പ​ത്ത​നം​തി​ട്ട: സം​സ്ഥാ​ന​ത്ത്​ സ​ർ​ക്കാ​ർ, എ​യ്​​ഡ​ഡ്​ മേ​ഖ​ല​യി​ൽ 1157 സ്കൂ​ൾ കെ​ട്ടി​ട​ങ്ങ​ൾ സു​ര​ക്ഷി​ത​മ​ല്ലെ​ന്നു ക​ണ്ടെ​ത്ത​ൽ. സു​ര​ക്ഷി​ത​മാ​യ കെ​ട്ടി​ടം ഇ​ല്ലാ​ത്ത​തി​ന്‍റെ പേ​രി​ൽ 99 സ​ർ​ക്കാ​ർ സ്കൂ​ളു​ക​ൾ പ്ര​വ​ർ​ത്തി​ക്കു​ന്ന​ത് വാ​ട​കക്കെ​ട്ടി​ട​ങ്ങ​ളി​ൽ.

കൊ​ല്ലം തേ​വ​ല​ക്ക​ര സ​ർ​ക്കാ​ർ സ്കൂ​ൾ കെ​ട്ടി​ട​ത്തോ​ടു ചേ​ർ​ന്നു​ള്ള വൈ​ദ്യു​ത ലൈ​നി​ൽ ത​ട്ടി വി​ദ്യാ​ർ​ഥി മ​രി​ച്ച ​സം​ഭ​വ​ത്തി​നു​ശേ​ഷം സം​സ്ഥാ​ന​ത്തെ സ്കൂ​ളു​ക​ളി​ൽ ന​ട​ന്ന സു​ര​ക്ഷാ പ​രി​ശോ​ധ​ന​യി​ലാ​ണ് ഇ​ത്ര​യ​ധി​കം സ്കൂ​ൾ കെ​ട്ടി​ട​ങ്ങ​ൾ സു​ര​ക്ഷി​ത​മ​ല്ലെ​ന്ന റി​പ്പോ​ർ​ട്ട് ന​ൽ​കി​യി​രി​ക്കു​ന്ന​ത്.
ഇ​വ‍യി​ല​ധി​കം കെ​ട്ടി​ട​ങ്ങ​ൾ‌​ക്കും ക​ഴി​ഞ്ഞ ജൂ​ൺ ഒ​ന്നി​ന് പു​തി​യ അ​ധ്യ​യ​ന വ​ർ​ഷം ആ​രം​ഭി​ക്കു​ന്ന​തി​നോ​ട​നു​ബ​ന്ധി​ച്ച് ബ​ന്ധ​പ്പെ​ട്ട ത​ദ്ദേ​ശ സ്ഥാ​പ​ന​ങ്ങ​ൾ ഫി​റ്റ്ന​സ് സ​ർ​ട്ടി​ഫി​ക്ക​റ്റ് ന​ൽ​കി​യി​രു​ന്ന​താ​ണ്. എ​ന്നാ​ൽ തേ​വ​ല​ക്ക​ര അ​പ​ക​ട​ത്തി​നു പി​ന്നാ​ലെ എ​ല്ലാ പൊ​തു​വി​ദ്യാ​ല​യ​ങ്ങ​ളി​ലും ത​ദ്ദേ​ശ സ്ഥാ​പ​ന എ​ൻ​ജി​നി​യ​ർ​മാ​രും പൊ​തു​വി​ദ്യാ​ഭ്യാ​സ വ​കു​പ്പ് ഉ​ദ്യോ​ഗ​സ്ഥ​രും പ​രി​ശോ​ധ​ന​ക​ൾ ന​ട​ത്തു​ക​യും നി​ര​വ​ധി കെ​ട്ടി​ട​ങ്ങ​ൾ പൊ​ളി​ച്ചു​മാ​റ്റാ​ൻ നി​ർ​ദേ​ശം ന​ൽ​കു​ക​യു​മാ​ണു​ണ്ടാ​യ​ത്.
ക​ഴി​ഞ്ഞ​ദി​വ​സം നി​യ​മ​സ​ഭ​യി​ൽ സി.​ആ​ർ. മ​ഹേ​ഷ് എം​എ​ൽ​എ​യു​ടെ ചോ​ദ്യ​ത്തി​ന് സു​ര​ക്ഷി​ത​മ​ല്ലെ​ന്നു ക​ണ്ടെ​ത്തി​യ സ്കൂ​ൾ കെ​ട്ടി​ട​ങ്ങ​ളു​ടെ വി​ശ​ദാം​ശ​ങ്ങ​ൾ വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി നി​യ​മ​സ​ഭ​യി​ൽ അ​റി​യി​ക്കു​ക​യും ചെ​യ്തു.

സു​ര​ക്ഷി​ത​മ​ല്ലാ​ത്ത സ്കൂ​ൾ കെ​ട്ടി​ട​ങ്ങ​ൾ ഏ​റ്റ​വു​മ​ധി​കം ഉ​ള്ള​ത് കൊ​ല്ലം ജി​ല്ല​യി​ലാ​ണ്. കൊ​ല്ല​ത്തെ 143 കെ​ട്ടി​ട​ങ്ങ​ൾ​ക്ക് സു​ര​ക്ഷ സ​ർ​ട്ടി​ഫി​ക്ക​റ്റ് നി​ഷേ​ധി​ച്ചി​രി​ക്കു​ക​യാ​ണ്. ഇ​വ​യി​ലേ​റെ​യും സ​ർ​ക്കാ​ർ സ്കൂ​ളു​ക​ളാ​ണ്. ആ​ല​പ്പു​ഴ ജി​ല്ല​യി​ൽ- 134, എ​റ​ണാ​കു​ളം- 106 , ഇ​ടു​ക്കി- 73, ക​ണ്ണൂ​ർ- 67 കാ​സ​ർ​ഗോ​ഡ് - 77 , കോ​ട്ട​യം- 63, കോ​ഴി​ക്കോ​ട്​​- 47 , മ​ല​പ്പു​റം- 78, പാ​ല​ക്കാ​ട്​​ - 34, പ​ത്ത​നം​തി​ട്ട- 89 , ത്യ​ശൂ​ർ -102, തി​രു​വ​ന​ന്ത​പു​രം -120, വ​യ​നാ​ട് -​24 എ​ന്നി​ങ്ങ​നെ​യാ​ണ്​ സു​ര​ക്ഷി​ത​മ​ല്ലാ​ത്ത സ്കൂ​ൾ കെ​ട്ടി​ട​ങ്ങ​ളു​ടെ ക​ണ​ക്ക്.


എ​ന്നാ​ൽ ഈ ​കെ​ട്ടി​ട​ങ്ങ​ളി​ല​ധി​ക​വും നേ​ര​ത്തേ ത​ന്നെ ക്ലാ​സ് ന​ട​ത്താ​തെ ഒ​ഴി​ച്ചി​ട്ടി​രി​ക്കു​ന്ന​വ​യാ​ണെ​ന്ന് സ്കൂ​ൾ അ​ധി​കൃ​ത​ർ പ​റ​യു​ന്നു. സു​ര​ക്ഷി​ത​മ​ല്ലെ​ങ്കി​ൽ കൂ​ടി കെ​ട്ടി​ട​ങ്ങ​ൾ പൊ​ളി​ച്ചു​മാ​റ്റി​യി​ട്ടു​ണ്ടാ​യി​രു​ന്നി​ല്ല. എ​ന്നാ​ൽ ഉ​ദ്യോ​ഗ​സ്ഥ​രു​ടെ സം​യു​ക്ത പ​രി​ശോ​ധ​ന​യി​ൽ ചെ​റി​യ വി​ഷ​യ​ങ്ങ​ൾ​ക്കു പോ​ലും സു​ര​ക്ഷാ സ​ർ​ട്ടി​ഫി​ക്ക​റ്റ് നി​ഷേ​ധി​ച്ച​തോ​ടെ ന​ല്ല നി​ല​യി​ലു​ള്ള കെ​ട്ടി​ട​ങ്ങ​ളി​ലും ക്ലാ​സ് മു​റി​ക​ൾ ന​ട​ത്താ​ൻ അ​നു​മ​തി ന​ൽ​കി​യി​ല്ല. ഇ​തോ​ടെ പ​ല​യി​ട​ങ്ങ​ളി​ലും സു​ഗ​മ​മാ​യ പ​ഠ​ന സൗ​ക​ര്യ​ങ്ങ​ളു​ടെ പ്ര​ശ്ന​ങ്ങ​ളു​മു​ണ്ട്.

പു​തി​യ കെ​ട്ടി​ടം നി​ർ​മി​ക്കു​ന്ന​തു​മാ​യോ പ​ഴ​യ കെ​ട്ടി​ടം പൊ​ളി​ച്ചു നീ​ക്കു​ക​യോ സു​ര​ക്ഷി​ത​മ​ല്ലെ​ന്നു ക​ണ്ട് പ്ര​വ​ർ​ത്ത​നാ​നു​മ​തി നി​ഷേ​ധി​ക്കു​ക​യോ ചെ​യ്ത​തു​മാ​യി ബ​ന്ധ​പ്പെ​ട്ട് സ്ഥ​ല​സൗ​ക​ര്യം പ​രി​മ‌ി​ത​പ്പെ​ട്ട സ്കൂ​ളു​ക​ളി​ൽ ക്ലാ​സ് മു​റി​ക​ൾ പു​നഃ​ക്ര​മീ​ക​രി​ച്ചാ​ണ് അ​ധ്യ​യ​നം തു​ട​രു​ന്ന​ത്.

ഇ​തി​നി​ടെ സം​സ്ഥാ​ന​ത്തെ 99 സ​ർ​ക്കാ​ർ സ്കൂ​ളു​ക​ൾ വാ​ട​കക്കെട്ടി​ട​ങ്ങ​ളി​ലാ​ണ് പ്ര​വ​ർ​ത്തി​ക്കു​ന്ന​തെ​ന്നും നി​യ​മ​സ​ഭ​യി​ൽ വ്യ​ക്ത​മാ​ക്ക​പ്പെ​ട്ടു. ഇ​തി​ൽ ഏ​റ്റ​വു​മ​ധി​കം സ്കൂ​ളു​ക​ൾ മ​ല​പ്പു​റം ജി​ല്ല​യി​ലാ​ണ്. 33 സ്കൂ​ളു​ക​ളാ​ണ് മ​ല​പ്പു​റ​ത്ത് ഈ ​നി​ല​യി​ൽ പ്ര​വ​ർ​ത്തി​ക്കു​ന്ന​ത്. മ​റ്റു ജി​ല്ല​ക​ളി​ലെ ക​ണ​ക്കു​ക​ൾ. കൊ​ല്ലം - 1, പ​ത്ത​നം​തി​ട്ട - 3, ആ​ല​പ്പു​ഴ - 3, എ​റ​ണാ​കു​ളം - 5, തൃ​ശൂ​ർ - 7, പാ​ല​ക്കാ​ട് - 6, കോ​ഴി​ക്കോ​ട്- 11, വ​യ​നാ​ട് - 3, ക​ണ്ണൂ​ർ - 21, കാ​സ​ർ​ഗോ​ഡ് - 6. വാ​ട​ക​ക്കെ​ട്ടി​ട​ങ്ങ​ളി​ൽ പ്ര​വ​ർ​ത്തി​ക്കു​ന്ന​തി​ൽ ഏ​റെ​യും പ്രൈ​മ​റി സ്കൂ​ളു​ക​ളാ​ണ്.