അ​ങ്ക​മാ​ലി: വാ​യ​ന​ദി​ന​ത്തോ​ട​നു​ബ​ന്ധി​ച്ച് ന്യൂ​സി​ലാ​ൻഡിലെ ന്യൂ​പ്ലീ​മൌ​ത്തി​ൽ മ​ല​യാ​ളം ലൈ​ബ്ര​റി ഒ​രു​ക്കി അ​ങ്ക​മാ​ലി സ്വ​ദേ​ശി ജോ​ബി​ൻ ജോ​ർ​ജ്. വാ​യ​ന ദി​നാ​ഘോ​ഷ​ത്തി​ന്‍റെ ഭാ​ഗ​മാ​യി ന്യൂ​സി​ലാ​ന്‍റി​ലെ ന്യൂ​പ്ലീമൗ​ത്തി​ലെ മ​ല​യാ​ളി​ക​ൾ​ക്ക് വാ​യി​ക്കു​വാ​ൻ അ​വ​സ​രം ഒ​രു​ക്കി​യ അ​ങ്ക​മാ​ലി സ്വ​ദേ​ശി ജോ​ബി​ൻ ജോ​ർ​ജി​ന്‍റെ ഫോ​ൺ ഇ​ൻ ലൈ​ബ്ര​റി ശ്ര​ദ്ധേ​യ​മാ​വു​ക​യാ​ണ്.

ത​ന്‍റെ ജോ​ലി​യോ​ടൊ​പ്പം ഒ​ഴി​വു സ​മ​യ​ങ്ങ​ളി​ൽ കു​ട്ടി​ക​ളി​ലും മു​തി​ർ​ന്ന​വ​രി​ലും വാ​യ​നാ​ശീ​ലം വ​ള​ർ​ത്തു​വാ​നു​ള്ള ശ്ര​മ​ത്തി​ലാ​ണ് ജോ​ബി​ൻ ജോ​ർ​ജ്. നാ​ട്ടി​ൽ നി​ന്നും മ​ല​യാ​ളം പു​സ്ത​ക​ങ്ങ​ൾ ത​പാ​ൽ വ​ഴി എ​ത്തി​ക്കുകയായി രുന്നു. പു​സ്ത​ക​ങ്ങ​ൾ നാ​ട്ടി​ൽ നി​ന്നും ശേ​ഖ​രി​ക്കാ​ൻ ത​ന്‍റെ സു​ഹൃ​ത്തും ഗ്ര​ന്ഥ​ശാ​ല പ്ര​വ​ർ​ത്ത​ക​നും ബു​ധ​സം​ഗ​മം സം​ഘ​ട​ക​നു​മാ​യ കാ​ല​ടി എ​സ്. മു​ര​ളീ​ധ​ര​ന്‍റെ സ​ഹാ​യ​വും തേ​ടി. വാ​യ​ന​ശാ​ല​യു​ടെ ഉ​ദ്ഘാ​ട​നം റോ​ജി. എം. ​ജോ​ൺ എം​എ​ൽ​എ ഓ​ൺ​ലൈ​ൻ വ​ഴി നി​ർ​വ​ഹി​ച്ചു.

മ​ല​യാ​ളി അ​സോ​സി​യേ​ഷ​ൻ പ്ര​സി​ഡ​ന്‍റ് മ​നോ​ജ്‌ ചാ​ക്കോ, മു​ൻ പ്ര​സി​ഡ​ന്‍റ് സു​ബി ക​ല്ല​മ​ണ്ണി​ൽ, ജാ​ക്സ​ൺ ജേ​ക്ക​ബ്, രേ​ഖ ദി​നു, ആ​സി​ഫ് എ​ന്നി​വ​ർ ആ​ശം​സ​ക​ൾ നേ​ർ​ന്നു. തി​ക​ച്ചും സൗ​ജ​ന്യ​മാ​യി​ട്ടാ​ണ് ലൈ​ബ്ര​റി​യി​ലെ അം​ഗ​ത്വം. വാ​യി​ക്കാ​ൻ പു​സ്ത​കം ആ​വ​ശ്യ​മു​ള്ള​വ​ർ​ക്ക് ഫോ​ണി​ൽ ബ​ന്ധ​പ്പെ​ട്ടാ​ൽ പു​സ്ത​കം അ​വ​രു​ടെ വീ​ട്ടി​ൽ എ​ത്തി​ച്ചു കൊ​ടു​ക്കു​ന്നു.

ന്യൂ​സി​ലാ​ന്‍റിൽ മ​ല​യാ​ളം പു​സ്ത​കം ല​ഭ്യ​മ​ല്ലാ​ത്ത​ത് കൊ​ണ്ടും കു​ട്ടി​ക​ളി​ൽ മ​ല​യാ​ളം വാ​യി​ക്കാ​നു​ള്ള അ​വ​സ​രം ഒ​രു​ക്കു​ക എ​ന്ന ചി​ന്ത​യി​ൽ നി​ന്നാ​ണ് മ​ല​യാ​ളി​ക​ൾ​ക്കാ​യി ഒ​രു വാ​യ​ന​ശാ​ല എ​ന്ന ആ​ശ​യം തു​ട​ങ്ങു​വാ​ൻ തോ​ന്നി​യ​തെ​ന്നും ജോ​ബി​ൻ പ​റ​ഞ്ഞു. ഇ​നി​യും ഒ​ത്തി​രി മ​ല​യാ​ളം പു​സ്ത​സ്ക​ങ്ങ​ൾ നാ​ട്ടി​ൽ നി​ന്ന് എ​ത്തി​ക്കാ​നു​ള്ള ശ്ര​മ​ത്തി​ലാ​ണ് ജോ​ബി​ൻ.