വൈ​പ്പി​ന്‍ : സെ​മി​ത്തേ​രി​യി​ലെ കു​ഴി​വെ​ട്ടി​ന് തല്ക്കാലം അവധി നല്കി ബേ​ബി പു​ഷ്‌​കി​ന്‍ 'അ​മ്മ​യോ​ടൊ​പ്പം' എ​ന്ന പ​രി​പാ​ടി​യി​ല്‍ സം​ബ​ന്ധി​ക്കാ​ന്‍ ദു​ബാ​യി​യി​ലെ​ത്തി. വ്യ​ത്യ​സ്ത​വും ശ്ര​ദ്ധേ​യ​വു​മാ​യ മേ​ഖ​ല​യി​ല്‍ തൊ​ഴി​ല്‍ ചെ​യ്യു​ന്ന വ​നി​ത​ക​ളെ സം​ഘ​ടി​പ്പി​ച്ച് ന​ട​ത്തു​ന്ന ​പ​രി​പാ​ടി​യി​ല്‍ ബേ​ബി​ക്ക് ക്ഷ​ണം കി​ട്ടി​യ​ത്, ക​ഴി​ഞ്ഞ 50 വ​ര്‍​ഷ​മാ​യി പ​ള്ളി​പ്പു​റം മ​ഞ്ഞു​മാ​ത ബ​സി​ലി​ക്ക സെ​മി​ത്തേ​രി​യി​ല്‍ കു​ഴി​വെ​ട്ടി ഉ​പ​ജീ​വ​നം ന​ട​ത്തി വ​രു​ന്ന വ​നി​ത എ​ന്ന നി​ല​യി​ലാ​ണ്.

ഇ​വ​ര്‍ സ്വ​പ്ന​ത്തി​ല്‍ പോ​ലും സ​ങ്ക​ല്‍​പ്പി​ച്ചി​ട്ടി​ല്ലാ​ത്ത ഈ ​യാ​ത്ര​യ്ക്ക് വ​ഴി​യൊ​രു​ക്കി​യ​ത് ​പ​രി​പാ​ടി​യു​ടെ സം​ഘാ​ട​ക​രാ​യ ദു​ബാ​യി​ലെ മോം​സ് @ വേ​വ് എ​ന്ന സം​ഘ​ട​ന​. യാ​ത്ര, ഭ​ക്ഷ​ണം, താ​മ​സം എ​ന്നീ ചെ​ല​വു​ക​ളെ​ല്ലാം വ​ഹി​ക്കു​ന്ന​തും ഈ ​സം​ഘ​ട​ന ത​ന്നെ​. നാ​ളി​തു​വ​രെ പ​ള്ളി​യും വീ​ടു​മാ​യി ക​ഴി​ഞ്ഞി​രു​ന്ന 66 കാ​രിയായ ബേ​ബി പു​ഷ്‌​കി​നെ ഇ​തി​നു സ​ഹാ​യി​ച്ച​ത് പ​ള്ളി​പ്പു​റം ആ​യ​ക്കോ​ട്ട റ​സി​ഡ​ന്‍റ്സ് അ​സോ​സി​യേ​ഷ​നാ​ണ്.

അ​ബു​ദാ​ബി, ഷാ​ര്‍​ജ തു​ട​ങ്ങി​യ സ്ഥ​ല​ങ്ങ​ള്‍ സ​ന്ദ​ര്‍​ശി​ച്ച് 28 ലെ ​സ്വീ​ക​ര​ണ​ത്തി​നുശേ​ഷം 30 ന് ​ബേ​ബി തി​രി​ച്ചെ​ത്തും. ച​വി​ട്ടു നാ​ട​ക ക​ലാ​കാ​രി​യും സി​നി​മാ​താ​ര​വു​മാ​യ മോ​ളി ക​ണ്ണ​മാ​ലി ഉ​ള്‍​പ്പെ​ടെ ഏ​ഴുപേ​രാ​ണ് സം​ഘ​ത്തി​ലു​ള്ള​ത്.

റ​സി​ഡ​ന്‍റ്സ് അ​സോ​സി​യേ​ഷ​ന്‍ ഭാ​ര​വാ​ഹി​ക​ളാ​യ സേ​വി ​താ​ണി​പ്പി​ള്ളി, അ​ല​ക്‌​സ് താ​ളു​പ്പാ​ട​ത്ത്, പ്ര​ഷീ​ല ബാ​ബു, ഹാ​പ്‌​സ​ണ്‍ ജോ​സ​ഫ്, ജെ​യ്‌​സ​ണ്‍ മാ​നു​വ​ല്‍ എ​ന്നി​വ​ര്‍ ബേ​ബി​യെ ക​ഴി​ഞ്ഞ ദി​വ​സം നെ​ടു​മ്പാ​ശേ​രി​യി​ല്‍ നി​ന്നാ​ണ് യാ​ത്ര​യാ​ക്കി​യ​ത്.