കൊ​ര​ട്ടി: ഇ​ന്ന​ലെ രാ​വി​ലെ പെ​യ്ത മ​ഴ​യി​ൽ കൊ​ര​ട്ടി ജം​ഗ്ഷ​നി​ലേ​ക്കു വി​വി​ധ​യി​ട​ങ്ങ​ളി​ൽനി​ന്നും ഒ​ഴു​കി​യെ​ത്തി​യ മ​ഴ​വെ​ള്ളം മ​ണി​ക്കൂ​റു​ക​ളോ​ളം നീ​ണ്ട വെ​ള്ള​ക്കെ​ട്ടി​നു കാ​ര​ണ​മാ​യി. വെ​ള്ളം കാ​ന​ക​ളി​ലേ​ക്ക് ഒ​ഴു​കേ​ണ്ട​തി​നുപ​ക​രം പെ​യ്ത്തുവെ​ള്ള​ത്തി​നൊ​പ്പം കാ​ന​ക​ളി​ലെ​ത്തി​യ വെ​ള്ളം റോ​ഡി​ലേ​ക്കൊ​ഴു​കു​ന്ന കാ​ഴ്ച​ക​ൾ​ക്കും കൊ​ര​ട്ടി​യി​ലെ ജ​ന​ങ്ങ​ൾ സാ​ക്ഷി​ക​ളാ​യി. പ​രി​പാ​ല​ന​മി​ല്ലാ​തെ കി​ട​ക്കു​ന്ന കാ​ന​ക​ളി​ൽ മ​ണ്ണും മാ​ലി​ന്യ​ങ്ങ​ളും നി​റ​യു​മ്പോ​ൾ ഒ​രു​പ​ക്ഷേ ഇ​ങ്ങ​നെ സം​ഭ​വി​ച്ചേ​ക്കാ​മെ​ങ്കി​ലും പു​തു​താ​യി നി​ർ​മി​ച്ച കാ​ന​ക​ളി​ൽ കാ​ണു​ന്ന ഇ​ത്ത​രം പ്ര​തി​ഭാ​സം കാ​ന​ക​ളു​ടെ അ​ശാ​സ്ത്രീ​യ നി​ർ​മാ​ണം മൂ​ല​മാ​ണ്.

കാ​ൽ​ന​ട​യാ​ത്ര​ക്കാ​ർ, ഇ​രു​ച​ക്ര മ​ട​ക്ക​മു​ള്ള വാ​ഹ​ന​ങ്ങ​ളി​ൽ സ​ഞ്ച​രി​ക്കു​ന്ന​വ​ർ, ക​ച്ച​വ​ട​ക്കാ​ർ, ഓ​ട്ടോ - ടാ​ക്സി തൊ​ഴി​ലാ​ളി​ക​ൾ, വി​ദ്യാ​ർ​ഥി​ക​ൾ അ​ട​ക്കം വി​വി​ധ തു​റ​ക​ളി​ലു​ള്ള​വ​ർ ഇ​തി​ന്‍റെ പേ​രി​ൽ അ​നു​ഭ​വി​ക്കു​ന്ന ബു​ദ്ധി​മു​ട്ടു​ക​ൾ ചെ​റു​ത​ല്ല. നി​ർ​മാ​ണ​ത്തി​ലെ പോ​രാ​യ്മ​ക​ൾ പ​ല​വ​ട്ടം ശ്ര​ദ്ധ​യി​ൽ​പ്പെ​ടു​ത്തി​യി​ട്ടും നി​ഷേ​ധാ​ത്മ​ക നി​ല​പാ​ടാ​ണ് ഹൈ​വേ അ​ഥോ​റി​റ്റി​യും നി​ർ​മാ​ണ ക​മ്പ​നി​യും സ്വീ​ക​രി​ക്കു​ന്ന​ത്.

നാ​ടി​ന്‍റെ വി​വിധ ഭാ​ഗ​ങ്ങ​ളി​ൽ നി​ന്നൊ​ഴു​കി​യെ​ത്തു​ന്ന മ​ഴ​വെ​ള്ളം കാ​ന​യി​ലേ​ക്ക് എ​ത്തി​ക്കാ​നും നി​ർ​ദി​ഷ്ട ഇ​ട​ങ്ങ​ളി​ലേ​ക്ക് ഒ​ഴു​ക്കി​വി​ടാ​നും പ​ര്യാ​പ്ത​മാ​യ നി​ർ​മാ​ണ രീ​തി​ക​ള​ല്ല കൊ​ര​ട്ടി​യി​ൽ അ​വ​ലം​ബി​ച്ചി​രി​ക്കു​ന്ന​ത്. വെ​ള്ള​ക്കെ​ട്ടും ക​ട​ന്ന് സ്കൂ​ളി​ലേ​ക്കുപോ​കു​ന്ന കു​ട്ടി​ക​ളു​ടെ കാ​ര്യ​മാ​ണ് ഏ​റെ ക​ഷ്ടം. നാ​ടി​നോ​ടു യാ തൊ​രു പ്ര​തി​ബ​ദ്ധ​ത​യും പു​ല​ർ​ത്താ​ത്ത, നി​ർ​മാ​ണ പ്ര​വൃത്തി​ക​ളി​ൽ സാ​മാ​ന്യ​നീ​തി കാ​ണി​ക്കാ​ത്ത നി​ർ​മാ​ണക്കമ്പ​നി​യോ​ടും നാ​ഷ​ണ​ൽ ഹൈ​വേ അ​ഥോ​റി​റ്റിയോ​ടും ജ​ന​ങ്ങ​ൾ നേ​രി​ടു​ന്ന ദു​രി​തം ക​ണ്ടി​ട്ടും നി​സം​ഗ​ത പു​ല​ർ​ത്തു​ന്ന ജ​ന​പ്ര​തി​നി​ധി​ക​ളോ​ടും രാ​ഷ്ട്രീ​യ നേ​തൃ​ത്വ​ങ്ങ​ളോ​ടും ക​ടു​ത്ത അ​മ​ർ​ഷ​മാ​ണ് സാ​ധാ​ര​ണ ജ​ന​വി​ഭാ​ഗ​ങ്ങ​ൾ​ക്കു​ള്ള​ത്.

മു​രി​ങ്ങൂ​ർ: ഇ​ന്ന​ലെ രാ​വി​ലെ ഒന്പ തോടെ കേ​വ​ലം 20 മി​നി​റ്റുമാ​ത്രം നീ​ണ്ടു​നി​ന്ന മ​ഴ​യി​ൽ മു​രി​ങ്ങൂ​ർ ഡി​വൈ​ൻ ന​ഗ​റി​ലെ അ​ടി​പ്പാ​ത​യി​ൽ വെ​ള്ള​ക്കെ​ട്ട് രൂ​ക്ഷം. ഇ​രു​ച​ക്ര​വാ​ഹ​ന​ങ്ങ​ൾ വെ​ള്ള​ക്കെ​ട്ടി​ൽ മ​റി​ഞ്ഞുവീ​ണു. തു​ട​ർ​ന്ന് പൊ​തു​പ്ര​വ​ർ​ത്ത​ക​ൻ ജ​യ​ൻ ജോ​സ​ഫ് പ​ട്ട​ത്ത് വെ​ള്ള​ത്തി​ൽ ലാ​ഡ​ർ വ​ച്ച് അ​തി​നു മു​ക​ളി​ലി​രു​ന്ന് പ്ര​തി​ഷേ​ധി​ച്ചു. പ്ര​ദേ​ശ​ത്തെ ഓ​ട്ടോ തൊ​ഴി​ലാ​ളി​ക​ളും നാ​ട്ടു​കാ​രും രം​ഗ​ത്തെ​ത്തി. വി​വി​ധ കോ​ണു​ക​ളി​ൽ നി​ന്നും പ്ര​തി​ഷേ​ധ സ്വ​ര​ങ്ങ​ളു​യ​ർ​ന്ന​പ്പോ​ൾ ഹൈ​വേ അ​ധി​കൃ​ത​രു​മെ​ത്തി.

ചെ​റി​യ മ​ഴ​യി​ലും അ​ടി​പ്പാ​ത​യു​ടെ ഇ​രു​ഭാ​ഗ​ങ്ങ​ളി​ലു​ള്ള ഉ​പ​റോ​ഡു​ക​ളി​ലും വെ​ള്ളം കെ​ട്ടി​ക്കി​ട​ക്കു​ന്ന സ്ഥി​തി​യാ​ണ്. റോ​ഡി​ലെ​ത്തു​ന്ന പെ​യ്ത്ത് വെ​ള്ളം കാ​ന​യി​ലേ​ക്കു പോ​കേ​ണ്ട​തി​നു പ​ക​രം കാ​ന​യി​ൽ നി​ന്നും റോ​ഡി​ ലേ​ക്ക് ഒ​ഴു​കു​ന്നതുതന്നെ‌യാ‌ണ് ഇവിടെയും പ്രശ്നം.

ചാ​ല​ക്കു​ടി, അ​ങ്ക​മാ​ലി പ്ര​ദേ​ശ​ങ്ങ​ളി​ൽ നി​ന്നും അ​ന്ന​നാ​ട്, കാ​ടു​കു​റ്റി, സ​മ്പാ​ളൂ​ർ, അ​ഷ്ട​മി​ച്ചി​റ ഭാ​ഗ​ങ്ങ​ളി​ലേ​ക്കുപോ​കേ​ണ്ട​വ​ർ വെ​ള്ള​ക്കെ​ട്ടി​നെ താ​ണ്ടി വേ​ണം യാ​ത്ര ചെ​യ്യു​വാ​ൻ. ചാ​ല​ക്കു​ടി​ക്ക് പോ​കു​ന്ന​വ​രുടെ ദു​രി​ത​ത്തി​നും കു​റ​വി​ല്ല. കാ​ൽ​ന​ട​യാ​ത്ര ദു​ഷ്ക്ക​ര​മാ​ണ്.

വെ​ള്ള​ത്തി​ലൂ​ടെ ഇ​രു​ച​ക്ര​വാ​ഹ​ന​ങ്ങ​ളി​ൽ യാ​ത്ര ചെ​യ്യു​മ്പോ​ൾ അ​പ​ക​ട സാ​ധ്യ​ത​യേ​റു​ന്ന​തി​നൊ​പ്പം വെ​ള്ളം ക​യ​റി വാ​ഹ​ന​ങ്ങ​ളും നി​ന്നു​പോ​കു​ന്നു.

നാ​ഷ​ണ​ൽ ഹൈ​വേ അ​ഥോ​റി​റ്റി നി​സം​ഗ​ത വെ​ടി​യ​ണ​മെ​ന്നും താ​ത്കാലി​ക പ​രി​ഹാ​രം എ​ന്ന​തി​ലു​പ​രി ശാ​ശ്വ​തപ​രി​ഹാ​രം വേ​ണ​മെ​ന്ന നി​ല​പാ​ടി​ലാ​ണു നാ​ട്ടു​കാ​രും വാ​ഹ​ന​യാ​ത്രി​ക​രും.