശോധന. പാചക തൊഴിലാളികൾക്ക് ഹെൽത്ത് കാർഡ് ഉണ്ടോ എന്നും കുടിവെള്ള പരിശോധന നടത്തിയോ എന്നും വിലയിരുത്തി. പരിശോധനയ്ക്ക് പുളിങ്ങോം കുടുംബാരോഗ്യ കേന്ദ്രം ഹെൽത്ത് ഇൻസ്‌പെക്ടർ വി. മുഹമ്മദ്‌ ഷെരീഫ്, പബ്ലിക് ഹെൽത്ത് നഴ്സ് എം.എൽ. മനീഷ, ജൂണിയർ ഹെൽത്ത് ഇൻസ്‌പെക്ടർമാരായ എൽ.എസ്. അശ്വതി, എ.ജെ. ടിഞ്ചു എന്നിവർ നേതൃത്വം നൽകി.

വർഷം ഒന്നു കഴിഞ്ഞിട്ടും ഇടിഞ്ഞ മതിൽ റോഡിൽ തന്നെ

കാർത്തികപുരം: കഴിഞ്ഞ തവണത്തെ കനത്ത മഴയിൽ തകർന്ന കാർത്തികപുരം ഗവ. വൊക്കേഷണ ൽ ഹയർ സെക്കൻഡറി സ്‌കൂളിന്‍റെ മതിലിന്‍റെ ഭാഗങ്ങൾ വർഷം ഒന്നുകഴിഞ്ഞിട്ടും റോഡിൽ നിന്ന് നീക്കം ചെയ്യാത്തത് ജനങ്ങളെ ദുരിതത്തിലാക്കുന്നു. കഴിഞ്ഞ ജൂൺ മാസം തുടക്കത്തിലാണ് മുറ്റവും മതിലും ഇടിഞ്ഞ് റോഡിലേക്ക് പതിച്ചത്. ഇതേത്തുടർന്ന് കാർത്തിപുരം പാറോത്തുമല റൂട്ടിൽ ഗതാഗതം തടസപ്പെട്ടിരുന്നു. ആറുമീറ്റർ ഉയരമുള്ള സംരക്ഷണ ഭിത്തി 40 മീറ്ററോളം നീളത്തിലാണ് തകർന്നു വീണത്. ഇത് ഇപ്പോഴും റോഡിൽ കിടക്കുന്നതിനാൽ വാഹന-കാൽനട യാത്രികർക്ക് കടുത്ത ദുരിതമാണ്. സ്കൂൾ തുറക്കാറായിട്ടും ഈ ദുരവസ്ഥയ്ക്ക് പരിഹാര ഉണ്ടാക്കാത്തതിൽ രക്ഷിതാക്കൾക്കും പ്രതിഷേധമുണ്ട്. നാലുമീറ്റർ ടാറിംഗ് ചെയ്ത‌ റോഡിൽ ഏകദേശം ഒരു മീറ്ററിന് താഴെ മാത്രമാണ് വാഹനങ്ങൾ കടന്നു പോകുന്നതിന് അവശേഷിക്കുന്നത്. ഇരുചക്രവാഹനങ്ങളിൽ യാത്ര ചെയ്യുന്ന സ്ത്രീകളടക്കമുള്ളവർ പിറകിൽ ഇരിക്കുന്നവരെ ഇറക്കിയ ശേഷമാണ് ഇതിലൂടെ കടന്ന് പോകുന്നത്. സ്‌കൂൾ പിടിഎയുടെ ഇടപെടലിനെ തുടർന്ന് 90,00,000 രൂപ പൂനർനിർമാണത്തിനു അനുവദിച്ചെങ്കിലും, നാളിതുവരെയായി നിർമാണ പ്രവൃത്തികൾ തുടങ്ങിയിട്ടില്ല. സ്കൂ‌ൾ തുറക്കുന്ന കനത്ത മഴയുള്ള സമയത് ഭാഗികമായി നിൽക്കുന്ന സംരക്ഷണ ഭിത്തി വലിയ അപകടാവസ്ഥ ക്ഷണിച്ചു വരുത്തമോ എന്ന ആശങ്കയിലാണ് വിദ്യാർഥികളും രക്ഷിതാക്കളും.

ഡോ. ടി.കെ. സെബാസ്റ്റ്യൻ സർവീസിൽ നിന്ന് വിരമിച്ചു

കൂത്തുപറമ്പ്: നിർമലഗിരി ഓട്ടോണമസ് കോളജ് പ്രിൻസിപ്പൽ ഡോ. ടി.കെ. സെബാസ്റ്റ്യൻ ഇരുപത്തി ഒന്പത് വർഷത്തെ സേവന കാലാവധി പൂർത്തിയാക്കി സർവീസിൽ നിന്ന് വിരമിച്ചു. ഇക്കണോമിക്സ് വിഭാഗം അധ്യാപകനായും വകുപ്പധ്യക്ഷനായും പ്രവർത്തിച്ചിട്ടുണ്ട്. എൻസിസി ഓഫീസർ, ഐക്യുഎസി. കോ-ഓർഡിനേറ്റർ തുടങ്ങിയ വിവിധ ചുമതലകൾ വഹിച്ചിട്ടുണ്ട്. 2023 മുതൽ കോളജിന്‍റെ പ്രിൻസിപ്പലായി സേവനം അനുഷ്ഠിച്ചു വരുന്ന അദ്ദേഹത്തിന്‍റെ കാലഘട്ടത്തിലാണ് കോളേജ് യുജിസി യുടെ നാക് "എ പ്ലസ് പ്ലസ്' ഗ്രേഡും ഓട്ടോണമസ് പദവിയും കൈവരിച്ചത്.

ഇ.കെ. പദ്മനാഭൻ സർവീസിൽ നിന്ന് വിരമിച്ചു

കണ്ണൂർ: ഇൻഫർമേഷൻ-പബ്ലിക് റിലേഷൻസ് വകുപ്പ് കണ്ണൂർ മേഖലാ ഡപ്യൂട്ടി ഡയറക്ടർ ഇ.കെ. പദ്മനാഭൻ സർവീസിൽനിന്ന് വിരമിച്ചു. കണ്ണൂർ, കാസർകോട്, വയനാട് ജില്ലകളുടെ ചുമതല വഹിക്കുകയായിരുന്നു. കണ്ണൂർ ജില്ലാ ഇൻഫർമേഷൻ ഓഫീസറായിരിക്കേ ജില്ലയിലെ ലൈബ്രറികളെ കോർത്തിണക്കി ആവിഷ്‌കരിച്ച പിആർഡി സഹായ കേന്ദ്രം പദ്ധതി ഏറെ ശ്രദ്ധ പിടിച്ചുപറ്റി. 2012ൽ തിരുവനന്തപുരം ജില്ലയിൽ അസിസ്റ്റന്‍റ് ഇൻഫർമേഷൻ ഓഫീസറായി സർവീസിൽ പ്രവേശിച്ച അദ്ദേഹം കണ്ണൂർ ജില്ലയിൽ അസിസ്റ്റന്‍റ് ഇൻഫർമേഷൻ ഓഫീസറായും അസിസ്റ്റന്‍റ് എഡിറ്ററായും പ്രവർത്തിച്ചിട്ടുണ്ട്. കണ്ണൂർ ജില്ലയിലെ കരിയാട് സ്വദേശിയാണ്. ഭാര്യ: വിചിത്ര. മക്കൾ: അനഘനന്ദ, അഥീന. ഇ.കെ. പദ്മനാഭന് ജില്ലാ ഇൻഫർമേഷൻ ഓഫീസിൽ യാത്രയയപ്പ് നൽകി. കെ.വി. സുമേഷ് എംഎൽഎ ഉപഹാരം നൽകി. കണ്ണൂർ ജില്ലാ ഇൻഫർമേഷൻ ഓഫീസർ പി.പി. വിനീഷ്, കോഴിക്കോട് ജില്ലാ ഇൻഫർമേഷൻ ഓഫീസർ സി.പി. അബ്ദുൾകരീം, കണ്ണൂർ അസിസ്റ്റന്‍റ് എഡിറ്റർ സൗമ്യ മത്തായി, ആലപ്പുഴ എഐഒ പിഎസ് സജിമോൻ, കണ്ണൂർ എഐഒ സി.ജി. ആശ, കണ്ണൂർ പ്രസ് ക്ലബ് പ്രസിഡന്‍റ് സി. സുനിൽകുമാർ, സീനിയർ ജേണലിസ്റ്റ് ഫോറം ജില്ലാ പ്രസിഡന്‍റ് കെ. ബാലകൃഷ്ണൻ, സംസ്ഥാന സമിതി അംഗം പി. ഗോപി, സീനിയർ ജേണലിസ്റ്റ്‌സ് യൂണിയൻ കേരള ജില്ലാ പ്രസിഡന്‍റ് ടി.പി. വിജയൻ, സെക്രട്ടറി മട്ടന്നൂർ സുരേന്ദ്രൻ, കെ. ഗോപി, കെ. ജയപ്രകാശ്, പി. നിജ, വിഷ്ണുപ്രസാദ്, രാജേഷ് കരേള എന്നിവർ പ്രസംഗിച്ചു.

സജി ജേക്കബിന് യാത്രയയപ്പ് നല്‍കി

കോഴിക്കോട്: 32 വര്‍ഷത്തെ സേവനത്തിനുശേഷം ദീപിക കോഴിക്കോട് യൂണിറ്റില്‍ നിന്നു വിരമിക്കുന്ന എജിഎം (മാർക്കറ്റിംഗ്) സജി ജേക്കബിന് സഹപ്രവര്‍ത്തകര്‍ യാത്രയയപ്പ് നല്‍കി. സിഒഡി ഡയറക്ടര്‍ ഫാ. സായി പാറന്‍കുളങ്ങര അധ്യക്ഷത വഹിച്ചു. ചടങ്ങില്‍ ജീവന ഡയറക്ടര്‍ ഫാ. ആല്‍ഫ്രഡ് വടക്കേതുണ്ടില്‍, ചലച്ചിത്ര നിര്‍മാതാവ് സ്വര്‍ഗചിത്ര അപ്പച്ചന്‍, ദീപിക ജിഎം (മാര്‍ക്കറ്റിംഗ്) കെ.സി. തോമസ്, ദീപിക കോഴിക്കോട് റസിഡന്‍റ് മാനേജര്‍ ഫാ. ഷെറിന്‍ പുത്തന്‍പുരയ്ക്കല്‍, ഫാ. ബിനു കുളത്തിങ്കൽ, ഫാ. സുദീപ് കിഴക്കാരക്കാട്ടില്‍, കെത്രിഎ പ്രസിഡന്‍റ് ഡിനല്‍ ആനന്ദ്, ദീപിക മുന്‍ ഡിജിഎം ഡി.പി. ജോസ്, ഡിഎഫ്‌സി താമരശേരി രൂപതാ പ്രസിഡന്‍റ് ജോര്‍ജ് വട്ടുകളം, ദീപിക കോഴിക്കോട് യൂണിറ്റ് സര്‍ക്കുലേഷന്‍ മാനേജര്‍ പ്രിന്‍സി ജോസ്, ന്യൂസ് എഡിറ്റര്‍ ബിജോയി ജോസഫ്, ബ്യൂറോ ചീഫ് എം. ജയതിലകന്‍, ഫോട്ടോഗ്രാഫര്‍ രമേഷ് കോട്ടൂളി, തലശേരി ലേഖകന്‍ നവാസ് മേത്തര്‍, ദീപിക അസി. ഫിനാന്‍സ് മാനേജര്‍ റിനോജ് സെബാസ്റ്റ്യന്‍, ലിനറ്റ് ബ്ലെസണ്‍, മെയ്ത്ര ഹോസ്പിറ്റല്‍ മാര്‍ക്കറ്റിംഗ് മാനേജര്‍ പ്രവീണ്‍ നായര്‍ തുടങ്ങിയവര്‍ പ്രസംഗിച്ചു.

ലഹരിക്കെതിരേ വിദ്യാലയങ്ങളിൽ കർശന പരിശോധനയും നടപടിയും

കണ്ണൂർ: പുതിയ അധ്യയന വർഷം ആരംഭിക്കാനിരിക്കെ ജില്ലയിലെ വിദ്യാലയങ്ങളിലെ ലഹരികൾക്കും മയക്കുമരുന്നിനുമെതിരേ കർശന പരിശോധനയും നടപടിയും സ്വീകരിക്കാൻ ജില്ലാ വികസന സമിതി യോഗം തീരുമാനിച്ചു. ജില്ലയിൽ ഹോട്ട്‌സ്‌പോട്ടുകളായി കണ്ടെത്തിയ വിദ്യാലയങ്ങളിൽ പ്രത്യേക നിരീക്ഷണം നടത്തും. പുകയിലയും ലഹരി പദാർഥങ്ങളും വിൽക്കുന്ന കടകൾ കണ്ടെത്തിയാൽ തദ്ദേശ സ്ഥാപനങ്ങളും എക്‌സൈസ് വകുപ്പും പോലീസും സംയുക്ത പരിശോധന നടത്തി ലൈസൻസ് റദ്ദാക്കുന്നത് ഉൾപ്പെടെയുള്ള കർശന നിയമ നടപടികൾ സ്വീകരിക്കും. ലഹരിക്കെതിരായ നടപടികൾക്ക് വിദ്യാർഥികളിൽനിന്ന് വിവരം ശേഖരിക്കും. എല്ലാ വിദ്യാലയങ്ങളിലും സ്‌കൂൾ തുറന്ന് ഒരാഴ്ചയ്ക്കകം ജാഗ്രതാ സമിതികൾ ചേരാൻ യോഗം തീരുമാനിച്ചു. കെ.വി. സുമേഷ് എംഎൽഎയാണ് യോഗത്തിൽ വിഷയം ഉന്നയിച്ചത്. മന്ത്രി കടന്നപ്പള്ളി രാമചന്ദ്രന്‍റെ ആസ്തി വികസന ഫണ്ടിൽ ഉൾപ്പെടുത്തി കണ്ണൂർ കളക്ടറേറ്റ് വളപ്പിൽ 30 ലക്ഷം രൂപ ചെലവിൽ നിർമിക്കുന്ന സൗഹൃദ കേന്ദ്രത്തിന്‍റെ നിർമാണം 10ന് ആരംഭിക്കുമെന്ന് പൊതുമരാമത്ത് കെട്ടിടവിഭാഗം എക്‌സിക്യൂട്ടീവ് എൻജിയർ അറിയിച്ചു. ഉളിക്കൽ പോലീസ് സ്റ്റേഷൻ പരിധിയിൽ ഉളിക്കൽ മുതൽ കോളിത്തട്ട് വരെയുള്ള ഭാഗത്ത് കണിയാർ വയൽ ഉളിക്കൽ റോഡിൽ മഞ്ചക്കരി മണ്ണേരി ഭാഗത്ത് ജല ജീവൻ മിഷൻ പൈപ്പുകൾ സ്ഥാപിക്കുന്നതിനായി എടുത്ത കുഴികൾ അടച്ചുവെന്നും ഇത്തരം പ്രവൃത്തികൾ എല്ലാവിധ മുൻകരുതലും എടുത്തശേഷമാണ് ചെയ്യാറുള്ളതെന്നും ജലവിഭവ വകുപ്പ് എക്‌സിക്യൂട്ടീവ് എൻജിനിയർ അറിയിച്ചു. കൂത്തുപറമ്പ് നിയോജക മണ്ഡലത്തിലെ രണ്ട് നഗരസഭകളിലും അഞ്ച് പഞ്ചായത്തുകളിലും കുടിവെള്ളക്ഷാമം രൂക്ഷമായ പ്രദേശങ്ങളിൽ കുടിവെള്ളം എത്തിക്കുന്നതിനുള്ള നടപടികൾ സ്വീകരിച്ചതായി തദ്ദേശ വകുപ്പ് ജോയിന്‍റ് ഡയറക്ടറും പാനൂർ നഗരസഭാ സെക്രട്ടറിയും അറിയിച്ചു. തൃപ്പങ്ങോട്ടൂർ, പാട്യം പഞ്ചായത്തുകളിൽ അനുവദിച്ച അംബേദ്കർ സെറ്റിൽമെന്‍റ് പദ്ധതിയിൽ ഉൾപ്പെട്ട പാട്യം പഞ്ചായത്തിലെ കടവിൽ മുണ്ടയാട് നഗർ പ്രവൃത്തികൾക്ക് പഞ്ചായത്ത് ഡിപിആർ ലഭ്യമാക്കിയിട്ടുണ്ടന്ന് ഐടിഡിപിസി പ്രോജക്ട് ഓഫീസർ അറിയിച്ചു. എന്നാൽ, നരിക്കോട്ട് മല നഗർ പ്രവൃത്തിക്ക് 15 നു മുന്പ് ഡിപിആർ ലഭ്യമാക്കണമെന്ന് ജില്ലാ കളക്ടർ നിർദേശിച്ചു. നടാൽ പാലം നിർമാണവുമായി ബന്ധപ്പെട്ട പ്രവൃത്തികൾക്ക് പദ്ധതിപ്രദേശത്ത് ട്രൈബൽ സെറ്റിൽമെന്‍റ് ഇല്ലെന്നുള്ള സർട്ടിഫിക്കറ്റ് ലഭ്യമാക്കുന്നതിന് നടപടികളെടുക്കാൻ ഐടിഡിപി ക്ക് ജില്ലാ കളക്ടർ നിർദേശം നൽകി. കാലവർഷത്തിൽ ഉണ്ടാകുന്ന വിളനാശത്തിന് ധനസഹായം നൽകുന്നതിനുള്ള നടപടികൾ ത്വരിതപ്പെടുത്തണമെന്ന് കൃഷിവകുപ്പിന് കളക്ടർ നിർദേശം നൽകി. ദേശീയപാത വികസനത്തിന്‍റെ ഭാഗമായി ഉണ്ടായ കൃഷി നാശത്തിന് അടിയന്തര നടപടിയെടുക്കാൻ ദേശീയപാത പ്രോജക്റ്റ് ഓഫീസർക്ക് കളക്ടർ നിർദേശം നൽകി. ജില്ലാ കളക്ടർ അരുൺ കെ. വിജയൻ അധ്യക്ഷത വഹിച്ചു. എംഎൽഎമാരായ കെ.പി. മോഹനൻ, കെ.വി. സുമേഷ്, സബ് കളക്ടർ കാർത്തിക് പാണിഗ്രഹി, അസിസ്റ്റന്‍റ് കളക്ടർ എഹ്‌തെദ മുഫാസിർ എന്നിവർ പങ്കെടുത്തു.

വിളക്കന്നൂർ ഇനി ദിവ്യകാരുണ്യ ആരാധനയുടെ തീർഥാടന കേന്ദ്രം: ആർച്ച്ബിഷപ് ഡോ. ലെയോപോൾദോ ജിറേല്ലി

വിളക്കന്നൂർ: ദിവ്യകാരുണ്യ ആരാധനയുടെ ഇന്ത്യയിലെ തീർഥാടന കേന്ദ്രമായ വിളക്കന്നൂർ മാറിയെന്ന് ഇന്ത്യയിലെ വത്തിക്കാൻ സ്ഥാനപതി ആർച്ച്ബിഷപ് ഡോ. ലെയോപോൾദോ ജിറേല്ലി. വിളക്കന്നൂരിലെ ദിവ്യകാരുണ്യ അടയാളത്തിന് വത്തിക്കാന്‍റെ അംഗീകാരം ലഭിച്ചതിന്‍റെ ഔദ്യോഗിക പ്രഖ്യാപനം നടത്തിയ ശേഷം പ്രസംഗിക്കുകയായിരുന്നു ആർച്ച്ബിഷപ്. ഭാരത കത്തോലിക്ക സഭയുടെ വിശ്വാസത്തിന്‍റെ വളർച്ചയ്ക്ക് വിളക്കന്നൂരിലെ ദിവ്യകാരുണ്യ അടയാളം ഇടയാക്കും. യേശുക്രിസ്തുവിന്‍റെ തിരുവോസ്തിയിലെ സാന്നിധ്യമാണ് അടയാളമായി വന്നിരിക്കുന്നത്. ഇത്, വിശ്വാസം കൂടുതൽ ആഴത്തിലാക്കും. ക്രൈസ്തവ ജീവിതത്തിന്‍റെ അടിസ്ഥാനം ദിവ്യകാരുണ്യത്തിലുള്ള ഈശോയാണെന്നും ആർച്ച്ബിഷപ് പറഞ്ഞു.

വിശ്വാസത്തിന്‍റെ ആഴംകൂട്ടുന്ന അടയാളം: ആർച്ച്ബിഷപ് മാർ ജോസഫ് പാംപ്ലാനി

വിളക്കന്നൂർ: പരിശുദ്ധ കുർബാനയിൽ ഈശോയുടെ യഥാർഥ സ്ഥാനത്തെക്കുറിച്ചുള്ള നമ്മുടെ വിശ്വാസത്തിന് സ്വർഗം നല്കിയ ദൃശ്യമായ അടയാളമാണ് വിളക്കന്നൂരിലേതെന്ന് തലശേരി ആർച്ച്ബിഷപ് മാർ ജോസഫ് പാംപ്ലാനി. വിളക്കന്നൂരിലെ ദിവ്യകാരുണ്യ അടയാളത്തിന് വത്തിക്കാന്‍റെ അംഗീകാരം ലഭിച്ചതിന്‍റെ ഔദ്യോഗിക പ്രഖ്യാപനത്തിന്‍റെ ഭാഗമായി നടന്ന സമൂഹബലിമധ്യേ വചനസന്ദേശം നല്കുകയായിരുന്നു മാർ ജോസഫ് പാംപ്ലാനി. പരിശുദ്ധ കുർബാനയോടുള്ള ഭക്തിയിലാണ് കുടിയേറ്റജനത മലബാറിനെ കീഴടക്കിയത്. പരിശുദ്ധ കുർബാനയുമായിട്ടുള്ള വ്യക്തിബന്ധം കാത്തുസൂക്ഷിക്കണം. കുടിയേറ്റ ജനതയുടെ അഗാധമായ വിശ്വാസത്തിനും ദിവ്യകാരുണ്യത്തോടുള്ള സ്നേഹത്തിനും ലഭിച്ച സ്വർഗീയ പ്രതികരണമാണിത്. ഈ അടയാളം വെറും കാഴ്ചയല്ല. മറിച്ച് നമ്മുടെ വിശ്വാസത്തെ കൂടുതൽ ആഴപ്പെടുത്താനും വിശുദ്ധ കുർബാനയോടുള്ള ഭക്തി വർധിപ്പിക്കാനുമുള്ള ദൈവിക ക്ഷണം കൂടിയാണ്. നമ്മൾക്ക് ലഭിച്ചിരിക്കുന്ന അടയാളം നമ്മുടെ ഇടയിൽ വിശ്വാസത്തിന്‍റെ തീ ആളിക്കത്തിക്കാനും ദിവ്യകാരുണ്യത്തോടുള്ള സ്നേഹം വർധിപ്പിക്കാനും സഹായിക്കുമെന്നും മാർ ജോസഫ് പാംപ്ലാനി പറഞ്ഞു.

ദിവ്യകാരുണ്യമേ... വിളക്കന്നൂർ

ഷെൽമോൻ പൈനാടത്ത് വിളക്കന്നൂർ: വിളക്കന്നൂർ: ഇന്നലെ പുലർച്ചെ മുതൽ കനത്ത മഴയായിരുന്നു വിളക്കന്നൂരിലും പരിസരപ്രദേശങ്ങളിലും. എന്നാൽ, രാവിലെ പതിനൊന്നോടെ പെയ്തൊഴിഞ്ഞ മാനമായിരുന്നു കാണാൻ കഴിഞ്ഞത്. സ്ഥലപരിമിതിമൂലം വിളക്കന്നൂരിന്‍റെ പരിസര പ്രദേശങ്ങളായ വായാട്ടുപറന്പ്, ചെന്പന്തൊട്ടി, ചെന്പേരി, ആലക്കോട് ഫൊറോനകളിൽ നിന്നുള്ള ആളുകളോട് മാത്രമാണ് ദിവ്യകാരുണ്യ അടയാള പ്രഖ്യാപനത്തിന് വരാൻ പറഞ്ഞത്. എന്നാൽ, തലശേരി അതിരൂപതയുടെ കീഴിലുള്ള കണ്ണൂർ, കാസർഗോഡ് ജില്ലകളിലെ പള്ളികളിൽ നിന്ന് വിളക്കന്നൂർ ക്രിസ്തുരാജ പള്ളിയിൽ തിരുവോസ്തി പ്രതിഷ്ഠിക്കുന്നത് കാണുന്നതിനായി വിശ്വാസികൾ ഇന്നലെ രാവിലെ മുതൽ എത്തിത്തുടങ്ങിയിരുന്നു. ഉച്ചയ്ക്ക് ഒന്നോടെ വിളക്കന്നൂർ ടൗൺ വിശ്വാസസാഗരമായി. ഉച്ചയ്ക്ക് 1.45 ന് ഒടുവള്ളിയിൽ ഇന്ത്യയിലെ വത്തിക്കാൻ സ്ഥാനപതി ആർച്ച്ബിഷപ് ഡോ. ലെയോപോൾദോ ജിറേല്ലിയും തലശേരി ആർച്ച്ബിഷപ് മാർ ജോസഫ് പാംപ്ലാനിയും എത്തിച്ചേർന്നു. സ്വീകരിക്കാൻ നൂറുകണക്കിന് വാഹനങ്ങളിൽ വിശ്വാസികളും ഒടുവള്ളിയിൽ എത്തി. ഒടുവള്ളി മുതൽ അലങ്കരിച്ച വെള്ള കാറുകളുടെയും മറ്റ് കാറുകളുടെയും അകമ്പടിയോടെയും തുറന്ന വാഹനങ്ങളിൽ മാലാഖമാരുടെ വേഷം അണിഞ്ഞ കുട്ടികളും ഉൾപ്പെടെയാണ് തിരുവോസ്തിയെ ആനയിച്ച് വിളക്കന്നൂരിലേക്ക് എത്തിയത്. 2.30ന് വിളക്കന്നൂർ ടൗണിൽ കുരിശുപള്ളിക്ക് സമീപം വിശ്വാസികളുടെ നേതൃത്വത്തിൽ തിരുവോസ്തിയെ വരവേറ്റു. ആർച്ച്ബിഷപ് ഡോ. ലെയോപോൾദോ ജിറേല്ലിയിൽ നിന്ന് തിരുവോസ്തി തലശേരി ആർച്ച്ബിഷപ് മാർ ജോസഫ് പാംപ്ലാനി ഏറ്റുവാങ്ങി പ്രത്യേകം സജ്ജമായ വേദിയിലേക്ക്. അവിടെ, അരുളിക്കയിൽ തിരുവോസ്തി പ്രതിഷ്ഠിക്കുകയും ചെയ്തു. തുടർന്ന്, ദിവ്യകാരുണ്യം ദർശിക്കുവാൻ ആയിരക്കണക്കിനാളുകൾ ഒഴുകിയെത്തി. മാർ ജോസഫ് പാംപ്ലാനിയുടെ മുഖ്യകാർമികത്വത്തിൽ നടന്ന ദിവ്യബലിയോടെ ദിവ്യകാരുണ്യ അടയാള പ്രഖ്യാപന കർമങ്ങൾ പൂർത്തിയായി. വിളക്കന്നൂർ ക്രിസ്തുരാജ പള്ളി ഇനി ഭാരതത്തിലെ ദിവ്യകാരുണ്യ തീർഥാടന കേന്ദ്രമായി മാറിയെന്ന ആർച്ച്ബിഷപ് ഡോ. ലെയോപോൾദോ ജിറേല്ലിയുടെ വാക്കുകൾ കരഘോഷത്തോടെയാണ് വിശ്വാസികൾ വരവേറ്റത്. ആയിരക്കണക്കിന് വിശ്വാസികളെയും നൂറുകണക്കിന് വാഹനങ്ങളും നിയന്ത്രിക്കാൻ യാതൊരുവിധ തടസങ്ങളും ഉണ്ടായില്ല. വിളക്കന്നൂർ ഇടവക വികാരി ഫാ.തോമസ് കീഴാരത്തിലിന്‍റെ നേതൃത്വത്തിൽ നൂറുകണക്കിന് വോളന്‍റിയർമാരും പോലീസും ഗതാഗതം ക്രമീകരിക്കാൻ ഉണ്ടായിരുന്നു. ഇടവക കോ-ഓർഡിനേറ്റർ സണ്ണി പോത്തനാംതടത്തിൽ, ടോമി കണിവേലിൽ എന്നിവരുടെ നേതൃത്വത്തിൽ വിശ്വാസികൾക്ക് പള്ളിപരിസരത്തും പന്തലിലും ഇരിപ്പിട ക്രമീകരണങ്ങൾ ഒരുക്കിയിരുന്നു. ചടങ്ങുകൾ കാണുവാൻ സംഘാടകസമിതി ചെയർമാനും പബ്ലിസിറ്റി കമ്മിറ്റിയുടെ ചുമതലക്കാരനുമായ ഫാ.ജോസഫ് ഓരത്തേലിന്‍റെ നേതൃത്വത്തിൽ എൽഇഡി സ്ക്രീനുകൾ സജ്ജമാക്കിയിരുന്നു.

ഒഴുക്കിൽപ്പെട്ട് കാണാതായ വയോധികയുടെ മൃതദേഹം കണ്ടെത്തി

കൂത്തുപറമ്പ്: കഴിഞ്ഞ ദിവസം ഒഴുക്കിൽപ്പെട്ട് കാണാതായ വയോധികയുടെ മൃതദേഹം കണ്ടെത്തി.മുതിയങ്ങയിലെ വിനോദ് ഭവനിൽ നളിനിയുടെ (70) മൃതദേഹമാണ് ഇന്നലെ രാവിലെ വീടിനു സമീപം പുഴയിൽ കണ്ടെത്തിയത്. നളിനിയെ കാണാതായതിനെ തുടർന്ന് നാട്ടുകാരും അഗ്നിരക്ഷാ സേനയും വീടിനു സമീപത്തെ പുഴയിലും തോട്ടിലും തെരച്ചിൽ നടത്തി വരികയായിരുന്നു. വ്യാഴാഴ്ച രാവിലെ 8.30 യോടെയാണ് വീട്ടിൽ നിന്നും നളിനിയെ കാണാതായത്. ഇവർ വീടിനു സമീപത്തെ തോട്ടിൽ വീണിട്ടുണ്ടാകുമെന്ന സംശയത്തിൽ വീടിനു സമീപത്തെ തോട്ടിലും പുഴയിലും വിവിധ ഭാഗങ്ങളിലെ അഗ്നിരക്ഷാസേനയും നാട്ടുകാരും പഞ്ചായത്ത് അധികൃതരും ചേർന്ന് കഴിഞ്ഞ ദിവസങ്ങളിലായി തെരച്ചിൽ നടത്തിയെങ്കിലും നളിനിയെ കണ്ടെത്താൻ സാധിച്ചിരുന്നില്ല. വിവരമറിഞ്ഞ് പാട്യം പഞ്ചായത്ത് പ്രസിഡന്‍റ് എൻ.വി. ഷിനിജ, വൈസ് പ്രസിഡന്‍റ് കെ.പി. പ്രദീപ് കുമാർ, പഞ്ചായത്ത് അധികൃതർ എന്നിവർ സ്ഥലത്തെത്തിയിരുന്നു.

നവീകരിച്ച കെഎസ്‌സിഎഫ് ഓഫീസ് ഉദ്ഘാടനം ചെയ്തു

ചെമ്പേരി: ടൗണിലെ വയോജന മന്ദിരത്തിൽ പ്രവർത്തിക്കുന്ന കേരള സീനിയർ സിറ്റിസൺ ഫോറം (കെഎസ്‌സിഎഫ്) ചെമ്പേരി യൂണിറ്റിന്‍റെ നവീകരണം പൂർത്തിയാക്കിയ ഓഫീസ് ഏരുവേശി പഞ്ചായത്ത് പ്രസിഡന്‍റ് മിനി ഷൈബി ഉദ്ഘാടനം ചെയ്തു. വൈസ് പ്രസിഡന്‍റ് മധു തൊട്ടിയിൽ അധ്യക്ഷത വഹിച്ചു. കെഎസ് സിഎഫ് ചെമ്പേരി യൂണിറ്റ് വൈസ് പ്രസിഡന്‍റ് ഇമ്മാനുവൽ ജോർജ് ആമുഖ പ്രഭാഷണവും ചെമ്പേരി ലൂർദ് മാതാ ബസിലിക്ക അസിസ്റ്റന്‍റ് റെക്ടർ ഫാ. ജോസഫ് തുരുത്തേൽ അനുഗ്രഹ പ്രഭാഷണവും നടത്തി. പഞ്ചായത്ത് സ്ഥിരം സമിതി അധ്യക്ഷരായ മോഹനൻ മൂത്തേടൻ, ഷൈല ജോയി, കെഎസ് സിഎഫ് കണ്ണൂർ ജില്ലാ പ്രസിഡന്‍റ് ഏബ്രഹാം തോണക്കര, ഇരിക്കൂർ ബ്ലോക്ക് കമ്മിറ്റി പ്രസിഡന്‍റ് ജോണി മുണ്ടയ്ക്കൽ, ഏരുവേശി പഞ്ചായത്ത് കമ്മിറ്റി പ്രസിഡന്‍റ് പി.കെ. കുര്യാക്കോസ്, ചെമ്പേരി യൂണിറ്റ് പ്രസിഡന്‍റ് ജോർജ് പഴയതോട്ടം, കേരള വ്യാപാരി വ്യവസായി ഏകോപന സമിതി ചെമ്പേരി യൂണിറ്റ് പ്രസിഡന്‍റ് സാബു മണിമല, സെക്രട്ടറി ജോസഫ് പനയ്ക്കൽ എന്നിവർ പ്രസംഗിച്ചു.

നിലമ്പൂർ ഉപതെരഞ്ഞെടുപ്പിൽ യുഡിഎഫ് വൻവിജയം നേടും: സണ്ണി ജോസഫ്

ശ്രീകണ്ഠപുരം: നിലമ്പൂർ ഉപതെരഞ്ഞെടുപ്പിൽ യുഡിഎഫ് വൻവിജയം നേടുമെന്ന് കെപിസിസി പ്രസിഡന്‍റ് സണ്ണി ജോസഫ് എംഎൽഎ. നെടിയേങ്ങ കവലയിൽ പുതുതായി നിർമിച്ച ഉമ്മൻ ചാണ്ടി ഭവൻ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കേരളത്തിൽ യുഡിഎഫ് ഒറ്റക്കെട്ടാണെന്നും നിയമസഭാ തെരഞ്ഞെടുപ്പിലും കേരളത്തിൽ യുഡിഎഫ് അധികാരത്തിൽ വരുമെന്നും അദ്ദേഹം പറഞ്ഞു. നെടിയേങ്ങ മണ്ഡലം കോൺഗ്രസ് പ്രസിഡന്‍റ് ജിയോ ജേക്കബ് അധ്യക്ഷത വഹിച്ചു. എൻ.സി. വർഗീസ് സ്മാരക ഹാളിന്‍റെ ഉദ്ഘാടനം കെപിസിസി വർക്കിംഗ് പ്രസിഡന്‍റ് ഷാഫി പറമ്പിൽ നിർവഹിച്ചു. കോൺഫറൻസ് ഹാൾ സജീവ് ജോസഫ് എംഎൽഎ ഉദ്ഘാടനം ചെയ്തു. പൊതുസമ്മേളനം മുൻ മന്ത്രി കെ.സി. ജോസഫ് ഉദ്ഘാടനം ചെയ്തു. ഡിസിസി പ്രസിഡന്‍റ് മാർട്ടിൻ ജോർജ് മുഖ്യാതിഥിയായി. കെപിസിസി അംഗം മുഹമ്മദ് ബ്ലാത്തൂർ, യൂത്ത് കോൺഗ്രസ് ജില്ലാ പ്രസിഡന്‍റ് വിജിൽ മോഹൻ, ശ്രീകണ്ഠപുരം ബ്ലോക്ക് കോൺഗ്രസ് പ്രസിഡന്‍റ് ഇ.വി. രാമകൃഷ്ണൻ, എം.ഒ. മാധവൻ, കെ.വി. ഫിലോമിന, കെ.പി. ഗംഗാധരൻ, ജോസഫീന വർഗീസ്, കെ.സി. ജോസഫ് കൊന്നയ്ക്കൽ, കെ.ജി. ജയരാജ്, കെ.വി. കുഞ്ഞിരാമൻ, കെട്ടിട നിർമാണ കമ്മിറ്റി ഭാരവാഹികളായ ടി.എൻ. പ്രമോദ്, കെ.പി. ലിജേഷ് എന്നിവർ പ്രസംഗിച്ചു.

ജില്ലയിലാകെ മണ്ണിടിച്ചിൽ, വെള്ളക്കെട്ട്

തളിപ്പറമ്പ് പുളിമ്പറമ്പ് പട്ടുവം റോഡിൽ മണ്ണിടിച്ചിൽ: ഗതാഗതം നിരോധിച്ചു തളിപ്പറമ്പ്: തളിപ്പറമ്പ്-പുളിമ്പറമ്പ്-പട്ടുവം റോഡിൽ ദേശീയപാത ബൈപ്പാസ് റോഡ് നിർമാണം നടക്കുന്ന ഭാഗത്ത് മണ്ണിടിച്ചിൽ രൂക്ഷമായതിനെ തുടർന്ന് ഗതാഗതം നിരോധിച്ചു. താത്കാലിക പാതയുടെ ഒരു വശത്താണ് മണ്ണിടിച്ചൽ രൂക്ഷമായത്. ഈ മേഖലയിൽ അപകടാവസ്ഥ നിലനിൽക്കുന്നത് ദീപിക കഴിഞ്ഞ ദിവസം റിപ്പോർട്ട് ചെയ്തിരുന്നു. ഗതാഗതം വഴിതിരിച്ചു വിടാതെ ദേശീയപാത ബൈപ്പാസ് നിർമാണത്തിനായി ചിറവക്ക് പുളിമ്പറമ്പ് റോഡിൽ മഞ്ചക്കുഴി ഭാഗത്ത് സ്വകാര്യ വ്യക്തികളുടെ സ്ഥലത്ത് കൂടിയാണ് താത്കാലിക പാത നിർമിച്ചത്. കുപ്പത്തുനിന്ന് ആരംഭിക്കുന്ന ബൈപാസ് പുളിമ്പറമ്പിൽ വലിയ കുന്നിനെ രണ്ടായി മുറിച്ചാണ് കടന്നു പോകുന്നത്. താത്കാലികമായി ഒരുക്കിയ റോഡിന്‍റെ ഇരുഭാഗത്തും 20 മീറ്ററിലേറെ ആഴത്തിലാണ് കുഴിച്ചു മാറ്റിയത്. ബൈപ്പാസ് പ്രവൃത്തിക്കായി ഗതാഗതം ഏഴാംമൈൽ, കൂവോട്, കയ്യം, മാന്ധംകുണ്ട് എന്നിവിടങ്ങളിലൂടെ തിരിച്ച് വിടാനുള്ള നിർദേശത്തിനെതിരെ ബസ് തൊഴിലാളികൾ രംഗത്ത് വന്നതോടെയാണ് താതാകാലിക പാത നിർമിച്ച് ഇതിലൂടെ വാഹനങ്ങളെ കടത്തി വിട്ട് പഴയ റോഡിൽ പാലം പണി ആരംഭിച്ചത്. മഴയിൽ പ്രവൃത്തി നടക്കുന്നതിന് സമീപത്ത് മണ്ണിടിഞ്ഞു തുടങ്ങിയത് ആശങ്കയ്ക്ക് ഇടയാക്കിയിരുന്നു. കഴിഞ്ഞ ദിവസം പെയ്ത കനത്ത മഴയിൽ ഒരുവശം വലിയ രീതിയിൽ ഇടിയുകയും ചെയ്തു. ഇതേ തുടർന്ന ഗതാഗത നിയന്ത്രണം ഏർപ്പെടുത്തിയിരുന്നു. ഇരുചക്ര വാഹനങ്ങൾ, കാറുകൾ, ഓട്ടോറിക്ഷകൾ ഉൾപ്പെടെയുള്ള ചെറു വാഹനങ്ങൾ നിയന്ത്രണ വിധേയമായി നിലവിലുള്ള പാതവഴിയും തളിപ്പറമ്പിൽ നിന്നും പട്ടുവം ഭാഗത്തേക്കും തിരിച്ചുമുള്ള ബസുകൾ ഉൾപ്പെടെയുള്ള ഹെവി വാഹനങ്ങൾ ഏഴാംമൈലിൽ എത്തി കൂവോട്-കയ്യം വഴിയും മുറിയാത്തോടിൽ നിന്നും ചാലത്തൂർ-മംഗലശേരി-കുപ്പം വഴിയും കടന്നു പോകുന്ന രീതിയിലുമാണ് ക്രമീകരിച്ചിരുന്നത്. ഇന്നലെ ഉച്ചയ്ക്ക് ശേഷമുണ്ടായ കനത്ത മഴയിൽ വീണ്ടും മണ്ണിടിച്ചിൽ ഉണ്ടായതോടെയാണ് ഇതുവഴിയുള്ള ഗതാഗതം പൂർണമായും നിരോധിച്ചത്. പട്ടുവം ഭാഗത്തേക്ക് പോകേണ്ട വാഹനങ്ങൾ ഏഴാംമൈൽ കൂവോട് കുപ്പം മംഗലശേരി വഴി പോകണമെന്ന് ആർഡിഒ ടി.വി രഞ്ജിത്ത് അറിയിച്ചു. മലയോരത്ത് നാശനഷ്‌ടങ്ങൾ തുടരുന്നു ചെറുപുഴ: കനത്ത മഴയിലും കാറ്റിലും മലയോരത്ത് നാശനഷ്‌ടം തുടരുന്നു. തിരുമേനി വില്ലേജിലെ കോറാളി മലയിൽ റിട്ട. എസ്ഐ പഴയങ്ങാടി സ്വദേശി സ്കറിയയുടെ തേക്കിൻ തോട്ടത്തിൽ വൻതോതിൽ മണ്ണിടിഞ്ഞു. ഇവിടുത്തെ ഏക താമസക്കാരനായ നട്ടിയിൽ പ്രസാദും ഭാര്യയും നോക്കിനിൽക്കെ ഇന്നലെ രാവിലെ 8.30 ഓടെയാണ് മണ്ണിടിഞ്ഞത്. തേക്കുമരങ്ങളും മണ്ണും ഉൾപ്പെടെ റോഡിലേക്കു പതിച്ചതോടെ ഗതാഗതം തടസപ്പെട്ടു. പ്രസാദും കുടുംബവും ഒറ്റപ്പെട്ട നിലയിലാണ്. റോഡിൽ കൂടിയും മണ്ണും വെള്ളവും ഒഴുകി. ഇതോടെ മതുവംപാടി പ്രദേശത്തെ താമസക്കാർ ഭീഷണിയിലായി. ഇന്നലെ രാവിലെ മുതൽ പെയ്ത മഴയിൽ കാര്യങ്കോട് പുഴയും തോടുകളും കരകവിഞ്ഞു. കാര്യങ്കോട് പുഴ കരകവിഞ്ഞതോടെ പുഴ തീരത്തെ കൃഷിയിടങ്ങളിൽ വെള്ളം കയറി. തിരുമേനി തോട് കരകവിഞ്ഞതോടെ മുളപ്ര പാലത്തിൽ വെള്ളം കയറി. മടന്പം പുഴയിൽ റഗുലേറ്ററിന്‍റെ ഷട്ടർ ഉയർത്തി മടമ്പം: നിർത്താതെ പെയ്യുന്ന മഴയിൽ മലയോരത്തെ പുഴകളും തോടുകളിലും ജല നിരപ്പ് ഉയരുന്നു. മടന്പം പുഴയിൽ ജലനിരപ്പ് ഉയർന്നതിനെ തുടർന്ന് മടന്പം റഗുലേറ്ററിന്‍റെ ഷട്ടറുകൾ ഉയർത്തി. കാഞ്ഞിലേരി, ബാലങ്കരി, വയക്കര, മൈക്കിൾഗിരി ഭാഗത്തും താഴ്ന്ന ഭാഗങ്ങളിൽ വെള്ളക്കെട്ട് രൂപപ്പെട്ടു. ചെങ്ങളായി വയലിലും കോട്ടൂർ വയലിലും വെള്ളം ഉയർന്നു. പലയിടത്തും നേരിയ തോതിൽ മണ്ണിടിച്ചിലുമുണ്ടായി. ശ്രീകണ്ഠപുരം, ഓടത്തുപാലം, വെമ്പുവ, പൈസക്കരി ഭാഗത്തെ പുഴകളിൽ കുത്തൊഴുക്ക് ശക്തമാണ്. വണ്ണായികടവ്, കണ്ടകശേരി പാലത്തിനോട് ചേർന്നാണ് ജലനിരപ്പ് ഉള്ളത്. ഇരിക്കൂർ പുഴയിലും ഒഴുക്ക് ശക്തിപ്പെട്ടു. മടമ്പം, കൈതപ്രം, പൊടിക്കളം, അലക്സ് നഗർ, സാൻജോസ് നഗർ എന്നിവിടങ്ങളിൽ വീശിയടിച്ച കാറ്റിൽ വ്യാപകമായി കൃഷി നശിച്ചു. മരകൊമ്പുകൾ പൊട്ടിവീണ് ശ്രീകണ്ഠപുരം നഗരസഭ, ഏരുവേശി, ഇരിക്കൂർ, ചെങ്ങളായി, പയ്യാവൂർ എന്നിവിടങ്ങളിൽ വീടുകൾ ഭാഗികമായി തകർന്നു. കരിങ്കൽ കെട്ട് തകർന്നു വീണു രയറോം: ശക്തമായ മഴയിൽ വീടിനു പിന്നിലെ കരിങ്കൽകെട്ട് തകർന്നു വീണ് വീട് അപകട ഭീഷണിയിൽ. രയറോം പള്ളിപ്പടിയിലെ പുലിക്കോടൻ സജിയുടെ വീടാണ് അപകടാവസ്ഥയിലായത്. വീടിനോട് ചേർന്നുള്ള ഷെഡും തകർന്നു. കൃഷിനാശമുണ്ടായ പ്രദേശങ്ങൾ കൃഷി വകുപ്പ് ഉദ്യോഗസ്ഥർ സന്ദർശിച്ചു പെരിങ്ങോം: പെരിങ്ങോം-വയക്കര പഞ്ചായത്തിന്‍റെ വിവിധ ഭാഗങ്ങളിൽ തുടർച്ചയായി ഉണ്ടായ ചുഴലിക്കാറ്റിലും ശക്തമായ മഴയിലും വ്യാപക കൃഷി നാശം. നാശനഷ്‌‌ടമുണ്ടായ പ്രദേശങ്ങൾ ജില്ലാ കൃഷി ഡപ്യൂട്ടി ഡയറക്‌ടർ വിഷ്ണു എസ്. നായർ, പെരിങ്ങോം കൃഷിഭവൻ കൃഷി ഓഫീസർ ടി.വി. തുഷാര തുടങ്ങിയവർ സന്ദർശിച്ചു. തെങ്ങ്, കവുങ്ങ്, റബർ, കശുമാവ് മുതലായ കാർഷിക വിളകൾ ശക്തമായ ചുഴലിക്കാറ്റിൽ വിവിധയിടങ്ങളിൽ പൂർണമായും നശിച്ചു. കടുക്കാരം ഏണ്ടി പ്രദേശത്തെ കർഷകരായ എ.പി.വി. തങ്കമണി, രവീന്ദ്രൻ, വിജയൻ, അബ്‌ദുൾ ഖാദർ, എ.ടി.വി. മോഹനൻ, ഭാർഗവി, മറിയം തുടങ്ങിയവരുടെ റബർ കൃഷിക്കാണ് കൂടുതൽ നാശനഷ്‌ടം സംഭവിച്ചത്. കടുക്കാരം, ഏണ്ടി ഭാഗത്തു മാത്രമായി 15 ലക്ഷം രൂപയുടെ നാശനഷ്‌ടം ഉണ്ടായിട്ടുണ്ടെന്നാണു വിലയിരുത്തൽ.

ആർഡിഒ ടി.വി. രഞ്ജിത്ത് ഇന്ന് വിരമിക്കും

തളിപ്പറമ്പ്: തളിപ്പറമ്പ് റവന്യൂ ഡിവിഷണൽ ഓഫീസർ ടി .വി രഞ്ജിത്ത് ഇന്ന് സർവീസിൽ നിന്നും വിരമിക്കും.1990 ൽ എറണാകുളം ജില്ലയിൽ എൽഡി ക്ലർക്കായി ജോലിയിൽ പ്രവേശിച്ച രഞ്ജിത്ത് കോഴിക്കോട്, ഇടുക്കി. കണ്ണൂർ, ജില്ലകളിൽ സേവനമനുഷ്ഠിച്ചിട്ടുണ്ട്. തലശേരിയിലും വടകരയിലും തഹസിൽദാരായും ഇടുക്കി, കോഴിക്കോട്, കണ്ണൂർ എന്നിവിടങ്ങളിൽ ഡപ്യൂട്ടി കളക്ടറായും പ്രവർത്തിച്ചിട്ടുണ്ട്. കണ്ണൂരിൽ ഡപ്യൂട്ടി കളക്ടറായിരിക്കെ കിൻഫ്രാ പാർക്ക് പോലുള്ള പദ്ധതികൾക്ക് യുദ്ധകാലാടിസ്ഥാനത്തിൽ ഭൂമി ഏറ്റെടുക്കൽ നടപടികൾക്ക് നേതൃത്വം നൽകിയിട്ടുണ്ട്. 2024 ഓഗസ്റ്റിലാണ് തളിപ്പറന്പിൽ ആർഡിഒ ആയി ചുമതലയേറ്റത്. ആർഡിഒ ആയിരിക്കെ അനധികൃത ചെങ്കൽ, കരിങ്കൽ ക്വാറികൾക്കെതിരെ കർശന നടപടികൾ സ്വീകരിച്ചതിനൊപ്പം ഭക്ഷ്യ സുരക്ഷ നിയമ പ്രകാരം 50 തിലധികം കേസുകളും വയോജനങ്ങളുടെ ക്ഷേമത്തിനായുള്ള നിയമ പ്രകാരം 100 ലധികം കേസുകളുംസബ് ഡിവിഷണൽ മജിസ്ട്രേറ്റ് എന്ന നിലയിൽ 838 എംസി കേസുകളും തീർപ്പാക്കിയിട്ടുണ്ട്.

ഇംഗ്ലീഷ് പഠനം രസകരമാക്കിയ രാമചന്ദ്രൻ മാഷ് ഇന്ന് വിരമിക്കും

ചെമ്പേരി: ഇംഗ്ലീഷ് അധ്യാപന രംഗത്ത് നൂതന പരീക്ഷണങ്ങൾ നടത്തി ഭാഷാപഠനം രസകരവും ജനകീയവുമാക്കിയ അധ്യാപകൻ ടി.എം. രാമചന്ദ്രൻ മൂന്നു പതിറ്റാണ്ടിലേറെക്കാലത്തെ സേവനത്തിന് ശേഷം ഇന്ന് വിരമിക്കും. ദീർഘകാലം ഹൈസ്കൂൾ ഇംഗ്ലീഷ് അധ്യാപകനായിരുന്ന രാമചന്ദ്രൻ പൂപ്പറമ്പിലെ ഏരുവേശി ഗവ. യുപി സ്കൂൾ മുഖ്യാധ്യാപകനായാണ് വിരമിക്കുന്നത്. കല്യാശേരി ഗവ. ഹൈസ്കൂൾ അധ്യാപകനായിരിക്കെ പത്താം തരം വിദ്യാർഥികൾക്കായി "മാജിക് കാർഡ്സ്' എന്ന പേരിൽ തയാറാക്കിയ നൂറ് കാർഡുകൾ ഉൾപ്പെടുന്ന പ്രത്യേക പഠന സാമഗ്രി ഏറെ ശ്രദ്ധിക്കപ്പെട്ടിരുന്നു. "ഇംഗ്ലീഷ് കാസിൽ', "ആൽഫബെറ്റ്', "ബലൂൺസ്' എന്നീ പേരുകളിൽ തയാറാക്കിയ പഠനപദ്ധതികളും ശില്പശാലയും ശ്രദ്ധേയമായിരുന്നു. "മാജിക് ഗ്രാമർ കാർഡ്സ്' എന്ന പേരിൽ എഴുതിയ വ്യാകരണ പുസ്തകം അവതരണ ശൈലി കൊണ്ട് ഏവർക്കും പ്രിയപ്പെട്ടതായി. ഫേസ്ബുക്കിൽ അവതരിപ്പിച്ച "സിക്സ്റ്റി സെക്കന്‍റ്സ്' എന്ന ഇംഗ്ലീഷ് പഠന വീഡിയോയ്ക്ക് ഇന്നു വൻ ജനപ്രീതിയാണ്. കണ്ണൂർ ജില്ലാതല ഇംഗ്ലീഷ് അധ്യാപക പരിശീലകനായും ജില്ലാ പഞ്ചായത്തിന്‍റെ മുകുളം പഠന സഹായി തയാറാക്കുന്ന സംഘത്തിലും പ്രവർത്തിച്ചു. 33 വർഷം അധ്യാപകനായി ജോലി ചെയ്ത രാമചന്ദ്രൻ മലപ്പട്ടം ചൂളിയാട് സ്വദേശിയാണ്.

നിയന്ത്രണം വിട്ട കാർ വൈദ്യുതി തൂൺ ഇടിച്ചു തകർത്തു

ചെറുപുഴ: നിയന്ത്രണം വിട്ട കാർ വൈദ്യുതി തൂൺ ഇടിച്ചു തകർത്തു. ഇന്നലെ ഉച്ചകഴിഞ്ഞ് മൂന്നോടെ ചെറുപുഴ-തിരുമേനി റോഡിൽ കോക്കടവിലാണ് അപകടം നടന്നത്. ചെറുപുഴ ഭാഗത്തു നിന്നും വന്ന കാർ നിയന്ത്രണം വിട്ട് റോഡരികിലെ വൈദ്യുതി തൂണ് ഇടിച്ചു തകർത്ത് സമീപത്തെ മതിലിലിടിക്കുകയായിരുന്നു. അപകടത്തിൽ ആർക്കും പരിക്കില്ല.

കനത്ത മഴയും കാറ്റും ; നാടും നഗരവും വെള്ളത്തിൽ

കണ്ണൂർ: കനത്തമഴയിൽ ജില്ലയുടെ പലഭാഗങ്ങളും വെള്ളത്തിനടിയിലായി. പുഴകളെല്ലാം കരകവിഞ്ഞ് ഒഴുകിയതോടെ പല സ്ഥലങ്ങളിലും പുഴയോരത്ത് താമസിക്കുന്നവരെ മാറ്റി താമസിപ്പിച്ചു. നിരവധി സ്ഥലങ്ങളിൽ മരം പൊട്ടിവീണ് വീടുകൾക്കും കൃഷിക്കും നാശം സംഭവിച്ചു. നാലുവയൽ, കുറുവ, നീർച്ചാൽ, അഞ്ചുകണ്ടി, കക്കാട്, ചാലാട്, പള്ളിയാംമൂല, ചാല എന്നീ പ്രദേശങ്ങളും വെള്ളത്തിനടിയിലായി. കണ്ണൂർ താലൂക്ക് പരിധിയിലെ വിവിധ പ്രദേശങ്ങളിലെ വീടുകളിൽ വെള്ളം കയറി കുടുംബങ്ങളെ ബന്ധു വീടുകളിലേക്ക് മാറ്റി പാർപ്പിച്ചു. കണ്ണൂർ യൂണിവേഴ്സിറ്റിയിലേക്ക് പോകുന്ന പ്രധാന റോഡായ താവക്കര എടാട്ട് പള്ളി റോഡിലെ 10 കുടുംബങ്ങളെ റവന്യൂ അധികാരികളുടെ നിർദേശപ്രകാരം അഗ്നിരക്ഷാസേന ബന്ധുവീടുകളിലേക്ക് സുരക്ഷിതമായി മാറ്റി. റസ്‌ക്യൂ ബോട്ടിലാണ് ഇവരെ താവക്കരയിൽ നിന്നും ഒഴിപ്പിച്ചത്. പുഴാതി കക്കാട് ചെക്കിച്ചിറ ഭാഗത്ത് വെള്ളപ്പൊക്ക ഭീഷണിയിലായ രണ്ട് കുടുംബങ്ങളെ റവന്യൂ അധികൃതരുടെ സാന്നിധ്യത്തിൽ അഗ്നിരക്ഷാസേന സുരക്ഷിതമായി ഒഴിപ്പിച്ചു. ഇവരും ബന്ധുവീടുക്കളിലേക്ക് മാറി. കക്കാട് പുഴ കരകവിഞ്ഞൊഴുകി പള്ളിപ്രം റോഡിൽ ഗതാഗതം സ്തംഭിച്ചു. കണ്ണൂർ പാസ്‌പോർട്ട് ഓഫീസിനു സമീപം പടന്ന തോടിന് സമീപമുള്ള 40 ഓളം വീടുകളിൽ വെള്ളം കയറിയതിനെ തുടർന്ന് മാറ്റിപ്പാർപ്പിച്ചു. നഗരത്തിൽ പഴയ ബസ് സ്റ്റാൻഡ്, മുനീശ്വരൻ കോവിൽ, റെയിൽവേ സ്റ്റേഷന് സമീപം തുടങ്ങിയ സ്ഥലങ്ങളും വെള്ളത്തിനടിയിലായി. വളപട്ടണത്ത് മണ്ണ് ഇടിഞ്ഞ് വീണ് പി. രതീഷിന്‍റെ വീട് മതിലിടിഞ്ഞ് ഭാഗികമായി തകർന്നു. ഗതാഗത പരിഷ്കരണത്തെ തുടർന്ന് പുതിയതെരുവിൽ സ്ഥാപിച്ച താത്കാലിക ബസ് കാത്തിരിപ്പ് കേന്ദ്രം മഴയിൽ തകർന്നു വീണു. രാത്രിയിലാണ് ബസ് കാത്തിരിപ്പ് കേന്ദ്രം തകർന്നത്. താവക്കരയിൽ വെള്ളം കയറി വീടുകളിൽ കുടുങ്ങിയ തമിഴ്നാട് സ്വദേശികളായ ഭിന്നശേഷിക്കാരായ നാഗമ്മാൾ, എട്ടുവയസുകാരി മീനു, സന്ധ്യ, ചിന്നത്തെ എന്നിവരെ സ്വദേശത്തേക്ക് പോകാനായി ദുരന്തനിവാരണ സേനയുടെ നേതൃത്വത്തിൽ റെയിൽവേ സ്റ്റേഷനിൽ എത്തിച്ചു. നഗരത്തിലെ ഹോട്ടൽ ജീവനക്കാരായ അഭിലാഷ്, രവീന്ദ്രൻ, പ്രദീപ്, സുലബ്, അഭിലാഷ് എന്നിവരെ ഫയർഫോഴ്സിന്‍റെ ഡിങ്കി ബോട്ടിലാണ് പുറത്തെത്തിച്ചത്. വെള്ളം കയറിയ വീടുകളിൽ ഉള്ളവരെ ബന്ധുവീടുകളിലേക്കും മറ്റ് സുരക്ഷിത കേന്ദ്രങ്ങലിലേക്കും മാറ്റിപ്പാർപ്പിച്ചു. എംടിഎം സ്കൂളിൽ കോർപറേഷൻ ക്യാന്പ് തുറന്നിട്ടുണ്ടെങ്കിലും ആരും ക്യാന്പിലേക്ക് മാറിയിട്ടില്ല. മേയർ മുസ്‌ലിഹ് മഠത്തിൽ, മുൻ മേയർ ടി.ഒ. മോഹനൻ, വാർഡ് കൗൺസിലർ സുരേഷ് ബാബു എളയാവൂർ, കോർപറേഷൻ ജീവനക്കാർ എന്നിവർ സ്ഥലത്തെത്തി. വീടുകളിലടക്കം വെള്ളം കയറിയിട്ടും പലരും മാറാൻ തയാറാകുന്നില്ലെന്നും 50 ഓളം കുടുംബങ്ങളാണ് പ്രദേശത്ത് താമസിക്കുന്നതെന്നും കൂടുതലും ഇതര സംസ്ഥാന തൊഴിലാളികളാണെന്നും മേയർ പറഞ്ഞു. യൂണിവേഴ്സിറ്റിയിലെ തോട് വൃത്തിയാക്കാത്തതാണ് വെള്ളക്കെട്ടിന് കാരണമെന്ന് വാർഡ് കൗൺസിലർ സുരേഷ് ബാബു എളയാവൂർ ആരോപിച്ചു. വെള്ളക്കെട്ടിനെ തുടർന്ന് കോർപറേഷൻ പത്താം വാർഡിൽ പുഴാതി സോണിൽപെട്ട ചെക്കിച്ചിറയിലെ വീട്ടിൽ കുടുങ്ങിയ എട്ടുമാസം ഗർഭിണിയെയും ദുരന്ത നിവാരണ സേനയുടെ നേതൃത്വത്തിൽ മാറ്റിപ്പാർപ്പിച്ചു. പള്ളിക്കുന്ന് പാലത്തിന് സമീപം അഞ്ചോളം കുടുംബങ്ങളിൽ വെള്ളം കയറി. തായത്തെരു ഭാഗത്ത് പത്തു കുടുംബങ്ങളെയാണ് മാറ്റി താമസിപ്പിച്ചത്. മുഴപ്പിലങ്ങാട് മലയ്ക്ക് താഴെ പ്രദേശത്ത് പത്തിൽ അധികം വീടുകളിൽ വെള്ളം കയറി. മൂന്ന് വീട്ടുകാരെ മാറ്റി താമസിപ്പിച്ചു. പാപ്പിനിശേരി റെയിൽവേ സ്റ്റേഷൻ റോഡിലെ അണ്ടർ ബ്രിഡ്ജ് കനത്ത മഴയെ തുടർന്ന് വെള്ളം കെട്ടിക്കിടക്കുന്ന അവസ്ഥയിലാണ്. കടമ്പൂർ വില്ലേജിൽ കേസ് റോഡിനു സമീപം ആറ് വീടുകളിൽ വെള്ളം കയറി. അടിയന്തര സാഹചര്യം അല്ലാത്തതിനാൽ കുടുംബങ്ങൾ വീടുകളിൽ തന്നെ തുടരുകയാണ്. ചെറുകുന്ന് വില്ലേജിൽ മൂന്നാം വാർഡിൽ ബാലകൃഷ്ണൻ എന്നവരുടെ കുടുംബം താമസിക്കുന്ന വീടിന്‍റെ ചുമർ ഇടിഞ്ഞ് നാശനഷ്ടം സംഭവിച്ചതിനാൽ ബന്ധു വീട്ടിലേക്ക് താമസം മാറി. കനത്തമഴയെ തുടർന്ന് തലശേരി താലൂക്കിൽ ദുരിതാശ്വാസ ക്യാമ്പ് തുറന്നു. തലശേരി വില്ലേജിൽ ഒന്നാം വാർഡ് പ്രദേശത്തുള്ള കയ്യാലി റെയിൽവേ ഗേറ്റിന് സമീപമുള്ള മൂന്നു വീടുകളിൽ വെള്ളം കയറിയതിനെ തുടർന്ന് ഒരു വീട്ടിലെ രണ്ട് കുട്ടികളടക്കം അഞ്ചു പേരെ ഗവ. ബ്രണ്ണൻ കോളജ് ഓഫ് ടീച്ചർ എഡ്യുക്കേഷനിൽ ആരംഭിച്ച ക്യാമ്പിലേക്ക് മാറ്റി. രണ്ടു വീട്ടുകാർ ബന്ധുവീടുകളിലേക്ക് താമസം മാറി. കണ്ണപുരം വില്ലേജ് ചൈനാക്ലേ റെയിൽവേ ഗേറ്റ് മുതൽ റെയിൽവേ സ്റ്റേഷൻ ഭാഗത്തേക്ക് റെയിൽ പാളത്തിന് കിഴക്ക് ഭാഗത്ത് വെള്ളം കയറി. ഏഴോളം വീട്ടുകളുടെ മുറ്റത്ത് വെള്ളം കെട്ടി നിൽക്കുന്നുണ്ട്. റെയിൽവേ ലൈനിനോട് ചേർന്നുള്ള ഓവുചാലിലൂടെ ശരിയായി വെള്ളം ഒഴുകി പോകാത്തതാണ് കാരണമെന്ന് സ്ഥലപരിശോധനയിൽ വില്ലേജ് ഓഫീസർ വിലയിരുത്തി. കാലവർഷം ശക്തി പ്രാപിച്ചതോടെ മാടായി, പുതിയങ്ങാടി, നീരൊഴുക്കുംചാലിൽ പ്രദേശങ്ങളിൽ വെള്ളക്കെട്ട് ഭീഷണിയിൽ. നിരവധി വീടുകളിലും കടകളിലും വെള്ളം കയറി വീട്ടുകാർ ദുരിതത്തിലായി. കെ. ഡോമിനി, അഹമ്മദ് കുട്ടി, ശേഖരൻ, ബാലാമണി, സി.എച്ച്. നബീസ, കാർത്യായനി, വി. രവി, വസന്ത, ലൂക്കോസ്, മേരി, ജോൺസൺ, അന്ന, ത്രേസ്യ, ബീവി, ഭാരതി, പ്രഭാകരൻ തുടങ്ങിയവരുടെ വീട്ടുകളിലും വെള്ളം കയറി. സമീപത്തെ സെബാസ്റ്റ്യന്‍റെ സ്റ്റേഷനറിക്കടയിലും ഹോട്ടലിലും വെള്ളം കയറി സാധനങ്ങൾ ഉൾപ്പെടെ നശിച്ചിരിക്കുകയാണ്. ഇവിടങ്ങളിലെ കിണറുകളിലെ വെള്ളവും ഉപയോഗശൂന്യമായ നിലയിലാണ്. പുതിയങ്ങാടി മൊട്ടാന്പ്രത്തെ ക്രെസന്‍റ് ആശുപത്രിയിലും വെള്ളം കയറി. ഇരിട്ടി: മഴയ്ക്കൊപ്പം ശക്തമായ കാറ്റും വീശുന്നതോടെ വ്യാപക നാശനഷ്ടമാണ് മലയോരത്ത് റിപ്പോർട്ട് ചെയ്യുന്നത്. അയ്യൻകുന്ന് പഞ്ചായത്തിലെ വാണിയപ്പാറ-കളിത്തട്ടുംപാറ റോഡിൽ കലുങ്കിന്‍റെ കെട്ട് ഇടിഞ്ഞ് റോഡ് അപകടത്തിലായി. പ്രദേശത്തെ ജനങ്ങൾക്ക് ടൗണുമായി ബന്ധപ്പെടാനുള്ള ഏക റോഡാണ് അപകടാവസ്ഥയിലായത്. പായം പഞ്ചായത്തിൽ കനത്ത മഴയിൽ വീടിനോട് ചേർന്ന് മതിൽ ഇടിഞ്ഞ് വീടിന് കേടുപാടുകൾ സംഭവിച്ചു. പായം കാടമുണ്ടയിലെ തോട്ടിൻക്കര രാജീവന്‍റെ വീടിന്‍റെ പിൻഭാഗത്തെ മതിലാണ് ഇടിഞ്ഞുവീണത്. താഴേക്ക് പതിച്ച മതിൽ കെട്ടിന്‍റെ ചെങ്കല്ലും മണ്ണും ഉൾപ്പെടെ വീടിന്‍റെ ചുമരിൽ തട്ടിയാണ് നിന്നത്. കനത്ത മഴകൂടി പെയ്തതോടെ ചെളിയും മണ്ണും ഉൾപ്പെടെ വീടിനുള്ളിലേക്ക് കയറി. കിണറ്റിലും ചെളി വെള്ളം നിറഞ്ഞു. ഉളിക്കൽ പഞ്ചായത്തിലെ പേരട്ട-മട്ടിണി റോഡിൽ അറയ്ക്കൽ ജോൺസന്‍റെ വീടിന് പിൻവശത്തെ വലിയ മൺതിട്ട ഇടിഞ്ഞുവീണു. മണ്ണിനൊപ്പം അടർന്നുവീണ വലിയ കല്ല് വീടിന്‍റെ വെളിയിലേക്ക് പതിച്ചത് കൊണ്ട് വലിയ ദുരന്തം ഒഴിവായി. അപകടാവസ്ഥ നിലനിൽക്കുന്ന സ്ഥലങ്ങളിൽ നിന്ന് ജനങ്ങളോട് മാറിതാമസിക്കാൻ അധികൃതർ നിർദേശം നൽകി. കാരയിൽ വൻ കൃഷിനാശം മട്ടന്നൂർ: കണ്ണൂർ വിമാനത്താവളത്തിൽ നിന്ന് ഉൾപ്പെടെ മഴ വെള്ളം കൃഷിയിടത്തിലേക്ക് ഒഴുകി വൻ നാശം. കാരയിലെ ഏക്കറുകളോളം സ്ഥലത്തെ കൃഷിയാണു വെള്ളത്തിലായത്. കാര തോട് നിറഞ്ഞു കവിഞ്ഞൊഴുകിയതാണു കാരയിലെ ഏക്കറു കണക്കിന് കൃഷിയിടം വെള്ളത്തിലായത്. 15 ഓളം കർഷകരുടെ കൃഷിയിലാണു വെള്ളം കയറിയത്. പത്തായിരത്തോളം കുലച്ച നേന്ത്രവാഴകളാണു വെള്ളത്തിലായതെന്നു കർഷകർ പറഞ്ഞു. നേന്ത്രവാഴകൾക്ക് പുറമെ കപ്പ, പച്ചക്കറി കൃഷികളും നശിച്ചു. കാര തോടിന്‍റെ നിർമാണം വർഷങ്ങൾക്കു മുമ്പ് ആരംഭിച്ചിരുന്നുവെങ്കിലും പ്രവൃത്തി കല്ലേരിക്കരയിൽ പാതിവഴിയിൽ കിടക്കുകയാണ്. കൃഷി നാശമുണ്ടായ പ്രദേശം നഗരസഭാ ചെയർമാൻ എൻ. ഷാജിത്ത് സന്ദർശിച്ചു. ചെങ്കൽപ്പണയിൽ നിന്ന് വെള്ളം കുത്തിയൊഴുകി കുമ്മാനത്ത് കടകളിലും വീടുകളിലും വെള്ളം കയറി. വ്യാഴാഴ്ച രാത്രി 10.30 ഓടെയായിരുന്നു സംഭവം. വെള്ളിയാംപറമ്പിലെ ചെങ്കൽപ്പണയിൽ കെട്ടിക്കിടന്ന വെള്ളമാണ് കുന്നിൻതാഴേക്ക് ഒഴുകിയെത്തിയത്. കുമ്മാനത്ത് കീഴല്ലൂർ ബാങ്കിന് സമീപമുള്ള വീടുകളിലാണു വെള്ളം കയറിയത്. നാട്ടുകാർ വിവരമറിയിച്ചതിനെ തുടർന്ന് അഗ്നിരക്ഷാസേനയും പോലീസും സ്ഥലത്തെത്തി. വൻതോതിൽ വെള്ളം കുത്തിയൊഴുകിയതിനെ തുടർന്ന് വെള്ളിയാംപറമ്പ് വളറണ്ടക്കാവിന്‍റെ മതിൽ തകർന്നു. കുന്നിടിഞ്ഞ് രണ്ടുവീടുകള്‍ തകര്‍ന്നു; മൂന്ന് വീടുകള്‍ ഭീഷണിയില്‍ പയ്യന്നൂര്‍: തോരാമഴയില്‍ രാമന്തളിയിലെ രണ്ടു വീടുകള്‍ കുന്നിടിഞ്ഞുവീണ് തകര്‍ന്നു. മൂന്നുവീടുകള്‍ മണ്ണിടിച്ചില്‍ ഭീഷണിയില്‍. പഞ്ചായത്ത്, റവന്യൂ അധികൃതര്‍ സ്ഥലത്തെത്തി രണ്ടുവീട്ടുകാരെ മാറ്റിപ്പാര്‍പ്പിച്ചു. ഇന്നലെ ഉച്ചക്ക് ഒന്നരയോടെയാണ് രാമന്തളി കരമുട്ടത്തെ ബി.എസ്. ഇബ്രാഹിം-റുമൈസ ദന്പതികളുടെ മൂന്നുമാസം മുമ്പ് ഗൃഹപ്രവേശനം നടത്തിയ വീടിനു പിന്നിലെ കുന്നിടിഞ്ഞത്. ശബ്ദം കേട്ട് വീട്ടുകാര്‍ പുറത്തേക്ക് ഓടി രക്ഷപ്പെട്ടതിനാലാണ് ആളപായമൊഴിവായത്. അന്പതടിയോളം ഉയരത്തിലുള്ള കുന്നിടിഞ്ഞു താഴേക്ക് പതിച്ച കല്ലും മണ്ണും വീണ് വീടിന്‍റെ പിന്‍ഭാഗം മൂടിയ നിലയിലാണ്. ഇടിച്ചിലിന്‍റെ ശക്തിയില്‍ വീടിന്‍റെ വര്‍ക്ക് ഏരിയ തകര്‍ത്ത് അടുക്കള വാതിലിലൂടെ വീടിന്‍റെ അകത്തേക്കാണു കല്ലും മണ്ണും കടന്നെത്തിയത്. അടുത്ത കിടപ്പുമുറിയുടെ ഭിത്തി തകര്‍ത്തെത്തിയ മണ്ണ് മുറിയില്‍ നിറഞ്ഞതിനാല്‍ വാതില്‍ തുറക്കാനുമാകാത്ത അവസ്ഥയാണ്. വിവരമറിഞ്ഞെത്തിയ രാമന്തളി പഞ്ചായത്ത് പ്രസിഡന്‍റ് വി. ഷൈമയും ജനപ്രതിനിധികളും റവന്യൂ ഉദ്യോഗസ്ഥരും ചേര്‍ന്ന് വീട്ടുകാരെ മാറ്റിപ്പാര്‍പ്പിച്ചിരിക്കുകയാണ്. ഇവിടെ വീണ്ടും കുന്നിടിച്ചില്‍ ഭീഷണിയുണ്ടാകാനുള്ള സാധ്യതയുമുണ്ട്. ഓലക്കാല്‍ കടവിനു സമീപത്തെ ഒ.കെ. ജമീലയുടെ വീടിന്‍റെ പിന്നിലെ കുന്നിടിഞ്ഞ് കൂറ്റന്‍ കല്ലുകളും മണ്ണും വീട്ടിലേക്കെത്തി. തുടര്‍ന്ന് കുന്നിടിഞ്ഞ് വീണുകൊണ്ടിരിക്കുന്നതും വീടിന് ഭീഷണിയായി മാറി. ഇതോടെ ഇവരെയും മാറ്റിത്താമസിപ്പിച്ചു. തൊട്ടടുത്തുള്ള മുത്തലിബ്, അബ്ദുള്‍ ഹക്ക്, ആസിഫ് എന്നിവരുടെ വീടുകളും മണ്ണിടിച്ചില്‍ ഭീഷണിയിലാണ്. പയ്യന്നൂര്‍ നഗരസഭയുടെ വിവിധ പ്രദേശങ്ങളും കനത്ത മഴയില്‍ വെള്ളത്തിനടിയിലായി. നഗരസഭയിലെ അന്പതിലധികം വീടുകളില്‍ വെള്ളം കയറി. ഇവരില്‍ പലരും ബന്ധുവീടുകളിലേക്ക് താമസം മാറിയിട്ടുണ്ട്. അടിയന്തര സാഹചര്യം നേരിടേണ്ട ഘട്ടങ്ങളില്‍ മതിയായ ക്രമീകരണങ്ങള്‍ ഏര്‍പ്പെടുത്തുമെന്ന് ഇവിടം സന്ദര്‍ശിച്ച ചെയര്‍പേഴ്‌സണ്‍ കെ.വി. ലളിത അറിയിച്ചു.

കനത്ത മഴയിൽ പയ്യാന്പലത്ത് സംസ്കാരം തടസപ്പെട്ടു

കണ്ണൂർ: കനത്ത മഴയെ തുടർന്ന് പയ്യാന്പലം ശ്മശാനത്തിൽ ശവസംസ്കാര ക്രിയകൾ തടസപ്പെട്ടു. മഴക്കാലത്ത് സുഗമമായ രീതിയിൽ ശവസംസ്കാരം നടത്താനുള്ള സംവിധാനങ്ങളില്ലാത്തതാണ് കാരണം. ഇന്നലെ മൃതദേഹങ്ങളുമായെത്തിയവർ മണിക്കൂറുകളോളം കാത്തിരുന്ന ശേഷമാണ് സംസ്കാര ചടങ്ങുകൾ പൂർത്തിയാക്കിയത്. മൂന്നു മൃതദേഹങ്ങൾ സംസ്കാര ക്രിയകൾ നടത്തുന്നതിനായി മണിക്കൂറുകളോളം ആംബുലൻസിൽ നിന്നിറക്കാതെ വയ്ക്കുകയായിരുന്നു. നിലവിൽ 30 ചിതകൾ ഇവിടെ ഉണ്ടെങ്കിലും മഴക്കാലത്ത് സംസ്കാരം നടത്താനായി എടുത്തുമാറ്റാവുന്ന ആറ് മേൽക്കൂരകൾ മാത്രമാണുള്ളത്. ഇവയിൽ തന്നെ പലതിന്‍റെ മുകളിലെ ഷീറ്റുകൾ തകർന്ന നിലയിലുമാണ്. കൂടാതെ വിറക് നനയാതെ സൂക്ഷിക്കാൻ ആവശ്യമായ സൗകര്യമില്ലാത്തതും സംസ്കാരക്രിയകളെ പ്രതികൂലമായി ബാധിക്കുന്നുണ്ട്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]