മുന്നാക്ക വീടുകളുടെ പുനരുദ്ധാരണ പദ്ധതിയിലേക്ക് അപേക്ഷിക്കാം
Saturday, August 30, 2025 2:13 AM IST
തിരുവനന്തപുരം: മുന്നാക്ക സമുദായ ക്ഷേമ കോർപറേഷൻ സംസ്ഥാനവ്യാപകമായി നടപ്പിലാക്കുന്ന ഭവന സമുന്നതി (2025-26) പദ്ധതിയിലേക്ക് അപേക്ഷ ക്ഷണിച്ചു.
വാസയോഗ്യമല്ലാതെയും അടച്ചുറപ്പില്ലാതെയുമുള്ള ഭവനങ്ങളിൽ താമസിക്കുന്ന സംവരണേതര വിഭാഗങ്ങളിലെ നാലു ലക്ഷം രൂപയിൽ താഴെ കുടുംബ വാർഷിക വരുമാനമുള്ളവരുടെ ഭവനങ്ങളുടെ അറ്റകുറ്റപ്പണികൾക്കാണ് ധനസഹായം.
സെപ്റ്റംബർ ഒന്നു മുതൽ 30 വരെ അപേക്ഷ സമർപ്പിക്കാം. അപേക്ഷാഫോമിനും വിശദവിവരങ്ങൾക്കും: www.kswcfc.org