സര്‍ഗക്ഷേത്ര പ്രഭാഷണ പരമ്പര: ഇന്ന് സിബി മലയില്‍
1582768
Sunday, August 10, 2025 7:23 AM IST
ചങ്ങനാശേരി: ചെത്തിപ്പുഴ സര്‍ഗക്ഷേത്ര പ്രഫഷണല്‍ ഫോറത്തിന്‍റെ ആഭിമുഖ്യത്തിലുള്ള 45-ാമത് എന്‍റെ ജീവിതം പ്രഭാഷണ-സംവാദ പരമ്പരയില്‍ ഇന്ന് വൈകുന്നേരം ആറിന് പ്രശസ്ത സിനിമാ സംവിധായകന്‍ സിബി മലയില്‍ തന്‍റെ ജീവിതാനുഭവങ്ങള്‍ പങ്കുവയ്ക്കും.
സര്‍ഗക്ഷേത്ര സീനിയര്‍ സിറ്റിസണ്‍സ് ഫോറം, ഡോ. ജോര്‍ജ് പടനിലം ഫൗണ്ടേഷന്‍ ട്രസ്റ്റ്, സര്‍ഗക്ഷേത്ര 89.6 എഫ്എം റേഡിയോ, ക്രിസ്തുജ്യോതി കോളജ്, എസ്ബി കോളജ് എന്‍എസ്എസ് യൂണിറ്റ് എന്നിവരുടെ പങ്കാളിത്തത്തോടെ നടപ്പാക്കുന്ന സുരക്ഷിതമല്ലാത്തതും വാസയോഗ്യമല്ലാത്തതുമായ വീടുകള്‍ നവീകരിച്ച് ദുര്‍ബല കുടുംബങ്ങളെ സഹായിക്കുന്ന റീബില്‍ഡ് പദ്ധതിയുടെ ലോഗോ പ്രകാശനവും ചടങ്ങില്‍ നടക്കും.
സര്‍ഗക്ഷേത്ര രക്ഷധികാരി ഫാ. തോമസ് കല്ലുകളം സിഎംഐ അധ്യക്ഷത വഹിക്കും. ഡയറക്ടര്‍ ഫാ. അലക്സ് പ്രായിക്കളം സിഎംഐ, സീനിയര്‍ സിറ്റിസണ്‍സ് ഫോറം പ്രസിഡന്‍റ് ജോസ് ജോസഫ്, പ്രഫഷണല്‍ ഫോറം സെക്രട്ടറി ആന്‍റണി ജേക്കബ്, ഡോ. അഗസ്റ്റിന്‍, ഡോ. ആന്‍റണി തോമസ്, ടി.കെ. തോമസുകുട്ടി എന്നിവര്‍ പ്രസംഗിക്കും.