പാ​ലാ: കി​ർ​ഗി​സ്ഥാ​നി​ലെ ബി​ഷ്കേ​ക്കി​ൽ ഈ മാസം മൂന്ന് മു​ത​ൽ13 വ​രെ ന​ട​ന്ന ഏ​ഷ്യ​ൻ ചാ​മ്പ്യ​ൻ​ഷി​പ്പി​ൽ റെ​സി​ലിം​ഗി​ൽ ഏഴ് സ്വ​ർ​ണ​വും ഒ​രു വെ​ങ്ക​ല​വു​മാ​യി ഇ​ന്ത്യ കി​രീ​ടം നേ​ടി​യ​ത് പാ​ലാ മേ​വ​ട സ്വ​ദേ​ശി ബി​ജു കു​ഴു​മു​ള്ളി​ലി​ന്‍റെ നേ​തൃ​ത്വ​ത്തി​ലാ​ണ്.

നാ​ലാം ത​വ​ണ​യാ​ണ് ബി​ജു ഇ​ന്ത്യ​ക്കാ​യി പ​രി​ശീ​ല​ക വേ​ഷം അ​ണി​യു​ന്ന​ത്. 2016 (ചൈ​ന), 2018 (ഡ​ൽ​ഹി), 2024 (താ​യ്‌​ല​ൻ​ഡ്) വ​ർ​ഷ​ങ്ങ​ളി​ൽ വി​വി​ധ ഇ​ന്ത്യ​ൻ ടീ​മു​ക​ളു​ടെ പ​രി​ശീ​ല​ക​നാ​യി ബി​ജു കു​ഴി​മു​ള്ളി​ല്‍ ഇ​ന്ത്യ​ൻ ജ​ഴ്സി അ​ണി​ഞ്ഞി​ട്ടു​ണ്ട്.

2024 താ​യ്‌​ല​ൻ​ഡി​ൽ ന​ട​ന്ന അ​ണ്ട​ർ 17 ഏ​ഷ്യ​ൻ ചാ​മ്പ്യ​ൻ​ഷി​പ്പി​ലും ബി​ജു​വി​ന്‍റെ നേ​തൃ​ത്വ​ത്തി​ൽ ഇ​റ​ങ്ങി​യ ഇ​ന്ത്യ​ൻ ടീം ​ജേ​താ​ക്ക​ളാ​യി​രു​ന്നു.

പാ​ലാ സെന്‍റ് തോ​മ​സ് കോ​ള​ജി​ലെ പ​ഠ​ന​കാ​ല​ത്ത് ഗു​സ്തി​യി​ൽ സം​സ്ഥാ​ന - സൗ​ത്ത് ഇ​ന്ത്യ ചാ​മ്പ്യ​നും കേ​ര​ള​കേ​സ​രി​യു​മാ​യി​രു​ന്ന ബി​ജു പി​ന്നീ​ട് എ​ൻഐഎ​സ് കോ​ച്ചിം​ഗ് ഡി​പ്ലോ​മ നേ​ടി ഗു​സ്തി പ​രി​ശീ​ല​ന രം​ഗ​ത്തേ​ക്ക് ക​ട​ന്നു വ​രി​ക​യാ​യി​രു​ന്നു.

മാ​ന്നാ​നം കെ​ഇ കോ​ള​ജി​നെ എംജി യൂ​ണി​വേ​ഴ്സി​റ്റി ചാ​മ്പ്യ​ന്മാ​രാ​ക്കി 1987-ൽ ​തു​ട​ങ്ങി​യ ഗു​സ്തി പ​രി​ശീ​ല​ന ജീ​വി​തം ത​ന്‍റെ മാ​തൃ ക​ലാ​ല​യ​മാ​യ പാ​ലാ സെന്‍റ് തോ​മ​സ് കോ​ള​ജ് ഉ​ൾ​പ്പെ​ടെ നി​ര​വ​ധി സ്ഥാ​പ​ന​ങ്ങ​ളെ വി​ജ​യ​പീ​ഠ​ത്തി​ൽ എ​ത്തി​ച്ചി​ട്ടു​ണ്ട്.

ദേ​ശീ​യ ത​ല​ങ്ങ​ളി​ൽ മി​ക​ച്ച പ്ര​ക​ട​നം കാ​ഴ്ച​വ​ച്ച നൂ​റു​ക​ണ​ക്കി​ന് ശി​ഷ്യ​ന്മാ​ർ ബി​ജു​വി​ന്‍റെ കീ​ഴി​ൽ പ​രി​ശീ​ല​നം നേടിയി​ട്ടു​ണ്ട്.

സ്പോ​ർ​ട്സ് കൗ​ൺ​സി​ൽ കോ​ച്ചാ​യി ഔ​ദ്യോ​ഗി​ക ജീ​വി​ത​മാ​രം​ഭി​ച്ച ഇ​ദ്ദേ​ഹ​ത്തി​ന്‍റെ ശി​ഷ്യ​ന്മാ​ർ ചേ​ർ​ന്ന് രൂ​പീ​ക​രി​ച്ച ബി​ജൂ​സ് അ​ക്കാ​ദ​മി എ​ന്ന ഗു​സ്തി പ​രി​ശീ​ല​ന​സ്ഥാ​പ​ന​ത്തി​ന്‍റെ മു​ഖ്യ പ​രി​ശീ​ല​ക​നാ​യി ഇ​പ്പോ​ൾ സേ​വ​ന​മ​നു​ഷ്ഠി​ച്ചു​വ​രു​ന്നു.

കേ​ര​ള​ത്തി​ൽ മ​തി​യാ​യ പ​രി​ശീ​ല​ന സൗ​ക​ര്യ​ങ്ങ​ൾ ല​ഭ്യ​മാ​ക്കി​യാ​ൽ ഒ​രു​പി​ടി ഒ​ളി​മ്പ്യ​ന്മാ​രെ മ​ല​യാ​ള​ത്തി​ന് സ​മ്മാ​നി​ക്കാ​നാ​വു​മെ​ന്ന ശു​ഭ​പ്ര​തീ​ക്ഷ​യി​ലാ​ണ് ഇ​ദ്ദേ​ഹം. ഭാ​ര്യ ദീ​പ അ​ധ്യാ​പി​ക​യാ​ണ്. മ​ക്ക​ൾ ഗൗ​തം ഗോ​വി​ന്ദ്.