കോ​ട്ട​യം: ക​ര്‍ഷ​ക​ര്‍ ഉ​ത്പാ​ദി​പ്പി​ക്കു​ന്ന പ​ഴ​വ​ര്‍ഗ​ങ്ങ​ള്‍ക്കു വി​ല​യി​ടി​വു നേ​രി​ടു​മ്പോ​ഴും ത​ല ഉ​യ​ര്‍ത്തി​പ്പി​ടി​ച്ചു നി​ല്‍ക്കു​ക​യാ​ണ് ഞാ​ലി​പ്പൂ​വ​ന്‍. ഒ​രു കി​ലോ​ഗ്രാം ഞാ​ലി​പ്പൂ​വ​ന്‍ പ​ഴ​ത്തി​ന്‍റെ വി​പ​ണിവി​ല ഇ​പ്പോ​ൾ 100 രൂ​പ​യാ​ണ്. വി​പ​ണി​യി​ല്‍ എ​ല്ലാ​ സ​മ​യ​ത്തും 50 രൂ​പ​യ്ക്കു മു​ക​ളി​ൽ ഞാ​ലി​പ്പൂ​വ​ന് വി​ല.

ഒ​രു ഞാ​ലി​പ്പൂ​വ​ന്‍ കു​ല 10 മു​ത​ല്‍ 14 കി​ലോ​വ​രെ തൂ​ക്കം വരും. ഒ​രു വാ​ഴ​യ്ക്ക് 100 രൂ​പ​യി​ല്‍ താ​ഴെ മാ​ത്ര​മാ​ണ് ഉ​ത്പാ​ദ​നച്ചെ​ല​വ്. മു​ന്‍കാ​ല​ങ്ങ​ളി​ല്‍ നാ​ട്ടി​ന്‍പു​റ​ങ്ങ​ളി​ല്‍ വ്യാ​പ​ക​മാ​യി ഞാ​ലി​പ്പൂവ​ന്‍ കൃ​ഷി ചെ​യ്യു​മാ​യി​രു​ന്നു.

ഇ​വി​ടു​ത്തെ ഞാ​ലി​പ്പൂവ​ന്‍ കൃ​ഷി​യെ ത​ക​ര്‍ക്കാ​ന്‍ ഇ​ത​ര​സം​സ്ഥാ​ന ലോ​ബി ആ​ഴ​ത്തി​ല്‍ ചെ​ത്തി​യ വാ​ഴ​ക്ക​ന്നു​ക​ള്‍ വ്യാ​പ​ക​മാ​യി കേ​ര​ള​ത്തി​ലേ​ക്ക് ഇ​റ​ക്കി അ​ത്യു​ത്പാ​ദ​ന ശേ​ഷി​യു​ള്ള​താ​ണെ​ന്ന് തെ​റ്റി​ദ്ധ​രി​പ്പി​ച്ചു ക​ച്ച​വ​ട​ക്കാ​രെ ഇ​ട​നി​ല​ക്കാ​രാ​ക്കി ക​ര്‍ഷ​ക​രി​ലെ​ത്തി​ച്ചു. ഇ​തു​ വാ​ങ്ങി കൃ​ഷി​ചെ​യ്ത ക​ര്‍ഷ​ക​രു​ടെ ക​ന്നു​ക​ള്‍ വ്യാ​പ​ക​മാ​യി ചീ​ഞ്ഞു​പോ​യി. ഇ​പ്പോ​ള്‍ കേ​ര​ള വി​പ​ണി​യി​ല്‍ എ​ത്തു​ന്ന ഞാ​ലി​പ്പൂ​വ​ൻ വാ​ഴ​ക​ളി​ൽ 80 ശ​ത​മാ​ന​വും ഇ​ത​ര സം​സ്ഥാ​ന​ങ്ങ​ളി​ല്‍നി​ന്നും എ​ത്തു​ന്ന​വ​യാ​ണ്.

ഗു​ണ​നി​ല​വാ​ര​മി​ല്ലാ​ത്ത വാ​ഴ​ക്ക​ന്നു​ക​ള്‍ വ്യാ​പ​ക​മാ​യി വി​പ​ണി​യി​ല്‍ എ​ത്തി​യ​താ​ണ് ഞാ​ലി​പ്പൂ​വ​ന്‍ കൃ​ഷി​ക്ക് വി​ന​യാ​യ​ത്. ഗു​ണ​നി​ല​വാ​ര​മു​ള്ള വി​ത്തു​ക​ള്‍ ക​ര്‍ഷ​ക​ര്‍ക്ക് ല​ഭ്യ​മാ​ക്കി ഞാ​ലി​പ്പൂ​വ​ന്‍ കൃ​ഷി പ്രോ​ത്സാ​ഹി​പ്പി​ക്കാ​ന്‍ കൃ​ഷി​വ​കു​പ്പ് ന​ട​പ​ടി സ്വീ​ക​രി​ക്ക​ണ​മെ​ന്ന് ക​ര്‍ഷ​ക കോ​ണ്‍ഗ്ര​സ് ജി​ല്ലാ ജ​ന​റ​ല്‍ സെ​ക്ര​ട്ട​റി എ​ബി ഐ​പ്പ് ആ​വ​ശ്യ​പ്പെ​ട്ടു.