തൃ​​​ശൂ​​​ർ: അ​ര​നൂ​റ്റാ​ണ്ടി​ലേ​റെ​ക്കാ​ലം ഇ​ന്ത്യ​യി​ലെ പൗ​ര​സ്ത്യ അ​സീ​റി​യ​ൻ സ​ഭ​യെ ന​യി​ച്ച ഇ​ട​യ​ശ്രേ​ഷ്ഠ​ന് ഇ​ന്നു വി​ശ്വാ​സി​സ​മൂ​ഹം വി​ട​ചൊ​ല്ലും.

സ​ഭ​യു​ടെ മു​ൻ അ​ധ്യ​ക്ഷ​നും പാ​ത്രി​യാ​ർ​ക്ക പ്ര​തി​നി​ധി​യു​മാ​യ മാ​ർ അ​പ്രേം മെ​ത്രാ​പ്പോ​ലീ​ത്ത​യു​ടെ ക​ബ​റ​ട​ക്കം ഇ​ന്നു ന​ട​ക്കും. മാ​ർ​ത്ത്മ​റി​യം വ​ലി​യ​പ​ള്ളി​യ​ങ്ക​ണ​ത്തി​ലെ കു​രു​വി​ള​യ​ച്ച​ൻ പ​ള്ളി​യി​ൽ ക​ബ​റ​ട​ങ്ങി​യി​രി​ക്കു​ന്ന സ​ഭാ​പി​താ​ക്ക​ൻ​മാ​ർ​ക്കു സ​മീ​പ​മാ​ണ് മാ​ർ അ​പ്രേ​മി​നു പ്ര​ത്യേ​ക ക​ല്ല​റ ഒ​രു​ക്കി​യി​ട്ടു​ള്ള​ത്.

ഇ​​​ന്നു രാ​​​വി​​​ലെ ഏ​​​ഴി​​​നു വി​​​ശു​​​ദ്ധ കു​​​ർ​​​ബാ​​​ന. പ​​​തി​​​നൊ​​​ന്നോ​​​ടെ ആ​​​ദ്യ​​​ഘ​​​ട്ട സം​​​സ്കാ​​​ര​​​ശു​​​ശ്രൂ​​​ഷ​​​ക​​​ൾ പൂ​​​ർ​​​ത്തി​​​യാ​​​കും. 11നു ​​​ന​​​ഗ​​​രി​​​കാ​​​ണി​​​ക്ക​​​ൽ ശു​​​ശ്രൂ​​​ഷ ഹൈ​​​റോ​​​ഡി​​​ൽ​​​നി​​​ന്നു സ്വ​​​രാ​​​ജ് റൗ​​​ണ്ടി​​​ലെ​​​ത്തി​​​യ​​​ശേ​​​ഷം റൗ​​​ണ്ട് ചു​​​റ്റി തി​​​രി​​​കെ പ​​​ള്ളി​​​യി​​​ൽ സ​​​മാ​​​പി​​​ക്കും. മു​​​ൻ​​​നി​​​ര​​​യി​​​ൽ വാ​​​ഹ​​​ന​​​വും ബാ​​​ന​​​റും കു​​​രി​​​ശു​​​ക​​​ളും പ​​​ട്ടു​​​കു​​​ട​​​ക​​​ളും. കാ​​​ൽ​​​ഡി​​​യ​​​ൻ സ്കൂ​​​ളി​​​ലെ 400 വി​​​ദ്യാ​​​ർ​​​ഥി​​​ക​​​ൾ ക​​​റു​​​ത്ത കൊ​​​ടി​​​യു​​​മാ​​​യി അ​​​ണി​​​നി​​​ര​​​ക്കും. പൗ​​​ര​​​സ​​​മി​​​തി നേ​​​തൃ​​​ത്വം, വി​​​ശ്വാ​​​സി​​​ക​​​ൾ, വൈ​​​ദി​​​ക​​​ർ, മേ​​​ൽ​​​പ്പ​​​ട്ട​​​ക്കാ​​​ർ എ​​​ന്നി​​​വ​​​രു​​​മു​​​ണ്ടാ​​​കും. പി​​​ന്നി​​​ൽ മാ​​​ർ അ​​​പ്രേം മെ​​​ത്രാ​​​പ്പോ​​​ലീ​​​ത്ത​​​യു​​​ടെ ഭൗ​​​തി​​​ക​​​ശ​​​രീ​​​രം വ​​​ഹി​​​ച്ചു​​​ള്ള വാ​​​ഹ​​​നം നീ​​​ങ്ങും.‌


ഉ​​​ച്ച​​​യ്ക്ക് ഒ​​​ന്നി​​​നു സം​​​സ്ഥാ​​​ന​​​ സ​​​ർ​​​ക്കാ​​​രി​​​ന്‍റെ ഔ​​​ദ്യോ​​​ഗി​​​ക​​​ബ​​​ഹു​​​മ​​​തി​​​ക​​​ൾ​​​ക്കു​​​ശേ​​​ഷം കു​​​രു​​​വി​​​ള​​​യ​​​ച്ച​​​ൻ​​​പ​​​ള്ളി​​​യി​​​ൽ ന​​​ട​​​ക്കു​​​ന്ന സം​​​സ്കാ​​​ര​​​ശു​​​ശ്രൂ​​​ഷ​​​ക​​​ൾ​​​ക്കു മാ​​​ർ ഔ​​​ഗി​​​ൻ കു​​​ര്യാ​​​ക്കോ​​​സ് മെ​​​ത്രാ​​​പ്പോ​​​ലീ​​​ത്ത മു​​​ഖ്യ​​​കാ​​​ർ​​​മി​​​ക​​​ത്വം വ​​​ഹി​​​ക്കും.