ADVERTISEMENT

ADVERTISEMENT

മേച്ചിറ മാപ്സിൽ റസിഡൻഷ്യൽ ഫുട്ബോൾ അക്കാദമി ആരംഭിച്ചു

ചാലക്കുടി: മേച്ചിറ മാപ്സ് പബ്ലിക് സ്കൂളിൽ കൊച്ചി ലോർഡ്സ് ഫുട്ബോൾ അക്കാദമിയുടെ നേതൃത്വത്തിൽ റസിഡൻഷ്യൽ ഫുട്ബോൾ അക്കാദമി ആരംഭിച്ചു.

മുൻ അന്തർദേശീയ ഫുട് ബോ ൾ താരം സി.സി. ജേക്കബ് ഉദ് ഘാടനം നിർവഹിച്ചു. ലോർഡ് സ് എഫ്എ ചെയർമാൻ ഡെറിക് ഡി കോത്ത് അധ്യക്ഷത വഹിച്ചു.

സ്കൂൾ മാനേജർ ഫാ. ജെയ്മോൻ ആന്‍റണി ആമുഖപ്രഭാഷണം നടത്തി. എം.പി. സുരേന്ദ്രൻ, എൻ.കെ. ഇട്ടിമാത്യു, സെബി മാളിയേക്കൽ, എ. മുഹമ്മദ് ഷഫീക്ക്, വാർഡ് മെന്പർ വി.ജെ. വില്യംസ് എന്നിവർ ആശംസകളർപ്പിച്ചു. ബ്രൂസിലിൻ ജോ ആന്‍റോ സ്വാഗതവും സോളി സേവ്യർ
നന്ദിയും പറഞ്ഞു.

ADVERTISEMENT

ഉന്നത വിജയം നേടിയവരെ സഹൃദയ കോളജ് അനുമോദിച്ചു

കൊടകര: സാമൂഹ്യബോധവും ഉത്തരവാദിത്വവുമുള്ള ഒരു പുതുതലമുറയായി വിദ്യാര്‍ഥികള്‍ ഉയര്‍ന്നുവരണമെന്ന് സനീഷ്‌കുമാര്‍ ജോസഫ് എംഎല്‍എ അഭിപ്രായപ്പെട്ടു. ഹയര്‍ സെക്കന്‍ഡറി പരീക്ഷയില്‍ ഉന്നതവിജയം നേടിയ വിദ്യാര്‍ഥികള്‍ക്കായി കൊടകര സഹൃദയ കോളജ് ഓഫ് അഡ്വാന്‍സ് സ്റ്റഡീസ് സംഘടിപ്പിച്ച അനുമോദനസമ്മേളനം ഉദ്ഘാടനം ചെയ്യുയായിരുന്നു അദ്ദേഹം. സ്വപ്നസാക്ഷാത്കാരത്തിനായി കഠിനമായി അധ്വാനിക്കണമെന്നും ഉന്നതവിജയം നേടിയവര്‍ ഭാവിയുടെ വാഗ്ദാനങ്ങളാണെന്നും അധ്യക്ഷ പ്രസംഗത്തില്‍ ഇരിങ്ങാലക്കുട രൂപത ബിഷപ് മാര്‍ പോളി കണ്ണൂക്കാടന്‍ പറഞ്ഞു. ജില്ലയില്‍ പ്ലസ്ടു പരീക്ഷയില്‍ നൂറുശതമാനം വിജയം നേടിയ സ്‌കൂളുകളെയും ചടങ്ങില്‍ അനുമോദിച്ചു. മോണ്‍. വില്‍സണ്‍ ഈരത്തറ, സഹൃദയ കോളജ് എക്‌സിക്യൂട്ടീവ് ഡയറക്ടര്‍ റവ.ഡോ. ഡേവിസ് ചെങ്ങിനിയാടൻ, പ്രിന്‍സിപ്പല്‍ ഡോ. കെ. എൽ. ജോയ്, വൈസ് പ്രിന്‍സിപ്പല്‍ ഡോ. കെ. കരുണ, ഫിനാന്‍സ് ഓഫീസര്‍ ഫാ. സിബിന്‍ വാഴപ്പിള്ളി, ഡീന്‍ ഓഫ് ഇന്‍റര്‍നാഷണല്‍ അഫയേഴ്‌സ് പ്രഫ. വി.ജി. തോമസ്, പ്രോഗ്രാം കണ്‍വീനര്‍ ആശ സുധീഷ് എന്നിവര്‍ പ്രസംഗിച്ചു. തുടര്‍ന്ന് പി.എല്‍. ജോമിയുടെ നേതൃത്വത്തില്‍ കരിയര്‍ ഗൈഡന്‍സ് ക്ലാസും വിദ്യാര്‍ഥികളുടെ കലാപരിപാടികളും ഉണ്ടായി.

പോട്ട ചെറുപുഷ്പം ദേവാലയത്തിൽ വയോജനവാർഷികം

പോട്ട : ചെറുപുഷ്പം ദേവാലയത്തിൽ സെന്‍റ് ജോസഫ് വയോജനകൂട്ടായ്മയുടെ 22-ാം വാർഷികം ഇരിങ്ങാലക്കുട രൂപത ബിഷപ് മാർ പോളി കണ്ണൂക്കാടൻ ഉദ്ഘാടനം ചെയ്തു. വികാരി ഫാ. ടോം മാളിയേക്കൽ അധ്യക്ഷതവഹിച്ചു. അസി. വികാരി ഫാ.റൈസൻ തട്ടിൽ, ഫാ. ജോസ് വെതമറ്റിൽ, തോമസ് മേലേപ്പുറം, ജോസ് കോക്കാടൻ എന്നിവർ പ്രസംഗിച്ചു. സെക്രട്ടറി ജോർജ് കോക്കാടൻ റിപ്പോർട്ടും പൗലോസ് പൊട്ടത്ത്പറമ്പിൽ കണക്കും അവതരിപ്പിച്ചു. വൈസ് പ്രസിഡന്‍റ്് ലൂയിസ് മേലേപ്പുറം സ്വാഗതവും പ്രസിഡന്‍റ്് ആന്‍റണി മേലേപ്പുറം നന്ദിയും പറഞ്ഞു.

കൊരട്ടി സിഗ്നൽ ജംഗ്ഷൻ വെള്ളക്കെട്ടിൽ

കൊരട്ടി: ദേശീയപാത വികസനത്തിന്‍റെ ഭാഗമായി കൊരട്ടി മേഖലയിൽ നിർമിച്ച കാനകളുടെ അശാസ്ത്രീയതമൂലം ജംഗ്ഷൻ വെള്ളക്കെട്ടിന്‍റെ പിടിയിൽ. കൊരട്ടിയുടെ വടക്കു - കിഴക്കൻ മേഖലകളിൽനിന്നും ഒഴുകിയെത്തുന്ന വെള്ളമാണ് സിഗ്നൽ ജംഗ്ഷനിൽ ദേശീയപാതയിൽനിന്നും നാലുകെട്ടിലേക്കുള്ള പ്രവേശന കവാടത്തിൽ അടിഞ്ഞുകൂടുന്നത്. ഓട്ടോറിക്ഷ സ്റ്റാൻഡ്, കച്ചവടസ്ഥാപനങ്ങൾ, പഞ്ചായത്തിന്‍റെ മേൽനോട്ടത്തിൽ പ്രവർത്തിക്കുന്ന ടേക്ക് എ ബ്രേക്ക് തുടങ്ങിയവയെല്ലാം വെള്ളക്കെട്ടിന്‍റെ പിടിയിലാണ്. കച്ചവടസ്ഥാപനങ്ങളിൽ പലതും അടച്ചുപൂട്ടൽ ഭീഷണിയിലാണ്. വെള്ളക്കെട്ടിനെ അവഗണിച്ച് സാധനങ്ങൾ വാങ്ങാൻ ആരാണ് കടയിലേക്ക് എത്തുകയെന്ന ചോദ്യമാണ് വ്യാപാരികൾ ഉന്നയിക്കുന്നത്. ഇരുചക്രവാഹനങ്ങൾ വെള്ളത്തിലൂടെ കടന്നു പോകുമ്പോൾ എൻജിൻ ഓഫായിപ്പോകുന്ന കാഴ്ചകളും കാണാം. മുരിങ്ങൂരിലും ചിറങ്ങരയിലും നടക്കുന്ന നിർമാണപ്രവൃത്തികൾ വളരെ മന്ദഗതിയിലാണ് നടക്കുന്നത്. തൊഴിലാളികൾ ഇല്ലാത്തതാണ് കാരണം. തീരദേശത്ത് വീടുകൾ വെള്ളത്തിലായി കയ്പമംഗലം: തോരാമഴയിൽ തീരദേശത്ത് നിരവധി വീടുകൾ വെള്ളത്തിലായി. എടത്തിരുത്തി, കയ്പമംഗലം പഞ്ചായത്തുകളിലാണ് വെള്ളക്കെട്ട് രൂക്ഷമായിട്ടുള്ളത്. പ്രധാന തോടുകൾ കടന്നു പോകുന്ന പ്രദേശത്തെ വീടുകളാണ് വെള്ളത്തിലായിട്ടുള്ളത്. എടത്തിരുത്തി പതിനഞ്ചാം വാർഡ് ചെന്ത്രാപ്പിന്നി ബൈപ്പാസിന് സമീപവും, പപ്പടം നഗറിലും നിരവധി വീടുകളിൽ വെള്ളം കയറി. പലരും ബന്ധുവീടുകളിലേക്കും മറ്റും താമസം മാറിയിരിക്കുകയാണ്. ദേശീയ പാത നിർമാണത്തേതുടർന്ന് വെള്ളം ഒഴുകി പോകുന്ന തോടുകൾ നികത്തിയതും കൂടുതൽ വെള്ളക്കെട്ടിന് കാരണമായി. വീട്ടുപറമ്പുകളിലേക്ക് തോടുകൾ കവിഞ്ഞൊഴുകി അമ്പതോളം വീടുകളിൽ വെള്ളക്കെട്ട് രൂക്ഷമായിരിക്കുകകാണ്. നിരവധി സ്ഥലത്ത് കൃഷിനാശവും ഉണ്ടായിട്ടുണ്ട്. കയ്പമംഗലം പഞ്ചായത്തിലും വെള്ളക്കെട്ട് ശക്തമാണ്. രണ്ടാം വാർഡ് കൂരിക്കുഴി സലഫി വടക്ക് ഭാഗത്താണ് വെള്ളക്കെട്ട് ഏറെയുള്ളത്. ഈ ഭാഗത്ത് നാല്പതോളം കുടുംബങ്ങൾ വെള്ളക്കെട്ടിലാണ്. ചില വീടുകളിൽ വെള്ളം കയറിയിട്ടുണ്ട്. ഇവരെ ദുരിതാശ്വാസ ക്യാമ്പിലേക്ക് മാറ്റി താമസിപ്പിക്കാനുള്ള നടപടികൾ ആരംഭിച്ചതായി പഞ്ചായത്ത് പ്രസിഡന്‍റ് ശോഭന രവി, വാർഡ് മെമ്പർ പി.എം.എസ് ആബിദീൻ എന്നിവർ പറഞ്ഞു. കാളമുറി കിഴക്ക് വിളക്കുപറമ്പ്, തൈവെപ്പ്, പള്ളിത്താനം, ഗ്രാമ ലക്ഷ്മി പ്രദേശത്തും വെള്ളക്കെട്ട് രൂക്ഷമാണ്. വൈകീട്ടോടെ കൂരിക്കുഴി ബാബുൽഉലും മദ്രസ, ആർസിയുപി സ്കൂൾ എന്നിവിടങ്ങളിൽ ക്യാമ്പ് തുടങ്ങാനുള്ള ഒരുക്കത്തിലാണ് അധികൃതർ. കോടാലിപ്പാടത്തെ ഞാറ്റടികള്‍ മുങ്ങി കോടാലി: തിമിര്‍ത്തുപെയ്യുന്ന മഴ മറ്റത്തൂരിലെ കോടാലി പാടശേഖരത്തെ വെള്ളത്തിനടിയിലാക്കി. വെള്ളിക്കുളം വലിയതോട് കവിഞ്ഞൊഴുകിയതിനെ തുടര്‍ന്നാണ് കോടാലി പാടശേഖരം മുങ്ങിയത്. വിരിപ്പൂകൃഷിയിറക്കാനായി പാടത്ത് തയ്യാറാക്കിയ ഞാറ്റടികള്‍ വെള്ളത്തില്‍ മുങ്ങിക്കിടക്കുകയാണ്. അടുത്താഴ്ച ഞാറുവലിച്ച് നടീല്‍ നടത്താനൊരുങ്ങിയിരുന്ന കര്‍ഷകര്‍ക്ക് ഞാറ്റടി വെള്ളത്തില്‍ മുങ്ങിയത് തിരിച്ചടിയായി. മഴ തുടര്‍ന്നാല്‍ ഞാറ്റടി നശിക്കുമെന്ന ആശങ്കയിലാണ് കര്‍ഷകര്‍. ഇത്തവണ കോടാലി പാടശേഖരത്തിലെ പകുതിയോളം നിലത്തില്‍ ഞാറുനടാനാണ് കര്‍ഷകരുടെ തീരുമാനം. നടീല്‍ യന്ത്രത്തിന്‍റെ സഹായത്തോടെ ഒറ്റഞാര്‍ നടാനായാണ് ഞാറ്റടികള്‍ ഒരുക്കിയിരുന്നത്.

സർക്കാരിലേക്ക് തുക അടയ്ക്കേണ്ടതിൽ സാവകാശം ആവശ്യപ്പെട്ട് നഗരസഭ

ചാലക്കുടി: നഗരസഭ ഇൻഡോർ സ്റ്റേഡിയം നിർമാണത്തിനായി ഭൂമി ഏറ്റെടുത്തതിൽ കോടതി വിധിപ്രകാരം സ്ഥലമുടമകൾക്ക് നൽകാനുണ്ടായിരുന്ന 27 കോടി രൂപ സർക്കാരിന്‍റെ ലാഭവിഹിതത്തിൽ നിന്നും സിയാൽ അടച്ചതിനെ തുടർന്ന് ഈ തുക 35 ലക്ഷം രൂപ വീതം മാസ ഗഡുക്കളായി നഗരസഭ അടക്കണമെന്ന സർക്കാർ ഉത്തരവിനെ തുടർന്ന് 20 ലക്ഷം രൂപ വീതമുള്ള മാസഗഡുക്കളായി അടയ്ക്കാൻ സാവകാശം അനുവദിക്കണമെന്നും പലിശ, ഫൈൻ എന്നിവ ഒഴിവാക്കണമെന്നും കൗൺസിൽ സർക്കാരിനോട് ആവശ്യപ്പെട്ടു. ഭൂമി ഏറ്റെടുത്ത വകയിൽ കോടതി വിധിപ്രകാരം 45 കോടി രൂപയാണ് നൽകേണ്ടി വരുന്നത്. ഇതിൽ 18 കോടി രൂപ നഗരസഭ നൽകിയിരുന്നു. ബാക്കി വന്ന 27 കോടി രൂപയാണ് സർക്കാരിന് ഉടമകൾക്ക് നൽകേണ്ടി വന്നത്.ഈ തുക 70 ഗഡുക്കളായി നഗരസഭയുടെ തനത് ഫണ്ടിൽ നിന്നും സർക്കാരിലേക്ക് അടയ്ക്കാനാണ് ആദ്യം ഉത്തരവായത്. ഇത്രയും തുക തനത് ഫണ്ടിൽ നിന്നും മാസ ഗഡുക്കളായി അടയ്ക്കുന്നത് നഗരസഭയുടെ വികസന പ്രവർത്തനങ്ങളെ ബാധിക്കുമെന്നും, പദ്ധതി വിഹിതത്തിൽ നിന്നും തുക അടയ്ക്കാൻ അനുവാദം നൽകണമെന്നും നേരത്തേ കൗൺസിൽ ആവശ്യപെട്ടതിനെ തുടർന്ന് ഇതിന് അനുമതി ലഭിച്ചിരുന്നു. എന്നാൽ മാസഗഡു 35 ലക്ഷം എന്നുള്ളത് 20 ലക്ഷം രൂപയായി കുറച്ചു നൽകണമെന്നും പലിശയും ഫൈനും ഒഴിവാക്കി നൽകണമെന്നുമാണ് ഇന്ന് കൗൺസിൽ ആവശ്യപ്പെട്ടിട്ടുള്ളത്. നിലവിൽ സർക്കാർ ഉത്തരവ് പ്രകാരം ആദ്യ ഗഡു 35 ലക്ഷം രൂപ ചെയർപേഴ്സന്‍റെ മുൻകൂർ അനുമതിയോടെ നഗരസഭ അടച്ചിട്ടുണ്ട്. സാമൂഹ്യ സുരക്ഷാ പെൻഷൻ അപേക്ഷകരായ 101 ഗുണഭോക്താക്കൾക്ക് പുതുതായി പെൻഷൻ അനുവദിക്കുവാൻ കൗൺസിൽ തീരുമാനിച്ചു.ചെയർപേഴ്സൺ ഷിബു വാലപ്പൻ കൗൺസിൽ യോദത്തിന് അധ്യക്ഷത വഹിച്ചു.

വിദ്യാഭ്യാസ, സാമൂഹ്യ രംഗങ്ങളിൽ ദീപികയ്ക്കു മഹത്തായ പാരമ്പര്യം: സനീഷ്കുമാർ ജോസഫ്

ചാലക്കുടി: വിദ്യാഭ്യാസ സാമൂഹ്യരംഗങ്ങളിൽ മികച്ച നേതൃത്വം കൊടുത്ത മഹത്തായ പാരമ്പര്യമാണ് ദീപികയ്ക്കുള്ളതെന്നു സനീഷ് കുമാർ ജോസഫ് എംഎൽഎ. ചാലക്കുടി മേഖലയിൽനിന്ന് എസ്എസ്എൽസി, ഹയർ സെക്കൻഡറി പരീക്ഷകളിൽ ഫുൾ എ പ്ലസ് നേടിയ വിദ്യാർഥികളെയും ഉന്നതവിജയം നേടിയ വിദ്യാലയങ്ങളെയും ആദരിക്കുന്ന ദീപിക ആദരം 2025 ഉദ്ഘാടനംചെയ്ത് പ്രസംഗിക്കുകയായിരുന്നു എംഎൽഎ. വലിയ കഠിനാധ്വാനത്തിന്‍റെയും പരിശ്രമത്തിന്‍റെയും ഫലമാണ് മികച്ച വിജയമെന്നും നമ്മുടെ നാടിനെ മുൻപോട്ടു നയിക്കേണ്ടവരാണ് നിങ്ങൾ ഓരോരുത്തരുമെന്നും എംഎൽഎ കൂട്ടിച്ചേർത്തു. സേക്രഡ് ഹാർട്ട് കോളജിൽ നടന്ന ചടങ്ങിൽ പ്രിൻസിപ്പൽ സിസ്റ്റർ ഡോ. ഐറിൻ അധ്യക്ഷത വഹിച്ചു. രാഷ്ട്രദീപിക ലിമിറ്റഡ് ഡയറക്ടർ ഇട്ടൂപ്പ് കോനൂപ്പറമ്പൻ, എഡ്യുപോർട്ട് ഡയറക്ടർ ജോജു തരകൻ, ദീപിക റസിഡന്‍റ് മാനേജർ ഫാ. ജിയോ തെക്കിനിയത്ത് എന്നിവർ പ്രസംഗിച്ചു. ദീപിക കോഓർഡിനേറ്റിംഗ് എഡിറ്റർ ഫാ. റിന്‍റോ പയ്യപ്പിള്ളി സ്വാഗതവും ഏരിയാ മാനേജർ ആൻസ് ആന്‍റോ നന്ദിയും പറഞ്ഞു. എഡ്യുപോർട്ട് ഫാക്കൽറ്റി ബിലാൽ മുഹസിൻ ക്ലാസ് നയിച്ചു.

പെരിഞ്ചേരി തിരുഹൃദയ തിരുനാളിനു കൊടിയേറി

പെരിഞ്ചേരി: തിരുഹൃദയ തീർഥാടന കേന്ദ്രത്തിൽ ജൂണ്‍ 6, 7,8 തീയതികളിൽ ആഘോഷിക്കുന്ന ഈശോയുടെ തിരുഹൃദയ തിരുനാളിന് അതിരൂപത വികാരി ജനറാൾ മോണ്‍. ജെയ്സണ്‍ കൂനംപ്ലാക്കൽ കൊടിയേറ്റി. നവനാൾ തിരുക്കർമങ്ങൾക്കും തുടക്കമായി. തിരുനാൾദിനം വരെ എല്ലാ ദിവസങ്ങളിലും രാവിലെ ആറിനും വൈകീട്ട് ആറിനും ലദീഞ്ഞ്, പാട്ടുകുർബാന, നൊവേന എന്നിവ ഉണ്ടായിരിക്കും. ആറിനു മാസാദ്യവെള്ളി തിരുഹൃദയ ഊട്ടുതിരുനാളും തീർഥാടനകേന്ദ്ര പ്രഖ്യാപനത്തിന്‍റെ പതിനഞ്ചാം വാർഷികവും ആഘോഷിക്കും. രാവിലെ ആറിനും 7.15 നും വൈകീട്ട് ആറിനും പാട്ടുകുർബാന, ലദീഞ്ഞ്, നൊവേന, രാവിലെ 10 ന് ആഘോഷമായ പാട്ടുകുർബാന, സന്ദേശം, ആരാധന, നൊവേന, ദിവ്യകാരുണ്യപ്രദക്ഷിണം എന്നിവയുണ്ടാകും. തിരുക്കർമങ്ങൾക്ക് ഫാ. അലക് സാണ്ടർ കൂരിക്കാട്ടിൽ മുഖ്യകാർമികത്വം വഹിക്കും. ഉച്ചയ്ക്കു 12.30 മുതൽ തിരുഹൃദയ ഊട്ടുവിതരണം ആരംഭിക്കും. ഏഴിനു വൈകീട്ട് ആറിന് ആഘോഷമായ പാട്ടുകുർബാന, ലദീഞ്ഞ്, നൊവേന, രൂപക്കൂട് തുറക്കൽ ശുശ്രൂഷ എന്നിവയ്ക്കു ഫാ. ജീജോ വള്ളൂപ്പാറ മുഖ്യകാർമികനാകും. തുടർന്നു വർണമഴ, തിരുനടയിൽ വാദ്യമേളവും നടക്കും. എട്ടിനു രാവിലെ 10 ന് ആഘോ ഷമായ പാട്ടുകുർബാന, ലദീഞ്ഞ്, നൊവേന എന്നിവയ്ക്കു ഫാ. ജോബ് വടക്കൻ മുഖ്യകാർമികത്വം വഹിക്കും. ഡോ. സെബാസ്റ്റ്യൻ ചാലയ്ക്കൽ സന്ദേശം നൽകും. തുടർന്ന് പ്രദക്ഷിണം നടക്കും. 15 നാണ് എട്ടാമിടം. തിരുനാൾദിനത്തിൽ തീർഥാടനകേന്ദ്രത്തിന്‍റെ ആഭിമുഖ്യത്തിൽ തൃശൂർ ജൂബിലി മെഡിക്കൽ കോളജിൽ സൗജന്യ ഡയാലിസിസ് നടത്തുമെന്നും റെക്ടർ റവ. ഡോ. ജോബ് പടയാട്ടിൽ, അസിസ്റ്റന്‍റ് വികാരി ഫാ. ജോണ്‍ പേരാമംഗലം എന്നിവർ അറിയിച്ചു.

പ്രായപൂർത്തിയാകാത്ത കുട്ടികൾക്ക് നിരോധിത പുകയില ഉത്പന്നങ്ങൾ നൽകിയ നാലുപേർ അറസ്റ്റിൽ

അന്തിക്കാട്: പ്രായപൂർത്തിയാകാത്ത കുട്ടികൾക്ക് നിരോധിത പുകയില ഉത്പന്നങ്ങൾ നൽകിയതിന് അന്തിക്കാട് പോലീസ് നടത്തിയ പരിശോധനയിൽ താന്ന്യത്ത് മൂന്നുപേർ അറസ്റ്റിൽ. താന്ന്യം സ്വദേശികളായ ചക്കിത്തറ വീട്ടിൽ കിനുരാജ് (33), പറമ്പിൽ വീട്ടിൽ വഞ്ചി രഞ്ജു എന്ന് വിളിക്കുന്ന രഞ്ജിത്ത് (49), കിഴുപ്പിള്ളിക്കര സ്വദേശി കല്ലിങ്കൽ വീട്ടിൽ സൽമാൻ (29) എന്നിവരെയാണ് അന്തിക്കാട് പോലീസ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. താന്ന്യം തൊട്ടുമണ്ട കള്ളുഷാപ്പിന് സമീപമുളള പാലത്തിൽവച്ച് കുട്ടികൾക്ക് ലഹരി വസ്തുക്കൾ നൽകുന്നതിനിടെ പോലീസിനെക്കണ്ട് ഓടിപ്പോയ ഇവരെ പോലീസ് പിന്തുടർന്ന് പിടികൂടുകയായിരുന്നു. പ്രതികളുടെ മോട്ടോർസൈക്കിളുകളിൽ സൂക്ഷിച്ച നിരോധിത പുകയില ഉത്പന്നങ്ങളും കഞ്ചാവ് ബീഡി വലിക്കുന്നതിനുള്ള ഉപകരണങ്ങൾ, ഒസിബി പേപ്പർ പാക്കറ്റ് എന്നിവ കണ്ടെടുത്തു. നാട്ടികയിൽ യുവാവ് അറസ്റ്റിൽ തൃപ്രയാർ: നാട്ടിക ജംഗ്ഷനിലെ സ്കൂളിന് സമീപം റോഡരികിലുള്ള മുറുക്കാൻ കടയിലൂ ടെ പ്രായപൂർത്തിയാകാത്ത കുട്ടികൾക്ക് പുകയില ഉത്പന്നവില്പന നടത്തിയ യുവാവ് അറസ്റ്റിൽ. ഉത്തർപ്രദേശ് സ്വദേശി രവി (25) യെയാണ് വലപ്പാട് പോലീസ് അറസ്റ്റ് ചെയ്തത്. പോലീസ് ജീപ്പുകണ്ട് കുട്ടികൾ ഓടിപ്പോകുന്നത് ശ്രദ്ധയിൽപ്പെട്ട പോലീസ് നടത്തിയ പരിശോധനയിലാണ് മുറുക്കാൻ കടയിൽ നിരോധിത പുകയില ഉത്പ്പന്നങ്ങൾ വിൽപ്പന നടത്തുന്നതായി കണ്ടെത്തിയത്.

മഴ: നാശം തുടരുന്നു

ചേർപ്പ്: മഴമൂലം ചേർപ്പ് മേഖലയിൽ വ്യാപകനാശം. പ്രദേശത്തെ എട്ടുമന, പനംകുളം മിത്രാനന്ദപുരം പ്രദേശങ്ങളിൽ വീടുകൾ വെള്ളക്കെട്ട് ഭീഷണിയിലായി. ഹെർബർട്ട് കനാലിനു സമീപം റോഡരികിൽ നിന്നിരുന്ന മരം കടപുഴകി വീണു. പൂത്തറയ്ക്കൽ മൂത്താരൻ സുബ്രൻന്‍റെ വീട് തകർന്നു. പല്ലിശേരി കണ്ഠേശ്വരം ക്ഷേത്രം മഴവെള്ളം കയറിയ നിലയിലായി. പാറളം പഞ്ചായത്തിലെ താണിക്കുനയം നെടുപുഴ റോഡിൽ കാറ്റിലും മഴയിലും കൂറ്റൻ തണൽ മരം കടപുഴകി വീണു. പള്ളിപ്പടവിൽ പതിനാല് ഏക്കറിൽ നടത്തിയ തണ്ണീർമത്തൻ കൃഷി വിളവെടുപ്പു പൂർത്തിയാകുംമുന്പേ മഴമൂലം അഴുകി നശിച്ച നിലയിലായി. മണ്ണിടിഞ്ഞു മുതുവറ: പുറനാട്ടുകര അടാട്ട് പഞ്ചായത്ത് ഓഫീസിനും പുഴക്കൽ ബ്ലോക്ക് പഞ്ചായത്ത് ഓഫീസിനും പിൻവശത്തായി ജനശക്തി റോഡിൽ ഹണി ഡേയിൽ ഫ്ലാറ്റിന് എതിർവശത്തുള്ള വിലങ്ങൻ കുന്നിനോടു ചേർന്നുകിടക്കുന്ന സ്വകാര്യ വ്യക്തിയുടെ റോഡ് പാർശ്വഭിത്തി നിർമാണം അടക്കമുള്ള പ്രവൃത്തികൾ നടക്കുന്ന സ്ഥലത്താണ് മണ്ണിടിഞ്ഞത്. ആളപായം ഇല്ല.

വളയംകെട്ടിന്‍റെ പേരിലുള്ള കള്ളക്കളി അനുവദിക്കില്ല: യുഡിഎഫ്

പൂവത്തൂർ: താത്കാലിക വളയം കെട്ടിന്‍റെ പേരിൽ ഉദ്യോഗസ്ഥരും കരാറുകാരും ചില രാഷ്ട്രീയക്കാരും ചേർന്നുള്ള കള്ളക്കളിയും അഴിമതിയും ഇനി മണലൂരിൽ അനുവദിക്കില്ലന്ന് മുൻ എംപി. ടി.എൻ. പ്രതാപൻ പറഞ്ഞു. യുഡിഎഫ് മണലൂർ നിയോജക മണ്ഡലം കമ്മിറ്റിയുടെ നേതൃത്വത്തിൽ ഇടിയഞ്ചിറ ഏനാമാവ് റെഗുലേറ്ററുകളുടെ നിർമാണം അട്ടിമറിച്ച്, പ്രദേശവാസികളെയും കർഷകരെയും ദുരിതത്തിലാക്കിയ മണലൂർ എംഎൽഎയുടെ ജനദ്രോഹനയത്തിനെതിരെ പൂവത്തൂരിൽ നടത്തിയ സായാഹ്ന ധർണ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഏനാമാവ് ഇടിയഞ്ചിറ റെഗുലേറ്ററുകളുടെ നിർമാണ പ്രവർത്തനത്തിൽ ശ്രദ്ധ ചെലുത്താതെ ഉദ്യോഗസ്ഥരും കരാറുകാരും നിർമ്മാണ അഴിഞ്ഞാട്ടം നടത്തുന്നത് തടയാനാകാതെ നിസ്സഹായനായി നിൽക്കുന്ന എംഎൽഎയായി മുരളി പെരുന്നെല്ലി മാറിയെന്നും പ്രതാപൻ ആരോപിച്ചു. യുഡിഎഫ് കൺവീനർ കെ.കെ. ബാബു അധ്യക്ഷത വഹിച്ചു. മുൻ എംഎൽഎ അനിൽ അക്കര, സിഎംപി സെക്രട്ടറി പി.ആർ.എൻ നമ്പീശൻ, അഡ്വ. മുഹമദ് ഗസാലി, സി.സി. ശ്രീകുമാർ, ആർ.എ. അബ്ദുൾ മനാഫ്, സി.എ. സണ്ണി, സി.ഐ. സെബാസ്റ്റ്യൻ, എൻ.ജെ. ലിയോ, പി.കെ. രാജൻ, സി.എം. നൗഷാദ്, സി.ജെ. സ്റ്റാൻലി എന്നിവർ പ്രസംഗിച്ചു.

ഇടിയഞ്ചിറ റഗുലേറ്ററിന്‍റെ സമീപമുള്ള വളയംകെട്ടുകൾ പൂർണമായി പൊളിച്ചുനീക്കണം

പാവറട്ടി: ശക്തമായ മഴ തുടരുന്ന സാഹചര്യത്തിൽ ഇടിയഞ്ചിറ റഗുലേറ്ററിന്‍റെ സമീപമുള്ള വളയം കെട്ടുകൾ പൂർണമായും പൊളിച്ചുനീക്കണമെന്ന ആവശ്യം ശക്തമായി. റഗുലേറ്ററിന്‍റെ രണ്ടു വശങ്ങളിലുള്ള താത്കാലിക വളയം ബണ്ടുകൾ മൂലമാണ് മുല്ലശേരി കെഎൽഡിസി കനാലിൽ ജലനിരപ്പ് ഉയരുന്നത്. വളയംകെട്ടുകൾ പൂർണമായും പൊളിച്ചു നീക്കാതെ വെള്ളം പുഴയിലേക്കു സുഗമമായി ഒഴുകിപ്പോവുകയില്ല. തിരുനെല്ലൂർ മേഖലയിലും തണ്ണീർ കായൽ പാടശേഖരങ്ങളോടുചേർന്നുള്ള താഴ്ന്ന പ്രദേശങ്ങളിലും ഇപ്പോൾ ജലനിരപ്പ് ഉയർന്നുകൊണ്ടിരിക്കുകയാണ്. ഇനിയും അധികൃതർ അനാസ്ഥ കാട്ടിയാൽ എളവള്ളി, പാവറട്ടി, മുല്ലശേരി പഞ്ചായത്തുകൾ വലിയ പ്രളയത്തിനു സാക്ഷ്യം വഹിക്കേണ്ടിവരുമെന്ന് തീരദേശ സംരക്ഷണസമിതി കൺവീനർ ഷൈജു തിരുനെല്ലൂർ പറഞ്ഞു. വേലിയേറ്റസമയത്ത് കടൽ വെള്ളമെടുക്കാതെയാകുമ്പോൾ കിഴക്കൻ മേഖലകളിൽ പെയ്യുന്ന മഴവെള്ളം ഉൾക്കൊള്ളേണ്ട പെരിങ്ങാട് പുഴയിൽ മണ്ണും ചെളിയും നിറഞ്ഞതും വെള്ളം ഒഴുകിപ്പോകുന്നതിനു തടസമായിട്ടുണ്ട്. ഡാമുകൾ നിറഞ്ഞു കൊണ്ടിരിക്കുകയും കാലവർഷം കൂടുതൽ ശക്തമാകുകയും ചെയ്യുന്ന സാഹചര്യത്തിൽ വെള്ളത്തിന് ഒഴുകിപ്പോകാനുള്ള മാർഗങ്ങൾ തടസപ്പെടുത്തിയുള്ള എല്ലാ നിർമിതികളും എത്രയും പെട്ടെന്ന് നീക്കം ചെയ്യണമെന്ന് തീരദേശ സംരക്ഷണസമിതി നേതാക്കൾ ആവശ്യപ്പെട്ടു. കഴിഞ്ഞവർഷം വാഴാനി ഡാം തുറന്നതിനെത്തുടർന്ന് വടക്കാഞ്ചേരി തൊട്ട് ഇടിയഞ്ചിറവരെയുള്ള എല്ലാ പഞ്ചായത്തുകളിലും വെള്ളപ്പൊക്കം ഉണ്ടായിരുന്നതായും പെരിങ്ങാട് പുഴയിലൂടെ സുഗമമായി വെള്ളം പോകാത്തതാണ് താഴ്ന്ന മേഖലയിൽ കാരണമെന്നും ജില്ലാ ഭരണകൂടം അടിയന്തരമായി ഇടപെടണമെന്നും നാട്ടുകാർ ആവശ്യപ്പെട്ടു.

ദേശീയപാത ഏങ്ങണ്ടിയൂരിലും ചേറ്റുവയിലും കണ്ടെയ്നർ ലോറി, പെട്ടിഓട്ടോ മറിഞ്ഞു

വാടാനപ്പള്ളി: ദേശീയപാത 66 ഏങ്ങണ്ടിയൂരിൽ സർവീസ് റോഡിന്‍റെ സൈഡ് ഇടിഞ്ഞ് കണ്ടെയ് നർ ലോറി മറിഞ്ഞു. സമീപത്ത് റോഡ് പണിക്ക് ഉപയാഗിച്ചിരുന്ന ജെസിബി കൊണ്ട് ലോറിയെ തടഞ്ഞുനിർത്തി. കൊച്ചിയിൽനിന്നും മലപ്പുറത്തേക്ക് ടൈൽസുമായി പോയി രുന്ന കണ്ടെയ്നർ ലോറിയാണ് ഏങ്ങണ്ടിയൂർ ചന്തപ്പടിയിൽ വച്ച് അപകടത്തിൽപ്പെട്ടത്. പിന്നീട് മറ്റൊരു വാഹനത്തിലേക്ക് ടൈ ൽസുകൾ മാറ്റുകയായിരുന്നു. ചേറ്റുവ കടവിൽ പെട്ടി ഓട്ടോ ദേശീയ പാതയിലെ കുഴിയിൽ വീണ് മറിഞ്ഞു. ആമസോൺ ഡെലി വറി വാഹനമാണ് അപകടത്തിൽപ്പെട്ടത്. ഓട്ടോയുടെ മുന്നിലെ ഗ്ലാസ് തകർന്നു. ഏങ്ങണ്ടിയൂരിൽ പലഭാഗങ്ങളിലുമായി വലിയ കുന്നാക്കിയിട്ടിട്ടുള്ള ചെമ്മണ്ണ് വാഹന യാത്രക്കാർക്കും കാൽനടയാത്രക്കാർക്കും ഏറെ ഭീഷണിയാണ്. പല ഭാഗങ്ങളിലും ചെമ്മണ്ണ് ചളിരൂപത്തിലായി വീടുകളിലേക്കും വ്യാപാരസ്ഥാപനങ്ങളിലേക്കും ഒലിച്ചിറങ്ങി പ്രദേശവാസികൾ ഏറെ ദുരിതത്തിലാണ്. മഴ ശക്തമാകുമ്പോൾ പാലിക്കേണ്ടതായ യാതൊരുവിധ നടപടിയും ദേശീയപാത നിർമാണക്കമ്പനിയുടെ ഭാഗത്തുനിന്നും ഉണ്ടായിട്ടില്ല. ദിനംപ്രതി നിരവധി വാഹനങ്ങൾ ആണ് ദേശീയപാതയിൽ അപകടത്തിൽപ്പെടുന്നത്. റോഡ് നിർമാണത്തിനായി കുഴിയെടുത്ത വലിയ കുഴികളിൽ വെള്ളം നിറഞ്ഞ് റോഡിന് അടിയിൽനിന്നും മണ്ണൊലിച്ചുപോയി വാഹനങ്ങള ടക്കം കുഴിയിലേക്ക് മറിയാൻ സാധ്യത ഏറെയാണ്. ദേശീയപാത കരാർ കമ്പനി അടിയന്തരമായി അപകടകരമായ സ്ഥലങ്ങൾ സന്ദർശിച്ച് വാഹന യാത്രക്കാർക്കും കാൽനടയാത്രക്കാർക്കും വേണ്ട സുരക്ഷ ഉറപ്പുവരുത്തണമെന്നും വാഹന യാത്രക്കാർക്ക് ഭയം കൂടാതെ സഞ്ചരിക്കുവാൻവേണ്ട വഴിയൊരുക്കണമെന്നും പൊതുപ്രവർത്തകൻ ലത്തീഫ് കെട്ടുമ്മൽ ആവശ്യപ്പെട്ടു.

കൊമ്പൻ ഗോപീകണ്ണൻ ചരിഞ്ഞു

ഗുരുവായൂർ: ദേവസ്വത്തിന്‍റെ കൊമ്പൻ ഗോപീകണ്ണൻ ചരിഞ്ഞു. ദേവസ്വം രേഖകൾപ്രകാരം 51 വയസാണ് പ്രായം. ഒരസുഖവും ഇല്ലാതിരുന്ന ആന ഇന്നലെ പുലർച്ചെ 4.10ന് കെട്ടുംതറിയിൽ കുഴഞ്ഞുവീഴുകയായിരുന്നു. രണ്ടുമാസത്തോളമായി മദപ്പാടിൽ തളച്ചിരിക്കുകയായിരുന്നു. കഴിഞ്ഞദിവസം ആനയ്ക്കു ഗ്യാസ് കയറിയതു പോലെ വയറിനു ചെറിയ വീക്കം കണ്ടിരുന്നതായി ഡോക്ടർ പറഞ്ഞു. എന്നാൽ പിന്നീട് ആന പിണ്ടം ഇട്ടതായും പറയുന്നു. 2001 സെപ്റ്റംബറിൽ ഗോപു നന്തിലത്താണ് ആനയെ നടയിരുത്തിയത്. ആസാമിൽനിന്നുള്ള ആനയാണെങ്കിലും സൗമ്യനും, ലക്ഷണമൊത്ത കൊമ്പനുമായിരുന്നു. ക്ഷേത്രത്തിലെ ശീവേലി, വിളക്ക് തുടങ്ങിയ ചടങ്ങുകൾക്കു മിക്കദിവസങ്ങളിലും എഴുന്നള്ളിപ്പ് നടത്തിയിരുന്നതു ഗോപീകണ്ണനായിരുന്നു. ആനയോട്ടത്തിലെ താരമായിരുന്ന ഗോപീകണ്ണൻ ഒന്പതുപ്രാവശ്യമാണ് ജേതാവായത്. പിടിയാന നന്ദിനിക്കു പാദരോഗം പിടിപെട്ടസമയത്ത് ഗുരുവായൂർ ഉത്സവത്തിന്‍റെ പള്ളിവേട്ട, ആറാട്ട് ദിവസങ്ങളിൽ ഗോപീകണ്ണൻ തിടമ്പേറ്റി ഓട്ടപ്രദക്ഷിണം നടത്തിയിരുന്നു. സംസ്ഥാനത്തിന്‍റെ വിവിധ ഭാഗങ്ങളിലെ ഉത്സവങ്ങൾക്കും പൂരങ്ങൾക്കും തടമ്പേറ്റിയിരുന്നു. ഇക്കാലത്തിനിടയ്ക്ക് ഒരിക്കൽപ്പോലും അനുസരണക്കേട് കാണിക്കുകയോ പ്രശ്നങ്ങളുണ്ടാക്കുകയോ ചെയ്തിട്ടില്ല. നല്ല ഇണക്കമുള്ള കൊമ്പനായിരുന്നു ഗോപീകണ്ണൻ. ഗൗരവതരമായ ഒരു അസുഖവുമില്ലാതിരുന്ന കൊമ്പൻ ഗോപീകണ്ണന്‍റെ വേർപാടിന്‍റെ വേദനയിലാണ് ആനപ്രേമികളും ദേവസ്വം ആനക്കോട്ടയിലെ ജീവനക്കാരും. ആനയെ കോടനാടെത്തിച്ച് സംസ്കാരം നടത്തി. ഗോപീകണ്ണന്‍റെ വിയോഗത്തോടെ ദേവസ്വത്തിന്‍റെ ആനകളുടെ എണ്ണം 36 ആയി.

തൃശൂർ ലത്തീൻ പള്ളിയിൽ ഊട്ടുതിരുനാൾ പത്തിന്

തൃശൂർ: തിരുഹൃദയ റോമൻ കാത്തലിക് ലത്തീൻ പള്ളിയിൽ വിശുദ്ധ അന്തോണീസിന്‍റെ ഊട്ടുതിരുനാൾ ജൂൺ പത്തിന് ആഘോഷിക്കുമെന്നു വികാരി ഫാ. ആന്‍റണി ചില്ലിട്ടശേരി പത്രസമ്മേളനത്തിൽ പറഞ്ഞു. ഊട്ടുതിരുനാൾ കൊടിയേറ്റം മൂന്നിനു രാവിലെ 10.15നു കോട്ടപ്പുറം രൂപത ബിഷപ് എമരിറ്റസ് ഡോ. ജോസഫ് കാരിക്കശേരി നിർവഹിക്കും. രാവിലെ 6.30, 10.30, വൈകീട്ട് 4.30, രാത്രി ഏഴ് സമയങ്ങളിൽ ദിവ്യബലി, നൊവേന, ആരാധന എന്നിവയുണ്ടാകും. തിരുഹൃദയത്തിരുനാൾ ജൂൺ എട്ടിനു നടക്കും. രാവിലെ 8.30നു ദിവ്യബലിക്കു ഫാ. ജിജൂ ജോർജ് അറക്കത്തറ മുഖ്യകാർമികത്വം വഹിക്കും. ഫാ. ഫ്രാൻസിസ് മോറിസ് ഒഎസ്ജെ വചനപ്രഘോഷണം നടത്തും. രാവിലെ 6.30നും വൈകീട്ട് 5.30നും രാത്രി ഏഴിനും ദിവ്യബലി, നൊവേന. രാവിലെ പത്തിനു നേർച്ചപ്പായസം ആശീർവാദം ഫാ. ജിജു ജോർജ് അറക്കത്തറ നിർവഹിക്കും. പത്തിന് ഊട്ടുതിരുനാൾദിനത്തിൽ രാവിലെ 5.30 മുതൽ രാത്രി ഒന്പതുവരെ തുടർച്ചയായി വിവിധ ഭാഷകളിൽ ദിവ്യബലി, നൊവേന. ആരാധന എന്നിവയുണ്ടാകും. രാവിലെ 6.30നു ഫാ. ബാബു മുട്ടിക്കലും 8.30ന് ഫാ. ജോബി കാട്ടാശേരിയും മുഖ്യകാർമികത്വം വഹിക്കും. രാവിലെ 9.30നു കോട്ടപ്പുറം രൂപത മെത്രാൻ ഡോ. അംബ്രോസ് പുത്തൻവീട്ടിലിനു സ്വീകരണം, തുടർന്ന് ഊട്ടുസദ്യ ആശീർവാദം. രാത്രി പത്തുവരെ ഊട്ടുനേർച്ച ഉണ്ടായിരിക്കും. രാവിലെ 10.30നു തിരുനാൾ ദിവ്യബലി. ‌രണ്ടുലക്ഷംപേർക്കാണ് ഇത്തവണ ഊട്ടുനേർച്ച ഒരുക്കുന്നത്. ഊട്ടുതിരുനാളിനോടനുബന്ധിച്ചു വിവിധ ദിവസങ്ങളിലായി പൂമൂടൽപ്രദക്ഷിണം, വാഹനവെഞ്ചരിപ്പ്, പൊൻനാവുനേർച്ച എന്നിവയുണ്ടാകും. പത്രസമ്മേളനത്തിൽ തിരുനാൾ കമ്മിറ്റി കൺവീനർ ആർ.എസ്. ഷാരോൺ, ജോയിന്‍റ് കൺവീനർ ഡീന ജോൺസൻ, പബ്ലിസിറ്റി കൺവീനർ എബ്രഹാം ബാവലി, കേന്ദ്രസമിതി പ്രസിഡന്‍റ് ബെന്നി ചക്കാലയ്ക്കൽ എന്നിവരും പങ്കെടുത്തു.

മെഗാ ജോബ് ഫെയർ സംഘടിപ്പിച്ചു

തൃശൂർ: അതിരൂപത കെസിവൈഎമ്മും ദീപികയും സംയുക്തമായി ഡോൺ ബോസ്കോ ജോബ് പ്ലേസ്മെന്‍റ് സെല്ലുമായി സഹകരിച്ച് മെഗാ ജോബ് ഫെയർ സംഘടിപ്പിച്ചു. യുവജനങ്ങൾക്ക് സ്വന്തം നാട്ടിൽ തന്നെ ജോലി എന്ന ആശയം മുൻനിർത്തി നടത്തിയ തൊഴിൽമേള ആർച്ച്ബിഷപ് മാർ ആൻഡ്രൂസ് താഴത്ത് ഉദ്ഘാടനംചെയ്തു. കുരിയച്ചിറ സെന്‍റ് ജോസഫ്സ് മോഡൽ ഹയർ സെക്കൻഡറി സ്കൂളിൽ നടന്ന മെഗാ ജോബ് ഫെയറിൽ ടെസ്ല, ആമസോൺ, മുത്തൂറ്റ് ഫിൻകോർപ്, ആദിത്യ ബിർള കാപിറ്റൽ, ഹൈകൺ, ഡാൻ കോർപറേഷൻ തുടങ്ങി ഇന്ത്യയിലെ 32 പ്രമുഖ കമ്പനികൾ പങ്കെടുത്തു. ജില്ലയിലെ വിവിധ പ്രദേശങ്ങളിൽനിന്ന് നൂറുകണക്കിനു യുവജനങ്ങൾ പങ്കെടുത്തു. അതിരൂപത കെസിവൈഎം ഡയറക്ടർ ഫാ. ജിയോ ചെരടായി, അതിരൂപത പ്രസിഡന്‍റ് ജിഷാദ് ജോസ്, ജനറൽ സെക്രട്ടറി മെജോ മോസസ്, വൈസ് പ്രസിഡന്‍റ് സ്നേഹ ബെന്നി, ആനിമേറ്റർ സിസ്റ്റർ ഫ്രാൻസി മരിയ, സെന്‍റ് ജോസഫ്സ് സ്കൂൾ പ്രിൻസിപ്പൽമാരായ ഫാ. ബിജു നന്തിക്കര, ഫാ. ജോൺപോൾ ചെമ്മണ്ണൂർ, സിൻഡിക്കേറ്റ് അംഗം ആഷ്ലിൻ ജെയിംസ്, സെനറ്റ് അംഗങ്ങളായ ഷാരോൺ സൈമൺ, ജുവിൻ ജോസ്, റിൻസി റോയ്, വിവിധ ഫൊറോന യൂണിറ്റ് ഭാരവാഹികൾ, കെസിവൈഎം യൂണിറ്റ് പ്രവർത്തകർ തുടങ്ങിയവർ നേതൃത്വം നൽകി.

വീട്ടില്‍ ഗ്യാസ് സിലിണ്ടര്‍ ചോര്‍ന്നു: രണ്ടുപേര്‍ക്ക് പൊള്ളലേറ്റു

പുതുക്കാട്: കണ്ണമ്പത്തൂരില്‍ വീട്ടില്‍ ഗ്യാസ് സിലിണ്ടര്‍ സര്‍വീസ് ചെയ്യുന്നതിനിടെ ഗ്യാസ് ചോര്‍ന്ന് രണ്ടുപേര്‍ക്ക് പൊള്ളലേറ്റു. കണ്ണംമ്പത്തൂര്‍ പൊന്നാമ്പിടി വീട്ടില്‍ ബിന്ദു, സിലിണ്ടര്‍ സര്‍വീസ് ചെയ്യാനെത്തിയ വട്ടണാത്ര സ്വദേശി കൈനാത്തൂടന്‍ വീട്ടില്‍ അശോകന്‍ എന്നിവര്‍ക്കാണ് പൊള്ളലേറ്റത്. ഗുരുതരമായി പൊള്ളലേറ്റ രണ്ടുപേരെയും തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ ഉച്ചയ്ക്ക് രണ്ടുമണിയോടെയാണ് സംഭവം. അടുക്കളയില്‍ സിലിണ്ടര്‍ സര്‍വീസ് ചെയ്യുന്നതിനിടെയാണ് തീപടര്‍ന്നതെന്ന് കരുതുന്നു. വലിയ ശബ്ദത്തില്‍ പൊട്ടിത്തെറി കേട്ടതായും സമീപവാസികള്‍ പറഞ്ഞു. വീടിന്‍റെ ജനല്‍ച്ചില്ലുകള്‍ പൊട്ടുകയും കര്‍ട്ടണുകള്‍ കത്തിയ നിലയിലുമാണ്. അടുക്കളയുടെ സ്ലാബില്‍വച്ചിരുന്ന മൊബൈല്‍ ഫോണ്‍ കത്തിനശിച്ചു. ശുചിമുറിയുടെ വാതിലും ഫാനും തകര്‍ന്നുവീണു. പൊള്ളലേറ്റ ഇരുവരും പുറത്തേക്കിറങ്ങി നിലവിളിച്ചപ്പോഴാണ് സമീപവാസികള്‍ അറിയുന്നത്. ഉടന്‍തന്നെ രണ്ടുപേരെയും നാട്ടുകാര്‍ചേര്‍ന്ന് പുതുക്കാട് താലൂക്ക് ആശുപത്രിയില്‍ എത്തിച്ചശേഷം തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. പുതുക്കാട് പോലീസും ഫയര്‍ഫോഴ്‌സും സ്ഥലത്തെത്തി. ഗ്യാസ് സിലിണ്ടര്‍ ചോരാനിടയായ കാരണം വ്യക്തമല്ലെന്ന് പോലീസ് പറഞ്ഞു.

സിസ്റ്റർ ഡോ. ടി.എൽ. ബീന സെന്‍റ് മേരീസിന്‍റെ പടിയിറങ്ങുന്നു

തൃശൂർ: കാൽനൂറ്റാണ്ടുകാലത്തെ സ്തുത്യർഹസേവനത്തിനുശേഷം പ്രിൻസിപ്പൽ സിസ്റ്റർ ഡോ. ടി.എൽ. ബീന (സിസ്റ്റർ നമിത റോസ്) സെന്‍റ് മേരീസ് കോളജിന്‍റെ പടിയിറങ്ങുന്നു. കോളജിന് ഓട്ടോണമസ് പദവിയും നാക് നാലാം സൈക്കിൾ അക്രഡിറ്റേഷൻ എ പ്ലസും നേടിക്കൊടുത്താണു സിസ്റ്റർ ബീനയുടെ മടക്കം. രണ്ടായിരത്തിൽ തൃശൂർ സേക്രഡ് ഹാർട്ട് ഹയർസെക്കൻഡറി വിഭാഗത്തിൽ മലയാളം അധ്യാപികയായി തുടങ്ങിയ സിസ്റ്റർ, 2009ൽ വിമല കോളജ് മലയാളം വിഭാഗം അധ്യാപികയായും തുടർന്നു 14 വർഷം വൈസ് പ്രിൻസിപ്പലുമായി. പ്രിൻസിപ്പലെന്ന നിലയിൽ രണ്ടുവർഷത്തെ ഭരണസാരഥ്യം, ഭാഷാ അധ്യാപിക, മലയാളവിഭാഗം അധ്യക്ഷ, റിസർച്ച് ഗൈഡ്, ഹോസ്റ്റൽ വാർഡൻ എന്നിങ്ങനെ നിരവധി കർമമേഖലകളിൽ വ്യക്തിമുദ്ര പതിപ്പിച്ചു. കത്തോലിക്കാസഭ പത്രത്തിന്‍റെ പത്രാധിപ സമിതി അംഗം, സിആർഐ സെക്രട്ടറി എന്നീ ചുമതലകളും വഹിച്ചു. എസ്ഡബ്ല്യുഎഎച്ച് അന്തർദേശീയ സെമിനാറിലെ ഏറ്റവും നല്ല പ്രബന്ധ അവതാരികയ്ക്കുള്ള പുരസ്കാരം (2015), ഇന്‍റർനാഷണൽ ടാഗോർ അവാർഡ് (2024), തായ്‌ലൻഡിൽ നടന്ന എസിഎൻ ഇന്‍റർനാഷണൽ കോണ്‍ഫ്രൻസിൽ ബെസ്റ്റ് പേപ്പർ അവാർഡ് (2023) എന്നിങ്ങനെ നിരവധി പുരസ്കാരങ്ങൾ നേടി.

തോരാമഴയിൽ തീരാദുരിതം; ജില്ലയിൽ വ്യാപക നാശനഷ്ടം

തൃശൂർ: തോരാമഴ തീരാദുരിതം വിതയ്ക്കുന്നു. കനത്ത മഴയിൽ ജില്ലയിൽ വ്യാപകനാശനഷ്ടം. നേരത്തേ ഓറഞ്ച് അലർട്ട് പ്രഖ്യാപിച്ചിരുന്ന ജില്ലയിൽ ഇന്നലെ രാവിലെയാണ് അതിതീവ്രമഴ പെയ്തത്. ഇതോടെ മഴമുന്നറിയിപ്പ് റെഡ് അലർട്ടാക്കി പുതുക്കി. കഴിഞ്ഞ ദിവസം റെഡ് അലർട്ട് പ്രഖ്യാപിച്ചിരുന്നെങ്കിലും അതു പിൻവലിച്ച് ഓറഞ്ച് അലർട്ടായതോടെ ആശങ്ക കുറഞ്ഞെങ്കിലും പിന്നീട് റെഡ് അലർട്ട് പ്രഖ്യാപിച്ചതോടെ ജനം വീണ്ടും ആശങ്കയിലായി. പലയിടങ്ങളിലും പുഴകൾ നിറഞ്ഞതും നാട്ടുകാരുടെ ഭീതി വർധിപ്പിച്ചു. പുഴകളിലും റോഡുകളിലും മരങ്ങൾ വീണു. പുറനാട്ടുകരയിൽ മണ്ണിടിഞ്ഞു. പലയിടങ്ങളിലെ വെള്ളക്കെട്ടുണ്ടായിട്ടുണ്ട്. ഇന്നലെ ഉച്ചയ്ക്ക് ഒന്നുവരെയുള്ള റിപ്പോർട്ട് പ്രകാരം നാലു വീടുകൾ പൂർണമായും 177 വീടുകൾ ഭാഗികമായും തകർന്നിട്ടുണ്ട്. വ്യാഴാഴ്ച പെയ്ത കനത്ത മഴയിൽമാത്രം ഒരു വീട് പൂർണമായും 13 വീടുകൾ ഭാഗികമായും തകർന്നിട്ടുണ്ട്. മഴ അതിശക്തമായതോടെ ഏഴു ക്യാന്പുകളും ജില്ലയിൽ തുറന്നിട്ടുണ്ട്. 18 കുടുംബങ്ങളെയാണ് ക്യാന്പുകളിലേക്കു മാറ്റിപ്പാർപ്പിച്ചത്. 17കുട്ടികൾ ഉൾപ്പെടെ 64 പേർ ഈ ക്യാന്പുകളിൽ താമസിക്കുന്നുണ്ട്. കെഎസ്ഇബിക്കും മഴയിൽ കനത്ത നഷ്ടം സംഭവിച്ചു. തൃശൂർ സർക്കിളിൽ 1162.283 ലക്ഷം രൂപയുടെയും ഇരിങ്ങാലക്കുട സർക്കിളിൽ 1798.017 ലക്ഷം രൂപയുടെയും നഷ്ടമാണ് കണക്കാക്കിയിരിക്കുന്നത്. ഇതിനുപുറമെ 689.94 ഹെക്ടർ കൃഷി നശിച്ചതിലൂടെ 748.82 ലക്ഷം രൂപയുടെ കൃഷിനാശവും രേഖപ്പെടുത്തിയിട്ടുണ്ട്. ജില്ലയിലെ 3821കർഷകർക്കാണ് മഴക്കെടുതിയിൽ നഷ്ടമുണ്ടായത്. പൊതുമരാമത്ത് റോഡുകൾക്കുമാത്രമായി 13.78 ലക്ഷം രൂപയുടെ കേടുപാടുകളും സംഭവിച്ചിട്ടുണ്ട്. കളക്ടർ അനുമതി നൽകിയെങ്കിലും വാഴാനി ഷട്ടറുകൾ ഇന്നു തുറക്കില്ല തൃശൂർ: മഴ തുടരുന്ന സാഹചര്യത്തിൽ വാഴാനി അണക്കെട്ടിന്‍റെ ഷട്ടറുകൾ ഉയർത്തുന്നതിനു കളക്ടർ അനുമതിനൽകിയെങ്കിലും ഇന്നു ഷട്ടറുകൾ ഉയർത്തില്ല. ആവശ്യസന്ദർഭങ്ങളിൽ അധികജലം പുറത്തേക്ക് ഒഴുക്കി അണക്കെട്ടിന്‍റെ റൂൾ കർവ് ലെവൽ പാലിക്കണമെന്നാണ് ദുരന്തനിവാരണസമിതി ചെയർമാൻ കൂടിയായ കളക്ടറുടെ ഉത്തരവ്. വടക്കാഞ്ചേരി പുഴയിൽ പെയ്ത്തുവെള്ളം നിറഞ്ഞൊഴുകുന്നതിനാൽ അണക്കെട്ടിന്‍റെ ഷട്ടറുകൾകൂടി ഉയർത്തിയാൽ വടക്കാഞ്ചേരി നഗരത്തിൽ ഉൾപ്പെടെ വെള്ളക്കെട്ടിനുള്ള സാധ്യത എറെയാണ്. ഈ സാഹചര്യത്തിൽ പുഴയിലെ ജലനിരപ്പ് താഴ്ന്നതിനുശേഷംമാത്രമേ ഷട്ടർ ഉയർത്താവൂ എന്നു സേവ്യർ ചിറ്റിലപ്പിള്ളി എംഎൽഎ ജലസേചനവിഭാഗം ഉദ്യോഗസ്ഥരോടു നിർദേശിച്ചു. ഇതിനുപുറമെ വാഴാനി ഷട്ടറുകൾ ഉയർത്തി വെള്ളംവിടില്ലെന്നു വാഴാനി അസിസ്റ്റന്‍റ് എൻജിനിയർ പി.എസ്. സാൽവിനും വ്യക്തമാക്കി. പരമാവധി സംഭരണശേഷി 62.48 മീറ്ററുള്ള ഡാമിൽ ഇന്നലെ വൈകീട്ട് നാലിനുവന്ന റിപ്പോർട്ട് പ്രകാരം ജലനിരപ്പ് 50.30 മീറ്റർമാത്രമാണ്. അതിനാൽതന്നെ ഷട്ടർ തുറന്നു പുറത്തുവിടാനുള്ള വെള്ളം ഇതുവരെയായിട്ടില്ലെന്ന് ഉദ്യോഗസ്ഥർ പറഞ്ഞു. പൊതുവേ ജലനിരപ്പ് 59 മീറ്റർ ആകുന്പോഴാണ് സാധാരണനിലയിൽ ഡാമിന്‍റെ ഷട്ടറുകൾ ചെറുതായി തുറക്കാറുളളത്. വരുംദിവസങ്ങളിൽ പുഴയിൽ വെള്ളത്തിന്‍റെ ഒഴുക്കു കുറഞ്ഞാൽ ഡാമിൽനിന്ന് കുടിവെള്ളത്തിനായി സ്ലൂയിസ് വാൽവ് തുറന്നു വെള്ളം പുറത്തേക്കു വിടുമെന്നും അതിൽ ആശങ്ക വേണ്ടെന്നും ഉദ്യോഗസ്ഥർ അറിയിച്ചു.

മുറിയിൽ മരിച്ച നിലയിൽ

ചാവക്കാട്: കടപ്പുറം തൊട്ടാപ്പ് പുളിഞ്ചുവട്ടിൽ കുട പള്ളിക്ക് കിഴക്ക് പുതുവീട്ടിൽ പരേതനായ മുഹമ്മദ് മകൻ ഹനീഫ (55) സലാലയിൽ മുറിയിൽ മരിച്ച നിലയിൽ കണ്ടെത്തി. കബറടക്കം പിന്നീട് അഞ്ചങ്ങാടി ഉപ്പാപ്പ പള്ളി കബർസ്ഥാനിൽ. കരിക്ക് കച്ചവടം ചെയ്യുന്ന ഹനീഫ മുറിയിൽ വിശ്രമത്തിന് പോയതായിരുന്നു. കാണാതായതിനെ തുടർന്ന് അന്വേഷിച്ചപ്പോഴാണ് മുറിയിൽ മരിച്ച നിലയിൽ കണ്ടെത്തിയത്. ഭാര്യ: ആരിഫ. മക്കൾ: അറഫ, അർഫാൻ ഹനീഫ് (ഇരുവരും വിദ്യാർഥികൾ ഏങ്ങണ്ടിയൂർ സെന്‍റ് തോമസ് ഹൈസ്കൂൾ). മാതാവ്: പരേതയായ ഫാത്തിമ.

വയോധികനെ കുളത്തിൽ മരിച്ച നിലയിൽ കണ്ടെത്തി

നടത്തറ: വയോധികനെ കുളത്തിൽ മരിച്ച നിലയിൽ കണ്ടെത്തി. കൊഴുക്കുള്ളി സ്വദേശി പൊങ്ങണംമൂല വീട്ടിൽ വിശ്വംഭരൻ(70) ആണ് മരിച്ചത്. ഇന്നലെ രാവിലെയാണ് കുളത്തിൽ മൃതദേഹം കണ്ടെത്തിയത്. ഫയർ ഫോഴ്സ് എത്തിയാണ് മൃതദേഹം പുറത്ത് എടുത്തത്. മണ്ണുത്തി പോലീസ് മേൽ നടപടികൾ സ്വീകരിച്ചു. ദിവസവും രാവിലെ നടക്കാൻ പോവാറുള്ള വിശ്വംഭരൻ പതിവുപോലെ പുലർച്ചെ വീട്ടിൽ നിന്നും നടക്കാൻ പോയതായും മകൻ പറഞ്ഞു. ഭാര്യ മരിച്ചതിനു ശേഷം വിശ്വംഭരൻ മാനസിക വിഷമത്തിലായിരുന്നു എന്നും പറയുന്നു.

പഠനത്തിന് അന്ധത ബാധിക്കാത്ത അധ്യാപകൻ യാത്രയായി

ചാവക്കാട്: അകകണ്ണുകൊണ്ട് വിദ്യ പകർന്ന ജയപാലൻ വിട പറഞ്ഞു. ചാവക്കാട് ടൗണിൽ മുനിസിപ്പൽ കെട്ടിടത്തിൽ കോളജ് ഓഫ് കൊമേഴ്സ് എന്ന ട്യൂഷൻ സെന്‍റർ നടത്തുന്ന മണത്തല അയിനിപ്പുള്ളികറുത്താൻ ജയപാൽ (54) അന്തരിച്ചു. സംസ്കാരം നടത്തി. കാഴ്ചശക്തിയില്ലെങ്കിലും വിദ്യാർഥികളെ പഠിപ്പിക്കാനുള്ള മാഷുടെ അസാധാരണ കഴിവ് തിരിച്ചറിഞ്ഞ രക്ഷിതാക്കൾ കുട്ടികളെ ഇവിടെ ചേർക്കാൻ മത്സരമായിരുന്നു. നൂറു കണക്കിന് വിദ്യാർഥികളും നിരവധി അധ്യാപകരുമായി സമാന്തര സ്കൂൾ പോലെയായിരുന്നു കൊമേഴ്സ് സ്ഥാപനം. ഇവിടെ ചേർത്താൽ കുട്ടികൾ പരാജയപ്പെടുകയില്ലെന്നാണ് മാതാപിതാക്കൾ പറയുക. ചാവക്കാട് മേഖലയിലെ ട്യൂഷൻ കേന്ദ്രങ്ങളിൽ മികച്ച സ്ഥാപനമായിരുന്നു. ബ്ലൈന്‍റ് ഫെഡറേഷൻ, വൺ ഇന്ത്യ വൺ പെൻഷൻ മൂവ്മെന്‍റ് എന്നീ സംഘടകളുടെ ഭാരവാഹിയാണ് ജയപാൽ. ഭാര്യ: ജിനി മകൻ : ശ്രാവൺ (ബി. ടെക് വിദ്യാർഥി)

മണ്ണുത്തി മേൽപ്പാലത്തിനു സമീപം കാർ മറിഞ്ഞ് അപകടം

മണ്ണുത്തി: മേൽ പാലത്തിന് സമീപം വെള്ളക്കെട്ടിൽപെട്ട കാർ നിയന്ത്രണം വിട്ട് മറിഞ്ഞു. കാർ യാത്രക്കാർ പരിക്കേൽകാതെ രക്ഷപ്പെട്ടു. എറണാകുളത്തുനിന്ന് ട്രിച്ചിയിലേക്ക് പോവുകയായിരുന്ന കാറാണ് അപകടത്തിൽപ്പെട്ടത്. എറണാകുളം സ്വദേശികളായ നിസാമുദ്ദീൻ, സുഹൃത്ത് കൈയ്സ്, കെയ്സിന്‍റെ പിതാവ് അൻവർ എന്നിവരാണ് കാറിലുണ്ടായിരുന്നത്. മേൽപ്പാലത്തിൽ വെളിച്ചക്കുറവ് ഉണ്ടായതും അപകടത്തിന് കാരണമായതായി കാർ യാത്രക്കാർ പറഞ്ഞു പോലീസും ചേർന്നാണ് രക്ഷാപ്രവർത്തനം നടത്തിയത്.

ഓടിക്കൊണ്ടിരിക്കുന്ന കാർ തലകീഴായി മറിഞ്ഞു

ചേലക്കര: ഓടിക്കൊണ്ടിരിക്കുന്ന കാർ നിയന്ത്രണം തെറ്റി ഡിവൈഡറിൽ ഇടിച്ച് തലകീഴായി മറിഞ്ഞു. യാത്രക്കാരനായ യുവാവ് പരിക്കേൽക്കാതെ രക്ഷപ്പെട്ടു. പൈങ്കുളം റെയിൽവേ ഗേറ്റിന് സമീപം ഇന്നലെ രാവിലെ 9.30നാണ് അപകടം. മലപ്പുറം പെരിന്തൽമണ്ണ ഏലംകുളം സ്വദേശി നൗഷാദിന്‍റെ കാറാണ് നിയന്ത്രണം തെറ്റി തലകീഴായി മറിഞ്ഞത്. പൈങ്കുളം റോഡിലെ സ്വകാര്യ റിസോർട്ടിൽ മാർബിൾ അസോസിയേഷൻ സമ്മേളനം നടക്കുന്നതിന്‍റെ ഭാഗമായി പങ്കെടുക്കാൻ എത്തിയതായിരുന്നു നൗഷാദ്. പൈങ്കുളം റെയിൽവേ ഗേറ്റ് അടച്ചതിനെ തുടർന്ന് കാർ തിരിച്ച് ചെറുതുരുത്തിയിലേക്ക് പോകുമ്പോഴാണ് അപകടം. പുല്ലിൽ മൂടിക്കിടന്നിരുന്ന ഡിവൈഡർ കാണാതെ നിയന്ത്രണം തെറ്റിയാണ് കാർ തലകീഴായി മറിഞ്ഞത്. ചെറുതുരുത്തി പൊലിസ് സ്ഥലത്തെത്തി.

തമ്പുരാട്ടിപ്പടിയിൽ ഗതാഗതക്കുരുക്ക്; പൊടിയിട്ടു കുഴിയടച്ച് അധികൃതർ

പട്ടിക്കാട്: ദേശീയപാതയിലെ വലിയ ഗതാഗതക്കുരുക്കിനിടയിലും തൂമ്പകൊണ്ട് പാറപ്പൊടി വാരിയിട്ട് കുഴിയടയ്ക്കാൻ ശ്രമിക്കുകയാണ് ദേശീയപാത അധികൃതർ. മറ്റൊരു തൊഴിലാളി പ്ലാസ്റ്റിക് കുട്ടകൊണ്ട് കുഴിയിലെ വെള്ളം കോരിക്കളയുന്നു. പണികൾക്ക് നേതൃത്വം നൽകാൻ ഒരു സൂപ്പർവൈസറും അവർക്കൊപ്പം ഉണ്ട്. ദേശീയപാത തമ്പുരാട്ടിപ്പടിയിലാണ് നിർമാണക്കമ്പനിയുടെ നാടകം അരങ്ങേറിയത്. കല്ലിടുക്ക് മുതൽ തമ്പുരാട്ടിപ്പടിവരെ ഇന്നലെ രാവിലെമുതൽ തുടങ്ങിയതാണ് ഗതാഗതക്കുരുക്ക്. പ്രധാനപാതയിലൂടെ ഒറ്റവരിയായി വരുന്ന വാഹനങ്ങൾ മൂന്നുവരി പാതയിലേക്ക് പ്രവേശിക്കുന്ന ഭാഗത്ത് റോഡ് തകർന്നതാണ് ഗതാഗതക്കുരുക്കിന് കാരണമായത്. എന്നാൽ വൈകുന്നേരമായിട്ടും ഗതാഗതക്കുരുക്കിനു പരിഹാരം കാണാൻ ദേശീയപാത അധികൃതർക്ക് സാധിച്ചില്ല. അടിയന്തരമായി കുഴിയടച്ച് വാഹനങ്ങൾ കടത്തിവിടേണ്ടതിനുപകരമാണ് രണ്ട് തൊഴിലാളികളെ നിർത്തി കുഴിയടയ്ക്കാൻ ശ്രമിക്കുന്നത്. വാണിയംപാറ മുതൽ ആറാംകല്ല് വരെ മണിക്കൂറുകളാണ് വാഹനങ്ങൾ വരിയിൽ കിടക്കുന്നത്. ബന്ധപ്പെട്ട ഉദ്യോഗസ്ഥരുടെ അനാസ്ഥ മാത്രമാണ് ഇതിനു കാരണമെന്നാണ് ജനങ്ങൾ പറയുന്നത്.

വെള്ളക്കെട്ടുഭീഷണിയിൽ സൗഹൃദ ലെയ്ൻ നിവാസികൾ

നടത്തറ: വലക്കാവ് - താളിക്കുണ്ട് റോഡുമായി ബന്ധിപ്പിക്കുന്ന നെല്ലാനി- സൗഹൃദ ലൈൻ റോഡിന്‍റേയും കലുങ്കിന്‍റേയും പണി പൂർത്തിയാകാത്തതിനാൽ പ്രദേശവാസികൾ വെള്ളക്കെട്ട് ഭീഷണിയിൽ. 2023 ജൂലൈ ആറിനാണ് റോഡും കലുങ്കും ഇടിഞ്ഞ് പോയത്. സൗഹൃദ ലെയ്ൻ നിവാസികൾ പിറ്റേന്നുതന്നെ നടത്തറ പഞ്ചായത്ത് അധികൃതർക്ക് പരാതി നൽകുകയും ചെയ്തിരുന്നു. പരാതിയുടെ അടിസ്ഥാനത്തിൽ കഴിഞ്ഞ ജനുവരിയിൽ ഇടിഞ്ഞുപോയ പാലത്തിനോടുനുബന്ധിച്ചുള്ള പണി ആരംഭിച്ചുവെങ്കിലും ഇതുവരെയും പൂർത്തിയായിട്ടില്ല. പഞ്ചായത്തിൽ സ്ഥിരമായി എഇ ഇല്ലാത്തതാണ് പണികൾ ഇഴഞ്ഞ് നീങ്ങാൻ കാരണമെന്ന് പ്രദേശവാസികൾ പറഞ്ഞു. മഴക്കാലത്ത് സ്ഥിരമായി വെള്ളം കയറുന്ന സ്ഥലമായതിനാൽ അടിയന്തിരമായി പാലത്തിന്‍റെ പണി പൂർത്തിയാക്കണമെന്ന് നാട്ടുകാർ ആവശ്യപ്പെട്ടു. തോട്ടിലെ മണ്ണ് നീക്കി വൃത്തിയാക്കണമെന്നും നാട്ടുകാർ ആവശ്യപ്പെട്ടു.

ലഹരിക്കെതിരായ പോരാട്ടത്തില്‍ വിദ്യാർഥികൾ പങ്കാളികളാകണം: കെ.കെ. രാമചന്ദ്രൻ എംഎൽഎ

പുതുക്കാട്: ലഹരിക്കെതിരേ നടക്കുന്ന പ്രതിരോധപ്രവർത്തനങ്ങളിലും പഠനത്തോടൊപ്പം കലാകായികരംഗത്തും വിദ്യാർഥികൾ ഇടപെടൽ നടത്തണമെന്ന് കെ.കെ. രാമചന്ദ്രൻ എംഎൽഎ. ദീപികയുടെ നേതൃത്വത്തിൽ എസ്എസ്എൽസി, പ്ലസ്ടു പരീക്ഷകളിൽ ഉന്നതവിജയം നേടിയ വിദ്യാർഥികളെയും നൂറുശതമാനം വിജയം കൈവരിച്ച സ്കൂളുകളെയും ആദരിക്കുന്ന ചടങ്ങ് പുതുക്കാട് പ്രജ്യോതിനികേതൻ കോളജിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സർട്ടിഫിക്കറ്റുകളും മെമന്‍റോയും എംഎൽഎ വിതരണംചെയ്തു. പ്രജ്യോതിനികേതൻ കോളജ് സ്ഥാപകനും മാനേജരുമായ റവ. ഡോ. ഹർഷജൻ പഴയാറ്റിൽ, ദീപിക മാർക്കറ്റിംഗ് കോ-ഓർഡിനേറ്റർ ഫാ. ജിയോ ചെരടായി, റസിഡന്‍റ് മാനേജർ ഫാ. ജിയോ തെക്കിനിയത്ത്, പ്രജ്യോതിനികേതൻ പ്രിൻസിപ്പൽ ഡോ. സിമി വർഗീസ്, സർക്കുലേഷൻ ഏരിയ മാനേജർ എം.ഡി. ചാക്കോ എന്നിവർ പ്രസംഗിച്ചു. എഡ്യുപോർട്ടാണു പരിപാടിയുടെ സ്പോണ്‍സർ.

തോട്ടപ്പടിയിൽ കാർ ഡിവൈഡറിൽ ഇടിച്ചുതകർന്നു

മണ്ണുത്തി: ദേശീയപാത മണ്ണുത്തിയിൽ നിയന്ത്രണം വിട്ട കാർ ഡിവൈഡറിൽ ഇടിച്ചു തകർന്നു. കനത്ത മഴയിൽ വെള്ളക്കെട്ട് മൂലം നിയന്ത്രണം വിട്ട് കാർ മറിയുകയായിരുന്നു. തോട്ടപ്പടി അടിപ്പാത ഇറങ്ങി വരുകയായിരുന്ന കാറാണ് ഡിവൈഡറിലെ അയൺ ക്രാഷ് ബാരിയറിൽ ഇടിച്ച് റോഡിന് കുറുകെ നിന്നത്. കാർ യാത്രക്കാർ പരിക്കേൽക്കാതെ രക്ഷപ്പെടു. നാലു യുവാക്കളാണ് വാഹനത്തിൽ ഉണ്ടായിരുന്നത്. പട്ടിക്കാട് നിന്ന് തൃശൂരിലേക്ക് വരുന്നതിനിടെയായിരുന്നു അപകടം.

കോൺഗ്രസ് പ്രതിഷേധധർണ നടത്തി

ചാലക്കുടി: ദേശീയപാതയിലെ അശാസ്ത്രീയ നിർമാണങ്ങൾക്കും ഗതാഗതക്കുരുക്കിനുമെതിരേ ബ്ലോക്ക് കോൺഗ്രസ് കമ്മിറ്റി പ്രതിഷേധധർണ നടത്തി. സനീഷ് കുമാർ ജോസഫ് എംഎൽഎ ഉദ്ഘാടനംചെയ്തു. ബ്ലോക്ക് കോൺഗ്രസ് പ്രസിഡന്‍റ് വി.ഒ. പൈലപ്പൻ അധ്യക്ഷതവഹിച്ചു. മുനിസിപ്പൽ ചെയർമാൻ ഷിബു വാലപ്പൻ, വൈസ് ചെയർമാൻ സി. ശ്രീദേവി, ഷോൺ പെല്ലിശേരി, കെ. ജെയിംസ് പോൾ, മേരി നളൻ എന്നിവർ പ്രസംഗിച്ചു. വഴിയമ്പലം: കയ്പമംഗലം ബ്ലോക്ക് കോൺഗ്രസ് കമ്മിറ്റിയുടെ ആഭിമുഖ്യത്തിൽ കയ്പമംഗലത്ത് പ്രതിഷേധ മാർച്ചും കൂട്ടധർണയും നടത്തി. കെപിസിസി എക്സിക്യൂട്ടീവ് അംഗം കെ.കെ. കൊച്ചുമുഹമ്മദ് സമരം ഉദ്ഘാടനംചെയ്തു. ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് സുനിൽ പി.മേനോൻ അധ്യക്ഷതവഹിച്ചു. ഡിസിസി ജനറൽ സെക്രട്ടറി ടി.എം. നാസർ മുഖ്യപ്രഭാഷണം നടത്തി. ജില്ലാ കോൺഗ്രസ് സെക്രട്ടറിമാരായ സി.എസ്. രവീന്ദ്രൻ, സി.സി. ബാബുരാജ്, ഡിസിസി അംഗങ്ങളായ സജയ് വയനപ്പിള്ളി, മണി കാവുങ്ങൽ, സി.ജെ.പോൾസൺ എന്നിവർ പ്രസംഗിച്ചു.

മൊബൈൽ വെറ്ററിനറി യൂണിറ്റ് ഫ്ലാഗ്ഓഫ് ചെയ്തു

ചാലക്കുടി: ബ്ലോക്ക് പഞ്ചായത്ത് മൊബൈൽ വെറ്ററിനറി യൂണിറ്റിന്‍റെ ഫ്ലാഗ്ഓഫ് സനീഷ്കുമാർ ജോസഫ് എംഎൽഎ നിർവഹിച്ചു. ബ്ലോക്ക് പഞ്ചായത്ത് പ്രസിഡന്‍റ് വേണു കണ്ടരുമഠത്തിൽ അധ്യക്ഷതവഹിച്ചു. നഗരസഭ ചെയർമാൻ ഷിബു വാലപ്പൻ, ബ്ലോക്ക് പഞ്ചായത്ത് വൈസ് പ്രസിഡന്‍റ് വനജ ദിവാകരൻ, സ്റ്റാൻഡിംഗ് കമ്മിറ്റി ചെയർമാൻമാരായ പി.കെ. ജേക്കബ് ബീന രവീന്ദ്രൻ, സി.വി. ആന്‍റണി എന്നിവർ പ്രസംഗിച്ചു.

സ്വകാര്യബസും ഓട്ടോറിക്ഷയും കൂട്ടിയിടിച്ചു

കൊരട്ടി: പൊങ്ങം - മംഗലശേരി റോഡിൽ റെയിൽവേ മേൽപ്പാലത്തിനു സമീപമുള്ള വളവിൽ സ്വകാര്യ ബസും ഓട്ടോറിക്ഷയും കൂട്ടിയിടിച്ച് മൂന്നുപേർക്ക് സാരമായി പരിക്കേറ്റു. ഓട്ടോ ഡ്രൈവർ കൊരട്ടി സ്വദേശി മാടശേരി വർഗീസി(57)നെ കാലിനും ഇടുപ്പെല്ലിനും മൂക്കിനും ഗുരുതരപരിക്കുകളോടെ ആദ്യം കറുകുറ്റിയിലെ സ്വകാര്യ ആശുപത്രിയിലും പിന്നീട് ചാലക്കുടിയിലെ സ്വകാര്യ ആശുപത്രിയിലും പ്രവേശിപ്പിച്ചു. ഓട്ടോ യാത്രികരായ മറ്റു രണ്ടുപേരെ പരിക്കുകളോടെ കറുകുറ്റിയിലെ ആശുപത്രിയിൽ പ്രവേശിപ്പിച്ചു. ഇന്നലെ രാവിലെ 9.35 മണിയോടെയായിരുന്നു സംഭവം. കൊരട്ടി ഭാഗത്തുനിന്ന് കറുകുറ്റിയിലേക്ക് പോകുന്നതിനിടെയാണ് ഓട്ടോ അപകടത്തിൽപ്പെട്ടത്. അപകടസാധ്യതയേറെയുള്ള വളവാണിത്. അടിപ്പാത നിർമാണത്തിന്‍റെ ഭാഗമായി ദേശീയപാത പൊങ്ങം മുതൽ മുരിങ്ങൂർവരെ ഗതാഗതക്കുരുക്ക് രൂപപ്പെടുമ്പോൾ അങ്കമാലി ഭാഗത്തുനിന്നുള്ള വാഹനങ്ങളെ പോലീസ് വഴിതിരിച്ചുവിടുന്നത് ഈ വഴിയാണ്. കൂടാതെ തിരക്കൊഴിവാക്കാൻ കൊരട്ടിയുടെ പടിഞ്ഞാറൻ ഭാഗങ്ങളിൽനിന്നു അങ്കമാലി ഭാഗത്തേക്കുപോകാൻ ജനങ്ങൾ ആശ്രയിക്കുന്നതും ഈ വഴിയാണ്. പാതയിലെ വാഹനങ്ങളുടെ ബാഹുല്യവും തോരാതെ പെയ്ത മഴയും വില്ലനായി മാറി.

അധ്യാപക ഒഴിവ്

ചാലക്കുടി: വിജയരാഘവപുരം ഗവ. എച്ച്എസ്എസിലെ ഹയർസെക്കന്‍ഡറി വിഭാഗത്തിൽ ജൂണിയർ തസ്‌തികയിൽ ഇക്കണോമിക്സ‌്, കൊമേഴ്‌സ് എന്നീ അധ്യാപക ഒഴിവിലേക്ക് താത്കാലിക നിയമനം നടത്തുന്നതിനുള്ള ഇന്‍റർവ്യു മെയ് നാളെ രാവിലെ 10ന് ഓഫീസിൽ നടത്തും. ഉദ്യോഗാര്‌ഥികള്‌ അസൽ സർട്ടിഫിക്കറ്റുകളുമായി ഹാജരാകണം. മാള: പുത്തൻചിറ ഗവ.യുപി സ്കൂളിൽ പാർട് ടൈം ജൂണിയർ അറബി ടീച്ചറുടെ ഒഴിവുണ്ട്. ദിവസവേതനാടിസ്ഥാനത്തിലാണ് നിയമനം. കൂടിക്കാഴ്ച നാളെ നടക്കും. ഉദ്യോഗാർഥികൾ അസൽ സർട്ടിഫിക്കറ്റുകളുമായി രാവിലെ 10.30ന് എത്തിച്ചേരണം. മാള: കുഴൂർ ഗവ.ഹൈസ്കൂളിൽ ഹൈസ്കൂൾ വിഭാഗത്തിൽ ഹിന്ദി ടീച്ചറുടെ താത്കാലിക ഒഴിവുണ്ട്. യോഗ്യരായ ഉദ്യോഗാർഥികൾ അസൽ സർട്ടിഫിക്കറ്റുകൾ സഹിതം ജൂൺ മൂന്നിന് രാവിലെ 10.30ന് സ്കൂളിൽ ഹാജരാകണം. കടുപ്പശേരി: കടുപ്പശേരി ഗവ. യുപി സ്‌കൂളില്‍ എല്‍പിഎസ്ടി തസ്തികയിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നു. താല്‍പര്യമുള്ള ഉദ്യോഗാര്‍ഥികള്‍ ഇന്ന് രാവിലെ 11 ന് അസല്‍ സര്‍ട്ടിഫിക്കറ്റുകളും ബയോഡാറ്റയുമായി സ്‌കൂള്‍ ഓഫീസില്‍ അഭിമുഖത്തിന് ഹാജരാകണം. ഇരിങ്ങാലക്കുട: സെന്‍റ് ജോസഫ്‌സ് കോളജില്‍ സൈക്കോളജി വിഭാഗം അധ്യാപക ഇന്‍റര്‍വ്യൂ ജൂണ്‍ രണ്ടിന് രാവിലെ 10 മണിക്ക് നടക്കും. പിഎച്ച്ഡി, നെറ്റ് ഉള്ളവര്‍ക്ക് മുന്‍ഗണന. ഇരിങ്ങാലക്കുട: സെന്‍റ് ജോസഫ്‌സ് കോളജില്‍ സോഷ്യല്‍ വര്‍ക്ക് വിഭാഗം അധ്യാപക ഇന്റര്‍വ്യൂ ജൂണ്‍ മൂന്നിന് രാവിലെ 10 മണിക്ക് നടക്കും. പിഎച്ച്ഡി, നെറ്റ് ഉള്ളവര്‍ക്ക് മുന്‍ഗണന. കല്ലേറ്റുംകര: കെ.കരുണാകരന്‍ മെമ്മോറിയല്‍ മോഡല്‍ പോളിടെക്‌നിക് കോളജില്‍ ഗസ്റ്റ് ലക്ചറര്‍ ഇന്‍ ബയോമെഡിക്കല്‍ എന്‍ജിനിയറിംഗ് തസ്തികയില്‍ താത്കാലിക ഒഴിവുണ്ട്. നിയമനം ആഗ്രഹിക്കുന്നവര്‍ ബയോമെഡിക്കല്‍ എന്‍ജിയറിംഗില്‍ ഫസ്റ്റ് ക്ലാസോടെയുള്ള ബിടെക് നേടിയിട്ടുള്ളവരായിരിക്കണം. കൂടിക്കാഴ്ച അടുത്തമാസം രണ്ടിന് രാവിലെ 10ന് കോളജില്‍ നടക്കും. വിവരങ്ങള്‍ക്ക് 04802720746, 8547005080.

കാറ്റിലും മഴയിലും നാശം, നിരവധി വീടുകളില്‍ വെള്ളംകയറി

ഇരിങ്ങാലക്കുട: മുകുന്ദപുരം താലൂക്കില്‍ രണ്ട് സ്ഥലത്ത് ദുരിതാശ്വാസ ക്യാമ്പുകള്‍ ആരംഭിച്ചു. പടിയൂര്‍ പഞ്ചായത്തിലെ എച്ച്ഡിപി സമാജം സ്‌കൂളില്‍ മൂന്നു കുടുംബങ്ങളിലായി ഒമ്പതുപേരും എടക്കുളം എസ്എന്‍ സ്‌കൂളില്‍ ഒരു കുടുംബത്തിലെ രണ്ടുപേരുമാണ് ക്യാമ്പിലുള്ളത്. പടിയൂര്‍ പഞ്ചായത്തിലെ അഞ്ചാം വാര്‍ഡിലെ പത്തനങ്ങാടി കിഴക്കേഭാഗങ്ങളിലെ താഴ്ന്ന പ്രദേശത്ത് വീടുകളില്‍ വെള്ളം കയറിയതിനെത്തുടര്‍ന്ന് ഒരു കുടുംബത്തെ അയ്യങ്കാളി സാംസ്‌കാരികനിലയത്തിലേക്ക് മാറ്റിത്താമസിച്ചു. കൂടുതല്‍ വീടുകളിലേക്ക് വെള്ളം കയറുന്ന സാഹചര്യമുള്ളതിനാല്‍ പ്രദേശത്തെ കുടുംബങ്ങള്‍ മാറിത്താമസിക്കേണ്ട സ്ഥിതിയാണ്. പുളിക്കലച്ചിറ പാലത്തിന്‍റെ നിര്‍മാണത്തിനായി തടയണ നിര്‍മിച്ചത് വെള്ളം ഒഴുകിപ്പോകാന്‍ തടസമാകുന്നതിനാലാണ് മൂന്നുദിവസം മഴ പെയ്യുമ്പോഴേക്കും പ്രദേശത്ത് വെള്ളം ഉയരാന്‍ കാരണമെന്നും എത്രയും പെട്ടെന്ന് തടയണ ഭാഗത്തുകൂടി വെള്ളം ഒഴുകിപ്പോകാനുള്ള മാര്‍ഗങ്ങള്‍ സ്വീകരിക്കണമെന്നും വാര്‍ഡംഗം നിഷാ പ്രനിഷ് ആവശ്യപ്പെട്ടു. മുനയം ബണ്ട് പൊട്ടിക്കുകയും കൊറ്റംകടവ്, ഇല്ലിക്കല്‍ റെഗുലേറ്ററുകളുടെ ഷട്ടറുകള്‍ തുറക്കുകയും ചെയ്തതോടെ കാറളം പഞ്ചായത്തിലെ താഴ്ന്ന പ്രദേശങ്ങളിലെ വെള്ളക്കെട്ട് ഭീഷണി ഒഴിവായിട്ടുണ്ട്. ശക്തമായ കാറ്റിലും മഴയിലും മരങ്ങള്‍വീണുള്ള അപകടങ്ങള്‍ തുടരുന്നു. ഇരിങ്ങാലക്കുട മേഖലയില്‍ 30 ഇടങ്ങളിലാണ് മരങ്ങള്‍വീണ് വൈദ്യുതിക്കമ്പി പൊട്ടിയും കാലുകളൊടിഞ്ഞും അപകടങ്ങളുണ്ടായത്. പലയിടത്തും മൂന്നുദിവസമായി വൈദ്യുതിബന്ധം തകരാറിലാണ്. കെഎസ്ഇബി വൈദ്യുതി പുനഃസ്ഥാപിക്കാനുള്ള തീവ്രയജ്ഞത്തിലാണ്. കല്ലേറ്റുംകര പട്ടാളം റോഡില്‍ കൂറ്റന്‍ തേക്ക് കനത്ത കാറ്റിലും മഴയിലും കടപുഴകി റോഡില്‍ നിര്‍ത്തിവെച്ചിരുന്ന വൈദ്യുതിക്കമ്പികള്‍ക്കും ബൈക്കിനും മുകളിലൂടെവീണു. കഴിഞ്ഞ ദിവസം രാത്രിയാണ് മരം റോഡിനു കുറുകെ വൈദ്യുതി ലൈനുകള്‍ക്കു മുകളിലൂടെ വീണത്. ശക്തായ കാറ്റിലും മഴയിലും പൊറത്തിശേരിയില്‍ തെങ്ങുവീണ് വീട് തകര്‍ന്നു. ഇരിങ്ങാലക്കുട നഗരസഭ വാര്‍ഡ് 33ല്‍ വേലക്കപ്പാടി ശശിയുടെ വീടാണ് വീണ് തകര്‍ന്നത്. തൊട്ടടുത്തുള്ള പറമ്പിലെ തെങ്ങാണ് വീടിന് മുകളിലേക്ക് വീണത്. വെള്ളാങ്കല്ലൂര്‍ പഞ്ചായത്തില്‍ വ്യാപകമായ നാശം സംഭവിച്ചിട്ടുണ്ട്. പലയിടത്തും മരങ്ങള്‍ കടപുഴകി. കൃഷിനാശവും ഉണ്ട്. മരങ്ങള്‍ വൈദ്യുതി ലൈനില്‍വീണ് നിരവധി സ്ഥലങ്ങളില്‍ വൈദ്യുതിവിതരണം മുടങ്ങി. കോഴിക്കാട് പ്രദേശത്ത് കൊല്ലംപറമ്പില്‍ അശോകന്‍റെ വീട്ടുവളപ്പിലെ നിരവധി കവുങ്ങുകള്‍ ഒടിഞ്ഞു. വീടിനു മുകളിലേക്കുവീണ് വീടിനും നാശനഷ്ടമുണ്ട്. പൂവത്തുംകടവ് വള്ളിവട്ടം തൂമാട്ട് സജീവിന്‍റെ വീടിനുമുകളിലേക്ക് അടുത്ത വീട്ടിലെ തേക്കിന്‍റെ കൊമ്പൊടിഞ്ഞുവീണ് നാശനഷ്ടമുണ്ടായി. കരൂപ്പടന്ന പാരിജാതപുരം ക്ഷേത്രത്തിനുസമീപം മരം ഒടിഞ്ഞുവീണ് വൈദ്യുതിക്കമ്പികള്‍ പൊട്ടി. വൈദ്യുതിക്കാലുകളും ചെരിഞ്ഞു. പുല്ലൂര്‍ കൊളയാട്ടില്‍ ബിജുവിന്‍റെ വീടിനു മുകളില് മരംവീണ് വീട് ഭാഗികമായി തകര്‍ന്നു. കുഴിക്കാട്ടുകോണം തറയില്‍ അപ്പുക്കുട്ടന്‍റെ വീടിന് മുകളിലേക്ക് കവുങ്ങ് വീണ് വീടിന് ഭാഗികമായ നാശനഷ്ടം സംഭവിച്ചു.

തിരുനാളിനു കൊടിയേറി

ചാലക്കുടി: ചേനത്തുനാട് സെന്‍റ് മേരീസ് കുരിശുപള്ളിയിൽ പരിശുദ്ധ കന്യകാമറിയത്തിന്‍റെ തിരുനാളിനു ഫാ. പയസ് ചിറപ്പണത്ത് കൊടിയുയർത്തി. ഇന്നു വൈകിട്ട് അഞ്ചിന് ലദീഞ്ഞ്, നൊവേന. നാളെ വൈകിട്ട് അഞ്ചിന് വിശുദ്ധ കുർബാന, ലദീഞ്ഞ്, നൊവേന. ഇരിങ്ങാലക്കുട രൂപത വികാരി ജനറാൾ മോൺ. ജോസ് മാളിയേക്കൽ കാർമികത്വം വഹിക്കും. ഞായറാഴ്ച തിരുനാൾദിനത്തില്‌ വൈകീട്ട് അഞ്ചിന് പ്രസുദേന്തിവാഴ്ച, തിരുനാൾപാട്ടുകുർബാന. ഫാ. സോജോ കണ്ണമ്പുഴ കാർമികത്വംവഹിക്കും. തുടർന്ന് തിരുസ്വരൂപം എഴുന്നള്ളിപ്പ്, വർണമഴ.

വി.കെ. രാജന്‍റെ ചരമവാർഷികം ആചരിച്ചു

കൊടുങ്ങല്ലൂർ: സിപിഐ നേതാവും മുൻ കൃഷിമന്ത്രിയുമായിരുന്ന വി.കെ. രാജന്‍റെ 29-ാംചരമവാർഷികത്തിന്‍റെ ഭാഗമായി അനുസ്മരണസമ്മേളനവും അവാർഡ് ദാനവും നടന്നു. അനുസ്മരണ സമ്മേളനം സിപിഐ ദേശീയ എക്സിക്യൂട്ടീവ് അംഗം കെ.പി. രാജേന്ദ്രൻ ഉദ്ഘാടനംചെയ്തു. സിപിഐ ജില്ലാ സെക്രട്ടറി കെ.കെ. വത്സരാജ് അധ്യക്ഷതവഹിച്ചു. മികച്ച പൊതുപ്രവർത്തകനുള്ള വി.കെ. രാജൻ സ്മാരക പുരസ്കാരം മുൻ എംഎൽഎ എ.കെ. ചന്ദ്രന് സമ്മാനിച്ചു. തുടരും എന്ന സിനിമയുടെ തിരകഥാകൃത്ത് കെ.ആർ. സുനിലിനെ ചടങ്ങിൽ ആദരിച്ചു. കെ.ജി. ശിവാനന്ദൻ, കെ.വി. വസന്തകുമാർ, ടി.കെ. സുധീഷ്, വി.ആർ. സുനിൽകുമാർ എംഎൽഎ, ഇ.ടി. ടൈസൺ എംഎൽഎ, സി.സി. വിപിൻ ചന്ദ്രൻ എന്നിവർ പ്രസംഗിച്ചു.

സ്കൂൾ പരിസരത്തുനിന്ന് പുകയില ഉത്പന്നങ്ങൾ പിടികൂടി

കയ്പമംഗലം: മതിലകത്ത് സ്കൂൾ പരിസരത്തുനിന്ന് പുകയില ഉത്പന്നങ്ങൾ പിടികൂടി. ഓപ്പറേഷൻ ഡി ഹണ്ടിന്‍റെ ഭാഗമായി മതിലകം പോലീസ് സ്റ്റേഷൻ പരിധിയിൽ നടന്ന പ്രത്യേക പരിശോധനയിൽ സ്കൂൾ പരിസരത്തുള്ള എംബി സ്റ്റോഴ്സിൽനിന്നാണ് പുകയില ഉത്പന്നങ്ങൾ പിടികൂടിയത്. വിവിധ കമ്പനികളുടെ 1795 പാക്കറ്റാണ് പിടിച്ചെടുത്തിട്ടുള്ളത്. കടയുടമ മതിലകം സ്വദേശി മുബഷീനെ പോലീസ് അറസ്റ്റ് ചെയ്തു. മതിലകം ഇൻസ്പെക്ടർ എം.കെ. ഷാജി, എഎസ്ഐ തോമസ്, സിവിൽ പോലീസ് ഓഫീസർമാരായ ആന്‍റണി, മുറാദ് എന്നിവർ ചേർന്നാണ് പരിശോധന നടത്തിയത്.

മഴക്കാലപൂര്‍വ ശുചീകരണം വൈകിയതില്‍ വിമര്‍ശനം

ഇരിങ്ങാലക്കുട: ഉദ്ഘാടനംകഴിഞ്ഞ് ഒന്നരവര്‍ഷത്തോളം പിന്നിട്ട ഷീ ലോഡ്ജ് നഗരസഭ നേരിട്ടുനടത്താന്‍ തീരുമാനം. നഗരസഭ നിശ്ചയിച്ച വ്യവസ്ഥകള്‍പ്രകാരം ആരും എറ്റെടുത്ത് നടത്താന്‍ തയാറാകാത്ത സാഹചര്യത്തിലാണ് ഒരുവര്‍ഷത്തേക്ക് നേരിട്ടുനടത്താന്‍ തീരുമാനിച്ചിരിക്കുന്നത്. ഷീ ലോഡ്ജിന്‍റെ നടത്തിപ്പ് കുടുംബശ്രീയെ എല്പിക്കണമെന്ന് ചര്‍ച്ചയില്‍ എല്‍ഡിഎഫ് അംഗങ്ങളായ കെ.ആര്‍. വിജയ, അല്‍ഫോണ്‍സാ തോമസ് എന്നിവര്‍ ആവശ്യപ്പെട്ടു. നഗരസഭ ഏറ്റെടുത്തുനടത്തണമെന്നും വേണ്ടിവന്നാല്‍ കുടുംബശ്രീയുടെ സഹായം തേടാവുന്നതാണെന്നും ബിജെപി അംഗം സന്തോഷ് ബോബന്‍ പറഞ്ഞു. മഴക്കാലപൂര്‍വ ശുചീകരണ പ്രവര്‍ത്തനങ്ങള്‍ നഗരസഭയില്‍ വൈകിയെന്നും തോടുകള്‍ വൃത്തിയാക്കിയിട്ടില്ലെന്നും റോഡുകള്‍ പലതും തകര്‍ന്നുകിടക്കുകയാണെന്നും യോഗത്തില്‍ വിമര്‍ശനം ഉയര്‍ന്നു. തോടുകള്‍ വ്യത്തിയാകാനുള്ള നടപടികള്‍ ആയിട്ടുണ്ടെന്നു ഓരോ വാര്‍ഡിലും തൊഴിലുറപ്പുപദ്ധതി പ്രകാരം 150 പണികള്‍ നടത്താവുന്നതാണെന്നും ചെയര്‍പേഴ്‌സണ്‍ മറുപടിനല്‍കി. ബൈപ്പാസ് റോഡ് പൂതംകുളം ജംഗ്ഷനില്‍നിന്നു ബ്രദര്‍ മിഷന്‍ റോഡിലേക്ക് കണക്ടിംഗ് റോഡ് നിര്‍മിക്കുന്നതിന് സ്ഥലം ഏറ്റെടുക്കുന്നത് സംബന്ധിച്ച അജന്‌ഡ ചര്‍ച്ചകള്‍ക്കുശേഷം മാറ്റിവച്ചു. റോഡ് വികസനം വേണ്ടതാണെങ്കിലും ഭൂമി ഏറ്റെടുക്കല്‍ നഗരസഭയ്ക്ക് കനത്ത ബാധ്യതയായി മാറുമെന്ന് എല്‍ഡിഎഫ് അംഗം അഡ്വ. ജിഷ ജോബി ചര്‍ച്ചയില്‍ ചൂണ്ടിക്കാട്ടി. ഫെയര്‍ വാല്യു നിരക്കില്‍ എറ്റെടുക്കാന്‍ കഴിയുമെന്നും റവന്യു വകുപ്പുമായി വിഷയം സംസാരിച്ചിട്ടുള്ളതാണെന്നും മുന്‍ ചെയര്‍പേഴ്‌സണ്‍ സുജ സഞ്ജീവ്കുമാറും ഗതാഗതക്കുരുക്ക് പരിഹരിക്കാന്‍ റോഡ് അനിവാര്യമാണെന്ന് ഭരണകക്ഷി കൗണ്‍സിലര്‍ പി.ടി. ജോര്‍ജും പറഞ്ഞു. അഭിപ്രായഭിന്നതകള്‍ തുടര്‍ന്ന സാഹചര്യത്തില്‍ അജന്‌ഡ മാറ്റിവച്ചു. നഗരസഭ പരിധിയിലുള്ള പുത്തന്‍തോട് പാലത്തിലും കോന്തിപുലം പാലത്തിലും ബിഒടി വ്യവസ്ഥയില്‍ തെരുവുവിളക്കുകള്‍ സ്ഥാപിക്കാനും യോഗം തീരുമാനിച്ചു. യോഗത്തില്‍ ചെയര്‍പേഴ്‌സണ്‍ മേരിക്കുട്ടി ജോയ് അധ്യക്ഷതവഹിച്ചു.

വ്യാപാരി വ്യവസായി ഏകോപന സമിതി ലീഡേഴ്സ് മീറ്റ് ഒന്നിന്

തൃശൂർ: കേരള വ്യാപാരി വ്യവസായി ഏകോപന സമിതി ലീഡേഴ്സ് മീറ്റ് ജൂണ്‍ ഒന്നിനു രാവിലെ പത്തിന് ഡിബിസിഎൽസി ഹാളിൽ നടക്കും. മന്ത്രി കെ. രാജൻ ഉദ്ഘാടനംചെയ്യും. ജില്ലാ പ്രസിഡന്‍റ് കെ.വി. അബ്ദുൾ ഹമീദ് അധ്യക്ഷത വഹിക്കും. സംസ്ഥാനത്ത് ആദ്യമായി ഭദ്രം, ഭദ്രം പ്ലസ് കുടുംബസുരക്ഷ പദ്ധതികളിലൂടെ 41 മാസംകൊണ്ട് 50 കോടി രൂപ ജീവകാരുണ്യസഹായമായി വിതരണം ചെയ്തതിന്‍റെ പ്രഖ്യാപനവും ഭവനരഹിതർക്ക് വീട് നിർമിച്ചുകൊടുക്കുന്ന പദ്ധതിയുടെ പ്രഖ്യാപനവും മന്ത്രി നിർവഹിക്കും. സമിതി അംഗങ്ങളായ 50,000 വ്യാപാരികൾക്കും രണ്ടരലക്ഷത്തോളം കുടുംബങ്ങൾക്കുമായുള്ള വി കെയർ ആരോഗ്യസുരക്ഷാപദ്ധതി സംസ്ഥാന പ്രസിഡന്‍റ് രാജു അപ്സര ഉദ്ഘാടനം ചെയ്യും. കെവിവിഇഎസ് സംസ്ഥാന വർക്കിംഗ് പ്രസിഡന്‍റ് കുഞ്ഞാവു ഹാജി, സംസ്ഥാന ജനറൽ സെക്രട്ടറി ദേവസ്യ മേച്ചേരി, സംസ്ഥാന ട്രഷറർ എസ്. ദേവരാജൻ എന്നിവർ പ്രസംഗിക്കും. പത്രസമ്മേളനത്തിൽ ജില്ല പ്രസിഡന്‍റ് കെ.വി. അബ്ദുൾഹമീദ്, ജനറൽ സെക്രട്ടറി എൻ.ആർ. വിനോദ്കുമാർ, ട്രഷറർ ജോയ് മുത്തേടൻ, വൈസ് പ്രസിഡന്‍റ് കെ.കെ. ഭാഗ്യനാഥൻ, സെക്രട്ടറി വി.ടി. ജോർജ് എന്നിവർ പങ്കെടുത്തു.

മെഡിക്കൽ കോളജ്, ചാലക്കുടി സബ് ട്രഷറി കെട്ടിടങ്ങളുടെ നിർമാണോദ്ഘാടനം നാളെ

തൃശൂർ/ചാലക്കുടി: മെഡിക്കൽ കോളജ്, ചാലക്കുടി സബ് ട്രഷറി കെട്ടിടങ്ങളുടെ നിർമാണോദ്ഘാടനം നാളെ രാവിലെ 11നു മന്ത്രി കെ.എൻ. ബാലഗോപാൽ നിർവഹിക്കും. മെഡിക്കൽ കോളജ് അലുമ്നി ഹാളിൽ നടക്കുന്ന മെഡിക്കൽ കോളജ് സബ് ട്രഷറി കെട്ടിടത്തിന്‍റെ ശിലാസ്ഥാപനച്ചടങ്ങിൽ സേവ്യർ ചിറ്റിലപ്പിള്ളി എംഎൽഎ അധ്യക്ഷത വഹിക്കും. വൈകിട്ട് മൂന്നിന് ചാലക്കുടി രാജീവ് ഗാന്ധി ടൗണ്‍ഹാളിൽ നടക്കുന്ന ചാലക്കുടി സബ് ട്രഷറി കെട്ടിടത്തിന്‍റെ നിർമാണോദ്ഘാടനച്ചടങ്ങിൽ സനീഷ്കുമാർ ജോസഫ് എംഎൽഎ അധ്യക്ഷനാകും.

വഞ്ചനാദിനം ആചരിച്ചു

തൃശൂർ: ശുചീകരണത്തൊഴിലാളികളെ പൊതുസർവീസിൽ ഉൾപ്പെടുത്തുക, താത്കാലിക ശുചീകരണത്തൊഴിലാളികളെ സ്ഥിരപ്പെടുത്തുക തുടങ്ങിയ ആവശ്യങ്ങൾ ഉന്നയിച്ച് കേരള മുനിസിപ്പൽ കോർപറേഷൻ കണ്ടിജന്‍റ് എംപ്ലോയീസ് കോണ്‍ഗ്രസ് കമ്മിറ്റിയുടെ നേതൃത്വത്തിൽ വഞ്ചനാദിനം ആചരിച്ചു. കോർപറേഷൻ ഓഫീസിനുമുന്നിൽ നടന്ന പരിപാടി ഐഎൻടിയുസി ജില്ലാ പ്രസിഡന്‍റ് സുന്ദരൻ കുന്നത്തുള്ളി ഉദ്ഘാടനം ചെയ്തു. ജില്ലാ ജനറൽ സെക്രട്ടറി വി.എ. ഷംസുദീൻ അധ്യക്ഷത വഹിച്ചു. യൂണിയൻ സംസ്ഥാന സെക്രട്ടറി കെ.എസ്. കണ്ണൻ, വി.ജി. രാജൻ, എസ്. ഹുസൈൻ, വി.ജി. വിനോദ്, രാഗിണി അനീഷ്, എൻ.എം. ജയ, വി.ടി. ഷീന എന്നിവർ പ്രസംഗിച്ചു.

മരങ്ങൾ പുഴയിലേക്കു വീണ് നീരൊഴുക്ക് തടസപ്പെട്ടു

വടക്കാഞ്ചേരി: ശക്തമായ മഴയിലും കാറ്റിലും പുഴയിലേക്കു മരങ്ങൾ വീഴുന്നതു പതിവായതോടെ പുല്ലാനിക്കാട്, അക്കരപ്പാടം എന്നിവിടങ്ങളിലെ പ്രദേശവാസികൾ ആശങ്കയിൽ. നേരത്തേ മൂന്നുതവണ വെള്ളപ്പൊക്കം ഉണ്ടായിട്ടുള്ള പ്രദേശത്തു പുഴയുടെ നീരൊഴുക്ക് തടസപ്പെടുത്തി മരം വീഴുന്നതു മറ്റൊരു വെള്ളപ്പൊക്കത്തിനു കാരണമാകുമെന്ന ഭീതിയാണ് ആശങ്കയ്ക്ക് ഇടയാക്കുന്നത്. കല്ലംകുണ്ട് പാലത്തിനുസമീപം സ്വകാര്യവ്യക്തിയുടെ പറന്പിലെ മരം പുഴയിലേക്കു വീണതിനുപിറകെയാണ് ഉച്ചയോടെ പരപ്പ് പുഴയിലും വലിയ മദിരാശിമരം പൊട്ടിവീണ് പുഴയിലെ നീരൊഴുക്ക് തടസപ്പെടുത്തിയത്. ഒഴുക്ക് കൂടുതലുള്ള പുഴയിലെ നീരൊഴുക്ക് തടസപ്പെട്ടതോടെ സമീപവാസികൾ വെള്ളപ്പൊക്കഭീതിയിൽ സാധനങ്ങൾ കയറ്റിവയ്ക്കുകയും ചെയ്തിരുന്നു. മരങ്ങൾ അടിയന്തരമായി നീക്കംചെയ്യുമെന്നു ഡിവിഷൻ കൗണ്‍സിലർ അറിയിച്ചിരുന്നെങ്കിലും പ്രദേശത്തു പലയിടങ്ങളിലും മരംവീണതോടെ തൊഴിലാളികൾ അവ മുറിച്ചുമാറ്റുന്നതിനായി പോകുകയായിരുന്നു. ഇന്നലെയും ഇന്നും ജില്ലയിൽ ഓറഞ്ച് അലർട്ട് പ്രഖ്യാപിച്ച സാഹചര്യത്തിൽ എത്രയും വേഗം മരങ്ങൾ മുറിച്ചുമാറ്റണമെന്നും അല്ലെങ്കിൽ ജനങ്ങൾ ദുരിതത്തിലാകുമെന്നും നാട്ടുകാർ പറഞ്ഞു.

ഗുരുവായൂർ ക്ഷേത്രഗോപുരത്തിനു വൈദ്യുതദീപങ്ങളുടെ നവശോഭ

ഗുരുവായൂർ: ക്ഷേത്രത്തിന്‍റെ കിഴക്ക്, പടിഞ്ഞാറ് ഗോപുരങ്ങളിലും ചുമർചിത്രങ്ങൾ ആലേഖനംചെയ്ത ചുറ്റുമതിലിലും വൈദ്യുതദീപങ്ങളുടെ നവശോഭ. ക്ഷേത്രഗോപുരങ്ങളിലും ചുറ്റുമതിലിലും കുളത്തിനുചുറ്റും പ്രത്യേക തരം ലൈറ്റുപയോഗിച്ച് വൈദ്യുത അലങ്കാരം നടത്തിയാണ് മനോഹരകാഴ്ച ഒരുക്കിയിട്ടുള്ളത്. ദേവസ്വം ഇലക്ട്രിക്കൽ വിഭാഗം 80 ലക്ഷം ചെലവിലാണ് ദീപപ്രഭ ഒരുക്കിയിട്ടുള്ളത്. ഭക്തർക്കു നിത്യവും ദീപക്കാഴ്ച ആസ്വദിക്കാനാകും. അടുത്ത ദിവസം ഇതിന്‍റെ ഉദ്ഘാടനം നടക്കും.

അപകടാവസ്ഥയിലുള്ള കെട്ടിടങ്ങൾ പൊളിക്കും; തുടക്കം കോർപറേഷൻ കെട്ടിടങ്ങളിൽനിന്ന്

തൃശൂർ: നഗരത്തിൽ അപകടാവസ്ഥയിലുള്ള കെട്ടിടങ്ങൾ പൊളിക്കുന്നതടക്കമുള്ള കർശനനടപടികളിലേക്കു കോർപറേഷൻ കടക്കുന്നു. പലതവണ നോട്ടീസ് കൊടുത്തിട്ടും നടപടി സ്വീകരിക്കാത്ത കെട്ടിടങ്ങൾക്കെതിരേ കടുത്ത നടപടികളെടുക്കുമെന്നു മേയർ എം.കെ. വർഗീസ് അറിയിച്ചു. സ്റ്റെബിലിറ്റി സർട്ടിഫിക്കറ്റ് പോലും ഹാജരാക്കാതെ കോർപറേഷനെ വെല്ലുവിളിക്കുന്ന നിലപാടിലാണ് ചിലരെന്നു മേയർ കുറ്റപ്പെടുത്തി. ദേശീയ ദുരന്തനിവാരണനിയമപ്രകാരമാണ് സ്വരാജ് റൗണ്ടിലുള്ള മനോരമ ബിൽഡിംഗ് കോർപറേഷനും ജില്ലാ ദുരന്തനിവാരണ അഥോറിറ്റിയും ചേർന്നു പൊളിക്കുന്നത്. ഈ നിയമപ്രകാരം കൂടുതൽ കെട്ടിടങ്ങൾ പൊളിച്ചുനീക്കാൻ നടപടികൾ സ്വീകരിക്കും. 227 പഴയ കെട്ടിടങ്ങളിൽ 144 എണ്ണത്തിന്‍റെ കാര്യത്തിൽ തീരുമാനമെടുത്തുകഴിഞ്ഞു. മൂന്നു ഘട്ടമായിട്ടാകും നടപടികളെന്നു മേയർ പറഞ്ഞു. ഏറ്റവും അപകടാവസ്ഥയിലുള്ള കെട്ടിടങ്ങളുടെ കാര്യത്തിലായിരിക്കും ഒന്നാംഘട്ടത്തിൽ അടിയന്തരനടപടിയെടുക്കുക. കെട്ടിട ഉടമകളും വ്യാപാരികളും കെട്ടിടങ്ങളുടെ സുരക്ഷ ഉറപ്പാക്കാൻ ഒന്നുംചെയ്യാത്ത സാഹചര്യത്തിൽ കോർപറേഷൻതന്നെ നേരിട്ടു രംഗത്തിറങ്ങുകയാണെന്നു മേയർ പറഞ്ഞു. കോർപറേഷന്‍റെ ഉടമസ്ഥതയിലുള്ള കെട്ടിടങ്ങളും അപകടാവസ്ഥയിലുള്ളതുകൊണ്ട് അവിടെനിന്നു തന്നെ സുരക്ഷ ഉറപ്പാക്കൽനടപടികളാരംഭിക്കുമെന്നും എം.കെ. വർഗീസ് വ്യക്തമാക്കി.

നിരത്തിൽ പൊലിയുന്ന ജീവന് ഉത്തരവാദി പിണറായിസർക്കാർ: അഡ്വ. ജോസഫ് ടാജറ്റ്

തൃശൂർ: ഗതാഗതക്കുരുക്കുമൂലം ട്രാഫിക് സംവിധാനം താറുമാറായി നിരത്തിൽ പൊലിയുന്ന മനുഷ്യജീവനും പരിക്കുകൾക്കും പിണറായിസർക്കാർ ഉത്തരവാദിയായിരിക്കുമെന്നു ഡിസിസി പ്രസിഡന്‍റ് അഡ്വ. ജോസഫ് ടാജറ്റ്. ഡിസിസിയുടെ ആഹ്വാനപ്രകാരം ബ്ലോക്ക് കോണ്‍ഗ്രസ് കമ്മിറ്റികളുടെ നേതൃത്വത്തിൽ നടക്കുന്ന പ്രതിഷേധത്തിന്‍റെ ജില്ലാതല ഉദ്ഘാടനം തൃശൂർ പിഡബ്ല്യുഡി ഓഫീസിനു മുന്നിൽ നിർവഹിക്കുകയായിരുന്നു അദ്ദേഹം. ഗതാഗതക്കുരുക്കിൽ ജനങ്ങൾ വലയുന്നതു മാധ്യമങ്ങൾ ചൂണ്ടിക്കാട്ടുന്പോൾ പരിഹരിക്കാൻ യാതൊരു നടപടിയും സർക്കാർ സ്വീകരിക്കുന്നില്ലെന്നും ടാജറ്റ് പറഞ്ഞു. അയ്യന്തോൾ ബ്ലോക്ക് കോണ്‍ഗ്രസ് കമ്മിറ്റി പ്രസിഡന്‍റ് കെ.പി. രാധാകൃഷ്ണൻ അധ്യക്ഷത വഹിച്ചു. എ. പ്രസാദ്, രാജൻ പല്ലൻ, ബൈജു വർഗീസ്, കെ.എച്ച്. ഉസ്മാൻഖാൻ എന്നിവർ നേതൃത്വം നൽകി. ചാലക്കുടി- ബെന്നി ബഹനാൻ എംപി, കൊടുങ്ങല്ലൂർ- ടി.എൻ. പ്രതാപൻ, പരിയാരം- സനീഷ്കുമാർ ജോസഫ് എംഎൽഎ, കുന്നംകുളം- ഒ. അബ്ദുൾറഹ്മാൻകുട്ടി, അടാട്ട്- പി.എ. മാധവൻ, ഗുരുവായൂർ-എം.പി. വിൻസെന്‍റ്, മണലൂർ- ജോസ് വള്ളൂർ, പാവറട്ടി- അനിൽ അക്കര, ഒല്ലൂർ- ടി.വി. ചന്ദ്രമോഹൻ, കടവല്ലൂർ- ജോസഫ് ചാലിശേരി, മാള-ടി.യു. രാധാകൃഷ്ണൻ, ഇരിങ്ങാലക്കുട- എം.പി. ജാക്സണ്‍, വടക്കാഞ്ചേരി-രാജേന്ദ്രൻ അരങ്ങത്ത്, കാട്ടൂർ-സുനിൽ അന്തിക്കാട്, പാണഞ്ചേരി- അഡ്വ. ഷാജി കോടങ്കണ്ടത്ത്, പുതുക്കാട്- എ. പ്രസാദ്, നാട്ടിക- ജോണ്‍ ഡാനിയൽ, ചേലക്കര- കെ.ബി. ശശികുമാർ, വടക്കേക്കാട്- സി.സി. ശ്രീകുമാർ, കയ്പമംഗലം- കെ.കെ. കൊച്ചുമുഹമ്മദ്, നാട്ടിക- സി.ഒ. ജേക്കബ്, അളപ്പനഗർ-ഡോ. നിജി ജസ്റ്റീൻ, വള്ളത്തോൾ നഗർ- പി.എൻ. വൈശാഖ് എറിയാട്- ഒ.ജെ. ജനീഷ് തുടങ്ങിയവർ വിവിധ ബ്ലോക്കുകളിൽ സമരം ഉദ്ഘാടനം ചെയ്തു.

പാമ്പുകടിയേറ്റ് മരിച്ചു

വാടാനപ്പള്ളി: തൃശൂർ തേക്കിൻകാട് മൈതാനത്ത് ആൽത്തറയിൽ ഇരിക്കുന്നതിനിടയിൽ പാമ്പുകടിയേറ്റ് ചികിത്സയിലായിരുന്നുയാൾ മരിച്ചു. വാടാനപ്പള്ളി പോലീസ് സ്റ്റേഷനു കിഴക്ക് പുതിയ ബൈപ്പാസ് റോഡ് മേൽപ്പാലത്തിനു സമീപം കുണ്ടലിയൂർ വീട്ടിൽ കുഞ്ഞുമോന്‍റെ മകൻ മധു(51) ആണ് മരിച്ചത്. കഴിഞ്ഞ തിങ്കളാഴ്ച വൈകീട്ട് ആറോടെയായിരുന്നു സംഭവം. ആൽത്തറയിൽ ഇരിക്കുമ്പോഴായിരുന്നു കാലിൽ പാമ്പ് കടിയേറ്റത്. ഉടനെ സ്വകാര്യആശുപത്രിയിൽ എത്തിച്ചിരുന്നു. ഇന്നലെ രാവിലെ മരിച്ചു. മാതാവ്: ലക്ഷ്മീഭായ്. ഭാര്യ: സിമി. മക്കൾ: അശ്മിത (വിദ്യാർഥിനി, പുറനാട്ടുകര ശ്രീ ശാരദ ഹയർ സെക്കൻഡറി സ്കൂൾ), ശ്രീഹരി (വിദ്യാർഥി, പുറനാട്ടുകര ശ്രീരാമകൃഷ്ണ സ്കൂൾ). സഹോദരൻ: മഹേഷ്, മഞ്ജുള.

അപകടം പതിവ്, ആളെക്കൊല്ലും ഈ പാതകള്‍

ഇരിങ്ങാലക്കുട: നഗരത്തിലെ പല റോഡുകളിലൂടെയുള്ള യാത്ര ഏറെ ദുരിതമാണ്. റോഡിലെ അവസ്ഥ കണ്ടാല്‍ തോന്നും മഴക്കുഴികള്‍ റോഡിലാണെന്ന്. കാലവര്‍ഷം തുടങ്ങിയതോടെ മഴയില്‍ കുളമായിരിക്കുകയാണ് പട്ടണത്തിലെ പ്രധാന വീഥികള്‍. പൊതുഗതാഗതത്തിനായി ഏറെ ആശ്രയിക്കുന്ന ബൈപാസ് റോഡ്, സ്വകാര്യ ബസ് സ്റ്റാന്‍ഡില്‍നിന്നും ക്രൈസ്റ്റ് കോളജിലേക്ക് പോകുന്ന റോഡില്‍ സണ്ണി സില്‍ക്ക്‌സിന് മുമ്പിലുള്ള ഭാഗം എന്നിവയാണ് വര്‍ഷങ്ങളായി മോചനമില്ലാതെ കഴിയുന്നത്. ഓരോ വര്‍ഷക്കാലത്തും പൊതുശ്രദ്ധ ഉണ്ടാകുകയും വിമര്‍ശനങ്ങള്‍ ഉയരുകയും അപകടങ്ങള്‍ പതിവാകുകയും ചെയ്യുമ്പോള്‍ അറ്റകുറ്റപണി നടത്തുന്നുണ്ടെങ്കിലും ശാശ്വത പരിഹാരം കാണാന്‍ നഗരസഭ അധികൃതര്‍ക്ക് ഇതുവരെയും കഴിഞ്ഞിട്ടില്ല. അറ്റകുറ്റപണികളുടെ ഇനത്തില്‍ മാത്രം ലക്ഷങ്ങളാണ് ഇതിനകം ചെലവഴിച്ചിട്ടുള്ളത്. ഫാദര്‍ ഡിസ്മസ് റോഡിലൂടെയുള്ള യാത്ര ഏറെ ദുഷ്‌കരമാണ്. വിദ്യാലയങ്ങള്‍ തുറക്കാന്‍ ഇനി ഏതാനും ദിവസങ്ങള്‍ മാത്രമാണുള്ളത്. ഈ വഴിയിലൂടെ വേണം നഗരസഭ പ്രദേശത്തെ പ്രധാന വിദ്യാലയങ്ങളിലേക്ക് പോകേണ്ടത്. ഈ വഴിയിലൂടെ ഓട്ടോകള്‍ ഓട്ടം വിളിച്ചാല്‍ പോകാന്‍ വിസമ്മതിക്കുന്ന അവസ്ഥയാണ്. രണ്ടുമാസം മുമ്പ് ഈ റോഡ് നന്നാക്കണമെന്ന് ആവശ്യപ്പെട്ട് സിപിഎമ്മിന്‍റെ നേതൃത്വത്തില്‍ നില്‍പുസമരം നടത്തിയിരുന്നു. അതിനും നഗരസഭ അധികൃതരുടെ ഭാഗത്തുനിന്നും ഒരു പ്രതികരണവും ഉണ്ടായില്ല. അമൃത് ജലപദ്ധതിയുടെ ഭാഗമായി പൊളിച്ചിട്ട റോഡുകളിലൂടെയുള്ള യാത്ര മഴ പെയ്തതോടെ തീര്‍ത്തും ദുഷ്‌കരമായിതീര്‍ന്നു. തനതുഫണ്ടില്‍ നിന്നുളള്ള 23 ലക്ഷം രൂപ ചെലവഴിച്ച് ബൈപാസ് റോഡ്, സണ്ണിസില്‍ക്ക്‌സ് റോഡ്, ഫാദര്‍ ഡിസ്മസ് റോഡ് എന്നിവ റീടാര്‍ ചെയ്യാന്‍ തീരുമാനിച്ചതാണെന്നും ടെന്‍ഡര്‍ നടപടികള്‍ പൂര്‍ത്തീകരിച്ച ഘട്ടത്തില്‍ പ്രതിപക്ഷത്തിന്‍റെ എതിര്‍പ്പു മൂലം നിര്‍മാണ പ്രവര്‍ത്തികള്‍ ഉപേക്ഷിക്കേണ്ടി വന്നതാണെന്നും നഗരസഭ അധികൃതര്‍ വ്യക്തമാക്കി. റോഡുകളുടെ പുനര്‍നിര്‍മാണത്തിന് പദ്ധതിയില്‍ ഫണ്ട് വകയിരുത്തിയിട്ടുണ്ടെന്നും പ്രതീക്ഷിക്കാെ മഴ നേരത്തെ എത്തിയത് പ്രശ്‌നമായെന്നും താല്‍ക്കാലിക അറ്റകുറ്റപണികള്‍ ഉടന്‍ നടത്തുമെന്നും നഗരസഭ അധികൃതര്‍ പറയുന്നു. അതേസമയം വര്‍ഷകാലം ആരംഭിച്ചിട്ടും നഗരസഭ പ്രദേശത്തെ കാനകള്‍ ഇനിയും വൃത്തിയാക്കിയിട്ടില്ല.

ഇരിങ്ങാലക്കുട റെയില്‍വേ സ്റ്റേഷന്‍ വികസനം; കേന്ദ്രമന്ത്രി സുരേഷ് ഗോപി ഇടപെടുന്നു

കല്ലേറ്റുംകര: ഇരിങ്ങാലക്കുട റെയില്‍വേ സ്റ്റേഷന്‍ വികസനവുമായി ബന്ധപ്പെട്ട് കേന്ദ്രമന്ത്രി സുരേഷ് ഗോപിയുടെ പ്രതിനിധി രാജേഷ് ആര്‍. നായര്‍ സ്റ്റേഷന്‍ സന്ദര്‍ശിച്ചു. സ്റ്റേഷനില്‍ നടത്തേണ്ട കാര്യങ്ങള്‍ സ്റ്റേഷന്‍ മാസ്റ്ററുമായും റെയില്‍വേ പാസഞ്ചേഴ്‌സ് അസോസിയേഷന്‍ ഭാരവാഹികള്‍, റെയില്‍വേ വികസനസമിതി ഭാരവാഹികള്‍ എന്നിവരുമായും ചര്‍ച്ച ചെയ്തു. അമൃത് ഭാരത് പദ്ധതിയിലുള്‍പ്പെടുത്തുന്ന പ്രവര്‍ത്തനങ്ങള്‍ ആരംഭിച്ചതായി പ്രതിനിധി അറിയിച്ചു. ആറുവര്‍ഷമായി പണിയാതെ കിടന്നിരുന്ന ശൗചാലയങ്ങളുടെ നവീകരണം, 20 വര്‍ഷത്തിലേറെയായി മുടങ്ങിക്കിടക്കുന്ന വിശ്രമമുറി നവീകരണം, പ്ലാറ്റ്‌ഫോം ടൈല്‍ വിരിക്കല്‍ എന്നിവയുടെ പ്രവര്‍ത്തനം പൂര്‍ത്തിയാകുന്നതായും പ്ലാറ്റ്‌ഫോമില്‍ അഞ്ച് ഷെല്‍ട്ടറുകള്‍ ഉടന്‍ എത്തുമെന്നും അറിയിച്ചു. പാസഞ്ചേഴ്‌സ് അസോസിയേഷന്‍ പ്രസിഡന്‍റ് ഷാജു ജോസഫ്, റെയില്‍വേ വികസനസമിതി പ്രസിഡന്‍റ് വര്‍ഗീസ് പന്തല്ലൂക്കാരന്‍, സെക്രട്ടറി ശശി ശാരദാലയം, ബിജെപി ജില്ലാ പ്രസിഡന്‍റ്് എ.ആര്‍. ശ്രീകുമാര്‍, ജില്ലാ ജനറല്‍ സെക്രട്ടറി കൃപേഷ് ചെമ്മണ്ട, മണ്ഡലം, ജില്ലാ ഭാരവാഹികള്‍ എന്നിവരും സ്റ്റേഷനിലെത്തിയിരുന്നു. സുരേഷ് ഗോപി നേരിട്ട് ചര്‍ച്ചയ്ക്ക് തയാറാകണം കല്ലേറ്റുംകര: ഇരിങ്ങാലക്കുട റെയില്‍വേ സ്റ്റേഷനില്‍ പിന്‍വലിച്ച സ്റ്റോപ്പുകളുടെയും അര്‍ഹമായ മറ്റു വണ്ടികള്‍ക്കുള്ള സ്റ്റോപ്പുകളുടെയും കാര്യത്തില്‍ കേന്ദ്രമന്ത്രി സുരേഷ് ഗോപി നിലപാടു വ്യക്തമാക്കണമെന്ന് കല്ലേറ്റുംകര റെയില്‍വേ സ്റ്റേഷന്‍ സമരസമിതി മുഖ്യ സംഘാടകന്‍ വര്‍ഗീസ് തൊടുപറമ്പില്‍ പ്രസ്താവനയില്‍ ആവശ്യപ്പെട്ടു. അഞ്ച് നിയോജകമണ്ഡലങ്ങളിലെ ഇരുപതോളം പഞ്ചായത്തുകളിലെ ജനങ്ങളുടെ പ്രശ്‌നമാണ് ഇരിങ്ങാലക്കുട റെയില്‍വേ സ്റ്റേഷനോടുള്ള അവഗണന. ഇതിന്‍റെ ഗൗരവം സുരേഷ് ഗോപി മനസ്സിലാക്കണം. റെയില്‍വേ സ്റ്റേഷനില്‍ മിനുക്കുപണികള്‍ നടത്തിയതുകൊണ്ടുമാത്രം പ്രശ്‌നം പരിഹരിക്കപ്പെടില്ല. സുരേഷ് ഗോപി നേരിട്ട് ചര്‍ച്ചയ്ക്കു തയ്യാറാകണമെന്നും വര്‍ഗീസ് തൊടുപറമ്പില്‍ ആവശ്യപ്പെട്ടു.

വര്‍ക്ക്ഷോപ്പില്‍ നിന്ന് ബൈക്കുകള്‍ മോഷ്ടിച്ച കേസില്‍ മൂന്നുപേര്‍ പിടിയില്‍

കൊടകര: നന്തിക്കര സ്വദേശി പൂത്താടന്‍ വിനീഷ് എന്നയാളുടെ ഉടമസ്ഥതയിലുള്ള നെല്ലായിയിലെ വര്‍ക്ക്ഷോപ്പില്‍ നിന്ന് ബൈക്കുകള്‍ മോഷ്ടിച്ച മൂന്നുപേരെ കൊടകര പോലീസ് അറസ്റ്റുചെയ്തു. പട്ടാമ്പി രായമംഗലം സ്വദേശികളായ പള്ളത്ത് കിഴക്കേതില്‍ വീട്ടില്‍ മുഹമ്മദ് റാഷിദ് (25) വേങ്ങപറമ്പില്‍ വീട്ടില്‍ ശ്രീജിത്ത് (22) എറണാകുളം പറവൂര്‍ പുത്തന്‍കടപ്പുറം ദേശത്ത് നിവാസ് വീട്ടില്‍ വിപിന്‍ദാസ് (36) എന്നിവരെയാണ് അറസ്റ്റ് ചെയ്തത്. നെല്ലായിയിലുള്ള വര്‍ക്ക് ഷോപ്പിനു മുന്നില്‍ റിപ്പയറിങ്ങിനായി സൂക്ഷിച്ചിരുന്ന ഹോണ്ട യൂണികോണ്‍, ബജാജ് സിടി 100 എന്നീ ബൈക്കുകളാണ് കഴിഞ്ഞ 12ന് രാത്രി 7.30നും 13ന് രാവിലെ 9.30 നും ഇടയില്‍ മോഷണം പോയത്. പരാതിയുടെ അടിസ്ഥാനത്തില്‍ സിസിടിവി കേന്ദീകരിച്ച് പൊലീസ് നടത്തിയ അന്വേഷണത്തില്‍ ബൈക്കുകള്‍ പിക്കപ്പ് വാനില്‍ കയറ്റി കൊണ്ട് പോയതായി കണ്ടെത്തി. വാഹനം പട്ടാമ്പി ഭാഗത്തേക്ക് പോയതായി വിവരം കിട്ടിയത് അനുസരിച്ച് അന്വേഷണം പുരോഗമിക്കവെ കൊടകര പോലീസ് സ്‌റ്റേഷന്‍ ഇന്‍സ്‌പെക്ടര്‍ പി.കെ. ദാസിന്‍റെ നേതൃത്വത്തിലുള്ള ടീം പട്ടാമ്പിയിലേക്കുള്ള പോകുന്നതിനിടെ വിയ്യൂരിൽവച്ച് പിക്കപ്പ്‌വാന്‍ എതിരെ വരുന്നത് കണ്ടെത്തി തടഞ്ഞുനിര്‍ത്തി ചോദ്യം ചെയ്തതില്‍ സംശയം തോന്നി കസ്റ്റഡിയില്‍ എടുക്കുകയായിരുന്നു. അറസ്റ്റിലായ വിപിന്‍ എന്നയാള്‍ക്ക് പല ജില്ലകളിലായി 25 ഓളം മോഷണ കേസുകള്‍ ഉണ്ടെന്ന് പൊലീസ് പറഞ്ഞു. വിപിനും റാഷിദും ചേര്‍ന്ന് എടുക്കുന്ന വാഹനങ്ങള്‍ ശ്രീജിത്ത് പാര്‍ട്‌സ് ആക്കി പട്ടാമ്പിയിലെ മാര്‍ക്കറ്റില്‍ വില്‍ക്കുകയാണ് പതിവ്. കൊടകര സ്‌റ്റേഷന്‍ ഇന്‍സ്‌പെക്ടര്‍ പി.കെ. ദാസ്, സബ് ഇന്‍സ്‌പെക്ടര്‍ ബിനോയ് മാത്യു, എഎസ്‌ഐ ആഷ്‌ലിന്‍ ജോണ്‍, സീനിയര്‍ സിവില്‍ പോലീസ് ഓഫീസര്‍മാരായ ബിനു വര്‍ഗീസ്, ഡെനിന്‍, ദിലീപ് കുമാര്‍, സിവില്‍ പോലീസ് ഓഫീസര്‍മാരായ ശ്രീജിത്ത്, ആഷിഖ് എന്നിവരടങ്ങിയ അന്വേഷണ സംഘമാണ് പ്രതികളെ പിടികൂടിയത്.

കാട്ടാന ആക്രമണത്തിൽ പ്രതിഷേധം

പീലാർമുഴി: കഴിഞ്ഞ ഒന്നരമാസമായി കോടശേരി,പരിയാരം,അതിരപ്പിളളി, ജനവാസമേഖലയിൽ കാട്ടാനയിറങ്ങി കൃഷി നശിപ്പിക്കുന്നതിനെതിരെയും കാട്ടാനയെ വനത്തിലേക്ക് കയറ്റി വിടുന്നതിൽ വനപാലകർ വരുത്തുന്ന അലംഭാവത്തിനെതിരെയും കോൺഗ്രസ് കമ്മിറ്റി യോഗം പ്രതിഷേധിച്ചു. ദ്രുതകർമ്മസേനയുടെ സേവനം ലഭൃമാക്കി കാട്ടാനയെ നാട്ടിൽ നിന്നും തുരത്തണമെന്നും കൃഷി നാശം നേരിട്ട കർഷകർക്ക് നഷ്ടപരിഹാരതുക വർദ്ധിപ്പിച്ച് തുക എത്രയും വേഗത്തിൽ നൽകണമെന്നും യോഗം ആവശൃപ്പെട്ടു. പ്രസിഡന്‍റ് കെ.എം. ജോസ് അധ്യക്ഷനായി.ഗ്രാമപഞ്ചായത്ത് പ്രസിഡന്‍റ് കെ.പി. ജെയിംസ് ഉദ്ഘാടനം ചെയ്തു. പരിയാരം ബ്ലോക്ക് കോൺഗ്രസ് സെക്രട്ടറിമാരായ ടി.ബി.ദേവരാജൻ, യൂ.കെ. ശിവദാസൻ, ബാങ്ക് ഡയറക്ടർ ടി.എൽ.ദേവസി, ബെന്നി നബേലിൽ, വി.പി. ജോയ്, ടി.ഒ. ജോസ്, പി.ഒ. വർഗീസ് എന്നിവർ പ്രസംഗിച്ചു.

ആളൂര്‍ - കൃഷ്ണന്‍കോട്ട സംസ്ഥാനപാതയ്ക്ക് കുറുകെ മരംവീണ് ഗതാഗതം തടസപ്പെട്ടു

ആളൂര്‍: കൃഷ്ണന്‍കോട്ട -കൊടകര സംസ്ഥാനപാതയില്‍ ആളൂര്‍ കുടസ്റ്റോപ്പിനു സമീപം റോഡിന് കുറുകെ മരം വീണതിനെ തുടര്‍ന്ന് ഒരു മണിക്കൂറോളം ഗതാഗതം തടസപ്പെട്ടു. ഇന്നലെ രാവിലെ പത്തുമണിയോടെയാണ് റോഡരുകിലെ പറമ്പില്‍ നിന്നിരുന്ന വലിയമാവ് റോഡിലേക്ക് ഒടിഞ്ഞുവീണത്. പൊലീസും അഗ്നിരക്ഷസേനയും സ്ഥലത്തെത്തി മരം വെട്ടി നീക്കി ഗതാഗതം പുനഃസ്ഥാപിച്ചു.

കുണ്ടുകുഴിപ്പാടത്ത് ‌ കൃഷിനാശം

കുണ്ടുകുഴിപ്പാടം: കോടശേരി പഞ്ചായത്തിലെ കുണ്ടുകുഴിപ്പാടം പ്രദേശത്ത് കഴിഞ്ഞദിവസം ഉണ്ടായ ശക്തമായ കാറ്റിലും മഴയിലും വ്യാപകമായ കൃഷിനാശം സംഭവിച്ചു. കാടുക്കുറ്റി പുഷ്പാകരന്‍റെ കൃഷിസ്ഥലത്തെ വലിയ നാല് ജാതികൾ, തേക്ക്, അടയ്ക്കാമരങ്ങൾ എന്നിവ കടപുഴകി വീണു. കാടുക്കുറ്റി സുരേഷിന്‍റെ പറമ്പിലെ രണ്ട് ജാതികൾ, തെക്കൂടൻ സനീഷിന്‍റെ പ്ലാവ് തുടങ്ങി നിരവധി ആളുകളുടെ കൃഷികൾക്ക് വലിയ നാശനഷ്ടങ്ങൾ സംഭവിച്ചു. കാറ്റിലും മഴയിലും കൃഷി നാശം സംഭവിച്ച കുണ്ടുകുഴിപ്പാടം പ്രദേശത്തെ കർഷകർക്ക് അടിയന്തരമായി ധനസഹായം നൽകണമെന്ന് കുണ്ടുകുഴിപ്പാടം ചങ്ങാതിക്കൂട്ടം സ്വയം സഹായ ഗ്രൂപ്പിന്‍റെ പൊതുയോഗം അധികൃതരോട് ആവശ്യപ്പെട്ടു.ഇത് സംബന്ധിച്ച് റവന്യുമന്ത്രിക്ക് നിവേദനം നൽകിയിട്ടുണ്ട്. യോഗത്തിൽ പ്രസിഡന്‍റ് പി.സി. മനോജ് അധ്യക്ഷത വഹിച്ചു. സെക്രട്ടറി എ.വി. സുധീഷ്, ട്രഷറർ കെ.എ.ഷാബു, ടി.കെ. മനോഹരൻ, പി.ജി. സന്തോഷ്കുമാർ, ടി.കെ. ബാബു, എം.കെ. രമേശൻ, പി.സി. ബിനോജ് എന്നിവർ പ്രസംഗിച്ചു.

കൊരട്ടിയിൽ കഞ്ചാവുമായി യുവാവ് അറസ്റ്റിൽ

കൊരട്ടി: ജംഗ്ഷനു സമീപം കഞ്ചാവ് കൈവശം വച്ച യുവാവിനെ കൊരട്ടി സി.ഐ. അമൃത് രംഗനും സംഘവും അറസ്റ്റ് ചെയ്തു. ആമ്പല്ലൂർ മണ്ണംപേട്ട സ്വദേശി കൊടിയഴികത്ത് വീട്ടിൽ അനുലാലി (27) നെയാണ് ചൊവ്വാഴ്ച രാത്രി പത്തിന് അറസ്റ്റ് ചെയ്തത്. സി.ഐക്കു പുറമെ ജൂണിയർ എസ്ഐ മനു പി. ചെറിയാൻ, സിപിഒ ജിതിൻ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.

കെട്ടിടം അപകടഭീഷണി ഉയർത്തുന്നു

കാടുകുറ്റി: നൂറുകണക്കിന് വിദ്യാർഥികൾ പഠിക്കുന്ന അന്നനാട് യൂണിയൻ ഹയർ സെക്കൻഡറി സ്കൂളിനോട് ചേർന്ന് സ്ഥിതി ചെയ്യുന്ന സോഷ്യൽ ക്ലബിന്‍റെ യും ഗ്രാമീണ വായനശാലയുടെയും ഉടമസ്ഥതയിലുള്ള കെട്ടിടം അപകട ഭീഷണി ഉയർത്തുന്നതായി പരാതി. ഗ്രാമീണ വായനശാലക്ക് പുതിയ കെട്ടിടം മറ്റൊരിടത്ത് സ്ഥാപിച്ചതോടെ നിലവിൽ ഈ കെട്ടിടം ഉപയോഗിക്കാതെ കിടക്കുകയാണ്. കെട്ടിടത്തിന്‍റെ മേൽക്കൂരയിൽ പാകിയ ഓടുകൾ കഴിഞ്ഞ വർഷം മുതൽ നിലംപൊത്തി തുടങ്ങി. കഴിഞ്ഞ ദിവസം മേഖലയിൽ വീശിയ ശക്തമായ കാറ്റിലും നിരവധി ഓടുകളാണ് ഇളകി വീണത്. റോഡിന് ഇരുഭാഗത്തും ആയിട്ടാണ് എൽപി സ്കൂൾ മുതൽ ഹയർ സെക്കൻഡറി തലം വരെ പ്രവർത്തിക്കുന്നത്. കെട്ടിടം ജീർണാവസ്ഥയിലാണെന്നും രണ്ടു വർഷത്തോളമായി ഓടുകൾ നിരന്തരം വീണു കൊണ്ടിരിക്കുകയാണെന്നും കാണിച്ച് സ്ക്കൂൾ അധികൃതർ പഞ്ചായത്ത്, ഡിഇഒ കാര്യാലയങ്ങളിൽ പരാതികൾ കൊടുത്തിട്ടും നടപടിയില്ലെന്നാണ് സ്കൂൾ അധികൃതർ പറയുന്നത്. 90 വർഷത്തിനടുത്ത് പഴക്കവും പാരമ്പര്യമുള്ള ഈ കെട്ടിടം അറ്റകുറ്റപണികളിലൂടെ സുരക്ഷ ഉറപ്പുവരുത്തി നിലനിർത്തണമെന്ന ആവശ്യവും ഉയരുന്നുണ്ട്. സ്കൂൾ തുറക്കാൻ ദിവസങ്ങൾ മാത്രം അവശേഷിക്കെ കുട്ടികളുടെ സുരക്ഷ ഉറപ്പുവരുത്തുവാൻ കെട്ടിടം സംബന്ധിച്ച് സത്വര ഇടപെടൽ അധികൃതരുടെ ഭാഗത്ത് നിന്ന് ഉണ്ടാകണമെന്നാണ് സ്കൂൾ മാനേജ്മെന്‍റും പിടിഎയും നാട്ടുകാരും ആവശ്യപ്പെടുന്നത്.

കൊറ്റംകുളത്തെ ഉപയോഗശൂന്യമായ ജലസംഭരണി പൊളിച്ചുനീക്കി

കയ്പമംഗലം: പെരിഞ്ഞനം കൊറ്റംകുളത്തെ ഉപയോഗ ശൂന്യമായി കിടന്നിരുന്ന കൂറ്റൻ ജലസംഭരണി പൊളിച്ചു നീക്കി. കാലപഴക്കത്തെ തുടർന്ന് അപകടഭീഷണിയുയർത്തിയിരുന്ന വാട്ടർ ടാങ്ക് പൊളിച്ചു നീക്കണമെന്നത് ജനങ്ങളുടെ നീണ്ട കാലത്തെ ആവശ്യമായിരുന്നു. 45 വർഷം മുമ്പ് സ്ഥാപിച്ച ജലസംഭരണി തുടക്കത്തിൽ കുറച്ച് വർഷങ്ങൾ മാത്രമാണ് ഉപയോഗിച്ചത്. കാലപഴക്കം മൂലം കോൺക്രീറ്റ് തൂണുകൾക്ക് ബലക്ഷയമുണ്ടാവുകയും, കമ്പികൾ തുരുമ്പെടുത്ത് ഏതുസമയത്തും തകർന്നു വീഴാവുന്ന അവസ്ഥയിലുമായിരുന്നു. കോൺക്രീറ്റ് കഷ്ണങ്ങൾ അടർന്ന് വീണ് അപകട ഭീഷണിയായി നിൽക്കുകയായിരുന്നു. തുടർന്ന് ടാങ്ക് പൊളിച്ചു നീക്കണമെന്നാവശ്യപ്പെട്ട് നാട്ടുകാർ പല തവണ അധികൃതർക്ക് പരാതി നൽകിയിരുന്നു. ഇതേ ആവശ്യം ഉന്നയിച്ച് പഞ്ചായത്ത് അധികൃതരും കളക്ടർ, മുഖ്യമന്ത്രി, വകുപ്പ് മന്ത്രി ഉൾപ്പെടെയുള്ളവർക്കും പരാതി കൊടുത്തിരുന്നു. വാട്ടർ അഥോറിറ്റിയുടെ കീഴിലുള്ള ടാങ്ക് ഇന്നലെ വൈകിട്ടോടെയാണ് ജെസിബി ഉപയോഗിച്ച് പൊളിച്ചു നീക്കിയത്.

പഠനം തുടരുന്പോൾ കൂടുതൽ വിനയമുള്ളവരാകണം: ഫാ. ജിമ്മി ജോസ്

മണ്ണുത്തി: പഠനം തുടരുന്പോൾ കൂടുതൽ വിനയമുള്ളവരായി നാം മാറണമെന്നു മണ്ണുത്തി ഡോണ്‍ ബോസ്കോ കോളജ് പ്രിൻസിപ്പൽ ഫാ. ജിമ്മി ജോസ്. വെല്ലുവിളികൾ നേരിട്ടും മറ്റുള്ളവരെ സഹായിച്ചും വിദ്യാർഥികൾ പഠനയാത്ര തുടരണം. എസ്എസ്എൽസി പരീക്ഷയിൽ മണ്ണുത്തി മേഖലയിൽ മുഴുവൻ വിഷയങ്ങൾക്കും എ പ്ലസ് നേടിയ വിദ്യാർഥികളെ ദീപികയുടെ നേതൃത്വത്തിൽ ആദരിക്കുന്ന ചടങ്ങ് മണ്ണുത്തി ഡോണ്‍ബോസ് കോ കോളജിൽ ഉദ്ഘാടനംചെയ്തു പ്രസംഗിക്കുകയായിരുന്നു അദ്ദേഹം. ദീപിക മാർക്കറ്റിംഗ് കോ-ഓർഡിനേറ്റർ ഫാ. ജിയോ ചെരടായി അധ്യക്ഷനായി. നൂറുശതമാനം വിജയം നേടിയ വിദ്യാർഥികളെ ഫാ. ജിമ്മി ജോസ്, ഫാ. ജിയോ ചെരടായി എന്നിവർ മെഡലുകൾ അണിയിച്ച് ആദരിച്ചു. നൂറുശതമാനം വിജയംനേടിയ ചേലക്കോട്ടുകര എംടിഎച്ച്എസ്, ചേർപ്പ് ലൂർദ് മാത ഇഎംഎച്ച്എസ്എസ് എന്നീ സ്കൂളുകളെ മെമന്‍റോ നൽകി ആദരിച്ചു. ആദ്യ സ്കൂൾ ഓഫ് കൊമേഴ്സ് എംഡി കെ.വി. ഷാഹുൽ ഹമീദ്, ദീപിക അസിസ്റ്റന്‍റ് ജനറൽ മാനേജർ (മാർക്കറ്റിംഗ്) സി.ആർ. രാജൻ, സീനിയർ മാർക്കറ്റിംഗ് മാനേജർ(ബിസിനസ്) രോഷ്നി റോബിൻ തുടങ്ങിയവർ പ്രസംഗിച്ചു. ആദ്യ സ്കൂൾ ഓഫ് കൊമേഴ് സ്, സെന്‍റ് വിൻസെന്‍റ് പള്ളോട്ടി സ്കൂൾ, ടൈം ഇൻസ്റ്റിറ്റ്യൂട്ട് ഓഫ് മനേജ് മെന്‍റ് എന്നിവരാണ് ആദരം പരിപാടിയുടെ സ്പോണ്‍സർമാർ.

കണ്ടാണശേരി പഞ്ചായത്ത് കെട്ടിടം: കോൺഗ്രസ് സത്യഗ്രഹം നടത്തി

കണ്ടാണശേരി: പഞ്ചായത്ത് കെട്ടിടത്തിന്‍റെ അപകടാവസ്ഥയിൽ പരിഹാരം കാണണമെന്നാവശ്യപ്പെട്ട് പഞ്ചായത്തിലെ കോൺഗ്രസ് അംഗങ്ങൾ സത്യഗ്രഹസമരം നടത്തി. കണ്ടാണശേരി പഞ്ചായത്ത് കെട്ടിടത്തിന്‍റെ അപകടാവസ്ഥ പരിഹരിക്കണമെന്നാവശ്യപെട്ട് കണ്ടാണശേരി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പഞ്ചായത്തിലെ കോൺഗ്രസ് അംഗങ്ങൾ സത്യഗ്രഹസമരം നടത്തി. മുൻ എംപി ടി.എൻ. പ്രതാപൻ ഉദ്ഘാടനം ചെയ്തു. ബ്ലോക്ക് പ്രസിഡന്‍റ് സി.ജെ. സ്റ്റാൻലി, മണ്ഡലം പ്രസിഡന്‍റ് ഷാജു തരകൻ, ബ്ലോക്ക് വൈസ് പ്രസിഡന്‍റുമാരായ ജയ്സൺ ചാക്കോ, അപ്പു ആളൂർ, എൻ.എ. നൗഷാദ്, റൂബി ഫ്രാൻസിസ്, കെ.എസ്. വാസു, പഞ്ചായത്ത് അംഗങ്ങളായ അഡ്വ. പി.വി. നിവാസ്, ജയൻ പാണ്ടിയത്ത്, എ.എ. കൃഷ്ണൻ, ടി.ഒ.ജോയ് തുടങ്ങിയവർ പ്രസംഗിച്ചു.

സ്കൂൾ തുറക്കാൻ ഇനി ദിവസങ്ങൾമാത്രം; കെഎസ്ഇബി അപകടം ക്ഷണിച്ചുവരുത്തും

വടക്കാഞ്ചേരി: സ്കൂൾ തുറക്കാൻ ദിവസങ്ങൾ മാത്രം ബാക്കി നിൽക്കെ കെഎസ്ഇബി അപകടം ക്ഷണിച്ചുവരുത്തും. കാഞ്ഞിരക്കോട് കൊരട്ടിയാംകുന്ന് റോഡരികിലെ ട്രാൻസ്ഫോർമറാണ് അപകട ഭീഷണിയുർത്തുന്നത്. ജനവാസ മേഖലയായ പ്രദേശത്താണ് സംരക്ഷണവേലിയില്ലാതെ ട്രാൻസ്ഫോർമർ പൊന്തക്കാട് കയറി നിൽക്കുന്നത്. ശക്തമായ മഴയും മിന്നലും ആരംഭിച്ചതിനാൽ ഇതുവഴി ജനങ്ങൾ യാത്രചെയ്യാൻ മടിക്കുകയാണ്. സമീപത്തുള്ള അങ്കണവാടിയിലേക്കു കുട്ടികൾ എത്തുന്നതും ഇതുവഴിയാണ്. കെഎസ്ഇബിയുടെ അനാസ്ഥ ക്കെതിരെ ശക്തമായ പ്രതിഷേധം സംഘടിപ്പിക്കാൻ ഒരുങ്ങുകയാണ് നാട്ടുകാർ.

വാടാനപ്പള്ളി ബീച്ചിൽ കടൽക്ഷോഭം രൂക്ഷം

വാടാനപ്പള്ളി: ബീച്ച് സൈനുദ്ധീൻ നഗറിൽ കടൽക്ഷോഭം രൂക്ഷം. കടൽക്ഷോഭത്തെ തുടർന്ന് പ്രദേശത്തെ വീടുകൾ ഭാഗികമായി തകർന്നു. കടൽക്ഷോഭം തുടരുകയാണെ ങ്കിൽ പൂർണമായും വീടുകൾ കടലെടുക്കുന്ന സാഹചര്യമാണു നിലവിലുള്ളത്. 18 -ാം വാർഡ് മെമ്പർ നൗഫൽ വലിയകത്ത്, പഞ്ചാ യത്ത് പ്രസിഡന്‍റ് ശാന്തി ഭാസി, സ്റ്റാൻഡിംഗ് കമ്മിറ്റി ചെയർ‌പേഴ് സൺ സരിത ഗണേഷ്, വില്ലജ് ഓഫീസർ കെ.എസ്. ഷിജു എന്നി വർ സ്ഥലം സന്ദർശിച്ചു.

ലഹരിക്കെതിരേ ഫുട്ബോൾ ടൂർണമെന്‍റ്

തൃശൂർ: ലഹരിക്കെതിരേ ബോധവത്കരണ കാന്പയിന്‍റെ ഭാഗമായി യൂത്ത് കോണ്‍ഗ്രസ് തൃശൂർ നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ ഫുട്ബോൾ ടൂർണമെന്‍റ് സംഘടിപ്പിച്ചു. മുൻ ഇന്ത്യൻ ഫുട്ബോൾ ക്യാപ്റ്റൻ സി.വി. പാപ്പച്ചൻ ഉദ്ഘാടനം ചെയ്തു. റോണ്‍ഡോസ് ഫുട്ബോൾ അക്കാദമി കോച്ച് കൃഷ്ണദേവിനെയും അക്കാദമിയിലെ കുട്ടികളെയും സി.വി. പാപ്പച്ചൻ ആദരിച്ചു. നിയോജകമണ്ഡലം പ്രസിഡന്‍റ് കെ. സുമേഷ് അധ്യക്ഷനായി. കെപിസിസി സെക്രട്ടറി എ. പ്രസാദ് സമ്മാനദാനം നിർവഹിച്ചു.

കണ്ടെയ്നർ ലോറി ട്രാൻസ്ഫോർമറിൽ ഇടിച്ചു

ചാവക്കാട്: പൊന്നാനി ദേശീയപാത അകലാട് നിയന്ത്രണംവിട്ട കണ്ടെയ്നർ ലോറി ട്രാൻസ്ഫോർമറിൽ ഇടിച്ചുകയറി. ഇന്നലെ പുലർച്ചെ അഞ്ചിന് ബദർ പള്ളി പരിസരത്താണ് അപകടം. സമീപത്തെ വീട്ടുമതിലും ഗേറ്റും തകർത്ത ലോറി ചാവക്കാട് ഭാഗത്തുനിന്ന് വടക്കോട്ട് പോകുകയായിരുന്നു. ഇടിച്ച ഉടനെ വൈദ്യുതി നിലച്ചതിനാൽ ദുരന്തം ഒഴിവായി. ഡ്രൈവർക്ക് നിസാര പരിക്കേറ്റു. ലോറിയുടെ പിറകിൽ ബൈക്കിടിച്ച് യാത്രക്കാർക്കു പരിക്ക് എരുമപ്പെട്ടി: കടങ്ങോട് മിൽ സെന്‍ററിനുസമീപം ലോറിയുടെ പിറകിൽ ബൈക്ക് ഇടിച്ച് രണ്ടുപേർക്കു പരിക്കേറ്റു. വരവൂർ മുളക്കൽ വീട്ടിൽ സുമേഷ് (40), കിള്ളിമംഗലം പത്മശ്രീ വീട്ടിൽ രതീഷ് (42) എന്നിവർക്കാണു പരിക്കേറ്റത്. പരിക്കേറ്റ രണ്ടുപേരെയും എരുമപ്പെട്ടി ആക്ട്സ് പ്രവർത്തകർ വടക്കാഞ്ചേരി ജില്ല ആശുപത്രിയിൽ പ്രവേശിപ്പിച്ചു.

അഞ്ചു പ്രവൃത്തികൾക്ക് ഏഴുകോടി അനുവദിച്ചു: എംഎൽഎ

പഴയന്നൂർ: ചേലക്കര നിയോജക മണ്ഡലത്തിൽ കഴിഞ്ഞവർഷം നടന്ന നവകേരള സദസിൽവന്ന അഞ്ചു പ്രധാന പ്രവൃത്തികൾക്ക് ഏഴുകോടി രൂപ അനുവദിച്ചതായി യു.ആർ. പ്രദീപ് എംഎൽഎ അറിയിച്ചു. ചേലക്കര പഞ്ചായത്തിലെ തോന്നൂർക്കര - തൊട്ടേക്കാട് റോഡ് നിർമാണം - 3.5 കോടി രൂപ, മുള്ളൂർക്കര പഞ്ചായത്തിലെ കുടുംബാരോഗ്യ കേന്ദ്രത്തിന്‍റെ കെട്ടിടനിർമാണം പൂർത്തീകരണം - ഒരു കോടി, പാഞ്ഞാൾ പഞ്ചായത്തിലെ പോലമ്മകാവ് - കീഴില്ലം റോഡ് നിർമാണം - ഒരു കോടി, ദേശമംഗലം പഞ്ചായത്തിലെ തൃക്കേക്കുളം പുനരുദ്ധാരണം - ഒരു കോടി, ദേശമംഗലം പഞ്ചായത്തിലെ ഹോമിയോ ആശുപത്രിക്ക് പുതിയ കെട്ടിട നിർമാണം - 50 ലക്ഷം രൂപ എന്നീ പ്രവൃത്തികൾക്കാണ് തുക അനുവദിച്ചത്. ഈ പ്രവൃത്തികൾ ചെയ്തുതീർക്കുന്നതിന് ആവശ്യമായ തുക അനുവദിക്കണമെന്ന് ആവശ്യപ്പെട്ട് കെ. രാധാകൃഷ്ണൻ എംപി അഡീഷണൽ ചീഫ് സെക്രട്ടറിക്ക് കത്തുനൽകിയിരുന്നു.

വടക്കാഞ്ചേരി നഗരസഭയിലെ അഴിമതി: സമരത്തിനൊരുങ്ങി കോണ്‍ഗ്രസ്

വടക്കാഞ്ചേരി: നഗരസഭയിൽ വൻ അഴിമതി നടന്നതായുള്ള ഓഡിറ്റ് റിപ്പോർട്ടിനെത്തുടർന്ന് പ്രതിഷേധസമരങ്ങൾ സംഘടിപ്പിക്കാൻ കോണ്‍ഗ്രസ് പാർലമെന്‍ററി പാർട്ടി തീരുമാനം. ബില്ലുകളും വൗച്ചറുകളും ഇല്ലാതെയും മുൻകൂർ അഡ്വാൻസുകൾ നൽകിയും ക്രമവിരുദ്ധമായി ചെലവുകൾ നടത്തി ഏഴു കോടി രൂപയുടെ ക്രമക്കേടുകൾ നടന്നതായി ഓഡിറ്റ് റിപ്പോർട്ടിൽ പറയുന്നു. ഇക്കാര്യവുമായി ബന്ധപ്പെട്ട് കോണ്‍ഗ്രസ് കൗണ്‍സിലർമാർ അടിയന്തര കൗണ്‍സിലിനു നോട്ടീസ് നൽകും. കരുവന്നൂർ കേസിൽ പ്രതിചേർക്കപ്പെട്ട കൗണ്‍സിലർ മധു അന്പലപുരം രാജിവയ്ക്കണമെന്നും അല്ലാത്തപക്ഷം നിയമനടപടികൾ സ്വീകരിക്കാൻ നഗരസഭാ സെക്രട്ടറി തയാറാവണമെന്നും കോണ്‍ഗ്രസ് പാർലമെന്‍ററി പാർട്ടി യോഗം ആവശ്യപ്പെട്ടു. കോണ്‍ഗ്രസ് പാർലമെന്‍ററി പാർട്ടി നേതാവ് എസ്.എ.എ. ആസാദിന്‍റെ അധ്യക്ഷതയിൽ ചേർന്ന പാർലമെന്‍ററി പാർട്ടി യോഗത്തിൽ ബ്ലോക്ക് കോണ്‍ഗ്രസ് പ്രസിഡന്‍റ് പി.ജി. ജയദീപ്, വടക്കാഞ്ചേരി മണ്ഡലം കോണ്‍ഗ്രസ് പ്രസിഡന്‍റ് എം.എച്ച്. ഷാനവാസ്, കൗണ്‍സിലർമാരായ കെ.ടി. ജോ യ്, പി.എൻ. വൈശാഖ്, സന്ധ്യ കൊടയ്ക്കാടത്ത്, ബുഷറ റഷീദ്, ജോയൽ മഞ്ഞില, കെ.എൻ. പ്രകാശൻ, ഉദയബാലൻ, നബീസ നാസറലി, ജിജി സാംസണ്‍, നിജി ബാബു എന്നിവർ പങ്കെടുത്തു.

കുറ്റിച്ചിറ മർച്ചന്‍റ് അസോസിയേഷൻ വാർഷികം

കുറ്റിച്ചിറ: മർച്ചന്‍റ് അസോസിയേഷൻ വാർഷികം നടത്തി. പ്രസിഡന്‍റ്് പി.പി. ശശിധരൻ ഉദ്ഘാടനം ചെയ്തു. പി.കെ. ഉണ്ണികൃഷ്ണൻ അധ്യക്ഷത വഹിച്ചു. കെ.കെ. സിദ്ധാർത്ഥൻ, ബെന്നി പീണിക്കപ്പറമ്പൻ, സന്തോഷ് പല്ലിശേരി, ജോയ് പോൾ, ടി.ബി. ദേവരാജൻ, സി.എൻ. സജയൻ, കെ.എൽ. ജോസ്, മിനി രാധാകൃഷ്ണൻ, ജോസുട്ടൻ കൈതാരൻ, പി.എസ്. ഉണ്ണികൃഷ്ണൻ എന്നിവർ പ്രസംഗിച്ചു.

റോഡ് സുരക്ഷാ ബോധവത്കരണ ക്ലാസ് സംഘടിപ്പിച്ചു

കൊരട്ടി: ചാലക്കുടി സബ് ആർടി ഓഫീസിന്‍റെ പരിധിയിൽ വരുന്ന സ്കൂൾ - കോളജ് വാഹനങ്ങളുടെ 2025-26 കാലഘട്ടത്തിലെ മഴക്കാല പരിശോധനയുടെ ഭാഗമായി റോഡ് സുരക്ഷാ ബോധവൽക്കരണ ക്ലാസ് സംഘടിപ്പിച്ചു. കൊരട്ടി മേഖലയിലെ പതിനാറോളം സ്കൂളുകളിലെയും കോളജുകളിലെയും ഡ്രൈവർമാർക്കും, ഡോർ അറ്റൻഡർമാർക്കും വേണ്ടിയാണ് ബോധവൽക്കരണ ക്ലാസ് സംഘടിപ്പിച്ചത്. തുടർന്ന് വാഹനങ്ങളുടെ മഴക്കാല പരിശോധനയും നടത്തി. കൊരട്ടി എൽഎഫ് കോൺവന്‍റ്് എച്ച്എസിൽ സംഘടിപ്പിച്ച പരിപാടി മോട്ടോർ വെഹിക്കിൾ ഇൻസ്പെക്ടർ വി.ശശി ഉദ്ഘാടനം ചെയ്തു. സ്കൂൾ പ്രധാനാധ്യാപിക സിസ്റ്റർ എൽസ അധ്യക്ഷത വഹിച്ചു. അസിസ്റ്റന്‍റ്് മോട്ടോർ വെഹിക്കിൾ ഇൻസ്പെക്ടർ സെബാസ്റ്റ്യൻ ജോസഫ് ക്ലാസ് നയിച്ചു. അസിസ്റ്റന്‍റ്് മോട്ടോർ വെഹിക്കിൾസ് ഇൻസ്പെക്ടർമാരായ പി.കെ. മനോഹരൻ, മെർവിൻ ജോൺ എന്നിവർ വാഹന പരിശോധനയിൽ പങ്കെടുത്തു.

സ്വരാജ് റൗണ്ടിൽ തകർന്നുവീണ കെട്ടിടം പൊളിച്ചുനീക്കാൻ ആരംഭിച്ചു

തൃശൂർ: സ്വരാജ് റൗണ്ടിൽ കഴിഞ്ഞദിവസം ഭാഗികമായി തകർന്നുവീണ കെട്ടിടം പൊളിച്ചുനീക്കുന്ന പ്രവൃത്തികൾ ആരംഭിച്ചു. ഇന്നലെ രാത്രി പത്തേമുക്കാലോടെ മേയർ എം.കെ. വർഗീസിന്‍റെ നേതൃത്വത്തിൽ ജെസിബി അടക്കമുള്ള സന്നാഹങ്ങളോടെയാണ് പൊളിക്കൽ ആരംഭിച്ചത്. ഗതാഗതതടസം ഒഴിവാക്കാനാണു രാത്രിയിൽ പൊളിക്കാനുള്ള തീരുമാനം അധികൃതർ കൈക്കൊണ്ടത്. കെട്ടിടത്തിനകത്തുള്ള സാമഗ്രികൾ മാറ്റിയശേഷം പൊളിക്കൽനടപടികൾ തുടരും. കുറുപ്പം റോഡിനും മാരാർ റോഡിനും ഇടയിലുള്ള മനോരമ ബിൽഡിംഗ് കഴിഞ്ഞദിവസമാണു കനത്ത മഴയിൽ ഇടിഞ്ഞുവീണത്. ഈ കെട്ടിടം കോർപറേഷന്‍റെ അപകടാവസ്ഥയിലുള്ള കെട്ടിടങ്ങളുടെ പട്ടികയിലുള്ളതായിരുന്നു. കോർപറേഷനും ജില്ലാ ദുരന്തനിവാരണ അഥോറിറ്റിയുമാണു പൊളിക്കലിനു നേതൃത്വം കൊടുക്കുന്നത്. കാറ്റിലും മഴയിലും വൻനാശനഷ്ടങ്ങൾ സംസ്ഥാനത്തു സംഭവിക്കുന്ന സാഹചര്യത്തിലാണു നിയമനടപടികൾ പൂർത്തീകരിച്ചു കെട്ടിടം പൊളിക്കുന്നത്. കോർപറേഷന്‍റെ അപകടാവസ്ഥയിലുള്ള കെട്ടിടങ്ങളുടെ പട്ടികയിലുള്ള 271 കെട്ടിടങ്ങളിൽ നാലെണ്ണം കഴിഞ്ഞവർഷം മഴക്കാലത്തു നിലംപതിച്ചിരുന്നു. വലിയ ദുരന്തങ്ങൾ ഒഴിവാക്കാൻ പട്ടികയിൽപ്പെട്ട മറ്റു കെട്ടിടങ്ങൾ ഉടമകൾതന്നെ സ്വമേധയാ പൊളിച്ചുനീക്കണമെന്നു മേയർ ആവശ്യപ്പെട്ടു.

അഖില കേരള ബൈബിൾ സംഗീതോത്സവം 31ന്

തൃശൂർ: വിയ്യൂർ നിത്യാസഹായമാതാ പള്ളിയിൽ സംഘടിപ്പിക്കുന്ന മൂന്നാമത് അഖില കേരള ബൈബിൾ സംഗീതോത്സവം 31 നു നടക്കും. രാവിലെ 9.30 മുതൽ രാത്രി എട്ടുവരെ നടക്കുന്ന സംഗീതോത്സവം വൈകീട്ട് ആറിനു സംഗീതസംവിധായകൻ ജെറി അമൽദേവ് ഉദ്ഘാടനം ചെയ്യും. ബൈബിളിലെ ആശയങ്ങൾ കർണാടകസംഗീതത്തിലെ വിവിധ ഭാരതീയരാഗങ്ങളിൽ ആവിഷ്കരിക്കുന്ന സംഗീതോത്സവം സാംസ്കാരിക അനുരൂപണത്തിന്‍റെ പുതുമാനങ്ങൾ കേരള ക്രൈസ്തവസഭയിൽ സൃഷ്ടിക്കുമെന്നു റവ.ഡോ. പോൾ പൂവത്തിങ്കൽ പത്രസമ്മേളനത്തിൽ അറിയിച്ചു. ക്രൈസ്തവസംഗീതജ്ഞർ സംഗീതാർച്ചനയിൽ കച്ചേരികൾ അവതരിപ്പിക്കും. സിബി ജോസഫ്, സി.ടി. ജോയ്, അഗ്രി ഫ്രാൻസിസ്, ലാസർ നീലങ്കാവിൽ എന്നിവരും പത്രസമ്മേളനത്തിൽ പങ്കെടുത്തു.

രുചിവൈവിധ്യങ്ങളുടെ കലവറയായി ചക്കമേള

മണ്ണുത്തി: ഒല്ലൂക്കര ബ്ലോക്ക് പഞ്ചായത്തും കാർഷികഗവേഷണകേന്ദ്രവും കാർഷിക വികസന ക്ഷേമവകുപ്പ് ഒല്ലൂർ കൃഷിസമൃദ്ധിയുടെയും നേതൃത്വത്തിലുള്ള ചക്കമേള രുചിവൈവിധ്യങ്ങളുടെ കലവറയായി. മേള റവന്യു മന്ത്രി അഡ്വ. കെ.രാജൻ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്‍റ് കെ.ആർ. രവി അധ്യക്ഷത വഹിച്ചു. പ്ലാവ് ഉത്ഭവം മുതൽ വിപണനം വരെ എന്ന പുസ്തക പ്രകാശനം മന്ത്രി നിർവഹിച്ചു ചക്കമേളയെക്കുറിച്ച് പി.ബി. പുഷ്പലത അസോസിയേഷൻ ഓഫ് ഹോർട്ടികൾച്ചർ പ്രഫഷണൽസ് വിശദീകരണം നടത്തി. കാർഷികഗവേഷണ കേന്ദ്രത്തിൽ സംഘടിപ്പിച്ച മേളയിൽ കേരള കാർഷികഗവേഷണ കേന്ദ്രം മേധാവി എ. ലത, രജിസ്ട്രാർ ഹുസൈൻ, മാടക്കത്തറ പഞ്ചായത്ത് പ്രസിഡന്‍റ് ഇന്ദിര മോഹനൻ, പാണഞ്ചേരി പഞ്ചായത്ത് പ്രസിഡന്‍റ് പി.പി. രവീന്ദ്രൻ, നടത്തറ ഗ്രാമപഞ്ചായത്ത് പ്രസിഡന്‍റ് ശ്രീവിദ്യ രാജേഷ്, പുത്തൂർ ഗ്രാമപഞ്ചായത്ത് പ്രസിഡന്‍റ് മിനി ഉണ്ണിക്കൃഷ്ണൻ തുടങ്ങിയവർ പ്രസംഗിച്ചു. ചക്കമേളയുടെ ഭാഗമായി വിവിധ സ്റ്റാളുകളും ചക്കകൊണ്ടുണ്ടാക്കിയ വിഭവങ്ങളുടെ പ്രദർശനവും ഒരുക്കിയിട്ടുണ്ട്. മേളയിൽ വിവിധ സെഷനുകളും പ്രദർശനവും വിപണനവും ഉണ്ടാവും. ഒല്ലൂക്കര ബ്ലോക്കിലെ വിവിധ പഞ്ചായത്തുകളിൽനിന്ന് മൂല്യവർധിത ഉത്പന്നങ്ങളുടെ വിപണന സ്റ്റാളുകൾ, വിവിധതരത്തിലുള്ള ചക്കമിഠായി, ചക്കപ്പായസം, ഹൽവ, ചക്കവറവ് തുടങ്ങിയ ഉത്പന്നങ്ങൾ, കലർപ്പില്ലാത്ത ശുദ്ധമായ നീര ഉത്പന്നവും പ്രദർശനത്തിൽ ഉണ്ട്. മേള ഇന്നു സമാപിക്കും.

മെഗാ ജോബ് ഫെയർ നാളെ കുരിയച്ചിറയിൽ

തൃശൂർ: അതിരൂപത കെസിവൈഎമ്മും ദീപികയും ചേർന്ന് സംഘടിപ്പിക്കുന്ന മെഗാ ജോബ് ഫെയർ നാളെ നടക്കും. കുരിയച്ചിറ സെന്‍റ് ജോസഫ്സ് മോഡൽ ഹയർസെക്കൻഡറി സ്കൂളിൽ രാവിലെ 9.30 മുതൽ ഉച്ചകഴിഞ്ഞ് 2.30 വരെയാണ് പരിപാടി. മുപ്പതോളം മുൻനിര കന്പനികളിൽ ജോലിനേടാനാണ് ജോബ് ഫെയറിൽ അവസരമൊരുക്കുന്നത്. നാലായിരത്തിലേറെ ഉദ്യോഗാർഥികൾക്ക് അനുയോജ്യമായ മേഖലകളിൽ ജോലികണ്ടെത്താൻ ഇതിലൂടെ കഴിയും. 18,000 മുതൽ 40,000 രൂപവരെ ശന്പളമുള്ള ജോലികളിലേക്ക് തത്സമയ ഇന്‍റർവ്യൂ നടക്കും. ഏറ്റവും പുതിയ റെസ്യൂമേ, യോഗ്യത തെളിയിക്കുന്ന സർട്ടിഫിക്കറ്റുകൾ എന്നിവയുമായി ഹാജരാകണം. കൂടുതൽ വിവരങ്ങൾക്ക് ഫാ. ജിയോ ചെരടായി- 9744534890, ജിഷാദ് ജോസ്- 9567843117 എന്നിവരെ ബന്ധപ്പെടണം.

ഇഞ്ചക്കുണ്ട് കുടിയേറ്റ വജ്രജൂബിലി ആഘോഷസമാപനം ഞായറാഴ്ച

കൊടകര: ഇഞ്ചക്കുണ്ട് ഗ്രാമത്തിന്‍റെ കുടിയേറ്റ വജ്രജൂബിലി ആഘോഷങ്ങൾ ജൂണ്‍ ഒന്നിനു സമാപിക്കുമെന്നു സംഘാടകസമിതി ഭാരവാഹികൾ പത്രസമ്മേളനത്തിൽ അറിയിച്ചു. ഞായറാഴ്ച വൈകീട്ട് നാലിന് ഇഞ്ചക്കുണ്ട് ലൂർദ്മാതാ സ്കൂൾ അങ്കണത്തിൽ ചേരുന്ന സമാപനസമ്മേളനം മന്ത്രി റോഷി അഗസ്റ്റിൻ ഉദ്ഘാടനം ചെയ്യും. കെ.കെ. രാമചന്ദ്രൻ എംഎൽഎ അധ്യക്ഷത വഹിക്കും. ആദ്യകാലകുടിയേറ്റക്കാരിൽ ഇന്നു ജീവിച്ചിരിക്കുന്നവരെ മന്ത്രി ഡോ. ആർ. ബിന്ദു ആദരിക്കും. ടി.ജെ. സനീഷ്കുമാർ ജോസഫ് എംഎൽഎ സോവനീർ പ്രകാശനം നിർവഹിക്കും. ജില്ലാ പഞ്ചായത്ത് പ്രസിഡന്‍റ് വി.എസ്. പ്രിൻസ് മുഖ്യപ്രഭാഷണം നടത്തും. തുടർന്ന് ഫാ. ബാബു ചേലപ്പാടൻ രചനയും ജോണി മലയാറ്റൂർ സംവിധാനവും നിർവഹിച്ച ഇഞ്ചക്കുണ്ട് കലാവേദിയുടെ തച്ചിൽ മാത്യു തരകൻ എന്ന നൃത്തസംഗീതനാടകം അരങ്ങേറും. പത്രസമ്മേളനത്തിൽ സംഘാടകസമിതി ചെയർമാൻ ബേബി മാത്യു കാവുങ്കൽ, ജനറൽ കണ്‍വീനർ റോയ് കാരേക്കാട്ട്, ജോ കുരിയൻ മഞ്ഞാടിക്കൽ, സതീശൻ ഇടമറ്റത്തിൽ എന്നിവർ പങ്കെടുത്തു.

വഴിമുടക്കി പൊതുയോഗങ്ങൾ; നടപടിയെടുക്കാതെ പോലീസും കോർപറേഷനും

തൃശൂർ: പാതയോരത്തു പൊതുയോഗങ്ങൾ പാടില്ലെന്ന ഹൈക്കോടതിവിധിക്കു പുല്ലുവില കല്പിച്ച് ഫുട്പാത്ത് കൈയേറി കോർപറേഷൻ ഓഫീസിനു മുൻവശത്തു നടത്തുന്ന പൊതുയോഗങ്ങൾ നിരോധിക്കണമെന്ന പരാതിയിൽ നടപടിയെടുക്കാതെ തട്ടിക്കളിച്ച് കോർപറേഷനും പോലീസും. ജില്ലാ കളക്ടർക്കു നല്കിയ പരാതിയിൽ നടപടിയെടുക്കാൻ ആവശ്യപ്പെട്ട് ജില്ലാ പോലീസ് മേധാവിക്കും കോർപറേഷൻ സെക്രട്ടറിക്കും അഡീഷണൽ ജില്ലാ മജിസ്ട്രേറ്റ് നിർദേശം നല്കി. ജില്ലാ പോലീസ് മേധാവിയുടെ നിർദേശത്തെതുടർന്ന് രാഷ്‌ട്രീയപാർട്ടികളോടും സംഘടനകളോടും വഴിമുടക്കിയുള്ള പൊതുയോഗങ്ങൾ അനുവദനീയമല്ലെന്ന് അറിയിച്ചതായി ഈസ്റ്റ് എസ്എച്ച്ഒ മറുപടി നൽകി. കോർപറേഷനുമുൻപിൽ പരിപാടികൾ നടത്താൻ നഗരസഭ അനുമതി നൽകാറില്ലെന്നും നടപടി സ്വീകരിക്കാൻ സിറ്റി പോലീസ് കമ്മീഷണർക്കു മേയർ കത്തുനൽകിയതായും ജോയിന്‍റ് കോർപറേഷൻ സെക്രട്ടറി പരാതിക്കാരനെ അറിയിച്ചു. എന്നാൽ, ജില്ലാ കളക്ടർക്കു പരാതി നൽകി ആറുമാസം കഴിഞ്ഞിട്ടും കോർപറേഷനുമുന്പിൽ പാതയോരത്തു സഞ്ചാരസ്വാതന്ത്ര്യം ഹനിക്കുന്നതരത്തിൽ പൊതുയോഗങ്ങൾ മിക്കദിവസവും നടക്കുകയാണ്. കോർപറേഷൻ, പോലീസ് മേധാവികൾ ഇതിനു മൗനാനുവാദം നൽകുന്നുവെന്നാണു പരാതിക്കാരന്‍റെ ആരോപണം. പൊതുപ്രവർത്തകനായ ഇരവിമംഗലം സ്വദേശി സുജോബി ജോസ് 2024 നവംബറിലാണ് ജില്ലാ കളക്ടർക്കു പരാതി നൽകിയത്. പൊതുയോഗങ്ങൾ സംഘടിപ്പിക്കുന്നവർ കോർപറേഷനു മുൻവശത്തെ ഫുട്പാത്ത് അടച്ചുകെട്ടി പന്തലിട്ടും സ്റ്റേജ് കെട്ടിയും നൂറിൽപ്പരം കസേകൾ നിരത്തുന്നു. കാൽനടയാത്രപോലും തടസപ്പെടുത്തിയാണ് സംഘാടകരുടെ പ്രവൃത്തികൾ. വഴിമാറിനടക്കാമെന്നു കരുതിയാൽ ഫുട്പാത്തിന്‍റെ ഇരുവശവും വേലികെട്ടിയിരിക്കുന്നതിനാൽ സാധ്യമല്ല. ഇത്തരം പ്രവൃത്തികൾ ജനങ്ങളെ ബുദ്ധിമുട്ടിക്കുന്നുണ്ടെങ്കിലും പരാതിയുമായി ആരും മുന്നോട്ടുവരാത്തതിനാൽ തുടർന്നുപോകുകയാണ്. ഇത്തരം പ്രശ്നങ്ങൾ പരിഹരിക്കാനെന്ന പേരിൽ കോർപറേഷൻ പത്തുകോടി മുടക്കി ഇഎംഎസ് സ്ക്വയർ പണിതെങ്കിലും ഉയർന്ന വാടക കാരണം ആരും ഉപയോഗിക്കുന്നില്ല. ഇഎംഎസ് സ്ക്വയർ തുച്ഛമായ തുകയ്ക്കു തുറന്നുകൊടുക്കണം. സ്റ്റേജും കസേരയൊന്നുമില്ലാതെ തടസങ്ങളുണ്ടാക്കാതെ കോർപറേഷനുമുന്പിൽ നടത്തുന്ന പൊതുയോഗങ്ങളുടെ ഇടം നഷ്ടപ്പെടുത്തരുതെന്നും പരാതിയിൽ പറയുന്നു.

സ്വകാര്യബസ് മേഖലയെ സംരക്ഷിക്കണം: ബിഎംഎസ്

തൃശൂർ: സ്വകാര്യബസ് മേഖലയെ സംരക്ഷിക്കണമെന്നാവശ്യപ്പെട്ട് ജില്ലാ മോട്ടോർ ആൻഡ് എൻജിനീയറിംഗ് മസ്ദൂർ സംഘം ശക്തൻ സ്റ്റാൻഡിൽ പ്രതിഷേധധർണ നടത്തി. ബിഎംഎസ് ജില്ലാ സെക്രട്ടറി സേതു തിരുവെങ്കിടം ഉദ്ഘാടനം ചെയ്തു. പോലീസ് ക്ലിയറൻസ് സർട്ടിഫിക്കറ്റ് പോലുള്ള കരിനിയമങ്ങൾ മോട്ടോർ തൊഴിലാളികൾക്കുമേൽ അടിച്ചേല്പിക്കുന്പോൾ ട്രേഡ് യൂണിയനുകളുമായി യാതൊരു ചർച്ചയ്ക്കും തയാറാകാതിരുന്ന മോട്ടോർവാഹനവകുപ്പിന്‍റെ നടപടി പ്രതിഷേധാർഹമാണെന്നും അദ്ദേഹം പറഞ്ഞു. യൂണിയൻ ജില്ലാ പ്രസിഡന്‍റ് എ.എം. വിപിൻ അധ്യക്ഷത വഹിച്ചു. ഫെഡറേഷൻ പ്രസിഡന്‍റ് എ.സി. കൃഷ്ണൻ, യൂണിയൻ ജനറൽ സെക്രട്ടറി കെ. ഹരീഷ്, ബസ് ഓപ്പറേറ്റേഴ്സ് ഫെഡറേഷൻ ജില്ലാ പ്രസിഡന്‍റ് എം.എസ്. പ്രേംകുമാർ, ബസ് ഓപ്പറേറ്റേഴ്സ് ഓർഗനൈസേഷൻ സംസ്ഥാന വൈസ് പ്രസിഡന്‍റ് നൗഷാദ് ആറ്റുപറന്പത്ത്, ജയൻ കോലാരി എന്നിവർ പ്രസംഗിച്ചു.

തോപ്പിൽ ഭാസി മലയാളികളുടെ സൗഭാഗ്യം: കെ. ജയകുമാർ

തൃശൂർ: മലയാളികളുടെ മഹാസൗഭാഗ്യമാണ് തോപ്പിൽ ഭാസിയെന്നു ഡോ. കെ. ജയകുമാർ. അദ്ദേഹത്തെപ്പോലുള്ള കലാ-സാംസ്കാരിക പ്രതിഭകൾ കാത്തുവച്ച് ഏൽപ്പിച്ചുതന്നതാണ് കേരളത്തെ മാറ്റിമറിക്കാനുള്ള വിപ്ലവവീര്യം. ബൗദ്ധികമായും ധാർമികമായും പൊക്കംകുറഞ്ഞവർ ലോകം ഭരിക്കുന്ന കാലത്താണു നാം ജീവിക്കുന്നത്. സാംസ്കാരികപ്രതിരോധത്തിനു നാം സ്വയം സജ്ജരാകണമെന്നും അദ്ദേഹം പറഞ്ഞു. സിപിഐ ജന്മശതാബ്ദി ആഘോഷങ്ങളുടെ ഭാഗമായി തൃശൂർ ടൗണ്‍ ഹാളിൽ സംഘടിപ്പിച്ച കെപിഎസി പ്ലാറ്റിനം ജൂബിലി, തോപ്പിൽ ഭാസി ജന്മശതാബ്ദി ആഘോഷപരിപാടികൾ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പന്ന്യൻ രവീന്ദ്രൻ, അഡ്വ. എ. ഷാജഹാൻ, ആർട്ടിസ്റ്റ് സുജാതൻ, റഫീഖ് അഹമ്മദ്, പ്രിയനന്ദനൻ, ബി.കെ. ഹരിനാരായണൻ, ജയരാജ് വാര്യർ, കുക്കു പരമേശ്വരൻ, കെ.ജി. ബാബു, ഇ.എം. സതീശൻ, ഷീല വിജയകുമാർ എന്നിവർ പ്രസംഗിച്ചു.

യാത്രാദുരിതത്തിനു കാരണം ജില്ലാ ഭരണകൂടത്തിന്‍റെ ഏകോപനമില്ലായ്മ: കേരള യൂത്ത് ഫ്രണ്ട്

തൃശൂർ: യാത്രാദുരിതത്തിനു കാരണം ജില്ലാ ഭരണകൂടത്തിന്‍റെ ഏകോപനമില്ലാത്ത പ്രവർത്തനങ്ങളും നിസംഗതയുമാണെന്നു കേരള യൂത്ത് ഫ്രണ്ട് ജില്ലാ നേതൃയോഗം കുറ്റപ്പെടുത്തി. പൊളിച്ചിട്ടിരിക്കുന്ന റോഡുകൾക്കുപകരം യാത്രാമാർഗങ്ങൾ സൃഷ്ടിക്കുന്ന കാര്യത്തിൽ ജില്ലാ ഭരണകൂടം പൂർണമായും പരാജയപ്പെട്ടു. ഭരണകൂടത്തിന്‍റെ നിസംഗതയ്ക്കെതിരേ സമരമാരംഭിക്കാനും ജൂൺ 14, 15 തീയതികളിൽ ടൗൺഹാളിൽ നടക്കുന്ന കേരള കോൺഗ്രസ് ജില്ലാ ക്യാമ്പ് വിജയിപ്പിക്കാനും യോഗം തീരുമാനിച്ചു. സംസ്ഥാന പ്രസിഡന്‍റ് കെ.വി. കണ്ണൻ ഉദ്ഘാടനം ചെയ്തു. ജില്ലാ പ്രസിഡന്‍റ് ജോബി ആലപ്പാട്ട് അധ്യക്ഷത വഹിച്ചു. കേരള കോൺഗ്രസ് സംസ്ഥാന വൈസ് ചെയർമാൻ എം.പി. പോളി മുഖ്യാതിഥിയായിരുന്നു. ജില്ലാ പ്രസിഡന്‍റ് സി.വി. കുര്യാക്കോസ് മുഖ്യപ്രഭാഷണം നടത്തി. തോമസ് ആന്‍റണി, ടി.പി. സന്തോഷ് , പ്രീറ്റ് ജെ. മുരിയാടൻ, അദീപ് അവനൂർ, ടി.സി. ബിനോയ് എന്നിവർ പ്രസംഗിച്ചു.

രാജപ്പൻ മാരാർക്കു വീരശൃംഖല സമർപ്പണം നാളെ

തൃശൂർ: പാറമേക്കാവ് കലാക്ഷേത്രത്തിന്‍റെ 25-ാം വാർഷികാഘോഷവും വാദ്യകലാകാരൻ രാജപ്പൻ മാരാർക്കുള്ള വീരശൃംഖലസമർപ്പണവും നാളെ പാറമേക്കാവ് അഗ്രശാലയിൽ നടക്കും. രാവിലെ 10.20ന് കേരള സംഗീതനാടക അക്കാദമി ചെയർമാൻ മട്ടന്നൂർ ശങ്കരൻകുട്ടിമാരാർ വാർഷികാഘോഷങ്ങൾ ഉദ്ഘാടനം ചെയ്യും. തുടർന്ന് കല്ലേക്കുളങ്ങര അച്യുതൻകുട്ടിമാരാരുടെ പ്രഭാഷണം. ഉച്ചയ്ക്ക് 12.40നു നടക്കുന്ന അവാർഡ് സദസ് മന്ത്രി കെ. രാജൻ ഉദ്ഘാടനം ചെയ്യും. വൈകീട്ട് 4.30നു നടക്കുന്ന വീരശൃംഖലസമർപ്പണസദസിന്‍റെ ഉദ്ഘാടനം മന്ത്രി ഡോ. ആർ. ബിന്ദു നിർവഹിക്കും. തന്ത്രി പുലിയന്നൂർ കൃഷ്ണൻ നന്പൂതിരിപ്പാട് രാജപ്പൻമാരാർക്കു വീരശൃംഖല സമർപ്പിക്കും. എളങ്ങലൂർ സദാനന്ദൻ നന്പൂതിരി കീർത്തിമുദ്രസമർപ്പണവും കിഴക്കൂട്ട് അനിയൻമാരാർ മംഗളപത്രസമർപ്പണവും നിർവഹിക്കും.

ടെറസിൽനിന്നു വീണ യുവതി മരിച്ചു

വെട്ടുകാട്: മാങ്ങ പറിക്കുന്നതിനിടെ ടെറസിൽനിന്നു വീണ് പരിക്കേറ്റ് തൃശൂർ ജൂബിലി മിഷൻ ആശുപത്രിയിൽ ചികിത്സയിലായിരുന്ന യുവതി മരിച്ചു. മങ്കുടിയൻ ചാർളി ഭാര്യ ബിന്ദു (ബീന- 42) ആണ് മരിച്ചത്. സംസ്കാരം ഇന്ന് രാവിലെ 10ന് വെട്ടുകാട് സെന്‍റ് ജോസഫ് പള്ളിയിൽ. ഇളന്തുരത്തി സതേൺ ഫാർമസ്യൂട്ടിക്കലിലെ ജീവനക്കാരിയായിരുന്നു. മക്കൾ: മരീന, അലോഷ്യസ്.

ഓട്ടോറിക്ഷ അപകടത്തിൽപ്പെട്ട് യുവാവ് മരിച്ചു

പട്ടിക്കാട്: ദേശീയപാത വട്ടക്കല്ലിൽ ഓട്ടോറിക്ഷ അപകടത്തിൽപ്പെട്ട് പീച്ചി സ്വദേശിയായ യുവാവ് മരിച്ചു. കുണ്ടുവാറ വീട്ടിൽ അശോകൻ മകൻ അനൂപ് (24) ആണ് മരിച്ചത്. ഇന്നലെ പുലർച്ചെ ഒരു മണിയോടെ തൃശൂർ ഭാഗത്തേക്കുള്ള പാതയിൽ ഫാസ്റ്റ് ട്രാക്കിൽ വച്ചായിരുന്നു അപകടം. അപകടകാരണം വ്യക്തമല്ല. അപകടത്തെ തുടർന്ന് വാഹനത്തിൽ കുടുങ്ങിക്കിടന്ന അനൂപിനെ പിന്നാലെ എത്തിയ യാത്രക്കാരും ആംബുലൻസ് ഡ്രൈവർമാരും ചേർന്നാണ് പുറത്തെടുത്ത് തൃശൂരിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പീച്ചി പോലീസ് സ്ഥലത്തെത്തി മേൽനടപടികൾ സ്വീകരിച്ചു. ഏതെങ്കിലും വാഹനം ഓട്ടോറിക്ഷയിൽ ഇടിച്ചതാണോ, നിയന്ത്രണംവിട്ട് അപകടത്തിൽപ്പെട്ടതാണോ എന്ന് വ്യക്തമല്ല.

വീടിന്‍റെ മേൽക്കൂര തകർന്ന് അമ്മയ്ക്കും മരുമകൾക്കും പരിക്ക്

ഇരിങ്ങാലക്കുട: കനത്ത മഴയിൽ വീടിന്‍റെ മേൽക്കൂര തകർന്നുവീണ് അമ്മയ്ക്കും മരുമകൾക്കും പരിക്കേറ്റു. നഗരസഭ 27-ാം വാർഡിൽ കെഎസ്ഇ ലിമിറ്റഡ് കന്പനിക്ക് സമീപം താമസിക്കുന്ന പാറപ്പുറം വീട്ടിൽ സുധാദേവിയുടെ ഓടിട്ട വീടിന്‍റെ മേൽക്കൂരയാണു തകർന്നത്. കഴിഞ്ഞദിവസം പുലർച്ചെ ഒന്നരയോടെയാണ് സംഭവം. സുധാദേവി, മകൻ ഉമാശങ്കർ, ഭാര്യ നിഷ, ഇവരുടെ മകൻ എന്നിവരാണു വീട്ടിൽ ഉണ്ടായിരുന്നത്. സുധാദേവിയുടെയും തൊട്ടടുത്ത മുറിയിൽ ഉറങ്ങുകയായിരുന്ന നിഷ(39)യുടെയും ദേഹത്തേക്കാണ് ഓടുകൾ വീണത്. നിഷയുടെ തലയിൽ ആഴത്തിലുള്ള മുറിവേറ്റു. സുധാദേവിക്കു വലതുകൈയ്ക്കു ചതവുണ്ട്. ഉമാശങ്കറും മകനും ഇതേ മുറിയിൽ ഉണ്ടായിരുന്നെങ്കിലും പരിക്കേൽക്കാതെ രക്ഷപ്പെട്ടു. നിഷയെയും സുധാദേവിയെയും സമീപവാസികൾ ചേർന്നാണ് ഓടുകൾ നീക്കി പുറത്തെടുത്തത്. നിഷ ആശുപത്രിയിൽ ചികിത്സ തേടി. തുടർന്ന് ഇവർ തൊട്ടടുത്ത ബന്ധുവീട്ടിലേക്ക് മാറി.

മഴ: ദുരിതം തുടരുന്നു

ഇരിങ്ങാലക്കുട: കനത്ത മഴയിലും കാറ്റിലും മുകുന്ദപുരം താലൂക്കിൽ നിരവധി വീടുകൾ ഭാഗികമായി തകർന്നു. നെല്ലായി, തൊട്ടിപ്പാൾ, കാട്ടൂർ, ആനന്ദപുരം, പൂമംഗലം, കൊറ്റനെല്ലൂർ, വേളൂക്കര, വള്ളിവട്ടം, തെക്കുംകര, ഇരിങ്ങാലക്കുട, എടതിരിഞ്ഞി, മാടായിക്കോണം, മുരിയാട് വില്ലേജുകളിലാണ് വീടുകൾ തകർന്നത്. കാട്ടൂർ പഞ്ചായത്തിൽ ഈഴുവപ്പടി സന്തോഷ്, നന്തിലത്തുപറന്പിൽ സുനിൽ പൂമംഗലം പഞ്ചായത്തിൽ കൊന്പരുപറന്പിൽ ശശി, വേളൂക്കര പഞ്ചായത്തിൽ മേപ്പറന്പ് വീട്ടിൽ ശശീന്ദ്രൻ, കളപ്പുരക്കൽ രവി ഭാര്യ രമ, തുന്പൂർ പൊന്നന്പത്ര രാമനാഥൻ മകൻ ഹരിദാസ്, കൊറ്റനെല്ലൂർ വില്ലേജിൽ തുന്പൂർ വേലിക്കാട്ടിൽ ജമീലഭായ്, മുരിയാട് പഞ്ചായത്തിൽ പൂവാലിപറന്പിൽ ശ്രീനിവാസൻ, പള്ളിപ്പാമഠത്തിൽ ശ്രീധരൻ, കോടൻവിളയിൽ രാഖി, തയ്യിൽ വീട്ടിൽ സുമതി, പടിയൂർ പഞ്ചായത്തിൽ എടതിരിഞ്ഞി വില്ലേജിൽ ചെട്ടിയാൽ നെല്ലകത്ത് രാധാകൃഷ്ണൻ, കാക്കാത്തിരുത്തി കാളിമലർക്കാവ് വലൂപറന്പിൽ അനിയൻ, കൈമാപറന്പിൽ സുധാകരൻ, പടിയൂർ വില്ലേജിൽ തേവർക്കാട്ടിൽ വേലായുധൻ, നെടുന്പറന്പിൽ ഗംഗൻ, വലൂപറന്പിൽ മനോജ് വെള്ളാങ്കല്ലൂർ പഞ്ചായത്തിൽ വടക്കുംകര വില്ലേജിൽ അക്കൻവീട്ടിൽ രമണി, പാറേക്കാടൻ കാർത്യായനി, തെക്കുംകര വില്ലേജിൽ തരൂപീടികയിൽ സാജിത, പൈങ്ങോട് പൂവത്തുംകടവിൽ മുന്ന ജയൻ, കരൂപ്പടന്ന കളത്തിങ്കൽ ബീവി, വള്ളിവട്ടം വില്ലജിൽ ചിങ്കാരത്ത് വീട്ടിൽ രാധു, വലിയപറന്പിൽ കൃഷ്ണൻ, തൂമാട്ട് സജീവൻ, ഇരിങ്ങാലക്കുട നഗരസഭ മാടായിക്കോണം വില്ലേജിൽ പന്പാറ സുരേന്ദ്രൻ, കല്ലൂപറന്പിൽ മുഹമ്മദ് ഹനീഫ, മനവലശേരി വില്ലേജിൽ പാറപ്പുറത്ത് സുധാദേവി, ഇരിങ്ങാലക്കുട വില്ലേജിൽ കീർത്തനയിൽ നന്ദകുമാർ എന്നിവരുടെ വീടുകൾ മരങ്ങൾവീണ് ഭാഗികമായി തകർന്നു. മേഖലയിലെ പാടശേഖരങ്ങളിലെല്ലാം വെള്ളമുയർന്നു. ഇരിങ്ങാലക്കുട മേഖലയിൽ പലയിടത്തും മരംവീണ് വൈദ്യുതികാലുകൾ തകർന്നു. പലയിടത്തും ഗതാഗതം തടസപ്പെട്ടു. പടിയൂർ, കാറളം, കാട്ടൂർ, പൂമംഗലം പഞ്ചായത്തുകളിലും നഗരസഭയിലും മരങ്ങൾവീണ് അപകടമുണ്ടായി. പലയിടത്തും വൈദ്യുതി പുനഃസ്ഥാപിക്കാനായിട്ടില്ല. ഇരിങ്ങാലക്കുട ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതിക്കെട്ടിടത്തിന്‍റെ മുകളിലേക്കു വളർന്നുനിന്നിരുന്ന അപകടാവസ്ഥയിലുള്ള മരം ഇരിങ്ങാലക്കുട പോലീസ് മുറിച്ചുമാറ്റി. ശക്തമായ കാറ്റിൽ തോപ്പ് പൂമംഗലം റോഡിൽ മരംവീണ് വൈദ്യുതികാലുകൾ തകർന്നു. കാവല്ലൂർ ഷാജന്‍റെ വീട്ടുപറന്പിൽ റോഡരികിൽ നിന്നിരുന്ന മരം ത്രീഫേസ് ലൈനിലേക്കു കടപുഴകിവീഴുകയായിരുന്നു. വൈദ്യുതി പോസ്റ്റ് ഒടിഞ്ഞു. ഇതേത്തുടർന്ന് പ്രദേശത്ത് വൈദ്യുതിമുടങ്ങി. മൂന്നുപീടീക ഇരിങ്ങാലക്കുട റോഡിൽ കാക്കത്തുരുത്തിയിൽ റോഡിലേക്കുവീണ മരം നാട്ടുകാരുടെ സഹായത്തോടെ കാട്ടൂർ പോലീസ് മുറിച്ചുമാറ്റി ഗതാഗതം പുനഃസ്ഥാപിച്ചു. പൂമംഗലം പഞ്ചായത്തിൽ 20 സ്ഥലങ്ങളിൽ മരംവീണ് അപകടമുണ്ടായി. വൈദ്യുതിവിതരണം തടസപ്പെട്ടു. ചെന്ത്രാപ്പിന്നി: കനത്ത കാറ്റിലും മഴയിലും ചെന്ത്രാപ്പിന്നിയിൽ മരംവീണ് വീടിനു നാശനഷ്ടം. എടത്തിരുത്തി 11-ാം വാർഡ് ചെന്ത്രാപ്പിന്നി എസ്എൻ വിദ്യാഭവനു കിഴക്കുവശം മണ്ടത്തറ ബിജുവിന്‍റെ വീടാണു തകർന്നത്. കഴിഞ്ഞദിവസം രാത്രിയിലുണ്ടായ കനത്ത കാറ്റിലാണ് പറന്പിലെ മാവ് വീടിനുമുകളിലേക്കു വീണത്. വീടിന്‍റെ ഓടിട്ട ഭാഗം പൂർണമായും തകർന്നു. ചുമരിനും വിള്ളൽ വീണിട്ടുണ്ട്. കനത്ത കാറ്റിൽ ചെന്ത്രാപ്പിന്നി മാരാത്ത് മദൻമോഹന്‍റെ വീട്ടുപറന്പിലെ മരങ്ങൾ മറിഞ്ഞുവീണു. രണ്ടു വലിയ പ്ലാവ്, തെങ്ങ്, കവുങ്ങ്, ചാന്പ, ജാതി, വാഴ എന്നിവ നിലപൊത്തി. വൈദ്യുതി കന്പികളും തകരാറിലായി. പലയിടത്തും മരങ്ങൾവീണ് വൈദ്യുതി പോസ്റ്റുകളും കന്പികളും പൊട്ടിവീണു. രണ്ടുദിവസമായി വൈദ്യുതിബന്ധവും തകരാറിലാണ്. മറ്റത്തൂർ: പഞ്ചായത്തിലെ കടന്പോട് പ്രദേശത്ത് ഉണ്ടായ ശക്തമായ കാറ്റിൽ റബർ മരം ഒടിഞ്ഞുവീണ് വീട് ഭാഗികമായി തകർന്നു. കടന്പോട് പാറയിൽ മേരി പാപ്പച്ചന്‍റെ ഓടിട്ട വീടാണ് തകർന്നത്. വീടിനു സമീപം നിന്നിരുന്ന റബർ മരം കാറ്റിൽ ഒടിഞ്ഞ് വീടിന്‍റെ മേൽക്കൂരയിലേക്ക് വീഴുകയായിരുന്നു. മേൽക്കൂരയിലെ ഓടുകളും കഴുക്കോലുകളും തകർന്നുവീണു. പഞ്ചായത്തംഗം സുമിത ഗിരീഷ് സ്ഥലം സന്ദർശിച്ചു. മാപ്രാണത്ത്‌ വീണ്ടും മണ്ണിടിച്ചിൽ മാപ്രാണം: ഇരിങ്ങാലക്കുട നഗരസഭ വാർഡ് 38ൽ വാതിൽമാടം നഗറിൽ മണ്ണിടിച്ചിലിൽ മരംവീണ് കൂടാരത്തിൽ രാമക്ക ഭദ്ര(90)യുടെ വീടിനു നാശനഷ്ടം. വീടിന്‍റെ പിറകിലുള്ള കുന്നിൽനിന്നാണു മണ്ണിടിഞ്ഞത്. മണ്ണിടിച്ചിൽ ഭീഷണി നിലനിൽക്കുന്നതിനാൽ വാതിൽമാടം നഗറിലെ ഏഴു കുടുംബങ്ങൾക്ക് റവന്യൂവകുപ്പ് നേരത്തെ നോട്ടീസ് നല്കിയിരുന്നു. വെള്ളാങ്കല്ലൂർ കാരുമാത്ര വില്ലേജിൽ പാണേലിപ്പറന്പിൽ ആരിഫ, സതീശൻ പോട്ടെക്കാരൻ, കാരേപറന്പിൽ സുരേന്ദ്രൻ എന്നിവരുടെ വീടിനോടു ചേർന്നുള്ള ഭാഗം മണ്ണിടിഞ്ഞു. മുരിയാട് വില്ലേജിൽ പുല്ലോക്കാരൻ ബിജുവിന്‍റെ ഉടമസ്ഥതയിലുള്ള ഭൂമിയുടെ പാടത്തിനോടു ചേർന്നുനിൽക്കുന്ന അതിർത്തിഭാഗത്തു നിർമിച്ചിരുന്ന ഭിത്തി പാടത്തേക്ക് ഇടിഞ്ഞു. കനാലിന്‍റെ അരികിടിഞ്ഞുവീണു താണിശേരി: താണിശേരി പത്തനാപുരത്ത് കെ എൽഡിസി കനാലിന്‍റെ അരികിടിഞ്ഞുവീണു. കെ എൽഡിസി ഉദ്യോഗസ്ഥരും ഗ്രാമപഞ്ചായത്ത് പ്രസിഡന്‍റ് ബിന്ദു പ്രദീപ് അടക്കമുള്ളവരും സ്ഥലത്തെത്തി. വൈദ്യുതി പുനഃസ്ഥാപിക്കാനായില്ല മാള: മഴ ഗണ്യമായി കുറഞ്ഞെങ്കിലും പലയിടത്തും വൈദ്യുതിബന്ധം പുനഃസ്ഥാപിക്കാനായിട്ടില്ല. കാറ്റിനെത്തുടർന്ന് മരങ്ങൾ ഒടിഞ്ഞുവീണ് വൈദ്യുതികന്പികളും വൈദ്യുതികാലുകളും തകർന്നത് പുനഃസ്ഥാപിക്കുന്നതു വൈകുന്നതാണ് കാരണം. അന്നമനടയിൽ മേലഡൂർ പ്രദേശങ്ങളിലും മാള പഞ്ചായത്തിലെ വലിയപറന്പ് ഭാഗത്തും ആളൂരിലെ കൊന്പിടിഞ്ഞാമാക്കൽ മേഖലയിലും പൊയ്യയിലെ മടത്തുംപടി മേഖലകളിലും വൈദ്യുതിബന്ധം പുനസ്ഥാപിക്കാനായിട്ടില്ല. ഇന്ന് കാലാവസ്ഥ അനുകൂലമായാൽ നാശനഷ്ടങ്ങൾ പരിഹരിച്ചു വൈദ്യുതിബന്ധം സാധാരണ രീതിയിലാക്കാൻ സാധിക്കുമെന്ന പ്രതീക്ഷയിലാണ് വിവിധ സെക്ഷനുകളിലെ കെ എസ്ഇബി ഉദ്യോഗസ്ഥർ.

ചെട്ടിക്കാട് തീർഥാടനകേന്ദ്രത്തിൽ വിദ്യാർഥികൾക്കായി അഭിഷേകപ്രാർഥന

ചെട്ടിക്കാട്: അധ്യയനവർഷാരംഭത്തോടനുബന്ധിച്ച് ചെട്ടിക്കാട് വിശുദ്ധ അന്തോണീസിന്‍റെ തീർഥാടനകേന്ദ്രത്തിൽ വിദ്യാർഥികൾക്കായി അഭിഷേകപ്രാർഥന നടത്തി. വിദ്യാർഥികളെയും അവരുടെ പഠനോപകരണങ്ങളും വൈദികർ ആശീർവദിച്ചു പ്രാർഥിച്ചു. വിശുദ്ധ അന്തോണീസിന്‍റെ ചിത്രം പതിച്ച നോട്ടുബുക്കുകൾ വിദ്യാർഥികൾക്കു വിതരണംചെയ്തു. രാവിലെ 6.15 മുതൽ വൈകിട്ട് 6.30 വരെ തുടർച്ചയായി ദിവ്യബലി, നൊവേന, ആരാധന, വിദ്യാർഥികൾക്കായുള്ള പ്രാർഥന എന്നിവ നടന്നു. നാനാജാതിമതസ്ഥരായ നൂറുകണക്കിനു വിദ്യാർഥികൾ പ്രാർഥനാശുശ്രൂഷയ്ക്ക് എത്തി. റെക്ടർ റവ.ഡോ. ബെന്നി വാഴക്കൂട്ടത്തിൽ, ഫാ. ഫ്രാൻസൻ കുരിശിങ്കൽ, ഫാ. അജയ് ആന്‍റണി പുത്തൻപറന്പിൽ എന്നിവർ നേതൃത്വം നൽകി.

കോട്ടപ്പുറം കണ്‍വൻഷൻ: വാഹന വെഞ്ചരിപ്പ് ഇന്ന്

കോട്ടപ്പുറം: സെന്‍റ് മൈക്കിൾസ് കത്തീഡ്രൽ വചനകൂടാരത്തിൽ നടക്കുന്ന കോട്ടപ്പുറം രൂപത 11-ാമത് ബൈബിൾ കണ്‍വൻഷൻ എൽറൂഹ 2025-നോടനുബന്ധിച്ച് ഇന്ന് വാഹനങ്ങളുടെ വെഞ്ചരിപ്പ് നടക്കും. മൂന്നാംദിനത്തിൽ നടന്ന ദിവ്യബലിക്കു ഗോതുരുത്ത് ഫൊറോന വികാരി ഫാ. ജാക്സൻ വലിയപറന്പിൽ മുഖ്യകാർമികത്വം വഹിച്ചു. മോണ്‍. റോക്കി റോബി കളത്തിൽ, ഫാ. ആന്‍റസ് പുത്തൻവീട്ടിൽ, ഫാ. ഷൈജൻ പനയ്ക്കൽ, ഫാ. ബാബു മുട്ടിക്കൽ, ഫാ. ബിയോണ്‍ കോണത്ത് തുടങ്ങിയവർ സഹകാർമികരായി. കടലുണ്ടി എൽറൂഹ ധ്യാനകേന്ദ്രം ഡയറക്ടർ ഫാ. റാഫേൽ കോക്കാടൻ സിഎംഐ, ഫാ. റിജോ പയ്യപ്പിള്ളി സിഎംഐ എന്നിവർ കണ്‍വൻഷനു നേതൃത്വം നൽകി. നാളെവരെ വൈകീട്ട് 4.30 മുതൽ ഒൻപതുവരെയാണ് കണ്‍വൻഷൻ. ഇന്ന് കോട്ടപ്പുറം ഫൊറോന വികാരി ഫാ. ജോഷി കല്ലറയ്ക്കൽ ദിവ്യബലിക്ക് മുഖ്യകാർമികത്വം വഹിക്കും.

സിമന്‍റ്കട്ടകൾവീണ് കാര്‍ ഭാഗികമായി തകര്‍ന്നു

മറ്റത്തൂർ: ഹോളോബ്രിക്സ് കന്പനിയുടെ മതിലിനോടുചേർന്ന് അട്ടിയിട്ടിരുന്ന സിമന്‍റുകട്ടകൾ കനത്ത മഴയിൽ തൊട്ടടുത്ത പറന്പിലെ ഷെഡിനു മുകളിലേക്ക് ഇടിഞ്ഞുവീണ് ഷെഡിൽ നിർത്തിയിട്ടിരുന്ന കാർ ഭാഗികമായി തകർന്നു. മൂന്നുമുറി കല്ലന്പിവീട്ടിൽ റോയിയുടെ കാറിനാണു കേടുപറ്റിയത്. സമീപത്തെ ഹോളോബ്രിക്സ് കന്പനിയുടെ മതിലിനോടുചേർന്ന് സൂക്ഷിച്ചിരുന്ന സിമന്‍റ്കട്ടകളുടെ ശേഖരം സമീപത്തെ മതിലിനു മുകളിലേക്കും കാർഷെഡിനു മുകളിലേക്കും വീഴുകയായിരുന്നു. ഷെഡിൽ കിടന്നിരുന്ന കാറിന്‍റെ പിൻഭാഗം ഭാഗികമായി തകർന്നു.

ഇല്ലിക്കൽ, കൊറ്റംകോട് റെഗുലേറ്ററുകളുടെ ഷട്ടറുകൾ തുറന്നു

ഇരിങ്ങാലക്കുട: കരുവന്നൂർപുഴയിൽ ജലനിരപ്പ് ഉയർന്നതിനെത്തുടർന്ന് ഇല്ലിക്കൽ, കൊറ്റംകോട് റെഗുലേറ്ററുകളുടെ ഷട്ടറുകൾ തുറന്നു. ആറുവീതം ഷട്ടറുകളാണ് ക്രെയിൻ ഉപയോഗിച്ച് ഉയർത്തിയത്. കരുവന്നൂർപുഴയുടെ തീരത്തും കാറളം പഞ്ചായത്തിലെ താഴ്ന്നപ്രദേശങ്ങളിലും വെള്ളം കയറാനുള്ള സാധ്യത മുന്നിൽകണ്ടാണു ഷട്ടറുകൾ ഉയർത്തിയത്. വരുംദിവസങ്ങളിൽ മുഴുവൻ ഷട്ടറുകളും തുറക്കും. പുഴയിലെ ഒഴുക്ക് വർധിച്ചതോടെ കിഴുപ്പിള്ളിക്കര മുനയത്ത് പുഴയ്ക്കുകുറുകെ നിർമിച്ചിരുന്ന താൽക്കാലിക ബണ്ട് തകർന്നു. ഒഴുക്ക് ശക്തമായതോടെ പുഴയുടെ പടിഞ്ഞാറേക്കര വൻതോതിൽ ഇടിഞ്ഞു. കിഴക്കേകരയോടുചേർന്ന ബണ്ടിന്‍റെ കുറച്ചുഭാഗം ജലസേചനവകുപ്പ് മണ്ണുമാന്തിയന്ത്രം ഉപയോഗിച്ച് തുറന്ന് ഒഴുക്ക് നിയന്ത്രിച്ചിട്ടുണ്ട്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]