പെ​രു​വ: മാ​സ​ങ്ങ​ളാ​യി വ്യാ​പാ​രി​ക​ളും മു​ള​ക്കു​ളം പ​ഞ്ചാ​യ​ത്തും നേ​രി​ട്ടി​രു​ന്ന പെ​രു​വ​യി​ലെ ജൈ​വ​മാ​ലി​ന്യ പ്ര​ശ്‌​ന​ത്തി​ന് പ​രി​ഹാ​ര​മാ​കു​ന്നു. പെ​രു​വ മാ​ര്‍​ക്ക​റ്റി​ലെ​യും ടാ​ക്‌​സി സ്റ്റാ​ന്‍​ഡി​ലെ​യും എ​യ​റോ​ബി​ക് ക​മ്പോ​സ്റ്റിം​ഗ് യൂ​ണിറ്റ് പ്ര​വ​ര്‍​ത്ത​നസ​ജ്ജ​മാ​കു​ന്ന​തോ​ടെ​യാ​ണ് മാ​ലി​ന്യ പ്ര​തി​സ​ന്ധി​ക്കു പ​രി​ഹാ​ര​മാ​കു​ന്ന​ത്.

ശു​ചി​ത്വ​മി​ഷ​നും മു​ള​ക്കു​ളം പ​ഞ്ചാ​യ​ത്തും സം​യു​ക്ത​മാ​യാ​ണ് 2024-25 വ​ര്‍​ഷ​ത്തെ പ​ദ്ധ​തി​യി​ല്‍​പ്പെ​ടു​ത്തി തു​മ്പൂ​ര്‍​മൂഴി മാ​തൃ​ക​യി​ലാ​ണ് മാ​ലി​ന്യസം​സ്‌​ക​ര​ണ പ്ലാ​ന്‍റ് സ്ഥാ​പി​ച്ച​ത്.

ടാ​ക്‌​സി സ്റ്റാ​ന്‍​ഡി​ലെ പ്ലാ​ന്‍റി​ന് 5.52 ല​ക്ഷ​വും മാ​ര്‍​ക്ക​റ്റി​ലേ​തി​ന് 3.52 ല​ക്ഷ​വു​മാ​ണ് നി​ര്‍​മാ​ണച്ചെ​ല​വ് വ​ന്നി​ട്ടു​ള്ള​ത്. പ​ച്ച​ക്ക​റി, മ​ത്സ്യം, മാം​സം തു​ട​ങ്ങി ദ്ര​വി​ക്കു​ന്ന രീ​തി​യി​ലു​ള്ള ഏ​തുമാ​ലി​ന്യ​വും ഇ​വി​ടെ സം​സ്‌​ക​രി​ക്കാ​നാ​കും.

വ്യാ​പാ​രി​ക​ളും ശു​ചീ​ക​ര​ണത്തൊ​ഴി​ലാ​ളി​ക​ളും മാ​ലി​ന്യം ഇ​വി​ടെ എ​ത്തി​ച്ചു ന​ല്‍​കി​യാ​ല്‍ പ്ലാ​ന്‍റി​ലൂ​ടെ അ​ത് വ​ള​മാ​ക്കി മാ​റ്റു​ന്ന പ്ര​ക്രിയ​യാ​ണ് ന​ട​പ്പാ​ക്കു​ന്ന​ത്.
പു​തി​യ മാ​ലി​ന്യസം​സ്‌​ക​ര​ണ പ്ലാ​ന്‍റു​ക​ളു​ടെ ഉ​ദ്ഘാ​ട​നം 16-ന് ​ന​ട​ക്കു​മെ​ന്ന് മു​ള​ക്കു​ളം പ​ഞ്ചാ​യ​ത്ത് പ്ര​സി​ഡ​ന്‍റ് ടി.​കെ. വാ​സു​ദേ​വ​ന്‍ നാ​യ​ര്‍ പ​റ​ഞ്ഞു. സൗ​ജ​ന്യ​മാ​യി​ട്ടാ​ണ് വ്യാ​പാ​രി​ക​ളി​ല്‍​നി​ന്ന് പ്ലാ​ന്‍റി​ല്‍ മാ​ലി​ന്യം ശേ​ഖ​രി​ക്കു​ന്ന​തെ​ന്നും പ്ര​സി​ഡ​ന്‍റ് അ​റി​യി​ച്ചു.