എം.​ജെ. ജോ​സ്

ആ​ല​പ്പു​ഴ: ആ​ണ്‍സു​ഹൃ​ത്തി​നെ ര​ക്ഷി​ക്കാ​ന്‍ പെ​ണ്‍കു​ട്ടി കൊ​ടു​ത്ത ക​ള്ള​മൊ​ഴി​യെ​ത്തു​ട​ര്‍ന്ന് 75കാ​ര​ന്‍ പോ​ക്സോ കേ​സി​ല്‍ കു​ടു​ങ്ങി​യ​തി​ൽ​നി​ന്ന് ഒ​ഴി​വാ​യെ​ങ്കി​ലും ജോ​സ​ഫ് അ​നു​ഭ​വി​ച്ച ക​ഷ്ട​ന​ഷ്ട​ങ്ങ​ൾ ചി​ന്തി​ക്കു​ന്ന​തി​നു​മ​പ്പു​റം.

പോ​ലീ​സ് അ​ന്വേ​ഷ​ണ​ത്തി​ലെ വീ​ഴ്ച​യാ​ണ് ജോ​സ​ഫ് എ​ന്ന സെ​ക്യൂ​രി​റ്റി ജീ​വ​ന​ക്കാ​ര​ൻ ഇ​ത്ത​രം ഒ​രു ദു​ര​നു​ഭ​വ​ത്തി​ലൂ​ടെ ക​ട​ന്നു​പോ​കാ​ൻ കാ​ര​ണ​മെ​ന്ന് അ​ദ്ദേ​ഹ​ത്തി​ന്‍റെ വ​ക്കീ​ൽ അ​ഡ്വ.​പി. പി. ​ബൈ​ജു പ​റ​യു​ന്നു.

ഒ​ന്നു​മ​റി​യാ​തെ

ആ​ല​പ്പു​ഴ ആ​റാ​ട്ടു​വ​ഴി വാ​ര്‍ഡ് മു​ല്ല​ശേ​രി ഹൗ​സി​ല്‍ എം.​ജെ. ജോ​സ​ഫ് ആ​ണ് ജു​ഡീ​ഷ​ല്‍ ക​സ്റ്റ​ഡി​യി​ല്‍ 285 നാ​ള്‍ ജ​യി​ലി​ല്‍ ക​ഴി​യേ​ണ്ടി വ​ന്ന​ത്. പെ​ണ്‍കു​ട്ടി തെ​റ്റാ​യി മൊ​ഴി ന​ല്കി​യ​താ​ണെ​ന്നു വ്യ​ക്ത​മാ​യ​തോ​ടെ ആ​ല​പ്പു​ഴ പോ​ക്‌​സോ കോ​ട​തി ജ​ഡ്ജി​യും അ​ഡീ. സെ​ഷ​ന്‍സ് കോ​ട​തി ഒ​ന്ന് ജ​ഡ്ജി​യു​മാ​യ റോ​യ് വ​ര്‍ഗീ​സ് ഇ​ദ്ദേ​ഹ​ത്തെ വെ​റു​തെ വി​ടു​ക​യാ​യി​രു​ന്നു.

താ​ന്‍ നേ​ര​ത്തെ ന​ല്‍കി​യ​ത് തെ​റ്റാ​യ മൊ​ഴി​യാ​ണെ​ന്ന് സ്‌​കൂ​ള്‍ വി​ദ്യാ​ര്‍ഥി​നി​ കോ​ട​തി​യി​ല്‍ പ​റ​ഞ്ഞ​തോ​ടെ​യാ​ണ് ജോ​സ​ഫി​ന് ആ​ശ്വ​സ​മാ​യ വി​ധി​യു​ണ്ടാ​യ​ത്. ആ​ല​പ്പു​ഴ ന​ഗ​ര​ത്തി​ലെ സ്‌​കൂ​ളി​ല്‍ സെ​ക്യൂ​രി​റ്റി ജീ​വ​ന​ക്കാ​ര​നാ​യി ജോ​ലി ചെ​യ്യു​മ്പോ​ഴാ​ണ് ജോ​സ​ഫ് പോ​ക്‌​സോ കേ​സി​ല്‍ അ​റ​സ്റ്റി​ല്‍ ആ​കു​ന്ന​ത്.

സ്‌​കൂ​ള്‍ വി​ദ്യാ​ര്‍ഥ​നി​യെ പീ​ഡി​പ്പി​ച്ച് ഗ​ര്‍ഭി​ണി​യാ​ക്കി​യെ​ന്നാ​യി​രു​ന്നു ആ​ദ്യ പ​രാ​തി. പി​ന്നീ​ട് ഗ​ർ​ഭി​ണി​യാ​ണെ​ന്ന​തു പ​രാ​തി​യി​ൽ​നി​ന്ന് ഒ​ഴി​വാ​ക്കി. ആ​ണ്‍സു​ഹൃ​ത്തു​മാ​യു​ള്ള ബ​ന്ധം ജോ​സ​ഫ് വീ​ട്ടി​ല്‍ പ​റ​യു​മോ എ​ന്ന ഭ​യ​ത്തി​ല്‍ ക​ള​ളം പ​റ​ഞ്ഞ​താ​ണെ​ന്നാ​യി​രു​ന്നു വി​ചാ​ര​ണ സ​മ​യ​ത്ത് പെ​ൺ​കു​ട്ടി​യു​ടെ മൊ​ഴി.

ഇ​രു​ട്ട​ടി​പോ​ലെ

ജീ​വി​തം മു​ന്നോ​ട്ടു കൊ​ണ്ടു​പോ​കാ​ൻ ത​യ്യ​ല്‍പ​ണി മു​ത​ല്‍ സെ​ക്യൂ​രി​റ്റി​പ്പ​ണി വ​രെ ചെ​യ്തി​ട്ടു​ണ്ട് ജോ​സ​ഫ്. പ​ത്തു വ​ര്‍ഷം മു​ന്‍പ് കാ​ൻ​സ​ർ ബാ​ധി​ച്ചു ഭാ​ര്യ മ​രി​ച്ചു. അ​തോ​ടെ മ​ക്ക​ള്‍ക്കൊ​പ്പ​മാ​യി ജീ​വി​തം. അ​ല്പം സാ​മൂ​ഹ്യ​പ്ര​വ​ർ​ത്ത​ന​വു​മു​ണ്ടാ​യി​രു​ന്നു. ഇ​തി​നി​ടെ​യാ​ണ് ഒ​രി​ക്ക​ലും പ്ര​തീ​ക്ഷി​ക്കാ​ത്ത പ​രീ​ക്ഷ​ണ​ങ്ങ​ള്‍ നേ​രി​ടേ​ണ്ടി വ​ന്ന​ത്.

നി​ല​വി​ല്‍ പെ​ണ്‍കു​ട്ടി​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ല്‍ കാ​മു​ക​നെ പ്ര​തി​യാ​ക്കി നോ​ര്‍ത്ത് പോ​ലീ​സ് കേ​സ് എ​ടു​ത്തി​ട്ടു​ണ്ട്. ജോ​സ​ഫി​ന് ര​ണ്ടു വ​ര്‍ഷം മു​ന്‍പാ​ണ് കേ​സി​ല്‍ ജാ​മ്യം ല​ഭി​ച്ച​ത്. ഇ​പ്പോ​ള്‍ കു​റ്റ​വി​മു​ക്ത​നാ​ക്കി​യ​തോ​ടെ പ​റ​ഞ്ഞ​റി​യി​ക്കാ​നാ​വാ​ത്ത ആ​ശ്വാ​സ​ത്തി​ലാ​ണ് ജോ​സ​ഫ്.


കേ​സ് ന​ട​ത്താ​ൻ പ​ണ​മി​ല്ലാ​യി​രു​ന്നു: എം.​ജെ. ജോ​സ​ഫ്

ഈ ​കേ​സി​ൽ ഞാ​ൻ അ​നു​ഭ​വി​ച്ച മാ​ന​സി​ക​പീ​ഡ​ന​ത്തി​നും ശാ​രീ​രി​ക അ​സ്വാ​സ്ഥ്യ​ങ്ങ​ൾ​ക്കും ക​ണ​ക്കി​ല്ല. എ​നി​ക്ക് ആ​ളോ ആ​രോ​ഗ്യ​മോ പൈ​സ​യോ ഇ​ല്ലാ​യി​രു​ന്നു. ദൈ​വ​ദൂ​ത​നെ​പ്പോ​ലെ ഒ​രു വ​ക്കീ​ലി​നെ കി​ട്ടി​യ​തി​നാ​ൽ നി​ര​പ​രാ​ധി​ത്വം തെ​ളി​യി​ക്കാ​നാ​യി. അ​തി​നു ദൈ​വ​ത്തി​നു ന​ന്ദി പ​റ​യു​ന്നു.

മി​ക്സ്ച​ർ ക​ന്പ​നി​യി​ൽ തു​ച്ഛ​മാ​യ ദി​വ​സ​ക്കൂ​ലി​യി​ൽ പ​ണി​യെ​ടു​ത്താ​ണ് ജീ​വി​തം. കി​ട്ടു​ന്ന​തു​കൊ​ണ്ടു മ​രു​ന്നു​വാ​ങ്ങാ​ൻ പോ​ലും തി​ക​യി​ല്ല. സാ​ധാ​ര​ണ​ക്കാ​ര​ൻ എ​ത്ര നി​ര​പ​രാ​ധി ആ​ണെ​ങ്കി​ലും കേ​സി​ൽ അ​ക​പ്പെ​ടാ​മെ​ന്ന് ഞാ​ൻ അ​നു​ഭ​വി​ച്ച​റി​ഞ്ഞു. പെ​ൺ​കു​ട്ടി​യോ​ടും ദേ​ഷ്യ​മി​ല്ല. അ​വ​ളു​ടെ പ്രാ​യ​ത്തി​ന്‍റെ ബു​ദ്ധി​മോ​ശ​മെ​ന്നേ ഞാ​ൻ ക​രു​തു​ന്നു​ള്ളൂ. ഇ​നി ആ​രോ​ട് എ​ന്തു പ​രാ​തി പ​റ​യാ​ൻ...

പോ​ലീ​സി​ന്‍റെ വീ​ഴ്ച: അ​ഡ്വ.​പി. പി. ​ബൈ​ജു


2022ൽ ​ന​ട​ന്ന കേ​സ്. യാ​തൊ​രു തെ​ളി​വും ല​ഭി​ക്കാ​തെ പോ​ലീ​സ് ഒ​രാ​ളെ കു​റ്റ​വാ​ളി​യാ​ക്കി അ​ക​ത്താ​ക്കി​യ ദാ​രു​ണ സം​ഭ​വം. പോ​ലീ​സ് പെ​ൺ​കു​ട്ടി​യു​ടെ 164 സ്റ്റേ​റ്റ്മെ​ന്‍റ് തു​ട​ക്ക​ത്തി​ൽ എ​ടു​ക്കാ​തി​രു​ന്ന​തു​ത​ന്നെ ദു​രൂ​ഹ​മാ​ണ്.

മ​ന​സ്താ​പ​ത്താ​ലാ​വാം വി​സ്താ​ര​സ​മ​യ​ത്ത് പെ​ൺ​കു​ട്ടി മൊ​ഴി തി​രു​ത്തി​യ​ത്. അ​ല്ലെ​ങ്കി​ൽ ഒ​രു നി​ര​പ​രാ​ധി ശി​ക്ഷി​ക്ക​പ്പെ​ടു​ക​യും പ്ര​തി സ്വ​ത​ന്ത്ര​നാ​യി വി​ഹ​രി​ക്കു​ക​യും ചെ​യ്യു​ന്ന സ്ഥി​തി​യു​ണ്ടാ​യേ​നെ. ഒ​രു നി​ര​പാ​ധി​യെ​യും കു​ടും​ബ​ത്തെ​യും സ​മൂ​ഹ​ത്തി​ന്‍റെ മു​മ്പി​ൽ നാ​ണം കെ​ടു​ത്തി​യ​തി​ന് ആ​രു സ​മാ​ധാ​നം പ​റ​യും? ജ​യി​ലി​ൽ ഈ ​മ​നു​ഷ്യ​ൻ അ​നു​ഭ​വി​ച്ച മ​നോ​പീ​ഡ​ക​ൾ​ക്ക് ആ​ര് പ​രി​ഹാ​രം ചെ​യ്യും?

ലീ​ഗ​ൽ സ​ർ​വീ​സ് അ​ഥോ​റി​റ്റി​ക്കാ​ർ പോ​ലും ഇ​ദ്ദേ​ഹ​ത്തി​നു ന​ഷ്ട​പ​രി​ഹാ​രം ന​ൽ​ക​ണ​മെ​ന്നു നി​ർ​ദേ​ശി​ക്കാ​ത്ത​തു ഖേ​ദ​ക​ര​മാ​ണ്. വീ​ഴ്ച വ​രു​ത്തി​യ​വ​ർ​ക്കെ​തി​രേ ന​ട​പ​ടി​യെ​ടു​ക്കാ​നും ന​ഷ്ട​പ​രി​ഹാ​രം ന​ൽ​കാ​നും സ​ർ​ക്കാ​രി​നു ബാ​ധ്യ​ത​യു​ണ്ട്.