കാ​യം​കു​ളം: യൂ​ത്ത് കോ​ൺ​ഗ്ര​സ് ഓ​ണാ​ഘോ​ഷ​ത്തി​ൽ അ​തി​ഥി​യാ​യി പ​ങ്കെ​ടു​ത്ത് ഓ​ണാ​ഘോ​ഷ​ത്തി​ന് രാ​ഷ്ട്രീ​യ​മി​ല്ലെ​ന്ന് തെ​ളി​യി​ച്ചി​രി​ക്കു​ക​യാ​ണ് സിപിഎം ​വ​നി​ത എംഎ​ൽഎ യു. ​പ്ര​തി​ഭ.

യൂ​ത്ത് കോ​ൺ​ഗ്ര​സ് കാ​യം​കു​ളം നി​യോ​ജ​ക​മ​ണ്ഡ​ലം ക​മ്മി​റ്റി കോ​ൺ​ഗ്ര​സ് ഭ​വ​നി​ൽ സം​ഘ​ടി​പ്പി​ച്ച ഓ​ണാ​ഘോ​ഷ​ത്തി​ലാ​ണ് രാ​ഷ്ട്രീ​യവൈ​രം മ​റ​ന്ന് സൗ​ഹൃ​ദ​ത്തി​ന്‍റെ സ​ന്ദേ​ശ​വു​മാ​യി പ്ര​തി​ഭ ​പ​ങ്കെ​ടു​ത്ത​ത്.

കോ​ൺ​ഗ്ര​സ് ഓ​ഫീ​സി​ന് എ​തി​ർ​വ​ശ​ത്തു​ള്ള പൊ​തു​മ​രാ​മ​ത്ത് റ​സ്റ്റ് ഹൗ​സി​ൽ എം​എ​ൽ​എ എ​ത്തി​യ​പ്പോ​ഴാ​ണ് യൂ​ത്ത് കോ​ൺ​ഗ്ര​സ് നേ​താ​ക്ക​ളാ​യ അ​രി​താ ​ബാ​ബു, വി​ശാ​ഖ് പ​ത്തി​യൂ​ർ, അ​ഫ്സ​ൽ പ്ലാ​മൂ​ട്ടി​ൽ എ​ന്നി​വ​ർ ഓ​ണാ​ഘോ​ഷ പ​രി​പാ​ടി​യി​ലേ​ക്ക് ക്ഷ​ണി​ച്ച​ത്. ക്ഷ​ണം സ്വീ​ക​രി​ച്ച് എ​ത്തി​യ എം​എ​ൽ​എ യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ർ​ക്കൊ​പ്പം സു​ന്ദ​രി​ക്കു പൊ​ട്ടു​കു​ത്തി​യു​ള്ള മ​ത്സ​ര​ത്തി​ലും പ​ങ്കെ​ടു​ത്തു.


ക​ഴി​ഞ്ഞത​വ​ണ എ​തി​ർ സ്ഥാ​നാ​ർ​ഥി​യാ​യി മ​ത്സ​രി​ച്ച അ​രി​ത ബാ​ബു ഉ​ൾ​പ്പെടെ​യു​ള്ള യൂ​ത്ത് കോ​ൺ​ഗ്ര​സ് പ്ര​വ​ര്‍​ത്ത​ക​രോ​ടൊ​പ്പം സെ​ൽ​ഫി​യും എ​ടു​ത്ത ശേ​ഷ​മാ​ണ് എംഎ​ൽഎ മ​ട​ങ്ങി​യ​ത്. ഓ​ണ​ത്തി​ന് രാ​ഷ്ട്രീ​യം ഇ​ല്ലെ​ന്നും എ​ല്ലാ​വ​രും പ​ര​സ്പ​രം സ്നേ​ഹ​വും സൗ​ഹൃ​ദ​വും പ​ങ്കി​ടാ​ൻ ഇ​തു​പോ​ല​ത്തെ അ​വ​സ​രം വി​നി​യോ​ഗി​ക്ക​ണ​മെ​ന്നും പ്ര​തി​ഭ എം​എ​ൽ​എ പ​റ​ഞ്ഞു.