ADVERTISEMENT

ADVERTISEMENT

കുടുംബശ്രീ മാ കെയർ സെന്‍റർ പ്രവർത്തനം ആരംഭിച്ചു

കൊടുങ്ങൂർ: വാഴൂർ പഞ്ചായത്ത് കുടുംബശ്രീ സിഡിഎസിന്‍റെ മാ കെയർ സെന്‍റർ വാഴൂർ ഗവൺ മെന്‍റ് ഹൈസ്കൂളിൽ പ്രവർത്തനം ആരംഭിച്ചു.

പഞ്ചായത്ത് പ്രസിഡന്‍റ് തോമസ് വെട്ടുവേലി ഉദ്ഘാടനം ചെയ്തു. സിഡിഎസ് ചെയർപേഴ്സൺ സ്മിതാ ബിജു അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്‍റ് ഡി. സേതുലക്ഷ്മി ആദ്യവില്പന നടത്തി.

സിഡിഎസ് അംഗവും സംരംഭകയുമായ ഷേർലി ബാബുവിന്‍റെ നേതൃത്വത്തിലാണ് സെന്‍ററിന്‍റെ പ്രവർത്തനം. സിഡിഎസ് വൈസ് ചെയർപേഴ്സൺ ബിന്ദു രാമർ, ഹെഡ്മിസ്ട്രസ് എം. മിനി, പിടിഎ വൈസ് പ്രസിഡന്‍റ് ബിന്ദു അനിൽ, വി. അനുപമ, സി.കെ. ബിന്ദു എന്നിവർ പ്രസംഗിച്ചു.

ADVERTISEMENT

വിദ്യാഭ്യാസരംഗത്ത് ക്രൈസ്തവ സഭകളുടെ സംഭാവന നിസ്തുലം: മന്ത്രി വാസവന്‍

പങ്ങട: വിദ്യാഭ്യാസരംഗത്ത് ക്രൈസ്തവ സഭകളുടെ സംഭാവന നിസ്തുലമാണെന്ന് മന്ത്രി വി.എന്‍. വാസവന്‍. പങ്ങട സേക്രഡ് ഹാര്‍ട്ട് ഹൈസ്‌കൂളിന്‍റെ സുവര്‍ണ ജൂബിലി ആഘോഷം ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. സ്‌കൂള്‍ മാനേജര്‍ ഫാ. സിറിൾ കൈതക്കളം അധ്യക്ഷത വഹിച്ചു. മാര്‍ ജോസഫ് പെരുന്തോട്ടം അനുഗ്രഹ പ്രഭാഷണം നടത്തി. ജില്ലാ പഞ്ചായത്തംഗം രാധാ വി. നായര്‍ ഫോട്ടോ അനാച്ഛാദനം ചെയ്തു. ചങ്ങനാശേരി കോര്‍പറേറ്റ് മാനേജര്‍ ഫാ. ആന്‍റണി മൂലയില്‍ അവാര്‍ഡ് വിതരണം ചെയ്തു. റവ. ഡോ. മാണി പുതിയിടം ഉപഹാര സമര്‍പ്പണം നടത്തി. ജില്ലാ വിദ്യാഭ്യാസ ഓഫീസര്‍ എം.ആര്‍. സുനിമോള്‍ സ്‌കോളര്‍ഷിപ് വിതരണം ചെയ്തു. പഞ്ചായത്ത് പ്രസിഡന്‍റ് അമ്പിളി മാത്യു, പാമ്പാടി ബ്ലോക്ക് പഞ്ചായത്തംഗം ടി.എം. ജോര്‍ജ് തുപ്പലഞ്ഞിയില്‍, പങ്ങട ആന്‍സ് വാലി അഗ്രി ടൂറിസം പ്രോജക്ട് ഡയറക്ടര്‍ അന്നമ്മ ട്രൂബ് വയലുങ്കല്‍, പഞ്ചായത്തംഗങ്ങളായ ടി.ജി. മോഹനന്‍, ഷീല മാത്യു, അനില്‍ കൂരോപ്പട, മഞ്ജു കൃഷ്ണകുമാര്‍, ദീപ്തി ദിലീപ്, മുന്‍ ഹെഡ്മിസ്ട്രസ് എം.ടി. റ്റെസി, എസ്എച്ച് സ്‌കൂള്‍ ഹെഡ്മാസ്റ്റര്‍ വി.എം. റജിമോന്‍, തോമസ് ജോസഫ് പുതുക്കുളങ്ങര, പങ്ങട ഗവ. എല്‍പി സ്‌കൂള്‍ ഹെഡ്മിസ്ട്രസ് ടി.ജി. സുനിതകുമാരി, തോമസ് ജോസഫ്, സ്മിത എലിസബത്ത്, സൈനോ അന്ന മാത്യു, പി. ശോഭ, മെര്‍ലിന്‍ രാജന്‍ എന്നിവര്‍ പ്രസംഗിച്ചു.

വിദ്യാർഥികൾക്ക് ആവേശമായി സ്കൂൾ പാർലമെന്‍റ് തെരഞ്ഞെടുപ്പ്

കുമരകം: സ്കൂൾ പാർലമെന്‍റ് തെരഞ്ഞെടുപ്പ് കുട്ടികൾക്ക് പുത്തനനുഭവമായി. കുമരകം സെന്‍റ് ജോൺസ് യുപി സ്കൂളിലെ ഒരാഴ്ച നീണ്ടുനിന്ന ഇലക്‌ഷൻ പ്രക്രിയകൾ ഇന്നലെ സമാപിച്ചു. സ്കൂൾ ലീഡർ തെരഞ്ഞെടുപ്പിൽ 12 വോട്ടുകളുടെ ഭൂരിപക്ഷത്തിൽ ഏഴാം ക്ലാസിലെ അഭിറാം അഭിലാഷ് ആൺകുട്ടികളുടെ വിഭാഗത്തിൽ വിജയിച്ചു.പെൺകുട്ടികളുടെ വിഭാഗത്തിൽ ഏഴാം ക്ലാസിലെ യമീമ സുനിൽ എട്ട് വോട്ടുകളുടെ ഭൂരിപക്ഷത്തിൽ വിജയിച്ചു. കുട്ടികൾ തെരഞ്ഞെടുപ്പിന്‍റെ പ്രാധാന്യം മനസിലാക്കുന്നതിനും അവർക്ക് ജനാധിപത്യത്തിന്‍റെ ബാലപാഠങ്ങളിൽ അവബോധം ഉണ്ടാക്കുന്നതിനും വേണ്ടിയാണ് തെരഞ്ഞെടുപ്പിന്‍റെ എല്ലാ ഘട്ടങ്ങളും ഉൾപ്പെടുത്തി സ്കൂൾ പാർലമെന്‍റ് ഇലക്‌ഷൻ നടത്തിയതെന്ന് സ്കൂൾ പ്രധാന അധ്യാപകൻ ഐ.എം. അനീഷ് പറഞ്ഞു. കൈറ്റ് മലപ്പുറത്തിന്‍റെ കീഴിൽ ഐടി വിദഗ്ധൻ സുനിൽ വികസിപ്പിച്ചെടുത്ത സോഫ്റ്റ്‌വേർ ആണ് തെരഞ്ഞെടുപ്പിന് ഉപയോഗിച്ചത്. കുട്ടികളാണ് തെരഞ്ഞെടുപ്പ് പ്രക്രിയകൾ നിയന്ത്രിച്ചത്. തെരഞ്ഞെടുപ്പ് ഫലം വലിയ സ്ക്രീനിൽ പ്രദർശിപ്പിച്ചിരുന്നു. വിജയികളെ ഹാരമണിയിച്ച് ആദരിച്ചു. പ്രിസൈഡിംഗ് ഓഫീസറായി കെ.ഐ. മരിയ ഗ്രാസ്യ സേവനം അനുഷ്ഠിച്ചു. പോളിംഗ് ഓഫീസർമാരായി ഏബൽ വി. ഷിബു, ശ്രീനന്ദ് സിജിമോൻ, ആൽബിൻ ദീപു എന്നിവർ പ്രവർത്തിച്ചു. സ്റ്റുഡന്‍റ്സ് പോലീസ് കേഡറ്റ് സച്ചു കെ. സരീഷിനായിരുന്നു ക്രമസമാധാനച്ചുമതല. പോളിംഗ് ഏജന്‍റുമാരായും കുട്ടികൾ തന്നെയാണ് പ്രവർത്തിച്ചത്. സീനിയർ അധ്യാപിക ജെയ്സി ജോസഫായിരുന്നു റിട്ടേണിംഗ് ഓഫീസർ.

എച്ച്ഡിഎസ് ജീവനക്കാരെ സ്ഥിരപ്പെടുത്തും: തിരുവഞ്ചൂർ

ഗാന്ധിനഗർ: യുഡിഎഫ് അധികാരത്തിൽ വന്നാൽ ഗവൺമെന്‍റ് മെഡിക്കൽ കോളജ് ഹോസ്പിറ്റൽ ഡെവലപ്മെന്‍റ് സൊസൈറ്റി ജീവനക്കാരെ മാനദണ്ഡത്തിന്‍റെ അടിസ്ഥാനത്തിൽ ആനുകൂല്യങ്ങൾ നൽകി സ്ഥിരപ്പെടുത്തുമെന്ന് . പറഞ്ഞു. കെജിഎച്ച്ഡിഎസ് എംപ്ലോയീസ് കോൺഗ്രസ് (ഐഎൻടിയുസി ) 14-ാം വാർഷിക സമ്മേളനം മെഡിക്കൽ കോളജിൽ ഉദ്ഘാടനം ചെയ്യുകയായിരുന്നു അദ്ദേഹം. യൂണിയൻ പ്രസിഡന്‍റ് തോമസ് കല്ലാടൻ അധ്യക്ഷത വഹിച്ചു. എസ്. സുധാകരൻ നായർ, പി.സി. അനിൽ, എസ്. രാജീവ്, വി. രാജേഷ്, ജസ്റ്റിൻ ജോസഫ്, സാബു മാത്യു, രാജശ്രീ എന്നിവർ പ്രസംഗിച്ചു.

കേന്ദ്രമന്ത്രി സുരേഷ്ഗോപി ഇടപെട്ടു; മീനടത്ത് വൈദ്യുതി എത്തി

മീനടം: കേന്ദ്രമന്ത്രി സുരേഷ് ഗോപിയുടെ ഇടപെടലിനെത്തുടര്‍ന്ന് ആറുദിവസമായി വൈദ്യുതി മുടങ്ങിയ മീനടം നാരകത്തോട് വൈദ്യുതി എത്തി. ദിവസങ്ങളായി വൈദ്യുതിയില്ലാഞ്ഞതിനെത്തുടർന്ന് നാട്ടുകാരും ബിജെപി പ്രവര്‍ത്തകരും കേന്ദ്രമന്ത്രിയെ ഫോണില്‍ വിളിച്ച് ഇടപെടണമെന്ന് ആവശ്യപ്പെട്ടു. ഞായറാഴ്ച രാത്രി തന്നെ വൈദ്യുതി ബോര്‍ഡ് അധികൃതരുമായി കേന്ദ്രമന്ത്രി നേരിട്ടു ചര്‍ച്ച നടത്തി. ഏറ്റവും വേഗത്തില്‍ പ്രശ്‌നം പരിഹരിക്കണമെന്ന് നിര്‍ദേശിക്കുകയും ചെയ്തു. തുടര്‍ന്ന് ഇന്നലെ രാവിലെ ബിജെപി മധ്യമേഖല പ്രസിഡന്‍റ് എന്‍. ഹരിയുടെ നേതൃത്വത്തില്‍ പ്രവര്‍ത്തകര്‍ കെഎസ്ഇബി ഓഫീസ് ഉപരോധിച്ചു. ഇക്കാര്യത്തില്‍ ഉറപ്പു നല്‍കാതെ പ്രതിഷേധം അവസാനിപ്പിക്കില്ലെന്ന് അറിയിച്ചു. ഇതേത്തുടര്‍ന്ന് ഇന്നലെ വൈകുന്നേരത്തിനുള്ളില്‍ പ്രദേശത്ത് വൈദ്യുതി പുനഃസ്ഥാപിക്കുമെന്ന് കെഎസ്ഇബി അധികൃതര്‍ ഉറപ്പുനല്‍കി. ഇതോടെയാണ് സമരമവസാനിപ്പിച്ചത്. വൈദ്യുതി ദിവസങ്ങളോളം നിലച്ചതിനെത്തുടര്‍ന്ന് പ്രദേശത്തെ ജനങ്ങള്‍ കടുത്ത ദുരിതത്തിലായിരുന്നു. കെഎസ്ഇബിയിലെ അതിരൂക്ഷമായ ജീവനക്കാരുടെ കുറവാണു മഴക്കെടുതികള്‍ വര്‍ധിക്കുമ്പോള്‍ വൈദ്യുതി വിതരണം താറുമാറാകുന്നതിന് പ്രധാന കാരണമെന്ന് എന്‍. ഹരി ആരോപിച്ചു. മേഖലാ സെക്രട്ടറി രവീന്ദ്രനാഥ് വാകത്താനം, ജില്ലാ ജനറല്‍ സെക്രട്ടറി വി.സി. അജികുമാര്‍, ജില്ലാ വൈസ് പ്രസിഡന്‍റ് അഖില്‍ രവീന്ദ്രന്‍, മണ്ഡലം ട്രഷറര്‍ പ്രസാദ് വെണ്ണിമല, കര്‍ഷക മോര്‍ച്ച ജില്ലാ പ്രസിഡന്‍റ് ജയപ്രകാശ് വാകത്താനം, പഞ്ചായത്ത് പ്രസിഡന്‍റ് രാജു മീനടം, പ്രശാന്ത് പയ്യപാടി, പ്രേമന്‍ നാരകത്തോട് തുടങ്ങിയവര്‍ സമരത്തില്‍ പങ്കെടുത്തു.

കെസിഎല്ലില്‍ കോട്ടയത്തിന്‍റെ സാന്നിധ്യമായി സിജോമോനും ആദിത്യയും

കോട്ടയം: കോട്ടയത്തെ ക്രിക്കറ്റ് ആരാധകരുടെ ആവേശമായി സിജോമോന്‍ ജോസഫും ആദിത്യ ബൈജുവും കെസിഎല്ലിന്‍റെ രണ്ടാം സീസണിലേക്ക്. രണ്ടാം സീസണിലേക്കെത്തുമ്പോള്‍ സിജോമോന്‍ ജോസഫ് തൃശൂരിന്‍റെ ക്യാപ്റ്റനാണ്. 5.20 ലക്ഷം രൂപയ്ക്കാണ് തൃശൂര്‍ ടൈറ്റന്‍സ് സിജോമോനെ സ്വന്തമാക്കിയത്. ഇടംകൈയന്‍ സ്പിന്നിനൊപ്പം ബാറ്റിംഗിലും തിളങ്ങുന്ന ഓള്‍റൗണ്ടര്‍. കഴിഞ്ഞ സീസണില്‍ കൊച്ചി‌ക്കൊപ്പമായിരുന്ന സിജോമോന്‍ ഒരു അര്‍ധസെഞ്ചുറിയടക്കം 122 റണ്‍സ് നേടിയിരുന്നു. ബൗളിംഗില്‍ ഒന്പത് വിക്കറ്റുകളും നേടി. യുവഫാസ്റ്റ്ബൗളറായ ആദിത്യ ഇത്തവണ ആലപ്പി റിപ്പിള്‍സിനൊപ്പമാണ്. ഒന്നരലക്ഷം രൂപയ്ക്കാണ് റിപ്പിള്‍സ് ആദിത്യയെ സ്വന്തമാക്കിയത്. എംആര്‍എഫ് പേസ് ഫൗണ്ടേഷനില്‍ പരിശീലനം ലഭിച്ച താരമാണ് ആദിത്യ. 19 വയസില്‍ താഴെയുള്ളവര്‍ക്കായുള്ള കുച്ച് ബിഹാര്‍ ട്രോഫിയിലടക്കം കഴിഞ്ഞസീസണില്‍ മികച്ച പ്രകടനം കാഴ്ച വച്ചിരുന്നു. കോട്ടയം കുമരകം സ്വദേശിയായ ആദിത്യ കളിച്ചുവളര്‍ന്നത് ദുബായിലാണ്. കെസിഎല്ലിലെ ആദ്യ സീസണിലൂടെ സീനിയര്‍ തലത്തിലും മികവ് തെളിയിക്കാമെന്ന പ്രതീക്ഷയിലാണ് ആദിത്യ.

കാപ്പ ചുമത്തി ജയിലിലടച്ചു

കുമരകം: കുമരകം പോലീസ് സ്റ്റേഷനിലും വിവിധ ജില്ലകളിലും നിരവധി ക്രിമിനല്‍ കേസുകളില്‍ പ്രതിയായ കുമരകം സ്വദേശിയായ യുവാവിനെ ജയിലിലടച്ചു. കവണാറ്റിന്‍കര ശരണാലയം സച്ചു ചന്ദ്രനെ (27)യാണ് കരുതല്‍ തടങ്കലില്‍ പാര്‍പ്പിക്കുന്നതിനായി വിയ്യൂര്‍ സെന്‍ട്രല്‍ ജയിലിലേക്ക് അയച്ചത്. ജില്ലാ പോലീസ് ചീഫ് ഷാഹുല്‍ ഹമീദിന്‍റെ റിപ്പോര്‍ട്ടിന്‍റെ അടിസ്ഥാനത്തില്‍ കളക്ടര്‍ ജോണ്‍ വി. സാമുവലാണ് നടപടിയെ ടുത്തതെന്ന് കുമരകം എസ്എച്ച്ഒ കെ. ഷിജി പറഞ്ഞു.

ലൂര്‍ദിയന്‍ ബാസ്‌കറ്റ് ബോള്‍ ടൂര്‍ണമെന്‍റിന് ഇന്നു തുടക്കം

കോട്ടയം: ലൂര്‍ദിയന്‍ ബാസ്‌കറ്റ് ബോള്‍ ടൂര്‍ണമെന്‍റ് ഇന്നാരംഭിക്കും. കോട്ടയം ലൂര്‍ദ് പബ്ലിക് സ്‌കൂളിലെ ബിഷപ് ചാള്‍സ് ലവീഞ്ഞ് മെമ്മോറിയല്‍ ഇന്‍ഡോര്‍ സ്റ്റേഡിയത്തിലാണു മത്സരങ്ങള്‍. 30ല്‍പരം ടീമുകള്‍ പങ്കെടുക്കും. ഉച്ചകഴിഞ്ഞു രണ്ടിനു ജില്ലാ പോലീസ് ചീഫ് എ. ഷാഹുല്‍ ഹമീദ് ഉദ്ഘാടനം ചെയ്യും. ലൂര്‍ദ് സ്‌കൂള്‍ മാനേജര്‍ ഫാ. ജേക്കബ് വട്ടക്കാട്ട് അധ്യക്ഷത വഹിക്കും. പ്രിന്‍സിപ്പല്‍ ഫാ. തോമസ് പാറത്താനം, പിടിഎ പ്രസിഡന്‍റ് എസ്. ഗോപകുമാര്‍, വൈസ് പ്രിന്‍സിപ്പല്‍ ആന്‍സമ്മ ജോസഫ്, സ്‌കൂള്‍ ട്രസ്റ്റി സിജോ സൈമണ്‍ എന്നിവര്‍ പ്രസംഗിക്കും. ഉദ്ഘാടന മത്സരത്തില്‍ കോട്ടയം ലൂര്‍ദ് പബ്ലിക് സ്‌കൂള്‍ ആലപ്പുഴ ലിയോ തേർട്ടീന്ത് സ്‌കൂളിനെ നേരിടും. ഓഗസ്റ്റ് ഒന്നിനു വൈകുന്നേരം മൂന്നിനു ഫൈനല്‍ മത്സരങ്ങള്‍ ആരംഭിക്കും. 6.30നു നടക്കുന്ന സമാപന സമ്മേളനം ജില്ലാ വിജിലന്‍സ് ജഡ്ജി കെ.വി. രജനീഷ് ഉദ്ഘാടനം ചെയ്ത് വിജയികള്‍ക്ക് സമ്മാനങ്ങള്‍ നല്‍ കും. സിബിഎസ്ഇയുടെ ഈ വര്‍ഷത്തെ ക്ലസ്റ്റര്‍ ഇലവന്‍ ബാസ്‌കറ്റ്‌ബോള്‍ ടൂര്‍ണമെന്‍റിന് വേദിയായിരിക്കുന്നത് ലൂര്‍ദ് സ്‌കൂളാണ്. എട്ടു ജില്ലകളില്‍ നിന്നുമായി 124 സ്‌കൂളുകളില്‍നിന്നുള്ള ടീമുകളാണ് ഓഗസ്റ്റ് 25 മുതല്‍ 28 വരെയുള്ള ദിവസങ്ങളില്‍ ടൂര്‍ണമെന്‍റില്‍ പങ്കെടുക്കുന്നത്.

കന്യാസ്ത്രീകളുടെ അറസ്റ്റ്: വ്യാപക പ്രതിഷേധം

മതേതരത്വത്തിന് തീരാക്കളങ്കം: ചങ്ങനാശേരി അതിരൂപത പാസ്റ്ററല്‍ കൗണ്‍സില്‍ ചങ്ങനാശേരി: ഛത്തീസ്ഗഡില്‍ കന്യാസ്ത്രീകളെ അറസ്റ്റ് ചെയ്ത നടപടി ഇന്ത്യന്‍ ഭരണഘടനയ്ക്കും മതേതരത്വത്തിനും നേരേയുള്ള കടന്നുകയറ്റവും തീരാക്കളങ്കവുമാണെന്ന് ചങ്ങനാശേരി അതിരൂപത പാസ്റ്ററല്‍ കൗണ്‍സില്‍. നീതി നിഷേധിക്കപ്പെട്ടവരുടെയും പാര്‍ശ്വവത്്കരിക്കപ്പെട്ടവരുടെയും ഉന്നമനത്തിനായി പ്രവര്‍ത്തിക്കുന്ന സന്യസ്തരുടെ ആത്മവീര്യം കെടുത്തുന്ന ഈ നടപടിക്ക് ഭരണ സംവിധാനങ്ങള്‍ നല്‍കുന്ന പിന്തുണ അത്യന്തം വേദനയുളവാക്കുന്നതാണെന്നും സന്യസ്തരെ എത്രയും പെട്ടെന്ന് മോചിപ്പിക്കണമെന്നും കേസുകളെടുത്ത ഉദ്യോഗസ്ഥര്‍ക്കെതിരേ കര്‍ശനമായ ശിക്ഷാനടപടികള്‍ സ്വീകരിക്കണമെന്നും കൗണ്‍സില്‍ പ്രമേയത്തിലൂടെ ആവശ്യപ്പെട്ടു. ജോയിന്‍റ് സെക്രട്ടറി ബിജു സെബാസ്റ്റ്യന്‍ പ്രമേയം അവതരിപ്പിച്ചു. അതിരൂപത പ്രോട്ടോസിഞ്ചെല്ലൂസ് ഫാ. ആന്‍റണി എത്തയ്ക്കാട്ടിന്‍റെ അധ്യക്ഷതയില്‍ കൂടിയ അടിയന്തര പാസ്റ്ററല്‍ കൗണ്‍സില്‍ യോഗത്തില്‍ കൗണ്‍സില്‍ സെക്രട്ടറി ഡോ. രേഖ മാത്യൂസ്, ജോയിന്‍റ് സെക്രട്ടറി പ്രഫ.പി.വി. ജെറോം, അതിരൂപത പിആര്‍ഒ ജോജി ചിറയില്‍, ഡോ. ഡൊമിനിക് ജോസഫ് എന്നിവര്‍ പ്രസംഗിച്ചു. രാഷ്‌ട്രപതി ഇടപെടണം കോട്ടയം: ഛത്തീസ്ഗഡില്‍ കന്യാസ്ത്രീകളെ അറസ്റ്റ് ചെയ്യുകയും ജയിലില്‍ അടയ്ക്കുകയും ചെയ്ത സംഭവം മനുഷ്യ മനഃസാക്ഷിയെ ഞെട്ടിക്കുന്നതും ഭരണഘടനയ്ക്ക് നേരേയുള്ള കടുത്ത വെല്ലുവിളിയുമാണെന്ന് ഗ്ലോബല്‍ ക്രിസ്ത്യന്‍ കൗണ്‍സില്‍ സെക്രട്ടറി ജനറല്‍ പി.പി. ജോസഫ്. ഗ്ലോബല്‍ ക്രിസ്ത്യന്‍ കൗണ്‍സിലിന്‍റെ നേതൃത്വത്തില്‍ കോട്ടയം ഗാന്ധി സ്ക്വയറിനു മുമ്പില്‍ നടത്തിയ പ്രതിഷേധ ധര്‍ണ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മതന്യൂനപക്ഷങ്ങള്‍ക്ക് ഭരണഘടനാപരമായ അവകാശങ്ങള്‍ സംരക്ഷിക്കുന്നതിന് വേണ്ട നടപടി സ്വീകരിക്കാന്‍ രാഷ്‌ട്രപതി ഇടപെടണമെന്നും ഗ്ലോബല്‍ ക്രിസ്ത്യന്‍ കൗണ്‍സില്‍ ആവശ്യപ്പെട്ടു. ഇന്ത്യന്‍ ക്രിസ്ത്യന്‍ കൗണ്‍സില്‍ ചെയര്‍മാന്‍ സണ്ണി കാഞ്ഞിരം അധ്യക്ഷത വഹിച്ചു. ഷൈജു ഏബ്രഹാം, ജോജി മൂലേക്കരി, അജി ജോസഫ്, പാസ്റ്റര്‍ രതീഷ് പാമ്പാടി, സൈബി അക്കര, ജോയി ചെട്ടിശേരി, മരിയ ജോസഫ്, സിബി മുക്കാടന്‍, ഷൈനി വിപിന്‍, ഔസേപ്പച്ചന്‍ ചെറുകാട് എന്നിവര്‍ പ്രസംഗിച്ചു. സിപിഐ മാർച്ച് നടത്തി കോട്ടയം: ഛത്തീസ്ഗഡില്‍ കന്യാസ്ത്രീകളെ അകാരണമായി ജയിലിലടച്ച നടപടിക്കെതിരേ സിപിഐ ജില്ലാ കൗണ്‍സിലിന്‍റെ നേതൃത്വത്തില്‍ ഹെഡ്പോസ്റ്റ് ഓഫീസിലേക്ക് പ്രതിഷേധ മാര്‍ച്ചും ധര്‍ണയും സംഘടിപ്പിച്ചു. സിപിഐ ജില്ലാ സെക്രട്ടറി വി.ബി. ബിനു ഉദ്ഘാടനം ചെയ്തു. മഹിളാസംഘം ജില്ലാ സെക്രട്ടറി ഹേമലത പ്രേംസാഗര്‍ അധ്യക്ഷത വഹിച്ചു. സംസ്ഥാന കൗണ്‍സിലംഗങ്ങളായ പി.കെ. കൃഷ്ണന്‍, വി.കെ. സന്തോഷ് കുമാര്‍, ലീനമ്മ ഉദയകുമാര്‍, ജില്ലാ അസിസ്റ്റന്‍റ് സെക്രട്ടറിമാരായ ജോണ്‍ വി. ജോസഫ്, മോഹന്‍ ചേന്നംകുളം തുടങ്ങിയവര്‍ പ്രസംഗിച്ചു.

കെഎസ്ആര്‍ടിസി ബസ് ഓട്ടോറിക്ഷയില്‍ ഇടിച്ച് ഓട്ടോ ഡ്രൈവര്‍ക്കു പരിക്ക്

ചങ്ങനാശേരി: പെരുന്നയില്‍ കെഎസ്ആര്‍സി ബസ് ഓട്ടോറിക്ഷയില്‍ ഇടിച്ച് ഓട്ടോ ഡ്രൈവര്‍ക്കു പരിക്കേറ്റു. സമീപത്തെ ഹോട്ടലില്‍നിന്നു പുറത്തേക്കിറങ്ങി എംസി റോഡിലേക്ക് പ്രവേശിക്കുകയായിരുന്ന ഓട്ടോയില്‍ തിരുവല്ല ഭാഗത്തുനിന്നു ചങ്ങനാശേരി ഭാഗത്തേക്ക് വന്ന കെഎസ്ആര്‍ടിസി ബസ് ഇടിക്കുകയായിരുന്നു. ഇടിയുടെ ആഘാതത്തില്‍ പുറത്തേക്കു തെറിച്ചുവീണ ഓട്ടോറിക്ഷ ഡ്രൈവര്‍ നെടുമുടി പൊങ്ങ മുല്ലശേരിയില്‍ ബിബിന് ഗുരുതര പരിക്കേറ്റു. ഓട്ടോ റോഡിന്‍റെ എതിര്‍വശത്തേക്ക് നിരങ്ങിപ്പോവുകയും ചെയ്തു. ഇന്നലെ ഉച്ചകഴിഞ്ഞ് മൂന്നരയോടെയാണ് അപകടം. പരിക്കേറ്റ ബിബിനെ ചെത്തിപ്പുഴ സെന്‍റ് തോമസ് ആശുപത്രിയില്‍ പ്രവേശിപ്പിച്ചു.

പാറേല്‍ പള്ളിയില്‍ പതിനഞ്ചു നോമ്പാചരണവും സ്വര്‍ഗാരോപണ തിരുനാളും; 31ന് കൊടിയേറും

ചങ്ങനാശേരി: പാറേല്‍ മരിയന്‍ തീര്‍ഥാടനകേന്ദ്രത്തില്‍ പരിശുദ്ധ കന്യകമറിയത്തിന്‍റെ സ്വര്‍ഗാരോപണ തിരുനാളും പതിനഞ്ച് നോമ്പാചരണവും 31ന് ആരംഭിക്കും. അന്നു വൈകുന്നേരം 4.25ന് വികാരി ഫാ. ജേക്കബ് വാരിക്കാട്ട് കൊടിയേറ്റും. ഓഗസ്റ്റ് 14 വരെയുള്ള ദിവസങ്ങളില്‍ രാവിലെ ആറിന് വിശുദ്ധ കുര്‍ബാന, 6.45ന് മധ്യസ്ഥ പ്രാര്‍ഥന, ഏഴിന് വിശുദ്ധ കുര്‍ബാന. വൈകുന്നേരം നാലിന് ജപമാല, 4.30ന് മധ്യസ്ഥ പ്രാര്‍ഥന, വിശുദ്ധ കുര്‍ബാന, വചനസന്ദേശം. ഈ ദിവസങ്ങളില്‍ ഫാ. നിജോ വടക്കേറ്റത്ത്, ഫാ. പ്രിന്‍സ് എതിരേറ്റ്കുടിലില്‍, ഫാ. ബിനു ചിറയില്‍, ഫാ. ഷെറിന്‍ മൂലയില്‍, ഫാ. ജോസഫ് കൊല്ലംപറമ്പില്‍, ഫാ. സിറിള്‍ കളരിക്കല്‍, ഫാ. ടോണി മണക്കുന്നേല്‍, ഫാ. സാം കായലില്‍പ്പറമ്പില്‍, ഫാ. ജസ്റ്റിൻ ഇളമ്പളശേരില്‍, ഫാ. അലന്‍ മാലിത്തറ, ഫാ. ജോണിക്കുട്ടി തറക്കുന്നേല്‍, ഫാ. നിഖില്‍ അറയ്ക്കത്തറ, ഫാ. ജോസഫ് കുറശേരി, ഫാ. നിതിന്‍ അമ്പലത്തിങ്കല്‍, ഫാ. അലന്‍ കാഞ്ഞിരത്തുംമൂട്ടില്‍ എന്നിവര്‍ വിശുദ്ധ കുര്‍ബാനയര്‍പ്പിച്ച് സന്ദേശം നല്‍കും. 15ന് രാവിലെ 5.30നും 7.30നും വൈകുന്നേരം 4.30നും വിശുദ്ധ കുര്‍ബാന. മോണ്‍. മാത്യു ചങ്ങങ്കരി, മോണ്‍. ആന്‍റണി എത്തയ്ക്കാട്ട് എന്നിവര്‍ കാര്‍മികരായിരിക്കും. വൈകുന്നേരം ആറിന് തിരുനാള്‍ പ്രദക്ഷിണം, കൊടിയിറക്ക്.

ചങ്ങനാശേരി നഗരസഭ ഇ-മാലിന്യങ്ങള്‍ ശേഖരിക്കുന്നു

ചങ്ങനാശേരി: സര്‍ക്കാര്‍ സ്ഥാപനങ്ങളില്‍നിന്നും സ്‌കൂളുകളില്‍നിന്നും ചങ്ങനാശേരി നഗരസഭ ഇ-മാലിന്യങ്ങള്‍ ശേഖരിക്കുന്നു. 30, 31 തീയതികളില്‍ ഹരിതകര്‍മ സേന നേരിട്ടു സ്ഥാപനങ്ങളിലെത്തി വില നല്‍കിയാണ് ഈ മാലിന്യങ്ങള്‍ ശേഖരിക്കുന്നത്. കമ്പ്യൂട്ടര്‍ അനുബന്ധ സാധനങ്ങള്‍, ഫാന്‍, മിക്‌സി, ടിവി, ഫോണുകള്‍, ഫ്രിഡ്ജ്, വാഷിംഗ് മെഷീന്‍ എന്നിവ തൂക്കി വില നല്‍കിയാണ് ഹരിതകര്‍മസേന ശേഖരിക്കുന്നത്. അപകടകാരികളായ ബള്‍ബുകള്‍, ട്യൂബ് ലൈറ്റുകള്‍, ബാറ്ററി എന്നിവയും ശേഖരിക്കും. ഇവയ്ക്കു വില ലഭിക്കില്ല. മാലിന്യശേഖരണത്തിന്‍റെയും ശേഖരിച്ച ഇ-മാലിന്യങ്ങള്‍ ക്ലീന്‍ കേരള കമ്പനിക്ക് കൈമാറുന്നതിന്‍റെയും ഉദ്ഘാടനം 30ന് രാവിലെ 11ന് റവന്യു ടവറില്‍ നഗരസഭാ ചെയര്‍പേഴ്‌സണ്‍ കൃഷ്ണകുമാരി രാജശേഖരന്‍ നിര്‍വഹിക്കും. സ്ഥാപന മേധാവികള്‍ അവസരം വിനിയോഗിക്കണം സര്‍ക്കാര്‍ നിര്‍ദേശപ്രകാരം ഹരിതകര്‍മസേനയുടെ സഹകരണത്തോടെ ജില്ലയില്‍ ആദ്യമായാണ് സര്‍ക്കാര്‍ സ്ഥാപനങ്ങളില്‍നിന്നും സ്‌കൂളുകളില്‍നിന്നും ഇ-മാലിന്യങ്ങള്‍ ശേഖരിക്കുന്നത്. പദ്ധതിയോട് എല്ലാ സ്ഥാപന മേധാവികളും പരമാവധി സഹകരിച്ച് ഇ-മാലിന്യങ്ങള്‍ ഹരിതകര്‍മ സേനയെ ഏല്‍പ്പിക്കണം.

ഓപ്പറേഷന്‍ വിജയ് അനുസ്മരണവും കാര്‍ഗില്‍ പോരാളികള്‍ക്ക് ആദരവും

തൃക്കൊടിത്താനം: നാഷണല്‍ എക്‌സ് സര്‍വീസ്‌മെന്‍ കോ-ഓര്‍ഡിനേഷന്‍ കമ്മിറ്റി തൃക്കൊടിത്താനം യൂണിറ്റ് ഓപ്പറേഷന്‍ വിജയ് ദിവസ്് അനുസ്മരണം നടത്തി. സമ്മേളനത്തിൽ 1999ലെ കാര്‍ഗില്‍ യുദ്ധത്തില്‍ സേവനം ചെയ്ത 70 സൈനികര്‍ക്ക് ആദരവും നല്‍കി. പ്രസിഡന്‍റ് ജോസഫ് പി. തോമസ് അധ്യക്ഷത വഹിച്ച പിആര്‍ഒ എം.ടി. ആന്‍റണി ഉദ്ഘാടനം ചെയ്തു. 1969 ഇന്ത്യ-പാക് യുദ്ധത്തില്‍ വീരചക്ര ലഭിച്ച കെ.ജി. ജോര്‍ജ് യോദ്ധാക്കളെ ആദരിച്ചു. അഖിലേന്ത്യ ട്രഷറര്‍ ഡി. മാത്യൂസ്, സംസ്ഥാന അസിസ്റ്റന്‍റ് ജനറല്‍ സെക്രട്ടറി ചാക്കോ ആന്‍റണി, സംസ്ഥാന ഓര്‍ഗനൈസിംഗ് സെക്രട്ടറി പി.എം. ബാബു, മീഡിയ സെക്രട്ടറി ടി.ആര്‍. മനോഹരന്‍, ഫാമിലി അസോസിയേഷന്‍ പ്രസിഡന്‍റ് ജാന്‍സി ചാക്കോ, ട്രഷറര്‍ ലിസമ്മ ജിമ്മി, എം.എം. മാത്യു, സാബു മാറാട്ടുകളം എന്നിവര്‍ പ്രസംഗിച്ചു.

രാസലഹരിക്കെതിരേ ചങ്ങനാശേരിയില്‍ അമ്മമാരുടെ കൂട്ടായ്മ

ചങ്ങനാശേരി: ലഹരിവസ്തുക്കളുടെ ഉപയോഗംമൂലം മക്കളിലുണ്ടാകുന്ന സ്വഭാവവ്യതിയാനങ്ങളും മാനസിക, ശാരീരിക പ്രശ്‌നങ്ങളും തിരിച്ചറിയുന്നതിനും അതില്‍നിന്നും അവരെ മോചിപ്പിക്കുന്നതിനും അമ്മമാരെ പ്രാപ്തരാക്കുന്നതിനായി ചങ്ങനാശേരിയില്‍ അമ്മമാരുടെ കൂട്ടായ്മ സജ്ജമാകുന്നു. താലൂക്ക് റെസിഡന്‍റ്സ് അപ്പെക്‌സ് കൗണ്‍സില്‍, അതിരൂപത കോര്‍പറേറ്റ് മാനേജ്‌മെന്‍റ് സ്‌കൂള്‍സ്, റേഡിയോ മീഡിയ വില്ലേജ്, എക്‌സൈസ്, പോലീസ് വിഭാഗം, ജിമ്പയര്‍, സെന്‍റ് തോമസ് ആശുപത്രി, വൈഡബ്ല്യുസിഎ, സമരിറ്റന്‍ മെഡിക്കല്‍ ട്രസ്റ്റ്, ചങ്ങനാശേരി ജംഗ്ഷന്‍ ഫേസ്ബുക്ക് കൂട്ടായ്മ എന്നിവയുടെ സഹകരണത്തോടെയാണ് പദ്ധതി ആരംഭിക്കുന്നത്. പദ്ധതിയുടെ ഉദ്ഘാടനം നാളെ ഉച്ചകഴിഞ്ഞ് മൂന്നിന് വാഴപ്പള്ളി സെന്‍റ് തെരേസാസ് ഹയര്‍ സെക്കന്‍ഡറി സ്‌കൂളില്‍ നടക്കുമെന്ന് സംഘാടക സമിതി ഭാരവാഹികളായ ഡോ. റൂബിള്‍രാജ്, സി.ജെ. ജോസഫ്, ഷിജി ജോണ്‍സണ്‍ എന്നിവര്‍ പത്രസമ്മേളനത്തില്‍ അറിയിച്ചു. ആര്‍ച്ച്ബിഷപ് മാര്‍ തോമസ് തറയില്‍ ഉദ്ഘാടനം ചെയ്യും. സ്‌കൂള്‍ മാനേജര്‍ സിസ്റ്റര്‍ ലിന്‍സി വലിയപ്ലാക്കല്‍ അധ്യക്ഷത വഹിക്കും. അസിസ്റ്റന്‍റ് എക്‌സൈസ് കമ്മീഷണര്‍ എം.കെ. പ്രസാദ്, എക്‌സൈസ് പ്രിവന്‍റീവ് ഓഫീസര്‍ ബെന്നി സെബാസ്റ്റ്യന്‍ എന്നിവർ പ്രസംഗിക്കും.

അല്‍ഫോൻസാ തീര്‍ഥാടനം: ദീപശിഖ-ഛായാചിത്ര പ്രയാണം സംഘടിപ്പിച്ചു

ചങ്ങനാശേരി: മുപ്പത്തിയേഴാമത് അല്‍ഫോൻസാ തീര്‍ഥാടനത്തിന് ഒരുക്കമായി ദീപശിഖാ - ഛായാചിത്ര പ്രയാണം സംഘടിപ്പിച്ചു. ചങ്ങനാശേരി സെന്‍റ് മേരീസ് കത്തീഡ്രല്‍ പള്ളിയില്‍നിന്നാരംഭിച്ച പ്രയാണം വികാരി ഫാ. ജോസഫ് വാണിയപ്പുരയ്ക്കല്‍ ദീപം തെളിച്ച് മിഷന്‍ ലീഗ് ഡയറക്‌ടര്‍ ഫാ. ജോസഫ് കുറശേരിക്ക് കൈമാറി ഉദ്ഘാടനം ചെയ്തു. മേഖലയിലെ വിവിധ ശാഖകളിലെ സ്വീകരണത്തിനുശേഷം പാറേല്‍ മരിയന്‍ തീര്‍ഥാടനകേന്ദ്രത്തില്‍ പ്രയാണം സമാപിച്ചു. സിസ്റ്റര്‍ കാര്‍മല്‍ എഫ്‌സിസി, സ്റ്റാനി തൈപ്പറമ്പില്‍, കെ.പി. മാത്യു, ജോണ്‍സണ്‍ കാഞ്ഞിരക്കാട്, ജോണ്‍സണ്‍ പെരുമ്പായില്‍, ജോസുകുട്ടി കുട്ടംപേരൂര്‍, ടിന്‍റോ സെബാസ്റ്റ്യന്‍, ദിവ്യ മരിയ ജയിംസ്, സണ്ണി തോമസ് എന്നിവര്‍ പ്രസംഗിച്ചു. ഹയാ ടോജി, ജാനാ എലിസബത്ത് രാജ്, ജയ്‌സണ്‍ അറയ്ക്കല്‍, സേവ്യര്‍ കന്യാകോണില്‍, ഡോ. ആന്‍റണി മാത്യു എന്നിവര്‍ നേതൃത്വം നല്‍കി.

നടുക്കം മാറാതെ നടുത്തുരുത്തുകാർ

ചെമ്പ്: മരണാനന്തര ചടങ്ങിൽ പങ്കെടുക്കാനെത്തിയവർ സഞ്ചരിച്ച വള്ളം മുങ്ങി ഒരാളെ കാണാതായതിന്‍റെ ഞെട്ടലിലാണ് ചെമ്പ് നടുത്തുരുത്ത് നിവാസികൾ. ഒരു ഭാഗത്ത് പുഴയും മറുഭാഗത്ത് കായലുമായ തുരുത്തിൽ മത്സ്യബന്ധനവും കക്കാവാരലും തൊഴിലാക്കിയ ഏതാനും നിർധന കുടുംബങ്ങളാണ് താമസിക്കുന്നത്. വള്ളവും വെള്ളവുമായി ഇവർക്കുള്ള പരിചയമാണ് വൻദുരന്തം ഒഴിവാക്കിയത്. രക്ഷകരായത് കക്കാവാരൽ തൊഴിലാളികൾ ചെന്പ്: മുറിഞ്ഞപുഴ പാലത്തിനു പടിഞ്ഞാറുവശത്ത് മൂവാറ്റുപുഴയാറും വേമ്പനാട്ടുകായലും ചേരുന്നതിനുസമീപം നിറയെ യാത്രക്കാരുമായി ഏറെ ആഴമുള്ളിടത്ത് വള്ളം മുങ്ങിയപ്പോൾ ജീവനായി അലമുറയിട്ടു കരഞ്ഞവരുടെ ജീവൻ രക്ഷിച്ചത് മൂന്ന് കക്കാവാരൽ തൊഴിലാളികൾ.

മുറിഞ്ഞപുഴയിൽ കക്കയിറച്ചി വിറ്റു വള്ളത്തിൽ പെരുമ്പളം സ്വദേശി ശിവൻ മടങ്ങുമ്പോഴാണ് യാത്രക്കാരുമായി പാണാവള്ളിയിലേക്കു പോയ വള്ളം കാറ്റിൽ തിരയടിച്ച് മുങ്ങിയത്. നിലവിളികേട്ട് ശിവൻ യന്ത്രം ഘടിപ്പിച്ച വള്ളം മുങ്ങിയ വള്ളത്തിനടുത്തേക്ക് പായിച്ച് ചേർത്തു നിർത്തി. മുങ്ങിയ വള്ളത്തിൽ പിടിച്ചു കിടന്നവരിൽ കുറച്ചുപേർ ഈ വള്ളത്തിന്‍റെ വില്ലിയിൽ പിടിച്ചു കിടന്നു. സമീപവാസിയായ ചന്ദ്രനും രാമചന്ദ്രനും വള്ളത്തിലെത്തി അവശനിലയിലായിരുന്ന അഞ്ചു സ്ത്രീകളെ വള്ളത്തിൽ കയറ്റി സുരക്ഷിതമായി കരയ്ക്കെത്തിച്ചു.പിന്നീട് നാട്ടുകാർ ബാക്കിയുള്ളവരെ വള്ളത്തിലേറ്റി കരയ്ക്കെത്തിക്കുകയായിരുന്നു കണ്ണനെക്കൂടാതെ മടക്കം; നെഞ്ചുനീറി പാണാവള്ളിക്കാർ ചെമ്പ്: പാണാവള്ളിയിൽനിന്ന് ഒരുമിച്ച് വള്ളത്തിൽ വന്നിട്ട് ഒരാൾ ഇല്ലാതെ നാട്ടിലേക്ക് മടങ്ങേണ്ടി വന്നതിന്‍റെ തീരാനോവിലായിരുന്നു വള്ളം മറിഞ്ഞുണ്ടായ അപകടത്തിൽനിന്ന് രക്ഷപ്പെട്ടവർ. കാട്ടിക്കുന്നിൽ സാമ്പത്തിക ബാധ്യതയെത്തുടർന്ന് ജീവനൊടുക്കിയ സിന്ധു മുരളിയുടെ സംസ്കാരച്ചടങ്ങിൽ പങ്കെടുക്കാനാണ് പാണാവള്ളിക്കാരായ മുരളിയുടെ ബന്ധുക്കൾ വള്ളത്തിലെത്തിയത്. കായലിലൂടെ വള്ളത്തിൽ പോയാൽ അരമണിക്കൂറിനകം പാണാവള്ളിയിലെത്താം. വാഹനത്തിൽ ചുറ്റിക്കറങ്ങി വരുന്നതൊഴിവാക്കാനാണ് ഇവർ വള്ളത്തിൽ വന്നത്. ഇവർക്ക് മുമ്പേ നാട്ടിൽനിന്നു വന്ന കുറേപ്പേർ വലിയ വള്ളത്തിൽ പോയിരുന്നു. ചെറുവള്ളത്തിൽ വന്നവരിൽ ചിലർ പൂത്തോട്ടയിൽ നിന്ന് ബോട്ടിൽ പാണാവള്ളിക്ക് പോകാനായിരുന്നു ഉദ്ദേശിച്ചിരുന്നത്. കാണാതായ കണ്ണൻ (സുമേഷ്) മരണപ്പെട്ട സിന്ധുവിന്‍റെ ഭർത്താവ് മുരളിയുമായി വലിയ അടുപ്പമുണ്ടായിരുന്ന തിനാൽ മുരളിയുടെ ബന്ധുക്കൾക്കൊപ്പം വള്ളത്തിൽ കയറുകയായിരുന്നു. നീന്തൽ വശമുള്ള കണ്ണനെ നീന്തുന്നതിനിടെ കാണാതാവുകയായിരുന്നു.

ജില്ലാ ലേലകേന്ദ്രത്തിന്‍റെയും സസ്യമാര്‍ക്കറ്റിന്‍റെയും ശോച്യാവസ്ഥ പരിഹരിക്കും: മോൻസ്

കുറുപ്പന്തറ: കൃഷിവകുപ്പിനു കീഴില്‍ കുറുപ്പന്തറ കേന്ദ്രമായി പ്രവര്‍ത്തിക്കുന്ന ജില്ലാ ലേലകേന്ദ്രത്തിന്‍റെ ശോച്യാവസ്ഥ പരിഹരിക്കാൻ സംസ്ഥാന സര്‍ക്കാരിന്‍റെ സഹകരണത്തോടെ വികസന പദ്ധതിക്ക് രൂപം നല്‍കുമെന്ന് മോന്‍സ് ജോസഫ് എംഎല്‍എ. ജില്ലാ ലേലകേന്ദ്രത്തിന്‍റെ ആഭിമുഖ്യത്തില്‍ കുറുപ്പന്തറ സംഘമൈത്രി ആസ്ഥാനത്ത് നടത്തിയ കര്‍ഷക ജനസമ്പര്‍ക്ക പരിപാടിയുടെ ഉദ്ഘാടനം നിര്‍വഹിച്ച ു പ്രസംഗിക്കുകയായിരുന്നു അദ്ദേഹം. കര്‍ഷകരുടെ പൊതുതാത്പര്യവും നിര്‍ദേശങ്ങളും മാനിച്ച് ലേല കേന്ദ്രത്തിന്‍റെ പ്രവര്‍ത്തനസമയത്ത് കൃഷിക്കാര്‍ നല്‍കുന്ന കാര്‍ഷികോത്പന്നങ്ങള്‍ സുരക്ഷിതമായ സംരക്ഷിക്കുന്നതിന് ആവശ്യമായ നിര്‍മാണ പ്രവര്‍ത്തനങ്ങള്‍ കുറുപ്പന്തറ മാര്‍ക്കറ്റില്‍ നടപ്പാക്കുന്നതിന് സര്‍ക്കാര്‍ സഹായം ഉറപ്പാക്കുന്നതിനൊപ്പം ആവശ്യമായ ഫണ്ടും ലഭ്യമാക്കുമെന്ന് എംഎല്‍എ അറിയിച്ചു. ജില്ലാ പ്രിന്‍സിപ്പല്‍ കൃഷി ഓഫീസര്‍ ജോസഫ് ചിടത്തലം മാര്‍ക്കറ്റ് നവീകരണ രൂപരേഖ അവതരിപ്പിച്ചു. ജില്ലാ ലേലകേന്ദ്ര ആക്ടീവ് ചെയര്‍മാന്‍ ജോയ് കുഴിവേലി, ചാര്‍ജ് ഓഫീസര്‍ വി.രാജേഷ്, സംഘമൈത്രി ട്രഷറര്‍ ശ്രീനിവാസ്, വിവിധ കര്‍ഷക പ്രതിനിധികള്‍ തുടങ്ങിയവര്‍ പ്രസംഗിച്ചു.

കുറുപ്പന്തറ കവലയില്‍ ബസ് കാത്തിരിപ്പ് കേന്ദ്രമില്ല

കടുത്തുരുത്തി: കുറുപ്പന്തറ കവലയില്‍ ബസ് കാത്തിരിപ്പ് കേന്ദ്രങ്ങളില്ല. രണ്ട് സംസ്ഥാന പാതകള്‍ സംഗമിക്കുന്ന നാല്‍ക്കവലയിലാണ് യാത്രക്കാര്‍ ബുദ്ധിമുട്ടുന്നത്. കവലയില്‍നിന്ന് 150 മീറ്റര്‍ ദൂരത്തില്‍ കുറുപ്പന്തറ ബസ് സ്റ്റാന്‍ഡില്‍ കാത്തിരിപ്പ് കേന്ദ്രം ഉണ്ടെങ്കിലും ഇവിടെ ബസുകള്‍ കയറുന്നില്ല. കുറുപ്പന്തറ കവലയില്‍ വികസനം സാധ്യമാകുന്നതോടെ ബസ് കാത്തിരിപ്പു കേന്ദ്രങ്ങള്‍ നിര്‍മിക്കുമെന്ന് അധികൃതര്‍ പറയാന്‍ തുടങ്ങിയിട്ട് കാലങ്ങളായി. കോട്ടയം-എറണാകുളം റോഡും പാലാ-കുറവിലങ്ങാട്-കല്ലറ-ആലപ്പുഴ റോഡും ഉള്‍പ്പെടെ പ്രധാന റോഡുകള്‍ കടന്നുപോകുന്ന നാല്‍ക്കവലയിലാണ് ഒരിടത്തുപോലും ബസ് കാത്തു നില്‍ക്കാന്‍ കേന്ദ്രങ്ങളില്ലാത്തത്. കോട്ടയം, വൈക്കം, എറണാകുളം, പാലാ, കല്ലറ, ചേര്‍ത്തല, ആലപ്പുഴ, പിറവം, പെരുവ, ഏറ്റുമാനൂര്‍ എന്നീ പ്രദേശങ്ങളിലേക്കു വന്നുപോകുന്ന നൂറുകണക്കിനാളുകളാണ് ദിവസവും കുറുപ്പന്തറ കവലയിലെത്തുന്നത്. കവലയില്‍ ബസ് കാത്തിരിപ്പ് കേന്ദ്രം‍ ഉണ്ടാക്കുന്നതിനായി അധികൃതരുടെ ഭാഗത്തുനിന്ന് ധാരണ ഉണ്ടായിരുന്നെങ്കിലും പിന്നീട് കാര്യമായ നടപടികളുണ്ടായില്ല. പഞ്ചായത്ത് അധികൃതരോ മറ്റു ജനപ്രതിനിധികളോ പൊതുമരാമത്ത് വകുപ്പോ ബസ്‌ കാത്തിരിപ്പ് കേന്ദ്രം നിര്‍മിക്കാന്‍ നാളിതുവരെ തയാറായിട്ടില്ല. പൊതുമരാമത്ത് വകുപ്പിന്‍റെ ഉടമസ്ഥതയിലുള്ള സ്ഥലമായതിനാല്‍ ബസ് കാത്തിരിപ്പ് കേന്ദ്രം നിര്‍മിക്കാന്‍ എംഎല്‍എയുടെയോ സര്‍ക്കാരിന്‍റെയോ ഫണ്ട് മാത്രമേ വിനിയോഗിക്കാനാകൂ. കുറുപ്പന്തറ കവല വികസനവുമായി ബന്ധപ്പെട്ട് മാസ്റ്റര്‍ പ്ലാന്‍ തയാറാക്കി സര്‍ക്കാരിന് നിവേദനം സമര്‍പ്പിച്ചിട്ടുണ്ട്. കുറുപ്പന്തറയുടെ മുഖച്ഛായ മാറ്റുന്ന പദ്ധതിയായ കവല വികസനത്തിനൊപ്പം ആധുനിക നിലവാരത്തിലുള്ള മനോഹരമായ ബസ് കാത്തിരിപ്പ് കേന്ദ്രവും സ്ഥാപിക്കുമെന്ന് മാഞ്ഞൂര്‍ പഞ്ചായത്ത് മാഞ്ഞൂര്‍ പഞ്ചായത്ത് വൈസ് പ്രസിഡന്‍റ് ബിജു സെബാസ്റ്റ്യന്‍ പറഞ്ഞു.

ക്രിസ്ത്യന്‍ മിഷണറിമാര്‍ക്ക് എതിരേയുള്ള ആക്രമണം അവസാനിപ്പിക്കണം

കടുത്തുരുത്തി: ക്രിസ്ത്യന്‍ മിഷണറിമാര്‍ക്കെതിരേയുള്ള സംഘപരിവാര്‍ സംഘടനകളുടെ ആക്രമണം അവസാനിപ്പിക്കണമെന്ന് ജനാധിപത്യ കേരള കോണ്‍ഗ്രസ് ആവശ്യപ്പെട്ടു. നിയോജകമണ്ഡലം പ്രസിഡന്‍റ് സന്തോഷ് കുഴിവേലില്‍ അധ്യക്ഷത വഹിച്ച യോഗത്തില്‍ പ്രഫ.സി.എ. അഗസ്റ്റിന്‍, സിറിയക്ക് പാലാക്കാരന്‍, ജോര്‍ജ് മരങ്ങോലി, അനില്‍ കാട്ടാത്തുവാലയില്‍, പാപ്പച്ചന്‍ വാഴയില്‍ തുടങ്ങിയവര്‍ പ്രസംഗിച്ചു. കടുത്തുരുത്തി: കള്ളക്കേസെടുത്ത് കന്യാസ്ത്രീകളെ ജയിലിടച്ച സംഘപരിവര്‍ നടപടിയില്‍ കേരളാ കോണ്‍ഗ്രസ്-എം ഉന്നതാധികാര സമിതിയംഗം സഖറിയാസ് കുതിരവേലില്‍ പ്രതിഷേധിച്ചു. ക്രിസ്ത്യന്‍ മിഷണറിമാര്‍ക്കെതിരേയുള്ള സംഘ പരിവാര്‍ സംഘടനകളുടെ ആക്രമണം അവസാനിപ്പിക്കണമെന്നും ഇത്തരം നീചപ്രവൃ‍ത്തികളില്‍നിന്നുസംഘടന പിന്തിരയണണെന്നും അദേഹം ആവശ്യപ്പെട്ടു.

ഛത്തീസ്ഗഡില്‍ കന്യാസ്ത്രീകളെ അറസ്റ്റ് ചെയ്ത സംഭവം: പ്രതിഷേധം കനക്കുന്നു

സിഎസ്ഐ സഭ കോട്ടയം: ഛത്തീസ്ഗഡില്‍ കന്യാസ്ത്രീകളെ അറസ്റ്റു ചെയ്ത സംഭവത്തെ ശക്തമായി അപലപിക്കുന്നതായും വിഷയത്തില്‍ കേന്ദ്ര സര്‍ക്കാര്‍ ഇടപെടണമെന്നും സിഎസ്ഐ സഭ. കന്യാസ്ത്രീകളെ അകാരണമായാണ് ജയിലിലടച്ചതെന്നും സിഎസ്‌ഐ മധ്യകേരള മഹായിടവക ബിഷപ് ഡോ. മലയില്‍ സാബു കോശി ചെറിയാന്‍ പറഞ്ഞു. ഒരു സഭയും ആരെയും നിര്‍ബന്ധിച്ചു മതം മാറ്റുന്നില്ല. ഇപ്പോള്‍ ഇന്ത്യയില്‍ ചില സംസ്ഥാനങ്ങളില്‍ കൊണ്ടുവന്നിട്ടുള്ള നിയമങ്ങളിലൂടെ ആളുകളെ അനാവശ്യമായി തുറങ്കിലടയ്ക്കുന്നതിനുള്ള ഒരു പരിശ്രമമാണ് നടക്കുന്നതെന്നും അദ്ദേഹം പറഞ്ഞു. ഫ്രാന്‍സിസ് ജോര്‍ജ് എംപി നിവേദനം നല്‍കി കോട്ടയം: ഛത്തീസ്ഗഡില്‍ മനുഷ്യക്കടത്ത് ആരോപിച്ച് രണ്ട് മലയാളി കന്യാസ്ത്രീകളെ അറസ്റ്റ് ചെയ്തതില്‍ പ്രതിഷേധിച്ചും അവരെ ഉടന്‍ വിട്ടയക്കണമെന്ന് ആവശ്യപ്പെട്ടും പ്രധാനമന്ത്രി നരേന്ദ്രമോദി, ഛത്തീസ്ഗഡ് മുഖ്യമന്ത്രി വിഷ്ണു ദിയോ സായ് എന്നിവര്‍ക്ക് ഫ്രാന്‍സിസ് ജോര്‍ജ് എംപി നിവേദനം നല്‍കി. ഭരണഘടന ഉറപ്പ് നല്‍കുന്ന മതസ്വാതന്ത്ര്യത്തിന് നേരേയുള്ള കടന്നുകയറ്റമാണ് ബജ്‌രംഗ്ദള്‍ പ്രവര്‍ത്തകരും പോലീസും ചേര്‍ന്ന് നടത്തിയതെന്നും കേന്ദ്ര സര്‍ക്കാര്‍ ഇക്കാര്യത്തില്‍ ഫലപ്രദമായ നടപടി സ്വീകരിക്കണമെന്നും ഫ്രാന്‍സിസ് ജോര്‍ജ് പറഞ്ഞു. കേരള കോണ്‍ഗ്രസ് ധര്‍ണ ഇന്ന് കോട്ടയം: ഛത്തീസ്ഗഡില്‍ രണ്ടു മലയാളി കന്യാസ്ത്രീകളെ കള്ളക്കേസില്‍ കുടുക്കി അറസ്റ്റ് ചെയ്ത സംഭവത്തില്‍ പ്രതിഷേധിച്ച് കേരള കോണ്‍ഗ്രസ് ഇന്ന് ധര്‍ണ നടത്തും. രാവിലെ 10.30ന് കോട്ടയം ഹെഡ് പോസ്റ്റ് ഓഫീസിന് മുന്‍പില്‍ നടക്കുന്ന ധര്‍ണ എക്‌സിക്യൂട്ടീവ് ചെയര്‍മാന്‍ മോന്‍സ് ജോസഫ് എംഎല്‍എ ഉദ്ഘാടനം ചെയ്യും. ജില്ലാ പ്രസിഡന്‍റ് ജയ്‌സണ്‍ ജോസഫ് അധ്യക്ഷത വഹിക്കും. സെക്രട്ടറി ജനറല്‍ ജോയ് ഏബ്രഹാം, സംസ്ഥാന കോ-ഓര്‍ഡിനേറ്റര്‍ അപു ജോണ്‍ ജോസഫ് എന്നിവര്‍ പ്രസംഗിക്കും. ഭരണഘടനാ വിരുദ്ധം: കൊടിക്കുന്നില്‍ സുരേഷ് ചങ്ങനാശേരി: ഛത്തീസ്ഗഡില്‍ രണ്ട് കന്യാസ്ത്രീകള്‍ ഉള്‍പ്പെടെ മൂന്ന് പേരെ പോലീസ് അറസ്റ്റ് ചെയ്തതില്‍ കോണ്‍ഗ്രസ് പ്രവര്‍ത്തക സമിതി അംഗം കൊടിക്കുന്നില്‍ സുരേഷ് എംപി പ്രതിഷേധിച്ചു. ബിജെപി ഭരിക്കുന്ന സംസ്ഥാനങ്ങളിലുടനീളം മതന്യൂനപക്ഷങ്ങളെ ലക്ഷ്യമാക്കി നടക്കുന്ന പോലീസ് നടപടികള്‍ രാജ്യത്തിന്‍റെ മതസ്വാതന്ത്ര്യത്തിന് നേരേയുള്ള ആക്രമണമാണെന്ന് അദ്ദേഹം പറഞ്ഞു. അറസ്റ്റ് ദൗര്‍ഭാഗ്യകരം: മാണി സി. കാപ്പന്‍ പാലാ: ഛത്തീസ്ഗഡില്‍ രണ്ടു കന്യാസ്ത്രീകളെ അറസ്റ്റ് ചെയ്ത സംഭവം ദൗര്‍ഭാഗ്യകരമാണെന്ന് മാണി സി. കാപ്പന്‍ എംഎല്‍എ. നിയമങ്ങള്‍ ദുരുപയോഗം ചെയ്തുള്ള ക്രൈസ്തവ വേട്ടയാണ് ഉത്തരേന്ത്യയില്‍ ബിജെപി നടത്തുന്നതെന്ന് അദ്ദേഹം ആരോപിച്ചു. അറസ്റ്റിലായ മലയാളി സിസ്റ്റർമാരുടെ മോചനത്തിനായി കേരള സര്‍ക്കാര്‍ അടിയന്തരമായി ഇടപെടണമെന്നും അദ്ദേഹം ആവശ്യപ്പെട്ടു. പ്രധാനമന്ത്രി ഇടപെടണം: ജോബ് മൈക്കിള്‍ കോട്ടയം: കേരളത്തില്‍ ക്രൈസ്തവര്‍ അടക്കമുള്ള ന്യൂനപക്ഷ വിഭാഗങ്ങള്‍ സുരക്ഷിതരായിരിക്കുമ്പോള്‍ ഉത്തരേന്ത്യയില്‍ വ്യാപകമായി ക്രൈസ്തവ പീഡനങ്ങള്‍ ആവര്‍ത്തിക്കുകയാണെന്ന് കേരള കോണ്‍ഗ്രസ്-എം ഉന്നതാധികാര സമിതി അംഗം ജോബ് മൈക്കിള്‍ എംഎല്‍എ. കന്യാസ്ത്രീകളെ ഉടന്‍ മോചിപ്പിക്കണമെന്നാവശ്യപ്പെട്ട് കേരള കോണ്‍ഗ്രസ്-എം എല്ലാ ജില്ലാ ആസ്ഥാനങ്ങളിലും സംഘടിപ്പിച്ച ധര്‍ണകളുടെ സംസ്ഥാനതല ഉദ്ഘാടനം കോട്ടയം ഹെഡ് പോസ്റ്റ് ഓഫീസിനു മുന്നില്‍ നിര്‍വഹിച്ച് പ്രസംഗിക്കുകയായിരുന്നു അദ്ദേഹം. ഇവരെ മോചിപ്പിക്കുവാന്‍ പ്രധാനമന്ത്രി നേരിട്ട് ഇടപെടണമെന്നും ജോബ് മൈക്കിള്‍ ആവശ്യപ്പെട്ടു. പാര്‍ട്ടി സംസ്ഥാന ഓഫീസ് ചാര്‍ജ് ജനറല്‍ സെക്രട്ടറി സ്റ്റീഫന്‍ ജോര്‍ജ് അധ്യക്ഷത വഹിച്ചു. വിജി എം തോമസ്, ജോസഫ് ചാമക്കാല, സാജന്‍ തൊടുക, ഔസേപ്പച്ചന്‍ വാളിപ്ലാക്കല്‍, മാലേത്ത് പ്രതാപചന്ദ്രന്‍, ലാലിച്ചന്‍ കുന്നിപ്പറമ്പില്‍, ജോജി കുറത്തിയാട്ട്, രാജു ആലപ്പാട്ട്, ബെന്നി തടത്തില്‍, ബൈജു കൊല്ലമ്പറമ്പില്‍, മത്തച്ചന്‍ പ്ലാത്തോട്ടം, എന്‍.എ. മാത്യു എന്നിവര്‍ പ്രസംഗിച്ചു. കത്തോലിക്ക കോണ്‍ഗ്രസിന്‍റെ സായാഹ്ന ധര്‍ണ ഇന്ന് ചങ്ങനാശേരി: ഛത്തീസ്ഗഡിലെ ദുര്‍ഗില്‍ മനുഷ്യക്കടത്ത് ആരോപിച്ച് അസീസി സിസ്റ്റേഴ്‌സ് ഓഫ് മേരി ഇമാക്കുലേറ്റ് സന്യാസ സഭാംഗങ്ങളായ സിസ്റ്റര്‍ വന്ദനാ ഫ്രാന്‍സിസ്, സിസ്റ്റർ പ്രീതി മേരി എന്നിവരെ റെയില്‍വേ പോലീസ് അറസ്റ്റ് ചെയ്തതില്‍ പ്രതിഷേധിച്ച് ചങ്ങനാശേരി അതിരൂപത കത്തോലിക്ക കോണ്‍ഗ്രസിന്‍റെ നേതൃത്വത്തില്‍ ഇന്ന് വൈകുന്നേരം 5.30ന് കോട്ടയം തിരുനക്കര ഗാന്ധി സ്‌ക്വയറില്‍ സായാഹ്ന ധര്‍ണ സംഘടിപ്പിക്കും. കത്തോലിക്ക കോണ്‍ഗ്രസ് അതിരൂപത പ്രസിഡന്‍റ് ബിജു സെബാസ്റ്റ്യന്‍റെ അധ്യക്ഷതയില്‍ ധര്‍ണ അതിരൂപത വികാരി ജനറാള്‍ മോണ്‍. ആന്‍റണി എത്തയ്ക്കാട്ട് ഉദ്ഘാടനം ചെയ്യും. അതിരൂപത ഡയറക്ടര്‍ ഫാ. സെബാസ്റ്റ്യന്‍ ചാമക്കാല, ജനറല്‍ സെക്രട്ടറി ബിനു ഡൊമിനിക്, ജോസ് ജോണ്‍ വെങ്ങാന്തറ, സി.ടി. തോമസ്, ജോര്‍ജുകുട്ടി മുക്കത്ത്, ഷിജി ജോണ്‍സണ്‍, റോസിലിന്‍ കുരുവിള, രാജേഷ് ജോണ്‍, ജേക്കബ് നിക്കോളാസ്, ടോമിച്ചന്‍ അയ്യരുകുളങ്ങര എന്നിവര്‍ പ്രസംഗിക്കും.

ഭക്തിസാന്ദ്രമായി അല്‍ഫോന്‍സാമ്മയുടെ തിരുനാള്‍

ഭരണങ്ങാനം: ആയിരങ്ങള്‍ക്ക് അനുഗ്രഹവും ആശ്വാസവും പ്രത്യാശയും നല്‍കി വിശുദ്ധ അല്‍ഫോന്‍സാമ്മയുടെ തിരുനാളിന് ഭക്തിസാന്ദ്രമായ സമാപനം. തിരുനാള്‍ ദിവസങ്ങളില്‍ അല്‍ഫോന്‍സാമ്മയുടെ കബറിടത്തിലും വിശുദ്ധ സഹനബലിയര്‍പ്പിച്ച ക്ലാരമഠത്തിലും അനുഗ്രഹം തേടിയെത്തിയത് പതിനായിരങ്ങളാണ്. ഇന്നലെ പുലര്‍ച്ചെമുതല്‍ രാത്രി വൈകിവരെ നടന്ന വിശുദ്ധ കുര്‍ബാന അര്‍പ്പണങ്ങളില്‍ പങ്കെടുക്കാന്‍ ഒട്ടേറെ വിശ്വാസികളെത്തി. തിരുനാള്‍ ദിവസങ്ങളില്‍ കബറിട ദേവാലയം 24 മണിക്കൂറും തുറന്നിട്ടിരുന്നു. ഇന്നലെ രാവിലെ ഏഴിന് മാര്‍ ജോസഫ് പളളിക്കാപറമ്പില്‍ നേര്‍ച്ചയപ്പം വെഞ്ചരിച്ചു. മാര്‍ ജോസഫ് കല്ലറങ്ങാട്ട് വിശുദ്ധ കുര്‍ബാന അര്‍പ്പിച്ച് സന്ദേശം നല്‍കി. മാര്‍ ജോസഫ് സ്രാമ്പിക്കല്‍ സഹകാര്‍മികനായിരുന്നു. ഭരണങ്ങാനം ഫൊറോന ദേവാലയത്തില്‍ നിന്നാരംഭിച്ച പ്രദക്ഷിണം തീര്‍ഥാടന കേന്ദ്രത്തില്‍നിന്നും വിശുദ്ധ അല്‍ഫോന്‍സാമ്മയുടെ തിരുസ്വരൂപവും സംവഹിച്ചെത്തിയ പ്രദക്ഷിണവുമായി സംഗമിച്ച് ജപമാല പ്രദക്ഷിണമായി ടൗണ്‍ ചുറ്റി പളളിയില്‍ സമാപിച്ചു. വിപുലമായ ക്രമീകരണങ്ങളാണ് ഭക്തജനങ്ങളുടെ സൗകര്യാര്‍ഥം തീര്‍ഥാടനകേന്ദ്രം ഒരുക്കിയത്. 101 അംഗ വോളണ്ടിയര്‍മാരും പോലീസും വിവിധ വകുപ്പ് ഉദ്യോഗസ്ഥരും പ്രഥമ ശുശ്രൂഷാ ടീമും സഹായങ്ങള്‍ നല്‍കി. തീര്‍ഥാടന കേന്ദ്രം റെക്ടര്‍ റവ.ഡോ.അഗസ്റ്റിന്‍ പാലയ്ക്കപ്പറമ്പില്‍, ഫൊറോന വികാരി ഫാ.സഖറിയാസ് ആട്ടപ്പാട്ട്, അഡ്മിനിസ്ട്രേറ്റര്‍ ഫാ. മാത്യു കുറ്റിയാനിക്കല്‍, വൈസ് റെക്ടര്‍മാരായ ഫാ.ജോസഫ് അമ്പാട്ട്, ഫാ.ആന്‍ണി തോണിക്കര എന്നിവര്‍ നേതൃത്വം നല്‍കി. അല്‍ഫോന്‍സാമ്മ വിശുദ്ധിയിലേക്ക് വഴി തെളിക്കുന്നു: മാര്‍ കല്ലറങ്ങാട്ട് ഭരണങ്ങാനം: കോലാഹലങ്ങളുടെയും അക്ഷമയുടെയും കാലഘട്ടത്തില്‍ നാം അല്‍ഫോന്‍സിയന്‍ തത്വശാസ്ത്രം സ്വായത്തമാക്കണമെന്ന് മാര്‍ ജോസഫ് കല്ലറങ്ങാട്ട്. പ്രാര്‍ഥനയും സഹന മനോഭാവവും സ്വര്‍ഗം നോക്കിയുളള യാത്രയിലെ ഊന്നുവടികളാണെന്ന് അല്‍ഫോന്‍സാമ്മ പഠിപ്പിക്കുന്നു. ഈശോയിലേക്ക് എത്താനുള്ള എല്ലാ വഴികളും അല്‍ഫോന്‍സാമ്മയുടെ സൂക്തങ്ങളിലും ജീവിതത്തിലുമുണ്ട്. ഭരണങ്ങാനത്ത് വിശുദ്ധ കുര്‍ബാന അര്‍പ്പിച്ച് സന്ദേശം നല്‍കുയായിരുന്നു മാര്‍ കല്ലറങ്ങാട്ട്. അല്‍ഫോന്‍സാമ്മയുടെ സുവിശേഷം ഇന്ന് ലോകം ഏറ്റുവാങ്ങിയിട്ടുണ്ട്. സഹനം സ്വര്‍ഗത്തിലേക്കുള്ള ഗോവണിപ്പടിയായി അല്‍ഫോന്‍സാമ്മ കണ്ടതാണ് നമുക്കുള്ള വലിയ സന്ദേശമെന്നും അദ്ദേഹം ഉദ്‌ബോധിപ്പിച്ചു.

കാഞ്ഞിരപ്പള്ളി സെന്‍റ് ഡൊമിനിക്‌സ് കത്തീഡ്രൽ ദ്വിശതാബ്ദി ജൂബിലി സമാപനം

കാഞ്ഞിരപ്പള്ളി: സെന്‍റ് ഡൊമിനിക്‌സ് കത്തീഡ്രലിന്‍റെ ഒരു വർഷം നീണ്ടുനിന്ന ദ്വിശതാബ്ദി ആഘോഷങ്ങളുടെ സമാപനം ഓഗസ്റ്റ് രണ്ടുമുതൽ 10 വരെ നടക്കുമെന്ന് ‌‌‌‌വികാരിയും ആർച്ച് പ്രീസ്റ്റുമായ റവ.ഡോ. കുര്യൻ താമരശേരി പത്രസമ്മേളനത്തിൽ അറിയിച്ചു. കഴിഞ്ഞ ഒരു വർഷം ഇടവകയിൽ നടത്തിയ വിവിധ പരിപാടികളുടെ സമാപനമായിട്ടാണ് ആഘോഷപരിപാടികൾ നടത്തുന്നത്. കൂട്ടായ്‌മതലത്തിൽ ആത്മീയ ഉണർവിനായുള്ള പരിപാടികളും തുടർന്ന് ഇടവക തലത്തിൽ ആരോഗ്യസെമിനാർ, വികസന സെമിനാർ, കർഷക സെമിനാർ, സംരംഭക സെമിനാർ എന്നീ പരിപാടികളും ജൂബിലി വർഷത്തിൽ നടത്തി. സമാപന ആഘോഷങ്ങളിൽ സാംസ്കാരിക സമ്മേളനം, വിശാല കത്തീഡ്രൽ ഇടവകയുടെ ഭാഗമായിരുന്ന അഞ്ച് ഇടവകകളുടെ സംഗമം, കുടുംബ സംഗമം, കൂട്ടായ്‌മകളുടെ സംഗമം, കാരുണ്യഭവനങ്ങളുടെ സംഗമം, പ്രാർഥനാദിനം, വൈദിക - സന്യസ്ത‌ സംഗമം എന്നിവയാണ് ക്രമീകരിച്ചിരിക്കുന്നത്. ഓഗസ്റ്റ് രണ്ടിന് വൈകുന്നേരം 4.30ന് പഴയപള്ളിയിൽ വിശുദ്ധ കുർബാന, തുടർന്ന് ടൗൺചുറ്റി ജൂബിലി വിളംബര റാലി ആരംഭിച്ച് കത്തീഡ്രൽ പള്ളിയിലെത്തിച്ചേരും. തുടർന്ന് ജൂബിലി പതാക ഉയർത്തൽ, തിരി തെളിക്കൽ, 200 പേർ അണിനിരക്കുന്ന ജൂബിലി ഗാനം, വാദ്യമേളം. മൂന്നിന് ഉച്ചകഴിഞ്ഞ് മൂന്നിന് കാഞ്ഞിരപ്പള്ളി രൂപതാധ്യക്ഷൻ മാർ ജോസ് പുളിക്കൽ വിശുദ്ധ കുർബാനയർപ്പിക്കും. കത്തീഡ്രൽ ഇടവകയിൽ സേവനം ചെയ്‌ത വൈദികർ സഹകാർമികരായിരിക്കും. വൈകുന്നേരം അഞ്ചിന് സാംസ്കാരിക സമ്മേളനം ജലവിഭവ മന്ത്രി റോഷി അഗസ്റ്റിൻ ഉദ്ഘാടനം നിർവഹിക്കും. രൂപതാധ്യക്ഷൻ മാർ ജോസ് പുളിക്കൽ അധ്യക്ഷത വഹിക്കും. ചീഫ് വിപ്പ് ഡോ.എൻ. ജയരാജ്, ആന്‍റോ ആന്‍റണി എംപി, പഞ്ചായത്ത് പ്രസിഡന്‍റ് കെ.ആർ. തങ്കപ്പൻ, ഡോ. അർഷാദ് മൗലവി, ജീരാജ്, എം.എസ്. മോഹൻ എന്നിവർ പ്രസംഗിക്കും. തുടർന്ന് കത്തീഡ്രൽ ടീമിന്‍റെ നേതൃത്വത്തിൽ നാടകം. നാലിന് വിശാല കത്തീഡ്രൽ ഇടവകയുടെ ഭാഗമായിരുന്ന അഞ്ചിലിപ്പ, കൂവപ്പള്ളി, പൊടിമറ്റം, ആനക്കല്ല്, കുന്നുംഭാഗം എന്നീ ഇടവകകളുടെ സംഗമം. വൈകുന്നേരം അഞ്ചിന് റവ.ഡോ. മാത്യു പായിക്കാട്ടിന്‍റെ മുഖ്യകാർമികത്വത്തിൽ വിശുദ്ധ കുർബാന, ഫാ. മാത്യു പുതുമന, ഫാ. മാർട്ടിൻ വെള്ളിയാംകുളം, ഫാ. ജോസഫ് പൊങ്ങന്താനം, ഫാ. ആന്‍റണി ചെന്നക്കാട്ടുകുന്നേൽ എന്നിവർ സഹകാർമികരായിരിക്കും. തുടർന്ന് നടക്കുന്ന പൊതുസമ്മേളനം കാഞ്ഞിരപ്പള്ളി രൂപത വികാരി ജനറാൾ റവ.ഡോ. ജോസഫ് വെള്ളമറ്റം ഉദ്ഘാടനം ചെയ്യും. അഞ്ചിന് വൈകുന്നേരം 4.30ന് കാഞ്ഞിരപ്പള്ളി രൂപത ഫാമിലി അപ്പോസ്തലേറ്റ് ഡയറക്ടർ ഫാ. മാത്യു ഓലിക്കൽ വിശുദ്ധ കുർബാനയർപ്പിക്കും. തുടർന്ന് നടക്കുന്ന പൊതുസമ്മേളനം കാഞ്ഞിരപ്പള്ളി രൂപത വികാരി ജനറാൾ ഫാ. ബോബി അലക്‌സ് മണ്ണംപ്ലാക്കൽ ഉദ്ഘാടനം ചെയ്യും. സിനി ആർട്ടിസ്റ്റ് സിജോയി വർഗീസ് ക്ലാസ് നയിക്കും. ആറിന് ഇടവകയിലെ കൂട്ടായ്‌മകളുടെ സംഗമം. വൈകുന്നേരം അഞ്ചിന് കാഞ്ഞിരപ്പള്ളി രൂപത ചാൻസലർ ഫാ. മാത്യു ശൗര്യാംകുഴി വിശുദ്ധ കുർബാനയർപ്പിക്കും. തുടർന്ന് നടക്കുന്ന പൊതുസമ്മേളനം വികാരി ജനറാൾ ഫാ. സെബാസ്റ്റ്യൻ കൊല്ലംകുന്നേൽ ഉദ്ഘാടനം ചെയ്യും. കൂട്ടായ്മ‌കളുടെ നേതൃത്വത്തിൽ കലാപരിപാടികൾ നടക്കും. ഏഴിന് കത്തീഡ്രലിൽ പ്രവർത്തിക്കുന്ന കാരുണ്യഭവനങ്ങളുടെ സംഗമം. വൈകുന്നേരം അഞ്ചിന് വിശുദ്ധ കുർബാന - ഫാ. ജിൻസ് വാതല്ലൂക്കുന്നേൽ, തുടർന്ന് നടക്കുന്ന പൊതുസമ്മേളനം ഫാ. റോയി വടക്കേൽ ഉദ്ഘാടനം ചെയ്യും. എട്ടിന് പ്രാർഥനാദിനം. ഉച്ചകഴിഞ്ഞ് 2.30ന് ആരാധന, വചനസന്ദേശം - ഫാ. കുര്യാക്കോസ് വടക്കേടത്ത്, വൈകുന്നേരം അഞ്ചിന് വിശുദ്ധ കുർബാന - റവ.ഡോ. കുര്യൻ താമരശേരി, തുടർന്ന് സെമിത്തേരി വെഞ്ചരിപ്പ്. ഒന്പതിന് വൈദിക - സന്യസ്‌ത സംഗമം. വൈകുന്നേരം നാലിന് വിശുദ്ധ കുർബാന - ഫാ. ഇമ്മാനുവേൽ മടുക്കക്കുഴി, തുടർന്ന് പൊതുസമ്മേളനം. 10ന് രാവിലെ ഒന്പതിന് ചങ്ങനാശേരി അതിരൂപതാധ്യക്ഷൻ മാർ തോമസ് തറയിൽ വിശുദ്ധ കുർബാനയർപ്പിക്കും. തുടർന്ന് ജൂബിലി സമാപന സമ്മേളനം സീറോ മലബാർ മേജർ ആർച്ച്ബിഷപ് മാർ റാഫേൽ തട്ടിൽ ഉദ്ഘാടനം ചെയ്യും. കാഞ്ഞിരപ്പള്ളി രൂപതാധ്യക്ഷൻ മാർ ജോസ് പുളിക്കൽ അധ്യക്ഷത വഹിക്കും. മുൻ രൂപതാധ്യക്ഷൻ മാർ മാത്യു അറയ്ക്കൽ അനുഗ്രഹപ്രഭാഷണം നടത്തും. ഫാ. വർഗീസ് പരിന്തിരിക്കൽ. സിസ്റ്റർ വിനയ ഗ്രേസ്, ഫാ. ബേബി മുള്ളൂർപറമ്പിൽ എസ്ജെ, ചാക്കോ വാവലുമാക്കൽ, മാതൃവേദി, സൺഡേ സ്‌കൂൾ, എസ്എംവൈഎം പ്രതിനിധികൾ എന്നിവർ പ്രസംഗിക്കും. കത്തീഡ്രൽ വികാരി റവ.ഡോ. കുര്യൻ താമരശേരി, അസിസ്റ്റന്‍റ് വികാരിമാരായ ഫാ. ജോസഫ് ആലപ്പാട്ടുകുന്നേൽ, ഫാ. തോമസ് മുളങ്ങാശേരി, കൈക്കാരന്മാരായ കെ.സി. ഡൊമിനിക് കരിപ്പാപ്പറമ്പിൽ, ഏബ്രഹാം കെ. അലക്‌സ് കൊല്ലംകുളം, പി.കെ. കുരുവിള പിണമറുകിൽ, ടി.സി. ചാക്കോ വാവലുമാക്കൽ, ജനറൽ കൺവീനർ സെബാസ്റ്റ്യൻ എള്ളൂക്കുന്നേൽ എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിച്ചുവരുന്നു. പത്രസമ്മേളനത്തിൽ ടി.സി. ചാക്കോ വാവലുമാക്കൽ, സെബാസ്റ്റ്യൻ എള്ളൂക്കുന്നേൽ, ഫിലിപ്പ് പള്ളിവാതുക്കൽ, ബിജു പത്യാല, ബെന്നി അതിരകുളങ്ങര എന്നിവരും പങ്കെടുത്തു.

ടിങ്കർ ഫെസ്റ്റിൽ ശാസ്ത്രമികവുമായി പനമറ്റം ഗവ. എച്ച്എസ്എസ് വിദ്യാർഥികൾ

പൊൻകുന്നം: കേരള സ്റ്റാർട്ട്അപ്പ് മിഷൻ എറണാകുളം ഫാബ് ലാബിൽ പൊതു വിദ്യാലയങ്ങളിലെ കുട്ടികൾക്കായി നടത്തിയ ടിങ്കർ ഫെസ്റ്റിൽ നവീന ആശയം പ്രദർശിപ്പിച്ച് പനമറ്റം ഗവൺമെന്‍റ് ഹയർ സെക്കൻഡറി സ്‌കൂളിലെ കുട്ടികൾ. സ്‌കൂളിലെ ടിങ്കർ ലാബിൽ തയാറാക്കിയ പ്രോജക്‌ടാണ് കുട്ടികൾ അവതരിപ്പിച്ചത്. രാത്രികാലങ്ങളിൽ വാഹനങ്ങളുടെ ഹെഡ്‌ലൈറ്റ് ഡിം ചെയ്യാത്തതു മൂലം സംഭവിക്കുന്ന അപകടങ്ങൾ കുറ‍യ്ക്കുന്നതിനുള്ള ഒരു പരിഹാരമാർഗമാണ് കുട്ടികൾ അവതരിപ്പിച്ചത്. എതിരേവരുന്ന വാഹനങ്ങളുടെ ലൈറ്റ് നമ്മുടെ വാഹനത്തിലെ സെൻസറിൽ പതിക്കുമ്പോൾ വാഹനത്തിന്‍റെ ലൈറ്റ് സ്വയം ഡിം ആകും. വാഹനങ്ങളിലെല്ലാം ഈ സംവിധാനം ചെയ്താൽ രാത്രികാലങ്ങളിലെ അപകടങ്ങൾ കുറയ്ക്കാൻ സാധിക്കും. ആരുഷ് ഗോപകുമാർ, ശ്രീഹരി ആർ. പിള്ള, ശ്രീഹരി രഞ്ജിത്ത്, അന്നു മരിയ ജോസ്, നൗറിൻ ബിൻത് റഫീഖ് എന്നീ കുട്ടികളാണ് ടിങ്കർ ഫെസ്റ്റിൽ പങ്കെടുത്തത്. ടിങ്കറിംഗ് ലാബിലെ പ്രവർത്തനങ്ങൾക്ക് നേതൃത്വം നൽകുന്നത് അധ്യാപിക ഷിജിന റഹീമാണ്. 2021ലാണ് പനമറ്റം സ്‌കൂളിൽ ടിങ്കറിംഗ് ലാബ് അനുവദിച്ചത്. ആർട്ടിഫിഷൽ ഇന്‍റലിജൻസ്, റോബോട്ടിക്‌സ് എന്നിവയിൽ കുട്ടികൾക്ക് പരിശീലനം നൽകിവരുന്നു. യുപി വിഭാഗം കുട്ടികൾക്കായി ക്രിയേറ്റീവ് കോർണർ സ്‌കൂളിൽ പ്രവർത്തനം ആരംഭിച്ചിട്ടുണ്ട്. വയറിംഗ്, പ്ലംബിംഗ്, വെൽഡിംഗ്, കൃഷി, എംബ്രോയ്ഡറി, ഫാബ്രിക് പെയിന്‍റിംഗ്, തയ്യൽ തുടങ്ങിയ 29 ഇനങ്ങളിൽ കുട്ടികൾക്ക് പരിശീലനം നൽകുന്നുണ്ട്.

കൂട്ടിക്കൽ ബ്ലോക്ക് ഡിവിഷനെ തലനാട് ഡിവിഷനിൽ ഉൾപ്പെടുത്തിയത് പുനഃപരിശോധിക്കണമെന്ന്

കൂട്ടിക്കൽ: തദ്ദേശ സ്ഥാപന തെരഞ്ഞെടുപ്പിനോടനുബന്ധിച്ച് കോട്ടയം ജില്ലാ പഞ്ചായത്തിന്‍റെ അതിർത്തികൾ പുനർനിർണയിച്ചപ്പോൾ കൂട്ടിക്കൽ ബ്ലോക്ക് ഡിവിഷനെ തലനാട് ഡിവിഷനിൽ ഉൾപ്പെടുത്തിയത് പുനഃപരിശോധിക്കണമെന്ന് കേരള കോൺഗ്രസ്-എം ആവശ്യപ്പെട്ടു. മേലുകാവ്, മൂന്നിലവ് ഉൾപ്പെടെ വികസനത്തിൽ ഏറെ പിന്നാക്കം നിൽക്കുന്നതും മലയോരപ്രദേശങ്ങൾ മാത്രം ഉൾക്കൊള്ളുന്നതും ഉരുൾപൊട്ടൽ ഉൾപ്പെടെ ദുരന്തസാധ്യതകൾ ഉള്ളതുമായ പ്രദേശങ്ങളെ ഉൾക്കൊള്ളിച്ച് പുതിയ ഡിവിഷൻ ഉണ്ടാക്കിയത് പുനഃപരിശോധിക്കണം. പുതിയ ഡിവിഷന്‍റെ ഒരറ്റത്തുനിന്ന് മറ്റേ അറ്റത്ത് എത്തിച്ചേരാൻ 60 കിലോമീറ്ററിലധികം യാത്ര ചെയ്യേണ്ടിവരും. ഒരു ജില്ലാ പഞ്ചായത്ത് ജനപ്രതിനിധിയെ സംബന്ധിച്ച് സർക്കാർ പരിപാടികളിലോ സ്വകാര്യ പരിപാടികളിലോ സേവനമോ സഹായമോ ലഭ്യമാക്കാൻ സാധിക്കില്ല. അതുകൊണ്ട് പൂഞ്ഞാർ നിയോജകമണ്ഡലത്തിലും കാഞ്ഞിരപ്പള്ളി ബ്ലോക്കിൽ ഉൾപ്പെട്ടതും 9000 മാത്രം ജനസംഖ്യയുള്ളതുമായ കൂട്ടിക്കൽ ഡിവിഷനെ തൊട്ടടുത്ത മുണ്ടക്കയം ഡിവിഷനിലോ പൂഞ്ഞാർ ഡിവിഷനിലോ ഉൾപ്പെടുത്തണമെന്ന് കേരള കോൺഗ്രസ്-എം ആവശ്യപ്പെട്ടു. പി.സി. സൈമൺ, കെ.എസ്. മോഹനൻ, ജെസി ജോസ്, വി.വി. സോമൻ, ബെന്നി ആറ്റുകാലിൽ, പി.പി. രാജപ്പൻ, ജോയി കളരിക്കൽ എന്നിവർ പ്രസംഗിച്ചു.‌

സ്നേഹാദരവുമായി കത്തോലിക്ക കോൺഗ്രസ് ആനക്കല്ല് യൂണിറ്റ്

ആനക്കല്ല്: കത്തോലിക്ക കോൺഗ്രസ് ആനക്കല്ല് യൂണിറ്റിന്‍റെ ആഭിമുഖ്യത്തിൽ നടത്തിയ സ്നേഹാദരവ് വികാരി ഫാ. ജോസഫ് പൊങ്ങന്താനം ഉദ്ഘാടനം ചെയ്തു. സഭയുടെയും സമുദായത്തിന്‍റെയും താത്പര്യങ്ങൾക്കനുസൃതമായി പ്രവർത്തിച്ചുകൊണ്ട് നാം സമുദായബോധമുള്ളവരായി മാറണമെന്നും സീറോമലബാർ സഭയുടെ സമുദായ സംഘടനയായ കത്തോലിക്ക കോൺഗ്രസ് സഭയുടെ പൗരാണിക പാരമ്പര്യം ഉയർത്തിപ്പിടിച്ചുകൊണ്ട് സമൂഹനന്മയ്ക്കായി പ്രവർത്തിക്കണമെന്നും അദ്ദേഹം പറഞ്ഞു. കത്തോലിക്ക കോൺഗ്രസ് രൂപത ഡയറക്ടർ ഫാ. ജസ്റ്റിൻ മതിയത്ത് മുഖ്യപ്രഭാഷണം നടത്തി. ആനക്കല്ല് ഇടവകയിൽ വിശ്വാസ പരിശീലനരംഗത്ത് 47 വർഷം പൂർത്തിയാക്കിയ ജോസ് തോമസ് പാറക്കുളങ്ങര, ബാബു മൈക്കിൾ ഏറത്തേടത്ത്, പത്രവിതരണ രംഗത്ത് 47 വർഷം പൂർത്തിയാക്കിയ ആന്‍റണി നടുവിലെത്തറയിൽ, കാഞ്ഞിരപ്പള്ളി സർവീസ് സഹകരണബാങ്ക് വൈസ് പ്രസിഡന്‍റായി തെരഞ്ഞെടുക്കപ്പെട്ട ബിജു ശൗരിയാംകുഴി, സിഎ പരീക്ഷ പാസായ ടോജൻ ടോം കൊച്ചുപറമ്പിൽ, എസ്എസ്എൽസി, പ്ലസ് ടു പരീക്ഷകളിൽ ഫുൾ എ പ്ലസ് നേടിയ ഐബിൻ സ്കറിയ പുറ്റനാനിക്കൽ, അൽഫോൻസ തോമസ് കണയമാകുന്നേൽ, തോമസ് ജേക്കബ് കല്ലറക്കൽ, മെറിൽ തോമസ് വാതല്ലൂർ എന്നിവരെ യോഗത്തിൽ ആദരിച്ചു. യൂണിറ്റ് പ്രസിഡന്‍റ് ബിജു ശൗര്യാംകുഴി അധ്യക്ഷത വഹിച്ചു. കത്തോലിക്ക കോൺഗ്രസ് ഗ്ലോബൽ വൈസ് പ്രസിഡന്‍റ് ജോമി കൊച്ചുപറമ്പിൽ, രൂപതാസമിതിയംഗങ്ങളായ ജോസ് മടുക്കക്കുഴി, സോണി കോഴിമല, ഇൻഫാം യൂണിറ്റ് പ്രസിഡന്‍റ് ജൂലിയൻ വെള്ളക്കട, പിതൃവേദി ഫൊറോന വൈസ് പ്രസിഡന്‍റ് തങ്കച്ചൻ കേളിയംപറമ്പിൽ, ഇൻഫാം മഹിളാസമാജം താലൂക്ക് പ്രസിഡന്‍റ് സുബി സെബാസ്റ്റ്യൻ, കത്തോലിക്ക കോൺഗ്രസ് ഫൊറോന വൈസ് പ്രസിഡന്‍റ് ഡാനി ജോസ് കുന്നത്ത്, എസ്എംവൈഎം യൂണിറ്റ് സെക്രട്ടറി എബിൻ സുനിൽ ചമ്പക്കര, യൂണിറ്റ് ഭാരവാഹികളായ ജോസ് തൂങ്കുഴി, എൻ.ജെ. ജോസഫ് നെടുംപറമ്പിൽ എന്നിവർ പ്രസംഗിച്ചു.

കന്യാസ്ത്രീകളുടെ അറസ്റ്റില്‍ വ്യാപക പ്രതിഷേധം

കത്തോലിക്ക കോൺഗ്രസ്‌ കാഞ്ഞിരപ്പള്ളി: ഛത്തീസ്ഗഡിൽ രണ്ടു മലയാളി കന്യാസ്ത്രീകളെ അറസ്റ്റ് ചെയ്ത നടപടിക്കെതിരേ കത്തോലിക്ക കോൺഗ്രസ്. മനുഷ്യക്കടത്ത് ആരോപിച്ചാണ് സിസ്റ്റർ വന്ദന ഫ്രാൻസിസ്, സിസ്റ്റർ പ്രീത മേരി എന്നിവരെ മൂന്നു യുവതികളോടൊപ്പം ബജ്‌രംഗ്ദൾ അനുഭാവികൾ പോലീസിൽ ഏൽപ്പിച്ചത്. ക്രിസ്ത്യാനികൾക്കെതിരേ യാതൊരു അടിസ്ഥാനവുമില്ലാതെ രാജ്യമൊട്ടാകെ വളർന്നുവരുന്ന നിയമനടപടികൾ ഇന്ത്യൻ ഭരണഘടന ഉറപ്പുതരുന്ന മതസ്വാതന്ത്ര്യത്തിന്‍റെയും ജനാധിപത്യ വ്യവസ്ഥയുടെയും അടിവേര് അടർത്തുന്നതിനു തുല്യമാണ്. ക്രൈസ്തവർ അടക്കമുള്ള മതന്യൂനപക്ഷങ്ങൾ കേരളത്തിൽ സുരക്ഷിതരാണെങ്കിലും വടക്കേ ഇന്ത്യൻ സംസ്ഥാനങ്ങളിലെ സ്ഥിതി മറിച്ചാണെന്ന് കത്തോലിക്കാ കോൺഗ്രസ് കാഞ്ഞിരപ്പള്ളി രൂപതാസമതി വിലയിരുത്തി. രൂപത പ്രസിഡന്‍റ് കെ.കെ. ബേബി കണ്ടത്തിൽ അധ്യക്ഷത വഹിച്ചു. രൂപത ഡയറക്ടർ ഫാ. ജസ്റ്റിൻ മതിയത്ത്, ജനറൽ സെക്രട്ടറി ജോസഫ് പണ്ടാരക്കളം, ഗ്ലോബൽ വൈസ് പ്രസിഡന്‍റ് ജോമി കൊച്ചുപറമ്പിൽ, ടെസി ബിജു പാഴിയാങ്കൽ, ജോജോ തെക്കുഞ്ചേരിക്കുന്നേൽ തുടങ്ങിയവർ പ്രസംഗിച്ചു. ഡിസിഎംഎസ് വിജയപുരം രൂപതാസമിതി കാഞ്ഞിരപ്പള്ളി: ഛത്തീസ്ഗഡില്‍ കന്യാസ്ത്രീകളെ അറസ്റ്റ് ചെയ്തതില്‍ ഡിസിഎംഎസ് വിജയപുരം രൂപതാസമിതി പ്രതിഷേധം രേഖപ്പെടുത്തി. കുഷ്ഠരോഗികളെയും അനാഥരെയും സംരക്ഷിക്കുകയും അവര്‍ക്കുവേണ്ടി സേവനമനുഷ്ഠിക്കുകയും ചെയ്യുന്ന കന്യാസ്ത്രീകളെ കള്ളക്കേസില്‍ ഉള്‍പ്പെടുത്തി അറസ്റ്റ് ചെയ്ത നിയമപാലകരെയും കൂട്ടുനിന്നവരെയും നിയമപരമായി ശിക്ഷിക്കണമെന്നും സമിതി ആവശ്യപ്പെട്ടു. യോഗത്തില്‍ ഡിസിഎംഎസ് വിജയപുരം രൂപത ഡയറക്ടര്‍ ഫാ. ജോസഫ് തറയില്‍, പ്രസിഡന്‍റ് ജോയ് ജോര്‍ജ് കൂനാനിക്കല്‍, സെക്രട്ടറി ടോമി പൂവത്തോലില്‍ എന്നിവര്‍ പ്രസംഗിച്ചു. പുല്ലാനിത്തകിടി ഇടവകയോഗം പുല്ലാനിത്തകിടി: മനുഷ്യക്കടത്ത് ആരോപിച്ച് രണ്ടു മലയാളി കന്യാസ്ത്രീകളെ അറസ്റ്റ് ചെയ്തതിൽ പുല്ലാനിത്തകിടി വിശുദ്ധ റീത്താ ഇടവകയിലെ പൊതുയോഗവും വിവിധ സംഘടനകളുടെ സംയുക്ത യോഗവും പ്രതിഷേധിച്ചു. സമ്മേളനത്തിൽ വികാരി ഫാ. ജോസുകുട്ടി ഇടത്തിനകം, കൈക്കാരന്മാരായ ജോൺസൺ വലിയപറമ്പിൽ, സണ്ണി പുതുപ്പറമ്പിൽ, വിവിധ സംഘടനാ ഭാരവാഹികളായ നവീൻ അറഞ്ഞനാൽ, ആഷ്‌ലി മുള്ളൻമടക്കൽ, ആശ മുള്ളൻമടക്കൽ, ഐഡ പതുപ്പറമ്പിൽ, എബി സൺ പുതുപ്പറമ്പിൽ, റോസമ്മ, ബീന എന്നിവർ പ്രസംഗിച്ചു. മഹിളാ കോൺഗ്രസ് പൊൻകുന്നം: ഛത്തീസ്ഗഡിൽ രണ്ട് മലയാളി കന്യാസ്ത്രീകളെ അന്യായമായി അറസ്റ്റ് ചെയ്ത് ജയിലടച്ച സംഭവത്തിൽ പ്രതിഷേധിച്ച് മഹിളാ കാൺഗ്രസ് കാഞ്ഞിരപ്പള്ളി ബ്ലോക്ക് കമ്മിറ്റി പ്രവർത്തകർ വായ മൂടിക്കെട്ടി ധർണ നടത്തി. ജില്ലാ പ്രസിഡന്‍റ് ബെറ്റി ടോജോ ഉദ്ഘാടനം ചെയ്തു. ബ്ലോക്ക് പ്രസിഡന്‍റ് ലൂസി ജോർജ് അധ്യക്ഷത വഹിച്ചു. ഡിസിസി ജനറൽ സെക്രട്ടറി പ്രഫ. റോണി കെ. ബേബി, പി. ജീരാജ്, സനോജ് പനക്കൽ, സേവ്യർ മൂലകുന്ന്, ഡാനി ജോസ്, പി.സി. ത്രേസ്യാമ്മ, ജാൻസി ജോർജ്, റോസമ്മ ആഗസ്തി, റൂബി സേതു, ഐശ്വര്യ ഉണ്ണി, അമ്പിളി രഞ്ജിത്ത്, ലൈസാമ്മ സണ്ണി, ഷൈമോൾ, ലൗലി, മിനി കുഴിമറ്റം, സൂരജ്ദാസ് തുടങ്ങിയവർ പ്രസംഗിച്ചു. കേരള കോൺഗ്രസ്-എം എലിക്കുളം: ഛത്തീസ്ഗഡിൽ രണ്ട് മലയാളി കന്യാസ്ത്രീകളെ അറസ്റ്റ് ചെയ്തതിൽ കേരള കോൺഗ്രസ്-എം എലിക്കുളം മണ്ഡലം കമ്മിറ്റി പ്രതിഷേധിച്ചു. സംസ്ഥാന സ്റ്റിയറിയിംഗ് കമ്മിറ്റിയംഗം സാജൻ തൊടുക ഉദ്ഘാടനം ചെയ്തു. പ്രസിഡന്‍റ് ടോമി കപ്പിലുമാക്കൽ അധ്യക്ഷത വഹിച്ചു. തോമസുകുട്ടി വട്ടയ്ക്കാട്ട്, അവിരാച്ചൻ കോക്കാട്ട്, ജിമ്മിച്ചൻ ഈറ്റത്തോട്ട്, ഷൈസ് കോഴിപൂവനാനിക്കൽ, ജൂബിച്ചൻ ആനിത്തോട്ടം, സോവി കാഞ്ഞമല, സിനി ജോയി, വിൽസൺ പതിപ്പള്ളി, സുശീലൻ പണിക്കർ, മഹേഷ് ചെത്തിമറ്റം, സെൽവി വിൽസൺ, മോൻസി വളവനാൽ, ജോസഫ് കൊല്ലംപറമ്പിൽ, ജോമോൻ കൊല്ലംകൊമ്പിൽ എന്നിവർ പ്രസംഗിച്ചു. കേരള പ്രതികരണവേദി പൊൻകുന്നം: ഛത്തീസ്ഗഡിലെ ദുർഗിൽ മലയാളി കന്യാസ്ത്രീകളെ അറസ്റ്റു ചെയ്ത സംഭവത്തിൽ കേരള പ്രതികരണവേദി സംസ്ഥാന പ്രസിഡന്‍റ് വിഴിക്കത്തോട് ജയകുമാർ, ജില്ലാ പ്രസിഡന്‍റ് എസ്. ബിജു എന്നിവർ പ്രതിഷേധിച്ചു. സന്യസ്തരെ ആൾക്കൂട്ട വിചാരണയ്ക്കു ശേഷം ജയിലിൽ അടച്ചത് നിയമവാഴ്ചയുടെ തകർച്ചയ്ക്ക് തെളിവാണ്. സാമൂഹിക സേവനത്തിലുള്ള കന്യാസ്ത്രീകൾക്കെതിരായ നടപടി അപലപനീയമാണ്. ഈ നടപടിക്കെതിരേ പ്രബുദ്ധകേരളം ഒറ്റക്കെട്ടായി മുന്നോട്ടുവരണമെന്നും ഇവർ പറഞ്ഞു.

കുന്നുംഭാഗത്ത് വീണ്ടും വ്യാപക മോഷണശ്രമം

കാഞ്ഞിരപ്പള്ളി: കുന്നുംഭാഗത്ത് വീണ്ടും വ്യാപക മോഷണശ്രമം. രണ്ടു ദിവസങ്ങളിലായി ഒന്പത് വീടുകളിലാണ് മോഷണശ്രമങ്ങൾ നടന്നത്. ശനിയാഴ്ച പുലർച്ചെയും ഇന്നലെ പുലർച്ചെയുമായിട്ടാണ് വിവിധ വീടുകളിലായി മോഷ്ടാക്കൾ എത്തിയത്. വരിക്കമാംതൊട്ടിയിൽ സജി, കല്ലുവേലിൽ ഷാജി, മഞ്ഞാക്കൽ ബാബു, മണ്ണുക്കുന്നേൽ റോജി എന്നിവരുടെ വീടുകളിൽ ശനിയാഴ്ച പുലർച്ചെയും കൊച്ചൊട്ടൊന്നിൽ ജോണി, എലിവാലിക്കരയിൽ ഉദയകുമാർ, തേക്കനാംപൊയ്കയിൽ ജോഷി, പാറയിൽ രാജൻ, മൂലയിൽ തോമാച്ചൻ എന്നിവരുടെ വീടുകളിൽ ഇന്നലെ പുലർച്ചെയുമാണ് മോഷണശ്രമം നടന്നത്. സജിയുടെ വീട്ടിൽനിന്ന് കുടയും ഷാജിയുടെ വീട്ടിൽനിന്ന് ചെരുപ്പും റോജിയുടെ വീട്ടിൽനിന്ന് ഷർട്ടും പാന്‍റ്സും ജോഷിയുടെ വീട്ടിൽനിന്ന് വാക്കത്തിയുമാണ് മോഷണം പോയിരിക്കുന്നത്. എലിവാലിക്കരയിൽ ഉദയകുമാറിന്‍റെ വീട്ടിൽ കയറി ചോറ് കഴിച്ച മോഷ്ടാവ് പാത്രങ്ങൾ കിണറ്റിലിട്ടു. മോഷ്ടാവ് വീടുകളിൽ കയറുന്നതിന്‍റെയും തിരികെ ഇറങ്ങിവരുന്നതിന്‍റെയും സിസിടിവി ദൃശ്യങ്ങൾ വീട്ടുകാർക്ക് ലഭിച്ചിട്ടുണ്ട്. പോലീസിൽ പരാതി നൽകുമെന്ന് നാട്ടുകാർ പറഞ്ഞു. കുന്നുംഭാഗം മറ്റത്തിൽപടി റോഡിലും കുന്നുംഭാഗം പൈനുങ്കൽപടി റോഡിലുമാണ് മോഷ്ടാക്കൾ വിലസുന്നത്. ഈ ഭാഗങ്ങളിൽ രാത്രികാല പോലീസ് പട്രോളിംഗ് ശക്തമാക്കണമെന്നും മോഷ്ടാക്കളെ പിടികൂടാനുള്ള നടപടി അധികൃതർ സ്വീകരിക്കണമെന്നും നാട്ടുകാർ ആവശ്യപ്പെട്ടു. വർഷങ്ങൾക്കുശേഷം വീണ്ടും മേഖലയിൽ മോഷണശ്രമം ഉണ്ടായിരിക്കുന്നത് ജനങ്ങളിൽ പരിഭ്രാന്തി സൃഷ്ടിച്ചിരിക്കുകയാണ്. മോഷ്ടാക്കളെ പിടികൂടാനായി പോലീസ് അടിയന്തര നടപടി സ്വീകരിക്കണമെന്നും നാട്ടുകാരുടെ നേതൃത്വത്തിൽ രാത്രികാല പട്രോളിംഗിനായി സ്ക്വാഡ് രൂപീകരിച്ചിട്ടുണ്ടെന്നും വാർഡ് മെംബർ ആന്‍റണി മാർട്ടിൻ പറഞ്ഞു.

മരങ്ങാട്ടുപിള്ളി മൃഗാശുപത്രിയില്‍ വെറ്ററിനറി സര്‍ജറി യൂണിറ്റ് ആരംഭിച്ചു

മരങ്ങാട്ടുപിള്ളി: റീബില്‍ഡ് കേരള പദ്ധതിയില്‍ ഉള്‍പ്പെടുത്തി മരങ്ങാട്ടുപിള്ളി മൃഗാശുപത്രിയില്‍ ആരംഭിച്ച വെറ്ററിനറി സര്‍ജറി യൂണിറ്റ് മരങ്ങാട്ടുപിള്ളി പഞ്ചായത്ത് പ്രസിഡന്‍റ് ബെല്‍ജി ഇമ്മാനുവല്‍ ഉദ്ഘാടനം ചെയ്തു. വൈസ് പ്രസിഡന്‍റ് ഉഷ പാലോലില്‍ അധ്യക്ഷത വഹിച്ചു. എല്ലാ തിങ്കളാഴ്ചകളിലും വെറ്ററിനറി സര്‍ജറി യൂണിറ്റ് മരങ്ങാട്ടുപിള്ളിയില്‍ പ്രവര്‍ത്തിക്കും. വളര്‍ത്തുമൃഗങ്ങള്‍ക്കുള്ള വന്ധ്യംകരണം ഉള്‍പ്പെടെയുള്ള ശസ്ത്രക്രിയകള്‍ സര്‍ക്കാര്‍ നിശ്ചയിച്ച ഫീസില്‍ നടത്തും. മൃഗാശുപത്രിയില്‍ നേരിട്ടെത്തിയോ 1962 എന്ന ടോള്‍ഫ്രീ നമ്പറിലൂടെയോ ശസ്ത്രക്രിയകള്‍ മുന്‍കൂട്ടി ബുക്ക് ചെയ്യാം. ഉഴവൂര്‍ ബ്ലോക്ക് പഞ്ചായത്തംഗം ജോണ്‍സണ്‍ പുളിക്കീല്‍, പഞ്ചായത്തംഗങ്ങളായ തുളസീദാസ് അമ്പലത്താംകുഴി, സിറിയക് വേലിക്കെട്ടേല്‍, നിര്‍മല ദിവാകരന്‍, ലിസി ജോര്‍ജ്, സലിമോള്‍, ജോസഫ് എന്നിവര്‍ പങ്കെടുത്തു.

കുറവിലങ്ങാട് ബാലഭവൻ റോഡ്: എംഎൽഎഫണ്ടിൽനിന്ന് 15 ലക്ഷം രൂപ ലഭ്യമാക്കുമെന്ന് പഞ്ചായത്തംഗം

കുറവിലങ്ങാട്: പഞ്ചായത്തിലെ പള്ളിത്താഴെ-ബാലഭവൻ-കടുവാക്കുഴി റോഡ് യാത്രായോഗ്യമാക്കുന്നതിന് എംഎൽഎ ഫണ്ടിൽനിന്ന് 15 ലക്ഷം രൂപ ലഭ്യമാക്കുന്നതിന് നടപടികൾ സ്വീകരിച്ചിട്ടുള്ളതായി പഞ്ചായത്തംഗം ജോയ്‌സ് അലക്‌സ് ആശാരിപറമ്പിൽ പറഞ്ഞു. ആസ്തി വികസനഫണ്ടിൽനിന്ന് 15 ലക്ഷം രൂപ അനുവദിച്ചതായാണ് മോൻസ് ജോസഫ് എംഎൽഎ ജില്ലാ അധികൃതരെ അറിയിച്ചിട്ടുള്ളത്. ഇതുസംബന്ധിച്ച കത്ത് ജില്ലാ, ബ്ലോക്ക് അധികാരികൾക്ക് നൽകിയിട്ടുണ്ട്. ബാലഭവൻ റോഡിൽ ജലവിതരണ പൈപ്പുകൾ സ്ഥാപിക്കുന്നതിന്‍റെ ഭാഗമായി റോഡിൽ കുഴിയെടുത്തതോടെയാണ് നാടിന് നരകയാതന ആരംഭിച്ചത്. റോഡ് കണ്ടാൽ ആരും പ്രതിഷേധിച്ചുപോകുന്ന സ്ഥിതിയാണ്.

ജനറല്‍ ആശുപത്രി ലിങ്ക് റോഡിന് രണ്ടു കോടിയുടെ ഭരണാനുമതി

പാലാ: കെ.എം. മാണി മെമ്മോറിയല്‍ ജനറല്‍ ആശുപത്രി ജംഗ്ഷന്‍-പുത്തന്‍പള്ളിക്കുന്ന് ബൈപാസ് റോഡിന്‍റെ തുടക്കം മുതല്‍ ആശുപത്രി അത്യാഹിത വിഭാഗം കെട്ടിടത്തിന്‍റെ ഭാഗം വരെ ബിഎം ആൻഡ് ബിസി നിലവാരത്തില്‍ വളവുകള്‍ നിവര്‍ത്തി നിർമിക്കുന്നതിന് രണ്ടു കോടി രൂപയുടെ ഭരണാനുമതി ലഭിച്ചു. ആശുപത്രിയുടെ ഭാഗത്ത് വളവു നിവര്‍ത്തി വീതി കൂട്ടുന്നതിന് ആവശ്യമായ 2.72 സെന്‍റ് സ്ഥലം റവന്യു വകുപ്പ് മുഖേന രണ്ടു വര്‍ഷം മുന്‍പ് ജില്ലാ കളക്ടര്‍ ഉത്തരവിലൂടെ പൊതുമരാമത്തിന് കൈമാറിയതിനാൽ ഇപ്പോള്‍ ഭരണാനുമതി ലഭ്യത വേഗത്തിലാക്കാന്‍ സാധിച്ചു. തുടര്‍ന്നുള്ള ബൈപാസ് വരെയുള്ള ഭാഗം ഒൻപതു പേരുടെ സ്ഥലം ഏറ്റെടുക്കുന്നതുള്‍പ്പെടെ റോഡ് വീതി കൂട്ടി പണിയുന്നതിന് 25 കോടി രൂപയാണ് ബജറ്റില്‍ ആവശ്യപ്പെട്ടത്. ഈ തുക അനുവദിച്ചു നല്‍കിയെങ്കില്‍ മാത്രമേ റോഡിന്‍റെ പണി ബിഎം ആൻഡ് ബിസി നിലവാരത്തില്‍ ബൈപാസില്‍ എത്തിച്ചേരുകയുള്ളൂ. ആശുപത്രിയില്‍ എത്തിച്ചേരുന്ന ആംബുലന്‍സുകള്‍ക്കും മറ്റു വാഹനങ്ങള്‍ക്കും ദിവസേന വരുന്ന ആളുകള്‍ക്കും ആശുപത്രി ഭാഗം വളവ് നിവര്‍ത്തി റോഡ് നിര്‍മിക്കുന്നത് ഏറെ പ്രയോജനമാകും. രാഷ്‌ട്രീയ ജനതാദള്‍ നിയോജകമണ്ഡലം പ്രസിഡന്‍റും ജനറല്‍ ആശുപത്രി മാനേജിംഗ് കമ്മിറ്റിയംഗവുമായ പീറ്റര്‍ പന്തലാനി ബജറ്റില്‍ റോഡിന് തുക അനുവദിക്കണമെന്ന് ആവശ്യപ്പെട്ട് ധനമന്ത്രി കെ.എൻ. ബാലഗോപാലിനും ആരോഗ്യമന്ത്രി വീണാ ജോര്‍ജിനും മാണി സി. കാപ്പന്‍ എംഎല്‍എയ്ക്കും നിവേദനം നല്‍കിയിരുന്നു.

അരുവിത്തുറ ലയൺസ് ക്ലബ് ഭാരവാഹികളുടെ സ്ഥാനാരോഹണം നടത്തി

അരുവിത്തുറ: അരുവിത്തുറ ലയൺസ് ക്ലബ് 2025-26 വർഷത്തെ ഭാരവാഹികളുടെ സ്ഥാനാരോഹണവും വിവിധ പ്രോജക്‌ടുകളുടെ ഉദ്ഘാടനവും പുതിയ മെംബർമാരെ ചേർക്കലും നടത്തി. വിവിധ സർവീസ് പ്രോജക്‌ടുകളുടെ ഉദ്ഘാടനം ക്ലബ് പ്രസിഡന്‍റ് മനോജ്‌ മാത്യു പരവരാകത്തിന്‍റെ അധ്യക്ഷതയിൽ സെബാസ്റ്റ്യൻ കുളത്തുങ്കൽ എംഎൽഎ നിർവഹിച്ചു. പുതിയ ഭാരവാഹികളുടെ സ്ഥാനാരോഹണവും പുതിയ മെംബർമാരെ ചേർക്കലും ജോയി തോമസ് പൗവത്ത് നിർവഹിച്ചു. ഈ വർഷം പത്ത് സേവന പ്രവർത്തനങ്ങൾക്ക് തുടക്കമിട്ടാണ് പുതിയ ഭാരവാഹികൾ സ്ഥാനമേൽക്കുന്നത്. ക്ലബ് പ്രസിഡന്‍റായി മനേഷ് ജോസ് കല്ലറക്കൽ, സെക്രട്ടറിയായി റ്റിറ്റോ മാത്യു തെക്കേൽ, അഡ്മിനിസ്ട്രേറ്ററായി പ്രിൻസൺ ജോർജ് പറയൻകുഴിയിൽ, ട്രഷററായി സ്റ്റാൻലി മാത്യു തട്ടാംപറമ്പിൽ എന്നിവർ സ്ഥാനമേറ്റെടുത്തു. കഴിഞ്ഞ വർഷത്തെ മികച്ച പ്രവർത്തനത്തിന്‍റെ അടിസ്ഥാന ത്തിൽ ലയൺസ് 318 ബി ചീഫ് പ്രോജക്‌ട് കോ-ഓർഡിനേറ്റർ സിബി മാത്യു പ്ലാത്തോട്ടം, ക്ലബ് പ്രസിഡന്‍റ് മനോജ്‌ മാത്യു പരവരാകത്ത്, ഡയറക്ടർ ബോർഡ് അംഗം പ്രഫ. റോയി തോമസ് കടപ്ലാക്കൽ, ലീനു കെ. ജോസ് എന്നിവരെ സെബാസ്റ്റ്യൻ കുളത്തുങ്കൽ എംഎൽഎയും ജോയി തോമസ് പൗവത്തും ചേർന്ന് ആദരിച്ചു.

അരുവിത്തുറ അഗ്രി ഫെസ്റ്റ് ഓഗസ്റ്റ് ഒന്നുമുതല്‍ മൂന്നുവരെ

അരുവിത്തുറ: പാലാ സോഷ്യല്‍ വെല്‍ഫെയര്‍ സൊസൈറ്റിയുടെയും അരുവിത്തുറ സോണല്‍ കര്‍ഷകദളങ്ങളുടെയും കര്‍ഷക മാര്‍ക്കറ്റ്, ഇന്‍ഫാം, പിതൃവേദി എന്നിവയുടെയും സംയുക്ത ആഭിമുഖ്യത്തില്‍ മൂന്നാമത് അരുവിത്തുറ അഗ്രി ഫെസ്റ്റ് ഓഗസ്റ്റ് ഒന്നുമുതല്‍ മൂന്നുവരെ അരുവിത്തുറ പള്ളി മൈതാനിയില്‍ നടക്കും. മേല്‍ത്തരം തെങ്ങ്, കമുക്, തേക്ക്, ഫലവൃക്ഷത്തെകള്‍, പച്ചക്കറിത്തൈകള്‍, പച്ചക്കറി വിത്തുകള്‍, ചെടികള്‍, ചെടിച്ചട്ടികള്‍, കാര്‍ഷികോപകരണങ്ങള്‍, ജൈവവളങ്ങള്‍ എന്നിവ പരിചയപ്പെടാനും വാങ്ങുന്നതിനും സൗകര്യമുണ്ട്. ഒന്നിനു രാവിലെ പത്തിന് അരുവിത്തുറ കര്‍ഷകദളം സോണല്‍ കണ്‍വീനര്‍ ജോര്‍ജ് വടക്കേല്‍ അധ്യക്ഷത വഹിക്കുന്ന യോഗത്തില്‍ അരുവിത്തുറ സെന്‍റ് ജോര്‍ജ് ഫൊറോന പള്ളി വികാരി ഫാ. സെബാസ്റ്റ്യന്‍ വെട്ടുകല്ലേല്‍ ഉദ്ഘാടനം നിർവഹിക്കും. പാലാ സോഷ്യല്‍ വെല്‍ഫെയര്‍ സൊസൈറ്റി ഡയറക്ടര്‍ ഫാ. തോമസ് കിഴക്കേല്‍, ഇന്‍ഫാം പാലാ രൂപത ഡയറക്ടര്‍ ഫാ. ജോസഫ് തറപ്പേല്‍, പിഎസ്ഡബ്ല്യുഎസ് സോണല്‍ രക്ഷാധികാരി ഫാ. ജോസഫ് ചെങ്ങഴശേരില്‍, ജില്ലാ പഞ്ചായത്തംഗം ഷോണ്‍ ജോര്‍ജ്, ബ്ലോക്ക് പഞ്ചായത്തംഗം മേഴ്സി മാത്യു, മുനിസിപ്പല്‍ കൗണ്‍സിലര്‍ ലീനാ ജയിംസ്, തലപ്പലം പഞ്ചായത്ത് പ്രസിഡന്‍റ് ആനന്ദ് പുതിയാപറമ്പില്‍, പഞ്ചായത്തംഗം ജോഷി ജോര്‍ജ് പ്ലാത്തോട്ടം, അഗ്രികള്‍ച്ചറല്‍ അസിസ്റ്റന്‍റ് ഡയറക്ടര്‍ ഷിജാ മാത്യു, കൃഷി ഓഫീസര്‍ എസ്. സുബാഷി, അരുവിത്തുറ റീജണല്‍ കോ-ഓര്‍ഡിനേറ്ററും പാലാ സാന്തോം ഐഎഫ്ഒ ചെയര്‍മാനുമായ സിബി കണിയാംപടി എന്നിവര്‍ പ്രസംഗിക്കും. കര്‍ഷകദളത്തിന്‍റെയും കര്‍ഷക മാര്‍ക്കറ്റിന്‍റെയും ഭാരവാഹികളായ ജോജോ പ്ലാത്തോട്ടം, ജെയ്സണ്‍ അരീപ്ലാക്കല്‍, ഉണ്ണി വരയാത്തുകരോട്ട്, ജോര്‍ജ് ജോസഫ് പ്ലാത്തോട്ടം, ജയിംസ് തുണ്ടിയില്‍, കെ.സി. തോമസ് കണ്ണകുളം, അരുവിത്തുറ സോണല്‍ കോ-ഓര്‍ഡിനേറ്റര്‍ ശാന്തമ്മ മേച്ചേരിയില്‍ എന്നിവര്‍ നേതൃതം നല്‍കും.

കന്യാസ്ത്രീകളുടെ അറസ്റ്റില്‍ വ്യാപക പ്രതിഷേധം

കത്തോലിക്ക കോണ്‍ഗ്രസ് പാലാ: ഭരണഘടന ഉറപ്പുതരുന്ന മതസ്വാതന്ത്ര്യവും മനുഷ്യാവകാശവും ലംഘിക്കാന്‍ ആരെയും അനുവദിക്കില്ലെന്ന് കത്തോലിക്ക കോണ്‍ഗ്രസ് രൂപത ഡയറക്ടര്‍ റവ. ഡോ. ജോര്‍ജ് വര്‍ഗീസ് ഞാറക്കുന്നേല്‍. രണ്ടു കന്യാസ്ത്രീകളെ നിയമവിരുദ്ധമായി ഛത്തീസ്ഗഡ് പോലീസ് അറസ്റ്റ് ചെയ്തതില്‍ പ്രതിഷേധിച്ച് ഇന്നലെ കത്തോലിക്ക കോണ്‍ഗ്രസ് പാലായില്‍ നടത്തിയ പ്രതിഷേധ ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം. രൂപത പ്രസിഡന്‍റ് ഇമ്മാനുവല്‍ പ്രതിഷേധ റാലി ഫ്‌ളാഗ് ഓഫ് ചെയ്തു. ഹെഡ് പോസ്റ്റ്ഓഫീസ് പടിക്കലെ ധര്‍ണയില്‍ ജനറല്‍ സെക്രട്ടറി ജോസ് വട്ടുകുളം, പാലാ നഗരസഭാ ചെയര്‍മാന്‍ തോമസ് പീറ്റര്‍, ആന്‍സമ്മ സാബു, ജോയി കണിപറമ്പില്‍, ജോണ്‍സണ്‍ ചെറുവള്ളി, ടോമി കണ്ണീറ്റുമാലില്‍, ബെന്നി കിണറ്റുകര, രാജേഷ് പാറയില്‍, ക്ലിന്‍റ് അരീപ്ലാക്കല്‍, ജോസഫ് ചീനോത്തുപറമ്പില്‍, ബേബിച്ചന്‍ അഴിയാത്ത്, ജോയി ചന്ദ്രന്‍കുന്നേല്‍, ജോര്‍ജ് തൊടുവിനാല്‍, ബെല്ലാ സിബി, ലൈസമ്മ ജോര്‍ജ് തുടങ്ങിയവര്‍ പ്രസംഗിച്ചു. പാലാ: ഛത്തീസ്ഗഡില്‍ അന്യായമായി രണ്ട് കന്യാസ്ത്രീകളെ പോലീസ് കസ്റ്റഡിയിലെടുത്ത് തടവിലാക്കിയ സംഭവം മനുഷ്യത്വരഹിതമെന്ന് കത്തോലിക്ക കോണ്‍ഗ്രസ് ളാലം പഴയ പള്ളി യൂണിറ്റ്. എത്രയും വേഗം കന്യാസ്ത്രീകളെ മോചിപ്പിച്ച് ഭരണകൂടം മാപ്പുപറയണമെന്ന് യോഗം ആവശ്യപ്പെട്ടു. പ്രസിഡന്‍റ് രാജേഷ് പാറയില്‍ അധ്യക്ഷത വഹിച്ച യോഗം ഡയറക്ടര്‍ ഫാ. ജോസഫ് തടത്തില്‍ ഉദ്ഘാടനം ചെയ്തു. ഫാ. ജോസഫ് ആലഞ്ചേരി, ഫാ. ആന്‍റണി നങ്ങാപറമ്പില്‍, ഫാ. സ്‌കറിയ മേനാംപറമ്പില്‍, ജോഷി വട്ടക്കുന്നേല്‍, തങ്കച്ചന്‍ കാപ്പന്‍, ലിജോ ആനിത്തോട്ടം, സജീവ് കണ്ടത്തില്‍, ഗ്രേസി പുളിക്കല്‍, ഗ്രേസി കിഴക്കയില്‍ എന്നിവര്‍ പ്രസംഗിച്ചു. ചെമ്മലമറ്റം: കന്യാസ്ത്രീകളെ അകാരണമായി അറസ്റ്റ് ചെയ്ത നടപടി ഇന്ത്യന്‍ മതേതരത്വത്തിനേറ്റ മുറിവാണെന്ന് എകെസിസി ചെമ്മലമറ്റം യൂണിറ്റ്. ഭാരതത്തിന്‍റെ വളര്‍ച്ചയ്ക്കും പുരോഗതിക്കും ക്രൈസ്തവ മിഷനറിമാര്‍ നല്‍കിയ സംഭാവനകള്‍ മറക്കുന്നത് വേദനാജനകമാണെന്ന് യോഗം പാസാക്കിയ പ്രമേയം കുറ്റപ്പെടുത്തി. പ്രസിഡന്‍റ് ബെന്നി കിണറ്റുകര അധ്യക്ഷത വഹിച്ച യോഗത്തില്‍ ഡയറക്ടര്‍ ഫാ. സെബാസ്റ്റ്യന്‍ കൊല്ലംപറമ്പില്‍, സോജന്‍ ആലക്കപള്ളിയില്‍, ജോസ് വെള്ളൂക്കുന്നേല്‍, ജോസ് കണ്ണാട്ടുകുന്നേല്‍ തുടങ്ങിയവര്‍ പ്രസംഗിച്ചു. എസ്എംവൈഎം പാലാ: മനുഷ്യക്കടത്തെന്ന വ്യാജ ആരോപണം ഉന്നയിച്ച് കന്യാസ്ത്രീകളെ അറസ്റ്റ് ചെയ്ത നടപടി അങ്ങേയറ്റം അപലപനീയവും പ്രതിഷേധാര്‍ഹവുമെന്ന് പാലാ രൂപത എസ്എംവൈഎം. ജനാധിപത്യ രാജ്യത്തിന് ഇത് നാണക്കേടാണ്. രാജ്യത്ത് ക്രൈസ്തവ ന്യൂനപക്ഷങ്ങള്‍ക്കെതിരേ വര്‍ധിച്ചുവരുന്ന അസഹിഷ്ണുതയുടെയും വേട്ടയാടലിന്‍റെയും ഒടുവിലത്തെ ഉദാഹരണമാണിത്. വ്യാജക്കേസ് പിന്‍വലിക്കണമെന്നും ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ സര്‍ക്കാര്‍ കര്‍ശന നടപടി സ്വീകരിക്കണമെന്നും എസ്എംവൈഎം പ്രതിഷേധയോഗം ആവശ്യപ്പെട്ടു. പ്രസിഡന്‍റ് അന്‍വിന്‍ സോണി ഓടച്ചുവട്ടില്‍ അധ്യക്ഷത വഹിച്ച യോഗം രൂപത ഡയറക്ടര്‍ ഫാ. മാണി കൊഴുപ്പന്‍കുറ്റി ഉദ്ഘാടനം ചെയ്തു. രൂപത ജനറല്‍ സെക്രട്ടറി റോബിന്‍ താന്നിമല, ജോയിന്‍റ് ഡയറക്ടര്‍ സിസ്റ്റര്‍ നവീന സിഎംസി, വൈസ് പ്രസിഡന്‍റ് ബില്‍ന സിബി, ജോസഫ് തോമസ്, ബെനിസണ്‍ സണ്ണി, ജിസ്മി ഷാജി, എഡ്വിന്‍ ജെയ്സ് തുടങ്ങിയവര്‍ പ്രസംഗിച്ചു. കേരള കോൺഗ്രസ് പാലാ: ഛത്തീസ്ഗഡില്‍ വ്യാജ കുറ്റാരോപണം നടത്തി അറസ്റ്റു ചെയ്ത കന്യാസ്ത്രീകളെ ജയില്‍ മോചിതരാക്കണമെന്ന് കേരള കോണ്‍ഗ്രസ് എക്‌സിക്യൂട്ടീവ് ചെയര്‍മാന്‍ മോന്‍സ് ജോസഫ് എംഎല്‍എ കേന്ദ്രസര്‍ക്കാരിനോട് അഭ്യര്‍ഥിച്ചു. പാലാ കുരിശുപള്ളി ജംഗ്ഷനില്‍ നടത്തിയ പ്രതിഷേധ ധര്‍ണ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. നിയോജകമണ്ഡലം പ്രസിഡന്‍റ് ജോര്‍ജ് പുളിങ്കാട് അധ്യക്ഷത വഹിച്ചു. സെക്രട്ടറി ജനറല്‍ ജോയി ഏബ്രഹാം, തോമസ് ഉഴുന്നാലില്‍, തങ്കച്ചന്‍ മണ്ണൂശേരി തുടങ്ങിയവര്‍ പ്രസംഗിച്ചു. യൂത്ത് ഫ്രണ്ട് കുറവിലങ്ങാട്: ഛത്തീസ്ഗഡിൽ അകാരണമായി രണ്ട് മലയാളി സന്യാസിനിമാരെ അറസ്റ്റ് ചെയ്ത സംഭവത്തിൽ പ്രതിഷേധിച്ച് യൂത്ത് ഫ്രണ്ട് ജില്ലാ കമ്മിറ്റിയുടെ നേതൃത്വത്തിൽ റാലിയും സമ്മേളനവും നടത്തി. ടൗണിൽ നടത്തിയ റാലിക്ക് കേരള കോൺഗ്രസ്, യൂത്ത് ഫ്രണ്ട് ഭാരവാഹികൾ നേതൃത്വം നൽകി. സമ്മേളനം മോൻസ് ജോസഫ് എംഎൽഎ ഉദ്ഘാടനം ചെയ്തു. സംസ്ഥാന ഉപദേഷ്ടാവ് തോമസ് കണ്ണന്തറ, മാഞ്ഞൂർ മോഹൻകുമാർ, സനോജ് മിറ്റത്താനി, യൂത്ത് ഫ്രണ്ട് ജില്ലാ പ്രസിഡന്‍റ് സിജു പാറയിടിക്കിൽ, ജോസ്മോൻ മാളിയേക്കൽ, കെഎസ്‌സി സംസ്ഥാന പ്രസിഡന്‍റ് ജോൺസ് ജോർജ് കുന്നപ്പള്ളി, ജയ്‌സൺ ജോസഫ് തുടങ്ങിയവർ പ്രസംഗിച്ചു. കേരള കോൺഗ്രസ്-എം എലിക്കുളം: ഛത്തീസ്ഗഡിൽ രണ്ട് മലയാളി കന്യാസ്ത്രീകളെ അറസ്റ്റ് ചെയ്തതിൽ കേരള കോൺഗ്രസ്-എം എലിക്കുളം മണ്ഡലം കമ്മിറ്റി പ്രതിഷേധിച്ചു. സംസ്ഥാന സ്റ്റിയറിയിംഗ് കമ്മിറ്റിയംഗം സാജൻ തൊടുക ഉദ്ഘാടനം ചെയ്തു. പ്രസിഡന്‍റ് ടോമി കപ്പിലുമാക്കൽ അധ്യക്ഷത വഹിച്ചു. തോമസുകുട്ടി വട്ടയ്ക്കാട്ട്, അവിരാച്ചൻ കോക്കാട്ട്, ജിമ്മിച്ചൻ ഈറ്റത്തോട്ട്, ഷൈസ് കോഴിപൂവനാനിക്കൽ, ജൂബിച്ചൻ ആനിത്തോട്ടം, സോവി കാഞ്ഞമല, സിനി ജോയി, വിൽസൺ പതിപ്പള്ളി, സുശീലൻ പണിക്കർ, മഹേഷ് ചെത്തിമറ്റം, സെൽവി വിൽസൺ, മോൻസി വളവനാൽ, ജോസഫ് കൊല്ലംപറമ്പിൽ, ജോമോൻ കൊല്ലംകൊമ്പിൽ എന്നിവർ പ്രസംഗിച്ചു. കോൺഗ്രസ് പാലാ: കന്യാസ്ത്രീകളെ കള്ളക്കേസ് ചുമത്തി ജയിലില്‍ അടച്ചത് രാജ്യത്തെ നിയമവാഴ്ചയോടുള്ള വെല്ലുവിളിയാണെന്ന് കോണ്‍ഗ്രസ് പാലാ മണ്ഡലം കമ്മിറ്റി യോഗം. മണ്ഡലം പ്രസിഡന്‍റ് തോമസുകുട്ടി നെച്ചിക്കാട്ട് അധ്യക്ഷത വഹിച്ചു. ആം ആദ്മി പാർട്ടി പാലാ: മതപരിവര്‍ത്തന ആരോപണം ഉന്നയിച്ച് രണ്ട് കന്യാസ്ത്രീകളെ അറസ്റ്റ് ചെയ്തതിനെതിരേ ആം ആദ്മി പാര്‍ട്ടിയുടെ നേതൃത്വത്തില്‍ പാലായില്‍ പ്രതിഷേധ പ്രകടനം നടത്തി. മണ്ഡലം പ്രസിഡന്‍റ് ജേക്കബ് തോപ്പില്‍ അധ്യക്ഷത വഹിച്ചു. രാജു താന്നിക്കല്‍, റോയി വെള്ളരിങ്ങാട്ട്, ജോയി കളരിക്കല്‍, സിബി വരിക്കാനിക്കല്‍, ജോണി ഇലവനാല്‍, ജൂലിയസ് കണിപ്പിള്ളി, ജോജോ കണ്ണകുളം എന്നിവര്‍ പ്രസംഗിച്ചു. പുഞ്ഞാര്‍: ഛത്തീസ്ഗഡില്‍ രണ്ട് കന്യാസ്ത്രീകളെ അറസ്റ്റ് ചെയ്തു ജയിലില്‍ അടച്ച ഭരണകൂട ഭീകരതയില്‍ ആം ആദ്മി പാര്‍ട്ടി പൂഞ്ഞാര്‍ നിയോജകമണ്ഡലം കമ്മിറ്റി പ്രതിഷേധിച്ചു. നിയോജകമണ്ഡലം പ്രസിഡന്‍റ് ഷിബി ജേക്കബ് കളപ്പുരക്കല്‍പറമ്പിൽ അധ്യക്ഷത വഹിച്ചു. ജിമ്മിച്ചന്‍ തകിടിയില്‍, ജെസി കുര്യാക്കോസ്, ജോസ്കുഞ്ഞ് കാരക്കാട്ട്, ഷാജു ജോസ് തറപ്പേല്‍, പി.കെ. ബാലകൃഷ്ണന്‍, ടോമി പന്തലാനി എന്നിവര്‍ പ്രസംഗിച്ചു.

ചിങ്ങംപറമ്പില്‍ സി.ടി. കുര്യാക്കോസ് സ്മാരക ക്വിസ് മത്സര വിജയികൾ

ചങ്ങനാശേരി: സെന്‍റ് ജോസഫ് ഗേള്‍സ് ഹയര്‍ സെക്കന്‍ഡറി സ്‌കൂളില്‍ മുന്‍ ഹെഡ്മാസ്റ്റര്‍ സി.ടി. കുര്യാക്കോസ് ചിങ്ങംപറമ്പില്‍ മെമ്മോറിയല്‍ അഖിലകേരള ഇന്‍റര്‍ സ്‌കൂള്‍ ഗണിതശാസ്ത്ര ക്വിസ് മത്സരം ക്വിസ് മാത്തമാറ്റിക്കാ-2025 സ്‌കൂള്‍ ഓഡിറ്റോറിയത്തില്‍ നടത്തി. തിരുവല്ല എംജിഎം സ്‌കൂളിലെ വനേഷ് എ., ബാസില്‍ റഷീദ് എന്നിവര്‍ ഒന്നാം സ്ഥാനവും അതിരമ്പുഴ സെന്‍റ് അലോഷ്യസ് സ്‌കൂളിലെ നവനീത് ബിജോ, അബ്ദുല്‍ ബാരിദ് രണ്ടാം സ്ഥാനവും നെടുംകുന്നം സെന്‍റ് ജോണ്‍സ് സ്‌കൂളിലെ ബഞ്ചമിന്‍ സാബു ജോസഫ്, റയാന്‍ തോമസ് എന്നിവര്‍ മൂന്നാം സ്ഥാനവും നേടി. വിജയികള്‍ക്ക് 4000, 3000, 2000 എന്ന ക്രമത്തില്‍ കാഷ് അവാര്‍ഡും ട്രോഫിയും സിഎംസി പ്രൊവിന്‍ഷ്യല്‍ സുപ്പീരിയര്‍ റവ. സിസ്റ്റര്‍ സോഫി റോസ് വിതരണം ചെയ്തു. പിടിഎ പ്രസിഡന്‍റ് വര്‍ഗീസ് ആന്‍റണി അധ്യക്ഷത വഹിച്ചു. ഹെഡ്മിസ്ട്രസ് സിസ്റ്റര്‍ ധന്യ തെരേസ്, സിസ്റ്റര്‍ റാണി റോസ്, സോണിയ സേവ്യര്‍, അജയ് ജോസഫ്, റിന്‍സി തോമസ് എന്നിവര്‍ പ്രസംഗിച്ചു.

വിശുദ്ധ അല്‍ഫോന്‍സാമ്മ സമൂഹത്തിനു മാതൃക: ഡോ. എന്‍. ജയരാജ്

ചങ്ങനാശേരി: വിശുദ്ധ അല്‍ഫോന്‍സാമ്മയുടെ ജീവിതം പൊതുസമൂഹം മാതൃകയാക്കണമെന്ന് ഗവണ്‍മെന്‍റ് ചീഫ് വിപ്പ് ഡോ.എന്‍. ജയരാജ്. വിശുദ്ധ അല്‍ഫോന്‍സാമ്മ സന്യാസ വ്രതം സ്വീകരിച്ച ചങ്ങനാശേരി സെന്‍റ് ജോസഫ് ക്ലാരിസ്റ്റ് കോണ്‍വെന്‍റിലെ സെന്‍റ് വിന്‍സെന്‍റ് പുവര്‍ ഹോമില്‍ കത്തോലിക്കാ കോണ്‍ഗ്രസ് ചങ്ങനാശേരി ഫൊറോന സമിതിയുടെ നേതൃത്വത്തില്‍ സംഘടിപ്പിച്ച വിശുദ്ധ അല്‍ഫോന്‍സാ അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡന്‍റ് കുഞ്ഞുമോന്‍ തുമ്പൂങ്കല്‍ അധ്യക്ഷത വഹിച്ചു. മുന്‍സിപ്പല്‍ വൈസ് ചെയര്‍മാന്‍ മാത്യൂസ് ജോര്‍ജ്, മാടപ്പള്ളി ബ്ലോക്ക് പഞ്ചായത്ത് മുന്‍ പ്രസിഡന്‍റ് വി.ജെ. ലാലി, സൈബി അക്കര, കെ.എസ്. ആന്‍റണി, ഔസേപ്പച്ചന്‍ ചെറുകാട്, തോമസുകുട്ടി മണക്കുന്നേല്‍, ബേബിച്ചന്‍ പുത്തന്‍പറമ്പില്‍, ഷാജി മരങ്ങാട്, ടോം കായിത്തറ, ലാലിമ്മ ടോമി, റോണി കുരിശുംമൂട്ടില്‍, സിസ്റ്റര്‍ ആന്‍സ് തോമസ് എന്നിവര്‍ പ്രസംഗിച്ചു.

കന്യാസ്ത്രീകളെ അറസ്റ്റ് ചെയ്തതു കളങ്കം: കത്തോലിക്ക കോണ്‍ഗ്രസ്

ചങ്ങനാശേരി: ഛത്തീസ്ഗഡിലെ ദുര്‍ഗില്‍ മനുഷ്യക്കടത്ത് ആരോപിച്ച് അസീസി സിസ്റ്റേഴ്‌സ് ഓഫ് മേരി ഇമാക്കുലേറ്റ് സന്യാസ സഭാംഗങ്ങളായ സിസ്റ്റര്‍ വന്ദനാ ഫ്രാന്‍സിസ്, സിസ്റ്റർ പ്രീതി മേരി എന്നീ മലയാളി കന്യാസ്ത്രീകളെ റെയില്‍വേ പോലീസ് അറസ്റ്റ് ചെയ്തത് മതേതര ഭാരതത്തിനും ജനാധിപത്യ സംവിധാനത്തിനും കളങ്കമാണെന്ന് കത്തോലിക്ക കോണ്‍ഗ്രസ് ചങ്ങനാശേരി അതിരൂപത വനിതാ കൗണ്‍സിലിന്‍റെ നേതൃത്വത്തില്‍ സംഘടിപ്പിച്ച ബോധിനി 2കെ25 വനിതാ നേതൃസംഗമം. ഭാരതത്തിന്‍റെ വളര്‍ച്ചയ്ക്ക് ആവശ്യമായ വിദ്യാഭ്യാസ, ആരോഗ്യ, ജീവകാരുണ്യ പ്രവര്‍ത്തനമേഖലകളില്‍ സന്യാസിനികള്‍ നടത്തുന്ന ത്യാഗപൂര്‍ണമായ ശുശ്രൂഷകളെ അവഗണിച്ചും ബോധപൂര്‍വം കണ്ടില്ലെന്നു നടിച്ചും അവരെ രാജ്യദ്രോഹികളായി ചിത്രീകരിക്കുവാനുള്ള നീതി രഹിതവും കിരാതവുമായ നടപടി ഏതു സംഘടനയുടെ ഭാഗത്തു നിന്നുണ്ടായാലും അത് അപലപനീയമാണെന്നും യോഗം ചുണ്ടിക്കാട്ടി. കത്തോലിക്ക കോണ്‍ഗ്രസ് അതിരൂപത വൈസ് പ്രസിഡന്‍റ് ഷിജി ജോണ്‍സന്‍റെ അധ്യക്ഷതയില്‍ ചേര്‍ന്ന സമ്മേളനം അതിരൂപത വികാരി ജനറാള്‍ മോണ്‍. മാത്യു ചങ്ങങ്കരി ഉദ്ഘാടനം ചെയ്തു. അതിരൂപത പ്രസിഡന്‍റ് ബിജു സെബാസ്റ്റ്യന്‍ മാര്‍ഗ നിര്‍ദേശ പ്രസംഗവും ഗ്ലോബല്‍ സെക്രട്ടറി ആന്‍സമ്മ സാബു മുഖ്യപ്രഭാഷണവും നടത്തി. ബിനു ഡൊമിനിക്, റോസിലിന്‍ കുരുവിള, ജെസി ആന്‍റണി, സിനി പ്രിന്‍സ്, സിസി അമ്പാട്ട്, ലിസി ജോസ്, മിനി മാത്യു, ഷേര്‍ളി തോമസ് എന്നിവര്‍ പ്രസംഗിച്ചു. സിസ്റ്റര്‍ സെലിന്‍ ജോസഫ് എസ്ഡി (ഡയറക്ടര്‍, മേഴ്‌സി ഹോം ചെത്തിപ്പുഴ), ബിന്‍സി സെബാസ്റ്റ്യന്‍ (കോട്ടയം നഗരസഭാ ചെയര്‍പേഴ്‌സണ്‍), ലൗലി ജോര്‍ജ് (ഏറ്റുമാനൂര്‍ നഗരസഭാ ചെയര്‍പേഴ്‌സണ്‍), ഡോ. റാണി മരിയ തോമസ് (പ്രിന്‍സിപ്പല്‍, അസംപ്ഷന്‍ കോളജ്), സുമി സിറിയക് (അന്തര്‍ദേശീയ നീന്തല്‍ താരം), സുമം സ്‌കറിയ (വ്യവസായ സംരംഭക), ജിനു സന്തോഷ് (വ്യവസായ സംരംഭക) എന്നിവരെ യോഗത്തില്‍ ആദരിച്ചു. തദ്ദേശ സ്വയംഭരണ സ്ഥാപനങ്ങളിലെ സ്ത്രീകളുടെ പങ്കാളിത്തവും പ്രസക്തിയും കത്തോലിക്കാ കോണ്‍ഗ്രസ് വനിതാ കൗണ്‍സിലിന്‍റെ വിവിധ മേഖലകളില്‍നിന്നുള്ള കോഓർഡിനേറ്റര്‍മാരുടെ തെരഞ്ഞെടുപ്പ്, പ്രവര്‍ത്തന പരിപാടികളുടെ രൂപീകരണം, കത്തോലിക്ക കോണ്‍ഗ്രസ് പ്രവര്‍ത്തനത്തിലെ പങ്കാളിത്തം എന്നീ വിഷയങ്ങള്‍ ബോധിനി 2കെ25ന്‍റെ ഭാഗമായി നടന്നു.

റെയില്‍വേയുടെ അധീനതയിലുള്ള റോഡുകള്‍ക്ക് അവഗണന : ചിറവംമുട്ടം റെയില്‍വേ മേൽപാലം റോഡ് തകര്‍ന്നു

ചങ്ങനാശേരി: തുരുത്തി-പ്ലാമൂട്-മലകുന്നം റോഡിലെ ചിറവംമുട്ടം റെയില്‍വേ ഓവര്‍ ബ്രിഡ്ജിന്‍റെ അപ്രോച്ച് റോഡ് തകര്‍ന്നിട്ട് നാളുകളായി. ഈ റോഡിലൂടെ വളരെ ബുദ്ധിമുട്ടിയാണ് നാട്ടുകാര്‍ യാത്ര ചെയ്യുന്നത്. ഇന്ത്യന്‍ റെയില്‍വേയുടെ ഉടമസ്ഥതയിലുള്ള റോഡായതിനാല്‍ ത്രിതല പഞ്ചായത്ത് സംവിധാനങ്ങള്‍ക്ക് അറ്റകുറ്റപ്പണികള്‍ നടത്താനുമാകില്ല. കുറിച്ചി, വാഴപ്പള്ളി പഞ്ചായത്തുകള്‍ അതിര്‍ത്തി പങ്കിടുന്ന റോഡാണിത്. ഇത്തിത്താനം ഹയര്‍ സെക്കന്‍ഡറി, മലകുന്നം ഗവൺമെന്‍റ് എല്‍പി സ്കൂൾ, ഇളങ്കാവ് വിദ്യാമന്ദിര്‍, ഇളങ്കാവ് ദേവീക്ഷേത്രം, പൊടിപ്പാറ തിരുക്കുടുംബ ദേവാലയം, ഇത്തിത്താനം സര്‍വീസ് സഹകരണ ബാങ്ക് തുടങ്ങിയ സ്ഥാപനങ്ങളിലേക്കും ആരാധനാലയങ്ങളിലേക്കും ചങ്ങനാശേരി, തുരുത്തി, കുറിച്ചി ഭാഗങ്ങളില്‍ നിന്നെത്തിച്ചേരാൻ ആശ്രയിക്കാവുന്ന ഏക റോഡാണിത്. കൊടിക്കുന്നില്‍ സുരേഷ് എംപി വിഷയം അധികാരികളുടെ ശ്രദ്ധയില്‍പ്പെടുത്തി അടിയന്തരമായി റോഡ് സഞ്ചാരയോഗ്യമാക്കണമെന്ന് നാട്ടുകാര്‍ ആവശ്യപ്പെട്ടു. ചങ്ങനാശേരി, ഫാത്തിമാപുരം മേല്‍പ്പാലങ്ങളുടെ അപ്രോച്ച് റോഡുകളും തകര്‍ച്ചയില്‍ ചങ്ങനാശേരി റെയില്‍വേ സ്‌റ്റേഷനു സമീപമുള്ള മേല്‍പ്പാലം, ഫാത്തിമാപുരം മേല്‍പ്പാലം എന്നിവയും ചങ്ങനാശേരി റെയില്‍വേ ഗുഡ്‌ഷെഡ് റോഡും തകര്‍ന്ന നിലയിലാണ്. ഗുഡ്‌സ്ഷെഡ് റോഡിന്‍റെ അറ്റകുറ്റപ്പണികള്‍ക്ക് 58 ലക്ഷം രൂപ അനുവദിച്ചിട്ടുണ്ടെങ്കിലും നിര്‍മാണനടപടികള്‍ വൈകുന്നതുമൂലം വാഹനസഞ്ചാരം ദുരിതത്തിലാണ്.

കേന്ദ്ര-സംസ്ഥാന സർക്കാരുകൾ മത്സ്യമേഖലയെ അവഗണിക്കുന്നു: എം. ലിജു

വൈക്കം:അഖിലേന്ത്യ മത്സ്യ തൊഴിലാളി കോൺഗ്രസ് കോട്ടയം ജില്ല കൺവൻഷൻ വൈക്കത്ത് നടന്നു. വൈക്കം സത്യഗ്രഹ സ്മാരക ഹാളിൽ അഖിലേന്ത്യ മത്സ്യ തൊഴിലാളി കോൺഗ്രസ് സംസ്ഥാന പ്രസിഡന്‍റ് ജി. ലീലകൃഷ്ണന്‍റെ അധ്യക്ഷതയിൽ നടന്ന സമ്മേളനം കെപിസിസി ജനറൽ സെക്രട്ടറി എം. ലിജു ഉദ്ഘാടനം ചെയ്തു. കോൺഗ്രസ് നേതാക്കളായ മോഹൻ ഡി.ബാബു, പി.ഡി.ഉണ്ണി, എം.കെ.ഷിബു,അബ്ദുൾസലാംറാവുത്തർ, പി.എൻ.ബാബു, പി.വി. പ്രസാദ്, ജയ്ജോൺ, ബി. അനിൽകുമാർ, എം.എൽ. സുരേഷ്, എ. വിശ്വനാഥൻ, പ്രീതാരാജേഷ്, പി.ടി. സുഭാഷ്, സ്വാഗതസംഘം കൺവീനർ ടി.കെ. വാസുദേവൻ, ബിന്ദുഷാജി, എം.അശോകൻ, പി.എൻ. കിഷോർകുമാർ, ശിവദാസ്നാരായണൻ, കെ.വി.പ്രകാശൻ, പൊന്നപ്പൻ, പി.ഡി.പ്രസാദ് തുടങ്ങിയവർ സംബന്ധിച്ചു.

അല്‍ഫോന്‍സാമ്മ ആശ്വാസകേന്ദ്രം: ആർച്ച്ബിഷപ് മാര്‍ തോമസ് തറയില്‍

ഭരണങ്ങാനം: അല്‍ഫോന്‍സാമ്മയുടെ കബറിടം ആശ്വാസകേന്ദ്രമാണെന്നും ജീവിതത്തില്‍ ഏറെ സഹനങ്ങളിലൂടെ കടന്നുപോയ വിശുദ്ധ തന്‍റെ അടുത്തുവരുന്നവരുടെ സഹനങ്ങള്‍ എടുത്തുമാറ്റുന്ന ഒരു ദിവ്യമായ സാന്നിധ്യമാണെന്നും ചങ്ങനാശേരി ആർച്ച്ബിഷപ് മാര്‍ തോമസ് തറയില്‍. ഭരണങ്ങാനത്ത് ഇന്നലെ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കുകയായിരുന്നു ബിഷപ്. ഫാ. റോബിന്‍ പുതുപറമ്പില്‍, ഫാ. ജോസഫ് കുഴിവേലിത്തടത്തില്‍, ഫാ. ലൂക്കോസ് കൊട്ടുകാപ്പള്ളില്‍ എന്നിവര്‍ സഹകാര്‍മികരായിരുന്നു. ഫാ. ആന്‍റണി തോണക്കര, ഫാ. ജോസഫ് കുറ്റിയാങ്കല്‍, ഫാ. ഡൊമിനിക് വെച്ചൂര്‍, ഫാ. വര്‍ഗീസ് പരിന്തിരിക്കല്‍, ഫാ. കെവിന്‍ മുണ്ടയ്ക്കല്‍ എന്നിവര്‍ വിശുദ്ധ കുര്‍ബാന അര്‍പ്പിച്ചു. ഫാ. ജോണ്‍സണ്‍ പാക്കരമ്പേല്‍ റംശാ പ്രാര്‍ഥനയ്ക്കും ഫാ. ജോസഫ് താന്നിക്കപ്പാറ ജപമാല പ്രദക്ഷിണത്തിനും കാര്‍മികത്വം വഹിച്ചു. ചെങ്ങളം സെന്‍റ് ആന്‍റണീസ് തീര്‍ഥാടന ദേവാലയത്തില്‍നിന്ന് അല്‍ഫോന്‍സ കബറിടത്തിങ്കലേക്ക് തുടര്‍ച്ചയായ 26-ാം വര്‍ഷവും തീര്‍ഥാടനം നടത്തി. വികാരി ഫാ. വര്‍ഗീസ് പരിന്തിരിക്കല്‍, സഹവികാരി ഫാ. നോബി വെള്ളാപ്പള്ളി എന്നിവര്‍ നേതൃത്വം നല്‍കി. അൽഫോൻസാമ്മയുടെ കബറിടം സ്വർഗം തുറക്കപ്പെട്ട സ്ഥലം: മാർ ജോസഫ് സ്രാന്പിക്കൽ ഭരണങ്ങാനം: താന്‍ കേട്ട എല്ലാ ദൈവവചനങ്ങളും ജീവിതത്തില്‍ ജീവിച്ച് യാഥാര്‍ഥ്യമാക്കിയിട്ടുള്ള ഒരു കണ്ണാടിയായി അല്‍ഫോന്‍സാമ്മ നമ്മുടെ മുമ്പില്‍ നില്‍ക്കുന്നുവെന്നും സ്വര്‍ഗം തുറക്കപ്പെട്ടിരിക്കുന്ന സ്ഥലമാണ് അല്‍ഫോന്‍സാമ്മയുടെ കബറിടമെന്നും ഗ്രേറ്റ് ബ്രിട്ടന്‍ ബിഷപ് മാര്‍ ജോസഫ് സ്രാമ്പിക്കല്‍. ഭരണങ്ങാനത്ത് ഇന്നലെ രാവിലെ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കുകയായിരുന്നു ബിഷപ്. അല്‍ഫോന്‍സാമ്മയുടെ ജീവിതം നമ്മുടെ വിശ്വാസജീവിതത്തിന്‍റെ പ്രതിസന്ധിയില്‍ വലിയ കരുത്ത് നല്‍കുന്നവെന്നും ബിഷപ് പറഞ്ഞു.

സ്റ്റോപ്പുകളിൽ നിർത്താത്ത ബസുകൾക്കെതിരേ നടപടി

ഏറ്റുമാനൂർ: സ്റ്റോപ്പുകളിൽ നിർത്താത്ത സ്വകാര്യ ലിമിറ്റഡ് സ്റ്റോപ്പ് ബസുകൾക്കെതിരേ കർശന നടപടിയെന്ന് ആർടിഒ. ഐസിഎച്ച്, അമലഗിരി ബികെ കോളജ്, റെയിൽവേ സ്റ്റേഷൻ തുടങ്ങിയ സ്റ്റോപ്പുകളിൽ ബസുകൾ നിർത്തണമെന്ന് കളക്ടറുടെ അധ്യക്ഷതയിൽ കൂടിയ ജില്ലാ വികസനസമിതി യോഗത്തിൽ ടി.വി. സോണി ആവശ്യപ്പെട്ടതിനെത്തുടർന്നാണ് ആർടിഒയുടെ പ്രതികരണം. അതിരമ്പുഴ നാല്പാത്തിമലയിൽ വർഷങ്ങൾക്കു മുമ്പ് പൂർത്തീകരിച്ച വാട്ടർ ടാങ്ക് പ്രവർത്തന സജ്ജമാക്കുക, ഓണംതുരുത്ത് ജംഗ്ഷനിൽ ബസ്‌സ്റ്റോപ്പിൽ അപകടാവസ്ഥയിൽ നിൽക്കുന്ന ആഞ്ഞിലി മരം വെട്ടിമാറ്റുക, ഏറ്റുമാനൂർ കെഎസ്ആർടിസി ബസ് സ്റ്റാൻഡിൽ അപകടാവസ്ഥയിൽ നിൽക്കുന്ന മരങ്ങൾ വെട്ടിമാറ്റുക തുടങ്ങി ടി.വി. സോണി ഉന്നയിച്ച മറ്റു വിഷയങ്ങളിലും നടപടി സ്വീകരിക്കാൻ ബന്ധപ്പെട്ട വകുപ്പുകൾക്കു കളക്ടർ നിർദേശം നൽകി.

ഉഴവൂർ ബ്ലോക്ക് പഞ്ചായത്തിൽ കോഴായും കുറുപ്പന്തറയും പുതിയ ഡിവിഷനുകൾ

കുറവിലങ്ങാട്: ഉഴവൂർ ബ്ലോക്ക് പഞ്ചായത്ത് ഡിവിഷനുകൾ പുനഃക്രമീകരിച്ചതോടെ രണ്ട് പുതിയ ഡിവിഷനുകൾ പിറന്നു. കോഴാ, കുറുപ്പന്തറ ഡിവിഷനുകളാണ് ബ്ലോക്ക് പരിധിയിലെ പുതിയ ഡിവിഷനുകൾ. പുനഃക്രമീകരണത്തിലൂടെ 14 ഡിവിഷനുകളാണ് ബ്ലോക്ക് പരിധിയിലുള്ളത്. ബ്ലോക്ക് പഞ്ചായത്ത് ആസ്ഥാനം കോഴായിലാണെങ്കിലും ഇതാദ്യമായാണ് ബ്ലോക്ക് ആസ്ഥാനത്തിന്‍റെ പേരിൽ ഒരു ഡിവിഷൻ രൂപീകരിക്കുന്നത്. പുതിയ കോഴാ ഡിവിഷൻ മരങ്ങാട്ടുപിള്ളി, കുറവിലങ്ങാട്, ഉഴവൂർ പഞ്ചായത്തുകൾ ചേർത്താണ് രൂപീകരിച്ചിട്ടുള്ളത്. സയൻസ് സിറ്റി, കോഴാ ജില്ലാ കൃഷിത്തോട്ടം, സംസ്ഥാന സീഡ്ഫാം, മിനി സിവിൽ സ്റ്റേഷൻ എന്നിവയും ബ്ലോക്ക് പഞ്ചായത്ത് കാര്യാലയത്തിനൊപ്പം കോഴാ ഡിവിഷൻ പരിധിയിലാണ്. പുതിയ കുറുപ്പന്തറ ഡിവിഷനിൽ മാഞ്ഞൂർ പഞ്ചായത്തിലെ ആദ്യത്തെ ആറ് വാർഡുകളാണ് ഉൾക്കൊള്ളുന്നത്. മാഞ്ഞൂർ പഞ്ചായത്ത് പ്രദേശത്ത് നിലവിലുണ്ടായിരുന്ന കുറമുള്ളൂർ ഡിവിഷൻ പുനഃക്രമീകരണത്തിലുടെ ഇല്ലാതായി. ബ്ലോക്ക് പഞ്ചായത്ത് വെളിയന്നൂർ ഡിവിഷൻ വെളിയന്നൂർ പഞ്ചായത്ത് ഒന്നാകെയാണെന്നതും ശ്രദ്ധേയമാണ്. പുനഃക്രമീകരണത്തിൽ വെളിയന്നൂരിലെ ഒരു വാർഡും മറ്റ് ഡിവിഷനുകളിലേക്ക് പോയിട്ടില്ല.

ഇന്‍റർ ഡയോസിയൻ ചെസ് ടൂര്‍ണമെന്‍റ്

കാക്കനാട്: സെന്‍റ് കുര്യാക്കോസ് ക്‌നാനായ കത്തോലിക്കാ ഇടവകയില്‍ കെസിവൈഎലിന്‍റെ നേതൃത്വത്തില്‍ ഇന്‍റര്‍ ഡയോസിയന്‍ ചെസ് ടൂര്‍ണമെന്‍റ് സംഘടിപ്പിക്കുന്നു. കേരളത്തിലെ എല്ലാ കത്തോലിക്ക ഇടവകകളില്‍നിന്നും പ്രായപരിധിയില്ലാതെ മത്സരത്തില്‍ പങ്കെടുക്കാം. ഒന്നു മുതല്‍ മൂന്നുവരെ സ്ഥാനക്കാര്‍ക്ക് 5001, 3001, 2001 എന്ന ക്രമത്തില്‍ കാഷ് അവാര്‍ഡുകള്‍ നല്‍കും. പങ്കെടുക്കാന്‍ ആഗ്രഹിക്കുന്നവര്‍ 31നു മുമ്പ് രജിസ്റ്റര്‍ ചെയ്യണം. ഫോൺ: 954439000, 9656632276.

ലഹരി വസ്തുക്കളുമായി ആസാം സ്വദേശികള്‍ പോലീസ് പിടിയില്‍

ഗാന്ധിനഗര്‍: ലഹരിവസ്തുക്കളുമായി ആസാം സ്വദേശികള്‍ പോലീസ് പിടിയില്‍. കഞ്ചാവും ബ്രൗണ്‍ ഷുഗറും വില്പന നടത്തിവന്നിരുന്ന ആസാം സ്വദേശികളായ ആരിജ് അഹമ്മദ്, ജാഹിര്‍ ഹുസൈൻ എന്നിവരെയാണ് പോലീസ് പിടികൂടിയത്. അങ്ങാടിപ്പള്ളി ഭാഗത്ത് നിന്നാണ് ഇരുവരും പിടിയിലായത്. പ്രതികളുടെ പക്കല്‍നിന്നും 275.63 ഗ്രാം കഞ്ചാവും 0.58 ഗ്രാം ബ്രൗണ്‍ ഷുഗറും കണ്ടെടുത്തിട്ടുണ്ട്.

ഓളപ്പരപ്പിൽ തുഴയെറിയാൻ കുമരകം ബോട്ട് ക്ലബ്

കുമരകം: അടുത്തമാസം 30ന് പുന്നമടക്കായലിൽ നടക്കുന്ന ഓളപ്പരപ്പിലെ ഒളിമ്പിക്സിന് തുഴയെറിയാൻ കുമരകത്ത് പരിശീലനം തുടങ്ങി. നെഹ്റു ട്രോഫിയിൽ പല വർഷങ്ങളിലും ജലരാജക്കന്മാരായി വിരാജിച്ചവരാണ് കുമരകത്തെ ക്ലബ്ബുകൾ. എന്നാൽ, കഴിഞ്ഞ അഞ്ചു വർഷമായി നെഹ്റുട്രോഫിയിൽ മുത്തമിടാൻ കുമരകത്തെ കരുത്തരായ ക്ലബ്ബുകൾക്ക് ഒന്നിനും സാധിച്ചില്ല. ഫൈനലിൽ മത്സരിക്കാൻ അർഹത നേടിയിട്ടും നിരാശയായിരുന്നു ഫലം. ആദ്യ കാലങ്ങളിൽ കുമരകം ബോട്ട് ക്ലബ്ബ് മാത്രമായിരുന്നു നെഹ്റു ട്രാേഫിയിൽ തുഴയെറിഞ്ഞിരുന്നത്. എന്നാൽ, അല്ലറചില്ലറ സൗന്ദര്യപ്പിണക്കങ്ങളെത്തുടർന്ന് പുതിയ ക്ലബ്ബുകൾ രുപീകരിച്ചു. ക്ലബ്ബുകൾ കൂടിയെങ്കിലും തുഴച്ചിൽക്കാർ വർധിച്ചില്ല. തുടർന്നു മറ്റു കരക്കാരെ തുഴച്ചിൽക്കാരാക്കി. തുഴച്ചിൽക്കാർക്ക് കൂലിയും കൊടുത്തു തുടങ്ങി. അഞ്ചു ചുണ്ടൻവള്ളങ്ങൾ വരെ കുമരത്തുനിന്നും ആലപ്പുഴയിൽ മത്സരിച്ച കാലവും ഉണ്ടായിരുന്നു. സാമ്പത്തിക പ്രതിസന്ധി മൂലം പല ക്ലബ്ബുകളും രംഗം വിട്ടു. ഈ വർഷം രണ്ടു ചുണ്ടൻ വള്ളങ്ങൾ മാത്രമാണ് കുമരകത്തെ കുബ്ബുകളുമായി ഇതുവരെ കരാറിലായത്. ടൗൺ ബോട്ട് ക്ലബ്ബ് പായിപ്പാടൻ ചുണ്ടനിലും എൻസിഡിസി ബോട്ട് ക്ലബ്ബ് കുമരകത്തിന്‍റെ സ്വന്തം ചുണ്ടനായ നടുവിലേപ്പറമ്പനിലും മത്സരിക്കും. കുമരകം ടൗൺ ബോട്ട് ക്ലബ്ബിന്‍റെ പരിശീലനത്തിന് ആരംഭം കുറിച്ചത് ശ്രീകുമാരമംഗലം ക്ഷേത്രക്കടവിൽ നിന്നായിരുന്നു. കുമരകം സെന്‍റ് ജോൺസ് വടക്കുംകര പള്ളിയുടെ പാരിഷ് ഹാളിലാണ് ടീമിന്‍റെ ക്യാമ്പ് ഒരുക്കിയിരിക്കുന്നത്. കഴിഞ്ഞവർഷം നീറ്റിലിറക്കിയ പായിപ്പാടൻ ചുണ്ടനിലാണ് കുമരകം ടൗൺ ബോട്ട് ക്ലബ്ബ് ഇത്തവണ മത്സരത്തിന് ഇറങ്ങുന്നത്. ടോണി വർക്കിച്ചൻ ആണ് ടീമിന്‍റെ ക്യാപ്റ്റൻ. 2023ൽ ചമ്പക്കുളം വള്ളത്തിൽ ഫൈനലിൽ മത്സരിച്ച ക്ലബ്ബ് മൈക്രാേ സെക്കൻഡിന്‍റെ വ്യത്യാസത്തിലാണ് പള്ളാത്തുരുത്തി ബോട്ടു ക്ലബ്ബിന്‍റെ വീയപുരം ചുണ്ടന്‍റെ പിന്നിൽ രണ്ടാം സ്ഥാനക്കാരായത്. കഴിഞ്ഞവർഷം നടുഭാഗം ചുണ്ടനിൽ മത്സരിച്ചപ്പോൾ തലനാരിഴയ്ക്ക് മൂന്നാം സ്ഥാനക്കാരാകുകയായിരുന്നു. ചുണ്ടിനും കപ്പിനുമിടയിൽ നഷ്ടപ്പെട്ട നെഹ്റു ട്രോഫി ഇക്കുറി കുമരകത്തെത്തിക്കാനുള്ള വാശിയിലാണ് ക്ലബ്ബിന്‍റെ പടപ്പുറപ്പാട്.

എംഡിഎംഎയുമായി യുവാവ്‌ പിടിയില്‍

മണര്‍കാട്: എംഡിഎംഎയുമായി യുവാവ്‌ പിടിയില്‍. മലപ്പുറം കൊണ്ടോട്ടി ചെങ്ങോടന്‍ വീട്ടില്‍ അബ്ദുള്ള ഷഹാസ് (31) ആണ് മണര്‍കാടി പോലീസിന്‍റെ പിടിയിലായത്. ഇയാളുടെ പക്കല്‍നിന്ന് 13.64 ഗ്രാം എംഡിഎംഎ പോലീസ് കണ്ടെടുത്തു. മണര്‍കാടുള്ള ബാര്‍ ഹോട്ടലില്‍ ഹോട്ടല്‍ ജീവനക്കാരുമായി തര്‍ക്കം നടക്കുന്നതായി വിവരം ലഭിച്ചതിന്‍റെ അടിസ്ഥാനത്തില്‍ സബ്ഇന്‍സ്‌പെക്ടര്‍ സജീറിന്‍റെ നേതൃത്വത്തില്‍ എത്തിയ പോലീസ് സംഘം ഹോട്ടലില്‍ മുറിയെടുത്ത താമസിച്ചിരുന്ന ആളെ ചോദ്യം ചെയ്യുകയും തുടര്‍ന്നു നടത്തിയ പരിശോധനയില്‍ സിപ്ലോക് കവറുകളിലാക്കി സൂക്ഷിച്ച എംഡിഎംഎ കണ്ടെത്തുകയുമായിരുന്നു. ഇയാള്‍ക്കെതിരേ കൊണ്ടോട്ടി പോലീസ് സ്റ്റേഷനില്‍ കേസ് നിലവിലുണ്ട്.

ഹരിതകര്‍മസേനാംഗങ്ങളുടെ മക്കളെ അനുമോദിച്ചു

കോട്ടയം: ഹരിതകര്‍മസേനയുടെ സേവന മികവാണ് ദേശീയ ശുചിത്വറാങ്കിംഗില്‍ മുന്നേറാന്‍ കേരളത്തെ സഹായിച്ചതെന്ന് മന്ത്രി വി.എന്‍. വാസവന്‍. തെള്ളകം ചൈതന്യ പാസ്റ്റല്‍ സെന്‍ററില്‍ ഹരിതകര്‍മസേന അംഗങ്ങളുടെ മക്കളില്‍ എസ്എസ്എല്‍സി, പ്ലസ് ടു പരീക്ഷകളില്‍ ഉന്നതവിജയം നേടിയവര്‍ക്കുളള ക്ലീന്‍ കേരള കമ്പനിയുടെ ആദരവും കാഷ്പ്രൈസ് വിതരണവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പഞ്ചായത്ത് പ്രസിഡന്‍റ്സ് അസോസിയേഷന്‍ ജില്ലാ സെക്രട്ടറി അജയന്‍ കെ. മേനോന്‍ അധ്യക്ഷത വഹിച്ചു.

‘വിശപ്പുരഹിതലോകം’ പദ്ധതിക്കു തുടക്കം

കോട്ടയം: ലയണ്‍സ് ഡിസ്ട്രിക്ട് 318 ബിയുടെ വിശപ്പുരഹിത ലോകം പദ്ധതി ഉദ്ഘാടനം ചെയ്തു. കോട്ടയം ഓഫീസ് ഓഡിറ്റോറിയത്തില്‍ നടന്ന ചടങ്ങില്‍ വൈസ് ഗവര്‍ണര്‍ ജേക്കബ് ജോസഫ് ഉദ്ഘാടനം നിര്‍വഹിച്ചു. ഡിസ്ട്രിക്‌ട് ചെയര്‍മാന്‍ ജോയ് സക്കറിയ അധ്യക്ഷത വഹിച്ചു. മുന്‍ ഗവര്‍ണര്‍ പ്രിന്‍സ് സ്‌കറിയ മുഖ്യപ്രഭാഷണം നടത്തി. ഡിസ്ട്രിക്‌ട് പബ്ലിക് റിലേഷന്‍ ഓഫീസര്‍ എം.പി. രമേഷ് കുമാര്‍, പി.കെ. ആനന്ദക്കുട്ടന്‍, സാബു ജോസഫ്, ധന്യ ഗിരീഷ്, ശ്രീജാ സുരേഷ്, ഷാജിലാല്‍ തുടങ്ങിയവര്‍ പ്രസംഗിച്ചു. തെരഞ്ഞെടുത്ത 100 കുടുംബങ്ങള്‍ക്കാണ് ഇന്ന് ഭക്ഷണക്കിറ്റുകള്‍ വിതരണം ചെയ്തത്.

കന ്യാസ്ത്രീകളെ അറസ്റ്റ് ചെയ്തത് കളങ്കം: കത്തോലിക്ക കോണ്‍ഗ്രസ്

ചങ്ങനാശേരി: ഛത്തീസ്ഗഡിലെ ദുര്‍ഗില്‍ മനുഷ്യക്കടത്ത് ആരോപിച്ച് അസീസി സിസ്റ്റേഴ്‌സ് ഓഫ് മേരി ഇമ്മാക്കുലേറ്റ് സന്യാസ സഭാംഗങ്ങളായ സിസ്റ്റര്‍ വന്ദനാ ഫ്രാന്‍സിസ്, സിസ്റ്റർ പ്രീതി മേരി എന്നീ മലയാളി കന്യാസ്ത്രീകളെ റെയില്‍വേ പോലീസ് അറസ്റ്റ് ചെയ്തത് മതേതര ഭാരതത്തിനും ജനാധിപത്യത്തിനും കളങ്കമാണെന്ന് കത്തോലിക്ക കോണ്‍ഗ്രസ് ചങ്ങനാശേരി അതിരൂപത വനിതാ കൗണ്‍സിലിന്‍റെ നേതൃത്വത്തില്‍ സംഘടിപ്പിച്ച ബോധിനി 2കെ25 വനിതാ നേതൃസംഗമം. ഭാരതത്തിന്‍റെ വളര്‍ച്ചയ്ക്ക് ആവശ്യമായ വിദ്യാഭ്യാസ, ആരോഗ്യ, ജീവകാരുണ്യ പ്രവര്‍ത്തനമേഖലകളില്‍ സന്യാസിനികള്‍ നടത്തുന്ന ത്യാഗപൂര്‍ണമായ ശുശ്രൂഷകളെ അവഗണിച്ചും ബോധപൂര്‍വം കണ്ടില്ലെന്നു നടിച്ചും അവരെ രാജ്യദ്രോഹികളായി ചിത്രീകരിക്കാനുള്ള നീക്കം ഏതു സംഘടനയുടെ ഭാഗത്തുനിന്നുണ്ടായാലും അത് അപലനീയപമാണെന്നും യോഗം ചുണ്ടിക്കാട്ടി. കത്തോലിക്ക കോണ്‍ഗ്രസ് അതിരൂപത വൈസ് പ്രസിഡന്‍റ് ഷിജി ജോണ്‍സന്‍റെ അധ്യക്ഷതയില്‍ ചേര്‍ന്ന സമ്മേളനം വികാരി ജനറാള്‍ മോണ്‍. മാത്യു ചങ്ങങ്കരി ഉദ്ഘാടനം ചെയ്തു. അതിരൂപത പ്രസിഡന്‍റ് ബിജു സെബാസ്റ്റ്യന്‍ മാര്‍ഗനിര്‍ദേശ പ്രസംഗവും ഗോബല്‍ സെക്രട്ടറി ആന്‍സമ്മ സാബു മുഖ്യപ്രഭാഷണവും നടത്തി. ബിനു ഡൊമിനിക്, റോസിലിന്‍ കുരുവിള, ജെസി ആന്‍റണി, സിനി പ്രിന്‍സ്, സിസി അമ്പാട്ട്, ലിസി ജോസ്, മിനി മാത്യു, ഷേര്‍ളി തോമസ് എന്നിവര്‍ പ്രസംഗിച്ചു. സിസ്റ്റര്‍ സെലിന്‍ ജോസഫ് എസ്ഡി (ഡയറക്ടര്‍, മേഴ്‌സി ഹോം ചെത്തിപ്പുഴ), ബിന്‍സി സെബാസ്റ്റ്യന്‍ (കോട്ടയം നഗരസഭാ ചെയര്‍പേഴ്‌സണ്‍), ലൗലി ജോര്‍ജ് (ഏറ്റുമാനൂര്‍ നഗരസഭാ ചെയര്‍പേഴ്‌സണ്‍), ഡോ. റാണി മരിയ തോമസ് (പ്രിന്‍സിപ്പല്‍, അസംപ്ഷന്‍ കോളജ്), സുമി സിറിയക് (അന്തര്‍ദേശീയ നീന്തല്‍ താരം), സുമം സ്‌കറിയ (വ്യവസായ സംരംഭക), ജിനു സന്തോഷ് (വ്യവസായ സംരംഭക) എന്നിവരെ യോഗത്തില്‍ ആദരിച്ചു. തദ്ദേശ സ്വയംഭരണ സ്ഥാപനങ്ങളിലെ സ്ത്രീകളുടെ പങ്കാളിത്തവും പ്രസക്തിയും കത്തോലിക്കാ കോണ്‍ഗ്രസ് വനിതാ കൗണ്‍സിലിന്‍റെ വിവിധ മേഖലകളില്‍നിന്നുള്ള കോ-ഓർഡിനേറ്റര്‍മാരുടെ തെരഞ്ഞെടുപ്പ്, പ്രവര്‍ത്തന പരിപാടികളുടെ രൂപീകരണം, കത്തോലിക്ക കോണ്‍ഗ്രസ് പ്രവര്‍ത്തനത്തിലെ പങ്കാളിത്തം എന്നീ വിഷയങ്ങള്‍ ബോധിനി 2കെ25ന്‍റെ ഭാഗമായി നടന്നു. സന്യസ്തർക്കെതിരേയുള്ള നീക്കം അപലപനീയം കുടമാളൂർ: രാജ്യത്ത് വിദ്യാഭ്യാസ, ആതുരശുശ്രൂഷാ മേഖലകളിൽ നിസ്വാർഥ സേവനം ചെയ്യുന്ന സന്യാസിനികൾക്കെതിരേയുള്ള രാജ്യവിരുദ്ധ ശക്തികളുടെ നീക്കം അപലപനീയമെന്ന് കത്തോലിക്ക കോൺഗ്രസ് കുടമാളൂർ ഫൊറോന സമിതി. ഇന്ത്യൻ ഭരണഘടന വിഭാവനം ചെയ്യുന്ന അവകാശങ്ങൾ സംരക്ഷിക്കാൻ കേന്ദ്ര-സംസ്ഥാന സർക്കാരുകൾക്ക് ഉത്തരവാദിത്വമുണ്ട്. മലയാളികളായ സിസ്റ്റർ വന്ദന ഫ്രാൻസിസ്, സിസ്റ്റർ പ്രീതി മേരി എന്നിവരെ ഛത്തീസ്ഗഡിൽ അകാരണമായി അറസ്റ്റ് ചെയ്ത് ജുഡീഷൽ കസ്റ്റഡിയിലാക്കിയ നടപടി പ്രതിഷേധാർഹമാണ്. ഇക്കാര്യത്തിൽ കേന്ദ്രസർക്കാരിന്‍റെ ശക്തമായ ഇടപെടൽ ഉണ്ടാകണമെന്നു യോഗം ആവശ്യപ്പെട്ടു. ഫൊറോന പ്രസിഡന്‍റ് ഷെയിൻ ജോസഫ് അധ്യക്ഷത വഹിച്ച യോഗം ഡയറക്ടർ ഫാ. ജസ്റ്റിൻ പുത്തൻപുരയിൽ ഉദ്ഘാടനം ചെയ്തു.

നാട്ടകം കണ്ണാടിക്കടവില്‍ രണ്ടു കടകളില്‍ മോഷണം

കോട്ടയം: നാട്ടകം കണ്ണാടിക്കടവില്‍ രണ്ടു കടകളില്‍ മോഷണം. കടയ്ക്കുള്ളില്‍ കയറിയ മോഷ്ടാവ് പണവും സാധനങ്ങളും കവര്‍ന്നു. ഇന്നലെ ഞായറാഴ്ചയായതിനാല്‍ കട തുറക്കാന്‍ വൈകിയിരുന്നു. നാട്ടകം വില്ലേജ് ഓഫീസിനു സമീപം പ്രവര്‍ത്തിക്കുന്ന പരുത്തുംപാറ സ്വദേശി ജിനുവിന്‍റെ കടയിലാണ് മോഷണം നടന്നത്. മൂവായിരത്തോളം രൂപ നഷ്ടമായിട്ടുണ്ട്. ഇതിനു സമീപത്തു പ്രവര്‍ത്തിക്കുന്ന എ.ആര്‍ ഹോം കെയറിലും മോഷണം നടന്നു. ഇവിടെനിന്നു പണം നഷ്ടമായിട്ടില്ല. രണ്ടു സ്ഥാപനങ്ങളിലും ഫയലുകളും സാധനങ്ങളും വലിച്ചുവാരിയിട്ടിരിക്കുകയാണ്. രണ്ടു കടകളുടെയും പൂട്ട് പൊളിച്ചാണ് മോഷ്ടാവ് ഉള്ളില്‍ കയറിയിരിക്കുന്നത്. കടയുടെ പൂട്ട് പൊളിഞ്ഞു കിടക്കുന്നതു കണ്ട് വഴിയാത്രക്കാരാണ് വിവരം അറിയിച്ചത്. സംഭവമറിഞ്ഞ് ചിങ്ങവനം പോലീസ് സ്ഥലത്ത് എത്തി.

കുമരകം ബോട്ട് ദുരന്തം: ജീവൻ പൊലിഞ്ഞവർക്ക് അരങ്ങ് സ്മരണാഞ്ജലിയർപ്പിച്ചു

മുഹമ്മ: കുമരകം ബോട്ട് ദുരന്തത്തിന്‍റെ 23-ാമത് അനുസ്മരണ ദിനത്തിൽ അരങ്ങ് പ്രവർത്തകർ സ്മരണാഞ്ജലി അർപ്പിച്ചു. കായലിൽ മുങ്ങിത്താണ പ്രിയപ്പെട്ടവരുടെ സ്മരണകൾക്കു മുന്നിൽ ദീപം തെളിച്ച് കഴിഞ്ഞ 22 വർഷങ്ങളിലെപ്പോലെ അവർ ഇന്നലെയും പുഷ്പാർച്ചന നടത്തി. രാവിലെ ആറിന് മുഹമ്മ ജെട്ടിയിൽ നടന്ന അനുസ്മരണ ച്ചടങ്ങിൽ അരങ്ങ് രക്ഷാധികാരി സി.പി. ഷാജി അധ്യക്ഷത വഹിച്ചു. ജീമോൻ മുഹമ്മ എഴുതി ആലപ്പി ഋഷികേശ് സംഗീതം നൽകിയ അനുസ്മരണ ഗാനം സംസ്ഥാന കലോത്സവ വിജയികളായ ദേവിക സുരേഷും അനന്യ പി. അനിലും ചേർന്ന് ആലപിച്ചത് അക്ഷരങ്ങൾക്കൊണ്ട് അർച്ചന നടത്തുന്ന അനുഭവമായി മാറി. മുഹമ്മ പഞ്ചായത്ത് പ്രസിഡന്‍റ് സ്വപ്ന ഷാബു അനുസ്മരണ ചടങ്ങ് ഉദ്ഘാടനം ചെയ്തു . പി.എസ്. സന്തോഷ് കുമാർ, സി.കെ. മണി ചീരപ്പൻചിറ, ബേബി തോമസ്, ചന്ദ്രൻ കറുകക്കളം, വിജയകുമാർ, പ്രകാശൻ തണ്ണീർമുക്കം, സി. വി. വിദ്യാസാഗർ , വിജു ദാസൻ, ടോമിച്ചൻ കണ്ണയിൽ തുടങ്ങിയവർ പ്രസംഗിച്ചു.

കലാം ക്വിസ് മത്സരം: കോതനല്ലൂര്‍ സ്‌കൂള്‍ ജേതാക്കള്‍

കൈപ്പുഴ: സെന്‍റ് ജോര്‍ജ് വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ ശതാബ്ദിയോടനുബന്ധിച്ചു നടത്തിയ സംസ്ഥാനതല കലാം ക്വിസ് മത്സരത്തില്‍ ഹൈസ്‌കൂള്‍ വിഭാഗത്തില്‍ കോതനല്ലൂര്‍ ഇമ്മാനുവൽ‍ ഹയര്‍ സെക്കന്‍ഡറി സ്‌കൂള്‍ ടീം ജേതാക്കള്‍. ഇത്തിത്താനം ഹയര്‍ സെക്കന്‍ഡറി സ്‌കൂള്‍ രണ്ടാം സ്ഥാനവും നട്ടാശേരി എസ്എച്ച് സ്‌കൂള്‍ മൂന്നാം സ്ഥാനവും നേടി. ജേതാക്കള്‍ക്ക് യഥാക്രമം 10000, 8000, 5000 രൂപയും സര്‍ട്ടിഫിക്കറ്റും സമ്മാനം നല്‍കി. യുപി വിഭാഗത്തില്‍ കോട്ടയം എംഡി സെമിനാരി എച്ച്എസ്എസും കിടങ്ങൂര്‍ ഭാരതീയ വിദ്യാമന്ദിരവും ഇത്തിത്താനം എച്ച്എസ്എസും എല്‍പി വിഭാഗത്തില്‍ കിടങ്ങൂര്‍ ഭാരതീയ വിദ്യാമന്ദിരം, അതിരമ്പുഴ സെന്‍റ് അലോഷ്യസ് എല്‍പിഎസ്, മാന്നാനം സെന്‍റ് ജോസഫ്സ് എന്നീ സ്‌കൂളുകള്‍ യഥാക്രമം ഒന്നു മുതല്‍ മൂന്നു വരെ സ്ഥാനങ്ങള്‍ക്ക് അര്‍ഹരായി. ഇവര്‍ക്ക് യഥാക്രമം 3000, 2000, 1000 രൂപ വീതവും സര്‍ട്ടിഫിക്കറ്റും സമ്മാനമായി നല്‍കി. ഹൈസ്‌കൂള്‍ വിഭാഗത്തില്‍ കോട്ടയം സെന്‍റ് ആന്‍സ് ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ ജോബി ജോസഫും യുപി വിഭാഗത്തില്‍ മടമ്പം മേരിലാൻഡ് സ്‌കൂള്‍ അധ്യാപകന്‍ ലിബിന്‍ കെ. കുര്യനും എല്‍പി വിഭാഗത്തില്‍ അലീന കുരുവിളയും ക്വിസ് നയിച്ചു.

ചെമ്മനംപടി മാലിയിൽ വീടിനു ചുറ്റും വെള്ളം കയറി; വീട്ടുകാർ ദുരിതത്തിൽ

ഗാന്ധിനഗർ: കാലവർഷത്തെത്തുടർന്ന് വീടിനു ചുറ്റം വെള്ളം കയറി. കോട്ടയം നഗരസഭയിലെ കുമാരനല്ലൂർ ഡി വിഷനിൽപ്പെട്ട ചെമ്മനംപടി മാലി പ്രദേശത്താണ് വെള്ളം കയറി വീട്ടുകാർ ദുരിതത്തിലായിരിക്കുന്നത്. പാടശേഖരത്താണ് വീടു വച്ചിരിക്കുന്നത്. അതിനാൽ മഴക്കാലം തുടങ്ങുന്പോ ഴേ ഇവിടെ വെള്ളം കയറും. വീടിനു പുറത്തിറങ്ങാൻപോലും കഴിയാത്ത സ്ഥിതിയാണ്. വെള്ളത്തിൽ നീന്തി വേണം റോഡിലെത്താൽ. കഴിഞ്ഞ ദിവസത്തെ കനത്ത മഴയിൽ വീടിനു ചുറ്റും വെള്ളം കയറിയിരിക്കുകയാണ്. തൂണ് വാർത്ത് അതിനു മുകളിൽ വീടുവച്ചവരുടെ വീടിനടിയിൽ വെള്ളമാണ്. മുമ്പ് നിരവധി വീട്ടുകാർ ഇവിടെ ഉണ്ടായിരുന്നു. കാലവർഷത്തിൽ വെള്ളം കയറുന്നതിനാൽ പലരും വീട് ഉപേക്ഷിച്ച് പോയി.കുട്ടികളടക്കമുള്ള കുടുംബാഗങ്ങളാണ് ഇവിടെ താമസിക്കുന്നത്. നിലവിൽ ഇവരുടെ ജീവിതം ദുരിതത്തിലായിരിക്കുകയാണ്. ഇനിയും മഴ തുടർന്നാൽ ഇവർക്ക് ദുരിതാശ്വാസക്യാന്പിൽ പോകുകയേ നിവൃത്തിയുള്ളു. അതേസമയം ഈ വീടുകൾക്ക് മുൻ വശത്തുകൂടി കടന്നുപോകുന്ന റോഡിൽ ചളി നിറഞ്ഞ് യാത്ര ദുരിതമായി. മാലി ഭാഗത്ത് നിന്നും സംക്രാന്തിക്കും ചെമ്മനം പടിക്കും പോകുന്ന റോഡാണിത്. കാൽനടയാത്രക്കാർക്കും വാഹനങ്ങൾക്കും കടന്നുപോകാൻ കഴിയാത്ത വിധം ചെളിയാണ് റോഡിലുള്ളത്.

ഇറഞ്ഞാല്‍-തിരുവഞ്ചൂര്‍ റോഡ് : പൈപ്പിടൽ ഓഗസ്റ്റ് പകുതിയോടെ പൂര്‍ത്തിയാക്കുമെന്ന്

കോട്ടയം: തകര്‍ന്നുകിടക്കുന്ന ഇറഞ്ഞാല്‍-തിരുവഞ്ചൂര്‍ റോഡിലെ വാട്ടര്‍ അഥോറിറ്റിയുടെ പൈപ്പ് ഇടല്‍ തിരുവഞ്ചൂര്‍ മുതല്‍ മോസ്‌കോ വരെയുള്ള ഭാഗത്ത് ഓഗസ്റ്റ് പകുതിയോടെ പൂര്‍ത്തിയാക്കുമെന്ന് വാട്ടര്‍ അഥോറിറ്റി. കഴിഞ്ഞ ദിവസം ചേര്‍ന്ന ജില്ലാ വികസന സമിതി യോഗത്തില്‍ തിരുവഞ്ചൂര്‍ രാധാകൃഷ്ണന്‍ വിഷയം അവതരിപ്പിച്ചപ്പോഴാണ് വാട്ടര്‍ അഥോറിട്ടി അധികൃതര്‍ മറുപടി നല്‍കിയത്. പൈപ്പിടീല്‍ കഴിഞ്ഞാലുടനെ ടാറിംഗ് നടത്താന്‍ പൊതുമരാമത്തുവകുപ്പിനും യോഗം നിര്‍ദേശം നല്‍കി. ബാക്കി റീച്ചുകള്‍ സംബന്ധിച്ച് വാട്ടര്‍ അഥോറിറ്റിയും പൊതുമരാമത്തുവകുപ്പും സംയുക്ത പരിശോധന നടത്തി ജില്ലാ കളക്ടര്‍ക്ക് റിപ്പോര്‍ട്ട് നല്‍കും. ഈരയില്‍ക്കടവ് ബൈപാസില്‍ മാലിന്യം തള്ളുന്നത് തടയണമെന്ന് തിരുവഞ്ചൂര്‍ രാധാകൃഷ്ണന്‍ എംഎല്‍എ യോഗത്തില്‍ ആവശ്യപ്പെട്ടു. രണ്ടു ദിവസത്തിനകം മാലിന്യം നീക്കാന്‍ നഗരസഭാ സെക്രട്ടറിയെ വികസസ സമിതി യോഗം ചുമതലപ്പെടുത്തി. മാങ്ങാനം ഇന്ദിരാ നഗര്‍, മുട്ടമ്പലം ഭാഗങ്ങളിൽ കുടിവെള്ളം കിട്ടുന്നില്ലെന്ന എംഎല്‍എയുടെ പരാതി പരിശോധിക്കാന്‍ വാട്ടർ അഥോറിറ്റി അധികൃതര്‍ക്കു യോഗം നിര്‍ദേശം നല്‍കി. ഏറ്റുമാനൂര്‍ കെഎസ്ആര്‍ടിസി പരിസരത്തെ പാഴ്മരങ്ങള്‍ മുറിച്ചുമാറ്റുന്നതിന് നടപടി സ്വീകരിച്ചതായും ചീഫ് ഓഫീസില്‍നിന്ന് അനുമതി കിട്ടിയാലുടന്‍ മുറിച്ചുമാറ്റുമെന്നും കെഎസ്ആര്‍ടിസി ജില്ലാ ട്രാന്‍സ്‌പോര്‍ട്ട് ഓഫീസര്‍ അറിയിച്ചു. കെ. ഫ്രാന്‍സീസ് ജോര്‍ജ് എംപി ഇതുസംബന്ധിച്ച് പരാതി ഉന്നയിച്ചിരുന്നു. പദ്ധതികളുടെ എസ്റ്റിമേറ്റ് എടുക്കുന്നതിലെ കാലതാമസം ഒഴിവാക്കാന്‍ നടപടി വേണമെന്നും എംപി ആവശ്യപ്പെട്ടു. സ്റ്റോപ്പുകളിൽ നിർത്താത്ത ബസുകൾക്കെതിരേ നടപടി ഏറ്റുമാനൂർ: സ്റ്റോപ്പുകളിൽ നിർത്താത്ത സ്വകാര്യ ലിമിറ്റഡ് സ്റ്റോപ്പ് ബസുകൾക്കെതിരേ കർശന നടപടിയെന്ന് ആർടിഒ. ഐസിഎച്ച്, അമലഗിരി ബികെ കോളജ്, റെയിൽവേ സ്റ്റേഷൻ തുടങ്ങിയ സ്റ്റോപ്പുകളിൽ ബസുകൾ നിർത്തണമെന്ന് കളക്ടറുടെ അധ്യക്ഷതയിൽ കൂടിയ ജില്ലാ വികസനസമിതി യോഗത്തിൽ ടി.വി. സോണി ആവശ്യപ്പെട്ടതിനെത്തുടർന്നാണ് ആർടിഒയുടെ പ്രതികരണം. അതിരമ്പുഴ നാല്പാത്തിമലയിൽ വർഷങ്ങൾക്കു മുമ്പ് പൂർത്തീകരിച്ച വാട്ടർ ടാങ്ക് പ്രവർത്തന സജ്ജമാക്കുക, ഓണംതുരുത്ത് ജംഗ്ഷനിൽ ബസ്‌സ്റ്റോപ്പിൽ അപകടാവസ്ഥയിൽ നിൽക്കുന്ന ആഞ്ഞിലി മരം വെട്ടി മാറ്റുക, ഏറ്റുമാനൂർ കെഎസ്ആർടിസി ബസ് സ്റ്റാൻഡിൽ അപകടാവസ്ഥയിൽ നിൽക്കുന്ന മരങ്ങൾ വെട്ടിമാറ്റുക തുടങ്ങി ടി.വി. സോണി ഉന്നയിച്ച മറ്റു വിഷയങ്ങളിലും നടപടി സ്വീകരിക്കാൻ ബന്ധപ്പെട്ട വകുപ്പുകൾക്കു കളക്ടർ നിർദേശം നൽകി.

ബിഷപ് മാർ ജോസ് തെക്കുംചേരിക്കുന്നേലിന് ചെമ്മലമറ്റത്ത് ഉജ്വലസ്വീകരണം

ചെമ്മലമറ്റം: പ്ലാറ്റിനം ജൂബിലി വർഷത്തിൽ പാലാ രൂപതയ്ക്ക് ലഭിച്ച സമ്മാനമാണ് മാർ ജോസ് സെബാസ്റ്റ്യൻ തെക്കുംചേരിക്കുന്നേൽ എന്ന് മാർ ജോസഫ് കല്ലറങ്ങാട്ട്. ചെമ്മലമറ്റം ഇടവകാംഗവും ജലന്ധർ ബിഷപ്പുമായ ഡോ. ജോസ് സെബാസ്റ്റ്യൻ തെക്കുംചേരിക്കുന്നേലിന്‍റെ സ്വീകരണ സമ്മേളനത്തിൽ പ്രസംഗിക്കുകയായിരുന്നു ബിഷപ് മാർ കല്ലറങ്ങാട്ട്. ക്രൈസ്തവ സമൂഹം വെല്ലുവിളികൾ നേരിടുന്ന ഈ കാലഘട്ടത്തിൽ പ്രാർഥനയ്ക്ക് വലിയ പ്രാധാന്യമുണ്ടെന്നു ചടങ്ങിൽ പ്രസംഗിച്ച മാർ മാത്യൂ അറയ്ക്കൽ പറഞ്ഞു. ലോകത്തിനുതന്നെ മാതൃകയാണ് പാലാ രൂപതയെന്നും പ്ലാറ്റിനം ജൂബിലി വർഷത്തിൽ പാലാ രൂപതയ്ക്ക് ചെമ്മലമറ്റം ഇടവകയുടെ സമ്മാനമാണ് ബിഷപ് ഡോ. ജോസ് സെബാസ്റ്റ്യൻ തെക്കുംചേരിക്കുന്നേലെന്നും സമ്മേളനം ഉദ്ഘാടനം ചെയ്ത മന്ത്രി റോഷി അഗസ്റ്റിൻ പറഞ്ഞു വികാരി ഫാ. സെബാസ്റ്റ്യൻ കൊല്ലംപറമ്പിൽ, ഫാ. ജേക്കബ് കടുതോടിൽ, കൈക്കാരൻമാർ, കമ്മറ്റി അംഗങ്ങൾ, വിവിധ ഭക്തസംഘടനാ പ്രതിനിധികൾ എന്നിവർ സ്വീകരണത്തിനു നേതൃത്വം നൽകി.

നെല്ല് സംഭരിച്ചതിന്‍റെ കുടിശിക കൊടുത്തു തീര്‍ക്കണം: മോന്‍സ് ജോസഫ് എംഎൽഎ

കോട്ടയം: കഴിഞ്ഞവര്‍ഷം നെല്ല് സംഭരിച്ചതിന്‍റെ കുടിശിക തുക ഓണത്തിന് മുന്പ് കൃഷിക്കാര്‍ക്ക് കൊടുത്തു തീര്‍ക്കാന്‍ വേണ്ട അടിയന്തര നടപടി സര്‍ക്കാര്‍ സ്വീകരിക്കണമെന്ന് കേരള കോണ്‍ഗ്രസ് എക്‌സിക്യൂട്ടീവ് ചെയര്‍മാന്‍ മോന്‍സ് ജോസഫ് എംഎല്‍എ. കേരള കോണ്‍ഗ്രസ് ജില്ലാ നേതൃസമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ജില്ലാ പ്രസിഡന്‍റ് ജയ്‌സണ്‍ ജോസഫ് ഒഴുകയില്‍ അധ്യക്ഷത വഹിച്ചു. പാര്‍ട്ടി സംസ്ഥാന സെക്രട്ടറി ജനറല്‍ ജോയ് ഏബ്രഹാം, ഡെപ്യൂട്ടി ചെയര്‍മാന്‍ ഫ്രാന്‍സിസ് ജോര്‍ജ് എംപി, വൈസ് ചെയര്‍മാന്‍മാരായ വക്കച്ചന്‍ മറ്റത്തില്‍, കെ.എസ്. വര്‍ഗീസ് മാഞ്ഞൂര്‍ മോഹന്‍കുമാര്‍, തോമസ് കണ്ണന്തറ, പ്രഫ. മേഴ്‌സി ജോണ്‍ മൂലക്കാട്ട്, പോള്‍സണ്‍ ജോസഫ്, പ്രിന്‍സ് ലൂക്കോസ്, ബിനു ചെങ്ങളം തുടങ്ങിയവര്‍ പ്രസംഗിച്ചു.

ജപമാല പ്രദക്ഷിണം ഭക്തിസാന്ദ്രമായി

ഭരണങ്ങാനം: വിശുദ്ധ അല്‍ഫോന്‍സാമ്മയുടെ തിരുനാളിന്‍റെ പ്രധാന ദിനമായ ഇന്ന് ആയിരക്കണക്കിന് വിശ്വാസികളുടെ സാന്നിധ്യത്താല്‍ ഭരണങ്ങാനം ഭക്തിസാന്ദ്രമാകും. തിരുനാള്‍ ആരംഭിച്ചതുമുതല്‍ നാടിന്‍റെ നാനാ ഭാഗങ്ങളില്‍നിന്നും അല്‍ഫോന്‍സാ കബറിടത്തിങ്കലേക്കും അല്‍ഫോന്‍സാമ്മയുടെ പുണ്യജീവിതത്തിന് സാക്ഷ്യം വഹിച്ച ക്ലാരമഠത്തിലേക്കും വിശ്വാസികളുടെ പ്രവാഹമായിരുന്നു. അല്‍ഫോന്‍സാമ്മ ജീവിച്ചുമരിച്ച ക്ലാരമഠത്തിലേക്ക് ഇന്നലെ വൈകുന്നേരം നടത്തിയ ജപമാല റാലിയില്‍ കത്തിച്ച മെഴുകുതിരിയുമായി അനേകായിരങ്ങളാണ് പങ്കെടുത്തത്. അല്‍ഫോന്‍സാമ്മയുടെ സംസ്‌കാരവേളയില്‍ പങ്കെടുത്തത് ഏതാനും ആളുകളായിരുന്നെങ്കില്‍ തിരുനാള്‍ ആരംഭിച്ചതുമുതല്‍ ആ സന്നിധിയില്‍ എത്തുന്നത് ജനസമുദ്രമാണ്. കൊടിതോരണങ്ങളാലും പേപ്പല്‍ പതാകകളാലും ദീപാലങ്കാരങ്ങളാലും മനോഹരമായ വീഥിയിലൂടെയാണ് മഠത്തിലേക്ക് പ്രദക്ഷിണമായി നീങ്ങിയത്. മഠത്തിലേക്ക് അല്‍ഫോന്‍സാമ്മയുടെ തിരുസ്വരൂപം എത്തിച്ചപ്പോള്‍ സന്യാസിനികള്‍ കത്തിച്ച മെഴുകുതിരികളേന്തി സ്വീകരിച്ചു. ഫാ. ജോര്‍ജ് ആന്‍റണി ഒഎഫ്എം സന്ദേശം നല്‍കി. ഭരണങ്ങാനത്ത് ഇന്ന് പുലര്‍ച്ചെ 4.45 ന് വിശുദ്ധ കുര്‍ബാന- തീര്‍ഥാടനകേന്ദ്രത്തിലെ വൈദികര്‍, ആറിന് വിശുദ്ധ കുര്‍ബാന- ഫാ. ഗര്‍വാസീസ് ആനിത്തോട്ടത്തില്‍, ഏഴിന് വിശുദ്ധ കുര്‍ബാന-മുഖ്യവികാരി ജനറാള്‍ മോണ്‍. ജോസഫ് തടത്തില്‍, ഏഴിന് നേര്‍ച്ച അപ്പം വെഞ്ചരിപ്പ്-മാര്‍ ജോസഫ് പള്ളിക്കാപറമ്പില്‍, 8.30 ന് വിശുദ്ധ കുര്‍ബാന- ഫാ. സക്കറിയാസ് ആട്ടപ്പാട്ട്, 9.30ന് വിശുദ്ധ കുര്‍ബാന-ഫാ. മാര്‍ട്ടിന്‍ കല്ലറയ്ക്കല്‍, 10.30ന് വിശുദ്ധ കുര്‍ബാന(ഇടവക പള്ളിയില്‍)-മാര്‍ ജോസഫ് കല്ലറങ്ങാട്ട്, 12.30ന് പ്രദക്ഷിണം, ഉച്ചകഴിഞ്ഞ് 2.30നും 3.30നും 4.30നും 5.30നും 6.30നും 7.30നും 8.30നും 9.30നും വിശുദ്ധ കുര്‍ബാന. ഫാ. മെല്‍ബിന്‍ ആലപ്പാട്ടുകുന്നേല്‍, ഫാ. ഇഗ്നേഷ്യസ് നടുവിലേക്കുറ്റ്, റവ.ഡോ. തോമസ് കക്കാട്ടുതടത്തില്‍, റവ.ഡോ. ജോസ് കാക്കല്ലില്‍, റവ.ഡോ.ഷീന്‍ പാലയ്ക്കത്തടത്തില്‍, ഫാ. ഓസ്റ്റിൻ മേച്ചേരില്‍, ഫാ. മാത്യു തയ്യില്‍, ഫാ. കുര്യാക്കോസ് വെള്ളച്ചാലില്‍ എന്നിവര്‍ വിവിധ സമയങ്ങളിലെ വിശുദ്ധ കുര്‍ബാനയ്ക്ക് കാര്‍മികത്വം വഹിക്കും.

ശബരി റെയില്‍വേ- 3347.35 കോടി; എരുമേലി എയര്‍പോര്‍ട്ട്- 7047 കോടി

കോട്ടയം: തദ്ദേശ, നിയമസഭാ തെരഞ്ഞെടുപ്പ് പ്രചാരണത്തില്‍ സര്‍ക്കാരിന്‍റെ നേട്ടമായി ശബരി റെയില്‍വേയും എരുമേലി വിമാനത്താവളവും കൊട്ടിഘോഷിക്കാമെന്നു മാത്രം. രണ്ടു പദ്ധതികള്‍ക്കും തെരഞ്ഞെടുപ്പിന് മുന്‍പ് കല്ലിടീല്‍ നടത്തിയേക്കാമെന്നല്ലാതെ സമയബന്ധിതമായ നിര്‍മാണ പദ്ധതി മുന്നിലില്ല. ശബരി റെയില്‍ പദ്ധതിയില്‍ സര്‍വേ പൂര്‍ത്തിയായ സ്ഥലം ഏറ്റെടുത്തു നല്‍കാന്‍ സംസ്ഥാന സര്‍ക്കാരിന് 600 കോടി രൂപ കണ്ടെത്തണം. പെരുമ്പാവൂര്‍ മുതല്‍ പിഴകുവരെ അടുത്ത റീച്ച് സ്ഥലം ഏറ്റെടുത്തുകൊടുക്കണം. ഇതില്‍ അതിര്‍ത്തി, ഉടമസ്ഥതാ തര്‍ക്കമുള്ളതും കോടതി കേസുള്ളതുമായ സ്ഥലങ്ങളും ഇതില്‍പ്പെടും. അടുത്ത ഘട്ടം പിഴക് മുതല്‍ എരുമേലി വരെ അന്തിമ സര്‍വേ നടത്തി സ്ഥലം ഏറ്റെടുക്കണം. ഇവിടെ ആകാശ സര്‍വേ മാത്രമെ നടന്നിട്ടുള്ളൂ. ഈ റീച്ചില്‍ സാമൂഹികാഘാത പഠനം ഉള്‍പ്പെടെ നടപടികളും ആവശ്യമുണ്ട്. മണിമല, മീനച്ചില്‍ നദികള്‍ക്ക് കുറുകെ വലിയ പാലങ്ങളും പണിയണം. കുറഞ്ഞത് 1500 കോടി രൂപ സംസ്ഥാന വിഹിതമായി ശബരി റെയില്‍ പദ്ധതിയില്‍ വേണ്ടിവരും. 111 കി.മീ .പാതയില്‍ 14 സ്റ്റേഷനുകളുണ്ട്. പദ്ധതി പൂര്‍ത്തിയാകുമ്പോള്‍ ചെലവ് 4000 കോടി രൂപയിലെത്തും. എരുമേലി എയര്‍പോര്‍ട്ട് 7047 കോടി മൂവായിരം കോടി രൂപ വകയിരുത്തിയ എരുമേലി എയര്‍പോര്‍ട്ടിന് മൊത്തം 7047 കോടി രൂപ വേണ്ടിവരുമെന്നാണ് അവസാന കണക്ക്. 2,570 ഏക്കര്‍ ഭൂമി ഏറ്റെടുത്ത് മൂന്നര കി.മീ. റണ്‍വേ നിര്‍മിക്കണം. ഇതില്‍ 2200 ഏക്കര്‍ വരുന്ന അയന ചാരിറ്റബിള്‍ ട്രസ്റ്റിന്‍റെ ചെറുവള്ളി എസ്‌റ്റേറ്റിന്‍റെ ഉടമസ്ഥത സംബന്ധിച്ച് സര്‍ക്കാര്‍ കേസ് നിലവിലുണ്ട്. ഇതിനു തീരുമാനമുണ്ടാകാതെ പണി നടക്കില്ല. ചെറുവള്ളി എസ്റ്റേറ്റിനുള്ള നടപ്പുവില കോടതിയില്‍ കെട്ടിവച്ചതിനുശേഷമേ തോട്ടം അക്വയര്‍ ചെയ്യാനാകൂ. ഇതിനൊപ്പം എരുമേലി ടൗണ്‍ഷിപ്പ്, പുനരധിവാസം തുടങ്ങി വേറെയും ചെലവുകള്‍. വൈദ്യുതി, റോഡ്, വെള്ളം, ഗതാഗതം തുടങ്ങിയവയില്‍ വിപുലമായ സംവിധാനങ്ങളുണ്ടാവണം. എരുമേലിയെയും മണിമലയെയും ബന്ധിക്കുന്ന ആറ് റോഡുകള്‍ വിപുലമാക്കണം. മുക്കടയില്‍ വൈദ്യുതി സ്റ്റേഷന്‍ പണിയണം. നിലവിലുള്ള എരുമേലി കുടിവെള്ളപദ്ധതി പരാജയമായതിനാല്‍ പുതിയ സംവിധാനം വേണം. എയര്‍പോര്‍ട്ടിനോട് ചേര്‍ന്ന് ഫയര്‍, പോലീസ് സ്‌റ്റേഷനുകളും വേണം. സിയാല്‍ മോഡലില്‍ ഓഹരി വില്‍പനയിലൂടെ പണം കണ്ടെത്തിയാലും പകുതി ഓഹരി സര്‍ക്കാരിനായിരിക്കും. അത്തരത്തില്‍ കുറഞ്ഞത് 3500 കോടി രൂപ കണ്ടെത്തണം. ശബരി റെയില്‍വേ, എയര്‍പോര്‍ട്ട് പദ്ധതികള്‍ക്ക് അയ്യായിരം കോടി രൂപയാണ് സര്‍ക്കാര്‍ മുടക്കേണ്ടത്.

വോട്ടര്‍പട്ടികയില്‍ പേരു ചേര്‍ക്കാന്‍ ഇതുവരെ ലഭിച്ചത് 6982 അപേക്ഷ

കോട്ടയം: തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിനായി വോട്ടര്‍പട്ടികയില്‍ പേരുചേര്‍ക്കുന്നതിന് ജില്ലയില്‍ ഇതുവരെ 6982 അപേക്ഷ ലഭിച്ചു. തിരുത്തലിനായി 84 ഉം തദ്ദേശസ്വയംഭരണ സ്ഥാപനം മാറുന്നതിന് 372 ഉം അപേക്ഷ ലഭിച്ചിട്ടുണ്ട്. വോട്ടര്‍ പട്ടികയില്‍നിന്ന് പേര് ഒഴിവാക്കുന്നതിന് 416 അപേക്ഷ ലഭിച്ചു. 2025 ജനുവരി ഒന്നിനോ അതിനു മുന്‍പോ 18 വയസ് പൂര്‍ത്തിയായവര്‍ക്ക് ഓഗസ്റ്റ് ഏഴുവരെ വോട്ടര്‍പട്ടികയില്‍ പേരു ചേര്‍ക്കാം. വോട്ടര്‍പട്ടികയില്‍ പുതുതായി പേരുചേര്‍ക്കുന്നതിനും (ഫോറം 4) അപേക്ഷ, ഉള്‍ക്കുറിപ്പുകള്‍ തിരുത്തുന്നതിനും (ഫോറം 6), സ്ഥാനമാറ്റം വരുത്തുന്നതിനും (ഫോറം7) സംസ്ഥാന തെരഞ്ഞെടുപ്പ് കമ്മീഷന്‍റെ sec.kerala.gov.in വെബ് സൈറ്റില്‍ ഓണ്‍ലൈനായി അപേക്ഷിക്കണം. ഓണ്‍ലൈനായി അപേക്ഷിക്കുമ്പോള്‍ ഹിയറിംഗിനുള്ള കമ്പ്യൂട്ടര്‍ ജനറേറ്റഡ് നോട്ടീസ് ലഭിക്കും. നോട്ടീസില്‍ പറഞ്ഞിട്ടുള്ള തീയതിയില്‍ ആവശ്യമായ രേഖകള്‍ സഹിതം ഹിയറിംഗിനു നേരിട്ടു ഹാജരാകണം. വോട്ടര്‍പട്ടികയില്‍ പേര് ഒഴിവാക്കുന്നതു സംബന്ധിച്ച ആക്ഷേപങ്ങള്‍ (ഫോറം 5) ഓണ്‍ലൈനായി രജിസ്റ്റര്‍ ചെയ്യുകയും അതിന്‍റെ പ്രിന്‍റൗട്ടില്‍ അപേക്ഷകനും ആ വാര്‍ഡിലെ ഒരു വോട്ടറും ഒപ്പിട്ടു നേരിട്ടോ തപാലിലൂടെയോ ഇലക്ടറല്‍ രജിസ്ട്രേഷന്‍ ഓഫീസര്‍ക്ക് സമര്‍പ്പിക്കണം. ഓണ്‍ലൈന്‍ മുഖേന അല്ലാതെയും നിര്‍ദിഷ്ടഫാറത്തില്‍ ഇലക്‌ഷന്‍ രജിസ്ട്രേഷന്‍ ഓഫീസര്‍ക്ക് അപേക്ഷിക്കാം. ഗ്രാമപഞ്ചായത്തുകളിലും നഗരസഭകളിലും അതത് സ്ഥാപനങ്ങളിലെ സെക്രട്ടറിമാരും കോര്‍പറേഷനുകളില്‍ അഡീഷണല്‍ സെക്രട്ടറിയുമാണ് ഇലക്ടറല്‍ രജിസ്ട്രേഷന്‍ ഓഫീസര്‍മാര്‍. അപേക്ഷകളിലും ആക്ഷേപങ്ങളിലും ഇലക്ടറല്‍ രജിസ്ട്രേഷന്‍ ഓഫീസര്‍മാര്‍ സ്വീകരിക്കുന്ന നടപടിക്കെതിരേ തദ്ദേശസ്വയംഭരണവകുപ്പ് ജില്ലാ ജോയിന്‍റ് ഡയറക്ടര്‍ക്ക് അപ്പീല്‍ നല്‍കാം. ഉത്തരവ് തീയതി മുതല്‍ 15 ദിവസത്തിനകമാണ് അപ്പീല്‍ നല്‍കേണ്ടത്. വോട്ടര്‍ ബോധവത്കരണത്തിനായി ലീപ് -കേരള കോട്ടയം: 2025ലെ തദ്ദേശപൊതുതെരഞ്ഞെടുപ്പിന് വേണ്ടി വോട്ടര്‍പട്ടികയില്‍ പേരു ചേര്‍ക്കുന്നതുള്‍പ്പെടെയുള്ള തെരഞ്ഞെടുപ്പ് പ്രക്രിയകളെ കുറിച്ചുള്ള ബോധവത്കരണപരിപാടിയുമായി സംസ്ഥാനതെരഞ്ഞെടുപ്പ് കമ്മീഷന്‍. വോട്ടര്‍മാര്‍ക്കും രാഷ്ട്രീയപാര്‍ട്ടി പ്രതിനിധികള്‍ക്കും തെരഞ്ഞെടുപ്പ് ഉദ്യോഗസ്ഥര്‍ക്കും വോട്ടര്‍പട്ടിക പുതുക്കലുള്‍പ്പെടെയുള്ള തദ്ദേശതെരഞ്ഞെടുപ്പു പ്രക്രിയകളില്‍ അവബോധമുണ്ടാക്കുകയാണ് ലീപ്-കേരള (Localbody Election Awareness Programme-Kerala) എന്ന ബോധവത്കരണപരിപാടിയിലൂടെ ലക്ഷ്യമിടുന്നത്. ഇതാദ്യമായാണ് സംസ്ഥാന തെരഞ്ഞെടുപ്പ് കമ്മീഷന്‍ വോട്ടര്‍ ബോധവത്കരണത്തിനായി പ്രത്യേക പ്രചാരണപരിപാടി സംഘടിപ്പിക്കുന്നത്. ഇതിനുവേണ്ടി ജില്ലാ കളക്ടര്‍ അധ്യക്ഷനായി ജില്ലാതലസമിതികള്‍ രൂപീകരിച്ചു കഴിഞ്ഞു. കോളജ് വിദ്യാര്‍ഥികള്‍, യുവജനങ്ങള്‍ എന്നിവരെ പരമാവധി വോട്ടര്‍പട്ടികയില്‍ ചേര്‍ക്കുകയാണ് ലീപ്-കേരളയുടെ ലക്ഷ്യം. ലീപ് -കേരളയുടെ ഭാഗമായി സമൂഹമാധ്യമങ്ങളിലൂടെ ലഘുവീഡിയോകള്‍, റീലുകള്‍, പോസ്റ്ററുകള്‍, ചോദ്യോത്തരപംക്തി എന്നിവ വോട്ടര്‍ബോധവത്കരണത്തിനായി പ്രചരിപ്പിക്കാനാണ് ഉദ്ദേശ്യം. വോട്ടിനായി പേരു ചേര്‍ത്തിടാം, നാടിനായി വോട്ടു ചെയ്തിടാം എന്നതാണ് ലീപ്-കേരളയുടെ മുദ്രാവാക്യം. ലീപ്-കേരള പ്രചാരണപരിപാടിക്കായി ആകര്‍ഷകമായ ലോഗോയും പ്രസിദ്ധീകരിച്ചിട്ടുണ്ട്.

കേരള ലോയേഴ്‌സ് കോണ്‍ഗ്രസ് ജില്ലാ തെരഞ്ഞെടുപ്പ് കണ്‍വന്‍ഷന്‍

കോട്ടയം: കേരള ലോയേഴ്‌സ് കോണ്‍ഗ്രസ് ജില്ലാ തെരഞ്ഞെടുപ്പ് കണ്‍വന്‍ഷന്‍ സ്റ്റീഫന്‍ ജോര്‍ജ് ഉദ്ഘാടനം ചെയ്തു. തെരഞ്ഞെടുപ്പ് വരണാധികാരി കേരള കോണ്‍ഗ്രസ്-എം ജില്ലാ പ്രസിഡന്‍റ് പ്രഫ. ലോപ്പസ് മാത്യു അധ്യക്ഷത വഹിച്ചു. അഡ്വ. ബോബി ജോണിനെ (കോട്ടയം) ജില്ലാ പ്രസിഡന്‍റായും അഡ്വ. ജോളി ജയിംസിനെ (കാഞ്ഞിരപ്പള്ളി ) വൈസ് പ്രസിഡന്‍റായും അഡ്വ. ജയ്‌മോന്‍ ജോസിനെ (പാലാ ) ജനറല്‍ സെക്രട്ടറിയായും അഡ്വ. ഇമ്മാനുവല്‍ സിറിയക് (പാലാ ), അഡ്വ. വി.എസ്. അഭിരാമി (ഏറ്റുമാനൂര്‍) എന്നിവരെ ജോയിന്‍റ് സെക്രട്ടറിമാരായും അഡ്വ. ജോര്‍ജ് വര്‍ഗീസ് (ചങ്ങനാശേരി ) ട്രഷററായും അഡ്വ. സണ്ണി ജോര്‍ജ് ചാത്തുകുളം, അഡ്വ. ഷെല്‍ജി തോമസ്, അഡ്വ. ജയപ്രകാശ്, അഡ്വ. സാജന്‍ കുന്നത്ത്, അഡ്വ. ആശ ആന്‍റണി, അഡ്വ. അജി ജോസഫ്, അഡ്വ. സുരേഷ് വി.ജി, അഡ്വ. രുക്‌സാന, അഡ്വ. സുബിന്‍ അറയ്ക്കല്‍ എന്നിവരെ ജില്ലാ കമ്മിറ്റിയില്‍ നിന്നുള്ള സംസ്ഥാന കമ്മിറ്റി അംഗങ്ങളായും തെരഞ്ഞെടുത്തു. കേരള ലോയേഴ്‌സ് കോണ്‍ഗ്രസ് സംസ്ഥാന ജനറല്‍ സെക്രട്ടറി അഡ്വ. ജസ്റ്റിന്‍ ജേക്കബ്, അഡ്വ. സണ്ണി ജോര്‍ജ് ചാത്തുകുളം, അഡ്വ. കുഞ്ചെറിയ കുഴിവേലി, അഡ്വ. പി.കെ. ലാല്‍, അഡ്വ. ജയിംസ് വലിയവീട്ടില്‍, അഡ്വ.സോണി പി. മാത്യു, അഡ്വ. ടോം ജോസ്, അഡ്വ. ജോര്‍ജുകുട്ടി കെ. എ, അഡ്വ. മാത്യു ജോസഫ്, അഡ്വ. തോമസ് കുര്യന്‍ എന്നിവര്‍ പ്രസംഗിച്ചു.

ഓണത്തിന് കോട്ടയംവഴി ചെന്നൈ സ്‌പെഷല്‍ ട്രെയിന്‍

കോട്ടയം: ഓണത്തിന് കോട്ടയംവഴി ചെന്നൈ സ്‌പെഷല്‍ ട്രെയിന്‍. സേലം, ഈറോഡ്, പാലക്കാട് വഴിയാണ് സര്‍വീസ്. ചെന്നൈ സെന്‍ട്രല്‍കൊല്ലം (06119) ട്രെയിന്‍ ഓഗസ്റ്റ് 27, സെപ്റ്റംബര്‍ മൂന്ന്, 10 തീയതികളില്‍ ചെന്നൈ സെന്‍ട്രലില്‍നിന്ന് ഉച്ചകഴിഞ്ഞ് 3.10നു പുറപ്പെട്ട് പിറ്റേന്ന് രാവിലെ 6.20നു കൊല്ലത്തെത്തും. കൊല്ലം-ചെന്നൈ സെന്‍ട്രല്‍ (06120) ട്രെയിന്‍ ഓഗസ്റ്റ് 28, സെപ്റ്റംബര്‍ നാല്, 11 തീയതികളില്‍ രാവിലെ 10.45നു പുറപ്പെട്ട് പിറ്റേന്ന് പുലര്‍ച്ചെ 3.30നു ചെന്നൈയിലെത്തും. ചെന്നൈ സെന്‍ട്രല്‍-കോട്ടയം ട്രെയിന്‍ (06111) ഓഗസ്റ്റ് 26, സെപ്റ്റംബര്‍ രണ്ട്, ഒമ്പത് തീയതികളില്‍ രാത്രി 11.20നു പുറപ്പെട്ട് പിറ്റേന്ന് ഉച്ചകഴിഞ്ഞ് 1.30നു കോട്ടയത്തെത്തും. കോട്ടയം-ചെന്നൈ സെന്‍ട്രല്‍ (06112) ഓഗസ്റ്റ് 27, സെപ്റ്റംബര്‍ മൂന്ന്, 10 തീയതികളില്‍ വൈകുന്നേരം ആറിന് പുറപ്പെട്ട് പിറ്റേന്ന് രാവിലെ 11.35നു ചെന്നൈയിലെത്തും. സെപ്റ്റംബര്‍ രണ്ട്, മൂന്ന്, നാല് തീയതികളില്‍ പതിവു ട്രെയിനുകളിലെ ടിക്കറ്റുകള്‍ ബുക്കിംഗ് തുടങ്ങി മണിക്കൂറുകള്‍ക്കകം തീര്‍ന്നു.

കാറ്റ്: എലിക്കുളം, ചിറക്കടവ്, എരുമേലി മേഖലകളിൽ വ്യാപക കൃഷിനാശം

പൊൻകുന്നം: കഴിഞ്ഞ ദിവസങ്ങളിലെ കാറ്റിൽ എലിക്കുളം, ചിറക്കടവ് മേഖലയിൽ വ്യാപക കൃഷിനാശം. വാഴക്കൃഷിയിലാണ് അധികവും നഷ്ടം. ഓണവിപണി ലക്ഷ്യമിട്ട് ഏത്തവാഴ കൃഷി ചെയ്ത തോട്ടങ്ങളിൽ കാറ്റ് നാശം വിതച്ചു. എലിക്കുളം പഞ്ചായത്തിലെ മല്ലികശേരി, കാരക്കുളം, ഏഴാംമൈൽ എന്നിവിടങ്ങളിലാണ് കൂടുതൽ നഷ്ടം. ഏത്തവാഴകൾ, റബർ മരങ്ങൾ, കുരുമുളക്, റമ്പൂട്ടാൻ എന്നിവ നശിച്ചു. ജോർജ് പവ്വത്ത്, സക്കറിയ ഇടശേരിപവ്വത്ത്, ഷിജോ മാത്യു പതിയിൽ, സതീഷ്‌കുമാർ കൂരാലി എന്നിവരുടെ കൃഷിയിടങ്ങളിൽ നാശനഷ്ടമുണ്ടായി. കൃഷിനാശമുണ്ടായ സ്ഥലങ്ങൾ എലിക്കുളം കൃഷി ഓഫീസർ കെ. പ്രവീൺ, അസിസ്റ്റന്‍റ് കൃഷി ഓഫീസർ എ.ജെ. അലക്‌സ് റോയി എന്നിവർ സന്ദർശിച്ച് നാശനഷ്ടങ്ങൾ വിലയിരുത്തി. ചിറക്കടവ്: ചിറക്കടവ് പഞ്ചായത്തിൽ തെക്കേത്തുകവല, കൈലാത്തുകവല മേഖലകളിൽ റബർമരങ്ങളും വാഴകളും നശിച്ചു. ചിറക്കടവ് കൃഷി ഓഫീസർ അജിത പ്രകാശ്, കൃഷി അസിസ്റ്റന്‍റ് ശ്രീജ മോഹൻ, കാർഷിക വികസനസമിതി അംഗങ്ങളായ കെ.കെ. ശ്രീധരൻപിള്ള, സുഭാഷ് ചിറക്കടവ് തുടങ്ങിയവർ കൃഷിയിടങ്ങൾ സന്ദർശിച്ച് നഷ്ടം വിലയിരുത്തി. എരുമേലി: എരുമേലി, പമ്പാവാലി, മുക്കൂട്ടുതറ ഉൾപ്പെടെ പഞ്ചായത്തിന്‍റെ വിവിധ പ്രദേശങ്ങളിൽ ആഞ്ഞുവീശിയ കാറ്റ് വ്യാപകമായാണ് നാശനഷ്‌ടങ്ങൾ സൃഷ്ടിച്ചത്. ഒട്ടേറെ വീടുകളിൽ മരങ്ങൾ വീണു. മൂക്കുട്ടുതറയിൽ ഇടകടത്തി മന്ദിരംപടി അരിവച്ചാംകുഴി ഭാഗത്ത്‌ അഞ്ഞിലിമൂട്ടിൽ സി.കെ. ഗോപിയുടെ വീടിന്‍റെ മേൽക്കൂര പൂർണമായും കാറ്റിൽ പറന്നുപോയി. വീട്ടിൽ ആരും ഇല്ലാഞ്ഞതിനാൽ വലിയ അപകടമാണ് ഒഴിവായത്. കനകപ്പലം സോഷ്യൽ ഫോറസ്ട്രി ഓഫീസിന് അടുത്ത് മൂന്ന് വീടുകൾക്ക് മുകളിൽ മരങ്ങൾ വീണ് നാശനഷ്‌ടമുണ്ടായി. എരുമേലി നെടുങ്കാവുവയലില്‍ എല്‍പി സ്‌കൂളിന് സമീപം താമസിക്കുന്ന കടവില്‍ മേരിയുടെ വീടിന്‍റെ സംരക്ഷണഭിത്തി തകര്‍ന്നുവീണു. എരുമേലി വൈദ്യുതി സെക്‌ഷന് വൻ നഷ്ടമാണ് കഴിഞ്ഞ ദിവസങ്ങളിലെ കാറ്റും മഴയും മൂലം നേരിട്ടത്. ഇന്നലെ അവധിയായിട്ടും പൊട്ടിയ വൈദ്യുതി ലൈനുകൾ മാറ്റുന്ന ജോലികൾ നടത്തിയിട്ടും പലയിടത്തും വൈദ്യുതി വിതരണം സുഗമമാക്കാനായിട്ടില്ല. ഒട്ടേറെ പരാതികളാണ് വൈദ്യുതി ഇല്ലെന്നറിയിച്ച് ഓഫീസിൽ നേരിട്ടും ഫോൺ വഴിയും ലഭിക്കുന്നതെന്ന് സെക്‌ഷൻ അസിസ്റ്റന്‍റ് എൻജിനിയർ പറഞ്ഞു. ആവശ്യമായ ജീവനക്കാർ ഇല്ലാത്തത് മൂലം ഗാർഹിക ഉപയോക്താക്കളുടെ വൈദ്യുതി വിതരണവുമായി ബന്ധപ്പെട്ട തകരാറുകൾ വൈകിയാണ് പരിഹരിക്കാൻ കഴിയുന്നത്. പ്രധാനമായും റോഡുകളിൽ പോസ്റ്റുകൾ ഒടിഞ്ഞത് നീക്കി പുതിയത് സ്ഥാപിക്കുന്ന പണികൾക്കാണ് മുൻഗണന നൽകുന്നത്. ഇതിന് ശേഷമാണ് വീടുകളിലും സ്ഥാപനങ്ങളിലുമുള്ള വൈദ്യുതി തടസങ്ങൾ പരിഹരിക്കാൻ കഴിയുന്നത്.

കർഷകസംഗമം നടത്തി

പൊൻകുന്നം: സിപിഐ ജില്ലാ സമ്മേളനത്തിന് മുന്നാടിയായി പൊൻകുന്നം വ്യാപാരഭവനിൽ നടത്തിയ കർഷകസംഗമം മുൻ മന്ത്രി മുല്ലക്കര രത്‌നാകരൻ ഉദ്ഘാടനം ചെയ്തു. കർഷകരാണ് രാജ്യത്തെ വിപ്ലവ ശക്തിയെന്നും അവരോടും കാർഷികവൃത്തിയോടുമുള്ള ആദരവാണ് ദേശാഭിമാന രാഷ്‌ട്രീയമെന്നും മുല്ലക്കര രത്‌നാകരൻ പറഞ്ഞു. കർഷകരില്ലാത്ത കൃഷിയാണ് ഇപ്പോൾ നടക്കുന്നതെന്നും കോർപറേറ്റുകളാണ് ഇപ്പോൾ കർഷകരെയും കൃഷിരീതികളെയും നിയന്ത്രിക്കുന്നതെന്നും അദ്ദേഹം കൂട്ടിച്ചേർത്തു. സംഘാടക സമിതി പ്രസിഡന്‍റ് രാജൻ ചെറുകാപ്പള്ളി അധ്യക്ഷത വഹിച്ചു. കിസാൻസഭ സംസ്ഥാന പ്രസിഡന്‍റ് സി.വി. വസന്തകുമാർ മുഖ്യപ്രഭാഷണം നടത്തി. സിപിഐ ജില്ലാ സെക്രട്ടറി വി.ബി. ബിനു, കിസാൻസഭ ദേശീയ കൗൺസിൽ അംഗം ഇ.എൻ. ദാസപ്പൻ, പ്ലാന്‍റേഷൻ കോർപറേഷൻ ചെയർമാൻ ഒ.പി.എ. സലാം, നേതാക്കളായ വി.ടി. തോമസ്, മോഹൻ ചേന്നംകുളം, ഹേമലത പ്രേംസാഗർ, ബാബു കെ. ജോർജ്, എം.എ. ഷാജി, എൻ.ജെ. കുര്യാക്കോസ് തുടങ്ങിയവർ പ്രസംഗിച്ചു.

മുണ്ടക്കയം ടൗണിന് സമീപം വാനരപ്പട; ദുരിതത്തിലായി നാട്ടുകാർ

മുണ്ടക്കയം: മുണ്ടക്കയം ടൗണിന് സമീപം കൂട്ടമായി എത്തിയിരിക്കുന്ന വാനരപ്പട പ്രദേശവാസികൾക്ക് ശല്യമായി മാറുന്നു. മുണ്ടക്കയം ചെളികുഴിയിൽ പായിക്കാട്ട് റിനോഷിന്‍റെ പുരയിടത്തിലാണ് ഏഴിലധികം വരുന്ന കുരങ്ങന്മാർ തമ്പടിച്ചിരിക്കുന്നത്. ഏതാനും ദിവസങ്ങൾക്കു മുമ്പാണ് ഈ ഭാഗത്ത് കുരങ്ങന്മാരുടെ സാന്നിധ്യം ആദ്യം പ്രദേശവാസികൾ തിരിച്ചറിയുന്നത്. പിന്നീട് ഓരോ ദിവസം ചെല്ലുന്തോറും വാനരന്മാരുടെ എണ്ണം വർധിച്ചുവരികയായിരുന്നു. ജനനിബിഡമായ ഈ മേഖലയിൽ കുരങ്ങന്മാരെത്തിയത് പ്രദേശവാസികൾക്ക് കടുത്ത ദുരിതമാണ് സമ്മാനിക്കുന്നത്. മേഖലയിലെ ആളുകളുടെ തേങ്ങ, ഇളനീർ, സപ്പോട്ട, പേരയ്ക്ക, ചാമ്പയ്ക്ക, മാങ്ങ, ജാതിക്ക അടക്കമുള്ള ഫലങ്ങൾ വ്യാപകമായാണ് കുരങ്ങന്മാർ നശിപ്പിക്കുന്നത്. പൊള്ളുന്ന വിലയുള്ള തേങ്ങ കുരങ്ങന്മാർ കാർന്നുതിന്നുന്നത് നാട്ടുകാർക്കു നോക്കിനിൽക്കുവാൻ മാത്രമേ കഴിയുന്നുള്ളൂ. ഇതുകൂടാതെ കർഷകരുടെ വീട്ടുവളപ്പിൽ നട്ടുവളർത്തുന്ന പയർ, വെണ്ട അടക്കമുള്ള പച്ചക്കറികളും വാനരപ്പട നശിപ്പിക്കുകയാണ്. വീടിനോടുചേർന്ന് ഉണങ്ങാനിടുന്ന തുണികളും വീട്ടിലെ പാത്രങ്ങളുമടക്കം കുരങ്ങന്മാർ കവർന്നെടുത്ത് മറ്റു സ്ഥലങ്ങളിൽ കൊണ്ടിടുന്നതും പതിവായി മാറിയിരിക്കുകയാണ്. കുരങ്ങന്മാരുടെ ആക്രമണം ഭയന്ന് കൊച്ചുകുട്ടികളെ വീടിനു പുറത്തിറക്കാൻ പോലും കഴിയാത്ത അവസ്ഥയിലാണ് പ്രദേശവാസികൾ. കുരങ്ങന്മാരെത്തിയതിൽ ദുരൂഹത വനമേഖലയിൽനിന്ന് ഏറെ വിദൂരത്തുള്ള മുണ്ടക്കയം ടൗണിനോട് ചേർന്ന് വ്യാപകമായി കുരങ്ങന്മാരെത്തിയതിൽ നാട്ടുകാർ ദുരൂഹത ആരോപിക്കുന്നുണ്ട്. രണ്ടു വർഷംമുമ്പ് വനംവകുപ്പ് ഉദ്യോഗസ്ഥർ ശബരിമല വനത്തിൽനിന്നു കാട്ടുപന്നികളെ പിടികൂടി ചെന്നാപ്പാറ മേഖലയിൽ വാഹനത്തിൽ ഇറക്കിവിട്ടത് വലിയ വിവാദമായിരുന്നു. കഴിഞ്ഞ വർഷം തെക്കേമല, പാലൂർക്കാവ് ഭാഗങ്ങളിൽ വാഹനത്തിൽ കുരങ്ങന്മാരെ ഇറക്കിവിടുന്നത് കണ്ടതായി പ്രദേശവാസികൾ ആരോപണം ഉന്നയിച്ചിരുന്നു. ഈ സംഭവങ്ങളുടെയൊക്കെ പശ്ചാത്തലത്തിൽ വനത്തിൽനിന്ന് ഏറെ ദൂരമുള്ള മുണ്ടക്കയം ടൗണിൽ കുരങ്ങന്മാർ കൂട്ടമായി എത്തിയതിൽ ചില സംശയങ്ങളും നാട്ടുകാർ പ്രകടിപ്പിക്കുന്നുണ്ട്. രൂക്ഷമാകുന്ന വന്യമൃഗശല്യം മുണ്ടക്കയം പഞ്ചായത്തിന്‍റെ വിവിധ മേഖലയിൽ വന്യമൃഗശല്യം അതിരൂക്ഷമായി മാറുകയാണ്. കർഷകരുടെ കൃഷികൾ വ്യാപകമായിയാണ് കാട്ടുപന്നിക്കൂട്ടം തകർക്കുന്നത്. 31-ാം മൈൽ, പൈങ്ങന, വരിക്കാനി, നൂറേക്കർ, പുഞ്ചവയൽ തുടങ്ങിയ മേഖലയിലെല്ലാം കാട്ടുപന്നിശല്യം രൂക്ഷമാണ്. നാളുകൾക്ക് മുമ്പ് വെട്ടുകല്ലാംകുഴിയിലും പശ്ചിമയ്ക്കു സമീപവും പുലി ഇറങ്ങിയതായി പ്രചാരണമുണ്ടായിരുന്നു. കഴിഞ്ഞ വർഷം മുണ്ടക്കയം-കോരുത്തോട് റോഡിൽ വണ്ടൻപതാൽ ഫോറസ്റ്റ് സ്റ്റേഷന് സമീപം കാട്ടുപോത്ത് വാഹനമിടിച്ചു ചത്തിരുന്നു. വർധിച്ചുവരുന്ന വന്യമൃഗശല്യത്തിന് പരിഹാരം കാണുന്നതിനോടൊപ്പം മേഖലയിലിറങ്ങി നാട്ടുകാർക്കു ദുരിതമായി മാറിയിരിക്കുന്ന വാനരപ്പടയെ പിടികൂടി ഉൾവനത്തിൽ വിടുവാൻ വനംവകുപ്പ് അധികാരികൾ തയാറാകണമെന്ന് നാട്ടുകാർ ആവശ്യപ്പെട്ടു.

കാൻസർ ബോധവത്കരണ സെമിനാറും രോഗനിർണയ ക്യാമ്പും

കാഞ്ഞിരപ്പള്ളി: കൂവപ്പള്ളി വികസനസമിതിയുടെ ആഭിമുഖ്യത്തിൽ കോട്ടയം മെഡിക്കൽ കോളജ് ഓങ്കോളജി വിഭാഗത്തിന്‍റെ നേതൃത്വത്തിൽ കൂവപ്പള്ളി സെന്‍റ് ജോസഫ്സ് പള്ളി പാരിഷ് ഹാളിൽ കാൻസർ ബോധവത്കരണവും രോഗപരിശോധനയും നടത്തി. സെബാസ്റ്റ്യൻ കുളത്തുങ്കൽ എംഎൽഎ ക്യാമ്പ്‌ ഉദ്ഘാടനം ചെയ്തു. സെന്‍റ് ജോസഫ്സ് പള്ളി വികാരി ഫാ. മാത്യു പുതുമന അധ്യക്ഷത വഹിച്ചു. മെഡിക്കൽ കോളജ് ഓങ്കോളജി വിഭാഗം മേധാവി ഡോ. കെ. സുരേഷ് കുമാർ സെമിനാർ നയിച്ചു. പാറത്തോട് പഞ്ചായത്ത്‌ പ്രസിഡന്‍റ് കെ.കെ. ശശികുമാർ, ബ്ലോക്ക് പഞ്ചായത്തംഗം ടി.ജെ. മോഹനൻ, പഞ്ചായത്തംഗം ബിജോജി പൊക്കാളശേരിൽ, മണിലാൽ നമ്പൂതിരി, ഫാ. ബിനോയി പടച്ചിറ, വികസനസമിതി പ്രസിഡന്‍റ് ബാബു ടി. ജോൺ, സെക്രട്ടറി ജോസ് കൊച്ചുപുര തുടങ്ങിയവർ പ്രസംഗിച്ചു. കോട്ടയം മെഡിക്കൽ കോളജ് ടീമിനോടൊപ്പം കാഞ്ഞിരപ്പള്ളി ജനറൽ ആശുപത്രി, മേരിക്വീൻസ് ആശുപത്രി, കൂവപ്പള്ളി ഹോളിക്രോസ് ആശുപത്രി, ഇടക്കുന്നം പൊതുജനാരോഗ്യ കേന്ദ്രം എന്നിവിടങ്ങളിൽനിന്നുള്ള വിദഗ്ധരും ക്യാമ്പിൽ പങ്കെടുത്തു. നൂറിൽപരം ആളുകൾ രോഗപരിശോധനയ്ക്ക് വിധേയരായി.

എംഎൽഎയെ രാഷ്‌ട്രീയമായി ആക്രമിക്കാൻ അനുവദിക്കില്ല: കേരള കോൺഗ്രസ്-എം

കാഞ്ഞിരപ്പള്ളി: കാഞ്ഞിരപ്പള്ളിയിൽ ബൈപാസ് നിർമാണത്തിനായി കൊണ്ടുവന്ന ഇരുമ്പുകമ്പികൾ രാത്രിയിൽ തിരികെ കടത്താൻ നടത്തിയ നീക്കത്തിൽ പ്രതിഷേധം. കേരള കോൺഗ്രസ്-എം നേതാക്കളാണ് വാഹനം തടഞ്ഞ് പ്രതിഷേധിച്ചത്. കാഞ്ഞിരപ്പള്ളി ബൈപാസിന്‍റെ കരാർ ചുമതലയിൽനിന്ന് ഒഴിവാക്കാൻ തീരുമാനിച്ചതോടെ ഗുജറാത്ത് കേന്ദ്രമായുള്ള ബാക് ബോൺ കൺസ്ട്രക്‌ഷൻസ് കമ്പനി നിർമാണത്തിനായി എത്തിച്ച ഇരുമ്പുകമ്പികൾ കഴിഞ്ഞ ദിവസം തിരികെ കൊണ്ടുപോകുവാൻ ശ്രമിച്ചിരുന്നു. രാത്രിയിലാണ് വാഹനവുമായെത്തി നിർമാണ സ്ഥലത്ത് കൂട്ടിയിട്ടിരുന്ന കമ്പികൾ തിരികെ കൊണ്ടുപോകാൻ ശ്രമിച്ചത്. വിവരമറിഞ്ഞതിനെത്തുടർന്ന് എത്തിയ കേരള കോൺഗ്രസ്-എം നേതാക്കൾ വാഹനം തടയുകയും പോലീസിനെ വിവരമറിയിക്കുകയുമായിരുന്നു. തുടർന്ന് ഇന്നലെ മണ്ഡലം പ്രസിഡന്‍റിന്‍റെ നേതൃത്വത്തിലെത്തിയ പ്രാദേശിക നേതാക്കളും പ്രവർത്തകരും വാഹനത്തിൽ കൊടി നാട്ടുകയും പ്രതിഷേധിക്കുകയുമായിരുന്നു. കേരള കോൺഗ്രസ്-എം മണ്ഡലം പ്രസിഡന്‍റ് ഷാജൻ മണ്ണംപ്ലാക്കൽ പ്രതിഷേധ സമരം ഉദ്ഘാടനം ചെയ്തു. ബൈപാസിന്‍റെ നിർമാണ സാമഗ്രികൾ പാതിരാത്രി കടത്തിക്കൊണ്ടു പോകുവാൻ ശ്രമിച്ചതിൽ ദുരൂഹതയുണ്ടെന്നും മോഷണം നടന്നെന്ന പേരിൽ കേസ് കൊടുത്ത് ബൈപാസ് നടപടികൾ വൈകിക്കാനുള്ള ഗുജറാത്ത് കമ്പനിയുടെ ശ്രമമാണ് ഇതിലൂടെ വെളിവായതെന്നും അദ്ദേഹം പറഞ്ഞു. ഡോ. എൻ. ജയരാജ് എംഎൽഎക്കെതിരേ വരുന്ന എല്ലാ അക്രമങ്ങളെയും പ്രതിഷേധങ്ങളെയും നേരിടുമെന്നും കേരള കോൺഗ്രസ്-എം നേതാക്കൾ അറിയിച്ചു. ആർബിഡിസി റൈറ്റ്സ് കിഫ്ബി ഉദ്യോഗസ്ഥർ കഴിഞ്ഞ‍യാഴ്ച സംയുക്തമായി നടത്തിയ പരിശോധനയിൽ 32 ശതമാനം വർക്കാണ് പൂർത്തിയായിട്ടുള്ളത്. രണ്ടു മാസത്തിനുള്ളിൽ ബൈപാസ് തുടർ നിർമാണം ആരംഭിക്കുമെന്ന് അറിയിച്ചിട്ടുള്ളതാണ്. ഇപ്പോൾ നടക്കുന്ന സമരങ്ങൾ തെരഞ്ഞെടുപ്പ് ലക്ഷ്യമാക്കിയുള്ളതാണെന്ന് ജനങ്ങൾ മനസിലാക്കുമെന്ന് സമരസമിതി നേതാക്കൾ പറഞ്ഞു. യോഗത്തിൽ കേരള കോൺഗ്രസ്-എം നിയോജകമണ്ഡലം സെക്രട്ടറി അജു പനയ്ക്കൽ അധ്യക്ഷത വഹിച്ചു. ജോളി മടുക്കക്കുഴി, ഷാജി പാമ്പൂരി, സുമേഷ് ആൻഡ്രൂസ്, ആന്‍റണി മാർട്ടിൻ, മനോജ് ചീരാൻകുഴി, ഷിജു വാഴൂർ, ജോഷി അഞ്ചനാടൻ, രാഹുൽ ബി. പിള്ള, ദിലീപ് കൊണ്ടുപറന്പിൽ, നാസർ സലാം, പി.എം. അഖിൽ, എബി പനയ്ക്കൽ, മാത്യു നടുതൊട്ടി എന്നിവർ പ്രസംഗിച്ചു.

മാർ ആഗസ്തീനോസ് കോളജിൽ ഇലക്‌ട്രോണിക്‌സ് അസോസിയേഷന്‍ പ്രവർത്തനോദ്ഘാടനം

രാമപുരം: മാര്‍ ആഗസ്തീനോസ് കോളജ് ഇലക്‌ട്രോണിക്‌സ് അസോസിയേഷന്‍ പ്രവര്‍ത്തനം ആരംഭിച്ചു. ദുബായ് ഹബീബ് ഇന്‍റര്‍നാഷണല്‍ ബാങ്ക് ഐടി ഓഫീസറും പൂര്‍വവിദ്യാര്‍ഥിയുമായ ഹാമില്‍ ജോണ്‍ ഉദ്ഘാടനം നിര്‍വഹിച്ചു. ഫൈനല്‍ ഇയര്‍ വിദ്യാര്‍ഥികളുടെ പ്രോജക്‌ട് ഡെമോണ്‍സ്ട്രേഷനും പൂര്‍വ വിദ്യാര്‍ഥികളുമായുള്ള ഇന്‍ററാക്‌ടീവ് സെഷന്‍ മൈസ്റ്റോറിയും ഇതോടനുബന്ധിച്ചു നടത്തി. പ്രിന്‍സിപ്പല്‍ ഡോ. റെജി വര്‍ഗീസ് മേക്കാടന്‍, വൈസ് പ്രിന്‍സിപ്പല്‍ സിജി ജേക്കബ്, ഡിപ്പാര്‍ട്ടമെന്‍റ് മേധാവി വി. അഭിലാഷ്, സ്റ്റാഫ് കോ-ഓര്‍ഡിനേറ്റര്‍ ലിജിന്‍ ജോയി, അസോസിയേഷന്‍ പ്രസിഡന്‍റ് ഷോണ്‍ സോജി, സെക്രട്ടറി കെ.എസ്. ശ്രീലക്ഷ്മി എന്നിവര്‍ പ്രസംഗിച്ചു.

ചൂണ്ടച്ചേരിയില്‍ മിനി മാസ്റ്റ് ലൈറ്റ് സ്ഥാപിച്ചു

ഭരണങ്ങാനം: ചൂണ്ടച്ചേരി സെന്‍റ് ജോസഫ് എന്‍ജിനിയറിംഗ് കോളജിന് മുന്‍വശം ജില്ലാ പഞ്ചായത്തംഗം രാജേഷ് വാളിപ്ലാക്കല്‍ അനുവദിച്ച ഫണ്ട് ഉപയോഗിച്ച് മിനി മാസ്റ്റ് ലൈറ്റ് സ്ഥാപിച്ചു. എന്‍ജിനിയറിംഗ് കോളജ് മാനേജര്‍ റവ.ഡോ. ജയിംസ് മംഗലത്ത് സ്വിച്ച്ഓണ്‍ കര്‍മം നിര്‍വഹിച്ചു. രാജേഷ് വാളിപ്ലാക്കല്‍ അധ്യക്ഷത വഹിച്ചു. പഞ്ചായത്ത് പ്രസിഡന്‍റ് ബീന ടോമി, ഫാ. ജോണ്‍ മറ്റമുണ്ടയില്‍, പ്രിന്‍സിപ്പല്‍ വി.പി. ദേവസ്യ, ബ്ലോക്ക് മെംബര്‍ ആനന്ദ് ചെറുവള്ളില്‍, പഞ്ചായത്ത് മെംബര്‍മാരായ ജോസുകുട്ടി അമ്പലമറ്റം, സുധ ഷാജി, ലിന്‍സി സണ്ണി, സി.എം. സിറിയക്, ബേബിച്ചന്‍ വാഴചാരിക്കല്‍, സഖറിയാസ് ഐപ്പന്‍പറമ്പിക്കുന്നേല്‍, ടോമി തെങ്ങുംപള്ളില്‍ തുടങ്ങിയവര്‍ പ്രസംഗിച്ചു.

അല്‍ഫോന്‍സാമ്മ ആശ്വാസകേന്ദ്രം: ആർച്ച്ബിഷപ് മാര്‍ തോമസ് തറയില്‍

ഭരണങ്ങാനം: അല്‍ഫോന്‍സാമ്മയുടെ കബറിടം ആശ്വാസകേന്ദ്രമാണെന്നും ജീവിതത്തില്‍ ഏറെ സഹനങ്ങളിലൂടെ കടന്നുപോയ വിശുദ്ധ തന്‍റെ അടുത്തുവരുന്നവരുടെ സഹനങ്ങള്‍ എടുത്തുമാറ്റുന്ന ഒരു ദിവ്യമായ സാന്നിധ്യമാണെന്നും ചങ്ങനാശേരി ആർച്ച്ബിഷപ് മാര്‍ തോമസ് തറയില്‍. ഭരണങ്ങാനത്ത് ഇന്നലെ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കുകയായിരുന്നു ബിഷപ്. ഫാ. റോബിന്‍ പുതുപറമ്പില്‍, ഫാ. ജോസഫ് കുഴിവേലിത്തടത്തില്‍, ഫാ. ലൂക്കോസ് കൊട്ടുകാപ്പള്ളില്‍ എന്നിവര്‍ സഹകാര്‍മികരായിരുന്നു. ഫാ. ആന്‍റണി തോണക്കര, ഫാ. ജോസഫ് കുറ്റിയാങ്കല്‍, ഫാ. ഡൊമിനിക് വെച്ചൂര്‍, ഫാ. വര്‍ഗീസ് പരിന്തിരിക്കല്‍, ഫാ. കെവിന്‍ മുണ്ടയ്ക്കല്‍ എന്നിവര്‍ വിശുദ്ധ കുര്‍ബാന അര്‍പ്പിച്ചു. ഫാ. ജോണ്‍സണ്‍ പാക്കരമ്പേല്‍ റംശാ പ്രാര്‍ഥനയ്ക്കും ഫാ. ജോസഫ് താന്നിക്കപ്പാറ ജപമാല പ്രദക്ഷിണത്തിനും കാര്‍മികത്വം വഹിച്ചു. ചെങ്ങളം സെന്‍റ് ആന്‍റണീസ് തീര്‍ഥാടന ദേവാലയത്തില്‍നിന്ന് അല്‍ഫോന്‍സ കബറിടത്തിങ്കലേക്ക് തുടര്‍ച്ചയായ 26-ാം വര്‍ഷവും തീര്‍ഥാടനം നടത്തി. വികാരി ഫാ. വര്‍ഗീസ് പരിന്തിരിക്കല്‍, സഹവികാരി ഫാ. നോബി വെള്ളാപ്പള്ളി എന്നിവര്‍ നേതൃത്വം നല്‍കി. അൽഫോൻസാമ്മയുടെ കബറിടം സ്വർഗം തുറക്കപ്പെട്ട സ്ഥലം: മാർ ജോസഫ് സ്രാന്പിക്കൽ ഭരണങ്ങാനം: താന്‍ കേട്ട എല്ലാ ദൈവവചനങ്ങളും ജീവിതത്തില്‍ ജീവിച്ച് യാഥാര്‍ഥ്യമാക്കിയിട്ടുള്ള ഒരു കണ്ണാടിയായി അല്‍ഫോന്‍സാമ്മ നമ്മുടെ മുമ്പില്‍ നില്‍ക്കുന്നുവെന്നും സ്വര്‍ഗം തുറക്കപ്പെട്ടിരിക്കുന്ന സ്ഥലമാണ് അല്‍ഫോന്‍സാമ്മയുടെ കബറിടമെന്നും ഗ്രേറ്റ് ബ്രിട്ടന്‍ ബിഷപ് മാര്‍ ജോസഫ് സ്രാമ്പിക്കല്‍. ഭരണങ്ങാനത്ത് ഇന്നലെ രാവിലെ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കുകയായിരുന്നു ബിഷപ്. അല്‍ഫോന്‍സാമ്മയുടെ ജീവിതം നമ്മുടെ വിശ്വാസജീവിതത്തിന്‍റെ പ്രതിസന്ധിയില്‍ വലിയ കരുത്ത് നല്‍കുന്നവെന്നും ബിഷപ് പറഞ്ഞു.

ഉഴവൂർ ബ്ലോക്ക് പഞ്ചായത്തിൽ കോഴായും കുറുപ്പന്തറയും പുതിയ ഡിവിഷനുകൾ

കുറവിലങ്ങാട്: ഉഴവൂർ ബ്ലോക്ക് പഞ്ചായത്ത് ഡിവിഷനുകൾ പുനഃക്രമീകരിച്ചതോടെ രണ്ടു പുതിയ ഡിവിഷനുകൾ പിറന്നു. കോഴാ, കുറുപ്പന്തറ ഡിവിഷനുകളാണ് ബ്ലോക്ക് പരിധിയിലെ പുതിയ ഡിവിഷനുകൾ. പുനഃക്രമീകരണത്തിലൂടെ 14 ഡിവിഷനുകളാണ് ബ്ലോക്ക് പരിധിയിലുള്ളത്. ബ്ലോക്ക് പഞ്ചായത്ത് ആസ്ഥാനം കോഴായിലാണെങ്കിലും ഇതാദ്യമായാണ് ബ്ലോക്ക് ആസ്ഥാനത്തിന്‍റെ പേരിൽ ഒരു ഡിവിഷൻ രൂപീകരിക്കുന്നത്. പുതിയ കോഴാ ഡിവിഷൻ മരങ്ങാട്ടുപിള്ളി, കുറവിലങ്ങാട്, ഉഴവൂർ പഞ്ചായത്തുകൾ ചേർത്താണ് രൂപീകരിച്ചിട്ടുള്ളത്. സയൻസ് സിറ്റി, കോഴാ ജില്ലാ കൃഷിത്തോട്ടം, സംസ്ഥാന സീഡ്ഫാം, മിനി സിവിൽ സ്റ്റേഷൻ എന്നിവയും ബ്ലോക്ക് പഞ്ചായത്ത് കാര്യാലയത്തിനൊപ്പം കോഴാ ഡിവിഷൻ പരിധിയിലാണ്. പുതിയ കുറുപ്പന്തറ ഡിവിഷനിൽ മാഞ്ഞൂർ പഞ്ചായത്തിലെ ആദ്യത്തെ ആറ് വാർഡുകളാണ് ഉൾക്കൊള്ളുന്നത്. മാഞ്ഞൂർ പഞ്ചായത്ത് പ്രദേശത്ത് നിലവിലുണ്ടായിരുന്ന കുറമുള്ളൂർ ഡിവിഷൻ പുനഃക്രമീകരണത്തിലുടെ ഇല്ലാതായി. ബ്ലോക്ക് പഞ്ചായത്ത് വെളിയന്നൂർ ഡിവിഷൻ വെളിയന്നൂർ പഞ്ചായത്ത് ഒന്നാകെയാണെന്നതും ശ്രദ്ധേയമാണ്. പുനഃക്രമീകരണത്തിൽ വെളിയന്നൂരിലെ ഒരു വാർഡും മറ്റ് ഡിവിഷനുകളിലേക്ക് പോയിട്ടില്ല. ഉഴവൂർ ബ്ലോക്ക് പരിധിയിലെ പുതിയ ഡിവിഷനുകളും ഡിവിഷനിലെ വാർഡുകളും വെളിയന്നൂർ - വെളിയന്നൂർ പഞ്ചായത്തിലെ 14 വാർഡുകൾ പഴമല - രാമപുരം പഞ്ചായത്തിലെ 1, 2, 3, 4, 17, 18, 19 വാർഡുകൾ രാമപുരം - രാമപുരം പഞ്ചായത്തിലെ 5, 6, 7, 8, 9, 14, 15 വാർഡുകൾ ഉഴവൂർ - രാമപുരം പഞ്ചായത്തിലെ 10, 11, 12, 13, 16, ഉഴവൂർ പഞ്ചായത്തിലെ 6, 7, 8 വാർഡുകൾ മരങ്ങാട്ടുപിള്ളി - മരങ്ങാട്ടുപിള്ളി പഞ്ചായത്തിലെ 3, 4, 5, 6, 7, 8, 9,10, 11 വാർഡുകൾ കടപ്ലാമറ്റം - കടപ്ലാമറ്റം പഞ്ചായത്തില ആദ്യ 12 വാർഡുകൾ വെമ്പള്ളി - കാണക്കാരി പഞ്ചായത്തിലെ 2, 3, 4, 5, 6, കുറവിലങ്ങാട് 8, 9, കടപ്ലാമറ്റം 13, 14 വാർഡുകൾ കാണക്കാരി - കാണക്കാരി പഞ്ചായത്തിലെ 1, 7, 8, 9, 10, 11, 17, കുറവിലങ്ങാട് പഞ്ചായത്ത് 10 വാർഡുകൾ കോതനെല്ലൂർ - കാണക്കാരി പഞ്ചായത്തിലെ 12, 13, 14, 15, 16, മാഞ്ഞൂർ പഞ്ചായത്തിലെ 7, 8, 9, 10 വാർഡുകൾ മാഞ്ഞൂർ - മാഞ്ഞൂർ പഞ്ചായത്തിലെ 11, 12, 13,1 4, 15, 16, 17, 18 വാർഡുകൾ കുറുപ്പന്തറ - മാഞ്ഞൂർ പഞ്ചായത്തിലെ 1, 2, 3, 4, 5, 6, 19 വാർഡുകൾ കുറവിലങ്ങാട് - കുറവിലങ്ങാട് പഞ്ചായത്തിലെ 1, 2, 6, 7, 11, 12, 13, 14, 15 വാർഡുകൾ കോഴാ - കുറവിലങ്ങാട് പഞ്ചായത്തിലെ 3, 4, 5, മരങ്ങാട്ടുപിള്ളി പഞ്ചായത്തിലെ 1, 2, 12, 13, 14, 15, ഉഴവൂർ പഞ്ചായത്തിലെ 13 വാർഡുകൾ മോനിപ്പള്ളി - ഉഴവൂർ പഞ്ചായത്തിലെ 1 ,2, 3, 4, 5, 9, 10,11,12,14 വാർഡുകൾ

അണ്ടര്‍-20 ഏഷ്യന്‍ ഗുസ്തിയില്‍ സ്വര്‍ണം കൊയ്‌തെടുത്ത് മേവടയില്‍ നിന്നൊരാചാര്യന്‍

പാലാ: കിര്‍ഗിസ്ഥാനിലെ ബിഷ്‌കേക്കില്‍ നടന്ന ഏഷ്യന്‍ ചാമ്പ്യന്‍ഷിപ്പില്‍ റെസ‌ലിംഗില്‍ ഏഴ് സ്വര്‍ണവും ഒരു വെങ്കലവുമായി ഇന്ത്യ കിരീടം നേടിയത് പാലാ മേവട സ്വദേശി ബിജു കുഴുമുള്ളിലിന്‍റെ നേതൃത്വത്തില്‍. ഇതു നാലാം തവണയാണ് ബിജു ഇന്ത്യയ്ക്കായി പരിശീലകവേഷം അണിയുന്നത്. 2016ല്‍ ചൈനയില്‍ നടന്ന മത്സത്തിലും 2018ൽ ഡല്‍ഹിയില്‍ നടന്ന മത്സരത്തിലും 2024ല്‍ തായ്‌ലന്‍ഡില്‍ നടന്ന മത്സരത്തിലും വിവിധ ഇന്ത്യന്‍ ടീമുകളുടെ പരിശീലകനായി ബിജു കുഴിമുള്ളില്‍ ഇന്ത്യന്‍ ജേഴ്‌സി അണിഞ്ഞിട്ടുണ്ട്. 2024ൽ തായ്‌ലന്‍ഡില്‍ നടന്ന അണ്ടര്‍-17 ഏഷ്യന്‍ ചാമ്പ്യന്‍ഷിപ്പിലും ബിജുവിന്‍റെ നേതൃത്വത്തില്‍ ഇറങ്ങിയ ഇന്ത്യന്‍ ടീം ജേതാക്കളായിരുന്നു. പാലാ സെന്‍റ് തോമസ് കോളജിലെ പഠനകാലത്ത് ഗുസ്തിയില്‍ സംസ്ഥാന-സൗത്ത് ഇന്ത്യ ചാമ്പ്യനും കേരള കേസരിയുമായിരുന്ന ബിജു പിന്നീട് എന്‍ഐഎസ് കോച്ചിംഗ് ഡിപ്ലോമ നേടി ഗുസ്തി പരിശീലന രംഗത്തേക്ക് കടക്കുകയായിരുന്നു. മാന്നാനം കെഇ കോളജിനെ എംജി യൂണിവേഴ്‌സിറ്റി ഗുസ്തി ചാമ്പ്യന്മാരാക്കി 1987ല്‍ തുടങ്ങിയതാണ് പരിശീലന ജീവിതം. തന്‍റെ മാതൃ കലാലയമായ പാലാ സെന്‍റ് തോമസ് കോളജ് ഉള്‍പ്പെടെ നിരവധി സ്ഥാപനങ്ങളെ വിജയപീഠത്തില്‍ എത്തിച്ചിട്ടുണ്ട്. ദേശീയ തലങ്ങളില്‍ മികച്ച പ്രകടനം കാഴ്ചവച്ച നൂറുകണക്കിന് ശിഷ്യന്മാര്‍ ബിജുവിന്‍റെ കീഴില്‍ പരിശീലനം നേടിയിട്ടുണ്ട്. സ്‌പോര്‍ട്‌സ് കൗണ്‍സില്‍ കോച്ചായി ഔദ്യോഗിക ജീവിതമാരംഭിച്ച ഇദ്ദേഹത്തിന്‍റെ ശിഷ്യന്മാര്‍ ചേര്‍ന്ന് രൂപീകരിച്ച ബിജൂസ് അക്കാദമി എന്ന ഗുസ്തി പരിശീലന സ്ഥാപനത്തിന്‍റെ മുഖ്യ പരിശീലകനായി ഇപ്പോള്‍ സേവനമനുഷ്ഠിച്ചുവരുന്നു. കേരളത്തില്‍ മതിയായ പരിശീലന സൗകര്യങ്ങള്‍ ലഭ്യമാക്കിയാല്‍ ഒരുപിടി ഒളിമ്പ്യന്മാരെ മലയാളത്തിന് സമ്മാനിക്കാനാവുമെന്ന ശുഭപ്രതീക്ഷയിലാണ് ഇദ്ദേഹം. ഭാര്യ ദീപ അധ്യാപികയാണ്. മക്കള്‍: ഗൗതം, ഗോവിന്ദ്.

റോഡു കണ്ടാൽ തോട് തോറ്റുപോകും ഗതികേടിലാണ് ബാലഭവൻ റോഡ്

കുറവിലങ്ങാട്: കുടിവെള്ളത്തിനായി മാന്തിയ റോഡ് തോടായി മാറിയിട്ടും തിരിഞ്ഞ് നോക്കാൻ ആരുമില്ല. പഞ്ചായത്തിലെ ബാലഭവൻ റോഡാണ് കാനനപാതയെ വെല്ലുന്ന രീതിയിൽ നാശത്തിലെത്തിയിട്ടുള്ളത്. ഒരുവർഷത്തിലേറെയായി ഓടകണക്കെയുള്ള വഴിയിലൂടെ യാത്രനടത്തുകയാണ് അൻപതോളം കുടുംബങ്ങൾ. ജൽജീവൻ പദ്ധതിക്കായി പൈപ്പിടുന്നതിനെടുത്ത കുഴിയാണ് മൂടിയിട്ടും മൂടാതെ കിടക്കുന്നത്. റോഡ് നെടുകെ കീറിമുറിഞ്ഞ രീതിയിൽ കിടക്കുന്നതിനാൽ ഓട്ടോറിക്ഷകളടക്കം ഓട്ടം പോകാൻ വിസമ്മതിക്കുന്ന സ്ഥിതിയാണുള്ളത്. ജലവിതരണത്തിന് സ്ഥാപിച്ച പൈപ്പിൽ ജലമെത്തിയില്ല എന്നതിനപ്പുറം റോഡ് കുളമായതുമാത്രമാണ് ബാക്കി. റോഡ് യാത്രായോഗ്യമല്ലാതെ വന്നതോടെ ആശുപത്രിയിൽ പോകുന്നതിനടക്കം വലിയ പ്രതിസന്ധി നേരിടുകയാണ് നാട്ടുകാർ. ബാലഭവനിലേക്കുള്ള മുപ്പതോളം കുട്ടികൾ കുഴിയിൽ ചാടിയും ചെളിയിൽ മുങ്ങിയും യാത്ര നടത്തേണ്ട ഗതികേടിലാണ്. പഞ്ചായത്തിലെ ജനപ്രതിനിധികൾക്ക് അടിയന്തരമായി അനുവദിക്കാൻ കഴിയുന്ന തുക പ്രയോജനപ്പെടുത്തി കല്ലുംമണ്ണുമിട്ട് മൂടി യാത്രാദുരിതത്തിന് പരിഹാരം കാണാവുന്നതാണെങ്കിലും ഇത്തരത്തിൽ നടപടികളുണ്ടായിട്ടില്ല. തദ്ദേശ സ്വയംഭരണ സ്ഥാപനത്തിന്‍റെ അധ്യക്ഷനും അംഗത്തിനും അടിയന്തര ഘട്ടങ്ങളിൽ ചെറിയ തുക അനുവദിക്കാനുള്ള അവസരം ലഭ്യമാണെന്ന് ചൂണ്ടിക്കാട്ടിയിട്ടും നടപടിയില്ലെന്നാണ് ആക്ഷേപം. പലയിടങ്ങളിലും പരാതി പറഞ്ഞെങ്കിലും പരിഹാരം കണ്ടെത്താനാകാതെ വിഷമിക്കുകയാണ് നാട്ടുകാർ. ഇനിയും അധികൃതർ അനാസ്ഥ തുടർന്നാൽ പ്രത്യക്ഷ സമരപരിപാടികളുമായി രംഗത്തിറങ്ങാനുള്ള നീക്കത്തിലാണ് നാട്ടുകാർ.

സുകൃതപഥം എൽഡേഴ്സ് മീറ്റ്; ലോഞ്ചിംഗ് വീഡിയോ പ്രകാശനം ചെയ്തു

കോട്ടയം : എകെസിസി ചക്കാമ്പുഴ യൂണിറ്റിന്‍റെ നേതൃത്വത്തിൽ സംഘടിപ്പിക്കുന്ന സുകൃതപഥം എൽഡേഴ്സ് മീറ്റ് 2025 ന്‍റെ ലോഞ്ചിംഗ് വീഡിയോ പ്രകാശനം ചെയ്തു. എകെസിസി രൂപതാ ഡയറക്ടർ റവ.ഡോ.ജോർജ് വർഗീസ് ഞാറക്കുന്നേൽ പ്രകാശനം നിർവഹിച്ച യോഗത്തിൽ യൂണിറ്റ് പ്രസിഡന്‍റ് സണ്ണി കുരിശുംമൂട്ടിൽ അധ്യക്ഷത വഹിച്ചു. വികാരി ഫാ.ജോസഫ് വെട്ടത്തേൽ, കിൻഫ്ര ചെയർമാൻ ബേബി ഉഴുത്തുവാൻ, യൂണിറ്റ് സെക്രട്ടറി തങ്കച്ചൻ കളരിക്കൽ, യൂണിറ്റ് ട്രഷറർ പി.ജെ. മാത്യു പാലത്താനം തുടങ്ങിയവർ പ്രസംഗിച്ചു. ഓഗസ്റ്റ് ഒമ്പതിന് നടക്കുന്ന സുകൃതപഥം എൽഡേഴ്സ് മീറ്റിൽ ഇടവകയിലെ 80 വയസിന് മുകളിൽ പ്രായമുള്ള നൂറുപേരെ ആദരിക്കും.

എച്ച്‌ഐവി, എയ്ഡ്‌സ് ബോധവത്കരണം: സ്‌കൂള്‍-കോളജ് വിദ്യാര്‍ഥികള്‍ക്ക് മത്സരങ്ങള്‍

കോട്ടയം: സംസ്ഥാന എയ്ഡ്‌സ് കണ്‍ട്രോള്‍ സൊസൈറ്റി, ആരോഗ്യവകുപ്പ്, ആരോഗ്യ കേരളം എന്നിവയുടെ സംയുക്താഭിമുഖ്യത്തില്‍ വിദ്യാര്‍ഥികള്‍ക്കും യുവജനങ്ങള്‍ക്കുമിടയില്‍ എയ്ഡ്‌സ് ബോധവത്കരണം ശക്തിപ്പെടുത്തുന്നതിന്‍റെ ഭാഗമായി യൂത്ത്ഫെസ്റ്റ് സംഘടിപ്പിക്കും. 17 -25 പ്രായമുള്ള സ്ത്രീ-പുരുഷ, ട്രാന്‍സ്‌ജെന്‍ഡര്‍ വിഭാഗത്തിലുള്ള കോളജ് വിദ്യാര്‍ഥികള്‍ക്കായി മാരത്തണ്‍ മത്സരം, എട്ട്, ഒമ്പത്, 11 ക്ലാസുകാര്‍ക്കു ക്വിസ് മത്സരം എന്നിവയാണ് സംഘടിപ്പിക്കുന്നത്. രണ്ടുപേര്‍ ഉള്‍പ്പെടുന്ന ഒരു ടീമായി ക്വിസ് മത്സരത്തില്‍ പങ്കെടുക്കാം. ക്വിസ് മത്സരം ഓഗസ്റ്റ് രണ്ടിനു രാവിലെ 10.30 മുതല്‍ കോട്ടയം കളക്‌ടറേറ്റിലെ തൂലിക കോണ്‍ഫറന്‍സ് ഹാളില്‍ നടക്കും. മാരത്തണ്‍ മത്സരം (റെഡ് റണ്‍) അഞ്ചിന് കോട്ടയം സിഎംഎസ് കോളജില്‍ നടക്കും. പങ്കെടുക്കാന്‍ ആഗ്രഹിക്കുന്നവര്‍ 31നകം പങ്കെടുക്കുന്നവരുടെ പേരും സ്ഥാപനത്തിന്‍റെ പേരും വാട്‌സ്ആപ്പ് ചെയ്തു രജിസ്റ്റര്‍ ചെയ്യണം. ഫോൺ: 9496109189.

ചങ്ങനാശേരിക്കാരുടെ കൂട്ടായ്മയായി സിബിസി ഫാന്‍സ് അസോസിയേഷന്‍

ചങ്ങനാശേരി: ചങ്ങനാശേരിയുടെ കീര്‍ത്തി ലോകമെങ്ങുമെത്തിക്കാന്‍ മീഡിയാ വില്ലേജിന്‍റെ നേതൃത്വത്തില്‍ ലോകമെങ്ങുമുള്ള ചങ്ങനാശേരിക്കാരെ ഒന്നിപ്പിച്ച് സിബിസി ഫാന്‍സ് അസോസിയേഷന്‍ ആരംഭിക്കുന്നു. നെഹ്റു ട്രോഫി ജലോത്സവത്തിലും തുടര്‍ന്നുള്ള ജലോത്സവങ്ങളിലും ചങ്ങനാശേരിയുടെ പേര് ഇനി മുതല്‍ മുഴങ്ങിക്കേള്‍ക്കുമെന്ന് ഫാ. സെബാസ്റ്റ്യന്‍ പുന്നശേരി ഫാന്‍സ് അസോസിയേഷന്‍റെ പ്രഥമ സമ്മേളനം ഉദ്ഘാടനം ചെയ്തുകൊണ്ട് പറഞ്ഞു. മീഡിയാ വില്ലേജ് ഓഡിറ്റോറിയത്തില്‍ നൂറുകണക്കിന് വള്ളംകളി പ്രേമികളുടെ സാന്നിധ്യത്തിലാണ് ചടങ്ങ് നടന്നത്. ക്യാപ്റ്റന്‍ സണ്ണി തോമസ് ഇടിമണ്ണിക്കല്‍ മുഖ്യസന്ദേശം നല്‍കി. മീഡിയാ വില്ലേജ് എക്‌സിക്യൂട്ടീവ് ഡയറക്ടര്‍ ഫാ. ജോഫി പുതുപ്പറമ്പ്, ബര്‍സാര്‍ ഫാ. ലിപിന്‍ തുണ്ടുകളം, സിബിസി പ്രസിഡന്‍റ് ജയിംസ് കല്ലുപാത്ര, സെക്രട്ടറി തോമസ് കൊടുപ്പുന്നക്കളം എന്നിവര്‍ പ്രസംഗിച്ചു. സിബിസിയുടെ പ്രവര്‍ത്തനങ്ങള്‍ ആരംഭിച്ചുകൊണ്ടുള്ള സ്വാഗത സംഘവും രൂപീകരിച്ചു.

കൊടുങ്കാറ്റും പേമാരിയും തുടരുന്നു; അമ്പതോളം വീടുകള്‍ക്ക് നാശം

ചങ്ങനാശേരി: കൊടുങ്കാറ്റും പേമാരിയും തുടരുന്നു. മരങ്ങള്‍ കടപുഴകുന്നു. വീടുകള്‍ക്കു നാശം. ചങ്ങനാശേരി താലൂക്കിലെ താഴ്ന്ന പ്രദേശങ്ങളില്‍ ജലനിരപ്പുയരുന്നു. കഴിഞ്ഞ ദിവസങ്ങളിലായി അമ്പതോളം വീടുകള്‍ക്ക് ഭാഗികനാശം നേരിട്ടിട്ടുണ്ട്. പായിപ്പാട് പഞ്ചായത്തിലെ പൂവം, നക്രാല്‍ പുതുവല്‍, കോമങ്കേരിച്ചിറ, അംബേദ്കര്‍ നഗര്‍, എസി കോളനി, വാഴപ്പള്ളി പഞ്ചായത്തിലെ വെട്ടിത്തുരുത്ത്, പറാല്‍, ഓടേറ്റി ഭാഗങ്ങളിലും ജലനിരപ്പുയരുന്നത് ജനജീവിതത്തെ ബാധിച്ചിട്ടുണ്ട്. മുളയ്ക്കാംതുരുത്തി, വാലടി, ഈര, കൈനടി ഭാഗങ്ങളിലും ജലനിരപ്പുയര്‍ന്നിട്ടുണ്ട്. കുറിച്ചി പഞ്ചായത്തിലെ ആനക്കുഴി, ചാണകക്കുഴി ഭാഗങ്ങളിലും വെള്ളപ്പൊക്കത്തിന്‍റെ ദുരിതം ബാധിച്ചിട്ടുണ്ട്. ഇന്നലെ പുലര്‍ച്ചെയുണ്ടായ ശക്തമായ കാറ്റിലും മഴയിലും പായിപ്പാട് പഞ്ചായത്ത് 11-ാം വാര്‍ഡില്‍ പാറക്കല്‍ സൈഫിന്‍റെ വീട് ഭാഗികമായി ഇടിഞ്ഞുവീണു. സൈഫും കുടുംബാംഗങ്ങളും പരിക്കുകളില്ലാതെ രക്ഷപ്പെട്ടു. അടുക്കളയും ഒരുമുറിയും പൂര്‍ണമായും തകര്‍ന്നു. വെള്ളിയാഴ്ചയുണ്ടായ ശക്തമായ കാറ്റില്‍ മരം കടപുഴകി വീണ് ഇത്തിത്താനം കരിമ്പിന്‍തറ ഓമനക്കുട്ടന്‍റെ വീടിന് കേടുപാടുകള്‍ സംഭവിച്ചു. ഇവരുടെ അടുക്കളയും ഒരുമുറിയും ശുചിമുറിയും പൂര്‍ണമായി തകര്‍ന്ന നിലയിലാണ്. കുടുംബാംഗങ്ങള്‍ പരിക്കുകളില്ലാതെ രക്ഷപ്പെട്ടു. മുറ്റത്തു പാര്‍ക്ക് ചെയ്തിരുന്ന ഓമനക്കുട്ടന്‍റെ ഓട്ടോയ്ക്കും നാശം നേരിട്ടു. പെരുമ്പനച്ചി പ്രാക്കുഴി ഷീജ ബിജിയുടെ വീട് വെള്ളിയാഴ്ചയുണ്ടായ ശക്തമായ കാറ്റിലും മഴയിലും ഭാഗികമായി തകര്‍ന്നുവീണു. ആര്‍ക്കും പരിക്കില്ല. വൈദ്യുതിബന്ധം നിലച്ചു കറുകച്ചാൽ, നെടുംകുന്നം പ്രദേശങ്ങളിൽ വെെദ്യുതി മുടങ്ങിയിട്ട് രണ്ടു ദിവസം. കൊടുങ്കാറ്റിൽ വിവിധ സ്ഥലങ്ങളിൽ പോസ്റ്റുകളും ലൈനുകളും ട്രാൻസ്ഫോർമറുകളും തകർന്നതിനെത്തുടർന്നാണ് പ്രതിസന്ധിക്കുണ്ടായിരിക്കുന്നത്. കടപുഴകിവീണ മരങ്ങള്‍ വെട്ടിമാറ്റുന്നതിനായി അഗ്നിശമനസേനയും, തകര്‍ന്നുവീണ വൈദ്യുതി പോസ്റ്റുകള്‍ മാറ്റാന്‍ വൈദ്യുതി ജീവനക്കാരും നിലംതൊടാതെ ഓടുകയാണ്.

പാലാ രൂപത ആഗോളസഭയ്ക്ക് കരുത്തും കരുതലും: മേജര്‍ ആര്‍ച്ച്ബിഷപ് മാര്‍ റാഫേല്‍ തട്ടില്‍

പാലാ: വിശുദ്ധി, ആത്മസമര്‍പ്പണം, സാമൂഹിക പ്രതിബദ്ധത എന്നിവയില്‍ പകരം വയ്ക്കാനില്ലാത്ത അനന്യ വ്യക്തിത്വമാണ് പാലാ രൂപതയ്ക്കുള്ളതെന്ന് സീറോ മലബാര്‍ സഭ മേജര്‍ ആര്‍ച്ച്ബിഷപ് മാര്‍ റാഫേല്‍ തട്ടില്‍. സീറോ മലബാര്‍ സഭയിലെ ഗുണമേന്‍മയുള്ള വീഞ്ഞ് സൂക്ഷിക്കുന്ന ഇടമാണ് പാലാ രൂപത. വിശ്വാസത്തിന്‍റെയും തനിമയുടെയും മേന്‍മയുടെയും ഇടമാണ് പാലാ രൂപത. കലര്‍പ്പില്ലാത്ത വിശ്വാസത്തിലൂടെയും പാരമ്പര്യത്തിലൂടെയും മുമ്പേ പറക്കുന്ന പക്ഷിയാണ്. പാലാ രൂപതയുടെ അടയാളം നോക്കി യാത്ര ചെയ്താല്‍ ആര്‍ക്കും വഴി തെറ്റില്ല. ഭാരതത്തിന്‍റെ പ്രഥമ വിശുദ്ധ അല്‍ഫോന്‍സാമ്മയുടെ ഭരണങ്ങാനത്തെ ആളൊഴിയാത്ത കബറിടമാണ് പാലായുടെ വിശുദ്ധിയുടെ വെണ്‍മ. ഇന്‍ഡസ്ട്രിയല്ല മിനിസ്ട്രിയാണ് കത്തോലിക്കാസഭ നടത്തേണ്ടതെന്ന് ചേര്‍പ്പുങ്കല്‍ മെഡിസിറ്റി ആശുപത്രിയിലൂടെ പാലാ രൂപത കാട്ടിത്തന്നതായും മാര്‍ റാഫേല്‍ തട്ടില്‍ പറഞ്ഞു. പ്രേഷിതോന്‍മുഖമായ വലിയ ഇടമാണ് പാലാ. ആഗോള മിഷനറിമാരില്‍ ഭൂരിഭാഗവും മെത്രാന്‍മാരില്‍ അനേകരും പാലായുടെ സ്വന്തമാണ്. പ്രകൃതിക്ഷോഭ മേഖലകളിലെ ഇടപെടലുകള്‍, ക്ഷേമ പ്രവര്‍ത്തനങ്ങള്‍ എന്നിവയില്‍ പാലാ രൂപത സഭയുടെ ഗുണമേന്‍മ കുറയ്ക്കാതെ കൊണ്ടുപോകുന്നതായും മാര്‍ റാഫേല്‍ തട്ടില്‍ പറഞ്ഞു. കര്‍ദിനാള്‍ മാര്‍ ജോര്‍ജ് ആലഞ്ചേരി പൊതുരംഗത്ത് നേതാക്കന്‍മാരെ സൃഷ്‌ടിച്ച് നേതാക്കന്‍മാരുടെ രൂപതയായി പാലാ മാറിയെന്ന് കര്‍ദിനാള്‍ മാര്‍ ജോര്‍ജ് ആലഞ്ചേരി. കേന്ദ്രമന്ത്രിമാര്‍, ഗവര്‍ണര്‍മാര്‍, മന്ത്രിമാര്‍, എംപിമാര്‍, എംഎല്‍എമാര്‍ എന്നിങ്ങനെ നിരവധി നേതാക്കന്‍മാരെയാണ് പാലായും പാലാ രൂപതയും സംഭാവന ചെയ്തത്. നേതൃത്വമാണ് പ്രാദേശിക സഭയെ ശക്തമാക്കുന്നത്. ശക്തമായ ലീഡര്‍ഷിപ്പാണ് പാലാ രൂപത സഭയ്ക്കു സമ്മാനിക്കുന്നതെന്നും മാര്‍ ആലഞ്ചേരി പറഞ്ഞു. ആര്‍ച്ച്ബിഷപ് മാര്‍ ആന്‍ഡ്രൂസ് താഴത്ത് ഭാരതത്തിന്‍റെ രാഷ്‌ട്ര നിര്‍മിതിയില്‍ ക്രൈസ്തവരുടെ പങ്ക് വളരെ വലുതാണ്. എന്നിട്ടും ക്രൈസ്തവര്‍ക്കു നേരേ ഉത്തരേന്ത്യയില്‍ പലയിടത്തും ആക്രമണം നടക്കുന്നു. സഭയ്ക്കും സമുദായത്തിനും ശക്തീകരണം നല്‍കാന്‍ പാലാ രൂപതയ്ക്കു കഴിഞ്ഞു. ആര്‍ച്ച്ബിഷപ് മാര്‍ ജോസഫ് പാംപ്ലാനി മലബാറില്‍ സീറോ മലബാര്‍ സഭയെയും തലശേരി രൂപതയെയും വളര്‍ത്തുന്നതില്‍ പാലാ രൂപത നിര്‍ണായക പങ്കാണ് വഹിച്ചത്. മലബാർ കുടിയേറ്റത്തിന്‍റെ ചരിത്രം പാലാക്കാരുടേതാണ്. പാലായിലൂടെയും പാലാക്കാരിലൂടെയുമാണ് മലബാറിന്‍റെ വളര്‍ച്ച. ആര്‍ച്ച്ബിഷപ് മാര്‍ തോമസ് തറയില്‍ ആരാധനയുടെ തനിമയും സ്വത്വവും സംരക്ഷിക്കുന്നതില്‍ പാലാ രൂപതയ്ക്ക് നിര്‍ണായക സ്വാധീനമാണുള്ളത്. സുറിയാനി പാരമ്പര്യം ആരാധനാ ക്രമത്തില്‍ സംരക്ഷിക്കുവാനും പാലാ രൂപതയ്ക്കു കഴിയുന്നു എന്നതില്‍ അഭിമാനമുണ്ട്. ശശി തരൂര്‍ കരുണ, ത്യാഗം, പ്രത്യാശ എന്നിവയ്‌ക്കൊപ്പം ആരാധനയിലൂടെയും ക്ഷേമ സേവന പ്രവര്‍ത്തനങ്ങളിലൂടെയും വിശ്വാസത്തിന്‍റെ സുഗന്ധം പരത്താന്‍ പാലാ രൂപതയ്ക്ക് കഴിഞ്ഞതായി ശശി തരൂര്‍ പറഞ്ഞു.

വിവാഹ വാഗ്ദാനം നല്‍കി യുവതിയെ പീഡിപ്പിച്ച യുവാവ് പിടിയില്‍

കടുത്തുരുത്തി: വിവാഹ വാഗ്ദാനം നല്‍കി യുവതിയെ പീഡിപ്പിക്കുകയും സ്വര്‍ണാഭരണങ്ങള്‍ കൈക്കലാക്കുകയും ചെയ്ത സംഭവത്തില്‍ തിരുവനന്തപുരം സ്വദേശിയായ യുവാവിനെ കടുത്തുരുത്തി പോലീസ് അറസ്റ്റ് ചെയ്തു. തിരുവനന്തപുരം വെങ്കമല സ്വദേശി ഷിജിന്‍ (32) ആണ് പിടിയിലായത്. തിരുവനന്തപുരം വെമ്പായം സ്വദേശിയായ യുവതിയുടെ പരാതിയെത്തുടര്‍ന്ന് കടുത്തുരുത്തി പോലീസ് കേസ് രജിസ്റ്റര്‍ ചെയ്യുകയും പ്രതിയെ പിടികൂടുകയുമായിരുന്നു. തിരുവനന്തപുരത്തുവച്ച് പരിചയത്തിലായ യുവതിയെ വിവാഹ വാഗ്ദാനം നല്‍കി കഴിഞ്ഞ ഡിസംബര്‍ അവസാനം സുഹൃത്തുക്കളെ പരിചയപ്പെടുത്താനെന്ന വ്യാജേന ഇയാളുടെ കാറില്‍ കടുത്തുരുത്തി എഴുമാന്തുരുത്തിലുള്ള സ്വകാര്യ കേന്ദ്രത്തിലെത്തിച്ചു പീഡിപ്പിക്കുകയായിരുന്നു. പിന്നീട് ഏപ്രില്‍, മേയ് മാസങ്ങളില്‍ രണ്ടു ദിവസം ചങ്ങനാശേരി ടൗണിലുള്ള ഹോട്ടലില്‍ എത്തിച്ചു പീഡിപ്പിച്ച ശേഷം യുവതിയുടെ നഗ്‌നവീഡിയോകളും ഫോട്ടോയും ഭര്‍ത്താവിനും ബന്ധുക്കള്‍ക്കും അയച്ചുകൊടുക്കുമെന്നും സോഷ്യല്‍ മീഡിയ വഴി പ്രചരിപ്പിക്കുമെന്നും ഭീഷണിപ്പെടുത്തി യുവതിയുടെ 15 പവന്‍ സ്വര്‍ണാഭരണങ്ങള്‍ കൈക്കലാക്കി. തുടര്‍ന്ന് യുവതി കടുത്തുരുത്തി പോലീസില്‍ പരാതി നല്‍കുകയായിരുന്നു. കേസ് രജിസ്റ്റര്‍ ചെയ്ത് പോലീസ് യുവാവിനെ പിടികൂടി. ഇന്നലെ വൈക്കം കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.

പാലാ രൂപത പ്ലാറ്റിനം ജൂബിലിക്ക് പ്രൗഢോജ്ജ്വല സമാപനം

പാലാ: മൂന്നരലക്ഷത്തോളമുള്ള രൂപതാതനയര്‍ക്കാകെ പുതിയ മുന്നേറ്റവീഥി തുറന്ന് പാലാ രൂപതയുടെ പ്ലാറ്റിനം ജൂബിലി ആഘോഷങ്ങള്‍ക്ക് പ്രൗഢോജ്ജ്വല സമാപനം. രൂപതയുടെ സമസ്തമേഖലകളിലും വ്യത്യസ്തങ്ങളായ കര്‍മപരിപാടികള്‍ നടപ്പിലാക്കിയാണ് ഒരുവര്‍ഷം നീണ്ട ആഘോഷങ്ങള്‍ക്ക് തിരശീല വീണത്. കഴിഞ്ഞ വര്‍ഷം ജൂലൈ 26ന് ഭരണങ്ങാനം വിശുദ്ധ അല്‍ഫോന്‍സാ തീര്‍ഥാടന കേന്ദ്രത്തില്‍ ആഘോഷപരിപാടികള്‍ക്ക് തുടക്കമിട്ട സീറോ മലബാര്‍ സഭാ മേജര്‍ ആര്‍ച്ച്ബിഷപ് മാര്‍ റാഫേല്‍ തട്ടിലാണ് പാലാ കത്തീഡ്രലില്‍ നടന്ന സമാപനസമ്മേളനത്തിലും ഉദ്ഘാടകനായെത്തിയത്. ആഘോഷങ്ങള്‍ ഒഴിവാക്കി ആത്മീയതയ്ക്കായിരുന്നു ഒരു വര്‍ഷം നീണ്ടുനിന്ന ജൂബിലി ആഘോഷങ്ങളില്‍ പ്രാമുഖ്യം. ഇന്നലെ നടന്ന സമാപന സമ്മേളനത്തില്‍ രൂപത വൈദികര്‍, ഇടവക വികാരിമാര്‍, ഇടവകയില്‍നിന്നുളള കൈക്കാരന്‍മാര്‍, വിവിധ സന്യസ്ത സഭാ പ്രതിനിധികള്‍, തെരഞ്ഞെടുക്കപ്പെട്ട അല്മായ പ്രതിനിധികള്‍, പാലായിലെ പൗരപ്രമുഖര്‍ എന്നിങ്ങനെ പാലായുടെ പരിച്ഛേദമായിരുന്നു സമ്മേളനം. വിവിധ രൂപതകളില്‍നിന്നുള്ള വികാരി ജനറാള്‍മാര്‍, ജില്ലാ പഞ്ചായത്ത് വൈസ് പ്രസിഡന്‍റ് ജോസ് പുത്തന്‍കാല, മുനിസിപ്പല്‍ ചെയര്‍മാന്‍ തോമസ് പീറ്റര്‍, ജില്ലാ പഞ്ചായത്തംഗം ഷോണ്‍ ജോര്‍ജ്, നേതാക്കളായ ജോണി നെല്ലൂര്‍, ജോസഫ് വാഴയ്ക്കന്‍, മുനിസിപ്പല്‍ കൗണ്‍സിലേഴ്‌സ് നേതാക്കളായ ടോബിന്‍ കെ. അലക്‌സ്, ടോമി കല്ലാനി, ബിജു പുന്നത്താനം തുടങ്ങി ഒട്ടേറെ പ്രമുഖര്‍ സമ്മേളനത്തില്‍ പങ്കെടുത്തു. സമ്മേളനത്തില്‍ പങ്കെടുത്തവര്‍ക്ക് സ്‌നേഹവിരുന്നും ഒരുക്കിയിരുന്നു. രൂപത മുഖ്യവികാരി ജനറാള്‍ മോണ്‍. ജോസഫ് തടത്തില്‍, വികാരി ജനറാള്‍മാരായ മോണ്‍. ജോസഫ് മലേപ്പറമ്പില്‍, മോണ്‍. സെബാസ്റ്റ്യന്‍ വേത്താനത്ത്, മോണ്‍. ജോസഫ് കണിയോടിക്കല്‍, ചാന്‍സലര്‍ ഫാ. ജോസഫ് കുറ്റിയാങ്കല്‍, വൈസ് ചാന്‍സലര്‍ ഫാ. ജോസഫ് മണര്‍കാട്ട്, പ്രൊക്യുറേറ്റര്‍ ഫാ. ജോസഫ് മുത്തനാട്ട് എന്നിവര്‍ പരിപാടികള്‍ക്ക് നേതൃത്വം നല്‍കി. കൃതജ്ഞതയോടെ സമൂഹബലി പാലാ: പ്ലാറ്റിനം ജൂബിലി സമാനപ സമ്മേളനത്തിന്‍റെ ഭാഗമായി രാവിലെ പാലാ സെന്‍റ് തോമസ് കത്തീഡ്രലില്‍ രൂപതയിലെ മുഴുവന്‍ വൈദികരും ബിഷപ് മാര്‍ ജോസഫ് കല്ലറങ്ങാട്ടിനൊപ്പം കൃതജ്ഞതാ സമൂഹബലി അര്‍പ്പിച്ചു. ചങ്ങനാശേരി ആര്‍ച്ച്ബിഷപ് മാര്‍ തോമസ് തറയിൽ മുഖ്യകാര്‍മികത്വം വഹിച്ചു. സീറോ മലങ്കര മേജര്‍ ആര്‍ച്ച്ബിഷപ് കര്‍ദിനാള്‍ ബസേലിയോസ് മാര്‍ ക്ലീമിസ് കാതോലിക്കാ ബാവ സന്ദേശം നല്‍കി. ആര്‍ച്ച്ബിഷപ് മാര്‍ ജോസഫ് പാംപ്ലാനി, മാര്‍ സെബാസ്റ്റ്യന്‍ വടക്കേല്‍, യൂഹന്നാന്‍ മാര്‍ ക്രിസോസ്റ്റം, ബിഷപ് ഡോ. ജസ്റ്റിന്‍ മഠത്തിൽപ്പറമ്പില്‍, മാര്‍ ജോര്‍ജ് മഠത്തിക്കണ്ടതില്‍, മാര്‍ ജോര്‍ജ് പുന്നക്കോട്ടില്‍, മാര്‍ ജയിംസ് ആനാപറമ്പില്‍, ബിഷപ് ഡോ. സിെല്‍വിസ്റ്റര്‍ പൊന്നുമുത്തന്‍, മാര്‍ തോമസ് പാടിയത്ത്, മാര്‍ ജോസ് പുളിക്കല്‍, ഡോ. ജോസ് സെബാസ്റ്റ്യന്‍ തെക്കുംചേരിക്കുന്നേല്‍, മാര്‍ ജോസഫ് കൊല്ലംപറമ്പില്‍, മാര്‍ ജോസഫ് സ്രാമ്പിക്കല്‍, മാര്‍ ജേക്കബ് അങ്ങാടിയാത്ത്, മാര്‍ ജോസഫ് പള്ളിക്കാപറമ്പില്‍ എന്നിവരോടൊപ്പം രൂപതയിലെ നാനൂറോളം വൈദികരും സഹകാര്‍മികരായി. സമ്മേളനത്തില്‍ നിറഞ്ഞുനിന്നത് വിശുദ്ധ അല്‍ഫോന്‍സാമ്മ പാലാ: ഭാരതസഭയുടെ പ്രഥമ വിശുദ്ധയും പാലാ രൂപതയുടെ അഭിമാനവുമായ വിശുദ്ധ അല്‍ഫോന്‍സാമ്മയുടെ വിശുദ്ധി സമ്മേളനത്തില്‍ നിറഞ്ഞുനിന്നു. സമ്മേളനത്തിന് ആമുഖ സന്ദേശം നല്‍കിയ പാലാ ബിഷപ് മാര്‍ ജോസഫ് കല്ലറങ്ങാട്ട് വിശുദ്ധ അല്‍ഫോന്‍സാമ്മയ്ക്ക് എല്ലാവരെയും സമര്‍പ്പിച്ചാണ് സ്വാഗതം ആശംസിച്ചത്. സമ്മേളനം ഉദ്ഘാടനം ചെയ്ത് മേജര്‍ ആര്‍ച്ച്ബിഷപ് മാര്‍ റാഫേല്‍ തട്ടില്‍ ആളൊഴിയാത്ത ഭരണങ്ങാനം കബറിടത്തേക്കുറിച്ച് പറഞ്ഞാണ് പ്രംസഗിച്ചത്. ഭരണങ്ങാനം വഴി അര്‍ധരാത്രി യാത്ര ചെയ്തു പോകവേ കബറിടത്തിങ്കലെത്തി പ്രാര്‍ഥിച്ച കാര്യം മേജര്‍ ആര്‍ച്ച്ബിഷപ് അനുസ്മരിച്ചു. അപ്പോഴും അവിടെ പ്രാർഥനാനിര തരായി തീർ ഥാടകർ ഉണ്ടായിരുന്നു. സമ്മേളനത്തില്‍ പ്രസംഗിച്ച മറ്റു ബിഷപുമാരും പാലായുടെ അഭിമാനമായ വിശുദ്ധയുടെ കാര്യം അനുസ്മരിക്കുകയും പാലാ രൂപതയ്ക്ക് ദൈവം നല്‍കിയ സമ്മാനമാണ് അല്‍ഫോന്‍സാമ്മയെന്നു വിശേഷിപ്പിക്കുകയും ചെയ്തു.

കാറ്റിലും മഴയിലും വ്യാപക നാശം

കടുത്തുരുത്തി: കാറ്റിലും മഴയിലും വ്യാപക നാശം. കടുത്തുരുത്തി, കല്ലറ, മാഞ്ഞൂര്‍, ഞീഴൂര്‍ പഞ്ചായത്തുകളിലാണ് കാറ്റും മഴയും നാശം വിതച്ചത്. നിരവധി സ്ഥലങ്ങളിൽ മരങ്ങള്‍ കടപുഴകിയും ഒടിഞ്ഞും വീണു. വൈദ്യൂതിത്തൂണുകളും ലൈനുകളും വ്യാപകമായി നശിച്ചു. നിരവധി വീടുകള്‍ക്കു മുകളിൽ മരം വീണു നാശമുണ്ടായി. കാറ്റില്‍ മേല്‍ക്കൂര പറന്നു നശിച്ചും വീടുകള്‍ക്ക് നാശമുണ്ടായി. പലയിടത്തും റോഡുകളില്‍ മരങ്ങള്‍ വീണു ഗതാഗത തടസമുണ്ടായി. വൈദ്യുതി വിതരണം പലയിടത്തും പൂര്‍ണമായും തടസപ്പെട്ടു. 24 മണിക്കൂർ പിന്നിട്ടിട്ടും വൈദ്യുതി വിതരണം പുനഃസ്ഥാപിക്കാനായിട്ടില്ല. തേക്ക്, ആഞ്ഞിലി, പ്ലാവ്, റബര്‍ തുടങ്ങിയ വന്മരങ്ങള്‍ പലയിടത്തും കടപുഴകി. ജാതി, വാഴ, തെങ്ങ്, കമുക്, പച്ചക്കറി കൃഷികള്‍ എന്നിവയും വ്യാപകമായി നശിച്ചു. കടുത്തുരുത്തി പഞ്ചായത്തിലെ ആയാംകുടി-മുക്കം റോഡില്‍ രണ്ടിടത്താണ് മരം വീണത്. കൂവേലി മുട്ടകുഴി സെന്‍റ് ‌ജോര്‍ജ് എല്‍പി സ്‌കൂളിനു സമീപം 11 കെ വി ലൈനിലേക്കും ബസ് കാത്തിരിപ്പു കേന്ദ്രത്തിനു മുകളിലും പടുകൂറ്റന്‍ ആഞ്ഞിലി ഒടിഞ്ഞുവീണു. വൈദ്യുതിലൈനുകളും പോസ്റ്റുകളും തകര്‍ന്നു. നാട്ടുകാരുടെ നേതൃത്വത്തിലാണ് ഏറെ പണിപ്പെട്ട് ഇവ വെട്ടിനീക്കിയത്. ഇറുമ്പയത്ത് കാറിനു മുകളിൽ‍ തേക്ക് വീണു. കാർ തകർന്നെങ്കിലും ആര്‍ക്കും പരിക്കില്ല. മാഞ്ഞൂര്‍ പഞ്ചായത്തിലെ 12 -ാം വാര്‍ഡില്‍ വ്യാപക നാശമാണ് കാറ്റുണ്ടാക്കിയത്. പാറപ്പുറത്ത് തങ്കച്ചന്‍, തെക്കേപ്പുരയില്‍ ടി.കെ. സജി, പാറപ്പുറത്ത് രവി, നടുത്തറ സുകുമാരന്‍, കണ്ണങ്കര അഖില്‍ കുഞ്ഞുമോന്‍, പന്തല്ലൂര്‍ രാജന്‍, കാളാശേരില്‍ പുരുഷോത്തമന്‍ തുടങ്ങി നിരവധിപ്പേരുടെ വീടുകൾ കാറ്റില്‍ മരം വീണ് തകര്‍ന്നു. നാശമുണ്ടായ സ്ഥലങ്ങളില്‍ പഞ്ചായത്തംഗം സുനു ജോര്‍ജിന്‍റെ നേതൃത്വത്തില്‍ സന്ദര്‍ശനം നടത്തി.

റെയിൽവേ സ്റ്റേഷൻ റോഡിൽ അപകടം പതിയിരിക്കുന്ന കുഴികൾ

ഏറ്റുമാനൂർ: മനയ്ക്കപ്പാടത്തുനിന്ന് ഏറ്റുമാനൂർ റെയിൽവേ സ്റ്റേഷനിലേക്കുള്ള റോഡിൽ നിറയെ ചെറുതും വലുതുമായ കുഴികളാണ്. ഈ കുഴികളിൽ മഴവെള്ളം കെട്ടിക്കിടക്കുന്നതിനാൽ കുഴികളുടെ ആഴം മനസിലാക്കാനുമാകില്ല. ഇതുവഴി പോകുന്ന വാഹനങ്ങൾ ആഴം മനസിലാക്കാതെ കുഴികളിൽച്ചാടി അപകടങ്ങൾ സംഭവിക്കുകയാണ്. ഇരുചക്ര വാഹനങ്ങൾ കുഴികളിൽ ചാടി മറിയുന്നത് പതിവാണ്. വാഹനത്തിന് കേടുപാടുകളും യാത്രക്കാർക്ക് പരിക്കും സംഭവിക്കുന്നു. ഓട്ടോറിക്ഷകളും അപകട ഭീതിയിലാണ് ഇതുവഴി കടന്നുപോകുന്നത്. അമൃത് പദ്ധതിയുടെ ഭാഗമായി 4.5 കോടി രൂപയുടെ വികസന പ്രവർത്തനങ്ങൾ റെയിൽവേ സ്റ്റേഷനിൽ നടന്നുവരികയാണ്. ഈ റോഡിന്‍റെ നവീകരണവും പദ്ധതിയിൽ ഉൾപ്പെടും. എന്നാൽ, പദ്ധതി പൂർത്തിയാക്കുന്നതിൽ സംഭവിക്കുന്ന കാലവിളംബമാണ് പ്രശ്നമാകുന്നത്. റോഡ് നവീകരണം അടിയന്തരമായി പൂർത്തിയാക്കണമെന്ന് യാത്രക്കാരും നാട്ടുകാരും ആവശ്യപ്പെടുന്നു.

മോഷണം: രണ്ടു പേർകൂടി അറസ്റ്റിൽ

കുമരകം: കുമരകം, തിരുവാർപ്പ് ഉൾപ്പെടെ സംസ്ഥാനത്തിന്‍റെ വിവിധ പ്രദേശങ്ങളിൽ മോഷണം നടത്തി വന്ന സംഘത്തിലെ രണ്ടു പേർ കൂടി കുമരകം പോലീസിന്‍റെ പിടിയിലായി. പശ്ചിമബംഗാൾ സ്വദേശികളായ മോഷണസംഘത്തിലെ രണ്ടു പേരേയാണ് ഇന്നലെ അറസ്റ്റ് ചെയ്തത്. ബസുരിയ നോർത്ത് പർഗാനാസ് ജില്ലക്കാരനായ ഷബീർ ( 24 ), കൽക്കട്ട സൗത്ത് 24 പർഗാനാസ് സ്വദേശി എസ്.കെ. മുഹമ്മദ് സുമോൻ ( 29 ) എന്നിവരാണ് ഇന്നലെ പോലീസിന്‍റെ പിടിയിലായത്. സംഘാംഗമായ മുഹമ്മദ് ഷംസുൾ ഷെയ്ഖ് ഖാനെ കഴിഞ്ഞദിവസം ഇല്ലിക്കൽ കവലക്കു സമീപത്തുനിന്നു കുമരകം പോലീസ് പിടികൂടിയിരുന്നു. ഇയാൾ റിമാൻഡിലാണ്. കഴിഞ്ഞവർഷം ഓഗസ്റ്റിൽ കുമരകം പുതിയകാവിലുള്ള പൂട്ടിക്കിടന്ന വീട്, കഴിഞ്ഞ മാർച്ചിൽ തുമ്പേക്കളം സെന്‍റ് മേരീസ് ചാപ്പൽ, നാഷണാന്ത്ര ക്ഷേത്രം, പള്ളിച്ചിറ ഗുരുമന്ദിരം എന്നിവിടങ്ങളിൽ നടന്ന മോഷണവുമായി ബന്ധപ്പെട്ട് രജിസ്റ്റർ ചെയ്ത കേസുകളിൽ നടത്തിയ അന്വേഷണത്തിലാണ് പ്രതികളെ പിടികൂടിയത്. ഷബീറിനെ തൃശൂർ ചേർപ്പിൽനിന്നും സുമോനെ കൊടുങ്ങല്ലൂരിൽനിന്നുമാണ് പിടികൂടിയത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]