അ​ങ്ക​മാ​ലി: അ​ങ്ക​മാ​ലി ന​ഗ​ര​സ​ഭ​യു​ടെ പ​ഴ​യ മ​ന്ദി​രം പു​തു​ക്കി പ​ണി​യു​ന്ന​തു​മാ​യി ബ​ന്ധ​പ്പെ​ട്ട് പ്ര​തി​പ​ക്ഷം ഉ​ന്ന​യി​ക്കു​ന്ന അ​ടി​സ്ഥാ​ന​മി​ല്ലാ​ത്ത ആ​രോ​പ​ണ​ങ്ങ​ൾ രാ​ഷ്ട്രീ​യ പ്രേ​രി​ത​മാ​ണെ​ന്ന് ചെ​യ​ർ​മാ​ൻ അ​ഡ്വ.​ ഷി​യോ പോ​ളും മു​ൻ ചെ​യ​ർ​മാ​ൻമാ​രാ​യ റെ​ജി മാ​ത്യു​വും മാ​ത്യു തോ​മ​സും വ്യ​ക്ത​മാ​ക്കി.

കെ​ട്ടി​ടം പു​തു​ക്കി പ​ണി​യു​ന്ന​തി​ന് കൗ​ൺ​സി​ൽ ഐ​ക്യ​ക​ണ്ഠേ​ന തീ​രു​മാ​നി​ച്ചാ​ണ്. പ്ര​തി​പ​ക്ഷ കൗ​ൺ​സി​ല​ർ​മാ​ർ അ​ട​ക്കം ഏ​ക​സ്വ​ര​ത്തി​ൽ ആ​വ​ശ്യ​പ്പെ​ട്ട​തു​കൊ​ണ്ടും ന​ഗ​ര​സ​ഭ​യ്ക്ക് കൂ​ടു​ത​ൽ ബാ​ധ്യ​ത​യി​ല്ലാ​തെ കെ​ട്ടി​ട​ത്തി​ന്‍റെ അ​റ്റ​കു​റ്റ​പ്പ​ണി പൂ​ർ​ത്തി​യാ​ക്കാ​ൻ ക​ഴി​യും എ​ന്നു​ള്ള തൃ​ശൂ​ർ എ​ൻജി​നീയ​റിം​ഗ് കോ​ള​ജി​ന്‍റെ വി​ദ​ഗ്ദ റി​പ്പോ​ർ​ട്ടിന്‍റെ അ​ടി​സ്ഥാ​ന​ത്തി​ലാ​ണ് അ​റ്റ​കു​റ്റ​പ്പ​ണി​ക്ക് ടെ​ൻ​ഡ​ൻ ക്ഷ​ണി​ച്ച​തും പ​ണി തു​ട​ങ്ങി​യ​തും.

ന​ഗ​ര​സ​ഭാ കെ​ട്ടി​ടം പൊ​ളി​ച്ച് നീ​ക്ക​ണ​മെ​ന്നാ​ണ് ഇ​പ്പോ​ൾ പ്ര​തി​പ​ക്ഷം ആ​വ​ശ്യ​പ്പെ​ടു​ന്ന​ത്. മ​റു​പ​ടി അ​ർ​ഹി​ക്കാ​ത്ത ആ​രോ​പ​ണ​മാ​ണ് പ്ര​തി​പ​ക്ഷം ഉ​ന്ന​യി​ക്കു​ന്ന​ത്. ഇ​തി​ന്‍റെ പി​ന്നി​ൽ നി​ഗൂ​ഢ താ​ല്പ​ര്യ​ങ്ങ​ൾ ഒ​ളി​ഞ്ഞു കി​ട​ക്കു​ന്നു​ണ്ടെ​ന്നും ചെ​യ​ർ​മാ​ർ ആരോപിച്ചു.​ യുഡിഎ​ഫിന്‍റെ ​വി​ക​സ​ന പ​ദ്ധ​തി​ക​ളെ അ​ട്ടി​മ​റി​ക്കു​ന്ന​തി​നു​ള്ള രാ​ഷ്ട്രീ​യ നീ​ക്ക​മാ​ണ് ന​ട​ക്കു​ന്ന​ത്.

മു​പ്പ​തോ​ളം ക​ട​മു​റി​ക​ളും ബാ​ങ്കും ആ​ശു​പ​ത്രി​യും മ​റ്റും പ്ര​വ​ർ​ത്തി​ച്ചു വ​രു​ന്ന ഈ ​കെ​ട്ടി​ടം ഇ​ല്ലാ​യ്മ ചെ​യ്ത് ഇ​തി​ന്‍റെ പി​ന്നി​ലു​ള്ള സ്ഥ​ല ഉ​ട​മ​യ്ക്ക് ഷോ​പ്പിം​ഗ് കോ​പ്ല​ക്സ് പ​ണി​യു​ന്ന​തി​ന് അ​വ​സ​രം ഒ​രു​ക്കി​ക്കൊ​ടു​ക്കു​ക എ​ന്ന​താ​ണ് പ്ര​തി​പ​ക്ഷ​ത്തി​ന്‍റെ ഇ​പ്പോ​ഴ​ത്തെ ദൗ​ത്യ​മെ​ന്നും ചെ​യ​ർ​മാ​ൻ വ്യ​ക്ത​മാ​ക്കി.