ജോ​ൺ​സ​ൺ വേ​ങ്ങ​ത്ത​ടം

കൊ​ല്ലം: വ​നം​വ​കു​പ്പി​ലെ പൊ​തു​സ്ഥ​ലം​മാ​റ്റം വ​കു​പ്പി​ലെ ഉ​ന്ന​ത​സം​ഘം​ത​ന്നെ അ​ട്ടി​മ​റി​ച്ചു​വെ​ന്ന് പ​രാ​തി. മേ​യ് 15നു ​മു​ന്പ് ഇ​റ​ങ്ങേ​ണ്ട സ്ഥ​ലം​മാ​റ്റ ഉ​ത്ത​ര​വാ​ണ് അ​ട്ടി​മ​റി​ക്ക​പ്പെ​ട്ട​തെ​ന്നു പ​റ​യു​ന്നു.

വ​നം വ​കു​പ്പ് സ്വ​ന്ത​മാ​യി വി​ക​സി​പ്പി​ച്ച സോ​ഫ്റ്റ്‌​വേ​റും ച​ട്ട​വും പ്ര​കാ​രം പു​റ​ത്തി​റ​ക്കി​യ സ്ഥ​ലം​മാ​റ്റ മു​ൻ​ഗ​ണ​നാ പ​ട്ടി​ക അ​ന​ർ​ഹ​രെ തി​രു​കി​ക്ക​യ​റ്റു​ന്ന​തും അ​ർ​ഹ​രാ​യ​വ​രെ പ​ട്ടി​ക​യ്ക്കു പു​റ​ത്താ​ക്കു​ന്ന​തു​മാ​ണെ​ന്നു ജീ​വ​ന​ക്കാ​രു​ടെ യൂ​ണി​യ​നു​ക​ൾ ആ​രോ​പി​ച്ചു.

മു​ൻ​വ​ർ​ഷ​ങ്ങ​ളി​ൽ​നി​ന്നു വി​പ​രീ​ത​മാ​യി സ്പാ​ർ​ക്കി​നു പ​ക​രം സ്വ​ന്തം സോ​ഫ്റ്റ്‌​വ‌േ​ർ നി​ർ​മി​ച്ചാ​ണ് വ​നം വ​കു​പ്പ് ഈ ​വ​ർ​ഷം പൊ​തു സ്ഥ​ലം​മാ​റ്റം ന​ട​പ്പാ​ക്കാ​നൊ​രു​ങ്ങി​യ​ത്. ഏ​പ്രി​ൽ 30ന് ​പൂ​ർ​ത്തി​യാ​ക്കേ​ണ്ട സ്ഥ​ലം​മാ​റ്റം സ​ർ​ക്കാ​ർ​ച​ട്ടം അം​ഗീ​ക​രി​ക്കു​ന്ന​തി​നും സോ​ഫ്റ്റ്‌​വേ​ർ ത​യാ​റാ​ക്കു​ന്ന​തി​നു​മു​ണ്ടാ​യ താ​മ​സം കാ​ര​ണം ജൂ​ണി​ലാ​ണ് വി​ജ്ഞാ​പ​നം പു​റ​പ്പെ​ടു​വി​ച്ച​ത്. അ​പേ​ക്ഷ ക്ഷ​ണി​ച്ച​പ്പോ​ഴാ​ണു സോ​ഫ്റ്റ്‌​വേ​റി​ലെ അ​പാ​ക​ത​ക​ൾ പ​ല​തും ബോ​ധ്യ​പ്പെ​ട്ട​ത്. ഈ ​മാ​സം ഏ​ഴി​നാ​ണ് ക​ര​ട് മു​ൻ​ഗ​ണ​നാ പ​ട്ടി​ക പു​റ​ത്തി​റ​ക്കി​യ​ത്.

ഈ ​പ​ട്ടി​ക വ​ന്ന​പ്പോ​ഴാ​ണ് അ​ർ​ഹ​രാ​യ ജീ​വ​ന​ക്കാ​ർ എ​ല്ലാ​വ​രും ത​ങ്ങ​ൾ മു​ൻ​ഗ​ണ​നാ ലി​സ്റ്റി​നു പു​റ​ത്താ​ണ് എ​ന്ന വി​വ​ര​മ​റി​യു​ന്ന​ത്. ഹൈ​റേ​ഞ്ച് മേ​ഖ​ല​ക​ളി​ൽ ര​ണ്ടു വ​ർ​ഷം സേ​വ​നം ചെ​യ്താ​ൽ മൂ​ന്നു​വ​ർ​ഷ​മാ​യി പ​രി​ഗ​ണി​ക്ക​ണ​മെ​ന്നാ​ണ് ച​ട്ടം. സം​സ്ഥാ​ന​ത്ത് വി​വി​ധ സ്ഥ​ല​ങ്ങ​ളി​ൽ മൂ​ന്നു വ​ർ​ഷ​ത്തി​ൽ കൂ​ടു​ത​ൽ കാ​ലം സേ​വ​നം ചെ​യ്തി​ട്ടും ജീ​വ​ന​ക്കാ​ർ​ക്ക് ക​ര​ട് ലി​സ്റ്റി​ൽ​പോ​ലും എ​ത്തി​പ്പെ​ടാ​ൻ സാ​ധി​ച്ചി​ട്ടി​ല്ല.


അ​തീ​വ ദു​ർ​ഘ​ട പ്ര​ദേ​ശ​മാ​യ മ​റ​യൂ​ർ, ക​ട​മാ​ൻ​പാ​റ എ​ന്നി​വി​ട​ങ്ങ​ളി​ൽ ജോ​ലി ചെ​യ്യു​ന്ന ജീ​വ​ന​ക്കാ​ർ​ക്ക് ഒ​രു വ​ർ​ഷം ക​ഴി​യു​മ്പോ​ൾ സ്ഥ​ലം​മാ​റ്റ​ത്തി​ന് അ​പേ​ക്ഷാ​നാ​യി ച​ട്ട​ത്തി​ൽ വ്യ​വ​സ്ഥ ചെ​യ്തി​രു​ന്നെ​ങ്കി​ലും സോ​ഫ്റ്റ്‌​വ‌​റി​ലെ അ​പാ​ക​ത മൂ​ലം 95 ശ​ത​മാ​നം ജീ​വ​ന​ക്കാ​രും ക​ര​ടു​പ​ട്ടി​ക​യ്ക്കു പു​റ​ത്താ​ണ്. ഫ​ല​ത്തി​ൽ ഒ​രു വ​ർ​ഷ​ത്തി​നു​ശേ​ഷം സ്ഥ​ലം​മാ​റ്റം ല​ഭി​ക്കും എ​ന്നു​ള്ള ജീ​വ​ന​ക്കാ​രു​ടെ പ്ര​തീ​ക്ഷ അ​സ്ഥാ​ന​ത്താ​യി.

ഇ​ഷ്ട​ക്കാ​രെ സ്പാ​ർ​ക് മു​ഖാ​ന്ത​രം സ്ഥ​ലം​മാ​റ്റു​മ്പോ​ൾ തി​രി​കി​ക്ക​യ​റ്റു​ന്ന​തി​നു പ​രി​ധി​യു​ണ്ടെ​ന്നുക​ണ്ട് ചി​ല സ്ഥാ​പി​ത താ​ത്പ​ര്യ​ക്കാ​ർ വ​നം വ​കു​പ്പി​ൽ സ​മ്മ​ർ​ദം ചെ​ലു​ത്തി പു​തി​യ ച​ട്ട​മു​ണ്ടാ​ക്കു​ക​യും വ​നം വ​കു​പ്പി​നു മാ​ത്ര​മാ​യി പ്ര​ത്യേ​ക സോ​ഫ്റ്റ്‌​വേ​ർ ഉ​ണ്ടാ​ക്കു​ക​യും ചെ​യ്ത​തു​കൊ​ണ്ടാ​ണ് ജൂ​ലൈ പ​കു​തി​യാ​യി​ട്ടും വ​നം വ​കു​പ്പി​ൽ പൊ​തു​സ്ഥ​ലം മാ​റ്റം ന​ട​പ്പാ​കാ​ത്ത​തും അ​ർ​ഹ​രാ​യ​വ​ർ പ​ടി​ക്കു പു​റ​ത്താ​യ​തു​മെ​ന്നാ​ണ് ജീ​വ​ന​ക്കാ​രു​ടെ പ​രാ​തി. നി​ല​വി​ൽ സ്ഥ​ലം​മാ​റ്റ​ത്തി​നു​പോ​ലും കോ​ട​തി​യെ സ​മീ​പി​ച്ചാ​ണ് പ​ല​രും നീ​തി തേ​ടു​ന്ന​ത്.