ബ്രൂവറി: സര്‍ക്കാരിന്‍റെ ധാര്‍ഷ്‌ട്യമെന്നു കെസിബിസി മദ്യവിരുദ്ധ സമിതി
Sunday, September 28, 2025 12:16 AM IST
കൊച്ചി : പാലക്കാട് പ്രദേശവാസികളെ നിത്യദുരിതത്തിലാഴ്ത്താന്‍ ബ്രൂവറി നിര്‍മാണവുമായി മുന്നിട്ടിറങ്ങിയിരിക്കുന്ന സര്‍ക്കാരിന്‍റെ ധാര്‍ഷ്‌ട്യം മദ്യത്തിന്‍റെയും മാരക രാസലഹരിമരുന്നുകളുടെയും ദുരിതവും ദുരന്തവും പേറുന്നവര്‍ തിരിച്ചറിയുന്നുണ്ടെന്ന് കെസിബിസി മദ്യവിരുദ്ധസമിതി സംസ്ഥാന സെക്രട്ടറി പ്രസാദ് കുരുവിള.
തെരഞ്ഞെടുപ്പിനെ നേരിടേണ്ടവര്‍ ബാലറ്റിനെ ഭയക്കണം. മദ്യത്തിന്‍റെയും മാരക രാസലഹരിമരുന്നുകളുടെയും ഹബ്ബായി മാറിയിരിക്കുന്ന സംസ്ഥാനത്ത് സർക്കാർ എരിതീയില്‍ എണ്ണയൊഴിക്കുകയാണ്. ജനവികാരം അധികാരികൾ തിരിച്ചറിയണം. മദ്യത്തിന്‍റെയും മാരക രാസലഹരികളുടെയും വിപത്തിനെതിരേ സ്ത്രീശക്തീകരണം ശക്തമാക്കുമെന്നും അദ്ദേഹം പറഞ്ഞു.